القائمة الرئيسية

الصفحات

قصة وقعت في شباك محجبة الجزء الثالث

قصة وقعت في شباك محجبة الجزء الثالث . 9isas . 9isas zawaj

قصة وقعت في شباك محجبة الجزء الثالث

قصة وقعت في شباك محجبة

9isas

وإلا دخلت كاع فمغنركزش مع الخدمة وأفكاري مشوشين ففضلت نمشي لدار نشوف الواليد والواليدة ادا قبلو بعراضتي الغداء وصلت لقيت عمي احمد رجل مسن خدام عدنا من وانا مزال كاع مكاين حاسبينو واحد منا ماشي غير شي واحد خدام عدنا اصافي و من وانا صغير عزيز عليا بزاف كنعاود ليه كلشي لقيتو تيسقي جردة مشيت العندو
انا: السلام عليكم
احمد: وعليكم السلام اولدي جابك الله نيت تعاوني
انا بإلتسامة: الله ياودي م حبا نعاونك علاش لا
احمد عطاه تيو: هاك سقي هاد نبتات وانا انقاد هادو
انا شديت من عندو تيو دالماء: اهاا ابسم الله
احمد: واسقيهم مزيان الله ارضي على ولدي
انا: غير كون هااني اعمي
احمد: اوا اولدي واش صافي قررتي ترجع تستاقر فبلادك
انا: اه داكشي لقلت
احمد: أحسان حاجة اولدي ترجع تعمر بلادك اتعمل ولادك حتى نتا
انا: اودي اعمي زواج معلى باليش بمرة
احمد: علاش اولدي
انا لحت تيو وجلست ف دريجات لتيديو جيهت لابيسين: راه زواج اعمي مسؤولية كبيرة
احمد: ايه اولدي مسؤولية كبيرة والاكين اولدي نتا رجل بخيرك مخاصك والو
انا درت ليه اجي اجلس هدايا: ماشي من جيهتي انا اعمي من جيهت المرة كاينة لمتتقدش تحمل المسؤولية وهمها الواحد تقاد راسها وتخرج عند صحاباتها الا كل نهار ضل تقيل فشوبينغ والعراضات مع صحاباتها وتزيدها متحتارم حد
احمد جلس حداه: فهمتك اولدي وهادشي لتيمنعك تفكر تبني حياتك مع شي بنت
انا: اه داكشي لتيخليني منفكرش فزواج نهائيا
احمد: همم اوكيفاش بغيتي تكون شريكت حياتك
انا تنشوف قدامي فجردة وتنهدر: بغيتها تكون إنسانة مأدبة ومحتارمة "فجاتا جات على بالي" عائلتها هيا لولة وتكون قادة على المسؤولية وإنسانة واعياا ومتفهمة تشارك معاك كلشي تفرح لفرحك وتحزن لحزنك
احمد تنهد: انا متأكد اولدي دابا تلقااها بإذن الله غي صفي نيتك

احمد تنهد: انا متأكد اولدي دابا تلقاا لبغيتيها بإذن الله غي صفي نيتك ميكون غير الخير
عثمان من وراهم حنحن: احم
درنا عندو وحنا مستغربين زعما اكون سمع كلشي
انا: الواليد
عثمان كيشوف فيه: ياك مقاطعتكم
احمد: لا الله ياودي
انا: من امتا جيتي
عثمان بتاسم ليه: انا كنت غير هنا ممشيت فين
انا: لا زعما امن امتا ونتا هنا
عثمان: نفهم منك بلي تتجري عليا
انا تنشوف فيه ونشوف فعمي احمد: لا غي سولتك اصافي مهم نخليكم
عثمان: فين غادي
انا: انمشي نشرب شي دواء لراسي تنحس بيه ضارني
احمد: سير اوليدي بشفاء
انا يللا بيغيت نمشي وانا نتفكر: اه نسيت اشبان ليكم نخرجو اليوم نتغداو مجموعين
عثمان تيفكر: همم واخا انا معندي تا مشكل شوف غا ماماك الا بغات
انا: اوكي انشوف
دخلت نشوف الواليدة الا بغات نخرجو نتغداو فشي بلاصة وخليتهم بزوج تيهدرو.
_________________ضحى___________________
منين هبط مبقاش بان لياا تعجبت منو معرفت مالو من المطعم احالو مبدل دخل الشاريكة طلعت البيرو ديالي وانا مقدراش نركز فحتى شي حاجة جلست مودة غير شادة راسي وكل مرة تفكيري امشي ليه هزيت تليفوني ونزلت العند سناء لقيتها محنية على شي ملف
انا: السلام عليكم
سناء هزات راسها: وعليكم السلام
انا: كيف راكي بخير
سناء: لاهيلا بيخير اش طرا وجرا حتى جيتي تزورينا
انا تنشوف فيها زعما منيتك: تقولي عمرني حيت العندك
سناء دارت صبعها فوق فمها كفحال الا تتفكر: اممم صراحة اه مرة مرة منين تتبغي تمشي
انا ضحكت: ههه وا الخدمة هيا لولة
سناء: اوا وكان ساليتي
انا: اش غانسالي اصلا مسيو هيتم مكاينش وتا راسي تنحس بيه خااوي
سناء: ادا اشبان ليك نخرجو اليوم بزوجات
انا: علاش لا فكرة زوينة
سناء: ياكي بعدا نيت من شحال هادي مخرجنا مع بعضياتنا او لا
انا: ايه ولاكين واش

انا: ايه والاكين واش معندكش الخدمة
سناء: لا داكشي لغندي هاني تتشوفي ساليتو نمشيو
انا: واخا مي صبري تانجيب صاكي ونجي
سناء: واخا سيري انا تنساينك قدام شاريكة اوكي
انا حركت ليها راسي بمعنات واخا
مشيت بزربة باش منخليهاش تتساين بزاف هزيت صاكي وخرجت لقيتها يلا وقفات طاكسي مشيت جهتهم طلعت حداها وديمارا معرفت حتى فين
انا: اجي بعدا فين انمشيو
سناء: انمشيو نتغداو فالمطعم ليف حدا البحر
انا: همم دالحوت
سنا: هدااك ههه
انا:الله ارضي عليك نيت كان فيا جووع
سناء: اجي اشبان ليك تصوني على اسماء تجي تلحق علنا
انا: واخا الا مكانتش تاهيا خدامة بعدا
صونيت على ختي لقيتها مسالية قلت ليها تلاقانا فالمطعم لي على البحر اوافقات مودة ديال طريق حتى وصلنا خلسناه ازدنا المطعم دخلنا شدينا طبلة انا وياها ابقينا تنساينو اسماء تجي
سناء ننشوف جيهت البحر: ياه عرفتي من شحال هادي مجيتش لهنا
انا: وايه الجو دالبحر تيريح والاكين الا ريحتي فشي فبلاصة مفيهاش الناس
سناء: بالعكس عرفتي مكرهتش نمشي نعوم
انا تنهدت: مزال مهداك الله توبي لطريقو راه اسناء تقزاب اكترت المكاب اوكترت دراري راه داكشي ممسلككش.

{وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ
أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ}
كتهدر معاها وتنصحها وهيا ساكتة ومراضينش البال الأعين لي مترقباهم ولي سمعو كلشي
ضحى: وقال الله تعالى ايضاا{يَا بَنِي آدَمَ قَدْ أَنزَلْنَا عَلَيْكُمْ لِبَاساً يُوَارِي سَوْءَاتِكُمْ وَرِيشاً وَلِبَاسُ التَّقْوَىَ ذَلِكَ خَيْرٌ ذَلِكَ مِنْ آيَاتِ اللّهِ لَعَلَّهُمْ يَذَّكَّرُونَ}
فيكون فعيلمك اسناء بلي بهاد البي لي تتلبسي فتحتي عليك بيبان جهنم فتنصحك كا اخت طا صديقة كا إنسانة بغات ليك غير الخير توبي الى الله رجعي لطريق الحلال وخلي طريق الحرام اسناء
سناء تتسمع ومتنكرش تأترات وبزاف هيا عمرها فكرات فهادشي ولا فكرت فداكشي لقال او لوصا بيه سيدي ربي غير تتشوف داكشي المقزب تتقول انتير الإنتباه وغانال إعجاب الناس امكانتش عارفة بلي غادية فطريق الخاطئة
سناء شدات فيد ضحى: كانواعد اختي بلي غندير بكلامك وغنتوب ونرجع لطريق الله منكرش كنت غافلة بزااف وكنشكرك حيت حليتي لياا عنيي وفكرتيني بلي انا مسلمة والمسلمة تتوفي بكلام الله
انا فرحت منين عرفات بلي كانت غالطة فطريق لكانت ماشيا فيها: هدا الواجد ديالي فمتحتاجيش تشكريني الا بغيتي بصاح تشكريني فديري بكلامي ورجعي الطريق المستقيم فتأكدي اتكوني قدمتي لياا شكر كبيير
سناء ناضت لعندها عنقاتها: إن شاء الله غنرجع نسلك طريق صح ونخلي طريق الحرام اعمرني مزال نفكر ولاو مجارد تفكير نرجع ليها.
انا بإبتسامة واسعة: إن شاء الله تبارك وتعالى
اسماء جات لقاتنا معانقات: ياك لاباس شفتكم معانقات ياك ما شي وحدة فيكم دواو فيها
انا بعت منها


انا, بعت منها:, الا اشمن حتا نتي
أسماء سلمات على سناء اعليا وجلسات : اهاا وافهموني علاش كنتو معانقات داكشي كل محبة زعما
سناء: انرجع نولي بحالكم
أسماء بستغراب: كفاش الله مفهمت والو
انا: احم الالة سناء قررات توب وتمشي فطريق صح اتبعد على كل حاجة تبعدها على الله
أسماء بإلتسامة واسعة: واش بصاح هادشي
سناء: اه داكشي لي لقتينا معانقين عليه
أسماء شدات فيدها: صراحة فرحت ليك امكاين محسن من رجوع الى الله
انا: إن شاء الله يكون خير اوا مغطلبوش لينا شي حاجة
أسماء تسندات على الكرسي وجمعات اديها العندها:اوا انا نتوما لعرطوني
انا: المعنى
أسماء: طلبو وعلى حسابكم
سناء: ههه جايا بجوعك
انا: واييه داكشي لتايبان ليا فيها
أسماء: اناري شفتكم تيقتو را اتنضحك معاكم
سناء: اوا منعرفو
اسماء ضارت لجنبهم اهياا تشفو: ضحى ماشي عمي احمد هداك
انا ضرت نشوف وانا نتصدم ماشي غير عمي احمد لكان كان معاه حتى مسيو هيتم ومرة ورجل كفحال الا فايت ليا شتو مي معقلتش
سناء: ويلي ومعاه حتى مسيو هيتم
اسماء بتساؤول: شكون هاد هيتم
سناء: المدير دالشاريكة لخدامين فيها وحتى سي عثمان معاهم ومدام كنزة لي هوما واليدين مسيو هيتم
انا مستغربتش منين عرفاتهم وهيا كانت خدامة فشاريكة قبل مني: وايني شنو تيدير معاهم عمي احمد
أسماء: زعما يكنو الناس لخدام معاهم
انا: واقيلة داكشي لبان لياا
اسماء: نمشو نسلمو عليه حشومة ايقول مقالو لي حتى سلام
انا:واخا
سناء: نتوما سيرو وانا انشوف اش ناخدو
انا و أسماء: اوكي
ناضت اسماء ونضت تنا تبعتها
_______________

____هيتم__________________
بعدما شفت الوالده اوافقات تخرج معانا مشيت لبيتي بدلت حوايجي لبست كلشي فالكحل من غير تجاكيط لي لنو فالكرونا خرجت البالكون هزيت تنكمني حتى تطيح ليا هضرتها فبالي 
بقيت تنفكر فيها حتى كيقاطع تفكيري تليفون لي تيصوني كان اتصال من امريكا خداو موافاقتي على ود شي وراق وقطعت معاهم طفيت الكارو فطفايا ازت هبط لقيت الوالدة يللا خارجة من بيتها مقادا راسها باش نخرجو نزلنا بزوج لقينا الوالد وعمي احمد واقفين حدا لوطو ضحكت معاهم شي شوية وزدنا شدينا طريق المطعام لحدا البحر هو لختارت الوالدة نمشيو ليه وصلنا سطاسيونيت لوطو وزدنا دخلنا المطعم شدينا طبلة وجلسنا تنهدرو ونضحكو حتى تنسمع هدرة من طبلة لي حدانا هاد صوط مؤلوف علياا كنهز راسي لي كنت حانيه على تيلي وتتبقشش فيه حتى تنلقاا ضحى و واحد البنت خرى لمتأكد بلي خدامة حتى هيا فشاريكة مع قشعتهم مامرة مازوج مع بعضهم فالشاريكة ولي تيصدمني كتر هياا هدرتها كانت تتنصحها انها توب اتبعد على طريق لسلكاتها بقيت تنسمع وتنتصدمت فنفس الوقت ماشي غي نهار على نهار تتصدمني لا ساعة على ختها تنسمعها كفاش حافضة ايات من القران وعارفة مزيان شنو لي وصا عليه لخلقها بقيت تنشوف فيهم اتنسمع تاجات عندهم بنت خرى لابسا كيف لبس د ضحى زلت نضاري منهم وبقيت ملاهي مع الواليد والوالدة ومع عمي احمد لجالسين تيتفكرو يمات منين كنت صغير حتى تنشوف ضل قدامي هزيت راسي وانا نلقاهم واقفين حدانا بزوج
ضحى-أسماء: السلام عليكم
الكل من غير هيتم: وعليكم السلام
أحمد بإبتسامة واسعة: هه اهلاا اهلاا ببنات صحبي ببناتي
أسماء: عمي احمد كيف راك بخير
احمد: الحمد لله ابناتي انتوما لاباس
ضحى: لله ماليك الحمد اعمي غير شفناك منين كنا جالسين اقلنا نسلمو عليك شحال هادي مباقي شفناك
أحمد: اودي ابنتي اشغانقوليك هانتي تتشوفي داتنا دانيا والحاج محمد لاباس عليه شحال هادي مشفتو
أسماء: هاد الساعة الحمد لله لاباس عليه
عثمان بإبتسامة: جلسو ابنتي متبقاوش واقفين
ضحى: لا شكرا
 ضحى محنيا راسها: لا شكرا خلينا صحبتنا بوحدها
عثمان: واخا ابنتي نتوما تعرفو
أسماء: يللا اعمي طهلا فراسك مخصناش نتعطلو من دابا لشي ساعة خاصني نرجع الخدمة
أحمد:واخا الله اوفقكم ابنات
ضحى شافت فكنزة: سمحو لينا الا صدعناكم
كنزة: الله ياودي مصدعتونا بوالو كن غي تكلسو معانا مي مبغيتوش
ضحى: لا شكرا اخالتي خلينا الخدمة غي جينا نتغداو ونرجعو
كنزة تتشوف فيها بإعجاب كبير
أسماء: يللا بسلامة نخليوكم
احمد تيشوف فيهم راجعات لطبلتهم: بسلامة ابناتي
عثمان: احمد عمرك قلتي لينا عندك شي خوك
احمد بتاسم: هه لا هادو بنات صحبي واحد الرجل الله اعمر ليه دار رجل محتارم ومربي بناتو احسان طربية
كنزة تتشوف جيهتهم: باينة فيهم تبارك الله
احمد: اييه ونعمة التربية من صغرهم اهوما هوكاك ديما سترات راسهم ميهزوش فيك عنيهم الا اهزو عليك صطهم عمرني شفت كيفحالهم عارفات بينهم ابين الخالق سبحانه بنات واعيات امتعلمات
عثمان شاف فكنزة اضار شاف فهايتام لي تيسمع اعنيه عليهم: واش بزوج بيهم تيخدمو مع بعضهم
أحمد: لا بنتي أسماء ممريضة امزالة متبعة تكون طبيبة إنشاء الله وبنتي ضحى..
انا يللا بغا اكمل وانا نقاطعو بلا منحس: خدامة عندي فشاريكة
كلشي تصدم وتيشفو فبعضيااهم افنفس الوقت فرحو
كنزة: واش بصاح اولدي إنا وحدة فيهم بعدا هيا ضحى
احمد: البنت لي قالت سمحو لينا الا صدعناكم
كنزة بإبتسامة واسعة دارت شافت فعثمان وهمسات ليه فودنيه وبتاسمو بزوج.
كنزة شافت فهيتم: تبارك الله عليهم عجبوني بزاف كن كانو عندي شي ولاد خرين كن زوجتهم ليهم
انا بقيت غير تنشوف فيهم شي تيشوف فشي وشي تيوشوش لشي مبقيت فهمت والو شافت فيا الوالدة منين قالت ديك الهدرة وانا تنتخيلها مرت خويا بلا منحس نضت خرجت البرا وخليتهم مفاهمين والو.
كنزة: اويلي هدا مالو

كنزة اويلي هدا مالو
عثمان: علاه هدا اتفهمي فيه شي حاجة ديما معصب يلاطيف
كنزة دارت لعند احمد: سي احمد عرفتينا فاش تنفكرو ياك
احمد ضحك: هه عرفتكم فاش تتفكرو وتا انا فكرت فيها
عثمان: منلقاوش ليه فحالها
كنزة شافت جيهت البنات لناضو اخرجو اوا اشبان ليك تعرفنا على سيد
احمد: إن شاء الله غدا نيت الا بغا الله
خرجت البرا وخليتهم كيهدرو ديك الهدرة لقالت ليا الوالدة جاتني فشكل حسيت بإحساس غريب واخا عارف بلي معنديش خوتي اصلا ولاكين مجراد تخيل اكون عندي خويا وتكون مرتو تنحس بالفقصة بقيت برا تنكمي عالله نتهدن كميت تاحسيت براسي مزيان يللا بغيت ندخل وانا نشوفهم خرجات بزوج تيضحكو اوال مرة نشوف ضحكة ديالها بقيت تابعهم بعيني حتى غبرو من قدامي عاد دخلت.
عثمان: فين مشيتي
انا: غير هناا
كنزة تتشوف فيه اتتبتاسم ديك الإبتسامة د عقت بيك اولدي
انا شفت فالوالدة تتشوف فيا وديك الإبتسامة عندها ماشي عادية وفهمتها اش قصدات بيها: احم بغيت نقوليكم بلي انصافر الأمريكا اليوم فالعشية
كنزة بتخوف: ك كفاش
انا شفت فيهم كلهم مخرجين فيا عنيهم: انصافر غير شي يمات على قبل الخدمة انرجع
عثمان عاد تنفس براحة: شحال اتبقا تم
انا: شي 6 يام هكاك مهم على حساب
احمد: الله اديك على خير اولدي
انا شفت فيه بمعنات آمين
__________ضحى__

_______
سلمنا على عمي احمد لي هو صاحب بابا من صغرنا وحنا عاقلين عليه ورجعنا لطبلة ديالنا تغدينا دغيا مع مشا الوقت وخرجنا شدينا طاكسي انا وسناء الشاريكة و اسماء تهيا مشات الخدمتها
سناء: ضحى
انا كنت مسندا على زاج دسرجم هزيت راسي وشفت فيها: نعام
سناء: بغيتك ادا كنتي مسالية نديرو شوبينغ
انا: إن شاء الله علاش لا
سناء حطات ادها على دقنها وتتخيل: هااح متشوقة نعرف كفاش انطلع غدا
انا ضحكت على هبالها
 أنا: ضحكت على هبالها: اطلعي زوينة الحجاب تيزيد نور على نور
سناء: متحمسة بزااف عرفتي عمرني نسا ليك هاد الخير
انا: إنا خير تانتي راكي صحبتي زعما
سناء: اه ولكين كون ماشي نتي لنصحتيني وحلتي لياا عنيا عمرني نفكر نتوب
أنا: درت غير لي عليا والباقي عليك
سناء: كنوعدك انرجع لطريق الله وغنخيبش ضنك فيا
انا تنهدت: إن شاء الله
داز نهار اليوم طاير بعد ممشينا الشاريكة وصلات الوقت لي تنخرج فيها هزيت ساكي وخرجت شديت طاكسي الدار اليوم كنحس براسي عيانة بزااف وصلت لدار مع 5:00 دخلت لقيت الأم ديالي تتوجد لينا فالكاسكروط سلمت عليها واوال حاجة درتها بدلت حوايجي وصليت صلاتي وخرجت عونتها حطينا داكشي كليت غير انا وياها حيت بابا مكينش على مقالت ليا ماما بلي خرج اتلقا بعمي احمد ستغربت فلول حيت غي اليوم شفناه اعيط لبابا اتلاقاو وختي مزال مرجعات من الخدمة كليت وطلعت لبيتي طحت طيحا وحدة مبقيت هزيت راس بكترت العيا نعست.
____________هيتم___________
رجعنا الدار هزيت وراقي بلا مناخد الفاليز حيت اصلا كلشي كاين فدار لعندي فامريكا دزت هو لول الشاريكة شفت خالد علمتو بلي انا مسافر بقيت جالس معاه شوية بعدها طلت المكتب ديالي شفت البرو ديالها فاضي عرفتها اتكون مشات حكيت على لحيتي بحيرا مابقيت فهمت فراسي والو معرفتش اشهادشي لولا كيسرا لي منهار شفتها وهيا كاينا فبالي هادشي علاش فضلت نبعد و نسافر شي يمات ونيت هاد الخدمة لخرجات ليا على غفلة جات فوقتها دخلت المكتب ديالي هزيت منو واحد الملف كان مهم وخرجت فتجاه المطار بحكم موعد طيارتي مع 17:00 وصلت قبل 5 دقائق قاديت اموري ومشيت طلعت فطيارتي وماهيا الا كم من دقيقة حتا تعلن اقلاعها تكيت راسي وعقلي ممعاياش عقلي كلو معاها واش الا بعدت ولاو يومين اتمشي من بالي

اتمشي من بالي الا لا هادشي ماشي طابيعي نبقاا نفكر فيها فكل لحظة وهيا متتعنيني والو بنسبة ليا غير سكريتيرة ديالي سديت عنيا بتعاب محسيت براسي الا و غفيت
____________ضحى

__________
صبح صباح فقت كيما العادة بعد ماكنت فقت الفجر ورجعت نعست اليوم الحد مكيناش الخدمة زت الكزينة نعاون ختي فتوجاد الفطور
انا: صباح الخير
أسماء: صباح النور كيف فقتي مزيان
انا: الحمد لله ونتي رتاحيتي شوية
أسماء: رتاحيت الحمد لله زيدي ديري يديك
انا تنضحك:ههه يللا بغيت نقول فاش انعاونك
اسماء ضحكات تاهيا: ههه واشنو انا نوجد ونتي تفرجي اوا الالة مجاتش
أنا جمعت كمام بجامتي لهياا عبارة على بجامة هابطة بحال الكسوة فالبلون كاسي: اش تتعجني بعدا تم واش المسمن
أسماء تتحرك من هنا الهيه: اه راكي عارفة بابا عزيز عليه المسمن وقلت مساليات مساليات اللهم نوجدوه
أنا: مزيان أحسان مدرتي اراي عليك انا نكمل نتي شوفي عملي شي حاجة اخرى
أسماء نفضات يديها: واخا اسيان ليك نقادو الحرشة ولا شي حاجة اخرى
أنا تنقطع المسن كويرات: عملي الحرشة حسن هياا بعدا ساهلة دابا طيب
أسماء جمعات فمها على شكل بوسة تتفكر: اييه واخا نعملوها هيا نيت
أنا تفكرت سناء: اه نيت تفكرت اشبان ليك تخرجي معانا نديرو شوبينغ مع سناء
أسماء حركات راسها: اهاا واخا امتا بعدا
انا تنتفكر بلي قلنا غير غدا اصافي: والله معرفت نفطرو ونصوني عليها نعرفو اما وقت
أسماء: صراحة فرحت بزااف منين مضيعااتش راسها وفكرات انها ترجع الطريق صح
انا:وايه الله اهديها دير عقلها ومتفكرش باقي ترجع لديك طريق
أسماء: إن شاء الله اجي مقلتيش ليا دابا هداك دالبارح هو المدير او مول الشاريكة لخدامة فيها
أنا: اه هداك هو المدير
أسماء: هو لعاوتي ليا عليه ديك الخطرة لا
أنا شفت فيها: اه هو هداك
أسماء
 لمحتو منين كنا واقفين مع عمي احمد غي تيشوف فيك
أنا: الله اهديك اختي غير تهيئ ليك
أسماء شافت فيها ورجعات تتشوف فداكشي لفيدها: امكن
____________هيتم__________
وصلت لقيت لكارد واقفين تيساينو فياا شافوني وتقدم واحد منهم العندي
الكارد بالإنجليزية: على سلامتك اسي هيتم
انا حركت ليه راسي بالجواب شفت فيهم واحد واحد عاد نطقت: جبتولي لوطو
الكارد نعتليه تجاه لوطو فالحمر من نوع Ferrari USA: وي مسيو راهيا
انا شفت تجاه لوطو مديت يدي ومد ليا سوارت وزت تجهها ركبت ديريكت الدار نرتاح عاد نمشي الشاريكة وصلت لدار لهيا عبارة على فلا مكبيراش بزاف دخلت طلعت البيتي زلت حوايجي ودخلت الدوش نحيد عليا العيا ديال الطريق دوشت لويت فطة على نصي وخرجت هزيت كاس عمرتو شحال هادي مشربت شعلت كارو جلست تنجغم من كاسي ونكمي فنفس الوقت حتى سالتو طفيت الكارو فطفايا ونط الدريسينغ لبست شورط امن الفوق والو راسي تنحس بيه عاطيني صداع طحت فبلاصتي نعس ونيت هاد صداع ليف راسي انقث
__________ضحى_________
بعد مافطرنا مجموعين وجمعنا دار انا وختي صونيت على سناء سولتها امتا انديرو شوبينغ قاتلي دابا نيت البنت زربانا تعرف كيفاش ايجيها الحجاب لبسنا انا وختي حوايجنا عبارة عن كساوي هابطين تال التحت مع فولارهم وخرجنا شدينا طاكسي البلاصة لتافقتا نتلاقاو فيها مجموعين وصلنا لقيناها تتساين وهاد المرة لبسات كسيوى مستورة شوية.
سناء طلعات معاهم فطاكسي: سلااام
الكل: وعليكم السلام
سناء: مبانش ليكم بلي تعطلتو علياا شوية
أسماء: اوا ياك غاشوية ماشي مشكل
انا: غي لبسنا وخرجنا تنجريو
سناء: هه راغي تنضحك معاكم انا لصبحت هنا قبل الوقت لتافقتا عليه
أسماء: اوا قوليها راسك
انا تنضحك عليهم: واصافي هنيونا
وصلنا نزلنا دخلنا البوتيكات لي خاصين بلباس المحجابات بقات.

بقات تتهز وتحط تقيس وتحيد حتا دوخاتنا بالمزيان ختارت شحال من لبسا كلهم جاوها زوينين بعد معدباتنا معاها فتقلاب فالبوتكات وتقياس خرجنا محملين بالبلاستيكات شدينا طاكي كل وحدة فينا مشات لدارهم كنا باغين نتغداو برا مي مبقاش الوقت وقيت الضهر قربات ففضلنا كل وحدة فينا ترجع لدارهم تال مرة اخرى ونخرجو مجوعين رجعنا الدار انا وختي مسخسخين.
أسماء تلاحت فوق الفوتاي: الله ياربي رجلي طابو
انا جلست من حداها: وتشوفي انا مبقيت قادا نهز رجل
أسماء:ايه سرك ياختي اشداني نخرج معاكم اشداني
أنا تنضحك عليها: ههه براكة من تبوحيط الله ارض عليك
أسماء: مبانتش ليا مي هنا فين اتكون مشات
أنا: معرفتش امكن اتكون نزلات العند بابا المحال
أسماء: امكن
انا: نوضي نوضي نوجدو الغداء دابا اطلعو القاونا بلاصتنا
أسماء: واخا غي زيدي
وجدنا انا وختي الغداء طلع بابا ماما لي فعلا كانت نازلة عندو المحال تغدينا وجمعنا دنياا صلينا صلاتنا اهزينا كتاب الله لشغلاتنا عليه اليام الله اسمحلينا الا قصرنا من جيهتو.
______________ه

يتم__________
فقت بعد منعست لياا شوية نط غسلت وجهي وفمي وزت الدريسينغ لبست تريكو وسروال فالكحل ولحت عليا منطو لبست ساعتي هزيت تلفوني وكونطاك وخرجت ركبت فلوطو وزت ديماريت الشاريكة نشوف الخدمة كيف غدياا داز الوقت وانا مخشي بين الفلفات اكترت الوراق تنسني ونشوف اش تزاد واش نقص تا طاح ضلام عاد خرجت متاجه لفلا معنديش الكانة للي يخرج مع شي واحد ولا يتعشا برا وصلت بلاصيت لطو ووصيت واحد من لكارد امشي اجيب لياا بتزاا ويجي دخلت بدلت حوايجي ونزلت شعلت تلفازة وجلست بان ليا الكطار ديالي هزيتو بقيت تنلعب فيه تا سمعت صوني فالباب نط حليت لقيتو الكارد لجاب لياا علاش وصيتو هزيت كانيطة دالموندة وجلست بلاصتي كليت
 كليت جمعت داكشي عاد طلعت البيت هزيت باكية دكارو وخرجت البالكون شعلت الكرو كنكمي ونشوف قدامي مكاين من غير الكاالم بقيت ساهي تاتطيح صورتها بين عنياا لاا مخصنيش نفكر فيها هيا فين وانا فين حنا مختالفين على بعضياتنا بزاااف مي فواحد الجانب فيها كاع الموصفات لبغيت مي هياا ديانية وانا جبهتي عمرها قاست الأرض نفط دوك الأفكار من راسي وطفيت الكارو فطفايتو ودخلت تلاحيت فوق الناموسية و تنحااول نعس ومنفكرش فيهاا.
دازت 6 اياام طايرة واليوم ترخصني نرجع المغرب وداكشي علاش جيت متمش كنت تنقول انحيها من افكاري تاوليت نعس ونحلم بيهاا هادشي زاد عندو حدو مودة قصيرة نشوف فيها بنت ادير فيا هاد الحالة كاملة ميمكنش جمعت لفاليز ديالي منين جيت مجبتهمش معايا مي دابا جمعت الوازيم ديالي الضرورية لكنت خليت هنا لبست نص كوم فالبيض وسروال فالكحل مع سباديري فالبيض وجاكيط دالكوير فالكحل هزيت لفاليز ديالي وخرجت مديتهم الكارد لوصلهم لسيارة ركبت وزت متاجه المطار..مكرهتش نبقا مزال هنا مي الواليد حلف عليا لدزت ديك 6يام لقلت ليه كن غا قلت ليه شهر ولا كتر كاع مهم نبقا هناا ونفضها من افكاري واخا بان لياا بلي مغتزالش من افكاري بسهوولة
___________ضحى________
الايام تدوز كيفما هيا مكاين تا جديدة من غير سناء لولات دابا تلبس الحجاب كفحالي ولول كلشي ستغرب وتعجب فشاريكة مي بداو تيولفو عليها بالحجاب وتا صلاتها ولات تتصلي وتقرا القران ولينا تنتغداو دغيا ونطلعو نصليو انا وياها بزوج اليوم سبت دوزت نهاري فشاريكة عاادي رجعت لدار دخلت لقيت عدنا عمي احمد
انا: السلام عليكم
الكل: وعليكم السلام
انا سلمت علهم: عمي احمد بيخير
احمد: لاباس ابنتي انتي كيف دايرا لاباس عليك
انا حطيت ساكي وجلست حدا ماما: الله مالك الحمد
احمد: اوا الحمد لله 

احمد: اوا الحمد لله ابناي كيف غدا مع الخدمة مزيان
انا: اوا هاحنا كنسلكو اصافي
محمد مبتاسم: بنادم احمد ربي ويشكرو
أنا: داكشي لكاين
احمد: اييه الحمد لله على كل حال
انا: ماما واش مزال مرجعات أسماء
فاطمة: لا مزال راكي عارفها أبنتي إنا وقت تتخرج من الخدمة
أنا: لاغي حيت قاتلي اتخرج اليوما بكري
مزالني تنهدر تتنشوفها داخلا
أسماء: السلام عليكم
كولنا شفنا جيهتها: وعليكم السلام
محمد: عمرك طويل ابنتي يللا كانت ختك تتهضر عليك
أسماء من بعد مسلمات على كلشي: فاش كنتو تتهدرو عليا
أنا: ههه غي سولت عليك ماما واش باقي مرجعتي ونتي دخلي
أسماء بإبتسامة: عمي احمد مرحبا بيك عدنا
احمد: ترحب بك الجنة ابنيتي
فاطمة: نضو ابنيتاتي بدلو حوايجكم واجيو تاكلو شوية
انا و أسماء: واخا
هزيت صاكي لبست صندالتي وزت تبعت ختي البيت نبدلو ونخرجو عدهم
انا تنحيد الفولار لي لبسا وتنهدر مع أسماء لبدورها تتغير حوايجها: اوا كيف داز نهارك هو هداك
أسماء: داز مزيان غي العيا راكي عارفة
أنا: عارفة لكاين
أسماء:اودي صبر ماشي ساهل غير اجي وبني مستقبالك
أنا: وي بصااح هادشي كاين وكيف قلتي غير صبر تيفرجها ربي
أسماء: داكشي لكاين كيف عاملة سناء ولفات الحجاب
أنا: شوية بشوية تا متبغيش مزال تفارق معاه فالحجاب عفة وطهارة والتبرج معصية ومهانة
أسماء:الله اهدينا ويهدي جميع المسلمين والمسلمات
أنا: آمين ياربي
غيرنا انا وختي حوايجنا ولبسنا حوايج دار عبارة عن كساوي خفاف كفحال الكنضورة مخططين بخطوطة فالالوان ومعاهم فلاراتهم لبسنا وخرجنا العندهم لقينا عمي احمد وبابا خرج جلسنا مع ماما كلينا جمعنا طبلة وغسلنا المواعن وجلسنا اتنهظروا انا وختي وماما داز الوقت ونفي الروتين تيتعاود وصلات العشية طيبنا العشاء انا وختي طاجين بالحوت دخل 

دخل بابا من برا بعد مصلا صلاة المغرب فجامع لقانا جالسات
محمد حنحن: السلام عليكم
حنا: وعليكم السلام
يللا بغينا انا وختي ننوضو باش نخليوهم على راحتهم حتى تيمنعنا بابا
محمد: جلسو ابني عندي شي هدرة بغيت نقولها ليكم
انا وأسماء شفنا فبعضياتنا ورجعنا جلسنا: الله اسمعنا خبار الخير
محمد: مكاين غير الخير ابنتي
محمد: احم كفما عرفتو دابا ابناتي كبرتو اوليتو بعقلكم وقاريات واعيات عارفين ليصلاح ليكم الي ميصلاحش ليكم وانا مفتاخر بيكم ديما هازين لياا راسي الفوق عمركم حشمتو بياا ادابا جا الوقت لوحدة منكم دير دارها اوليداتها
انا وأسماء بقينا غير كنشفو مبقينا فهمين والو
محمد: ضحى جاو فيك شي ناس ابنتي طالبين راغبين بيك لزواج لولدهم وبغيت ناخد موافقت هو لول وحنا مغنبزو عليك والو ابنتي
انا تصدمت: ولكين ابابا منقدرش ندوز على ختي أسماء
محمد: داكشي علاش بغيت نتشاور معاكم ابناتي
أسماء: انا معندي تاشي مشكل سوى سبقات هيا الا انا ونتي اختي عارفة بلي انا مزاال متبعة نكون طبيبة بدال ممريضة نتي دابا جاك رزقك تال بين اديك وأنا مزاالة بعيدا تنوصل لداكشي لبغيت عاد ديك ساعة نفكر فشي حاجة خرى
فاطمة: أسماء عندها الحق ابنتي جا رزقك تال بين اديك فمن الأحسان ابنتي تمشي لدار رجلك
انا حشمت خصوصا منين قالت ديك رجلك قدام بابا وفنفس الوقت معرفت منقول ولا مندير منقدرش نخصر خاطر والدياا حيت لختاروه ليا هو لغايكون فيه الخير ومن جيها اخرى معارفاش هدا كفاش داير
فاطمة: فكري ابنتي على خاطرك وتتشوفيه ادا عجبتو بعضكم الله اكمل بالخير وادا متعاجبتوش ابنتي الله اعاون كول واحد
انا مبقا عندي منقول نطقت وانا حانية راسي وتنفكر: الله ادير لفها الخير
محمد: الله ارضي عليك ابنتي وجدو راسكم راه غدا فالعشية غديين اجيو لعدنا
أسماء تهيا..

أسماء تاهيا محنيا راسها وجامعا اديها العندها: إن شاء الله يكون خير
محمد ناض اخرج: يللا انا مشيت الجامع نصلي وقيت صلاة العشاء هادي
فاطمة: واخاا سير الله اقبل
محمد: آمين يارب العالمين
خرج بابا الجامع وناضت ماما تاهيا توضاء وبقينا حنا جالسات وانا سااهية وعقلي مشا لبلاصة مكنتش تنتوقعها وحنا منين كان بابا تيهدر لياا على هاد الموضوع دغياا تفكيري مشا العند مسيو هيتم معرفتش علاش بالي مشا لتم بضبط ولاكين حاسة بحال الا بغياا نبكي
أسماء غمزاتها:اوا اشدهر ليك هانتي اتولي مدام ضحى "بانت ليها ساهيا امهياش معاها" وا ضحى را معاك تنهدر اختي
انا حتى حسيت بشي يد تتشالي قدام عنياا عاد وعيت على راسي: هااه نعام قلتي شي حاجة
أسماء بتشكيك: بنتيلي ماشي هيا هاديك ياك لاباس شوفي اختي ادا مكنتيش بغياا فقولها حتى واحد مبزز عليك شي حاجة
انا تنهدت: لا والو اختي مكاين والو من داكشي لعلى بالك راكي عارفة مكاين محسن من زواج تقليدي
أسماء: اه عائلتك ليختارو ليك عريس غير تيخص اكون راجل مزياان وقاد على المسؤولية
أنا: داكشي لكاين يلا نوضي نصليو راه ودن العشاء تال غداا ويحن الله
أسماء تتفوه: واخا نصلي ونعس موحالش واش نتعشاء معاكم انموت بنعاس
انا: نتي لتعرفي انا نيت مكرهتش نعس من دابا
صلينا انا وختي وبعدها حطينا العشاء وتعشينا مجموعين بعد مدخل بابا وبزز على اسماء تعشاء عاد تنعس متنعسش بجوع
__________هيتم_

________
وصلت المغرب هزيت سيارتي لصيفطها الواليد مع رجالو وتاجهت الدار لقيتهم كايساينو فياا والفرحة فعيونهم متقولش غي ستيام لدازو تقول عام تسالمت معاهم وجلسنا تنهدرو شوية حتى ستأذنت منهم وطلعت لبيتي دوشت وبدلت حوايجي هزيت البيسي ديالي بقيت خدام فيه شي سعاات وحطيتو عااد نزلت خرجت الجردة نكمي على خاطري
 نكمي على خاطري جلست فالجليسة لحداه وبديت نكمي ونفكر فنفس الوقت فهاد تغيرات لوقعو لياا كفاش وليت تنفكر فبنت مزال حتى مكمل شهر باش عرفتها اولات شاغلة افكااري بزااف زعا نكون معجاب بيها ولا شي حاجة اخرى كتر من الأعجاب نفط هاد الأفكار من راسي وهزيت تلفوني نهدر مع خالد ونطمنو بلي وصلت صـــــبح صـــــباح فقت دوشت بالخف ولبست حوابجي عبارة عن نص كوم فالأبيض وجاكيط دالكوير وسروال فالكحل مع صباط فالكحل لبست ساعتي نزلت لقيت الواليد والواليدة وعمي احمد على طبلة دالفطور صبحت عليهم وجلست: صباح الخير
الكل: صبااح الخير
كنزة: نكب ليك قهيوتك اولدي
انا: اه كفحي لياا
عثمان: اوا فين غادي دابا الشاريكة
انا تنجغم من الكاس دالقهوة: داكشي لقلت
احمد: مزيان اولدي غير اوكان بغينا نهدرو معاك فواحد الموضوع
انا: شنو واش متقدوش تأجلوه تنرجع
كنزة شافت فعثمان: لا اولدي خاص نهدرو معاك دابا
انا بخوف مخلوع عليهم: يااك لاباس ياك ماشي شي واحد فيكم عندو شي حاجة الواليد ياك صحتك بيخير
عثمان: لا اولدي كلشي مزيان حنا مبينا والو بغنا نهدرو معاك فحاجة خرى
انا تنفست براحة: اوفف المهم غي تكون صحتكم لاباس هدا هو الأهم دابا مهم انا انمشي
عثمان نطق قبل مينوض: اليوم غنمشيو نخطبو ليك
انا تصدمت لا واش سمعت نيت مزيان كفاش غيمشيو اخطبو لياا وبلا موافاقتي وعرفوني اصلا بلي متنفكر فوالو دابا: كفاش واش تضحكو علياا
كنزة: لا اولدي داكشي لقال باك هو لكاين
أنا: هه ههههه لا لا واش نتوما منيتكم كفاش غتمشيو تخطبو لياا واليومة مالفوق غير جلسو بلا متعدبو راسكم حيت انا لعندي فايت ليا قلتو ليكم
عثمان: منقدروش حيت صاافي عطينا الكلمة العائلت البنت
انا نضت وقفت تنمسح فلحيتي مكالم ابزز: كفاش قديتو ديرو هادشي بلا خباري ابلا موافاقتي
احمد شدو مجلسو الأرض: جلس اولدي وسمعني
أنا: هه كفاش بغتيني نسمع ليك وحتى نتا كنتي عارف بهادشي امخبيه علياا
احمد: غير كالم اولدي وسمعني اشغادي نقولك
أنا تقاديت فالجلسة: واخا هانا تنسمع ليك
احمد: كون متأكد اولدي بلي مغاديش تندم والبنت انا لمشيت تال عند باها ودويت معاه امامشيت حتى تأكدت بلي هياا البنت لغادي تناسبك ولي غادي تلقا فيها جميع المواصفات لبغيتي فزاوجة ديالك وانا متأكد غتكون زاوجة مثالية ليك ومغاديش تندم معليك



تعليقات

3 تعليقات
إرسال تعليق

إرسال تعليق

🔴 ممنوع قراءة القصص المخيلة للآداب و أنت على صيام