القائمة الرئيسية

الصفحات

قصة ليلة لن أنساها أبدا الجزء الثاني


قصة ليلة لن أنساها أبدا الجزء الثاني

قصة ليلة لن أنساها أبدا 

يلاه نكملوا

 بدااا الأثات جديد تيدخول الفيلا أو دخلو كثر من 10 دراري لابسين نفس لبسة أو مكتوبة عليها إسم شركة ....بداو تيطلعو الأثات أو البنات طلعو كاملين بداو فتستاف كثر من 7 سواااايع أو هما غير فيه إهزو هدي إحطو هدي وأخير كملو حتا حاجة مبقات كيف كانت كلشي تغير حتا من صباااغة ليكانت فالحيوط مبقات دخلات نعيمة أو تتشوف غادية مسرحة رجليها أو كاتمنضر فالبيت عجبها الديكور جديد تتحسي بهاد البيت رجعات فيه الحياة من بعد ما تبدل من الأسود و رمادي الغامق رجع لبلونكاصي أو رشيشات فالبلوسيال و ريحتو ريحة مجهدة ديال صقر رمات شوفة فالفراش فالوسط كان فالمارو أو فيه وردات كبار فالبيض و حداه كوافوزات و ماريو فالگري بارد حلاتو و لقات حوايج صقر مستفين و مطويين مقاديين بلاصة لسراول و بلاصة للقوامج و بلاصة لتريكوات، و عاد الصماطي، كولشي منضم ،بقات خاوية غير جهة ديال مراتو مشات لكوافوز لكبير فيه مراية كبيرة و محطوطين الروايح ديالو و لي برودوي لي كايستعمل.....

نعيمة : الله يعطيكم صحة هدشي زوين
*لبنات واقفين غير بزز عياو * دبا يمكن لكم ترتاحو ولكن غدااا بغيتكم تفيقو مع 6,30 تكونو گدامي أنتما عارفين طيارة ديال العسكوري غدي توصل المغرب مع 2:30 ديال العشية ...*كلمة وحدة واااااااخ*
خرجاتهم نعيمة من البيت او سدات الباب ..
منى : الله على راحة *تجبدات فالفوطوي * وأخير غدي رتاااااح عيت ...
يسرى گعدات حداها .... يسرى: اليوم خرجات منا أو غير سكتي غدا مزال تبعانا الخدمة كثر من اليوم
رانيا : أناااااااااا بغيت غير إمتى نشوف هاد وعد مباشرة تتحمقني بشخصيتها
رجا: أو فين شفتيها أنت .... رانيا : مكلخة فين غدي نكون شفتها عند بالك فالجرائد ديما تتكون صورة ديالها حداه تيعجبوني وقفتها ضحكتها هضرتها بصارحة واعرة أو جات معاه
*منى جمعات الوقفة* فين غادية
منى : خرجة يضربني البرد (خنزرات فيها أو مشات)......
*مكان أخر *
هزار كانت وقفة قدام واحد لاستطابل كبير شااااد نص الكثير فديك المزرعة أو تيجمع العديد من الخيول العربية الأصيلة أو من بينهم واحد الخيل سميتو جورجي هو من أجمل الخيول لي قريبة على قلبو صقر غير هو بوحدو لي تيفهمو ..أو تيعرف إسايرو حينت صعيب ..فسيستيمو
منى :*جاية تتجري* أش تديري المسخوطة وتي دخلي لعاااود لبلاصتو ناري ميمتي غدي تقفرها علينا اليوم *هزار مخرجة لسانها⁦😛
هزار: هدا سميتو جورجي ماشي عاود *تتحك فراسو أو تتبوس بين عينيه* .....
منى : اكون حتا بوشعيب انت دخلي زمر لبلاصتو مقادين على مشاكيل ..هاااحاي😩
هزار : اوا صافي اصحبتي ياك گلتي ليا نسا الهم أو نعيش الحياة اوا خليني نعيشها معامن بغا قلبي *تتلعب فشعرو....
منى: واش مبان ليك غير العاود ديال سي صقر تنسي بيه همك 🤔🙄
هزار : هدا رآه ديالي حتا انا أو عندي معاه قصة ما شفتيش كيفاش تيشوف فيا أو عارفني أو مرتاح ليا...
منى : لعجب انا بعد ديما تنشوفو مدابز معاه جلال بالكشيفة باش تيغسل ليه أو تيعرف غير مولاه صقر انت كيفاش حتا تيعرفك أو بينكم قصة يكما قلبك حب مول لعاود حتا لقا مكاينة معنا أو مشا لعاود ناري بكما دكشي لي فبالي استغفر الله 😮🤐
هزار : اعود بالله ثفو عقلك شحال موسخ انا كانت تنجي بزاف عند جدة فالعطلة ديك ساعة مزال المرحوم هو لي كان فيدو سلطة كان إنسان تيعاودو عليه ماشي مزيان إنتيهازي أو شحال من أراضي شفرهم لماليهم أو دخلهم فمزراعتو هاد لمزرعة رآه نص فيها غير ديال ناس لي ضعاف أو يديهم ماشي واصلة بحالو أي أرض تيشوف مولاها هملهاا أو معندو جهد لها يزرعها أو يتمتع فخيرها هو دغية تتلقاه دار عليها صور من لحديد أو دخلها لمزراعتو حتا ولات المزراعة ديالو هي اكبر مزرعة فهاد القرية ...
منى : گاع هدشي عرفاه اوا كملي
هزار : المهم مكانش مزيان الله يرحمو ونا كانت تنجي صغيرة هنا أو بعض لمرات تلقاهم كاملين هنا تيدوزو الكونجي أو شي مرات تتكون المزرعة خاوية ونا تيعجبني لحال تندير فيها ما بغيت بلأخص الإستطابل ديما تنهز جورجي أو نتعلق فيه بحال هكا (ركبات فوقو) أو كا نمشي بيه اجي طلعي ورايا نعلمك كيفاش تركبي هدي رآه فرصة لا تعوض أجي أجي *تتشير بيديها لها *....
منى : لا لا طلعي غير انت مالي انا حمقة نسخا بعمري
جلال : منى أشنو تديري هناااا ...
منى : سلام جلال والو كانت وقفة مع هزااار ساع بعدات رآها لهيه *بقا مصدوم *
جلال :*معصب* كيفااااش خليتيها تهزو أو تمشي بيه مشكيلة هدي تاني *مشا بجراا*
هزار مستمتعة شوية زاااادت فسرعة أو بعدااات بزاااف أو جلال مزال تيجري تبعها أو خايف عليها أو خايف على الخيل أو على حتا خدمتو حتا هي تمشي ...الكاتبة سمر الغاشي
هي تتجري أو هو تابعها حتااا خرجو أو بعدو بزاااااف على المزرعة عياااا بجرا بغا يسكوت قلبو 💔 وقف أو بقاااا تيشوف فيها بعدااااااات بزاااااف 🐴🐎..
هزار غادية أو تضحك فرحااانة تتحس براااسها بحال شي حمامة طايرة فسماااا شوية تتشوف راسها بعدااات بزاااف على المزرعة أو دخلات فبلاصة خاوية فيها غير شجر لي داير بها أو أراضي ناس محروطة أو غير نفنافي ..
هزار :*تتحك فراسو أو هو عاجبو حال* جورجي ناري بعدنا بزااااف هههههه انا حمقة ونت كثر مني يلاه خلينا نرجعو يلاه بغاات تزيد الخطوة حتا لقااات واااحد رباعة ديال دراري تيضربو جوانات او مااااحيااا مبوقين . .
شاب ١: وااااو أصاااااحبي شكون هاد تيتيزة واش انا لي تبويقة طلعات ليا لراااس ولا نيت هاد الخير كامل قدامي ...
شاب٢: لاااا أصحبي هدشي راااه بصح
شاب٣: هدي وقلة هي لي تيگولو عليها الأميرة ولفرسان ههههه في غابة باني قلوان
هزااار :. تتسمع فيهم أو كلها تترعد بالخلعة كانو 3 حتا غادين أو تيكثرو 10 أو زيادة گاع دوك لخماسة لي كانو فجناج خرجو شي إجيب شي هزااار تخلعاااات أو جرااات لجااام أو غدية تتجري هاربة أو تتشوف وراها تتموت بالخلعة عاد تتزيد فسرعة لدرجة مبقاتش متحكمة فجورجي لي حتا هو ولا معصب أو تيتفركل بغا إطيحها بغاااات تشد مالقات مااا تشد تلاحت بجهد جاااب الله لاحها على واااحد جبل ديال تبن أو هو مشا مكسيري قطع شانطي أو مشا بجراااااا تتشوف فيه حتا غبر
هزار : جووووووورجي ااااااااه شادة فرجليها مقصحة اهئ اهئ هئهئ ...جورجي وقااااااااااااا

ف اهئ اهئ وقاااف وقف...
المرا كبيرة فسن *عيشة* : الله يا بنتي الله گاع تبن لي جمعنا رجعتي شتتيه لنا مالكي سيري بيه غير بشوي ونت طايرة....تگول غادية تبورضي .....
هزااار: عفااااك جورجي مشااا عفاااك يلاه نقلبو عليه .... عيشة : فين غدي تقلبي عليه رآه مشا قطع لبحيرة أو دخل لدوار لهرارگة هداك دوار راااه خطار بليل سيري حتا لصباح أو رجعي تقلبي عليه ويلا گاع مشا أو كان تيعرف داركم رااه يهرب حتا يعيا غير يبرد غدي يرجع لبلاصتو بلا متقلبي عليه هما رآه فشكل بحال بنادم تيغضبو أو الا كانو مفشين تيكملو ....
رجلها المختار : عيشة اش كااااين أو شكون لي شتت هاااااااااد ثبن ....
عيشة : هاد البنت لي كانت فوق واحد لعاود أو تتجري طيحها على ثبن أو مشا هو جرية وحدة قطع البحيرة ديال بن عزي أو قطع شانطي لي بنا أو بين دوار لهرارگة أو گالت ليك بغاتني نمشي معها نجيب لها لعاود...
المختار : ههههه واش تضحكي علينا إيه لا سيري الله إعرضك سلامة أو الله إسامح فهدشي لي نزلتي من ثبن
هزار : شوف انا نعاود نجمعو غير يلاه معايا نجيبو لعاود الله إخليك...راني منقدرش نرجع بلا بيه
المختار : الآلة سيري عطيني تيساع واااا موصيبة هدي معاك ..
هزار تتعرج أو شادة فرجلها ...أو تتبكي
*مكان أخر*
منى : *جاية تتجري* جلال فينها هزار علاش مجاتش معاك ..
جلال : *تينهج* تنجري تابعها أو تنعيط لها مسمعاتنيش كانت غادية بجهد .
منى : هاك شد شرب دبااا ترجع بلا ماااا تخاف
جلال: مكااانش عليها تخرجو قبل ما تگولها ليا ولا لحاجة دبا غدي تخلي ليا غير لمشاكيل
شخصية جلال
أمريكا 🇺🇸
تحلات واحد ميرسيديس ديال صقر كحلة زاجها فيمي هبط منها بكامل أناقتو لابس كومبلي بالبلو مارين مغلوق مع قميجة بيضة و حال جوج صدفات و جاه لاصق عليه و برز حجم عضلاتو و كايبان ضخم و فرجليه صباط أسود لامع تشوف وجهك فيه و داير فيديه ساعة باينة غير من الشوفة باهضة فالثمن ملاميحو صارمة حجبانو معقودين الشيء لي عطاه واحد الهبة و شفايفو تيشهيو فشي بوسة 😘 أو لحيا مقادة أو ريحتو مجهدة تتصرخ برجولتو القاصحة عطا السوارت لراجل لمكلف بطوموبيلات يلاه بغاا يرمي لخطوة حتا تجمعو عليه صحااااافة بكثرت الأسئلة لمتداولة لي كل يوم تيسمعها ...*الكاتبة سمر الغاشي
بدا كيشوف بعينيه فدوك الصحافة اللي كانو كثار وقفين تيتسناوه و كايهتفو بسميتو منين شافوه ..هازين لميكروات أو تيحاولو إوصلو ليه بأي وسيلة ولكن لگارد لي فجنبو كانو بحال شي جبل ...
صحافية الأولى :سي صقر ممكن توصف لنا شعورك ونت دبا صبحتي تتملك أكبر عدد فناديق فالعالم.. أو شي توضيح على الخلافات لي بينك أو بين لوطيلات ديال النجداوي ..
صحافي الثاني: سي صقر شكون لي ليه الفضل فنجاااح و شهرة ديالك اليوم ...
صحافية الثالت : سي صقر بغينا نعرفو صح الخبر واش فعلا الفندق ديالك جديد لي قريب غدي اكون الإفتتاح ديالو واش هدية لمراااتك واعد ولا غير مجرد إشاعة ...
*الجميع *.إلا سمحتي بغينا توضيح على هاد الأسئلة
بزاف ديال الأسئلة توجهو ليه حتا سؤال مجاوب عليه مشا كان باين على وجهو تعب تقدم بخطوات ثابتة ولكارد فجنبو خلاهم من وراه تيغووتو ودخل لشركة ديالو ...غادي بخطوات مخملية اول ماشافوه الموظفين عم الصمت والكل حاني راسو بحترام ورهبة داز كيف البرق وخلى ريحة برفانو كاتسكر الحاضرين دخل لمصعد الخاص بيه وتوجه لطابق الأخير جناحو الخاص اول ماشافتو السكرتيرة وقفات بالخف وحنات راسها ماطلعاتش فيه العين توجه لمكتبو الخاص وجلس فوق الكرسي حاط رجل فوق رجل اول حاجة بدأ بيها طلب قهوتو المسائية قاصحة وناقصة سكر كيف عادة اول ما جابتها ليه خدا القداحة شعل سيجارة نتر منو نترة ورتشف من الفنجان....
دق فالباب ليث صديق صقر أو ليديه ليمنى فكلش جاه الرد دخول حال لباب أو گعد قدامو
ليث: صقر الحمد لله منين جيتي من صباح ونا تنتصل بيك تليفونك ديما مشغول مشكيلة طحنا فيها..تاني
صقر : *ببرود* أش واااقع ..
ليث: غدي نحماق انا مدابز غير مع عائلة نجداوي گاليك أسيدي حنا سرقنا لهم داك الفوج ديال يابان كانو بغاو إحجزو فالوطيلات دياولهم منين هما وجدو كلشي أو تيتسناو فيهم غير إوصلو فأخير اللحضة تراجعو أو بدلو لوطيلات ديالهم بديالنا ...
صقر: تخربيق مالك معصب طلق زبل لهم
ليث : واش أنت حمق رآه زبابل ديال الفلوس دخلنا من داك الفوج أو عجبهم الحال هنا رآه هدوك لي مبغاوش إفهمو راسهم واش ناس مشاو لعندكم شافو الجو مالقاوش راحتهم بدلو بما حسن واش بز منهم إرجعو لعندكم ..
أو باش فقصوني تيگولو الصحافة بالي أوطيلات العسكوري غير شفارة أو تيستخدمو أساليب بااش إكسبو سياااح من المطار باش يمشيو لعندهم نيشان أو هاد تصروفات تقدر تأتر على سياحة فبلادنا حينت هكا رآه إزعاااج لهم خصكم تحركو أو تصدو لهم جميع لوطيلات لي عندهم راهم تيحرضو ناس باش إديرو شكايات علينا غدي نحماق *صقر. غير تيشوف أو ساكت أو مرسومة على وجهو بتسامة* وااااش انا تنعاود ليك أو كلي تنترعد ونت گاعد تضحك اصاحبي ..
صقر: خرج خلينا نشرب قهوتي على خاطري باش نزگي دمااااغي لهاد ضواسة لي قدامي خلي لي بغا إگول شحاجة إگولها برد أو سير شوف خدمتك

قدام باب شركة صقر العسكوري تأنسطلات سيارة من نوع رونج روڤر فالأسود قاتم نزلت منها بنت فالعشرينيات قوامها ممشوق مع شعر طويل فالأسود اقل مايقال عنها جميلة لابسة سروال فالحمر أو قاميجة فالبلو سيل وهازة صاك من شانيل فالقهوي مع كعب عالي توجهات لداخل بخطوات مخملية ورافعة راسها لسما ونظرات الموظفين تبعينها غير من لتحت لتحت شكون تقدر تكون من غير زوجة صقر العسكوري مكاين لي ينفنف قدامها توجهات لمصعد ومشات ديريكت لجناحو الخاص. *الكاتبة سمر الغاشي*
ثواني وكانت فالطابق لأخير توجهات لمكتب تحت انظار السكرتيرة لي غير شافتها وقفت وحنات راسها حطات يدها ناعمة فوق البواني وفتحت لباب ودخلت لداخل وابتسامة عريضة على شفاها ...
ليث : هاهي الأميرة المملكة جات
وعد : سلام ليث ..*عنقاتو*
ليث: سلام زين .....
حطات حقيبتها اليدوية فوق المكتب وتوجهات لعند صقر لي كان هاز حاجب أو منزل لخور ضماتو من لور وطبعات قبلة فرقبتو . . .
وعد : حياتي *يديها تتسارا فجميع أنحاء جسمو ...*ليث فهم راسو أو خرج خلاهم*
صقر دغياااا جبدها لعندو أو حطها فوق حجرو أو دخلو بزوج فقبلة كانت طويلة ..
صقر : *بصوت رجولي * نهار كامل غابرة ..ممكن نعرف فين كنتي
وعد ناضت من فوقو أو گعدات فوق الفوتوي لي قدامو ...
وعد : كانت عند بيلا *خبيرة تجميل * ضارت براسي شوية باش نبقا ديما نعجبك *غمزاتو*
صقر : انت ديما عاجباني راك عارفة هدشي
رجع نزل راسو أو خدام فالوراق لي قدامو....
وعد : حياتي واش مزال معطل
صقر :*هز عينو فيها * خصني ما نوض حتا نكمل هاد الخدمة انت عارفة غدا غدي نزلو المغرب خاص نخلي الخدمة هنا صافية أو نمشي مهني من جهتها ...
وعد : ولكن ياك ليث غدي يتكلف بها ...يلاه نمشيو ..
صقر :*مغوبش* ليث عندو خدمتو مغديش نخلي ليه حتا خدمتي يتكلف بها ..
ناضت لعندو .. واعد : وخاا انا خصني نمشي لدااار يلاه نجمع حوايجي *يلاه هزات صاااك *
شداتها دوخة دغية طاحت فوق الفوتوي أو شادة فراسها...
صقر: *ناض عندها* وعد مالكي
وعد : معرفتش اول مرة نحس هكا وقلة غير الإرهاق ... *صقر هز تليفون *
شيفور شركة : نحن في الخدمة سي صقر
صقر : شوية غدي تنزل وعد بغيتك توصلها حتال الفيلا ...
شيفور : وخا أسي صقر .. *قطع*
وعد : علاش تدير هكا انا غدي نمشي راسي *باس راسها*
صقر : منقدرش نغامر ونخليك تمشي تصوگي من بعد ما شافتك فهاد لحالة ويلا رجعات شداتك دوخة تاني ونت صايگة *باستو فمو😘* ..... وعد : صقر انت ديما مكبر لحاجة يلاه حتا نطلقاو مع سلامة
شخصية صقر
 هزااااار رجليها طابو تتقلب عليه فالخر رجعات گالت علاه وعسا يرجع المزرعة كيف گالت لها ديك المرا.؟.
منى : ها هي هاااااهي هزااار جات *جلال جاي بجرا* *ضارو بها بزوج *
هزار : واش جورجي جااااا *بقاو تيشوفو فبعضهم*
منى : هههههههه جلال رآه غير تضحك معنا رآه هزار وااااحد لمصرفقة منها ما كاينة *ضرباتها فكثفها * وتي سيري جيبي لعاود. بركة من ضحك لباسل ماشي وقتو
هزار : *بدات تتبكي *والله ما تنتفلا رااااه لعاود توضر ليا ....*الكاتبة سمر الغاشي*
جلال *شد راسو * واش تتفلاي ولا تهضري بصح كيفاش توضر
منى: هزار ياك گلتي بلي تتعرفي تركبي عليه كيفاش قدرتي توضريه هضري *تتشلشل فيها*...
هزار بدات تتبكي أو تتعاود لهم أو هما غير حالين فمهم فيها ....
منى : ناري على موصيبة كحلة هدي ناري اليوم تعلقنا الحاجة وميمتي موصيبة هدي الا جا سي صقر اش غدي نگولو ليه ...
جلال : انا غدي نمشي نقلب عليه *خرج تيجري*
منى : دبا تهنيتي كانتي هانية گعدتي حتا گعدتي أو سخن عليك داك مولاي راسك أو گلتي أشنو ندير ما ندير اجي نوضر ليك لعاود كحلتيها على ياااامك أو يااامناااا معاك ...
جلال الليل كامل أو هو غير تيقلب والو تگول الأرض تشقات أو بالعاتو ....
*البنات بصوت واحد أمضراااا لقيتيه *
جلال : والو قلبت حتا عيت أو رجعت يدي فوق راسي ...
منى : الحل واحيد هو نسكتو ...
جلال : كيفاش نسكتو هاااه ويلا سول عليه مولاه أش نگولو
منى : انت غير سكوت مبغيناش الحاجة تعرف والو دبا مقدين على هضرتها أو مولاه غير كون هاني ضربو على حسابنا صافي يلاه سير تنعس اخويا جلال أو سمح لنا بزاف ..
جرات صحبتها أو مشاو بجرا ..
هزااار ؛ اااااي يدي غدي تقطع غير بشوية عليك مالكي على هاد جرااا كامل
منى سدات البيت او تربعات فوق ناموسية
منى : طاحت عليا فكرة جهنامية *رمات لها زيف تمسح دموعها * بركة من لبكا سمعي أو حلي ودنيك دبا داك لعاود مشا ويلا رجع مزيااان ويلا مرجعش مزياااااااااااا

ان بزاااااف گاع
هزار ضرباتها لكثفها ...
هزار : واش أنت حمقة انا بغيتو يرجع جورجي عزيز عليا مبغيتش توقع ليه شحاجة خايبة عمرني نساامح راسي 🐎🐴 يعلم الله أش وقع ليه دبا اول مرة يبات خارج المزرعة
منى :*طلعات لها دم * دبا واش بغيتي تسمعي الخطة ولا لا
هزار : لاااااااااااا *سدات ودنها* اصلا بسباب الخطات ديالك انا وصلت لهاد لحالة مبغيتش مزال نتبعك فوالو ونا غدي نمشي نرجع نقلب عليه متعرفي اكون غير هنا قريب أو معرفش إجي المزرعة *شداتها*
منى: هزاااار باركة من لحماق واش بغيتي شماكرية إدوزو بيك سهرة هاد ليلة اوا بركي أو سمعي اش بغيت نگول
هزار : هاااااااني يلاه الآلة گولي نسمع
منى :*عجبها الحال أو دارت فيها مفتي * مزياااان دبا راااااكم متعادلين 1/1 هو غتاصبك أو خلاك ونت مشيتي جليتي ليه عاودو ههههههههه 🤣🤣
هزار : واش أنت مصطية أو مزال زيداها بضحك اوا الله ينعل لي ما يحشم 🙄🤔
منى : دبا جلال فاش يخرج فيه عينيه گوليه حنا تعدلنا انت ضيعتيني فأعز ما عندي ونا كدالك أو سيري أو خليه يتفرگع 😠
هزار : كملتي هضرتك .... منى : ااااه
هزار : اوا نوضي تگعدي سيري ترگدي راك غدي تنوضي بكري
منى :*جرات لغطا* تصبحي على خير أو فكري مزيان فدكشي لي گلت ليك غير تبعيني بربي غدي تربحي *رمات لها بوسة فالهوى أو نعسات
شحصية وعد 
جات نعيمة تدق عليهم مع 5:30 صباح كلشي ناض قافز تيهزو راسهم تيبان لهم مزال سمااااا مغوشية مزال گاع مبان لحال كلشي نايض زاااعف بلأخص منى وهزار لي منعسوش بكري ..
نعيمة : *تضرب فالباب بحال فياق العسكر* نووووووضو تگعدو راااه مزال تبعنا شلا مااا يتقاد ..
من لفراش ديريكت ناضو لعندها مزال معمشين أو ما شابعين من نعاس كلمة شدوها أو جوج كلمات تبخراااات فالهوى 😋

دغية فرقات عليهم المهام كل فين مشاااا شوية بداو سرباية تيدخلو عليهم شي 30 واحد كل شيف جايب معاه طاقم ديالو لي تيخدم معاك منى غير حالا فمها فتيتيز لي هجم عليهم دقة وحدة ...*الكاتبة سمر الغاشي
منى :وتي شوفو تيتيز البري اح اقلبي 🤩واش هدشي كامل غير حينت اول مرة تجي عروستهم لمزرعة هدشي بزااااف بصارحة راني حسدتها 😣
رجاء: لا مدام العسكوري كيفما جات من سفار تتجي تدير صدقة باش ربي يحمي عائلتها أو هدي هي مناسبة بغات تعرض على عائلة أو تحتافل بمرات ولدها حينت ولدها تزوج ف أمريكا أو دار عرس أسطوري عيط غير على ناس قلال غير رجال الأعمال عليها مو بغات ترضي العائلة ديالها أو ديال المرحوم أو عائلة عروستها أو بغاو إديرو حفلة صغيرة أو فنفس الوقت تصدق هاد لخيورات لي غدي إطيبو لشااف ..
منى : اممم ونا نفهم *جرأتها* ونت شكون لي گاليك هدشي ..
رجاء : ااااي أبنادم بشوية *تتحك فيها* سمعت الحاجة تتهضر مع مصطفى الگزار على اللحم بغااتو يحبس اللبيع هاد ليومين أو يبدأ يدبح غير لها حتا تگوليه باركة هو سولها أو هي تتعاود ليه علاش بغاو إديرو هاد الحفلة
شوية أو هي توقف واااحد طوموبيل كبيرة قدام المزرعة بداو سرباية تيدخلو اللحم او ليشاف تيغسلوه أو تيحطوه فطناااجر الكبار حينت كاين لعوين دكشي دغية وجد ف 3 سواااايع ولات طبلة لكبيرة لي محطوطة فالكوزينة فيها اش منك يا بساطل بجميع الأنواع اشمنك يا خرفان مشوية و زيد الدجاج محمر و العواصر و المشروبات الغازية بالأنواع او الحلاوي أشكال أو أنواع تيهزو من طوموبيل ويدخلو او هدشي كااامل تحت تسير نعيمة لي ولات كلها تترعد نزل لها ضغط
هزار تتجري گعداتها او عطاتها دوااا
نعيمة : لالا مبغيتش نشربو إلا شربتو غدي إجيب ليا نعاس
هزار : جدة بركة شدي شربي دواك باركة متبقاي تفكري فهادا أو داك فكري فراسك شوية
نعيمة : ما نصيبش ابنتي هدي مسؤولية ونا خصني نتحملها كلها ااااااااه اجي انتي غادية فين غادية مدرمة
رانيا : غادية غير نحط هاد الورد فبيت سي صقر
نعيمة : تحركي دغية باش تنزلو تبداو تستفو لكراسة او طبالي فجريدة مبقاش عندنا الوقت بزاف *
عطات لكاس ديال الما هزار او مشات دخلات عند شيف تشوف فين وصلو ....
نعيمة : عطاكم الله صحة أسيادنا
شيف : شكرااا الحاجة
نعيمة : عفاكم الا كملتو أجيو عاونو لبنات فتستاف ديال لكراسة أو فتزين جريدة
گاع سرباية خرجو معها لجريدة أو بقاو تيهزو أو تيقادو ديكورات أو ويعلقو لبولات .باش دنيا بليل توالي بحال شي ديسكو عامرة ضواو .

معرفتش علاش حاسة بغيتو تعرفو صورة ديال خالتكم نعيمة هههه هاهي 👇

شخصية نعيمة
 لبنات منين حلو عينيهم أو هما غارقين محكوش راسهم هزار أو جلال منى كل واحد فيهم غارق فدكشي لي مكلف بيه لدرجة أنهم تلهاو على لقضية ديال جورجي بدات شمس لي فوق راسهم تتهرس وبدا العد تنازلي كل واحد شد بلاصتو كان نظام جات نعيمة وقفات على رأس لبنات أو گالت لهم يمشيو لبسو لبسة لي حطات لهم فالكوزينة ديال تسربيا باش إكونو هما أو سرباية بلبسة وحدة مشات تتجري رانيا هزاتها أو دخلات البيت دوشااات أو لبساتها أو بدات تتصاوب فشعرها بلباك خلاتو مطلوق أو تقبلات مع المراية تتصاوب وجها ... *الكاتبة سمر الغاشي
*عند هزار*
منى: شفتك مزال ما وجدتي راااسك يلاه طلقينا ... شش ناااري جاااااو
خرجات تتجري لقات گاع لبنات لبسو أو خرجو تيتعرضو فالباب لعائلة العسكوري
هزار فيديها واحد تصويرة ديال صقر قطعاتها من واحد المجلة كان فيها هي أو مراااتو ..
هزااار : دبااااا تشووووف كلشي غدي يتبدل أو غدي نخليك تندم اصلا تيگول واحد المثال لي بغا إدير شحاجة ما تيبقاش إگول فيها يلاااه🤐
منى : هههه ويلي حمقة تتهضري مع راااسك هزار : *خبات صورة* لااااا
منى : زعمة نكدب انا عينيا
هزار: *وقفات* اوا صافي باركة خليني نمشي نوجد راسي
منى : غير بشوية عليك انا عرفاك غدي تموتي تشوفيه مزال گاع ماااا جا جاو غير خوتو أو مو فطيارة خاصة هو مزال غدي يتعطل شوية
*هزار : هزار تتلبس* ونا مالي علاش تتعاودي ليا عليه إجي ولا ما إجيش أخير همي
منى : امممم زعمة زعمة اوا على الله غير طبقي دكشي لي تنقري فيه 3 سنين هدي اوا عندك لقاك تاني دغية رجعتي تفگتي والله ياااا موك حتا توالي حاملة أو بقنبولتك توحلي فيه غير أنت
هزار *ضرباتها فراسها* سكوكو فمك يلحسو كلب
هزار گعدات قدام منى أو بدات تتقاد لها وجها
هزار : عندك تكتري ليا ديري ليا دكشي غير خفيف صافي
منى : ااااه غير سكتينا عارفة أش تندير..
كيف جاو عاىلة العسكوري بداو تيطلعو لهم ف لفاليز مشاو تيزربو بداو تيقادو رااسهم من بعد ساعة نزلات مريم كانت لابسة قفطان فالgرونة ظهرو مشبك ونص كم صدرو محجر بلأحجار الكريمة طويل كايتجرجر صايبات شعرها بالمقلوب ودارت ميكاب تقيل إيلاف لبسات كسوة قصيرة فوق الركبة كمامها مزيرين فالحمر ظهرها عريان والكعب عالي فالكحل جمعات شعرها على شكل كعكة دارت ميكاب جريئ ايلين كانت لبسة قفطان فالخزي كان كلو تيرتي مفتوح صدر من لفوق مكياج ثقيل أو شعرها جمعاه فمشيطة نزل زيدان كان لابس لباس رسمي فالكحل وبابيون فالحكل كان فكامل اناقتو... طاح ظلام وبداو ناس يجيو بداو تيطلو بنات بتخبية أو تيشوفو ناس تيشوفو دكشي جاهم فشكل غير ناس راقين ولبسهم واعر كل واحد شاد فوحدة وكايتمشاو بنخوة وقفة مريم أو ولدها زيدان تيستقبلوهم.
وقفات واحد لموزين بيضة قدام المزرعة بداو فالكلاكصون باش إعلموهم بالي العرسان وأخير وصلو خرجو العائلة كاملة أو صحافة لي كانو قدام الباب تستقبلهم بثمر أو الحليب أو بالدقة المراكشية وصوت الزغاريت والاهازيج.... خرج مولاي السلطان فكامل اناقتو مبتاسم لابس كوستيم أسود وقميجة بيضة مفتوحين ليها الصدايف اللولين وسباط بلا أسود كايلمع ساعة فيديه فالكحل شد فيد وعد حتا خرجات لي كانت متوترة أو أسعد وحدة فديك اللحضة ...أو بدات تتسلم عليهم
دغية جراتها.أمها من يديها أو طلعاتها لبيتها باش تبدل كانت خبير تجميل فالبيت تتسناها أما صقر كان مجمع مع صحابو أو لعائلة لي شحال هدا مبقا شافهم كانت الفرحة باينة فعينيه عكس هزاااار لي كانت محطمة أو هازة صينية أو خدامة تتسربي ضيوف فديك الحفلة كانت تتشوف فيه من بعيد
جاا زيدان جاار صقر أو طلعو الفوق أو عطاه بيتو إيبدل فيه ...*الكاتبة سمر الغاشي*
ضيوف من بعد الإستقبال كل رجع لبلاصتو
والموسيقى بدات كتعالى فديك جردة كلشي كيشطح و ناشطين المؤكولات بجيميع انواعها كيضوروها فالقاعة
صقر فهاد الاتناء طلع لبيت خدا دوش بزربة لبس قميجة فلبلون كاسي و سروال فلبيض مع سمطة فلقهوي و كرافاط فلقهوي صباط قهوي كلاص و مطلع شعرو للفوق و ريحتو عاطية و نقص شوية من اللحية و قادها و فيديه ساعة كحلة جديدة غالية و خاتم الزواج مزين يديه...
أما عند وعد كااان خبير تجميل فيكتور أو الفريق ديالو من بعد دوش دغية بداو لها فالمكياااج لي كان ثقيل ديال مناسبات أو دازو الشعر خلاوه لها مطلوق أو بوكلي أو لگصة مقلوبة فجنب او زينو لها شعرها بوردة حمرا بحالها بحال الفستااان لي لابسة شوية أمها بدااات تدق على صقر لي كان وااجد خرج أو وقف قدام الباب تيتسنا فوعد تكمل من بعد ما هز يدو فيكتور منها بدات مقابلة مع المراية فرحانة أو تتغني أو عاجبها راااسها ...دق صقر أو دخل غير شافها بقا مصدوم من جمالها
. جرها و خشاها بين ذراعو و حطات يديها على صدرو و عينيها معسلين و دايخة فيه
صقر : *همس فودنها*ماتهبطيش

هاكدا بدلي حوايجك
وعد : (تحلوين) حتا انت جيتي زوين *قبلة* انا خايفة غير تشوف شي وحدة التحت تعجبك (غوباشة)
صقر: و كاضني نتي بلي انا غانشوف فشي وحدا خرا من غيرك مكاينة حتا وحدة تقدر تبعدني عليك .انت ملكتيني كلي من راسي تال رجلي عيني كاتشوفك غير فيك
وعد حشمات أو نزلات راسها هز راسها أو باسها بين عينيها
هبطو،بزوج وعطا ايدو لوعد لي خشات ايدها فيدو وتمو هابطين مع دروج ونكافات وراهم كيصليو على نبي خواتاتو والعائلة ديالها وديالو كيصورو كلشي كيزغرت وتابعهم من لور هالي يقاد ليها من هنا هالي يشير ليها من هنا خرجوها حتا خرجو على واحد زربية طويلة حتال وصت ناس هو منزلش عينو ولو دقيقة وحدة عليها بداو تيرقصو على أغنية رومانسية كلشي وقف أو تيشوف فيهم ويصفق عليهم أو هي مقربة منو أو محاوطة يديها على عنقو أو راسها على صدره أو نفسها تضرب فوجهو أو تتشوف فعينيه شوية دخلو فقبلة كلشي وقف أو تيصفق أو تيصور فيهم *الكاتبة سمر الغاشي*
كانت هزار تتسربي فواحد طبلة ديال عائلة وعد غير شافتهم حلات فمها مصدومة بغات تحط لكأس فوق طبلة حطاتو فالخوا أو مجاش فين يتخوا غير على غزلان أم لعروسة
غزلان ولات بحال شي مجنونة منين شافت الكسوة فيها طبعة كبيرة حمراااا
غزلان : شييييييت حيوااااااانة أش درتي وااااش عمية *هزار مصدومة أو حالة فمها*
هزار سمح ليا اختي عفاك أختي والله
*وعد جاية تتجري قطعاتها* ششش قطعي حسك او مزال عندك لوجه لي تتهضري معايا واش عارفة ثمن هاد الكسوة لي لبسة ماما بشحال رآه مغديش تسواك لا أنت ولا تصيلتك كاملة انت غير وحدة فقيرة جاهلة أو موسخة اكيد مغديش تفهمي دفعاتها بجهد أ
او طلعات تتجري بغات تبدل حوايجها جات نعيمة بجرا جرااات هزاار
نعيمة : * بالغواات* تحركي ارجاااء تبعي مدااام غزلان باش تبدل حوايجها ونت زيدي تحركي قدامي ...
دفعاتها دخلات البيت ...
نعيمة : غدي تبقاي هنااا مغديش تخرجي حتا تكمل هاد الحفلة لا تزيدي تبهدلينا شي تبهديلة خرى


نهار جديد ⁦🌝
شرقات شميسة سخونة فالمزرعة نعيمة كيف لعادة فيقات البنات باش يبداو فتوجاد الفطور .بداو البنات فتوجاد الفطور حتا ولات طبلة عامرة ترئسات كيف العادة مريم فطبلة او بداو ولادها تينزلو بشوي بشوي ..
نزلات وعد لبسة كسيوة فالبيض فيها وريدات فالزرق أو طالقة شعرها أو مكياج خفيف .جرات الكرسي گالت صباح الخير أو گعدات *الكاتبة سمر الغاشي*
غير شوية أو تبعها صقر كان داخل عليهم لابس سرواال سود وقميجة فالسود و فاتح الصدايف اللولين ديالهاا ومن تحتها باينة رقبتو الطويلة اللي تتوسطها الرجولة ببشرة مسمرة وملامح شرقية بامتياز داخل وهو كيجمع كمامها بطريقة مثيرة وداير ساعة فيدوو شعروو سود القصير والكتييف اللي مرجعو للور وملامحو رجولية كان مبوودر عليهم عضلاتو بارزيين ولحيتوو قصيرة والمطراسية و اللي زادتو وسامة وجاذبية وعليه هالة غريبة متقدم لعندهم كيلعب فساعة فيدو وكيهضر معاهم باس راس أمو أو جر الكرسي أو جلس بهدوء أو عينيه غير على وعد لي كانت فجنبو شد يديها أو باسهم أو رجع بدأ تيفطر
هزار مقبلاه من بعيد أو سارحةفيه وفحركاتوو ورجولتو..
من بعد ما كمل فطورو اول حاجة دارها مشااا لإستطابل دخل بكل هبة وقاار او هو فرحان أو تيلعب مع جميع الخيول لي عندو حتا وصل لمكاان ديال جورجي مبانش ليه خرج عينيه أو بدأ تيقلب شوية بدااااات تيغوت حتا قفزات نعيمة ...
نعيمة : *ياربي سلامة جاية تتجري* نعام اولدي صقر أش وقع مالك تتغوت
صقر ؛*بالغوات* فينو جورجي مكاااااينش بلاصتو شكون هزو
نعيمة : خلعتيني أولدي بلا متغوت ولا تعصب رآه معندو فين يمشي *بدات تتعيط على جلال*....
جلال : نعام الحاجة ...
نعيمة : سي صقر تيقلب على جورجي فين كاين واش هو لي كانت تتغسل ليه
بدأ جلال غير تيشوف معرف ما إگول أو غير تيشوف فصقر لي كانو ملاميحو ممفسرينش عاد تيزيد يفشل ...
جلال:*بالغوات* هضررر أبنادم ؟..
جلال: بصارحة مكاين ما نخبي عليك اسي صقر والله مااا نعرف فين مشا
نعيمة حلات فمها 😮
صقر : ههههه تضحك معايا ياااك *شنق عليه حتا خرجو عينيه*
نعيمة :*تتجر فيه* عفففاااااك أولدي طلق راااك غدي تقتلو *جلال رجع مجيف * صصاااافي طلااااااق
بصعوبة باش طلقو أو جات نعيمة بينهم
صقر :*كلو تيترعد* هضر أولد ق....بة فين درتيييييه
يلاه بغا إطير عليه تاني نعيمة وقفات تحت رجليه دغية حبس أو رجع لور أو تيشوف فيه أو يديه تيحك بها عنقو . .أو تيحاول يتحكم فراسو
نعيمة : *تتشلشل فيه* هضر خلاص أو گولي كيفاش حتا ضاع من يديك ولا غدي نعلم بيك البوليس *جلال خاف على هزار شوية تفكر كلام منى منين گالت ليه خلي كلشي علينا أو غير خرج انت راسك من هدشي كلو * وطلقناااااا خلااااااص گول أش كاين
جلال : هزااار *صقر خرج عينيه* هزاااار الحاجة هي لي خرجاتو ونا مكاينش
نعيمة : لا مستحيل هزار متقدرش دير شحاجة بحال هكا هدشي غير كدوب أولدي رآه غير بغا إجبد صداع البنت ولدي أو لصقها فيها باش إهرب راسو
صقر * مزادش معها الهضرة * سيري أدادا گولها تجي لعندي المكتب دبااااااا
مشااا زاااعف غدي فدروج أو تيفوت درجااات بربعة وجوج أو وجهو ألوان طيف لي تطلع فيه ...
هزار كلها تترعد ...
منى : تهدني اصحبتي متخافيش ديري كيف گلت ليك
هزار : انا مخيفاش منو *تتحاول تشجع*اجي ويلا دخلني الحبس اش ندير
منى : مكلخة ديك ساعة غدي تبداي تهدديه بالي غدي تگوليها لمراتو أو تخرجي على زواجو أو حتا غدي تگولها لصحافة ساهلة
هزار : صافي وخا دبا مزيان
جات نعيمة تتجري كلها تترعد بغات طيح قدامها..
هزار : ااااي غير بشوية
نعيمة :*مخرجة فيها عينيها* هضري واش دكشي لي گال جلال صحيح واش أنت لي وضرتي لعاود ديال صقر
هزار *رافعة راسها لسما* ااااااه انا أو ماندمناش هاااااد العائلة ديال زبل تستااااهل غي....... *مزال مكملاتش هضرتها لقات نعيمة عطاااتها واحد طرشة مشااااات حتا رضها الحيط ...
نعيمة : حمااارة ونا گاعدة ندافع عليك ونگول مستحيل رآه غير بغا إلصقها فيك تحركي سيري طلعي عندو ولي دار فيك تستهليه أو متحلميش نفكك من يديه باش تعلمي توصلي الحوايج لي ماشي ديالك .
هزار عينيها مغرغرين بدموع أو شادة فوجها .؟
مسحات دموعها أو بقات تتشوف فدروج لي گدامها تتحاول تكون قوية أو متضعااافش ..
طلعاات أو عينيها غير على المكتب ديالو حتا وقفات قدامو أو خدات نفس عميق أو دقاااات أو دخلات لقاتو واقف أو خاشي يديه فجيابو أو عاطيها بضهر ...
ضار جهتها بقا تيشوف فيها شوفات ديال رعب تم جاي جهتها أو هي رسمة بتسامة فوجها تتحاول تحكم فراسها وتلعب دور لي قراتو سنين هدي صقر منين شاف ضحكة زادت جعراتو جااا بزربة جرها بجهد ردخها مع الحيط *الكاتبة سمر الغاشي*
صقر :لااااااش بغيتي توصلي الكلبة *شدها خنقها بزوج يدين * هضري فينو جورجي ولا ندفن القحبة مووووك هنا هضررررري *زاد زير عليها أو هو معصب شافها مبقاتش قادرة تنفس طلقها بدات تتكح أو تتحاول تنفس
هزار :مغديش نگوليك دبا تعادلنا جوجري مغديش مزال تحلم بيه وااااش تتفهم الحمار *بقا غير واقف تيشوف * فين كنتي شحال هذا عااااد رجعتي بااااش تهرسني ياااااك انا تنبان ليك بحال شي حشرة فالأرض عايف حتى الشوفة فييييها ستغليتيني .(بقى ساكت) وخا انت كانتي عارف قداش انا تنبغيك شنووو باقي باغي منييي هاااا شششششششنو !? شووووووف حالتي كيف رجعات كلشي بسبابك أنت إنسان حقير معمرك محسيتي بيا خليتيني نحس براسي بحال شي جفاف كملتي منو ومسحتي فيه رجليك ..كرامتي وجففتي بيها الأرض ...الظلم وظلمتيني .تكرفستي عليا ف ليلة وحدة خليتيني معمرني نساها طول حياتي وجاي دبا تتحاسبني انت أخير واحد إحاسبني واش تتفهم كيف ضيعتي ليا أعز حاجة عندي انا ليوم بغيتك تحس بنفس الإحساس لي حسستيني بيه ديك الليلة ما كفاكششش هاد العذاب لي عششششتو وباقي عيشاه ...إلا كثر من هكا غير قتلني وهنيني بمرة ..(يلاه دفعاتو بغات تمشي جرها بجهد أو قربها لعندو كانو عينيه حمرين وصوتو مخنوق)
صقر : كولشي داك نهار كان برضاك علاش جاية اليوم تتلوميني على شحاجة انت لي كانت مسؤولة عليها جاية بليل لبيتي أشنو كانتي تتوقعي اكون بنا من غير هدشي *دفعها*
مكلخة واش كانت متوقعة انا نقدر نشوف فشواحدة بحالك مثلا انت غير خدامة أو هكا غدي نبقا نشوفك حلمتي بزاااف أما على شرفك كون كانت غير قاومتيني من لول أو مكانتيش بغيتي نتقرب ليك مستحيل غدي نقرب ليك دباااا متبقايش تفرعي ليا راااسي وثمتلي عليا شراف والعفة
أو دكشي اااااااااه ولا فهمت انت كانت باغية الفلوس *مشا المجر * تنضن هدو غدي إكونو فالكيفاية باش تنساي ديك الليلة المنحوسة لي فرعتي ليا راسي بها
زاف عليها بيهم أو رجع گعد فبلاصتو أو بقا تيشوف فيها شوفات الإحتقار
صقر : دباااا مزيان هحنا قضرنا نفكو المشكيلة ديال ديك الليلة خلينا نرجعو الموضوع ديالنا لي موهيم أو بزاف أو اهم عندي من ديك الليلة يلاه گولي فينو جورجي
هزار بقات مصدومة مكانتش متوقعة گاع هدشي كامل هو هاد الليلة مكانتش گاع تتعني ليه والو بدات تتبكي أو تتلوم راسها حينت هاد سنين كاملة كانت تتفكر غير فيه أو هو گاع ممسوق لها *هضر حتا قفزات *
صقر :*كارزعلى سنيه * هزي فلوسك أو طلقينا هضري گولي فين درتيه ولا نحلف ليك بالله حتا غدي نخليك تشوفي *مزال مكملش هضرتو *
حتا صقر هزات يديها حتا هزاتها أو عطاتو تصرفيقة لي خلاتو يفشل أو گاع روجولتو طيح فديك اللحضة عينيه مخوضين أو عروقو بارزين يلاه جاي لها مشات تتجري حلات الباب لقات مرتو قدام الباب تصدمات منين شافتها فديك الحالة أو تتشوف فصقر تابعها غير شاف وعد بقا مبلوكي أو تيشوف فوعد لي عينيها فيهم الف سؤال خرجات من صمتها
وعد : شواااااااحد يشرح ليا أش واقع هناااا أو دبا *كلها تترعد *
هزار :اهئهئ اهئهئهىهىهى *شدات فيديها* عفاك. اببببببعد مننننننننني منننني انئهئهئ عاونيني انا خايفة منو بززززززززاف هو. تعداااا عليا *بدات تتشوف فيها * انا كانت تنطلبو باش يرحمني ولكن هو مبغاااتش اهئ اهئ عفااااك متخليهش إقرب ليا الله إخليك *
وعد بقات غير تتشوف فصقر لي كان مصدوم اوو تيبلع فريقو أو تيضور فعينيه قرطاسة كثقتل

تعليقات

🔴 ممنوع قراءة القصص المخيلة للآداب و أنت على صيام