بعض الوصفات لتساقط الشعر
نصائح لمنع تساقط الشعر
تساقط الشعر
Hii girls 
بزااااف د لبنات كايعانيو من تساقط شعر و انا وحدة منهم ..
داكشي علاش قلت نتقاسم معاكم تجربتي ف هاد لموضوع ..
-اولا الناس لي عندهم تساقط الشعر بزااف ، غاليا كايكون مشكل صحي سواء فالنفسية بحال الاعصاب و التوتر ، ولا بسبب شي مرض بحال خلل فالغدة الذرقية ، فقر الدم و نقص الحديد ، تكيس المبيض ... و بعض لمرات كايكون بسبب تغير فالهورمونات ... يعني خاصكم تعرفو هو اللول اصل المشكل منين جاا
بعض الوصفات لتساقط الشعر
-اصفر البيض + زيت جوز الهند
خلطوهم ديرو الخليط من الجدور الاطراف و خليوه ساعة و غسلوه .
اصفر البيض معروف على انه غني ب لبروتين و الحديد و الزنك ... اما زيت جوز الهند كايخلي الشعر احافظ على رطوبة ديالو ..
-بصلة + الصبار ( الويفيرا )
لبصلة مفييييدة بزاااف لشعر واخا ريحتها خايبة ولكن شخصيا ماكاتبقاش ليا فشعري زائد انها كاتحيد حتى لقشرة ، و ايلا خفتو تبقا ليكم ريحة من بعد ماتغسلو شعركم سخنو فالماء اي اعشاب عندكم ريحتهم زوينة بحال ليازير ، لورد ، نعناع ... و شللو بيهم شعركم
-لحنا + زيت زيتون
بلا ماندوي ليكم على لفوائد ديال هاد جوج مكونات حيت معروفين و هادا زمان و هما كايتستعملو لتقوية الشعر و تطويل و منع تساقط
نصائح لمنع تساقط الشعر
- ماتربطوش شعركم من بعد دوش خليوه مطلوق
-خاص الماكلة ديالنا تكون متوازنة و نتبعو نظام غدائي صحي غني ب لبروتينات و الحديد ...
- كل ليلة نديرو ماساج ل جدور د شعر باش تحرك دورة دموية
-مانخليوش شعر مجعكك بلا مانمشطوه
-خليط زيوت ماتخليوهش ليل كامل ف شعر
-الماااء ، شربو بزااف د لمااء
-حاولو تبعدو من لحوايج لي كاتعصبكم و توتركم
نتمنا يعجبوكوم هاد المواضيف . لي عجبها هاد المحتوى تكتب لينا تعليق لتحت