القائمة الرئيسية

الصفحات

قصة المحجبة و الزهواني الأجزاء الأولى


طوط طوط عنداكم ألبنات نخرج فيكم هههههه
من بعد تفكير كثيييير قررت نكتب هاد القصة اللتي تقدر تكون كل واحدة فينا شخصية البطلة هاذ القصصة كتبتها من قلبي فيها بزاااف ديال الأحاسيس بزاااف ديال الحب و الشوق الشجاعة التضحية الغدر بلاما نطول عليكم البطلة ديالنا سميتها ندى فعمرها 19 سنة زوينة بزاااف بزاااف ألي زادها جمالا هما الأخلاق أ العفوية غدي يجي في حياتها البطل ديالنا العصبي المغرور أ الزهواني بكل ما تحمله الكلمة من معنر سيف لي في العمر ديالو 28 سنة
نكتاشفو القصة لي أنا متأكدة 100% غدي دير بووووووم
الكاتبة : أنا ههههه
اسم القصة: المحجبة و زهواني
القصة في طور الكتابة
البنات بلييييييز تفاعلو مع المنشور شرو باش نحط حتى 2 ديال بارت في دقة وحدة



#المحجبة و الزهواني# في وحد اليلة شتوية لي كاع الناس داخلين لديورهم في دفأ أسري في الشارع اللي مكنلقاوش فيه مشة هي اللخرة كانت واحد البنت لابس عباية كحلة و فولار كحل خارجة بصندالة ديال الميكة الشتا خيط من سما و البرد ندى كتبكي بحرقة على الظلم و القهرة و التمارة لي كانت فيه أ خرجات لزنقة من بعد ما جرات عليها مرات باها من دار كتسأل فين تمشي و شكون لي غدي يحميها خايفة من سكايرية و الشماكرية و الذياب لي برا بكثرة الخوف ضرباتها طوموبيل جيp كحلة # فلاش باك# من بعدما رجعات ندى من لافاك ندى طالبة متوفقة كتقرا مزيان مي ضروف مكتساعدهاش باش دخل لشي مدرسة عليا لقات دنيا مرونة كيف ديما شمرات على كتافها و بدات كطرف في دنيا و تجمع لبيوت غسلات لماعن و سيقات توضات و صلاة المغرب و بدات تنصب في العشا و هادشي كامل تحت الغوات ديال مرات باها لالة فاطمة مرا قبيحة بزاااف و متسلطة طويلة و فورمتها مقادة مهليا فراسها مزيان عندها 39 سنة ( بيناتنا فاطمة مييييييييمة ههههههه) طاب العشا و جات لالة فاطمة بلعاني هزات لعشا و قالت لندى صافي غير سيري بركي يلاه بركات تستراح بدا سيمحمد بابات ندى في العمر ديالو 67 سنة كيغوت : مكتحشميش باركة أ مخلياها كطيح و تنوض بوحدها نطقات بطلتنا : و لكن يلاه ... قاطعتها فاطمة هانتا كتشوف من صباح مبركة غير شقا و تمارة أ الحاج ديالي سيد غير سمع الحاج ديالي تحل ههه و بدا يتمنظر في خخير ديال فاطمة غمزات زعما بنتك معانا و جرا عليها و دموع فعينيها مشات ندى توضات و صلات و كتسمع الضحك ديالهم لي غير ما غدي و كيزيد مسحات دموعها و بدات كتراجع حتى جات فاطمة و كتقول ليها متبقاش فيك غدا تاكلي ماكلا طبل نهار العيد يلاه بغات تدوي وقف عليهم سيمحمد أش كين هنا فاطمة: بنتك أسيمحمد كتعير فيا و فيك قالت ليك نتا شماتة أ أنا قح** محساتش براسها حتى خدات جوج تسرفقات و لقات راسها في زنقة


ربما تحتوي الصورة على: ‏‏شخص واحد‏، ‏‏جلوس‏‏‏

المحجبة و الزهواني# من بعدما خرجات ندى من دار مبقى عندها فين تمشي حاولات باش تمشي حدا جامع مي لقات واحد الشمكار ناعس في العتبة ديالو هربات و بقات غادة بيها رجليها لوجهة غير معروفة ندى لي ولات كلها ساردة و كتقفقف من البرد يلاه غدي تقطع شنطي ضرباتها طوموبيل ديال سيف بكثرة الخلعة خرج داغيا شافها واش بقا عيشا هزها و لاحها في طموبيل و مشى راف بيها لدارو أوبسسس بغيت نقول لفيلا ديالو تصمييم روعة و جردة طوب كلشي زوين لبطل ديالنا هاز ندي كيف شي فارة و مع شراب شد فراسو و بدا يجري بيها عيط لصاحبو طبيب إيهاب في نتظار لوصول ديالو حطها في البيت ديالو و هبط صايب ليه قهوة جا إيهاب (الطبيب) طلع ديريكت لبيت ديال سيف فحصها إيهاب عقم ليها ضربة لي كصنت في راسها و جبر ليها رجلها حيت تهرسات منها هبط إيهاب و سيف من بعدما عطاها مسكنات سيف: تفو على ليلة كون غير مخرجاتش ليا هاد القحبة حرمات عليا ليلة إيهاب : عوتاني نفس قاعدة أ صحبي شي نهار تهز المرض من لبنات واش تصطيتي سيف: داويتي لقحبة إوا رول فحالك إيهاب : ياااك سيف: وي خرج إيهاب عادي حيت عارف صاحبو كيدير و سي سيف كيبان تقطع دخل عند ندى سيف : تفووو شكون مصيفطك ليا خرجتي ليا على ليلة و حرمتي عليا سهرة عامرة بالبنات حتى بدا كيسمعها كتنين امممم أححح رجلي جعراتو بصوتها أ بغا يخرج و لي أول مرة سيف غدي يعجز يقرب لشي بنت حتى حطات عليه إيدها وبدان طتبكي أ كتقول ليه ماما عنقيني و خليك معايا (البطلة ديالنا موعياش) عنقها سيف غطاها و بقى كيشوف فيها حتى ....

حتى شاف ليها في فمها لي كان كيترعد زاد عليها الغطا و تحشا فيها و معنقها و هي فحال شي بنت صغيرة حطا راسها على صدرو و كتسمع دقات قلبو لي زادت من بعدما عنقاتو حتى هي ،حس بإحساس عمرو ماحس بيه مع شي وحدة من قبل معرفش علاش و لكن هدشي لي كيحس بيه و رتاح ليها بزااف مقدرش يديرليها شي حاجة و تراجع احتراما ليها و تفكر بلي ملي هزها كانت دايرة لحجاب سيف لي منعسش بتفكير ديالو فيها كيتسائل شكو هاد البنت و أش كانت كدير فداك لوقت في الزنقة و علاش كانت كتجري و كاتبكي بقا على هاد الحالة حتى ستسلم لنوم أصبحنا و أصبح الملك لله شرقات الشمس من بعد اليلة صعيبة لدازت على أبطالنا و بالخصوص ندى فاق سيف و راسو غادي يطرطقعليهشاف الملاك ديالنا متكيا ليه على صدرو حايد ليها الشعر علو وجهها و كيشوف فداك الجمال حتى فيقاتو من سهوتو لالة ندى لي بدات كدور في عينيها و ما عاقلة على والو كتحاول تفكر و لكن دون جدوى عقلها مجرد صفحة بيضاء حتى قطع تفكيرها سيف : صباح الخير أ زين صافا باش كتحسي ؟ ندى : شكون نتى؟؟ سيف : حتى تنوضي و نهضرو

من بعدما ناضت ندى و معكزة على البطل ديالنا دخلات لدوش غسلات حالتها هبط سيف يوجد لفطور و طلب ليها مجموعة ديال لحوايجة باش تبدل ندى خارجة أ كتسأل شكون أنا؟؟ و فين كينا ؟؟ و شكون شاب لي كان ناعس حدايا ؟؟ لبسات لحوايج لي لقاتهم فوق نموسيا و هبطات تاكل و كتسنى من سيف يجاوبها على تساؤلاتها مهيم واش معاقلة على والو ندى:وي والو سيف بغا يستغل الفرصة و قال ليها أنا حبيب ديالك سيف واش نسيتيني ؟؟ ندى : أنا أشنو سميتي سيف : سكت شوية قال ليها حبيبة ديالي نتي سميتك ريم حنا ما مزوجينش و لكن عايشة معايا كتبغيني و كنبغيك ندى : و لكن سيف: مكاين ما ولكن كملي فطورك و أنا خارج نرجع و نكملو الهضرة خلاها مشوكية سيف(فخاطرو)اللل  
ه لقيت معامن نزها هههه ندى بقى ممصدقش ولكن حاولات تقنع راسها بركات في صالون و كتفرج من قناة القناة محساتش براسها حتى مشات لسابع نومة داز نهار و لالة ندى باقة ناعسة أما سيف فعقلو خرج حيت مكتجوبش على لأبيل دياولو



سيفلي معقلش على راسو حتى ركبفي طوموبيلتو و قلبو كيضرب و فنفس الوقت كيفكر في البنت لي نهار كامل وهي فبالو تخلطو عليه المشاعر ولا مافاهم والو أش هدشي واقع ليا مالي هاز ليها الهم لا حشومة هاد البنت زوينة و محتارمة لا ممحتارماش مكيناش شي وحدةمحترمة غادي تكون خارجة فداك الوقت (الله يا ربي واقلة سيف تسطى) دخل سيف لدار كيقلب على معشوقتو لي شغلات بالو سيف: ريم رييييييم ندى: نعام فينك أحبيبي عنقاتو و باستو بوسة طويلة كتعبر ليه على الاشتياق لي كتحس بيه من جيهتو سيف: فين كنتي من صباح كنعيط ليك ندى:سمح ليا مشفتوش داها باش تبرك وهي تجر ليه ودنو و همسات :سيف فيا الجوع سيف:أنا غدي نجيب ليك ما تاكلي و غادي خارج متحركيش ندى:فين غادي؟؟ سيف:عندي اجتماع ندى:فهاد الوقت؟؟ سيف:سوقك ندى:سمحليا.جا العشا كلات ندى و هزها سيف حطها في النموسية وبدات كتفرج من بعدما خرج سيف مشى une soirèe يدوز ليلتو كيف العادة السكرة و لبنات سالات السهرة جا لدار و معاه قح** لاويا عليها 2مترو ديال التوب قفزات ندى على صوت الغوات و الوحويح كطل بشوية ..

كتشوف من شقة ديال الباب حبيب ديالها لي ناعس مع وحدة عريانة مكين غير بالأحضان السيد ريوكو مدليين على البتول و المعلم مخشي في دارو هادشي كامل تحت أنظار ندى لي دموعها في عينيها نعلات شيطان ومشات رجعات لبيتها من بعدما سلاو جرا عليها فحال الكلبة رجع دوش و طلع لبيت لقى ندى كتبكي سيف :مالك حبيبة؟؟ندى:شوف نتا؟؟سيف :مممم فهمت داكشي حنى متافقين عليه و قابلة على هاد الوضع أ ريم ندى:ولكن معجبنيش الحال نشوفك هاكاك سيف: واصفي غدي تسكت ولا نخرج ندى :صافي سمحليا . نعسو الأبطال دياولنا كيف ديما ندى مخشيا فسيف و لي مبغاش يجيه نعاس كيتفكر ملي كان مع ديك البنت كيشوف فيها غير ريم لي دات ليه العقل دازو ليام و نهار على نهار كيزيد يتغرم بها ولي كيجيبها بلييل مكتقنعوش و كيتخيل فيها ريم في خدمتو كاينة غير ريم سيف لي نقدرو نقولو ولا كيبغي ندى و مابغاش يعتارف لراسو بها و ندى لي بدات كتحس بي الحنين لجيهة الماضي لي ماعارفة عليه والو .....تفاعلو

 

تعليقات

🔴 ممنوع قراءة القصص المخيلة للآداب و أنت على صيام