القائمة الرئيسية

الصفحات

نصائح من دهب تخص البنت

نصائح من دهب تخص الفتيات و البنات , نصائح , نصائح بنات , نصائح الفتاة , نصائح في الحياة .

ما عرفتش منين نبدا ليكوم 
كاينين شلا كلام خاصني نقولهوم ليكم ألبنات 
هاد نصائح راه ماكاينش لي غادي يقولهوم ليكم كاامليييييييين 

قبل مانبدا الى ماكنتيش أتركزي معايا احبيبة بلا ماتقراي وسمحيلي 

اوكي , دبا لبنات نص لكبير فيهم او تقريبا كاملين تايحلموا يكون فحياتهوووم شاب وسيييم و غنيي نوعا ما أخلاقه راقية وزيد اوزيييد ,   متافقين معايت و لا لا . واخا . 

كيف تانشوفو بعض لبنات تايتصاحبوا وتايديرو داكشي مع ... وزيد اوزيد 
ولكن فلخر كلشي تايمشي فطريق حيت المتعة لي بغينا درناها صافي ... 
ولكن لي مضرور فهاد هادشي كااامل راه لبينت مئة بالمئة 

علاش ؟ , لبنت قلبها حنين و على سبا ... تاتيييق فكلشي فالشحص لي كااان معاها 
تاادير لي بغا ماتاتبقاش تفكر ... و هدا من أكبر الأخطاء لي تاتوقع فيهم .

نرجعوا لأخر نقطة لبنت هي لي مضرورة حيت هي لي تايتمارس عليها داكشي ... 
و الى وقعات شي حاجا راكوم عارفين ... لبنت لي تاتحصل و تاتبقا
مشوشا و تاتبكي وتاتندم الى اخره , 
ولكن دري أحبيبة ما عندو مايخسر و الله 

متافقين معايا حتالهنا ؟ 
واخا 


ادن بلا مانطول فالموضوع , لبنات لي كانو ضحايا قالوليكم شنو وقع ليهم باش نتوما ماطيحوش 
فلمشاكل لي طاحوو فيهم هما ومنه واخا هكاك شي بنات مامتحكمينش فراسهم بتاتا ,
وكاينين شي بنات تبارك الله عليهم قويااات وتااواحد مايضحك عليهوم و تحياتي ليكم من هاد المنبر .

وبغيت نقول ليكم تصاحيب او لمصاحبة راه علاقة غير شرعية يعني حراااااام ثم حراام و أكررها حرااام و أنصكم بقراااء سورة نور وتأمل في كلماتها جيدا ,

و الله راه مكرم الجنس الأنثوي بصفة عامة , ادن حافظوا على لكرامة ومكانة العظيييمة لي عطاكوم الله , بغيتكم تحسوا بهاد لهضرة لي تانقوليكم , ماشي غير تقراو وصافي .

وماديروش شي حاجا غير شرعية حيت غادي تحاسبوا عليها و الا تقلبات عليكم دنيا شي نهار تفكروا اش درتوا ... انعطيكوم مثال نيت ملي تاتصاحبي يعني تاديري حاجا محرم غير شرعية و فاخر هاد العلاقة ماتاتكمل علاش ماتاكملش حيث محرمة ... ونتي لي مضرورة كيف قلتلكم قبل .
غادي تضروا نفوسكوم في الدنيى و الاخرة وغادي تضروا كدلك واليديكوم لي تايتعدبوا باش يشوفوك فرحانة وأميرة في المنزل ... 



و في  الاخير أنقوليكم النصيحة لي هي علامن ضاير هادشي كامل : 


  1. تانصحك أحبيبة ديري لي قالك راسك , ماشي تشوفي صاحبتك دارت هادي اوا حتى انا نديرها تصاحبات صاحبتي اوا تا انا نتصاحب نو نو نو نو , كني حدرة من هادشي .
  1. بعدي من صحابات لخايبيين .
  2. و أهممممم نقطة هي بليييز ثم بلييز ماتخلابش على صلاتك , و الى ماتاتصليش صلي عافاك 
غاادي تحسي براحة نفسية و غادي تشووفي دنيا بمنظوور اخر و الله و عقلي على هضرتي .

صلي صلاتك + رضي واليديك + خدمي المنطق فحياتك + قرااي احبيبة على رااسك , قهاد زمان خاصك تكوني قاريا وخدامااا باش تقدي تهزي رااسك تقاااااتليييي .

خلاصة :

قراي على راسك + تقاتلي باش تخدمي و الله ماتايخيب تاواحد + تهلاي فواليديك و أكررها تهلاي فواليديك + عاد في الاخر شوفي راجل لي حاسا بيه ايليق ليك ... وقوليلو الى باغيني أجي قصد باب دارنا ديريكت ودااك سااع ما عندك مناش تخافي ...

بلا مانزيد نطول عليكوم 

الله يوفق الجميع ونتمنا تستافدوا من هاد لهضرة وتبدل أفكاركم , و الغرض ديالي هو كلشي يعيش مرتااح . 

والى بغات شي وحدة شي مساعدة مرحبا بيها و يمكن ليها تصيفت لنا رسالة أو تكتب تعليق لتحت ونتواصلوا على واتصاب او فيسبوك .


أختكم نهيلة و بالتوفيق .

تعليقات

🔴 ممنوع قراءة القصص المخيلة للآداب و أنت على صيام