كلام تحفيزي للنجاح في الحياة بالدارجة المغربية - نصائح مغربية
كلام تحفيزي للنجاح
كلام تحفيزي بالدارجة المغربية - نصائح مغربية
كلام تحفيزي نصائح مغربية
*نتي لي كاتقراي دابا عارفاك دزتي من مواقف صعيييبة فحياتك،يمكن بكاوك الناس بهضرتهوم،تعقدتي،مرضات نفسيتك،عانيتي،سهرتي الليالي وعييتي...
انا ماجاياش اليوم باش نعطيك وصفة تغلاضي بيها،تضعافي بيها اولا تزياني بيها انا جاية نقوليك هضرة لي غاتعاونك باش تنوضي على رجليك وتستجمعي القوى ديالك وتكوني لالة مولاتي
*عارفاك عقدوك بوزنك،عندك دهون متراكمة فجسمك،نتي لي نعتوك بكلمات من نسيج ابداعهم الخامج وعقلياتهم الرجعية(خنشة ديال السيما،غليظة،فيلة...)نتي كانقوليك بقاي هاكاك راكي واعرة فنة،غزالة،واعرة وغانسميك دبدوبة جميلة وكلما زادت الكتلة زادت الجاذبية
*عارفاك حتى نتي لي ضعيييفة عقدوك بهضرتهوم الخاوية لي ماعندها باش تنفعك وحتى نتي نعتوك بالقاب(سلك ديال الضو،ستيلو...) ماتديهاش فيهوم نتي الالة عودك فرنسي ولي لبستيها تواتيك خليك هاكاك وباراكا من الحلبة والتخربيق وديري الرياضة وكولي ماكلة صحية تزاديتي هو هاكاك مازدتيش اصلا راك فنة
*نتي لي طويلة وعقدوك بالزرافة وببوطو الضو نتي خصوصا كاتعجبيني وفنة وكاتجي واعرة فلي لبستيه والطولة والتجريدة والنخوة نعام الالةماتعقديش من طولك احبيبة راه الحسد عما ليهوم عينيهوم
ماتعقديش من طولك احبيبة راه الحسد عما ليهوم عينيهوم*نتي لي قصيييورة وعقدوك بالقزمة وشوفووا ديك السنفورة الالة نتي بالذات وريييدة
فنة وغزالة ولي لبستيه يواتيك وشحال ما كبرتي غاتبقاي كييوووت
فنة وغزالة ولي لبستيه يواتيك وشحال ما كبرتي غاتبقاي كييوووت*نتي لي فتي سن الزواج لي اصلا ماعندوش سن محدود حسب رأيي،وعييتي من ديك الكلمة القديييمة الرجعية المتخلفة(عن بايرة وفاتك التران وامتا نفرحو بيك اتحدث) نتي بالذات احبيبة مرتاااحة فحياتك،ماكاين لي مصدعك كل صباح توجدي ليه الفطور،ماكاين لي مصدعك بماما ضفري ليا شعري ماما مشطي ليا ماما فعلي ليا نتي الالة لي كاتضفري شعرك ومازال كاتخرجي بالكريينات نتي لي يديك ماعامرينش بريحة البصلة وضفارك ماموسخينش بالخرقوم شفتي النعمة لي عطاهالك الله اختشي
نتي لي يديك ماعامرينش بريحة البصلة وضفارك ماموسخينش بالخرقوم شفتي النعمة لي عطاهالك الله اختشي *نتي لي ماتفاهمتيش مع راجلك وتطلقتو وكل واحد مشا فطريقو،وبداو عليك ب(راهي ديك لي طلقات،ويلي ياختي ماكاتحشمش و خارجة هاكا...) نتي الالة مرتاحة ورجعتي لداركم بعزك وكرامتك وصحتك،شحال من واحدة كاتاكل الدق والعصااا فكل نهار وكاتسمع جميع انواع السبان وكتمنى غير امتا تاخد ورقة الطلاق ولكن خافت من هضرة الناس ورد فعل واليديها وضحات بسعادتها على قبل الناس وهي ماعندهاش الشجاعة لي عندك نتي
*نتي لي داخلة سوق راسك وماكتضصريش البراهش والبرهوشات عليك وماكايعجبكش تخرجي بزاااف وصدعو ليك راسك ب(معقدة)الالة زيدييي تعقدي ولي ماعجبو حال يسطح راسو مع شي حيط اولا يشرب الما دالبحر
*نتي لي كاتخرجي وعايشة حياتك كيما قالها ليك راسك وعارفة راسك بلي غادية فطريق الله وماكاتديري حتى حاجة عيب ولكن مرضوك ب(سلكوطة،ماحاكمينهاش واليديها،خرجو رجليها الشواري وبلا مانكمل ليكوم...)بغيت نقوليك ديري مافراسك وزيدي فقسيهوم وفركعي ليهوم المرارة والشرايين وبووووم
*نتي لي خلاك داك الرويجل لي تحديتي على قبلو عائلتك والمجتمع وكاااع الناس وبقيتي غي كاتمدحي فيه و فاللخر بدلك بوحدة اخرى ومشيتي كاتبكي عليه فشي قنت بحال ايلا هو محور الكرة الأرضية والشمس كاتشرق غير عليه وماكاتغرب حتى كتاخذ من عندو الاذن،هاداك بالذات غير نسايه وخلاتها مولاتها رضوى الشربيني تشرب وراااك 30 كباية ماااي
*نتي لي ماشي بحال كلشي،نتي لي استثناء،نتي لي الاصل وماشي التقليد،نتي لي مرا ونص كملي فطريقك ولي ماعجبوش الحال بووووسة كبييرة لبابا ومع الف سلامة والباب يفوت الف جمل
بزااااف ديال الحب
بارطاجيه مع ماماك،خالتك،عمتك،صاحبتك،ختك... واكيد غاتكوني لقيتي راسك فشي سطر من هادو لي الفوق
وماتنسايش تكتبي لينا تعليق لتحت
تعليقات
إرسال تعليق