الحوى فالصيف
الحوى فالصيف الرغبة الجنسية كتزاد أو كتنقص؟
الحوى فالصيف عند الرجل
فاش كيكون الحال شوية سخون، الرغبة الجنسية كتطلع للسقف والاحتياج للكوى كيتزاد بالجهد، خصوصا فالصيف. وهادشي كيرجع لجوج أسباب اللّي غادي نهضرو عليها بالتفصيل: الشميسة اللّي كتّعتبر مهيج طبيعي كيزيد فالشهوة، والعطلة فاش كيكون البال صافي والجسم مرتاح، بعيد على التوتر والتعنكيش ديال الحياة اليومية.
- الشمس مهيج طبيعي، كيزيد فالشهوة
أشعة الشمس عندها علاقة مباشرة مع الكانة، حيت كتخلّي الدماغ ينتج نسبة اكثر من السيروتونين ‘هرمون الراحة’، -الناقل العصبي- اللّي كيقاد المزاج ديالنا، حيت كلما تزاد مستوى السيروتونين فالجسم كنحسو براسنا بيخير، ناشطين وإيجابيين. هاد الطاقة كتزيد من الثقة فالنفس وكتحيد الكآبة الموسمية وكاع ديك السلبية اللّي كنكونو جمعنا يامات البرد والتكماش فالكواش ومع الخدمة والجراوات. زيد على السيروتونين، الدماغ كيطلق هرمونات بحال: الدوبامين والأوكسيتوسين بزاف فالنهار على الخصوص، والنهار كيكون طوَل من الليل فالصيف. كاع هاد التغييرات اللّي كتطرا فالدماغ، كتخلينا نشعلو ونسخنو اكثر من كيف كنا فالشتا فاش ما كنتعرضوش لأشعة الشمس بزاف، وبالعربية كتحيي فينا الرغبة فالكوى وتخلينا نبغيوه اكثر.
- العطلة فرصة ومناسبة لخدمة نقية فالفراش
الخدمة، الوليدات، المشاكل اليومية، الروتين… كاع هاد الحوايج كيخلّيو الواحد يهمل أو ينسى الحياة الجنسية. الوقت اللّي كيبقى ليكم واخا يكون قليل ما كيسمحش بالاتصال الجسدي حيت الكانة للكوى ما كتكونش، واللّي هو حاجة مهمة بزاف فكل علاقة! لعيا وصداع الراس كيعنكشو الحياة الجنسية، وهذا علاش العطلة فرصة ومناسبة مزيان تستغلوها مع بعضكم فبزاف ديال النشاطات من جيه، وبزاف ديال الكوى من جيهة اخرى.
أما إذا كان الجو سخون بزاف، يقدر هادشي يأثر بسلبية على الحياة الجنسية ويقلّل من الرغبة فالكوى. حيت الجسم باش يقاوم الحرارة كيستهلك الطاقة وما كيخلّي لا جهد ولا كانة، وكيجيب لعيا والهدة. زيد على هذا بلّي الحرارة كتخلّي الذات تعرق، والجلد يكون رطب وكيزلق، وبهادشي القيسان والملامسات كتكون أقل متعة. ولكن إذا عرفنا كيفاش نتغلبو على هاد التعنكيشات، يمكن يولّي الصهد ميزة لكوى فشكل ومعتبر، بحال أنكم تبداو نهاركم بـ كوية صبوحية مبردة قبل ما يطلع النهار وتشعل العافية، أو تديرو شي وحيحد خفيف ضريف فالدوش.
الصيف زوين للكوى، ولكن ماشي لهادوك اللّي باغيين يديرو لولاد. الأبحاث لقات بلّي الحيوانات المنوية عند الراجل كتأثر بالحرارة ديال الصيف، الشّي اللّي كيقدر يقلل من فرص الإخصاب. وكاينة أبحاث اللّي كتقول أن الصهد كينقص من هرمون التستوستيرون، وبالتالي من الرغبة الجنسية عند الرجال.
✅ مواضيع للمتزوجات :
⬅ كيفاش لكوى فالدوش، تجربة زوينة بشوية ديال الزعامة - ثقافة
⬅كيفاش نسخن راسي - كيفاش ندير باش نجيبوا
نتمنا تكونو ستافدتو ماتنساةش تكتبو لينا رايكم في تعليق لتحت ❤❤
تعليقات
إرسال تعليق