القائمة الرئيسية

الصفحات

قصتي مع لبزاكلوا

نتيجة بحث الصور عن الملك كرتوني
معاكم الكاتبة ونهيلة السليمي 


⚠️ قبل مانكتب ليكم القصة الا فعمرك قل من 18 السنة ماتقرايش القصة 
نتمنى وتعجبكم القصة 


امل : اديك البرهوشة بعدي لي من الحوايج ديالي. ايمان : هدي ديالي انا ماما خداتها لي في السيمانة لي فاتت ولا نسيتي؟ امال: لا منسنش اختي لكن ماما قالت لي خوديها نتي خودي القديمة الموف الي فالبلاكر مبقيتش بغيتها.معرفتش ماما علاش ولداتك معيا كون ها تزاديت بوحدي اووووف منك. ماما ماما دوي مع هدي ماما:ايمان بعدي من ختك ايمان:لكن اماما راه .. ماما: قلت ليك عطيها لي بغات
ايمان: وخا اماما   هدي انا واشوفو فيا ولا تا نتوما عجبتكم امل وثارت الانتباه ديالكم .هد انا ايمان الدرية لي مور امل دبا شفتوني مزيان يه، لي ديرة النضاضر، هدي انا وي عرفة غتقولو بالي امل زوينة عليا ويي كاع الناس كيقولوها وخا حنا ولاد كرش وحدة اه تزادينا فنهار وحد ويي حنا توأم نفس الكنية ونفس الام الاب ،ونفس الجينات ،ههههه هكدا كل صباح ختي كتبقا تعير فيا وكاع الحوايج الزوينين ديالها متبغنيش نلبس بحالها، كتقول لي بلي كنحرجها قدام صحابتها وبعد المرات كاع كتنكرني .المهم حنا توأم ها بسمية مكنت كنسمع بالي الإخوة التوأم كيكون عندهم بزاف الديال الحوياج مشتركة كيكون كيحس ببعضهم لكن هدشي ها هدرة انا ختي عمرها ماحسات بيا ولا سولات عليا وخا نكون كنموت مكتسوقش لي وتقول واش عمرها قالت لي الله يشفيك عكسي انا كنبقا مقابلها تا تولي بخيير ومع دليك عمرها ماشكراتني, حنا دابا فالسنة الثانية بكالورية علوم مكنتش بغا ندير نفس التخصص مع ختي حيتاش هي مكنتش بغاني معها لكن بابا رغمنا نديرو نفس التخصص باش نديرة لافاك وحدة ونسكنو بزوج .. انا كنقرا مزيان وعمر شي حصة مافتني كنت كنجي انا الاولى فجميع المستويات وختي كنت ديما انا الي كندوز ليها النقلة وكتجيب النقط على ظهري لدرجة وحد النهار بقيت نكتب فالورقة ديال الوساخ وعطيتها تجاوب وترجعها لي ومرجعتهاش دوزتها لصحبتها وخلتني كنبكي حاولت نستدرك ونكتب شي حاجة لكن الوقت سلا ومجبتش شي نقطة مزيانة والي زاد كمل عليا انها مشات للدار وقالت لماما بلي هد النقطة جابتها بالمجهود ديالها ماشي بحالي انا لي كسولة وكنتفلا معرفتش شنو بغا مني .مزال.

نجحنا وخدينا الباك ديالنا بنقطة مزيانة الحمد الله. ودبا غيجي وقت المشاكل الكبيرة الي غتوسع الفجوة بيني وبين ختي لوحد الدرجة كبيرة.صلات العطلة ديال الصيف وخصنا نستعدوا القرايا والحياة الجديدة بعاد على بابا وماما وخويا امين الصغير، بحكم ان لافاك بعيدة علينا،مقدرتش نبعد على الدر خاصة على بابا هو قريب لي بزاف وعلاقتي مع ماما بعيدة هي كتقول لي نتي بنت باباك سيري عندو يخد ليك متجيش عندي تصدعيني عكس ختي لي بغتها تحضرها لها ماما بزز منها،جمعنا الحويج والكتوبة ديالنا واتجهنا الكلية رفقة الاب ديالنا فالطموبيل، وصلنا الكلية ديال العلوم عجبتني بزاف هي كبيرة وفيها الناس بزاف هنا بإمكاني نتعرف على اصديقاء بحكم مكنوش عندي فالثانوية،ختي ديما كتقول ليهم بلي انا معقدة وتا شي وحدة مكيتجرء ويصدقني. من بعد وصلنا بابا لبلاصة فين غنسكنو،تا تما عجبني بزاف هادئ ومفيهش الناس بزاف ،دخلنا للدار وبديت نقاد فالحوايج ديالي، امل: ايمان ملي تسالي قادي ليا حويجي معاك انا عيانة اوكيي شفت فبابا و قالي بنتي نتي مولات العقل وبغيتك تردي البال لختك راها طايشة وخا دير ليك لي بغات متخليش عليها وت انتي تهلاي فراسك.مشا بابا.قديت الحوايج،ووجدت الغدا ومشيت نعيط على امل ، اويلي فين مشات هدي وتا لبلاصة مكتعرفهاش،ممتي شنو غندير دابا وصلات الثمنية ومزال مرجعات شنو غنقول لماما وبابا لي وصاني نرد لها البال وتا التلفون مكتجوبش فيه،لبست حوايجي وخرجت للزنقة ،زنقة خاوية مافيها تا وحد الدنيا خاوية كتصفر غدا فالطريق انا خايفة بزاف مكيبان لي والو الله ياربي، شنو ندير وحد شوية وانا وقفة فالطريق وحد الطموبيل غدا وفرنات بالجهد كانت غدي ضربني شوية نزل منها وحد الشاب تكون عندو شي 25 سنة, لباس مزيان زويين شعرو كحل ونزل على جبهتوا واو، واو ختي هيهو يلا كنتي بغي تنتحري بعدي من طريقي اوكيي. انا: اأأأأأأشنو انا مبغيتش نتحر انا مشفتش الطموبيل سمح لي قالي المرة المجيا لبسي نظظرك. انا كنبكي واه اهه والله تا نسيتهم كنشوف شنو خاصني نيت كنت زربانة ومنتبهتش ملي خرجت من الدار. بدا يضحك وقالي راك علام والله، قولي لي شنو لي خرجك فهاد الليل وفهاد البلاصة الخاوية وبلا نظاظرهههه. جوبتو بلي انا مضطرة وخرجت، وعاودت لو شنو كاين، قالي واش بإمكاني نساعدك وهكذا نعتذر منك. قالت لو لا منطلعش معاك مكنعرفكش ،وااش ممكن تنعت لي الاماكن لي قريبة من هنا شي قهوة



قريبة من هنا شي قهوة راه يمكن يكون فيها الجوع مسكينة ومشات تكول. قالي هي مخرجها منك خلعة ونتي كتقولي عليها مسكينة. قالت ليه ماشي سوقك اخويا هدي راها ختي ومندوزهاش . قالي: راك قبيحة مع راسك،وحيت انا ولد الناس غنعونك حتا تلقاي ختاك ونمشي فحالي منقدرش نخليك بوحدك هنا وفهاد الليل. طلبت يعوني واعتذرت لو. ومشا معيا البلايس لي ممكمن تكوم مشات ليهم امل والو مبنش لها اثر ميمتي شنو غنقول للدار وبابا وصاني نرد لها البال.صافي عييت ما نقلب والو تقول الارض تشقات وبلعاتها. صافي فقدت الامل وقررت رجع للدار ونعيط لبابا ولي ليها ليها.قبل منرجع للدار شكرت السيد لي معيا وتميت غداا. شوية عيط لي ايييه قولي لي شنو سميتك بعدا. جاوبتو: ايمان ونتا؟؟؟؟؟؟ قال لي: انس.ولوح لي بديه نتمنا نتلقاك مرة خرااا وتكوني لابسة نظاظرك هههههههه. كان هدا اخيير حوار بنتنا ودعت اناس ورجعت للدار
 مع الدخلة ديالي للدار لقيت أمل وقفا وقالت لي: تبارك الله عليك زيدي تعطلي شوية،راه مزال الحال فين كنتي،قبل منجوبها قالت لي انا راه عيطت لماما قلتها ليها، وراهم دابا مشطونين عليك وقالو لي ملي دخلي نصوني عليهم. انا: لكن امممال امل: ماما راها جات اهي ندوزها ليك. انا: الو مماما انا ماما:: فين كنتي يك هدي هي تربيتي فيك شوفي ختك تبارك الله ونتي . انا:: ماممام راه ماما:: سكتي يا قليلت الترابي تا تجي ونوريك الخروج فنصاصة الليل.وقطعت قبل منشرح ليها. لحت التلفون ومشيت لفراشي وبكيت تا عييت ونعست. فقت فالصباح وقالت ضروري نتصل ببابا نشرح ليه هو اللي يفهمني ويحس بيا،اتصلت بيه بابا:: بنتي صباح الخيير.. انا :: بابا راه والله تا لبارح ممشيتش ندور راه كانت خصني شي حاجة وخرجت ليها ( مقدرتش نقول ليه شنو كاين خافت يتقلق من ختي ) بابا:: انا عارفك مربية ومديريش شي حاجة خايبة . قطعت مع بابا وفقت نوجد الفطور باش نمشي لافاك اول نهار عندي خصني نكون موجدة راسي مزيان فيقت امل بصعوبة انا وخا هكداك نسيت داكشي لي دارت لي البارح مبغيتش ندبز معها خصوصا ان بابا عارفني صبارة ومنقدرش نتخصم مع ختي ولا نبعد عليها. فطرنا ولبسنا حويجنا وخرجنا من الدار شدينا طاكسي وخا لافاك قريبة باش منتعطلوش .دوزت نهار مزيان ختي معرفتهاش فين غبرات ها دخلنا لفاك قالت لي سيري دخلي انا نخد شي حاجة ونجي من تما مبقتش شفتها. كملت الحصص ديالي وتعرفت على وحد الصديقة سميتها أسماء ظريفة ومؤدبة من المرة الاولى دخلات لي لخاطري تبدلنا ارقام الهواتف.باش نبقاو على تصال. خرجت من الكور وملقيتش تاني امل فينهيا هدي عوتاني. اووف منك ااامل شحال فيك,مع الدورة خرجت فواحد الشاب، الشاب:: واش نتي كراوك عليا ولا شنواا كل مرة خرجة لي فطريقي والمشكلة دابا معندك تا عذر نظاظرك لابساهم ههههههههه . انا:: سمح لي اخويا اننننااااا اجي واش ماشي نتا هو..... الشاب:: والصراحة راه خصك تعودي العبار من جديد وتا الذاكرة عندك مشات انا::: هههههه سماح لي والله تا ديخة شوية قول لي شنو كدير هنا؟؟ انس:: نتي اللي شنو كديري هنا انا:: راه كنقرا هنا انس:: مزيان باينة السنة اولى انا::: وييي ونتا انس :: انا عندي ماستر نشاء الله. مزيان وشوف القدر ملي يبغي الله يلاقي الناس بلا اسباب انس:: مااالك كدوري فراسك اجيي لقيتي ختاك بعدا ويي راه لقيتها رجعات اللدار . وحد شوية امل جيا امل ::

دخلنا للدار وتعيشينا ونعسنا.فالصباح فقت تاني نوجد الفطور الاميرة امل على وعسى تبغي تحرك .دخلت الحصة تاني وهد المرة امل دخلات كانت محاضرة زوينة فهمت مزيان ودرت انا واسماء نتلاقاو ونرجعو شوية باش نزيدو نفهمو ونهار الامتحان نكون فاهمين.من بعد نتغداو كاملين مع انس وامل .لي مكنتش مسوقة الكور كاع خرجات التلفون وبدات تلعب فيه تا سلات الحصة وخرجنا.اسماء عتدرت بلي متقدرش تبقااا خصها تمشي توجد الغدا لرجلها مقلتش ليكم اسماء مزوجة وعندها ولد سميتو امين بحال خويا.من بعد خرج انس من الكور ومشينا نتغداو. كنت ديزا من حدا وحد الدري مشفتوش وضربت فيه, وقال لي ووااا العميااا مكتشفيش,ولا مالك .درت كنشوف فيه قالي دابا نتقب ليك دوك العنين . جوبتو سماح لي والدموع فعيني. جااا اناس:: شنو قلتي عااااااااااااود عميااا وشنق عليه دبا نخلي دار بوك . تجمعات الجقلاا ومفكهوم هااا بزاز .وتمينا غديين وهو يقول لي انس واش نتي لاباس جوباتو امل ومالها شنو غيكون بيها، راه هي اصلا لي عميااا . بقااا فيا الحال من هضرت امل مقديتش نصبر وطلبت من انس يشد لي طاكسي نرجع للدار، مفيااا ميكول . قالي واش تقلقتي ولا مالك قالت لو لا هااا بغييت نرجع وصافي ونتا تغدا مع امل من بعد وصلهااا للدار عفاك. وانا غداا سمعت امل كتقول ليه خليهااا راها بهلاا ومكتشوفش قدامها وهاا حلاا فمهااا، شديت طاكسي ورجعت للدار.دخلت البيت وهو يعيط بابا سولني على امل قالت لوو مزالا فالحمام قطعت مع بابا ونعست بلا غداا وكان فيا الجوع بزاف لكن الشاهية معنديش.

طورات علاقتنا بأنس لدرجة زوينة ,كل نهار تقريبااا كنتلاقاوو مور الحصة وكنا كنستمتعو مع بعضنا وخااا بعد المراة كنحس بلي امل مبغتنيش نكون معاهااا,كنت كنمشي تحت الاصرار ديال انس هو لي كان كيهتم بيااا.سلات الدورة الاولى ودوزنا الامتحانات مزيانيين الحمد الله وفالوقت ديال لبخبغسيون امل ولات ظريفة معياا كيف ديمااا وانا حاسة بهااا لكن هدي ختي ومندوزهاش من بعد الامتحانات مشينااا للدا وااوشحال توحشت بابا وماما وخويااا اميين. دوزت اوقات زوينة ومشيت عند الجدة وتلاقييت ناس شحال هدس مشفتهوم كل نهار كنفيق نعون ماما فالطياب والشقا وامل اخيير وحدة تفييق وملي تفيق تكون ماما وجدات لها كلشي.عايشة عيشة الاميرات وختكوم فتماراا ديما. سلات العطلة ورجعنا لافاك من بعد ما طمنت بابا على حالنا وبلي ختييي كتعمل معيا مزيان. من بعد الرجوع ديالنا لافاك امل بدات تاني تغيير عليا خصوصاا ان أنس مزال مرجع ضاقت بيا الدنيااا وتوحشتواا مكرهت نقول ليه يجيي . بعد المرات امل كتخرج بلا متقولها لي وكتعطل فالزنقة ودارت بزاف ديال الاصديقاء لي مدخلوش لي لراسي كلهم معجبتنيش طريقة التعامل بنتهم كلهم كيخسرو الهدرة وكيستعملو الممنوعات عييت ما نطلب منها تبعد منهم وبلي ميصلحوش ليهااا لكن والوواا. استطعت نبعدها عليهم بالمساعدة ديال أنس من بعد ما عيط ليه وطلبتو يجيي يقنعها مع هي كتسمع لواا . من بعد الرجوع ديال أنس لافاك ضوات وكلشي ولا فيها زويين، مكرهتش العام ميسليش ونبقااو مجموعيين. بدينا تاني لقرايا وكان كلشي غدي مزيان، تا لوحد النهار جاا عندي أنس قالي بلي عرضنا لوحد الحفلة ديال صاحبو فواحد الريسطواا، وبلي طلب منو يعرض على الاصديقاء ديالوا هد المرة مرفضتش كنت محتاجة نتي شي حفلة نبدل الجو ديال لقرايا. خرجنا من لافاك ودرنا نتلاقاواا مع الثمنية نكونو وجديين باش يدوز مورانااا أنس يدينااا، كيف العادة امل لبسات احسن معندها وتقدات طالعات زويينة كتحمق، وانا لبست وحد البسااا كنت خديتها فالعيد ههه كنلبسها ها فالمناسبات ، ما قديت تا حاجة ههه. وصلات الثمنيا وجا أنس مورانااا كان كيحمق تبرك الله، حل لينا الباب وطلعنااا قال لينااا عريسات ماشااء الله.وصلنا الحفلة كانت روعة، الناس واللباسات فين نبان فيهم انا شديت وحد القنت وكلست كنتفرج فالوقت الي امل انسجمت مع الناس معرفتش كيف كدير لهااا. الحفلة كانت زوينة لكن انا مستمتعتش بهاا حساا بليي

مستمتعتش بهاا حساا بليي هدشي ماشي ديالي ومكنعرفش ليه،مرةمرة كنبقاا نشوف فأنس كيفاش كيتصرف كيفاش كيدويي وااو كيحمقني وكيدور يشوف فيااا ويضحك شوية جاا لعندي قال لي مالك معزولة واش معجباتكش الحفلة ولا شي واحد قلقك.قالت ليه لا بالعكس الناس هنا ظريفيين وخااا فييهم العياقااا قال لي اكمااا تااا انا بانت ليك فيا العياقة،قالت لوااا :: لا لا انت ماشي بحالهم هههه.شاف فيااا وقال ليي اكيييد تاا نتي ماشي بحالهم ومشااا . من بعد جااا وقت التعارف درنااا وحد الدائرة كبيرة وبدا كل وحد كيعرف براسواا كلشي دازواا ملييي وصلوني قالت لهم ايمان عوان. وقالت لهم فين كنقراا وقالو لي واش نتي خت امل؟؟ قبل منجاوب نطقت امل ويي للاسف وبداو يضحكو، مكرهتش الارض تشق لي فديك الساعة ولا يكون عندي شي فردي نتيري فيها لكن اخترييت الخيار السهل وبديت نبكي وخرجت من القاعة، وحد شوية جاا مورياا أنس وقال لي بلي امل قالت ليه مقصدتش تهيني هاا كانت كتضحك معاك، منكدبش عليكم كرهت ختيي فداك الوقت .

طورات علاقتنا بأنس لدرجة زوينة ,كل نهار تقريبااا كنتلاقاوو مور الحصة وكنا كنستمتعو مع بعضنا وخااا بعد المراة كنحس بلي امل مبغتنيش نكون معاهااا,كنت كنمشي تحت الاصرار ديال انس هو لي كان كيهتم بيااا.سلات الدورة الاولى ودوزنا الامتحانات مزيانيين الحمد الله وفالوقت ديال لبخبغسيون امل ولات ظريفة معياا كيف ديمااا وانا حاسة بهااا لكن هدي ختي ومندوزهاش من بعد الامتحانات مشينااا للدا وااوشحال توحشت بابا وماما وخويااا اميين. دوزت اوقات زوينة ومشيت عند الجدة وتلاقييت ناس شحال هدس مشفتهوم كل نهار كنفيق نعون ماما فالطياب والشقا وامل اخيير وحدة تفييق وملي تفيق تكون ماما وجدات لها كلشي.عايشة عيشة الاميرات وختكوم فتماراا ديما. سلات العطلة ورجعنا لافاك من بعد ما طمنت بابا على حالنا وبلي ختييي كتعمل معيا مزيان. من بعد الرجوع ديالنا لافاك امل بدات تاني تغيير عليا خصوصاا ان أنس مزال مرجع ضاقت بيا الدنيااا وتوحشتواا مكرهت نقول ليه يجيي . بعد المرات امل كتخرج بلا متقولها لي وكتعطل فالزنقة ودارت بزاف ديال الاصديقاء لي مدخلوش لي لراسي كلهم معجبتنيش طريقة التعامل بنتهم كلهم كيخسرو الهدرة وكيستعملو الممنوعات عييت ما نطلب منها تبعد منهم وبلي ميصلحوش ليهااا لكن والوواا. استطعت نبعدها عليهم بالمساعدة ديال أنس من بعد ما عيط ليه وطلبتو يجيي يقنعها مع هي كتسمع لواا . من بعد الرجوع ديال أنس لافاك ضوات وكلشي ولا فيها زويين، مكرهتش العام ميسليش ونبقااو مجموعيين. بدينا تاني لقرايا وكان كلشي غدي مزيان، تا لوحد النهار جاا عندي أنس قالي بلي عرضنا لوحد الحفلة ديال صاحبو فواحد الريسطواا، وبلي طلب منو يعرض على الاصديقاء ديالوا هد المرة مرفضتش كنت محتاجة نتي شي حفلة نبدل الجو ديال لقرايا. خرجنا من لافاك ودرنا نتلاقاواا مع الثمنية نكونو وجديين باش يدوز مورانااا أنس يدينااا، كيف العادة امل لبسات احسن معندها وتقدات طالعات زويينة كتحمق، وانا لبست وحد البسااا كنت خديتها فالعيد ههه كنلبسها ها فالمناسبات ، ما قديت تا حاجة ههه. وصلات الثمنيا وجا أنس مورانااا كان كيحمق تبرك الله، حل لينا الباب وطلعنااا قال لينااا عريسات ماشااء الله.وصلنا الحفلة كانت روعة، الناس واللباسات فين نبان فيهم انا شديت وحد القنت وكلست كنتفرج فالوقت الي امل انسجمت مع الناس معرفتش كيف كدير لهااا. الحفلة كانت زوينة لكن انا مستمتعتش بهاا حساا بليي هدشي ماشي ديالي ومكنعرفش ليه،مرةمرة كنبقاا نشوف فأنس كيفاش كيتصرف كيفاش كيدويي وااو كيحمقني وكيدور يشوف فيااا ويضحك شوية جاا لعندي قال لي مالك معزولة واش معجباتكش الحفلة ولا شي واحد قلقك.قالت ليه لا بالعكس الناس هنا ظريفيين وخااا فييهم العياقااا قال لي اكمااا تااا انا بانت ليك فيا العياقة،قالت لوااا :: لا لا انت ماشي بحالهم هههه.شاف فيااا وقال ليي اكيييد تاا نتي ماشي بحالهم ومشااا . من بعد جااا وقت التعارف درنااا وحد الدائرة كبيرة وبدا كل وحد كيعرف براسواا كلشي دازواا ملييي وصلوني قالت لهم ايمان عوان. وقالت لهم فين كنقراا وقالو لي واش نتي خت امل؟؟ قبل منجاوب نطقت امل ويي للاسف وبداو يضحكو، مكرهتش الارض تشق لي فديك الساعة ولا يكون عندي شي فردي نتيري فيها لكن اخترييت الخيار السهل وبديت نبكي وخرجت من القاعة، وحد شوية جاا مورياا أنس وقال لي بلي امل قالت ليه مقصدتش تهيني هاا كانت كتضحك معاك، منكدبش عليكم كرهت ختيي فداك الوقت .

من بعد الحفلة العلاقة بيني وبين ختي تأزمات،وبدات كتظهور، مبقيتش كنحملها ومكندويش معاها بعدت عليها بزاف،مبقيتش كندخل ليها فحياتها ولات تدخل وتخرج الوقت كيف بغات بلا رقابة،ومكتمشيش لافاك مكنتش كنفيقها فالصباح كنخرج ونخليها ناعسة. يلا كانت هي كتأسف انها ختي فاانا كرهت راسي و الكرش لي جمعتناا اصلا.مكلفات رسها تا تقول لي سمحي لي،من الجرح اللي سببات لي ،كدير رسها ظريفا وبهلا قدام أنس وبلي هي ملاك. بقيت مرة مرة كنخرج مع أنس نتغداا كانت معظم الوقت كنكون مع أسماء،كنوجدو الامتحنات لي مبقا ليهم ولواا .وحلفت منعونش امل ولا نرجع معاها.اه أه أه وليت انــــــــــــــــانية بحالهاا. وحد النهار كنت مع أسماء نهرسو شوية الروتين ديال القرايا, سولتها كيفاش تعرفتي على راجلاك عودات لي واو قصتهم عجباتني عائلتهم كانو رافضين زواجهم وتزوجوا بزز منهم وحطهوم امام الامر الواقع. قالت لي وانتي معندكش شي واحد فحياتك ؟؟ بديت نفرنس.قالت لي باينة طايحة على زنفرك غري غري شكون هذاا. قالت لها بلي انس كيعجبني بزاف وهو كاع ممديهاش فيااا وكيعملني مزيان لكن ماشي كيف بغييت انااا من أول نهار شفتو تعلقت بيه اختتيي. وهي تقول لي شوفي اختي يراه الرجال كيبغيو المظاهر مرا تلباس وتقاد رسهااا وتكون عاطية العيين. خصك تهتمي براسك شوية وتغيري طريقة لبساك سولني انا راه رجلي بعد المرات كنشوفوا بغاا يبعد علياا ولا يدور لشي جهة خراا وكنضرب الفكد فراسي وكنكسبو من جديد. قالت لها كيف غندير انا راه مكنعرف والو من هد الشي.قالت لي انا غنعونك غدا نشاء الله نتلاقاو فالعشية نمشي معاك تقداي حوايج جداد وكاع لي خصك وتقدي كوب جديدة ،ترددت لكن فكرت بلي غندير كلشي على واد أناس ها ميكونش مع وحدة خرااا. الغد ليه فقت بكري.فطرت وقديت الدار خملاتها اليوم معنديش كور ودخلت الكورينة، نوجد الغداا. وانا على أعصابي وكنفكر كيفاش غنكون من بعد ما نتقاد وكيفاش غيولي أنس يهتم بيااا بزاف دلحوايج فكرت فيهم تا من السميات ديال ولادي معاه هههه. وجدت الغدااا بزربااا وخرجت مشيت عند اسماء، ها خرجت عندي وكتضحك وقالت لي راه قلت ليك العشيا ماشي مع الظهر ههه ولا زربانة على خبيزتك امسكينة، دخلي دخلي تغداي معايا بعدا ومن بعد يحن الله. جوبتها مفياش الجوع هااا طلقينااا ههه.

دخلت معاها تا تغدات وجمعات درها ووصلات اميين الروض ومشينا اول حاجة بدينا بيها هي البوتيك ديال الحوايج،تقدينا حوايج مستوريين وانيقيين عجبوني بزاف من بعد مشيت عند الكوافورة قطعت شعري وقديتواا تا هوا زويين، من بعد رجعت للدار ملقيتش امل .دوشت ورتاحيت شوية من بعد طيبت لعشااا. وانا نتفكر كلام اسماء قالت لي خصك تبقاي تقدي وجهك مكياج خفيف،متبقايش بحال هكداا.خرجت تقديت شي حاجة ودخلت وقفت قدام المريا كنجرب فواجهي ،تا تعلمت نقد المكياج،هههه. من بعد غسلت كمارتي من بعد ما قيست الحوايج كلهم .ومشيت نعست ، وغداا نشاالله يكون خيير،مع الستة ديال الصباح فقت، وكنقيس ونحط معرفت ملبس كلشي زويين من بعد ما ختاريت اللباس وحلت تاني فالمكياج والصبابط ممولفاش نلبس الطالون وجااني فشكل خفت نتعكل بيه ونولي شوهااا قدام انس،المهم اخييراا وجدت راسي بعد ساعةونصف من بعد فطرت وغسلت الماعن.وخرجت قبل ماتشوفني امل تاني وتنزل لي المعنويات وطيح لي المورال مع الصباح،خرجت حسي مسي من الدار وكنتعكل فالطريق خديت طاكسي ومشيت دزت عند اسماء ومشينا لافاك بديت كنراجع انا وياهاا قبل ما يجي أنس الي اكيييد غنبهرواا باللوك الجديد ديالي.وصلات العشرة مجاش اووف فين هدااا، وحد شوية دارت وشفت انس مع امل اووف منك متجيبش معاك هديك .وقف حدانا وقال لأسماء عفاك ختي بغيت نسولك على ايمان فينهيااا واش مجاتش .همممم دارت وشافت فيه وانا مخنزرة . قالي اوو ايمان سيبا فريي وااوو تبدلتي فينهيااا ايمان القديمة، وشاف فأمل وبداو يضحكواا بزوج معرفتش عليا ولا معياا تا انا بديت نضحك,يلاه كنت غنوض وانا نتعكل بالصباط وطحت كلشي بداا كيضحك عليااا ضحكت شوية وانا نقلابهااا بكااا وخرجت كنجريي وكنبكي.معرفت فين غداا تاوصلت لواحد الجردة وكلست كنبكي تا عييت .شوية سمعت وحد الصوت موريااا قال لي سليتي البكااا مبغيتش نوقفك خليتك تااا تسالي كان صوت أنس وو أمل موراه.كلس حدايا وقال لي جيتي زوينة ومبدلة هااا كان خصاك تحيدي نظاظرك.هههه ضحك وقال ومالك ديرا هد الحالة فراسك وشنو بينك وبين الطالون ههه خليك على طبيعتك أأ ايمان والي بغاك يبغيك كيم انتي اووكييي فرحت بزاف من هدرتواا وندمت تا لبست الطالون. شوية قال لي نوضي دابا تصالحي مع امل راه عودات لي كلشي ومقدراتش توقف قدامك مزال وراهااا ندمانة على تصرفاتها وهي الي طلبتني نصالحك معاهااا. تصالحت انا وامل واعتادرات مني ووعدتني متعودش مزال تستهزء مني وبلي توحشات ختهااا.العلاقة كانت غدا مزيان ورجعنااا اصديقاء ودوزن احسن الاوقات مع أنس وأسماء وأصديقاء جداد داباا امل ولات كتعرفني على الاصدقاء ديالها، ولينا نخرجو مجمعين ونديرو رحلات،دوزت احسن لحظات فلافاك 3 سنين مع الناس المزيانيين والخايبين سلينا الامتحانات نجحنااا الحمد الله .

جاا دابا الوقت ديال الوداع مسخيتش بأنس وأسماء أحسن اللحظات دوزتهااا معاهم لكن ضروري من الفراق .جمعنااا حويجنا من بعد ما توعدنا نتلاقاو فالقريب العاجل. داباا كل وحد غيبداا يعيش حياتو ويقلاب على خدمة.وصلنا انس المحطة مع مقلناش لبابا بلي حنااا جيين بغيينااا نديروها لهم مفاجئة. من بعد الوداع الحار ديالنا لأنس مسخيتش بيه ومقدرتش نقول ليه شحال كنبغيه مكرهتوش يوقف الكار ويعيط لي وويقول لي بلي كنبغيييك وغنتوحشك لكن والواا.الطريق كلهااا وانااا نبكي علاش ما قلتهااا ليه علاش لكن كرمتي كانت كتمنعني خفت يرفد حبي ومنستحملش على الاقل نعيش على وحد الامال انه يجيي يدويي معيااا ويبدلني نفس الشعور الطريق طوالت علياا بزاف مكرهتش نرجع الزمان اللور خافت منشوفش أنس مزال وتكون هدشك اخير مرة دعييت ربي يصبرني ويكتبو لياا. وصلت للدار, واو توحشت دارنا درت فيهاا بقنت بقنت, شحال زويين ترجع االدار من بعد غياب طوييل ولاهم علاقتي مع امل تحسنات بدينا نخرجو بزوج وتختار معيا الحوايج ولييت تا انا نلبس مزيان وليييت زاز . بدينا ندفعوا لي ماستر والمدارس العليااا بغينا نخدمواا تا حنا.أنس مدويتش معاه من نهار جينااا. مقديتش نتصل بيه وتا امل مقدرتش نسولها واش كتدوي معاه خفت تبداا ضحك علياا وتعيق بيااا. تا لوحد النهار مشيت لوحد الشريكة. وسمعت شي وحد كيعيط لي اييمان اوو نووووووووو أنس شنو كدير هنا؟؟؟؟؟ انس: نتي الي شنو كديري هنا انا خدام هناا . مزيان تا انا جييت ندفع cv ديالي لهنا فين غبرتي من نهار دفنوه مازروه.هههه انس:: سي كنسول عليك امل راه مبقتش عندي نمرتك تمسحات لياا واش مكتوصلش ليك المساج. وييي كتقولهااا لي هاا ماشي بحال يلا تصلتي فنمرتي . انس:: راه كنقولهااا تقول ليك تصوني عليااا يمكن كتنسااا . اهه ويي كتنساا هاد الايام راه كظل فالزنقة دفع لي cv ديالها سبحان لي ماينساا المهم هاا نمرتي يلا فكرتي تسول فيااا هههه. ودعت ووعدني يتصل بيا فالقريب العاجل. من بعد حطييت cv ديالي وخرجت. دبا انا وأنس على تصال دائم حياا فيا الحب من جديد،وتعلقت بيه كثر كندوييو بزاف فالوتساب كيسيفت لي تصاورو وديال عائلتو لي كتكوم من ماماه وخوه صغر منو، وصيفت لي وحد الماستر غيكون ففرنسااا ديال تسيير المقاولات, تسجلت فيه انا وأمل لعلا وعساا نتقبلو فيه. وحد النهار عيط لي أنس قال لي بغيت نجيب الوليدة تعرف عليكم هي عاد سكنات جديدا فهد الحي ومكتعرف تا وحد يلا كان ممكن, تقوليها لمامك انا فرحت مرحبا بيكم ها جييو.من بعد قالتها لماما ورحبت بيهم قالت لي عيطي ليهم يجيو كلهم الدار درهم. مقدتني فرحة الله اكييد جاا يخطبني وبغااا يدرها لي مفاجئة. النهار كلو وحنا نوجدو ماما مخلات مطيبات وتااا انا كاع الشهيوات اللي كان كيقول لي أنس كيعجبوه طلبت ماما توجدهم. وسالينا الشقااا, وجدنا كلشي وصلات الثمانية عيط لي أنس خرج بابا يستقبلهم مع معرفينش الدار, انا دخلت لبيتي لبست احسن معندي ودرت مكياج خفيف , وتااا امل نفس الشي ملي دخلو رحبات بيهم ماما,ودخلو الصالون,من بعد عيطات لينا ماما سبقات امل لعندهوم وانا كنت شداني الخلعة ههه، من بعد غمزتني ماما نجيب الصنية دتاي ومشيت الكوزينة. ملي راجعاا كنسمع أم أنس كتدوي مع ماما ام أنس:: ومنكدبش عليك اختي خديجة (سميت ماما) حنا هد العرضا درنهاا صبااا والصراحة ولدك شحال هدا ولدي كيعود لي ولدي على بنتك الله يعمرها دار وحنا جينا طالبين يدهااا لولدي انس يلا قبلتو علينااا.ـــــــ ماما: الله اودي مرحبا بيكم غير انا راه عندي زوج بنات فينا وحدة علاش دويين. انااا جبت الصينية ورجعت الحلوى وكلي كنترعد يلاه غدااا لصالون وانا نسمع بنتكم لالة امــــــــــــــــــــــل. لا ميمكنش شنو امل لا اكييد خالتي غالطة بغات تقول ايمان، اه قولي اييييمان. خرجت لعندهم وشفت أنس كيغمز ويبتاسم لأمل. طيحت الطبسييل وغيييبت.

فقت ولقيت راسي فبيتي وبابا وماما وخالتي وأنس كلهم ديرين بيااا,ماما ملك ابنتي انا: لا والو ها معا الشقا اليوم وصافي دبا نرتاح شوية ونولي مزيان خرجو وخلاوني من بعد ما طمنو عليا. الله ياربي شنو هدشي لا ميمكنش امل تااا أنس تـااا أنس أختي كنتي كتخدي لي حوايجي وكنبقااا ساكتة لكن انس لا لا ديالي انا أأأ امل. كنت غنتصطااا وانا كنشوف امل فرحانة وكتدوي مع أنس. كرهتها اه هي لي من صغيرنا لي شافت عندي كتخدها مني, لكن مدنيتش توصل بيها الدرجة للراجل لي حبيت من كل قلبي وتمنيت ندوز معاه حياتي لا الا هداشي بزاف عليا منقدرش نبقاا كنتفرج فكرت نقتل امل ونتهنا لكن أنس مكيبغنييش انا وعمرو مفكر فيا كيفما انا كان كيعملني مزيان بحال صديقة انا الي فياا المشكيل ومكنفهمش عيطت لأسماء عوت لها كلشي وطلبتني نمشي عندها وحد السيمانة نرتاح شوية. طلبت ماما لي كانت ملهيا مع امل كتوجد لكلشي مع امل قالت لي واش غتخلي ختك توجد كلشي بوحدها، قالت لها مغديش نتعطل سيمانة ولا قل ونرجع . وانا مكرهتش يغبر لي الشقف ونموت ومنحضرش لهاد العرس بغيت هااا سباا وحدة ومنحضرش. مشيت عند أسماء مع الدخلة لعندها هاا شفتني وبدينا نبكيو بزوج بكييت تاااا رتاحييت وعودت لها كلشي وطلبتني نسااا أنس راه ممكتابش لي وحشوما هدشي الي كتفكري فييه وخصاك تشاركي ختاك فالفرحة ديالها راه متأكدة كون كانت عارفاك كتبغي أنس مكنتش تقرب ليه.دوزت ايام زويينة مع أسماء كانت كتمشي الخدمة وتخلي معياا أمين نلعب معاه ونوكلوا ونعود ليه وهو مفاهم والوا.كل مرة ماما وأمل كيعيطو لي نرجع لكن أنا محملتش مزال درنا ومعرفت فيين نمشي وتا أسماء حساا براسي ضيقت عليها وخااا هي مخلياني على خاطري.تااا لوحد النهار عيط لي بابا قال لي بلي المستر ديال فرنساا سيفتو ليا اراه تقبل الطلب ديالي وخصني السيمنة الماجية نسافر لفرنسا نقاد أموري الله شحال فرحت ربي استجب للدعاء ديالي واخيرااا نغديش نحضر العرس ديال امل ربي جاب لي السبااا. رجعت للدار كلشي مشغول بحياتو وليت كنحس بالغربة فدارنا كنتجمعو وقت الماكلة من بعد كلشي كيغبر.المهم وجدت الوراق ديالي والحوايج وحد يومين غنسافر ماما وامل عاد ردو لي البال. قالت لي ماما: مخسكيش تخلي زواج ختك وتمشي امل:: اه ا إيمان شكون غيوجد معيااا لعرس ديالي وانا معولة عليك زعمااا. ماما:: اه بقاي تااا يدوز نهار ديال ختك وسيري شنو غيقولو الناس علينا. قاطعتها ورفعت صوتي عليها هدا راه مستقبلي هي تزوج وانا مالييي والناس يقولو لي بغاو. ماما: تصدمات وبقات تشوف فياا اول مرة كنرفع عليها صوتي لهد الدرجة . قالت لي مالك ؟؟؟ انا مقلت تااا عيب ونتي كتغوتي ياك لاباس ؟؟ عتذرت منها وقالت لها بلي هد الفرصة كتجي مرة وحدة فالعمر وخصني نستغلها مبغيتش نضيع حياتي وانا مكندير والوا. قنعت ماما عكس بابا لي كان حاس بيا عندي شي حاجة وبلي تغييرت مور الخطوبة ديال امل وهو لاحظ هدشي طلبني نعود ليه ((لكن شنو غنعود ابابا الشوهة خايبة تا لتعويدا .واش نقول ليك بلي انا كنبغي راجل ختي ))).عيااا معياا بابا معودت لو والواا وخااا عارفه غيفهمني لكن مبغيتوش يفكر بلي امل كيف ديمااا خدات لي الراجل . اليوما غنسافر وجدت كلشي,ودعت الدار وتااا دمعة مالحتها قلبي قصاح صافي مات ايمان القديمة دابا وحدة خراا الي وقف كتسنااا الطيارة. تلفوني كيصوني هذا أنس . الواا ايمان شنو هدشي الي سمعت واش بصاح نتي مسافرة ومودعتنيش هدي هي الصداقة ((ضحكت مع راسي الصداقة ههه قتلتيهااا)). اهلا أنس وييي مسافرة دابا مكنش عندي الوقت وصافي كلشي جااا على غفلا. أنس:: وعنداك تمشي وتنساينا وملي توصلي صفتي ليا نمرتك اوكييي الدموع فعيني ،(نساك يا ريتني نقدر نساك))) لا لا منسكموش نتمنا ليكم السعادة وييي ضروري يلاه بسلامة غنطلع دابااا.قطعت معاه وقطعت وعد على نفسي منخليهمش يعرفوا عليااا تا حاجة ومرجعت تا ندير مستقبلي ركبت فالطيارة وانا كلي امل فالمستقبل وندير الماضي ورايااا ونبدا من الصفر فحياتي ونركز على قرايتي

وصلت لفرنسا واو عالم اخر ناس ظريفيين وماشي كيف كنت كنظن بلي عنصوريين سكنت مع بنت خالتي ورجلها فرنسواا تا هو ظريف وساعدني بزاف تا قديت الامور ديالي تمااا.كنت بغاا نمشي نسكن بواحدي لكن مخلونيش.كان عندهم وليد سميتو أنس الله ياربي فين ما مشيت تابعني.عرفت من طرف أسماء بلي انس وامل تزوجوا داروااحلا عرس وكلشي مشاا مزيان. انا طلبتها متعطيش نمرتي لتااا وحد فدرنا كنت كنعيط ليهم من الزنقة وملي يطلبو لي النمرة كنقول لهم تا لمن بعد.استمر الحال بحال هكداا والقراياا الحمد الله غداا فيهااا مزيان استطعت نحدث وحد التغيير جدري فحياتي بديت كنقوم بمساعدة انسانية وكنعمر وقتي بالدهاب لدور العجزة والجمعيات الانسانية.وتعرفت على اصديقاء مغاربة وأجانيب من كل أقطار العالم كتسبت خبرة فمجال تسيير المقاولة بمساعدة اطر ومقاولتيين. صبحت مدموزييل ايمان اللي كلشي كينشد بالعمل ديالها والمتابرة. خدمت مساعدة ادارية فواحد الشركة معروفة عندها اتفاقية مع المغرب.كانا كنمشيو مرة مرة المغرب لكن مكنتش نمشي لدرنا ولا تا هما عرفني واش كنمشي، مع المدة نسيت انس والحب الي كنت نحس بيه من جيهتو ،محبيت تا وحد موره رغم الناس الي كانو كيتوددو لي لكن معنديش مجال الحب،عمرت وقتي بحاجة اهم وهي الخدمة .وبلي انا بغاا نديير مشروع ديالي.اسيطعت نكتسب خبرة ودابا انا قدا براسي. عيط لباب وقال لي بلي امل تزادو عندها زوج توأم وسمتهم ((( ايمان و امل ))) بحالنا فرحت بزاف وبغييت نبؤك ليهااا لكن مقديتش خفت نسمع صوت انس ونحس بالحب من جديد وانا تعودت على فراقوا. دازت دبا خمس سنين على البعد ديالي على المغرب وعائلتي صراحة توحشتهم بزاف صافي قررت رجع وندير المشروع ديالي ونستقر بمرة، ونتعمل مع الشركة الفرنسية الي فالمغرب مع دابا هد الناس عرفتهم مزيان وعرفت كيفاش نتعامل معاهم . من بعد 5 سنين ديال الغربة، قررت نرجع المغرب. وبديت الاستعدات للرحيل، ودعت الاصديقاء الي عرفت فالشركة صافي السيمنة المجاا غنزل واو شحال توحشت بلادي صراحة مكين حسن من بلادك وخااا تكون عايش مزيان لكن،كتبقاا براني.مبغيتش نقولها للدار وبغييت نديرها لهم مفاجئة خديت الهدايااا لدار كلها وحتا لأمل البيبي وايمان وختي امل . قطعت البيي، غدا غنمشي نشاء الله،انا فرحنة بالزاف واو اخييراا غنشوف اميين خويااا اكييد غيكون كبر ودار عقلواا. ركبت فالطيارة ووصلت المغرب واو على جوو رائع خرجت من المطار،خديت طاكسي واتجهت للدار، من بعد ما وصلات للحي ديالنا، لقيت الزنقة كلهااا طموبيلات واه شنو كاين هناااا واش شي وحد فالزنقة عرس،شوية بان لي انس كلس فالراس ديال الزنقة ومصدوم كنشوف فيه مهدرنيش، لالا فينهوا بابا وانس واش بابا ولا ماما بيهم شي حاجة انس جوبني جاوبني عفاك.والو مدواش شوية وانا كنقرب للدار رجلي ثقالو علياا الله ياربي الدار جاتني بعيدة كلمااا سربييت دار بعادت,بان لي بابا كيسلم على شي ناس والدموع فعينيه بابا .لا لا ماما امل امين وجرييت دخلت لدار. لقييت ماما كتبكي شدا وحدة الصورة ديال من هد الصورة اميين لالا امل ميمكنش لا اكيييد كنحلم لا لا لا امل امل اختي لا لا انا رجعت انا رجعت ونسيت كلشي ومغديش نتقلق منك مزال امـــــــــــــــــــــــــــــــــــــــــــــــــــــــــــــــــــــــل امـــــــــــــــــــــــــــــــــــــــــــــــــــــــــــــــــــــــــــل.و غييبت.

فقت ولقييت راسي فالبيت. وزوج بنيتات حداياا زوينات اكييد بنات امل اه ختيي امل لي مشات ومودعتنيش ومقلتش لهااا شحال كنبغيهااا اهه كنبغييها وكرهت الحب والغربة والانانية، لي خلاتني نبعد عليهاا ياااااااااااالا سخرية القدر يا سبحانك يااا االله اهه كنت بغااا انس لكن ماشي على حساب موت ختي بكييت وبكييت وندمت علاش مكنتش كنعيط ليهااا اكيييد ماتت وهي مقلقة مني الله ياربي الله ياربي . شوية وحد الصوت صغيير مورايااا ماما ما ما رجعتي فين مشيتي وخليتني ومال ميي لالة ،كانت كتبكي ما ما ما جوبني اه هدي بنت ختي معرفتش شنو سميتهاااعنقتهااا وبدييت نبكي. وكتقول لي مالك اماما ولخراا كلسااا كتشوف فيااا قالت لهااا والو هااا توحشتكم خليني نشم ريحت ختي فيكم خليوني نعمر عينية بكم.شوية دخلات ماما ايمان امل سيرو للصالون ،، اكييد لبنيتة لي عنقتني غتكون ايمان نسخة طبق الاصل ديالي بحالي مكنقدرش نشوف حد مقلق ولا كيبكي وديمااا كنبقااا جنبو . ماما:: عاد تفكرتي بلي عندك عائلة وبلي عندك ختك وعاد جيااا كان عليك تزيدي تكلسي تااا تجيك لخبار ديالنا انا وباباك متناااا وجييي. ماما الله يستر عليك متزيدي على مابيااا راه قلبي طايب وربي الي حاس بيااا ماما:: شكون يحس بيااا اناا لي ضيعت بناتي بزوج . اناااا::: كيفاش بناتك بزوج لكن اناا مزلة اماما حداك ورجعت بمراا مامااا:: من نهار مشيتي ومبقيتيش تسولي فيااا حسبتك متييي ماتييي . خرجات ماما وخلات قلبي مجروح لا اماما راك مفهمتي والواا ونتي اصلاا عمرك محولتي تقربيني ليك ولا تفهمني نتي سباب هدشي نتي لي معرفتيش كيفاش تعدلي بينتنا انتي امام لي خليتي ختي الله يرحمهااا تنفرني معاملتك ليا لي باش كنت كتعملنيي اه اه اماما نتي السبب وجياا دابااا تحسبني دوزت ليلة كلهااا ظلام استرجعت ذكرياتي كلها من نهار كنت صغيرة كيفاش كانت ماما كتعمل معيااا ومزالة لدبا. فقت باليل على صوت وحدة فبنات ختي كتغوت.مشيت نجري لبيت ديالهم، لقيتهااا ترجف عنقتني وكتبكي هدي ايمان الصغيرة، وقالت لي ماما ماما متخلينيش بوحدي خلييك معياا متمشيش انااا خايفة من الظلام، بغييتك تنعسي حداياا .سبحان الله تااا انا كنت كنخاف من الظلام.خديتها بين ايدي وحكيت لهااا وحدة القصة كانت كتعجبني كان بابا كيحكيهاا لي ملي نفيق باليل هو لي كنلقاا حدايااا,تااا لدبا مزال مشفتوش توحشتو بزاف هو اللي كيفهمني .عنقتني وبقات تسمع لي تا نعسات،حطيتهااا فرشهااا ونعسات بحال شي ملاك والدموع فعينه

فالصباح فقت على الغوات ديال لبنات ايمان::: لا هدي ديالي امل::: لا ماما خداتهااا لي انا نفس السيناريو كيتعود قدامي ديالي اناا وامل ،نفس الحركات ديال امل وايمان الظريفة كتسمح فحقهااا كيف ديماا،بديت نضحك على المنظر ديلهم شوية قلبتهااا بكاااا اييمان : ماما مالك كتبكي.؟؟؟ لا احبيبااا ممليش راه طاحت لي شي حاجة فعيني ودمعات لي. قال لي اريي نبوسهااا ليك وغتبراا هههه حبيت بنات ختي لدرجة الجنون وعدت نفسي نديرهم بزوج فعينيااا ومنفرقش بينهم باش ميطلعوش بحالي اناا ومامهم تكون الانانية وحب الذات مسيطرة عليهم مبغيتهومش يكرهوا بعضهم بغيتهم يكونو اييد وحدة وديمااا متحديين ويتشركو فكلشي مبغيتهمش يضيعواا بحالنا بغييت نعلمهم شنهيااا الاخوة هدشي كلو بغييت نزرعو فيهم من داباا قبل ميكبرواا . مشيت لصالون لقيت بابا شحال شرف مسكين , وماما . وانس متبدلش بزاف هاا حسن شعرواا وخوياا اميين كبر تبارك الله ولا راجل. سلمت عليهم وعزييتهم ومشيت لحدا بابا وكلست هو لي بتاسم فوجهي .الله ابابا قداش توحشتك مكرهت نحط راسي فوق ركبتك وتبقاا دوز لي علا راسي وتقول لي احلى بنت فالدنياا،وامل تجيهااا الغييرة وتمشي عند ماما تقول لهااا ديري لي بحالهااا ونضحك مجموعيين .الله امــــــــــل اختي شحال توحشتك وبديت نبكي وانا نحس بييد بابا على راسي وكتمسح لي دموعي،شفت فماما لي بدلت تا هي تبكي ومشييت عندهااا وعنقتهااا ، وقلبنهااا عزوو تانيي بحال يلا اول نهاااار ماتت فيه امــــــل، امل الي جمي نساهاا .انس وقت الفطور كلو وهو مكيدويش هااا ساكت وكيخمم،وتحت عينيه كل زرق ومهموم.كلشي فيه تبدل فينهيا الحيوية ديالوا أيام الدراسة. مكنش شي نهار الي نلقاه مقلق كان ديمااا ناشط وفرحان ، كان حبو لختي كبيير وثأتر لفراقهااا. سلينا من الفطور وجمعت الطابلة, سمعت انس كيقول لبنات سيروا عند جداكم توصلكم اناا مبقاش عليا الحال تعطلت,خرجت وقالت ليه اناا نوسلهم ها سير، نطقات ايمااان ::: ياااي ماما غتوصلنا وفرحو تصدم انس من هدرتهااا. وبقاا كيشوف فيااا شوية قال لي شكراا ومشاا

لأول مرة كيحن قلبي لكلمة ماما علاش عمرني مافكرت فيهااا لاول مرة كنشتاق لهد الكلمة ماما تمنيت تكون ايمان بنتي بصح وظل تقول لي ماما منعياش من السمع ديالهااا.لكن اناا نسيت راسي ومبقيتش كنفكر فالزواج علاش دابا عاطفة الامومة دخلات لقلبي الطريق كلهااا وانااا غداا مع البنات وحد الفرحة ربي الي عالم بيهااا.وصلتهم وتلقيت مع معلمة الروض ديالهم. قالت لي اول مرة كتجيبهم مامهم .جاوبتهااا بلي اناا خالتهم قالت ليي اول مرة نحس بالفرحة ديالهم ملي جبتيهم . رجعت للدار، من بعد ما صلت لبنات للروض، عاونت ماما فالشقاا. الحمد الله علاقتنا بدات كتحسن من بعد ما طمنتهااا اني غنبقااا فالمغرب بمرة. وحد النهار عيط لي بابا قال لي اجيي بغييت ندوي معاك فشي حاجة، مشيت لحداه وقالت ليه توحشتاك ابابا بزاف، قال لي تاااا انااا الله لي علام قداش خليتي بلاصتك كبيرة من بعد ممشيتي. قالت ليه وانا حداك ابابااا دابا معندي فيين نمشي تا نطلع ليك فالراس قال لي غيجي وحد النهار وتمشي ديري وليداتك تا نتي. قال لي بنتي فكري فراسك وتزوجي وديري وليداتك الي يترحمو عليك الدنيااا مديماش ها اختك الله يرحمهااا خلات وليدتهااا الي يترحمو عليهااا.عطاني وحد الظرف قال لي هدا خلاتو ليك امـــــل الله يرحمهااا. مشيت لبيتي وحليت الظرف لقيت فيه رسالة من عند امــــــــــل ختي. مكتوب فيهاا بالحرف. {{ اختي الحبيبة .... بعد السلام {{{ اكييد انك ملي غتفتحي رسالتي غنكون اناا تحت التراب,بغييت نقول ليك بلي كنبغييك بزاف نتي احسن اخت فالدنيا عارفك غتكوني مقلقا مني ومن الافعال ديالي لي كنت كندير ليك عارفة راسي كنت خايبة معاك ومنستهلش منك تسامحني لكن على قبل امل وايمان شفتي سبحان الله ايمان نسخة طبق الاصل ديالك وامـــل شريرة بحال مامها هههه اختي اوصيك خيرااا بابناتي راك نتي ماماهم التانية وعارفك غتكوني كتعملي معاهم مزيان بغيتك تربيهم وتعلميهم يكونو بحالك فالظرافة ديالك والبراءة والمسامحة ديالك فكلشي وتااا انس راك عرفتيه قبل مني وكتعرفي كلشي عليه ردي ليهم البال وكنطلبك تسامحني انااا كنت عارفة راسي غنموت وتعيشي حسن مني وتهناي مني وهدشي علاش كنت كنقجر عليك، ونتي عارفة ختك مكتبغيش حد يعطف عليهااا،وراه ماما تشرح ليك كلشي والسلام اختك امــــــــــــــل }}.}}}}. J’

شنو امــــل، كنت عارفة رسهااا غتموت كيفاش هدشي دخلات ماما ولقتني كنبكي وخدات من اييدي الرسالة وقرتهاا, سولتهااا ماما كيفاش امـــــــــــــل كانت عارفة رسهااا غتموت عودات لي ماماا بلي امــــــــل من نهار تزادت كانت مريضة بالقلب،وهدشي علاش ديمااا شدا ليهااا الخاطر ومكنخسرش ليها وهملتك نتي ابنتي وتكلف بيك باباك وانا بأمــــــــل حيتاش نتي كنتي صبارة منين كبرات قالنها لهاا ومبغتش تااا وحد يعطف عليهااا كانت عنيدة وهدشي علاش كيوصيك باباك تردي لهااا البال ولي قالت ليك قبلي علهااا. تصدمت من هدرت ماما والحقيقة المرة لي سمعت.سولت ماما واش اناس كان عارف قالت لي راه كانت امـــل صرحاتو ملي كنتو فالفاك. ياا دابااا انااا لي كنت فدار غفلون كلكم كنتو عارفيين معادايا انا كون اماما قلتوهااا لي مكنتش نمشي نسافر ونخلي ختي كتموت بشوية بشوية. ماما::: راه شحال من مرة طلبتهااا نقولوهاا ليك قالت لي خليهااا تشوف مستقبلهاا وحياتها بلا متبرزطيهاا. ياك امــــــــــل تبرزطيني يك انا ختك ختك يلا موقفت معاك معامن غنوقف علاش اختي خليتني نكرهك ونفكر ندمرك، جاتني هسترياا ديال البكا بكيت تااا عييت. من بعد الرسالة ديال امــــــــل ولات عندي نظرة اخراا الحياة وليت نحب الحياة،بزاف وتشبت بهااا كثر وليت نعيش ايامي ومنفكرش فلي جاي. علاقتي مع ماما صلحتهاا وتااا بابا, بديت فالمشروع ديالي لي رجعت على ودواا.وضعت اللبنات الاولى ،وكرست حياتي ووقتي العمل ولبنات ختي اللي ولييت نخرج معهم ونتقدا ليهم لي بغاو ونمشي معاهم المدرسة درتهم فعيني وكثر حبيتهم لدرجة مكتوصفش ربيت عليهم الكبدة حسيت بيهم بناتي اه كنت لهم الام لي مولدتهمش والاب فالغياب ديال بابهم.والحمد الله كلشي كان غدي مزيان تاا لوحد النهار. جااا أنس كيدوي مع بابا وماما على ود انه مبقاش قادر يبعد على بناتواا وبغاا يديهم معاه مع الخدمة الجديدة بعيدة عليناا شويةوخلاهم بنمااا يقد امورواا ويرجع يخدمهم تصدمت لا لا ميمكنش يخد لي ولادي انا مامهم انا الام لي ربت.الام هي الي كتربي ماشي لي كتولد اهه انا ربيتهم احسن 7 شهور دوزتهاا معاهم تااا هما ولفوني مخصكمش تفارقونا لا لا أنس عفاك. هد الحوار كان كيدور فالصمت ديالي كيفاش نمنعواا يخد لي ليه هدو بناتو وعندو الحق يديهم فين بغااا. كنت كنسمع الحديث ديالهم واناا فصدمة كبيرة مقداش ندوي ولا نطلبوا يخليهم, كنت كنتسنا الرد ديال بابا وماما شنو غيقولو ليه تاا هما بقاو مصدومين بحالي.طلب أنــــس من ماما تجمع حوايج لبنات والالعاب ديالهم غدا غيمشي كلشي ساكت دوي اماما دوي ابابااا لا مغنخليكش تديهم لا لا. كسر هد الساكت كلمة من عند ايمان الصغيرة :: بابا سوف سنو سرات لي ماما (مكتعرفش تنطق الشين) زويين يك . كلشي بقاا مصدوم وكيشوفو فيااا ويشوف فإيمان. انس:: غوت عليها هدي ماشيييي م.... قبل ميكمل قاطعوا بابا زويينة ابنتي سيري لبيتك لعبي مع ختك . بابا:: مخصكش تكون قاصح معهم اولدي هماا بالنسبة ليهم ايمان هي ماماهم راها توأم مع امــــــل الله يرحمهااا ،هد البنات راه مفهمنش شنو كتعن مامهم ماتت خصك تصبر معهم راه مزليين صغار اولدي. خرج أنس من الصالون لأول مرة كنشوف فعنيه الدموع ودخل لبيت لبنات يعتذر من ايمان الصغيرة. الليل كلو وانا نصلي ونبكي لله يشوف من حالي وحال هد البنيتات لي ولفوني وولفتهم، الله ياربي كيف غنقدر على بعادهم ياربي يديير...

تعليقات

🔴 ممنوع قراءة القصص المخيلة للآداب و أنت على صيام