التتمة
الأجزاء الرابعة
الا مازال ماقريتيش الأجزاء الأولى ... قرايهوم عاد كملي التتمة
قراءة ممتعة :
بعد ماسالات الدوش خرجات لبسات حويجها و نشفات شعرها وجلسات تاتسناه يرجع حيت خافت تخرج و تزبلها و لا تلاقا مع شي حد حيت يحسابها باقا فالقصر
بقات جالسة تاتسنا حتى جاها الملال رجليها تياكلوها باغا تنوض
يلاه خطات رجليها برا الباب و هي تسمع صوتو طاح ليها الماء فالركابي كان جالس فوق الفوتاي
علي: قلت ليك خرجي
ايزرا: هاا لا و لكن (خرجات فيه عينيها ماللي شمات ريحة البحر) فين حنا ؟؟
خرجات تاتجري لبرا تدور فعينيها بان ليها البحر فليمن ليسر القدام اللور بحدهم اللي كاينين يلاه ادور ترجع عندو وهي تلقاه وراها مع الدورة لصقات صدرها مع صدرو و حطات ايديها على كتافو مع كانت اطيح و هو شد فخصرها مكاليها مع الحديد
بقات ساهية فعينيه لاول مرة تشوف لونهم مزيان و تركز فيهم واخا يعيا مايبان قاصح باقي طفل صغير ساكن فيه
هي غير تترمش و تحقق فملاميحو الرجولية ووسامتو اللي يلاه لحضاتها كتافو العراض و عضلاتو السداسية ..بقات ساهية حتى وعات على راسها هضرات و هي على نفس الوضعية
ايزرا:(تترمش فعينيها) فين حنا
علي: (طلق منها و عطاها بالضهر قبل مايصدق داير فيها شي حاجة حس بالمعلم قرب ينفاجر تحتو) حنا فالبحر ماتاتشوفيش
ايزرا(جات قدامو): لا تانشوف الحمد لله بان ليا نتا اللي ماتتشوفش اشنو تانديرو هنا و علاش ..؟
علي: داك اللسان عندك خاصو يتقطع من الجدر.... وهنا انا اللي تايسول ماشي نتي
جرها لجيهة واحد الفوتاي تما جلسها بزعفة و جلس مقابل معاها
علي: يلاه تانسمع
ايزرا: مافهمتش
علي: ماتختابريش صبري ا ايزرا (بالغوات) لبارح باركا ضحكي على مي عندك الزهر ماللي ماقتلتكش. تانصحك متعوديش تكذبي حيت هااد المرة انلوحك هنا حتى حد مايجيب ليك الخبار
ايزرل مسكينة بقات غاتدور فعينيها خافت و لكن ضحكة غلباتها ماللي تفكرات اش دارت ليه البارح
ايزرا: هههه.ههههه سمحلي و لكن ههههه ع..فاك هههههه (تضحك حتى خرجولها الدموع)ههههه ناري مي كرشي
علي(مخنزر): باينا ليا نتي تتفهمي غا بالعصا
يلاه وقف باغي ينزل عليها وهي تشدو فايديه و هزات فيه راسها و تتبيض فعويناتها
ايزرا: عفاك بلاماضربني انا نقول ليك كلشي
علي بحركة منها قدرات تهدنو و تخليه ينسا الدنيا و هو تيشوف فعينيها اللي تيترجاوه...جلس حداها و هي طلقات من ايدو وحطات ايديها فوق رجليها
ايزرا: انا ما نصابة ماداخلة مع المافيا انا غير بنت عادية باغا تخدم و معندهاش كانة للقرايا وباش نخدم كان خاصني شهادات داكشي لاش فكرت فهاد الطريقة جبت شهادات مزورين ودخلت نخدم بيهم (هزات عينيها فيه) ....تيق بيا و الله ماتكذب هاد المرة
هو سمع هضرتها تنهد بجهد حتى خلعها حس بجبل تحيد من على كتافو هز ايديه حطها فوق وجهها تايتلمس فيه
علي: متيققك ماكاين لاش تحلفي
ايزرا ماعرفات مالو مرة يغوت مرة يضرب مرة يكون حنين شكات فيه لايكون سكيزوفرين
ايزرا:دابا ماللي عرفتي كلشي رجعني لداري راه صحباتي ايكونو مخلوعين عليا
علي:(باقي عاى نفس الوضعية) انا اللي تنقرر هنا.... واش تمشي ولا لا
ايزرا:(ناضت طافجة) كيفاش نتا اللي تقرر يكما ولدتيني و نسيتيني ولا يكما ضارب علي الخط الزناتي(هزات صبعها كتهديد) شوف رااو والله و ماترجعني حتى ...حتى....
علي:حتى اااش ...؟!
ايزرا:(تادور فعينيها)حتتى ...حتى (مشات تاتجري وقفات على الحديد ) حتى نقز من هنا
علي(تيضحك على تصرفاتها الصبيانية) يلااه نقزي نشوف
ايزرا تصدمات مكانش يحساب ليها ايخليها تنقز... مابغاتش تبين باللي ضعيفة قدامو و طيح كواريها ...وهي تنفس الصعداء ونقزات تنقيزة وحدة
ايزرا: بب...قق ب....بق عت..قن...ي بب...ققق
بقات تتغرق و تستنجد بيه باش يعونها و تقول واش دار شي حركة متكي على الحديدات وتيضحك عليها
علي: وماللي ماتتعرفيش تعومي لاش فيك تخراج العينيين
ايزرا:بب.قق بب...ق ههئ عفا..اااك عتقني هههئ ب...ق بق بببق
حس بيها بدات تاترخا عرفها عيات بالمقاومة تلاح لعندها شدها من خصرها دارها على ضهرو وبدا يسبح حتى وصل لليخت طلع بيها و حطها فوق واحد الفوتاي وهي غير تتكحب ندمات على الزربة اللي فيها
ايزرا:ككح كحححح ككحححح
علي:بشوية عليك تاتموتي
ايزرا:كككح(خنزرات فيه) يموت عدويا ليمايبغيني كككح ككح(قلباتها بكا) هههئ ههههئ حشومة عليك خليتيني ..كنت انمووت.. هههئ ..او انا باقي ماشفت ماتشوفتش ....هههئ و انا شهوة مني... هههئ
علي: هههه شكون كذب عليك
ايزرا: (جمعات البكية وقفات تتخنزر) مالي كيف جيتك ...علا مزيناتي ...تقول غا هاربة ليهم من هوليوود(تتعبر بايديها) الزين ...لاطاي...الحداگة ...كلشي موجود الحمد لله
علي(ساهي فحركاتها باغيها تكمل):اهااه زيدي
ايزرا: التباتة.... الرزانة الله يحجبني وخلاص (دارت ايديها قدام وجهو زعمة خمسة و خميس)
علي: و العقل
ايزرا: العقل اااه...العقل(حطات صبعها فوق فمها زعما تتفكر) اااه العقل حتى هو كاين خاصني غير نخدم عليه شويا
علي: ههههه (ضربها لفوق جبهتها دقة خفيفة و داز للكوزينة )....
نور: بابايا بغيت نلعب فهادي بليييز
عصام: بلاتي ابنتي تخوا شويا راه تما فيه غير العيالات
نظرة:ماشي مشكل انا نديها
دار ليها براسو ااه و هو معجب بجميع حركاتها دات نور ركباتها فوق واحد الحصان و رجعات اللور تدير ليها بايديها باي باي
عصام:احححم
ضارت شافتو واقف حدها هزات فيه عينيها تتسناه اش ايقول حتى نطق
عصام: سمعتك قبيلا اش قلتي...بغيت نقول ماللي كنتي نتي و نور فالكوزينة ...ولكن من غير قصد
نظرة: ااه ...ماشي مشكل عااادي
عصام:مبغيتيش تقلبي على واليديك
نظرة: كن بغاوني ماكانوش يلوحوني لاش انعدب راسي دبا
عصام : ماتحكميش عليهم و نتي معرفاش ظروفهم
ضارت تشافت فيه بعينين دامعيين
نظرة:(بجدية) ماكينين حتى ظروف يخليو ام تلوح بنتها... بنت يومين ماعندها حتى ذنب فهاد الحياة ...ياريت كن غير خلاتني معاها نعيشو فالزنقة معليش كنت على الاقل نقدر ننطق كلمة ماما ...واخا تجي دابا تركع عند رجلي عمري نسمح ليها ..... يمكن دبا اتقول عليا قاصحة ولكن ماعشتيش داكشي اللي عشت انا ... داكشي علاش عمرك اتحس بالغصة اللي فقلبي
عصام دارت بيه الدنيا ندم حيت جبد ليها الموضوع مكانش يحساب ليه اتأتر حتى لهاد الدرجة حيت هو بصح ماغديش يحس بيها
بقا تيشوف حتى قاطعاتهم نور
نور: خالتو نظرة وااش تتبكي؟؟
نظرة: (تتمسح فدموعها) لا لا احبييبة غير دخلات شي حاجة فعيني ... اجي نشريو غزل البنات
جراتها من ايديها و تبعهم عصاام .
عند ايزرا
من مورا مابدلات حويجها لبسات كسوة خفيفة فالغوز حد الركبة و واحد صندالة الصبع لقاتها تما
مشات تبعاتو للكوزينة شافتو تيقطع فشلاضة كلسات فوق البوطاجي تتلعب برجليها
ايزرا: ماناويش ترجعني لدارنا ولا شنو ...
علي(بلا مايشوف فيها) لا
ايزرا: اويلي على لا وراه تانقوليك صحباتي ايتخلعو عليا ناري ليوم الزوفري تقتلني
هو غاسمع الزوفري هز عينو تيخنزر فيها وهو يحط ليها الموس على عنقها ناوي خزيت
علي(مخنزر):اش قلتي ماسمعتش
ايزرا(مصدومة):اويللي اشش.. تدييي...رر
علي:متعصبيش دين مي شكون هاد الزوفري(بالغوات)دوي ولا نغرسو فمك دبا
ايزرا: اشمن زوفري ااه ...اكرام ..اكرام صحبتي تنقول ليها الزوفري
علي:(حيد عليها الموس)متأكدة ...!!؟
ايزرا: كيفاش متأكدة راااه اصلا قلت الزوفري اتقتلني ماشي ايقتلني مي بان ليا حتى السمع عندك قلييل
خنزر فيها تخنزيرة خلاتها ضرب الطم
شويا و هي تسري معاها
ايزرا: اااجي بعداا... انا بركا تنعود ليك و نشرح ليك علاش بسلامة... اش بيني و بينك يكون عندي زوفري جوج ثلاتة سوقك... شغلك
علي:نو نو ماكينش و عمرو ايكون غا رتاحي
ايزرا: (تتعيبو) لا لا واتتتقة من نفسيها
بقات تتلعب برجليها وتتشوف فيه كيفاش تيقطع فشلاضة تيبان هادي عكس الايام اللي شافتو فيه حتى شوفاتو تبدلو ومن ملاميحو باين مرتاح
ايزرا: على الاقل عطينا غير شي حاجة نكلوها نتا تتصيب فشلاضة قنية انا
علي:ياك قلتي حادكة ...زيدي ورينا حداكتك
ضربات الطم حيت عارفة راسها تتعرف الكوزينة غا بسمية مبغاتش تفرش .هو عاق بيها تزيرات ضحك عليها و ضربها لحنكها دقة خفيفة و داز قدامها لبرا
ايزرا:(جلسات قبالتو فوق الفوتوي): واخا مغديش تشبعني مي مضطرة نكلها ... والا مغديش نلقا جهد باش نجوبك ماللي تبدا تسب و تغوت
علي:فخبارك باللي لسانك طويل ..منين تتجيبي هاد الهضور
ايزرا: من عند حسن مول الحانوت (تتنضغ و تهضر) الا بغيتي نشوف ليك كيلو دلهضرة الزوينة علا وعسا تحيد عليك ديك الغوباشة
علي بقا تيضحك عليها حتى بانو غمزاتو اللي اول مرة تشوفهم و تشوف سنيناتو المستفين لبيض من مستقبلي
ايزرا: (ببراءة ):اول مرة نشوفك ضحكتك
علي: عجباتك ...؟
ايزرا(قلبات وجهها): مابيكش
علي : هههه ايييه ...!
بقات تتخشي فوجها سلات من ديك شلاضة هزات طبسيلها و طبسيلو و داتهم حطاتهم فكوزينة كانت بغات تغسلهم مي السيدة ممولفاش معرفات مدير خلاتهم تم و رجعات عندو لقاتو خاشي راسو فالبيسي.
بقات جالسة تتفيبري برجليها و لسانها تيكلها بغات تهضر و خافتو يقمعها
علي:غير نطقي قولي اش باغا
ايزرا غا سمعاتو عطاها الضوء الاخضر بدات
ايزرا: دبا نتا لاش جيبني لهنا ... ياك شرحت ليك كلشي و قلت باللي غير كنت باغا نخدم .. باينا ماغديش تدخلني للحبس .. مي علاش انا هنا..بغيت نرجع بحالي
علي(مطلع حاجب و مهبط لاخر): اهااه ... متأكدة
ايزرا:ااه متأكدة .. كون بغيتي دخلني للحبس كن دخلتيني من الاول كاعما تجيبني هنا و تعامل معايا بهاد الطريقة... غير قول اش كاين .. عافااك راه الفضول قتلني
تنهد و ناض جلس حداها وجهو مقابل مع وجهها و انفاسها تضرب فيه وبدون سابق انذار تلاح على شنايفها تيبوس فيهم بواحد الطريقة حنينة مامنعاتوش و فنفس الوقت ماتجاوباتش معاه بقات مصدومة و هي تتحس بفمو كيفاش تيتحرك فوق فمها و صباع ايديه تيتحركو ببطئ فوق حنيكاتها اللي ولاو سخان بالصهدة اللي طلعات معاها .
مطلق منها حتى حس بنفسها ايتقطع طول فيها الشوفة تيعبر ليها ردة فعلها كيفاش اتكون لقاها قربات تسخف
علي:دبا عرفتي اش كاين
ايزرا:ها ... اا... لا...ا
علي:ههه كون يحساب ليا هاكا اتسكتي و ديري عقلك كن درتها شحال هادي
رجع جلس فبلاصتو خلاها تتبلق فعينيها و تتهضر مع راسها بصوت شبه مسموع
ايزرا: اجي اميمتي طلي على بنيتك ولات تتباس ... ااح اميمتي هادشي بنين ... مجات فين تكملها حتى سمعاتو تيضحك
علي:ههههه هي نعودوها هههه
ايزرا: ها...اااا ....تتقرا ..الافكار ..
علي:هههه الكلاخ نعمة ....راه نتي اللي تتفكري بصوت مسموع
ايزرا: سيير سيير راه نتا اللي عندك برابورات ماشي وذنين
بقا تيضحك على تصرفاتها و هو فرحان حيت بدا تيرطب فيها و بدل ليها نظرتها عليه و واعد نفسو قريب يخليها تبغيه
ايزرا:اااووووف ..شوف انا راه ممولفاش نبقا مدة طويلة فبلاصة وحدة ...
علي:جلسي لارض .. اتصدقي ديرا شي موصيبة
ايزرا:والله مندير شي حاجة غير خليني نشوف غرفة التحكم (جامعة ايديها علي شكل ترجي)بلييز بلييز كنت ديما نشوفها فالافلام بغيت نكتشف عن قرب
وكل امرو لله وناض مشا بيها لغرفة التحكم و هو غا تبعها من اللور الي خسراتو تيعاود يقادو مخلات علياش وركات البوق ....الضواو القداميين ...اما الناس اللي فالمركز اللي تيتاصل بيهم شيباتهم مساكن ماخلات مغنات ليهم ها الجسمي ...ها اليسا.....هالعلوة .
بقات تدور فديك الغرفة حتى عيات وخرجات لبرا
ايزرا:ااوف عندك هادشي ممل (دورات وجهها على ليمن)
يلاه بغا يجوبها و هي تنقز
ايزرا:واااو ...
مشات تتجري لمقدمة اليخت وقفات تما معليا راسها تتشوف فغروب الشمس كان منظر رائع ...بقات تتشوف حتى حسات بيه وقف وراها
ايزرا: تايقولو باللي الناس اللي تيموتو و يطلعو للسما تيكونو تايشوفو حبابهم ل فلارض (دارت عندو) زعما يكونو تيشوفوني..؟
علي(حط صباعو على حنكها تيدوزو بشوية) معرفتش واش بصح تيشوفوهم ولا لا... مي متأكد باللي تيحسو بيهم ويبغيهم يكونو ديما فرحانين
ايزرا:(هبطو دموعها)توحشتهم بزااف.....ههئ من نهار مشاو .. ههئ ههى مشفت نهار زوين.. ههئ خلاو ليا غير الحزن معمرلي هنا(حطات اييديها فوق قلبها)
عنقها محملش يشوف دموعها و فنفس الوقت خلاها على خاطرها بغاها تخرج غضبها فالبكا .حتى هو حاس بنفس احساسها حتى هو فقد عائلتو ولكن الفرق بناتهم انه عمرو طيح دموعو حتى ماللي شاف جثث واليديه مشوهة قدامو مبكاش ولكن هدشي متيعنيش انه ممألمش بالعكس هدا اخطر عذاب يقدر يدوز بيه الانسان
بقات غاطسة وجهها فصدرو تتشهق و دموعها مبغاوش ينشفو حتى حسات بالسخفة و الصهدة و الرعدة و كلشي طالع معاها .هو حس بيها تترعد بعدها عليه ببطئ تيشوف فيها كيفاش تييتبدل لونها و شفايفها تيزراقو وهي تنطق بصوت شبه مسموع
ايزرا: دواايا... دوايا
هو سمعها قالت دوا هزها بزربة غادي تيجري حطها فوق السرير و جبد الدواء من المجر حدا السرير و جاب كاس الماء خشاه ليها ففمها صرطاتو عادت بدات ترتاح و يرجع لونها و يتقاد النبض ديالها
علي: صافا دابا ..باش تتحسي(تيدوز ايدو على شعرها)
ايزرا:شحال فالساعة
علي(شاف فساعتو): 8 علااش
ايزرا: معرفتش انا مولفة متنشربو حتى العشرة علاش حسيت هاكا دابا
علي(تنهد):حيت لبارح مشربتيهش و الطبيب عطاك دوا اخف منو داكشي علاش حتاجيتيه دابا
ايزرا: ااه اووك...(شدات فايديه) شكرا بزااف كن ماشي نتا كن وقع ليا بحال البارح كنت تنحس بالجناوا تيتغرسو فقلبي روحي حتى تتبغي تزهق و تعود ترجع
علي(قالب وجهو):مي انا السباب
ايزرا:مكنتيش عارف نتا بصح دربتيني و باقي منسيتهاش مي كن كنتي عارف تناخد الدوا مكنتيش تخليني
علي(باس ليها راسها):سمحلي حيت ضربتك مكنتش عارف راسي شنو تندير.... فكرة انك تقدري تكوني نصابة كانت تتاكل فيا (بقا ساكت شحال عاد نطق) ...قلبي كان مسدود هادي شحال مي ماللي شفتك كلشي تقلب دخلتي هنا(حط ايدو على راسو) و هنا(على قلبو) ومقادراش نخرجك منهم سكنتي فيهم ...
ايزرا تخوا عليها سطل الماء بارد هي كانت شاكة مي مضناتش اتسمع هاد لكلام منو متقدرش تنكر حتى هيا عجبها وزاد عجبها ماللي بدا يتعامل معاها مزيان .
شافها تدور فعينيها متبغاش يزيد يحرج راسو كتر .. خرج على برا و جلس تيخمم ..
حياتو كاملا دوزها بنات عارف كاع الانواع و كيفاش يتعامل معاهم الا هي معرف منين ايجيها ديما كان حاضي راسو و تبقول انه عمرو خاصو يبغي شي وحدة حيت اكيد متقبلش تبقا معاه(من بعد تعرفو علاش) بقا فكرة تديه فكرة تجيبو حنى داه النعاس
اصبحنا و اصبح الملك لله
فاقت نظرة على وجهها ابتسامة وهي تسترجع احدااث البارح كيفاش كانت هي و عصام و نور تخيلات راسها هي و اسرتها الصغيرة اللي ديما كانت تمنى انها تكون عندها متنكرش ان عصام تيعجبها بزاف شخصيتو هادئة و رزيين
بقات ساهية و تتخطط غابحدها للمستقبل حتى قفزاتها اكرام
اكراام:انتسطا انتسطا ..فين مشات هادي..التلفون طافي...واش انا انتفرگع و نتي تتفرنسي ليا تما مع الجنون
نظرة:يدربوك انشاءالله
قالتها ليها و هي هربانة للحمام باغا تخبا ساعة اكرام كانت على القرس شيرات عليها بصندالة الميكا جابتها ليها للكنا
اكرام:داباا لبسي زيدي قدامي لداار هاد المديير ..
نظرة:(تتحك فالدقة):من نيييتك...؟؟
اكرام :من ترمتي ...زيدي قودي قدامي
بقات واقفا عليها حتى لبسات هي كانت لابسة ديجا جينز مقطع و قوبية كري و كاسكيطة رداها اللور
خرجو ركبو فالتيماكس ديريكت لقصر فخري
فهاد الاتناء كانت ايزرا يلاه تتخسر سيفتها تتستعد تفييق
حلات عينيها ديريكت للحمام قداات حاجتها و غسلات و جهها و كرشها تتغوت بالجوع ..قدات شعرها وخرجات تقلب عليه ...حتى شافتو ناعس فوق الفوتوي معنز مسكين
قردات لعندو تتشوف فيه و ملاميحو مغوبش حتى فنعاسو تفكرات البوسة و هي تحط صبعها فوق فمو ...محسات بيه حتى عضو لبيها...
ايزرا:اااح ...مالك المسعور لاخر مواكلش اللحم
علي(تيتكسل وهو مبتاسم):صباح الخير
ايزرا: (قالبة قنانفها):صباح الخير .... نوض ..نوض راه في الجوووع (تتجبدو من ايديه)
ناض وقف و هي حداه واصلة ليه حد صدرو تحنا عندها جر ليها قنوفتها الفوقانية حتى مبقاتش تتحس بيها
علي: دابا نوجد لحبيبتي احسن فطور
زاد و خلاها تدوي ابحدها
ايزرا:لا كولهم... كولهم حسن... الهيماجي لاخر ..اميمتي قنوفتي... بلاتي.. اش قال ...حبيبتي ...
تبعاتو تتجري للكوزينة لقاتو تيصيب فاطوست تيدير فيه الكونفتير و ريحت القهوة عاطية مجهدة
ايزرا:اججي نتا اش قلتي .. حبيبتي ..تلفتي يااك ..هها. ... دوي ...
علي: لا ماتلفتش حبيبتي.... و عمري و ...كلشي الا بغيتي و حتى الا مابغيتيش
ايزرا: هها ... دااابا... ااا.ن....ا
علي: اجي تفطري.... اااجي (تيضحك عليها)
سبقها هاز بلاطو فيه طوست و كاس العصير حطهم ليها و هز كاس القهوة قاصحة متشربيها حتى فسبيل الله
ايزرا(تتكول و تهضر):دابا امتى انرجعو...؟
علي: باقي شويا .... بغيت نبقا مع حبيبتي عندك شي مشكل
ايزرا: كككح ...كككح. ....
علي:بشوية عليك ....شربي شربي
ايزرا: خاصني ندوي مع صحباتي راه ايكونو قالبين عليا الدنيا ...بلييز
علي:سالي الماكلة و نعطيك تعيطي
اكرام:شوف راه اندخل هي اندخل ...مغديش تخلعني بهاد الفردي اووكي ..(تادفع فيه)
الكارد:سيري بحالك راه اتجبدي راسك المشاكل
نظرة: اكرام هاالميمة البزيزيلة مايلاه شو كيداير
اكرام: مالو ايخلعني و الله ماني محركة من هنا حتى ندخل نشوف فين دارو ختي السيبة فالبلاد
بقات تغوت و تعاير هي و الكارد حتى تم جاي يوسف كل تيقطر بالعرق كان تيجري فالغابة حتى شافهم و تم جاي قصدهم .شاف غير الكارد و جوج بنات مشافش و جههم
يوسف: اش واقع هنا ..
اكرام مع الدورة تصدمات خرجات عينيها حتى وصلو لعندو
اكراام:نتاا ...؟؟!!!!
يوسف(فنفس الوقت) نتتييي....!!!
بقاو تيشوفو فبعضياتهم حتى فيقتها نظرة
نظرة: تتعرفيه
اكرام: (تتخنزر فيه يحساب ليها هو شافها ديرة كسيدة و خلاها مرمية و هو كاعما شافها مع كان عفط عفطة وحدة )
يوسف: شنو المششكل هناا ...
نظرة: عفااك بغينا موسيو علي .. صاحبتي خدامة مساعدة عندو و من نهار كانت الحفلة هنا مابانت تقدر تعاونا...
اكرام(تتخنزر):مالقيتي شكون يعونك غا هدا ...
يوسف ستغرب من طريق. هضرتها داز قدامهم و قال للكارد يخليهم يدخلو
دخلهم حتى للصالون قالهم يتسناو تم و طلع لبيتو يدوش
نظرة:واش تتعرفيه
اكرام(مخنزرة): ااه هو سبابي فداك الكبص اللي بقيت معلقة يومين ...عندو الزهر غير شقق بسيط اما كن وريتو الكنس لاخر ....مخليني مرمية و مشا كن بعدا عيط غير للاسعاف
بدا تيصوني تلفون ديال نظرة هزاتو لقات غصام قلبها بدا تيفرفر بالفرحة بعدات على اكرام و جوباات
نظرة: ااالو
نور: خالتو نظرة انا نورر
نظرة: وي عرفتك احبيبة....صافا
نور: لا ماصافاش جي عندي عفاك
نظرة: مالك بيك شي حاجة ...
نور: والو غير جي عندي ...اوك انا نتسناك طييط طيييط
غا قطعات نور ناضت تتنقز فوق النموسية و ضربات كفها مع ديال باها
نور: ياااي غتجي غتجي
عصام: تبركاالله على بنتي الممثلة (بلسها فحنكها و هضر بهمس)اخر يامي وليت نستغل بنتي باش نشوفك ...
نظرة غير قطعات عليها نور خرجات طيرا لعند اكرام
نظرة:حبيبة عندي ميدار ضروري... بقاي سمعي اش ايقول و علميني اوك بب باااي
خرجات تتجري مخلات ليها الفرصة حتى باش تجوبها ..شدات طاكسي ديريكت للفيلا
اكرام : لا لا هادشي لبقى... الله لا بقات فيك تترجعي ليا ....
يوسف: مالك تدوي بوحدك
شافتو جاي لعندها و هي تنوض تمات حتى هي غادة لعندو
يوسف:علاش تتعرجي ...؟
اكرام(مخنزرة):معرفتيش علاااش ...
يوسف: تنعلم الغيب انا ...
اكرام: والووو ... مهم فين هي اختي .. من نهار كانت هنا مابانت ...
يوسف: ااه ...ايزرا... حتى علي مكينش دونك
هي معاااه
اكرام: لا ..تتقول فيها عادي زعما هي معااااه ..
بدا التلفون ديال يوسف تيصوني هزو لقا علي بتاسم و جاوب
يوسف: العشير فين راااك....؟
علي: فالييخت ... صافا.. ؟
يوسف: ااام صافا. ..معاك ايزرا...
علي: وي لاش ...؟
يوسف: عطيها التلفون صاحبتها هنا بغات دوي معاها
علي: ااممم اطط ..
مد التيلي لاكرام تتسنا شي حد يدوي
ايزرا:ااالو
اكرام: حبييبة صافا .... فين راك نجي عندك..
ايزرا: اودي فين اتجي عندي راني فوسط البحر كن راه قربت للهند
اكرام: مرتاحة ياكما واقعة شي حاجة متخبيش على ختك .... و دواك كاين فالدار اش تديري فيه...
ايزرا: جاب ليا علي الدوا ...وراني تنشربو...متخافيش عليا فرحانة ... تهلاي فراسك صافي و فنظرة
اكرام(تنهدات):اوككي حبيبة بسلامة
طييط طييط
مدات ليوسف التلفون
اكرام(ابتسامة صفرا):شكراا.....بسلامة
تمات غادا حتى وقفها صوتو
يوسف:بلاتتييي....
اكرام: شنو..
يوسف: ماقلتيش ليا علاش تتعرجي...
اكرام: لا واش من نيتك تتسول.... واش مخليني مرمية داك النهار ... حتى باش تعيط للاسعاف مقادش ... ودابا تتسول..
يوسف(مطلع حاجب مهبط لاخر):اش تتخوري تم .... مافهمت والو
اكرام: ايوا انا نشرح ليك...داك النهار ماللي درتي نتا مشيتي بقيت متبعة ليك العين حتى خرجت فواحد القش تما جبلاه كان عامر غافرشي ...وباش مكملها مخليني و ماشي...كن ماشوية الجهد اللي بقا ليا نعيط بيه للاسعاف كن بقيت تم
يوسف(مصدوم): لا ..و الله ماشفتك...من نيتك نشوفك و نخليك مالي يهوديي.... راه بصح مشفتكش
اكرام: اااه ... مهم بسلامة
يوسف: بلاتيي...
اكرام(بنفاذ صبر): اووووف شنو تاني
يوسف: نتي دراك رجليك ..خليني نوصلك
اكرام: لا شكرا... اصلا جيت فمطوري ...باي
خرجات لبرا تتجري بغات غاتفك منو ركبات فمطورها و كسيراات
فهاد الاثناء نظرة يلاه حطها الطاكسي ففيلا عصام ماجات فين تصوني حتى حلات نور الباب تتغوت
نور: خالتي نظرة..... جيتي
نظرة(باستها فحنكها): وي جيت احبيبة
نور(جاراها من ايديها): اجيي بابايا فالجردة
نظرة: سلام (جلسات فوق الفوتوي)
عصام: (تيشوف فيها شوفات فشكل): سلام ...ياكما برزطاتك هاد المشاغبة..
نظرة: لا لا بالعكس
نور: خالتو بقاي هنا انا جايا...
خرجات تتجري خلاتهم تيبلقو فعينيهم
عصام(بغا يجبدها بالهضرة): عزاز عليك الدراري صغار...؟
نظرة(عينيها تيبريو):ااه بزاااف تنلقا معاهم راحتي بزااف
عصام: ماتتلقايش مشكل .. زعما اغلبيتهم مراض...
نظرة: بالعكس ... شوف انا ماللي كنت صغيرة 7سنين كان عندي واحد الصديق ماللي حليت عيني و هو معايا كان هو حياتي فداك الميتم كان مريض بالتوحد .... واحد النهار قالي باللي تشها الشوكولا قالها ليا بحكم اني عمري رفضت ليه طلب ياريتو كن طلب ليا عيني ديك الساعة و مطلبش الشكولا...(تنهدات).. دخلت لمكتب المديرة و هزيت ليها شوكولا من واحد المجر ...كشيت تنجري عطيتها ليه يلاه اياكلها و هي توقف علينا ...عمرني ننسا داك النهار(دمعو عينيها) عطاتني قتلة ديال العصا و دخلاتني لواحد البيت كلو ضلام بقيت فيه نهار و ليلة باجوع و العطش و البرد.... بكيت...غوت ... مداها فيا حد...اول ماخرجت سولت على مجد قالو ليا مات مقدرش يستحمل العصا و العذاب و مات ههيييئ ههئ ماتت حياتي معاه فداك النهار مبقات عندها حتى معنى ....كان هو المتنفس ديالي ...من داك النهار و انا بحدي ..كل عيد كانو تيجيو العائلات تيديو البنات و الولاد يعيدو معاهم الا انا .....المديرة كانت ديما تتشوه صورتي عندهم...حتى لواحد النهار جات خالتي حياااة..ممات ايزرا ..داتني معاها و لاول مرة فحياتي نحس بمعنى تكون عندك عائلة ... من بعد تبناتني و وليت اخت ايزرا بالوراق ... عمرني منساها قراتني و كبراتني عمرها فرقاتني على ايزرا بالعكس كانت الحاجة المخيرة ديالي ...الله يرحمها هي و عمي محمد .... عمرو محسسني اني غريبة عليهم
(هزات فيه عينيها دامعيين) داكشي لاش ماللي تخرجت قررت نعلم هاد الدراري بالظبط و نعلمهم يواجهو وميكونش مصيرهم بحال مجد الله يرحمو
ناض عصام جلس حداها و شد ليها فايديها
عصام: داكشي اللي تديري زويين بزاف و كن كان مجد كن كان فخور بيك
بتسمات ليه و هي تحت تاتير الصدمة و ايديها تيرجفو تحت ايدييه...هو عاق بيها و ضحك فنفسو ..طلق منها
نظرة: انا انمشي نشووف نور
ناضت تتجري هربانة من شوفاتو الي وللو يطلعو ليها السخانة
عند ايزرا
اللي ماللي وقف اليخت على واحد الجسر وهي حالة فمها تتسول فعلي اللي مابغا يعطيها حتى جواب
علي: اري يديك راه غادي طيحي
ايزرا: و الله ماني نازلة حتى تقولي فين حنا ...زدتي فيه ..قول
علي: راه انمشيي نخليك هنا ..اري ايدييك
ايزرل: ااااوف (مدات ليه ايديها بزعفة)
علي: اوبلا ..شتي تتكوني زوينة ناللي تتسمعي الهضرة
خنزرات فيه و هو عاجبو الحال فاقصها بقات غادية و تتشوف فداك الجسر كلو عامر بليكارد بقات تدور فعينيها مفاهمة والو شويا و هي توقف قدامو حبساتو يزيد
ايزرا:شي تفسير عفااك راه درني راسي ..بلييز
علي:(تيضحك)نتي مفاهماش و مسكتيش عاظ الا فهمتي
ايزرا: صافي قول ليا مالك هاكا
هز ليها راسها لجيهة واحد العلم لفوق تيفرفر بقات تتشوف فيه شحال تتفكر اتع الا بلاد شوية و هي تنقز تتغوت
ايزرا: الامارات هههه حلف بلاه ... حنا فالامارات
علي: الحمد لله ماللي عرفتيها الكسولة (ضربها لراسها)
ايزرا: اش تنديرو هنا...
علي: عندي شي خدمة نساليها و نرجعو
ايزرا: نرجعو ... من نيتك واش انا جيت حتى للامارات ..ومنمشيش لدبي و نشري لحويج و منمشيش لبرج العرب .... ونتصور مع الجسمي ..
علي: ههه زيدي زيدي
بقات تتشوف فداكشي اللي قدامها و الضحكة مفرقاتش وجهها ...ركبو فمرسيظيس كحلة ديريكت للفيلا يالو تما و الكارد وراهم
عند نظرة
نظرة: حبيبة.. صافا
نور: ماصافاش
نظرة: هههه ...مالك درتي شي زبلة تاني ..
نور : و لااااا ..اجي قربي نقول ليك
عطاتها وذنيها تتسناها تدوي
نور: ليوم عيد ميلاد بابايا و هو كاعما مفكرو
نظرة: بصاااح ...
شافوه جاي و هما يسكتو
عصام: انا خارج عندي شي خدمة (شاف فنظرة) خوظي راحتك ...بسلامة
نظرة(بتاسمات ليه):بسلامة
من مورا ماتأكدو باللي خرج نقزات نور تتغوت
نور: خالتو عونيني نصيبو ابابا كاتوو عفاك هو كاعما تياكل ديال الزنقة
نظرة: اممم يلاه
من بعد ساعتين ديال الروينة وجدو تارت متوسطة بلاكريم كتبو عليها "happy birthay papy" و علقو فيها الرقم 28 على شكل شمعة و خباوها فالثلاجة باش ميشوفهاش
جا عصام تغداو وطلع لبيتو يرتاح و بقات نور و نظرة فالجردة يهضرو ويضحكو و يخططو للعشية كيفاش ادوز
عند ايزرا: اللي ماللي ركبات فاللوطو وهي خاشية راسها فالشرجم تتشوف فالظنيا كيف دايرة الشارع نقي و الديورا كبار الشركات و لوطيلات طوال قربو ينطحو السماء بقات ساهية حتى سمعات الفران دارت تشوف لقلدات راسها قدام واحد الفيلا متوسطة دايرة بيها الجردة و من بعيد تيبان بحال المصنع فالحمر مسدود بقات ساهية حتى حل ليها علي الباب
علي: انباتو هنا
شد ليها فايديها خرجها من اللوطو و زادو لباب الفيلا ..شوية و هي تحل الباب واحد المرة كبيرة اتكون عندها دييك 50 عاام لابسة بيجامة طةيلة فاشيبي و تاضحك مع علي اللي باس ليها على راسها
علي: الميمة لبااس
... لباي اولدي(تاتشوف فايزرا)مرحبا ابنتي دخلي
دخلت للداخل تنشوف فالفراش و الديكور اللي تما كانت راقية و بسيطة فنفس الوقت كان صالون على الدخلة فيه فراش مغربي و فالجنب بانت ليا الكوزينة و كان باب الزاج تتبان منو الجرردة و واحد الجليسة فيها جوج فوتويات و طبلة صغيورة بقات ساهية حتى سمعاتو نطق بسمية خلاتها دور 180 درجة
علي: خالتي حياة ... وجدي لينا شي حاجة ناكلوها عفاك
ايزرا: حيااة ... سميتك حياة
حياة: ااه ابنتي(قبل ماتكملها تلاحت عليها عنقاتها)
ايزرا: ههة بحال سميت ماما ههى الله يرحمها
حياة: (تدوو ايديها على شعرها) الله يرحمها ابنتي
تهزات عليها ايزرا تتشوف فيها
حياة:اشنو بغيتي تاكلي ابنتي
ايزرا: اللي كان اصلا كاع اللي تيجي من عند حياة تيكون زوين و بنين
ضحكات ليها و مشات للكوزينة توجد لعشا
علي: اجي المشة ...اجي
مشات جلسات حداه و حطات راسها على بريئة.ودموعها هابطين شوية و هي تغوت ليه فوذنو
ايزرا: اتديني لبرج العرب يااك...ياك...عفاك
علي:ههه يلاه كنتي تتبكي
ايزرا: وصافي ..صافي.. عفاك ديني بليييز
بقا ساكت تيشوف فيها كيفاش دغيا تتقلبها للضحك و تاتنسا همها و هدشي تيعني ان قلبها بيض و بريئة.
جابت ليهم العشا كلاو و شربها دواها و داها لواحد البيت غطاها و خلاها تنعس...وهو هبط للجردة جلس تيفكر فيها و فحياتو لي تقلبات من نهار تصاطح معاها فباب الشركة ..واش اتبغي تكمل حياتها معاه من بعد ماتعرف شنو مخبي...
عند نظرة
نور سمعات صونيط فالباب مشات تتجري حلات الباب عنبر و مهدي و يوسف اللي شاف نظرة تم ستغرب حيت عرفها صاحبة ايزرا مي معرفهاش اش تير هنا
نور: خالتو نظرة سيري كلمي بابا... راه بيتو اللي حدا ديالي
نظرة: ها...انا....اوكي
طلعات عندو البيت دقات مرة جوج مسمعات حتى رد و هي دخل تصدمات من المنظر اللي قدامها
مسكين عصام معرف باش تبلا كان يلاه خارج من الدوش لاوي على خصرو الفوطة و وحدة خرا تيتشف بيها شعرو
بقات ساهية فجسمو و الوشمة اللي فصدرو كان واشم عقرب و عضلاتو بينين هو تيدوي معاها و هي مشاات
عصام: نظرة...نظرة ....
نظرة: اااه....ها...ااا... سمحليا (دورات وجهها)عفاك واخا تجي معايا نشوفو نور
عصام: مالها نور ...دوي مالها
نظرة: لا والو ماتخافش ..لبس انا برا نساينك
خرجات على برا تضرب فراسها على غبائها
عصام لبس شورط فالبيض و تيشورت فالكري و خرج عندها هابطين للتحت
هما غا شافوه هابط و بدااو تيغنيو " happy birthay too you " عصام تصدم مكانش متوقع يديرو ليه عيد ميلاد بقاو تيغنيو و يوسف تيصفر و يصفقو
يوسف: كل عام وانت بخير اعشيري
عصام(تيضحك): شكرا
مهدي:شرفتي ...
عصام: نتوما اللي شرفتوني
عنبر(عنقاتو):عيد ميلاد سعيد
عصام: شكرا المشة
نور: بابايا عيد ميلاد سعيد
عصام:اجي ابنتي ...اجي (باسها فحنكها)
نظرة بقات واقفة تتشوف فيهم بقات بحدها تيشوفو فيها باش تهضر
نظرة: عيد ميلاد سعيد
عصام(مبتاسم و تيشوف فيها فشكل ):شكرا
عنبر(بينها و بين مهدي): كاينا شي حاجة يااك...!
مهدي: داكشي لي بان ليا
نور: بابايا اجي قطع الكاتو
هز واحد الموص قطع شوية من الكاتو و عطاه لبنتو و حتى هي عطاتو شوية و خلا الخدامة كملات التقطاع و حطات ليهم
عنبر: ااام ..هادشي بنين
نور: خالتو نظرة هي اللي وجداتها
عنبر : اممم بصح ... لذيذ هادشي الله يعطيك الصحة
نظرة(حشمانة): بالصحة و الراحة
طوى الجلسة و عصام غاتيشوف فنظرة اللي حناكها ولاو حمريين من شفاتو كلشي رد ليه البال
ناض يوسف مد لعصام تيلي دار ليه براسو اش كاين
شد من عندو التيلي و حطو على وذنوا
عصام:الو
علي: شرفتي ابا عصام
عصام:هههنه علي غبرتي اصاحبي.. فين راك...؟
علي: ونتا سوقك ...ههه عيد ميلاد سعيد
عصام: شكرا اصاحبي ..امتى اترجع
علي: قرييب ..انا و مرتي .... هههه
عصام: شنو ... الوو ..الووو
قطع عليه خلاه تايدوي بوحدو
عصام: فين هو..؟
يوسف غمزو زعما من بعد مبغاش يدوي حدا نظرة
من مورا مسالاو ناضت نظرة مع الخدامة عوناتها تجمع داكشي و عنبر تتلعب مع نور فالجردة و مهدي و يوسف تيديرو استنطاق لعصام
مهدي: ايوا ابا عصام اش تم
عصام كيفاش اش تم.....
يوسف: راك عارف اصاحبي.... مني كلستي ماحيدتي عينيك عليها ...فرشتيها غا دوي
عصام(تنهد و هو تيدوز ايدو على شعرو):ماعرفتش ...واقيلة بديييت .....
يوسف: هههه ومالك حشمان ... طول ليا ربي فالعمر حتى شفتك حليتي قلبك مرة خرا
مهدي: ومالك مناش خايف
عصام: والا مابغاتش...منقدر نبزز حتى حاجة على حتى واحد...نتا عارفني
مهدي: ماتبغيش من نيتك .... ماشفتيهاش كيف ولات من شوفاتك ...باينا حتى هيا تتحس بشي حاجة من جيهتك
عصام: معرفتش ....مهم خليها للوقت
يوسف: العشران نخليكم .... بسلامة
مهدي: عنبر ....ييلاه انمشيو
عنببر: اووكي
باست نور و سلمات على عصام و خرجو كل واحد ركب فطموبيلتو ..
عصام خرج ريح فالجردة تيفكر فنظرة مبغاش يبغيها فاللخر يتصدم و يوقع كيف و قع ليه مع مامات نور اللي غدراتو مع واحد اخر و هربات خلات نور عندها خمس سنين
بقا ساهي حتى حس بشي واحد جلس حدااه هز راسو لقاها
نظرة: اامم ...سمحلي ... انا ماكنتش عارفة ليوم عيد ميلادك حتى قالتها ليا نور ..مقدرتش نجيب ليك كادو ..مي وجدت هادي...انشاء الله تعجبك
مدات ليه واحد الورقة كبيرة . شدها و هي تبان ليه صورتو راسمااه بقلم الرصاص تيبان بحالا مصور ماشي مرسوم . كانت مرسومة بطريقة زةينة و بمهارة كبيرة
عصام(تيضحك): هههه احسن كادو جاني فحياتي ... شكرا
نظرة: عجبك...؟
عصام: سطاني ماشي غير عجبني.. تلعتي موهوبة ....ههه
نظرة: ههههه غير هواية و صافي ... الحمد لله ماللي عجباتك
بقا تيشوف فيها كيفاش تتهضر بطريقة تقيلة تتخليه يميل مع شفايفها و عويناتها اللي تيتسدو ماللي تتضحك
عصام: امم ... عندك شي واحد فحياتك.. زعما مخطوبة ...ولا....
نظرة(بعفوية): لا ... انا حياتي هي ايزرا و اكرام ... ماعندي حتى واحد اخر ....
عصام بقا يضحك عليها حيت جوباتو بلا ماتحس
نظرة: هاا......ااا اناا... و علاش
هز ايديه حطها على وجهها تيدوز طراف صباعو علا حناكها
عصام: من بعد و تعرفي علاش
نظرة مكرهاتش الارض تبلعها ديك الساعة لسانها تربط مابقات عارفة ماتقدم ولا ماتوخر
طلق منها و وقف
عصام: مشا الحال يلاه انوصلك
نظرة: لا ...لا بلا منعدبك ..نقبط طاكسي
عصام: مغديش تلقاي طاكسي هنا ...يلاه انا برا
خرج خلاها هي مشات باست نور اللي كانت بدات فالحلمة التالتة ..هزات ساكها و خرجات لعندو
حطها قدام العمارة شكراتو و السخانة طالعا معاها ..خرجات تتجري طلعات للدار..
كيف دخلات لقات اكرام تتغوت غا بحدها
نظرة: نتي فعار الله ...مالك تاني
اكرام: انا واخدة كونجي ...كونجي ابنادم و هما معيطين ليا ... نصور واحد الصفريطة ماجاها تبان غاماللي انا ماباغاش نخدم و باش مكملينها مصيفطيني لاوتيل فقرطة خنا...
نظرة: و صافي كالمي كالمي غا نهار و يدوووز ... صبري احبيبتي
من مورا مادوشات تخشات حدا اكرام لسابع نومة
اصبحنا و اصبح الملك لله
فايقا اكرام محاملاش راسها اتمشي تخدم بزز لبسات جينز مقطع و كويرة حمرة قصيرة و كاسكيط و خرجات كسيرات للاوتيل من بعد ماوصلات نظرة لخدمتها
بقات متبعة ج ب س حتى وقفات قدام واحد اوتيل كبير جا فالخرجة ديال المدينة كان كبير بزاف تايجي ليه غا شكون و شكون هي بالطبع منتابهات لا لاوتيل كيف داير ولا للناس لي تما دخلات مدرمة ديريكت لعند الفريق ديالها كان تايتسناها تما مع الموديل اللي غادي دير فوتو شوت جديد
توجهات للجردة و بدات الخدمة و هي مشايفاش العينين اللي من الصباح مقابلينها
كان يوسف جالس فالبيرو و تيشوف فيها من الشرجم كيفاش منغامسة مع خدمتها و كل مرة تتقاد ليها بوزيسيون فشكل جاها الصهد حيدات الكويرة بان خير ربي من الديباردور مداتهاش فيه كانت باغا غير تسالي لخدمة و ترجع بحالها
هو مني شافها البارح سول عليها وجاب ضوسيها عرفها خارجة كونجي وهو اللي وصاهم يعطيوها خدمة فلوتيل ديالو..
بقات خدامة حتى لواحد اللحظة مشات عند ديك الموديل توريها شي بوزيسيون وهي الطيح ليها كاسكيطة فالبيسين محملاتش راسها طاح ليها شعرها الاشقر على جبهتها واصل لحد عنقها بقا مديرونجيها مي كانت مضطرة تكمل خدمتها
بقاات هكاك حتى طلبات استراحة مشات لبعيد جلسات حاطة ايديها فوق ركابها تترجع النفس ...حتى تمدات ليها ايد هازا كاسكيطة ....هزات راسها لقاتو يوسف
اكرام:لش تدير هنا
مجوبهاش حط ليها كاسكيط على راسها خلاها تتقاد فيها و داز ريح حتى جات حدااه
اكرام: مجوبتنيش اش تدير هنا
مد ليها واحد الفوطة كانت محطوطة تما فيها علامة تاع عائلتهم"فخري"
اكرام: اااه ... عاد فهمت
يوسف: مزيان دابا....صافا
اكرام: حسن منك ...
يوسف: هههه ...مزيان ... تغديتي...؟
اكرام: ونتا مالك..؟
يوسف: متتعرفيش تجاوبي على السؤال ...
اكرام: ونتا متتعرفش تديها فراسك
يوسف(تيضحك و يدوز ايدو على شعرو): بلا العياقة ديال البنات....
اكرام سمعاتو شبهها بالبنات محملاتوش دغيا جمعات الوقفة
اكرام: زييد ..زيد نشوفو هاد الغدا ...
بقا تيضحك عليها كيفاش تبدل لونها ماللي ذكرها انها بنت....
فهاد اللحظة كانت ايزرا مخسرة سيفتها مابغاش تنوض و علي تيجر فيها من رجليها
علي: نوضي ...راك خمرتي..
ايزرا: بعد مني ... خليني....اننننن. ...
علي: (تيهر فيها) مابغاش هااا..... ههها مبغاش تنوضي..
ايزرا: هههه لا ..... لا ...لا عفااا...ك طلق ههههه طلق
ماطلقها حتى سخفها .هزات فيه عينيه لقاتو لابس و مقاد
ايزرا: فيين ماشي....؟
علي(جلس حداها): عندي اجتماع ..انساليه دغيا و نجي ...
ايزرا: اااوووف ... انبقا بوحدي..
علي(شد ليها فايديها):ديزولي حبيبتي ضروري من الحضور ديالي و الا مكنتش نخليك (ناض وقف) الفطور فالجردة ديري عقلك و وياك ديري شي زبلة و متخرجيش من الفيلا
ايزرا: اووغ صافي صافي ... اه واخا نمشي عند خالتي حياة عفااك..
علي: السيدة خدامة اتبرزطيها ..
ايزرل: والله ماندير ليها شي حاجة ...غير نبقا حداها سادة فمي ...
علي: اووك ...ديري عقلك
تحنا باسها على راسها وخرج ديريكت لشريكتو
يوسف: ايوا مقلتيش ليا شحال عندك من عام..
اكرام: علاش تتسول ... سووقك..
يوسف: هههه اووك انا نقول 22
اكرام: ماللي عارفها مالك مبرزتني
يوسف: علاش عايشا مع صحباتك ... فين واليديك
اكرام(ردخات الفورشيط مع الطبلة): زدتي فيييه... جلسنا ناكلو معاك جوج دغمات متندمنيش
يوسف: اووك ..اوك على خاطرك
بقاو تيكملو مكلتهم بسكات .ناضت اكرام تتكمل خدمتها و يوسف جالس تيشوف فيها
فبلاصة خرا بالضبط فواحد المصنع كبير كان مقسم و كل بلاصة فيها نوع من انواع الصناعة التقليدية الخاصة بعائلة فخري فواحد القنت كانت ايزرا مخشية حدا حياة تتعلمها تنج زربية ...
بعد ماسالات الدوش خرجات لبسات حويجها و نشفات شعرها وجلسات تاتسناه يرجع حيت خافت تخرج و تزبلها و لا تلاقا مع شي حد حيت يحسابها باقا فالقصر
بقات جالسة تاتسنا حتى جاها الملال رجليها تياكلوها باغا تنوض
يلاه خطات رجليها برا الباب و هي تسمع صوتو طاح ليها الماء فالركابي كان جالس فوق الفوتاي
علي: قلت ليك خرجي
ايزرا: هاا لا و لكن (خرجات فيه عينيها ماللي شمات ريحة البحر) فين حنا ؟؟
خرجات تاتجري لبرا تدور فعينيها بان ليها البحر فليمن ليسر القدام اللور بحدهم اللي كاينين يلاه ادور ترجع عندو وهي تلقاه وراها مع الدورة لصقات صدرها مع صدرو و حطات ايديها على كتافو مع كانت اطيح و هو شد فخصرها مكاليها مع الحديد
بقات ساهية فعينيه لاول مرة تشوف لونهم مزيان و تركز فيهم واخا يعيا مايبان قاصح باقي طفل صغير ساكن فيه
هي غير تترمش و تحقق فملاميحو الرجولية ووسامتو اللي يلاه لحضاتها كتافو العراض و عضلاتو السداسية ..بقات ساهية حتى وعات على راسها هضرات و هي على نفس الوضعية
ايزرا:(تترمش فعينيها) فين حنا
علي: (طلق منها و عطاها بالضهر قبل مايصدق داير فيها شي حاجة حس بالمعلم قرب ينفاجر تحتو) حنا فالبحر ماتاتشوفيش
ايزرا(جات قدامو): لا تانشوف الحمد لله بان ليا نتا اللي ماتتشوفش اشنو تانديرو هنا و علاش ..؟
علي: داك اللسان عندك خاصو يتقطع من الجدر.... وهنا انا اللي تايسول ماشي نتي
جرها لجيهة واحد الفوتاي تما جلسها بزعفة و جلس مقابل معاها
علي: يلاه تانسمع
ايزرا: مافهمتش
علي: ماتختابريش صبري ا ايزرا (بالغوات) لبارح باركا ضحكي على مي عندك الزهر ماللي ماقتلتكش. تانصحك متعوديش تكذبي حيت هااد المرة انلوحك هنا حتى حد مايجيب ليك الخبار
ايزرل مسكينة بقات غاتدور فعينيها خافت و لكن ضحكة غلباتها ماللي تفكرات اش دارت ليه البارح
ايزرا: هههه.ههههه سمحلي و لكن ههههه ع..فاك هههههه (تضحك حتى خرجولها الدموع)ههههه ناري مي كرشي
علي(مخنزر): باينا ليا نتي تتفهمي غا بالعصا
يلاه وقف باغي ينزل عليها وهي تشدو فايديه و هزات فيه راسها و تتبيض فعويناتها
ايزرا: عفاك بلاماضربني انا نقول ليك كلشي
علي بحركة منها قدرات تهدنو و تخليه ينسا الدنيا و هو تيشوف فعينيها اللي تيترجاوه...جلس حداها و هي طلقات من ايدو وحطات ايديها فوق رجليها
ايزرا: انا ما نصابة ماداخلة مع المافيا انا غير بنت عادية باغا تخدم و معندهاش كانة للقرايا وباش نخدم كان خاصني شهادات داكشي لاش فكرت فهاد الطريقة جبت شهادات مزورين ودخلت نخدم بيهم (هزات عينيها فيه) ....تيق بيا و الله ماتكذب هاد المرة
هو سمع هضرتها تنهد بجهد حتى خلعها حس بجبل تحيد من على كتافو هز ايديه حطها فوق وجهها تايتلمس فيه
علي: متيققك ماكاين لاش تحلفي
ايزرا ماعرفات مالو مرة يغوت مرة يضرب مرة يكون حنين شكات فيه لايكون سكيزوفرين
ايزرا:دابا ماللي عرفتي كلشي رجعني لداري راه صحباتي ايكونو مخلوعين عليا
علي:(باقي عاى نفس الوضعية) انا اللي تنقرر هنا.... واش تمشي ولا لا
ايزرا:(ناضت طافجة) كيفاش نتا اللي تقرر يكما ولدتيني و نسيتيني ولا يكما ضارب علي الخط الزناتي(هزات صبعها كتهديد) شوف رااو والله و ماترجعني حتى ...حتى....
علي:حتى اااش ...؟!
ايزرا:(تادور فعينيها)حتتى ...حتى (مشات تاتجري وقفات على الحديد ) حتى نقز من هنا
علي(تيضحك على تصرفاتها الصبيانية) يلااه نقزي نشوف
ايزرا تصدمات مكانش يحساب ليها ايخليها تنقز... مابغاتش تبين باللي ضعيفة قدامو و طيح كواريها ...وهي تنفس الصعداء ونقزات تنقيزة وحدة
ايزرا: بب...قق ب....بق عت..قن...ي بب...ققق
بقات تتغرق و تستنجد بيه باش يعونها و تقول واش دار شي حركة متكي على الحديدات وتيضحك عليها
علي: وماللي ماتتعرفيش تعومي لاش فيك تخراج العينيين
ايزرا:بب.قق بب...ق ههئ عفا..اااك عتقني هههئ ب...ق بق بببق
حس بيها بدات تاترخا عرفها عيات بالمقاومة تلاح لعندها شدها من خصرها دارها على ضهرو وبدا يسبح حتى وصل لليخت طلع بيها و حطها فوق واحد الفوتاي وهي غير تتكحب ندمات على الزربة اللي فيها
ايزرا:ككح كحححح ككحححح
علي:بشوية عليك تاتموتي
ايزرا:كككح(خنزرات فيه) يموت عدويا ليمايبغيني كككح ككح(قلباتها بكا) هههئ ههههئ حشومة عليك خليتيني ..كنت انمووت.. هههئ ..او انا باقي ماشفت ماتشوفتش ....هههئ و انا شهوة مني... هههئ
علي: هههه شكون كذب عليك
ايزرا: (جمعات البكية وقفات تتخنزر) مالي كيف جيتك ...علا مزيناتي ...تقول غا هاربة ليهم من هوليوود(تتعبر بايديها) الزين ...لاطاي...الحداگة ...كلشي موجود الحمد لله
علي(ساهي فحركاتها باغيها تكمل):اهااه زيدي
ايزرا: التباتة.... الرزانة الله يحجبني وخلاص (دارت ايديها قدام وجهو زعمة خمسة و خميس)
علي: و العقل
ايزرا: العقل اااه...العقل(حطات صبعها فوق فمها زعما تتفكر) اااه العقل حتى هو كاين خاصني غير نخدم عليه شويا
علي: ههههه (ضربها لفوق جبهتها دقة خفيفة و داز للكوزينة )....
نور: بابايا بغيت نلعب فهادي بليييز
عصام: بلاتي ابنتي تخوا شويا راه تما فيه غير العيالات
نظرة:ماشي مشكل انا نديها
دار ليها براسو ااه و هو معجب بجميع حركاتها دات نور ركباتها فوق واحد الحصان و رجعات اللور تدير ليها بايديها باي باي
عصام:احححم
ضارت شافتو واقف حدها هزات فيه عينيها تتسناه اش ايقول حتى نطق
عصام: سمعتك قبيلا اش قلتي...بغيت نقول ماللي كنتي نتي و نور فالكوزينة ...ولكن من غير قصد
نظرة: ااه ...ماشي مشكل عااادي
عصام:مبغيتيش تقلبي على واليديك
نظرة: كن بغاوني ماكانوش يلوحوني لاش انعدب راسي دبا
عصام : ماتحكميش عليهم و نتي معرفاش ظروفهم
ضارت تشافت فيه بعينين دامعيين
نظرة:(بجدية) ماكينين حتى ظروف يخليو ام تلوح بنتها... بنت يومين ماعندها حتى ذنب فهاد الحياة ...ياريت كن غير خلاتني معاها نعيشو فالزنقة معليش كنت على الاقل نقدر ننطق كلمة ماما ...واخا تجي دابا تركع عند رجلي عمري نسمح ليها ..... يمكن دبا اتقول عليا قاصحة ولكن ماعشتيش داكشي اللي عشت انا ... داكشي علاش عمرك اتحس بالغصة اللي فقلبي
عصام دارت بيه الدنيا ندم حيت جبد ليها الموضوع مكانش يحساب ليه اتأتر حتى لهاد الدرجة حيت هو بصح ماغديش يحس بيها
بقا تيشوف حتى قاطعاتهم نور
نور: خالتو نظرة وااش تتبكي؟؟
نظرة: (تتمسح فدموعها) لا لا احبييبة غير دخلات شي حاجة فعيني ... اجي نشريو غزل البنات
جراتها من ايديها و تبعهم عصاام .
عند ايزرا
من مورا مابدلات حويجها لبسات كسوة خفيفة فالغوز حد الركبة و واحد صندالة الصبع لقاتها تما
مشات تبعاتو للكوزينة شافتو تيقطع فشلاضة كلسات فوق البوطاجي تتلعب برجليها
ايزرا: ماناويش ترجعني لدارنا ولا شنو ...
علي(بلا مايشوف فيها) لا
ايزرا: اويلي على لا وراه تانقوليك صحباتي ايتخلعو عليا ناري ليوم الزوفري تقتلني
هو غاسمع الزوفري هز عينو تيخنزر فيها وهو يحط ليها الموس على عنقها ناوي خزيت
علي(مخنزر):اش قلتي ماسمعتش
ايزرا(مصدومة):اويللي اشش.. تدييي...رر
علي:متعصبيش دين مي شكون هاد الزوفري(بالغوات)دوي ولا نغرسو فمك دبا
ايزرا: اشمن زوفري ااه ...اكرام ..اكرام صحبتي تنقول ليها الزوفري
علي:(حيد عليها الموس)متأكدة ...!!؟
ايزرا: كيفاش متأكدة راااه اصلا قلت الزوفري اتقتلني ماشي ايقتلني مي بان ليا حتى السمع عندك قلييل
خنزر فيها تخنزيرة خلاتها ضرب الطم
شويا و هي تسري معاها
ايزرا: اااجي بعداا... انا بركا تنعود ليك و نشرح ليك علاش بسلامة... اش بيني و بينك يكون عندي زوفري جوج ثلاتة سوقك... شغلك
علي:نو نو ماكينش و عمرو ايكون غا رتاحي
ايزرا: (تتعيبو) لا لا واتتتقة من نفسيها
بقات تتلعب برجليها وتتشوف فيه كيفاش تيقطع فشلاضة تيبان هادي عكس الايام اللي شافتو فيه حتى شوفاتو تبدلو ومن ملاميحو باين مرتاح
ايزرا: على الاقل عطينا غير شي حاجة نكلوها نتا تتصيب فشلاضة قنية انا
علي:ياك قلتي حادكة ...زيدي ورينا حداكتك
ضربات الطم حيت عارفة راسها تتعرف الكوزينة غا بسمية مبغاتش تفرش .هو عاق بيها تزيرات ضحك عليها و ضربها لحنكها دقة خفيفة و داز قدامها لبرا
ايزرا:(جلسات قبالتو فوق الفوتوي): واخا مغديش تشبعني مي مضطرة نكلها ... والا مغديش نلقا جهد باش نجوبك ماللي تبدا تسب و تغوت
علي:فخبارك باللي لسانك طويل ..منين تتجيبي هاد الهضور
ايزرا: من عند حسن مول الحانوت (تتنضغ و تهضر) الا بغيتي نشوف ليك كيلو دلهضرة الزوينة علا وعسا تحيد عليك ديك الغوباشة
علي بقا تيضحك عليها حتى بانو غمزاتو اللي اول مرة تشوفهم و تشوف سنيناتو المستفين لبيض من مستقبلي
ايزرا: (ببراءة ):اول مرة نشوفك ضحكتك
علي: عجباتك ...؟
ايزرا(قلبات وجهها): مابيكش
علي : هههه ايييه ...!
بقات تتخشي فوجها سلات من ديك شلاضة هزات طبسيلها و طبسيلو و داتهم حطاتهم فكوزينة كانت بغات تغسلهم مي السيدة ممولفاش معرفات مدير خلاتهم تم و رجعات عندو لقاتو خاشي راسو فالبيسي.
بقات جالسة تتفيبري برجليها و لسانها تيكلها بغات تهضر و خافتو يقمعها
علي:غير نطقي قولي اش باغا
ايزرا غا سمعاتو عطاها الضوء الاخضر بدات
ايزرا: دبا نتا لاش جيبني لهنا ... ياك شرحت ليك كلشي و قلت باللي غير كنت باغا نخدم .. باينا ماغديش تدخلني للحبس .. مي علاش انا هنا..بغيت نرجع بحالي
علي(مطلع حاجب و مهبط لاخر): اهااه ... متأكدة
ايزرا:ااه متأكدة .. كون بغيتي دخلني للحبس كن دخلتيني من الاول كاعما تجيبني هنا و تعامل معايا بهاد الطريقة... غير قول اش كاين .. عافااك راه الفضول قتلني
تنهد و ناض جلس حداها وجهو مقابل مع وجهها و انفاسها تضرب فيه وبدون سابق انذار تلاح على شنايفها تيبوس فيهم بواحد الطريقة حنينة مامنعاتوش و فنفس الوقت ماتجاوباتش معاه بقات مصدومة و هي تتحس بفمو كيفاش تيتحرك فوق فمها و صباع ايديه تيتحركو ببطئ فوق حنيكاتها اللي ولاو سخان بالصهدة اللي طلعات معاها .
مطلق منها حتى حس بنفسها ايتقطع طول فيها الشوفة تيعبر ليها ردة فعلها كيفاش اتكون لقاها قربات تسخف
علي:دبا عرفتي اش كاين
ايزرا:ها ... اا... لا...ا
علي:ههه كون يحساب ليا هاكا اتسكتي و ديري عقلك كن درتها شحال هادي
رجع جلس فبلاصتو خلاها تتبلق فعينيها و تتهضر مع راسها بصوت شبه مسموع
ايزرا: اجي اميمتي طلي على بنيتك ولات تتباس ... ااح اميمتي هادشي بنين ... مجات فين تكملها حتى سمعاتو تيضحك
علي:ههههه هي نعودوها هههه
ايزرا: ها...اااا ....تتقرا ..الافكار ..
علي:هههه الكلاخ نعمة ....راه نتي اللي تتفكري بصوت مسموع
ايزرا: سيير سيير راه نتا اللي عندك برابورات ماشي وذنين
بقا تيضحك على تصرفاتها و هو فرحان حيت بدا تيرطب فيها و بدل ليها نظرتها عليه و واعد نفسو قريب يخليها تبغيه
ايزرا:اااووووف ..شوف انا راه ممولفاش نبقا مدة طويلة فبلاصة وحدة ...
علي:جلسي لارض .. اتصدقي ديرا شي موصيبة
ايزرا:والله مندير شي حاجة غير خليني نشوف غرفة التحكم (جامعة ايديها علي شكل ترجي)بلييز بلييز كنت ديما نشوفها فالافلام بغيت نكتشف عن قرب
وكل امرو لله وناض مشا بيها لغرفة التحكم و هو غا تبعها من اللور الي خسراتو تيعاود يقادو مخلات علياش وركات البوق ....الضواو القداميين ...اما الناس اللي فالمركز اللي تيتاصل بيهم شيباتهم مساكن ماخلات مغنات ليهم ها الجسمي ...ها اليسا.....هالعلوة .
بقات تدور فديك الغرفة حتى عيات وخرجات لبرا
ايزرا:ااوف عندك هادشي ممل (دورات وجهها على ليمن)
يلاه بغا يجوبها و هي تنقز
ايزرا:واااو ...
مشات تتجري لمقدمة اليخت وقفات تما معليا راسها تتشوف فغروب الشمس كان منظر رائع ...بقات تتشوف حتى حسات بيه وقف وراها
ايزرا: تايقولو باللي الناس اللي تيموتو و يطلعو للسما تيكونو تايشوفو حبابهم ل فلارض (دارت عندو) زعما يكونو تيشوفوني..؟
علي(حط صباعو على حنكها تيدوزو بشوية) معرفتش واش بصح تيشوفوهم ولا لا... مي متأكد باللي تيحسو بيهم ويبغيهم يكونو ديما فرحانين
ايزرا:(هبطو دموعها)توحشتهم بزااف.....ههئ من نهار مشاو .. ههئ ههى مشفت نهار زوين.. ههئ خلاو ليا غير الحزن معمرلي هنا(حطات اييديها فوق قلبها)
عنقها محملش يشوف دموعها و فنفس الوقت خلاها على خاطرها بغاها تخرج غضبها فالبكا .حتى هو حاس بنفس احساسها حتى هو فقد عائلتو ولكن الفرق بناتهم انه عمرو طيح دموعو حتى ماللي شاف جثث واليديه مشوهة قدامو مبكاش ولكن هدشي متيعنيش انه ممألمش بالعكس هدا اخطر عذاب يقدر يدوز بيه الانسان
بقات غاطسة وجهها فصدرو تتشهق و دموعها مبغاوش ينشفو حتى حسات بالسخفة و الصهدة و الرعدة و كلشي طالع معاها .هو حس بيها تترعد بعدها عليه ببطئ تيشوف فيها كيفاش تييتبدل لونها و شفايفها تيزراقو وهي تنطق بصوت شبه مسموع
ايزرا: دواايا... دوايا
هو سمعها قالت دوا هزها بزربة غادي تيجري حطها فوق السرير و جبد الدواء من المجر حدا السرير و جاب كاس الماء خشاه ليها ففمها صرطاتو عادت بدات ترتاح و يرجع لونها و يتقاد النبض ديالها
علي: صافا دابا ..باش تتحسي(تيدوز ايدو على شعرها)
ايزرا:شحال فالساعة
علي(شاف فساعتو): 8 علااش
ايزرا: معرفتش انا مولفة متنشربو حتى العشرة علاش حسيت هاكا دابا
علي(تنهد):حيت لبارح مشربتيهش و الطبيب عطاك دوا اخف منو داكشي علاش حتاجيتيه دابا
ايزرا: ااه اووك...(شدات فايديه) شكرا بزااف كن ماشي نتا كن وقع ليا بحال البارح كنت تنحس بالجناوا تيتغرسو فقلبي روحي حتى تتبغي تزهق و تعود ترجع
علي(قالب وجهو):مي انا السباب
ايزرا:مكنتيش عارف نتا بصح دربتيني و باقي منسيتهاش مي كن كنتي عارف تناخد الدوا مكنتيش تخليني
علي(باس ليها راسها):سمحلي حيت ضربتك مكنتش عارف راسي شنو تندير.... فكرة انك تقدري تكوني نصابة كانت تتاكل فيا (بقا ساكت شحال عاد نطق) ...قلبي كان مسدود هادي شحال مي ماللي شفتك كلشي تقلب دخلتي هنا(حط ايدو على راسو) و هنا(على قلبو) ومقادراش نخرجك منهم سكنتي فيهم ...
ايزرا تخوا عليها سطل الماء بارد هي كانت شاكة مي مضناتش اتسمع هاد لكلام منو متقدرش تنكر حتى هيا عجبها وزاد عجبها ماللي بدا يتعامل معاها مزيان .
شافها تدور فعينيها متبغاش يزيد يحرج راسو كتر .. خرج على برا و جلس تيخمم ..
حياتو كاملا دوزها بنات عارف كاع الانواع و كيفاش يتعامل معاهم الا هي معرف منين ايجيها ديما كان حاضي راسو و تبقول انه عمرو خاصو يبغي شي وحدة حيت اكيد متقبلش تبقا معاه(من بعد تعرفو علاش) بقا فكرة تديه فكرة تجيبو حنى داه النعاس
اصبحنا و اصبح الملك لله
فاقت نظرة على وجهها ابتسامة وهي تسترجع احدااث البارح كيفاش كانت هي و عصام و نور تخيلات راسها هي و اسرتها الصغيرة اللي ديما كانت تمنى انها تكون عندها متنكرش ان عصام تيعجبها بزاف شخصيتو هادئة و رزيين
بقات ساهية و تتخطط غابحدها للمستقبل حتى قفزاتها اكرام
اكراام:انتسطا انتسطا ..فين مشات هادي..التلفون طافي...واش انا انتفرگع و نتي تتفرنسي ليا تما مع الجنون
نظرة:يدربوك انشاءالله
قالتها ليها و هي هربانة للحمام باغا تخبا ساعة اكرام كانت على القرس شيرات عليها بصندالة الميكا جابتها ليها للكنا
اكرام:داباا لبسي زيدي قدامي لداار هاد المديير ..
نظرة:(تتحك فالدقة):من نيييتك...؟؟
اكرام :من ترمتي ...زيدي قودي قدامي
بقات واقفا عليها حتى لبسات هي كانت لابسة ديجا جينز مقطع و قوبية كري و كاسكيطة رداها اللور
خرجو ركبو فالتيماكس ديريكت لقصر فخري
فهاد الاتناء كانت ايزرا يلاه تتخسر سيفتها تتستعد تفييق
حلات عينيها ديريكت للحمام قداات حاجتها و غسلات و جهها و كرشها تتغوت بالجوع ..قدات شعرها وخرجات تقلب عليه ...حتى شافتو ناعس فوق الفوتوي معنز مسكين
قردات لعندو تتشوف فيه و ملاميحو مغوبش حتى فنعاسو تفكرات البوسة و هي تحط صبعها فوق فمو ...محسات بيه حتى عضو لبيها...
ايزرا:اااح ...مالك المسعور لاخر مواكلش اللحم
علي(تيتكسل وهو مبتاسم):صباح الخير
ايزرا: (قالبة قنانفها):صباح الخير .... نوض ..نوض راه في الجوووع (تتجبدو من ايديه)
ناض وقف و هي حداه واصلة ليه حد صدرو تحنا عندها جر ليها قنوفتها الفوقانية حتى مبقاتش تتحس بيها
علي: دابا نوجد لحبيبتي احسن فطور
زاد و خلاها تدوي ابحدها
ايزرا:لا كولهم... كولهم حسن... الهيماجي لاخر ..اميمتي قنوفتي... بلاتي.. اش قال ...حبيبتي ...
تبعاتو تتجري للكوزينة لقاتو تيصيب فاطوست تيدير فيه الكونفتير و ريحت القهوة عاطية مجهدة
ايزرا:اججي نتا اش قلتي .. حبيبتي ..تلفتي يااك ..هها. ... دوي ...
علي: لا ماتلفتش حبيبتي.... و عمري و ...كلشي الا بغيتي و حتى الا مابغيتيش
ايزرا: هها ... دااابا... ااا.ن....ا
علي: اجي تفطري.... اااجي (تيضحك عليها)
سبقها هاز بلاطو فيه طوست و كاس العصير حطهم ليها و هز كاس القهوة قاصحة متشربيها حتى فسبيل الله
ايزرا(تتكول و تهضر):دابا امتى انرجعو...؟
علي: باقي شويا .... بغيت نبقا مع حبيبتي عندك شي مشكل
ايزرا: كككح ...كككح. ....
علي:بشوية عليك ....شربي شربي
ايزرا: خاصني ندوي مع صحباتي راه ايكونو قالبين عليا الدنيا ...بلييز
علي:سالي الماكلة و نعطيك تعيطي
اكرام:شوف راه اندخل هي اندخل ...مغديش تخلعني بهاد الفردي اووكي ..(تادفع فيه)
الكارد:سيري بحالك راه اتجبدي راسك المشاكل
نظرة: اكرام هاالميمة البزيزيلة مايلاه شو كيداير
اكرام: مالو ايخلعني و الله ماني محركة من هنا حتى ندخل نشوف فين دارو ختي السيبة فالبلاد
بقات تغوت و تعاير هي و الكارد حتى تم جاي يوسف كل تيقطر بالعرق كان تيجري فالغابة حتى شافهم و تم جاي قصدهم .شاف غير الكارد و جوج بنات مشافش و جههم
يوسف: اش واقع هنا ..
اكرام مع الدورة تصدمات خرجات عينيها حتى وصلو لعندو
اكراام:نتاا ...؟؟!!!!
يوسف(فنفس الوقت) نتتييي....!!!
بقاو تيشوفو فبعضياتهم حتى فيقتها نظرة
نظرة: تتعرفيه
اكرام: (تتخنزر فيه يحساب ليها هو شافها ديرة كسيدة و خلاها مرمية و هو كاعما شافها مع كان عفط عفطة وحدة )
يوسف: شنو المششكل هناا ...
نظرة: عفااك بغينا موسيو علي .. صاحبتي خدامة مساعدة عندو و من نهار كانت الحفلة هنا مابانت تقدر تعاونا...
اكرام(تتخنزر):مالقيتي شكون يعونك غا هدا ...
يوسف ستغرب من طريق. هضرتها داز قدامهم و قال للكارد يخليهم يدخلو
دخلهم حتى للصالون قالهم يتسناو تم و طلع لبيتو يدوش
نظرة:واش تتعرفيه
اكرام(مخنزرة): ااه هو سبابي فداك الكبص اللي بقيت معلقة يومين ...عندو الزهر غير شقق بسيط اما كن وريتو الكنس لاخر ....مخليني مرمية و مشا كن بعدا عيط غير للاسعاف
بدا تيصوني تلفون ديال نظرة هزاتو لقات غصام قلبها بدا تيفرفر بالفرحة بعدات على اكرام و جوباات
نظرة: ااالو
نور: خالتو نظرة انا نورر
نظرة: وي عرفتك احبيبة....صافا
نور: لا ماصافاش جي عندي عفاك
نظرة: مالك بيك شي حاجة ...
نور: والو غير جي عندي ...اوك انا نتسناك طييط طيييط
غا قطعات نور ناضت تتنقز فوق النموسية و ضربات كفها مع ديال باها
نور: ياااي غتجي غتجي
عصام: تبركاالله على بنتي الممثلة (بلسها فحنكها و هضر بهمس)اخر يامي وليت نستغل بنتي باش نشوفك ...
نظرة غير قطعات عليها نور خرجات طيرا لعند اكرام
نظرة:حبيبة عندي ميدار ضروري... بقاي سمعي اش ايقول و علميني اوك بب باااي
خرجات تتجري مخلات ليها الفرصة حتى باش تجوبها ..شدات طاكسي ديريكت للفيلا
اكرام : لا لا هادشي لبقى... الله لا بقات فيك تترجعي ليا ....
يوسف: مالك تدوي بوحدك
شافتو جاي لعندها و هي تنوض تمات حتى هي غادة لعندو
يوسف:علاش تتعرجي ...؟
اكرام(مخنزرة):معرفتيش علاااش ...
يوسف: تنعلم الغيب انا ...
اكرام: والووو ... مهم فين هي اختي .. من نهار كانت هنا مابانت ...
يوسف: ااه ...ايزرا... حتى علي مكينش دونك
هي معاااه
اكرام: لا ..تتقول فيها عادي زعما هي معااااه ..
بدا التلفون ديال يوسف تيصوني هزو لقا علي بتاسم و جاوب
يوسف: العشير فين راااك....؟
علي: فالييخت ... صافا.. ؟
يوسف: ااام صافا. ..معاك ايزرا...
علي: وي لاش ...؟
يوسف: عطيها التلفون صاحبتها هنا بغات دوي معاها
علي: ااممم اطط ..
مد التيلي لاكرام تتسنا شي حد يدوي
ايزرا:ااالو
اكرام: حبييبة صافا .... فين راك نجي عندك..
ايزرا: اودي فين اتجي عندي راني فوسط البحر كن راه قربت للهند
اكرام: مرتاحة ياكما واقعة شي حاجة متخبيش على ختك .... و دواك كاين فالدار اش تديري فيه...
ايزرا: جاب ليا علي الدوا ...وراني تنشربو...متخافيش عليا فرحانة ... تهلاي فراسك صافي و فنظرة
اكرام(تنهدات):اوككي حبيبة بسلامة
طييط طييط
مدات ليوسف التلفون
اكرام(ابتسامة صفرا):شكراا.....بسلامة
تمات غادا حتى وقفها صوتو
يوسف:بلاتتييي....
اكرام: شنو..
يوسف: ماقلتيش ليا علاش تتعرجي...
اكرام: لا واش من نيتك تتسول.... واش مخليني مرمية داك النهار ... حتى باش تعيط للاسعاف مقادش ... ودابا تتسول..
يوسف(مطلع حاجب مهبط لاخر):اش تتخوري تم .... مافهمت والو
اكرام: ايوا انا نشرح ليك...داك النهار ماللي درتي نتا مشيتي بقيت متبعة ليك العين حتى خرجت فواحد القش تما جبلاه كان عامر غافرشي ...وباش مكملها مخليني و ماشي...كن ماشوية الجهد اللي بقا ليا نعيط بيه للاسعاف كن بقيت تم
يوسف(مصدوم): لا ..و الله ماشفتك...من نيتك نشوفك و نخليك مالي يهوديي.... راه بصح مشفتكش
اكرام: اااه ... مهم بسلامة
يوسف: بلاتيي...
اكرام(بنفاذ صبر): اووووف شنو تاني
يوسف: نتي دراك رجليك ..خليني نوصلك
اكرام: لا شكرا... اصلا جيت فمطوري ...باي
خرجات لبرا تتجري بغات غاتفك منو ركبات فمطورها و كسيراات
فهاد الاثناء نظرة يلاه حطها الطاكسي ففيلا عصام ماجات فين تصوني حتى حلات نور الباب تتغوت
نور: خالتي نظرة..... جيتي
نظرة(باستها فحنكها): وي جيت احبيبة
نور(جاراها من ايديها): اجيي بابايا فالجردة
نظرة: سلام (جلسات فوق الفوتوي)
عصام: (تيشوف فيها شوفات فشكل): سلام ...ياكما برزطاتك هاد المشاغبة..
نظرة: لا لا بالعكس
نور: خالتو بقاي هنا انا جايا...
خرجات تتجري خلاتهم تيبلقو فعينيهم
عصام(بغا يجبدها بالهضرة): عزاز عليك الدراري صغار...؟
نظرة(عينيها تيبريو):ااه بزاااف تنلقا معاهم راحتي بزااف
عصام: ماتتلقايش مشكل .. زعما اغلبيتهم مراض...
نظرة: بالعكس ... شوف انا ماللي كنت صغيرة 7سنين كان عندي واحد الصديق ماللي حليت عيني و هو معايا كان هو حياتي فداك الميتم كان مريض بالتوحد .... واحد النهار قالي باللي تشها الشوكولا قالها ليا بحكم اني عمري رفضت ليه طلب ياريتو كن طلب ليا عيني ديك الساعة و مطلبش الشكولا...(تنهدات).. دخلت لمكتب المديرة و هزيت ليها شوكولا من واحد المجر ...كشيت تنجري عطيتها ليه يلاه اياكلها و هي توقف علينا ...عمرني ننسا داك النهار(دمعو عينيها) عطاتني قتلة ديال العصا و دخلاتني لواحد البيت كلو ضلام بقيت فيه نهار و ليلة باجوع و العطش و البرد.... بكيت...غوت ... مداها فيا حد...اول ماخرجت سولت على مجد قالو ليا مات مقدرش يستحمل العصا و العذاب و مات ههيييئ ههئ ماتت حياتي معاه فداك النهار مبقات عندها حتى معنى ....كان هو المتنفس ديالي ...من داك النهار و انا بحدي ..كل عيد كانو تيجيو العائلات تيديو البنات و الولاد يعيدو معاهم الا انا .....المديرة كانت ديما تتشوه صورتي عندهم...حتى لواحد النهار جات خالتي حياااة..ممات ايزرا ..داتني معاها و لاول مرة فحياتي نحس بمعنى تكون عندك عائلة ... من بعد تبناتني و وليت اخت ايزرا بالوراق ... عمرني منساها قراتني و كبراتني عمرها فرقاتني على ايزرا بالعكس كانت الحاجة المخيرة ديالي ...الله يرحمها هي و عمي محمد .... عمرو محسسني اني غريبة عليهم
(هزات فيه عينيها دامعيين) داكشي لاش ماللي تخرجت قررت نعلم هاد الدراري بالظبط و نعلمهم يواجهو وميكونش مصيرهم بحال مجد الله يرحمو
ناض عصام جلس حداها و شد ليها فايديها
عصام: داكشي اللي تديري زويين بزاف و كن كان مجد كن كان فخور بيك
بتسمات ليه و هي تحت تاتير الصدمة و ايديها تيرجفو تحت ايدييه...هو عاق بيها و ضحك فنفسو ..طلق منها
نظرة: انا انمشي نشووف نور
ناضت تتجري هربانة من شوفاتو الي وللو يطلعو ليها السخانة
عند ايزرا
اللي ماللي وقف اليخت على واحد الجسر وهي حالة فمها تتسول فعلي اللي مابغا يعطيها حتى جواب
علي: اري يديك راه غادي طيحي
ايزرا: و الله ماني نازلة حتى تقولي فين حنا ...زدتي فيه ..قول
علي: راه انمشيي نخليك هنا ..اري ايدييك
ايزرل: ااااوف (مدات ليه ايديها بزعفة)
علي: اوبلا ..شتي تتكوني زوينة ناللي تتسمعي الهضرة
خنزرات فيه و هو عاجبو الحال فاقصها بقات غادية و تتشوف فداك الجسر كلو عامر بليكارد بقات تدور فعينيها مفاهمة والو شويا و هي توقف قدامو حبساتو يزيد
ايزرا:شي تفسير عفااك راه درني راسي ..بلييز
علي:(تيضحك)نتي مفاهماش و مسكتيش عاظ الا فهمتي
ايزرا: صافي قول ليا مالك هاكا
هز ليها راسها لجيهة واحد العلم لفوق تيفرفر بقات تتشوف فيه شحال تتفكر اتع الا بلاد شوية و هي تنقز تتغوت
ايزرا: الامارات هههه حلف بلاه ... حنا فالامارات
علي: الحمد لله ماللي عرفتيها الكسولة (ضربها لراسها)
ايزرا: اش تنديرو هنا...
علي: عندي شي خدمة نساليها و نرجعو
ايزرا: نرجعو ... من نيتك واش انا جيت حتى للامارات ..ومنمشيش لدبي و نشري لحويج و منمشيش لبرج العرب .... ونتصور مع الجسمي ..
علي: ههه زيدي زيدي
بقات تتشوف فداكشي اللي قدامها و الضحكة مفرقاتش وجهها ...ركبو فمرسيظيس كحلة ديريكت للفيلا يالو تما و الكارد وراهم
عند نظرة
نظرة: حبيبة.. صافا
نور: ماصافاش
نظرة: هههه ...مالك درتي شي زبلة تاني ..
نور : و لااااا ..اجي قربي نقول ليك
عطاتها وذنيها تتسناها تدوي
نور: ليوم عيد ميلاد بابايا و هو كاعما مفكرو
نظرة: بصاااح ...
شافوه جاي و هما يسكتو
عصام: انا خارج عندي شي خدمة (شاف فنظرة) خوظي راحتك ...بسلامة
نظرة(بتاسمات ليه):بسلامة
من مورا ماتأكدو باللي خرج نقزات نور تتغوت
نور: خالتو عونيني نصيبو ابابا كاتوو عفاك هو كاعما تياكل ديال الزنقة
نظرة: اممم يلاه
من بعد ساعتين ديال الروينة وجدو تارت متوسطة بلاكريم كتبو عليها "happy birthay papy" و علقو فيها الرقم 28 على شكل شمعة و خباوها فالثلاجة باش ميشوفهاش
جا عصام تغداو وطلع لبيتو يرتاح و بقات نور و نظرة فالجردة يهضرو ويضحكو و يخططو للعشية كيفاش ادوز
عند ايزرا: اللي ماللي ركبات فاللوطو وهي خاشية راسها فالشرجم تتشوف فالظنيا كيف دايرة الشارع نقي و الديورا كبار الشركات و لوطيلات طوال قربو ينطحو السماء بقات ساهية حتى سمعات الفران دارت تشوف لقلدات راسها قدام واحد الفيلا متوسطة دايرة بيها الجردة و من بعيد تيبان بحال المصنع فالحمر مسدود بقات ساهية حتى حل ليها علي الباب
علي: انباتو هنا
شد ليها فايديها خرجها من اللوطو و زادو لباب الفيلا ..شوية و هي تحل الباب واحد المرة كبيرة اتكون عندها دييك 50 عاام لابسة بيجامة طةيلة فاشيبي و تاضحك مع علي اللي باس ليها على راسها
علي: الميمة لبااس
... لباي اولدي(تاتشوف فايزرا)مرحبا ابنتي دخلي
دخلت للداخل تنشوف فالفراش و الديكور اللي تما كانت راقية و بسيطة فنفس الوقت كان صالون على الدخلة فيه فراش مغربي و فالجنب بانت ليا الكوزينة و كان باب الزاج تتبان منو الجرردة و واحد الجليسة فيها جوج فوتويات و طبلة صغيورة بقات ساهية حتى سمعاتو نطق بسمية خلاتها دور 180 درجة
علي: خالتي حياة ... وجدي لينا شي حاجة ناكلوها عفاك
ايزرا: حيااة ... سميتك حياة
حياة: ااه ابنتي(قبل ماتكملها تلاحت عليها عنقاتها)
ايزرا: ههة بحال سميت ماما ههى الله يرحمها
حياة: (تدوو ايديها على شعرها) الله يرحمها ابنتي
تهزات عليها ايزرا تتشوف فيها
حياة:اشنو بغيتي تاكلي ابنتي
ايزرا: اللي كان اصلا كاع اللي تيجي من عند حياة تيكون زوين و بنين
ضحكات ليها و مشات للكوزينة توجد لعشا
علي: اجي المشة ...اجي
مشات جلسات حداه و حطات راسها على بريئة.ودموعها هابطين شوية و هي تغوت ليه فوذنو
ايزرا: اتديني لبرج العرب يااك...ياك...عفاك
علي:ههه يلاه كنتي تتبكي
ايزرا: وصافي ..صافي.. عفاك ديني بليييز
بقا ساكت تيشوف فيها كيفاش دغيا تتقلبها للضحك و تاتنسا همها و هدشي تيعني ان قلبها بيض و بريئة.
جابت ليهم العشا كلاو و شربها دواها و داها لواحد البيت غطاها و خلاها تنعس...وهو هبط للجردة جلس تيفكر فيها و فحياتو لي تقلبات من نهار تصاطح معاها فباب الشركة ..واش اتبغي تكمل حياتها معاه من بعد ماتعرف شنو مخبي...
عند نظرة
نور سمعات صونيط فالباب مشات تتجري حلات الباب عنبر و مهدي و يوسف اللي شاف نظرة تم ستغرب حيت عرفها صاحبة ايزرا مي معرفهاش اش تير هنا
نور: خالتو نظرة سيري كلمي بابا... راه بيتو اللي حدا ديالي
نظرة: ها...انا....اوكي
طلعات عندو البيت دقات مرة جوج مسمعات حتى رد و هي دخل تصدمات من المنظر اللي قدامها
مسكين عصام معرف باش تبلا كان يلاه خارج من الدوش لاوي على خصرو الفوطة و وحدة خرا تيتشف بيها شعرو
بقات ساهية فجسمو و الوشمة اللي فصدرو كان واشم عقرب و عضلاتو بينين هو تيدوي معاها و هي مشاات
عصام: نظرة...نظرة ....
نظرة: اااه....ها...ااا... سمحليا (دورات وجهها)عفاك واخا تجي معايا نشوفو نور
عصام: مالها نور ...دوي مالها
نظرة: لا والو ماتخافش ..لبس انا برا نساينك
خرجات على برا تضرب فراسها على غبائها
عصام لبس شورط فالبيض و تيشورت فالكري و خرج عندها هابطين للتحت
هما غا شافوه هابط و بدااو تيغنيو " happy birthay too you " عصام تصدم مكانش متوقع يديرو ليه عيد ميلاد بقاو تيغنيو و يوسف تيصفر و يصفقو
يوسف: كل عام وانت بخير اعشيري
عصام(تيضحك): شكرا
مهدي:شرفتي ...
عصام: نتوما اللي شرفتوني
عنبر(عنقاتو):عيد ميلاد سعيد
عصام: شكرا المشة
نور: بابايا عيد ميلاد سعيد
عصام:اجي ابنتي ...اجي (باسها فحنكها)
نظرة بقات واقفة تتشوف فيهم بقات بحدها تيشوفو فيها باش تهضر
نظرة: عيد ميلاد سعيد
عصام(مبتاسم و تيشوف فيها فشكل ):شكرا
عنبر(بينها و بين مهدي): كاينا شي حاجة يااك...!
مهدي: داكشي لي بان ليا
نور: بابايا اجي قطع الكاتو
هز واحد الموص قطع شوية من الكاتو و عطاه لبنتو و حتى هي عطاتو شوية و خلا الخدامة كملات التقطاع و حطات ليهم
عنبر: ااام ..هادشي بنين
نور: خالتو نظرة هي اللي وجداتها
عنبر : اممم بصح ... لذيذ هادشي الله يعطيك الصحة
نظرة(حشمانة): بالصحة و الراحة
طوى الجلسة و عصام غاتيشوف فنظرة اللي حناكها ولاو حمريين من شفاتو كلشي رد ليه البال
ناض يوسف مد لعصام تيلي دار ليه براسو اش كاين
شد من عندو التيلي و حطو على وذنوا
عصام:الو
علي: شرفتي ابا عصام
عصام:هههنه علي غبرتي اصاحبي.. فين راك...؟
علي: ونتا سوقك ...ههه عيد ميلاد سعيد
عصام: شكرا اصاحبي ..امتى اترجع
علي: قرييب ..انا و مرتي .... هههه
عصام: شنو ... الوو ..الووو
قطع عليه خلاه تايدوي بوحدو
عصام: فين هو..؟
يوسف غمزو زعما من بعد مبغاش يدوي حدا نظرة
من مورا مسالاو ناضت نظرة مع الخدامة عوناتها تجمع داكشي و عنبر تتلعب مع نور فالجردة و مهدي و يوسف تيديرو استنطاق لعصام
مهدي: ايوا ابا عصام اش تم
عصام كيفاش اش تم.....
يوسف: راك عارف اصاحبي.... مني كلستي ماحيدتي عينيك عليها ...فرشتيها غا دوي
عصام(تنهد و هو تيدوز ايدو على شعرو):ماعرفتش ...واقيلة بديييت .....
يوسف: هههه ومالك حشمان ... طول ليا ربي فالعمر حتى شفتك حليتي قلبك مرة خرا
مهدي: ومالك مناش خايف
عصام: والا مابغاتش...منقدر نبزز حتى حاجة على حتى واحد...نتا عارفني
مهدي: ماتبغيش من نيتك .... ماشفتيهاش كيف ولات من شوفاتك ...باينا حتى هيا تتحس بشي حاجة من جيهتك
عصام: معرفتش ....مهم خليها للوقت
يوسف: العشران نخليكم .... بسلامة
مهدي: عنبر ....ييلاه انمشيو
عنببر: اووكي
باست نور و سلمات على عصام و خرجو كل واحد ركب فطموبيلتو ..
عصام خرج ريح فالجردة تيفكر فنظرة مبغاش يبغيها فاللخر يتصدم و يوقع كيف و قع ليه مع مامات نور اللي غدراتو مع واحد اخر و هربات خلات نور عندها خمس سنين
بقا ساهي حتى حس بشي واحد جلس حدااه هز راسو لقاها
نظرة: اامم ...سمحلي ... انا ماكنتش عارفة ليوم عيد ميلادك حتى قالتها ليا نور ..مقدرتش نجيب ليك كادو ..مي وجدت هادي...انشاء الله تعجبك
مدات ليه واحد الورقة كبيرة . شدها و هي تبان ليه صورتو راسمااه بقلم الرصاص تيبان بحالا مصور ماشي مرسوم . كانت مرسومة بطريقة زةينة و بمهارة كبيرة
عصام(تيضحك): هههه احسن كادو جاني فحياتي ... شكرا
نظرة: عجبك...؟
عصام: سطاني ماشي غير عجبني.. تلعتي موهوبة ....ههه
نظرة: ههههه غير هواية و صافي ... الحمد لله ماللي عجباتك
بقا تيشوف فيها كيفاش تتهضر بطريقة تقيلة تتخليه يميل مع شفايفها و عويناتها اللي تيتسدو ماللي تتضحك
عصام: امم ... عندك شي واحد فحياتك.. زعما مخطوبة ...ولا....
نظرة(بعفوية): لا ... انا حياتي هي ايزرا و اكرام ... ماعندي حتى واحد اخر ....
عصام بقا يضحك عليها حيت جوباتو بلا ماتحس
نظرة: هاا......ااا اناا... و علاش
هز ايديه حطها على وجهها تيدوز طراف صباعو علا حناكها
عصام: من بعد و تعرفي علاش
نظرة مكرهاتش الارض تبلعها ديك الساعة لسانها تربط مابقات عارفة ماتقدم ولا ماتوخر
طلق منها و وقف
عصام: مشا الحال يلاه انوصلك
نظرة: لا ...لا بلا منعدبك ..نقبط طاكسي
عصام: مغديش تلقاي طاكسي هنا ...يلاه انا برا
خرج خلاها هي مشات باست نور اللي كانت بدات فالحلمة التالتة ..هزات ساكها و خرجات لعندو
حطها قدام العمارة شكراتو و السخانة طالعا معاها ..خرجات تتجري طلعات للدار..
كيف دخلات لقات اكرام تتغوت غا بحدها
نظرة: نتي فعار الله ...مالك تاني
اكرام: انا واخدة كونجي ...كونجي ابنادم و هما معيطين ليا ... نصور واحد الصفريطة ماجاها تبان غاماللي انا ماباغاش نخدم و باش مكملينها مصيفطيني لاوتيل فقرطة خنا...
نظرة: و صافي كالمي كالمي غا نهار و يدوووز ... صبري احبيبتي
من مورا مادوشات تخشات حدا اكرام لسابع نومة
اصبحنا و اصبح الملك لله
فايقا اكرام محاملاش راسها اتمشي تخدم بزز لبسات جينز مقطع و كويرة حمرة قصيرة و كاسكيط و خرجات كسيرات للاوتيل من بعد ماوصلات نظرة لخدمتها
بقات متبعة ج ب س حتى وقفات قدام واحد اوتيل كبير جا فالخرجة ديال المدينة كان كبير بزاف تايجي ليه غا شكون و شكون هي بالطبع منتابهات لا لاوتيل كيف داير ولا للناس لي تما دخلات مدرمة ديريكت لعند الفريق ديالها كان تايتسناها تما مع الموديل اللي غادي دير فوتو شوت جديد
توجهات للجردة و بدات الخدمة و هي مشايفاش العينين اللي من الصباح مقابلينها
كان يوسف جالس فالبيرو و تيشوف فيها من الشرجم كيفاش منغامسة مع خدمتها و كل مرة تتقاد ليها بوزيسيون فشكل جاها الصهد حيدات الكويرة بان خير ربي من الديباردور مداتهاش فيه كانت باغا غير تسالي لخدمة و ترجع بحالها
هو مني شافها البارح سول عليها وجاب ضوسيها عرفها خارجة كونجي وهو اللي وصاهم يعطيوها خدمة فلوتيل ديالو..
بقات خدامة حتى لواحد اللحظة مشات عند ديك الموديل توريها شي بوزيسيون وهي الطيح ليها كاسكيطة فالبيسين محملاتش راسها طاح ليها شعرها الاشقر على جبهتها واصل لحد عنقها بقا مديرونجيها مي كانت مضطرة تكمل خدمتها
بقاات هكاك حتى طلبات استراحة مشات لبعيد جلسات حاطة ايديها فوق ركابها تترجع النفس ...حتى تمدات ليها ايد هازا كاسكيطة ....هزات راسها لقاتو يوسف
اكرام:لش تدير هنا
مجوبهاش حط ليها كاسكيط على راسها خلاها تتقاد فيها و داز ريح حتى جات حدااه
اكرام: مجوبتنيش اش تدير هنا
مد ليها واحد الفوطة كانت محطوطة تما فيها علامة تاع عائلتهم"فخري"
اكرام: اااه ... عاد فهمت
يوسف: مزيان دابا....صافا
اكرام: حسن منك ...
يوسف: هههه ...مزيان ... تغديتي...؟
اكرام: ونتا مالك..؟
يوسف: متتعرفيش تجاوبي على السؤال ...
اكرام: ونتا متتعرفش تديها فراسك
يوسف(تيضحك و يدوز ايدو على شعرو): بلا العياقة ديال البنات....
اكرام سمعاتو شبهها بالبنات محملاتوش دغيا جمعات الوقفة
اكرام: زييد ..زيد نشوفو هاد الغدا ...
بقا تيضحك عليها كيفاش تبدل لونها ماللي ذكرها انها بنت....
فهاد اللحظة كانت ايزرا مخسرة سيفتها مابغاش تنوض و علي تيجر فيها من رجليها
علي: نوضي ...راك خمرتي..
ايزرا: بعد مني ... خليني....اننننن. ...
علي: (تيهر فيها) مابغاش هااا..... ههها مبغاش تنوضي..
ايزرا: هههه لا ..... لا ...لا عفااا...ك طلق ههههه طلق
ماطلقها حتى سخفها .هزات فيه عينيه لقاتو لابس و مقاد
ايزرا: فيين ماشي....؟
علي(جلس حداها): عندي اجتماع ..انساليه دغيا و نجي ...
ايزرا: اااوووف ... انبقا بوحدي..
علي(شد ليها فايديها):ديزولي حبيبتي ضروري من الحضور ديالي و الا مكنتش نخليك (ناض وقف) الفطور فالجردة ديري عقلك و وياك ديري شي زبلة و متخرجيش من الفيلا
ايزرا: اووغ صافي صافي ... اه واخا نمشي عند خالتي حياة عفااك..
علي: السيدة خدامة اتبرزطيها ..
ايزرل: والله ماندير ليها شي حاجة ...غير نبقا حداها سادة فمي ...
علي: اووك ...ديري عقلك
تحنا باسها على راسها وخرج ديريكت لشريكتو
يوسف: ايوا مقلتيش ليا شحال عندك من عام..
اكرام: علاش تتسول ... سووقك..
يوسف: هههه اووك انا نقول 22
اكرام: ماللي عارفها مالك مبرزتني
يوسف: علاش عايشا مع صحباتك ... فين واليديك
اكرام(ردخات الفورشيط مع الطبلة): زدتي فيييه... جلسنا ناكلو معاك جوج دغمات متندمنيش
يوسف: اووك ..اوك على خاطرك
بقاو تيكملو مكلتهم بسكات .ناضت اكرام تتكمل خدمتها و يوسف جالس تيشوف فيها
فبلاصة خرا بالضبط فواحد المصنع كبير كان مقسم و كل بلاصة فيها نوع من انواع الصناعة التقليدية الخاصة بعائلة فخري فواحد القنت كانت ايزرا مخشية حدا حياة تتعلمها تنج زربية ...
تعليقات
إرسال تعليق