أجي تعلمي قانون الجذب بالدارجة المغربية - نصائح للبنات
أجي تعلمي قانون الجذب
قانون الجذب بالدارجة المغربية
- قانون الجذب قانون من قوانين الحياة ومعروف كايسميوه الخبراء فالتنمية الذاتية والعقل الباطن ودكشي...كايسميوه (السر) (the secret) وكاين كتاب سميتو the secret لي كايشرح هاد القانون بشكل جيد ولي غايقولو هدشي مجرد خرافة،راه العلماء هوما لي ثبتو وجود هاد القانون بالتجارب لي داروها والناس لي كايقولو حرام وعندو علاقة بالشياطين ودكشي
(من نيتكوم) راه كاينة أدلة عليه فالدين(تفائلو بالخير بالخير تجدوه) (انا عند ظن عبدي بي)
(من نيتكوم) راه كاينة أدلة عليه فالدين(تفائلو بالخير بالخير تجدوه) (انا عند ظن عبدي بي) - قانون الجذب هو بكل بساطة اي حاجة كاتفكري فيها كاتلقايها قدامك،يعني اي حاجة فكرتي فيها قانون الجذب كايجذبها لحياتك وكاتولي واقعية،ونعطيكوم مثال بسيط،فاش كاتكوني غادة فطريق وكاين شي حد فقدامك ومابغيتيهش يدور وبقيتي كاتقولي فراسك ويلي عنداك يدور عنداك يدور وكتعاوديها فراسك ومن بعد اكيد كايدور(عمرها وقعات ليكوم
)اولا فاش كاتبغي تدوز شي امتحان وكاتكون مراجع ليه مزيان وكتبقا تقول ويلي عنداك غير نمشي حتى القسم ونسى كلشي وكتبقى تكرر ديك الفكرة فعقلك فاكيد غاتنسى...المهم كاينين أمثلة كثيييرة
)اولا فاش كاتبغي تدوز شي امتحان وكاتكون مراجع ليه مزيان وكتبقا تقول ويلي عنداك غير نمشي حتى القسم ونسى كلشي وكتبقى تكرر ديك الفكرة فعقلك فاكيد غاتنسى...المهم كاينين أمثلة كثيييرة- المسؤول عن قانون الجذب هو العقل الباطن،حيث عندنا فراسنا العقل الواعي والعقل الباطن(اللاواعي) العقل الباطن ديالك فاش كاتقوليه شي فكرة كيفما كانت سلبية اولا ايجابية وكتبقا تكررها،كايجذبها ليك حيث هو ماكايفرقش بين ما هو سلبي وما هو ايجابي دكشي علاش خاصنا نعرفو كيفاش نختارو الأفكار ديالنا ونعطيكوم مثال على هدشي،فاش كاتلقاو انسان ايجابي فحياتو،ديما ناشط،ديما متفاءل ديما كاتلقاه قليييل فاش كايكونو عندو شي مشكل كبير اولا ماكاتصدقش ليه شي حاجة اولا ماكاينجحش فشي حاجة،على عكس الانسان السلبي لي ديما كايفكر فالحاجات الخايبين كاتلقاه فأغلب اوقاتو كايعيش فالصداع والمشاكل...(كاتلاحظوها)
)فالجزء الاول هضرت على قانون الجذب عامة وشكون لي مسؤول عليه وفهاد البوسط غانهضر ليكوم على كيفاش يتحقق ليكوم فحياتكوم وينجح ليكوم
-اول حاجة هي المخيلة الواسعة،ناخدو كمثال بنت بغات تكون طبيبة،غاتبقا تخيل راسها طبيبة،وشنو غاتكون لابسة و عندها عيادة،وتخيل كيفاش غاتكون ديك العيادة،والناس لي غايجيو عندها كيفاش غاتهضر معاهوم،المهم تتخيل أدق التفاصيل...(احسن اوقات باش دير عملية التخيل هي الليل قبل ماتنعسي وفالصباح فاش يلاه كاتفيق حيث العقل الباطن كايكون خدام مزيان)
-التكرار هو تعاودي دوك الافكار فدماغك ولكن ماشي بصيغة المضارع انما بصيغة الحاضر وناخدو نفس المثال ديال البنت لي بغات تكون طبيبة ماغاديش تبقا تقول انا غانولي طبيبة لا خاصها تقول(انا طبيبة...) وتبقا تعاودها بزاف ديال المرات وهذا ما يسمى بالتوكيدات باش تقدري تقنعي عقلك الباطن بديك الفكرة ويجذبها ليك.
-الايمان هو انك تكوني مآمنة بقانون الجذب وايلا ماكنتيش مآمنة بيك فراك غير كاتكبي الما فالرملة وماغاتلقاي حتى نتيجة يعني ضروري انك تكوني مآمنة جدا بأن قانون الجذب غايجذب ليك ديك الحاجة وغاتحقق.
-العمل حيث مايمكنش تكوني كاتنعسي بالليل وبالنهار وتجي الخدمة تال عندك،اولا تجي طوموبيلة تدق عليك اولا غايجي شي جن يجاوب بلاصتك فالامتحان،را ضروري تخدمي على ديك الحاجة وقانون الجذب غايعاونك توصلي ليها وهنا غانعطيكوم معادلة: العمل+قانون الجذب=تحقيق الهدف (كاينة شي طريقة نشرح بيها كثر)
اولا غايجي شي جن يجاوب بلاصتك فالامتحان،را ضروري تخدمي على ديك الحاجة وقانون الجذب غايعاونك توصلي ليها وهنا غانعطيكوم معادلة: العمل+قانون الجذب=تحقيق الهدف (كاينة شي طريقة نشرح بيها كثر)اي سؤال تقدرو تكتبوه فالتعاليق ونجاوب عليهوم ان شاء الله
بزااااف ديال الحب
تعليقات
إرسال تعليق