القائمة الرئيسية

الصفحات

قصتي مع أستاد الفلسفة - قصتي مع الأستاذ 2021

قصص مغربية بالدارجة 2020 جديد قصص و حكايات الرعب و الرومانسية قصص بوليسية و قصص هورنوغرافية و أيضا قصص كوميدية , نقدم لكم قصص مغربية كاملة بطريقة مميزة و مرتبة و محدثة باستمرار



قصص مغربية بالدارجة 2020 جديد قصص و حكايات الرعب و الرومانسية قصص بوليسية و قصص هورنوغرافية و أيضا قصص كوميدية , نقدم لكم قصص مغربية كاملة بطريقة مميزة و مرتبة و محدثة باستمرار


قصتي مع أستاد الفلسفة - قصتي مع الأستاذ 2021

قصتي مع المدرسة 

قصتي مع ليسي 


بغيت نعاود ليكم قصتي مع استاذي ديال الفلسفة في الاول نعرفكم براسي انا سميتي شيماء عندي 18 لسنة قريب نكمل 19 انا عندي حقي ف زين شويه ماشي بزاف هههه تواضع المهم بدا تقياد عوتاني وهاد العام عندي الباك 😢 وطبعا مع انا قرايا بزاف ديما كنتقيد حتى كيتقيد كلشي .
فقت الصباح مع العشره لبست وفطرت وهزيت الملف انطلقت للمدرسه وبعد السير لنصف ساعة وصلت اخيرا 
يلا خندخل وقفاتني لمديرة مع الباب
المديرة :تبارك الله عليك انسه شيماء جايا للعرس مثلا
انا :لا جايا نتقيد ا استاذه المديرة :اوا على السلامه يلا طفات عليك الشمعة :انا لا استاذه دابا انا كنت مسافره يلا جينا غي البارح
المديرة: اه سبحان الله نتي كل عام مسافره تال هاد الوقت انا: و دابا نقدر ندخل المديرة :سيري حتى تلبسي الوزرة ديك ساعه تقدري دخلي انا :والله ا استاذه حتى مازال ماشريتها 
خنزرات فيا زاعمه خرجي بلا مشاكل
ضارت بان ليها دري داخل وداير تشويكة فحال الديك الرومي ومشات لعندو انا غتانمت الفرصة ومشيت كنجري للحراسة دخلت وبانت لي جديدة ومزال صغيرة وبوقوصه بنت الحرام 
انا :السلام عليكم 
الحارسة العامه :وعليكم سلام اش بغيتي 
انا :بغيت نسولك اشمن حارسه جات عند الباك
جوباتني بابتسامه انا
قلت مع راسي بما انها جديدة نبين ليها الوجه البريئ 
انا :الله يخليك بغيت نتقيد
الحارسة العامه :اوك اري لملف ديالك 
هاكي
الحارسة العامه :اه خاصك تخلصي جمعية الاباء لاسيرونس
انا :ولكن راني خلصتهم العام لي فات (درت راسي غبية باش نبين الوجه البريئ 😇) قالت لي وهي حابسه الضحكة را كل عام بوحدوا 
انا :اه دابا قيديني وغدا نخلص ... مكملتش هدراتي وهي تجي ليا المديرة المديرة :ياك قلت لك مادخلي حتى تلبسي طابلية معرفت باش نجاوبها وبقيت كنخربق ف الهدرة يلا دابا تبعيني للادارة من سمعت الادارة عرفت راسي كحلتها وغادا تشحطني اليوم خليتها حتى عطاتني بضهر وشديتها جريه حتال لزنقة 
انا :اففف الحمد لله 
سمعت واحد صوت من ورايا 
ياسين :هديك المصيبة اشمن زبله درتي تاني 
عشيري ياسين وتوحشتك اساط 
ياسين :وباقا زوفري كيفما كنتي بنتي ليا لابسه الصايا قلت درية ولات فتاة )رغم انني كنت متحجبة ولكن بحكم عندي تلاته ديال خوتي وانا لبنت لوحيدة كنت شويا زوفري )
انا :بديتي تاني 
ياسين :لا مزال انا :سمع غادي دير معايا واحد لبلان منساش ليك خيرك ياسين :اشنو ثاني 
انا :هانتا هاكا لفلوس دخل خلص ليا جمعية الاباء ولاسيررنس وسير عند الحارسة العامه وقيدني احمباك الا شافتني المديرة ليوم تزرد عليا ياسين : لا عندكم 
ديك الحارسة معقدة
انا :ولااا اصاحبي هديك شدات تقاعد جابو وحده جديدة تيتيزه حق مولانا 
ياسين :حلفي 
انا:والله العظيم ياسين :واخا هاني غادي مشا وقلت نمشي ندير دوزيام فطور مشيت عند مول لمسمن لي ولا عارفني كنجي عندوا كل صباح ف يامات لقرايا 
مول لمسمن :اهلا شيماء وغبورات هادو ياكما تزوجتي اصكعه وطلقك راجل 
انا : سكت دابا من الهدرا ودير ليا 5 دراهم مسمن مع العسل وكاس ديال اتاي مول لمسمن : 5دراهم مالك عارضة على اوباما انا :ومالك غادي تخلصها عليا وسربينا را فيا جوع 
مشيت بركت جاب ليا المسمن بديت كنلتاهم ف داك المسمن مسكين حتى وقف عليا واحد واتي غير بشويه عليك هزيت فيه راسي . 
انا : نتا تاني وقلب عليا الله يرحم باك 
محمد :اه انا تاني فينما مشيتي غادا تلقايني حداك انا : شوف مافيا لي يتناكر بعد مني محمد : ودوقيني اجيعانه
انا : لاا . هزيت مسمني وتميت غاده نكمل ف طريق 
انا :تفو على لصقة غادا وناكل ونكر وصلت اللباب المدرسة لقيت ياسين كيتسنا انا :واحد سلام ياسين :ونااااري على تيتيزه 
انا: هههههه وراها كبر منك كون تحشم 
ياسين : مسوقيش الرسول كان مزوج بمرا كبر منو 
انا :هههههه و بااااز باغين ديروا فحال الرسول صلى الله عليه وسلم غي ف زواج اما شي حاجه اخرى لا سير سير خليني نطلع لدارنا ياسين :بلاتي هاكي لاكارط ديالك 
انا :اه ارا الله يحفظك اعشيري نتقاشعو من بعد 
مشيت لدار درت دروزيام فطور وتغديت ونعست مافقت تال لغد ليه مع تمنيه لبست حوايجي ولبست طابليه باش نتصالح مع المديرة وفطرت اهم حاجه وخرجت وصلت للمدرسه على سلامتي مع الباب واقفه المديره دخلت وانا هازا راسي زعمه راني درت انجاز سمعت المديرة كتقولي و داكشي لي درتي البارح والله لا بقات فيك تفكرت بلي هربت ليها خخخخ مشيت للحراسة خديت استعمال الزمن ديالي وساعه لولا كانت عندي الفلسفة الله يا ربي اكثر ماده كنكرها وزايدينها دايرينها ف القاعه لي لفوق طلعت بزز يلا بغيت ندخل وقفني واحد دري فين داخله داخله نقرا دازت 10 ديال دقايق عاد جايا 
قلت ف راسي تا مال هادا كيتحاسب معايا الاستاذ مزال ماجا وهو بارك ينقز غير راسوا خنزرت وطلعت ونزلت فيه ودخلت بانت ليا صاحبتي سلمت عليها وبركت حداها شفت ف داك دري لقيتو هاز حاجب وكيشوف فيا قلت لصاحبتي شكون هاد دري جوباتني وهي ميته بالضحك هادا را هو الاستاذ 
انا : اويليي لااا وقفت والله ا استاذ حتى كيحصاب لي تلميذ معانا لقسم كلو تهز بالضحك جاوبني ب ابتسامة مكاين تاشي مشكل لمرا جايا جي بكري قلت مع راسي اهيااا ناري غادي اقريني هاد البوكوس من الان فصاعدا الفلسفة مادتي المفضلة ..
الفلسفة مادتي المفضلة واخا مكتدخلش ليا لراسي درت ايدي على حنكي وبقيت كنشوف فيه وهو كيشرح وكنتخيل فيه مزوج بيا ومشييييت مع احلامي الوردية فيقني من احلامي صوتو الاستاذ :واا انسه الا بغيتي تنعسي سيري لداركم 
انا :سمح ليا ا استاذي را منعستش ليوما (الله يمسخني وانا نعست 24 ساعة ) الاستاذ :متعوديش ليا قصة حياتك دابا تبعي انا :واخا ا استاذي خنزر فيا وكمل درس نسيت موصفتش ليكم الاستاذ طويل وسمر حروفوا كحلين وعندوا عضلات ههههه وعندوا لحية خفيفة باختصار بوكووووس عدنا ومشيت تاني مع احلامي الوردية حتى فيقني صوت الجرس خرجنا وسلمت على دراري ودريات لي معايا لي كنعرفو ولي مكنعرفوش وساعه تانيه كانت عندنا الانجليزية دخلنا بانت ليا ديك العقروشه مكنحملهااااش مشيت لوور وبركت حدا واحد دري بقينا حت حت حت تا جرات علينا ههههه تبا لكل استاذ يظن ان طردي من الحصة عقوبة لي فرحة حيت تهنيت من كمارتها مشينا للساحة الرياضة كملنا باقي الساعة تماك مع 12 خرجنا داز اسبوع ماكان حتى شي حاجة جديده من غير انني وليت كندخل لكاع سويع ومبقيتش كنغيب انجاز عظيم ههههههه اه نسيت وكل نهار كنزيد نتزعط ف استاذي العزيز يوم الاثنين بداية الاسبوع ومن حظي كانت عندنا ساعة لولا الفلسفة يعني كنصبح على استاذ زوين لي كفتح نفس للقراية دخلنا بدا كيشرح ف درس وانا غي حاله فمي فيه وكنشوف البنات معايا ف القسم زوينات عليا و قرايات ماشي فحالي وكنشوف كيفاش كتحاور معاهم وكيضحك حدرت راسي وقلت بلا منبقى نتفلا على راسي مستحيل يكون ليا ومستحيل يبغي شي وحده فحالي كنت باركه لور بوحدي حطيت راسي فوق الطاولة وبقيت كنبكي على زهري حيت كنت كنفرح مني كندخل عندوا وكنبقى نشوف فيه ونسرح ف احلامي لي مستحيل تحقق شويه سمعت صوت الضحك هزيت راسي لقيت الاستاذ فوق راسي شفت ف تلاميذ اناري فين انا شكون نتوما 
الاستاذ : صباح الخير الانسه شفناك نعستي وقلنا ماكاين باس دابا تفيق ولكن راك عيقتي زملاء دياك خرجوا ودخل قسم اخر ونتي مازال ناعسة 
صراحة مركت محسيتش براسي حتى نعست وقفت بزربه وجمعت حوايجي وانا حمرا خرجت وانا كنجري وخليت القسم كامل كيضحك عليا محملتش راسي ف ديك اللحظة 
انا : تفوو على زهر حتى نتي مالقيتي في تنعسي غير عند هادا قرصتني باش منبقاش نعاود وخرجت فحالاتي لدارنا وصلت وطلعت بزربة لبيتي ماكليت ماوالو سديت البيت عليا وبقيت كنبكي كنبكي معرفتش علاش ولكن كنت محتاجه نبكي نعست وانا تنبكي فقت مع ديك ربعة تكونيكطيت شويا لقيت 20 مسج من عند صحباتي وصحابي تيسولوا عليا جاوبت غي واحد دري وقلت لي علاش مفيقتونيش مني كنت ناعسة وخليتوا داك لمرض
داك لمرض يضحك فيا لي يسوا ولي مايسواش بعد عشر ديال دقايق جاوبني وقال لي را هو لي قال لينا خرجوا بشويا خليوها ترتاح باينه مناعساش 
انا :كيتفلى عليا هاد الاستاذ واقيله اناس :المهم ا سمير غادي تجي غدا 
انا: والمرض سميتي شيماء وضروري نجي غدا را غيبت ليوما كولو اناس: اه نسيت سول عليك محمد انا : اش بغى تاني اناس :ودري كيتوفا شوفي من حالو انا: ويتوفا ولا يعيش انا مالي اناس :والله تا كيبغيك انا: تا سير بعد مني وهو وجهوا فحال الخبزة ديال درهم اناس :هههههههههههه مسطية المهم غدا ف العشية لاعبين ماتش مع ولاد زنقة 5 تلعبي معانا 
انا: ومكرهتش ولكن داك الوليد منع عليا لعب لكوره 
اناس :من حقو مسكين داخ مابقى عارف واش والد 4 ديال دراري ولا 3 
انا: بديتي شوف غدا نقدر نلعب معاكم مهم تلاح دابا طفيت تلفون باش مايبرزطني تواحد مشيت لكوزينة نقلب على مناكل كليت ورجعت لبتي بقيت كنتفرج تا وصلات ديك 6ملييييت مالقيت ما يدار قلت نبرك مع الواليدة شويا 
ماما: عاش من شافك ا عيشة الراجل 
انا :ماما ديري رياضية بادي لماتش ديال ل وداد 
ماما: اويلي حي لبنات كيتفرجوا ف ارب ايدول اكس فاكتور وانا هاد البنت عندي قالت ليك ديري لماتش 
انا: واهيا ناري تي ديري لماتش وسيري جيبي ليا منحنجر وخليني نتفرج ف الحبيبة 
ماما: تفرجي ف بيتك وبعدي مني 
انا:لاا هاد التلفازة كبيرة وزوينه ف تفراج وتي ديري دغيا 
ماما: الله يهديك ا بنتي هانا غادة عند خالتك 
انا: وجيبي ليا مناكل 
ماما :نودي راسك نهار ومطال ونتي تاكلي كون غير كانت باينه فيك انا :هاهيا بدات تاني غيجي الواليد نقول ليه يتزوج مرا خرا نتي مبقيتيش صالحة رجعت ليا وهازا ف ايديها السلاح الفتاك (الصندالة) ماما :اش قلتي هديك المسخوطة تخبيت ورا المخده انا:والو والو سيري عند خالتي وسلمي عليها بزاااف 
ماما:والله يعميها ليك 
انا: امين امين 
ف صباح فقت مع العشره لبست حاويجي وفطرت وانطلقت للمدرسة ف طريق تلاقيت مع ياسين كمل معايا الطريق وبقينا كنهدروا على الماتش ديال البارح حتى وصلنا مشا هو لخدمتوا وانا دخلت للمدرسة لقيت القسم كلو واقف كيتسنا فيا غي بنت ليهم كلشي هجم عليا فحال شي وحده يلا جايا من الحج انتوما مالكم أسية :مالكي ا صاحبتي البارح تخلعنا عليك
انا: والو غي كان طالع ليا دم أسية : ومتبقايش تعوديها 
انا :اجيو بعدا اشنو عندنا دابا جاوبني واحد دري الفرنسية
انا :وااااع داك لمعقد 
طلعنا كاملين وقفنا حدا القسم كنتسناو فيه دازت 20 دقيقة وهو مازال ماجا
غوتات علينا الحارسة العامه من لتحت وقالت لينا بلي كاعمه غيجي ليوما 
واا..يتبع.
وااو شحال فرحنا وبدينا كنغوتوا فحالا شدينا لباك انا كنت هي الشافه ديال لقسم وكنقز وهما كينقزوا معايا ولي قلتها كيعودوها من ورايا واحد لحظة كلشي سقل بقيت غي انا فحال امسطية كنغوت شفت فيهم
مالكم سكتو 
لقيت كلشي كيغمز ليا زعمه سكتي
ضرت لقيت المديرة واقفه ورايا 
تفكرت داك ديسك ديال حاتم عمور ومشيتي فيها والغلطة درتيها.... شداتني من ودني زيدييي اليووم نخرج منك كاع داك شي لي كاديري
انا : احمباك ا نعيمه والله ما انا المديرة : نعيمه كنت صاحبتك وانا مافراسيش انا : سمحلييي احمبااك ا استاذه والله ما انا المديرة :وزايداها بالكدوب حتى نكون مشفتكش ب عيني 
انا :وغي بشويا اي اي ودنييي 
بقات جاراني من ودني حتال الادارة
المديرة :اهلا استاذ زكرياء
هزيت راسي وانا نلقى استاذ الفلسفة اول مره غنعرف سميتوا ولكن مركت حيت شافني ف داك المنظر 
الاستاذ :غي كنت باغي نسولك 
المديرة :نتي دخلي للبيرو هاني جايا واخا تفضل معايا عند الحارسة
دخلت وبقيت كنتسى اوووف تعطلت هاد نعيمه امتى غتجي وناكل لعصى ونمشي فحالي فكرت نهرب ولكن غايكون العقاب اكثر لاهوما نتسى
بركت فوق الكرسي ديال المديرة بديت كنعيب فيها 
محسيتش بيها حتى دخلات هي ووجه نحس ديال الاستاذ وقالت لي
المديرة :تبارك الله عليك كتعرفي تعيبي فيا ... هاكا استاذ زكرياء هاد المذكرة ديال العطل وقع عليها ورجعها ليا
وخرج 
ميمتي قفرتها مشات نيشان لواحد الماريو فيه لوراقي وجبدات واحد تييو ديال البوطة الله يا ربي مشيت فيها
وهي تشحطني واااحد شحطة حتى وليت كنقز من بلاستي فحال القردة 
المديرة : يلا دابا نقزي على خاطرك
انا :احححح والله حتا قاصحة 
المديرة : مزيانه فيك باش يلا تتأدبي واحد شويه
خرجت وانا كنحك ف جنابي بسباب الدقة لقيت استاذ زكرياء واقف قدام الادراة مديتهاش فيه وكملت طريقي 
عيط لي رجعت لعندوا قال لي سمحي ليا على البارح حشمتك قدام التلاميذ مكنتش قاصد 
انا :لا ماشي مشكيل هانيه 
الاستاذ :اوك يلا سيري دابا تقراي ومتبقايش ديري لبساله انا :واخا ا استاذ 
ومشيت 
لقيت ولاد و بنات القسم كلهم كيتسناو فيا و انا غادا ونحك ف دقه وندعي على المديرة و داك السنفور ديال الاستاذ ديال الفرنسية 
قالت لي صاحبتي رجاء
ههههه بصحة الدقة سمعناها من هنا انا :وضحكي تهجريه أسية :هههه غير كنضحكو المرض والله تا بقيتي فيا 
نقز واحد الغوريلا كيقرا معايا
ولكن مزيانه فيك تستاهلي نتي لي كتنقزي 
هزيت صباطي وتبعتوا وهو غادي هربان وانا قصيرة كنبان فحال النمله قداموا وهو هربان مني مهم ليسي كامل ضحك على داك لمنظر ف الاخر رجع ليا و..(يتبع).
الاخر رجع ليا وهزني فحال الحولي و تم خارج من ليسي و ولي كيقراو معايا تابعينو وتيغنيو والحولي باع باع 
تفو شوهوني بغيت ليهم غبارة 
بقاو غادين حتى وصلنا لواحد الجردة وبقينا تما خلاها كبور بقينا ضاحكن ناشطن ولي داز يضحك علينا حجم الفيله وعقل العصافير مهم دوزنا ساعتين شبعنا ضحك ونشاط ونسيت شويه داك الاستاذ ديال والو 
صافي وصلات 12 
رجعت لدار كليت وضربتها بنعسة حتى فيقني صوت صاحبتي كتفيق فيا وتنقز فوق النموسية 
انا : ا ديك البقرة نزلي دابا تهرسي ليا النموسية 
أسية :لهلا يحيك انا الجسم ديالي معروف في الليسي ب احسن وارشق جسم انا :ارشق هههههه كلمه جديدة نزيدوها في القاموس ديالنا أسية :مهم براكة من الهدرة ونودي لبسي شي حاجة خلينا نخرجوا نتساراو ف القسرية
انا :دابا جايا باش تفيقيني و تقولي ليا نودي لبسي باش نمشيو للقسارية 
أسية :اه 
جريت المانطة عليا ورجعت نعست
أسية :تفووو وازمره فيقييي 
انا : بعدي مني
بركات فوقي وبدات تنقز الله يا ميمتي واش درت انا ف حياتي يبليني الله بوحده فحال هادي دابا من اللخر قولي اش عندك ف القسارية اصلا نتي معندكش مع دوك الاماكن 
أسية :والوو غير قنطت ف دار
انا : الا مقلتيش والله ما نمشي معاك 
ورجعت تغطيت
أسية :صافي صافي غير نودي ف طريق نعود ليك
انا : لا قولي ليا دابا عارفاك فيك لقوالب بزاف أسية : واخا المهم واحد دري سميتو أمين تيسكن ف القسارية تيعجبني دابا شي شهرين وانا كندوز من تما وكنشوفوا وكيبقى يشوف فيا حق مولانا 
انا : والله جدك معندك مايدار سيري قلبي عليا دابا 
أسية :عيشك عيشك انا :شوفي متبقايش تشوفي فيا بدوك نظرات ديال البراءة
أسية : ياك اناا صحبتك وختك يلا نودي
وقفت غير بزز ولبست جلابتي وخرجنا وهي طريق كامله وهي جاراني وانا ناعسه وصلنا للقسارية وبدينا عملية البحث على الحب ديال أسية
انا : الله يلكيها ليك ا أمين الله يعطيك شي مراا فحال أسية لي تندمك وتكرهك في الحياة
أسية : امييين بقاي دعي فحال هاد دعاوي زوينين
انا : وسيري الله يلكيها ليك معاه أسية :وصافي سكتينا ها لعاار وقلبي معايا على حبيبي ... ناري راهوا راهوا انا : واااع متقوليش ليا داك أمين كليميني تيعجبك
أسية : بزاف عليك نااري شوفي كيشوف فيا
انا : وتشوفي لعمى نتي وياه يخ تلاقيتو نيت 
أسية: كون كنت عارفه غادا ديري ليا هاد الحاله كون مجبتكش معايا انا :تا دابا مزال الحال الله يعونك أسية : واتي اجي اديك الهبيله غي كنضحك عفاك يلا ندوزوا من حدااه 
انا : لا 
أسية :عفاااااك 
انا : صافي زيدي الله ياخد فيك الحق 
وتمينا دايزين من حداه وطاحت ...
وطاحت عليا فكره جهنميه ننتاقم من أسية لي فيقاتني من نعاس
دزنا من حداه ودفعتها عليه وهربت نيشان للدار حيت عارفه أسية مني كتعصب كتحول لوحش مفترس 
وانا ف طريقي تلاقيت مع ولد خالتي
انا : اهلا اهلا عاش من شافك 
مهدي: واتي كيدايره توحشناك
انا : انا بيخير جيتي ل كازا بمره
مهدي : تي واش مسطية را كونجي 
انا : كيفاش كونجي وحنا مزالين كنقراو 
مهدي : ولا خديت كونجي باش نجي لكازا نتزوج
انا : تزوج كيفاش
مهدي : مفخباركش لقيت مرا وخطبتها ماما وجيت باش نديرو لعرس ونديها معايا 
انا : وااايلي انا مفراسي والو ولد خالتي غيتزوج وانا معارفه والو 
مهدي : ماماك را عارفه كلشي 
انا : ماقالت ليا والو مهم خلينا من هاد شي ولفتي داك جبل لي عايش فيه 
مهدي : تي اشمن جبل را واخا ف جبل ناس واعين 
انا : وتلاميذ كتعرف تهدر معاهم قالولي كيعرفوا غي شلحه
مهدي : شي وحدين متيعرفوش العربيه ولكن كنحاول نشرح ليهم بعربية مبسطة
انا : خخخ تخيل تقريهم المات بالشلحة 
مهدي :لواه غادي نقريهم بالشينويه 
انا : هاهاها حامض 
مهدي: اجي فين كنتي 
انا : كنت ف القسارية 
مهدي : امم ناس ديال القسارية وزيدي نوصلك لدار 
انا : يلا زيد 
بقينا غادين ف طريق وتيعاود ليا على زوجة المستقبل
حتى وصلت للدار
كليت وراجعت شويا ونعست فقت صباح مع 6 توضيت وصليت لبست حوايجي وفطرت وخرجت للمدراسة 
مع 12 خرجت لقيت المهدي واقف كيتسنا فيا 
انا : اش كادير هنا 
مهدي : كنت دايز من هنا قلت نجي نشوفك وهو تيهدر شاف شي واحد ومشا بزربه عندو وخلاني واقفة مني شفتوا عندمن مشا تصدمت 
ناري هادا فين تيعرف هاذا 
مهدي : شيماء اجيي
مشيت وقفت حداه و انا حادره راسي 
مهدي : هادي بنت خالتي صغيرة ديال العائلة 
الاستاذ زكرياء : هادي تلميذه عندي 
مهدي: وايلي 
الاستاذ زكرياء: هههه وايه ومشاغبه
خرجت فيه عينيا كيفاش مشاغبة وزيدون المهدي نتا فين كتعرف فحال هاد الماركات 
خنزر فيا وحسيت بالاستاذ تقرص 
مهدي بغا يبدل الموضوع هاذا زكرياء كان تيقرا معايا 
انا : نتا علمي و هو ادبي كيفاش قرا معاك
مهدي : بديتي بالفهامه ديالك را كان تيقرا معايا ف الاعدادي وبقى صاحبي واخا كل واحد مشى لتوجيه لي بغى 
انا : اممم المهم انا غادا لدار دوز عدنا
مهدي : ان شاء الله 
صافي مشيت لدار طبعا يلا حليت لباب لقيت الاخ ديالي مستقبلني بالاحضان سميتوا يوسف 
يوسف:مرحبا بختيتو صغيره لفنيونه نواره دايال دار 
لا لا غي كنضحك غنعود من الاول 
يوسف : جيتي ازوفري فين كنتي 
انا : تا مالك
يوسف :شناوا انا مالي 
شدني من يدي عوجها ليا ونزل ليا راسي للارض
انا : ..يتبع
انا : واااا عتقو الرووووح 
وبديت نغوت ربي لخلقتي
يوسف : واهيا ناري متكونيش دلوعه راك كبرتي زعمة را غي ضحكت معاك 
انا : كنتي غادي تهرس ليا ايدي وكاتقول غي ضحكت معاك باز لوجهك تفو 
جا الاخ لمحترم لاخر عبدو 
عبدو: مالك مصدعانا 
انا : والو غي خوك كان غادي اهرسني وقال لي غي كضحك معايا ضربوا عافاك 
عبدو : وانا مالي ومشا
خويا يوسف شد كرشو بالضحك 
بصحتك القمعه 
انا : اصلا عادي 
وشديتها جريا تال بيتي على الاقل نخلي شويا ديال الكرامه قبل مناخد شي قمعه اخر 
المهم مشيت للمدرسه مع 4 كانت عندي الرياضة 
الاستاذ عطانا لعبو كرة السلة حنا الفتيات زعمة ولولاد عطاهم كره القدم طبعا انا مشيت لعبت مع دراري 
وانا منسجمة في اللعب حتى وقف عليا داك وجه نحس ديال استاذ الرياضة هديك شنيوله قلت لبنات كرة السلة ونتي اش تاديري هنا
انا : واستاد هدوك لبنات فيهم التبعكيك وتقزقيز وانا معنديش مع داك شي 
الاستاذ : واتي لاش كتعودي ليا ف قصة حياتك سيري لعبي مع البنات
تعصبت اليوم كان اليوم العالمي للقميع تفو على نهار مشيت عيطت لصحبتي أسية وبدلت حوايجي ومشيت انا وياها بركنا نتفرجوا ف دراري وديرين فيها معلقين رياضيين حتى سالات ساعة ومن وراها كان عندنا المادة المفضلة والجميلة 😍 الفلسفة ههه
دخلنا والقسم كلو خانز بريحة العرق خخخخ الاستاذ مسكين داخ 
الاستاذ: حلو حلو شراجم خنزتونا
جاوبتوا بشويا هادي حاله فلسفيه بحيت العقل يعطي امر لطوابك لاطلاق رائحة خانزة وذلك بسبب الجسم يبدل مجهود ويفرز مياه خانزة الرائحة وهذه الظاهرة اطلق عليها سقراط اسم رائحه الطوابك الخانزة 
لقسم كلو بدا كيضحك الاستاذ مفهم والو ولكين مني شاف كلشي كيضحك وانا بوحدي باركة نشوف فيه عرف انا هي مولات ديك الهدره 
الاستاذ: هديك شنيوله اجي لهنا 
انا : اناا
الاستاذ : اه نتي 
انا : مالي اش درت
الاستاذ بعصبية : قلت ليك نودي لهنا 
وقفت بزربه ومشيت وقفت حداه 
وااع كنبان فحال نمله قداموا 
الاستاذ: عودي اش قلتي قبيله
انا : ماقلت والو (قلتها وانا كنفرنس )
الاستاذ زاد تعصب : سيري سيري رجعي لبلاستك فيك ريحة العرق
نااااري ماحملتش رااسي 
انا : انا اصلا كاعما لعبت باش تكون فيا ريحة العرق وحاجه اخر انا نقيا عليك سمعتي 
هزيت شكارتي وخرجت فحالي خليت القسم كلو مصدوم 
غادا ونعير فيه حتى وصلت لدار 
طلعت لبيتي وبقيت كنبكي كنبكي حتى بردت ونعست 
فقت مع 5 عينيا منفوخين توضيت وصليت الفجر و الصبح وبقيت كنتفرج حتال 7 لبست حوايجي وخرجت منطلقه للمدرسة وصلت مالقيت تواحد والمدرسة مسدودة اويلي فات عليا الحال بقيت كندق فالباب باش يحل ..
بقيت كندق فالباب باش يحل ليا الحارس ديال الباب 
انا : وابا دريس وحل لباب انا شيماء. والو تواحد مكيجاوب تفو فين مشا هادا 
بقيت كندق كندق حتى خرجت ليا مرت العساس
مرت العساس : ياك مكاين باس ابنتي
انا : والو غي مشا عليا لحال وبا دريس مبغاش يحل ليا 
مرت العساس : ههههههههههههههههه 
الله،يستر هادي مالها كضحك
مرت العساس : ابنتي ليوما را عطله 
انا : عطله كيفااش 
ناري مركت وتفكرت ليوم فاتح محرم حدرت راسي ومشيت كنجري لدار وكملت نعاسي تال 12 فقت هبطت نقلب على مناكول ورجعت لبيتي 
وااع على ملل كنحس بيه مليت مالقيت مندير حاولت نعس ولكن بدون جدوى الحاجة الوحيدة لبقات ليا هي نجمع بيتي لي دابا شي عام مبقيت جمعتوا 
قررت نجمعوا طلقت الموسيقى ودرت حجه وزياره منها نشطح ومنها نجمع خخخخخ 
بقيت شي ساعتين وانا مضاربه ساليت وقفت فوق البيرو باش نشوف الابداع ديالي زعمه راني درت شي حاجة ههههه دخلت عليا الواليدة يلا قالت لي اش كديري فوق البيرو وهي تصدم شافت البيت مجموع
ماما : اوا هانتي دابا عاد ولا بيت ديال لبنات
انا : على قبل كان ديال لولاد
ماما : لا لعكس ديال لولاد ونقي على بيتك بيتك نتي كان فحال زريبه 
انا : دابا باغا تقولي انا بقرة 
ماما : انا بعدا ماقلت والو ومول الفز كيقفز 
دخل علينا بابا
بابا : واخيرا جمعتي بيتك 
انا : كتهدروا فحالا عمري جمعتوا
بابا : اوا انا من نهار سكنا هنا عمري شفتوا مجموع
انا : ياك ياك 
ماما :،براكا من الهدرا دابا ولبسي حوايجك غنهبطوا عند خالتك نعونوها را العرس قرب 
انا : واخاا
لبست جلالبتي وخرجنا .وصلنا عند خالتي لقيت المهدي غير شافني بدا يضحك
انا،: مالك نتا كتفرنس
المهدي،: النعاس في القسم زوين ياك
انا : كيفااش اه تفكرت نهار نعست ف القسم باينه داك الاستاذ ديال والو عاود ليه 
المهدي : ههههههههههه والله معندك لعقل 
انا : را غي كدب عليك داك الاستاذ 
المهدي : ههه دونك هاد شي صحيح انا مزال ماقلت والو
انا : اش فيها تواحد مايبقا ينعس ف القسم او 
المهدي : خودي رااااحتك جيبي حتى غداك وتغداي تما دنيا هانيه 
انا : صافي سكتنا بديتي تحماض
المهدي : ياك البرهوشه انا بديت كنحماض واخا 
ناض ليا وهزني من رجلي بقا هازني حتى قلب ليا المعده ديالي 
خالتي : وداك المسخوط حط ختك مازال حتى ماتزوجات
انا : ياك اخالتي باغاني غير نتزوج 
المهدي حطني : اه كاين واحد صاحبي استاذ وغمزني 
غير سمعت استاذ عرفتو علامن كيهدر 
انا : سيرسير بقا ليا غي داك الفيلسوف حتى هو 
المهدي : خخخخخ باش تعرفي راسك انا كاعما كندوي على الاستاذ لي كايقريك ونتي مقروصة غير ..


المهدي : خخخخخ باش تعرفي راسك انا كاعما كندوي على الاستاذ لي كايقريك ونتي مقروصة غير راسك هاهاها 
مركني تاني هاد الحيوان
انا: يلا صافي سير فحالك دابا خلينا نهدروا حنا لعيلات
المهدي : دابا نتي محسوبه مع لعيالات ههههههه باز ليك وهاهوا غادي
وقال لي بشويا را كنت كنهدر على الاستاذ ديالك قالي كيقلب على مرا 
انا : عنداااااك تكون قلتي ليه انا 
المهدي : مالي حمق نخرج على حياة السيد نزوجو ليك
انا : وانا بزاف عليك نتا وياه وسير قلب عليا دابا 
خرج وهو ميت بالضحك
عنداك غير يكون عاق ب شي حاجة ولا داك الاستاذ قال ليه شي حاجة شديت فقلبي اخخ الاستاذ باغي يتزوج ههههههه وجديدة هادي 
دازت سيمانا موقع حتى حاجة جديدة غير العرس قرب وبديت كنوجد حتى انا ف راسي 
نهار الاحد فقت بكري انا وماما وهبطنا عند خالتي باش نخرجوا جميع نكريو تكاشط
وصل نهار العرس اخيرا مشيت عند الكوافوره انا وبنت خالي درت مكياج خفييف باش مايعيقش بيه الواليد 
ورجعنا لدار خالتي كان كلشي مجموع تما لبسنا تكاشطنا مشيت شفت راسي فالمرايا صراحة عجبتني ههههه تزعطت فراسي فديك اللحظة ركبت مع ولد خالتي ف سيارة ديالو وصلنا للقاعة لقينا عائلة العروسه مشيت شديت بلاستي حدا فين بارزين بركت قريبه للمهدي باش نبقى نطلعها عليه
دخلوا العرسان وبداو يصليو على نبي وانا غي كنبلق ف عينيا ونقلب على خوت لعروسة ولا ولاد عمها غي لي كان حتى واحد فيهم ميحمر لوجه يخ ضرت عند بنت خالي وبقينا شادين نميمه ف عائله لعروسه حتى شبعنا غوت على المهدي 
المهدي : اش بغيتي المصيبه جايا باركا حدايا 
انا : وصيدوك ا ساط وصحباتها حسن منها خخخخ
المهدي: سكتينا دابا يسمعك شي حد 
سمعتني العروسة وبركت تخنزر فيا خخخخ 
انا : والعروسه وغي كنضحك والله حتا ولد خالتي تزوج وعرف اش خدا 
بتاسمات ليا ديك الابتسامه ديال بزز خلينا نافقو شويه حشوما نحطمها وهي مزال عروسه خلي بعدا غي حتى تسخن بلاستها 
شفت عائلتي كاع ناضوا يشطحوا وقفت حتى انا وتفكرت ماما قالت عنداك تنوضي تشطحي لعرس را مخلط يلا بغيت نبرك مقدرتش وانا نوض بركت نشطح ونقول مشطحت خرجت كاع المواهب ديالي ف شطيح يلا بغيت ندور نشوف فالمهدي ونقول ليه عقل راني شطحت ليك فعرسك وانا نلقى وجه نحس ديال الاستاذ كيشوف فيا وكيضحك واااااع هادا اش كيدير هنا رجعت كنجري لبلاصتي 
لقيت ولد خالتي حتى هو ميت عليا بالضحك 
المهدي: كيجاتك هاد المفاجئة
انا : وكون غي علمتيني منووضش من بلاستي حشومه عليك 
المهدي : مزيانه فيك 
حدرت راسي افف تخنقت وخرجت برا نشم شويا ديال لبرد 
بركت ف جردة ديال القاعه وبقيت تنغني 
هاااهاهيلي ....
هاااهاهيلي مالي يانا مالي يانا ومعندي زهر 
المهم جا برك حدايا شي حد
شفت فيه لقيتو وجه النحس الاستاذ 
الاستاذ زكرياء : هههه وصويت عندك كون غي كنتي ديري هاد شطيح فقرايتك كورا دابا نتي هيا لولا 
وقفت وتميت غادا شدني من ايدي ورجعني لبلاصتي 
الاستاذ زكرياء: مالك تقلقتي غي كنضحك معاك 
انا : مضحكش معايا 
الاستاذ زكرياء : ولكين وشطحة هديك عندك قولي ليا كيفاش كديري لديك لعيبه كتنزلي للارض وتوقفي دغيا 
انا : وادابا بارك ضحك عليا ياك وانا نبدا نبكي كان خاصني غي سبا
الاستاذ زكرياء ولا زكرياء بلا استاذ زكرياء: اويلي كتبكي والحمقة غير كنضحك معاك وصافي براكا من البكا رجعت للقاعة وخليتوا داوي غي مع راسوا وريحت ف بلاستي تبعني زكرياء وبرك حتى هو ف بلاستو كان بارك حدا خوتي وولاد خالتي تاهوا مالقى فين يبرك 
عيط ليا خويا باش ناخد من عندو الكاميرا مبغيتش نمشي وقلت لبنت خالي تمشي ف بلاستي 
ولكن داك خويا راسو قاصح قال ليها انا عيطت لها هي تجي 
وقفت بزز غادا ونجر فرجلي خديت من عندوا الكاميرا 
يوسف :صورينا 
انا : دابا معيط عليا من لهيه باش نصوركم شد عليا زبلك 
يوسف: واتي صورينا ولا نوض ليك
انا : غي بقا ف بلاصتك ا حنيني ونتا خاصك غي سبا
شديت الكاميرا صورتهم ورجعتها ليه شاف تصاور وعيط ليا 
يوسف : شوفي اشنو صورتي
خديت الكاميرا ولقيت راسي مصورا غي زكرياء مسحتها دغيا قبل مايشوفوها لاخرين ويبقاو يضحكو عليا 
انا : وغي مع دوخة وصافي 
صورتهم هاد المرا بلا زكرياء هههه 
ورجعت لبلاصتي 
جات الماكله كلينا وانا غير ساهيه كنتفكرزكرياء قلبي تيبغي يخرج من بلاستو سالا لعرس كل واحد رجع لدارو رجعنا لدار وكنت مسخسخة غير حطيت راسي فوق لمخدة ونعست فقت صباح مع 12 وراسي غيتفركع كنت قاريا ف العشية مشيت غير بزز 
دخلت للمدراسة دخلت نيشان للقسم صافي وصلات 6 اخيرا طلعت للدار كليت ونعست 
مافقت حتى لغد ليه مع 7كنحس بواحد نشااط معرت منين طاح عليا 
صليت وفطرت ولبست حوايجي تميت غادا خارجه وانا نتفكر ليوم داخله تال العشرة رجعت لبيتي وبقيت مكونيكطيا حتى وصل الوقت ومشيت للمدراسة دازوا هاد ليمات عادي ماكان حتى شي جديد غير نهار الاحد درنا خرجه جماعية ولاد وبنات القسم داز نهار واعر صافي نهار الاثنين فقت وتفكرت عندي ساعة الولا الفلسفة فرحة بزاااف 
دخلنا عند الاستاذ البوكوس غي شفت فيها بدا يضحك تفكرت نهار العرس الشوها لي درت مكرهتش نهرب فديك الساعة ولكن معندي مندير غير ندخل 
زكرياء: اليوم غادي نهدروا على الكبت 
القسم كلو بدا يضحك
زكرياء: انا مكنهدرش على داك الكبت لي فكرتوا فيه نتوما عقولكم..
زكرياء: انا مكنهدرش على داك الكبت لي فكرتوا فيه نتوما عقولكم مسخين الكبت هو انواع وكل واحد كيفرغ داك الكبت لي عندو ف شي حاجة مثلا ف عاشوراء كاتلقا دراري كيفركعو لقنبول ويرشو لما على بنادم كيحسو بالمتعه حيت عندهم واحد الكبت لداخل وباغي يشوف بنادم مخلوع من القنبول تيحس بواحد اللذه
انا : افف هاذا امتى غيسكت 
زكرياء: وكاين واحد نوع اخر كتلقاهم ف لعراسات كيشطحوا كيفرغوا داك الكبت ف شطيح ورديح 
انا :افف هادا داز لشطيح مغديش يسالي ليوم شنوو شطييح (قلتها بجهد) عاد فهمت اش كيعني
زكرياء: اه شطيح وانت ادرى بهاد الموضوع وبدا كيضحك
طلعات معايا سخونية وتعصبت وهو كيضحك 
خنزرت فيه وحدرت راسي مني سالات الحصة كنت غادا خارجه عيط ليا الاستاذ 
زكرياء:غي ضحكت معاك قبايلة 
انا : هادا هو الضحك فبلادكم
زكرياء:ههههه صافي سمح لي الشنيوله
انا : ولكن والله متبقى فيك 
زكرياء: وقيلا نسيتي انا را الاستاذ ديالك حتارمي راسك
انا : اوك ا سي الاستاذ وحتى نتا حتارم راسك ماسميتيش شنيوله 
وخرجت داز داك نهار وانا معصبه مشيت لدارنا طلعت لبيتي ماكليت ما والو 
بقيت كنفكر كيفاش ننتقم من داك الاستاذ بقيت كنقلب على الفيس ديالو حتى لقيتو بقيت كنشوف ف تصاور عجبتني واحد الصورة حليتها 
انا :غي بلاتي عليك ا سي زكرياء غادي نقتلك ونقطعك ونطحنك ونشربك (كنتكلم مع الصورة ههه الله يستر)
دخلت عليا ماما
ماما : بسم الله عليك ابنتي معامن كتهدري
انا : ها لا والو غير كنقرا فواحد القصة 
ماما : الله يهديك داك المشقوف غادي يسطيك
انا : ألوليدة نهار ديري فيس بوك غادا تولي كتر مني
ماما : الله يحفظني منو مهم ابنتي هبطي تعشاي
انا : مافيا لي ياكل باغا غي نعس
ماما : اويلي مموالفاش ليك ياكما شي زعطة 
انا : اش قلتي 
قلت ف خاطري حتى ماما كتعرف الزعطة وماجوراها 
ماما: هههه حتى انا را كنت قدك ا بنيتي اوا هبطي تعشاي
انا : خخخ غير بصحة انا فيا لموت ديال النعاس
ماما : اوا تصبحي على خير 
انا : قبل ماتمشي اجي بوسيني 
ماما : واخا 
باستني ومشات 
بقيت كنشوف ف تصاور الاستاذ حتى داني نعاس 
فقت الصباح مشيت للمدرسة كان نهار عادي جدا
رجعت للدار وكملت تصاور ديال الاستاذ ولقيت واحد تصويرة كان مزال صغير وهاز كرعه فوق راسو هههه بقيت كنضحك 
انا : والله تا نشوهك ا استاذ غير تال غدا 
دخلت للجروب قسمنا ف الواتس وقلت ليهم غدا ان شاء الله. ف الحصة ديال الفلسفة غادي نلوح ليكم واحد المفاجئة 
بداو عليا معندناش الكونكسيو و و و 
قلت ليهم غدا انا نطلق ليكم الويفي غير كونو حاضرين
صافي لغد ليه في الحصة الفلسفة لحت ليهم الصورة.....
لحت ليهم الصورة ديال الاستاذ فاش كان صغير وواحد وراها لواحد حتى شافها القسم كلو وبداو تيضحكو 
زكرياء: ا مالكم كضحكو
انا : فيهم هر خخخخخ
زكر ياء: غادا تكوني غير نتي 
انا : انااا مالي اش درت 
شاف واحد دري هاز التلفون وتيشوف وتيضحك خدا ليه تلفون وشاف الصورة لي تيضحك عليها القسم كامل تزنك مسكين 
زكرياء: شكوون مول هاد شي 
تواحد مجاوب شاف فيا لقاني كنفرنس فيه 
خنزر فيا ومشا رجع لبلاصتو 
ماقراناش ديك الحصة كان معصب وحنا مسكتناش من الضحك صونا الجرس تمينا خارجين وهو يشدني من ايدي ورجعني للقسم وسد الباب
قلبي بدا كيضرب بجهد حتى وليت كنسمع الصوت ديالو 
زكرياء: شوفي هديك شنيوله مرا اخرا تعودي فحال هاد لبساله متلومي غير راسك
انا : اوا نتا لي ليحها في الفيس ماشي انا لي شفرتها من داركم 
بقا تيشوف فيا 
وقال ليا يلا خرجي دابا 
انا : را سيفت ليك انفيتاسيون عنداك متقبلنيش هههه 
زكرياء: انا غادي نبلوكيك ماشي مغنقبلكش 
خرجت فحالي 
دخلنا للحصة الاخرى مليت في القسم حليت الفيس نشوف واش بلوكاني الاستاذ لقيتو قبل الانفتاسيون 
بقيت كنضحك هاذا كيقري ولا كيتكونيكطا الله يستر
داز داك النهار وفينما كنتفكر صورة ديال الاستاذ كنبقى نضحك 
مهم دازو الايام والاسابيع والشهور وكل مره كنزيد نتعلق بزكرياء 
قرب الوطني وبديت كنوجد وكنحاول منفكرش فيه 
باقي اسبوع على الوطني 
والخلعة بدات كتزاد والتوتر مبقيتش قادا نقرا شي حاجه قررت منبقى نقرا والو باش منتبلوكاش نهار الوطني 
وقررت ندير اي حاجه مسلية فكرت نديروا شي حفله في المدرسة باش نساو الوطني ونرتاحو شويا 
هدرت مع بنات وولاد القسم ووافقو هدرنا مع تلاميذ ديال الاقسام الاخرى
و كلفنا واحد جوج بنات قرايات يهدروا مع المديرة 
رفضات في الاول ولكن بعد الاصرار ديالنا وافقات وقالت لينا نهار الاحد نديروها باش نفوجو ونهار الاثنين نخدمو وحنا مرتاحين
وصل نهار الاحد في الصباح دخلنا لقاعة العروض زوقناها وكل واحد جاب حاجة عمرنا الطبلة بالماكلة وجاو الاساتذة باش يتشاركو معانا في الحفلة 
خدمنا الموسيقى وبقينا كنقزوا فحال لمسطين خرجنا كاع داك شي لي كان معصبنا من الوطني والاساتذة كانو فرحانين معانا وعطاونا نصائح وطمنونا بلي كل شي غيكون مزيان وصلات 
6 ديال العشية كل واحد مشا لدارهم وكنت فرحانه بزاااف ورتاحيت 
وصلت للدار كليت راجعت الدروس شويا 
ونعست مع 8 
فقت مع الفجر صليت ودعيت الله يعاوني انا وكاع لي عندهم الامتحانات ودعيت حتى مع السادس مساكن هههه 
فطرت وصلني بابا للمدرسة لي غادي ندوز فيها ودعني ودعا معايا دخلت بقيت كنقلب على القاعه ديال.
بقيت كنقلب على القاعه ديالي لقيتها اخيرا دخلت كلست ف بلاستي والخلعة مبغاتش تمشي مني كان عندنا الانجليزية اول حاجه 
عيطت ليا البنت لي كانت ورايا 
انا : نعام 
البنت : نتي شيماء
انا: اه 
البنت : قريتي معايا ف الرابع ف مدرسة المنظر العام 
انا : فكريني ف سميتك
البنت : سلمى صباحي 
انا : ااااه عقلت عليك
عنقتها وبقينا كنهدروا حتى دخلوا الاساتذة لي غادي يحرسونا 
فرقوا علينا لوراقي 
سميت الله وقريت الورقة الاسئلة لقيت داك شي في المتناول جاوبت وخرجت وكنت فرحانه وكنتمنى يكون كاع الامتحانات فحال هاكا
خرجات سلمى 
بقينا باركين ف ساحة الرياضة كنهدروا عمرات الساحة 
وسالا وقت الاستراحة كان عندنا مور الانجليزية الرياضيات 
دخلنا فرقوا علينا لوراقي واميمتي داك شي مشحر ولكن الحمد لله جاوبت على كلشي
مني ساليت خرجت لقيت بابا كيتسنا فيا ركبت معاه ورجعنا للدار رتاحيت وطلبت من الاب ديالي يخرجني شويا 
حيت حسيت براسي غادا نتفركع مشينا للبحر شميت الهواء النقي حسيت براسي رتاحيت ورجعنا للدار راجعت داك الفيزياء والكيمياء وحطيت راسي باش نعس مجانيش نعاس وتفكرت الاستاذ زكرياء وبقيت كنفكر داك شي لي داز هاد االعام وتفكرت نهار وريت لتلامذ الصورة بقيت كنضحك اخخ درني قلبي توحشتوا بزااف دخلت للفيس باش نسى شويا لقيت مسج من عند زكرياء بدا قلبي كيضرب وكنفكر ف اش غيكون فيه 
دخلت لقيتو كاتب كنتمنى لي حظ موفق اشنيوله ومتخافي ما والو 
ضحكت وجاوبتوا كتبت ليه 
هههه شكرا استاذي العزيز وسيفت ليه الصورة ديالو فاش كان صغير و طفيت التلفون ونعست فقت مع الفجر صليت وفطرت ومشيت للمدرسة.دخلت لقيت سلمى باركا سلمت عليها وبقينا كنهدروا حتى جاو الاساتذة فرقوا علينا لوراقي واهيا ناري هاد شي شحال صعيب مفهمت تاشي لعبة خرجت تمرين ف الكيمياء وبقيت كنشوف ف الورقة وجاتني البكية نغزاتني سلمى وعطاتني واحد الورقة حليتها بزربه قبل مايشوفوني لقيت كاع الاجوبه فرحة بزاف وكتبت داك شي لي عطاتني هي سبقاتني وخرجات مني ساليت تبعتها وشكرتها بزاف حيت عتقاتني خرجنا بجوج هي مشات مع باباها وانا مشيت مع بابا داز داك نهار 
لغد ليه فقت مع 8 اخر نهار داخلين حتى العشرة 
وصلت للمدرسة دخلنا كان عندنا علوم الحياة والارض فرقو علينا لوراقي فركعت الورقة خخخخ 
و فالعشية كان عندنا اخر مادة الفلسفة 
دوزناه مجاوبتش مزيان حيت داك شي صعيب 

انا :ولااا اصاحبي هديك شدات تقاعد جابو وحده جديدة تيتيزه حق مولانا 

ياسين :حلفي 

انا:والله العظيم ياسين :واخا هاني غادي مشا وقلت نمشي ندير دوزيام فطور مشيت عند مول لمسمن لي ولا عارفني كنجي عندوا كل صباح ف يامات لقرايا 

مول لمسمن :اهلا شيماء وغبورات هادو ياكما تزوجتي اصكعه وطلقك راجل 

انا : سكت دابا من الهدرا ودير ليا 5 دراهم مسمن مع العسل وكاس ديال اتاي مول لمسمن : 5دراهم مالك عارضة على اوباما انا :ومالك غادي تخلصها عليا وسربينا را فيا جوع 

مشيت بركت جاب ليا المسمن بديت كنلتاهم ف داك المسمن مسكين حتى وقف عليا واحد واتي غير بشويه عليك هزيت فيه راسي . 

انا : نتا تاني وقلب عليا الله يرحم باك 

محمد :اه انا تاني فينما مشيتي غادا تلقايني حداك انا : شوف مافيا لي يتناكر بعد مني محمد : ودوقيني اجيعانه

انا : لاا . هزيت مسمني وتميت غاده نكمل ف طريق 

انا :تفو على لصقة غادا وناكل ونكر وصلت اللباب المدرسة لقيت ياسين كيتسنا انا :واحد سلام ياسين :ونااااري على تيتيزه 

انا: هههههه وراها كبر منك كون تحشم 

ياسين : مسوقيش الرسول كان مزوج بمرا كبر منو 

انا :هههههه و بااااز باغين ديروا فحال الرسول صلى الله عليه وسلم غي ف زواج اما شي حاجه اخرى لا سير سير خليني نطلع لدارنا ياسين :بلاتي هاكي لاكارط ديالك 

انا :اه ارا الله يحفظك اعشيري نتقاشعو من بعد 

مشيت لدار درت دروزيام فطور وتغديت ونعست مافقت تال لغد ليه مع تمنيه لبست حوايجي ولبست طابليه باش نتصالح مع المديرة وفطرت اهم حاجه وخرجت وصلت للمدرسه على سلامتي مع الباب واقفه المديره دخلت وانا هازا راسي زعمه راني درت انجاز سمعت المديرة كتقولي و داكشي لي درتي البارح والله لا بقات فيك تفكرت بلي هربت ليها خخخخ مشيت للحراسة خديت استعمال الزمن ديالي وساعه لولا كانت عندي الفلسفة الله يا ربي اكثر ماده كنكرها وزايدينها دايرينها ف القاعه لي لفوق طلعت بزز يلا بغيت ندخل وقفني واحد دري فين داخله داخله نقرا دازت 10 ديال دقايق عاد جايا 

قلت ف راسي تا مال هادا كيتحاسب معايا الاستاذ مزال ماجا وهو بارك ينقز غير راسوا خنزرت وطلعت ونزلت فيه ودخلت بانت ليا صاحبتي سلمت عليها وبركت حداها شفت ف داك دري لقيتو هاز حاجب وكيشوف فيا قلت لصاحبتي شكون هاد دري جوباتني وهي ميته بالضحك هادا را هو الاستاذ 

انا : اويليي لااا وقفت والله ا استاذ حتى كيحصاب لي تلميذ معانا لقسم كلو تهز بالضحك جاوبني ب ابتسامة مكاين تاشي مشكل لمرا جايا جي بكري قلت مع راسي اهيااا ناري غادي اقريني هاد البوكوس من الان فصاعدا الفلسفة مادتي المفضلة ..

الفلسفة مادتي المفضلة واخا مكتدخلش ليا لراسي درت ايدي على حنكي وبقيت كنشوف فيه وهو كيشرح وكنتخيل فيه مزوج بيا ومشييييت مع احلامي الوردية فيقني من احلامي صوتو الاستاذ :واا انسه الا بغيتي تنعسي سيري لداركم 

انا :سمح ليا ا استاذي را منعستش ليوما (الله يمسخني وانا نعست 24 ساعة ) الاستاذ :متعوديش ليا قصة حياتك دابا تبعي انا :واخا ا استاذي خنزر فيا وكمل درس نسيت موصفتش ليكم الاستاذ طويل وسمر حروفوا كحلين وعندوا عضلات ههههه وعندوا لحية خفيفة باختصار بوكووووس عدنا ومشيت تاني مع احلامي الوردية حتى فيقني صوت الجرس خرجنا وسلمت على دراري ودريات لي معايا لي كنعرفو ولي مكنعرفوش وساعه تانيه كانت عندنا الانجليزية دخلنا بانت ليا ديك العقروشه مكنحملهااااش مشيت لوور وبركت حدا واحد دري بقينا حت حت حت تا جرات علينا ههههه تبا لكل استاذ يظن ان طردي من الحصة عقوبة لي فرحة حيت تهنيت من كمارتها مشينا للساحة الرياضة كملنا باقي الساعة تماك مع 12 خرجنا داز اسبوع ماكان حتى شي حاجة جديده من غير انني وليت كندخل لكاع سويع ومبقيتش كنغيب انجاز عظيم ههههههه اه نسيت وكل نهار كنزيد نتزعط ف استاذي العزيز يوم الاثنين بداية الاسبوع ومن حظي كانت عندنا ساعة لولا الفلسفة يعني كنصبح على استاذ زوين لي كفتح نفس للقراية دخلنا بدا كيشرح ف درس وانا غي حاله فمي فيه وكنشوف البنات معايا ف القسم زوينات عليا و قرايات ماشي فحالي وكنشوف كيفاش كتحاور معاهم وكيضحك حدرت راسي وقلت بلا منبقى نتفلا على راسي مستحيل يكون ليا ومستحيل يبغي شي وحده فحالي كنت باركه لور بوحدي حطيت راسي فوق الطاولة وبقيت كنبكي على زهري حيت كنت كنفرح مني كندخل عندوا وكنبقى نشوف فيه ونسرح ف احلامي لي مستحيل تحقق شويه سمعت صوت الضحك هزيت راسي لقيت الاستاذ فوق راسي شفت ف تلاميذ اناري فين انا شكون نتوما 

الاستاذ : صباح الخير الانسه شفناك نعستي وقلنا ماكاين باس دابا تفيق ولكن راك عيقتي زملاء دياك خرجوا ودخل قسم اخر ونتي مازال ناعسة 

صراحة مركت محسيتش براسي حتى نعست وقفت بزربه وجمعت حوايجي وانا حمرا خرجت وانا كنجري وخليت القسم كامل كيضحك عليا محملتش راسي ف ديك اللحظة 

انا : تفوو على زهر حتى نتي مالقيتي في تنعسي غير عند هادا قرصتني باش منبقاش نعاود وخرجت فحالاتي لدارنا وصلت وطلعت بزربة لبيتي ماكليت ماوالو سديت البيت عليا وبقيت كنبكي كنبكي معرفتش علاش ولكن كنت محتاجه نبكي نعست وانا تنبكي فقت مع ديك ربعة تكونيكطيت شويا لقيت 20 مسج من عند صحباتي وصحابي تيسولوا عليا جاوبت غي واحد دري وقلت لي علاش مفيقتونيش مني كنت ناعسة وخليتوا داك لمرض

داك لمرض يضحك فيا لي يسوا ولي مايسواش بعد عشر ديال دقايق جاوبني وقال لي را هو لي قال لينا خرجوا بشويا خليوها ترتاح باينه مناعساش 

انا :كيتفلى عليا هاد الاستاذ واقيله اناس :المهم ا سمير غادي تجي غدا 

انا: والمرض سميتي شيماء وضروري نجي غدا را غيبت ليوما كولو اناس: اه نسيت سول عليك محمد انا : اش بغى تاني اناس :ودري كيتوفا شوفي من حالو انا: ويتوفا ولا يعيش انا مالي اناس :والله تا كيبغيك انا: تا سير بعد مني وهو وجهوا فحال الخبزة ديال درهم اناس :هههههههههههه مسطية المهم غدا ف العشية لاعبين ماتش مع ولاد زنقة 5 تلعبي معانا 

انا: ومكرهتش ولكن داك الوليد منع عليا لعب لكوره 

اناس :من حقو مسكين داخ مابقى عارف واش والد 4 ديال دراري ولا 3 

انا: بديتي شوف غدا نقدر نلعب معاكم مهم تلاح دابا طفيت تلفون باش مايبرزطني تواحد مشيت لكوزينة نقلب على مناكل كليت ورجعت لبتي بقيت كنتفرج تا وصلات ديك 6ملييييت مالقيت ما يدار قلت نبرك مع الواليدة شويا 

ماما: عاش من شافك ا عيشة الراجل 

انا :ماما ديري رياضية بادي لماتش ديال ل وداد 

ماما: اويلي حي لبنات كيتفرجوا ف ارب ايدول اكس فاكتور وانا هاد البنت عندي قالت ليك ديري لماتش 

انا: واهيا ناري تي ديري لماتش وسيري جيبي ليا منحنجر وخليني نتفرج ف الحبيبة 

ماما: تفرجي ف بيتك وبعدي مني 

انا:لاا هاد التلفازة كبيرة وزوينه ف تفراج وتي ديري دغيا 

ماما: الله يهديك ا بنتي هانا غادة عند خالتك 

انا: وجيبي ليا مناكل 

ماما :نودي راسك نهار ومطال ونتي تاكلي كون غير كانت باينه فيك انا :هاهيا بدات تاني غيجي الواليد نقول ليه يتزوج مرا خرا نتي مبقيتيش صالحة رجعت ليا وهازا ف ايديها السلاح الفتاك (الصندالة) ماما :اش قلتي هديك المسخوطة تخبيت ورا المخده انا:والو والو سيري عند خالتي وسلمي عليها بزاااف 

ماما:والله يعميها ليك 

انا: امين امين 

ف صباح فقت مع العشره لبست حاويجي وفطرت وانطلقت للمدرسة ف طريق تلاقيت مع ياسين كمل معايا الطريق وبقينا كنهدروا على الماتش ديال البارح حتى وصلنا مشا هو لخدمتوا وانا دخلت للمدرسة لقيت القسم كلو واقف كيتسنا فيا غي بنت ليهم كلشي هجم عليا فحال شي وحده يلا جايا من الحج انتوما مالكم أسية :مالكي ا صاحبتي البارح تخلعنا عليك

انا: والو غي كان طالع ليا دم أسية : ومتبقايش تعوديها 

انا :اجيو بعدا اشنو عندنا دابا جاوبني واحد دري الفرنسية

انا :وااااع داك لمعقد 

طلعنا كاملين وقفنا حدا القسم كنتسناو فيه دازت 20 دقيقة وهو مازال ماجا

غوتات علينا الحارسة العامه من لتحت وقالت لينا بلي كاعمه غيجي ليوما 

واا..يتبع.

وااو شحال فرحنا وبدينا كنغوتوا فحالا شدينا لباك انا كنت هي الشافه ديال لقسم وكنقز وهما كينقزوا معايا ولي قلتها كيعودوها من ورايا واحد لحظة كلشي سقل بقيت غي انا فحال امسطية كنغوت شفت فيهم

مالكم سكتو 

لقيت كلشي كيغمز ليا زعمه سكتي

ضرت لقيت المديرة واقفه ورايا 

تفكرت داك ديسك ديال حاتم عمور ومشيتي فيها والغلطة درتيها.... شداتني من ودني زيدييي اليووم نخرج منك كاع داك شي لي كاديري

انا : احمباك ا نعيمه والله ما انا المديرة : نعيمه كنت صاحبتك وانا مافراسيش انا : سمحلييي احمبااك ا استاذه والله ما انا المديرة :وزايداها بالكدوب حتى نكون مشفتكش ب عيني 

انا :وغي بشويا اي اي ودنييي 

بقات جاراني من ودني حتال الادارة

المديرة :اهلا استاذ زكرياء

هزيت راسي وانا نلقى استاذ الفلسفة اول مره غنعرف سميتوا ولكن مركت حيت شافني ف داك المنظر 

الاستاذ :غي كنت باغي نسولك 

المديرة :نتي دخلي للبيرو هاني جايا واخا تفضل معايا عند الحارسة

دخلت وبقيت كنتسى اوووف تعطلت هاد نعيمه امتى غتجي وناكل لعصى ونمشي فحالي فكرت نهرب ولكن غايكون العقاب اكثر لاهوما نتسى

بركت فوق الكرسي ديال المديرة بديت كنعيب فيها 

محسيتش بيها حتى دخلات هي ووجه نحس ديال الاستاذ وقالت لي

المديرة :تبارك الله عليك كتعرفي تعيبي فيا ... هاكا استاذ زكرياء هاد المذكرة ديال العطل وقع عليها ورجعها ليا

وخرج 

ميمتي قفرتها مشات نيشان لواحد الماريو فيه لوراقي وجبدات واحد تييو ديال البوطة الله يا ربي مشيت فيها

وهي تشحطني واااحد شحطة حتى وليت كنقز من بلاستي فحال القردة 

المديرة : يلا دابا نقزي على خاطرك

انا :احححح والله حتا قاصحة 

المديرة : مزيانه فيك باش يلا تتأدبي واحد شويه

خرجت وانا كنحك ف جنابي بسباب الدقة لقيت استاذ زكرياء واقف قدام الادراة مديتهاش فيه وكملت طريقي 

عيط لي رجعت لعندوا قال لي سمحي ليا على البارح حشمتك قدام التلاميذ مكنتش قاصد 

انا :لا ماشي مشكيل هانيه 

الاستاذ :اوك يلا سيري دابا تقراي ومتبقايش ديري لبساله انا :واخا ا استاذ 

ومشيت 

لقيت ولاد و بنات القسم كلهم كيتسناو فيا و انا غادا ونحك ف دقه وندعي على المديرة و داك السنفور ديال الاستاذ ديال الفرنسية 

قالت لي صاحبتي رجاء

ههههه بصحة الدقة سمعناها من هنا انا :وضحكي تهجريه أسية :هههه غير كنضحكو المرض والله تا بقيتي فيا 

نقز واحد الغوريلا كيقرا معايا

ولكن مزيانه فيك تستاهلي نتي لي كتنقزي 

هزيت صباطي وتبعتوا وهو غادي هربان وانا قصيرة كنبان فحال النمله قداموا وهو هربان مني مهم ليسي كامل ضحك على داك لمنظر ف الاخر رجع ليا و..(يتبع).

الاخر رجع ليا وهزني فحال الحولي و تم خارج من ليسي و ولي كيقراو معايا تابعينو وتيغنيو والحولي باع باع 

تفو شوهوني بغيت ليهم غبارة 

بقاو غادين حتى وصلنا لواحد الجردة وبقينا تما خلاها كبور بقينا ضاحكن ناشطن ولي داز يضحك علينا حجم الفيله وعقل العصافير مهم دوزنا ساعتين شبعنا ضحك ونشاط ونسيت شويه داك الاستاذ ديال والو 

صافي وصلات 12 

رجعت لدار كليت وضربتها بنعسة حتى فيقني صوت صاحبتي كتفيق فيا وتنقز فوق النموسية 

انا : ا ديك البقرة نزلي دابا تهرسي ليا النموسية 

أسية :لهلا يحيك انا الجسم ديالي معروف في الليسي ب احسن وارشق جسم انا :ارشق هههههه كلمه جديدة نزيدوها في القاموس ديالنا أسية :مهم براكة من الهدرة ونودي لبسي شي حاجة خلينا نخرجوا نتساراو ف القسرية

انا :دابا جايا باش تفيقيني و تقولي ليا نودي لبسي باش نمشيو للقسارية 

أسية :اه 

جريت المانطة عليا ورجعت نعست

أسية :تفووو وازمره فيقييي 

انا : بعدي مني

بركات فوقي وبدات تنقز الله يا ميمتي واش درت انا ف حياتي يبليني الله بوحده فحال هادي دابا من اللخر قولي اش عندك ف القسارية اصلا نتي معندكش مع دوك الاماكن 

أسية :والوو غير قنطت ف دار

انا : الا مقلتيش والله ما نمشي معاك 

ورجعت تغطيت

أسية :صافي صافي غير نودي ف طريق نعود ليك

انا : لا قولي ليا دابا عارفاك فيك لقوالب بزاف أسية : واخا المهم واحد دري سميتو أمين تيسكن ف القسارية تيعجبني دابا شي شهرين وانا كندوز من تما وكنشوفوا وكيبقى يشوف فيا حق مولانا 

انا : والله جدك معندك مايدار سيري قلبي عليا دابا 

أسية :عيشك عيشك انا :شوفي متبقايش تشوفي فيا بدوك نظرات ديال البراءة

أسية : ياك اناا صحبتك وختك يلا نودي

وقفت غير بزز ولبست جلابتي وخرجنا وهي طريق كامله وهي جاراني وانا ناعسه وصلنا للقسارية وبدينا عملية البحث على الحب ديال أسية

انا : الله يلكيها ليك ا أمين الله يعطيك شي مراا فحال أسية لي تندمك وتكرهك في الحياة

أسية : امييين بقاي دعي فحال هاد دعاوي زوينين

انا : وسيري الله يلكيها ليك معاه أسية :وصافي سكتينا ها لعاار وقلبي معايا على حبيبي ... ناري راهوا راهوا انا : واااع متقوليش ليا داك أمين كليميني تيعجبك

أسية : بزاف عليك نااري شوفي كيشوف فيا

انا : وتشوفي لعمى نتي وياه يخ تلاقيتو نيت 

أسية: كون كنت عارفه غادا ديري ليا هاد الحاله كون مجبتكش معايا انا :تا دابا مزال الحال الله يعونك أسية : واتي اجي اديك الهبيله غي كنضحك عفاك يلا ندوزوا من حدااه 

انا : لا 

أسية :عفاااااك 

انا : صافي زيدي الله ياخد فيك الحق 

وتمينا دايزين من حداه وطاحت ...

وطاحت عليا فكره جهنميه ننتاقم من أسية لي فيقاتني من نعاس

دزنا من حداه ودفعتها عليه وهربت نيشان للدار حيت عارفه أسية مني كتعصب كتحول لوحش مفترس 

وانا ف طريقي تلاقيت مع ولد خالتي

انا : اهلا اهلا عاش من شافك 

مهدي: واتي كيدايره توحشناك

انا : انا بيخير جيتي ل كازا بمره

مهدي : تي واش مسطية را كونجي 

انا : كيفاش كونجي وحنا مزالين كنقراو 

مهدي : ولا خديت كونجي باش نجي لكازا نتزوج

انا : تزوج كيفاش

مهدي : مفخباركش لقيت مرا وخطبتها ماما وجيت باش نديرو لعرس ونديها معايا 

انا : وااايلي انا مفراسي والو ولد خالتي غيتزوج وانا معارفه والو 

مهدي : ماماك را عارفه كلشي 

انا : ماقالت ليا والو مهم خلينا من هاد شي ولفتي داك جبل لي عايش فيه 

مهدي : تي اشمن جبل را واخا ف جبل ناس واعين 

انا : وتلاميذ كتعرف تهدر معاهم قالولي كيعرفوا غي شلحه

مهدي : شي وحدين متيعرفوش العربيه ولكن كنحاول نشرح ليهم بعربية مبسطة

انا : خخخ تخيل تقريهم المات بالشلحة 

مهدي :لواه غادي نقريهم بالشينويه 

انا : هاهاها حامض 

مهدي: اجي فين كنتي 

انا : كنت ف القسارية 

مهدي : امم ناس ديال القسارية وزيدي نوصلك لدار 

انا : يلا زيد 

بقينا غادين ف طريق وتيعاود ليا على زوجة المستقبل

حتى وصلت للدار

كليت وراجعت شويا ونعست فقت صباح مع 6 توضيت وصليت لبست حوايجي وفطرت وخرجت للمدراسة 

مع 12 خرجت لقيت المهدي واقف كيتسنا فيا 

انا : اش كادير هنا 

مهدي : كنت دايز من هنا قلت نجي نشوفك وهو تيهدر شاف شي واحد ومشا بزربه عندو وخلاني واقفة مني شفتوا عندمن مشا تصدمت 

ناري هادا فين تيعرف هاذا 

مهدي : شيماء اجيي

مشيت وقفت حداه و انا حادره راسي 

مهدي : هادي بنت خالتي صغيرة ديال العائلة 

الاستاذ زكرياء : هادي تلميذه عندي 

مهدي: وايلي 

الاستاذ زكرياء: هههه وايه ومشاغبه

خرجت فيه عينيا كيفاش مشاغبة وزيدون المهدي نتا فين كتعرف فحال هاد الماركات 

خنزر فيا وحسيت بالاستاذ تقرص 

مهدي بغا يبدل الموضوع هاذا زكرياء كان تيقرا معايا 

انا : نتا علمي و هو ادبي كيفاش قرا معاك

مهدي : بديتي بالفهامه ديالك را كان تيقرا معايا ف الاعدادي وبقى صاحبي واخا كل واحد مشى لتوجيه لي بغى 

انا : اممم المهم انا غادا لدار دوز عدنا

مهدي : ان شاء الله 

صافي مشيت لدار طبعا يلا حليت لباب لقيت الاخ ديالي مستقبلني بالاحضان سميتوا يوسف 

يوسف:مرحبا بختيتو صغيره لفنيونه نواره دايال دار 

لا لا غي كنضحك غنعود من الاول 

يوسف : جيتي ازوفري فين كنتي 

انا : تا مالك

يوسف :شناوا انا مالي 

شدني من يدي عوجها ليا ونزل ليا راسي للارض

انا : ..يتبع

انا : واااا عتقو الرووووح 

وبديت نغوت ربي لخلقتي

يوسف : واهيا ناري متكونيش دلوعه راك كبرتي زعمة را غي ضحكت معاك 

انا : كنتي غادي تهرس ليا ايدي وكاتقول غي ضحكت معاك باز لوجهك تفو 

جا الاخ لمحترم لاخر عبدو 

عبدو: مالك مصدعانا 

انا : والو غي خوك كان غادي اهرسني وقال لي غي كضحك معايا ضربوا عافاك 

عبدو : وانا مالي ومشا

خويا يوسف شد كرشو بالضحك 

بصحتك القمعه 

انا : اصلا عادي 

وشديتها جريا تال بيتي على الاقل نخلي شويا ديال الكرامه قبل مناخد شي قمعه اخر 

المهم مشيت للمدرسه مع 4 كانت عندي الرياضة 

الاستاذ عطانا لعبو كرة السلة حنا الفتيات زعمة ولولاد عطاهم كره القدم طبعا انا مشيت لعبت مع دراري 

وانا منسجمة في اللعب حتى وقف عليا داك وجه نحس ديال استاذ الرياضة هديك شنيوله قلت لبنات كرة السلة ونتي اش تاديري هنا

انا : واستاد هدوك لبنات فيهم التبعكيك وتقزقيز وانا معنديش مع داك شي 

الاستاذ : واتي لاش كتعودي ليا ف قصة حياتك سيري لعبي مع البنات

تعصبت اليوم كان اليوم العالمي للقميع تفو على نهار مشيت عيطت لصحبتي أسية وبدلت حوايجي ومشيت انا وياها بركنا نتفرجوا ف دراري وديرين فيها معلقين رياضيين حتى سالات ساعة ومن وراها كان عندنا المادة المفضلة والجميلة 😍 الفلسفة ههه

دخلنا والقسم كلو خانز بريحة العرق خخخخ الاستاذ مسكين داخ 

الاستاذ: حلو حلو شراجم خنزتونا

جاوبتوا بشويا هادي حاله فلسفيه بحيت العقل يعطي امر لطوابك لاطلاق رائحة خانزة وذلك بسبب الجسم يبدل مجهود ويفرز مياه خانزة الرائحة وهذه الظاهرة اطلق عليها سقراط اسم رائحه الطوابك الخانزة 

لقسم كلو بدا كيضحك الاستاذ مفهم والو ولكين مني شاف كلشي كيضحك وانا بوحدي باركة نشوف فيه عرف انا هي مولات ديك الهدره 

الاستاذ: هديك شنيوله اجي لهنا 

انا : اناا

الاستاذ : اه نتي 

انا : مالي اش درت

الاستاذ بعصبية : قلت ليك نودي لهنا 

وقفت بزربه ومشيت وقفت حداه 

وااع كنبان فحال نمله قداموا 

الاستاذ: عودي اش قلتي قبيله

انا : ماقلت والو (قلتها وانا كنفرنس )

الاستاذ زاد تعصب : سيري سيري رجعي لبلاستك فيك ريحة العرق

نااااري ماحملتش رااسي 

انا : انا اصلا كاعما لعبت باش تكون فيا ريحة العرق وحاجه اخر انا نقيا عليك سمعتي 

هزيت شكارتي وخرجت فحالي خليت القسم كلو مصدوم 

غادا ونعير فيه حتى وصلت لدار 

طلعت لبيتي وبقيت كنبكي كنبكي حتى بردت ونعست 

فقت مع 5 عينيا منفوخين توضيت وصليت الفجر و الصبح وبقيت كنتفرج حتال 7 لبست حوايجي وخرجت منطلقه للمدرسة وصلت مالقيت تواحد والمدرسة مسدودة اويلي فات عليا الحال بقيت كندق فالباب باش يحل ..

بقيت كندق فالباب باش يحل ليا الحارس ديال الباب 

انا : وابا دريس وحل لباب انا شيماء. والو تواحد مكيجاوب تفو فين مشا هادا 

بقيت كندق كندق حتى خرجت ليا مرت العساس

مرت العساس : ياك مكاين باس ابنتي

انا : والو غي مشا عليا لحال وبا دريس مبغاش يحل ليا 

مرت العساس : ههههههههههههههههه 

الله،يستر هادي مالها كضحك

مرت العساس : ابنتي ليوما را عطله 

انا : عطله كيفااش 

ناري مركت وتفكرت ليوم فاتح محرم حدرت راسي ومشيت كنجري لدار وكملت نعاسي تال 12 فقت هبطت نقلب على مناكول ورجعت لبيتي 

وااع على ملل كنحس بيه مليت مالقيت مندير حاولت نعس ولكن بدون جدوى الحاجة الوحيدة لبقات ليا هي نجمع بيتي لي دابا شي عام مبقيت جمعتوا 

قررت نجمعوا طلقت الموسيقى ودرت حجه وزياره منها نشطح ومنها نجمع خخخخخ 

بقيت شي ساعتين وانا مضاربه ساليت وقفت فوق البيرو باش نشوف الابداع ديالي زعمه راني درت شي حاجة ههههه دخلت عليا الواليدة يلا قالت لي اش كديري فوق البيرو وهي تصدم شافت البيت مجموع

ماما : اوا هانتي دابا عاد ولا بيت ديال لبنات

انا : على قبل كان ديال لولاد

ماما : لا لعكس ديال لولاد ونقي على بيتك بيتك نتي كان فحال زريبه 

انا : دابا باغا تقولي انا بقرة 

ماما : انا بعدا ماقلت والو ومول الفز كيقفز 

دخل علينا بابا

بابا : واخيرا جمعتي بيتك 

انا : كتهدروا فحالا عمري جمعتوا

بابا : اوا انا من نهار سكنا هنا عمري شفتوا مجموع

انا : ياك ياك 

ماما :،براكا من الهدرا دابا ولبسي حوايجك غنهبطوا عند خالتك نعونوها را العرس قرب 

انا : واخاا

لبست جلالبتي وخرجنا .وصلنا عند خالتي لقيت المهدي غير شافني بدا يضحك

انا،: مالك نتا كتفرنس

المهدي،: النعاس في القسم زوين ياك

انا : كيفااش اه تفكرت نهار نعست ف القسم باينه داك الاستاذ ديال والو عاود ليه 

المهدي : ههههههههههه والله معندك لعقل 

انا : را غي كدب عليك داك الاستاذ 

المهدي : ههه دونك هاد شي صحيح انا مزال ماقلت والو

انا : اش فيها تواحد مايبقا ينعس ف القسم او 

المهدي : خودي رااااحتك جيبي حتى غداك وتغداي تما دنيا هانيه 

انا : صافي سكتنا بديتي تحماض

المهدي : ياك البرهوشه انا بديت كنحماض واخا 

ناض ليا وهزني من رجلي بقا هازني حتى قلب ليا المعده ديالي 

خالتي : وداك المسخوط حط ختك مازال حتى ماتزوجات

انا : ياك اخالتي باغاني غير نتزوج 

المهدي حطني : اه كاين واحد صاحبي استاذ وغمزني 

غير سمعت استاذ عرفتو علامن كيهدر 

انا : سيرسير بقا ليا غي داك الفيلسوف حتى هو 

المهدي : خخخخخ باش تعرفي راسك انا كاعما كندوي على الاستاذ لي كايقريك ونتي مقروصة غير ..


 

المهدي : خخخخخ باش تعرفي راسك انا كاعما كندوي على الاستاذ لي كايقريك ونتي مقروصة غير راسك هاهاها 

مركني تاني هاد الحيوان

انا: يلا صافي سير فحالك دابا خلينا نهدروا حنا لعيلات

المهدي : دابا نتي محسوبه مع لعيالات ههههههه باز ليك وهاهوا غادي

وقال لي بشويا را كنت كنهدر على الاستاذ ديالك قالي كيقلب على مرا 

انا : عنداااااك تكون قلتي ليه انا 

المهدي : مالي حمق نخرج على حياة السيد نزوجو ليك

انا : وانا بزاف عليك نتا وياه وسير قلب عليا دابا 

خرج وهو ميت بالضحك

عنداك غير يكون عاق ب شي حاجة ولا داك الاستاذ قال ليه شي حاجة شديت فقلبي اخخ الاستاذ باغي يتزوج ههههههه وجديدة هادي 

دازت سيمانا موقع حتى حاجة جديدة غير العرس قرب وبديت كنوجد حتى انا ف راسي 

نهار الاحد فقت بكري انا وماما وهبطنا عند خالتي باش نخرجوا جميع نكريو تكاشط

وصل نهار العرس اخيرا مشيت عند الكوافوره انا وبنت خالي درت مكياج خفييف باش مايعيقش بيه الواليد 

ورجعنا لدار خالتي كان كلشي مجموع تما لبسنا تكاشطنا مشيت شفت راسي فالمرايا صراحة عجبتني ههههه تزعطت فراسي فديك اللحظة ركبت مع ولد خالتي ف سيارة ديالو وصلنا للقاعة لقينا عائلة العروسه مشيت شديت بلاستي حدا فين بارزين بركت قريبه للمهدي باش نبقى نطلعها عليه

دخلوا العرسان وبداو يصليو على نبي وانا غي كنبلق ف عينيا ونقلب على خوت لعروسة ولا ولاد عمها غي لي كان حتى واحد فيهم ميحمر لوجه يخ ضرت عند بنت خالي وبقينا شادين نميمه ف عائله لعروسه حتى شبعنا غوت على المهدي 

المهدي : اش بغيتي المصيبه جايا باركا حدايا 

انا : وصيدوك ا ساط وصحباتها حسن منها خخخخ

المهدي: سكتينا دابا يسمعك شي حد 

سمعتني العروسة وبركت تخنزر فيا خخخخ 

انا : والعروسه وغي كنضحك والله حتا ولد خالتي تزوج وعرف اش خدا 

بتاسمات ليا ديك الابتسامه ديال بزز خلينا نافقو شويه حشوما نحطمها وهي مزال عروسه خلي بعدا غي حتى تسخن بلاستها 

شفت عائلتي كاع ناضوا يشطحوا وقفت حتى انا وتفكرت ماما قالت عنداك تنوضي تشطحي لعرس را مخلط يلا بغيت نبرك مقدرتش وانا نوض بركت نشطح ونقول مشطحت خرجت كاع المواهب ديالي ف شطيح يلا بغيت ندور نشوف فالمهدي ونقول ليه عقل راني شطحت ليك فعرسك وانا نلقى وجه نحس ديال الاستاذ كيشوف فيا وكيضحك واااااع هادا اش كيدير هنا رجعت كنجري لبلاصتي 

لقيت ولد خالتي حتى هو ميت عليا بالضحك 

المهدي: كيجاتك هاد المفاجئة

انا : وكون غي علمتيني منووضش من بلاستي حشومه عليك 

المهدي : مزيانه فيك 

حدرت راسي افف تخنقت وخرجت برا نشم شويا ديال لبرد 

بركت ف جردة ديال القاعه وبقيت تنغني 

هاااهاهيلي ....

هاااهاهيلي مالي يانا مالي يانا ومعندي زهر 

المهم جا برك حدايا شي حد

شفت فيه لقيتو وجه النحس الاستاذ 

الاستاذ زكرياء : هههه وصويت عندك كون غي كنتي ديري هاد شطيح فقرايتك كورا دابا نتي هيا لولا 

وقفت وتميت غادا شدني من ايدي ورجعني لبلاصتي 

الاستاذ زكرياء: مالك تقلقتي غي كنضحك معاك 

انا : مضحكش معايا 

الاستاذ زكرياء : ولكين وشطحة هديك عندك قولي ليا كيفاش كديري لديك لعيبه كتنزلي للارض وتوقفي دغيا 

انا : وادابا بارك ضحك عليا ياك وانا نبدا نبكي كان خاصني غي سبا

الاستاذ زكرياء ولا زكرياء بلا استاذ زكرياء: اويلي كتبكي والحمقة غير كنضحك معاك وصافي براكا من البكا رجعت للقاعة وخليتوا داوي غي مع راسوا وريحت ف بلاستي تبعني زكرياء وبرك حتى هو ف بلاستو كان بارك حدا خوتي وولاد خالتي تاهوا مالقى فين يبرك 

عيط ليا خويا باش ناخد من عندو الكاميرا مبغيتش نمشي وقلت لبنت خالي تمشي ف بلاستي 

ولكن داك خويا راسو قاصح قال ليها انا عيطت لها هي تجي 

وقفت بزز غادا ونجر فرجلي خديت من عندوا الكاميرا 

يوسف :صورينا 

انا : دابا معيط عليا من لهيه باش نصوركم شد عليا زبلك 

يوسف: واتي صورينا ولا نوض ليك

انا : غي بقا ف بلاصتك ا حنيني ونتا خاصك غي سبا

شديت الكاميرا صورتهم ورجعتها ليه شاف تصاور وعيط ليا 

يوسف : شوفي اشنو صورتي

خديت الكاميرا ولقيت راسي مصورا غي زكرياء مسحتها دغيا قبل مايشوفوها لاخرين ويبقاو يضحكو عليا 

انا : وغي مع دوخة وصافي 

صورتهم هاد المرا بلا زكرياء هههه 

ورجعت لبلاصتي 

جات الماكله كلينا وانا غير ساهيه كنتفكرزكرياء قلبي تيبغي يخرج من بلاستو سالا لعرس كل واحد رجع لدارو رجعنا لدار وكنت مسخسخة غير حطيت راسي فوق لمخدة ونعست فقت صباح مع 12 وراسي غيتفركع كنت قاريا ف العشية مشيت غير بزز 

دخلت للمدراسة دخلت نيشان للقسم صافي وصلات 6 اخيرا طلعت للدار كليت ونعست 

مافقت حتى لغد ليه مع 7كنحس بواحد نشااط معرت منين طاح عليا 

صليت وفطرت ولبست حوايجي تميت غادا خارجه وانا نتفكر ليوم داخله تال العشرة رجعت لبيتي وبقيت مكونيكطيا حتى وصل الوقت ومشيت للمدراسة دازوا هاد ليمات عادي ماكان حتى شي جديد غير نهار الاحد درنا خرجه جماعية ولاد وبنات القسم داز نهار واعر صافي نهار الاثنين فقت وتفكرت عندي ساعة الولا الفلسفة فرحة بزاااف 

دخلنا عند الاستاذ البوكوس غي شفت فيها بدا يضحك تفكرت نهار العرس الشوها لي درت مكرهتش نهرب فديك الساعة ولكن معندي مندير غير ندخل 

زكرياء: اليوم غادي نهدروا على الكبت 

القسم كلو بدا يضحك

زكرياء: انا مكنهدرش على داك الكبت لي فكرتوا فيه نتوما عقولكم..

زكرياء: انا مكنهدرش على داك الكبت لي فكرتوا فيه نتوما عقولكم مسخين الكبت هو انواع وكل واحد كيفرغ داك الكبت لي عندو ف شي حاجة مثلا ف عاشوراء كاتلقا دراري كيفركعو لقنبول ويرشو لما على بنادم كيحسو بالمتعه حيت عندهم واحد الكبت لداخل وباغي يشوف بنادم مخلوع من القنبول تيحس بواحد اللذه

انا : افف هاذا امتى غيسكت 

زكرياء: وكاين واحد نوع اخر كتلقاهم ف لعراسات كيشطحوا كيفرغوا داك الكبت ف شطيح ورديح 

انا :افف هادا داز لشطيح مغديش يسالي ليوم شنوو شطييح (قلتها بجهد) عاد فهمت اش كيعني

زكرياء: اه شطيح وانت ادرى بهاد الموضوع وبدا كيضحك

طلعات معايا سخونية وتعصبت وهو كيضحك 

خنزرت فيه وحدرت راسي مني سالات الحصة كنت غادا خارجه عيط ليا الاستاذ 

زكرياء:غي ضحكت معاك قبايلة 

انا : هادا هو الضحك فبلادكم

زكرياء:ههههه صافي سمح لي الشنيوله

انا : ولكن والله متبقى فيك 

زكرياء: وقيلا نسيتي انا را الاستاذ ديالك حتارمي راسك

انا : اوك ا سي الاستاذ وحتى نتا حتارم راسك ماسميتيش شنيوله 

وخرجت داز داك نهار وانا معصبه مشيت لدارنا طلعت لبيتي ماكليت ما والو 

بقيت كنفكر كيفاش ننتقم من داك الاستاذ بقيت كنقلب على الفيس ديالو حتى لقيتو بقيت كنشوف ف تصاور عجبتني واحد الصورة حليتها 

انا :غي بلاتي عليك ا سي زكرياء غادي نقتلك ونقطعك ونطحنك ونشربك (كنتكلم مع الصورة ههه الله يستر)

دخلت عليا ماما

ماما : بسم الله عليك ابنتي معامن كتهدري

انا : ها لا والو غير كنقرا فواحد القصة 

ماما : الله يهديك داك المشقوف غادي يسطيك

انا : ألوليدة نهار ديري فيس بوك غادا تولي كتر مني

ماما : الله يحفظني منو مهم ابنتي هبطي تعشاي

انا : مافيا لي ياكل باغا غي نعس

ماما : اويلي مموالفاش ليك ياكما شي زعطة 

انا : اش قلتي 

قلت ف خاطري حتى ماما كتعرف الزعطة وماجوراها 

ماما: هههه حتى انا را كنت قدك ا بنيتي اوا هبطي تعشاي

انا : خخخ غير بصحة انا فيا لموت ديال النعاس

ماما : اوا تصبحي على خير 

انا : قبل ماتمشي اجي بوسيني 

ماما : واخا 

باستني ومشات 

بقيت كنشوف ف تصاور الاستاذ حتى داني نعاس 

فقت الصباح مشيت للمدرسة كان نهار عادي جدا

رجعت للدار وكملت تصاور ديال الاستاذ ولقيت واحد تصويرة كان مزال صغير وهاز كرعه فوق راسو هههه بقيت كنضحك 

انا : والله تا نشوهك ا استاذ غير تال غدا 

دخلت للجروب قسمنا ف الواتس وقلت ليهم غدا ان شاء الله. ف الحصة ديال الفلسفة غادي نلوح ليكم واحد المفاجئة 

بداو عليا معندناش الكونكسيو و و و 

قلت ليهم غدا انا نطلق ليكم الويفي غير كونو حاضرين

صافي لغد ليه في الحصة الفلسفة لحت ليهم الصورة.....

لحت ليهم الصورة ديال الاستاذ فاش كان صغير وواحد وراها لواحد حتى شافها القسم كلو وبداو تيضحكو 

زكرياء: ا مالكم كضحكو

انا : فيهم هر خخخخخ

زكر ياء: غادا تكوني غير نتي 

انا : انااا مالي اش درت 

شاف واحد دري هاز التلفون وتيشوف وتيضحك خدا ليه تلفون وشاف الصورة لي تيضحك عليها القسم كامل تزنك مسكين 

زكرياء: شكوون مول هاد شي 

تواحد مجاوب شاف فيا لقاني كنفرنس فيه 

خنزر فيا ومشا رجع لبلاصتو 

ماقراناش ديك الحصة كان معصب وحنا مسكتناش من الضحك صونا الجرس تمينا خارجين وهو يشدني من ايدي ورجعني للقسم وسد الباب

قلبي بدا كيضرب بجهد حتى وليت كنسمع الصوت ديالو 

زكرياء: شوفي هديك شنيوله مرا اخرا تعودي فحال هاد لبساله متلومي غير راسك

انا : اوا نتا لي ليحها في الفيس ماشي انا لي شفرتها من داركم 

بقا تيشوف فيا 

وقال ليا يلا خرجي دابا 

انا : را سيفت ليك انفيتاسيون عنداك متقبلنيش هههه 

زكرياء: انا غادي نبلوكيك ماشي مغنقبلكش 

خرجت فحالي 

دخلنا للحصة الاخرى مليت في القسم حليت الفيس نشوف واش بلوكاني الاستاذ لقيتو قبل الانفتاسيون 

بقيت كنضحك هاذا كيقري ولا كيتكونيكطا الله يستر

داز داك النهار وفينما كنتفكر صورة ديال الاستاذ كنبقى نضحك 

مهم دازو الايام والاسابيع والشهور وكل مره كنزيد نتعلق بزكرياء 

قرب الوطني وبديت كنوجد وكنحاول منفكرش فيه 

باقي اسبوع على الوطني 

والخلعة بدات كتزاد والتوتر مبقيتش قادا نقرا شي حاجه قررت منبقى نقرا والو باش منتبلوكاش نهار الوطني 

وقررت ندير اي حاجه مسلية فكرت نديروا شي حفله في المدرسة باش نساو الوطني ونرتاحو شويا 

هدرت مع بنات وولاد القسم ووافقو هدرنا مع تلاميذ ديال الاقسام الاخرى

و كلفنا واحد جوج بنات قرايات يهدروا مع المديرة 

رفضات في الاول ولكن بعد الاصرار ديالنا وافقات وقالت لينا نهار الاحد نديروها باش نفوجو ونهار الاثنين نخدمو وحنا مرتاحين

وصل نهار الاحد في الصباح دخلنا لقاعة العروض زوقناها وكل واحد جاب حاجة عمرنا الطبلة بالماكلة وجاو الاساتذة باش يتشاركو معانا في الحفلة 

خدمنا الموسيقى وبقينا كنقزوا فحال لمسطين خرجنا كاع داك شي لي كان معصبنا من الوطني والاساتذة كانو فرحانين معانا وعطاونا نصائح وطمنونا بلي كل شي غيكون مزيان وصلات 

6 ديال العشية كل واحد مشا لدارهم وكنت فرحانه بزاااف ورتاحيت 

وصلت للدار كليت راجعت الدروس شويا 

ونعست مع 8 

فقت مع الفجر صليت ودعيت الله يعاوني انا وكاع لي عندهم الامتحانات ودعيت حتى مع السادس مساكن هههه 

فطرت وصلني بابا للمدرسة لي غادي ندوز فيها ودعني ودعا معايا دخلت بقيت كنقلب على القاعه ديال.

بقيت كنقلب على القاعه ديالي لقيتها اخيرا دخلت كلست ف بلاستي والخلعة مبغاتش تمشي مني كان عندنا الانجليزية اول حاجه 

عيطت ليا البنت لي كانت ورايا 

انا : نعام 

البنت : نتي شيماء

انا: اه 

البنت : قريتي معايا ف الرابع ف مدرسة المنظر العام 

انا : فكريني ف سميتك

البنت : سلمى صباحي 

انا : ااااه عقلت عليك

عنقتها وبقينا كنهدروا حتى دخلوا الاساتذة لي غادي يحرسونا 

فرقوا علينا لوراقي 

سميت الله وقريت الورقة الاسئلة لقيت داك شي في المتناول جاوبت وخرجت وكنت فرحانه وكنتمنى يكون كاع الامتحانات فحال هاكا

خرجات سلمى 

بقينا باركين ف ساحة الرياضة كنهدروا عمرات الساحة 

وسالا وقت الاستراحة كان عندنا مور الانجليزية الرياضيات 

دخلنا فرقوا علينا لوراقي واميمتي داك شي مشحر ولكن الحمد لله جاوبت على كلشي

مني ساليت خرجت لقيت بابا كيتسنا فيا ركبت معاه ورجعنا للدار رتاحيت وطلبت من الاب ديالي يخرجني شويا 

حيت حسيت براسي غادا نتفركع مشينا للبحر شميت الهواء النقي حسيت براسي رتاحيت ورجعنا للدار راجعت داك الفيزياء والكيمياء وحطيت راسي باش نعس مجانيش نعاس وتفكرت الاستاذ زكرياء وبقيت كنفكر داك شي لي داز هاد االعام وتفكرت نهار وريت لتلامذ الصورة بقيت كنضحك اخخ درني قلبي توحشتوا بزااف دخلت للفيس باش نسى شويا لقيت مسج من عند زكرياء بدا قلبي كيضرب وكنفكر ف اش غيكون فيه 

دخلت لقيتو كاتب كنتمنى لي حظ موفق اشنيوله ومتخافي ما والو 

ضحكت وجاوبتوا كتبت ليه 

هههه شكرا استاذي العزيز وسيفت ليه الصورة ديالو فاش كان صغير و طفيت التلفون ونعست فقت مع الفجر صليت وفطرت ومشيت للمدرسة.دخلت لقيت سلمى باركا سلمت عليها وبقينا كنهدروا حتى جاو الاساتذة فرقوا علينا لوراقي واهيا ناري هاد شي شحال صعيب مفهمت تاشي لعبة خرجت تمرين ف الكيمياء وبقيت كنشوف ف الورقة وجاتني البكية نغزاتني سلمى وعطاتني واحد الورقة حليتها بزربه قبل مايشوفوني لقيت كاع الاجوبه فرحة بزاف وكتبت داك شي لي عطاتني هي سبقاتني وخرجات مني ساليت تبعتها وشكرتها بزاف حيت عتقاتني خرجنا بجوج هي مشات مع باباها وانا مشيت مع بابا داز داك نهار 

لغد ليه فقت مع 8 اخر نهار داخلين حتى العشرة 

وصلت للمدرسة دخلنا كان عندنا علوم الحياة والارض فرقو علينا لوراقي فركعت الورقة خخخخ 

و فالعشية كان عندنا اخر مادة الفلسفة 

دوزناه مجاوبتش مزيان حيت داك شي صعيب مهم كتبت واخا تقريبا كلشي غلاط

طلع ليا دم حيت تال اخر مادة وزبلتها 

تافقت مع صحابي وصحباتي نتلاقاو في المدرسة حيت توحشتهم بزاف تلاقينا بقينا كنضحكو كل واحد تيعاود على شنو وقع ليه ف الوطني شي تبلوكا شي ...

شي تبلوكا شي حصلوه تينقل مهم نشطنا شويا خرجت من المدرسة تميت غادة وانا نسمع شي حد تيعيط ليا واحد صوت محاملاش نسمعو خصوصا هاد نهار ضرت كان استاذ زكرياء

زكرياء: سلام

انا : وعليكم سلام 

زكرياء: كي دوزتي 

انا : الحمد لله 

زكرياء : كانت عندكم اخر مادة الفلسفة

جمعت حجباني وهزيت راسي زعمة اه 

زكرياء : ومالك على ديك الغباشة 

انا : داك شي صعييييب 

زكرياء:هي مدرتي والو 

انا : اه 

زكرياء : مهم خدمتي ف المواد لاخرين 

انا : اه ولكن الفلسفة حاطين لينا داك شي صعيب بزاااااف

زكرياء: ماشي صعيب را نتوما مكتركزوش مهم دابا ميبقاش فيك الحال وغادا تنجحي ان شاء الله

انا : هاد شي لي كنتمنى 

زكرياء: اه احم كنت باغي نقول ليك عطيني نمرا ديالك 

انا : وعلاش

زكرياء: غي باش الا علقو نقولها ليك 

انا : معنديش تيلفون

زكرياء: يا سوبهاان الله نهار كلو ونتي شاداه ف القسم وتتقولي معنديش

جبد تلفون ديالي من جيب وقيد نمرتو بغا يدير داك شي ديال الافلام يعيط ل راسو باش طلع ليه نمرا ديالي 

وهو يسمع ان رصيدكم غير كافي لإجراء هذه المكالمة المرجو تعبئة رصيدكم في اقرب وقت شكرا تيت تيت تيت 

انا : هههههههههههه يحساب ليك راسك كتمثل ف شي فيلم

زكرياء: وجه زلط عندك صولد غي باش تكونيكطاي وتلوحي تصاور ديالي وتفضحيني 

انا : هههههههههههه بالظبط

زكرياء: ودابا اري نمرا 

انا : اوك 06........ زكرياء: شكرا 

انا: يلا بسلامة 

طلعت لدار وانا غنطيييير بالفرحة

غي وصلت جبدت تيليفون لقيت مسج من عند زكرياء فيه

كي وصلتي ا شنيولة 

مجاوبتوش او مشيت كليت او طلعت لبيتي او تكيت الله على راحة تهنيت من الوطني دابا نقدر نعس بلا تحاجة متبرزطني 

دازو الايام عادي غي دار 

جا رمضان والخلعة بدات تاني وبديت كنفكر ف طابلو الله يا ميمتي

وصل اليوم المنتظر اليوم لي غادي يعلقو فيه النتائج كنت مخلوعه بزاف وكنتسنا ف ديك لعشيا امتى توصل ونشوف راسي واش نجحت ولا سقطت باش نرتاح 

قلت نتكونيكطا شويا على مايوصل الوقت 

لقيت زكرياء مسيفط ليا مساج مبروك عليك

جاوبتو كيفاش مبروك 

مفهمت والو بقيت كنتسنا فيه يدخل باش يجاوبني ولكن كاعما دخل ضرني راسي مفهمتش اش قصد ب مبروك عليك زعمه نكون نجحت 

بقيت كنفكر حتى وصلات ديك 4 لبست حوايجي وخرجت لقيت بابا وماما كيتسناو فيا ف طونبيل ركبت ومشينا لليسي لقيناهم مزال معلقو لينا بقينا كنتسناو شويا كيبان ليا الحارس لفوق وهاز معاه طابلو قلبي بدا كيضرب بجهد بقيت كنقلب على رقم ديالي وكل مرا مكنلقاهش قلبي كيزيد يضرب كنت شويا ونسخف حتى تيبان ليا رقم ديالي محسيتش براسي حتى غوت بجهد وانجااااااااا....

وانجاااااااااااااحت عنقني بابا وماما وباركو ليا بانو ليا صحاباتي مشيت لعندهم سلمت عليهم لقيتهم كلهم نجحوا الا وحده عطاوها ستدراكية بقينا تنواسيو فيها 

صافي رجعت عند ماما وبابا ورجعنا للدار عنقوني خوتي وفرحوا ليا بزاف 

انا : اوا فين هيا ديك الوعود ديالكم 

بابا : انا عند الوعد ديالي 50 الف ديالك باش دوزي لبيرمي دابا نعطيها ليك

انا : صافي من غير لبيرمي او 

ماما : وباراكا من الهدرا وزيدي عونيني ف الفطور را مابقا والو ويودن

انا : لااا صدمتيني يا قاسية القلب انا دابا يلا شديت ل باك زعما وباركا تقول ليا زيدي عونيني حشومه عليك

ماما : وشدي حتا دكتورة غادا تعونيني 

انا : وهاني جايا يا قاسية

وبداو الاتصالات والمبراكات وهالي تيقول ليك فين هيا زرده وهالي تيقول صافي كبرتي خاصك تزوجي وانا كرهت فيه ههه

المهم فطرنا وجمعت لماعن وبركت نستاراح هزيت لبورطابل لقيت زكرياء جاوبني وقال لي مبروك نجاح

قلت ليه وكيفاش عرفتيها 

زكرياء: هههه زعمه راني استاذ واقيله 

انا : وبزعطة الا كنتي ا ستاذ شوف دابا ما بقى لا احترام لا والو نياهاها

زكرياء: هاي هاي على شنيوله مبقيتيش تحشمي 

انا : لواحد هو يشد لباك ويتقصدر 

زكرياء: ههههه والله يمسخك مهم غدا غادي دوزي لليسي 

انا : وي ضاروري ناخد لكريطينا

زكرياء : اه صافي تانا غنكون تما نتلقاو 

انا : هاي هاي شفتك مبقيتيش كتحشم نتلاقاو واخا ا سيدي غدا نقولها ل نعيمة

زكرياء: لا لا الا نعيمة

انا : ههههه يحساب لي دايرا فينا الرعب غي حنا تلاميذ ولكن قولي حتى نتوما هههه

زكرياء: ولكين الله يعمرها دار

انا : اه بزاااف الله ياودي هههه مهم تيودن لعشاء سير تصلي

زكرياء: اوك يلاه مع السلامة

لغد ليه فقت ومشيت لليسي غي دخلت لقيت زكرياء واقف مع المديرة

درت راسي مشفتهمش ومشيت للحراسة 

وانا نسمع صوت غي سمعتوا وقف ليا لما ف ركابي 

ميمتي نعيمه اش بغات ياكما باغا تعطيني اخر عصى 

المديرة: تي اجي مالك مصدومة ا بنتي 

انا : بنتي لا انا مصدومه بجد مش عارفه ارد 

المديرة: اش قلتي 

انا : لا وااالو 

زكرياء سمعني اش قلت وبدا كيضحك 

المديرة:اوا مبروك عليك النجاح

انا: الله يبارك فيك خالتي 😁

المديرة: هههههه صافي مابقيتش مديرة ديالك دابا 

زكرياء: را مبقاتش كتحشم

خنزرت فيه ومشيت للحراسة باش ناخد لكريطينا 

اخييرا 

خديتها وطلعت للدار 

لقيت كاع لعائلة السعيدة مجموعه عندنا وجمعت بزاف ديال لفلوس هههه 

المهم لغد ليه عيطات لي صاحبتي أسية وقالت لي بلي كاينه شي حفله لناجحين ف الباك مورا لفطور ف ليسي 

فرحت بزااف ومشيت نوجد اش نلبس 

وانا مخشيه ف الماريو جات عندي .

جات عندي ماما

ماما : اش كديري تم اويلي 

انا : عندنا حفلة مور لفطور ف ليسي

ماما : تبارك الله عليك باغا تمشي بلا متقولي لينا والو

انا : واش عارفاني منقولهاش 

ماما: وقوليها ل باباك يوصلك ماتمشيش بوحدك باليل

انا : واخا واخا 

صافي فطرنا وطلعت نلبس لبست واحد لكسوا طويله ف بلو مارين وفيها بابيون ف لوسط ولبست زيف ف لغوز وبالغين ف غوز ودرت ميك اب خفيييف باش مايشوفوش بابا كيف العادة 

وصلني لليسي دخلت لقيت راسي انا لولا كاين غي الاساتذة تيوجدو ف القاعة ديال الحفل 

عاونتهوم بداو تلاميذ كيجيو 

طلقنا الموسيقى وبداو تيشطحوا وانا دايرا فيها ب عقلي بقيت باركا وكنشوف فيهم و كنضحك عليهم هزيت راسي لقيت زكرياء كيشوف فيا مني حصلتوا بدا تيشوف ف صقف زاعما ههههه

مني سالاو جا الدور ديال الجوائز 

فرقوهوم علينا والجوائز كانت عبارة عن clé USB جاتني ضحكة هاد شي كااامل و فاللخر عاطينا clé لاهوما هيا ولا معجم لغوي هههه 

غي فرقو علينا الجوائز القيمه قلبناها جنازة صراحة لفراق صعيب بزاااف خصوصا لفراق ديال اصدقاء الدراسة تسالمنا مع الاساتذة والحراس وكل واحد مشا لدارهم انا خرجت برا باش نعيط ل بابا يجي يديني وانا نسمع ان رصيدكم غير كافي لإجراء هذه المكالمة المرجو تعبئة رصيدكم في اقرب وقت تفو على زهر 

بقيت واقفه كنفكر اش غندير ومنقدرش نمشي بوحدي كنسكون بعيد 

جا عندي فارس احلامي هههه

زكرياء: مالك واقفه هنا 

انا : بغيت نعيط ل بابا يجي يديني وراك عارف صولد مكاينش 

زكرياء: مزلوطة كيف ديما هاكي عيطي من بورطابلي 

انا : شكراا بزاااف

عيطت لبابا وبقا زكرياء واقف معايا حتى جا بابا 

غير وصلت للدار طلعت ل بيتي وبقيت كنبكي حسيت بواحد الاحساس غرييب عمري حسيتوا وبقيت كنتفكر اول نهار غنمشي ل ديك ليسي ومعارفة والو ودخلت مع قسم ديال لباك وانا غي اولى ثانوي وتفكرت نهار حصلاتني المديرة منوضة الحيحا وشحطاتني بقيت كنبكي حتى نعست ماتسحرت ما والو هبطت للتحت لقيت بابا وماما باركين غي شافوني سكتوا 

ماما : بنتي فقتي

انا : علاش مفيقتونيش للسحور

ماما : عينا منفيقو فيك ونتي حلفتي لا فقتي

شفت ف بابا لقيتو كيشوف فيا وكيضحك

شفت ف ماما باش نقول ليها هادا مالو لقيتها حتى هيا كتشوف فيا تاهيا وكضحك

انا : اويلي هادو مالهوم اش كاين مالكوم كتفرنسو

بابا : استاذك ديال الفلسفة ظريف الله يعمرها دار

غي سمعت استاذ الفلسفة قلبي بدا تيضرب بجهد و لكن مبقيتش نبين ليهم

انا : معرت منين جاتو ظرافة

بابا : ورا عيط لينا

انا : كيفاش عيط ليكم

بابا: مالك وليتي حمرا ههه

ماما : متحشمش ليا بنتي وجيها نيشان

بابا : هههه .....


 

انا : علاش مفيقتونيش للسحور

ماما : عينا منفيقو فيك ونتي حلفتي لا فقتي

شفت ف بابا لقيتو كيشوف فيا وكيضحك

شفت ف ماما باش نقول ليها هادا مالو لقيتها حتى هيا كتشوف فيا تاهيا وكضحك

انا : اويلي هادو مالهوم اش كاين مالكوم كتفرنسو

بابا : استاذك ديال الفلسفة ظريف الله يعمرها دار

غي سمعت استاذ الفلسفة قلبي بدا تيضرب بجهد و لكن مبقيتش نبين ليهم

انا : معرت منين جاتو ظرافة

بابا : ورا عيط لينا

انا : كيفاش عيط ليكم

بابا: مالك وليتي حمرا ههه

ماما : متحشمش ليا بنتي وجيها نيشان

بابا : هههه واخا را عيط لينا وقال ليك غادي يجي مور رمضان هو وعائلتو الا قبلتو

درت راسي مكلخة

انا : و اش باغي يجي يدير 

ماما : يخطب 

حدرت راسي وطلعت كنجري لبيتي 

عيط لي مهدي

انا : الو 

مهدي: مبروك

انا : مبروك اش تاني 

مهدي : الخطبة

انا : تا اشمن خطبه

مهدي: وايلي را شفت زكرياء وقال لي عيط لداركم و هدر معاهم 

انا : هاداك غير تيخربق اصلا كاعما نتزوج ب هاداك

مهدي : وباز لوجهك نتي مكرهتيش تزوجي بيه ليوم قبل غدا 

انا : انا اصلا مزال صغيرة

مهدي : صغيييرة هههه وتي نودي قدك ف شلوح را ولاو جدود (مع احترامي للامازيغ )

انا : صافي سير بعد مني حتى نتا 

وقطعت 

انا : وهادا منين جاب نمرا ديال دار بعدا اه لبارح فاش عيطت من بورطابل ديالو اخخخ اخيييرا حلمي تحقق وفارس احلامي غيولي راجلي وااااو وقفت وبديت كنقز فوق ناموسية 

داز رمضان وجا نهار لي غيتعرفوا فيه العائلات

انا كنت مخبية ف بيتي وحشمانه كنتسنا الادن باش ندخل

كنت كنفكر نهرب ف ديك اللحظة بالحشمه هههه

شويا جات عندي ماما باش ندخل صينية زعما ونسلم عليهم سلمت على ماماه و سلمت على الاب ديالو وبست ليه راسو وكان حداه زكرياء ومع الحشمة والدوخة والخلعة بست ل زكرياء راسو هههههه

عاد وعيت ب اش درت شفت فيه لقيتو حمر وتيفرنس مشيت كنجري تخشيت حدا ماما وحابسه دموع مكرهتش تشق الارض وتبلعني 

شفت فيهم لقيتهم كلهم تيضحكو سيلونس كيبانو ليا غي كيتهزو 

داز داك نهار وحددوا موعد العقد ومن تما نمشيو لشهر العسل تافقنا مانديروش لعرس غي حفله صغيره فيها العقد وكلشي 

وصل اليوم الموعود داوني بنت عمي و بنت خالي للصالون حيدولي احم احم ههههههه ودارولي حمام بخار مدرتش ل ميك اب من غير قلم كانوا حناكي مزنكين ب حمام بخار صراحة عجبني راسي بزاف 

مشينا للدار لقيت لعدول بارك مع رجاله كتب لكتاب وخرج كلشي وخلاوني مع زكرياء بوحدنا يلا كنت باغا نتبعهم وهو يشدني من ايدي وبركني وحيد ليا زيف متصرطاتش ليا يحيد ليا زيف يلا غادا نبدا نغوت وانا نتفكر را ولا رجلي دابا ..

وخرج كلشي وخلاوني مع زكرياء بوحدنا يلا كنت باغا نتبعهم وهو يشدني من ايدي وبركني وحيد ليا زيف متصرطاتش ليا يحيد ليا زيف يلا غادا نبدا نغوت وانا نتفكر را ولا رجلي دابا 

هو كيقرب ليا وانا كنبعد مقدرتش نصبر وبديت كنبكي ليه مبغيتش نسكت عيط ل بنت عمي داتني ل بيتي حتى سكت وجا عندي

زكرياء: حبيبه مالك خفتي مني

مجاوبتوش انا غي حادرة راسي مقدرتش نهدر اول مره يشدني شي ولد من ايدي اول مره نسمع كلمة حبيبة .

زكرياء : مالك حشمانه مني 

انا تقسدرت شويا : مالقيت من شكون نحشم الله يستر

زكرياء: ههههه وهادي هيا شيماء لي كنعرف لسانها طول منها 

بديت كنعيب فيه 

غفلني ولد لحرام و باسني 

انا : تفوووو حقييير خديتي ليا اول قبله

زكرياء : على بسلامه لمن كنتي باغيا تخليها 

انا : بعد مني دابا خرج باغا نرتاح 

زكرياء: رتاحي ف دارك دابا جمعي حوايجك را غنشدوا طريق دابا 

خرج هو ودخلوا بنت عمي وبنت خالي وجات معاهم رجاء جمعوا ليا هوما حوايجي 

صافي جا موعد الفراق ودعت الاهل ديالي وخوتي ب دموع مسخيتش بيهم 

بابا حبيبي كان تيوصي ف زكرياء وتيقول ليه تهلا را هيا لي عندي عمرك تبكيها الا بكيتيها غادي تلقاني قدامك انا 

هاد الهدرة فينما كنتفكرها كنبدا نبكي

صافي ركبنا ف طوموبيل وشدينا طريق لمراكش

وصلنا اخيرا .الاخ ديال زكرياء كان حجز لينا سويت هدية ديال الزواج 

غي دخلنا تلاحيت فوق نموسية ونعست وخليتوا

فقت صباح لقيت زكرياء ناعس فوق لفوتاي مسكين مشيت بقيت كنبررط فيه حتى فاق

زكرياء: هادا هو الجزاء ديالي حيت خليتك مرتاحة ونعست هنا وجايا تبرزطيني من الفوق

انا : هههههه غزيت فيك مهم انا غنمشي ندوش دابا 

حليت لابليز وتصدمت لقيت غي حوايج قلالين لحيا وحوايج ديال لخروج معرفت مندير قلت ماعندي مندير هزيت واحد شوميز ف لكحل ودخلت 

مني ساليت لبستها وقفت قدام لمرايا صراحة جيت بوكوصة هههههه ومقديتش نخرج حشمت لبست لبنوار وخرجت 

زكرياء: مالكي لابسه هاداك

انا : ونتا مالك

زكرياء:ههههههه

انا : ولاش كضحك دابا

ناض عندي وحيد لي لبنوار وبقا كيشوف فيا بان ليا سيد ولا حمر و ههههه

دوزنا ديك 7 ايام ورجعنا ل مدينتي وبدينا حياتنا كزوجين و انا دخلت نقرا الفندقة 

اه نسيت خرجت ديك صورة لي هاز الكرعة فوق راسوا وعلقتها وسط الدار هههه

وراه كيسلم عليكم وتيضحك عليا حيت عرف بلي كنت مزعوطة فيه يامات ليسي..

النهاية نتمنى تعجبكم القصة 🤩🤩

قصص أخرى 🔻 : 

تعليقات

🟢 عيد مبارك سعيد عليك و كل عام وانت بخير ❤