القائمة الرئيسية

الصفحات

قصتي مع صاحبي السعودي - قصتي مع السعودي

 

قصتي مع صاحبي السعودي

هادي هي قصتي مع صاحبي السعودي

قصتي مع السعودي


السلام اللبنات اول حاجة نبغيكم تفيدوني بنصائحكم اللي يجازكم بالخير .

 المهم ندخلو في الموضوع انا تعرفت على واحد الولد سعودي في الفايسبوك و من اول نهار ولينا كنهضرو في فايبر المهم شاف صورة ديالي و شفت صورة ديالو في نفس النهار و لكن انا كدبتو قتلو ميمكنش تكون انت اللي في الصورة و هو يديرليا الكام عاد تاكدت المهم ولينا كنهضرو في الواتس و مرة في فايبر 

ولكن مرة في يومين اولا تلات ايام يعني مكناش مسوقين دازت شهر ولينا كنتقرب من بعضنا و انا منكدبش عليكم وليت كنبغيه بزااف و حتى هو ولكن مامصارحينش بعضنا حتى صارحني هو الاول صافي تصاحبنا و بقينا كنهضرو في الواتس اب و فايبر لمدة ستة اشهر ودوزها عليا ولد الحرام في هاد المدة ملي عرفني صافي وليت كنبغيه ولا كيمرضني وولا كيتخاصم معايا و مكيدوينيش بتلات ايام حتى خمس ايام و كنولي كشرويطة فهاد المدة 

ولكن حتى انا ماكنحاشيهاش ليه حتى يجي هو يتصالح معايا حيت هو الي غالط المهم هو بدا كيخدم من الشهر التالت من التعارف ديالنا باش يجمع الفلوس باش يجي لعندي لكازا مع العلم انهو مزال صغير في العمر قدي قدوا فايتني غير بشهر و بزوجنا مازال كنقراو المهم من بعد علاقتنا ديال ستة اشهر في الفايبر و الواتس قالي بغى يجي يشوفني بعد اسبوعين صدمني 

وانا معرفت باش تبليت لانهو كنا دايرين مايجي عندي حتى لصيف و هو جا عندي في يناير المهم اللبنات صافي قرب يجي مشيت انا ضبرت على ستوديو في المعاريف باش يسكن فيه ديك اربع ايام اللي غيجي فيها انا درت ليه غير resrvasion صافي نهار الي غادي يجي فيه مادانيش النعاس لانو الطيارة ديالو كانت غادي تحط مع السابعة ديال الصباح ملي وصل داك النهار عيطلي من المطار الصباح باش نتلاقاه في المعاريف 

المهم فقت و لبست و تقاديت و مشيت لعندو باش نتلاقاو لاول مرة مع العلم انني معمرني درت ليه الكام شايفني غير في الصورةو هو كان كيديرهالي مرة مرة المهم مشيت حطني الطاكسي عيطت ليه كان جالس في القهوة و هو يخرج لعندي تسالمنا و كلشي ومشينا للدار المهم جاب ليا كادو غزااال و bouquet de fleur داك النهار الول بقينا كنتعارفو و نهضرو كتر في الدار مخرجناش صافي رجعت الدار مع الستة ديال العشية و الغد مشيت عندو مع الثامنة ديال الصباح و انا كنت كنقول لدار غاديا للجامعة نقرا و انا في الصراحة كنت كنمشي لعندو حيت غيبت ديك اربع ايام المهم اليوم التايو هو يبوسني في فمي وكانت هادي اول مرة يبوسني فيها شئ حد صافي بقينا كنتباوسو و انا كيف الجماد ماكندير والو 

ولكن عجبني الحال و هو ملي جا وشافني تبدل السيد ولا كيموووووت عليا ولا كيتسطى عليا المهم بقى كيبوس فيا في اي بلاصة حتى من رجلي باسهم ليا كل بلاصة في جسمي باسها ونزل للتحت و بقى كيبوس فيه ويلحس و انا كنت رافضة قتلو منقدرش نتعرىبدا يطلب فيا و انا ضعفت وخليتو يبوس المهم نهار الاخير وقع وحد المشكل و قتلو صافي نتفارقو و هو يبدى يبكي بالدموع انا بغيت غير نجربو ولكن مسكين بدا كيتنخصص قسما بالله وانا نعنقو و قتلو صافي المسامحة المهم دوزنا ديك اربع ايام واعرة صافي مشيت معاه المطار 

و رجع و دابا وليت انا اللي كنسيطر انا اللي وليت كنمرضو مرة مرة كنرجع ليه داكشي لدوز عليا في الاول ولكن ماشي ديما مرة كنبينلو كنمووت عليه و هو حياتي كلها و مرة كنبالي بيه باش ميضصرش ودابا معايا مزيان الحمدالله مكيخصرش ليا خاطري اللي بغيتها كتكون ايوا هادي هيا قصتي مع حبيب ديالي اش بانلكم اللبنات واش بصح كيبغيني ولا لا؟ قولوليا شنوبانلكم في هاد العلاقة بصراحة عافاكم

بعض التعليقات :

1- شوفي حبيبه انا عندي خبرة كبيرة بناس الخليج ماشي كنعرفهم مباشرة ولكن غير عن طريق الشات وصافي وانا شحال من واحد واعدني بالزواج ملي كتصول الصح كيدير فحالي عمرو عرفك شوفي اختي اهم حاجه معمرك ديري ليه الكام ويلا درتيها لبسي لبس محتشم لانهم كيصوروا وملي كتفارق معاهم البنت كيوليو يهدوها ثاني  حاجه متعطيش وقت كثرمن حجمه  ومديريش البال فيه حيث يقدر شي نهار يدير فحالي عمره عرفك الخليج وخصوصا سواعدة عندهم اللسان الحلو ولكن كيكونوا كذابه قليل الي تلقاه طاح في الشبكه وهو مدام اول مرة جا المغرب باقي متعرف على بنات غيرك نهار يعرف غيرك متبقايش تباني ليه لانهم كيجيو غير على الفساااد ولي نصحك  بيه عمرك تعطيه شي حاجه واخا يموت حداااك راه يبكي وفعلا يكون كيبغيك غير يقضي حاجته ميعقلش عليك كنتمنى تعملي بنصيحيتي مع العلم والله انا شحال من سعودي كيبيغيني نتلاقى بيه عمري فكرت نشوف شي واحد حيث عارفهم كلاب والله

صحيييييييييييييييييييييييييييييييييييييييييييييييييييييح كلام جد واقعي راه فعلا كيما قالت الاخت عندهم حلاوة اللسان ولكن فاش يجي الصح كيتقلبووووو وهدا راه غيبين ليك انو يموت فيك غي باش فقوتما جا لمغرب يقضي معاك غرضو حيت ماشي من مصلحتووو يبعد عليك ولا يتقال عليك اصلا كيعرفو يلعبو بدكا انا مكنحملهومش وياما هضرت معاهم فالشات غي فضولا نتعرف على شخصيتهم لقيتهم  نفس الماركات يوم ولا يومين يقوليك فتحي الكم ولا يبدا يخسر فلهضرا حتا انا تنصفي فيهم خطري نضيعليه فقوتو وميدي عندي باش ينقي سنانو ,ومن بعد نبلوكيه,المهم حداري ومتغريش بالكلام ولا بالبكا يالو والله راه ممتلين بارعين ويكفي غي مدارو فشحال من وحدا مسكينا مشات باش تخدم حتا صدقات فبلاوي ياما , كنصحك تخليك مع ولاد البلاد والله

2- لله يدير لك ليفيها الخير احبيبة وتجمعي معاه في لحلال
ولاكن نصيحة من عند اخت الا قبلتي بها حدي راسك او ردي لبال 
او حدي شرفك او لله غدي يسر لك لامور انشاء لله
اوتقبلي مروري حبيبة


3-غلطتي ملي عطيتيه الجسد ديالك لوكان حطيتي حواجز بينكم كان افضل وغيزيد يبغيك

4-السلام عليكم اختي عندي ملاحظة مهمة الغلط اللي ارتكبتي هو انفرادك به في غرفة واحدة وباب مغلق عمر الزواج ما كيكون بهاد الطريقة حتى مني ابغى يجي للمغرب وتشاوفو عن قرب كنتي تكري ليه السكن واللقاء يكون خارج السكن باش يعرف ان المغربيات ماشي ابحال ابحال واهم حاجة رضى الله واش في رايك غادي يقول الدنيا هانية لا اختي راه بينو وبين نفسو كيقول هادي ما محكوماش ويعلم الله اش كادير واخا يبين ليك ما كاين والو شوفي اختي انا نصحتك لوجه الله جمعي راسك سواء معاه او مع شي واحد اخر تقدري تعرفيه راه الراجل يبقى يدور ويتعارف مع البنات وفي الاخير يتزوج اللي تكون محافظة واخا تكون غير كتمثل عليه الدور ديال محافظة كيقول هادي هي اللي نتيق فيها وتكون زوجتي وام اولادي نعطيك مثال بواحد البنت كانت كتقرى مع اختي ما خلات ما دارت مع الاصحاب وما خلات فين سافرات وانهار اللي شافت الضربة دزواج فواحد المهندس ما خلاتوش حتى يقيسها بيديه قالت له عمرني عرفت شي واحد ولا مسني شي واحد حرام وما يقيسني غير اللي يكون زوجي والسيد قالها على هاد النوع كنقلب وطلب منها الزواج ودابا راه عندها بنيتة ومبرعة مع راسها وغير متلات عليه الفيلم شوفي البنات علاش قادات وانتي من اول لقاء خليتيه وصل ليك خسارة رخستي براسك ولكن هدي تعطيك درس قولو انا ندمت بزاف على اللي درت معاك وحاسة بالله غاضب عليا وعمرني ندير شي حاجة الا بالحلال قولو غلطة وما تكررش اللي ابغاني يتزوجني واستغفري الله

5- نورة كلامك عداه العيب تبارك الله عليك و كيف قالو لك معظم البنات 
خطئتي اه ولكن مغديش نحاسبوك او نلوموك 
غير نصيحة مني الزين مرة ثانية الا رجع للمغرب وغدي يرجع 
عمرك ما تنفاردي بيه ولا تخليه يقيسك واخا تكوني تموتي عليه وباغاه كثر ماهو بغيك 

عزيها تعزك والرجال كيف ماكانو مغربي لا خليجي ديما كيبغي المراة 
لي تقن دور الشريفة العفيفة (  مكنهدرش على جميع النساء حشى واش نعمم )
واخا هو فقرارة نفسو عارف انو اي بنت عندها ماضي 
غير مخصوش يعرفو يعني يوهم راسو انها عمرها مادارت شي حاجة مع شي واحد من غيرو 

ديري بنصيحة البنات لي نصحوك لوجه الله لي بغاو لك  كل الخير 
ومتضعافيش قدامو واخا يبكي الدم واللهم يبكي هو لا تبكي انتي

6-عندكم الحق اخواتاتي والله انا ندمت بزاااف و قلتهالو و عرفتو بان هاديك غادي تكون اول و اخر مرة يبوسني فيها و اخدت عهد على نفسي ولكن هو قالي انا ماباغيش دكشي كل بغيتو نجيب وحدة ملكة الجمال نعطيها 5000 درهم و تبرعني ولكن انا ماباغي من حتى وحدة داكشي وقالي انا بستك بدون شعور حيت كنبغيك شنو بان ليكم فهاد الهضرة اللبنات

7- كيف قالو البنات انتي غلطتي مللي خليتيه يقرب ليك ولكن دابا داكشي فات والمهم انك نادمة وتايبة وهادي احسن حاجة كترررييييي من الاستغفاررررر بزاااااااااااااااف بزااااااااااف وصللي الليل وطلبي من ربي الا فيه الخير الله يجمعك بيه ودابا ديري واحد القدية بقاي تهضري معاه على الدين وعلى التوبة وخليه يعرف بللي راك كتخافي الله وبللي داكشي كان غلطة وماكتريش من المداحسات اختي والمخاصمة والله يلاقيكم فالحلال ياااربي

8- لا راه كل واحد ولعقلية تاعو كاين لي تيزيد يبغي لوحدة كتر مني تتعطيه لجسد ديالها وهوا كيتمتع وزيد يبغيها وكاينين شي حمير مني تتعطيهم هداك شي لبغاو تيقولو كيفما دارت معيا غادا تكون دارت مع واحد أخر وأنا شخصيا كنت مصاحبة وعطيتو كلشي إلا شرفي خليناه حتا نهار لعرس ودابا حنى مزوجين كن معطيتوش أنا غادي يمشي عند وحدة أخرا إوا الله يهديهم كل كيفاش تيفكر والله يسهل عليكم البنات أنا مقيمة بسعودية وهنا سواعدا تيموتو على لمغربيات وعلى فلبينيات حيتاش بيظات وسعوديات كلهم زرgات وشحال من سعودي مجوج بفلبينية والد معها

9-بخصوص اللي قالت ممنوع عليه الزواج حتى يتزوج ببنت خالو او بنت عمو هاديك غير هدرة ماما تزوجات بواحد عمرو ما تزوج هما زواجهم صعيب شهر وهي كتصايب في الوراق وما عطاوه الموافقة غير بالوسيطة هما كيموتو على المغربيات حيت كيقولو نقيات و زوينات ايوا غير هما كيبغيو الواحد يدفع كبير عليهم كيف الكلاب كيبغيو التجرجير والعداب انا ماما 6 سنين وهو تابعها عاد وافقات تزوج بيه ايوا الى كانت لااة مولاتي هي اللي تمشي تماك واللي مولفة بالديعان مانضنش تولف تماك حيت كيخرجو غير بالليل و ختي على حساب داكشي اللي عرفت باقين فيهم الدراوش
أنت الان في اول موضوع

تعليقات