قصة الأرملة الجزء الرابع ما قبل الاخير
قصة الأرملة
يلاه نكملوووووووووووووووووواديزولي ماكملتش ليكم لبارح كنت مشغولة بزاف مي داكشي لي ماحطيتوش لبارك انحطوا مع ديال اليوم قراءة ممتعة
وخا قالت ليه بلي بنت ختي متاقش حيت تتشبه ليهااا بززااف لسانو تلجم. على الهضرة معرف ما يقول. ولا يدير..سوى حااضي غيثة لي تدور في عنيهااا...
في هاد اللحضة بضبط كانت هابطة عبير باغة تقلب على ريتااا ..تفجئات من شافت يحيى قدمها ولاد ختهاا وعاد غيثة ...
غيثة من شافت عبير مشااات تتجري عندهااا. ..باش تنقدهاا من غضب غزلان حيت. متتبغيهااش تخرج الزنقة ..بالمقابل هزتهاا عبير وعنقتهاا عندهااا..
قالت في ودن عبير غيتة بنبرة مكسورة ...علاش ماما تتكدب على ناااس ومتتقولش ليهم بلي انا بنتها
ضمتهاا عبير لحضنهاااا
بهاد الحركة لي دارت غيثة ..من شافت عبير. خلات. يحيى..يضن فعلا بلي. غيثة بنت. عبير ...وزيد عليهاا متتقولش لغزلان ماما وخا مسمعش قالتهاا تالعبير اماا موضوع شبه قال يمكن حيت خالتهااا
حدر رااسه ورجع لسيااارة طلع وزاااد ..
شافت عبير في. غزلان...اش وااااقع هنااا .واش جاب ليك ولادك
غزلان..تنهدااات
طلعو لدار وغيثة مكتشوفش نهائيا في غزلان غير دخلو مشاااات لبيتهااا كتجري ...
اماا ام غزلان حتا هيا تفجئات بلولاد. عنقاااتهم. وفرحااات بحفادها لي رجعو ليهااا ...كيلعبو بيناتهم ..وغزلان عودااات ليهم القصة كيفااش صدفة جابت ولادهاا حتا لعندهااا..
غزلان..انا انمشي نشوف غيثة ...
دخلات عندها البيت لقاتهااا مخشية تحت الفرااش ومبين والو منها قربت منها غزلان وعراااتهااا...ل
غزلان..تتخبي دموعك على ماما. اغيثة
غيثة...انتي ماشي ماما. علاش تتقولي لنااس انااا. ماشي بنتك واش اناا خايبة اماما واش متنعجبكش ولا مكيعجبكش الحال من تنديرالقبااااحة
غزلان..دمعو عنيهااا...نتي معارفة والو اماما معااارفة والو
غيثة ..بصرااخ طفولي ..عاارفة اماماا عارفة وخاا متتقوليش ليا عارفة بلي بابا خايب وقبيح وهوا لي دار فيك هكااا ودكشي علاش تتكرهيه وديماا كنسمعك كتقوليهااا كتقولي كنكرهك ...ومكنبغيش نسولك باش منجرحكش
غزلان..تفاااجأت
غيثة..انا مصغيراش اناا رااه طالعة في ربع سنين امامااا ..نتي كعماا تتبغيني.
غزلان..واش كاين شي حد مكيبغيش عنيه غير قولي ليااا نتي تقدري تحيدي عنيك من بلاصتهم ولا تفرقي بينهم
بحركة طفولية حطات غيثة يدهااا على عوينتاهاا...لا لا
غزلان..وراه هكاك نتي وخوتك منقدر نفرقكم ولا نفضل بينكم
غيثة..كاينة عندك غير غيثة شكون خوتي
غزلان...عندك زوج خوتك كباار ايلعبو معاك ويحاميو عليك ..ويتهلاو فيك ويشرو ليك لي جوي وشوكلا
غيثة...ماما بصح عندي خوتي ماما كباااار
غزلان..اممم بصح تبغي تشوفيهم
غيثة...ضحكااات وضحكة طفل اكيد خارجةمن القلب ...اه أماما اه بغيت بغيت
غزلان..ولكن اول حاجة تتسمح لغيزو
غيثة ..قريت وبااستها. من فمهااا..صافي تصلحناااا
هااادي غيثة شخصية في شكل مطورة وكتعيش طفولتهاا كيف بغاااا كدير لي قال ليها رسهاااا ولا تقلاقات من شي حد يقدر غير يهضر معاها ويعطيهاا وقت. اويطلب سماحة ترجع كيف كانت
بلا لعاب ولا شكلاطة
هزتهااا غزلان بين يدهااا وخرجاتهاا عندهم ..وكتقول ليهاا بلي هادو خوتهاا الكبار غفراان ورضى...
هبطات من عند ماهاا وهبطاااات عندهم ..وحتااا هومااا كيشوفو فيهااا بغرااابة حيت مكيعرفوهاااش ...
قربت منهم وباست غفران في خدهااا ونفس شي. ارضى وابتسامات. ابتساااامة عريضة ...فرحانة حيت عندها خوتهااا كبار ..
قربت منهم غزلان ..وحضناتهم كلهم عندهاا والجدة وعبير كيشوفو فيهااا دامعين عنيهم بالمشهد شحال كانت تتمنااا ولادهاا يتجمعو. وربي. رحمتو كبيرة وشحال مصبرتي. اكيد كيجي الفرح ...
دوزااات تلت سنين مكينش. نهار لي متتفكرهمش. وتجبد تصاورهم. مرة تبكي ومرة تخيل كيف عايشين ومرة تقول كوناه تزوج وجاب ليهم شي وحدة ماشي مسلمة تربيهم. وتخرجهم فالصو في دين ولا كتعدبهم ...
ولكن ربي رئف بحالهااا وتلقااات بولادهااا .. كبرو وتبدلو زادو زيااانو ولبسين حوايج مزيانين. وصحتهم كتبااان. هيا هديك. ...رتاااحت في خطرهااا حيت باين كان مهلي فيهم ....
بركاتهم كلهم فوق واااحد الفطوي وبدااات تتفهم. بلي غيثة ختهم صغيرة ..وحيت عجباتهم. اصلا تدخل خاطر بلا كلام بلا والو غير ضحكتهااا ... تخليك تبغي تاكلهاا ..
ولاد صغار اكيد مسولو على شكون باهاا ولا ايمتااا ولدتهااا...
تكلمت الأم بعد منااضو الولاد يلعبو...
بنتي خاص يعرف بنتو خاص تقوليهااا ليه
غزلان. معرفتش امي لي دوز علياا مااشي ساااهل
الأم...والو كتبقااا بنتو من حقو يعرفهااا
غزلان..نسيتي شحال من عااام وهوا حرمهم مني
الأم..منسيتش ومنسيتش حتاا غالطك نتي ..الغلط منكم بزوج فهمتي منكم بزوج ابنتي
غزلان.. يكون خير ..خاص بعداا نشوف شي دار. نكريهااا. شحال قدي نبقاا باركة مع ختي ...رجالها فين مكيجي المغرب كيتلقهاا غير في الأوطيل
الأم .خيار ابنتي شوف لك شي دويرة قدك.
غزلان...انعيط لرانيا لي خدااامة معيا كان باهاا باغي يكري واحد الدار نشوفو لا باقا
الأم..شوفي وديري بحسااابك سيمانة جاية خاص نمشيو البلاد لاربعين ديال باك قربت
غزلان...يكون خير
ناضت غزلان الكوزينة ..دوزااات الأبيل. لراانيااااا...ل
اسم غزلان...
غزلان..اهلا حبيبة لبااس عليك
رانيااا..نتي باقة حية
غزلان برة وباس عليااا
رانيااا..انا كون هزاتني ديك دخاااامة. كون مت وحييت
غزلان..عوجت شفيفهااا وسوليني غير انا كيف بقيت
رانيااا...اه كيف دير لباس عليه وشكون هواا
غزلان..صبر اربي صبر
قالت بمويعة ..طليقي!!!
رانيااا..نتي نتي كنت مزوجة يديك دااخمة وزين كاااامل ..الله ياربي الله ..
غزلان..علاه مالك انا سهلتيني تنااا زوينة
رانيااا.. زوين اختي زوين
غزلان...عرفتي احبيبة واحد الحااااجة
رانيااا...لا
غزلان..وحدة غير حطااات عليه العين اش وقع
رانيااا..اش وقع
غزلان..العااافي
رانيا..سرطاااات
غزلان...بهمس ضلوع هومااا ضلوع فيه عوجين
رانيااا..نعااام
غزلان...دار لي كان باغي يكري باك باقة
رانيااا ..اه
غزلان...مفرشة ياك
رانيااا ..اه باغي يكريهاا مفرشة
تفااهمااات غيثة مع. راانيااا ..قالت بلي ادوز تشوفهااا لا عجبتهااا اتكريهااا من عندهم
في العشية مشات شافتهاا كانت مزيانة وتمن منااسب. ليهاا..تقدااات لي خااص ليهاااا ..وجابت كلشي. لي خاص باش ولادهااا ميحسوش بالفرق
عاااد رجعااات لدار ..قالت بمرح وفرح في نفس الوقت حيت اخيراا اعتمادات على رسهااا ...
تبغيو تشوفو داااركم الجديدة
فرحو الولاد .. وناضو كيتسااابقو يلبسو صبابطهم سوى غيثة ...قربت منهااا غزلان وقالت ..يلاه احبيبة واش مغديش تنوضي تمشي معيااا
غيثة..ماما هادي هيا درنااا وهناا فين كاين بيتي والميمة..وعبورة
حركات غزلان رسهااا وشدات من ولادهااا الخرين..وخرجااا
دخلو لدااار. ..وبداو كيكتااشقو بعنيهم. دار ..
رضى...ماما فين بيتي
غفرااان .تأنااا ماما فين بيتي وبغيتو يكون بحال لي عندي في اسبانيااا
غزلان...خدات نفس طويل ..كاين بيت واحد ولكن كبير وديالكم كاملين. ولكن من ايحن عليااا الله انشري ليكم دار كبيرة وندير كل واااحد بيتو
غوبشو الولاد ومعجبهم حال وحلفو لا زادو دخلو ...
غفران...بغيت بابا
رضى..تانا بغيت بابا
حبست دمعة بززز وهبطات لمستاوهم ...واناااا معجبتكمش. اناا ماماكم.
غفران..بغيت بابا هوا كيدير. لينااا خطرنااا وكيشري ليناا لي بغينااا ودير لينااا كل واحد بيتو بوحدو...
طفااات ديك شمعة. ولا نور لي باااان لغزلان من كرااات دار وقالت تتستقر مع ولادهااا وتبدااا حيتهااا معاهم تكبرهم وتقريهم ..ولكن من جات تشوف لقااات هدااا شي 01/100 من دكشي لي محقق ليهم يحيى...
شدات ليهم من يدهم وخرجات من الدار ...بدات غاااادة سااااهية و كتفكر شي حل حتااا بان ليهااا واحد المحال دلحواايج. ديرين واحد سبرديلة بحال لي لابس ولدهااا في الفيترينة ... بغات غير تعرف تمنهااا. والوسط لي ولاو عيشين فيه ولادهااا ..
عفااااك بشحال تمن هاااد سبرديلة
1500 درهم لالة
ايه ياغزلان واش ضنيتهم غيثة. لي كنت تكسيهااا ب عشرلاف. كسوة كاملة. وهاادي غير سبرديلة. ديرة. ضوبل ...فهماااات بلي. المعيشة لي عيشاهاا هيااا صعيب بل مستحيل ولادهااا يتقبلوهااا ..هياا عندهاا غير مطعم ويالله شايط ليهااا باش تعيش. هيا وبنتهااا
طلعاااات لدااار غير كتخمم وضيم طيح عليهاااا ... من تتكون في هاااد الحالة متتبغي لا تهضر ولا تاااكل جات الأخت من العمل ووجدات العشااا مع الأم. ..وتعشاو وعشاو لولاد وغزلان ولا هضرت ولا حطااات اش بيهااا وعبير خصمات حتااا عيااات من عرفتهاا خرجت تكري وحلفت بلي هااادي درهااا حتاا هيااا..
نعسو الوليدات وخاا بغااو يحيى إلا أنهم قنعوهم بلي صبااااح ايجي ..
كانت باقة في وضعيتهااا....سم
جمعات غزلان وليدتها وقالت ليهم بلي ايمشو يسافرو العروبية ...زينات ليهم دنيااا وحباتهم فيهاا حيت نساو كلشي او بالأحرى عيشة لي عيشهم يحيى ..كانت كفيلة تنسيهم اي عيشة عشوها من قبل
يحيى .لي قال هومااا بعاااد على مهم خاص يعودهم
وميخليهم تخصهم حتااا حاجة. باش يكونو بيخير ... الحوااايج اغلبية عندهم غير مركات خصوصااا ماركة لي خداامين فيهااا فين متخرج شي كولكشن جديدة. تيخدوهاا هوماا لولين ..نسااا بلي ممكن يرجعو لمهم وعيشتهااا ماتوالم. العيشة لي وفر ليهم
دازت لاربعين د الأب مزيانة كلات ناس وشرباااات
دخلات الأم لصالة فين جالسين بناتهااا..الحمد
عبير...الخير غير شاااط الله يجعلهااا ليه في ميزااان الحسنات
عبير..الحاج زين مجاااش
الأم...على مااسمعت نسااا كيقولو كلثوم تزدهااا الحال
غزلان..تنهداات.
ريحااان..لا لا منصيبش نوبة خرى ..عفاااك كولي لغزلان حاجة كلثوم بغاااتك
عبير..صافي وخااا
مشات ريحان. وعبير دخلات عندهم
الأم..شكون ابنتي
عبير...ريحان مرات ولد الحاج زين
الأم..مالهااا ابنتي اش بغات وعلاه مدخلات
عبير ..شافت في غزلان قالت مزروبة.. لالة كلثوم بغاااتك تشوفك
الأم..مسكينة اتكون تزدهاا الحال وبغات تسااامح معاك نوضي ابنتي دي ليهااا حفدهااا وسيري شوفيهااا
غزلان... مي اش تتقولي. عرفتي لا عرفوهااا بنت ولدهم ايخليوهااا ليا
الأم..بصراااامة
هبطات غزلان رسهاا لأن كلام مهااا على حق. والحاج عمرو صرف فيهااا الخايب ...كان مهلي فيهااا وديرهااا كيف وحدة من بنااااتو ....
دارت بكلام مهااا وجات هياا ولادهااا لدار شيخهااا ...هزات رسهاا لدار لي حرقات لقتهااا تصلحاااات .وتصبغاااات ..هبطات عنيهااا لي عليهااا دارتو وعطاتهم تمن الإصلاحاااات معرفااش بلي كلثوم. طمعات في دوك الفلوس ودارتهم تحت منهااا كل مرة لي خصات بنتهااا تشريها ليهم دهوبات والتواااب
دقات حلات ليها ريحان ..ابتسمات ليهاا غزلان ابتسامة باهتة ....وقالت سلام
ريحان..سلام قربت. وسلمت عليها من الحنك دخلي مرحبااا بيك
...دخلات غزلان فين ناااعسة كلثوم مريضة ..قربت منها وباست على رسهااا ..متمنية ليهاا شيفااء..
كلثوم...بصوت تعبان وهضرة تتخرج بزز....الله يرضي عليك ابنتي
غزلان..امين... شدااات لدراري من يديهم وقربتهم ليهااا ..سلمو على ميمة
دارو نفس شي لي شافو غزلان دارت ... عاااد قربات غيثة بوحدهااا باست تهياا رسهااا وقالت بصوتهااا طفولي وابتسااامتهاا الجداابة
غيثة...الله يشافيك الميمة
هزات كلثوم عنيها في غزلان ..بنت ختك غزالة كتشبه ليك بززاف
غزلان..هادي مااشي بنت ختي عااادي بنتي غيثة. بنتي اناا ويحيى
تصدمااات كلثوم من كلام غزلان..واش واش بصح هااادي حفدتي حتاا هيااا
غزلان..امم حتا هيااا عفااااك لا ماااسمحوليااا. مكنتش لخاااطري قلبي كان مجروح. كان خااص نبرى. عاا.د نرجع
كلثوم..سمحي ليااا نتي ابنتي. وبداات تتبكي سمح ليااا نتي ولدي انا انا سبابكم. ابنتي انااا
غزلان..لا لا متقوليش هاكة راه الغلط مني انا وانا لي مكانش خاص نشعل العااافيااا
كلثوم...انا لي شعلت العااافية اناا ابنتي اناا لي درت يدي. في سحر. قلبي كان مغمي وكان همي فراااقكم ...سمح ليااا ابنتي سمح ليااا
تصدماااات غزلان وفمهاا تلجم على كلام معرفاات متقول حدهااا تنوض بحالهااا ...
خلات كلثوم من ورهااا تطلب سماااحة ..شدااات من ولدهااا وأثارالصدمة باقا ضاهرة على محياها ... يلاه اتخرج مع الباب...تلقااات
قربت بغات تشدهم. باش يمشيو لكن لولاد رفضو رفض قااااطع بغاااو يبقاااو معااااه
غمضااات غزلان عنيهااا...
هاد الحياااة عندهااا مليئة صدماااات. وخدلان.. ...مشافت فيه حدهاا قالت جوج كلمااات. وزادت مع طريق هازة غيثة ..ولادي اماااانة عندك هاد المرة تهرب بيهم ...لي انديرو منقدرش نوصفو ليك ..
قالت كلامهااا وزادت مع طريق خلاتو غير كيشوف اش هااد تغير ولا فيهااا وشخصيتها لي تبدلات
يمكن سي يحيى ولف على ديك غزلان الدريوشة ...وقال من انرجع ليهااا اتفرح وتستقبلني. بالأحضان ...
غالط. وفايت الغلط لهيه. اي ام كيف ما بغااات تكون مجرد مكتقيسهااا في ولادهااا كتولي. لبؤوة ....تقتل على قبلهم..
خلا الولاد كيلعبو في. وسط دار ومشااا دخل عند الأم ديالو جا عندهااا قبل وعودااات ليه لي دارتو ..قلبو حرقو. ومو كانت ناوية تشتت ليه عشو ...كيفاش حتا ميتفاارقوش ..تقلق. حتا هوا وباااقي مقلق...ولكن راه مو. وبين الحياااة او الموت ..ميقدرش يهجرهااا...
دخل عندها البيت كانت ..مزالة في وضعيتها ودموع ديزين من عنيهااا... من حسات بيه معاها في الغرفة قالت بصوت نادم وبااااكي ...ولدي حبيبي جيتي
قرب منها يحيى..وطبع قبلة على جبينها ويدهااا....جيت اميمتي جيت ..
كلتوم..صوت متعب ..ولدي ناديت لغزلان وطلبت منها سماحة ..وخااا. اولدي مشات مصدومة ومقلقة انا متأكدة اتساااامحني ..قلبهاا بيض
يحيى..ان شاءالله اميمتي ..ان شاء الله
كلثوم..خاص اولدي تواعدني ..تواعدني بلي. اتصلح امورك. مع غزلان. وتجمع شمل وليدااااتك
يحيى...حدر راسه ..محال امي تبغي غزلان تبدلات
كلثوم..الوقت لي خلات غزلان تبدل لي داز عليهاا مااشي ساااهل ..اولدي معدورة
يحيى..حرك راسه يكون خير...
جلس معاهاا شوية وعطاها وقت. عاااد ناااض يشوف التوؤم ...
وكلتوم بقات سااهية من وراه ...من اتعرف على بنتك انا متأكدة ادير مستحيل باش تصالح. مراتك وتردها لدمتك
الحاج زين كان واقف في الباب وسمعهااا اش قالت ...
الحاج..كلثوم..ا
كلثوم..ابتسامات
الحاج...لا لا اش تتخرفي. غزلان قالت بنت ختهاا من جبتي هاد الهضرة
غزلان..غير كدبات حيت كانت خايفة عليهاا وهيا اليوم. من سيفطت من ورها نتسااامح معهااا جابتهااا وقالت ليا راه حفيدتكم
فرح الحاااااج بالخبر ونااض ديك الساع باش يمشي عندهااا ...قلبو بيض ومفيه. حقد. نيتة ديما صافية مع النااس. وديما كيقول ...صفي تشرب ...صفي قلبك تلقااا مع مزيان
صفي نيتك ربي عمرو يخيبك
عندو مبادئ كيمشي عليهم في حياتو من بينهم تهلا في بنات الناس. يجيب ربي لي يتهلا ليك في بناتك ...ماشي غير غزلان لي كان تيعملهاا مزيان...حتا ريحان ونبيلة ..كلشي عندو في خانة وحدة
عندك عطي وربي يزيدك من فضلو ...
كيصدق. كيتهلا في ناس ويعاون باش معطاه الله ...
..بقوة الفرحة لي فيه يشوف حفيدة خرى. ...وخصوصااا حفيدة من عند اخر العنقود في ولادك خلاتو بلا عقل .. خلا طومبيل ومشااا على رجليه غااادي ويضحك مع ناااس ويسلم. ويتمازح معااااهم ...حتااا وصل لباب دار دغزلان....دق وعاااود دق حتااا سمع رد عاد هداااا...
حلات. .غزلان الباب. بان لي شيخاهااا...عمي
الحاج..ايه عمك هدااا عمك. لي وليتي تخبي وتلمي عليه وتكدبي عليه
غزلان..عرفاتو كيهضر على حفدتو ..سمح ليااا اعمي والله ملخاااطري. ..
الحاج..الله يساااامح الآلة جيبي لي غير بنتي. انا نشوفهاا
غزلان..وخا زيد تفضل
الحاااج...بإمتن
ابتسماات غزلان على هاد الفرحة لي ضاهرة على محيااه ...ودخلات عند غيثة فين تتلعب ...
غزلان..غيثة عندي ليك واحد المفااااجئة
ريتااا..بصح ماما
غزلان...ايه ابنتي اناا لحد الأن عاد عرفت لمن خرجتي تتشبهي في هاد الهضرة وضرفاااات
ريتاا..ببراءة لمن
غزلان...لجدك
،ريتا..انا كعمااا عندي جدي ياك قلتي ليا مشا لجنة
غزلان..تبغي يكون عندك واحد اخر
ريتااا..اه اماما
غزلان..يالله اجي معيااا تشوفيه
هزتها بين يديها وخرجات لعندو
مداتهااا ليه
كيشوف فيها بواااحد طريقة في شكل ..هاكة صغيرة وزوينة وتدخل القلب... قربهاا منو وخاشهااا في حضنو ...وقال عرفتي شكون انا
غيثة...امم جدو
الحااج..اشنو سميتو جدو
غيثة ..معرفتش
الحاااج...سميتو
غيثة..ضحكاااات ببراءة ..سميتك. زين ونتااا زوين
الحاااج..حتا نتي زوينة وفنة
الحاج..تكلم مع غزلان هيا معيااا..
حركات ليه رسها بالإيجاب ...مبتاااسمة
غااادي لداارو هزهاا فوق كتااافو فرحاااان وكيعرفهااا على نااس ويقول ليهم بلي هادي حفيدتو ...كيضحك معاهاا ..بخلاصة طاح الحك وصاب غطاااه ...
يلاه ايدخلو مع باب دار تلقاااو يحيى خارج. مع التوؤم
يحيى...بتفااجئ.
ريتااا..بنفخة..
للحااااج..فرحاا
تصدم يحيى..صدمة عمرو. .. كلشي يتوقعو الإ غيثة تكون بنتو ...ديك البنت لي عجباتو وجاتو كيوت في مواقع تواصل الإجتماعي وشحال من. واحد دير تصورة. ديالها في بروفيلات ... من تيكون زعفان ولا تيتفكر غزلان تيدخل لباج ديالها ..يتفرج فيهااا ضحيكة ديالهااا...كان تيشوف فيها ضحة غزلان..وعيون غزلان كان تيتمنااا لا شي نهار تقدات الأمور بينو وبينهاا تكون عندهم بنيتة تتشبه ليهااا...
قرب باااغي يشدهااا لكن بعدااات منو ..
يحيى...اجي عندي واش مبغيتش تجي عندي
غيثة ...انا متنحملش لي يقول عليا بنت عبير ..
يحيى..سمح ليا مقصدتش تجي عندي نتصالحو
غيثة...امم واشنو اتجيب ليا باش نتصالحو
يحيى .لي بغيتي
دارت يديها في حنكهاا وبداات تتفكر..عمو جمال جاب ليا شكارة من تصلحنا عبير ..شرات ليا طبليت من غوتات عليا ديك مرة ..خالتو رانيااا. شرات ليا باربي اشنو خاص اشنو خاااص ...
انا عندي لعاب بزززاف
عرفتي اشو تشري شري ليااا بززاف دلعااااب. وباربي نعطيهم.. لصحباتي هناا كعمااا عندهم ..
يحيى...ابتاسم ابتساااامة صغيرة ...نمشي انا وياااك تشريهم
غيثة ..واش بصح
يحيى..ام
الحاااااج..وانا
غيثة...نديو معناا حتا جدو زين
وبانو ليهاا خوتها في سيارة يحيى دخلو ليهاا ...وخوتي. غفران ورضى
يحيى...امم صافي هاااد شي لي نديو معنااا
غيثة..امم صافي
يحيى..منسيتي. والو
غيثة...بتفكير..
الحاااج..ايه ابنيتي بالعربية بغااا يقوليك ومك متمشيش معناااا ..
غيثة...غيزو تمشي معنااا حتا هيا صااافي
يحيى..يالله سيري طلعي حدااا خوتك انا جاااي
مشات غيثة ..وقرب يحيى من بااه شكون قال ليك بلي غيتة بنتي
الحاج..كلثوم
يحيى...كلثوم شكون قالها ليها ..
للحااااج ..غزلان
..شوف نقول ليك لي فااات مات بجوج غلطتو هيا غلطات من حرقات ليك دارك. ونتا غلطتي من زدتي خلفة وطلقتيهااا ومن الفوق ديتي ليهااا ولادهااا
يحيى..الواليد انا
الحاااج..يحيى..
كان كونسياااج قال ليها شي حد كيسول عليك
لبسات عباااية وهبطااات التحت ..لقااتو هواا يحيى غير شااافتو قلبااات دورة طالعة بحالهاااا..ولكن
غزلان..مالك اش باااغي لاش جااااي عندي
يحيى..غزلان خلينااا نهضرو شوية عفاااك
غزلان..مكين فاااش نهضرو سير بحالك من هناااا
يحيى..وااش هاد شي كامل لي وااقع ومقدكش
غزلان..هاد شي كامل نتاا لي بغيتيه يوقع
يحيى..زفر نفس لا نتي بريئة علاه شكون شعل العااافية في دااار اه
غزلان...وشكون لي كان ناوي يتزوج ويجيب عليااا الضرة هااء
يحيى..كون جيتي وجهتيني كنت اتعرفي كلشي واتعرفي الحقيقة ..اناا خبيت حيت
غزلان..حيت اش حيت كنت بااغي دير لخااااطر لمك يااااك
يحيى..لا حيت كنت باغيك تبقاااي بعيدة تنفك مشكيل رااسي
غزلان..ومشكيل بسلامة كان ايتفك ونتااا ماااشي تخطب
يحيى..خليني نشرح ليك
غزلان...متشرح ليااا منشرح ليك عطيني شبر تيساااااع فرقني عليك
يحيى..بانت ليه معصبة وماااشي وقت الهضرة دبا خلهااا في رحتهااا مبغااش يزيد. يقجر عليهااا جبد ليهااا شااانطة ..دلحواايج ديال دراري ...
لا بداو يبكيو عليااا عطيهم تيلفون. راهم حااافضين نمرتي
ضحكات مغدة وغيراااانة حيت غي عمهم وايبكيو عليه
قالت ..عارفين بلي نتااا غي عمهم مااشي بااهم
ولا لا
يحيى..فهمهااا وفهم نيتهااا بلي باغة تبعدهم عليه او تكرهم فيه .. عارفين غمزهااا ومشااا لسيارة
تغددات وتجنااات ...مشات من ورااه وهضرت في شرجم سيارة..عرفت اكتر حاجة ندمت عليها اشنو. هياا
يحيى..امم اشنو؟؟؟
غزلان..هيااا اني محرقتش ديك الفاليزة ديال الورااق داك المرة ..ضربات في الباب ورجعات ادرجهااا
هبطو لوليداااات ب3. دقو على غزلان ...
فتحات الباب ...
غزلان...جيتو شكون جابكم
رضى..بابا. وشير بيديه لطومبيل ...
غزلان..خنزرااات
كتجمع في حوااايج بعد ما رجعو من العروبية ...قررات تسافر مع وليدتهاااا تغير الجو ويولفو عليهااا. شوية ...داك نهار من خرجو. مجبدوش الموضوع. حيت ببساطة غزلان تصرفات ببرودة ...وطول جلسة في القهوة وهيا شادة تيلي .. وتضحك ...جناتو وفيقااااات غيرتو. ..
...بعد مسلات ..لبسات لوليدتها ..وخرجااات جارة من ورهااا الفاليزة. ودراري سبقينهااا شادين من غيثة ...فرحو. بزززاف من بدات غزلان تدخل ليهم فكرة بلي غيثة ختهم. صغيرة ..
هبطااات .لقااتهم ..طالعين في طومبيل ..ديحيى..هزات حجبها بتسااااؤول ...
غزلان..بتمتمة..
قربت منو ...وطلات من شرجم سيارة على ولادهااا...يلاه
يحيى...طلعي انااا نوصلكم فين بغيتو .
غزلان..بتجاهل ..غفران..غيثة يلاه اماما..
هبطات غيثة ولولاد .. من شوفوهااا هبطااات. حتا همااا تبعوهااا..
يحيى..يمكن عدنا فاااش نهضرو خاصنااا نوضحو. الأمور على ما أضن
غزلان...هضرة سلات بيناتنااا نهار شديت ورقة طلاقي في المحكمة ...
دات الفاليزة..هيا لولة طاكسي لي كان وااقف كيتسنااا .ورجعات شدات من وليدتهااا...ووط
وصلات غزلان. لجديدة...جابت وليدتهااا يتبردو ويتبحرو. شوية ومنهااا ..تسرااح وتعطي. الوقت لرسهاا وتفكر في رحتهااا .
شدات دار في. مجموعة سكنية لسيندااا ونفس شي يحيى ..ولكن مبانش ليهم ..
دخلو لدار بدلات . لبنيات بميويات. هيلو.كيتي ..ورضى شورط .. لبسات هيااا. كسيوة.في البوردو صيفية مبردة. طويلة ومن الفوق بحال الفراشة .. وجمعات. شعرهااا في شال مرخوف. على وجهااا. ..خويتم. في اليد ديال الدهب رقيق. وسامبل وسنسلة دسمياا مكتوبة فيهااا. غيثة. نفسها عند غيثة مكتوبة فيهااا غزلان ..وطوينقااات. سامبل. وكلاص. ..دفار نقين بلا صباغة. حيت تتصلي .. ..خلاصة دقول فنة وغزالة. ومن رجعو ليها وليدتهااا مبقااا عندهااا لي شاغل بالهلال ولا. مقلق رحتهااا...
هبطااااتهم لبسين .. غيثة في ديال وليدات الصغار. ودراري في ديال الكبار حيت تيعرفو يعمو ... .
دارت نضاضر واحد طربوش على رسهااا ومشات لواحد كرسي وريحااات. ..شادة تيلفون في يدهااا تتسيلفي. في وليدتهاا وتسيفط. لعبير ودير في سطوري ديال لوات ....
حطات طيلي. وطلباااات عااصير. ...كتشرب فيه وفي نفس الوقت عنيهااا على وليدتهااا ..
حتا وقف عليها واحد اقل مايقال عليه بوكوص الفورمة. وشكل. لابس غير شورط. من الفوق. والفراااكة مطراااسية. ولحية. ونضاضر. على عينيه ...
هوا...بغدو ..نقدر نسولك مدموزيل من فضلك
غزلان ..وي تفضل
هواا..بغيت نعرف فين كاين مكتب مكلف. بالكراء هنااا
غزلان...معرفتش والله معندي بااش نفيدك
هوا..اه بون ميغسي ..معاك فوؤاااد
غزلان..ابتسمااا
فوؤاااد.... مشرف جو بونص. حنا جيران ..نعت بيدو في شاد لابغطومون .
غزلان..اه حنااا ساكنين الفوق ..
فوؤاااد...ساعة سعيدة. ..مدموزيل .. ضار مشاااا بحالو...ولكن في طريق تلقااا بحيى..لي ضربو عمداااا في كاتفو وقال ....مدااام هديك مدااام ومراااات راااجل لي كنت تتهضر معاها
فؤواد...اه سمحليااا والله غير سولتهااا.
زاد يحيى بحالو. ..خلاه وااقف بلاكة ..اماا فؤاد تفهم الوضع وقال من حقو تكون عندي حتااا انا مرة بحالها انغير عليهااا.
بصوت مرتااافع .. بابا...
تلافت لمصدر صوت. ..كان ولد يكون في عمر 4سنوااات. جاي وجار معاه غيثة. ..
بابا..شوف شحال زوينة. صديقتي الجديدة
فوؤاد...اوه. زوينة بززاف اشنو سميتك
غيثة..ريتاا
فوؤاد ..كديدبة انتي. هيا سنسلة مكتوب غزلان ..
غيثة...نعتات بصبعهااا...سميت
فؤاد ...على هديك ماماك
غيثة .وي
خربق ليهااا في شعرهااا ونااض ...
حاجة لي متشبه لملايها حراااام...
طلع لدار. ديالو. وخرج لبالكون..دار كرسي وجلس مقابل معا لبيسين وحاااضي. ولدو وعنيه مرة مرة كتهرب. لجيهة ديال غزلان...
اما عند غزلان رجعات لوضعيتهااا. من مشااا راجل وحدرااات رسهااا ..حتااا حسات من جديد شي ضل مدرق عليهااا شمس هزات رسهااا لقاتو ..قدمهااا.. رجعات. هبطاتهم بهدوء وساطت النفس...
يحيى..لهاااد درجة مبقيتش متحملة. وجودي
غزلان...وكتر .خير وسلامتك الحاجة زوينة لي ادير فيا هيااا تعطيني بتسااااع متبقاااش تباااان لياا
يحيى...لا والله تا واعرة هاااادي في خبااارك امدااام راه بيناتنا تلاتة دراري ..
غزلان...هزات كتفاهاا بدون رد
يحيى..عصباتو...
غزلانظ اش كدير رخي مني
يحيى..بهدوءوبلا
غزلان ..مبغيتش. واش بزز تهضر معيا
يحيى..ايه بزز يلاه زيدي
دخلها لداار لي كرات تحت عيون فؤواد سد عليهااا ومشااا عند واحد من الحراس دور معاه وطلب منو يدير بالو على دراري ... وراهم ليه ودخل. عندها لقاها كتمشي وتجي ...مغدة ..وجها تزنك ..
غزلان...خرج عليا اش باااغي مني.
يحيى...لا مباااغي منك والو ...واش بعقلك ولا سرطاه اشريفة راه بيناتنا تلاتة دلولاد.
غزلان...معندك تا ولد. ولاد زكرياء. كلهم
يحيى..شاف ديك شوفة ديال واش من نيتك ... متزديش فيه لا شفتيني ميكت ليك على داك الكدوب وبنتي لي خبيتي عليا
غزلان..حتا نتا ديتي ولادي
يحيى..وهدا لي مكتف يدي ومخليني ما قادر نعاتبك ولا ناخد من خاطري. جيهتك
غزلان...لا ونبي. باغي تاااخد في خااااطرك. ..لي درتيه مستحيل يتغفر
يحيى...ولي درتيه نتي. كيتغفر ياك
غزلان...انا راه عوضت ليك اي ضرر درتو في ديك الدار
يحيى...هز فيها حاجبو اشمن تعويض ولا زبل اش كتخوري
غزلان..متهضرش بهاد الطريقة. انا ديت لمك. تمن الإصلاحات تاع دار ..
كرز يحيى على يديه .. وتغدد على مو لي شدااات الفلوس من عند غزلان ...قال كيحاول يكالمي راسو... لا مبقاش هماك علاقتناا والحب لي كان بينا..فكري غير لولادك ومستقبلهم ...الشركة فين خدامين يوميا كيتاصلو خاصهم يرجعو حيت عندهم تصوير. الشهر جاي
غزلان..منقدرش نعطيك. ولادي مرة خرى. لا لا منقدرش
يحيى...فكري مزيااان ولادك مستقبلهم كاين في اسبانيااا ...خاصهم يرجعو الوراق رسمين ديالهم علاين يخرجو وزيد عليها المستوى لي عيشين فيه تماك ماشي هوا لي ايعشو فيه هناا ودراري داو على. معيشة خرى وحتا غيثة خاص ترجع ...اجي بعدااا في سمية من محطوطة
غزلان...بنضرات نصر. في سمية باااا
تلجم لساااان يحيي عن الكلام...رجعااا
يحيى...قرب منهااا وشد في درعهال مورك عليهاا واش ببنتي اغزلان ببنتي تردي صرف
غزلان..طلق مني وعتيني
يحيى...علاش اغزلان علاش
غزلان..علاه كنتي باغي البنت تبقى بلا ورااق. تتشرف حضرتكم ولا اشنو
يحيى..زاااد كرز عليهاااا ...خاص دروري دريهااا قد رااسك يزلق فيها جمل عاد ترتااااحي
غزلان...طلق مني راك موعتني ...
طلق منهااا ورجع باللور ..ايمتااا اديري عقلك
غزلان ..الحمدالله في بلاصتو .
يحيى...يحيى ايمتاا اديريه وتولي تفكري في ولادك. وتخمي لمصلاحتهم قبل من كلشي ايمتاااا ..
غزلان..دارت ضحكة استهزاء ...شكون قال ليك متنفكرش لولادي في مصلاحتهم اه شكون
يحيى...أنانية وتتفكري غير في راسك وطول عمرك اتبقاااي هكداا
غزلان..أنانية ياااك اناانية بصح نيت حرمت راااسي وحرمت بنتي من بززاف دلحواايج غير على ود ولادي باش نجمع ونشد فيزااا نمشي عندهم ونتاا تتقول علياا انااانية ونفكر غير في مصلاحتي. الله يجاااازيك اخوياااا الله يجااازيك...
يحيى..قرب منهااا ...شد وجهااا بين يديه ..غزلان واش عرفتي انااا شكون اناا يحيى...لي مكنتش كنهز فيك رااس. يحيى لي شحال ونتي عايشة معاه. عمري قصرت ولا قللت منك ..خليتك حتااا رتاحيتي ليااا وقلبك. تشفااا عاااد ولينا مع بعض. ..واش نسيتي كلشي. نسيتي شكون يحيى وغزلان نسيتي الحب. لي عشناااا. نسيتي كلشي دغيااا
غزلان..هبطو دموعهااا...علاه
يحيى...حدر رااااسه ...اقسم اني احببتكي بصدق. وحبك بااااقي باااقي كيعدبني لدبااا مااشي غير نتي لي كتعدبي اغزلان ماااشي غير نتي ...
غزلان..مسحااات دموعهااا علاش هاااد الهضرة دبااا ..
يحيى...بغيتك. بغيت غزلان ترجع مراااتي وتكون ام لولادي هادو ولا ايتزاااادو من هنااا لقداااام
هزات فيه عنيهاا مدمعين....يحي انا
يحيى...غزلان غالطين. بزوج بزوج مكانش علينااا نتصرفو هكا. ولكن المكاتيب تتصرف ...شوفي خلينااا نسااااو كلشي ونبداااو من0. نمشيو اسباااانياا نعيشو تماااك نبعدو من صداااع بصفة نهائية ...اش بان ليك
غزلان... يحيى..فهمني راه منقدرش
يحيى... سمعي هادي اول مرة واخر مرة انطلب منك فيها نرجعو مع بعضنااا. يعني لا موااافقتيش. انمشي من هنااا بصفة نهائية ..بعد منقاااد لوراق لبنتي..
غزلان...خلي ليا شوية دلوقت نفكر ونرد عليك
يحيى...حيد يده من وجهااا...وخااا لي بغيتي ...دار خرج وهيااا نفس. شي. تبعاتو كتمسح في عنيهااا لي حمارو بالبكااا
من دخلو وهوا مرااقب الباب. درو رااسو باااغي يعرف مالهم. ولااش وااقع بينااااتهم ...
كان مرااقبهااا بتمعن وهيااا كتمسح عوينتها من البكااا ...وكتشوف مرة مرة في يحيى ...وترجع تهبط رسهااا. .
مشاات جلسااات في بلصتهااا...حتا وقف عليها يحيى من جديد ..
خاص نمشي. الواليدة باقا عيااانة. من تبغي ترجعو تاصلو بيا باش نجي نجيبكم
غزلان..وخا انشاااء الله .
مشااا عند الولاد سلم عليهم ومن وصل عند رضى جبد الفلوس عطاهم ليه قال ليه يعطيهم لماماه. حيت عرفها مغديش تشدهم من عندو
مشااا يحيى...ورضى جا عند ماماه عطاهاا الفلوس ... مبغاتش تشدهم لكن من فكرت خداتهم. حطاتهم في واحد صاك صغير كان حداهاا....
من شاف يحيى خرج. حتا بانت ليه سيارة ديالو تحركات حيت جا الفوق كيبان ليه كلشي عاااد لبس عليه واحد تيشرط بيض. ودار كلاكيطة في رجلو وهبط ... عندها
كانت شاردة تتفكر في كلام ..يحيى حتاا حساات بلي شي حد وقف عليهااا هزاات رسهال بان ليهااا فؤاد ..
فؤاد..بإبتساااا
غزلان...اه انشاءالله عندك ولد
فؤاد...وي عندي ولد في عمرو 5سنين
غزلان...الله يخليه. ليك
فؤاد...حتا نتي عندك وليدات ياك
غزلان.امم 3
فؤاد..وهدا لي كان هناا دبا باهم ياااك زعماا راجلك
غزلان...اه ولادي لكن هوا طليقي علاش
فؤاد..غير سولتك وصافي. سمح ليااا لا كترت عليك
غزلان..ابتسامات
..فين حتاا نتاا ام ولدك
فؤاد...معرفتش
غزلان...مفهمتش
فؤاد...ام ولدي سمحات فيه
غزلان ...كيفااش قدرات تسمح في ولدهااا...عرفتي
فؤاد..عندك توؤم ياك. وهما لي تفرقو عليك
غزلان..امم كانو وقعو مشااااكيل مع بااهم ودااهم. معاه لخاريج في الوقت لي مشاااو كنت حاملة ... وغيثة هيا لي قدرااات تخليني. نعيش ونعطي امل نفسي بلي شي يوم ايرجعو ليا ولادي
فؤاد..بابتسامة.
غزلان..امين
فؤاد...طليقك رجع باغي. يقاد الأمور معاااك ياك
غزلان...ام ولكن انا مقدرااش نسااامحو لي دارو فيا مااشب ساااهل ..
فؤاد...يقدر يكون عندو اسباب
غزلان...ماشي كااافية تخليه يحرمني من كبدتي 3 سنين
فؤاد...تقدري تعاودي ليا لا كان في استطاعة نعاونك
غزلان..كانت محتااااجة لمن تعاااود غير طلب منهاا عودااات ليه كلشي..
فؤاد...قصتك قصة..يمكن بصح نااادم. ولا جينا الحقيقة بزوج فيكم لا فوت هوااا مكانش خااصو يخبي عليك ونتي مكانش عليك تبقاااي ساااكتة ..
غزلان...راه الغيرة عمات ليا العنين مكنتش عارفة اشكندير قلبي كان محروق ..
فؤاد...من جهة نضري. وانا كراجل. خاص. تعطي فرصة جديدة
غزلان...مبقيتش قادرة. والله كنحس براسي عيت مبقيت قادرة ندخل في حتا علاقة ولا زواااج وخا يكون يحيى لي شاغل بالي دبا هوما ولادي. مستقبلهم. كاين في بلاد خرى. وانا ميمكنليش نمشي عندهم ...
فؤاد...ولادك من اتخرج ليهم الإقااامة. تماااك اتقدري تمشي عندهم
غزلان...انا. اه ولكن. غيثة
فؤاد..هنا فين بقاا المشكيل. دروري مخاص ترجعي تزوجي بباها باش يقدر يدكم بزوج لتماااك
كانت ناااعسة. جنب غيثة. ولادهااا في سرير الكبير التوؤم مولفين بعض بززاف وكيبغو ينعسو حداا بعضياااتهم...
غااارقة في. نعااااااس. ... وتيلفون فوق. طبلة كيشعل ويطفااا كيصوني. مديور ليهاا فيبرور غير كيزنزن...
حلات هنيااا على اتر الصوت لي دير ...تفوهاااات ..وهزااااتو لقااات نمرة ممقيداااش عندهاا بسمية ...
جوبااات .بصوت نااعس..
غزلان...الو
...سلام عليكم لالة.
غزلان..جاه صوت جدي توكضااات شوية. وقالت وعليكم. وسلام. شكون معايا ؟؟؟
..معاااك جوليا
غزلان..بتساااءل
جوليا .. مهم راه كتعرفيني. يمكن غير سميتي لي متتعرفش انا لي كنت مع لولاد. نهار شفتيهم
غزلان..اه عرفتك ياك مكين باس اختي
جوليا..بأسف ..معرفتش كيف انقول ليك الخبر
غزلان...تخلعااا
جوليااا..يحيى!!
غزلان...مالو هضري خلاص اش واااقع؟؟؟
جوليا...دار كسيدة
خبر نزل كيف صاعقة على غزلان ...لدرجة. جسمها مشا
وجااا تيلفون طااااح من يدهاا كتسمع في جوليااا مزالة كتهضر وصوت كيجيهااا بعيد ...ودنيهااا بداااو كيصفر عليهاااا. ..
طااحت على طولتهاا جالسة في الكنابي. ...مصدومة ويدهااا بداو كيترعدو ..قلبهااا كيضرب بجهد ....
شوية نااضت بزربة ..بداااات تتجمع في الحوااايج ولادهااا وتفيق فيهم ...هدااا من هنااا وهداااي من هناااا ...داخت بالمعقول. و3. دصبااااح هاادي كيف ادير تمشي. ..
هزات تيلفون من جديد وعودات الإتصال بجوليا. عرفااات فين اينا سبيطااار كاااين ..
عاد كملات لباس لولادهااا وركباااات غيثة. في ضهرهااا نعاسة بلا قياس مستحيل تفيق ليهااا في ليل ...
وخرجااات. كضاارب معااااهم..
كان مزال فااايق..سهرااان
ومشااا بزربة. لبالكون كل بانت ليه خاارجة. مضاربة مع ولادهااا.
لبس عليه تيشرط دغية وهبط. لعندهااا. .. كيجري
لقاهااا كتهضر مع العساس باش يحل ليهااا..
فؤاد ...غزلان مالك
غزلان..دارت عندو عنيهاا محجرين بدموع...خاص نمشي ضروري دبااا لكزااا
فؤاااد...اش. وااقع غزلان. مالك في هااد الحالة
غزلان...بتعب. يحيى دار كسيدة
فؤاد ...وخا اجي معيااا نوصلك. ..
طلعهااا لسيارة هيا ولدهااا كتبااان. دايخة وكتقفقف الخلعة لاعبة بيهااا طلع دغيااا لبيتو ...لبس عليه سيرفيط كحلة. وهز ولدو بين يديه ...جمع لي مهم. وهبط. داز عند العساس هوا لول خبرو بلي مزال ايرجع لداار.
عاد مشى حط. ولدو اللور فين ملوحين دراري جابدين عليه. وغزلان القداااام وزاد في اتجاه كزا
داخلة كتجري في ارجااء المستشفي. لبسهاااا كلو مخربق. وزيف. طايح نص في شعرهااا باين ...وجهااا صفر ..
طلعااات مع دروج في نعتات ليهااا. ..السيدة. تنقز درجة بدرجة وتزرب ..حتا تتبغي تعمل وفؤاد من ورهااا كيعيط باش ترد البال....
حتاا وصلات الكولاوار فين كاااين يحيى...
كان باه. وخوتو وحتا كلثوم. في كرسي متحرك...وجولياا
شدااات في الحيط مسندة عليه كتنهج وبدااات. غااادة عندهم بالمهل. .خايفة تسمع لي ميعجبهاا وفؤاد من ورهااا مرقبهاا بهدوء...
وصلات ..وقالت كتحاول تلتقاط انفسهااا..فين يحيى ؟؟؟
قرب منهااا الحاااج وحدر رااسو ...معليك غير دعي معاااه ابنتي
غزلان...عمي عفااااك. قولي فين يحيى. شدااات في يديه بتوسل ..الله يخليك اعمي فين يحيى وااش بيخير
الحاج...بنفسي معندي خبااار وقلبي محروق من جيهتو من جابوه باقي مخرجو عندنااا
اجي ابنتي جلسي هناااا على ما يخرجو عندناااا
جات جلسااات حدهااا جوليااا ..فين الولاد فين خليتهم
غزلان..هزات عنيهاا في فؤااد كان وااقف بعيد شوية ..عند داك راااجل
جولياا...دعي معااه يرجع ليكم
غزلان..كتمتم..و
جوليااا...حدراا
غزلان..كتمسح في دموعهاا..عطيني.
جوليااا ..متخاافيش ايكونو في عنيااا ..الله يجيب شفااء لحيى. .من قلبي كنتمنااا يرجع ليكم
غزلان .امين
صباح الصبااااح وهومااا مزال تم مااا عطوهم. حتااا خبار لي تريح خاطرهم ....لي خرجات تتخرج. مزروبة وتدخل مزروبة ...كل مرة اش هازة مرة دم مرة برة...ولي سولوهاا متعطيهم باش ينقيو سنانهم..
فين متتخرج. شي فرملية قلب غزلان كيترعب بالخوف عليه..
حتاا وصلات العشرة عاااد خرج طبيب. كيمسح على وجهو من. العرق .ويزول في كمامة. .
تجمعو عليه كااااملين الإ غزلان لي كانت خاايفة تسمع شي خبااار متعجبهاااش ...
...الحمدالله. مريض قدر يتزااوج مرحلة الخطر. لاكسيدون كانت تقدر تكون مميتة ليه. الله يستر كون درهااا بعيد من كزاا ..لاكن الحمدالله تسعف في الوقت منساااب ..خيطنااا ليه الجروح. لي جات في فخدو. .. ووحدة في وجه شوية كغاااف. لكن مع الوقت اتعالج .. جاتو شوية جنب الحاااجب.
عندو هرس في الرجل ليسرى ... ..
حمدالله الأهم هواا فات مرحلة الخطر. ودم لي ضاع منو. ..ولي بقاا ايتعالج مع المدة ..
هرس مااشي شي حاجة خطيرة و مدرنااا ليه لا حديد لا والو غير شهر ولا قل ويحيد الكبص بشيفااء انشاااءالله
دخلات عندو الغرفة كان مدد فوق السرير. ورجلو مهزوزة الفوق ...
كترااقبو بكل حب راه كتبغيه وتموت عليه وخا دفع كبير ومترجعش ليه لكن كيبقااا راجل الوحيد. لي خدااا مكاانة في قلبهااا...يمكن غضبات عليه. ومبقاتش باغة تسمع حتااا سميتو من خداا ليهاا ولادهااا...لكن من لقاتهم عايشين مزيان ولبسين مزياان وخااا مبقاااوش عااقلين عليهااا ..رتاحت. في خطرها حيت مقصرش في. حقو ليهم ..
قربات جيهتو. كتشوف في فاااصمة. مضرقة واحد شوية في حاجبو. والفوق منو ..باينة ضربة جاتو تماااك...
هزااات يديهااا ...وحطاتهااا عليهاااا ...
معرفااتش ايمتااا هبطااات دمعة من عنيهااا وتبعوهااا دموع. خرين. بلا صوت كانو كيطيحو على يديه. ...
يحيى..بصوت متعب. باقي تحت تأتير المخدر. ..دموعك كيقهروني كتر ...
مجوبااااتوش زااادت في الوثيرة ...مبقاتش قادة تسكت ...
يحيى...عفاااك حبسي راه كنتعدب كتر حيت عاارف بلي انااا سبابك في هاد العداب ..
غزلان...حطااات يدهااا على فمهااا. باغة تمنع البكا كنت خاايفة عليك بزززاف معرفتش كااع احتمالات طاحو في بالي من سمعت الخبااار
يحيى..بصوت تعبان..انا بيخر الحمدالله سمحتي ليااا
غزلان..رتاااح عفاااك غير رتاااح ولي لاباااس
بااقي مخدر مأتر عليه دغيااا رجع غفااااا...وهياا
قال بصوت بااقي عيااان ..غطيتهااا حيد من تماااك متبقااش تمنضر
فؤاد.. هز واحد الحاااجب ..على سلامتك .
يحيى...اش جااي دير هناااا ..اش من علاقة عندك بيتا تتجي. عندي
فؤاد...مجيتش عندك انا وصلت غير غزلان
يحيى .لا بسلامة عارف تا سميتهااا
فؤاد...دير عقلك اصااااحبي وتصالح وحاول تصالح مع مرااتك. .غمزو..عرف ترد هاد الكسيدة لصالحك. وترجعهاا ليك
يحيى..عااقد حوااجبو تقدر تدخل سوق رااسك
فؤاد..عرفتي طلب منهااا تقابلك ياك نتااا مهرس ..ضحك تابنت ضرسة دلعقل ...ولكن مشكيلة باينة مغديش تبغي ياااك
يحيى..اشريف. خرج بحالك
بقااا فؤاد كيفقص بيه. بالهضرة. زعماا سيد مريض خاااصو يرتاااح وهواا عاااد متيكمل عليه. مخرج من عندو تخرج ليه الكرون بالعصاااب ..
الجزء الأخير ⇐
باش تشجعوني نكمل ليكوم القصة كتبوا ارائكم على القصة 💙
تعليقات
إرسال تعليق