القائمة الرئيسية

الصفحات

قصة الأرملة الجزء الأخير


قصة الأرملة الجزء الأخير

قصة الأرملة 



....جالسة في مقهى المستشفى. وغيثة جنبهاااا ...

غزلان...حبيبة ديال مامهااا خااص نقول ليك وااحد الحااااجة

غيثة تتشرب في العاصير...وي ماما

غزلان..تلفااات ومعرفاااات منين تبداا ليها الهضرة.. انك تشرح شي موضوع مهم لدري صغير خطر واصعب من أنك تشرح لواااحد كبير ...
...حبيبة ديالي نتي دبا كبرتي مشاااء الله قريب تكملي ربع سنين ..وديمااا تتقولي ليا بلي انا كبيرة

غيثة...اه اماما انا كبيرة

غزلان...براافو حبيبة ديالي ...دبا خاص نقول ليك واحد الحاجة مهمة بزززاف

غيثة...وخااا

غزلان...واحد الموضوع كيخص باباك وخا نتي عمرك سولتيني ولكن دبااا جا لوقت فين نقول ليك كلشي

غيثة...هزات كتفاهاا. ماما ..انا بصح ديما كنبغي نسولك على شكون بابا ولاكن كنخاف تغوتي عليا

غزلان...مغديش نقدر نغوت عليك اماما ..من حقك تعرفي شكون باباك .. يمكن مقلتش ليك في لول غير حيت كنت مقلقة بززاف من باباك ..

غيثة...ببراءة. ودبا تصالحتي معاه. وخا تصالحي معاه نتي انا مزالة مقلقة منو.

غزلان...حبيبة ديالي هوا مدار ليك والو. باش تقلقي منو انا لي خاص تقلقي مني حيت تصرفت يمكن بحقارة. ومقلتش ليك شكون باباك ولا هوا قلت ليه عليك ..

غيثة...شكون بابا

غزلان...باباك ابنتي هوا سكتات شحال ونطقات .. هوا. يحيى

غيثة.واش بابات. غفران ورضى

غزلان...اممم

غيثة... انا مبغيت تواحد يكون بابا انا بغيتك غير نتي ⁦💕💜



تصدمات غزلان بجهد من جملة بنتها هيا لي عرفاها وعارفة طبعهااا..العنيد
...
ولا قالت الحاجة مكترجعش فيهااا وخا مزالة صغيرة. ..

شدات في يدهااا ..باباك زوين. ابنتي وهوا ايفرح بززاف من تقولي ليه بابا. ومريض احبيبة محتاااج ليك

غيثة..ببرود...م
غديش نمشي عندو
غزلان..حشومة بنتي. واش مديريش لماماك الخاطر

غيثة ..ربعااات يدهااا وغوبشات مع ديرة الكرينات..جات كيوت تكليهااا...لا مبغيتش

غزلان .دارت تهيأ نفس الحركة. ..انا متبقيش تهضري معيا ..

غيثة..ياك ماما

غزلان...على قبل ماما احبيبة ديالي. عطي فرصة. وحاولي تعرفي عليه. ايتهلا فيك ويشري ليك لي بغيتي. ..

غيتة..بقا مخنزرة ولكن منقولش ليه بابا

غزلان...احح يابنيتي وشحال راااسك قااااصح. هزتها عندهااا يالله اوبلا نمشيو نشوفو بابا ...

غيثة...مااشي بابا انا

طلعتها غزلان. لفوق ..دقات ودخلات مبتااااسمة عندو ...لقاااتو غير بوحدو ...

هاحنا جيناااا ...

يحيى...مرحباااا
...غيثة ..اجي ابنتي عندي
غيثة...لا

غزلان ..غيثة حشومة

غيثة...مبغيتش واش بزز ماما

يحيى...صافي خليهااا على راحتهااا... هزات غيثة تيلفون غزلان ومشااات فوق الفوطوي. وبركااات..

قربت غزلان من يحيى...شد معاها. شوية الخاطر حتااا تتولف راه باقي صغيرة

يحيى...وقتي وخاطري كلو ليها ..غمض ليها عنيه كنوع من. طمئنينة من جيهتو ...

غزلان..انخليهاا
معاك انمشي نشوف. لولاد الخرين من مشاااو صباااح مشفتهم هادي لصقات غير في عبير ..
يحيى...بصوت متعب ..متعطليش

....خرجااااات ..غزلان وهز تيلفون من عند راسو. ودخل نيشان الأنستغراااام .. سيفط. كوكو ...لغيتة. لي بقا لدبا معرفااش بلي هوا نفسو ...

ردات عليه حتا هيااا بنفس الكلمة. .. هز راسو ليهااا كانت مكونسوطرية فوق الفوطوي مع تيلفون ..
رجع كتب ليهااا...توحشتك
غبرتي بزززاف
غيثة...انا معنديش تيلفون ..كناخد غير ديال ماما او طاطا


يحيى...بغيتي نشري ليك تيلفون

غيثة ..بحماااس ..بصح ولكن انا مكنعرفكش

يحيى...وخا متتعرفينيش نشري ليك تيلفون ولي بغيتي ونسيفطو ليك

غيثة..صافي. شكرااا

يحيى...زوينة بززاف انتي

غيثة...شكراا..ت

صالحتي مع مراتك
يحيى ..تقريبااا تصالحنااا غير واحد القطيطة عندهاا باقا نافخة علينااا ريشهااا

غيثة...بصح عندهاا قطيطة...واش زوينة قولي كيف ديرة. حتا انا باغة من نكبر نربي قطيطة

يحيى...كيشوف فيها قدامو ويكتب ...زوينة بززاف. عوينتهاا. بحال مها..زرقين بحال شي محيط ..شعرهااا كحل. بحالهاا وكدير غرينااات. ...

غيثة..بدات تضحك في الغرفة...هاااد القطة كتشبه ليااا ههه

يحيى..هاد القطة هيااا نتي لي مبغااش تسمحي لياااا

من قرات الميساااج هزات. رسهااا...فيه بصدمة...لقاتو مبتسم في وجهاااا ...

يحيى..قطيطة مغديش تسمحي لباباك

غيثة ..لا مبغيتش ..نتااا خايب

يحيى...شوفي انااا مريض. خاص تسمحي ليا باش نصح

غيثة...ضورات رسهاا بلا

يحيى...كنواعدك اخر مرة. مبقيتش ندير القباحة

غيثة..ولكن نتا مدرتيش. القباااحة ...نتاا قلقتي. ماما بززاف وكنسمعها ديمااا كتبكي

يحيى...وسمح ليا نتي وعونيني. نتصالحو مع ماماك حتا هيا ..

غيثة...تولي تقول ليا ريتااا

يحيى..ضحك ليها ..نقول ليك ريتا

غيثة..تشري لي تيلفون ولي بغيت

يحيى..لي بغيتي ...

غيثة...صاااافي تصلحناااا ..قربات منو وباستو في حنكو ..حتا دمعو عنيه .....انعاونك حتااا تصالح مع غيزو .متافقين

يحيى...يخليلي. لي باغي لخير لماماه💕


وصلات العشية
جات غزلان هيا والتوؤم ..

دخلات. عندو الغرفة. لقاتهم ناااعسين. ..وقفات حدا الباب كتشوف فيهم ...كان يحيى..ناعس وغيثة. نصها فوق كرشو ونص لخر فوق السرير...

وقفات في باب كتشوف فيهم بتأمل...متنكرش بلي رتاح بالها من تصلحات الأمور بينو وبين بنتو.....

رجعات ردات عليهم الباب بشوية. وخلاتهم ناااعسين ... التوؤم مشاو عند جدهم ...

لي كان تماك غير بحدو..
دارت مع الكولاوار ..تلقات فؤاد. هوا وجوليا

غزلان...اه سي فؤاد سمح ليا والله عدبتك معيااا هاد النهار.

فؤاد..لا ماشي مشكيل راك بحال ختي صغيرة ...وانا من طبعي لاشفت شي حد محتاجني. كنعاون

غزلان..بتسمات..

.ربي يخليك. الله يكتر من متالك ..
قربت من جوليا. حتا هيااا...شكرااا ليك بززاف حتا نتي عونتيني بززاف

جوليا...متقوليش
هاكة. دنيا هانية ..انا كنعتبر. غفران ورضى بحال ولادي ..كنتمنا تفكري في مستقبلهم
غزلان..شكرا حبيبة

فؤاد..غادي نرجع لجديدة اليوم حيت عندي اجتماع دروري نحضر ليه ..لاكنتي ناسية. شي حاجة في دار ممكن نسيفطها ليك

غزلان..لا لا منسيت والو ..كنشكر من جديد على وقفتك معايا

فؤاد ..كنتمنا ليك. حظ سعيد

غزلان..واش صافي مغديش نبقا نشوفك

فؤاد..مع الأسف ..خاص نرجع من ورا اجتماع بحالي

غزلان..كنتمناا نتلاقو في ضروف حسن من هااادي

فؤاد..امين

جوليا..حتا انا كنت جاية باش نودع الولاد. اليوم عندي طيارة في ليل خاص نرجع. لخدمتي ..مهم باش مكان راه بيناتنا التلفون..

غزلان..بسلامة عليكم ..تهلاو في راسكم ..والله. من قلبي ..درتكم بحال خوتي

خرج فؤاد بحالو. وجوليا مشات ودعات دراري وخرجااات تاهياا لقاتو. بااقي وااقف عند السيارة شاد واحد الݣاغرو. عاصر عليه ..قربات منو

كتسنا شي حد ..

فؤاد...عرفتي شكون لي كيعرفو بعضياتهم

جوليا..هزات حاجبها ..شكون؟؟؟

فؤاد...دوك لي كيفقدو الأمل فشي شخص

جوليا..فهمات كلامو. مزيان... زااادت قربات منو وحيدات الݣغارو ...دارتو في فمهااا. مصاااات مزياااان وساااااطت ..فقدت الأمل من شحال هداااا ...غير نتاا لي بان ليا "راك مقصح

رجع حيدو ليها من يديهاااا...ممقص
ح والو ..غير اعجاب وفقدت فيه الأمل ...ركبي انوصلك لمطار
جوليا..درات ركبات ودارت الصمطة ..شكرا.

وصلها لمطااار.. ..

جوليا..خاص نمشي دباا بسلامة عليك

فؤاد ..بسلامة

زادت بعدااات منو ..عاد. عيط ليهاا بصوت مرتااافع ..
من تلفتات قال..
مرة جااااية. من نشوفك نتمنا لقاك حيدتيه

هزات حاجبها من بعيد بتساؤل على شنو لي اتحيدو

فؤاد...الݣغارو.
..مكتبغيش العيلات تيكميو

في برطمة متكونة من طبقتين زوينة ومتيسعة...مفرشة
بفراااش بلدي ورومي. ...فوق واحد الفطوي في الباج. كان كالس يحيى.دير رجليه المهرسة فوق واحد الطبلة وليدات. كيهضرو حداااه ماشي غير لوليدات كلشي كيهضر ..وهوا الوحيد لي ساكت حاضي غير غزلان يعنيه ايكلها.
اليوم في الصباح ..خرج من سبيطار ..وجابوه لدار لي كرااا .من جا من اسبانيا..

....غزلان مكانتش كتشوف فيه نهائيا..كتهضر مع هدا وهداا العائلة كاع جات تشوفو من خرج...

وهوا وتقول واش هبط عنيه عليهاا بغيهااا تهز فيه غير راس ..

تكلماات ختو صغيرة. .

مالك اخوياا بااغي شي حااااجة. شفتك ممرتاحش

يحيى..مفقوص ..مماليش قالهاا بوااحد طريقة ديال واحد مشربن نيت وباغي غير معامن ..

هزات فيه غزلان عنيهاا من سمعات كيف هضر . ورجعات هبطاتهم عرفاااه علاش كيحوم من صبااااح ..باغاا تزيد تخليه يتقلا شوية ومن بعد. عاد تشوف واش ترجع ليه ولا لا...

داز الوقت ...قربات منو غيثة ..

غيثة...بابا عطيني تيلفونك

يحيى..اش بغيتيه

غيثة ...باغا ندخل الأنستغرااام

يحيى..اممم وتعوني باباك عاد نعطيه ليك

غيثة...فاش

يحيى..قربي مني

غيثة قربات مزيان لعندو .وشوش. ليهاا في ودنهااا ومشات ..
عند مامها..قربات منهاا.

غيثة..غيزو..قرب
ي نقول واحد الحاجة
قربات منها غزلان.. قاليك بابا. لا منضتيش حداه وجلستي. ايقول كلشي قدامهم

غزلان..اش غيقول

هزات غيثة. كتافهااا ومشات عند باباها عطاها تيلفون ..

هزات فيه غزلان عنيهااا. .وسولاتو بيهم اش بغا

هز فيهااا حاجبو. ونعت حداااه ..

عرفاه لا قال الحاجة يديرهااا ...دكشي. لاش دارت سبة بلي خاص يشرب شي دوى وناضت
وقاليك لي في راس جمل. في راس جمال. سيهم يحيى عند بالو غير هوا لي دكي..هزات حبة ديال دوا مسكن الألم في نفس وقت كيرخي. وينعس ..

عطاتها ليه مبتاسمة ابتسامة شريرة ..شربهااا وجلسات حداااه ...

تمت راسو اللور مغمض عينيه...وقال بشوية تسمعو غير هيااا...احح عليك نتي ونشدك ..هاد الفاعيل كاع انخرجهم منك ..

عونو خوه حتا طلع لبيتو يرتاااح ..وغزلان ودعاتهم وهزات وليدتهاا وجات لدار ختهااا

نهار ..جديد فاقت غزلان. .كتفوه. شعرها مدلي من ورهااا لابسة غير بيجامة خفيفة دنعاس ريحة القهوة واصلة حتااا ل عندهااا..لبسات البانطوفة ومشات الحمام غسلات وطرفات حالتها..عاد خرجات...
نيشان الكوزينة. ..تتبان ليهاا دنيا كتشعل. وروايح يسلام

دخلات عندهم...شي كويس دالقهوة. اعبير ..مدتها ليها..

شكون جاي عندنااا

الأم..علاه لا جمعنا درنا دروري. يكون جاي عندنا شي حد

غزلان..نقولو دار عااادي وهاد الحلوة لي تتقادو فيهااا لمن

عبير...سيري شوفي ولادك...غير صحباااتي ايديرو معيا الكوتي اليوم ..دكشي باش كنوجد

غزلان..بدكاء. الكوتي مااشي الغدااا غير ݣرو. شكون جاااي

الأم..هزات واحد المغرف كانت حدهااا...يا وحدة في زوج اتخرجي ولا نزف على بنتي بيهااا

خرجات غزلان كضحك. وفي نفس الوقت كتساءل شكون ايجي عندهم ..

مشات عند وليدتها فيقاتهم .. غسلات وبدلات ليهم ..عاد خرجات وجدات ليهم الفطور كضحك وتلعب معاهم مرتااااحة معاهم هوما دنيتها. وفرحتهااا..

داز الوقت...دخلات عندها الام في كانت جالسة كتفرج مع وليدتهااا..قالت

نوضي ابنتي بدلي عليك ديك الحالة
غزلان..مالها حالتي انا غير في دار مرتاحة

الأم .ايجيو صحابات ختك حشومة يلقاوك هاااكة

غزلان..سدي علينااا غير باب وخلينااا هنااا

الأم...ونوضي ميكونش راسك قاااصح عفا بنتي

غزلان..امري لله وخا الآلة انا انوض نبدل

الأم..الله يرضي عليك وينور طريقك ابنيتي نتي وليداتك

غزلان ..امين


ناضت غزلان دارت الخاطر لمهاااا ودوشات. بدلات عليهااا. بفراشة خفيفة زوينة. ...وخلات شعرهااا مطلوق. باغة تحصلهم بأي طريقة وتعرف شكون جاي عندهم. لا قالو ليهاا ديري زيف معناها كاين رجالة ولا ماقالو والو ادا مكيكدبوش وجاين غير صحبات عبير..

دارت كحل خفيف ومكياج هادئ. وخفيف حتا هواا..تشهات تصبغ. دفرهااا. صبغاتهم في الباج

ورشات من عطرهااا عاااد خرجااات لعندهم ...

طلعتهااا الام وهبطاتهااا...وا

بتساااامات لعبير زعما فكيها يامن وحلتيهااا..
غزلان..كيف جيت

الأم...غزالة غير كون غطيتي شعرك. حسن

عبير..لا لا تهاكا زوين

الأم...ومنعرف. ليكم ...زيدي تبعيني نشوفو دكشي فين وصل

دخلو الكوزينة..وقالت
الأم تي كيفاش اتبقااا بلا زيف. راه تخرجنا في جورنان وهوا معاه باه وخوتو
عبير...نتي معرفاش غزلان راه باغة غير. تحصلنااا ..انعزلو رجالة وحدهم. وعيلات بحدهم مغااادي يشوفهااا حد

الأم...وعلهااا ابنيتي تقاد جرتهاا معاه راه بيناتهم وليدات. وهوما ضحية في هاد الشي

عبير...غزلان. بعقلهااا واكيد اتختااار صح ولي ينسبهااا

داز الوقت. تسمع صونيت. ناضت غزلان باغة. تحل حبساتها الأم ...انا انحل سيري نتي عند ولادك.

مشات غزلان والأم فتحات الباب ... كان. يحيى ..وخوه. كبر منو. وختو الصغيرة. والحاج والأم كلثوم. .وواحد عمتو. كتسكن في كازااا محملين. في يديهم الخير...

رحبات بيهم الام ..من كل قلبهاا..

دخلو صالون ويحيى غير كيضور في عنيه كيقلب عليهااا..مكاينش
حسهااا هيااا لي كانت تتويل على عبير في الكوزينة بعد مسمعات صوتو. عرفاتهم كدبو عليهااا...
غزلان..ياك وليتي تلمي عليااا وتخبي. ..وعلاش جاااي لاش. ياك مهرس يتركن. تايصح عاد ينوض

عبير...ويلي استغفر الله العظيم ...سيري سيري ديري. فولارك واجي عونيني. .نقادو صنية

نفخات غزلان ...وخرجات البيت هزات زيف. ملاءم مع الفراشة لبساتو وخرجات كتعاون في ختهااا وتنكر معمر داك البراااد حتا تقلب مجاج عبير. ..

.عبير. هزي صنية. انا انتبعك. بهاد شي

غزلان...مالو جاي يخطبني والله لا خرجتهااا

هزتهااا عبير. ورجعات دات ليهم دكشي لخر

شربو اتااااي وتحط ليهم الغداا على حقو وطريقو ...عاد. تكلم حاج. بجدية. ..وقال

الحاجة.لي فات مات وشباب اليوم راك عرفاااه الولاد. غلطو بزوج ولازم على كبار هومااا لي يصلحو. ياك اولا

الأم...ماقلتي عايب اسيد الحااااج

الحاااج..الله يجزيك بيخر. عيطي على غزلان خلينااا نفكو حرريتهم

ضحكات الحاجة وناضت تعيط ليهااا

غزلان..مدخلاش لا لا اويلي امي واش حماقيتي.

الأم...زيدي قدااامي دخلي باغة تحشميني مع ناس يالله زيدي

حدرات رسهااا وزادت قدااام مهااا ..دخلات الصالون قالت. السلام بالفم وسلمات على العيلات. وجلسااات

قالت الأخت الصغرى ..وفين غابرة اغزلان من قبيلا وحتااا هناا ما جيتي. سلمتي علينا


قالت غزلان .. كنت مشغولة مع الغداااا. راك عااارفة

خرجات فيهااا عبير عنيهااا زعمااا الله يمسخك .

استئنف الحاج كلامو...ايواا ابنتي غزلان كيف كنتي. وحتاا دباااا اعتبريني في مقام باك لي ايطلب منك. واحد الطلب

غزلان..طلباتك اعمي على راس والعين

الحاج..هداا المضمون فيك. بغيتك ابنتي ترئف بحالك وبحال وليداتك وتجمعي شملك نتي وراااجلك

كلثوم...عارفة ابنتي غلطت فيك وضلمتك في الماااضي لكن لي فات مااات وبغيتك ترجعي مع ولدي وتنساو لي فات ...ومن جيهتي انا انعطيكم. تيساااع. وكنتمنا ليكم غير الخير

الحاج...هانتي تسمعي ابنتي على ودنيك مبقااا حد يدخل. فيكم. ولا يقرب من جيهتكم بنية الأدى

غزلان..عمي لي دارو فيااا ولدك منستاهلوش والله ندير لي درت. فيه. وميحرمنيش غير من كبدتي اعمي وراك مجرب تصور 3سنين حتااا نسااااوني راااه صعيب نساااا

الحاج...عارف لي كين. ومنيش كانو مغمضين ليااا العنين وكاع لي راك تقولي فيه عندك الحق ...
حاولي من جديد وخليهااا الوقت تنسيك لي فاااات

غزلان..يكون خير

الحاج..مخاطب يحيى تكلم نتااا وقول اش عندك

نضف حلقو ..وقال ..اناا كنطلب منك سماااحة. قداامهم كااااملين ولي بغيتهااا هيااا لي اتكون

غزلان...الله يسااامح

الحاج... وعرفتي دباا من جينااا واناا كنداافع غير عليك. ..دبا نوبت. بنتي غزلان ...ايواا اسيدي لا بغيتي نردهاااا. عرفتي اش خاص دير

دور يحيى..راسو بلا

. الحاج...اتدبح الكرفة قداااام هل الدوار كاملين واتجيب دفوع من جديد وادير ليهااا عرس يهضر عليه كلشي

غزلان..عمي

قطعهااا للحااااج انااا لي كنهضر هناااا وتي غير سمعي وسكتي

فوض يحيى امرو لي لله ولي شرطهاا الحاج واافق عليهااا ..

الحاج..ايواا دبااا بقااا ايمتااا اضريو الكاغيط

يحيى..تقاد في بركة. من نصح نديرو العرس ودكشي لي قلتي امااا الكاااغيط نطيحوه هاااد الأيام باش يلاه يخرجو ليهااا الوراق. مع العرس قدقد هيا وغيثة

الحاج..اشبان ليك الحاااجة

الأم...صافي الحاج لي حبات الخاطر الحمدالله غير من تصفات الخواااطر ورجعااات لمياااه لمجاريهااا



داز اسبوع...جمعو فيه الوراااق. لي ايحتاااجو ...عاااد طيحو الكااااغيط ... ومن العدول جاو ديريكت عند. اهل يحيى لي كانو ديرين ليهم الغداااا ...

رحبو بيهم من دكشي ومخلاو ماوجدو. وليدات فرحانين حيت علاقة باهم ومهم تصلحات وخصوصااا غيثة لي كانت باينة عليها لا كتر منهم كلهم غير دور وتبوس فيهم ...

من ورااا الغدااا عبير والأم رجعو لدار. واهل يحيى ...حتا هومااا جمعو حوايجهم ورجعو على قولتهم يلاه يبداو يوجدو لعرس ...

وليدااااتك نعسو بقااات غير غزلان كتهز في شي معان لكوزينة متوترة ...

هز فيهااا راااسو. وقال اجي. تجلسي معيتيش

نفدات لي قال ليهااا مشااات فوق الفوطوي. لخر. لي جنبو. وجلسااات ...

ضحك .يحيى..وقال...ا

جي هنااا نعت لحداااه وجلسي
غزلان...اممم غير خليني هنااا مرتاااحة

يحيى...بغيت غير نعرف داك تخراااج العنين لي كان فيك فين مشااا دبااا

غزلان..باقي شكون قاليك مشااا كيخرج في في الوقت المناااسب

يحيى..اتجي ولانجي

غزلان..ناااضت. حشماااانة ...جلسااات حداااه.
قرب منها ودار يديه في عنقهااا كيلعب فيه ..

حدر فيهااا عينيه. وقال بصوت خفيف ..متوحشتينيش .

غزلان..امم حيد يديك من عنقي هريتيني

يحيى...دار يديه في خصرهااا وجرهااا قربهااا منو... حدر وجهو عندنااا وطبع قبلة في جبهتهاااا...سمح
ليااا بززاف عارف لي درتو فيك ماااشي ساااهل
غزلان..تانتاا سمح ليااا..

يحيى...طبع قبلة في حنكهااا لي من جيهتو وبدااا مهود تدريجي لشفايفهاااا مبقااا كيفصل بيناتهم. والو

غزلان...خاصك ترتااااح

يحيى...رااحتي معاااك. ولاصق شفايفو مع شفاايفهااا كيقبل فيهااا بشغف وشوق. قبلة عامرة بالمشاااعير. ورغبة الكبيرة في امتلاكهاا .
دورهااا عندو حيت مكانش مقاد معاها مزياااان وجلسهااا. فوق فخاضو ..عاد تقاااد مزيان وعطاااهااا حقهااا تولاو كينهجو بجوج. حسااات بيديه كيفتحو صدااف الكسوة

غزلان..يحيى..ما
اشي دبااا خااص ترتااااح
يحيى...تخدر بي ريحتهاا وملمسهاا الرطب ..مقادرش نصبر ..راه. جاية 4 سنين.

غزلان..متنساش راك مهرس معندنااا كيف نديرو

بقاااا كيبلاني حتااا لقاااا حل... وعاش معاااها اللحضة. مشااو فيهاا لعالمهم الخاااص


دازت اياااام. تقريبااا شهرر غير في داارهم. هومااا كيوجدو العرس. وهيااا تقول واش حد مخليهااا تحط يديهاا في المااا مقابلة غير وليدتهااا ورجلهااا لي حيد البارح الكبص....
كيف شرط عليه الحاااج دار ليهااا دبح ليهااا ودااار ليهااا عرس تمناه الف بنت في المدينة. ودفوع ديال عزبة لي حباتهاااا شرهااا ليهااا...

دازت. اشهر قليلة عاااد خرجو ليهم الوراق هيا وغيثة. عاد سفرات هيا وياهااا ...عندهم حيت هوماا كانو سبقوهاا على وديت القراية امااا. دكشي ديال. موديل. مبقاااوش دروه صاافي حبسو منو من كملو العقد. مع الشريكة..

اول مرة كتسافر خااارج المغرب بلاد جديدة عليهااا وناااس جداد عليهااا...نزلات

من الطائرة. ومشات. نيشان البوابة. الخروج ..لقاااتو كيتسنهاااا طارت عليه غيثة عنقاااتو. وحتاا غزلان نفس شي. ..هزو شوانط في سيارة وانطالقو. لداااارهم فرحااانين. بكل معنى الكلمة ..
بداو حياااة جديدة ناسين فيهااا كل لي فااات هيااا فتح ليهااا مطعم صغير. بدات فيه من جديد ووهوا خدمتو. وليدات المدرسة وحياااتهم ماااشية هكدااا

اليوم بنت جدهااا كيف كيقولو ليهااا. صحابها وناس الحي. حيت تقريبااا فيه بززاف دلعرب ...وبنت جدهااا اسم خداتو غيثة بعد ماماتت كلثوم هداا عام الحاااج جاا عندهم. بطلب منهم. ولا عايش معاهم. ..وغيثة هيا حفدتو مدللة. وشي حاجة كتر بيناتهم. مكيتفرقوش. ..لدلك سموهاا بنت جدهااا... عندهاا عيد ميلاد اتكمل 6سنوات

بكسوة. صفية. وكريشة خاااارجة. شوية. حيت حاملة في شهرهااا الراابع وعندهااا بنيتة من جديد كتقاد في مطعم مع جولياا لي ولات هيا وياهاا صحبااات. ..

في العشية اجتماعات العائلة الصغيرة في مطعم باش يحتافلو بعيد ميلاد ..غيثة ..

قرب منها وعطهاا وردة حمراء. فين يحيى دشحال هااادي مبقااش تبدل ولا واحد اخر مهلي في مراتو وليدااات معونهاا ومعوناه علاقة في الغربة خاص كتر من العوين حبهم نهار على نهار كيكبر.

غزلان...جوليااا
.راجلك بااقي معطل
جوليا... معرفتش انا انصوني ليه

خرجات برة. وركبات نمرتو ... وتصلات

جوليا..باقي معطل

توحشتيني ولا

جوليااا. .ام بززاف. شفتي ولدك.

فؤاد..شفتو ..لباس عليه. توحشك

جوليا ..هبطات دمعتهاا..حتا انا توحشتو

فؤاد..غير يشد العطلة انجيبو عندي احبيبة. بلا بكات وخا

قطعات معاه ودخلات لعندهم ... طلقو الموسيقى وبداو احتفالهم

كانت وااقفة مع غيثة حتااا حسات بيد صغيرة عنقتها من اللور ..وقال مامي
دارت عندو مبتاااسمة وخشاتو في حضنهااا رغم انو مااشي ولدهاا الإ انا في فترة لي تزوجات فؤاد كان معاهم قبل تبان مو ويمشي يعيش معاها
قرب من غيثة .وقال.. عيد ميلاد سعيد مشعكة

غيثة..بنفخة. شكرا وانا ماشي مشعكة شعر هاكة لامود

شعكو ليهاا ومشا جنب جوليا وباااه وجلس برزانة. حتا هوا يلاه عندو 8سنوات لكن عقلو كبير ومعندوش مع هاد شي

غزلان ..جالسة في كرسي. ومتكية على كتف يحيى وهوا كيلعب في يدهااا ...
غزلان...وليدتنا
ا نهار على نهار كيكبرو مشاء الله
يحيى... حط يديه على كرشهاا ايمتااا اتخرج. هادي حتا هيااا.

غزلان..قريب وغادي يوليو يعيطو ليك ابو البنات

يحيى..ولهيلا ابو البنات ختي مديرش معيااا المزيااان. وتولدي لينااا مرة جاية ولد حرام تكون الفرقة ناقصة. انا ورضى ونتوما راكم مشاء الله ربعة وحنا غير زوج

غزلان..صافي باركة عليك

يحيى..الله يجعل البراكة ..باسها في حنكهااا..نوضي بنتك. كتغوت باغة طفي الشمعة

النهاااااية ❤️

وهادي كانت قصة غزلان قصة من وااقع بزاف دنساء. كانو فيهاا حوايج وزدت حوااايج. تتمنااا تكونو ستمتعتو بيهااا

💜💜💜💜مسخيتش بيكم والله ولكن لكل بداية نهاااية. اكيد انرجع معاكم في القريب بقصة جديدة. ضروري نلوح حاااجة خرى. اكيد انا غير هاوية وايكونو بززاف دالأخطااء. في الوصف وفي بززاف دلحوااايج كنتمنا تعدروني وشكراا ليكم بززاف على متابعتكم. وصبركم معيااا كنبغيكم وحدة وحدة والله 💜💜💜وكنتمناا ليكم الخير من قلبي 🌺🌺🌺


قصص أخرى جميلة :




باش تشجعوني نكمل ليكوم القصة كتبوا ارائكم على القصة 💙

تعليقات

تعليق واحد
إرسال تعليق

إرسال تعليق