القائمة الرئيسية

الصفحات

هل أخطأت الاختيار ؟ الأجزاء الثانية

هل أخطأت الاختيار ؟



#العودة الى الحاضر#
قلب الصفحة التالتة و هنا غاتبدا قصتنا:
كنت غادا مع صحاباتي لمياء واريج ،لمياء لمسطية فينا ضاربا الدنيا بركلة مامسوقاش شابعة فلوس ماعينها لا فقراية ولا فوالو ،اما اريج الخوف كون كان بنادم كاتخاف من خيالها ماكاتخلينا نديرو زبايل على راحتنا وخا كانطلبوها باش تمشي تبعد علينا حتى نكحلوها ونجيو عندها مي هي كاتقول ليك لا نديرو كلشي مجموعين كاتبقا فيا بزاف والديها ركبو فيها لخوف من الصغر على داكشي اللي عاشت ختها اللي غتاصبوها وهي في عمرها 15 عام ماقدراتش تصبر وهي باقا صغيرة ورمات راسها من السطح داكشي علاش كايخافو عليها بزاف حيت هي اللي عندهم واخا خنقوها ولكن اش نديرو الله يسمح لينا من حق الوالدين وصافي،
مهم بقينا غاديين كنا في المنال ،غادا ونgر يخ تفو على بلاد يعطيوك جوج ريال ويشحفوك عليها دبا مالي انا من دون الناس تبلوكا ليا لاكارط ديال المنحة 😠
لمياء:حيت مسخوطة باينة👇👇👇👇

وخاصرين فلوس الطاكسي والتمارة ،بقات غاديا حتى تلفتات مالقات حتى واحد وهي دور :مالكم وقفتو
لمياء؛ختي اريج قولي ليا واش حنا ركبنا فشي طاكسي وانا مافراسيش
اريج:علمي علمك اختي اجي نتي إنا طاكسي ركبنا فيه ونتي مامخلصا حتى ريال ومن المنال حتى القامرة وتنgري ونتي غير سالتا فالطوبيس فهمينا اختي؟ ..........:اولا انا ماسالتاش فالطوبيس،عندي لاكارط طوبييس نتوما اللي سالتين تانيا كون ماكنتوش نتوما كنت غانرجع فطاكسي داكشي علاش كانجمعو في الحساب فهمتو دبا
لمياء واريج:لاحولة ولا قوة الا بالله
بقاو غاديين حتى داز واحد الدري زوين مابيهش وهو يضرب لبطلة ديالنا لمؤخرة ديالها خرجات عينها 😮😮(طارت عندها أريج)
اريج:عافاك اختي بلا مشاكيل ناري ليوم نكحلها ناري شوفي راه والله ماقصد(معامن كاتهدري راه البنت مشات لدري)
.........:خويا واقلة راك قستيني ولاغير جاب ليا الله
الولد:(ضحك وهدر بتكبر) هههههه شوفي بلا هاد المقدمة طويلة الصراحة عجبتيني وبغيتك ونتهلا فيك بلا ماتخافي هههههه
اريج:لمياء لعار اختي لما ديري ليها عقلها واللهتا تقتلو راك عارفاها ماعندها عقل والفلوس اللي مخلص عليها باها فلاصال غاتخرجهم فالدري
لمياء:(جراتها)زيدي اصلا هي شحال هادي ماضربات راه تقريبا شي شهر غاتكون نسات على داكشي
اريج:واش سيدة وهي عمرها ست سنين وهي فلاصال ماخلات حتى رياضة هادفاع على النفس هالكاراطي وزيد وزيد وغاتنسا فشهر.
نرجعو لعندها الليي صافي شعلات عندها البولة الحمرا واول حاجة دارتها قربات ليه على وجهها ابتسامة جميلة وعطاتو لصدر من بعد لحجرو ونتفاتو من شعرو اللي عاجبو وبدات كاتمارس عليه gاع داكشي اللي تعلمات فلاصال اللي من ديما باها كان كايوصيها باش تحمي راسها وماتخاف من حتى واحد ماحسات حتى جرها شي واحد يالاه بغات تعرعر حتى سمعات...


اول حاجة دارتها قربات ليه وعلى وجهها ابتسامة جميلة وعطاتو لصدر من بعد لحجرو ونتفاتو من شعرو اللي عاجبو وبدات كاتمارس عليه gاع داكشي اللي تعلمات فلاصال اللي من ديما باها كان كايوصيها باش تحمي راسها وماتخاف من حتى واحد ماحسات حتى جرها شي واحد يالاه بغات تعرعر حتى سمعات الناس كايقولو البوليس جاو تفو على زهر ليوم بابا يضبحني هزوها هي وهاداك الدري كانو بغاو يهزو حتى صحاباتها مي هي دارت بحالا ماكاتعرفهومش
دخلوها لفارgونيط وداك البوليس بدا كايهلل
البوليسي:تبارك الله عليك يالالة السيبة في البلاد غير اللي مالقا مايدير يبدا يضرب
ريم:هو اللي جالس يتلمس فيا بغيتيني نسكت ليه راه عطيتو علاش يقلب
البوليسي:راه كاين القانون في البلاد الالة
ريم:(بهمس)كاين الزمر😒
وصلو لكوميساريا ونزلوها و البوليسي جارها بحال الكلبة😠
ريم:وابنادم راه بنادما هادي اللي جارها ماشي كلبة وزايدون راه ماشي قاتلة شي واحد داير ليا هاد الجرة واللهتا نشكيك كاتسمع
البوليسي:غاتجلسي ساكتة ولاغانهبطك تgلاساي اش بان ليك
ضربات الطم،بقاو شوية حتى جا الكوميسير الكبير ماشي هو اللي مكلف بالقضية ديالها
البوليسي:(عطاه التحية)
انيس:اش واقع هنا وشكون هادو البوليسي :كانو كايدابزو في الزنقة الشاف
انيس :اوكي دخلهم لعندي، الشاف كمال ماكاينش ليوما خلينا نحلو هاد التبرهيش
دخلهم لبيرو ديالو وجلس وبدا كايشوف فيهم
انيس: على مابان ليا واحد اللي كلى لعصا هو الدري ونتي ا لالة صحا سلام
ريم :قول تبارك الله
انيس:ضرب البيرو وغوت ا لالة راه كوميسير هدا ماشي صاحبك هدري مقاد مالكم منودين الورينة في الزنقة وشنو سميتك بعدا
ريم:سميتي ريم تاج كنت غادا ماعليا ما بيا حتى الاخ الكريم قاسني وملي قلت ليه علاش قاستيني قاليا تشهيت نتقبك في الزنقة وندوزك على صحابي كلهم وملي قلت ليه ماشي حشومة عليك تبغي اللي يدير بحال هكا لختك وهو يقول ليا دزت حتى على ختي وملي قلت ليه غانشكيك لبوليس قاليا لبوليس فجيبي😣😣انا غا وليه والله😢😢


الدري مسكين مصدوم من هادشي اللي سمع ماكرهش ينوض يصفق ليها ويعطيها الاوسكار كاتهدر بالتقة وكاتبكي وتمسكن بشوية عليها وغرقات ليه دوسي مزيان
انيس:ونتا اش كاتقول هادشي اللي قالت بصح . (حتى هو بغا يجرب حضو فالتمتيل)لا اشاف انا كنت غادي وهي اللي ولات كاتلوا عليا
ريم وهي مقاطعاه :لفعا انا نتلوا عليك باز وجهك قاصح
انيس: غاتسكتي ولا غان...(حبس كلامي كايربط بعض الأحدات مابينو وبين راسو .....بقا كايشوف فيها هاد هضر) اش قلتي ليا سميتك
ريم:ريم تاج
بقا كايشوف فيها مصدوم كيفاش هما باقي حتى مابداو لبحت يالاه ليوم جبدو لهدرة وهاهي جات حتى لعندو هههه عيط لبوليسي :خرج عليا هادا خليه يتربى لتحت وحتى لغدا عاد طلقو، ونتي كتبي نمرتك ملي نعيط ليك تجي لهنا تفاهمنا
ريم:(باستغراب) علاش ياك انا دافعت غير على راسي
انيس:واقلة بان ليا حتى نتي خاصني نهبطك لتحت او لا لا
كتبات نمرتها وسلتات لالة ريم لاتجيبها فعضامها وناري كون ساق ليها باها لخبار كون مشات فيها كفتة ،خارجة حتى كاتساطح مع صحاباتها،شافتها اريج وعنقاتها :مادارو ليك والو ما ضربوكش ياك في الافلام كايضربوهم وكايجي البطل يضرب البطلة وكايبغيها وحتى هي كاتولي تبغيه وكايتزوجو،ضربك ياك
ريم:(كاتشوف فيها)دبا واش نفهم باغاها فيا ولا شنو
اريج:(شدات فيها)ولا اصاحبتي بغيتك تزعطي😚😚بغيت نشوفك مع اللي يستاهلك ويبغيك
ريم:وخا اماما هههه واش من نيتك كاتهدري بحالا غاتموتي و زايدون هدا اللي نبداوها معاه بمضاربة ولدنا معاه لولاد بكري،زيدو زيدو
شافت اريج فلمياء وحتى هي شافت فيها وكملو طريقهم بتلاتة
نتعرفو شوية على انيس :انيس الهلالي كوميسير 30 عام عازب قاصح مع راساتو بحكم لخدمة ديالو عندو غير الواليدة ديالو وخواتاتو جوج.


خاطرها):متشرفين
امير سلم عليها مابقا بغا يطلقها بغا يعنقها شحال تمنا كون عاشت معاهم علاش كانت حياتها بعيدة عليهم واش قاسات في حياتها
احم احم...... كان هدا انيس اللي خرجو من الشرود ديالو،شاف يديها وطلقها
امير: احم سمحيليا سهيت
ريم:سبحان الله مالقيتي وقتاش تسها حتى شديتي فيدي قديمة اخويا شوف لجديد
انيس:مهم ريم تقدري تمشي دبا صافي اخر مرة نعيطو ليك سدات لقضية وهاداك راه خدا حقو
ريم:هادشي علاش جايبني
حمر فيها انيس عينيه.....دارت ليه ابتسامة صفرا وخرجات...فمها مبري منها
خرجات وتنكر تفو اللي سمع لقضية يقول ماعرت اش دايرا راه غير ضربتو وماشي شي ضرب نيت غير ضحكت معاه اما نسايفطو كومة والله ما يفيق 🙄🙄
نرجعو عند انيس وامير مي قبل نتعرفو على امير :امير العتماني31 عام مدير اعمال خانز فلوس من عائلة غنية عصبي مغيار كايحماق على حاجتو وعدوه اللي يقيس ليه عائلتو كايعتبرها خط احمر اللي تعداه مشا فيها ماكايبينش لحنية ديالو ديما مغوبش وقاسح بزاف حتى كاتولي تشكي باللي والله ما كايبغيك
انيس:دبا اش ناوي دير واش غاتقولها لعائلتك؟
امير :ماشي دبا خاصني ندير تحاليلdnaعاد نعاود ليهم لحد الان حنا غير شاكين وهي اللي كاتنطابق عليها المواصفات دونك حتى نشوف كيف ندير مهم دبا خاصني نعرف عليها كولشي خاصني نراقبها ونحميها الى كانت هي ختي ،ناري اصاحبي واله ما متيق ختي لقيتها اف حمدتك يا ربي وشكرتك
انيس:هههه غير تيق اصاحبي ولكن راها ماكاتشبهلك فوالو
امير:ههههههن وايييه خرجات في الهدرة وجبهة لكريم وناري يالاه نوضتها معاه الصباح انا خارج ليا غير مراد هو اللي كانحسو بحالي
انيس:ناري والله حتا بقات فيا غاتخرجوها منها ماغاتبقاش تلقا فين تفنفن ونتوما تبارك الله عليكم وهي كيف الكميشة بيناتكم
امير:بالعكس غاتكون هي الاميرة ديالنا......
#في اليوم الموالي#
ماما ماما واماما وفينك
زهرة:هانا مالكي تغوتي
ريم :فيا الجوع كاين مايتكال
ماما :ماكاين مايتكال انا ليوم صايمة مادرت غدا
ريم:نتي تصومي وحنا نبقاو بجوع ماشي حشومة عليك ايي وغير بشوية(ضربتها بسندالة ديال الميكة)
مشات تشوف اش تاكل ومع هي زرgة في الطياب بانت ليها غير بطاطة مسلوقةصايبتها وكلاتها ومشات تهدر مع صحاباتها في الفاسبوك
ريم:وفين اساطات شفتكم غبرتو مالكم ماجيتوش ليوم لTD،خليتوني بوحدي قولوها ليا حتى انا باش نغيب مالكم مسمومين
اريج:غير ماما كانت مريضة وصافي
لمياء:انا ماقدرتش نوض
ريم:وسبحان الله نتوما بيكم شي حاجة وغانعرفها ضروري،بقا كايهدرو من بعد كل واحد فين مشا


نهدرو شوية على ريم بطلتنا ريم تاج 20 عام من اب محمد تاج ملاكم كايعشق السبور وداكشي علاش دخل ريم وناوي يدخل حتى بنتو الصغيرة اللي باقا تريبيا ماماها كان عندها شي مشاكيل فالرحم ديالها داكشي علاش تعطلات عاد ولدات ،ريم كاتقرا ايكونومي وفي نفس الوقت كاتسطاجي بدات في الصيف وملي بدات لقرايا حبسات ودبا بدات عاوتاني اصلا لقراية قربات تسالي داكشي علاش بدات بكري وصاحب باها موسط ليها داكشي علاش مرخفين عليها في الخدمة هما عائلة متوسطة الدخل يعني مالاباس عليهم ما مكحطين كايدخلو فوق 20dh في النهار 😂😂.

 في مكان أخر#
...........نوض تكعد باراكا من النعاس واش كاين شي واحد بعقلو كايبقا ناعس حتى 11صباح واش نتا بنادم ولا شنو نوض شوف اش عندك مايتقدا ونتا مقابل غير السهرات والحفلات
.........#...(بصوت مبحوح)راه واقلة انا كونجي وخليني نعس وزايدون راني كبير واش مسيفطك ليا شي واحد ابنادم ولا شنو
............يلاه بغا يجاوبو وهو يصوني ليه التيليفون :الو وفين العشير صافا
انيس:فوق السلك ماغاتيقش اش غاتقول ليك لقضية صافي تحلات قبل حتى مانبداو .............كيفاش زعمة
انيس:لقيتها جات حتى لعندي بلاما نتعدبو مهم دوز عندي ليوما لكوميساريا وغاتشوف بعبنيك
.........#....والعمالة وابنادم وانتا فين مشيتي
خرج وخلاه بهدر بوحدو مامتيقش راسو صافي لقاها غاترجع لبسمة لحياتهم وخصوصا حياة ماماه هههههه احسن خبر سمعو فحياتو
مشا طاير لكوميسارية ماقادرش يصبر
اما انيس فملي قطع معاه عيط لريم اللي كانت مابعيداش بزاف من الكوميساريا
#بعد مرور10 دقائق ..............تحل الباب ،............الشاف شي وحدة سميتها ريم كاتسول عليك
انيس:دخلها
ريم؛السلام عليكم
انيس:وعليكم السلام،لباس
ريم:الى خليتوني فالتيقار غانكون لباس نقدر نعرف علاش جيت لهنا
انيس:دبا تعرفي ولا ماعاجباكش ضيافتنا
ريم(بهمس):اش فيها ماتعجب تفو على زهر عندي😏
من بعد شوية تحل الباب ودخل منو :السلام
انيس :وعليكم السلام،دخل اصاحبي،امير كانقدم ليك ريم ريم هادا امير
ريم:ونا مالي اعباد الله وبغيت نمشي بحالي فيا الجوع(هادشي قالتو في خاطرها):متشرفين 👇


صبح نهار جديد اللي غاتمشي فيه لخدمة شدات طوبيس 18 غاديا وحاديا حوايجها(بنادم كايهبط مكشط من هاد الطوبيس)وصلات هبطات وبدات خدمتها ،خدامة على بروجي عطاوه ليها مدة اللي غادوزها في السطاج ،جاها جوع وهبطات لbuvette
خدات قهوة وهي غادية ساهية حتى ضربات فشي واحد وتخوات عليها لقهوة ومع هي سخونة
ريم:احح سخونة سخونة تحرقت اه ماما عتقيني(كاتعرفو ديك الشطحة اللي كانديرو ملي كانضربو صبعنا الصغير بشي حاجة قاصحة هي اللي كانت كادير)
...........بقاي تشوفي قدامك مرة اخرى ولا ديري نضاضر,قال كلامو ومشا وخلاها مشا وخلاها .
طارت لحمام قادت حالتها وهي كاتعاير فيه
مشات لبلاصتها وكملات لخدمة جات عندها وحدا كاتخدم معاها :ياكمة تحرقتي
ريم:لا ماشي شي حاجة صافي راه برضت
هي:وحتا نتي لقيتي تساطحي غير مع DG، كاتقلبي عليها واقيلة راه عصبي بزاف نهار ينوض كانشهدو حنا فهاد الشركة
ريم:راه هو اللي دخل فيا قالاك تفو عاجبو راسو😒
هي:وراه من حقو يعجبو راسو ماشفتيش كيف داير ناري اختي انا كانموت😍😍
ريم :سيري لبيروك وموتي وزايدون ماديتها فيه كاع واش زين ولا كوفرة مهم خليني نخدم على ولادي
 


ريم:😒😒
نمشيو عند البطل ديالنا جود المتوكل من عائلة غنية 30عام عصبي متعجرف عندو غير مو عاش طفولة صعيبة مابقاش كايتيق في الناس باه مشا وخلاه صغير هاجر وتزوج وطلق مو بلاما يتسوق، يشوفو قدامو كايموت ومايبقاش فيه لحال حيت ماعندو حتى دكرى مهاه حتى نهار زوين ،اصلا هو غتاصب مو عاد تزوج بيها غير بزز وغير حيت خاف لايتشد في الحبس حياتو هي مو وبنات راه عطا الله لقحبات مايحتاج يعدب راسو كايجيو حتى لعندو
كانو في اجتماع .. ......
#جود: مهم بغيت كلشي يكون هو هداك مانبغي حتى غالاط مفهوم تقدرو تمشيو دبا،سلى الاجتماع وخرج من الشركة راه مول الشي عندو اللي مكلف ليه كايجي غير الى كانت شي حاجة مهمة
سالا وقت الخدمة وهي غادا كاتجري حيت الطوبيس هادا هو وقتو حتى ضرباتها طوموبيل .....


سالا وقت الخدمة وهي غادا كاتجري حيت الطوبيس هادا هو وقتو حتى ضرباتها طوموبيل، غير قاستها ماشي شي حاجة
ريم:اي يدي تفو تحردات يخ على نهار بديناه بالقهوة وساليناه بكسيدة
..........واش نتي لاباس سمحيليا مي راه الضو خضر نتي اللي قاطعا
ريم:صافي ماقلت ليك والو بلاما طلق عليا كاسيطتك ماناقساش
........ههههه واخا بغيتي نديك السبيطار ياكما مقصحة
ريم:لا بلاش غير يدي تحردات ماشي مشكل شكرا .......سمحيليا انا كريم ونتي؟
ريم:ريم سميتي ريم
كريم :متشرفين فين كنتي غادا نوصلك
ريم:لا بلاش غانمشي في الطوبيس
كريم:خليتي نوصلك الليل دبا وزايدون غايكون مشا عليك الطوبيس
ريم:وها اللي مابغيناش واش نتا لصقة شويا تقول ليا عجبتيني، راني خاسرة يالاه خرجت من لكوميساريا حيت صايفت واحد كومة خرجت غير بكفالة والله🙄🙄
كريم:هههن هي نخاف على راسي غير تهناي انا عندي ختي وماعارفهاش واي بنت كانشوفها ختي غير تهناي
ريم:واخيرا اتقدمتو و بدلتو لمرجع ديالكم هادي اول مرة نسمعها مي سمحليا اللي خاف نجا
كريم:طلعي طلعي وماتخافي من والو
ريم:بقات واقفا كاتفكر، اصلا الليل دبا والمحطة خاوية وخايبة ديك لبلاصة وهادا باينة فيه ولد الناس اللي ليها ليها نمشي معاه
ركبات معاه، فين كاتسكني
#العودة الى الحاضر# سد الكتاب وهو معصب 😤😤شو بنت لحرام ركبت معاه دغية والليل مازال قالت ليك ولد الناس وانا كنت ولد لحرام شحال وانا نقول ليها ركبي وتقول واش مشات معايا خرج مشا يدير شوية ديال السبور ماكرهش يشوفها قدامو ويصبنها علاش تركب معاه هادشي غير مازال ماتعارفو اما كون تعارفو وركبات مع شي واحد ينحرها مافيهاش الشك،لعب السبور باش يحيد عليه داك الستريس،ومشا من بعد دوش،جا وقت لغدا
دخلت مو هي والمربية اللي كاتعاونها على تربية دراري، السلام ا ولدي كيف داير
جود :بخير الواليدة لغزالة ديالي اجي عند بابا اجي ،هز بنتو ولعب معاها شوية من بعد تغدا مع مو وولادو ،وهكا دازت أيامو اللي كان كايغمرها الروتين والملل، مانقدوش نقولو نسا حبيبتو هي ديما معاه ولكن قدر يتعايش مع بعدها واش هادشي غايخليه ينساها شنو وقع مع ريم واش ماتت واش سالات قصة حبهم واش غاتبان بطلة جديدة؟البنات اش بان ليكم؟



تعليقات

🟢 عيد مبارك سعيد عليك و كل عام وانت بخير ❤