القائمة الرئيسية

الصفحات

قصتي مع الحب الحقيقي - قصص وروايات مغربية بالدارجة

 

قصتي مع الحب و الرونسية مع حبيبي


قصص مغربية بالدارجة 2023 جديد قصص و حكايات الرعب و الرومانسية قصص بوليسية و قصص هورنوغرافية و أيضا قصص كوميدية , نقدم لكم قصص مغربية كاملة بطريقة مميزة و مرتبة و محدثة باستمرار


قصتي مع الحب 

قصتي مع الحب المغربية

قصص حب و رومنسية مغربية بالدارجة 

 
هاد اليوم نتاقلات ريم من التعليم العمومي للتعليم الخاص و مشات تتعرف على الاصدقاء لي معاها فالقسم كانت فالسنة الاولى اعدادي

نسرين بنت طويلة بيضة حروفها كحلين خلاصة القول كتحمق المهم دخلاتها المديرة عرفاتها على التلاميذ و مشات تشوف شغالها فالادارة و معا نسرين تبارك الله اجتماعية فظرف نصف ساعة تعرفات على القسم كامل دراري و بنات و دارت بلاصتها بينهم من بعد حسو بالملل خصوصا و ان القراية باقا مبدات قتارحات واحد البنت العبو لعبة الصراحة(المسطرة) متجي غير ف نسرين و وائل (ولد زوين و طويل و بيض شعرو عسلي و عويناتو قهويين) ااااااه انسرين اش غنسولك ممممم كفاش نتي فضولية و كديري بلاصتك دغية! نسرين تعصبات اناا فضولية اوا سري
لي جيت هضرت مع متخلف بحالك
اناااا متخلف ياااك ؟
اه متخلف حيت هادي لي كتسميها نتا تفضوليت كتيما الافتاح المتخلف
وائل تعصب كفاش نعتاتو بمتخلف اما نسرين مع رقيقة و حسااسة دغيا بدات تبكي هزات صاكها و هبطاط و مشات لطواليط بقات كتبكي غير بوحدها و من بعد عيطات لخوها الكبير جا داها بعد ما غسلات وجها
اما وائل بقا حتى داه النقل المدرسي و صورة نسرين  محيداتش من بالو و هي كتبكي كفاش قدر ابكي هاد الملاك!
الغد فالصباح وائل تنادم معاه الحال و جاي اطلب السماحة منها لكن عي على العكس تماما جايا و كلها ثقة فراسها بلي غتندم "المتخلف"لي نعتها بالفضولية
وائل: صباح الخير
نسرين: معايا اخويا؟ (و دارت الليزيات ف ودنيها و خلاتو هاضر غير بوحدو و مشات)
وائل تعصب بزااااااف و اعلن ااحرب عليها
و من هداك اليوم مستحيل يدوز سي نهار بلا متنوض المداحسة بيناتهم بزوج ديما الصداع و المساكيل على اتفه حاجة لكن اللب مكان كيعرفو تاواحد هو انا هادي هي طريقة وائل في التعبير عن الحب و خسارة نسرين مكانتش كاتفهمو و كان اسحاب ليها هي حب من طرف واحد و اجمل حاجة انه كاي كيعايرها و مكيخلي لي عايرها يهدر فيها و ميخلي لي هدر فيها لكن هو عرف كفاش اخبي مشاعرو عكسها هي كانت دغيا كتبكي و دغيا كيبان ليها كلشي ف عينيها
سالا العام و نتاقل وائل من المدرسة الخاصة لاسباب مادية اما نسيرن فكملات قرايتها 3 سنين و من بعد قررات تنتقل لعمومي لان شهادة الخاص مكعتارفوش بيها المدارس هنا فالمغرب.
خلال هاد السنين هما بجوجهم عاشو قصص حب عابرة انا ذكرياتهم مع بعضهم عمرهم منساوها بقات ديما فالذهن ديالهم عمرهم نساو بعضياتهم الى ان شاء القدر بلش اجمعهم من جديد فالسنة الاولى باك مشات نسرين باش تشوف لاليست لقات اول اسم هو وائل !!! بدا قلبها كيضرب فرحت و تعصبات فنفس الوقت حيت غيبقاو العام كامل مداربة و حيث غتزيد تتعلق
 غتزيد تتعلق بيه انما هو مني شافه اسمها بدا كيجري و كيغوت كيف الحمق و تاحد مفهم علاش و حتا حد ما حس بالفرحة الي فرحان

الجزء 2
الحب الاول لا يموت



اليوم الأول بالدراسة:
هنا فين تلاقاو الابطال ديالنا هو مني شافها طار عقلو وبقا سارح ف الجمال ديالها كيفاش هي بهاد النعومة لابسة كسيوة زرقا طويله و ڤيست بلو مارين مشيكة ومستورة فنفس الوقت اما شعرها الاسود الطويل مطلوق على راحتو بطريقة كتحمق كانت كتهدر معا صاحبتها ومني شافتو جمدات مبقاتش كاع تتحرك عينيها غير عليه وكانها ممتيقاش راسها باللي رجعات شافت وائل من بعد سنين ديال لفراق من بعد ستوعبات ان القدر شاء باش يجمعهم تاني وبتسمت ابتسامة ناعمة خلاتو بلا عقل قرب لعندها وقال ايها اواااه ميمكنش رجعت تلاقيت بالفضولية وضحك ضحكة واضحة فيها فرحتو
حتا هي ضحكات وعرفات باللي حتا هو بحالها ما نسا والو وجاوباتو ايوا شفتي معندي مندير غنضطر نتحملك المتخلف ضحكو بجوج وسترجعو ايام كانو ديما مداربين الحياة السعيدة كيف كنقولو فرحتهم هوما بجوج مكتوصفش ستاذنات منو نسرين تعيط لصاحبتها اللي تعطلات عليها غير هي مشات وهو يجي يوسف (ولد بلق طويل وزوين وشعرو زعر او متفرقش بينو و بين الگاوري) فين اصاحبي وائل ضحك وائل وقالو يوسف دابا من اللخر اش باغي قالو صاحبي مكاين منخزن عليك هاديك البنت منين وانا كنتبعها ومعبراتنيش ومعطاتنيش وقت مكانش كيسحاب ليا كتعرفها اصاحبي اوما نقول ليك تعرفني عليها من شحال هادا شوف خوك انا ها العار لما عرفني عليها
وائل بقا مشوكي معرف ما يدير واش يعرفهم على بعضياتهم ويستيلم للامر الواقع ويخلي ليه فجوة منين يدخل اولا يخسر معا صاحبو او يخوي بيه هنا بدات راجعة نسرين وائل ياله نمشيو صاحبتي مغتجيش اليوم ! قاطعها يوسف بان ليك غير وائل قولي غير السلام بعدا
هي عرفات كيفاش تعامل مع الموقف جاوباتو السلام وبسلاما او غادا ندي منك وائل جراتو او مشات هو فرح بزاف اولا حيت معطاتش ليوسف فرصة تانيا حيت فينما مشات كتبغيه يمشي معاها وكانه سندها اللي كتحاما بيه قدام الناس الشي اللي خلا وائل يحس برجولتو او ما خلا حتا حد يقرب منها ولا يقلقها لكن يوسف مقرر باش ياخذها من بين ايديه
مشاو الابطال ديالنا دخلو للقسم وكانت جالسة نسرين حدا وائل لانه هو الوحيد اللي كتعرفو من بين التلاميذ اللي جاو لحد الان دخل يوسف شافهم متفاهمين معجبوش الحال وحط نسرين هدف بين عينيه ماشي حيت كيبغيها وانما باش يتبث لوائل انه حسن منو
يوسف : اش فيه هادا اللي تموت عليه وتفظلو عليا انا غادي نوريكم بزوج

 الجزء 3

هز تليفونو و تصل ب صوفيا (بنت منحرفة و متخصصة ف النصب علئ الرجال اتخذات هاد الشي مهنة وحتارفاتها ) الو صوفيا عندي ليك بلان واعر
صوفيا : عاش من سمع صوتك صافي دغيا نسيتينا ونسيتي لعشرا
يوسف : وا باراكا من التلوعيب او سمعس اش غنقول ليك
صوفيا : الله يسمعنا خير واخا نتا كتفكرنا غير ف وقت حاجتك هانية ماشي موشكيل كولشي يهون على ودك ازين ديالي
يوسف: عندي ليك واحد الڤيكتيم واليديه لاباس عليهم ويقدر يعطيك اللي حليتي عليها فمك خصك غير تعرفي كيفاش طيحيه وا كوني لاله و مولاتي
صوفيا : ويلي باغي توريني خدمتي راه صوفيا هادي واجرك ع الله منخسرش عليه كتر من المكياج و بكية فلاش حتا نطيحو ليك قول لي اش سميتو او واش غير ف الليسي ديالنا؟
يوسف : سموتو وائل جي عندي ليوم مع الربعة غيكون معايا او نعرفك عليه ونتي كملي صافي!
صوفيا : تافقنا
يوسف عرف كيفاش يشعل العافيا ومع الربعة جات صوفيا ولقات نسرين و وائل و يوسف واقفين قربات ودارت راسها متفاجأة وااااااو يوسف لاااا ميمكنش لاباس عليك فين غبرتي عام هادا ما بنتي
يوسف جاوبها غير مع لقرايا او مبقيتش فنفس الليسي اجي نعرفك هلى اصدقائي هادا وائل صاحبي مني كنا صغار وهادي نسرين كتقرا معايا جاوباتو متشرفين و قال ليهم ان صوفيا صديقتو مني كنو صغار او باللي عزيزة عليه بزاف ...
صوفيا حاولات تكسب نسرين وقربات منها او تبادلو النوامر وبقاو اون كونتاكت من بعد تافقات مع يوسف باش يلاهي نسرين او تبقا ليها فرصة باش تهدر مع وائل او فعلا لقات فرصة كان بوحدو مشات كتبكي عندو شافها ف ديك الحالة تخلع مالكي ياك لاباس هي مجاوباتوش وغير كتبكي حاول يعرف مالها قالتلو انتا سباب انتااااا اللي معذبني انا كنبغيك بزااااف بزاااف ادرجة مكنقدرش نغمض عيني بالليل انا كنبغيك اوائل فاش شافها فديك الحالة حاول يهدنها حيت بقات فيه معرفش انها لفعة ممثلة !!!
 كنبغيك اوائل فاش شافها فديك الحالة حاول يهدنها حيت بقات فيه معرفش انها لفعة ممثلة !!!
باش تتهدن قال ليها نمشيو نشربو قهيوة علا لبحر هي مني سمعات هاكا قالت خصني نغتنم الفرصة
او فعلا مشاو ل كافي شيك على البحر قالتلو دقيقة نقاد مكياجي ونرجع مشات قاداتو و تصلت ب يوسف عاودات ليه اشوقع باش هو يتكلف ب نسرين مشا قال ليها انه خايف على صوفيا حيت دارت علاقة مع وائل او هو خايف حيت وائل متعود يتفلا على لبنات او صوفيا بحال ختو ميبغيش ليها الحاجة الخيبة
نسرين بقا فيها الحال بزاف و واعدات يوسف باللي غادة تهضر مع وائل باش يبعد على صوفيا خرجات من الليسي مع الستة خدات الطرام ومشات للدار ياله هزات التليفون و هي تبدا صوفيا كتصوني جاوباتها وقالت ليها الو نسرين عندي ليك خبار زوينة بزاف وائل عتارف ليا بحبو وعرض عليا ف واحد الريسطو على جنب البحر انا غادة نطير بالفرحة دخلي لواتساب نرسل ليك تصاور اللي تصورنا
دخلات رسلاتهم ليها شافتهم طفات تيليفونها وبقات كتبكي علاش مني رجعات لقات حبيبها يطير من بين ايديها علاش!! سدات بيتها ونعسات فالصباح جات ماماها تفيقها قالت ليها باللي مريضة او مغتمشيش تقرا
مني ماجاتش للقسم وائل تخلع عليها علاش مجانش كون كانت مريضة اولا شي حاجة كون علماتني قبل ناااري عنداك تكون وقعات ليها شي حاجة كان كيف لحمق كاع الاقتراحات طاحو ليه ف بالو اما يوسف عرف اش كاين او هادي هي فرصتو باش ياقرب منها
مشا للحي فين كتسكن او طلب واحد البنت باش تعيط عليها فالداو او تعطيها واحد الوريقة صغيرة مكتوب فيها "عقلي كاد أن يجن و أنا لا أستطيع أن اعرف عنك أي خبر أتوسل إليك أن تفتحي هاتفك لبضع دقائق" يوسف
فهمات باللي يوسف معجب بيها او يقدر كاع يبغيها وتمنات كون وائل هو اللي جا عندها ودار هاد الجيست اوووف
شعلات تليفونها و عيطات ل يوسف
نسرين : ألوو
يوسف: ألوووو نسرين مالك ياك لاباس! خلعتيني عليك! ياك مجاري ليك والو ياك قولي ليا طمنيني!!!
نسرين : تهدن انا غير فيا شويا سخانة و صافي قلت نرتاح قبل منرجع للقراية
يوسف : على الاقل علميني متخلينيش هاكا
(هنا فكرات نسرين باللي خاصها تندم وائل على هاد الشي اللي دار)
نسرين : يوسف بغيت نمشي نشرب قهيوة حدا لبحر او مكرهتش تونسني
يوسف : نتي آمري او انا ننفذ
هي دارت هاد اللشي كامل باش يحس هو بهاد اللشي اللي دار او يذوق من كاس المرار اللي ذاقت منو
خرجات معاه كانت انيقة كيف العادة او غير كضحك لكن ماشي من قلبها بطبيعة الحال فكرت انها هاكة غادة تجرح مشاعر يوسف معرفاتش ان الحيوان واخدها غير لعبة او مصمم انه ينجح
داز العام بسرعة و نسرين كتحاول ما امكن تتج
المسافات لا تعيق الحب

نسرين مقدراتش كاع تنساه الخطاب عليها كل يوم مكتقبل حتا واحد . بقا الشبح ديال وائل ديما عايش معاها
اليوم نسرين غادة تلتحق بالشركة اللي سنات معاها عقد لمدة خمس سنوات
لتحقت بالشركة شافت الأمين العام علا ود الوراق ديال الصالير او دازت عند الكاتبة باش تعرف المكتب ديالها فين كاين فهاد الشركة لكبيرة لكن قالت ليها خاصني ندخلك عند مدير الشركة تتعرفي عليه قبل ما تبداي الخدمة قالت ليها اوكي علاش لا
حلات الكاتبه الباب ودحلات وبقات نسرين برا كتسنا حطات ليه الكاتبة الملف ديال نسرين او ماداهاش فيه حيت كان مشغول مع البيسي كيدخل شي ارقام غير دخلات وهنا كااااااااانت الصدمة شافت وائل مرا اخرا لااا مايمكنش هادا وائل هو مدير الشركة الي انا سنيت معاها عقد خمس سنوات الله يا ربي على حصلة
بقات كتشوف و وائل باقي حاني رادو على البيسي قالت ليه الكاتبة سيدي هادي هي المهندسة اللي تعينات معانا فالشركة هو بلا ميهز راسو قال ليها اه مرحبا تفضلي الالة جلسي وانتي سيري كملي شغالك
مشات الكاتبة وهو باقي مهزش راسو وقال ليها تفضلي علاش باقة واقفة مجوباتش بقات ساكتة و مجلساتش او هو يهز وائل راسو شاف قدامو الانسانة اللي بغاها من كل قلبو والحزن ف عينيها وحادرة راسها للارض مكتشوفش فيه وهوا بقا كيف المصدوم مفهم والو
مني ستوعب انه القدر مرة أخرى ناض بالزربة من كرسيه لعندها قال ليها نتي فين كنتي عرغتي شحال قلبت عليك نسرين انا ...
قاطعاتو : سكت متقول والو هادي بلاصت الخدمة وانا جيت لهنا باش نخدم لا غير
وائل : لكن انا كنبغيك
نسرين : وأنا كنكرهك
وائل : علاش اش درت ايك اللي تعامليني هاكا
نسرين : (كبريائها منعها باش تقول ليه ان صوفيا السبب) والو غير فقت واحد النهار ولقيت راسي كنكرهك من كل قلبي صافي
وائل : حرام عليك ديري ليا هاكا أنا هاد الخمس سنين دازو عليا عذاب ف الغربة مفارقتيش خيالي دقيقة وحدة ديما كنفكر فيك وكنطلب الله يلاقينا مرة اخري باش نقول ليك هاد الشي اللي فقلبي وإلا كنت غنعيش الباقي لي فحياتي كئيب وصدقيني عمرني مكنت غادي نبغي شي وحدا من غيرك تيقي بيا
نسرين : ايوا هاد الشي اللي عطا الله
وائل : نسرين قولي ليا علاش كتعاملي معايا هاكا اش درت ليك قووولي متبقايش خازنة ف قلبك
نسرين : نتا مدرتي ليا والو انا غير كنحاول نبقا مخلصة لخطيبي و صافي ( وائل مني سمع كلمة خطيبي مصدقش او بقا جامد فيلاصتو ونزلت دمعة صغيرة من عينو مسحها دغيا باش متشوفهاش نسرين)

وائل : خطيبك !
نسرين : اه خطيبي ! آش كيحساب ليك غنبقا نتسناك خمس سنين علا والو ! آش عرفني باللي غادي دير علاقات او تعيش حياتك او لا تتزوج نتا كاع ! نتا غير هنا فالمغرب او مكاين غير الله يعطيك صحيحتك كنتي مكتزگاش وغير فالليسي فما بالك مني تمشي لفرنسا (هنا فهم وائل آش واقع لكن متوقعش ان صوفيا تكون هي سبب المشكل هادا كامل )
وائل : نسرين! انا عرفت معنى الحب ملي عرفتك نتي ، ومن يوم معرفتك اقسم بالله مهزيت عيني فشي بنت اخرى ، كنتي كلشي فحياتي
نسرين : ايوا هانتا قلتيها كنت!!
وائل : او باقا او غتبقاي واخا يوقع اللي وقع
نسرين : نتا غير كتحلم أنا مخطوبة دابا وقريب العرس (خرجات نسرين وخلاتو كيف الحمق اللي جات فطريقو كيهرسها )

مشات نسرين لي طواليط وگلسات كتبكي ومنهارة علي الآخر بالبكاء
سالات الخدمة وصونات نسرين على ولد خالتها محمود ( ولد ظريف طويل بزاف وعريض بزاف ههه عندو لاصال ديال كمال الاجسام او غير فورمتو توريك ! عنوانو الأناقة ديما مأنتك)
نسرين : الو محمود
محمود : الو ختي نسرين لاباس
نسرين : لا !
محمود : مالك اش واقع ياك لاباس!! نسرين : ليوم اول يوم ديال لخدمة ديالي او وقعو ليا بزاف ديال لحوايج خايبين او بغيت نهدر معاك مكرهتش تجي عندي للشركة باش توصلني للدار او نهدرو فالطريق (محمود هو صندوق اسرار نسرين كتعاود ليه كولشي او عارف حتى القصة ديال وائل )
وصل محمود ورسل ميساج لنسرين قالها نزلي انا ف بابا الشركة
اما وائل مان طامع يوصلها وراد البال معاها غير تبغي تخرج يقول ايها نوصلك باش يستغل الفرصة او يهدرو
بدات نسرين غادة او هو يوقفها وائل
وائل : نسرين ! بلاتي حتا نوصلك بلا متسخسخس ف الطاكسيات
نسرين : وشكون قال ليك غنتسخسخ فالطاكسيات ! خطيبي لتحت كيتسناني بسلامة!
وائل ضرب ايدو مع الحيط حتا توعت ومشا كيطل عليها من شرفة النافذة حتا طلعات مع محمود لطوموبيل
نسرين غير طلعات عنقات محمود وبقات كتبكي
مني شافها وائل تعصب وقال باللي صافي حب حياتو ضاع من بين ايديه
فهاد اللحظة محمود كيحاول يهدي نسرين تهدني اش وقع اللي مقلقك لهاد الدرجة غير وريني اللي قلقك او انا نفرجك فيه
نسرين : مدير الشركة هو وائل
محمود : اشنووووووو!!!
نسرين : اه وائل اللي بغيتو مني كنا صغار
محمود : ايوا يا لحمقة خاصك تفرحي ماشي تبكي وديري كاع هاد الحالة
نسرين : نفرح! نسيتي اش دار فيا ! نسيتي صوفيا امحمود ايلا نسيتي انا عمرني مننسا
محمود : يا هاد لهبيلة ! صوفيا كانت مرحلة و دازت
نسرين : لاااا هو خرج معاها وكان كيبغيني انا اذن غيديرها مرة وجوج وتلاتة انا منتحملش يكون مع وحدة اخرى
محمود : وااا نسرين ديري عقلك هانتي قلتيها متستحمليش تشوفيه مع غيرك
نسرين : صافي انا ره قلت ليه باللي مخطوبة
محمود : اشنووووووووووو
نسرين : هاكا غيعرف المعني ديال تشوف شي حد كتبغيه مع واحد اخر
محمود : نسرين اش هاد الفعايل ذيال لبراهش! فيقي
نسرين : ونزيدك فاش كنت هابطة قال ليا نوصلك وقلت ليه باللي خطيبي جا باش يوصلني وعلى الاغلب كان كيطل من السرجم
محمود : ولايني راك حمارة ! كيفاش قدرتي تتلاعبي بمشاعرو؟!! ونتي زعما حنينة او مكتقدريش تشوفي شي حد كيتالم بلا متعاونيه وديري كاع جهدك
نسرين : وهو شحال تلاعب بمشاعري !!
محمود : قواي غير الحقيقة وفين بغات توصل توصل
نسرين : لااا غير خليه
محمود : دبري راسك نتي راسك قاصح المهم انا مغنسايركش
 محمود : دبري راسك نتي راسك قاصح المهم انا مغنسايركش ف كدوبك غير باش ديريها ف بالك
نسرين : اه اه عرفناك مكتكدبش !
محمود : نسرين اش بان ليك نظربو دويرة ونسهرو شوية عاد نديك للدار
نسرين : لا اخويا والله معندي الخاطر
محمود : والله لا ديتك للدار ياله هههههه
نسرين : هههههه وا لحمق راه مفيا اللي يخرج والله (محمود جبد تليفونو و تصل ب مامات نسرين (خالتو)
محمود : الو خالتي لحبيبة

مامات نسرين : الو ولدي لغالي
محمود : لاباس عليك
مامات نسرين: الحمد لله
محمود : خالتي لعزيزة هاهي نسرين معايا غادي نضربو دويرة او نتعشاو برا او نوصلها حتال باب الدار متقلقيش عليها
مامات نسرين : واخا اولدي ماشي مشكيل
نسرين : هههههه والله معندك لعقل
محمود : وا غير مني ضحكت ليا ختي الصغيورة هاد الضحيكة باراكا عليا انا
مشاو نشطو مزيان ضحكو نعشاو او مداها للدار حتا لديك 12 د ليل
الصباح مفاقتش بكري و تاصلات ب محمود يجي يوصلها باش متعطلش بين الطرامواي و نيت ميصيبش وائل السبك فين يزعف عليها
داز عليها محمود للدار و وصلها للشركه غير هي طلعات او محمود بغا يمشي و قاصو شي حد بالطوموبيل من اللور
نزل باش يشوف اش واقع لقاه وائل محمود معرف ما يقول حدر راسو او بغا يمشي تجنبا لاي سؤال من وائل حقاش محمود ممستعدش يكذب
لكن وائل حبسو وطلب منو السماحة وعرض عليه باش يصايب ليه الخدش ديال السيارة لكن محمود قالو بان الخدش بسيط ومايستاهلش
حاول يتهرب لكن وائل حبسو وقال ليه : بلاتي نتا هو خطيب المهندسة اللي عندنا ف الشركة
محمود بقا ساكت مقال ليه والو
وائل : سمح ليا عافاك او تكاليف الاصلاح غادي نحولهم لخطيبتك
محمود : لا متحول ل نسرين والو مغنرضا ناخد من عندها حتا حاجة
وائل : نتوما مخطوبين وقريب تتزوجو مخاصش يكون بيناتكم محاسبات
محمود : وا صافي مني وقفتي ونتا مخطوبين مخطوبين هاديك واها غير بنت خالتي وقالت ليك هاكاك باش تاذبك على هاداك الشي اللي درتي من مورا ظهرها
وائل : اش درت
محمود : والو غير درتي علاقة مع صوفيا او نتا عارفها كتبغيك
محمود ركب طوموبيلتو ومشا معصب)
وائل وأخيرا رتاح وعرف اش واقع واهم حاجة انها ممخطوباش وباقا كتبغيه
ديك الساعة وائل عيط للواليدة ديالو
وائل : ميمتي حبيبتي لباس عليك
ام وائل : لاباس اوليدي هه راك فرحان اش كاين
وائل : غدا غتمشي معايا نتي و الواليد نخطب
ام وائل  طلقات زغروتة طويلة وفرحات حيت كانت امنيتها تشوف ولدها الوحيد مكون اسرة ) واخااا وليدي واخا انا دابا نبشر الحاج او نشري داك الشي اللي خاص او نمشيو
وائل اعلن للشركة ان يوم الغد غادي يكون عطلة ميجي حتا واحد
وائل مشا تقدا كوستيم كلاص باش يمشي يخطب او تافق مع محمود قالها لخالتو او حاصرو نسرين ف الدار باش متخرش
مشا وائل و عائيلتو للعنوان اللي ف الملف ديال نسرين
دقو دخلو مع ديك لعشرة د صباح جلسو شريو اتاي ف دار نسرين و نسرين مازال ما فاقت من النعاس غيو فاقت وهي تخرج ب بيجانتها و مشعككة
بدات غادة للطواليط او حيت الطواليط قريبة للصالون بقات كتشوووف شكون هاد الناس اللي عندنا وشكون هداك الولد اللي ع
 بيجانتها و مشعككة
بدات غادة للطواليط او حيت الطواليط قريبة للصالون بقات كتشوووف شكون هاد الناس اللي عندنا وشكون هداك الولد اللي عاطيني بالظهر
ام وائل شافت نسرين وبدات كضحك وهو يدور وائل غير شافتو نسرين و اللون تخطف من وجهها هادا اش كيدير فدارنا او علاش كيضحك اااه انا بهاد الحالة او ميضحكش دخلات بزربة لطواليط غسلات وجها و مشطات شعرها وخرجات بدلات حوايجها ومشات عند ماماها للكوزينة
نسرين: ماما شكون هادو
ام نسرين : هههه زعما معرفتيش شكون
نسرين : حشمات ولاكين اماما
ام نسرين : سيري لبسي قفطانك البيض ليوم غنتهنا منك ههههه عنقات امها وبداو كيبكيو
مع الفرحة نسات نسرين كاع واش هي مخاصمة مع وائل ونسات كولشي

جلسات كيف الأميرة و حشمانة و وائل كيضحك عليها
قال ليها باباها شوفي بنتي الناس الله يعمرها دار وحتا الولد مزيان او معندو حتا بلية او مافيه حتا حاجة تتعيب انا بعدا موافق لكن الكلمة لولا ولخرا كتبقا ديالك
حدرات راسها وقالت : اللي درتيه ابابا انا معاك
اب نسرين : لا متقوليش ليا اللي درتيه انا معاك جاوبي موافقة ولا لا
نسرين : موافقة
وائل : اففففف الحمد لله
ام وائل : سكت كون تحشم شوهتينا
وبداو كلهم كيضحكو
قراو الفاتحة او قال ليهم وائل مني هي موافقة غدا غنجيبو لعدول او نجيو او لعرس الشهر الجاي
نسرين : كيفاش غدا!
وائل : اه غدا
نسرين : علاش كاع هاد الزربة
وائل : هاكاك و صافي ( وغمزاها غمزة صغيرة كانه كيقول ليها مغنزيدش نتسنا منرتاح حتا نتزوك)
فعلا الغد ليه جاو واليدين وائل و غير المقربين من العائلة و خرجات لالة لعروسة لابسة تكشيطة بيضا منبتا بالأحجار واما شعرها ف دايرة ايه مشيطة الأميرات خلاصة القول الأعين كاملة عليها دخلو الناس للصالون والغنا و الشطيح والزغاريت و وائل بغا ايمتا خلاص يشوف حبو الأبدي دخلات وجلسات حداه و قال ليها فودنها لفضولية ديالي ليوم غنسرقك من داركم بالحلال وكنواعدك نعيشك احسن العيشة والموت بوحدو قادر يفرق بيناتنا ضحكات ضحيكة كلها نعومة و جمال بقا سارح فيها وقال ليها اش غنقول ليك نبيع اللي ورايا وقدامي غير نشوف هاد الضحيكة
جلس لعدول و نسرين و وائل حداه و "زوجتك نفسي على سنة الله و رسوله"
واخييييييرا وليتي حلالي حتا حد دابا ميقدر يفرقنا
الله يرزقنا جميعا الحب الحلال قولو امييين

النهاية ❤❤

عجباتك القصة خلي شي تعليق ماشي غير تقراي و تهربي هههه 
اختكم نهيلة سليمي ❤

تعليقات

🔴 ممنوع قراءة القصص المخيلة للآداب و أنت على صيام