القائمة الرئيسية

الصفحات

قصة بغيتوا قبل مانعرفو 2021 - قصص مغربية بالدارجة

 

قصة بغيتو قبل كانعرفو ، قصص مغربية للعبرة 2021

سلام عليكم حبيباتي عندي ليكوم قصة مغربية 2021 جديدة قصة للعبرة نتمنا تعجبكوم ، كنبولي رأي ديالكوم فتعليق لتحت .

قصص مغربية بالدارجة 

قصص مغربية للعبرة 

قصة بغيتوا قبل مانعرفو

🌺🌺سلام انا ريحان 22 سنة بدات قصتي في 17 كان حلم ديالي يكون عندي تلفون بلاخص فاش كنشوف لبنات عندهم تلفون وانا لا كانو عائلتي رافدين يدروه ليا حتل واحد نعار جا خويا من لمدينة كان خدام تماك جاب معاه تلفون جديد او قديم كان باغي يبيعو طلبتو عليه ولكن رفض قلتها لماما بصعوبة باش قنعاتو او عطاه ليا فرحت واخيرا قدرت ندير تلفون ولكن مديراش فيه كارط حيت مبغاش بقيت غير كنتصور فيه او كنتفرج في فيديوات كنت كنفهم ليه وخا يلاه درتو ولكن دكية فهاد شي من بعد 15 يوم خويا رجع لخدمتو كان داك نهار نيت سوق الاسبوعي طلبت خويا لاخر يجيب ليا كارط قلت ليه غير باش نهضر مع خوتاتي او جابها ليا هوا عندو عادي خدمتها او مشيت عند لبنات وريتهم تلفون وبقيت معاهم شفتهم كيتكونيكطاو قلت علاش تانا منديرش فيسبوك وخا كانت مخاطرة حيت لعرف خويا غيقتلني 
خديت 5 دراهم او شرجيت حليت فيسبوك جاتني شي حاجة غريبة اول مرة ندير شي حاجة بحال هادي بداو كيجوني طلبات صداقة بزااف شي كنقبل وشي كنمحي 
جاوني مسجات في الاول مدخلتش نشوف بقيت غير كنتفرج في تصاور هدشي مختالف بزااف 
دخلت بلاصت مسجات كانو كلشي مسيفط دخلت بروفيل ديال واحد مكانش حاط تصاور ديالو غير تصاور مكتوب فيهم شعر او كلام معبر لا غير عجبني اسلوبو او جاوبتو دغيا رد عليا طولنا في هضرة داك نهار قليا بلي اول مرة يطول هضرة مع شي بنت يلاه عرفها 
مكانش عارف بلي انا جاوبتو غير هوا من بين كلشي جاني دكشي غريب اول مرة نهضر مع ولد هدا علام بحدو 
بقينا هكاك مدة حتل واحد نهار قاليا بلي عجبو اسلوبي في هضرة او بغا علاقتنا طور كتر في الاول فرت ولكن بقا معاية حتا وافقت كلامو كياتر عليا كيعرف يهضر 
طورات علاقتنا وليت كنبغيه بصح اول واحد هضرت معاه او اول واحد بغيت منقدرش ندوز نهار بلا منهضر معاه ولا من حياتي ليومية قررت نقول ليه يسيفط ليا تصاورو نشوفو كنت خايفة ليرفض ولكن غير قلتها ليه سيفطهم ليا او قال ليا بلي هوا مكيبغيش يحط تصاورو في فيسبوك حيت كيجيه هدشي تافه مكينش لاش يحط تصاورو 
غير شفتو تصدمت ميمكنش معامن كنت كنهضر هدا هوا لي كيجي عندنا لضوار او كاع لبنات كيعجبهم تصدمت كيعرف خويا اكيد لعرفني او قالها ليه غيقتلني اش غندير تخلعت حسيت بدنيا ضارت بيا طفيت تلفون مبقيتش جاوبتو داك نهار بقيت غير كنفكر قلت لكان كيبغيني مغيديرش شي حاجة بحال هادي 
نهار لاخر لقيتو مسيفط بزاف ديال مسجات مقدرتش نخاطر وخا قلبي تعلق بيه بزاف ولكن خفت نتبعو او نخسر كلشي قلت ليه صافي خاصنا نوقفو علاقتنا قليا واش انا خيب لهاد درجة غير شفتيني او بغيتي تبعدي عليا معرفت منقوليه حاولت نفهمو بلا ميعرفني قليا معندي مندير لمبغتينيش ولكن ديري فبالك بلي راه كنبغيك قلت ليها ميمكنش تبغي بنت عمرك مشفتيها قاليا حب ماشي بلمضاهر 
حيتو من قائمة الاصدقاء او مبقيتش كنهضر معاه قلت غنكمل عادي اصلا غير مرحلة وغتفوت دازت يومان مشيت عند بنات كانو مجموعين وكل وحدة شادة تلفونها بداو كيهضرو عليه بلي متكبر او مكيجابهمش ولا جاوب كتكون هضرتو ناقصة سولتهم باش عرفو فيسبوك قالو بلي حاط تصتورو تصدمت قلبا بلي عندو غير فيسبوك واحد او مكيحطش صور يعني غير كيكدب عليا


دازت مدة جا عندنا حيت عرضو عليه لواحد لعرس 
مكنتش بغيت نمشي لعرس ولكن قلت بلي معارفنيش عادي لمشيت او اصلا بنت صحبتي لبست او مشيت انا او ماما غير دخلنا مع لقاعة جات عيني في عينو حدرت راسي ولكن هوا بقا كيشوف فيا رتابكت كلست فواحد طبلة حدا لبناتاو ماما مشات حدا صحباتها كلشي كيقول راه كيشوف فينا دوخناه انا فين مكنهز راسي كتجي عيني في عينو حسيت بيه بحالة عرفني خفت غير بنات ليعيقو بلي كيشوف فيا 
نطقات وحدا من صحباتي او لي هي من عائلتو قالت ليا بلي ريضى سول على فيسبوك ديالك مكانش عارفو او قلت ليه بلي ديالك ديك ساعة عاد فهمت شدني وجع بصدمة ستادنت منهم او قلت ليهم بلي غنخرج هنا او رجع يلاه خرجت حتا تبعني او شد ليا في يدي جاب الله مكان تواحد كلشي في رعرس 
رضى: دبا عاد فهمت علاش رفدتي تصيفطي ليا تصاورك او علاش ملي عرفتيني نهيتي علاقتنا 
ريحانة: شوف انا او نتا منليقوش لبعضياتنا من الاحسن كل واحد يبعد على لاخر 
ريضى: تيقي فيا انا عارف بلي نتي خيفة ولكن انا عمري نفكر نأديك راه والله توليت كنبغيك داك نهار فاش تفرقنا والله منعست معرفتش حتا كفاش نوصل ليك مقدرتش نساك انا عارف حتا نتي كتبغيني غير خيفة 
ريحانة: اه خيفة حيت لوقعات ليا شي حاجة راه عائلتي غيقتلوني نخاف ضحك عليا نخاف تكون غير كتفلا بلاخص نتا عندك بحال هاد علقات عادي في مدينة 
ريضى: نتي وليتي جزء من حياتي عمري نفكر نضحك عليك تيقي فيا والله انا فعلا كنبغيك ولكتاب من بعد مدة نجي نخطبك يكفي عرفتك 
ريحانة: او علاش كدبتي عليا او قلتي ليا بلي مكتحملش تحط تصاورك في فيسبوك او نتا عندك واحد عامر غير بتصاور 
ريضى: مغنكدبش عليك هداك فيسبوك كان عندي قبل منعرفك كنت كنتصاحب فيه بزااف او كنهضر مع بنات بزاف ولكن فاش عرفتك مبغيتش نخسرك حيت منو كلشي مبقيت كنهضر فيه معى حتا وحدة وليت كندخل عير على قبلك لفيسبوك لاخر اما هداك سديتو لبغيتي تاكدي قلبي تلفوني 
قنعني بكلامو او رجعت ليه واعدني بلي ميقول لحتا واحد حنا كنبغيو بعضياتنا حتا نتزوجو رجعنا لعرس بقا كيشوف فيا او كيضحك كنت كنبتاسم ليه فديك لحضة فرحتي متوصفش 
بقينا كنهضرو تواصل غير في تلفون طلب مني تصاوري صيفطهم ليه او كنا كنهضرو ابيل فيديو وليت كنبغيه بزااف كتر من لول كل نهار كنزيد نتعلق بيه عمرو طلب مني شي حاجة خيبة هدشي لي خلاني نزيد نبغيه بقينا هكاك 6 شهر كانت عندي مرت خويا لكبير هي لي كنعاود عليها كلشي هي صحبتي كانت كتنصحني بزااف 
واحد ليلة حتا كنت بغيت نعس او عيط ليا مع كنت مع مرت خويا في بيت جاوبتو حيت هي عارفة كلشي جاوبتو وهضرنا او فاش بغا يقطع قاليا وجدي راسك صباح عندي ليك واحد مفاجئة سولتو شنهيا قاليا لقلت ليك مغتبقاش مفاجئة جاني فضول او وليت كنتسنا غير إمتا يصبح لحال


فقت صباح او قديت شغال دار حتا جا بابا كان حتا هوا خدام في مدينة كيجي غير من شهر لشهر 
ريحانة: سلام بابا معلمتيناش بلي غتجي ليوم 
مزال مكملتش هضرتي صرفقني حتا طحت سولتو علاش ولكن كان معصب بقا كيضرب فيا حتا ولا لحمي كامل مزوق جات امي بغات تفكني مقدراتش سولاتو شنو سباب ولكن حلف لهضر حتا تسرحت مع الارض دفل عليا او قال ليا بلي جبت ليهم عار هدي هي تربيتنا هادشي لي نستاهلو عندك بغيت غير نهضر او نفهم منو ولكن مقدرتش
بابا: خوك دار اكبر مصيبة فاش عطاك تلفون شوهتينا اش درنا ليك خاصني ندبحك او نشرب من دمك 
ماما: وقوليا اش دارت اشنو هادشي لي خلاك تعصب هكا 
بابا: حشمت من راسي فاش جاوني تصارها عريانة او معامن مع ريضى الله ياربي اش درت حتا تعاقبني ببنت بحال هكا كتقيل تهضر معاه شفتي بنتك اش كدير بهاد تلفون ولكن غير بلاتي يجي خوها راه وصلاتو خبار او هوا لي غيعرف ليها ودير في بالها بلي ختزوج عربي لهبيل هوا لي غيقبل على فضيحتها او يسترها نشوفو نيت ضسارتها فين غتوصلها 
سمعت هاد هضرة بقا فيا حال على نيتي او حبي ليه كتر من عصا لي كليت حيت نستهلها كنت حمقة قالت ليه مرت خويا بلي هدشي ممنو والو ولكن متيقهاش
انا عمري سيفط ليه تصاوري عريانة كنسيفطهم غير بلفولار كفاش شافهم بابا عريانين او كفاش ش4افني معاه او حنا عمرنا تصورنا بجوج جات ماما عوناتني نوض داتني بيت كانت هيا معدبا كتر مني حيت حاسة بيا او عارفة خويا شحال صعيب هزيت تلفون لقيتو مسيفط ليا تصاور عاد فهمت بابا علاش كيهضر كان مقادهم بلفطوشوب هوا عارف ناس توع العروبية مكيفرقوش بين حقيقة او لكدوب اكيد لشافوها غيسحابوها غير حقيقة بغيت نوضح لبابا ولكن اش غنقوليه راه انا ليا فيا حق كون مسيفطهمش ليه منطيحش فهادشي كنت كنفكر او كنبكي حتا صونا ليا 
ريضى: سلام حبيبتي كيف صبحتي مزيان مهم عيط نقوليك غير كيجاتك مفاحئة زوينة ياك تصاور جاو زيينين مع بعضياتنا خصارة ماشي بصح 
ريحانة: حشومة عليك اش درت ليك واش عمري قلقتك دنبي بغيتك بصح او تقت فيك علاش درتي ليا هدشي 
ريضى: واش يصحاب ليك انا غنبغي وحدة بحالك بنت ريح لي جا يديها من نيتك تيقتي بلي غنتزوج بيك طلعتي مكلخة 
ريحانة: عمرك غتلقا لي تبغيك بحالي حيت بغيتك بصح اومن قلبي تيقتك او قلت غتكون راجل معاية دير فبالك عمري غنسمح ليك
قطعت عليه بقيت كنفكر اش غندير لجا خويا غيقتلني اكيد غيتيق هدشي مكدبش كنت مكلخة انا نية بزااف شوه صورتي مع عائلتي 
جات عندي ماما او جابت ليا لما او سولاتني كفاش وقع هدشي عاوت ليها كلشي هي غتيقني بلا منحلف حيت كتيق فيا 
خرجات حاولت نوض مشيت لكوزينة خديت موس كنت بغيت نتبت برائتي او نقول ليهم يدوني عند طبيب يتاكدو بلي انا باقة بنت ولكن كرهت راسي كفاش غنشوف فيهم من بعد لي طرا وخا كاع يعرفو بلي مدرتش دكشي ولكن راني هضرت معاه او عطيتو فرصة فين يضحك عليا دبا بابا غيزوجني بداك راجل هوا ملقاش حتا عقل بقا غير يتزوج بيا ميمكنش منقدرش حتا نتخيلها دبحت عروق إديا هدا هوا حل لي كان عنديموت هي لي غتهنيني مبقيت فكرت فحتا حاجة وبديت منفقد وعي بشوي بشوي حتا طحت اخر حاجة سمعت هيا.........بنتي ماتت


حليت عيني بشوية كان سوط الالات بزاف او واحدة كتقول مريضة فاقت تفكرت كلشي عرفت راسي باقة حية او ممتش دخل عندي طبيب غير شافيا بديت كنبكي او كنقوليه علاش مخلتنيش نموت عافاك قتلني او قول ليهم بلي مقدرناش نعتقوها شافيا او قاليا راه باباك ندم على لي دار ليك او فاش جابك هنا كان بين مخلوع عليك بزاااف او قليا نعتقوك 
3 يام او نتي هنا دبا مكين تواحد قلت ليهم فاش تفيقي غنعيط ليهم حيت كانو مكرفسين بزااف او هونا كيتسناوك تفيقي قالو ليا فاش تفيقو نقول ليك بلي هوما سامحوك او دكشي لي وقع عرفو بلي مدرتيش شي حاجة خيبة دكشي علاش رتاحي دبا حتا يجو عائلتك 
خرج او خلاني كنت مقدرا ندير والو من غير نبكي دازت
ساعة حتا دخل 
ريحانة: جيتي تشفى فيا عجبك لحال دبا ربحتي يمكن ليك تمشي وتفرح 
ريضى: سمحي ليا مكنتش عارف هدشي غيوقع 
ريحانة: هاهوا وقع او نتا لي درتيه الله يخليك لما سير بعد مني مبقيتش حاملة نشوفك 
ريضى: عفاك سمحي ليا عارف راسي كنت اناني او كنفكر غير فراسي ولكن والله حتا ندمت فاش سمعت هدشي وقع ليك مقدرتش نصبر 
بقا كيهضر حتا دخلو عائلتي قلت ليهم يخرجوه مبقيتش حاملة نشوفو خرجوه او بقاو كيهضرو معاية 
بابا: شوفي ابنتي مكانش عليك ديري هكا او تيقي فلي كان راه ماشي كلشي بحالك 
ريحانة: سمحو ليا عفاكم انا جبت ليكم عار عفاكم سمحو ليا مكانش كيسحاب ليا غيدير هكا 



اول مرة كنشوف بابا كيبكي قليا نتي لي سمحي ليا تيقت هوا او خفت من ناس او نسيتك بلي حتى نتي بنادم خويا شرح ليه كلشي بلي دكشي غير كيديروه فرحت بزااف حيت عائلتي فهموني او قدرو يسامحوني او عرفو بلي غلطتي من تهور او صغر لعقل كيف مكان لحال كنبقا بنتهم 
عطهم طبيب إدن باش يخرجوني داوني ردار كنت باقة عيانة ولاو كيعملوني مزيان حتا وليت شوية جاب ليا خويا تلفون جديد بدلت كارط او حيدت فيسبوك قليا جبت ليك تلفون باش تعرفي بلي باقي كنتيقو فيك حلفت ليه بلي عمري نعاود بحال هاد غلاط او بلي ندمت على لي درت
جا واحد اخر خطبني او كان باغيني بصح


دازت ليام كتجري درت عقد او جا نهار عرس كلشي داز مزيان حتا هوا مشا حيت قلت لبابا بلي ملي مكانوش جا عندي مشا هضر معاه او قال ليه يبعد عليا او يفوتني او بلي صافي راني تزوجت غير ينساني
كلشي حضر عرسي وفرحو معاية او كين لي حسدني هدشي عادي ولكن مبقيتش كنهتم لشي حد حيت نهار طحت معقل عليا تواحد كلشي تشفى او ضحك عليا مكينش لاش نخلي بنادم ياتر عليا 
احسن نهار في حياتي حيت فعلا لقيت لي قدرني او يبغيني بصح 
قدرت نتجاوز ديك مرحلة انا وحيدة من بين بنات لي عشت هاد ضروف من حياتي وخا كانت صعيبة ولكن حمدلله هدشي بغاه لقدر 
كنت تاترت في نفسيتي هدشي بلا منشعر طبيب قالها لعائلتي دكشي علاش عمرهم قلقوني ولا حاولو يفكروني بلي غلط كانو خايفين لنرجع ندير شي حاجة في راسي دبا تزوجت او كنبغي راجلي بزاااف عمرو خصر ليا خاطري موفر ليا كلشي هوا لي كيستاحق كاع حب او تقدير في الاول كان خايف لنكون باقة كنبغي ريضى حاولت نوضح ليه بلي صافي كرهتو بصح او دكشي ولا من ماضي 
حيت انا كنت غير ضحية بحال شحال من بنت فهمني وقلت ليه ينسا دكشي وبلا ميفكر فيه انا كنبغيك لبغيتي حياتي نعطيها ليك 
ريضى مبقيتش سمعت عليه والو خرجتو من حياتي ولا شخص عادي كان مرحلة او دازت دبا كنزور دارنا عادي كلشي ولا كيف مكان قد مطولات قدية كتنسا او كتبقا جزء من ماضي لا غير 
ماشي كلشي غتكون نهياتهم بحال نهايتي او ماشي كلهم حياة كتعطيهم فرصة تانية ماشي كلهم عائلتهم يقدرو ينساو دكشي علاش قبل مناخدو خطوة في حياتنا نفكرو مزيان او بنات لي كنقولو صحباتنا او نبغو نكونو بحالهم هوما اول وحدات غيتشفاو فيك من بعد مطيحي كين لي تقدر تنوض او كين لي لا دكشي علاش نكونو حنا منكنوش شي حد اخر ندير لي غينفعني او منتيقش بزاااف هادي قصتة حقيقة ماشي من خيال قصتي حبيت نتشركها معاكم نتمنا تكون خفيفة على قلوبكم او تعجبكم شكرا على قراءة 

 نهااااااااااااااااااااااااية

تفاعلو متقراوش
او تهربو او رأيكم مهم 



تعليقات

تعليق واحد
إرسال تعليق

إرسال تعليق