القائمة الرئيسية

الصفحات

قصة أشرف ووصال , قصص للعبرة , قصة للعبرة , قصة مغربية مفيدة , قصص مغربية بالدارجة

مرحبا بكم متابعين موقع نهيلة سليمي الموقع https://www.9isas1maroc.info/ تانشروا فيه قصص مغربية بالدارجة و أيضا بعض النكت .

المهم اليوم أنكتب ليكم قصة جديدة تحت عنوان قصة أشرف و وصال قصة زوينة فيها عبرة واعرا نتمنا تستافدوا و بغينا منكم التشجيع عن طريق التواصل معنا و اعطاء ارائكم في القصة . 
بلا مانطول عليكوم يلاه نبداو بسم الله و مع المناسبة عواشركوم مبروك و كل عام ونتوما بخير و على خير و الله يعبعد علينا هاد الوباء أميين .

قصة أشرف و وصال 

 مشي بالضرورة لبغيت نكتب و نعاود قصتي بديك الانسانة لي قضيت معاها معضم الاوقات لخايبة و الزوينة لي عشتها معاها من نهار تعرفنا علا بعضياتنا من خلال هاد دنيا نتقلق و لا نحزن على شي حاجة و لا شي مشاكل و لا احداث عشناها خلاتنا نبعدو علا بعضياتتنا فداك لوقت ، فهاد اللحضات مكنتناقدش معا راسي و إنما و مكنكرش انني غنقسم معاكم قصتي نقدر نكون دوختكم فالهضرة ولاكين هاكة نقدر نبدا قصتي سميتي أشرف من مدينة الداخلة عندي 20 عام حاليا لجيت نعاود قصتي خاصني نرجع بيكم بزاف لور غي باش تقدرو تستوعبو و تبداو معايا و تفهمو قصتي غنرجع بيكم فاش ياله طلعت لكاطريام كان ف عمري 15 عام عايش معا لواليدة غي انا لي عندها و داكشي لاش ديما كتشوف فيا داك الولد المرضي لي غيقرا و غيدير مستقبل كانت هيا لي تتخدم فواحد المحلبة كطيب المسمن غي باش توفر ليا داكشي لي بغيت مكانش كيعجبني لحال مني كنشوفها كتعدب هكاك صراحة كنكره راسي مكانش عندي لحل كنت كنقرا و مرة مرة كنخدم بتخبية عليها اول نهار عندي فليسي فيقاتني لحنانة بست ليها راسها و فطرت معاها عطاتني 50 درهم گالتليا هادشي لي صورت سير شوف فين جيتي لخصك شي كتاب و لا دفاتر گولها ليا نزلات لي دمعة ياله خارج من حدا باب دار كتبانليا واحد الطوموبيل عمرني شفتها فالدرب عندنا واقيلا هادو الجيران الجداد لي سكنو حدانا بانتليا ركبات واحد البنت زوينة بزاف بلا منوصف ليكم كانت آية فالجمال غتكون بنتهم باينة شي عائلة لباس عليها و غا مني سكنو فديك الدار فراه شي عائلة ملعقة مزيان حيت مول ديك الدار كان طالب فيها ثمان بقيت كنشوف و كملت طريقي جيهت ليسي مني دخلت زحام و بنادم كثير مشيت كنقلب علا سميتي وسط دوك اللوائح حتا لقيتها فواحد لقيسم معزول مشيت لداك لقيسم لقيت بنادم واقف و شي عشران ديال يامات السابعة و كدا وقفت معاهم سلام أشرف فين هاد لغبور فين حتا جا الاستاد بقا شحال عاد دخلنا كواشي ريح بلاصتو انا گلست لور معا لقيسم عامر باقي بنادم غيتحول و كدا غيخوا من بعد مهم نسلكو بلي كاين مني عاد بدا الاستاد خاصكم تجيبو دفتار 100 ورقة و ديك لهضرة حتا وقف حارس لعام عند لباب و معا نيت ديك درية لي بانتليا سكنات جديدة ف درب بنادم فلقيسم بقا غي حال فمو ههههه و تاهيا معا زحام ملقات تا بلاصة غي حدايا گلسات بنادم بقا مطلعها عليا و كدا متسوقتش و هدا دازت نص ساعة كلها ونا غي ساكت مهزيتش فيها عينيا حتا نطقات هيا گالت ليا واش عندك استعمال زمان گلت ليها لا ا ختي ولاكين راه معلق حدا الادارة گالتليا صاف شكرا صاف مكترناش ديك لحصة لهضرة معا خرجنا من لقيسم بانو ليا دراري مجموعين كنسمعهم محاطين علا ديك درية لي جاب نمرتها نعرفوه كاين بقيت كنضحك اصلن حتا زهر مكاينش كون كان عندي غي تيليفون بعدا نقولها ليها. و كدا و لاكين دارها لدارهم عا كان عندي غا حصة داك صباح دوزتها و خرجت ديركت للدار دوشت و مشيت كنطل من شرجم بانتليا ديك درية تاني و نازلة من طوموبيل كنشوفها هزات عينيها و شافت فيا دارت واحد ضحكة خفيفة و دخلات لدارهم مشيت عند لواليدة سولتها واش سكنو حدانا ناس جداد ؟ گالتليا اه راه وقفت صباح كنهضر مع ماماهم و گلت ليها تجي تگلس معانا لعشية شويا نتعرفو عليهم گلت ليها وايلي گالتليا علاش مالني غنكدب جاتنني عجب وصلات لعشية ممشيتش للمدرسة كان نص نهار حتا كنسمع دقان فالباب هادي غي ديك المرا و بنتها عرفاتني بقات كتشوف گالتلينا ماماها هادي بنتي وصال و كدا مهم بداو دوك الجموع ديال لعيالات هضرة كتجيب هضرة وصال غي گالسة و هازة تيليفون صراحة بقيت كنشوف فيها غي من ورا لخامية ديال لبيت عجباتني بزاف و لاكين هما عائلة مستوى طالع دوزو ديك لعشية گالت ليا لواليدة اناس ضريفين ا ولدي بزاف گلتليها اوا اش غدي دير مرحبا بيهم لعشية خرجت مريح فدرب كنضرب علا شراجم ديال دارهم اغي كتشوف فيا زاش كنحلم بقيت گالس معا دراري حتا جاني لبرد و دخلت تعشيت و نعست لغد ليه فالقيسم جات قاصدا لبلاصة حدايا گالت ليا علاش دخلتي لبارح للدار بكري مخليتينيش حتا نبقا نشوف فيك هههههه

 

كنتي اول مرة تشوف الجزء رجع قرا الجزء 1 خلي جيم و تفاعلو و طاغيو عشرانكم نلوح ليوم
گالت ليا علاش دخلتي لبارح بكري مخليتيني حتا مشوف فيك درت ضحكة خفيفة و بانت ديك تزنيگة علا وجهي ولا حمر گالت ليا حشمتي زعما اوا اسيدي جيتي زوين و نتا هاك گالتليا بالمناسبة عطيني نمرتك ندويو واتس فاش نكون فدار و نخرجو من ليسي گلت ليها والله ا وصال معندي تيليفون و كدا راه لحالة غا علا قد لحال مكاينش لفلوس گالت ليا أشرف ممكن تعاودليا شويا علا راسك ياله بدينا مجمعين وسط ديك لحصة ديال لفلسفة هوا يجري علينا الاستاد خرجو جمعو نتا وياها برا معاودتش لهضرة خرجت تا هيا تبعاتني گالتليا والله مكان فيا لي يدخل ياله نگلسو فشي جردة ندويو حيت شوية غيجي شيفور ديال لواليد غيديني گلت ليها لي بانلك گالت ليا اوا اشنو بلانك واش غي نتا لي عند ماماك و دوك الاسئلة لخاوين صراحة هاد سيدة فشكل مسخيتش بالهضرة معاها حتا شافت ف ساعة ناري ناري تعطلت گالتليا راه غيجي ويلا ملقانيش حدا ليسي يوصلها للواليد غيقتلني گلت ليها صاف سيري گالت ليا دبا مغندويوش گلت ليها اسيري حتا نضبر فتيليفون گالت ليا رد لبال لراسك و فليل گلس فراس الدرب نشوفك غا من الشرجم و لا غنگول لواليدة نديرو شي سبة و نجيو عندكم للدار گلت ليها صاف غتلقايني و مشات بحالها تميت غادي علا رجليا حتا كنسمع صوت تعياط هادي لواليدة أشرف أشرف درت لقيتها جايا و هازا واحد القفة ثقيلة عاونتها گالت ليا فين كنتي گلت ليها غي المدرسة و هدا گالت ليا اوا دير عقلك و الله يبعدك من ولاد الحرام ا ولدي يا ربي گلت ليها امين ا ميمتي و مشينا گالت ليا مگلتيش شنو خاصك ف دفاتر و هدا و زدنا للدار غي كليت شويا بدا كيضلم لحال خرجت للراس الدرب و مقابل الشرجم حتا طلات بقات كتشوف فيا شويا وقف عليا واحد الخدام من لخدامة تاعهم عطاني ميكة گاليا هادي من عند وصال و مشا مخلاني حتا نسولو حليتو لقيت فيه كارطونة صاف هادي شرات ليا تيلي محملتش. راسي خفتها لتكون شافتني فقير و شفقات عليا درت فيها عزة نفس لقيت ورقة فيها شعل تيلي ودخل راه فيه للواتس و مدخلة نمرتي سيفط ليا شعلتو صيفطت ليها مكانش علك ديري هاكة گالتليا متفهمش غلاط غي حيت لقلب خلاني ندير هاك زربات عليا بديك لهضرة حتا نسيت لموضوع عجبني تيليفون وخا هكاك گلت ليها صيفطي لكاين شي موسيقة حتا كتدخل عليا لواليدة :أشرف منين جاك داك تيلي و بدات كتغوت وليتي كتشفر ا اشرف..

 گلت لميمتي اشمن شفرت الله يهديك واش نتي ربيتيني علا هادشي ؟؟ وخا كبرت بلا أب و عمرني عرفتو و تحرمت منوو حيت انا ماشي بحال اي واحد عندو باباه كيشري ليه لي بغا كيتهلا فيه گالت ليا ولدي اش كتگول تا دبا لي بغيتي انا نجيبو لك گلت ليها لا ا ميمتي گالت ليا شكون عطاك هاد تيلي گلت ليها غا واحد صاحبي و هدا گالت ليا وخا مهم انا مشيت نعس متفارقات معايا بتحقيق غا بزز جاني نعاس خليت لكونفرساسيون ديالي انا و وصال محلولة و نعست محسيتش براسي حتال صباح كتعيطليا لواليدة نوض براكة علك نوض تقرا نضت شفت فتيلي كنلقا شي 15 ابيل و بانتليا كعات حيت خليت vu. ناري صيفطت ليها ميساج فداك صباح وصال راه والله نعست و كدا گالتليا علا سلامة ا سيدي خليني انا صهرانة و معرفتش اش طرا لك و كنفكر و نتا نعس گلت ليها و صاف عرفتي نمشي نفطر نتشاوفو فليسي گالتليا اك حسيت بيها مقلقة صاف مشيت فطرت معا راسي و جمعت كتوبتي كان عندي الماط داك صباح هزيت تيلي لقيتها. گالتليا نتلاقاو حدا جردة لمعلومة گلت ليها وخا و مشيت نيت تماك لقيتها جايا گالت ليا وخا علا لبارح گلت ليها والله گالت ليا صاف سكتنا كنبغيك ا لهبيل درت ليها ضحيكة خفيفة فوجهها صراحة مبغيتش نعلق عليها قلبي و هيا بنت ناس لاباس عليهم و نصدق ضايع گالت ليا بلا مندخلو گلت ليها لا لا ندخلو گالت ليا مالك معقد و هدا مغندخلوش واحد صاحبتي غتجي هيا و صاحبها و غنمشيو لجيهت لبحر و نضحكو شويا گلت ليها لا و هدا والو بقات عليا معقد و هدا حتا تمكنات مني مشينا جيهت لبحر داك دري لي كان معا صاحبتها ضريف بزاف تا هوا تفاهمت معاه فلهضرة بقينا كنديو كنجيبو فلهضرة صاف بقينا علا داك لحال يوميا كنجيبو مزيكة لقص كنزهاو تتسولني لواليدة الله يسمحليا كنگوليها راه كنقرا و هادا حتال واحد نهار كالعادة صيفطات ليا وصال و داك دري صاحب صاحبتها بالمناسبة سميتو عادل گاليا جيب نتا لقص و كدا نتلاقاو هنا خلا ليا لعنوان واقيلا شي دار هادي مشيت شديت طاكسي وصلني لقيتهم حل لينا عادل لباب و دخلنا صاف كل واحد شد بيت هوا و صاحبتو عاد وصال دخلات عليا معرية شيطان كان معانا راكم عارفين اشطرا من بعد تا كنسمع لباب تفرع و داخل بنادم جاو لقاونا هكاك عريانين. و عادل تا هوا ناري ا خويا واحد الشوهة خرجونا هكاك من دار ناري علا شوهة عادل غا ساكت هيا وصال غبروها مشيت داونا. انا و عادل و دوك الاجراءات سيني هنا و لهيه ووتصرفيق خدام منعو علا لواليدة تشوفني جبت ليها غا الشوهة گاليا واحد البوليسي جبتي شوهة لراسك و ملقيتي غا معا بنت داك الراجل و نتا باقي صغير غي طلب دوز سالمة گاليا راه لمحضر غارق گالتليه اودي و سكت عادل تا هوا نفس الاجراءات صاف يوماين ديال تحقيق دوزونا لمحكمة عتارفت بلي مشاو معانا بخاطرهم و هدا و لاكين باينة غرقت لسقو ليا 5 سنين و عادل 4 سنين و معا كنا غا قاصرين داونا الاصلاحية ميمتي مشفتهاش اعلم الله شنو غيديرو فيها دوك الناس يا ربي اش درت بدينا اول نهار لحگرة و لاكين من الزهر عادل كان كبر مني بعام متريني شويا طبق صحتو تماك صاف غا واحد الشهر مكيقدش يدوي معايا شي حد غا كيسمعو راني عشير عادل كيقلب بنادم عجبني داك لهيت گاليا عادل برب حتا وليت حاسبك خويا غا فهاد المدة صاف دازت عام و حنا عاطينها غا للنعاس اانا و عادل لا وصال لا يسرى لا مميمتي مبقيت سمعت حتا خبار صراحة مكاينش شي ليلة كدوز بلا منفكر ف وصال و لا ميمتي عادل ممسوقش داك نهار كان لملال ريحت معاه گلت ليه لبنات موصلكش اشنو دارو گاليا وصال بطبيعة لحال غتكون فدارهم و يسرى كدالك اغي الصبر گاليا ولاكين ا أشرف نتا زربتي ديما كنت كنبغي نگولك متديرش معاها شي حاجة ولاكين كنتو تتبانو موالمين گاليا مهم انا معاك حتا نخرجو بزوج و نديرو حياة جديدة و مشا گاليا نمشي للساحة د لحبس تمشي گلت ليه والله ما فيا بقا معايا ياله ياله بقيت گالس كنفكر كيفاش غتكون ميمتي دبا ساخطة عليا و لا اش يكونو دارو فيها دوك ناس خصوصا معندي تا باش نتواصل معاها طلع ليا دم لراس بصح وصال كانت معايا بخاطرها فرمشة عين معرفاتنيش عادل هوا لي صدق و هاد 5 سنين مغتدوز تا غنمرض يا ربي حتا دخل عادل گاليا أشرف نوض نوض تشوف راني ضبرت فتيلي نوض و فيه روشارج توحشت نحل لفايس گاليا هاك حل فايسك نتا لول اصاحبي گاليا شد تيلي ديالك هدا من عندي گلتليه منين جبتيه گاليا حل لفايس گلت ليه غنقاد واحد جديد و ندير فيه تصاور شي اخ كيما كان و نصيفط ل وصال ميساج و غي نجر ليها لسانها غي بالفن و نسول ف ميمتي داكشي لي درت باصيت ليها انفي شي ساعة عاد قبلات. 

 شي ساعة ونا كنتسنا عاد قبلات لانفيسطاسيون مزربتش ثبث راسي مباصيت لا ميساج لا والو زربة ممنهاش دخلت كنسركل فكونطها فايسبوك بانتليا مبقات لاحت والو من يامات كنت انا وياها جاتني فشكل عيطت علا عادل گلتليه اجي تشوف شافني داخل لكونطها فايسبوك كنسركل كعا عليا ضرب فيا واحد تخنزيرة ديال عطيتك تيلي باش تسركل شويا فكونطك هنا ولهيه و لا. مهم تدخل لشي باج تقرا شي حاجة باش تفوج شويا مشي باش تمشي عند ختنا لي وصلاتك لهنا تنا مني شفتو خنزر عاودتش معاه لهضرة هوا خيرو سابق كيدافع عليا فالحبس داير بلاصتي ب سميتو والله تا بيخير و كبر مني خاصني نسمع ليه راه مبقاش غي عشيري و لا خويا و كثر من خويا دوزت داك نهار غي ناعس كنت عيان شويا صراحة تشوف تتعيا و تتبقا الحرية فشكل و لاكين اصعب حاجة هيا فراق الأم لي عندك مباقي عرفتها باش تبلات و لا اشنو جرا معاها منطولش عليكم و لقصة باقا طويلة نبدا نقرب الاحداث دازت عامين و نص من العقوبة ديالنا لواليدة عمرني سمعت عليها لخبار توحشتها و مشي غي توحشتها مصاب كون ليام رجعات لور و منديرهش هادشي و نخلي لواليدة بوحدها ولاكين بغلطة وحدة وصلاتني لهنا صراحة وليت كنعاني من واحد نوع د.الاكتئاب قلة ميدار غي نعاس وو تفكير صاف راه دخلت فواحد لعالم كحل مغطولش لمدة هاكة حتا داك نهار جا الحارس د.الحبس عيط علا عادل بلي عندو زيارة عادل مفهم والو كيفاش زيارة و هوا من نهار تلاح هنا عمر شي حد سول فيه خرج شي ربع ساعة عاد جا وونا كنتسناه غير ينطق شكون جا عندو گاليا بلي ختو و جا فشكل گاليا عمر شي حد سول فيا تا جات عندي هدى سولتو شكون هاد هدى گاليا قصة طويلة گلتليه عاود هاد لقصة مالنا اش كنديرو گاليا هاد هدى كانت صاحبتي قبل منعرف هاد صاحبت وصال لي دخلت لهنا علا قبلها و رغم دالك خليتها و درت معاها شي حوايج ميداروش و جات سولات فيا و گالتليا راني كنتسناك تخرج من هنا جاتني فشكل و هيا كبر مني فالعمر بقيت كنشوف فيه ديك هاد درية فشكل ا خويا عادل تاهوا فرحان عجبني لحال دب.صح مني شفتو فرحان و مقاداه فرحة فنفس الوقت گلتليه رد بالك مزيان گاليا متخافش راه تقدر تعاونننا هيا علا برا منها نعرفو حالة ماماك و منها بزاف د لحوايج احح سمعت ديك لواليدة فرحت فرحت كون تعرف فرحتي صاف نضت كنقز گلتليه منساش لك لخير ايلا درتي معايا هاكة خنزر فيا تاني ديك ديال كتقلب عليا وا اخويا فين غتلقا شي شخص بحال عادل لفرحة خلاتني كنقز بوحدي وليت كنتسنا غي الزيارة الجاية ساعا گاليا راه عندي نمرتها غتبقا تعبئ لينا هنا و نبقاو ندويو معاها صاف تانا نقزت زرب زرب دخلها فليكونطاككط بدا كيرسي لهضرة و كيتعنب شويا بدا كيعاود ليها عليا واحد صاحبي كدا كدا مهم بقا كيعاود گاليها غنعطيوك لعنوان و بغيتك تشوفي راه ساكنا لواليدة تاعو تماك شوفي درب اش طرا سولي فيها بحالا غي دايزة متجبديش سمياتنا صاف تاهيا متحاشماتش گالتليه دبا مزيرة مع دار و ليل منقدرس نخرج گالتليه غدا فصباح نقضي ليكم ا لغراض صاف ظيك ليلة مجانيش نعاس كنفكر واش بصح غنعرف خبار علا لواليدة معرت مداني نعاس بزز تال 3 د.صباح فقت بكري شديت تيلي باصيت لختنا ميساج صباح نور صبحت عليها عل صباح گالتليا لقيتيني غادا لداك لعنوان كنلبس حوايجي باش نمشي صاف گلتيها هانتي ايلا عرفتي شي حاجة حاولي فاش تكوني تدوي سجلي غي اوديو نسمع صوتها وخا غتكون صاخطة عليا گالتليا كون هاني ومشات بقيت ساعة لولة الثانية عادل عاد فاق صباح نور صباح الوتا و الياسمين

فاق عادل صباح نور صباح لخير گاليا شفتك فايق بكري گلتليه غي سلاك منعستش كنخمم فا لواليدة گاليا تهنا راه هدى تكون مشات تقضي لغراض بقا بالي هاك و هاك بقيت نص نهار كنتسنا والو هدى محلاتش صاف كعيت ديال بصح باش تعرف غي كنعلقو الامل علا والو صاف تا عادل گاليا ما بقا لينا والو و نخرجو وشوف تبدلنا دب صح نخرجو نباليو بحياتنا كلتليه ضروري اصاحبي وخا معرفتش واش غنبقاو مجموعين ورا فاش نخرجو ولا لا گاليا اش كتگول راني معاك تانا مكنتش من لعاگزين هزيت تيلي و دخلت كنأجوطي بنادم عشوائي بنات و دراري غي باش نتلف شويا قلة ميدار نيت و. كنتعرف علا بنادم حتا صيفطات ليا واحد لبنت ديك سلام جاوبت صفا و بقينا ديك لهضرة لخاوية ديال لفايس گالتليا صيفطتي ليا انفي ممكن تعرفني عليك بقينا تعارف و تخربيق تلهيت معاها داك نهار ديال بصح نهار كلو هاز تيلي كندوي معاها سميتها فاطمة الزهراء تقريبا انا كبر منها بعام صاف تا هيا شدات معايا ليل قربات كنكس تسالي ونا نعاودليها بلاني كلو انا فين جاتها شكل گالتليا دبا هادشي كلو مهم تصدمات لحت ليها ميساج فيه لكنكس غتسالي و راك عارفة گالتليا صبر دقيقة مشات كنستنا جابت 50dh. روشارج و لاحت ليا گلتليها لاش گالتليا صاف دخلها و سكت بقيت داوي معاه تا عيقت جا عادل گاليا جمع شويا راسك نتا حاضي تييلي گلتليه گلس نعاودلك عاودتليه لبلان د ختنا گاليا وايلي هادشي زوين بقيت متواصل معاها حقرب تعشرنا دبصح وصراحة وليت متعلق بيها وخا نگولك راه عمرني شفتها لايف مس هنا عرفت بلي كاين حب فمواقع التواصل يقدر يكمل بالخير صراحة هاد لفكرة ديال الحب عبر مواقع التواصل بعد لمرات كتصدق وو شوف نتا و زهرك معامن تلاقيتي واش بنت الناس و لا بنت الزنقة و نتا و القدرة دصبر عندك و لاكين دبصح لتلاقيتي مع بنت الناس فهماتك فراه غتكونو بحالا عايشين لايف و بقات الثقة لي هيا اساس العلاقات و الصراحة لي كاين تگولوه لبعضياتكم و تحسو ببعضياتكم ف راه حقرب مغتلقاوش موشكيل فخياتكم حتا تلاقاو لايف و تكملو طولت شويا خرجت باش نطولش دازت عامين ونص زربانة تعشرت مع فاطمة الزهراء ديا بصح و بقات صابرة معايا و كتصوفيني ديما تا جا نهار فين غنخرج من الحبس و كان نفس النهار لي داير فيه مع فاطمة الزهراء. 

أهم حدث مدكرتوش فالجزء لي قبل بلي عادل كان محكوم غي ب 4 سنين خرج قبل مني و كان وصا عليا بنادم و خلاليا حوايجو وبقا كيجي يزورني ديما و انا فداك لعام كلو مقابل غا تيليفون مع فاطمة الزهراء عطيتها لتيلي و نعاس ولماكلة مبقيت گاع دايها فراسي و صراحة تشوقت نتلاقا بهاد فاطمة الزهراء تا عادل ولا كيزورني مقلبش عليا تا جا نهار فين تانا غتشوف شمس صراحة راه مليت خصوصا مني كان جا عندي عادل گاليا بلي دارنا مبقا ساكنها حد و تا جيران معارفين خبار علا لحنانة جا وقت فين نقلب عليها راه ميمكنش وخا محاملش ندخل لداك الدرب الكحل معندي مندير خرجت عند لباب. د الحبس ضربات فيا ديك شمس عماتني ف عينيا مبانلياش عادل تم. و نيت كنت داير مع فاتي غنتلاقاو ضربت مسافة عاد درت اوطوسطوب باش نوصل لحدا المحطة تما كنت داير معاها و مع ديك أول مرة نتلاقاو انا عارفها غا فالتصاور دبا حيت الواقع حاجة خرا كان شويا د الحماق داك نهار بقيت كنتسنا كنتسنا كنتسنا دازت ساعتين والو فين هيا هاد فاطمة الزهراء معرط ونا ميت بجوع صاف عرفتها خوات بيا زدت كنصوني ل عادل گلتليه راني خرجت صباح و دبا راني حدا المحطة گاليا صبر صبر انا نجي لك مسكين جا كيجري شد طاكسي لي جا فيه و مشيت معاه لدارو عاودت ليه لبلان ديال ختنا لي خوات بيا فطريق گاليا مغندويش معاك دبا غتمشي معياا لدار تدوش و تنعس تتفيق گلتليه كيفاش سمحو لك داركم گالياا اودي الكبدة ديال الام دخلت كنلقا ختو و مو فالباب سلمت و مصوابين لواحد درجة بزاف عطاني ندخل ندوش. و كنسمع ف مو كتگوليه سربي وجد لدري بيت فين ينعس و لماكلة غيكون فيه جوع صراحة فرحت حسيت براسي وسط عائلتي صاف داكشي لي كان دوشت كليت رتاحيت لعشية گلت نغيرها جيهت دربنا نسول عل الواليدة مشيت بوحدي ممشا معايا حد دخلت لدرب و الحمد الله بنادم معرفنيش تبدلت بزاف بقيت كندق ف دارنا تا جات واحد المرا گالتليا مالين دار خواوها مدة گلتليها انا راه ولد الزهرة گالتليا أشرف ياك گالتليا اجي معايا ا ولدي عندي منگولك تحركت معاها گالتليا مكاين منخبي من ورا ديك الفضيحة بابات ديك وصال تكرفص علا ماماك ديال بصح و تماك هزات حوايجها و مشات لواحد.لعروبية راه جات بين جبال حقدت فديك اللقطة سولتها علا عائلة وصال گالتليا تاهما رحلو رجعت بحالي للدار عند عادل حاقد معاودتليه والو هزيت تيلي. و باصيت لوصال بفايس مافيهش سميتي ووسولتها و بديت كنتوهم عليها عرفت بلي رحلو من المدينة خاصني دبا فلوس نمشي نشوف لواليدة عاد نمشي نشوف هاد عائلة وصال فقت صباح بكري هزيت صاكي و مشيت حيت عارف عادل كون عاودلتيه ميخلينيش نمشي بوحدي مشيت غا كنطلب فلوس المركوب وسط المحطة وخا بنادم معقلش عليا نورمال نضرة عندنا فالمجتمع تقدر تكون غا خايب ف وجهك ميعرفوكش وحقرب و لا غي فيك شويا دلحبوب يردوك شمكار صراحة راه غي كنشوف النضرات دبنادم فيا كنتوسوس معرط واش انا بوحدي لي كنمشي لشي بلاصة كيبقا يشوف فيا بنادم كنتوسوس هاد لواقع كيخليك تحقد و متبقاش تفوت الدار ممهم خلينا من هاد الموضوع الخاوي و نكملو جمعت صريف كانت اصلن لعروبية قريبة من تم مشيت ظغيا وصلت صاف نزلت ونا معارفش هاد القنت حيت عائلة لواليدة مكنجيوش ليها فاش كنا صغار بانو ليا شي براهش گلتليهم دار الالة نادية لي عاقل عليها سمية د جداتي دغيا وراوها ليا من بعيد قصدت كندق كندق فتحات واحد المرا لباب علامن كتسول اولدي گلتليها الزهرة لواليدة اخالتي گالتليا أشرف ؟ گلتيها اه تلاحت عنقاتني گالتليا ولدي عرفتي ماماك تسيق. لخبار غتنقز بالفرحة سير ا ولدي راهيا فين گالسة اححححح تميت قاصدها كنجري اححح لواليدة عيطت ليها دارت عندي ديك ولدي اشرف ا لفرحة بكاتنا داك نهار صاف لواليدة مفرقاتنيش بالفرحة جاتني ديك العروبية مملة هزيت داك تيلي لقيت +99999 ميساج من عند فاطمة الزهراء و عادل بلا مندوي لقيتو كاعي دخلت لفاطمة الزهراء لقيتها مصيفطا والله لكار سباب خسر. و تعطلت علك لقيتك زدتي حرام علك والله مدويتش معاها خليت vu دخلت لعند عادل لقيتو كاعي صيفطتليه ديك لقيت لواليدة و خرجت من لواتس دخلت لفايس لقيت وصال لايحا بوسط طويل بحال شي قصة فيه دازت خمس سنين و منسيتوش و ندمت ولاكين واليديا سباب كومونطيت ليها ب ايلا جا عنظك دبا شنو تديري گالت ليا ندير لي بغا مهم يسمح ليا گلتليها بص نمرتك عطاتني نمرتها شارجيت فليل و صونيت ليها من نيم بريفي سمعت صوتها تبورشت حقرب غي دويت انا گلت فين ا وصال گالتليا اشرف ياك دوي گلتليها اه و قطعت دخلت للفايس گالتليا اشرف ياك كيفاش فين عاود صونيليا فين نتا نجي عندك غي باش تعرف لحب عمرو كي موت وخا تدوز 20 عام لكان حب حقيقي بالطبع.  

 لحب عمرو كي موت وخا تدوز تا 20 عام وخا تنسا و تبغي تبدل راسك و تعاود تكون راسك من جديد ضروري مغيجي نهار بمجرد تشوف داك الانسان لي دوز معاك شي حاجة لي بزاف و بغيتيه و بغاك بمجرد تشوفي غتحس بلي بحالا عمرك نسيتيه ولا عمركم تفارقتو جامي و تنگول هادشي في حالة حب حقيقي اما تفلية راه من غدا تنسا داك الانسان و غاادا لحياة هكاك طرا معايا تاني دويت معاها داك الحقد كلو مشا و بحالا عمرني دخلت لحبس و لا حقدت و لا تفارقت معاها صاف بقيت كنكدوي معاها فلفايس و كدا درات معايا غدا خاصني نطلع لمدينة واه يا خويا بزززز بززز باش قردت نگول لواليدة راه غادي.عند صاحبي راكم عارفين كتولي المراقبة ديال بصح موصلت لعند وصال ببانت ليا مبدلة و وجها مخطوف گالتليا أشرف و عنقاتني صراحة تتنا عنقتها بلا منحس گالتليا ضعافيتي گلتليها راك عارفة گالتليا متفكرنيش راني غي هاربة راهم مكيخليونيش نخرج ايلا لقراية و كيصيفطو معايا خدام يقابلني بصح گلتليها ياله نمشيو غا لشي قهوة مشينا كنهضرو و مرة مرة كنتلفت كنلقا واحد درية عينيها محيدوش والو تا مرضت مال هادي ونا نگولها ل وصال گالتليا فين هيا شافت وصال كعات كانت غترونها فلقهوة گلتليها صاف مهم شويا كنضور تاني ديك درية بحالا كتگوليا تبعني خرج من لقهوة بغيت ندوي معاك گلت لوصال هاني جاي و نضت مشيت گلتليها ختي من صباح ونتي كتشوفي مالك گالتليا معرفتينيش بقيت كنشوف گلتليها لا گالتليا غي شوف ليا ف عينيا اه لا ميمكنش هادي فاطمة الزهراء كيفاش ناري اش هاد لموقف مرضت گلتليها فاطمة الزهراء گالتليا ا ولد الناس عامين ونص ونا معاوناك و وبغيتك هكا تجازيني شحاال خايبة غا تا تمات جايا وصال كتعربط شكون هادي أشرف شكون هادي دوي صاف صاف مبقيت عارف منگول فاطمة الزهراء گالتليا ا ولد الناس طهلا مشكيل درية وقفات معايا تشوف انا جرحتها و وصال ضمرات حياتي رجعت معاها هاك مكنحسوش براسنا ديما داك شخص لي كيضمرك فحياتك كترجع كتكمل معاه وخا معرط اش يدير أما داك لي كيبغيك كتبقا تلعب بيه هاكا دايرين موشكيل صاف وصال زادت مقلقة گلتليها ديك ا بنت الناس راه تا بنت وقفات معايا گالتليا مكيهمنيش هاك لهضرة حيت كون طلبتيني انا مكنتش نردك كنت انوقف معاك عوض متعطي فرصة و من لفوق عجباتك حيت عندها لاطاي و زوينة حسن مني و دبا مبقيتي تعرف لمن تدير لخاطر من غير تديرو لراسك هههههههههه كثرة الهم كضحك رجعت بحالي للدار كنفكر دبا فراسي كيفاش نحل هاد المشكيل واه وحلت ديال بصح لقيت فاطمة الزهراء مصيفطاليا كنبغيك و حرام علك داكشي لي درتي وصال مدواتش معايا مصيفطات والو دبا تا لصونيتي لفاطمة الزهراء و شرحتي ليها اتفهمنيش حيت خليتها تعلق أما ل عليا ولاكين ومع لوقت تنساني اش غندير تا تنطلع و ت نهبط فلفايس كنلقا خونا كاتب اون كوبل افيك وصال شهاد شي كيفاش مني سولتو گاليا راها معايا مدة وايلي شهاد تخربيق نضحك علا راسي دبا و لا اش ندير فكرت مزيان لقيت احسن حاجة نديرها نبلوكي وصال و ننساها و نكمل مع فاطمة الزهراء منها نخدم و نجمع صرف نكمل معاها حياتي و نهز لواليدة لل مدينة نكري ليها شي دار صونيت لفاطمة الزهراء ألو سمعينيت بلا مدوي گالتليا وخ گلتليها ها كاين ها كاين نص ساعة ونا كنهضر معاها فلخر مسكينة گاتليا كنبغيك والله عرفتي بورشاتني مشيت عند لواليدة گلت ليها غدا نمشي نقلب فين نخدم راني كبرت دبا گالتليا نوصيك عرف اش تدير ا ولدي گلتليها كوني هانيا صاف هيا هاديك فقت بكري كنقلب كنقلب فالمدينة گاليا واحد مول سناك كيدير صوندويتشات مرحبا غي هوا انبدا معاك بفلوس قليلة..

كيجاتكم القصة ؟ المهم ملي تساليوها كتبوا الرأي ديالكوم فيها فتعلييق لتحت .  

أهم حاجة هيا مندمتش خيت ختاريت نكمل مع فاطمة الزهراء حيت د بصح تستاهل و كيما لخرا مقدراتنيش تا شويا خاصنا نعطيو فرص لناس كيستاهلو شحال قدنا نبقاو عايشين واحد الانتضار ف شخص كيتلاعب و لا كيمثل علك أنه كيغير و لا يمثل انه غي نتا لي عندو اخيب الاحاسيس كيخليك عايش حيرة مع راسك واش شحال قدي نتسناه و كيخليك داخلك الشك غي مع راسك كتكون گالس تا كتگول دبا هاد شهور كلهم لي دوزتهم مع هاد شخص كلشي كان وهمي كلشي كان خرافات كتدخل ف اكتئاب غي مع راسك معليناش ماشي هادا موضوعنا خدمت مع راسي فداك سناك الراجل مول صناك مهلي فيا غي شافني معقول معاه گاليا هادشي لي كنبغي ا ولدي غي لخدمة المعقولة و متغشش فخدمتك و انا معاك اولدي الله يكثر خيرو گلتليه ا سي عبد القادر كتعرف شي سمسار باغي نكري ل لواليدة ويلا كتب نجمع فلوس نتزوج و نجمعهم فدار وحدة حيت هما لي عندي فهاد دنيا گاليا علاه فين كاينة لواليدة عندك گلتليه فالعروبية گاليا عرفتي خلي لخدمة و ياله معايا گلتليه هيا لولة مشينا لواحد دار قريبة تم حدا صناك گاليا دخل شوف دار مجموعة تليق لينا مهم غي نتجمعو و صاف گاليا ها سوارت سكن ميمتك هاد دار غا شهر لي فات شريتها و سديتها سكن فيها گلتليه مبغيتش نتعدب و نجيب لواليدة و يطرا شي موشكيل و نهز تاني رحيل و نبقا نعدب فيها خنزر فيا و زاد گلتلك صاف منعدبكش ا شاف عطيتو سوارت گلت ليه نرجع لخدمة و زدت كملت خدمتي صونيت لفاتي گلت ليها بغيت نشوفك جات عندي كلتليها قريب نكري دار انجي لداركم ديك ساعة تولي ديالي. گلت ليها بغيتك تواعديني گالتليا باش گلتليها تفاهمي مع لواليدة و عاونيها و نسكنو مجموعين الله يحفضك باش يبقا شملنا مجموع هنا عرفتها بنت الناس گالتليا صاف صاف كون هاني من هاد ناحية مهم نكونو بزوج عنقتها و مشيت گلتليها سيري لدار بعد غدا نجيو لداركم مقداتها فرحة لغد ليه جيت المحال لقيت شاف كيتسناني گالتليه شاف غدا غادي نخطب ديك لبنت محالش نجي لخدمة گاليا درتي عقلك فرحت بزاف لك ا ولدي گلتليه ياله معاايا معندي صحاب لا والو تكون معايا نتا عا الاقل نحس معايا صاحبي گاليا بصح گلتليه ياله معايا گاليا صاف كون هاني ليوم انسدو لمحال اصلن عندي ميتقدا و بغيتك تجر معايا گلتليه ياله كاليا عندك لفلوس گلتليه جامع صريف راه يقدني خاصني نضبر ف دار گاليا عطيني لكارط ديالك گلتليه هاك اش غدير بيها گاليا صبر تعطل شي نص ساعة جا عطاني ورقة گاليا راه ديك دار ولات ف سميتك دبا غي رتاح مع راسك مقداتني فرحة معرفت راسي باش تبليت گلتليه كيفاش ندفع ثمنها گاليا مدفع والو هاديك فرزقك گلتليه ولاد ناس بحالك قلال بزاف معرفت معرفت كينرد لك لخير بكيت بالفرحة صاف لغد ليه محليتش صناك مشينا للدار فاطمة الزهراء رحبو بينا سولني باها فاش كتخدم فاش راكم عارفين سولني هنا. و هنا تانا كنجاوبو راه من حقو غيعطيني كنز لي عمرني انسمح فيه لي هوا فاطمة الزهراء دوزنا ليلة عندهم تعشينا صاف قبلو گاليا باها جي نهار الحد تكاتبو گاليا شاف عبد القادر العرس ضربو علا حسابي جاك لي بغيتي ناري واش هدا أخ يساعدك هاكة شي حاجة فشكل صاف وصلت للدار لغد ليه حليت صناك ك نريغلو المسائل تا كتبانلي وصال داخلا هيا و واحد خونا للصناك عندنا و گلسوو.

دخلات وصال هيا و واحد خونا لصناك عندنا تصرفت عادي تاهيا متصدماتش ببرودة و تفكرت نهار كنت انا وياها وو مشينا لواحد صناك بحال هدا و نفس البوزيسيون لي گلسات معايا نفس النضرات كانت تديرهم فهاد خونا كانت كديرهم معايا صعيبة ولاكين صاف اخاي دبا كملت حياتي مع ختنا مبقا ميتگال و لا نبقاو نرجعو لور بزاف لي فات مات نهار دوزتوو خدمة و كدا تا جا عندي عبد القادر ها كاين ها كاين خاصنا نصلحو لمحال نوليو ندخلو صرف يا خويا راجل معمرني شفت شي حد يققدر يتعامل معاك بحالو صراحة و لاكين وخا هكاك كيبقا كطر من خويا دازت 3 د.سيمانات قرب موعد عرسنا مبقاش بزاف غي سيمانة نوجد راسي ياله تانا بديت كنفرش دار و جبت ليها لواليدة مهم بدينا كنقادو و كنوجدو لداك العرس من هنا سيمانة كلها دازت مبرزطة و لبراهش تنقاز من هنا و من لهيه تا وصل نهار فرحتنا تقريبا عائلتنا حنا قليلة بزاف عائلة فاطمة كتار مهم هوا فرحتنا هاكا و. ناس كيدخلو عمرات القاعة ديال بصح شويا تا كيتمي داخل بابات وصال او هادا مالو عرفتي نقزت بالخلعة تمي داخل جا حبس داك العرس جا عند.الواليدة باس ليها علا راسها و تماو شي وحدين من لخدامة ديالو مدخلين شي كادوات مهم تصدمت معرفت سيد مالو واش سكر و جاتو عليا ههههههههههههههه مبقيت فاهم تا لعبة جا گاليا ولدي سمحليا بنتي لي ممزياناش و خارجة لطريق بصح انا ضيعتك فحياتك ولاكين ندمت بزاف نقدر نعوضك بزاف گلتليه لا ا عمي معندك باش تعوضني گاليا مهم مرحبا بك وتا فاتي كتنغز فيا تخدم معاه باش تشوف وصال برب لكانت لك صراحة فرحت داك نهار و جا رحبت بيه دوزنا عراسية منها ما كان غي سالينا ركبت فطوموبيل ديال عبد القادر و ركبت معايا فاتي و حركنا شادين طريق فين ندوزو شهرنا صراحة هنا حياتي تبدلات عشت بيخير معاها مرتي لي كنبغي نسيت داكشي لي فات شهر دوزناه معمرو يتنسا ومنها كملنا حياتنا و المستفاد من هادشي كلو مشي ضروري نبقاو تابعين انسان خىارج للطريق وخا تكون بغيتيه و هوا كيلعب بك حااول لبغاك شي حد عطيه فرصة مشي حياتك كلها غتوهبها لشخص كيلعب بك و لختاريتي بصح درية بنت الناس كون علا يقين غتصدق معاك سواءا عرفتيها هنا و لا فمواقع التواصل اكاين خاصك غي تحسن الاختيار و تعرف شكون تعاشر و تبع رأيك ماشي رأي بنادم عمر بنادم اينفعك شوف لي يقدر يصلاح لك و راه بنادم عينو ميزانو عاارف اش كاين كيقدر يقيس خلاصة عشت أحداث خايبة و سالات بزوينة و كنتمنا متكونوش حسيتو بالملل خلال لقراءةو شكرا للناس لي تايتابعونا .


قصص أخرى جميلة :



  قصتي مع الخدامة

🔴 ممنوع قراءة القصص المخيلة للآداب و أنت على صيام