القائمة الرئيسية

الصفحات

قصة اتى بك القدر إلي قصة مغربي بالدارجة

قصة اتى بك القدر إلي قصة ’ قصص مغربية بالدارجة , قصص مغربية , قصص محترمة

مرحبا بكم في عالم القصص مغربية بالدارجة منها قصص للعبرة , قصص رومنسية الى غير دلك قصة اليوم قصة مغربية بالدارجة زوين بزااف تحت عنوان قصة اتى بك القدر إلي قصة  👑.



تقديم لهده  القصة المغربية 

قصة اتى بك القدر إلي قصة مغربي بالدارجة

قصة اتى بك القدر إلي

كاتبة قصة اتى بك القدر :
وردة تاج الدين 👑



لبنات ليوم جيت باش نشارك معاكم ولأول مرة قصة من الكتابة ديالي ولي كتحمل الكتير من العبر لي غتكتشفوها معانا
تحت عنوان:اتى بك القدر إلي
بقلم: وردة تاج الدين👑
هيا :
البطلة ديالنا تربات علي الصلاة و الحجاب ولي تعلمات بلي هو مكينقسش منها بل مزينها ومخليها تجعل عائشة قدوتها ~~~واخ هكا هيا بنت مقطعة لوراق ديما نشاط مع صحبتها واخ هيا سريعة الإكتئاب
هوا:
البطل ديلنا مسلم غبلإسم ومعمر جبهتوا قاست الأرض كيحاول إتوب ولكن دائما كيرجع للأعمال ديالو لخبيت متمرد بمعنى الكلمة ~~~واخ هكاك هو فوقت العمل ديما جيدي ولمجال للمزاح حيت عارف بلي تعدب باش يوصل لما هو عليه

الضلم 💥التوبة💥الكراهية 💥الحقد💥البر بلوالدين💥(و القليل من حبيبة الجماهير)
السفالة




سارة :ماما عفاك مبغيتش نتزوج علاش وافقتوا علاش راه بغيت نكمل قرايتي وزايدون شارف
الأم (نزهة):راه أبنتي قرار باك هداك واشبغيتيني نمنعوا اصلن مشارف...
سارة :صافي متكمليش بغيتو تهناو مني اهئ اهئ بغيتو تهناو مني صافي خرجي عليا يلاه سيري بعدوا مني
(هادي هيا لبطلة ديلنا عندها 17 عام قريب تكمل 18،هاد لعام عندها لباك عندها حقها من زين أكتر حجا كتفتن كل من شاف عينيها وتمعن فيهوم لي مزيجهوم مابين لأسود لقاتم لخداتو عند باها أو عند ماماها لون لبني لمائل للأصفر لي خلا عينيها إكون عندهم لمعة خاصة)
في مكان أخر
~~~~~~~~~~~~~~~~~~~
لحاج عمر:راه صافي عتينا ليهوم لكلمة أولدي نتا غتجوج ب بنة سي براهيم أو صافي إلبغيتي سير راني مفرشك أومغطيك برضا ويلامبغيتيش راني ساخط عليك دنيا وأخرة
مراد:نتا فصل او خيط بوحدك مشيتي خطبتيها او تفقتوا عاد جاي لعندي من نيتك ألواليد حطيتيني أمام لأمر لواقع
لحاج عمر :راه هادشي لمصلحتك باش تبني لأسرة ديالك أونشوفو ولادك أنا ولحاجة قبل ميدي مول لأمنة امنتوا راه غدا إنشاء الله غنمشيو لعندهم باش نيت تفاهم مع لبنت حيت راه مشافوكش أهل لعروسة او تلعروسة
مراد:(خرج معصب اورضخ لباب)



سارة: ألوا هاجر
هاجر : ألو سارة ملك ياك لبس صوتك معجبنيش او لبارح مجيتيش ليسي ياك ممريضة
سارة : كون غا كنت مريضة إوا ماشي لبارح يله بغيت نجي اوهي تقوليا ماما ليوم مغتمشيش جايين عندنا لخطاب
هاجر:(بصدمة) لخطاب أويلي أو معيتيش عليا نشوفوا غاسي لعريس
سارة : واش كتفلاي عليا وراه بغاو إجوجوني بزز براجل كبر من با
هاجر: كفاش بزز أو كفاش كبر من باك وفسريليا
سارة : إوا سكتي لمهم راه قالو ليا متمشيش ليوم تقراي أصلن نهار جمعة عندي خاوية أو عندي غجوج حصص صافي gلست وجدنا لغدا جاو عيطات ليا ماما باش نحط أتاي و أنا نلقى راجل كبير أو معاه واحد لمرة غتكون قد مي أو هي تدوي لمرة :(حاجة زينة): إوا ليوما جايين نخطبو بنتكم ..
إوا خليتها مزال مكملات كلامها وأنا نخرج طالع ليا دم إوا واحد شويا كنسمع فزغاريت ملي مشاو gالت ليا مي بلي بابا وافق إزوجني ليهم من تم وأنا سادة عليا فبيتي أو كملوها وجملوها gاليك غدا جايين
هاجر: لقاضيا عندك صعيبة أصحبتي شوفي لوليدة كتعيط غدا غنجي عندك بسلامة
في أحد الشوارع الراقية بضبة في قصر صغير بمدينة مراكش
~~~~~~~~~~~~~~~

~~~
مراد : ياك ألوليدة خطبتولي وأنا مفراسي ميتعاود أوشكون gاليكوم باغي نتزوج
لحاجة زينة:وراه أولدي مدرتها لبيدي لبرجلي هو لوقف عليا gليا غنمشيو نخطبو لولدك حاولت نمنعوا ولكن لغالب لله راسو قاصح أصلن لبنيا على منزيناتها
مراد: صافي أمي معندي مندير بديك لهضرة لخاوية تلغدا أو نشوفوا هادشي فين غيوصلنا يلاه أنا غنقطع تصبحي علي خير

الأبطال ديلنا كل واحد حاط راسو فوق لمخدة كيفكروا فهاد لأحدات ليوقعات هاد لفترة لأخيرة
 
2

شرقت شمس على لبطلة ديلنا لي لوجه ديلها باين فيه لإرهاق ناضت توضئات أو صلات صلاتها أو منبعد gلسات تتقرأ شوي ديال القرأن الكريم باش يخفف عليها شوية صافي نوعا ما رتاحت هزات تيليفونها بدات كدور فمواقع التواصل الإجتماعية حتى دخلات عليها ماماها
الأم:بنتي نزلي تفطري باش نوجدوا للغدا حيت ناس جايين
سارة : منزلاش أو مغنوجد والو حيت مابغيت لزواج لوالوا
الأم:(بعصبيةأو كتدوي من تحت سنانها) وسارة راه ماشي درت ليك خاطرك شوية أوبديت كندوي معاك بلاتي هيا أحسن غطلعي فوق راسي من دابا شوية نلقاك لتحت منعودش لهدرة
سارة : راه مغنتزوجش بشارف واخ تقتلوني
الأم: وراه مشارفش واش بغيا تحمقيني (خرجت أوسدات لباب)
سارة : كفاش مشرفش أو هو قد بابا
بلسان البطلة : إوا نزلت بلهلا يطريه ليا لبست بيجما طويلة أو درة لشعري سفنجة مخربق فطرة بدينا كنوجدو فلغدا درنا لبسطيلة أو سفة واخ معرفتش لياش هدشي كامل بفف إوا صافي
هاجر:وااااساااارة واحلييي ساااااارة
سارة: (كطل من شرجم )وبنادم وغصوني فلباب ملك كتغوتي راه شارع هادا
هاجر :سليتي إوانزلي حلي
سارة :هاكي سوارت أو طلعي
هاجر: (خدات سوارت حلات لباب مشات عند سارة لكوزينة عرفتها تما)زييييين
سارة :وصمكتيني البغلة مهم أجي عونيني فهادشي باش نسليو دغيا
هاجر:أباز ليك أختي أنا نكون بلاصتك نهرب مستحيل نتزوج بشارف
سارة:معندي مندير صافي راه عتاهوم با لكلمة أصلن منبغيش كلمة با طيح لأرض
هاجر: نتي تعرفي ولكن لحد لأن كين مزال لوقت
سارة : كفاش
هاجر هيهيهيهيهي أجي نشرح ليك
نخلي هاد جوجات ونمشيو عند سي مراد
~~~~~~~~~~~~~~~~~~~
ناض لبطل ديلنا نزل لطابق لأرضي لكينين فيه ألات رياضة ترين شوية صافي طلع صايب فطورو لراسو بحكم كاين بوحدو فدار معيش مع دارهوم طلع الغرفة ديالو دوش لبس حوايجو صايب شعرو رش من العطر ديالو لبس ساعة فيدية خرج شد طريق لشركة ديالو لي تعب باش إوصلها لمعليها حيت كانت من أهم شركات ديال ديكور فلمغريب
######:طوط طوط طوط
مراد:ألو لواليد نعام
لحاج عمر:قول غصباح لخير أولدي تا مالك لمهم متنساش لموعد ديلنا مع 1:00 تكون فدار باش نمشيو مجموعين
مراد:مزال مهداك الله الحاج راه مبغيش نتزوج
الحاج عمر: أنا ليعندي gلتوا أولدي نتا تعرف إما سخط إما رضا يلاه متعتلش علينا
مراد قطع الإتصال أوهز سيجارة كيدخن أو كيخدم على شيوراق شاف فساعة قربات 1:00تنهد خدا لكونطاك أو تيليفون وخرج متاجه لدار ولديه أوهادشي بغير رضاه


سارة : ماما راه وجدنا أنا وهاجر كلشي أو حتى من طبلة صيبنها
هاجر:أه أخالتي وصافي راه غدي نمشي
الأم نزهة:لا أبنتي مغتمشي فين غتبقاي مع سارة هنا يله طلعو راه سارة غطعطيك شي حاجة متلبسي وجدوا ريوسكم و أنا غنgولها لماماك
سارة:ليسمعك أمي غيسحبليه غفرحنين بهادشي راه الزواج بالإكراه لا يجوز حيت النبي نهى الأولياء أن يزوجوا البنات إلا بلإدن ورسول قال "لاتنكح الأيم حتى تستأمر،ولا تنكح البكر حتى تيتأدن "
الأم نزهة :ولكن راه هدشي كولو غير لمصلحتك
سارة: أشمن مصلح أماما راه هاد الكلام ضعيف وقول مجروح وصواب هو أن يلتمس لها (الأب) الزوج الصالح والذي ترضى به إبنته
هاجر: صافي يله أسارة نطلعوا نبدلو ونكملو حديتن (غمزتها)
الأم تنهدات بقلة الحيلة)
فلفيلا ديال لحاج عمر
~~~~~~~~~~~~~~~~~~~
مراد: مرجانة سيري عيطي لحاج ولحاجة
مرجانة : واخ أسي مراد ومبروك راه فرحن ليك
مراد:(ضحكة الصفراء)
طلعات مرجانة لجناح الحاجة ولحاج
مرجانة: (كدق فلباب )
لحاجة زينة : دخل
مرجانة:راه الالة سي مراد كيتسناكوم لتحت
لحاجة زينة : واخ هنا نزلين (ضارت عند لحاج) لحاج يله نمشيو
الحاج عمر : يربي دوز هاد نهار علي خير أميوقع تمشكيل باش نوصل لمرادي
الحاج ولحاجة نزلو وتاجهو عند ولدهم لي gالس فصالون لعصري ليكين حدا دخلة دضار وليغالب عليه لون البوني
الحاج عمر :ولدي صافي نمشيو
مراد: (تيشوف فتيلي ديالو) مممم يله
الحاج عمر: ولدي راه هدشي لمصلحتك عفا ولدي متهزش من خاترك جيهتي
مراد : (مسح على لحيتو)يله نمشيو الحاج
خرجو من دار ركبو على لوطو مراد أو لحاج لg دام أو لحاجة لور
الحاجة زينة" ولدي سير لشي محل شري حليوات أو شكلاط مجاتش نمشيو بيدينا خوين
مراد: واخ
نزل مراد بعدما وقف gدام أكبر لپتسريات لي فلمدينة رجع أو حمل معاه سشيات كتار
الحاجة : ليرضي على ولدي
مشاو عائلة الشاوش ولحاج كيوري طريق لولدو حتى وصلو لواحد شارع لي كان فيه كترة الحركة بسيارات أو الراجلين نزلوا عائلة الشاوش حيد مراد نضاضر باش إشوف دار ليكانة كبير من ربعة طبقات مشاو صوناو على دار أو هي تنزل عندهوم لالة نزهة سلمات على لحاجة أو رحبات بلحاج أو مراد
مراد:(مد ليها سشيات)
نزهة:عدبتي راسك أولدي يله طلع دار دارك
طلعتهوم لالة نزهة لواحد صالون تقليدي غالب علية الأزرق ماشي نفس صالون ليستقبلات فيه الحاج ولحاجة ديك لمرة حيدو صباتهم ودخلوا لقاو تماك سي براهيم واقف كيبتاسم gلسو خرجات لالة نزهة باش تحط لغداء وتعيط على سارة وهاجر إعاونهم ويرحبو بناس
نزهة :سارة هاجر نزلو يلاه ناس جاو
سارة : واخ هاحنا جيين
هاجر :صافي ديري لي gلت ليك، ديك ساعات داك شارف مغيبقاش إشوفيك
سارة: (تنهدات) واخ هاحنا غنشوفو
نزلو لبنات وتاجهو لكوزينة كل وحدة أشهازة وتاجهو لصلون

إوا يله حيدنا صبتنا حدى صالون وأنا حدر راسي غير رضية على هدشي
نزهة:بنتي دخلي سلمي على حماتك و وعمك
سارة:( حطات دكشي لفدها فطولة وشافت فمها بمعنى كفاش )
نزهة:( شفة فتجاه الحاج ولحاجة ومراد )
سارة وخولة وجهو نضرهم لعائلة شاوش أو بقو شوي عاد فهمو بلي هما كانو جاين إخطبوا لولدهم
سارة: (شافت فللة نزهة متجه لعندها سلمة عليها أو تجهات لعند لحاج عمر باسة ليه إديه أو شافت فمراد لي لتقاو لأنضار لأول مرة شافت فيه لبضع تواني أوهي تحني رسها أو لقات سلام حيت هي مكتسلمش مع رجال gلسات وهي مزل فحالة صدمة حيت كانت متوقع أن راجل لكبير هو لعريس ولكن تنهدات أوg لت بلي بحال بحال لمهم هي مبغاتش تزوج وخا عترفت بينها أو بين نفسها بلي مراد عندو حقوا من زين )
هاجر:(gلست حدى سارة )شوفي دكشي ليgلنا لفوق غينسايه وأياك ديري أي حاجة من دكشي باش متهربيش سي لعريس أويييلي على منزينتوا زرق جاه كيحمق
سارة:مالي حماقيت راه هادا بعقلو مشي بحال إلدرتها لراجل كبير هههه لأخوات كانو عولين إبقاو إشوفو فرجل شيباني ليgالو ويعوج فعفعينيهم باش إخلعوه ولكن خرج ليهم بلان أخرحيت هدا بين رجل واعي وغي غيتشوهو هاجر عتبرات هدا زهر زوين حيت جها رجل بوكوص أما سارة فهيا مزال مقتنع بلي مبغاتش تزوج أوغتحاول تفاهم مع هاد رجل لي مزال معرفت سميتوا أو لحتى أشمخبي فداك راس
~~~~~~~~~~~~~~~~~~~
بلسان لبطل ديلنا: أ(بينو أو بين راسو)أنا مستحيل نتزوج جيت غباش نرضي ولديا أما غنهضر مع هاد خيتي إما تلغي هاد زواج أولا غتعيش معيا لعداب ميمكنش نتعدب عوتني مغنخليش زمان إكرر نفش لقصة ولى علي جتتي (ضغط على يديه ) دور راصو عند لأم ديالو أو دوا بصوت خافت :واش غنgلسوا هنا فنهيا هاد....(بينوا أو بين راسوا) مزل مكملت هضرتي حتى كيدخلوا جوج بنات محجباة متصدمتش حيت أصلن لواليد غيخترها لي متدينة باش ترضني لطريق لمستقيم ولكن لمضاهر خداعة الوليد وبين من لبس شكوناهيا لبنت لمقصودة حيت كانت بنة لبسة كسوى وتانية سروال دجينز دوات معها ماماها باش زعما تسلم علينا بعدما سلمة على الحاج ولحاجة وصلات عندي أو شافة فيا فدوك لبضع تواني ليكنة كتشوفيا بدوك لعنين نسيت فين أنا أو علاش أنا هنا ملي هبطات رسها عاد وعيت أوgلت بلي مخسنيش نتغر بدوك لعينين كلهم بحال بحال أمراد من طينة وحدة فيقتني من سهوتي ملي لقات علي سلام ومشات gلسات هههه دير فيها حجابي عفتي زعما مكنسلمش مع رجال

حاجة زينة :يله مدوا إديكوم إركبك ليكوم سي براهيم لخواتم
سي براهيم:ييه أوليداتي (مدوا إديهوم ركب لخاتم لمراد) مبروك أولدي
مراد:الله إبارك فيك
سي براهيم::(ركب لبنتوا) مبروك
سارة: شكرا
هزات لحاجة دوك لبرسليات لبستهم لعروستها إوا صافي زغرتات لالة نزهة واحد مولاتي تزغرية إوا gلسوا رجعوا كيهضروا على أمور لعقد ليمزل معرفوا إمتى إكون
سارة:حتى لصيف ونديروا لعقد علما سال لعام دراسي
مراد:هكا حسن(كل واحد فيهوم كيبغي إطول لمدة مأمكنه ولكن معا من)
لحاج عمر: راه أوليداتي غديروا لعقد دابا أونديروا شي حفيلة صضغير بينتنا إوا أومنبعد فصيف نديروا شي عراسية
سي براهيم:أيه عندك لحق إوا لعقد سيمانة جاية بمأن لعطلة ديال سارة فيها زوج سيمانة لولة درن فيها لخطبة إوا تانية نضربوا لعقد
مراد:بحال زربتوا شوية لا
لحاجة زينة:لاأولدي هدا هوا لوقت لمناسب
سارة:واخ (شافت جيهة حمتها)خالتي شي بلاصة نصلي فيها لعشاء
لحاجة:تسناي توري ليك مرجانة فين جات غرفة ضيوف تصلي فيها راه سجادت كاينة فيها( شافت جيهت مراد ليكان كيشوف فسارة مطلع حجبانوا بدهشة حيت منساتش صلاتها أما لموجودين حتى واحد منهم متفكرها شافت فيه لأم ديلو بنضرة ولي فهم منها بلي gالت ليه تعلم منها تنهدات لحاجة وعيطات على مرجانة)مرجانة ومرجانة
مرجانة:نعام ألالة
لحاجة زينة:سيري أبنتي دي عروستي لبيت ضياف تصلي فيها
مرجانة دارت ليها برسها واخ أوناضت تبعها باش تصلي حيت عرف رسها إلى دخلات لضار غيغرها شيطان أوغتكون عيانة وإقدر تنعس بلماىتصلي دخلات سارة لبيت ليكان متوسط لحجم أو ديكوروا زوين جبدات ليها مرجانة صلاية ورتها لقبلة أو خرجات بدات سارة كتصلي نخليوها أو نرجعوا لصالون
مراد جبد تيليفون ديالو دار لمنبه إصوني منهنا لزوج دقايق أوخشاه فجيبوا أوبدا كيجمع مع باه أو نسيبوا حتى صونا تيلي أو gليهوم إتصال مهم أوخرج جيهت بيت ضيوف

سي براهيم: يلاه نتغداو لحاج عمر نض لطبلة
نزهة :إيه زيدو لالة زينة ولدي مراد نوضو لغدا غيبرد
هاجر: إيه سميتو مراد
سارة :وغبشوية غيسمعون
ضارو على طابلة بداو سارة أو هاجر كيقطعوا ليهم طرافهم ديال لبسطيلة فطباسل بداو كيكلو مراد غكينقب فطبسيل كل غشوية حيت معندوش لخاطر أو حتى سارة
نزهة: ولدي شتك مكليتي والو كول ليرضي عليك
مراد: (كيبتسم)واخ أخلتي
هاجر: أويلي وعلى صوت عندو
سارة:وسكتي غتفضحين
مشاو لبنات هزو لبسطيلة بعدما كلاو منها حقهم أو جابو سفة حطوها كيكلوا أو لالة نزهة غكتكبر بضيفها منبعد مسلاو رفيسة أو ديسير جمعوا لبنات طابلة أو حطوا صنية ديال أتاي
لالة زينة : ختي نزهة gاع مgلتيليا شكون هاد لبنة لغزالة(كتنعة لهجر)
نزهة:هادي صاحبة سارة من صغر أو بمأن لأخت لكبير ديال سارة مكيناش هنا كين فألمنيا مع رجلها فجات هاجر تأدي ضور ديال لأخت حيت أصلن هما بحال لخوتات
لالةزينة:صداقة زوين هادي ليدومها محبة
هاجر وسارة: أميين
إلالة زينة :إوا كما سبقنا وgلنا نهار جمعة ملي جينا بلي بغينا بنتكم لولدنا أو بمأنكم وافقتوا فجين ليوم نحددوا موعد لخطوبة باش نركبوا لخواتم أو لعقد أومنبعدها العقد
مراد: إلى سمحتو ليا بغينت ندوي مع بنتكم هو لول بنفراد
سي براهيم:إيو واخة بنتي سارة سيري دي مراد لصالون ليحدان هاجر سيري معهم حيت ضروري شيوحد إكون معهم حيت لايجوز إكونو بحدهم ضروري من شخص تالت لهم
مراد:(ساد إيديه بعصبية) كلامك هو لكبير
سارة و هاجر ناضو و مراد مرهم توجهو لواحد صلون صغيور مخصص غير لعائلةgلسات سارة وبغات تg لس تهاجر حتى..


مراد:نوضي نتي (كيشوف فهاجر)
هاجر:معايا
مراد:منعودش لهدر تكركبي
هاجر:أووف هاهيا غادة تبقي ستر
بعدما خرجات هاجر مراد gلس قدام سارة كيشوف فيها
سارة:(حدر رسها أوكتفرك إديها بتوتر)ولكن علاش خرجتيها راه قال رسول صلى الله عليه وسلم "لا يخلون رجل بمرأة إلا ومعها ذو محرم"
مراد:معندي مندير بهاد لكلام لخاوي سمعتي شوفي غنgوليك جوج كلمات أو غنمشي فحالي
سارة:(طلعات عنيها أوشافت فيه) كنسمعك
مراد :يأيما غتلغي هاد زواج أو كل واحد إمشي فطريق اولا إلا تزوجن غتعيش حياتك جحيم غتعدبي مزيان لقرار ديلك داب
ناض يله بغا يخرج حتى سمعها
سارة:راه تأنا مبغيتش نتزوج لبيك لبغيرك أو هاد زواج مبززين عليا ياك نتا لي راجل إوا gوليهوم معجبتنيش مبغيتش نتزوج ماشي تجي عندي أنا لي معندي لحول ولقوة إلعندك شيحجة gولهاليهوم هما
مراد:(ضار عندها أوخنزر فيها)كون كنت قادر ندير شيحاجة gاع متلقين هنا (ضحك بستهزاء)وجدي راسك أحبيبة لأسوء أيام حياتك
دور وجهو مغادر الغرفة شاف حدى لباب هاجر هازة تيليفونها بين كطكونيكطة شافت شي ضل حدها هزات عينيها لقات مراد كيخنزر فيها
هاجر: ياااربي سلم كون كانو عينيك قرطاس كون دخلوا في
مراد:لسانك سليط راه غنقطعوا ليك
هاجر:لمخير فعودك ركبو (خنزرات فيه أو دخلات عند سارة)
هاجر:يااه أصحبتي هاد راجل عندك شحال قبيح
سارة:( تغرغروا ليها دموع فعينيها) هاجر خصني نلغي هاد زواج نموت أومنتزوجش هاد لوحش
هاجر:صحبتي ملك ياك مدر ليك شيحاجة
سارة:(تنهدات وعودات ليها لحوار ليداز بينتهم)
هاجر:خصكي تعودي هادشي لولديك حيت راه ميمكنش إبغيو ليك شيحاجة فيها لأدية
سارة:منقدرش مغيتيقونيش أو بابا إلgال لكلمة مستحيل إتراجع عليها واخ يوقع ليوقع صافي يله نمشيو لعندهم أمنبعد أونفكر فشي حاجة
لبنات مشاو لجيهت صالون ليمجموعين فيه دخلوا
لالة نزهة:بنتي فين تعطلتوا
سارة:غكنا كنقدوا أنا وهاجر شيحاجة فلكوزينة
لحاج عمر:إوا دابا خسنا نعرفوا إمتا نهار لخطوية باش نركبوا لخواتم
سي براهيم :أشضهر ليكوم فسمنة جاية نهار لخميس
سارة :بابا راه قارية إكفي أنني تغيبة جمعة أولبارح
جاجة زينة:عندها لحق مخصناش نساو بلي لبنت مزالة كتقرى أنديروها ماشي هاد سيمنة لخرى حيت أصلن عندهم عطلة ديال منتصف دورة تانية ياك أبنتي
سارة:أه أخالتي
مراد:يله خليت ليكوم راحة عندي شيشغل خصني نقدية
سي براهيم: إوا بلمنعطلوك عليه أولدي
لالة زينة :حتى حنا خصن نمشيو تسنى أولدي تدينا معاك (ضارت لجيهة لالة زينة أوسارة )لغدا كان لديد بصحتكم
سارة:ليعطيك صحة
لالة نزهة :كون غgلستوا مزال شوية
لحاجةزينة:لا صافي مرا خرا إوا متنساوش نهار لخميس فعطلة سارة غتجيو عندنا لدار
سي براهيم :ولكن راه نتوما ليخصكوم تجيو
لحاج عمر :حنا دبا عائلة وحدة مبنتناش يله خلين ليكوم راحة
نزلواعائلة شاوش شي ساخط على لوضعية وشي وحدين مقدهم فرحة

مشا مراد حط عائلتوا فلڤيلا ديلهوم أوهو تاجه لدار يرتاح ويفكر فهادشي بعدما وصل حيد لكوستيم لاحو فوق لفوتوي لي فدخلة ديال دار مشا جيهت لكوزينة إصايب شي قهوة باش إgاد بيها لمزاج مشا gلس فلبلكون لكين فبيتوا هاز لكاس ديال لكافي أو كيرشف منها أو كيخمم
بلسان مراد:دابا هديك عود سبسي(كيقصد سارة) gلتليك مقدر دير والو أو حتى أنا هيا هاد زواج غيتم مممم (ضحك بستهزاء) إوا وجدي راسك لجحيم نتي ليجيتي برجليك أنا راه مبغيتش نعدبك(تفكر شي حاجة أوضغط على لكاس لي فديه) ولكن لقدر لي جابك ليا دكشي ليمقدرتش نديروا فيها هههه غنديروا فيك أجي بعد ملي كنا فصلون أشكتgول دو محرم أولشنوا هحنا أنعرفوا عليش كدوي إصحاب رسها بوحدها لمسلمة(جبد تيلي بدكيقلب علي شيحجة تفهموا دكشي ليكنت كتgول أو ليكان كيgول حتى بها أي خصهم ميبقوش بحدهم) هكاك يله فهمت ههه ولكن كانت دير فيها فقيها gلت ليك خص إكون معنا شيوحد يعني كتقصد كما كان ولكن راه غلطوا خاص إكون معنا إما بها أو مها أو عمها ماشي صحبتها أو ختها
في مكان أخر
~~~~~~~~~~~~~~~~~~~
بلسان سارة:أوف أوف علاش كيوقع ليا هدشي علاش أنا مبغيت والو بغيت غنكمل قرية أو ندير شي مشروع ديالي نخدم أو نستقر عاد نفكر فزواج بابا دغيا لحني أهى أهئ اهى فين عمروا حسسك أصلن أنك بنتوا عادي إدير ليك هدشي علاش غيفكرفيك داب أهئ هئ معمروا عطني إحساس لأبوة معمري حسيت بمعني لأسرة وصلت لدرجة أنني غرة من مراد حيت هتم بيه أو أنامكيسولش فيا سحاب راسو إلى كيكسني أو كيوكلني غيعمر داك لفراغ ليعندي هو معمروا كان أب ليا أو كنتسن منوا دبا إسمع ليا أو ميزوجنيش


مرات سيمانة دغيا أو لأبطال ديلنا كيدوزوا نهار ديلهم عادي الفرق لواحيد هو ملي كيحطوا رسهم فوق لمخدة كيفكروا فموضوع واحد هاد زواج ليجاهم على غفلة مراد كيg ول كفاش غيقدر إعيش معها أوينسا لماضي هادي حاجة صعيبة عليه أما سارة كتفكر فمراد ليكان كيgول بلي غيعيشها فلعداب أو هيا أصلن عيش فيه إوا يلبنات يوم لخطبة وصل أو ليكيحمل معاه لكتير من لأحدات





تعليقات

4 تعليقات
إرسال تعليق

إرسال تعليق

🔴 ممنوع قراءة القصص المخيلة للآداب و أنت على صيام