القائمة الرئيسية

الصفحات

أكيد طويلة ولكن قراها وخا غادي اطيحو الدموع ولكن مغاديش تندم على حسابي - قصة للعبرة

قصة حزينة - قصص للعبرة - قصص جميلة - قصص مغربية حزينة - قصص مغربية للعبرة



مرحبا في عالم القصص مغربية , هده القصة قصة حقيقية 100 بالمائة نتمنا تقراوها و تستافدو منها و ماتنساوش تكتبولينا رأي ديالكم في تعليق .



اكيد طويلة ولكن قراها وخا غادي اطيحو الدموع ولكن مغاديش تندم على حسابي ♥️😰
كانت فعمري 16سنة وهو 23سنة تلاقني عند مول شفنج ههه كنت تانقرا ديك ساع فسانكيام وهو فالجامعة أول مرة تلاقيتي معااه كانت نهار 14/2/2014 مع 10:00بالضبظ كنت داخلا مع العشرة ودزت عند مول شفنج حيت عزيز عليا هههه وصلت عندو وقفت حسيت بشي حد وقف ورايا هههه من طبيعتي فضوليا ضرت ولقيتو ههه مانكدبش عليكم تزعط فيه من الشوفة ههه هههه شريت داكشي لي بغيت وماسخيتش نمشي الغد ليه نفس الشي تلاقيت تاني معاه دامت هاد القضية لمدة 15اليوم الواحد نهار بظبظ كان نهار 2/3/2014 هعهع كنت خارجا مع 10:00نييت كنت خرجت من سبور مشيت تاني عند مول الشفنج منها نشري ومنها نتلقا معااه هعهع مشيت شديت شفنجا جيت بيت نخلص مالقيتش الفلوس هعهع شداتني البكية مانقدرش ندوز نهار بلا مناكلو سمعت واحد الصوت قالييه عطينا أنا غانخلص هههه تلفت لقيتو هو مابقاش همني الشفنج قدما همني هو ههه فعلا خلص عليا وشكرتو لاحظت هظرتو قليلا يعني دغيا صدرني وخا هكااك ماهمنيش ههه غادا مع طريق تناكلو المداق ديال الشفنج تبدل عندي ولا زوين وفيه واحد المدااق زوين كثر من اللول ههه دازت يومين مشيت تاني عند مول الشفنج ههههه من زهري تلاقيت معااه نسيتو تسالا وقفت قدامو قلت ليه شكرا على البارح وهاك فلوسك ههههه حتا انا من نيتي بيت نرجع بدري درهم شافيا وضحك هعهع قاليا راه هير درهم

عاادي ماشي شي حاجة ههههه عرفتو فاش ضحك حسيت بقلبي تايضرب بجهد ودم مشا من وجهي حسيت بالمرورة فمي ههههه إقدر تقولوليا زدت فيه ولكن مغايفهموني غي لي دازو من حالتي قاليا بما انه بغيتي ترضي الدين لي علييك خلينا نتعارفو هعهع طبعا من الفرحان عليا كان هدااك هو نهار لكبير عندي تعارفنا من بعد عطيتو واطساب هههه عرفت بلي سميتو أيوب لاحظت بلي دري متقف وواعي دام تعارف ديالنا لمدة 5شهور فهاد المدة كلها خلاتني نكتاشف بلي كانبغيه كانتسطا علييه المهم شي حاجة لي كثر من الحب واحد النهار طلب مني ونتلقاو هادشي كان نهار 6/7/2014 قاليا بيت نقولييك شي حاجة قلتلييك اه قول كانسمعك قاليا كيف مكاتعرفي دبا حنا مانهظرو وتعارفنا وبغيت نقولييك بلي تاتعجبني وبغيت نطور علاقتنا قاليا أنا مغاديش نقوليك نتصاحبو إنما واش تقبلي تزوجتي بيا تصدمت ماشي غير تصدمت ماعرفتش شدااك الإحساس حسيت بداتي باردة عليا شافني سكت قاليا واش مابغتيش أسلمى قاليا متجاوبنيش دبا حتا تفكري على خاطرك ههههه كنت بقا مصدومة شفت فيه وقلت لييا وخا تانفكر من بعد رجعت فحالي دخلت لدار مرفوعة ديريكت لبيتي عاد فقت وعرفت اش كاين كنت آنطيير بالفرحة ماتعشيتش ديك الليلة سلاو الدار لعشاء جمعت الماعن وغسلتهووم ماما تعجباات حيت موالفا تانغسلهوم غابنكيير فاش سليت مشيت عند ماما لقيتها فالبيت تاتفرج هيا وبابا اخويا صغير شافت فيا وغمزتها وتبعاتني عاودت ليها كلشي الحاجة الوحيدة لي شدات من هادشي كامل هيا واش خدام ماعرفتش باش غانجاوبها قلتها مرة مرة مي راه تايقرا وقريب عايش إجازة فالأدب الإنكليزي قالت ليا بابااك مايبغيش وزايدون نتي بقا صغيرة عرفتها موافقاتش ماعرفتش آش غاندير من ناحية أنا باغيااه ومن ناحية والديا لي باغييني نقرا وكولشي وتانا نفس الشي دازت سيمانة وعيط علييه باش نبقاو وتلاقينا قاليا آشنو فكرتي قلت ليه آه فكرت قاليا يعني قلت ليه انا باغيا ولكن عاودت ليه كولشي داكشي لي قالت ليا ماما شد ليا فيديو قاليا صبري معايا نخدم ونجمع راسي ونبني مستقبلي وديك سااع أنمشي تاني نخطبك رتاحيت وافقت وقلتليه وقرايتي قاليا ماعمرني مغانحبسك عليهااا فرحني بزاااف بحكم كان هو اللول فحياتي دازت 2عماين على علاقتنا دوزنا فيها الخايبا و وزوينة عرفتو كثر وحتا هو كان حبنا بريئ كنا محتارمين بعضياتنا مكانش بيناتنا داك تخسار الهظرة مكانتش ديك الغيرة المتصنعة وبطبيعة الحال كنا تانتخاصمو مرة مرة حيت هيا لي تاتعرفي واش تايبغييك ولالا كان عزيز عليا نتخاصم معااه باش إصالحني هههه مكانش ديما تايتغزل بيا ولكن نهار تايديرها هههههه متانقدرش باقي تشوفيه تانحمااار هههههه الحشمة زعما هههه وحتا هو عزيز علييه إشوفني هكاااك كنا نهار تانخرجو متانمشيو ريسطو ولا قهوة كلااس كنا تانشريو درهم زريعة ولا تانمشيو لشي سنااك وناكلو كانو أحلامنا بسيطا باقي تانعقل على نهاار نتائج ديال الباك بغيت ندخل لمسار مابغاش دور ليا جاوبت وزدت تانبكي قاليا مالكي قلت ليه مابغاش إدخال المسار ههههه قاليا البكاية صافي هادشي علاش قاليا سيفطي ليا الكود نشوف سيفطو ليه دازت شي 10دقايق هكاك دور جاوبتو قاليا نقوليك شي حاجة وماتقلقيش صاف كنت غاتموت قلتليه واش سقط هههه ضحك قاليا نوضي على سلامتك نجحتي جبتي 14 هههه فرحت بزااف وشكرتو حيت ماعمرني مغانسا وقفتو معايا كنت فاش كنتلقاو كان داكشي لي مافهمتش تانديه معايا ونكلسو فشي جردة ويفهمني كان ليه فضل كبير فالنجاح ديالي ديك العشية درنا نتلقاو بحكم مكانش خدام داك نهار تلاقينا فالعشية ههههه شتو ومشيت عندو ماكرهتش نعنقو وفعلا عنقتو ههههه ماقديتش نصبر عاد ذرات معايا شافيا وضحك قاليا بيت نهظر معااك فشي حاجة قتلييه شنو قاليا سلمى راني ناوي نخطب شفت فيه ريقي نشف قتلييه كيفاش قاليا ناوي نخطب لاقبلتي هههه كنت انموت بالخلعة بزااف ديال البنات تانسمعو بلي تصاحبات مع هدا وخلاها ومشا تزوج مانكدبش عليكم تانا كان عندي تخوف من هادشي هههه قالي واش ناوي تخطبني أنا يااك وقالبا وعلاه شكون تسحابلييك قليا عماين هادي وحنا مصاحبين طالعين معا 3سنين بما انني يسر ليا الله كملت قرايتي وخدمة الحمدالله الله إجعل البراكا قلت ليه وخا قاليا يعني قلت ليه موافقا هعهع قاليا سيماة جاية عاحنا عندكم وقوليها لماماك وقلتليه وانا تانظحك وخا تفارقت معااه وانا مساخيااش كانت هظرتو كولها رجولة وحتا تصروفاتو لي بغيت نقول هو ماعمرني تلاقيت بشي حد بحالو نهار 1/1/2016 هاد التاريخ عمرو يتنسا ليااا كنت يلاه فايقا من النعااس طليت على تلفون لقيتو سيفط ليا ميساج مع 8:فيه صباح الخير مكانش فراسي بلي هدا هو آخر ميساج من عندو نضت جمعت الدار بغيت نفاتح ماما فالموضوع فضلت نخليه كاا


حتا لغدا حسن فاش تايخرج بابا وصلات 5:00 هاد الوقيتة تايكون خرج من الخدمة حيت تايخرج مع 4:30 سيفط ليه ميساج ولكن طلع عندي بلي مادخل من ديك لوقيتة فاش سيفط ليا ميساج كلت عادي بقيت كالسا حتال لديك 8 صراحة تخلعت مامولفاش ليه مولفا ليه تايخرج من الخدمة تايسيفط ليا ميساج ولا تايدور ليا بقيت كالسا تالديك 12:30مادورش حسيت براسي غنموت سمعت تلفوني تايصوني طلعات عندي باقم ديال واحد البنت تاتقرا معايا كانت ساكنة فحومتهم قالت ليا سلمى قلت ليها معاك ياك لباس قاليا بغيت نقوليك شي حاجة قلت ليها فهاد الوقاية لكان على قبل الجامعة ولاشي حاجة ماعنديش الكانة دبا والله قالتليا ماشي هادشي قلتلييها آشنو قالت أيوب دار كسيدة فوق بالموطور أخيب إحساس ماقدرش نوصفو وخا نبقا تانوصفو تالغدا ماقدرت ندير والو بابا ماشي من داك نوع لي غايتفهم سولتها كيداير دبا قالتليا ماعرط قالتليا درب كاملو مقلوب طبعا غايكون مقلوب حيت الله إعمرها داار كان نعمة الرجل لامن ناحيت الأخلاق وكولشي وماعمرو جيد عيب شي حد ولا ضحك على شي حد ولا يتشفا كان واحد الراجل لي موستحيل إيكون بحالو باقي قطعت بكيت ماكرهتش نغوت عرفتو داك الإحساس فاش كاتحسي بشي حجرة فوسط صدرك بحال هكااك حسيت تانعض فالمخدة كنت غانحمااق وصلت لواحد المرحلة لي مافهمتهااش أنا براسي سمعت الدقاان كانت ماما قالتليا خارجي تعشاي قلتيها مافياش تانحاول ما أمكن باش نسكت حيت كون زادت دقيقة وحدة كنت غانفاجر فوجها ليل كامل وأنا هكااك ماغمضتش عيني مالقيتش كيفاش ندير نمشي حيت طبعا ماشي بحال المسلسلات التركية حيت الواقع حاجة مع 9:45 بالظبظ سمعت تلفون تايصوني كانت هيا سألتها آش كاين قالتليا دخل فغيبوبة حيت كان هو وصاحبو فالموطور اصلا هو كان ديما تاجي فطاكسي مي داك نهار جا معااه إمكن قال نركب معااه مكاين باش نشد طاكسي بحكم صاحبو واحد دري لي طايش كان غادي بسرعة وتايبقا يلعب لقطة فاش بغا يهز الموطور من لقدام وزلق بيهم من لور بحكم كان هو راكب لور طاح على راسو حتا تشق ليه جزء من الجمجمة ديال راسو هادشي كاملو عاوداتو ليا وانا مرفوعة الحاجة الواحدة لي فعقلي هو أنه باقي عاايش وخا عارفاها كاين فغيبوبة مي بعد المرات تاتقولو اللهم العمش ولا العمى هكاك قلت ديكسااع طلبت منها تسيفط ليا نمرة نوع هوم صغير فعمرو ديكساع 16 فعلا عطاتني نمرتو ضورت لييه قاليا الو جاوبتو قلت ليه كولشي لقيتو عارف حيت كان هظر مع دارهوم قلت ليه كي بقا قاليا فغيبوبة وقالينا طبيب فيد الله حنا ماعلينا غينتسناو طلبت منو يدير آبيل فيديو واطساب أنا نشوفو غي من جاج بحكم تاحد متايدخل عندو فعلا دارها وشفتو عرفتو شفتو مكسل والفاصمة دايرا على راسو وجناب وجهو شت غير جهة وحدة بكيت اه بكيت البكة لي ماعمرني بكييت فحياتي شكرتو وقطعت المكالمة دازت 3أيام وانا على نفس الحالة ماما لاحظات مابقيتش كي كنت شحال من خطرة حاولات تهظر معيا وتانحط ليها أعداار بحال ضرني راسي المهم بقا تانعقل كان نهار 4/1/2016 مع 7:15 تاع صباح بالظبظ كيف كل نهار مكنتش نتعشا حتا سمعت تلفون تايصوني لقيت ديك البنت أو صحبتي قالتليا سلمى عفااك أختي مادريش فراسك جاوبتها ببرود واش مات قالتليا آه البركا فراسك وصلت لواحد المرحلة ديال الصبر لي صاف عمرني ضنيت أنوصل ليها شي نهار عرفت فاش كاتعمرو شي غراف بالماء حتا تايتكب حيت كمية الماء لي غايهز محدودة بحال هكااك كنت كنغوت على حر جهدي كاااع داك الصبر لي كان عندي خرجتو غوت بأعلى صوت عندي سمعاتني ماما وبابا جات عندي تايجريو دخلو لقاوني تانعض فيدي وتانتف فشعري واحد الحالة خايبا بزااف ماعرفو آشغايديرو ماعرفوش مناش حيت طبعا لي عارفين هو أنه بنتهم ناعسا فالبيت وبخيير بقيت هكااك وماعقلتش على راسي تاطحت هزوني لسبيطار دخلوني قاليهوم طبيب بلي نهيار عصبي مافهموش كيفاش الأعصاب مناش دازت 6سوايع تقريبا فقت لقيت ضلام شفت جنابي عرفت راسي فين كاينا ماهمنيش دخلو واليديا ماشت فيهم كنت بحال لاميتا كنت متقاطعة على العالم الخارجي كنت هير صورة هو بين عينيا صوتو وكلشي اما عرفت بلي بغيتو ديال بصاح اما فهمت المعنى ديال الحب تمام عرفت الحب لي حبات زوليخة سيدنا يوسف الحب عمرو كان حرام ولكن خاصنا نفهموه داز نهار خرجنا وصلنا لدار وانا على نفس وضعيتي متانهظرش موالو مصدومة دخلت لبيت شفت تلفوني عرفت أيكون تدفن دبا عمركم جربتو داك الإحساس انه أي بلاصة فيكم كاتبكي من غير عينيك اخيب إحساس متانتمناه لحتا شي حد داز نص نهار سمعنا دقات كنت فالبيت ماعطيتوش وتمام شفت الباب تحل كانت ديك البنت او نقدر نقول صاحبتي لي وقفاات معايا او ختي لي ماولداتهاش ماما وقفات معايا بزااف تانشكرها بزاف بقات تاتهظر معايا مجاوبتهااش دخلت فصدمة نفسية خايبا خرجات عاودات لماما كولشي طبعا هيا عاودات لبابا دازت ثلثياام واحد نهار فصباح دخل عندي بابا لقاني كيف ديما مانعستش شافيا وهو يديه وبقا تايدوزها على راسي قاليا الله إرحمو أبنتي وجعل مثواه الجنة هاد الكلمة كانت كافيا باش إنزلو شلال ديال الدموع من عينيا عنقني وعنقتو تما عرفت بلي الوالدين عمرهم متايكرهوو بالعكس حسيت بشوية ديال الراحة قليا سلمى بنتي يلاه نخرجو أبنتي لقاع الدار بغيت نهظر معااك هزيت راسي بواخا خرجت شفت فماما وزادت تاتبكي طبعا غاتبكي مابقيتش كيما كنت ضعافيت وجهي ولا صاحب عينيا ولات ضايرا بيهم الزروقية من كثرة الإرهاق والنعاس لي متانعسش ويديا خرجو ليا فيهم شي ندبات بسباب الأعصاب من بعد دورت وجهي باليا واحد الراجل كالس تكون فعمرو ديك 65عام وجهو منور وبيض سبحان الله وجهو مبشور كلس بابا وكلست حداه شافيا وشفت فيه ضحك ليا قاليا الله إرحمو سكت ومن بعد قاليا سمعي آبنتي فبلاصة ماتبقاي تبكي خاصكي دعي معاه بالرحمة وتصلي وتقربي من الله سبحانه وتعالى وقراي القرآن حيت هوا الدواء وكيف مانتي كتاكلي فخاص حتا روحك ونفسك تاكل والغداء ديالها هو القرآن الكريم رتاااحيت بزااف لهظرتو شفت فيه وبتاسمت تفكرت فاش كان تايقوليا سلمى صلي راه مابقتيش صغيرة وكيف أي بنت كنت تاتقوليه راه تانصلي ولكن ماكنتش متلتازمة كنت مرة تانصلي مرة تانقطعها مرة تانصلي العشاء ونسا الصبح يعني كنت بعيدة على الله مشا الفقيه فحالو رجعت البيتي طلقت القرآن حسيت واحد الراحة زوينة حسيت لديك الحجرة لي فوق صدري غادا وكاتحيد ولأول مرة بعد هاد المدة كلها تايديني نعاس نعست حتا حسيت بشي حد تاينوضني كانت ماما باش نصليو صبح مجموعين فعلا مشيت توضيت وصليت وطلبت من الله إسمح ليا و دعيت معاه بالرحمة والمغفرة بديت تانرجع تدريجيا لحياتي ولكن عمرني آنساه كان اول حب فحياتي وغادي يبقا آخر واحد دازت شهر سمعت الدقان فالباب مشيت نحل بحكم كنت بوحدي فالدار لقيت مرة كبيرة فالعمر بشوشة فوجها ماعرفتهاش قالتليا سلام قلت وعليكم السلام قالوليا ماعرفتيش قلت ليهاا لا سمحليا ماعرفتكش قالتليا مامات أيوب آبنتي ههههه دبا عاد عرفت منين جاب ديك البشاشة لي فوجهو ديما تايعاود ليا عليها ديما تايقوليا هيا لي عندي بحكم باه مات ملي كانت فعمري 10سنوات قلتليها ببتسامة دبا عرفتك دخلتها لداار وكلسنا تعاارفنا وهظرنا وعاودات ليا على النهار لي هظر ليها عليا كالت ليا كان حشماان ههههه اه بصح كان حشومي بعض المرات تانقول بلي ماعمرني مغانتلقا مع شي واحد بحالو وفعلا عمرني تلاقيت معااه حان الوقت باش تمشي تسالمت معاها وبكينا طبعا حيت مشاركين نفس الحزن قاتليا ايوب ولدي ونتي دبا بحال بنتي حسبيراسك بحال أيوب وقتما ضاقت بييك الدنيا أجي عندي رتاحييت ليها بزااف مشات وسديت الباب مشيت لبيتي هزيت تلفون دخلت لميساجات سمعت لكااع لأوديوات ديالو مرة نضحك مرة نبكي من بعد هزيت القرآن وبقيت تانقرا وتانترحم عليه فنفس الوقت.


أيوب كان واحد الدري لي ظريف الله إعمرها دار داك دري كان ولد النااس الله إرحمو وقتما تجبدات سميتو تاتسمع هاد الهدرة مكانتش غير هظرة إنما حقيقة ماعمرو تخاصم مع شي حد ولا سخر من شي حد ولا جبد عيب شي حد ولا يجبد العييب مع شي حد دازت 3سنين دبا على موتو ماعمرني مانسيتو ولا غانساه ولات فعمري دبا 23عام تحسنات حياتي نخارطت فجمعيات ودبا باقليا هاد العام ونشد إجازة فالأدب الإنكليزي الحاجة الوحيدة لي كانتمناها فهاد الحياة هيا رضى الله تعالى وذكرى ديال أيوب آتبقا ديما فقلبي تانموت من بعد هادشي كامل عاد تيقت ديك الجملة ديال الناس المزيانين تايموتو دغيا
شاركت معاكم واحد الحدث لي طرا فحياتي ولي غير بزااف ديال الحوايج فحياتي .



بالتوفيق حبيباتي  ❤️

تعليقات