القائمة الرئيسية

الصفحات

قصة خولة و جواد ( قصة زواج ) - قصص وروايات مغربية بالدارجة

 

قصة خولة و جواد ( قصة زواج ) - قصص وروايات مغربية بالدارجة

قصص مغربية بالدارجة 2021 جديد قصص و حكايات الرعب و الرومانسية قصص بوليسية و قصص هورنوغرافية و أيضا قصص كوميدية , نقدم لكم قصص مغربية كاملة بطريقة مميزة و مرتبة و محدثة باستمرار


قصة خولة و جواد 

قصة زواج مغربية

قصص زواج مغربية بالدارجة 

قصص مغربية بالدارجة عن الزواج


يلاااالالالاه نبدااااااااااو ههههه ❤❤ 
السلام وعليكم سميتي خولة فعمري 18 سنة انا بنت بحال كاع البنات كنتقاسم معاكم الاحلام الاماني الهوايات وكاع الحوايج لي يقدرو يعجبو اي بنت ,انا شديت الباك هاد العام ماقادراش على المسؤولية ديال القراية وبزز باش شديتو كيبان ليا غير كنضيع الوقت منلي بدات حياتي تربيت فعائلة محافظة عائلة كبيرة بالزاف حنا ميسورين والحمد لله ولكن النظام صعيب عندنا فالدار ممنوع على البنات الخروج والدخول كلشي خواتاتي لي كبر مني خرجو من الالاعدادي وتزوجو انا لي كنت صغيرة فيهم خلاوني شديت الباك بستة وستين كشيفة
انا بنت زوينة بالزاف وكانو البنات كيحسدوني على الزين لي عطاني الله بيضة وفورمتي زوينة لدرجة كاتجيب ليا المشاكيل فالزنقة شعري تحت ضهري حيت ممنوع نقطعو وعينيا كبار ما عشتش المراهقة ديالي بحال البنات ماكانش عندي الحق نبغي اولا نتعجب بشي حد حيت من صغري وملي حليت عينيا على هاد الدنيا و انا مخطوبة لانسان مكنعرفوش ارتبطت بيه فاش كت فكرش ماما وعرفو بلي غانتزاد بنت خطبوني لولد خالتي جواد ماكانعرف عليه والو من غير بعض الدكريات لي مازال كانعقل عليها فالصغر كان كبر مني بسبع سنين كانعقل كانت عندي ربع سنين كايصاوب معايا التمارين وكايديني للمدرسة ولكن فاش وصلات عندو 20 عام هاجر لامريكا يكمل قرايتو وبما ان عائلة خالتي كايسكنو فمدينة الرباط فماكانتلاقاوش واحد المرة فاش منت كنقرا فالسانكيام جا عندنا فعيد الفطر ومن تما ما شفتو غادي تسولوني علاش قبلت بهادشي نتزوج بواحد بدون الارادة ديالي بشخص مكنعرفوش فاش كيفكر ولا كيفاش دايرة نظرتو للحياة غانجاوبكم بلي معنديش اختيار عائلتي صعيبة بالزاف .فواحد النهار من شهر 6 قالوليا عائلتي بلي العرس غايكون فشهر 8 وبلي خاصني نوجد راسي حتى تجهيزات العرس والملابس الداخلية وكلشي ماما وخواتاتي الكبار لي ختاروه ماكانتش عندي دراية بدوك الحوايج كيفما كنقولو كنت رمانة مغمضة المهم الوقت داز بالزربة وانا مامسوقاش يعني ماشي بحال شي عروسة مابقاتليها غير سيمانة وتتزوج كنت طالقة السمطة ماعارفاش اش كيتسناني من بعد اوا شنو ندير حتا خطيبي ماكانش عندي الحق نهضر معاه اولا نشوفو بحكم التقاليد بابا كيقول مامن حقكم تلاقاو حتى تولي ديالو وكاع ديك الضسارة ديال الافلام معندنا منديرو بيها ... وصل النهار فاش غنكتبو كتابنا انا بطبيعت الحال وجدت راسي قبل داوني للحمام والكوافورا وكلشي ماكانتش الخدمة بالزاف حيت الله عطاني جمال رباني خالتي هدات ليا واحد التكشيطة زوينة فالبلون كاسي كلها منبتة باينة فيها غالية بالزاف وقالتليا نلبسها ونوجد راسي حيت العدول غايجي للدار وكانت هاديك اول مرة نشوف راجلي لي من شحال هادي كنسمع بيه غير فالحكايات ...
جزء 2
لبست التكشيطة طليت فالمراية الكبيرة لي قدامي وااااو هادي انا؟ وليت خطيرة حنيكاتي ولاو غوز بحمام البخار لي داروليا وشعري زاد كحال وقوا صراحة عجبني راسي بالزاف وحتى المكياج لي دارت ليا الكوافورة كان متقون مزيان ماسخيتش براسي تميت نبقا نشوف ولكن فديك اللحظة دقات ماما عليا وقالت ليا بلي الناس جاو وجواد كيتسنى كنا عارضين على العاءلة حيت هدا نهار ضريب الصداق ومازال العرس من بعد ماما فاش شافتني تغرغرو عينيها بالدموع واخا مبغاتش تبين وبقات كاتقرا عليا انا معارفاش باش منت كانحس احساس غريب احساس بالمجهول واخا هكداك كان فقلبي دافع قوي نشوف جواد درت الزيف ديالي لي جا منفوخ فوق المشطة ونزلت والعيالات كايزغرتو وكلشي فرحان واخيرا شفت جواد...تبدل بالزااااف اويلي هادا هو؟ كان كيبان بداك الكوستيم بحال شي ممثل طويييل وكتافو عرااض وجسمو رياضي وشعرو كحل و عندو لحية خفيفة انا تزنكت ومابقيت عارفا ماندير فداك الموقف انا دبت فديك اللحظة راجلي زوين بالزاف حمقني بعدا حمدت الله وشكرتو جواد كان حشمان حتى هو واخا هكداك بقا كيشووفيا واحد النظرات عندو كدوب اا متاكدة بلي حمقتو كتبنا كتابنا و مشاو الناس وقالينا بابا بلي عندنا الفرصة نهضرو شوية باش نتعرفو كتر على بعضياتنا غير دخلنا للبيت مشات ديك الحشمة لي كانت كاتبان عليه قرب مني وبقا كيشووفليا فعينيا انا دخت حشمت تمنيت مانكونش فداك الوقت هادا مالو غادي وكيقرب تخلعت وهو يجر ليا الزيف لي كنت دايرة على راسي فاجاني بالشجاعة ديالو جاتني البكية وقاليا"ماتخافيشا خولة انا دابا وليت راجلك ماخاصكش تحشمي مني "غير بدا يقرب وانا نعطيها للبكا وكانبكي بالجهد دارنا تخلعو وحتى هو مافهم والو قاليه بابا من الاحسن تعطيها وقت حيت حشومية بالزاف مشا فحالو وغير مشا تجمعو عليا خواتاتي وبنات العائلة كايمدحو فالجمال ديالو والشخصية القوية وكلشي انا ماكنتش مسوقة كانت فيا الخلعة بالزاااف كنت كانفكر فالنهار فاش غانكون بين يديه وانا معندي حتى ثقافة او خبرة
الجزء3
دازت سيمانة ووصل يوم العرس درناه فالفيلا ديال جدي كلشي العائلة حضرات والناس فرحانين كلشي كايزغرت ويشطح انا طلعت كانحمق فالعرس بشهادة الجميع جينا مواتيين حيت بجوج بينا اية فالجمال هو مرة مرة كايغمز ليا وكايضحك وانا شاداني التقفقيفة من ديك الليلة لي كلشي كايخلعني بيها بحكم ان عائلتي محافظة بالزاف ماكانش عندي انفتاح على العالم ماكنتش كانعرف شي حاجة سميتها ثقافة جنسية غير ان الراجل كيدخل بمرتو وكايخرج الدم وكاتعدب مسكينة وايلا ماخرجش الدم كايطلقها كانت ديك الليلة كاتبانليا بحال شي كابوس كانتسناه ايمتا غير يدوز على خير سالا العرس وركبت مع راجلي فالطوموبيل كان القرار ديال جواد ندوزو اول ليلة ديالنا فالباطو ليغانسافرو بيه لباريس ندوزو شهر العسل هادشي زاد وترني اكثر حيت اول مرة غانخرج من المغرب وصلنا من بعد ما ودعنا العائلة حسيت بواحد الاحساس مايمكنش نوصفو انا متاكدة بلي اي وحدة مزوجة هنايا غاتكون حسات بيه فارقت والديا وخوتي بالدموع تمنيت كون ماكبرتش كون بقيت صغيورة ديما حداهوم كان الحزن كايبان على وجهي فاش وصلنا لحدا الباطو نزلنا من الطوموبيل جا جواد وقف قدامي طلع ليا وجهي بيديه وقاليا "انا عارفك خايفة مني عندك الحق نتي ماكاتعرفينيش مزيان ولكن اخولة كنحلفليك فهاد الليلة باالي الايام لي غادوزيها معايا غاتكون اجمل ايام حياتك" وماعرفتش كيفاش دار جرني لعندو وعنقني قدام الناس قدام الباطو انا كنت غادي نطيح شميت الريحة ديال البارفان ديالو نفس الريحة لي كان داير نهار الزواج كنت كنوصليه لصدرو حيت طويل عليا بالزاف كنحس بيديه فوق ضهري المشاعر تخلطو عليا عمرني ماكان كيصحابليا بلي الزواج كايخليك تحسي بهاد الشي كامل بلي راكي فالحضن ديال واحد الانسان لي هو راجلك وانك ماكاديري حتى حاجة خايبة ايلا قربتي ليه كنت كانحس بالانفاس ديالو وهو معنقني وانا ساكتا قلبي كان غايخرج من بلاصتو
الجزء4
مافقت من الدهشة حتى طلعنا للباطو كان كبير بالزاف فكرني فالتيطانيك حسيت براسي زعمة كنعيش الرومانسيا ههه كان عامر بالناس اكثرية ديالهوم نصارا حسيت شوية بالارتياح حيت ماكايناش بوحدي كان جواد شاد ليا يدي ولي داز كايشوفينا مشينا من بعد للغرفة ديالنا جابو البكاج و جلست فوق الناموسية نستارح عييت بالزاف داز عندي النهار طويل مازال الصوت ديال الغنا كايتعاود فودني تكيت فوق الناموسية علين مايجي جواد وبقيت كنفكر تفكرت ماما مسكينة و بابا تفكرت خوتي تفكرت المشيشة لي كانت حاملة مربيينها فالجردة انا لي كنت كانوكلها فكرت وفكرت ومشيييت مع الافكار حليت عينيا مخلوعة بانليا الضو شفت الساعة لقيت الثمنية ديال الصباح تخلعت بالزاف نضت كانقلب راسي ياكما كاين الدم ههه وبقيت كانسول راسي شنو وقع بالليل واش زعما يكون غفلني ودار فيا مابغا و اصلا كيفاش دازت بيا عيني ونعست لالالا موحال الحوايج هاهوما مازال لابساهوم شوية تحل الباب ديال الدوش بقيت كانشوف جيهتو وانا نتصدم تاني بانليا جواد خارج كان خييير ياالله دوش ولاوي عليه فوطة شعرو فازك وكايبتاسم ليا انا دغيا نزلت عيني بالحشمة ضحك ليا وقاليا"صباح الخير حبيبتي احلى عروسة" مازعمتش نجاوب اولا نشوف جيهتو جا جلس حدايا طلعت فيه الشوفة كنت غانسخف الجسم ديالو بحال الممثلين لي كايديرو اشهار الشمبوان ههه صراحة حليت فيه فمي حتى عقت براسي ونزلت عينيا تاني شد ليا ادي وباسها وقاليا "عقلتي على البارح" وغمز ليا انا فديك اللحظة حسيت بالعرق كاينزل مني الباارح؟؟؟ يعني دارها بيا ولد الحرام قلت ليه "كيفاش؟ لا حشومة عليك اش داك نتا..." يالاه بغيت نبدا نبكي انا نيت على سبة و هو يططلق واحد الضحكة قليا "ههه لا ماتخافيش البارح داك النعاس قلت نخليك ناعسة اصلا كنتي كاتباني بحال شي ملاك ونتي ناعسة " عاد رتاحيت قلت مع راسي هادا باينة فيه ضاسر خاصني نجمعو مع راسة قبل مايضسر عليا وانا نتفكر تاني بلي راجلي دخت مابقيت عارفا مندير هادشي جديد عليا قاليا نوض ندوش ونبدل حوايجي علين مايجيب الفطور هزيت باليزتي ودخلت بيها للدوش دوشت وقاديت شعري فاش جيت نحل الباليزة تصدمة نسيت بلي جبت غير الحوايج ديال النعاس لي معريين وحوايج الخروج صافي يعني حتا بيجاما مستورة ماكاينا اوييلي زعمة نلبس هاد العجب ويشوفني هاكدا؟ هادا هو المسخ بعينيه
الجزء 5
بقيت حايرة اش نلبس اش منلبس خديت واحد لونسومبل ديال الخروج لبستو درت زيفي وتقاديت وخرجت لقيتو كايتسنا وتعجب قاليا فين غاديا قلت ليه مابغيتش نفطرو هنا تخنقت عافاك نخرجو على برا وانا اصلا دايرا هادشي غير باش مانلبسش شوميز دونوي قدامو هاهاهااي المهم بتاسم ليا و قاليا ليبغيتي جا قرب مني تاني وقلبي غايخر من بلاصتو حسيت براسي بديت كانولفو باسني فجبهتي والشوفة ديالو كاتدوب الصخر حتا انا بديت كانتفاعل معاه وبتاسمت ليه و انا ممتنة ليه حيت صبر عليا هاد الوقت كلو وما بزز عليا والو كانحس بيه كايعرفني مزيان وكيقرا الافكار ديالي المهم خرجنا حطولينا الفطور وتقابلنا مع البحر منظر يا سلام حسيت واحد الاحساس فشكل احساس زوين بالزاف حسيت بالامان وحسيت بلي كبرت مابقيتش ديك البنت لي تقدر تلعب فدارهم بحال شي بريهيشة وليت مراة مسوولة بقيت كنشوف فالبحر ضرت عند جواد لقيتو كايشووفيا قاليا"فاش كاتفكر الحبيبة ديالي " انا تزنكت تاني وحشمت وبتاسمت قلتليه"لا والو... البحر زوين...ايمتا غادي نوصلو؟" " قريب ان شاء الله ياكما عييتي؟""لا غير سولت وصافي" "خولة باش كاتحسي؟واش خايفة مني؟"ماعرفت مانقوليه بقيت ساكتةشوية وانا نقول"لا دابا مابقيتش خايفة " "نسيتي فاش كنا صغار كاطلبيني نكتب ليك الانشاء ونسيتي فاش عمي كايقوليك ماتكتريش الفانيد وكانشريه ليك بالتخبية؟" ههه هنايا تفكرت دكريااات تفكرت يامات الصغر حسيت لاول مرة بلي هاد الانسات لي قدامي كانعرفو من شحال هادي حسيت بالحب حسيت بلي ماباغياش نخسرو كانحمد الله حيت انا مزوجة دابا بجواد هو اول رجل فحياتي كنحمد الله لي ماخليت حتى واحد يتفلا عليا بهضرة خاوية ويواعدني بالزواج ويخوي بيا و استنتجت بلي واليديا فاش كانو كيمنعوني ندير شحال من حاجة ماشي حيت ماكيحملونيش بالعكس هوما خايفين عليا وعطاوني بيديهم لهاد الملك لي قدامي وشاد ليا ف يدي حسيت بلي الله كايبتسم ليا وراضي علينا انا وياه حيت ماكانديرو حنى حاجة حرام حسييييت بالزاف ديال الحوايج ... بقينا مجمعين داز الوقت دغيا مع حبيبي جواد لي وليت كانحس بيه قريب ليا غير من هاد السويعات القلال لي دوزت معاه عاودليا شوية على حياتو وعلى عيشتو فامريكا وبلي الجو تما والناس مختالفين بالزاف نسيت ماقلتش ليكم بلي جواد تخرج طبيب و قرر يحل العيادة ديالو فبلادو عرفت بلي راجلي شاب موح بالزاف دخل لبلادو وهاد معاه افكار ومشاريع ماسخيتش بالهضرة معاه وصلنا لفرنسا كان الليل مشينا لوطيل لي غاندوزو فيه اسبوع غير من الدخلة ديالو كايبان واااعر كولو ضواو غير حطيت رجلي فيه وانا نتفكر تاني ليلة الدخلة تفكرت شكايتسناني هاد الليلة شحال قدي مانهرب
الجزء6
طلعنا للبيت كنت خايفة ولكن فنفس الوقت فرحانة حيت كانحس بلي وليت كانبغيه بالزاف مايمكنش الوحدة ماتبغيش راجل بحالو سد الباب حيد الجاكيط ديالو وبحال ايلا قراالافكار ديالي قاليا" خولة انا غادي غير هنايا نشوف شي حاجة ونجي ماغانتعطلش خودي راحتك" " واخا انا غانتسناك ا جواد" اول مرة ننطق سميتو جاتني زوينة فاش خرج مشيت كانجري للحوايج كانقلب على مانلبس اميمتي اش هاد المصيبة كوولشي معري ومزندق عمرني تخيلت شي نهار نلبس هاد الخويطات لي معرفتش اصلا علاش داروهوم حرت شنو نلبس تفكرت هضرة ختي الكبيرة فاش كانو كايختارو ليا الحوايج قالت ليا بلي الرجال كايعجبهوم الحمر بالزاف باتليا واحد الشوميز حملة شفافة مع سترينك ديالها عجباتني صراحة وقلت نجرب لبستها تقابلت مع المرايا عجبني راسي انا كنت عامرة شوية ماقصيرة ماطويلة جا معايا الحمر بالزاف ديك لا شوميز كانت محلولة بالزاف من الصدر تخيلت شنو ردة الفعل ديالو فاش يشوف هاد المنظر حسيت بالانوثة ديالي وقلت مع راسي ماعندي لاش نحشم انا ايلا لبست هادشي ماشي غاندور بيه فالزناقي نعري لحمي لي يسوا ولي ميسواش انا غاندير هادشي لراجلي واصلا هادشي غانكسب بيه الاجر طلقت شعري ومشطتو درت وريدة فالجنب وبقيت غادية جاية قدام المراية عجبني حتى الجسم ديالي من بعد العنايات لي درت ليه والماسكات ولا رطب وبيض بالزاف مافيه حتى شعرة بقيت كانشووف شوية سمعت شي حد جاي عرفت بلي صافي خاصني نواجه الامر دخل جواد غير هز عينيه فيا وهو يوقف مابقاش تحرك تخلع اولا معرفت شنو بقا كايشووف خلعني قلت ياكما درت شيحاجة ولا يمكن غايقول مع راسو هادي مامادباش شوف شنو لابسة من نهار اللول حرت بغيتو يقول غير شي حاجة قربت ليه شوية شدني من كتافي حسيت بيديه باردين وقرب بشوية بشوية لودني قاليا "كنبغيك...كنحماق عليك"
جزء7
كلمة كنبغيك اول مرة كايقولهاليا شي راجل شفت فعينيه كانو كيضويو حسيت بالكلمة خرجات من قلبو زعمت شوية حطيت يدي ليمنة على قلبو بغيت نتاكد واش نيت كايبغيني واش بالصاح اولا غير كايتفلا قلبو كايضرب بالجهد شحال زوينة تحسي بالقلب دبال الرجل لكتبغي قرب تاني من ودني وقالي"انا كنت عايش فامريكا شفت شحال ديال البنات بكاع الانواع وعمرني حطيت يدي على شي وحدة كنت فاش كنشوف شي وحدة زوينة كايوسوس ليا الشيطان ولكن كنتفكرك كنتفكر حبيبتي خولة لي شفتها اول نهار فاش تزادت وقالوليا هادي غاتكون مراتك واخا كنت صغير ومافاهمش معنى الزواج كان عندي يقين فالله بلي ايلا صبرت على المغريات لي كنشوف كل نهار الله غادي يجازيني و الله جازاني بارق وانقى واجمل انسانة فالدنيا" انا مع ديك الهضرة لي قال مابقيتش حاسة بالدنيا حط يدو فوق شعري وباسني حسيت بلي غانطيح هزني وداني فوق الناموسية بقينا كانشوفو فبعضياتنا ماعرفتش شحال ديال الوقت كنت قلتليه"جواد انا خايفة انا ماعرفتش شنو ندير" " شششش ماديري والو انا غادي نعلمك كلشي" حط يدو فوق صدري و من بعد غيبت ماعقلتش مزيان فين انا وشكانديرو داكشي كان زوين بالزاف اجمل احساس فالدنيا نسيت كاع الافكار الخايبة لي كانت عندي على هاد الليلة راجلي حنين بالزاف ماشي بغا غير يشبع الرغبة ديالو وينوض بالعكس كان كيسمع للتنفس ديالي كايراقب الدقات ديال قلبي كايشوف الملامح ديالي فاش كيتغيرو كنت على استعداد فديك اللحظة نخليه ايدير فيا لي بغا ماكنتش باغيا داكشي يسالي
جزء8 ,والاخييير
من بعد ديك الليلة كلشي تبدل فحياتي وليت انسانة خرى ولا عندي سبب علاش نعيش عرفت معنى الحب الحقيقي مع جواد تعرفنا اكثر على بعضياتنا جواد انسان متميز بالزاف فاش كانمشي عندو للعيادة اولا الكلينيك كايكون واحد اخر جدي بالزاف فخدمتو ماعندوش مع الغش شحال ديال الناس عاون كانو كيجيو عندو ناس فقراء ومحتاجين كيدير الخير فالصغير والكبير انا دابا كنهضر معاكوم وانا جالسة فالكلينيك كرشي لفمي غادي نولد هاد اليوم عندي بنية قررت انا وجواد نسميوها اية كل دقيقة كايجي يطل عليا وكايحط يدو فوق كرشي باش يحس ببنتو كاتحرك فالداخل ديالي النهار فاش عرفني حاملة كان غادي يتسطا بالفرحة العائلة كلها فرحانة وكاتتسنا اية تجي بنتي لي كانت نتيجة ديال حب حلال وزواج تقليدي لي الاغلبية ديال البنات كيهربو منو وكيفضلو طريق ديال التصاحيب كاتبقا البنت تفكر ايمتا يجي يخطبني واش ناوي المعقول اولا كيتفلا ياكمتا كيهضر مع وحدة خرا وشحال ديال الوسواس .خاص البنات يعرفو بلي الحكمة الالاهية لي حرمات التصاحيب والعلاقات لي خارج اطار الزواج ماشي حيت الله مابغاكش تحسي بالحب اولا مابغاكش تكوني سعيدة بالعكس الله هو اللي خلقك وعرف اش خلق فيك وعرف قلبك هشيش وحساس وعرف بلي ولاد الحرام لي كيتفلاو كترو والدئاب البشرية كاينين فينمامشيتي يمكن فهاد المجال النصيحة كتكون صعيبة حيت الوحدة فينا كتقول مع راسها خاصني نجرب انا بالصح عمرني جربت ولكن كنبغي نقوليكوم بلي الحب الحلال احسن ماكاين فالدنية فاش تكوني مع الرجل لي كتبغي بلا ماتخافي يشوفوكوم الناس وفاش تحسي بولدو فالداخل ديالك هاداك احساس اخر مكيتوصفش كانتمناه لكل وحدة فيكم
النهااااااااااااااااااااااااااااااااااااااااااااااااااااية


كتبولينا رأيكم على القصة في كومونطير لتحت⬇️ ❤❤

هل اعجبك الموضوع :

تعليقات

⛔ تحذير: المرجوا عدم قراءة القصص المخيلة بالآداب و أنت صائم .