القائمة الرئيسية

الصفحات

قصتي مع فلوس الحرام - قصص للعبرة

 

قصتي مع فلوس الحرام

 قصتي مع فلوس الحرام

 قصتي مع لفلوس

 قصص للعبرة

قبل ماتقراو ماتنساوش تكتبو لينا راي ديالكم فتعليق ، قصة حقيقية ❤

المهم سلام عليكم أنا سلمى عندي 20 عام من طنجة عايشة انا و بابا و ماما .. بابا ميكانيسان عندو كاراج تحت الدار و وخا هكداك الحركة عيانة كنت كنعاونو مرة مرة ملي مكيجبرش باش يخلص المعلمية و كيبقى بوحدو بحكم انا عندي باك و عملت التكوين ف الميكانيك حيت كنت فضولية كنشوف الطوموبيل دخلت ل كاراج ديالنا مخسرة و كتخرج معدلة و خدامة بحالا جديدة بغيت نعرف تا انا نعدل الطوموبيلات و نحس بديك الفرحة د انني كنقدر نرجع الطوموبيل للحياة من بعد مكتكون ميتة مخداماش بحال شي طبيبة د الحديد هههه


دازت الايام و انا مؤخرا رجعت دايما ف الكاراج مكاينشي باش نخلصو البراني حيت الازمة ههه و الكليان قليل واحد النهار بابا سافر للبلاد ف الشاون يبيع واحد الارض كان وارتها و خلاني مسؤولة على الكاراج كنبقا فاتحة تال الليل وداك النهار كانت شوية الحركة دايرة ف الليل جات واحد التوارج راكبين فيها 2 دراري واحد القدام بانلي شيفور و واحد اللور كيبان شخصية نزل عندي الشيفور قالي فين الميكانيسيان اختي قلتلو ها انا معجبتكشي (موالفة دايما كيحكروني ههههه ) بدا كيضحك قلتلو الضحك فيك و بدينا كنتعايرو شوية عيطلو هاداك اللي كان اللور هبط الجاج و بدا كيهدر معاه اه يا يما على شخصية غزال و مفورمي بحال ديك المافيات د امريكا الي ف ام بي سي 2 هههه شوية بدا كيشيرلي بيدو كيقولي اجي ا بنت مشيت و انا مطلعة حاجب و مغنزرة باش مايضسروشي عليا قالي تينا هي الميكانيسيان ههه مرة مجاتشي معاك هاد الجراسا (grassa ) ههه حيت مزيونة انا هههه " طويلة و مجردة و شعري زعر و طويل و دايما جامعاه بقلم الرصاص هه و عيني عسليين و لابسة واحد المونو د الواليد و كيجيني مزير شوية ههه " قلتلو دابا شني اخاي اتبقاو تضحكو بزاف اولا اتخليني نعمل الخدمة ديالي ادا متقتوشي راه الدبلوم دخلو الكاراج تأملو فيه تا نكمل شغلي قالي صافي بدا شغلك ولكن تخرج عليها نوريك الشغل و راه محتاجها من دابا ساعتين قلتلو بلاتي نعرف المشكل بعدا بدا كيشرحلي شعندا مشيت للكابو طللت على واحد البياسة جبرتا هي اللي خاسرة قلتلو را هاد البياسة خاسرة انا عندي ف المحل و لكن كنعدلا ب 1500درهم قالي شنو شعندك حمقة العايلة را هاد البياسة كتباع ب 500درهم و كيركبوها ب 200درهم ياكما اتركبالي د الدهب قلتلو لا هادي طريفة د الليل ههههههه


ادا معجبك حال مشي شوف واش اتجبر شي ميكانيسيان دابا و عاد قلتي محتاج الطوموبيل من دابا 2 ساعات و غنزر فيا قالي وا الكريساج هادا قلتلو وا شغلك هاداك و بديت راجعة للكاراج كنضحك ف نفسي هههه و هو يعطلي قالي صافي هاك الفلوس انا انمشي و نجي عطاني النيميرو ديالو قالي ملي تكمل عيطلي مشيت جبدت البياسة جبرتهوم جات موراهوم واحد الطوموبيل رانج روفر هزاتوم انا كملت الخدمة ديالي عيطلو قالي ماجي جاو جرب الطوموبيل عجباتو الخدمة ديالي قالي تبارك الله عليك مقيدة العريفة ههه قلتلو ولابودة قالي باش عيطيلي نيميرو ديالك قلتلو لا د المحل قالي والو متعطيني ديالك قلتلو لا والو هه بدا كيضحك قالي ادا حتجتي اي حاجة عيطلي قلتلو بحالاش قالي الفلوس متلا ههه ادا شبعتي جراسا اجي نخدمك معايا تشبع فلوس كيعجبونا البنات مقيدين قلتلو شنو هاد الخدمة قالي ملي اتحتاج اتخدم ف اي حاجة بلا متسقسي و ضحك قالي الله يعاون و كملي 2000درهم قالي هادو ديالك و كسيرا و مشا
الغد ليه جا بابا جبرني جمعت شي حصيصة فرح و قالي الله يرضي عليك و معطاني تا فرنك ههههه هو و ماما كانو شوية بحالي قاصحين معايا و معنديشي معاهم داك الاحساس د الحنان و الدفئ العائلي ولكن عادي ولفت ديك الارض اللي مشا يبيع مجبرلا تا شي شاري و بقينا ف ديك الازمة نهار على نهار كتزاااد و مشات ايام و جات ايام و مكاين تا جديد من غير ان الاب ديالي مرض بالقلب و خسر فلوس لي عندو كلهم على الاطباء و التحاليل و ف الاخر طلبو يعمل العملية ضروري باع الكاراج ل واحد الجار ديالنا كان كيموت عليييه و انا حسيت بحالي مستقبلي ضاع كنت كنحس بالامان ف الكاراج ديالنا


ولكن صحة بابا هي الاولى عمل العملية و نجحت ليه و بقا دايما محتاج التحاليل و السكانيرات و الدوا و الفلوس قربو يكملو خصني نخرج نفتش على خدمة اه يا ربي عاوني خرجت ندووور ما كاين خدمة الناس بالاجازات و مجبرو خدمة عسك انا و اخيرا جبرت خدمة ف واحد كافي و هو بيار و فيه شيشة و كلشي خدمت فيه سرباية من 6 د العشية تال 3 د الليل و الخلاص 2200درهم كان يلاه كيكفينا للماكلة و الما و الضو بابا مسكين مبقاشي كيجبر باش يشري دوا و هو يطيح مريض عاوتاني تخنقلو عرق ف القلب و طبيب طلب عملية تانية و انا معندي ماين نجيب فلوس العملية ب قوة التفكير ما بقيتشي كنقدر ننعس ولا ناكل
عييييت كنفكر و واااالو ماجبرت حتا حل لخدمة مكافياشي دقيت جميع لبيبان ديال صحاب العائلة ولكن تواحد مانفعنا حنا فزمان مافيه لا حنين ولا رحيم خسك تعول علا راسك وماتوقف حتا علا وااحد عييت نخمم و هو يجيني فبالي مول توارج فتشت علا نمرتو عايتلو.
سلمى: ألوو.
مراد: الوو اهلا بمكانسيانة ياك ما طلعتلك فراسك جراسا(grassa ). سلمى: باش عرافتيني ؟؟ مراد: من صوتك. سلمى:تبارك الله على داكرة القوية. مراد:اكييييد هادي هي طبيعة لعمل ديالي اوا سافا شكاتعود ياك لاباس كيف وقع جينا فبالك
سلمى:عايتلك نشوفك واش باقي فكلمتك تدبرلي شي خدمة. مراد: طبعااا انا دائما قد كلمتي و فوقاش مابغيتي
سلمى: شكرااااا بزززاااف.
مراد: ماكاين مشكل غادا نتلاقاك فلوقت ليناسبك اوكي؟ سلمى: اوكي فساعة لبغيتي ربي يخاليك اخاي باي باي.
وداكشي لكان لغد ليه عايطلي وعملنا ساعة و موطاع فاين غنتلاقاو


مشيت متحمسة وفرحاااااااانة جلسنا فواحد قهوة وقالي واش تينا مقدة. تخدم اي حاجة قلتلو ف سبيل ننقد حياة بابا انا مستعدة نعمل اي حاااااجة
اوا داني معاه ن واحد لبناية كبيرة فيها واحد لمكتب دخلنا هدر هو معا سكرتارية قالها شاف كاين هنا قاتلو اه دخلنا واااااحد لبيرو غزاااااال كااامل بجاج و واحد جالس كايكمي سيجار و مدور كايبان غي يدو قالو مراد شنو جبتي معاك مراد قالو جبت واحد لبنت غزااااالة بغات تخدم معانا
اوا وهو يتواضع معانا ويدور بقا كيشوف فيا من تحت تان فوق وقالو وا ادا قلتي غزالة بصاااااح غزالة قالي تفضلي جلسي وانا بديت كنتقلق من هادشي قالي واش عارفة شنو غاتخدمي معانا قتلو لا قالي باش تخدم معانا خسك تكون كتومة و كاتحافظ علا الاسرار اولا نقطعوك فتاوت ونعطيوك نكلاب ياكلوك باش نكون واضح معاك .انا هاد لهدرة طلعات معايا سخوووووونة. ولكن ماكاين تا حل اخر حلفتلو بلي كلشييي غيبقا بيناتنا و تاحاجة مغتخرج برة وخا علا موتي ضحك و قالي هايدااك نبغيك سقساني واش عاندي بيرمي قتلو ااه اكيد قالي مزياااان قالي خسك تعدل باسبور واخا مع لول غانحتاجوك غي فوسط بلاد قالي غنعطيوك سيارة وغتبقا تديلنا شونتيو ديال سلعة نمدينة لنقولولك قتلو اكي ولكن شنو هي هاد سلعة قالي مخدرات بجميع انوعها دنيا دارت بياا فديك لحظة ولكن لا تراااجع

قال ن مراد ديها نعند نسرين تدورلا بالحالة خرجنا من تما مشينا نعند هاد نسرين عندا واحد صالون كبيييير وداشي واااعر
وصاها مراد عليا و مشى فحالو قطعتلي شعري وصبغاتو و عادلتولي و عدلتلي لحواجب و مانيكور بديكور و لسيغ انا داكشي عمري معملتو فحيااااتي شفت راسي فمرايا معرفتشي راسي شكون
عجبني حالي عيطلي مراد قالي واش ساليتي قتلو اه قالي غنجي مراك جا تاهو معقلشي عليا ههه وداني ن واحد بوتيك دلحوايج جات داك بنت لكاتخدم تكلفت خترتلي بزااااف ديال لحوايج كايحمقو مراد خالص كلشي مبالغ خيالية كنت كنقولو فنفسي غي اراهوم مابغيت حوايج وصالني ندار وعطاني واحد برة فيها 4000dh قالي هاك هادا تسبيق ديال لخلاص ديالك فرااااااحت حاسيت بلي دنيا بدات كتبتسملي اما ضحك بزاااف عليا حيت انا عارفة هادشي. حرام فحرام
هاوت فحالي قالي نعاس بكري غادة فصباح خسني نشوفك باش نعطيك طوموبيل قتلو واخا انشاءالله مشيت ندار عطيت لفلوس نماما باش تدي بابا نطبيب علا لمعاينة ستغربت منين جبت فلوس قتلها سلفتوم من عند واحد صحبتي ودبرت واحد لخدمة غنردلا شوية بشوية وسقساتني علا نيو لوك قتلها غا واحد صاحبتي اخرا كان عاندا متيحان فمدرسة ديال حلاقة وتجميل وطلباتني تعمل متحان فيا وحشمت نقول لا. هانتوما لكدوب ديما واجدين واخا ماشي من عوايدي
لغاد ليه نودت فصباح عايطلي مراد قالي لبس وخرج عندي انا بعيد علا داركوم ب 10min خرجت عندو قالي مبروك عليك ها طوموبيلتك تمااا كنت غادي نسخف بلفرحة غولف 6 بايطة غزاااااالة من ديما كانحماااااق عليها قالي والوو ماغتديني شي داورة و انا باقا مصدومة مجاوبتوشي قالي مااالك عاندك تسخف هههه قتلو لا هي لولة زيد داورة مشينا داورة نجرب طوموبيل عجبو بزااااف صوgاان دياالي علا سرعة قالي تينا هي لكنا كنفتشو عليك مكمولة من جمييييع نواحي. تبرك الله عليييك شااف غيغررراح بيك


قتلو مصااب لله يجيب لفيه لخير كملنا داورة ومشينا تغدينا فواحد لموطاع لغد ليه قالي غادي نمشي فأول عملية بديت كنقفقف مشينا نواحد كاراج دخالنا طوموبيل وخرجنا حيت عملو فيها سلعة بشي طريقة سبسيال منين سالاو عايطولنا دخلت موراها مشيت ندار نعست لغدا نودت بكري عوطت راسي فطرت مع ماما و بابا وقلتلوم يدعيو معايا قلتلوم دبرت لخدمة فواحد لمعمل وغنتعطل مشيت نداك لمدينة طريق كاملة و انا حاسة بسخفة من قوت لخلعة طريق كاملة و انا فين ماكبشوف فيا شي شرطي كنضحك معاه باش يميكو عليا وداكشي لكان وصلت نمدينة لمعلومة عايطلي مراد ونعتلي علا واحد لعنوان مشيت ليلو دخلت سيارة نواحد كاراج وستضافوني عندهم جوج نسا و واحد راجل تغديت معاهوم جبدو داك سلعة و انا معرفاش حتا فاين كاين لكن لو كنت باغا نعرف مكنتشي غتحرفلي بحكم ان هدا هو تخصص ديالي ولكن هادشي ماكيهمنيشي ديك ساعة نوضت وخديت طوموبيل ورجعت فحالي لغدا مشيت عند شاف جبرت تما مراد عجباتوم خدمة ديالي وتهلاو فيا مزيااااان و اخيرا دنيا ضحكتلي
و اخيرا تحل لمشكيل ديال لعملية ديال بابا نجحت ولحالة ديالو بدات كتحسن
انا رجعت وحدة ياخرة من لباس و لخروج رجعت كانمشي نأ حسن و اغلي لمواطاع ولخدمة ماشا ديما بخيييير الحمدلله عمري محصلت واحد نهار كانت عندي واحد سفارية بليل سكسفت. وجيت غزاللللة حيت شاف وعدني ادا وصلت هاد طلبية علا خير غيتهلا فيا ولكن قلبي كان مقبوط حاسيت غتوقع شيحاجة خرجت من دار مع 6 و شبرت طريق شحال بقيت فلخلا شويا و انا نشوف واحد جوج بوليس واقفوني انا تفافيت معرفت باش تبليت واحد جا عندي عاق بيا حيت جبرني مفافيا بوحدي قالي مالك قتلو والو اشاف قالي مايمكنش والو وهاد زين كامل قالبو علاين يسكت ديك ساعة قالي فتح لكوفر فتحتو مجبر والووو عاد رجعت فيا روح شوية فتح لباب لورانية وبقي كايفتش و هو يجبر واحد بلاستيكة صغيرة فيها كوك انا شبرتني سخفة بقا كيضحك وقالي انا حسيت فيها ان انا بقيت كنرغب فيه وطمعتو بلفلوس واااالو قالي انا ما بغيتش لفلوس بغيتك نتي انا عرفت راسي دخلت فواحد طريق موسخة بزااااااف قتلو واش حماقتي قالي صافي انا محماقتشي دابا نعيطلوم يجيو يهزوك تينا وهدشي ديالك ديك ساعة انا ستسلمت نلواقع ركب معايا ونعتلي علا واحد دار فلغابة مشينا دخلنا وبقيت كنرغب فيه.. حسيت براسي اوسخ وحدة فدنيا شمن فلوس لي كيعوضو بنادم على شرف ديالو

منين خراجنا من دار قالي فوقاش ما كان عندك شغل فهاد لمنطقة ها نمرتي عايطلي نجيو ندوزو شي وقت مزيون ومكاين ليهضر معاك تينا فلحماية ديالي من دابا فوق جيت قتلو فبالي سييير الله يعطيك مصيبة خرجت وكملت طريقي وصلت داكشي ورجعت مشيت تلاقيت مراد قالي الله يعطيك صحة و عطاني فلوسي مبلغ عمري محلمت نحاديه فدقة وحدة اوا كترو عليا لفلوس مجبرت منعمل براسي مشيت وتسجلت فكلوب د فوروسية شفتو زايغة كيف عاملة صلحت دارنا و مابقاو. ناقصين حتا حاجة عجبني لحال فداك نادي غي ولاد شكون وشكون شافو طومويل و طيليفونات غي ماركة سحابلوم تا انا فحالوم مافراسومشي بلى انا كانطيح ونوض باش نجيب هادشي



واحد نهار كنت جالسة بحدي كنشرب قهوى فداك كلوب ديال فروسية صحباتي ديال طبقة الراقية تعطلو شوية و هي تبالي واحد سيارة من نوع jaguar. داخلة ونزل منا واحد زين واحد كلاس وقلبي بغا يخرج من موطعو فحالي كيقولو حب من اول نظرة جات عاينو فعايني بتسم و دخال سلم على شي ولد و جلس معاه انا نوصت خترت واحد الخيل باش ندرب شويا عملت جوج دورات و هو يجي عندي قالي سمحلي واش واخا تهود هادا لخيل ديالي تقدر تختار اي واحد اخور ديك ساعة انا شبرت معاه غنان قلتلو سير تينا شوف شي واحد اخور هادا مجبرتشي عليه اسمك جا لمدرب قالي سماحلي الآنسة ولكن هاد لخيل راه ديال سي عصام وضروري تهبطي منو قتلو اوكي انا ماشا فحالي من هاد كلوب كااااامل منين جا سي عصام خاليتولو يشبع بيه بوحدو حيت كيبالي ضيقت علية ديك ساعة هو قالي حاشا موطاع كامل ديالك ومكانشوفشي راسي قلت شيحاجا دلعيب
هودت خنزرت فيه ومشيت فحالي طلاعت فطوموبيلتي بقيت كندور فزناقي مشيت ندار بقيت جالسة معاهوم شوية عايطولي صحباتي خرجت نتلاقاهم مشينا نواحد كوفي بقينا جالسين كنضحكو وهو يبالي سي عصام داخل هو وصحابو شافني جا عندي قالي انا مقصدتشي نعصبك قبايلة انا كنعتدر قتلو بلا متعتدر كلوب وخاليتولك ماباقيشي تشوفني فيه ورجعت نعند صحاباتي فحالي مكاين والو سالينا وخرجنا مشيت ن باركي ديال سيارات لتابع نكوفي اوا و انا نتلاقى معاه فلباب قلت شهاد جلطيطة لتسالطت عليا وبقينا كانتغانو شكون غيخرج لول وهو يخصرلي وجه طوموبيل
انا صااافي هنا كانت عندي واحد دابوزة فلكوفر كنت غنهود نفرشاخلو راصو بيها انا هاودت و هو جا كيقولي انا نعدلك طوموبيل خاليلي نمرتك شعلت فيه شعلة وحدة معرفني منين خرجت عليه بقا غي كيشوف جاو ناس بغاو يدخلو فلخير صافي عطيتو نمرة باش لغد نتلاقاو يعدلي طوموبيل انا هاديك امانة عندي اديني فعيني وماتاديهاشي دخل عليا بليل ن واتس اب قالي باقا معصبة. عليا منكدبشي عليكوم ولكن حسيت واحد الاحساس ماشي عادي فررررحت وبقينا ليلة كامللللللة كانهدرو ف واتس اب وطلع ضريف بزااااااااف لغدا تلقينا عادلي طوموبيل ومشينا نواحد كوفي كانت واحد لعشية وااااااو وبقينا على هاد لحال لمدة شهر وبقيت مستمرة فلخدمة ديالي طابعا كان عصام هوا لي محلي حياتي ومنسيني همومي

اوا واحد نهار خرجنا تغدينا معا بعطنا ومشا ندار ديالو يهز شي وراق طلعت معاه طلب مني نطلع معاه وافقت تما فين جبرتو موجد لي واحد لمفاجآة طلب مني زواج انا طرت بلفرحة و درعتو قلت اخيرا حياتي بدات كتعوط وجلس حدايا وبقيت ناعسة على كتافو و هو بقا كيتقرب ونا مقدرتش نقاوم داك شعور و وقع موقاع بيناتنا و بقي كتعامل معايا مزيان وماهموشي اللي وقع قالي غدا غادي نعرفك على عائلتي وفرحتلغد فرحت وعوطت راسي مزياااان و جا مورايا مشيت معاه ندار ديالوم خياليييييييية قصر تلاقاتني ماماه بكل صواب وقاتلو عرفتي تختار اولدي دخلت جلست تعرفت على ختو وماماه ناس ضريفين بزاااف باقي غير خاه ماجاش قاتلو ماماه غيحاول يجي بكري غير باش يتعرف على عروستك
لخدامين وجدو لغداء ونوضنا نتغاداو و هو يجي خاه هنايا غنتمنا الأرض تبلاعني عرافتو شكون خاه دعصام هو شاف اااه هو شافني وتصدم و انا تصدمت كتاااار بهدلنييييي وفضحني حدا عصاام مجبرت فين نعمل وجهي عصام قالي هادشي كامل باش تعمل طوموبيل وخيل وفلوس تان هاد درجة فلوس هما كلشي عندك وسمح فيا وطلع فحالو و انا مشيت فحالي كنجري عييت كنعيطلو مكايجوبش واااااااالو صافي ضاااع مني بقيت كنصردلو ميسجات ف واتس اب على الله يحن قلبو قالي شنو باقا خصك بانت نيتك كاتبيع راسك و السم على جوج فرانك بغى يتلاقاني لاخر مرة حيت ألحيت عليه عاودتلو قصتي كاااااملة معا جميع ادلة لي كا تبت كلامي و عطيتو خاتمو و نضت باش نمشي فحالي لعليا عملتو انا وقفت خطيت جوج خطوات و هوا باكي مصدوم غتشبرني واحد دوخة مغنعقلشي على راسي تا غنفتح عيني وهو جنبي وطبيب كايقولنا مبروك المدام حامل
دكساعة انا تصدمت و دموع هبطولي بلا ما نحس و جبرت عصام تا هو عينو مغرغرين ب الدموع و قالي انا وخا يوقع لي يوقع مغنسمحشي فيك درعتو و بقيت كنبكي كنقولو سمحلي ضروف لي خلاتني نمشي ف دك طريق ماشي لخاطري و لي دخل للغيس صعيب يخرج منو قالي صافي اللي فات مات انبداو صفحة جديدة و دك طريق عمرك تفكر فيييها قلتلو وخا قالي ليوما ايحاول يقنع خاه و بعد يومين ايجي هو و عائلتو يهدرو مع بابا و ماما صافي وصلني للدار و مشا بحالو

ف الليل عيطلي قالي خاه ما وافقشي ولكن يماه بغات تجي معاه و هادا هو المهم قالي وجد راسك و قولا لعائلتك بعد غدا انجيو صافي انا قلتالوم فرحو و خرجت نشري ما نلبس و مشيت ل صالون و انا راجعة للدار دازت واحد الطوموبيل طايرة و طيرتني معاها جات قاصداني و هربو بقيت مسيبة ف الارض غارقة ف الدم تجمعو ناس و هزوني للسبيطار كنفتح عيني كنشوف غي عصام حدايا كنقولو فين ماما و عائلتي تزير و مجبر باش يجاوب قلتلو و البيبي مات ياك مات قالي دابا ربي يعوضنا بدييت نبكي قالي عندي ليك خبار خايب عائلتك عرفوك كنتي حاملة قلتلو اوا قالي تبراو منك و مبغاوش يعاودو يشوفوك تصدمت مكنتش حاسباهوم قاصحين تال هاد الدرجة يتبراو مني و انا فهاد الحالة و هاد الشي كامل عملتو غي عليهم

دخل الطبيب عملي الكونطرول قلتلو شنو واقعلي علاش مكنقدرشي ندور ولا نتحرك قالي تشللتي ابنتي جاتك الضربة قاصحة ف العمود الفقري هي السبب بديت نبكي و كنقول هادو غي الدنووب خرجو فيا ولكن انا كنت مضطرة مكانشي البديل عصام بدا يصبرني ملي خرجت من السبيطار داني ف الكروسة اه يا زمان رجعت عاجزة فين مشا التفرفير و الزعامة معلينا داني ل واحد الشقة و قالي هادي دارك و جابلي خدامة و ممرضة مهلي فيا ف الصراحة ولكن شفقة و صافي حيت مأكد بلي خاه مول الفعلة بقا كيصرف علي دايما و مهلي فيا داز عام قالي انا انتزوج بنت خالتي مرضت و كل نهار كيدوز عليا كحل كنبغي نخرج من الدار و نمشي نطيش نموت اي حاجة غي ميبقاش يشفق عليا ولكن فينهوما الرجلين رجعت عاااجزة كل نهار كنتعدب حياتي جحيم و هادا غي الجحيم د الدنيا باقي تابعني الجحيم د الاخرة صافي تسلالي الصبر و مابقالي فاين نزيد كحالت الدنيا عندي و هادي ماشي عيشة انا غنتعدب غنتعدب نقتل راسي و نتهنا من عداب الدنيا بعدا ف الليل داتني الممرضة لبيتي ننعس غفلتا و سرقت ليها واحد الكينات من صاكها و خبعتوم ف صدري قادتني ف الفراش و غطاتني و خرجت و جبدت داك الكينات حاولات نتاخر شوية بديت نحس ب ريقي نشف و كنسمع دقات قلبي مجهودين و كنحس بالفشلة و السخفة داتني الممرضة المستشفى
انا وليت كنطلب امتا ربي اد امانتو
عصام تزوج انا كنتعدب لكن انا لي عملتها لراسي تبعت فلوس الحرام تا جبتها فصحتي

✅ نصحكم ترضاو باي قسم ليكم الله عيش اليوم اغدا مولاها ربي متبعوشي وسخ الدنيا
✅ ع
يش بما يرضى الله تحلى الحياة 

تعليقات

🔴 ممنوع قراءة القصص المخيلة للآداب و أنت على صيام