قصة سخونا وشنو دنبي - قصتي مع المراهقة 2021

 

كيفاش نتاخد القرارات الصحيحة - نصائح للبنات

القرارات

سلام زوينات صافا؟! نتمنى تكونو بخير،المهم نجيو للمفيد كنت قريت واحد الكتاب زوين ديال ابراهيم الفقي(فن وأسرار اتخاذ القرار) واستافدت منو بزاف وجيت نتشارك معاكم بعض النقاط المهمة لي غتعاونك باش تكوني انسانة مسؤولة كتاخذ قرارات صائبة وعلى بركة الله:

الاعتقاد

*خاصك تعتاقدي فقدراتك وتعتاقدي فقراراتك،يعني تكوني متيقنة من شنو كديري ماشي غا غادية غالله،وتامني وثيقي فالقرار لي اتاخذيه وحتى فالقدرات ديالك

الوضوح

*القرار ديالك خاصو يكون واضح وباين بالنسبة ليك باش يكون قرار صائب ويوصلك للطريق الصحيحة،يعني فكري فيه مزيان،درسيه من جميع الجوانب عاد اتاخذيه

التجارب الماضية

*كاع التجارب الزوينة لي دزتي منها،ستافدي منها،وديها معاك للمستقبل

التغيير الاستراتيجي

*ديما حاولي تزيدي براسك للقدام،تعلمي اكثر،حققي اكثر،قراي اكثر،حلمي اكثر،وحتى قراراتك حسني منها وزيدي بيها للقدام

المثل الاعلى

*ديما خاص يكون عندك مثل أعلى،يكون مصدر قوة والهام بالنسبة ليك وخصوصا ايلا كان نجح فنفس الحاجة لي نتي باغية توصلي ليها،غتقولي ديما ايلا هو وصل اذن حتى انا قادرة نوصل ان شاء الله

التخيل الابداعي

*تخيلي راسك ديما وصلتي لدكشي لي بغيتي،حققتي احلامك،تخيلي راسك ناجحة،تخيلي راسك لقيتي الحل للمشاكل لي عندك،الحاااصول كوني مبدعة فتخيلاتك

التأكيدات

*قولي لراسك كل يوم،اه ممكن ممكن ممكن...نتاخذ احسن القرارات فحياتي،لي غيبدلوها وغيوصلوني لاهدافي باذن الله

الممارسة

*مارسي كل نهار قرار واحد واخا يكون بسيط،ابراهيم الفقي رحمة الله عليه عطانا مثال ديال الشخص لي كيكتب بيديه الليمنية ميقدرش يكتب بيديه الليسرية ولكن كون مارس الكتابة باليد اليسرى كون نجح فيها

وقت الثقة

*كل نهار عطي لراسك 10min قولي فيها لراسك انا ثايقة فراسي،شنو ما كيقولو ليك الناس،قوليها وفعلا طبقيها وثيقي فراسك

المرونة التامة

يعني توصلي لديك المروونة القوية

وفاخر الكتاب عطانا ابراهيم الفقي مجموعة من النصائح ومن بينها نتقربو لله عز وجل اكثر،نهتمو بالصحة ديالنا اكثر،نديرو الرياضة،نواعدو راسنا كل نهار نكونو حسن من البارح،ونعيشو كل لحظة كأنها آخر لحظة فحياتنا