6 ستة قواعد طبقيهوم فحياتك - نصائح ومعلومات للبنات

ستة قواعد طبقيهوم فحياتك - نصائح ومعلومات

6 ستة قواعد طبقيهوم فحياتك - نصائح ومعلومات بالدارجة المغربية

6 ستة قواعد طبقيهوم فحياتك - نصائح ومعلومات بالدارجة المغربية

اليوم رجعت ليكوم بموضوع جديد لي هو 7 دالقواعد مهمين خاصك تطبقيهوم فحياتك حيث هوما باش غتزيدي للقدام ان شاء الله وعلى بركة الله:

1 - تصالحي مع ماضيك لكي لا يؤلمك حاضرك

*نساي الماضي،لي فات مات،ماكاين لاش تفكري بحاجة دازت وميمكنش ترجع،شي حاجة لي ميمكنش تصلح غير ايلا فكرتي فيها،بالعكس خاصك تمحي ماضيك وتركزي على اليوم،تعيشي اللحظة والسعادة،ايلا بقيتي متعلقة بماضيك،عمرك ماغاتزيدي للقدام،وغيبقا ديما داك الماضي وقتما تفكري فيه يزيد يرجعك 2 خطوات للوراء عوض ماتزيدي للقدام،اذن انسي ماضيك،عيشي حاضرك،واحلمي للمستقبل

2- رأي الاخرين بك لا يعنيك

*اي حاجة تقالت عليك ماشي بالضرورة تمثلك،تمثل حقيقتك،يعني ماشي بالضرورة تكون حقيقتك،هضرة الناس عليك مشكلتهوم هوما ماشي مشكلتك نتي،ركزي على شنو نتي كتقولي على راسك ماشي شنو كيقول عليك البشر،نتي لي عارفة راسك مزيان وادرى براسك من الناس،هضرة الناس دخليها من وذن وخرجيها من وذن اخرى،رميها ورا ظهرك وسيري متوجهة للامام نحو شئ اهم،نحو احلامك

3- لا احد يهتم بسعادتك سواك

*سعادتك نتي بوحدك لي غتصنعيها لراسك،عيشي فرحانة،ضحكي،نشطي،ابتاسمي،بغي راسك بزاااف حيث مادايم ليك غير الله سبحانه وتعالى وراااسك،اه راسك،مادايمين ليك لاواليديك،لا صحابك،لا جدك لا تا لعبةدايم ليك غا راسك،فهمي راسك،تهلاي فيه،بغيه،فرحيه،فرحي راسك واخا بابسط الحوايج،لبسي لي عجبك،ماكي،خرجي،غدي روحك،صلي،قراي القرآن،قراي كتوبة...حيث مادايم ليك غير راسك

4- الزمن يشفينا فكوني صبورة

*دزتي وباقي غادوزي من بزاف دالمشاكل والصعوبات وحتى العراقيل،طبيعي حيث هادي سنة الحياة بكل بساطة،غتجرحي بزاف،جروح عميقة فقلبك،غتبكي،غتدوزي من لحظاات صعاب بزاف وغتقولي صافي هادي هي النهاية،غتمرضي...ولكن متنسايش بلي جاي واحد النهار غتبراي فيه،جروح قلبك غيشافيها الزمن والوقت،غتنساي،غتفرحي بزاااف وغتبكي بدموع الفرحة،حيث ربي واخيرا عوضك،من بعد كل مرضة غتشافاي،من بعد الحزن غيجي الفرح،من بعد دموع الحزن غيجيو دموع السعادة،غييير صبري حيث من بعد الليل كيجي ديما النهار ومن بعد العاصفة كيجي نهار زوين هادئ

5- لا تقارني نفسك بغيرك

*عمرك ماتقولي هادي حسن مني،هادي عيشتها وااو،هادي لبسها واعر عليا،هادي زوينة عليا،هادي قراية عليا،هادي كتسافر لهنا،وتشري من هنا وكدير هكا وهكا

6- توقفي عن التفكير كثيرا فالاجوبة تاتي حين لا ننتظرها

*متفكريش بزاااف فشنو غادي يوقع غدا وبعدو فالمستقبل،متفكريش فالحاجات الخايبة لي ممكن يوقعو ليك،متفكريش فشنو ممكن يطرا ليك بعد 5 سنين،متفكريش فعلاش فلان وفلانة،قلبو عليك،خلاوك،نساوك،مكيسولوش فيك،مكيعطيوكش وقت،متفكريش علاش ربي ماحققش ليك شي حاجة بغيتيها من كل قلبك تطرا ليك،حيث نتي اصلا معارفاش الخير فين كاين والشر فين كاين...

نتمنى يعجبوكوم مثل هده المواضيع . المهم ماتنساوش تكتبوا لينا تعليق لتحت للمزيد شكرا

تعديل المقال