القائمة الرئيسية

الصفحات

خطبوني فلحمام - قصتي مع الخطبة 2023


خطبوني فلحمام - قصتي مع الخطبة

مرحبا بكم مجددا بغيت نقوليكوم سنة سعيدة ، جبت ليكوم قصة مغربية بالدارجة جديدة 2023 نتمنا تعجبكوك  نتمنا تكتبولي رأيكم فيها فتعليق لتحت .

 قصص مغربية بالدارجة 2023 

قصص مغربية 

قصتي مع الخطبة 2021


خطبوني فالحمام 😮😮 
بقلم ✏ : فرح حدادي
الجزء ❤ : 1 

في أحد البيوت الصغيرة وسط حي شعبي كانو تلاثة ديال المتشردين ملابسهم كاملة موسخة و مقطعة ☻ و لكن شعرهم رطب و طويل حيث تقريبا من نهار ماتو والديهم مقطعوه 

كانو مخشيين فبعضياتهم كيتقطعو بجوع لي اصلا ولفوه ولا بحال فرد من عائلتهم البائسة 
على الرغم من وضعهم الا انهم كاانو كيضحكو مجمعين على واحد تلفازة مخرششة كل مرة كتخطف ليهم كانو فيها غا جوج قنوات 2m و الاولى تفكرو نهار لي عائلة باهم خداو ليهم دارهم بلي فيها و جراو عليهم 
كانو كل مرة كيمشيو يوقفو قدام دارهم و يتفكرو ذكرياتهم فيها
حتى لنهار لي شافو عمهم رامي تلفازة قدام لباب باش يهزوها عمال نظافة بدون تردد خلاو عمهم تا دخل و هزوها جابوها لمسكنهم جديد كيدوزو بيها لوقت 
كانو كيتفرجو فرسوم لي كيبداو مع 5 د لعشية 
و تلفازة كتمشي و تجي حتى طفا ضوء فخطرة 

عماد لي كان باين فيه عصبي فعمرو 9 سنين هو لكبير ما بين خوتو الذكور : ليعطيها لحبس قطعات علينا ضوء تاني 😒
ياسر لي كان هو صغير فيهم 5 سنوات كان يلاه بغا يبدا يبكي: اممممممم مبغييتش نبقا فضلااام 😭😭😭😭 بغيت رسوم 
سليمان و لي هو دري المتوسط 7 سنين : سكت انا نمشي نحزرها عالله ترد لينا ضوء غا شوية بعدا 😑 
مشا سليمان لي عارفها اتعايرو تاني و ليني يشوف زهرو حسن ميبقا يتفرج 

بقا كيدق فوااحد لباب بجهد و يغوت : وااااا مي هنيااااااااا مي هنيااااا واااا مي هنيا (و تقول واش جاوبو شي حد تا شحف عاد خرجاتو عندو حلات لباب ) 
كانت مرة كبيرة وجهها مكمش و شادة العكاز باينة فيها عقروشة
هنية : هذا نتا تاني اضاسر شنو بغيتي دوي سير تنعس ليل هذا من نهار شفتكم مشفت ربح لعقروش لاخر 
سليمان : مي هنية انا بغيتك غا تردي لينا ضوء شوية عافاك راه ياسر كيبكي 
هنية :سيرو بعدو مني خلصتو لماء و ضو بعدا قول لختك نجيب 800 د ريال د ضوء و الماء و ديك ساعة نردو 
سليمان بغضب طفولي : ويلي ويلي شحال مسيميمة 🙊😕
هنية :انا مسيميمة بلاتي نوريك العقروش لاخر

هزاات عكازها تابعاه و هو هارب ليها و لعيالات لي كانو فزنقة غا زقرامة و المسمومة على ختها 
كيضحكو عليهم 😂😂 اصلا مولفين هاكا 

تا قربات تشدو و هو يخرج ليها خوه لاخر من جنب 
عماد بجهد : المسيمية 
مجات فين دور عندو تا هز يدو مقلز ليها و مخرج لسانو : اههههم اهههم هانا ليك 😛😜 
هنية : بلاتي عليك الحرامي حتى نتا بقات 
تابعاه تا خرج ليها خوهم صغير و بقاو هوما هاربين كيضحكو و هي موراهم 😂😂
لهبال صافي هادي هي ديال ( ضسر البرهوش يطلع ليك فوق طربوش 🎩

تا حكمات هنية دري صغير شداتو كضربو بالعكاز لطرمتو شافو خوتو و جاو كيجريو يفكروه ولا كضربهوم كاملين عصاتهم حمرات ليهم طراميهم 
و مشاو كيبكيو لديورهم مجاو فين يوصلو تا ولاو كيضحكو تاني 
ياسر : ههههه ضرباتنا كاملين ماشي غا بوحدي 😌
عماد : احح زوقات ليا طرمتي 
سليمان : و انا زرقات ليا ضهري 😂😂
ياسر حناكو دغيا توردو و هضر : و لكن ...
سليمان عماد فخطرة :!!!؟؟؟ و لكن شنو 😓
ياسر :فاش ضرباتني بلت فسروالي 🙈 
شافو فبعضياتهم و هما ينفاجرو بضحك عليه 
و جروه غاديين بيه لدار و هما عارفين معندو ميلبس جوج لبسات لي كيبدل بيهم لولة موسخة مزال متصبنات و تانية لابسها 

شعلو شمع و بقاو كيلعبو اجرادة مالحة و عاطين لياسر غا كرسي كالس فوقو بشما يوسخش لفراش 
تا جات ختهم لكبيرة لي فعمرها 19 عام كتقطر بزين عينيها زرقين و مشفريين بحالا دايرة ليهم ماسكارا و عاد شعرها قهوي و طويل كتشبه لمها ليرحمها لي كان باها فرنسي الاصل
زين عندهم فالعائلة متوارث 
كانت هازة فيديها جوج سيكان واحد ديال شمال كبير كعما قادرة تهزو غا جاراه و لاخر بالكحل متوسط 
مزال كعما وصلات قدام لباب بقات كتغوت 
رحمة : درااري واا دراااري واا حلو لباب 
مشاو كيجريو حلو لباب و كيسولو فيها اشداكشي لي فيديك اشدكشي لي فيديك 
دخلات لدار و ترمات فوق المطلق و هوما مبرزطينها 
رحمة : ماالنا غا بشوية عليا كولوني حسن 😒 
عماد : وا قولي لينا خلاص 
رحمة : هاد ساك (نعتات لساك الكبير ديال شمال) كعيبر مول جوطية رما بيه و هزيتو لقيت فيه حوايج دراري صغار قدكم 
عماد بعصبية : حنا راه كباار اختي 💪 
رحمة :سكت يعطيك ساكتة منين تسلطتي عليا منين 😒 
سليمان : اوا كملي لينا 
رحمة :و هاد ساك (نعتات لساك اكحل ) ديالي 
عرفتو ديك الكاورية ؟؟
ياسر : لا راها مغربية غا راجلها لي صاوب ليها لوراق هو لي ماوري 
رحمة هزات عندو سندالة : لا لا وليتو كتفهمو كتر مني لا لا غا قولوها نيت 😒👡 
سليمان :لمهم كملي 
رحمة :اوا اسيادي ماتت ليها بنتها و هادو حوايجها 
دراري بتلاتي بشهيق : أااايه حوايج لميتين عندنا فدار 😮😮 
رحمة : تا راه انا لي غنموت بالفقصة الا مات ليرحمها هادو ولاو حوايجي دبا و انا حية دردبو تنعسو 
دراري : و لعشا 
رحمة :تاكلو فيه سم 😑😑 انا نقادو ليكم 


ناضت رحمة على سعدها ووعدها دارت ليهم مطيشة و البيض باش يتعشاو 
غا حطاتو تلمو عليها كفاش لا و هوما مساكن من لفطور مكلاو والو 

تا تكلم سليمان لي هو ذكي فيهم و المرزن : حقا قولي ليا منين جاوك لفلوس تا شريتي لبيض 😐 
رحمة : اه نسيت مقلت ليكم راني انخدم مع بديعة كسالة فالحمام لقديم لقيت خدمة 😌
عماد : و تي هادي خبار تخبيها 😮😮 واااع ختنا لقات خدمة سعداتنا فرحاتنا 😀😀😄
غا قالها خبطات رحمة على طبلة : سعديا لالة و فرحي يا لالة زوجت وليدي و حيدت لومة عليا 💃💃💃🕺🕺
غا بدات كتغني تجمعو دراري كاملين عليها 
ناضو كيشطحو و يغنيو و هي تشالي بشعوراتها ( لماكلة ارحمة لماكلة 😐زغب زغب جمعي شعكاكتك 😑😑 ) 
سليمان :و بعدا داك لحمام مفيه حتى لبلاكة لي شافو مزوق من برا بزليج و مبني بحال ديور يقول هنا نبات و هو من لداخل كاع عامر بالغيس مكيسيقوه من سيمانة لسيمانة 
رحمة : سكت هاديك راه غادي تولي داري تانية 
بيها انلقا باش نصرف عليهم اتريكة بعدا انخدم بدراعي منتسنا حد يعطيني 😑 
رحمة دارت عند ياسر لي كيقفقف بالبرد و كالس غا فوق لكرسي 
رحمة : تا مالك ترعد عليا دخل تغطا 
عماد : على مفراسكش راه بال فسروالو 😂😂
رحمة : ليعطيك لمسخ تا حوايجك موسخين الحمار انلبس ليك دبا حوايج لبال بلا تصبين ولا شنو ندير معاك تمرض ليا مقادة نشري دوا 😠 د لكزيمة 
( شافت فساك ديالها و شافت فيه 😈 هو لي سرط ريقو 😶 )
ياسر :عافاك لا ا رحمة مبقاش نعاود لااااا ....

بعد 5 دقايق كان لابس غا تريكو بالابيض جاه بحال تكشيطة و مرسومة فيه هيلو كيتي 😂
و عينيه حمرين بالبكا 
كانت تحيد ليه الحوايج و تعاير 
اصبحنا و اصبح الملك لله 
لغد ليه فاقت مع 7 فيقات دراري معاها لي كيقراو فمدرسة عمومية ديال ولاد شعب مقبلوهم فيها غا بطليب و رغيب و تهديد ديال رحمة 😂
لبسات رحمة حوايج المرحومة 😟 و مشات لحمام 
تبدا خدمتها 
يلاه وصلات لشانطي محسات بطنوبيل منين 
تسلطات عليها كفاش مضربهاش و هي قطعات بلاما تشوف لا يمينها لا يسارها 🤦🏻‍♀️ 

طاحت الارض جاات مخبوطة على طرمتها سروال لبيض لي مزال كعما فرحات بيه بدل لونو وولا فالرمادي فجزء من تانية 😂

رحمة : واااع اطرمتي اطرمتي فين بغيتي تمشي و تخليني اطرمتي اطرمتي مربيتك غا بستة و ستين كشيفة 

شافت فسروال و بدات كتبكي و عينيها حمارو بحال لبنت صغيرة الا حيدتي ليها سكاتة 😢😢

شافت فجهة طنوبيل ناوية على خزيت تا حلات فمها فيها 😮كانت طنوبيل بالكحل و البيض ديكابورطابل فسرا تحل لباب د طنوبيل و تحطات رجل راجل لابس سبادري فالكحل مع تريكو فالكحل و سروال بيض 
شافت فراسها تا هي لابسة نفس لوان 😐 

دري جا عندها بخطوات سريعة و كيهضر معاها بدارجة معكلة بحال شي كاوري عاد تعلم لعربية 

محمد : أتي اش أتي بيئير ؟؟ (ختي واش نتي بيخير 😂 )
بقا كيدوز بديه على وجهها عاد ضرباتها لفيقة 

رحمة : واااش مكتشوفش قداااامك شوفف كب رديتي ليا سرواالي اشلاهبي الخانز لاخر ليعطيع قدرة ليعطيه جداام عطلتيني على خدمتي بغيتيهم يجريو عليا ( كانت كتهضر و شانقا عليه من عنقو كتديه و تجيبو 😂 احم ) 

فهضرتها كاملة شي فهمو شي مفهموش نطقات بمصطلحات غراب عليه 
محمد : سمحي ليا يمكن ليا نوصل الا تعطلتي بسبابي واخا نتي لي منك ديفو 

غا سمعات رحمة يوصلها جرات حلات لباب د طنوبيلتو و دخلات دخلت تا هو و هضر 

محمد :فين بئيتي نوصلئ 
رحمة غا شمعاتو اشقال خرات عليه بضحك 😂😂 
رحمة بطنز : قول كاف 🙂 
محمد : ئاف 
رحمة اجا ميسكتها من ضحك 😂😂 تا هو بتاسم واخا معرفهاش علاش كضحك 
رحمة : و قول خاء 
محمد : حاء 😁
رحمة : لا لا قول خويت الماء فدالية 
محمد : حويت لماء فدالية 
رحمة : 😂😂😂😂😂😂😂😂😂
بقا تا هو كيضحك معاها واخا معارفهاش علاش كضحك باينة فيه مبوهل شوية 
رحمة : شوف اتمشي نيشاان و دور على ليسر و تعاود درو على ليمن و حطني حدا دارنا تانية 
حرك ليها راسو بالإيجاب 
و بقاو غاديين و مجمعين كيتعاودو و يتعارفو و رحمة غا كيقول شي كلمة كتبقى ضحك تا تبان ليها ضرسة د لعقل 
تا غوتات 
رحمة : حبس حبس حبس هنا هنا ✋
يالاه بغات تخرج تكلم محمد 
محمد : رحمة 
دارت عندو كتشوف فيه اشبغا يقول تا قاليها 
محمد : شنااهوا شلاهبي خانز ؟؟!!😓
رحمة : هي زوين و نقي 😁
بتاسم ليها محمد حرك راسو بالايجاب و هو تسناها تا مشات دخلات لحمام لي مفيه تا لبلاكة كيف ناس 😂 
و هو يخرج من طنوبيل

غا خرج محمد بان ليه واحد راجل لابس مزيان و مقاد و كل مرة كيقاد شعرو و ضحمة من لودن تال لودن يالاه بغا يرجع لسيارتو جا عندو داك راجل لي اصلا هبيل شدو من يديه و كسنعت ليه فجهة الحمام 

راجل ( نونوسة ) :هل تعلم هذا المنزل انه منزل الصفااء و النقااء و الطرائف ( طروفة زعما 😂 ) الكبار و صغار بكل الاشكال و الاحجام هدا وجه 
جميلة و هذا وجه جمال انه حتما منزل راائع حاولت دخوله كل مرة كانو لا يقبلون ذلك 
نعم انه منزل النقاء و الصفاء
( لقد تم نكح اللغة العربية بنجاح مع مسيو نونوسة 😂 ) 

محمد بقا غا حال فمو و فهم كلامو غلط 😂😂 
بطبيعة الحال 
محمد : تا هي ئانت كضحئ هي ضريفة منزل زوين 😃

هز عينيه فالحمام لي كان بزليج من برة ضحك و مشا فحالو 

دازت سيمانة على هاد الاحداث لي دازت فلمح البصر 
كانت رحمة كيف كل نهار ليوم خرجات بكري من الحمام مع ربعة حيث نهار تنين كيكون خاوي لعيالات الاغلبية كيمشيو ليه نهار الاحد 

كانت غادية فطريق و كتفكر فيه كيف ديما من داك نهار و هي كتحلم بيه بليل و تفكر فيه فصباح 😂 تا سمعات شي حد كيكلاكصوني 
دارت بتعجب تا كتشوفو كيشير ليها باش تجي 

محمد : رحمة اجي اجي 😀
رحمة فرحات و ليني ضروري دفع عليه كبير : يااك لباس شنو بغيتي 
محمد : غبرتي شحال هادي مشفتك طلعي نمشيو نشربو شي عصير 
رحمة بتكبر : ممسالياش ليك 😌
محمد : ماشي مشكل انا غادي بسلامة 
رحمة : تسنا تسنا 
مشات ركبات حداه و نطالقو 
و هو بقا غا كيشوف فيها و يضحك و هي ور كتلقاه كيشوف فيها و دور وجهها زعما راه مشفتش فيك و تلعب بشعرها 
دقائق كانو قدام واحد المطعم راقي رحمة شافتو غا من برة سالو ريوقها 🤤 
عاد فاش دخلات لداخل 
كلسو فطبلة و هي طلبات عصير ديال ليمون و هو خدا كافي وبغا يجبد معاها شي موضوع و هي هزات كاسها تجغط فيه مهزات فيه راس تا كملات لكاس كامل فخطرة وحدة 

محمد : تزيدي تشربي شي حاجة اخرى ؟؟ 
رحمة بغات تزيد و لكن حشمات منو ( كتحشمي بعدا 😐 ) : لا شكرا بركة 
محمد : حقا شفت داركم زوينة بزااف 
رحمة :أ ؟؟ دار 
محمد :دار لي وصلتك ليها عجباتني و عاد دايرين ليها زليج من برة باينة اتكون واعرة من لداخل 
رحمة دارت ليها فالخوا قالت تزفط عليه شوية نيت مطالعة مطالعة تبان قدامو : اه دارنا زوينة زوينة بزااف 😁
محمد : ممكن تعطيني باينة في

من بعد شهر كان فيه محمد دايمن كيهضر مع رحمة و لكن رفضات تلاقا بيه مباشرة مرة اخرى و حتا هو حتارم رغبتها 
كانت دايمن كتعاود ليه على المغرب و العادات و التقاليد ديالهم بحكم انه تربا بعيد على والديه و فبلد اجنبي 

2 د ليل كانو دراري ناعسين مجبدين حداها كل واحد حال فمو و هي باقا كتهضر فتليفون كيما مولفة تا تكلم محمد 
محمد : حبيبة عندي ليك مفاجئة 😍 
رحمة : شنو هي 
محمد : غدا و تعرفي بب 
رحمة : ايبقا ضارني راسي دبا 😐 
محمد : غا صبري عليا حقا انتا قلتي ليا اتجي عمتك من فرنسا 
رحمة : ا أ ؟؟ 
هنا عرفات راسها قفراتها بكدوبها لي مكيتساليش 
رحمة : اه لا مزاال متجي مزاال 
محمد : صافي واخا 
رحمة : نخليك تصبح على خير دبا 
محمد : ولكن .. 
مزال مكمل كلامو طفات عليه تليفون خايفة لتفضح 
لغد ليه كيف العادة فاقت فصباح بكري و مشات لحمام تبدا خدمتها حيدات ليك الحوايج و دخلات لسخون 
مكاين غا حك يا متحك و دافعة ليك جماعة مع 
عباد الله 

وصلات الحداش د صباح 
تا وقف محمد بطنوبيلتو لي حل لباب خرج لابس ليك الكومبلي بالكحل و لقاميجة من تحتو بالبيض ولابس ليك سباط كلاس و لحية طراساها ليك نتية و عينيه الكحلين بغاو يخرجو منهم لقلوبة و ضحكة ممفارقاش كيبين سنيناتو لبيضين لمساتفين ( احساب ليك غا نتا لي عندك سنان بيضين 😒 😑 تنا راه سناني بيضين دافعة ليهم الحامض و الملحة ايهيه 😌) 
خرجات مو تا هي من لباب لوراني هي و عمتو 
لابسين ليك جلابات براندة ديال المناسبات نيت داكشي انيق 
عاد باه لي كان راكب لقدام تا هو كيبان فيه قشوبي و ضريف 
قاليهم بلاتيو بلاتيو انا نمشي ندق عليها عاد دخلو ديك ساعة 
بقا كيدق و كيسمع الهاراج لداخل معرف اشداكشي فاش مجاوبو حد 
دفع لباب لي كان غا على شبة تحل كامل و كشف المستور 

بانو الطرائف الكبار و الصغار بكل الاشكال و الاحجام هذا وجه جميلة و هذا وجه جمال 😂😂
و بدأ الغواات 😂😂 و بدااو سطولة كيتشايرو 
و محمد مفهم والو 
و العيالات شي كيشير عليه بسطولة شي كيشير بالكراسة بالكيوسة 
هرب لجردة و بقا كيخمم و مبلوكي مفاهم والو 
تا خرجو لعيالات لي كانو يلبسو سالاو و لي مزال و زينة لبنات غا سمعات هجم عليهم راجل تشللت و لبست حوايجها معولين لخرجو و لقاوه تاعتو متعاود معارفاش بلي هي سباب و مجبد البلا و ليني غا خليها عالله 
خرجو لعيالات و خرجات هي بالهراوة هي لي متزعماهم و تحلف 
يالاه وصلات قدام لباب دارت عند رباعت لعيالات 
رحمة : ليوم نخلي دار بوه 😑 ⛏
مجات فين دور وجهها و يجي فوجهو تا بدلات كلامها 
رحمة : ليوم يتخلا دار بويا 😯😶


هو غا شاافها مشا كيجري عندها و شدها من يديها 
محمد : رحمة فهميني شنو هادشي لي وااقع واش ماشي داركم هادي واش غا كدبتي عليا 
(حط يديه على وجهها ) 
محمد : قولي شي حاجة متبقاي ساكتة 
رحمة نطرات يديه من وجهها 
رحمة :اه هادي ماشي دارنا انا ساكنة غا فبراكة و معندي لا والديا لا والو انا يتيمة كتفهم عايشة غا فبيت انا و خوتي ب تلاثة و كل مرة كيتقطع علينا لما و ضوء حيث مكنخلصوهش اه بصح هادي ماشي دارنا و لكن كنعتابرها دارنا تانية دارنا حيتاش كون مهية كون راني كنسعى قدام جامع كيما كنت كندير قبل منلقا هاد لخدمة 
دبا عرفتي اوا سير ليعرضك سلامة انا ماشي من مستواك ولا نتا من مستوايا 😭😭 صافي سير فحابك شوف حياتك و نسا بلي كنت كتعرفني شي نهار 😔

تعالات شوشرات ديال لعيالات 
و هو مشا تال لحد ديال جردة و رجع عندها بزربة 
جمعها معاها بطرشة شيء لي خلا لعيالات يشهقو 
و كاين منهم لي بدا يغوت 
العيالات : ارسول الله ارسول الله 

جرها محمد و عنقها : حماارة احساب ليك انا بغيتك حيتاش جدك من طاليان و باك من خنيفرة و عمتك من فرنسا انا راه بغيتك حيث نتي بعفويتك بكولشي فيك الخانزة و جاي طالب راغب فهاد الخانزة ديالي 
رحمة غا قاليها هاد لهضرة حناكها حمارو تفكرات نهار قالت ليه بلي 
الخانزة كتعني نقية 😂😂🤦🏻‍♀️ 
نقزات مولات الحمام فيقات لعيالات من شرودهم لي كانو ساهيين 
بديعة : يالاه العيالات واقلة عندنا شي خطبة فالحمام دخلو سيقو و فرشو يالله يالله 
رحمة : و خوتي ؟؟!
محمد : خوتك ايسكنو معانا 😍😍 يالاه نجيبوهم 
دارو ليد فاليد و مشاو من بعدما سلمات هي على عائلتو و عرفوهم 
مكاملاش نص ساعة كان كولشي مجموع فالحمام لي كان مفرش و صينية د اتاي محطوطة و الحلاوي 
كولشي جابوه لعبالات من ديورهم 
كلسو كاملين من بعد مجاو لعفاريت ديال خوت رحمة 
تا تكلم باين محمد 
الاب : اوا دبا ندخلو فالموضوع معامن انهضر 
نقزات بديعة و هنية لي كارية ليهم تا هي كانت فالحمام: هضر معايا انا 
شافو فبعضياتهم و خنزرو 
هنية : يهضر معايا انا 😒
بديعة :يهضر معايا انا 😒

يالاه بغاو يقلبوها سباط تا تكلم اب محمد 
الاب : سكتو سكتو انخطبها من عندكم كاملين 
راني طالب راغب فبنتكم المصونة لولدي 
الكل : و حنا قابلين 
شافو فبعضياتهم و هما يضحكو كاملين 
تا ناضت رحمة 
رحمة : خطبوني خطبوني 
العيالات : و الله تا خطبونها 
رحمة : من حمامنا هزوني و فدارهم يحطوني 
العيالات : خطبوها خطبوها 💃💃💃💃💃💃 
رحمة : بلاتيو بلاتيو العيالات مفرااسكمش بلي لي خطبني راه بييلووووط 😌😌😌 و اىاو عليها شي تزغريتة 
بديعة : لولولولولولولووي 😂😂😂😂 
ااااااااااااالنهااااااااااااية 
عمرك ولا تنقسي من راسك ولا متردايش بمستوااك لي بغااك ايبغيك كيما نتي لكدوب قدما طواال كيتكشف دونك رضاو بداكشي لي قسمكم الله و ربي مخيخيبكمش انشاء الله 
و نتي فين خطبوك ؟؟؟؟؟ 😂😂 كتبيلينا فين خطبوك فتعليق ههه
قصص مغربية بالدارجة 2021 ⬇️⬇️


تعليقات

🔴 ممنوع قراءة القصص المخيلة للآداب و أنت على صيام