القائمة الرئيسية

الصفحات

قصة ليلة لن أنساها أبدا الجزء الرابع

قصة ليلة لن أنساها أبدا الجزء الرابع



قصة ليلة لن أنساها أبدا الجزء الرابع

قصة ليلة لن أنساها أبدا 

قصص مغربية

يلاه نكملواا

 

هزار : أشنو بغيتي....خرج انا مبقيتش بغيت نشوف وجهك مزال
سقر : هزار تهدني انا كانت غي*قطعاتو*
هزار: غير أش واش عند بالك تقدر تضحك عليا الا قدرتي تضحك على هاد ناس انا مستحيل تضحك عليا أنا عرفاك مزيان مورا هاد لوجه البريئ مخبي شيطان غدار خرج مبغيتش مزال نشوف وجهك خررررج
خديجة : بنتي ياك لباس *حطات لعشا*
هزار : بغيتو يخرج مبغيتوش ينعس حدايا انا تنكرهو أو نكره شوفة فيه اهىهئهى عفاك اخالتي خرجيه ولا نخرج انا *وقفات*
سقر : انا غدي نخرج بقاي *شداتو خديجة*
خديجة : حتا واحد فيكم مغدي يخرج انا غدي نعس معاك اليوم اهزار أو سقر غدي ينعس فبيتي اجي معايا نديك ليه *هزات صنية من لرض *الكاتبة سمر الغاشي*
هزار تتمسح دموعها تخشات فبلاصتها أو تتنخسس حتا نعسات
خديجة : نمشي نعس المهم الهضرة لي گالت ليك كلها نتمنى دير بها أولدي هزار من حقها تعاملك هكا أو كثر انت خصك تصبر لها يلاه تصبح على خير
سقر : إجيك الخير ...
خرج سقر غسل سنيه أو رجع لبلاصتو تخشا أو حط يديه ورا عنقو أو بدأ تيفكر حتا مشات بيه عينيه....
يوم جديد شرقات شميشة 🌄
5 طوموبيلات كحلين زاجهم فيمي وقفو قدام واحد الفيلا كبيرة أو أقل ما يقال عليها روعة نزلو الخدامين بجرا بداو تيهزو لفاليز ويدخلوهم لداخل لبنات كلهم كانو فرحانين أو معهم وعد لي حتا هي مبغاتش المزرعة غير كانت دايرة لخاطر لسقر أو صافي خرجو من طوموبيل بجرا طلعو لطابق تاني تيتسابقو على البيوت لي زوينين كلشي كان فرحان عكس مريم لي منين نزلات أو هي غير ساهية جميع دكريات لي شحال هدا دفناتهم أو تهنات منهم منين حطات رجليها فهاد الفيلا بداو تيرجعو كانت فيلا ما هيا اوتيل ماهو قصر كان وسطها لابيسين كبير والخضورية من جناب ، منضر جميل ، والاشجار عالية واصوات الطيور واوراق الاشجار كييحركهم البرد و نسمة الطبيعة والهواء النقي (الصورة) فجمالية المنضر وفباب الدخلة واقفين 5 الخدمات بطبليات بيضين وسراول بيض واقفين بأبتسامة تيستقبلو عائلة العسكوري لي شرفاتهم ...بحضورهم الفيلا....
نعيمة : يلاه تحركو البنات كل وحدة تمشي تكلف بيت بداو تستفو لحوايج طلقو راسكم *الجميع * واااااااخ الحاجة ....
*مكان اخور *
ناضت هزار قالبة وجها أو محاملاش راسها ..
العالية : هزار صباح الخير
هزار : صباح النور العالية كيف صبحتي
العالية : مزيانة هاكي شوية لما سخون
هزار : شكرا ......
العالية رجعات لكشينة تتوجد لفطور هزار غسلات وجها غير شافت سقر خارج من لبيت خنزرات فيه أو رجعات لبيتها.
سقر : الو ليث *خرج لزنقة*
ليث: الو سقر كلشي مزيان رآه دبا وصلو الفيلا
سقر: مزيان بغيتك قبل ما تجي عندي تمشي عند دادا توجد واحد البيت لضيفة جديدة
ليث :*مصدوم* ضيفة شكون هاد ضيفة اصاحبي هضر
ليث: غدي تعرف كل حاجة فوقتها مزيانة يلاه طلق راسك باش تجي لعندي
ليث : وخاااا بزربة

ريم : نعيمة لاش محلول هاد البيت حتا هو
نعيمة : هدا طلب ديال سي ليث هو لي بغاا نوجدو هاد البيت لشي ضيفة ديال سقر
مريم : ضيفة شكووون هاد ضيفة تاني
نعيمة : والله ما نعرف ... مريم : سيري شوفي خدمتك *الكاتبة سمر الغاشي
*مكان أخر *
وصلات طوموبيل مطرطقة لواحد دوااار غير نزل گاع دراري ديال دوار تجمعو عليه أو على طوموبيل كلشي معلق فيها معمرهم شافو شي طاموبيل بحالها حتا من لعيالات بداو يتجمعو كل قنت فيه جوقة ديال بنادم أو تيتهامسو ليث بقا غير تيشوف بدا تيدق فالباب حل الحسن
ليث: سلام عليكم اسيدي واش هدي هي دار سي الحسن
الحسن مخلوع أو تيشوف فطوموبيل أو جوقة لي قدام دار
الحسن : هو هدا شكون أنت
ليث : انا صاحب سقر عفاك عيط ليه *خرج سقر* صااااحبي توحشتك *عنقو*
سقر : مرحبا بيك دخول *ليث سد طوموبيل أو دخل أو بقا غير تيشوف فديك الخربة دار كبيرة مطربة أو فيها شي بهيمات أو بئر فقاع دار منين تيشربو أو ديور كلهم من ثراب طاح ليه لعجب يكون صاحبو گاعد هنا بدأ سقر تيعاود ليه كلشي أو لحسن أو مرتو أو لاخديجة گعدين فجنبو ..
سقر: هدشي لي كاين كاينين ناس باغين يقتلوني مزال معرفهم عليها انا گلت ليك كلشي يمشي الفيلا أو لمزرعة تبقا خاوية حتا يتصفى دكشي ...
ليث :*ضربو فكثفو* الحمد لله على سلامتك اخويا
سقر : الله إسلمك جبتي دكشي لي گالت ليك
ليث: اااه هاهما *حط قدامو حزمة ديال الفلوس كلشي حل فمو
سقر : هدشي لكم
الحسن : هدشي كامل لا أولدي رآه بزاف
سقر: عفاك شدهم هدشي غير شي حاجة بسيطة باش تعيشو بها أو وعد المشروع جاي ديالي غدي اكون مستشفى كبير هنااا
خديجة : الله إحفضك أولدي ويقويك على فعل الخير أو الله ينفي طريقك من شوك
*وقفو * سقر : امين شكرا بزاااف لكم
العالية : فين غادين بقاو حتا تغداو معانا
سقر : مرة خرى
خديجة : غدي نتوحشوك بصارحة انا ولفتك أولدي انت أو هزار بقاو طلو عليا مرة مرة *باس راسها *
سقر : ان شاء الله ...... خديجة : هزار بنتي يلاه رااه سقر غدي يمشي
هزار: هاني اخالتي .....خديجة : يلاه ابنتي سيري أو تهلاي فراسك أو ديري دكشي لي گلت ليك *عنقاتها*
هزار تفرقات معهم بدموع مشات لطوموبيل طلعات أو بدات تتشير لهم من زاج حتا غبرو أو رجعات حطات راسها على زاج أو تتبكي

ليث مكسيري او سقر فجنبو أو هزار لور كانت حاطة راسها على زاج أو سقر مرة مرة تيخطف شوفة فيها من زاجة ما وقف بيهم حتا وصل لواحد من لوطيلات ديال سقر نزل أو حل لباب لهزار باااش طلع معاه يلاه شد فيديها دفعاتو
هزار : أش بغيتي من عندي *سقر تيحاول يتحكم فراسو*
سقر : ليث عفاك شرح لها أو سير معها
ليت : واخ غير سير *الكاتبة سمر الغاشي
ليث عطا السوارت لراجل لمكلف و دخل مع هزار لوطيل باش تمشي تبدل حوايجها مشا معها حتا وصلها لشومبر ديالها أو رجع تاني لطاموبيل أما سقر داير يديه فالجيابو و كايتنعكر عاجبو راسو و كايضربو ليه السلام حيتاش عارفينو شكون دخل بزربة فلاسانسور ماوقف بيه حتال آخر إيطاج، الإيطاج لي ماكايوصلو حد من غير الخدم مخلينو للمالكين ديال لوطيل، حل لباب و دخل لواحد السويت زوين مصبوغ بالباج و فراشو بالأسود لون سقر المفضل و سد لباب عليه و بقا غادي حتا وصل الشرجم لي كولو زاج و كايطل على لمدينة كولها و على بعد ارتفاع طويل...حيد القاميجة لاحها أو مشا دخل لحمام من بعد ربوع ساعة
سقر خارج من دوش لابس بينوار ديال الحمام أو هاز فوطة تيمسح بها راسو .. حل ماريو هز كوستيم كان تيبان أنيق أو هو تيعدل فيه
اما هزار من بعد ما دوشات لبسات الكسوة لي كانت محطوطة فوق ناموسية بيضة لبساتها كانت مفصلة عبار عليها أو جات مع لطاي ديالها سقر كمل نزل أو بقا تيتسنا فيها حتا جات كلهم بقاو حالين فمهم فيها أو فجمالها ولكن كان وجها كيف ديما مغوبشة أو معجبهاش الحال بلأخص القرب ديالها من سقر لي ولات تتكره شحاجة سميتها سقر من بعد داك الحب الكبير لي كانت تتبغيه (صورة) ليث ديمارا طوموبيل ما وقف حتال قدام العدول خرج سقر أو خرجات هي هو غادي أو هي تبعاه حتا وقفو قدام الباب دق اودخل قبل ما يسمع الجواب ..
العدول : مرحبا بسي سقر عندنا
سقر: شكرا تنضن راك عارف علاش انا جيت هنا ..
العدول : اه اسي سقر البطاقة شخصية ديال الانسة هزار عندنا باقي غير البطاقة ديالك *حطها لهم* اوك دبا سني هنا أو هي تسني هنا
هزار : قبل بغيت نحط شروط ديالي
العدول :مرحبا ابنتي
هزار : گوليه من دبا شهرين بغيت طلاقي أو حاجة خرى مبغيتوش يوصلني بغيت نعزل فراشي
تتهضر أو هي معصبة العدول غير بقا حال فمو مفهم حتا وزة
سقر :*مشاف فجهتها* ونا موافق على شروطها كاملين
العدول : وخا يلاه وقعو
غير كملو توقيع بارك لهم العدول أو عطاهم ورقة ناض سقر أو تبعاتو هي
ليث : هههه مبروك عليكم يااالعرسان
سقر :*مخنزر فيه * طلق راااسك خصنا نمشيو الفيلا
ليث : واااه اصاحبي الفيلا انا كون منك كون ديتها لوطيل حتا نبرع راسي بشي ليلة *سقر غير شاف فيه دغية ديمارا طوموبيل
*مكان أخر*
بغيت غير نفهم علاش هاد توجاد كامل شكون هاد ضيفة لي غدي تجي
رانيا *الخدامة* والله منعرف هدشي لي سمعت من شاف نعيمة تتگولو مدام مريم
وعد :*مفقوصة* هدشي لي بقا غير هاد ضيفة حتا هي نزيدوها على لحساب وااااخ أسي سقر دبا نشوفو هاد لحريرة ديالك *ضربات برجليها ومشات
هزار كتشوووف فالمنضر وحاااااالة فمها حتى بدات طوموبيل تدخل فواحد الجيهة فيها غير القصورة كل قصر قدو قدااااش أو فيلات حي راقي أو فيه غير ناس الأليبة لي عندهم وزن ثقيل فهاد البلاد مكان غير قصر ينسيييييك لخور ضارت جهة صقر لقاتو كيضحك مع ليث او لغمازة لي فحنكو زادت من الجمال ديالو مفهمات والو فدكشي لي تيگولو قادات الگلسة وطلقت ودنيها بغات تسمع وبقات تتخطف مرة مرة شوفة فيه كيهضر واحد اللقطة دوز يدو على شفايفو وهبط للحية ديالو بطريييقة مثيرة لي خلاها تغرق فالجمال ديالو كثر وكيبتاااسم دغية تقرسات هزار
هزار :*تتهضر فخطرها * أه شكون من غيرها لآلة وعد هي لي مخلياه يضحك من ودنيه أكيد توحشها أو بغا غير إمتى يوصل لعندها لمتكبر لخور بحالك بحالها *دغية قنفات* وعلاش أنا اصلا تنفكر فيه هدشي ماشي شغلي *بقات هاكاك مدابزة غير مع راسها حتى حبسااات الطوموبيل *
وهو مازال كيهضر مع ليث جاو لكارد حلو الباب خرجات هزار أو باين عليها الثوتر غادية أو تتلعب بصباع يديها تتحاول تهدن أعصابها حينت عارفة أش مزال تبعها فهاد الفيلا..
الفيلا كان أقل ما يقال فحقها روعة بطااابع حدييث غير من براااا تبورشات غير االميسااااحة الخضراااء اللي كووولها مضوية قدها قدااااش والفيلا غييير بالزااااج شافت صقر أو ليث غادين بقات تبعاهم غير تحل لباب هزار حلات فمها من الجمال ديالو كانت معلقة عينيها فسقف لي قريب يبدا يغني بداك نقش لي فيه أو ضواو مجاتش تنزل عنيها حتا لقاتهم كاااملين مجموعين أو مصدومين من ضيفة حتا حد مكان يتوقع تكون هي هزار الخدامة صقر قبل ما يبدا لغوات فالفيلا دغية شير بيديه الخدامة تقرب لعندو رما شوفة فهزار أو گال لها سيري مع الخادمة غادي توصلك البيتك *الكاتبة سمر الغاشي
شارت لها بيدها زعما تتفضل معاها *طالعين مع دروج*
الخدامة سعاد: مدام هزار وموسيو صقر جابني خصيصا على قبلك باش نلبي طلباتك ويلا كان عندك شي اشكال انا نفهمولك
هزار :شكرا
صقر : وعد الحاجة عفاكم واحد دقيقة *مشا المكتب*
وعد ؛ لااااا هدشي بزاااااف عليا أنا
مريم : بنتي عفااااك بلا متعصبي يلاه نمشيو لعندو باش نفهمو أش كاين ...
باستها فراسها مريم غادية أو وعد تبعاها أو تتصوت
بقاو غادين فواحد الكولوار طوييل وعريييض وكووولو دييكوراااات لحماق صافي وصلو لواحد الباب حلاتو الخدامة
خدامة : مادام هزار هدا هو بيتك والبيت لي لهيه ديال موسيو صقر أو زوجة ديالو واعد راه فالجيهة الاخري نخليك تاخدي راااحتك غير الاكل فهاد القصر بوقتو كلشي تيتجمع على طبلة. وحدة ويلا كان عندك شي طلب أخور صوني عليا من الفيكس انا نحضر عندك وعلى سلااامتك الالة* سدات الباب ومشات* هزار غادية أو غير حالة فمها 😮 منبااااااهرة فجماااال الغرفة اللي كانت جميلة وانتوية بقات كتلمس الاتات اللي فيها لحيوط النوااافد كلشي كان غالب عليها لبيض مشات للناموسية عجباتها كانت ناااعمة وزوينة كانو حاطين فجنبها بيجامة اللي غدي تلبس مشات
دخلت للدوش لقاتو موجدين لها الجاكوزي مكشكش برغاوي هزار فديك اللحضة كانت عادفة راسها أو عادفة ديك لبسة لبيضة لي كانت لابسة ديك ساع رماتها أو تخشات فداك البانيو مقاد كان داااااافيي وعاااامر كشكوشة غير كلسات فيه وهو يبقا يتهزهز بها طارت منها خلعة بدات تتنوض أو تعاود ترجع تگعد مفهمات والو حتا تفكرات تتكون واحد لعيبة ديال مساج فاش كانت تتوجد لحمام لآلة إيلاف عاد كتاب أو جربات هاد الإحساس حتا هي كان إحساس زوين *الكاتبة سمر الغاشي
رجعات گلسات وبدات تتكمد لها مسعودة هزار كانت فرحانة بدات تتلعب بالما وتفركل برجليها وطير الكشكوشة فالسما......
*مكان أخر *
صقر كان واقف أو تيعاود كلشي لمريم أو لمرتو وعد لي كانو گعدين أو تيسمعو ليه حتا كمل أو مريم غير حالة فمها مصدومة من دكشي لي سمعات من ولدها ...
مريم : لا هدشي مستحيل شكون هاد لكلاب
صقر : معارفش انا شكيت غير فدوك لي نصب عليهم المرحوم فالأراضي ديالهم
مريم : صقر انت كانت مزال صغير راك مفهم والو أو لحاج إلا خدا حقهم بينهم أو بينو هو رآه تحت تراب دبا يمشيو يتحاسبو معاه أما أنت راك عوضتي لهم فبزاف ديال لحوايج فين إبانو دوك الأراضي لكحيانة ديالهم بفضل عائلة العسكوري القرية رجعات فيها روح ولادهم كاملين خدامين عايشين أحسن عيشة شهرية كل شهر تتوصلهم بدار بدار أش مزال بغاو انت داير لخاطر لكلشي كل مرة جينا المغرب تنديرو صداقة تياكلو حتا تيخرج من ودنيهم هما ولادهم صافي هدا هو خيرك بغاو يقتلوك
صقر: الحاجة بركة هدشي ماشي موهيم عندي لي تيهمني هو مبغيتش مزال مشاكيل الا المزرعة فيها حق شواحد إجي إرجع حقو ما باقي باغي حد يتسالني شحاجة .. أو هاد لكلاب لي دارو هكا غدي يتجبدو يتجبدو انت بلا متخافي انا غدي نزيد الحراس باش كل واحد فيكم إكون مرافقو حارس شخصي ديالو هكا غدي نبقا مهني من جهتكم انا مغدي نرتاح حتا نشد هاد لكلاب محدهم مزال مطلوقين حياتكم غدي تبقا مهددة ونا مستحيل نغامر بحياة شواحد فيكم..*رما شوفة فوعد* وعد واش مغدي تگولي والو
وعد : مخليتي ليا ما نگول باقي أصقر أشنو باغي نگول ونت تزوجتي أو جبتي مراتك حتال عندي حتا الإعتبار ما عبرتينيش أو دبا تتسنا جوابي انت هما هرستيني أصقر هرستيني *جرها لعندو*
صقر : مديريش فيا هكا أوعد انت اكثر وحدة عارفة قداش انا تنبغيك هاد زواج غير تفاق بيني أو بينها قدام ناس زواجنا مغديش يطول غير شهرين او كل واحد غدي إشد طريقو عفاك على قبلي إلا كانت فعلا تتبغيني غدي توقفي معايا هاد لبنت فضلها كبير عليا أو هدشي أقل حاجة نديرها فحقها هي نتزوج بها أو متبقايش تفكري فدكشي لي داز *قرب وجها من وجهو* حينت دكشي كان قبل ما نعرفك كانت طايش أو متنفكرش انا بغيت ندير شحاجة لي تريح ضميري ونا هدشي لي درت تنحس براحة عفاك بلا متصعبيها عليا عتبريها بحال الا مكايناش معاك *باس راسها* وعد انت مراتي و نت هي الإنسانة الوحيدة لي غدي نكمل معها حياتي منبغيش نشوفك مقلقة عفاااااك وخا
وعد تبسمات أو صقر عجبو الحال عنقها بجهد أو عنق مو حتا هي فنفس الوقت أو باس راسهم بزوج
صقر : أنا كانت حاس بالي غدي تفهموني أو توقفو معايا فأي قرار أنا تخدتو شكرا لكم انتما هما كلشي فحياتي 
هزار من بعد لحمام حسات براحة خرجات ونشفات راسها أو لبست بينوار فالغوز كان فوق ركبتها أو فوطة صغيرة جمعات فيها شعرها يلاه رمات الخطوة حتا سمعاااات دقااان بجهد.فالباب مشات تتجري حلات لقات نعيمة فوجها لي كان كلو تينطق بشر يلاه قربات لها جمعاات معاها بطرشة تاا داار وجههاا )
نعيمة : شفتي فين وصلتيناا الكلبة بهاد الفعايل ديالك نزلتي راااسي لرض يالخانزة اليوم نقتل موك
جراتهاا من شعرهاا و طيحااتها للارض و طلعاات فووقهاا كتضرب فيهاا و تبكي ياا قلال العفة بغيتي تقتليني بفقستك بغيتي تصيفطينا القبر بلا وقت دوي يا لحمارة يا خصارتك تربيتي فيك إيييه شكون غدي تكوني تتشبهي فتكلبين غير موك
هزار *بصوت مخنوق* متجبديش مي على فمك
رجعات تضرب فيها أو هزار رجعات خبات وجها
نعيمة : مزال عندك لوووجه لي تهزي فيا العين يا بنت لحراااام أجي أنا غدي نعاود نربيك *ناضت من فوقها يلاه جراتها من شعرها بغات دخلها لدوش تصلقها بالماء طايب حتا جات تتجري منى سمعات لغوات...
منى : عفاك الحاجة طلقيها بركة عليها غدي تقتليها *دفعاتها*
نعيمة : بعدي لهيه يالكلبة انت لي خرجتي عليه يييييخ ثفو *عطاتها لها لجبهة *.. مشاات تتجري منى تعيط على شواحد يعاونها يلاه خرجات راسها لقات صقر طالع فدروج
منى : اهئهئهئ سي صقر جري جري
صقر :*جاي بجرا * أشنو مالكي
منى ؛ 😭😭😭 هههزار هزار غدي تقتلها 😭 نعيمة عفاك فكها
دخل تيجري صقر لبيت تيبان ليه خاوي أو لغوات فالحمام لقا نعيمة مزال مدابزة مع هزار بغات دخلها بزز باش تصلقها دغية جر نعيمة لي كانت بحال شي كلب جاهل مخرجة عينيها أو يديها تيترعدو بسم
صقر :*بالغوات* أش هدشي تديري ادادا واش انت حمقة *نوض هزار*
نعيمة : خليني نعاود تربية لهاد قليلة الحية
صقر : بركة خصك تعرفي واحد لحاجة بالي هزار راااه مراتي دبا *گاع الخدامين كلش كان طالع تيتفرجو أو تيسمع فيه أو هما مصدومين* من اليوم منبغيش شواحد إعاملها شي معاملة خايبة حينت ديك ساعة غدي إكون حسابو معايا انا
نعيمة تصدمات أو نزلات راسها أو بقات غير تتسمع شداتها لقوة
صقر : واااااااش مفهوووووم *الجميع مفهوم أسيدي* يلاه فرقو عليا هاد جوقة أو كل واحد يمشي إشوف خدمتو يلااااااه *كلشي تفرق* منى انت بقاي مع هزار *خرج طالع ليه دم مشا لبيتو*
منى : هزار أجي معايا
*هزار كانت كلها مضروبة غادية أو تتعرج شدات فيها أو مشاو نعيمة مشات ديريكت لبيتها غادية جاية بغات تحماق مبقات فاهمة باقي والو فبنت ولدها أو إنا حريرة هدي لي تتحرحر فيها أو لمصايب لي مطيحة فيهم راسها أو صهد ديال هاد لحريرة لي تتشوف صهدها غدي يحرقها غدي يحرقها فنهاية
گاع الخدامين نازلين مع دروج أو لا هضرة لا غيرها غير على هزار الخدامة لي تزوجات بمول شي أو كيفاش قدرات تلعب عليه
وعد وقفات من بعد ما سمعات الهضرة كثيرة وعد : خالتي سمعي شحاجة وقعة صبري نخرج نشوف
حلات لباب أو خرجات راسها لقات خدمات بدات تتعيط على رانيا
رانيا : نعام الآلة وعد ....
وعد : أش واقع علاش هاد فوضة هنا
رانيا : لآلة وعد غير سمعنا الغوات الفوق كانت شاف نعيمة تضرب هزار هههه كانت غدي تقتلها كون ما فكهاش سيدي صقر من يديها
وعد : هههه مزيانة فيها يلاه سيري لخدمتك أو أي حاجة جي عندي وصليها ليا
رانيا : واااخ الآلة وعد غير كوني هانيا
وعد : خالتي عرفتي أشنو واقع گالت ليك الآلة هدي لخدامة موسخة هي لي كانت شابعة عصا من عند جداها هههه هاد فيلا كل نهار غدي نتفرجو فشي مسراحية حتا دوز هاد شهرين هههه *الكاتبة سمر الغاشي
مريم : هههه عرفتي كون ما كانت راحت ولدي فهدشي كون مشيت لديك الموسخة جريتها من شعرها أو خرجت زبل من فيلا راااه گعدة غيس غيس على قلبي هناااا
وعد : كون تشوفي انا راني صابرة غير على قبل صقر اوووووف أخالتي رآه العافية
شاعلة فقلبي دبا
مريم : وعد حبيبة كيف گاليك صقر متبقايش تفكري فيها ديريها بحال إلا مكيناش گاع وخااااا
وعد : غدي نحاول اخالتي وخا رآه صعيب بزاف نديرها بحال إلا مكيناش ونا وياها تحت سقف واحد ."بهستيرية" راااااني غدي نحماق
مريم : المشكيلة هي إلا حملات منو
وعد : لااااااااااا اخالتي سكتييييي متبقايش تعاودي هاد الهضرة عقلي تيبغي يخرج من راسي اخالتي مستحيل يوقع هدشي مستيحل تولد مستحيل انا هذاك الرحم لي غايهز ولدو غادي نحيدو بيدي لها واش تتفهمي اخالتي غدي نحيدو لها بيدي من بلاصتو "صدرها كايطلع وينزل" مستيحل ديك الموسخة الخدامة تكون بحالي انا هي مراتو قدام الناس وانا هي حياتو هي ماغايكون عندها حتى حق تولد منو اصلا زواجهم غير تفاق غير شهرين او غدي تمشي فحالها "شافت فمريم *خالتي دبا أشنو ندير باش نبقا. محافضة على لعلاقة ديالي براجلي أو متقدرش ديك الموسخة ضور بيه انا خايفة غير تلعب بيه وخا انا متأكدة من حب صقر ليا قد ما متأكدة من سميتي
مريم : وخااا گاع هدشي ابنتي انت ضروري خصك تحملي منو
وعد : خالتي واش كاين غير هاد الحل صافي انت عارفة متنحملش تكون عندي الكرش أو تخصر ليا فورمتي أنا عارفة بالي صقر بغا ولادو ولكن حنا متافقين على هدشي حتا نكون انا مستعدة لهم
مريم : حمقة بالعكس لولاد. لهم دور كبير باش تبقا العائلة شملها مجموع أو قوية هو تيبغيك اه أو غدي إزيد إلا كان شي فنكوش ولا فنكوشة تدور بيك أو بيه
وعد.:(حايرة) وخا أخالتي انا غدي نقطع الفانيد
مريم : هههه افرحتيني بهاد لكلام غير تبعيني أو مغدي اكون غير الخير انت هي لي غدي طلعي رابحة من هدشي الله إخلي شملكم ديما مجموع وعد : أمين أخالتي
*يلاه كملو الإجتماع لي داروه فالمكتب ديال صقر مع الخرجة بأن لهم صقر نازل بكامل الأناقة ديالو تيزرب
وعد : فين غادي احياتي واش مغديش تبقا حتا تغدا معنا
صقر: لا أحياتي عندي إجتماع من هنا لساعة أو ليث مصدعني من صباح *باسها*
مريم : ولدي نتسناوك لعشا ..
صقر : إلا كانت غدي نتعطل غدي نگولها ليكم يلاه بسلامة
هزار : ااااي غير بشوية رآه كثفي تيعطيني صداااع بزااااف ...
منى : غير صبري صاااافي سالينا اجي إمتى غدي تحيدي هاد لبانضة من يدك
هزار : خالتي خديجة گالت ليا باقي شوية *جات حداها*
منى : هدشي كاااااامل وقع ليك اصحبتي أوووف شي عوينة أو خارجة فيك اصحبتي
هزار : الحمد لله ناس لي نقدو حياتنا كانو ناس مزيانين بلأخص خالتي خديجة جاتني معاملة ديالها بحال ماما الله يرحمها والله مكرهت نبقا عايشة غير معهم
منى : هههه لوااه لواااه والله مكاين ما حسن من هاد الفخفاخة لي انت فيها *تطلع أو تنزل فناموسية* والله العظيم إلا حستك اصحبتي شوفي غير البيت لي انت فيه قداااااش هدشي كنا غير تنحلمو بيه انا وياااك ولكن الحمد لله ها هو الحلم بدأ يتحقق *مشات عندها* هزار شوفي احبيبة نساي كلشي أو عيشي أو تمتعي بالحياة رآه عندك غير شهرين او غدي ترجعي لتمارة عتبري اليوم مشااا من هاد شهرين ههههه اوا بلا متكمليه غير بكاااا أجي خلينا نطلبو شي بيتزة أو نتفرجعو فشي فيلم ديال رومانسية أو ناكلو تشيبس أش بان ليك *هزات فيكس*
هزار : طلبي لي بغيتي غير هنينا
تفتح الباب بجهد حتا قفزو البنات بزوج
وعد : خرجي براااا يلاااااه تحركي انت
منى ناضت بزربة تتقلب على صندالة..ديالها
هزار *بالغوات* بقاااي أمنى معندك فين تمشي هدا بيتي ندخل فيه لي بغيت أو معند الحق حتا واحد يفرض عليا شحاجة هدي اولا أو تاني حاجة ناس من الأداب إدقو فالباب عاد إدخلو
وعد : هههههه لااااا بزاااف بنت لخادم بدات تتعلمنا هنا الأداب ...
مربعة يديها كاطلع فيها وتنزل بحتقار بدات تتشوف فالبيت ديالها
وعد : امممم بيتك زوين بزااااف طبعا هادي اول مرة تعيشي فالعز أو لخير انت غير جعانة أو مسخة وخااا تحلمي حتا تعياي مستحيل تحلمي تعيشي فهاد القصر وخا تحلمي حياتك كاملة * هزار الصمت أو هدشي لي زاد عصبها" جيت نگوليك جوج كلماااات ديريهم حلقة فودنك صقر ديالي انا هو تيبغيني انا مستحيل إشوف فوحدة بحالك يعني غير حيدي من بالك هاد فكرة تتسمعي ولا غدي ندمك على حيااااتك إلا شديتي معايا ضد
هزار :*إبتسامة قتالة* ههه نعتبر هدشي تهديد ولا كيفاش
وعد :*من تحت سنانها * عتبريه كيفما بغيتي أنا حدرتك أو جيت برجلي حتا لعندك ونت ولي عجبك
هزار : كوني هانية معندك مناش تخافي من جهتي هاد الهضرة سيري عاوديها ليه هو يعطيني تيساع انا معندي معاك حتا مشكل أو من جهتي معمرو إكون انا مرا بحالي بحالك أو حاسة بيك او حتا عارفة بالي راك دبا مجروحة ..غير رتاحي ويلا متأكدة من حبو ليك رآه معمر شواحدة غدي تجي بلاصتك
وعد : ههههه اكيد متأكدة الكلبة يا خطافة رجالة ديما غدي تبقاي غير وحدة رخيصة تتباني ليه كيف لمرة لولى فاش جيتي لعندو طايحة عليه فبيتو عاهرة ديال نص لليل هههههه بقيتي فيا بزاف *هزار دمعو عينيها* هو عاود ليا كلشي عليك هو غير شفق عليك عليها جيت نگوليك بلا ما تحاولي تلعبي معايا صقر معمرو اكون ليك
هزار :*مقجوجة* كملتي دكشي لي عندك رسالة ديالك وصلات إلا سمحتي خرجي براااا
وعد.: هههه بلا متگولها ليا أحبيبة أصلا انا ما تيشرفنيش نبقا فهاد لمزبلة ديالكم *خرجات أو ردخات لباب بجهد *
منى : سيري الله يعطي لموك شي غبارة هزار مديش عليها صافي عجبتيني فيها بزاف بنادم إلا بغيتي تقتليه هو تعاملي معاه برودة بحال كيف درتي لها دبا *هزار تتمسح دموعها*
هزار: ولكن كانت هضرتها قاسحة بزاف
منى : حبيبة انا عارفة انت خصك تصبري وخا شوفي انا بغيتك ضربيها بقرطاسها نيت وريها انت علاش قادة
هزار : لااااااااااا امنى حتا مجرد فكرة لااا متفكريش فيها انا مبغيت والو غير تيقار غير تربح بيه انا صقر خرجتو شحال هدا من عقلي أو قلبي 💔 من داك نهار لي عاود غتصبني ولي معمرني نسااااه فحياتي كرهتو أو كرهت حياتي باركة انا مبقاش فيا جهد المشاكيل بلأخص مع هدي *وعد* هي إلا حطات شحاجة فبالها توصل لها توصل
منى : المهم لي بان ليك اصحبتي انا غدي نمشي ما فيا لي يسمع شي هضرة من عند جداك تاني .....هزار : وخا ولكن مرة مرة جي طلي عليا راني تنقنت إلا بقيت غير بوحدي
في المساء🌒
كان كلشي مجموع على طبلة وبداو الخدم كاينزلو لعشا كل شد بلاصتو هاز صقر راسو مبانتش ليه هزار * وتكلم بخشونة* . . .
صقر : .طلعو لهزار عشاها
الخدامة. .'حنات رأسها' تحت امرك ميسيو....*وعد تتصوت بحال لفعة *
مريم : حتا شواحد مااا يطلع شحاجة إلا بغات تعشا تنزل ليه راه عندها رجليها معندناش هنا كل وعشااه واش غدي نبداو سيستيم اخور ولا
صقر مزادش الكلمة من مورا مريم حنا راسو وبدا عشاه....
صقر : يلاه بداو بسم الله *شوية نزلات هزااار
هزار : مساء الخير عليكم ..*تبسم لها صقر*
جرات الكرسي أو گعدات كانت مبعدة عليهم كانت وعد أو مريم غير تيتغامزو بيناتهم هزار كانت حانية راسها أو تتاكول فصمت ...
صقر جاتو مكالمة ستأدن أو ناض ...
وعد : اااه الله *هزار عرفاتها غدي تگول شحاجة غير من عينيها * أش بان لكم نعاود لكم قصة ديال الأمراء ولجواري لي كتاب عليهم لمكتاب أو تجمعو على نفس طبلة هههه *كلشي ضحك ماعدا زيدان *
مريم : والله مكدبتي حياني الله حتا شفت هاد قصة قدامي *غير ناضت هزار *
مريم : وقفي رجعي بلاصتك *أشارت بصبعها
هزار : ولكن أنا شبعت الله يخلف
مريم : من لأداب ديال طبلة العسكوري تبقاي فبلاصتك حتا إكمل كلشي ماكلتو عاد تنوضي
زيدان : الحاجة صافي خليها إلا بغات تمشي
مريم : زيدان انت مدخلش راسك فشحاجة بعيدة عليك
غير جا صقر كلشي سكت أو رجعو تياكلو فصمت
*مكان أخر*
منى : مالكي دخلة عليا هاد دخلة خلعتيني
هزار : تنحس بيهم كلهم ضدي فهاد الدار غدي نحماق داك لعشا لي تعشيت معهم الماكلة تنحس بها حاصلة فقرجوتي كل ساعة تنشرب عليها لما باش دوز غير تيبعد صقر دغية تلقاهم هاجمين عليا بالقرطاس بغاو غير فرصة
منى : هههه هدي حاجة باينة وعد رآه هي حبيبتهم ونت ضرتها دبا حاجة عادية يكرهوك متبقايش تسوقي لهم ونت علاش تنزلي تعشاي طلبي عشاك فبيتك
هزار : انا مبغيتش نخلق المشاكيل انت عارفة منين تيتحط العشاء و خاص كلشي ينزل ونا درت صواب مبغيتش نعزل ماكلتي عليهم مدام انا عايشة معهم گلت نستحمل شوفاتهم أو نزل ساع ندموني منى حيدي هدشي من يديك واجي راني مخنوقة أجيو نخرجو شوية الجردة
منى : واااخ وخا غير صبري نكمل هدشي لي فيدي
هزار : لااا دبا *جراتها *
هزار ضربهاااااااا الهااااواااا طلقات يديها فلهوا هزار : اللله على راااااااحة
بقاات كتنفس شهيق زفير شهيق زفير
هزار : والله العظيم حتا هاد لهوا منعش ونقييييي انا فحاجة ليه بزاف
بقات غادية غير فالخضورية
منى :أجي معايا نوريك بلايص زوينين شفتهم البارح انا أو لبنات بقات غدية بها دنيا قدها قدااااش يجري فيها الخيل كوووولها خضرة ومقااااادة ونقية
مشاو الجيهة فين كيلعبو فيها الكووولف وواحد الجيهة لخرى فيها الباسكيط والكورة والتينيس جامع كاااه الرياضات فتيران واحد شفت ليكاارد ضايرين بالقصر كانت الحراسة مكثفة تگول قصر الملك هدا
واااحد الكاراج كبير فيييييييه جمييييييع انواااااع الطوموبيلات مستفين دوخة دكشي بقات كتخضر عينيها حتا ووصلو
لوااااحد لابيسسسسسسين كبيييييير
منى : أش بان ليك تعومي
هزار : لا متنعرفش نعوم تضحكي عليا بغيتي تهناي مني
منى : عيطي على صقر إعلمك أو ديرو نيت شي ماتش تحت الما سمعت أحسن ح...ية هي لي تتكون تحت لما أش بان ليك تجربي هههههههه *ضرباتها*
هزار : كوني تحشمي شكون لي گاليك انا بغيت نتعلم زيدي زيدي تحركي
منى : هههه ونا غير گلت ليك اصحبتي بلا متقلقي مني خلي قشابتك واسعة
هزار غادية أو منفوخة شويا شفت واحد لصال قداااااااااااش عرييييييض وواسع
منى : هنا هو فين تيكبر لبادر سي صقر ههه أش بان ليك ندخلو نهزو لحديد
هزار : منيتك ........ منى : إيه منيتي كون تشوفي ديك صفريطة كل صباح رياضة مشفتيش الفورمة ديالها واعرة *ضرباتها لمسعودة* عندها هادي كبيرة ...
هزار : اااااي واش انت حمقة
منى : اه حمقة حينت تنهضر معاك فمصلاحتك خصك ديري رياضة باش تكبر ليك حتا انت أو يكبر ليك صدرك هههههههه غير اجي دخلي نعلمك والله العظيم حتا نعلمك رآه تنشوف كيف تيدير داك المبنت لي تيعلمها
هزار : انت وقلة نعاس لي گلبك سيري تنعسي تصبحي على خير
منى : اجي لهنا واش صافي بغيتي تنعسي باقي لحال
هزار : مبقا حتا حال هدي رآه 1:30 ديال الليل الله إجيبك على خير
كانت واقفة واعد تتشوف فيهم من لبالكون غير شافت هزار طالعة مشات تتجري حلات لباب أو مشات لصقر لي كان متكي فوق ناموسية أو حاط البيسي فوق رجليه أو غارق فخدمتو تيتسمع غير صوت طق طق ديال لكلافي
وعد : حياااتي بركة عليك من خدمة *تتلوى*
صقر : رآه قريب نكمل غير رجعيه ليا
وعد : *طلعات فوقو* انا مشهياك بزااااف أو دبااا
صقر : غير نرسل واحد *مزال مكملش هضرتو طارت على شفايفو*
هزار رمات شوفة فبيتو لقات الباب محلول واحد الشوية بدات كتقرب وكتسمع 😨 وعد كتاوه
هزار تزير قلبها جاها الفضول كثر أو دخلات راسها تصدمات لقاتهم بزوج غارقين فالحب أو لمعسل رجع هو لي فوقها
مشااات تتجري هزار لبيتها أو هي كلها تترعد....
*مكان أخر*
وعد : حياتي انا قررت نجيب ليك شي ولد ولا بنية *تضحك* صقر أشنو واش ما فرحانش
صقر: اكيد فرحان غير فجئتيني حينت كانت معتارضة أو مزال متتفكريش ف لولاد دبا أشنو لي خلاك تبدلي رائيك ..
وعد : انا فكرت أو لقيت بالي العائلة ديالنا خصها تكمل بشي وليد ولا بنية تعمر علينا حياتنا ...*باس يديها*
صقر: لي بغيتي أحياتي انا معنديش مشكل هز صيگار من لكوافوز أو دخل لبالكون تيكمي واحد تابع لخور مجااا فين يكمل 3 لي فيديه لقا وعد نعسات أو تتحلم مشا لعندها باس راسها أو غطاها يلاه حيد حوايجو بغا ينعس حتا تيشوف الباب ديالهم كان محلول جرو بغا يسدو حتا تيبان ليه ضو فبيت هزار عرفها مزال فايقة سد لباب أو نزل التحت ...
وصلات 2 ديال الليل ومزال ماقدرات هزار تنعس كانت لابسة سوميج فالغوز بارد وفوق منو بينوارو غير سمعات الحس دغية مشات تتجري بغات تسد الباب بالقفل من لداخل ساع كان صقر سبق منها دغية حل لباب لقاها قدامو ....*الكاتبة سمر الغاشي
هزار *مثوترة* أشنو تدير فبيتي خررررج
صقر بلاما يهضر بقا تيشوف فيها بدوك لعنين عينيه مبغاش إنزلهم من على شفايفها أو صدرها بقا كيشوووف لصقها مع حيط أو هي كانت دايخة بريحتو أو بدات تتفكر غير لمساتو فديك اللحضة أو بوساتوو كترجف بين يدو قرب حدى عنقها بدأ تيبوس فيه بوسات خفاف أو هزار مغمضة عينيها بلا متشعر دفعاتو بيديها
هزار : علاش تتقلب واش مخلي مراتك أو جاي تتمنضر فيا خرج من بيتي يلااااه *بغات تحل لباب شدها *
صقر هضر بصووووت تيدوب رجوووووولي بنبرة مثيييرة وهو قرييييب منها بزاااف وكيشوووف غير فشفايفها
صقر : ايلا غادي تلبسي هاد الدو بياس نصحك مرة اخرى تسدي الباب مزيان *غمزها * حينت مرا خرى مغديش نضمن ليك راسي ويلا وعد مراتي حتا انت راك مراتي دبا
هزار : مغديش نخليك تقرب ليااا واش تتفهم مغديييييش نخليك انت واحد مريض أو معندكش الكلمة
خلاها تتسب فيه أو خرج أو سد. الباب خلا هزار كلها تترعد تبعاتو بجرا سدات الباب بالقفل أو رجعات تخشات فبلاصتها أو شادة فقلبها لي تتحس بيه بغا يخرج من بلاصتو
 صقر كان دخل البيت تيتسلت سد لباب بشوية بدا يتسلت بحال شفار حيد حوايجو بقا بوكسور يلاه هز لغطا بغا يتخشا بلاصتو حتا فاقت وعد *الكاتبة سمر الغاشي
وعد.:*تتحك فعينيها* صقر فين مشيتي هاه واااش مشيتي عندها ياك
صقر : واااش تدعقي عليا ولا مالكي رآه غير نزلت نشرب
وعد : امممم سمح ليا أحياتي انا خفت غير تكون مشيتي عندها أو زايدون الما كان غير حداك
صقر :*شاف فيه* اااه مشفتوش
تخشا أو جبدها لعندو
صقر : حياتي انا شحال من مرة خصني نبقا نعاودها معاك هي مراتي غير فلوراق ويلا كنتي فعلا تتبغيني أو تتيقي فيا مخصكش تبقاي تشكي فكلامي
وعد : أكيد أنا تايقة فيك *زادت تخشات فيه كثر أو تتحاك معا صدرو*
صقر *تيدور بعينيه* وعد قررت إكون يوماين عندك أو نهار عندها
وعد : أشنووووو كيفاش نهار عندها ياك كانت تتگول زواجكم غير فلوراق واش تضحك عليا
صقر : هو فعلا على لوراق ولكن خصو يبان طبيعي واش كاين شي جوج مزوجين أو معمرهم تجمعو فبيت واحد رآه غير لخدامة أو غدي إشكو ...رآه باينة لعمى
وعد : إشكو ولا ينتاحرو گاع انا مستحيل نخليك تبقا معها فبيت واحد وخا نموت
صقر : وعد رااه هضرنا فهاد موضوع لاش تتبقاي مكبراه ديما رآه غير شهرين او غدي نتهناو كاملين
وعد : انت عندك شهرين أنا كل نهار تيدوز عندي عام *عرفها مغديش تسد هاد الموضوع*
نزل على شفايفها كيبوس و يتبنن...و حتى هي جراتو عندها أو بدات عايشة مع اللحضة رغبة تحركات فيهاا...و فيه...كل واحد باغي يلبي رغبة لاخر و زعو قبلاتهم على وجه بعض مع همسات و لمسات...حيد لها دو بييس خلاها صولو...رمقها بنضرة شهوة..و حتى هي حيدات ليه بوكسر....خلاو أجسادهم يتلاحمو....بسها
في جسدها كلو خلا غير توحويحها و انينها يتسمع بصوت شبه مسمعوع...لبلا ليها رغبتها و هي مكانتش ساهلة و كانت معاه على قرص...بقا على داك لحال...قبلات و لمسات كل مرة ببوزيسيون فشكل....محنها و عطاها لقاصح و حتى هي عاجبها لحال كيتسمعو ضحكاتها تعبيرا على سعدتها بين ايديه....بقاو حتى جابوه بجوج...و تلاح حدها عرقو...و سدرهم كيطلع و ينزل بتعب...جرات ليزار عنقو بعضهم...تخشات فيه و خلاو نوم يلاعب عيونهم
شرقات شمس صباح حل عينيه.🌄
جات في عينها لي كانت كتشوف فيه
صقر (بصوت مبحوح) صباح الخير وعد
وعد :صباح النور
كانو مزال على وضعهم اجسادهم عارية و كتحكك في بعض
صقر: كصبحتي حبي (كترمش بعينيها مزال تقال بنعاس) الحمد لله مقدرتش نتحرك صقر(كيداعب وجها) عييتي ...شرفتي وقلة
وعد : ههههه لا راك نتا لي محدك تكبر و نتا تجهد.اححح صبحت موعتة
صقر : شحال في ساعة
وعد :7:23 هدي ولكن فين غادي
صقر : الخدمة علاش
وعد : عندي موعد مع طبيب *مغوبشة*
صقر : علاش معلمتينيش باش ندير بحسابو
وعد : أنا گلت ليك بغيت نولد ونت عارف 3 سنين هدي باش تنشرب الفنيد يعني حاجة عادية نمشي لعند طبيب نشوفو أش كاين
صقر : وخا يلاه نوضي مبغيتش نتعطل بزاف
وعد: صقرررر صبر بغيت نهضر معاك فموضوع ديك الخدامة *صقر قالب وجهو*
صقر : واعد واش هاد لهضرة غدي نصبحو عليها تاني
وعد : انا موافقة على دكشي لي گلتي ونا عرفاك مزيان مستحيل شي وحدة تديك مني
صقر شاف فيها أو تبسم أو دخل لحمام ..
*مكان أخر *
دخلات شميشة 🌄 سخونة من لبالكون فيقات هزار بدااات تتكسل أو شادة فراسها حينت منعساتش مزيان حيدات من عليها لغطى لبسات بنطوفة فرجليها أو دخلات الحمام تخود دوش دافئ تكمد عضيماتها باش تصحصح ....
*عند واعد*
توجهات لتيلي ديالها خداتو وتاصلت بمها....
غزلان . .وي حبيبتي كيف صبحتي
وعد . ."نفاجرات بالبكى" ماما هءهءهءهءه انا غدي نموت صقر غدي يوالي ينعس عندي يوماين أو هي نهار گاليك خصهم إبانو مزوجين قدام ناس أنا خايفة غير يضعاف قدامها أو ينعس معها *تتخربق شعرها* ناري غير مجرد فكرة اماما تنبغي نحماق
غزلان : حبيبة حاولي تبردي أعصابك هاد تصروفات ديالك وخا اكون سيد گاع ما كاين والو فراسو انت تدخلي ليه هاد الأفكار تيقي فراسك أو تهلاي فراسك برعي رجلك فالفراش حاولي تمسكني أو تبقاي ديما فعينو ملاك أو قلبي عليها هي لقفة راني بلا ما نبقا نواصي فيك هدشي رآه عرفاه
وعد : اه اماما غير بعد لمرات تنحس براسي مهرسة كلامك اماما تيرجع فيا روح صافي اماما غير كوني هانيا هااااد لكلبة مسخة غدي نخليها تندم على نهار لي فكرات فيه تقرب منو أو دبا تشوفي بنتك علاش قادة

تعليقات

تعليقان (2)
إرسال تعليق

إرسال تعليق