قصص مغربية بالدارجة

مرحبا بكم في أول سلسلة من النكت المغربية الخاسرة و الغير الخاسرة

هادا واحد لبنت كاتسنا شيواحد ايجي يخطبها. واحد نهار جاواحد خينا قاليهوم انا عندي طياير و عندي لمحلات وسوبيرمارشيات ولڤيلات ولفيرمات ولكن كاين ديفو واحد. قاليه باها وامين ديفو واحد ماكاين تا مشكل غير قول قاليه انا كديديب شويا.

قال لك هذه امرأة ميريكانية..و فرنسية و مغربية..سولوهم على الحاجة اللي شرطوا على الراجل و حققها..الميريكانية قالت: أنا النهار الأول قلت له ماكنعرف نطيب..التهار الثاني ماشفت والو..النهار الثالث جاب طباخة.. الفرنسية قالت: أنا النهار الأوول قلت له ما كنعرف نصبن..النهار الثاني ماشفت والو..النهار الثالث جاب مكينة د الصابون..المغربيةقالت : أنا النهار الأول قلت ما كتعرف نطيب و لا نصبن..النهار الثاني ماشفت والو..النهار الثالث..وليت كنشوف شويا بالعين اليمنية .

واحد معكس ديما شاد الضد قالو ليه صحابو حيد ديك السنة لمسوسة هتسوس ليك السنان مشا عند الطبيب وبدا يقول ليه حيد ليا هادي وحيد هادي وحيد هادي خلا غير السنة لمسوسة وقال ليها بقيتي بوحدك وشوفي اش هتسوسي دابا .

واحد ديما كيهز شي حاجة من دارهم واحد النهار شفر بورطابل ديال خوه تاصلو بيه من الدار قالو ليه رد البورطابل وقال ليهم نتوما اي حاجة تمشي لصقوها فيا .

واحد سميتو مبارك شرا حولي داخل بيه للدرب جارتو شافتو من الشرجم قالت ليه مبارك الحولي قال ليها خدوج النعجة .

واحد قالت لراجلها حلمت البارح شريتي ليا لبسة واعرة وقال ليها اليوم حلمي راسك لابساها .

واحد راسو كبير ديما واحد لبرهوش كايقول ليه ناري كون كنتي ملك… ديما .. واحد نهار شدو قال ليه اش هايطرا كون كنت ملك.. قال ليه الدرهم هاتكون قد الصينية .

لحناش تابعين شي حشاشين. خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مال جدك كضحك.. قال ليهم شفت كنور بالدجاج بالحوت غير عمرني ماشفتو بالحناش .

واحد كايقولوا ليه الحاج شلاظة .كعا من السمية.. مشا هاجر شي 30 عام باش انساو … رجع هوا يشوفوا واحد صاحبو قديييم.. قال ليه واش نتا هوا الحاج بصلة اولا مطيشة … الحاج قال ليه تخلطها نخلط مك .

واحد مشا عند طبيب قال ليه فيا لحناش فكرشي… الطبيب محشش قال ليه كتب فيها الامن الوطني .

هدا واحد البركاني خدا الدكتوراة في علم الحيوان ولكن الأساتذة دياولو متيقوش أو هما يقولوليه ديرلينا شي تجربة … البركاني جاب واحد القطة منين كيصفق عليها كتجي عندو أو هو يقطعليها الرجل الأولى منين صفق عليها جات هو يقطعليها الرجل الثانية منين صفق عليها جات هو يقطعليها الرجل الثالثة منين صفق عليها جات هو يقطعليها الرجل الرابعة منين صفق عليها ما جاتش أو هو يقوليهم نستنتج أننا عندما نقطع للقطة أرجلها الأربعة تفقد حاسة السمع .

واحدة تصاحبات معا براني .. مشاو لقهوة جا عندهم لجارسون فال ليهم اش بغيتو قال ليه البراني pas encore سول دريا قالت ليه pas encore bien glacé ( وسيري تخباي اش جابك لشي فرونسي ) .

واحد طلاب طلع لطوبيس كايطلب مبغا حد يعطيه.. واحد الراجل عيط عليه عطاه شي حجا…طلاب قال ليه الله يجعلك من الدين امنو… مني شاف لقا ريال.. زاد قال ليه ثم كفروا.

واحد المعلم ديال الابتدائي قال للتلاميد دياولو: أنتم رجال المستقبل، أنتم مصابيح الغد وهو يوقف واحد التلميد وشير لصاحبو اللي ناعس على الطاولة حداه: أستاد أستاد، ها واحد البولة تسوطات .

واحد مشى تيسول على صاحبه من مدة مشافو.. دق في باب الدار خرجت أمه .. قالت ليه صيفتناه أولدي يشري اللحم شهرين هذه مبان.. وقال ليها وشنو درتو قالت ليه الدجاج .

نتمنى تكونو ضحكتو و وعجبوكوم هاد النكت .

الى هنا انتهينا السلسة الأولى من النكت المغربية الخاسرة و الغير خاسرة .

تابعونا في السلسة الثانية

السلسة الثانية ⇐