روتين العناية بالشعر الجاف والمجعد بوكلي
العناية بالشعر
وصفات شعر
سلام بنات صافا؟!المهم رجعت ليكم بموضوع جديد لي هو على كيفاش تهتمي بشعرك ايلا كان بوكلي،وحيث نيت شحاال هادي مادويتش على الشعر...و على بركة الله:
*اول حاجة هي شامبوان ديالكم خاصو يكون خاص بالشعر المجعد والجاف وكنصحكوم بultra doux لي زوين بزاف وغيعجبكوم.
*ضروري تديري حمام زيت لشعرك قبل الحمام،تقدري تخلطي جميع الزيوت لي عندك وتشققي بيهوم شعرك،وديري ماساج باطراف اصابعك باش تنشطي الدورة الدموية وشعرك يستافد من فوائد دوك الزيوت وكنصحكوم بزيت السمسم(زنجلان) مفيدة بزاف للشعر البوكلي
*متنسايش ماسك قبل 2h من الحمام ولي اديريه بعد حمام زيت،وهاد الماسك فيه بنانة طاايبة اولاl'avocat مع زيت الزيتون،تطحنيهوم وديريهوم لشعرك فحال الترطيبة،تادوز 2h وغسلي شعرك
*الشعر البوكلي ماكايتغسلش كثر من 2دالمرات حيث ديجااا هو جاف وغتزيدي تنشفيه ايلا بقيتي تغسلي فيه بزااف
*غسلي ديما شعرك بالماء الدافي وبعدييي على السخون حيث غيهرسو ليك ويقصفوو هدشي لي مبغيناش
*بعدي على المشطة نهاااائيا وشعرك ناشف،واش الالة شعرك مبوكلي وباغا تمشطيه وترجعيه ليييس بالسيف عليه اويلي راه غير اتهرسيه وغايطلع للسما وغتباني كي الغولة وشكرا
*ديما من بعد ماتغسلي شعرك وتساالي،مشطيه مزيان،ودهني دوك الأطراف بلproduit دالبوووكلاج اولا بزيت اركان تاهي زوينة بزاف صافي وضفريه باش ميتشوكش حيث ايلا خليتيه محلول هاكاك ونشف غيتبوكلا وهو مشوك فمن الاحسن تضفريه وديري زيف حياتي حتى ينشف على خاطرو
وصافي هدشي لي كاين نتمنى تكونو استافدتو،طاكي صاحبتك لي شعرها مبوكلي تستافد
بزاااف ديال الحب