القائمة الرئيسية

الصفحات

بغاني وبغيتوا

قصص جميلة


قصة قصيرة فيها عبرة

كان اسم ديالها مروة كان فالعمر ديالها 15 سنة كانت تاتقرا فليسي وخاطها الولد ملي كتخرج من الدار و هي حطا عينبها فالارض وملي كاترجع لدار كاتدخل لكوزينة من بعد وتراجع شوية وملي كاتسالي كتدخل لفايسبوك تهضر شويا معا صحاباتها
واحد النهار وكيف العادة كانت داخلة للفايسبوك وكدور فيه حتى بانو ليها تصاور ديال ولد عمها جالس مع 2 بنات على طابلة ديال الشراب و هي معجبهاش لحال وناضت و بقات تاتكومونطي على تصويرة ديال ولد عمها وصاحب ولد عمها بقا يرد عليها وصيفط لها أنفيطاسيو وبقاو يهضروا و أكتشفات بلي هاد الشخص سميتو سفيان و أخت ديالو صاحبت مروة وبقاو يهضرو لمدة طويلة بحال الاصدقاء و مع الوقت تعرفوا على بعضيتهم بزاف حتى لواحد نهار .
سفيان : مروة بغيت نهضر معاك فواحد الموضوع

مروة : مرحبا خير انشاء الله

سفيان : صراحة راكي عجبتيني وبغيتك تولي حبيبتي اش قولتي امروة ؟؟

مروة : سفيان أش كاتقول أنا بقا صغيرة  وزايدون مبغيت حتى واحد يكون فحياتي

وبقا سفيان لمدة ثلاثة أشهر وهو تايدوي معاها فنفس الموضوع ويقول ليها أنا كانبغيك و عجبتيني من أول نهار هضرت معاك عطيني غير فرصة حتى لواحد النهار قالت معا راسها علاش مانعطيهش فرصة أنا مخاصرا والوا أصلا سفيان ضريف وكايعاملني أحسن تعامل وفديك ليلة هضرت معاه وقالتلوا مروة : أنا قابلة بكون حبيبتك أسفيان  : ااااه و أخيرا مهم أمروة أجي عندي غدا بغيت نشوفك

مروة : فيين و علاش ؟

سفيان : فالقهوة عندي ليك مفاجئة

مروة : واخا صافي ان شاء الله المهم لاغدليه مروة لبسات مزيان وقادات شعرها و الحالة ههه و مشاة لقهوة فين تافقوا يتلاقاو غير وصلات دخلات لقاتوا مع بزاف ديال لبنات وهو فالوسط ديالهم

مروة : تبارك الله تبارك الله هادي هي المفاجئة ديالك جالس مع لبنات
وهي ماكملاتش كلامها حتى وقفوا كولهم وبقاو يقولو سنة حلوة يا جميل و المفاجئة كانت كبيرة وبزاف وهي احتفال بالعيد الميلاد ديالها 16 هي فرحات بزاااف وقالتليه سمحليا أسفيان ضلمتك أحياتي

سفيان : سكتي ماتقولي حتى كلمة أمروة هاد نهار جيلك وخاصكي تستمتغي بيييه وكانت أمسية زوينا ومروة زاد كبر فعينيها سفيان بهادشي ليدار المهم دازت شهرين على علاقتهم وكولشي كان عادي مزيان حتى لواحد نهار سفيان قال لمروة خاصني نهضر مع ولد عمك ونقوليه راني معلك وبلي كانبغيك وحتى نتي كاتبغيني حيت ماجاتش نخبي عليه وهو بحال خويا



مروة : واخا هاك حسن من المشاكيل و صداع و لكن مروة كانت غالطا وهنا غادي يبداو لمشاكيل ديال بصح 
سفيان تلاقا مع ولد عم مروة وصارحوا وعاود ليه العلاقة الحب لي كاتجمعوا معا مروة ولكن ولد عم مروة ماتقبلش الفكرة وتخاصم معاه وهددوا بالقتل الا مابعدش على على بنت عمو مروة الا أن حب سفيان كان كبير و قوي بزااف وقرر أنه مايستسلمش اما أن يفوز بالبنت لي كايبغي أو يموت على قبلها  .  ولد عم مروة مقدرش يعود العم ديالى على علاقة بنتوا مع سفيان وكان الحل الوحيد ديالو يصيفت شي بنت لعند العم ديالو وتعاود ليه كولشي على مروة و بالفعل هادشي ليكان أب ديالها عرف كولشي وكان المصير ديالها الضرب وحبسها لمدة أسبوع فالبيت ديالها متخرج مادرج ماتمشي تقرا و سفيان ملي عرف وشنوا وقع لحبيبتوا مشا عند عم مروة وعاودليه كولشي  و قالوا أنا باغيها علة سنة الله و رسوله و الله يجازيك بيخير دخل بيناتنا بالخير وفعلا العم ديال مروة مشا عند الاخ ديالوا وفهموا بلي سفيان ناوي الخير و باغي البنت لحلال و الاب ديال مروة بقا غير ساكت ويشوف حتى دخلت أخت ديال مروة وقالت  : لا لا مايمكنش أنا ختي تدي سفيان مستحيل و أنا غادي نقنعها ونقول ليها مايصلاحش ليك ... 

دخلت عندها لبيتها وقلتلها شوفي غادي تخوي راسك من هاد سفيان ونتي راكي مازالا صغيرة على هادشي و مازال المستقبل قدامك وزواج خليه هو لخر اختي 

مروة : ختي حسي بيا راه حتى انا عندي قلب و كانحس بيه و انا سفيان كانبغيه و غير هو لي نديه و الا مابغيتوش اندير شي فضيحة فراسي و خرجات ختها وبلعت عليها بالمفتاح و مروة بقات تعاود وتبكي وتدعي الله يفرج عليها ويشوف من محاينها وربي كبير وماخيبش مروة وبعد مرور يومين جاو عائلة سفيان باش يخطبوها لولدهم من عند أب ديالها وفعلا قبل حيت مابغاش بنتوا تزيد تعدب وقراو الفاتحة وتافقوا و بعد عامين يديرا العرس حتى دربات مروة 18 سنة بعد عامين تزوجوا وداروا العرس فمكناس ودابا راها فشهرها الاول كاتسنى شي فلوس ولا فليليسة هههه .

الا عجباتك القصة ماتنسايش تشجعيني بكليمة زوينة فكومونطير

أختكم نهيلة :
حسابي الشخصي : 
https://www.facebook.com/Nouhaila.Pub2019






تعليقات

5 تعليقات
إرسال تعليق
  1. بارطاجيو القصة مع صحابكم عن طريق الواتصاب و شجعوني بتعليق

    ردحذف
  2. Tbarek lah 3lih Nouha kmli raki ghada mzn

    ردحذف
  3. Wach had ssef7a khassa gha blbenat akhti nouha

    ردحذف
    الردود
    1. لا و لكن الاكثرية خاصة غير بلبنات فقط حيث لبنات لي خاصهوم يكونوا حدرين من بعض الاشياء لي تايوقعوا ليها فالحياة خاصها تاخد العبرة من هاد القصص و ليس القراءة فقط

      حذف

إرسال تعليق

🔴 ممنوع قراءة القصص المخيلة للآداب و أنت على صيام