التتمة
قصص حب
قصص رومنسية
قصص مغربية بالدارجة
بالنسبة لي انا اكثر من قصة تتجمع كل من التسطية المعاناة الحب و الشك الصداقة الخيانة وكل مايمكن الانسان يدوز بيه فحياتوماشي انا اللي ختاريت الشخصيات هما اللي ختاروني و تسللو لتفكيري كل ليلة حتى لقيت راسي تنكتب بلا مانشعر
نتمنى انكم تعطيو رأيكم فاسلوبي سوا انتقاد سوا تمديح كلشي ايخليني نزيد لقدام بدعمكم
39 جزء
قراءة ممتعة
ايزرا: حتى انا بغيت ندير شي حاجة فحياتي باراكا غا عام اللي ضاع و ماتخافيش دوا راني متبعاه ( تلفون تايصوني)
ايزرا:ااالو شكون معايا ..اويلي اش تاتكول...امتى...فين...واخا واخا
نظرة(بخوف):اش واقع مالكي
ايزرا:اك..ر..ا.م داا..ر...ت كسي...دة
بعد ماوصلاتهم المكالمة من الصبيطار خرجو تايتجراو مشاو ديريكيت سولو على الغرفة و تلقاو مع الطبيب يلاه خارج من عندها
نظرة: اسمحلي عفاك اش وقع ليها هي لباس ياك
الطبيب: الحمد لله خرجات سليمة غير الطيحة من فوق الموطور اللي تسببات ليها ف فديع بسيط فرجلها ليمن ادير الكبص شي يمات اتولي مزيال
دخلو عندها على و جههم علامات الحزن حيت عارفين اكرام تاتكره انها تكون عاجزة و لا كالسة و بنادم يتسخر عليها بقاو ساهين حتى قفزتهم
اكرام:امالكم باقي مامت نشوف مكم شافقين علي نريب عليكم هاد الصبيطار
ايزرا:اللي فيك مامهنيك (كلسات حداها) على سلامتك خلعتيني عليك
نظرة: ختي هاد المرة ملي ديري كسيدة اما تهرسي اولا موتي ماتجيبيناش حنا من الدار على قيبال شقق فرجليك
اكرام:اييوا الله يحرق طواسلك مايغركش هاد الكبص والله تانوض نشتف على ختي
بقاو تايضحكو عليها اللي فيها ما مهنيها خرجوها مشاو للدار دوشو و نعسو
اصبحنا و اصبح الملك لله
قصر عائلة فخري
علي: صباح الخير(كلس فطبلة الفطور)
عنبر(ختو التوأم):الصباح النور خويا كيصبحتي
علي:مزيان (تايخنزر فيها):واش انا زوجتك باش نبقا نصبح عليك
عنبر:ماحشوماش عليك انا غا توحشتك قلت نفطر معاك يييخ ....فين يوسف
يوسف(الاخ الاصغر):سمعت سميتي(باسها فحنكها و سلم على علي بالايد) المشة صافا
عنبر:ملي تانشوفكم تانولي بخير نتوما هما كلشي فحياتي بلا بيكم والو واخا تزوجت مايجي حد فبلاصتكم
علي: واغير ديري شي حد فبلاصتنا و نتفاهمو (غمزها)فين مهدي؟
عنبر:عندو شي خدمة مستعجلة فالمركز خرج ليها بكري
يوسف: علي واش متأكد المناقصة ديالنا نتا تتوجد الحفلة باقي ماعرفنا حتى واش ديالنا
علي:دراري صغار حنا ...ديالنا اخويا كيف كل عام عائلة فخري عمرها تيح للارض
يوسف(طبطب على كتافو): ايوا مبروك من دابا نخليكم عندي مايتقدى
سلم عليهم و خرج . يوسف اصغر غصن فالعائلة شاب ضحوكي و عقلو خارج كونجي طويل و
بشرتو سميمرة بحالا مبرونزي زادو جمال و اناقة شعرو رطب و مطلعو لفوق ستيلو سبور و جسمو رياضي منحووت من مورا ماتكلف علي بتسيير امور الشركات خدا هو مجموعة الفنادق و المراكز الرياضية بحكم تقربو من هاد المجال
ركب فطموبيلتو و هز التلفون
يوسف:فين ابا عصام غبورات
عصام: غبورات عاد شفتك غا يومين دابا مانتهناش منك زعما
يوسف: راه توحشت غا نور اما نتا سير ***
عصام: الصباح هذا الخرا دور تق*** عشية انا عندكم
قطع عليه و كسيرا ديريكت للاوطيل
نمشيو عند بطلتنا اللي عاد فيقين يتكسلو
نظرة: صباح الفل
اكرام: صباح الخرا هذا الليل كامل و نتي تحزقي علي تكولي واكلة الكرعين
نظرة :ختي الدنيا اللي واسعة ماشي كرشي
(ناضت غادا للحمام و هي درب ايزرا لراسها كانت ساهية) نتي فعار الله تشيرتي ولا مالك
ايزرا: سيري اش بغيت ليك الزغب فالسنان.... الحكة و قلة الضفران .....صريصرة وسط الحصة (بقات تاتبربر حتى ناضت قافزة) ويلي ويلي تعطلت ليوما يصبني داك الكنس
اكرام(مخرجة عينيها):شناواا شكون هذا
ايزرا:ااه ماقلتش ليك انا راه خدمت المساعدة ديال المدير(عودات ليها كلشي)شتي دابا فاش دخلتيني
اكرام:ماعندك مناش تخافي كون عاق كاعما يخدمك مساعدة مهم خدمي هاذ الشهر و خرجي صافي
ايزرا:اوكي اوكي
ناضت لبسات حويجها اللي عبارة عن كسوة من الفوق بيضة و التحت كحلة حد الركبة و من الخصر مشبكة و اديداس بيضة فرجليها حيت هي من النوع اللي ماتيرتاحش فاطالون و تاتلبس اللي كال ليها راسها
خرجو بجوج بعد ما باسو اكرام و خلاوها ترتاح هبطو من العمارة هما يلقاو واحد اللوطو مجبدة قدام الباب شافو فيها لاستغراب حيت مامولفش لبحال هادشي عندهم فاحومة
يلاه زادو جوج خطوات هما يسمعو شي صوت من وراهم خلاهم يتلفتو
... انسة ايزرا
ايزرا: سمحلي تاتعرفني
...انا السائق ديال موسيو علي جيت باش نوصلك للقصر
ايزرا: القصر.....؟؟!
...وي انسة
شافو فبعضياتهم مافاهين حتى وزة
نظرة:اتمشي؟؟
ايزرا:ماعندي ماندير دعي معايا(عنقاتها و باستها)
نظرة :عنداك طفي التيليفون غير نصوني جوبي اوكي بب
مشات ركبات بعد ماحل ليها الشيفور للباب وكسيرا نيشان لقصر فخري
بقات غادية و ساهية فهادشي اللي تادير و الحفلة اللي ماعارفا كيفاش اديير ليها حتى قفزها صوت الشيفور
...وصلنا الالة
وياريتو ماكالها قصر ولا في الاحلام مع الدخلة طوالة عامرة بليكارد مابين كل جوج شجرات كاين واحد كلهم بنضاضر كحلين و بيستولي فخصرهم و تايشوفو فبلاصة واحدة بحالا عميين
شافو الشيفور تحل الباب الكبير و تحل معاه فمي..
جردة كبيرة عامرة بجميع انواع الزهور زهرة امالس و زهرة شقائق النعمان و زهرة الانثور هما اللي كانو طاغيين بزاف فالوسط كان بيسين كبير وعلى ليمن كان الباب الرئيسي و المدخل بقيت ساهية فيه حتى وقفات قدامي واحد المرة كبيرة شوية فالعمر مي باقي شادة فراسها شعرها زعر وعينيها عسليين ولابسة جينز و شوميز فالاحمر
...بونجوغ نتي هي ايزرا
ايزرا: وي انا هي
...انا كاميليا غادي نساعدك فتحضير حفلة الليلة
تنهدات ايزرا بشكل مسموع ملي سمعات هدرتها رتاحت نسبيا
كاميليا: هههه مالك
ايزرا: لا والو والو هههه فرحت بزاف خايفا لانزبلها فهاد الحفلة حمد الله ملي ربي جابك فطريقي
عند نظرة
يلاه هبطات من الطاكسي و داخلة للمدرسة وهي تلاقا بعصام خارج سلم عليها غا بعينيه وداز
نظرة(بهمس): كاين اللي تايخلي هاد الزيين كامل ويغبر .....بااز شي عطاتو شي زواتو
بقات غادا للقسم ديالها سلمات على تلاميذها اللي تاتعامل معاهم بحال الا ولادها حيت اغلبيتهم مراض بامراض نفسية حتى مؤسسة ماقبلاتهم من غير هاذي بحكم ان نظرة تاتقبل درسهم و تاتقول ديما انهم هما بحالهم بحال كاع الاطفال من حقهم يندامجو مع غيرهم
مع الدخلة تلكا ليها وليد صغيور
...استاذتي نور كاعما بغات تدوي معايا
نظرة: ههههه واخا اجي نشوفو مالها (كلسات حداها) نور حبيبة صافا
نور: هزات كتافها بمعنى انها مقلقة
نظرة: هههه مال حبيبة مالها
نور: (تاتهضر و الدمعة فطرف عينيها) بابايا كذب علي قاليا الا مشيتي مدرسة انجيب ليك ماماتك هو كذاب مبقاش عزيز علي صافي
بقات تاتشوف فيها ماعندها باش تجوبها هي قررات تعاونها تخرج من هاد الحالة ولكن ماشي بالكذوب خافت لا تقول شي حاجة و تزيد توهمها بشي حاجة مكيناش باستها فحنكها و ناضت بدات الحصة ديالها.
كاميليا: قولي لي شحال عندك من عام
ايزرا: 20 عام
كاميليا : ااااامم باقا صغيرة مهم الحفلة اتكون فالجردة خاصنا نجهزوها مزيان منظم الحفلات دابا شويا ايوصل ماخاصكش تغفلي عليه ماتخلي حتى حاجة ناقصة انا انمشي نشوف واش وصلو المشروبات
خلاتها حالة فمها كانت هي اتعاونها مي ماللي شافتها مدهشرة قررات تقلب الاية و تولي هي اللي معاوناها ....بقات تادور عينيها فالقصر و تاتهضر غا بوحدها
ايزرا: الناس كيف عايشين شي عطاتو شي زواتو .....على مالي انا زعما مانستاهلش نعيش فهاد الخير ....مالي على مزناتي شهوة مني نستاهل كتر كاع.... الزين كاوري لاطاي بومبا ..
بقات تتعبر حتى سمعات الضحك من وراها
....ههههه علام و الله هههههه
ايزرا:(مركات مركة ديال القلب ولات بحال قرعة الكيتشوب) انا... س..مح..لي انا ماقصدتش
عنبر: ههههه لا لا ضحكتيني والله.... ولكن ماكذبتيش تيتيزة مع راسك ههه
ايزرا: (بخجل) سمحيلي اختي (بقات تاتشوف فيها شي شوفات ديال تانعرفك)
عنبر: مالنا على هاذ الشوفات
ايزرا: لا لا والو غا شبهتي لي لشي شخص صافي
عنبر: اامم شكون
ايزرا(بعفوية):المدير ديالي(تاتعبر بايديها) هو مول هاد القصر كنت انقول تاتجيه من العائلة مي داك المعقد محال يكون عندو العائلة ...ياربي السلامة غا مغوبش .... تقول واكلة ليه رزق ولادو ....عندو شي شوفات ديال نقتلك و ندفن مك وقتما يتلاقا بيا يخنزر بحالا مكتوبة فجبهتي مول الكريدي (هي تاتهضر و عنبر غا تاتشوف فيها و تاتقول ليها سكتي غا بعينيها حيت كان وراها جامع ايديه بحال قبضة مستاعد يريب عليها القصر ) مالك تاتغمزي فيا و الله الا شفتيه تقولي كثر من هادشي
عنبر(بثلعتم): هي الصراحة راه شفتو ....وهي دير ليها بايديها زعما شوفي وراك....
مع الدورة لقاتو واقف عينيه تايقطرو دم حمرين و كارز على يديه يلاه اتدوي و هي تنقز عنبر بغات تعتق الموقف
عنبر: خويا نسيت ماقلتش ليك عيط لي مهدي ليوما غادي يجي للحفلة (وقفات بيناتهم) ماعندوش مع الحفلات و لكن على قيبالك غادي يجي
هي تاتهضر و هو غير تايخنزر فايزرا اللي قربات تبول فسروالها و تاتلعن فراسها و فلسانها اللي تايجيب ليها الصداع
علي:مابغيت حتى حاجة تكون ناقصة هاد الليلة و نتي حسابي معاك هو اللخر
خرج من القصر نيشان للشركة
عنبر: اوييلي واش من نيتك اش درتي
ايزرا: هي بصراحة ....انا كنت تانقول غا الصراحة (طلعات فيها عينيها)خووك؟
عنبر: وي خويا التوأم (حابسة الضحكة) مي بصراحة عجبتيني ههههه اول مرة شي واحد يتجرأ عليه هاكا محال يدوزها ليك
ايزرا:(بغرور):امم ماعندو مايدير ايزرا هادي و اجرك علاه
عنبر:هههههه علام باينا لي باقي ماتاتعرفيش خويا المهم نخليك دابا.... اه نسيت سميتك زوينة
مشات و خلاتها تاتفكر فهضرتها كيفاش ماتاتعرفوش مزيان تنهدات و مشات تقابل شغلها
داز النهار عند ايزرا صعيب مالقاتش الوقت فاش تحك راسها بتجهيزات الحفلة بينما علي كالس على اعصابو فالبيرو هو و يوسف تايفيبري برجليه علامة على انه متوثر هو من الاشخاص اللي ماتايرضاوش بالهزيمة واللي بغاها تايوصل ليها
قفزهم اتصال اللي خلاهم تايشوفو فبعضهم تشجع علي جاوب و معلى ووجهو حتى تعبير
قطع و بقا تايشوف فيوسف
يوسف:اش واقع الخراا... دوي اويلي ...مالك اتبي....(غوت) دوي
علي: ياك قلتها ليك اولد ميمتي ههههه(عنقو) مبروك
يوسف:ههههه هي ليوما نتفيشطو
علي: كلشي ديالك يلاه
خرجو معانقيين علاقتهم زوينة بزاف مفاهمين و محتارمين بعضهم حتى واحد ماتايدخل فلاخر و عندهم عنبر هي الرقم واحد فحياتهم من مورا ماماتو واليديهم داروها فعينيهم حيت حساسة بزاف و بغاو يعوضوها بشوية من حنان واليديهم ....
ايزرا:ااالو بب
نظرة: انا غا قلت ليك خلي التيلي حداك
ايزرا:ديزولي بب راه يلاه حطيت مسعودة عييت النهار كامل و انا نوجد فهاد الزمر و حتى واحد المرة كانت تاتعوني غبرات عليا
نظرة:من اللخر امتى اتجي راه 8 هادي عارفاني ماغاديش نرتاح الا ماكنتيش حدايا
ايزرا: غير ايجي المدير نقولهالو و نجي
كاميليا:ماعندك فين تمشي(داخلة و وراها شيفور هاز شلا ميكات)
ايزرا:حبيبة اتو شوية نعاود نعيط ليك(قطعات)ديزولي مافهمتش
كاميليا:شنو ما فهمتيش نتي اتحضري لحفلة هادو اوامر موسيو علي
ايزرا:علاش بسلامة ماني شخصية مهمة ما عندي الشركات
علي:عندك لسان طويل اللي خاصو يتقطع
غا شافتو كحلات بلعما ماكرهاتش تغبر من بلاستها
علي شاف فكاميليا: كلشي واجد
ماميليا: وي موسيو كلشي هو هداك
علي: اامم مزيان (تلفت لايزرا) بدلي علي هاذ الحالة نتي دايرة بحال الزومبي
ناري اشوقع فيها بهاد الكلمة بقات تطلع و تهبط فيها ماكرهاتش تنقز عليه تنتفو
هو داز تلع فالدروج للجناح ديالو
ايزرا: اايييه قاليك الزومبي حيت من الصباح تانوجد ليك فخرااك ولينا زومبي اصلا اللي زين زين غا بغا يفقصني يااك ..... ياااك
تاتدوي مع كاميليا اللي غير تاتشوف فهاد المخلوقة العجيبة جراتها من يديها ديريكت لواحد البيت ...
بعد ساعة بالظبط
بدا القصر تايعمر بالضياف و صوت الموسيقى الهادئة تايتسمع و بطلنا واقف قدام المرأة بكل وسامة بكوستيم فالاسود مطلع شعرو الفوق و تايرتب فلحيتو الخفيفة و تايسد صداف الشوميز حتى دخلات عليه عنبر كي العجاجة
عنبر:التووت التووت اخويا جيتي زوين كيف ديما
علي (بالغوات): عنبر اخر مرة تدخلي بلا مادقي
غوبشات وجهها ماحملاتوش يغوت عليها هو قاصح ااه ولكن معاها هي ديما مرطب و ملي تايغوت ماتيعجبهاش الحال
عنبر(عينيها فالارض):سممححلي غير مهدي جا و جيت نقولها ليك
هز ليها راسها بطرف صباعو
علي: مال المشة ديالي مقلقة(شد ليها نيفها) ديزوولي ماقصدتش نغوت
عنبر:(كانت غا تاتسناه يدوي اصلا هي قلبها بيض و دغيا تاتنسا ) ااوف صافي يلاه راه الناس تايتستاو
شبكات ايديها فدراعو و تمو خارجين تلقاو بيوسف اللي قال للعلي ماتاتعرف والو حتى هو بكوستيم فالزرق غامق و شوميز بيضة شعرو للفوق و ريحتو سابقاه عام بيها ماشي تريح
خشات ايديها التانية فدراعو و تمو خارجيين بثلاتة و الصحافة تاتصور و الناس تايهضرو على التلاتي اللي ماقدر حتى واحد يحنتهم فمحجالهم واخا عنبر بعيدة على الخدمة مي عندها حصتها
فهاد الاثناء لالة زينة البنات يلاه تلفات للمرايا اللي منعاتها عليها كاميليا حتى تسالي ليها و تصدمات
ايزرا(بصدمة):شكون هادي....؟
كاميليا:هههه ايوا كيف جيتك
ايزرا:وااو انا ماعرفتش راسي ههه بصح هادي انا ههههه و طلعت تيتيزة مع راسي (تفكرات هضرتو)قاليك زومبي انا نوري لبوه شكون الزومبي لاما خليت شوهتو فجريدة الصباح راني ماشي ايزرا.شكرا بزااف احبيبة
كاميليا:هانيا يلاه سيري قبل ماتسمعي شي كلمة
خرجات من البيت غادا لجيهت الدروج كانت لابسة كسوة عبارة على الفوق و التحت ملاسقين سروال طويل ختى التحت و الفوق طالع صدرها مغطي كامل و الضهر عريان فالبوردو و صباط طالون فالاسود و شعرها مسرحاه على طولتو حتى الخصر ديالها و دايرة بوكلي خفيق من التحت و ميكاب ديال الحفلات مركزة على العينين مع عكر فالبوردو
يوسف:اااح امي اش هاد الزين كامل هادشي جديد
سمعوه تايهضر و هما يتلفتو يشوفو فين تايشوف حتى شافوها جايا تصدمو بجوج علي بقا حال فمو فيها و فالكسوة اللي بينات لاطاي ديالها و ليهونش و صدرها باين واقف
وعنبر اللي مشات عندها تاتجري
عنبر:وااو جيتي تاتحمقي غزالة ماشاء الله
ايزرا:ههه عويناتك احبيبة
عنبر:اجي نعرفك على راجلي
بقات غادا بيها حتى للطبلة ديالهم وقفو وهو يسبق يوسف مد ايديه ليها
يوسف:بونسواغ
ايزرا(مدات ايديها و هو يهزها لعند فمو باسها): بونسواغ
علي ماعرفش علاش حس باحساس غريب جديد عليه ماحملش خوه لاول مرة احساس خلا قلبو يضرب و غوباشتو تبان ولكن دغيا تحكم فاعصابو و بغا يكدب هاد الشعور
عنبر:هذا راجلي مهدي
ايزرا:متشرفين
مهدي:الشرف لي
مهدي هو كمالت العصابة الرباعية علي يوسف عصام و مهدي هو اكتر شخص قريب لعلي تايعاود ليه كلشي بلا مايفكر وهاذي شهرين باش تزوج بعنبر اللي كان تايبغيها من الصغر وحتى هيا تاتبغيه كانو مقررين يتزوجو شحال هذا مي ماللي ماتو واليديهم دخلات فحالة اكتئاب حاد اللي خلاها غا سادا على راسها حتى قررات تتعالج بمساعدة مهدي و خوتها ماللي تشفات دارو حفلة بسيطة بيناتهم بلا صحافة بلا صداع هذا كان طلبها.
...ختي عفاك
تلفتات ايزرا تشوف كان واحد من لكارد اللي فالباب
ايزرا: سمحولي(مشات عندو و علي غامتبع ليها العين)اش واقع
....واحد البنت ماعندهاش الانفيط و بغات تدخل بزز
ايزرا:امممم يلاه نشوفو
وصلات للباب و لقات بنت باينا فيها من هادوك غامن الطريقة باش تاتندغ المسكة
ايزرا:وي ختي الانفيط عفاك
.. كيفاش انا مامحتجاج الانفيط باش ندخل اصلا شكون نتي(تاطلع و تهبط فيها)
ايزرا: سمحيلي انا تاندير غير خدمتي ماعندكش الانفيط غادي نضطر نخرجك على برا
يلاه اتقول للكارد يجريو عليها و هو يدوي من وراها
علي: اش واقع هنا
هي غا شافتو مشات نقزات عليه عنقاتو هو مادار حتى شي رد فعل
... (بتحلوين) بب اش هاذ الاشكال وليتي مخدم عندك (قربات حتى لحدا فمو و تاتهضر) تصور منعاتني من الدخول و سباتني و قالت لهدوك يجريو علي
علي: (شاف فايزرا اللي مصدومة من الباطل اللي طاح عليها ) مرة خرا تعلمي كيفاش تعاملي مع لالياتك و ماتنسايش مستواك
جر هاديك من يديها ومشاو خلاها حاسا بالحكرة والذل و الاهانة ماحسات حتى نزلو دموعها هي ااه خداما عندو و لكن تاتبقا بنادم فأي مشكل خاصو يسمع للطرفين ويحكم بالعدل ...
تعليقات
إرسال تعليق