كيفاش نكون زوينة و أنيقة ؟
كيفاش نولي زوينة ؟
كيفاش نزيان ؟
kifach nwli zwina
واقييلا غيكون جاكو عنوان الموضوع غريب شوية وأكيد غتكونو تسائلتو عن "واش حقا كاينين خطوات لي تخلي بالانسان يكون زوين ؟" ..
انا جيت اليوم باش نقولكم : نعم ، كاينين خطوات فعلية تقدر تخليك انسان جميل ،جذاب ومتميز .
بداية لي خصنا نعرفو جميع أن عبارة " كل واحد عطاه ربي حقو من زين " لم تخلق عبثا ..لأنها صحيحة ،احنا كاشخاص كلها و شكلو كلها و مظهرو وكلها والهيئة لي كيبان بيها للاخرين ..والمظهر الخارجي عمرو مكان بحدو معيار لتحديد الجمال ،كاينين معايير اخرى لي غنحاول نهضر عليهم من خلال هذ المقال و لي يقدر يخليو منك انسان جميل و رائع :
الخطوة الاولى:
باش يشوفوك الاخرين زوين خصك انت بداية تقنع راسك أنك زوين ، اهتم بمظهرك و اهتم بنفسك و دللها مزيااان .. قول لراسك كل صباح في المراية بعد ما تقاد وتلبس انك زوين و مكاينش بحالك ..
ابتسم لراسك و حس انك زوين ..را مكاينش اعزيزي في الدنيا لي يقدر يرفع معنوياتك و يخليك تثيق بشكلك لمثقتيش فيها انت اولا ..حب نفسك و شوفها زوينة باش ناس يشوفوك زوين ، لانه خصك تعرف انه اغلب الناس لي كيبانولينا زوينين تاقو راسهم اولا انهم زوينين امنو بهذشي و اقتنعو بيه وذاك الاقتناع ديالكم هو لي انعكس على نظرة الناس تجاههم فبانو بذالك انهم زوينين ..
الخطوة الثانية :
اهتم بشخصيتك و خليها جذابة ، صحيح ان المظهر الخاجي للشخص مهم وله دور لكن للشخصية الجميلة والجذابة دور اهم !
ولكن كيفاش تخلي شخصيتك جذابة ؟ اولا ثق براسك وخلي هذشي يظهر في مشيتك ،مشي وراسك مرفوع و انت كتشوف القدام وباينة فيك ثايق بنفسك ماشي ماشي وانت كي الهربان خايفة و كتشوف في الارض و حشمان ومعرف اشنو ..مالك هه ؟؟ خيك واثق الخطوات هه مشي وانت واثق من نفسك وتا في حديثك،و في الطريقة لي كتقدم به وجهة نظرك خلي الاخر يحس انه مؤمن بفكرتك ماشي غي كترعد و تا فكرة ما تقولها نيشان خليك واثق بابتسامتك ضحتك وكل تفاصيلك (موهيم غنهضر على اسرار الشخصية الجذابة في الموضوع لاحق ) المهم خلي الاخر يحس بثقتك بنفسك باش تصنع شخصية جذابة تزيد جمالك الخارجي جمال
الخطوة الثالثة :
اهتم بمستواك الثقافي والعلمي باش تدعم جمال شخصيتك وجاذبيتها، قرا ، ابحثـ ، ناقش ، سول ..وخلي مستواك الثقافي يكون راقي ،لانه يا عزيزي فاش كيكون راسك عامركيتخلي بذالك الاخر تلقائيا ينجاذب للتواصل معك، وبالتالي كتنسيه في جمال شكلك ومظهرك وكينتاقل ليكتشف فيك مستوى اعمق للجمال ولي هو جمال الشخصية و اسلوب التفكير,,وهكذا كتبانلو زوين
الخطوة الرابعة :
خلي روحك جميلة ، و اخلاقك عالية ..خلي الاخر يحس برقيك و مستواك الاخلاقي العالي ..احترم الاخر ، اصغي للاخر و خلي عندك مبادئك الخاصة لي انت مامن بيها و مقتنع بيها وحب راسك بيها باش تفرض على الاخر احترامك ..خلي طريقة تعاملك انساني، كن متعاون ، متضامن ، مساند ..خليك نبيل مع الاخرين فأخلاقك و نبلك هو المسك العطر لي كيكمل جمالك الداخلي و الخارجي .
بغيف : انت الوحيد لي تقدر تخلق توازن بين جمالك الخارجي والداخلي باش تظهر بصورة أجمل و تكون بشخصية اروع ، خلي عند اسلوب حياة خاص وانت واثق من نفسك و بانك شخص زويين و غتكون حقا زوييين 
تبارك الله على غزلان حمديوي مواضيعها رااائعة وعندها ما تقول تبارك الله
#نصائح_دخول_المدرسي-واقي شمس و مرطب الشفاه و قرعة لماء دائما تكون عندكم ف صاك-قوة الميك (ايلاينر/عكر حمر/ايشادو/فوندوتان...) بعدو منو حيت البشرة كاتعيا و غاتواجهو بزاف د المشاكل ف البشرة ديالكم-لبنات لي ضروري اديرو ميك اب كانصحكم ب مبك اب نو ميك اب (écran solaire teinté / mascara / fard a joue / baume a levre )- لبسوو لي غاترتاحو فيه ماشي باش تعجبو ناس ، حيت فاش كاتلبس شي حاجة مامرتاحاش فيها كاتعنكشي و تركيز ديالك كايمشي-شعر احسن حاجة ديرو ليها مشيطات لي اخليوه مجموع حيت فاش كايكون مطلوق و كاتكونو كاتكتبو كايطيح على لوجه و كايعنكش ،و لبنات لي كايصاوبوه يوميا هالعار رحموه--بالعشية فاش اسالي نهار ديالكم ضروري تغسلو وجهكم و تمسحوه ب ماء ورد ولا اي معقم او تونر ماتستعملوه و ديرو كريم مرطبو هذا الانستا ديالي اذاااا بغيتو
ف هاد لبوسط غانحاول ندوي ليكم على كريم الاساس لي ايجي مع كل وحدة ..فوندوتان او كريم الاساس هو سائل كانديروه باش اوحد لينا لون لبشرة و يغطي ليا بعض لعيوب فيها (على حسب ايلا ختاريتو شي واحد فيه تغطية عالية)زائد انه كايحمي لينا شوية لبشرة ديالنا من شمس حيتكاتكون فيه واحد نسبة لابأس بيها من spf ...و دائما خودو لون د كريم الاساس اكون نفس لون ديالكم ماشي مفتوح عليه ولا لعكس ..•كريم الاساس المناسب لكل بشرة :#البشرة_الذهنية :قبل ماتشريو فوندوتان قراو لمكونات ديالو و ايلا لقيتوه فيه زيت ، بعدو منو حيت هادا مايصلاحش لبشرة ذهنية ..و من بين احسن كريمات الاساس لهاد نوع من لبشرة :- maybelline fit me (tube) لتغطية خفيفة- nyx stay matte but no flat تغطية متوسطة-l’oreal infaillible total cover / makeup revolution تغطية كاملة#البشرة_الجافة :عكس كريم الاساس لبشرة ذهنية ، المكونات ديال لفودوتان د لبشرة لجافة خاص اكون غني ب زيت .. من بين احسن كريمات الاساس :-maybelline fit me hydrate+smooth تغطية خفيفة- Colorstay, Revlon تغطية كاملةبالنسبة لبشرة لجافة من الاحسن تستعملي كريم اساس خفيف و تغطي لعيوب غير ب concelear#البشرة_المختلطة :كاينة بشرة مختلطة الى جافة و كاينة بشرة مختلطة الى ذهنية ، و ف أي كريم اساس ديال لبشرة ذهنية او لجافة اقدر اكون حتى ديال لبشرة لمختلطة :-maybelline fit me-colorstay revlon-L’Oréal infaillible 24hنتمنى يكون عجبكم لموضوع و ستافدتو ، ايلا كنتو كاتشوفو اني كانستحق تشجيعاتكم كتبولي تعليقكم لتحت
تعليقات
إرسال تعليق