قصص مغربية بالدارجة

وقعت في شباك محجبة ’ حبيبتي محجبة , أحب المحجبات , قصتي مع الحجاب

مرحبا متابعين قصص سفالة مغربية اليوم جبت ليكم قصة جديدة قصة سفالة محبوبة الجماهير قصة حصرية سفالة قصة حصرية
تحت عنوان وقعت في شباك محجبة للكاتبة القدير زهراء التازكي .

نخليكم مع تقديم للقصة سفالة

رمضان مبارك كريم فتياتي 🌙✨
بمناسبة شهر رمضان المبارك جبت ليكم قصة جميلة
لأول مرة على صديقات النخاع قصة تكتبات خصيصا لهاد شهر المبارك
كتحمل فطياتها كل من الحب الطاهر.. الإخلاص.. الإحترام...الرجوع الى الطريق المستقيم..وكدا زواج تقليدي👰
القصة اتكون قصيرة بحكم خاص تسالي ونحط لكم قصة أخرى 📚
عنوان القصة: وقعت في شباك محجبة 📖
للكاتبة: زهراء التازكي ✍️

قصص سفالة وقعت في شباك محجبة

على موقعنا قصص سفالة - قصص مغربية

وقعت في شباك محجبة

يلاه نبدااااااااااااااااااااااااااو

نخليكم مع أبطال القص في فيديو قصير

أسماء مشتيش تيليفوني راني تعطلت على الخدمة
أسماء: راهوى فوق ثلاجة
...: نااري تعطلت على الخدمة اليوم اجريو علياا مهم انا مشيت
أسماء: ضحى متنسايش تجيبي لياا معاك داكشي لوصيتك عليه
ضحى: كدوي من حدا الباب) صافي واخاا
بلسان ضحى: نعرفكم براسي انا ضحى بنت عادية فعمري 23سنة محجبة مي ماشي تال الخمار كاع مكرهتش نعملو مي تنقول حتى نتزوج انديرو مهم انا البنت صغيرة فالعائلة والعائلة ديالي تتكون من الأم ديالي فاطمة والاب ديالي محمد
وختي أسماء هي الكبيرة انقد نقول حنى قد نيت مع هيا كبر مني غير بعماين حتى هيا بحالي وتدير الحجاب والأب ديالي ربانا على هاد الحال الحجاب والصلاة فوقتها والوقت لي يشيط لينا منضييعوش فالخوى الخاوي نعمروه بقرأة القرآن مي قليل فين تيشيط لينا الوقت مع الخدمة انا خدامة سكرتيرة فواحد شاريكة هنا فالدار البيضاء وختي ممريضة امزالة متبعة باش تكون طبيبة إن شاء.
وصلت الخدمة وانا فرحانا حيت وصلت فالوقت بحكم اني كنخدم فشاريكة كبيرة لي النظارات مجرد تأخير تيطردوك من شاريكة واخا ولاو غير ب 5دقيق دخلت لقيت كاع لخدامين تماك لابسين مزيان ومقادين غير العادة مفهمت والو مشيت نيشان البيرو ديالي وهيا تجي عندي زميلتي فالخدمة سناء
سناء: سلام
انا: وعليكم السلام ورحمه الله وبركاته
سناء: ضحى لاباس عليك
انا: الحمد لله على كل حال ونتي راكي بخير
سناء: الحمد الله هاد ساعة مهم بغيت نقوليك توجدي راسك من هنا لزوج سوايع عدنا جتيماع
انا بستغراب: جتماع..؟؟ ديال اش هاد الإجتماع اه وشنو صاري بشاريكة شفت كلشي مقاد حالتو غير العادة
سناء: اويلي متقوليش ليا معارفة والو
اناا زدت ستغربت على اش معرفت والو: دابا فهميني راني دخت
سناء: علاه مفخباركش بلي اليوم جاي المدير الكبير ولي هو مول شاريكة
انا: كنت سمعت بلي ايجي ابدل قرارو تاني

قصص سفالة
سناء: اوا لا الالة راهو جاي
انا: عاد فهمت علاش كلشي مقاد حالتو كتر من لازم اليوم) داكشي علاش هادشي كلو
سناء: هاااه اعلاه مفخباركش بلي هو واحد تيتييز تشوفيه تسخفي
انا: علاه عمرك شتيه
سناء: اه غير فالجرائد والمجلات مهم نخليك دابا عندي شي ملفات خاصني نقادهم
انا: واخا نتلاقاو فالإجتماع
جلست مكاني وبقيت نخدم على شي ملفات حتى تنشوف كلشي غادي جيهت الباب
جات عندي تاني سناء جراتني من يدي وخرجاتني تانا معاهم وقفنا جنب الموضافين الخرين حتى تنشوف شي 4 دالسيارات من نوع مرسيدس بنز جي كلاس فالأسود اوحدة منهم لكانت BMW USA تم فهمت بلي المدير لي وصل وقفو السيارات قبالتنا ونزلو منهم لكارك ولي القدام كاع ديال المدير مزال منزل ولا تحرك من غير رجالو لنزلو وقفو حدا لوطو ديالو مهيا الا دقيقه حتى تنشوف واحد منهم حل ليه الباب ابحكم وقف قبالتو مبانش ليا وجهو من غير البنية ديالو حيد الكارد لي كان قبالتو بأمر من المدير لي قالو يصف سيارتو فالباركينك عاد بان ليا بوضوح كان رجل في قمة الجمال سبحان من خلقاه تيبان غي من بعيد بلي شخصيه قاصية وقوية ملامحو زعرين شوية طويل ومكلضم باينة فيه تيتريني عينيه مشفتهمش بحكم النضرات لي دار مي باينين بلي حادين جانيشان داخل بلا ميعير هتمام لتاشي واحد فينا دخل نيشان ودخلنا حتى حنا من وراه خرجنا زعما باش نرحبو بيه ساعة دخل بلا ميقول حتى سلام تاجه كل واحد فينا لمكانو اكمل لبقا ليه مع الإجتماع بقا ليه غير شي 15 دقيقة كملت الملف لكنت خدامة عليه يللا كنت بغيت نوض نشوف المدير التاني لمكلف بينا من الغير المدير الكبير لجا عاد دابا حتى تنشفو جاي جيهتنا
خالد: ضحى كملتي الملف لكلفتك عليه
انا: اه امسيو عاد كملت
خالد: مزيان سيري حطيه فالمكتب ديالي ولحقي عليا فغرفت الإجتماعات

خالد: مزيان سيري حطيه فالمكتب ديالي ولحقي عليا فغرفت الإجتماعات لي الفوق
انا: واخا مسيو
خليتو طلع فالمصعاد للفوق بحكم المكتب ديال المدير الكبير تماك وتا قعات الإجتماع لي تيجتامعو فيها الا كان هنا مشيت حطيت الملف فالمكتب د سي خالد وطلعنا انا وسناء الحقنا على الباقية لي طلعو قبل منا
سناء: بلاتي بلاتي كيف جيتك هيا هاديك
انا: زوينة وسموريتك تهبل غا كون درتي بكلامي ومبقيتي تلبسي لمقزب
سناء:بديتي تاني زيدي وخلينا من داكشي
سناء بحال جميع بنات الشركة كيلبسو غير المقزب او بمعنى اخر لبس لقصير والمعري كتر من المغطي غير سناء جمالها خلاب سموريتها تفتن وشعرها كحل كيف ليل مسبسب ولعوينات عسلين.
دخلنا القينا كلشي تماك شدينا بلايصنا وعاد شفت المدير لي كان تيشوف تيحقق فكل واحد فينا دورت راسي لقيت كاع البنات لكانو جالسين معانا حالين فمهم فيه دورت عنيا لجيهتو وياريت مضرتش تلاقاو عنيا مع عنيه نيشان كانو عنيه زروق كفحال المغناطيس دورت راسي بسورعة لجيها خرى وتوتور شادني اما هو طلع عنيه فياا ونزلهم وقلب راسو بدون مبالة سمعتو حنحن عرفتو ايبدا فالإجتماع..
المدير موجه الهدرة ل خالد: واش كاع الموضافين مجموعين الا مزال ناقص شي واحد
خالد: وي سي هيتم كلهم هنا
المدير: مزيان ادا نبداو اوالا
بدا الإجتماع وبقيت متبعة معاه بتركيز قال بلي غيكنو شي تغيرات جداد فشاريكة ومنهم الموضافين لي خدمتهم ناقصة غيقدمو ستقالتهم انا غي سمعتو قال شي موضافين غيتم طردهم من شاريكة حسيت بالخلعة شداني من صبع رجلي صغير واخا انا خدمتي متقونة ومتندير تاشي تخربيق وإنما خفت ليجريو عليا تانا بقيت مركزى معاه حتى قال الأسماء دالموضافين لغيخرجو من شاريكة عاد تنفست مكانش معاهم اسمي كانو غا شي 3 دالموضافين ماشي كتار لاحضت بلي عارف الأسماء ديال جميع الموضافين من روغم انه..

"ضحى"

لاحضت بلي عارف الأسماء ديال جميع الموضافين من روغم انه متيجيش لهاد شاريكة الا مرة مرة كيسيرها غير سي خالد الي هو على مسمعت بلي هو ولد عمو هو شريك ديالو تاني ولتيساير الشاريكة فغياب سي هيتم لي بدورو عندو شاريكة اخرى فأمركا وتم فين عايش داكشي علاش قليل فين تيجي لهنا امتيجي حتى تتكون عندو فيه الخدمة سلا لإجتماع اكل واحد نزل المطعم ليف الشاريكة مع وصلات وقيت الغداء نزلت دغيا خديت حاجة خفيفة ساليت بزربا خاصني نلحق نصلي قبل متسالي المدة دالغداء مع تيعطيونا غي 15 دقيقة طلعت الحمام توضيت دغيا ومشيت الواحد المكتب كاين فواحد ضورة خاوي ومافيه والو خديت صاكي هزيت منو صلاية ديالي وصليت صلاتي عاد خرجت لقيت الموضافين عاد طلعو من المطعم ومنهم سناء مشيت البيرو ديالي حتى وقفات حدايا
سناء وهيا تتشوف فجيهت المصعاد: نااري انسخف مفيهاش
انا: علاش مالكي..؟؟
سناء: واش لشاف داك تيتيز كامل وميدوخش
انا شفت الجيها لتتشوف فيها لقيت المدير واقف وتيتسنا الأسانسور اتحل:" واش مبانش ليكم بلي زتو فيه اتلقايه مرتابط بحالو متيبقاوش بلاش
سناء: وي عندك الحق سعدات هادي لغايديها
انا: مهم سيري دابا قابلي خدمتك من بعد انكملو راه عندي خدمة كثيرة
سناء: واخا انا مشيت نيت عندي اتصال مع الشركاء جداد
انا: واخا سيري
مشات سناء وانا بقيت تنقاد شي وراق ساليتهم انضت خديك صاكي باش نرجع لدار صافي كملت خدمتي تال غدا إن شاء الله خرجت من شاريكة ودزت خديت داكشي لوصاتني عليه ختي ومشيت ديريك لدار وصلت الدار لقيت ختي فالكوزينة و ماما جالسة فصالون تتفرج فساديسة دخلت سلمت عليها ومشيت نعاون ختي لقتها صيبات المسمن والكيكة والحرشة عاونتها حطينا كلشي فوق طبلة وجلسنا تنساينو بابا اطلع من المحال بحكم بابا كان تيخدم فالبحر امنين شد تقاعود فكر افتح محال فتحت دار.
أسماء: اجي جبتيلي داكشي لوصيتك عليه

انا: اتلقايه فساكي
أسماء: شكرا صراحة الله مكان فيا ليخرج اجيب شي حاجة
انا:معليش نتي بقاي اتحشميني مع مول الحانوت اضافي اجي شحال بقا لروبو ديالك اسالي
أسماء: شي تلتيام هكاك عاد نرجع الخدمة تاني
فاطمة الأم: اوا ابنيتاتي معليكم الا تصبرو اتبنيو مستقبالكم
انا: داكشي لكاين وإن شاء الله مايكون الا الخير
فاطمة:إن شاء الله
انا:شفت بابا تعطل
فاطمة موجها كلامها لأسماء: الله ارضي عليك ابنتي نوضي طلي على باك
أسماء: اه بصاح انزل اقد اكون مديرونجي مع الكليان
نزلات اسماء تعيط على بابا لي بصاح لقاتو مشغول مع الكليان مكانش فاضي عوناتو اسماء حتى سلاو وسدو المحال وانا عوت سخنت القهوة واتاي لي بردو
محمد لأب: السلام عليكم
انا و ماما: وعليكم السلام
نضت سلمت معاه بست ادو اراسو كيف العادة
محمد الأب: الله ارضي عليك ابنتي
انا: آمين ابابا ويخليك لينا
جلسنا تناكلو بكل صمت حتى نطق بابا
محمد: اوا ابنتي كيف غدا مع الخدمة
انا حادرة راسي وتنهدر: الحمد لله ابابا غديا معاها مزيان بقيت تنعاود ليهم على المدير لجا اليوم وعلى تغيرات لي دار فشاريكة سلينا وجمعنا انا وختي طبلة ومشيت صليت العصر وخليت بابا نزل المحال وماما خرجات تجلس مع خالتي فجردة لحدا دار نضت جلست حدا ختي لي بدورها متكياا وتتهدر فتيلي مع شي وحدة معاها فالكنينيك هزيت مصحافي وبديت تنقرا متيسرة في كتاب الله.بِسْمِ اللَّهِ الرَّحْمَنِ الرَّحِيمِ

الْحَمْدُ لِلَّهِ الَّذِي أَنْزَلَ عَلَى عَبْدِهِ الْكِتَابَ وَلَمْ يَجْعَلْ لَهُ عِوَجًا (1) قَيِّمًا لِيُنْذِرَ بَأْسًا شَدِيدًا مِنْ لَدُنْهُ وَيُبَشِّرَ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا حَسَنًا (2) مَاكِثِينَ فِيهِ أَبَدًا (3) وَيُنْذِرَ الَّذِينَ قَالُوا اتَّخَذَ اللَّهُ وَلَدًا (4) مَا لَهُمْ بِهِ مِنْ عِلْمٍ وَلَا لِآبَائِهِمْ كَبُرَتْ كَلِمَةً تَخْرُجُ مِنْ أَفْوَاهِهِمْ إِنْ يَقُولُونَ إِلَّا كَذِبًا (5) فَلَعَلَّكَ بَاخِعٌ نَفْسَكَ عَلَى آثَارِهِمْ إِنْ لَمْ يُؤْمِنُوا بِهَذَا الْحَدِيثِ أَسَفًا (6) إِنَّا جَعَلْنَا مَا عَلَى الْأَرْضِ زِينَةً لَهَا لِنَبْلُوَهُمْ أَيُّهُمْ أَحْسَنُ عَمَلًا (7) وَإِنَّا لَجَاعِلُونَ مَا عَلَيْهَا صَعِيدًا جُرُزًا (8) أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا (9) إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا (10) فَضَرَبْنَا عَلَى آذَانِهِمْ فِي الْكَهْفِ سِنِينَ عَدَدًا (11) ثُمَّ بَعَثْنَاهُمْ لِنَعْلَمَ أَيُّ الْحِزْبَيْنِ أَحْصَى لِمَا لَبِثُوا أَمَدًا (12) نَحْنُ نَقُصُّ عَلَيْكَ نَبَأَهُمْ بِالْحَقِّ إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى (13) وَرَبَطْنَا عَلَى قُلُوبِهِمْ إِذْ قَامُوا فَقَالُوا رَبُّنَا رَبُّ السَّمَاوَاتِ وَالْأَرْضِ لَنْ نَدْعُوَ مِنْ دُونِهِ إِلَهًا لَقَدْ قُلْنَا إِذًا شَطَطًا (14) صدق الله العظيم

قريت شوية من ايات الكهف حطيت مصحافي فبلاصتو وبقينا انا وختي جالسين وتانهدرو.
أسماء: اوا مقلتيش ليا كيف داير هاد المدير واش شي واحد كبير فالعمر مع قلتي غا جا مول شاريكة وزاد تغيرات فشاريكة لا غير
أنا تفكرت منين طلاقاو عنينا حنحنت عاد بديت تنعاود ليها: لا يللاه اتكون عندو ديك 30عام شخص متكبر باين فيه الغموض وعصابي غير مخنزر منين دخل ضحكة صفرة هيا لخرى واش شافها منو شي واحد وحتى منين خرجنا زعما نرحبو عليه داز داخل بلا ميقول حتى السلام عليكم ولا يشوف فينا
أسماء: اودي الله اهدي مخلق الناس لي لاباس عليهم هوكاك دايرين السلام هو لخر تسمعيه من عندهم
أنا: اودي بنادم غير اتواضع بحال الغنيي بحال الفقير غير واحد شابع فلوس ابالو مهانيش اواحد مدابز ايد غير مصروف دنهار ابايت ابالو هااني
أسماء: داكشي لكاين التواضع هو كلشي مي قليل لعارف هادشي .
انا: الله اهدي مخلق داكشي لعدنا منقلو مهم خطينا من هادشي دابا انوضي نطيبو العشاء
أسماء: هياا لولا ابسم الله
"دوزت شوية من البارت السادس لبارت الخامس"
أسماء: اوا مقلتيش ليا كيف داير هاد المدير واش شي واحد كبير فالعمر مع قلتي غا جا مول شاريكة وزاد تغيرات فشاريكة لا غير
أنا تفكرت منين طلاقاو عنينا حنحنت عاد بديت تنعاود ليها: لا يللاه اتكون عندو ديك 30عام شخص متكبر باين فيه الغموض وعصابي غير مخنزر منين دخل ضحكة صفرة هيا لخرى واش شافها منو شي واحد وحتى منين خرجنا زعما نرحبو عليه داز داخل بلا ميقول حتى السلام عليكم ولا يشوف فينا
أسماء: اودي الله اهدي مخلق الناس لي لاباس عليهم هوكاك دايرين السلام هو لخر تسمعيه من عندهم
أنا: اودي بنادم غير اتواضع بحال الغنيي بحال الفقير غير واحد شابع فلوس ابالو مهانيش اواحد مدابز ايد غير مصروف دنهار ابايت ابالو هااني
أسماء: داكشي لكاين التواضع هو كلشي مي قليل لعارف هادشي .
انا: الله اهدي مخلق داكشي لعدنا منقلو مهم خطينا من هادشي دابا انوضي نطيبو العشاء
أسماء: هياا لولا ابسم الله
داز الوقت تعشينا صلينا صلاتنا وكلشي ناض انعس
غير طحت فوق سريري دغيا نعست بكترت العية داليوم حتى تنسمع شي حاجة تتصوني من حدا راسي اكيد غير ساعة لمحققينها فوقت الفجر فقت طفيتها ونضت لقيت ضوء شاعل اكيد بابا فاق امشي اصلي فجامع لبست حجابي وفيقت أسماء تنوض حتى هيا تصلي وترجع تنعس هكدا مولفين ديما تنفيقو فوقت الفجر تنصليو ونرجعو نعسو الا نوجدو الفطور بما وصلات وقت الخدمة..خرجت نتوضا وخليت اسماء مزالة تتصحصح توضيت وصليت صلاتي كيف العاده وحسيت براحة لا توصف كاع تعاب لكنت حسيت بيه تلاشا هزيت مصحافي فتحتو على البلاصة فين كنت وقفت وبقيت تنقرا حتى ضربات 6:23 جمعت صلايتي ومصحافي كل واحد رجتو البلاصتو ومشيت الكوزينة نوجد الفطور...
داز الوقت وصلت لشاريكة دخلت لقيت الأصدقاء ديالي فالعمال جاو وكاين لي مزال..كتافيت نقول السلام عليكم كيف ديما وتاجهت البيرو ديالي

كتافيت نقول السلام عليكم كيف ديما وتاجهت البيرو ديالي حتى تيصوني الفاكس رديت
أنا: وي سي خالد واخا دابا
كان سي خالد لطلبني نجي عندو المكتب دقيت
خالد: دخل
انا دخلت: السلام عليكم سي خالد
خالد حاني على شي ملف: وعليكم السلام
هز راسو فياا وقالي خالد: انسى ضحى جلسي
جلست وانا حانية راسي حيت اصلا حرام نبقا هزا فيه عنياا سمعتو قال خالد: انسى ضحى البيرو ديالك انقلوه الفوق
انا بعدم فهم: كفاش..؟
خالد حط داكشي لفيديه: ياعني مغتبقايش سكريتيرة ديالي اتولي سكريتيرت مسيو هيتم
انا بقيت غير ساكة وتنسمع ليه اشتيقول وسؤال واحد تيضور فبالي علاش انا بضبط.
خالد: عرفتك اتكني تتسألي مع راسك علاش ختاريتك نتي بضبط ختاريتك مع مسيو هيتم متيبغي حتى نقص فالخدمة ومتيبغيش الاغلاط فالخدمة خاص الخدمة تكون منضمة..ونتي خدمتك منضمة وانسانة محترمة مغديريش شي غلاط ليخلي مسيو هيتم اتعصب..داكشي علاش ختاريتك نتي طلعي البيرو للفوق.
انا غير سمعت ديك مغديريش شي غلاط ليخلي سي هيتم اتعصب عرفتو اش قصد بيها: صافي واخاا
خالد: مزيان يللا سيري نتاقلي ليه دابا مع من دابا شوية كاين جتمعاع
أنا وقفت نخرج: واخا مسيو
خالد كتافة انهو يبتاسم لياا وغير لمحتها مع مكنتش تنطول فيه شوفة خرجت من عندو مشيت هزيت كرطونة تنجمع فيها لاوازيم ديالي تا جات عندي
سناء سلمات عليا: سلام ضحى
انا: وعليكم السلام
سناء: كيف عاملة على البارح لاباس
أنا: ولله رحمة ربي ونتي راكي بخير
سناء: سانك سانك اجي اشتاديري..؟
إنا شفت فيها وقلت: انمشي فحالي
سناء ممتيقاش: اويلي لا متقوليهاش
انا درت راسي تنهدر بصاح: اوا داكشي لكاين
سناء: وتسخاي بياا ياكي
انا ضحكت: ههه اتنضحك معاك انا راني انولي نخدم الفوق
سناء: متقوليش لياا..😲
انا: اه الالة انولي نخدم مع مسيو هيتم
سناء: حلفي نااري سعدااتك العفريته
انا: باش سعداتني تانتي
سناء: هااح مصاب كون كنت بلاصتك نكنو غير انا وياه الفوق..
انا مخرجة غينيا: استغفر الله حيدي حيدي من قدامي نمشي نطلع قبل أولي ويجريو عليا
سناء: ههه سيري سيري باينة تلفة شداتك من دابا
انا: اوا اشغنقولك لا حول ولاقوة الا بالله اصاافي اما را عقلك مسخ اختي
سناء متكية على البيرو وتضحك: اتنضحك معاك نتي بلا متقلقي
أنا هزيت كرط نتي اومشيت نطلع فالاسنسور مفيا ليطلع فشي دروج: صاافي مقلنا والو انا مشيت
سناء: طرق سلامة هههه
طلعت الفوق رتبت لاوازيم ديالي فبلاصتهم وجلست تنعلم الاعضاء تانين بلي الإجتماع ايكون بعد نص ساعه داز الوقت بقات الإجتماع شي 5 دقائق وخاصني نمشي نعلم المدير.
دقيت زوج دالمرات عاد سمعتو:
هيتم غاطس فالحاسوب ديالو: دخدل
انا دخلت اتواتور ايقتلني تقول داخلة الإستجواب دخلت لقيتو غاطس فالبسي لابس نضاضر دشوف وكوستيم فالكحل : احم مسيو هيتم الإجتماع بقات ليه 5 دقائق
هيتم هز راسو شاف فساعة عاد شاف فيها اهو تبان ليه نفس البنت ديال ديك المرة لابسا فولال وكسوة هابطة تال التحت فالخزي مع طالون معاليش بزاف فالكحل بقا تيشوف فيها مطول اهو انطق: نتي هيا سكريتيرة لي بعت خالد
انا تنشوف قدامي ومرة مرة تنهز فيه راسي: وي مسيو هياا انا
هيتم :بقا ساكت مودا: مزيان امكن ليك تمشي
انا: اوكي مسيو "يللا بغيت نخرج وانا نسمعو"
هيتم: بلاتي وقفي
انا ضرت نعرف اش باغي: وي مسيو
هيتم تيشوف فيها وتقول بغا يحشم وينزل عنيه: فكريني فسميتك
انا: ضحى
هيتم مد ليها واحد الملف: انسى ضحى هاد الملف ديال صفقة لعقدناها هاد اليام نبغيك تراجعيه مزيان
انا شديتو من عندو: اوكي مسيو الا سمحتي امكن لياا نخرج
هيتم بتاسم على جنب فمو: خرجي
خرجت وانا تنقول هدا مالو.
هدا مالو غير تيشوفني تيبقا اشوف فياا مطول استغفر الله العظيم فأخير يامي وليت تنهدر مع راسي ..دغيا دازت ديك 5 دقائق اصلا را دازو عندو فالمكتب هزيت موذكيرتي منين شفتو خرج وتبعتو الغرفات الإجتماعات لي لقينا فيها كلشي طلعو منين كنت عندو فالمكتب بداو فالإجتماع وانا كنت فجنبو تنسجل اي معلومة مهمة فمذكرتي حتى سلا لإجتماع
هيتم موجه هدرتو ل ضحى: سجلتي شي حاجة
انا يللا بغيت نوض نخرج حيت بقيت غيرانا وهو: وي مسيو
هيتم قال ليها: مزيان "وخرج"
خرجت حتى نا من موراه معندي خاطر لوالو كنت تنحس براسي ضارني بالمزيان مشيت البيرو ديالي وبقيت غاطسة فالخدمة كيف ديما..
---------------

---------هيتم----------------------------
كنت جالس مبيا معليا حتى تاصل بيا الواليد وقالي بلي خاصني نزل نستاقر فالمغرب ونقابل الشاريكة لي عندي فيه كنت ضد هاد الفكرة اني نمشي نستاقر فالمغرب من صغري وانا فامريكا تم فين كملت قرايتي وتم فين كبرت خدمتي تنقابل شاريكة لعندي فامريكا ولي فالمغرب تنخدم فيها غير من بعيد اقليل منين تانجي غير الا كانت عندي فيها شي خدمة ضرورية شاريكة فالاصل ديال الواليد مي بحكم انا الواريت الواحيد لشاريكات البراقي..كلشي ولا بسميتي والواليد مبقاش قاد على السؤولية تا انا مبقيتش بغيتو اهز الهم خاصو ارتاح ويتبع علاجو داكشي علاش وافقت تولي مسؤلية كاملة علياا اوافقت اني نرجع نستاقر فالمغرب مي ماشي بصفا نهائية حيت تيخصني نولي نطلع الأمريكا ونزل تاني المغرب مع خاصني نساير شاريكات بزوج ومنخصرش خاطر الوالد..لي عندي اغلا من كلشي..ومنقدش نخصرلو الخاطر خصيصا اهو مريض بالقلب...منين حكر عليا الوالد نرجع شديت اوال طيارة المغرب وجيت نشان لشاريكة لقيت الموضافين مستقبليني قدام شاريكة دخلت بلا منعير اي هتمام لشي واحد.

دخلت بلا منعير اي هتمام لشي واحد
ولا نشوف فشي حد طلعت نشان المكتب ديالي حتى لحق عليا خالد تسالمنا انا وياه اجلسنا تندويو ونتافقو على الإجتماع لغنديروه حتى وصل الوقت عاد نزل خالد اجيب الملفات الخاصة بالموضافين لغايتم طاردهم من شاريكة وهكا تندير منين تانجي معنديش مع تعطال ولا الإهمال والخدمة الناقصة تايخص نخرجهم من شاريكة حيت الا مدرتش هكاك امنتابهتش لاداق تفاصيل غادي نوليو نرجعو لوور والمنافيسن ديالي بغاو غير منين اخرجو لياا ومغنعطيهمش هاد الفرصة داكشي علاش الخدمة عندي بنتضام ولإهمال او تعطال معنديش معاه لتعطل غيتطرد من الخدمة بصفة نهائية..طلع خالد لقاني مزال فين خلاني تنهدر فتليفون مع الاب ديالي لطمنتو علياا قطعت وزدنا لغرفات الإجتماعات جلست فبلاصتي تنشوف واش كلشي حاضر حتى تيطيحو عنيا فبنت محجبة كاع الموضفات لابسين المقزب من غيرها هيا لكانت لبسا كسوة كيف الفراشة فالاسواد هابطة تال التحت مستورة بمعنى الكلمه وفولار فالكري بقيت تنشوف فيها حتى ضارت وتلاقاو عنيها سوداويتان مع عنياا ضغياا ضورات رااسها حسيت بيها توترات وبقات منزلا عنيها شيء لي جاني عجب ضورت راسي بدون موبالة عند خالد لي قالي بلي كلشي حاضر بدينا فلإجتماع ومرة مرة تنهز عنياا فيهاا تنلقاها مركزة ماشي بحال لي معانا غي حالين فمهم وساهيين بديت تنملي عليهم اسماء الموضافين لي غيخرجو بانت لياا تخطف لون وجهها امكن حيت خافت الإسم ديالها اكون بين لغايخرجو بقيت حتى قلت لي غايخرجو عااد بانت لياا تنفسات ورجع لون وجها كيف كان بتاسمت بلا منحس وسرعان معقت براسي وجمعتها سلينا الإجتماع وكانت وصلات وقت الغداء نزلنا انا وخالد المطعم ليف شاريكة كتافيت ناخد قهوه وصافي مكانش فياا نفس الماكلة خليت خالد تياكل افنفس الوقت تنتناقشو انا ويااه اسيفط لياا شي سكريتيرة وتكون داخلة سوق راسها مفيا.

الجزء الثاني ⇐