القائمة الرئيسية

الصفحات

قصة بعنوان لعنتي 2020 الأجزاء ما قبل الأخيرة

9esas bdarija

التتمة

الأجزاء الخامسة

الا مازال ماقريتيش الأجزاء الأولى ... قرايهوم عاد كملي التتمة

قراءة ممتعة :



من بعد ماسالات اكرام خدمتها لبسات كويرتها يلاه و قفات قداام موطورها لقات الرويضة مفشوشة
اكرام: تفو اش هاد الزمر ...
يوسف: شي مساعدة ....
اكرام: واش انا فينما تلفت نلقاك ... اوووف على زهر
يوسف: الا بغيتي نوصلك ... كيفما تتعرفي هنا الدنيا مقطوعة و الليل بدا يطييح
ملقات مادير ..معندها حتى حل اخر ... اضطرات انها تركب معاااه
اكرام:غير ماعندي حتى حل اخر اما داما نركب معاك ...
يوسف: باقا مقلقة...
اكرام: علاش انتقلقك ...؟
يوسف : قلت ليك باللي داك النهار مشفتكش مي مابان ليا متيقتيش...
اكرام: نتيق ...منتيقش هداك شغلي ... و دبا عفاك اما تسوق ساكت و لا نهبط فحالي
يوسف مابقاش عاود معاها الهضرة .. كان عارفها قاصحة وصعيب انه يطيحها مي مكانش يحسابليه لهااد الدرجة ..بغا يبدلها و اول حاجة دار هو تهنا من داك الموطور اللي مخليها زوفري
عند نظرة
اللي يلاه خارجة من المدرسة شادا فنور هما يلمحو عصام واقف على اللوطو تيشوف فيهم مبتاسم ... مشات نور تتجري عندو
نور: بابايا....توحشتك
عصام: حتى انا توحشتك ابنتي(قالها و هو تيشوف فنظرة)
نظرة: سلام ..
عصام: سلام ....صافا
نظرة: صافا الحمد لله ...نور حبيبة بسلامة ..راجعي دروسك فهاد العطلة ..اووكي
نور: خالتو نظرة .. واش انا مانشوفكش فهاد العطلة
نظرة: دابا نجي نشوفك احبيبة ..
عصام: يلاه نوصلك فطريقي
دارت ليه براسها واخا و طلعات القدام و نور اللور
عصام: اش بان ليكم نتعشاو مجموعين اليوم
نور(بالغوات): ياااي ... ااه ...اهه ابابي
عصام تيشوف فنظرة تيتسناها تجاوب
نظرة: اوكي ماشي مشكل
مبينا راسها متبتة و لكن من الداخل اتموت بالفرحة حيت قالت فراسها هادي العطلة و ماغاديش تبقا تشوفو (غاتهناي احبيبة هو اللي اتبقاي تشوفي)
عند ايزرا
ماللي دخلات لدااك المصنع و هي مخشية كل مرة فين.... شيبات حياة كل مرة تقول ليها بغات تجرب شي حاجة و المشكلة تتخسر كلشي البلاصة اللي دازت منها تتخليها بحالا كان فيها الدجاج
دوزات العشية كاملة تما محساتش بالوقت امتا داز بدا يطيح الضلام و الناس اللي خدامين تما بداو يمشيو بحالهم داتها حياة للفيلا حطاتها تما و مشات هي تشوف شغلها
دخلات ايزرا ديريكت للدوش غسلات حالتها كانت كلها تغبرات و لسقو فيها الخيوطة ...ولات حالتها
من مورا مسالات الدوش لبسات كسوة طويلة فالحمر و نشفات شعرها و سرحاتو .. دارت ميكاب خفيف ... و هبطات التحت تتسنا فعلي
ايزرا: قاليك انسالي دغيا و نجي ... مغربي حر عندو الوقت لاروب
يلاه كملاتها و هي تشوفو داخل مشات تتجري عندو وقفات قدامو كيف العجاجة
ايزرا: يااك قلتي اترجع دغيا ... علاش راجع ديك الساعة بقا
علي(تيضحك و باسها فحنكها): هي توحشتيني...
ايزرا(قالبة وجهها): غير مليت بوحدي و صافي ... حتى خالتي حياة حطاتني هنا و مشااات
علي: هههه بسيف مسكينة ..شيبتيها ...عاد تلقيتها لقيتها عيات غا بجرا وراك...
ايزرا: اووف شحال تتزيدو فيه ... راني غا بغيت نتعلم .. ساعة معامن
علي: ههه اجي المشة(شدها من ايديها غادي بيها للفوتوي)
جلسها و جلس حداها
علي: اهها .. قولي ليا اش تعلمتي
ايزرا: هههه صيبت زربية ...
علي: زربية كاملة ...
ايزرا: اااه ... زربية مع انا عقلي خفيف دغيا تنتعلم تبارك الله عليا
علي(ضربها لجبهتها):قالتلك صيبت زربية... راه خرجتي للناس على خدمتهم خليتيهم معودين كلشي من الاول
ايزرا:(بعفوية):انا غا بغيت نجرب و صافي ... منويتش نخسر ليهم ...
علي:(عنقها بايد وحدة) عارف احبيبتي ... تبغي نخرجو..
ايزرا: وااو ... ااااه..... اااه نخرجو
علي: يلاه عندك جوج دقايق تفوتيهم تبقاي هنا
مشات طايرة للبيت فين كانت حلات الماريو نسات راسها قدامو
عند نظرة
كانت لابسة كسوة حد الركبة فشيبي سميطاتها غلاض وتيبان شوية من صدرها سرحات شعرها و دارت ميكاب خفيف ركزات على عينيها و فمها بعكر مات حمر و صبااط الطالون فالبيض ....بقات ساهية فالمراية حتى قفزها صوت التيلي كان عصام عرفاتو وصل هزات ساكها و خرجات قبل ماتجي اكرام تحرمها عليها
خرجات لقات رونج فالكحل مجبدة تم و هو واقف متكي عليها غا شافها تصدم ... بقا ساهي فمفاتينها ليهونش كيف باينين و صدرها اللي واقف تحت من الكسوة حتى وقفات عليه
نظرة: سلام.... فين نور
عصام(تيحك فراسو):اممم....اهه نور نعسات ليا مبغاتش تفيق و خليتها ....(حل الباب ) نمشيو
ركبات بلا ماتجوبو فرحات و فنفس الوقت بغات نور تكون مبغاتش تبقا معاه الراس فالراس خافت لاتزبلها و تعيق بشي حاجة
كسيرا ديريكت لواحد المطعم على البحر دخلو خداو طبلة فالجنب و الناس متبعيين ليهم العين اكترية هي اللي جات سيكسييول



علي:ايزرا راه قلت جوج دقايقو ماشي ساعة حلي الباب
ايزرا(من ورا الباب):و صباااار عفااااك
علي: راه والله حتى نحرمها ...راك عارفاني حلي هاد الخرا
حلات الباب بزعفة وقفات قدامو
ايزرا:ها حناا مالنا اش فيها الا صبرتي
علا هو قدر مزال يهضر و لايفكر فشي حاجة خلاتو مسكين حال فمو معرف منين يبداها
كانت لابسة كسوة طويلة فالكحل و ايديها مشبكين صدرها كلو مغطي و الضهر كلو باين دايرة ميكاب ليلي تقييل و شعر سامبل هابط حتى لخصرها و صباط الطالون فالحمر و بوشيط فالحمر
علي: جيتي زويينة
ايزرا حشمات هبطات راسها للارض و حنيكاتها مورديين
ايزرا: شكرا
علي(شد وجهها بين ايديه و باسها فحنكها): يخليلي حبيبتي لي تتحشم
بتاسمات ليه خشات ايديها فدراعو وخرجو ركبو ففيراري حمرا ديريكت لواحد المطعم تم
عند نظرة
ماللي كلسو فالمطعم و هما تيهضرو و يضحكو ماخلاو فاش دواو و عصام تيتعمد ايجبد مواضيع عادية باش مايحرجهاش ...حتى جاتو مكالمة ستأذن و ناض يجاوب
بقات كالسة تتسناه يرجع حتى جلس حداها واحد الشارف هزات فيه عينيها زعما اش كاين
مد ليها ايديه
....سلام انا احمد
نظرة(حتى هي مدات ايديها و هو يبوسها ليها)
ماجا فين يهز فمو على ايديها حتى لقا راسو مقجوج من عنقوا
عصام(مخنزر عروقو قربو يخرجو):شكون عطااك الحق تقيصها
...سممم....ممح ل...يا ..اول....دي
عصام(طلق منو): غا جيتيني قد با اما كن وريتك تقيص حاجتي
دار لنظرة اللي غير مصدومة اول مرة تشوفو هاكا معصب و مخنزر... مشا لعندها بلا حتى كلمة شدها من دراعها لبرا و هي غا تتبكي حيت وعتها
نظرة: عفاااك هههيييئ وعتييني هههئ هههة
خبطها مع اللوطو و هضر كارز علا سنانو
عصام: علاش خليتيه يقيصك (غوت)علاش...
نظرة: هههيييئ كان تايحساب هههئ ليا معااك هههئ حشومة عليك
عصام: و الا كان معايا ..متخليهش يقيسك سمعتي(شدها من دراعها)واش سمعتي
نظرة:هههئ حشومة علييك وعتيني هههئ هههئ طلق هههيييى مني
شافها تتبكي بهستيرية بقات فيه ندم اللي غوت عليها ماحس براسو حتى عنقها بجهد حتى هي بادلاتو نفس العناق وهي ناسيا راسها اش تدير مهم عندها انها مرتاحة فحضنو و صافي
عصام(شد ليها و جهها بين ايدييه)تنبغييك ... ومقدرش نشوف حتى زامل حاط عليك ايديه ولا تيشوف فيك...معرفتش واش حتى نتي تتحسسي بحالي ولا لا....المهم انني انا تنبغيك و مقدرش مزال نخبي
نظرة تصدمات مكانش يحسابلها باللي تيحس بشي حاجة من جيهتها حيت عمرو بين هي بحدها اللي كانو تصرفاتها و شوفاتها مفضوحيين
معرفات مدير لسانها تربط خافت لا يفهمها غلاط و يحساب ليه ماباغاهش ...عنقاتو بجهد و هي غا تتبكي
نظرة: هههئ حتى انا هههييئ تنبغييك ههههئ
(الحمد لله ها جوج تفكينا منهم)
بقاو هكاك معانقين حتى حس بيها تهدنات و هو يهضر
عصام: سمحي ليا غوت...ماللي تنتعصب ماتيقا باين ليا والو
نظرة: (تاتمسح دموعها و راسها فالارض)ماشي مشكل
هز ليها راسها و باسها فعينيها
عصام:اخر مرة نشوف هاد العوينات باكيين
نظرة: الا مابكيتيهمش نتا ماكين اللي يبكيهم
بقاو يضحكو ركبو فاللوطو وصلها لدارها باسها فحنكها تسناها حتى طلعات عاد رجع لدارو
عند ايزرا
ايزرا: دبا علاش منشربش حتى انا حلال عليك و حرام عليا
علي: قلت ليك لا.... ريحي الارض
ايزرا:ااااوف ... انا انمشي للحمام
ناضت تتجر رجليها للحمام مفقوصة مخلاهاش تشرب
هنا جات واحد خيتي تتعوج على علي جلسات فين كانت جالسة ايزرا
...سلام
علي: اش حب الخاطر
....سمعتك تادوي بالمغربي عرفتك ولد بلادي
علي: ااهه.... من بعد
حطات ايديها على ايديه
....صراحة عجبتيني .... ومولفة كاع اللي بغيتها تنوصل ليها
علي(هز صبعو الكبير تيدوزو على وسط ايديها)اهاااااه
هادشي كامل داز قدام عينين ايزرا اللي دمعو عينيها و خرجات تتجري غا غادة و تبكي بلا وجهة
علي:(بعد مكان تيلعب ليها فايظيها غفلها و لواها ليها) سيري تقحبني فبلاصة خرا اما انا عندي لالاك
هي تقمعات محملاتش راسها ناضت تتخبط فرجليها
تنهد و ناض يشوفها ماللي تعطلات بقا واقف قدام الحمام و تقول واش خرجات حتى سول واحد البنت قالت ليه مابقا حد الداخل ..تما خرج صاعر عرفها اديير شي مونتيف تاني ...



بقات ايزرا غا غادة فالشارع تتبكي و والناس تيشوفو فيها و هي تدوي مع راسها كيف شي هبيلة
ايزرا: انا اللي حمارة بدييت نبغيه و نقول عليه فارس احلامي ...هههئ قاليك تيبغيني ... هو غير نضت من حداه برك يتمعشق ليا ..هههئ صافي انسااه...ااه انا انساه...ههههئ علاش اربي ماعندي زهر ....هههئ
بقات غادا و تخور فالهضرة ابحدها مرة تعاير مرة تهدن راسها ...حتى وقف عليها واحد الولد باقي صغير لابس جلابة بيضة و حاط ديك العمامة فوق راسو
...شبيك اختي ...تبي مساعدة
ايزرا: لا شكرا
...انتظري اختي انا
قبل ميكملها وقف عليهم علي مخنزر شدها من ايديها تيغوت
علي:علاش خرجتي واش باغا تصطيني....(تلفت)شكوون هدااا ...دوي
....استسمح اخي انا كان بدي بس اساعد
حنا راسو و مشا خلا العاصفة نيضا بيناتهم
ايزرا: لاش جاي ..هههااا ساليتي سهرتك صافي
علي: متجهلينيش علاش خرجتي واش انا قلت لدين مك خرجيي
ايزرا:(تدرب فكتافو)متجبدش مي على فمك ...انا اللي حمارة تقت فيك و بغيتك...هههئ هههيييئ و نتا بارك ليا مع القحاب هههئ
علي ماداها لا فالضرب لا فتخسار الهضرة لا والو بقات تتردد فذماغو غير كلمة بغيتك ...بغيتك...
هي تضرب فيه و هو تيضحك
ايزرا:هههييى علاش تضحك هههييى عاجبك الحال ياك
علي(عينيه تيبريو بالفرحة) تاتبغيني هههه قلتيها ههه قلتي تاتبغيني
ايزرا: وغادي ننساك
مخلهاش تكملها هزها تيضور بيها و يضحك
ايزرا: اوييلي تاهبطني .... اويلي ميمتي ...هبطني
علي: ههه قوليها قولي تاتبغيني هههه قوليها
ايزرا: ماقيلاهاش ...هبطني(عاد مازاد فيه دوخها)صافي تنبغييك هبطني
علي:غوتي و قولي تانبغيك ا علي
ايزرا: وا هبطني(تتركل ليه) هبطنييي
علي: حتى تقولي تنبغيك اعلي
ايزرا جاتها الضحكة اكترية ماللي شافت الناس تيضحكو عليهم و يصفقو
ايزرا(بالغوات)تنبغييك هههه تنبغييك اعلي تااانبغيييييك
بقات تضحك و تغوت بتنبغيك و الناس تيصفقو عليهم كاين اللي مافهمش اش تيقولو مي باينا تيبغيو بعضهم
ماحطها حتى سخفها بالغوات
علي: واخييرا عتارفتي
ايزرا: (مخنزرة) شكوون هاديك اللي كنتي معاها
علي: شكون ... معامن كنت
ايزرا:(عينيها غرغرو) متكذبش انااا شفتك شاد ليها فايديها
علي(تفكر قبيلا): ااه ...هاديك واحد المسخة قالتليك عجبتها و انا قلت ليها عندي لالاها
ايزرا: عجبتيها...مالقاتنيش تم كن تقبت ليها عينيها
علي:ااح..... الله يخلي ليا المغيارا ديالي...شتي خاصك تحضي رزقك
ايزرا: رزقي خاصو يحضي راسو مانيش عساسة
بقاو يتناكرو و يضحكو الطريق كاملة حتى و صلات للفيلا حسات بالسخفة تفكرات الدوا اللي نسات شرباتو دغيا و دوشات لبسات بيجامة و هبطات الجردة لقات علي كالس تايكمي
خطفات ليه السيكار من ايديه و لاحتو فالطفاية
ايزرا: هاد الزمر تايقتل ... ماناوياش نتيتم مرة خرا
علي(جرها لعنو جلسها فوق حجرو): تتخافي عليا
ايزرا: شووف انا عمري بغيت شي واحد هااد الاحساس اللي فقلبي جديد عليا اصلا كنت تانكذبو و لكن ماللي شفتك مع هادييك درني قلبي ... مبقيتش قادا نتعدب و مبغيتش نتعدب من هنا القدام(تنهدات) انا دوزت العذاب فحياتي عام و شهرين و انا فغيبوبة نهار فقت مالقيت عندي والو فهاد الدنيا لا واليديا لا قرايا لا مستقبل ... و انبقا حياتي كاملة مدمنة على دوا متحكم فحياتي يقتلني اقتما بغا ...كن مكانوش صحباتي كن تبعت واليديا شحال هادي ... عافاك مبغيتش نتعذب فحياتي كتر
عنقها كارز عليها وهضر
علي: تنواعدك اعمري عمري انخليك تعدبي
نوضها عليه و شد ليها راسها نزل عليها ببوسة حنينة خلاها تجاوب معاه من الدقة اللولة حلات فمها تتمص فشنايفو بطريقة عشوائية بتاسم عرفها مبتدئة بقا تيمص و يعطي لكل شنافة حقها حتى حس بالمعلم نصب خيمة التحت
ايزرا حسات بيه جهل و هي تبعد تتنهج
ايزرا: فيا نعااس
علي: اههاه حتى جهلتيني انا .... و هدا اش ندير معاااه(تيشير لجيهة فخاضو)
ايزرا ناضت عليه مشات تتجري تاوصلات للداخل و هي تغوت
ايزرا: حط عليه الثلج يبردو ليك
علي: اييزرا ....اييزرا الله لابقات فيك
مسكين ناض لبيتو بقا ساعة فالدوش تيبرد على راسو ...حتى خرج طاح دودة فوق السرير



اصبحنا و اصبح الملك لله
فاقت ايزرا بكري دوشات و خرجات تقلب على علي ملقاتوش فالجردة و الصالون عرفاتو باقي ناعس دخلات عليه لبيتو لقاتو لايح كل رجل فقنت شبعات عليه ضحك و هي تحنا لعندو باستو من فمو يلاه اتبعد لقات راسها تحتو
ايزرا: اربي السلامة .تتتف تتتف
علي: صباخ الخير
ايزرا :(حطات ايديها على عنقو و باستو )صباح النور
علي: تاتقلبي عليا ...نفطر بيك
ايزرا: ههه لا ... قولي امتى انرجعو ..توحشت صحباتي
علي: يااك سخيتي بيا
ايزرا :لا غير بغيت نشوفهم و صافي
ناض من فوقها و جلس زعما مقلق
جات قدامو و هزات ليه راسو
ايزرا: علي... كيفما تنبغيك ...تنبغيهم حتى هما قبل مانعرفك كانو هما حياتي و دابا نتا هو حياتي ... هما اللي خاصهم يغيرو منك
علي: تنبغييك(عنقها و حتى هي بادلاتو نفس العناق)
ايزرا: فيا الجوووع
علي: سبقيني ندوش و نجي
مشات ايزرا للكوزينة لقات حياة موجدة كلشي كلسات تتسناه
هو دخل دوش و هز التلفون عيط ليوسف
يوسف: غبرتي اصاحبي
علي:( تنهد)سمعني اش انقول
يوسف: مالك خلعتيني
بقاو تيهضرو شحال عاد هبط عند ايزرا اللي بدات تفطر
علي: ماتتسناي حد
ايزرا: نتا تعطلتي ...اش اندير ليك
فطر و ناض خلاها تتهضر مع حياة و هو خرج للجردة تيدير شي اتصالات
عند نظرة
يلاه فايقا تتكسل فرحانة كاينا العطلة اتشبع فيها غا نعاس ...سمعات التيلي تيصوني بتاسمات و هي تتشوف ف عصام تيعيط
نظرة: صباح الخيير
عصام : صباح الحب ... النعاسة
نظرة: هههه صافا ..كيف دايرة نور
عصام: صافا من دابا ساعة انكون عندك عندي ليك مفاجأة
نظرة : لا عصام قوول عفاك ...الوو....الوو
تفو الزمر
ناضت ديريكت للدوش بعدما فيقات اكرام اللي حلفات لا ناضت فطرات لبسات حويجهها و بركات تسنا عصام
ايزرا: دابا اخالتي ماللي تديري الصفر ضروري تبعيه الحمر
حياة: لا ابنتي ..على حساب الشكل و اللوان اللي نتي باغا
ايزرا(حاطة صبعها على فمها تتفكر) ااه دابا فهمت
علي: على السلامة حتى شيبتيها مسكينة
حياة: ههه غير خليها اولدي
ايزرا: ونتا مالك بيني و بين خالتي
علي : انا خارج
تبعاتو تتجري
ايزرا: علي
علي: عيوون علي
ايزرا: قلتي اتخرجني باقي ماشفت لا برج العرب لا حسين الجسمي
علي: ههههه هاهو علي فخري قدامك ... نجي احبيبتي و نخرجك
باسها فحنكها و خرج خلاها رجعات عند حياة تكمل ليها داكشي لي بقا
عند نظرة
عصام: (باسها فحنكها) سلام
نظرة: سلام
عصام: اش هاد اللبس
نظرة : مالي...عاادي؟
عصام: ماعاديش من قبل ماكنتيش محسوبة عليا دابا العكس بدلي لباسك و نقصي من الماكياج ...راكي زوينة بلا بيه
نظرة حدرات راسها حسات بالقمعة حيت هي دايرة هادشي باش تعجبو
عصام(هز ليها راسها): مال الزين ديالي كاعي ... منغيرش على حبيبتي ....مبغيت حتى واحد يشوف فيك ...عندك شي مشكل
نظرة: لا ...ولكن انا تنلبس عادي و الا كان على الميكاب اصلا تنديرو خفيف
عصام : راكي كتحتاجيهش اصلا ...
ديمارا الطوموبيل و مشا فطريق دارو
نظرة: عصام شناهيا المفاجأة ...غا قوليا عاففاك ...ضرني راسي
عصام:هههه ...مبغيتيش تشوفي صاحبتك
نظرة: شكون ...ايزرا
عصام: وي ...احنا انمشيو عندها
خلاها اطير بالفرحة هبط داخل للفيلا من بعد ماقاليها تسناه خرجات نور تتجري سلمات عليها و ركبات اللور هو خرج واحد فاليز صغيرة حطها فالكوفر
و نطالق ديريكت للمطار



اكرام و تقول واش باغا تفيق ...سمعات التيلي تايفيبري حداها جوبات بلا ماتشوف شكون
اكراام:امممم
يوسف: صباح الخير
اكرام: امم شكون معايا
يوسف : النعاسة دغيا نسيتيني
اكرام: فين تنعرفك باش ننساك ......نتاااا
يوسف : ههه ايوا الحمد لله رجعات الميموار
اكرام: شنو بغيتي ...منين جبتي نمرتي(من نيتك تتسولي)
يوسف: حلي الباب
اكرام: مفهمتش
يوسف: حاللي الباب انا حدا دارك
ناضت اكرام طافجة مشات تطل من العين اللي تتكون فالباب لقاتو واقف تيدير ليها باي باي
حلات الباب بازربة خافت لايشوفو شي حد و يقول عليهم دار القحاب....جراتو من الكول ديال تيشورت دخلاتو و سدات الباب
اكرام: مريض لا ...اش تدير هنا
يوسف(تيطلع و يهبط فيها) طلعتي تتصبحي بحال البنات
يلاه شافت راسها اش لابسة البارح بالليل كان فيها النعاس لبسات بيجامة ايزرا شورط قصير و ديباردور سماطي
دخلات تتجري للبيت سداتو بالساروت تتنهج بدلات دغيا لبسات سروال سبور ديال دراري و قبية دارت كاسكيطة و خرجات لعندو
يوسف: لاش ججاي ...واش مريض الا شافك شي حد اش ايقول علينا
يوسف : ماتخافيش بهاد المنظر مايقولو والو ... ايعرفوني جاي لعند عشيري
قالها حيت زعما لابسة هكاك
اكرام: من اللخر اش باغي
يوسف: ماباغاش تشوفي صاحبتك
اكرام: شكوون ...ايزرا
يوسف: وي ...يلاه انديك عندها
هي غا سمعات ايزرا خرجات معاه بلا عقل كان جايب موطور عطاها كاسك مبغاتش ديرو ممولفاهش و هو كسيرا نيشان للمطار ...عيا مايزيد فالسرعة و يكابري باش تشد فيه ساعة معامن مولفا السيدة محرك فيها والو ...

وصل عصام هو اللول للمطار ..نظرة مفاهمة والو يحساب ليها اتمشي غير للقصر
نظرة: عصاام اش كاين ... فين ايزرا...
عصام: حبيبة تيقي فيا ..اوكي
شد فايديها و تمو غادين لعند مهدي و عنبر اللي واقفين حدا الطيارة ..شافوهم مشادين عرفوهم ارتابطو و فرحو ليهم حيت عصام من نهار هجراتو مرتو معاود قرب لشي مرة
طلعو فالطيارة و انطالقات ديريكت لمطار دبي .
فهاد اللحظة يلاه و صل يوسف لقا ليكارد تما عطاهم ساروت الموطور و دار يفهم اكرام حيت عرفها ماغادي تزيد معاه حتى خطوة
يوسف: صاحبتك كاينا مع خويا فالامارات.... و حنا دابا انمشيو عندها
اكرام: الامارات ... الحمار بوها وصلات حتى للامارات ... منقدرش نخلي نظرة بحدها
يوسف: نظرة عاد مشات مع عصام غا دبا
اكرام: اياااه..... ولاو يديرو مابغاو .... ابلاتي تانشدهم الكلبات ... الخانزات
خلاها تتعاير و طلع للطيارة خلاها تابعاه .
نرجعو عند ايزرا اللي العيالات نتفو زغب راسهم باسئلتها البليدة خرجات للكوري شيبات الدجاج بقات تابعااه باغا تشدو و هو تيهرب ليها ..طيح فالارض و تعاود تنوض وتبعو تتجري مبغات تشد ليها حتى و حدة... سلات من الدجاج مشات للبقر ...بغاات تحلب كيف العيالات جلسات حدا واحد المرة تعلمها ضربات ليها السطل كفحاتو ليها كلو خلاتها مسكينة قربات تبكي
ماللي سلات من الكوري خرجات غادا للفيلا و هي تلاقا بعلي داخل
علي: بسم الله الرحمان الرحيم...شكون نتي
ايزرا: مالك تشيرتي... هااادي انا
دورها لواحد المرايا كانت تما ...شافت راسها تخلعات
ايزرا:واااااع ....
مشات تتجري للبيت دخلات ديريكت للدوش كانت تتخلع كلها كحلة بالغيس و شعرها منتوف.... سلات الدوش لبسات جينز اوت و تيشورت فالكحل و كونفيرس بيضا(باش عجني علي موجد ليها الحويج)و هبطات للتحت
ايزرا: انا جيت
علي: الحمد لله رجعتي ليا حبيبتي ...
ايزرا: بلا طنز ...غا لعبت شوية مع الدجاج
علي: لعبتي معااه ....راك سخفتيه مسكيين ريشتيه و هو باقي حي
ايزرا: ااااوف ...شكون تايقوليك هادشي
علي: هههه سر المهنة (شد فايديها) يلاه
ايزرا: فيين....؟
علي: مبغيتيش تخرجي ...
ايزرا: بغيت ... بغييت ..يلاه



خرجو ركبو فنفس اللوطو فيراري حمرا كسيرا ديريكت لواحد المول تما ..يلااه حطات رجليها فالارص دارت تسناه يهبط و هو يكسيري خلا وراه غا العجاجة
ايزرا(تتغوت): علي....علي.......علي
..انسة
دارت تشوف لقات بنت باقا صغيرة هازا بحال الملف فايديها و تتشوف فيها
ايزرا: معايا اختي....
....وي لالة تفضلي معايا ....موسيو علي وصانا علييك
سمعات علي وصانة عليك مفهمات والوو بقات تابعاها ...دخلو لواحد المحل كبير شوية فيه كلشي كاع دكشي اللي تحناج كل بنت من الونا حتى الكوافير
دخلوها دارو ليها لاسير للحمها كامل حتى ولات تشعل ...حمام بالعشوب و الورد ..كوماج للوجه...ومساج للجسم حتى ترخات بزز منها .
من بعد خرجوها لبرا لابسة غير بينوار ..جلسوها فواحد الكرسي جات بنت كبيرة شوية بدات تتصيب ليها فشعرها بلا حتى كلمة ... دارت لبها مشيطة خفيفة و غبرات...جات وحدة خرا بدات تقاد ليها فالميكاب ...دارتو ليها شوية تقيل و راقي ...كيف هزات راسها تصدمات كثر كاهي مصدومة ....شافت كسوة بيضة تتبري قدامها مرصعة كلها بالكريستال الحر ...ضارو فبالها بزاف الافكار الا الفكرة الاساسية بالطبع ...الكلاخ اللي عطاها ربي فكر فكلشي الا فالعرس.
من بعد ماتحطات طيارة عصام توجهو ديريكت لفندق برج العرب من احسن الفنادق اللي تم ....غير وصل يوسف تبعهم حتى هو ...تلقات اكرام بنظرة اللي مافاهميين والو تيدورو فعينيهم...جراتهم عنبر بجوج لواحد البيت
عنبر: البنات شوفو ليوما عرس خووويا بصحبتكم
اكرام و نظرة(فنف الوقت): شنوووووو......!
عنبر: شنو اللي شنو ...حتى انا تمت مي فرحانة بزااف بزاااف ....ايزرا اتولي من العائلة
اكرام: ياكنا مبزز عليها شي واحد...فين هي بغيت نشوفها
عنبر: ماتخافيش...على ماعرفت حتى هي تتبغي خويا كيف هو ماتيبغيها ...ودبا هي تتوجد راسها....انا جبت ليكم معايا الحويج...حيت عرفت الدراري مقالو ايكم والو
تلقتو اللور كانو جوج كسيوات بيضين معلقيين
اكرام: مستحييل نلبس هادشي
نظرة: حشومة عليييك.....ديما كانت تتقول ليك فعرسي غادي تلبسي شي حاجة زوينة ..ليوما عرس ختنا ..... مديريش هاكا
اكرام: لا هي لا .... منقدرش نلبس هادشي
عنبر: كن كانت ايزرا هنا بغاتك تلبسيها ليوما نهار ختك متحرميهاش عليها
اكرام: اووووف ....اوك غير يسالي هادشي انحيدها
بقاو يضحكو عليها .
فهاد اللحظة كانت زينة البنات واجدة و تتشوف فراسها فالمرايا
.....زيني زوينة ماشاء الله ...سعدات موسيو علي بيك
بتاسمات ليها و هي مرفوعة ....جاتها الكسوة لاسقة من الخصر و واسعة من التحت ...مع تاج كلو تيبري من فوق راسها اكتفات بحلقات صغار فوذنيها و كوليي فعنقها
داتها اللي جابتها لبرا لقات ليموزين بيضا واقفة و الشيفور حال الباب .... غادا بخطوات تقيلة بالبوكي الورد ابيض وسط ايدييها ...دماغها خدام موقفش
مسافة الطريق و كان قدام اوتيل تحل الباب بانو ليها بنيتات صغيورين لابسيم بحالها معمريين تما بقاو غادين بيها لجيها واحد البااب كبير ....مع الدفعة ...بان ليها علي واقف عاطيها بالظهر عرفات فصالتو ... بقات غادا فداك الممر هلى السجادة الحمرا طلقات الموسيقى ووقفو كاملين تيصفقو ...شافت اكرام و نظرة زادت توترات عنبر غير تاضحك يوسف فرحان و عصام منزلش عينو على نظرة اما مهدي غا مغوبش هداك حسابو فراسو.
كانت تتبان اية من الجمال بحال شي حمامة بيضا جايا وسطهم تتشوف فعلي الذي لايقل وسامة عنها ...لابس كوستيم فالاسود مع شوميز بيضة و بابيون فعنقو .
بقات غادا حتى وقفات قدامو
علي: جيتي تتحمقي ....
ايزرا: علي اش واقع ....
باسها على راسها و هو تيضحك عارفها عقلها على قد الحال ..شد ليها فايديها طلعو جوج درجاات و جلسو حدا واحد الراجل كبير فالعمر
عيطو على يوسف و اكرام يشهدو على زواجهم
....السيد علي فخري هل تقبل الزواج بالانسة ايزرا فاتح على سنة اللله و رسوله
بلا اي تردد جاوب بالموافقة ...بقاو كامليين يصفقو عليهم
.....الانسة ايزرا فاتح هل تقبلين الزواج بالسيد علي فخري على سنة الله و رسوله
بقاو يشوفو فيها اش اتقول علي قلبو تيضرب فالمية ....ماتهدن حتى جوبات بصوت رقيق
ايزرا: موافقة
عطاهم سيناو و علي ماقاداه فرحة اما ايزرا فتفكرات واليديها و اكترية ميمتها مكرهاتش تكون معاها و تزغرت ليها و تقول ليها مبرووك ابنتي ... ماحسات حتى تحطات عليها ايد حنينة مسحات ليها الدمعة اللي هبطات بلا ماتشعر
علي: كني متأكدة حتى هما ايكونو فرحانين ليك
عنقاتو بجهد وبادلها نفس العناق هو فرحان اخيرا ولات ديالو حلالو وهي مصدومة باقي ممستوعباش اش جاي من مورا الزواااج
عند نظرة اللي معنقها عصام من اللور و متكي على كتفها
نظرة: جااااو زوينييين ياااك ....
عصام: بزاااف (باسها فحنكها)
نور: بابي امتى اتولي خالتو نظرة ماماي
عصام(تيضحك): هههه قريب ابنتي قرييب .
اكرام محاملاش راسها بديك الكسوة مع سرحات ليها عنبر شعرها وصل للخر تعنقها و دارت ليها ميكاب خفيف زاد بين عويناتها الزرقيين بانت بنت مية فالمية ..و يوسف مطلعها علليها
اكرام: شوف مايغركش هادشي رااه دابا نتسيف علييك
يوسف: هههه خاصنا انخدمو على هضرتك شويا و ترجعي بنت اسو مبوغسون
بقا تيضحك عليها ما تفكات منو حتى مشات لعند ايزرا تسلم عليها



ايزرا: توحشتك (عنقاتها)
اكرام: حتى انا احبيبة .... مبروك عليك
ايزرا: الله يبارك فيك ...شتي دنيا صغيرة اللي دخلت نخدم عندو انا دابا مرتو
قبل متجاوبها اكرام جات تلاحت عليها نظرة عنقاتها
نظرة: توحشتك ....توحشتك
ايزرا: هههه المسطية حتى انا
نظرة: مبروك لييك احبييبة تستاهلي...
ايزرا: عقبا لييك الحب
نظرة (هزات كفافها للسما): امييييييييين
محسات بدقة حتى جاتها للكنة من عند اكرام
اكرام: باقي انتحاسبو على داكشي اللي تديري و المجية مع هداك
نظرة: نتي مقفراه
نمشيو عند علي اللي واقف مقاداه فرحة تيشوف فايزرا كيف تضحك فرحانة وسط صحباتها حتى وقف عليه مهدي
مهدي: مبروك اصاحبي(عنقو)
علي: الله يبارك فييك
مهدي: قلتيها ليييها.....
علي: مهدي ..عمرني طلبتك ...هااد المرة انا باغي نعييش حياتي و ننسا اي حاجة ...عفاك اخر مرة تجبد هاد الموضوع
مهدي(تنهد): اوووك ...الله يكمل بالخيير
بقا كلشي تيبارك و نور تتنقز من قنت للقنت يوسف مقابل غا اكرام اللي دات ليه العقل و حد الساعة معرف مايدير معاها
يوسف: ايوا بقيت غا انا بلا زواج
علي: وحتى عصاااام
مهدي: هاهو تابعك ...ارتاااح
علي: بصاااح ....؟
عصام : تتزوج بوحدك (تيشوف فنظرة)
علي(عنقو): مبروك اصاحبيييي
بقاو كل و شنو تيقول ايزرا نسات راسها وسط البنات تتعود ليهم اش طرا ليها مزكلات والو حتى الطواليت ذكراتها ليهم مسكينة نية محسات براسها الا و مهزوزة و هما تيضحكو عليها
ايزرا: اوييلي علييي... حشومة....هبطني
علي: محشوماش انا اللي صابر هادي شحال اليوم نفدي فيك كلشي
حطها فاللوطو القدام بقات تدير ليهم باي ياي من الزاج و هو مكسيري ....جبد الدوا عطاه ليها شرباتو .....

توجه باللوطو ديريكت للمطار طلع في الطيارة الخاصة ديالو كانت ايزرا عيانة دخلها لبيت تما نعسات بكسوتها ...عيات بالتوجااد و زاد كمل عليها الدواء ...خلاها علي على راحتها طول الطريق من القارة الاسيوية حتى للقارة الاوروبية نزلو باضبط فمطار باريس العاصمة ..
نزل هازها بين ايدييه محسات براسها الا و تاتمشي و تتجي
ايزرا:(حالا عينها و سادا خرا):علي
علي: عيوون علي ...(باسها على راسها) غير ارتاحي حتى نوصلو
حطها فاللوطو اللور ساك بيهم الشيفور حتى هو عياان و بغا يكون موجود ليها هاد الليلة ..
وقفو قداام واحد اوتيل دخل هازها ديريكت للسويت ديالهم ..كلشي تيشوف فيهم و يبتاسمو اكترية ماللي شافوها بالكسوة البيضة عرفوهم عرسان جداااد
علي(حطها فوق السرير): النعاسة احنا وصلنا
ايزرا(تتحك فعينيها): اممم.ً... صباح الخير ...فين حنا
علي: ههه ديما مقلوبة....حنا فباريس
ايزرا: وااو .... ههه كنت بغيت نجي لهنا نكمل قرايتي ....و انا دابا مع راجلي ..الدنيا صغيرة
علي:وييي حبيبتي ...يلاه نوضي دوشي
هزات حويجها بين ايديها و دخلات ديريكت للدوش خايفة بزااف من هادشي اول مرة ليها عمر شي حد قاسها ولا شاف لحمها ....وجدات الجاكوزي ..حيدات كسوتها...يلاه اتخشى فيه و هي تحس بخالتي هابطة مع رجلييها ....بقا فيها الحال و فنفس الوقت فرحات حيت ادير ليه روتااار واحد خمسيام ....ابتاسمات ابتسامة شريرة و هي تدور فكرة جهنمية فراسها
ايزرا: عدووك عمى احبيبي هههه شحال هادي مالعبنا نيييت ...
طرفات حالتها دارت فوطة صحية مسحات الميكاب كامل بقات طبيعية و سرحات شعرها...لبسات شوميز دونوي فالبيض الباين كتر من المغطي و خرجات عندو تاضحك ....
شافتو واقف عند الشرجم اللي تايطل على برج ايفيل ...مشات عنقاتو و باستو من ضهرو ....
حتى هو ماشي من العاكزين دغيا دورها لعندو كالها مع الشرجم وخشا راسو فعنقها تيشم فشعرها
علي(بصوت ثقيل): اممم ريحتك تتحمقني
طلعات ليه راسو و نزلات على شنايفو بالمصان هو تصدم بجرأتها تيحساب ليه اتكون خايفة و مترددة ساعة هي حسابها فراسها...
خلاها على خاطرها تتجر و تمص كيف بغات و تتميل راسها مع شنايفو ...مقدرش يصبر مزال هزها هزة وحدة لفوق السرير ...نزل عليها بالمصان و العضان بشكل عنيف ...تينزل لعنقها يبوووس و يشم فريحتها ...بدا تيبجغ فصدرها بايد وحدة ... هي حسات بيه جهل عرفاتو وصلات بيه للطوب
ايزرا: علي
علي:(بصوت معسولو هو خاشي راسو فعنقها)امممم
ايزرا: منقدرو نديرو والوووو...
شاف فيها واحد الشوفة تتطيح الزرزور من فوق الصور ....
علي: كيفاش ...مفهمتش
ايزرا: فيا ليغيكل ...(شيرات ليه لجيهة رجليها)
ناض عليها طافج عروقو قربو يخرجو
علي(تيغوت): اش هاد التبرهيش اايزرا....اش هاد الضحك
ايزرا: هههه ماعندي مندير ليك
علي: علاش جايا عندي ماللي فيك الزمر ....
ناض ديريكت للدووش ييرد على راسو..
ايزرا شبعات عليه ضحك و دارت تكمل نعاسها......



بعد مرور اربعة اشهر
اربع اشهر دازت عند ايزرا احسن ايام حياتها ...عاشت مع علي السعادة نهار على نهار تتزيد تبغيه و حبهم تيكبر ... تزوجات نظرة و عصام وعاشو مع بعضهم تيربيو فنور و هي دابا حاملة بولدو و لا بنتو تاني عندها شهر و نص ...عاد مازادت شيباتو ..جاها لوحم عليه ... كل نهار خارجا ببلان جديد ...مرة تبات معنقااه ...ومرة تجري علييه من البيت....
اما يوسف فماخلا مادار مع اكرام باش تبغيه...خلا رجولتو جنب و بقا تابعها ...حتى لواحد الوقت طلع ليه الدم مرمد كرامتو فالارض معاهت..قال يخليها و يبعد من طريقها لعلا و عسا تعرف بقيمتو
..داكشي لي طرا بكترة ماكان مديها فيها و كل ساعة معيط ليها و يجي يتسناها فباب الخدمة ...نهار غبر ...غبر غبرة وحدة ...حسات بفرق كبير هو بحدو لكان مديها فيها كل وحدة من البنات مقابلة حياتها باقيين تايتلقاو ولكن كل مشغوول مع دنيتو ...
هاهي دابا ولات مدام اكرام فخري ماقبلات تتزوج بيه حتى كان ايلوح حويجو فالزنقة ...بدلات لباسها و طولات شعرها...سكنات هي و ايزرا فنفس القصر توانسو مع بعضهم ...كل ليلة تيضارب معاها علي ماتتبغيش تفارق معاها حتى تيجرها بزز لبيتها
هاهي بطلتنا يلاه تتحل عينيها تتسعد تفيق فوقت متأخر كيف ديما ...ناضت دايخة و معدتها مقلوبة و شاداها الرضة...ناضت تتجري للحمام حطات مصارنها كاملين تم ...غسلات وجهها ..شافت راسها فالمرايا كانت حالتها وجخها صفر و لونها مخطووف
هبطات التحت دايخة ديريكت للكوزينة بغات تاكل شي حاجة ..حتى تاتلاقا بكاميليا (عقلتو عليها هي رئيسة الخدم فالقصر و هي اللي عونات ايزرا فالحفلة )
كاميليا: مالك لووونك مخطوووف...
ايزرا: والله ماعرفت ... حاسة بخاطري مولع
كاميليا بقات تتشوف فيها شحال و هي تبتاسم
كاميليا: واقيلة عرفت مالك ..
هزات فيها عينيها زعما اش كاين وهي تقول ليها الخبر اللي ايقلب حياتها 180 درجة يمكن للاحسن يمكن للاسوء (من بعد نعرفو)
كاميليا: تقدري تكوني حاملة ...
واش تتشربي الدواء
ايزرا:(مصدومة) هاا.....حاملة ...ههه بصح ...ااه كنت تنشربو ..مي قطعتو هادي شهر
كاميليا: فطري و تسنايني فبيتك انا انجيب لك اختبار ديريه
ايزرا ماقاداها فرحة ...فطرات بازربة و هي محملاش الماكلة و طلعات تتمشي و تجي فالبيت تتسنا فكاميليا تعطلات عليها
كيف دخلات مع الباب طارت عليها خدات من عندها خمسة ديال الاختبارات ..ودخلات للحمام تتجري
من مورا مجرباتهم واحد مورا لاخر ..خرجات هازهم فايديها لعند كاميليا اللي شافت جوج شرطات حمريين عنقاتها و ينقزو بجوج بالفرحة
كاميليا:مبروك علييك ..
ايزرا(غا تضحك):الله يبارك فييك ...ناري ...فرحانة...فرحانة... اطير بالفرحة
كاميليا: يلاه نمشيو عند الطبيبة منها تاكدي و منها تطمئني على صحة البيبي
ايزرا: اااه ااااه ههه انا نلبس و نجي عندك
لبسات مونطو فورير فالزرق حيت كان فصل الشتاء
وخرجات طايرة لعند كاميليا ...ركبو مع الشيفور ديريكت لعند طبيبة خاصة
الطبيبة: بونجوغ...مدام فخري تفضلي معايا
ناضت تابعاها و هي اطير بالفرحة بغات غا امتا تقولها لعلي
الطبيبة(تدوز ليها الايكو علة كرشهها و تتوريها فالتلفازة): هههه باقا يلاه فالاسابيع الاولى الجنين مابينش مزيان ...ولكن صحتو مزيانة
ايزرا تتشوف فالتلفازة ..دمعو عينيها ... كاميليا شادة فايديها و تتهدن فيها ...خدات من عند الطبيبة تصاور لجنينها و خرجو ديريكت لواحد المول ...ضارو على كاع المحلات ديال الدراري الصغار عجبها كلشي مي مابغاتش تشري والو حتى تعرف جنس الجنين ...حدها خدات واحد صبيبيط صغيور فالابيض عجبها بزااف





تعليقات