قصص حب
قصص رومنسية
قصص مغربية بالدارجة
بالنسبة لي انا اكثر من قصة تتجمع كل من التسطية المعاناة الحب و الشك الصداقة الخيانة وكل مايمكن الانسان يدوز بيه فحياتوماشي انا اللي ختاريت الشخصيات هما اللي ختاروني و تسللو لتفكيري كل ليلة حتى لقيت راسي تنكتب بلا مانشعر
نتمنى انكم تعطيو رأيكم فاسلوبي سوا انتقاد سوا تمديح كلشي ايخليني نزيد لقدام بدعمكم
39 جزء
بداية الأجزاء :
قراءة ممتعة
... انوضي اديك الخانزة بلا بسالتك الصباح هذا
... واش باغا تخرجي علا مي نتيا واش ساخية بيا ا اكرام
اكرام: ماعندو ما يوقع ليك كاع ديك الخفة لي عطاك ربي خدميها و نتي حادكة فيا غا انا
... كن كانت شركة عادية كنت نزعم و لكن نتي غادا بيا لاكبر شركة ف كازا راه الا عاقو بيا او و شهادات مزورين راه ديريكت لعوكاشة
اكرام: شنو دبا حنا ماشي رجالة زعما راه و الله لا عاقو احبيبتي غا كالمي اوكي(شدات ف ايديها) ايزرا نتي داكشي كامل قارياه و عندك ديرايا بيه غير هو ما عندك شاهادات تاتأكد هادشي يعني ما عندك مناش تخافي
ايزرا: صافي انا اندير ليك خاطرك او انمشي اصلا شنو بغات تكون هاد الشركة حتى تخاف منها ايزرا فاتح
... ياختي ياختي عاد كنتي تغبني باز تخزاج العينين عشرة للضس (شافت فاكرام) و نتي اديك الزوفري بقاي تاتخرجي عليها
اكرام: ديها فراسك سيري سيري راك تعطلتي
ايزرا: نظرة حبيبتي ما تخافيش عليا (غمزة)
نظرة: اوكي بب ردي لبال او اي حاجة علميني بيها انا غادة بيزو(باستها او باست اكرام هزات ساكها او خرجات)
احم احم سموحات على هاد الدخلة نسيت ما عرفتكمش بنفسي انا ايزرا فاتح عندي 20عام بنت طويلة بيضة شعري اسود غامق واصل لحد خصري عيوني كحلين كبار و رموشي كتاف حنيكات موردين و فيم احح مانعودش ليكم تيتيزة صافي مي الزهر والو انا هي المعنى الحقيقي ديال داك المثل لي تايكول الدنيا تاتعطي الفول غير اللي ماعندو ضراس (المهم من بعد تعرفو علاش) ساكنة انا و صحاباتي بغيت نكول خوتاتي نظرة و اكرام هما كلشي فحياتي . نظرة كبر مني بعامين من مورا ماقرات ف واحد سونطر ديال التعليم 4سنين تخرجات استاذة و خدمات فواحد المدرسة خاصة تاتقري الدراري صغار. نظرة هي البنت الحكيمة و الرزينة و المتبتة اللي فحياتي هي اللي تاتواجه الامور بجدية و بعقلانية هي قدي فالطول شعرها كحل واصل حد كتفها بشرتها سمراء و عويناتها صغيورين و رموشها كتاف فمها صغيور
و اخيرا اكرام الزوفري ديالي اللي حياتي ماتاتسوا والو بلا بيها هي الراجل ديال الدار كيفما تاتكول لبسها ديال الدراري ديما سراول جينز واسعين مقطعين و قبيات ولا كويرات واسعين و كاسكيط ضاروري و مأكد مستحيل تخرج بلا بيها وكوب كاغسون و لكن واخا دير اللي دارت عمرها تخبي الاونوتة ديالها و جسمها المتناسق و صدرها الواقف و عويناتها الخضرين و شعرها الزعر اللي تايميزها .
اكرام: واش نتي فيما مشيتي تسهاي و نوضي راني درت المستحيل باش دبرت ليك هاد المقابلة
ايزرا: يلاه يلاه خارجة ليا فعودي انا عندي احساس ليوما انتغدا بعدس عوكاشة
اكرام:شطارتك جات حتى لهنا و حبسات نوضي تكعدي
نضت على وعدي و سعدي لبست كسوا فالكري حد الركبة مكروزة من جيهة الصدر و واسعة من التحت و سبادري اديداس فالحمر دارت ميكاب خفيف فوندوتان و ماسكارا و ايلاينر ضروري و كلوس خفيف فالحمر و اللمسة الاخيرة باغفان اللي تايميزها و ساك صغير فالحمر اما اكرام ماحتاجت حتى 2 دقايق باش توجد لبسات سروال مقطع و كويرا كحلة و كونفرس كحلة و دارت كاسكيطها و هزات سوارت موطورها (اه نسيت ما قلتش ليكم اكرام عندها T-max فالكحل ) و و قفات على ايزرا كيف ملك الموت تاتزرب فيها
ايزرا: مالنا على دوك الشوفات تاني
اكرام: زيدي تعطلي مزال باقي الحال
ايزرا: انا واجدة الكبيدة يالاه الله يدوز هاد النهار بخير
هبطو التحت خرجو من العمارة اللي ساكنين فيها و توجهو للباركينغ ركبو فالموطور و نطالقو ما وقفو حتى لقدام الشركة
ايزرا: الله اميمتي الله كنتي اتقتليني وانا شهوة مني
اكرام(بجدية) : شوفي اطلعي ديريكت للفوق للمكتب ديال المدير تما اتلقاي مساعدة ديالو
ايزرا (قاطعاتها) : بلاتي بلاتي نتي ماغاداش معايا
اكرام: سمعيني بلا هضرة خاوية اتلقاي المساعدة ماعليك غير تكولي ليها راه عندك مقابلة اطلب ليك وراقك عطيهم ليها و واياك تبيني راسك خايفة خرجي عينيك كيف تاتخرجيهم فيا انا اوكي و لكن نقصي من طولت لسانك حيت هو اللي ايجيبها فيك انا غادا دبا تابعاني الخدمة
قبل ماتجوبها ديمارات الموطور و خلات وراها العجاجة حيت عارفة ألا بقات معاها غير اطبخ ليها راسها و كلات امرها للخالق و دخلات للباب الشركة اللي خلاتها تحل فمها حتى لوذنيها
ايزرا: لا حشى حشى واش انا فالمغرب ياربي نكون تانحلم
مع الدخلة تاتلقا خزانة كبيرة عامرة بالمجوهرات الخواتم دالالماس
و الزمرد و الاحجار الكريمة... الارضية كلها زااج تاتشوفي فيها راسك.
بقيت ساهية فديكور حتى خرج فيا واحد بنادم اش انقولكم طول فعرض فارتفاع كن ما شديتش فراسي كن حسبت سناني
ايزرا: وا بنادم وا سي واش عمى فيك جلالا ...
بقى تايشوف فيا و مخنزر و تايطلع و يهبط فيا
ايزرا(تتعبر بايديها): مترو و ستين و ايلا ساخي بعويناتك نتقبهوم لخويا ماشي مشكل .
ولد الحرام و تكول واش خرج شي كلمة خنزر فيا و داز خلاني اناكل جنابي بالفقصة تحنيت هزيت وراقي و مشيت جيهت المصعد وركت على اخر طابق و خرجت اش انكوليكم عالم اخور طاغي عليه اللون الاسود كان على ليسر بيت كبير تتوسط طاولة طويلة باينة ديال الاجتماعات و في الجنب كانو 2 ديال لفوتاي فالاسود و طاولة صغيرة وسط منهم او في الجهة لاخرة بان ليا باب كبير واقلة هو ديال المدير و فالجنب ديالو كان مكتب متوسط كالسة فيه بنت محجبة باينة فيها في العشرينات تميت غادا عندها يلاه و قفت هزات فيا عينيها...
... واش باغا تخرجي علا مي نتيا واش ساخية بيا ا اكرام
اكرام: ماعندو ما يوقع ليك كاع ديك الخفة لي عطاك ربي خدميها و نتي حادكة فيا غا انا
... كن كانت شركة عادية كنت نزعم و لكن نتي غادا بيا لاكبر شركة ف كازا راه الا عاقو بيا او و شهادات مزورين راه ديريكت لعوكاشة
اكرام: شنو دبا حنا ماشي رجالة زعما راه و الله لا عاقو احبيبتي غا كالمي اوكي(شدات ف ايديها) ايزرا نتي داكشي كامل قارياه و عندك ديرايا بيه غير هو ما عندك شاهادات تاتأكد هادشي يعني ما عندك مناش تخافي
ايزرا: صافي انا اندير ليك خاطرك او انمشي اصلا شنو بغات تكون هاد الشركة حتى تخاف منها ايزرا فاتح
... ياختي ياختي عاد كنتي تغبني باز تخزاج العينين عشرة للضس (شافت فاكرام) و نتي اديك الزوفري بقاي تاتخرجي عليها
اكرام: ديها فراسك سيري سيري راك تعطلتي
ايزرا: نظرة حبيبتي ما تخافيش عليا (غمزة)
نظرة: اوكي بب ردي لبال او اي حاجة علميني بيها انا غادة بيزو(باستها او باست اكرام هزات ساكها او خرجات)
احم احم سموحات على هاد الدخلة نسيت ما عرفتكمش بنفسي انا ايزرا فاتح عندي 20عام بنت طويلة بيضة شعري اسود غامق واصل لحد خصري عيوني كحلين كبار و رموشي كتاف حنيكات موردين و فيم احح مانعودش ليكم تيتيزة صافي مي الزهر والو انا هي المعنى الحقيقي ديال داك المثل لي تايكول الدنيا تاتعطي الفول غير اللي ماعندو ضراس (المهم من بعد تعرفو علاش) ساكنة انا و صحاباتي بغيت نكول خوتاتي نظرة و اكرام هما كلشي فحياتي . نظرة كبر مني بعامين من مورا ماقرات ف واحد سونطر ديال التعليم 4سنين تخرجات استاذة و خدمات فواحد المدرسة خاصة تاتقري الدراري صغار. نظرة هي البنت الحكيمة و الرزينة و المتبتة اللي فحياتي هي اللي تاتواجه الامور بجدية و بعقلانية هي قدي فالطول شعرها كحل واصل حد كتفها بشرتها سمراء و عويناتها صغيورين و رموشها كتاف فمها صغيور
و اخيرا اكرام الزوفري ديالي اللي حياتي ماتاتسوا والو بلا بيها هي الراجل ديال الدار كيفما تاتكول لبسها ديال الدراري ديما سراول جينز واسعين مقطعين و قبيات ولا كويرات واسعين و كاسكيط ضاروري و مأكد مستحيل تخرج بلا بيها وكوب كاغسون و لكن واخا دير اللي دارت عمرها تخبي الاونوتة ديالها و جسمها المتناسق و صدرها الواقف و عويناتها الخضرين و شعرها الزعر اللي تايميزها .
اكرام: واش نتي فيما مشيتي تسهاي و نوضي راني درت المستحيل باش دبرت ليك هاد المقابلة
ايزرا: يلاه يلاه خارجة ليا فعودي انا عندي احساس ليوما انتغدا بعدس عوكاشة
اكرام:شطارتك جات حتى لهنا و حبسات نوضي تكعدي
نضت على وعدي و سعدي لبست كسوا فالكري حد الركبة مكروزة من جيهة الصدر و واسعة من التحت و سبادري اديداس فالحمر دارت ميكاب خفيف فوندوتان و ماسكارا و ايلاينر ضروري و كلوس خفيف فالحمر و اللمسة الاخيرة باغفان اللي تايميزها و ساك صغير فالحمر اما اكرام ماحتاجت حتى 2 دقايق باش توجد لبسات سروال مقطع و كويرا كحلة و كونفرس كحلة و دارت كاسكيطها و هزات سوارت موطورها (اه نسيت ما قلتش ليكم اكرام عندها T-max فالكحل ) و و قفات على ايزرا كيف ملك الموت تاتزرب فيها
ايزرا: مالنا على دوك الشوفات تاني
اكرام: زيدي تعطلي مزال باقي الحال
ايزرا: انا واجدة الكبيدة يالاه الله يدوز هاد النهار بخير
هبطو التحت خرجو من العمارة اللي ساكنين فيها و توجهو للباركينغ ركبو فالموطور و نطالقو ما وقفو حتى لقدام الشركة
ايزرا: الله اميمتي الله كنتي اتقتليني وانا شهوة مني
اكرام(بجدية) : شوفي اطلعي ديريكت للفوق للمكتب ديال المدير تما اتلقاي مساعدة ديالو
ايزرا (قاطعاتها) : بلاتي بلاتي نتي ماغاداش معايا
اكرام: سمعيني بلا هضرة خاوية اتلقاي المساعدة ماعليك غير تكولي ليها راه عندك مقابلة اطلب ليك وراقك عطيهم ليها و واياك تبيني راسك خايفة خرجي عينيك كيف تاتخرجيهم فيا انا اوكي و لكن نقصي من طولت لسانك حيت هو اللي ايجيبها فيك انا غادا دبا تابعاني الخدمة
قبل ماتجوبها ديمارات الموطور و خلات وراها العجاجة حيت عارفة ألا بقات معاها غير اطبخ ليها راسها و كلات امرها للخالق و دخلات للباب الشركة اللي خلاتها تحل فمها حتى لوذنيها
ايزرا: لا حشى حشى واش انا فالمغرب ياربي نكون تانحلم
مع الدخلة تاتلقا خزانة كبيرة عامرة بالمجوهرات الخواتم دالالماس
و الزمرد و الاحجار الكريمة... الارضية كلها زااج تاتشوفي فيها راسك.
بقيت ساهية فديكور حتى خرج فيا واحد بنادم اش انقولكم طول فعرض فارتفاع كن ما شديتش فراسي كن حسبت سناني
ايزرا: وا بنادم وا سي واش عمى فيك جلالا ...
بقى تايشوف فيا و مخنزر و تايطلع و يهبط فيا
ايزرا(تتعبر بايديها): مترو و ستين و ايلا ساخي بعويناتك نتقبهوم لخويا ماشي مشكل .
ولد الحرام و تكول واش خرج شي كلمة خنزر فيا و داز خلاني اناكل جنابي بالفقصة تحنيت هزيت وراقي و مشيت جيهت المصعد وركت على اخر طابق و خرجت اش انكوليكم عالم اخور طاغي عليه اللون الاسود كان على ليسر بيت كبير تتوسط طاولة طويلة باينة ديال الاجتماعات و في الجنب كانو 2 ديال لفوتاي فالاسود و طاولة صغيرة وسط منهم او في الجهة لاخرة بان ليا باب كبير واقلة هو ديال المدير و فالجنب ديالو كان مكتب متوسط كالسة فيه بنت محجبة باينة فيها في العشرينات تميت غادا عندها يلاه و قفت هزات فيا عينيها...
المساعدة (باحتقار): اش حب الخاطر
ايزرا: بنجوغ عفاك عندي مقابلة عمل ...
المساعدة: وراقك...!
ايزرا (تحت سنانها ياربي تخرج هادشي على خير سيري يا الزوفري انا بغيتلك الحكة و قلة الضفار ): هاكي اختي
بدات المساعدة تتقرا فيهم و تاتهز فايزرا عينيها و تاتخنزر فيها فالحظة ايزرا شكات انها عاقت بيها و لكن دغيا تحكمات فاعصابها و وهمات راسها باللي ما غادي يوقع والو
المساعدة: جلسي تما تسناي بيما علمت موسيو علي
مشات كلسات فالكرسي مقابلة معاها اوهي تدعي فخاطرها باش كلشي يدوز مزيان بقات كالسة تاتسنا دازت 10 دقايق 20 ..30... 45 دقيقة و هنا ايزرا طلع ليها الدم يلاه كانت اتنوض تحيح على ديك خيتي و هي توقف عليها
الجزء التاني
المساعدة: نوضي موسيو علي تايتسناك
خنزرات فيها و ناضت تبعاتها و مع الدخلة ديال المكتب حلات فمها مرة خرة حتى بانت ليها ضرسة العقل كان مكتب رجولي بمعنى الكلمة طاغي عليه اللون الاسود كان كلو زااج و شراجم كبار تايبينو داكشي اللي على برا بقات ساهية حتى قرصتها المساعدة حيت من الصباح و هي تاتعيط ليها و لكن غالب الله ختنا مشات ...مع القرصة ضارت يلاه اتبدى تعرعر و هي تصدم شافتو جالس فالمكتب بكل رجولة و شهامة داير رجل على رجل و مرجع راسو للور جالس تايتفرج فهاذ الفيلم اللي قدامو ...ايزرا غير شافتو شدات على فمها وتفكرات المعيور اللي عايراتو قالت اليوم يسيفط مها تغونسفير و لكن تحكمات فراسها المساعدة تاتهضر و عينيها فالارض تقولي قدامها المسيح الدجال من الرجفة ديالها باينا فيها الخلعة
المساعدة: موسيو هذي هي البنت اللي عندها مقابلة
... خرجي
خرجات و هي حانية راسها انا بقيت انشوف فيها يلاه كانت تاتخرج فيا عينيها برا غادخلات عندو تقضاو ليها
... انبقاو هنا
ايزرا: ها لا لا ... ا..نا
... ملي تركبي جملة مفيدة كوليها نسمعها
.
تامالي انا تانتفتف اولي ا ايزرا ما مولفاش ليك مالو اش بغا يكون بالسلامة جريت الكرسي و كلست مقابلة معاه طلع فيا حاجبو زعما اش هاد الجرأة كاملة يلاه بغا يهضر او انا نقاطعو
ايزرا: هادي هي السيرة الذاتية ديالي و الوراق خداهم من عندي كلس تايقرا فيهم و البولة شداتني و تندعي على اكرام فخاطري من مورا ما سالاهم هز راسو فيا لقاني تانضور ف عينيا
... دوماج البوسط اللي جايا على قيبالو عمر
ايزرا: كيفاش عمر اونتوما يلاه علنتو باللي عندكم خصاص غير البارح و تانضن باللي انا اول وحدة تدوز مقابلة ...
خلاها تادوي و ناض خرج على برا لقا ديك خيتي تاتقاد فعكرها غير شافتو و هي تنوض طافجة
...موسيو
... جمعي اشيائك و دوزي خودي تعويضاتك نتي مطرودة
دخل خلاها تاتبلق فعينيها مافاهمة والو مسكينة البكية شاداها ...
داك الكنس خرج خلاني ندوي بوحدي غا جاني مدير اما مانخلي فبوه غا اللي نسيت هو مخنزر غا وحدو ياربي السلامة غايتفركع ...
...اهاه زيدي نسيتي شي حاجة اخرى
ايزرا: ها... انا...لا..... بغيت نكول...
... ماتكولي والو من الاحسن تبقاي ساكتة
جلس دار رجل على رجل و طلع فيا عينيه اللي تايخلعو ياربي السلامة
...عندك الزهر خوا واحد البوسط و لقيتيني محتاج لمساعدة جديدة و فاسرع وقت
ايزرا: و لكن نتا عندك مساعدة..
... ومابقاتش و من اليوم نتي المساعدة ديالي (طلع حاجب ) قهوة كحلة بلا سكر
شافت حتى عيات و كلات امرها لله خرجات و هي تاتحلف ماتخليها فيه
يلاه اتحط رجليها برا و هي تحس بايديها طارت لجيهة لاخرة
(بزعفة):امالنا نتي مانخافوش
المساعدة: بسبابك خرجت من خدمتي دعيتك الله
ايزرا: امالنا على هاد الدعاوي على الصباح سيري عندو هو دعي فيه اما انا مادرت ليك والو
خلاتها تاتعاير و مشات تقلب على فين اتجيب ليه القهوة لقات الماكينة ديالها محطوطة فالجنب خدماتها تسنات حتى عمر الطاس و تمات غادا بيه للمكتب او من الخفة اللي عطاها ربي دخلات بلاما دق سيدة دغيا ولفات.
...ماعلموكش والديك دقي فالباب
ايزرا غا سمعات كلمة والديك عيشة و ميرا و حمو بداو ينقزو فوق راسها ماحملاتوش يجبدهوم على فمو هبطو دموعها بلا ماتحس
ايزرا: و انت ما علموكش والديك انك تذكر الاموات بخير
خبطات ليه لقهوة بزعفة حتى تكفح نصها فوق الوراق اللي كانو تما ماعطاهم حتى اهمية بقا تايشوف فعينيها اللي دمعوا بانت ليه فصورة خرا ماشي البنت الكذابة اللي دخلات على اساس تخدم فالمحاسبات و هي ما عندها حتى شهادة و باش زيدا مكملاها بالوتائق المزورة حدها شهادة الباكلوريا اللي عندها حقيقية
#فلاش باك
هو ملي تصاطح معاها فالدخلة ديال الشركة و شافها كيفاش دوات معاه شك حيت اي واحد ايدخل لشي شركة خاصو يكون عارف المدير ديالها و زيد هي داخلا لاكبر مجموعة شركات عائلة فخري اللي مخليها المدير العام علي فخري متصدرة صفحات البورصة الاولى واللي محتل عالم المجوهرات
من مورا ماشاف جرأتها كلف واحد باش يجيب ليه الملف ديالها او من مورا 10 دقايق كان الملف قدامو اللي فيه تفاصيل هي ماتاتعرفهومش على راسها و تما عرفها تاتكذب داكشي علاش قرر يلعب معاها باش يشوف شنو ورا هادشي.
كيفاش اديرها بيه و هو حافض كاع القوالب و مستحيل يديرها بيه شي واحد الرجالة و تيبولو فسروالهم الا وقف قدامهم....
علي فخري 28سنة اكبر عضو في العائلة هو و اختو التوأم من مورا ما توفاو والديه فحادثة سير ترأس مجموعة الشركات اللي زاد كبرهم و وسع نطاق خدمتو بذكائو هو شاب طويل جسمو رياضي عينيه عسليين و شعرو رطيطب مطلعو الفوق غادي للشهوبية فيم غوز خلاصة القول توتوز ....
خرجات تاتجري جلسات فالمكتب اللي ولا ديالها و هي تاتفكر او تاترجع السينتة للور هادي عامين كانت فرحانة بزاف اوهي واقفة تاتسلم وراقها باش طلع الطيارة اللي كانت متوجهة لفرنسا باش تكمل قرايتها من مورا ما خدات الباك ديالها هنا جاها اتصال اللي حطم ليها حياتها و رجعها لنقطة الصفر اتصال نزلها لسابع ارض خرجات تاتجري اول طاكسي لقاتو قدامها شداتو ديريكت لمحطة الكيران تما لقات نظرة و اكرام تايتسناوها وقفات قبالتهم تاتسناهم يكذبو ليها الموضوع ولكن دموعهم كانو جواب على كاع اسئلتها ركبو فالكار و عينيها مركزين فنقطة وحدة ناشفين و خاليين من اي تعبير عكس قلبها اللي تايبكي دم وصلو لمراكش و شدو طاكسي ديريكت للمستشفى فين كانو جثث ضحايا حادث السير المميت اللي وقع في ضواحي مراكش باضبظ في تيشكا ايزرا غا غادة تاتسنا مها و باها يوقفو حداها هي عاد كانت معاهم فالصباح هي بنفسها وصلاتهم لمحطة الكار غا هاد الصباح كالت ليها الله يرضي عليك ابنتي شنو زعما هي ماغاديش تبقى تسمع هاد الكلمة زعما اخر مرة يعنقها باها و يكوليها الاميرة ديالي بقات غادة و نظرة وراها اللي عينيها مانشفوش من الدموع كيفاش ماتبكيش و هي كانت الام اللي ماولدتهاش كانت القلب الكبير و الصدر الواسع اللي الوقت اللي حتاجتو كانت تاتلقاه تفكرات اول مرة جات للخيرية على اساس تجيب شي بنيتة تعيد معاهم و مع الدخلة بانت ليها نظرة كانت كالسة بوحدها تتبكي قربات ليها يلاه ادوي اوهي تشوف فيها
نظرة: خالتي نتي اتديني معاك ياك كاع البنات داوهم الا انا واش انا خايبة اخالتي
شافت فيها بلا حتى كلمة شدات فايديها و مشات عند المديرة اللي منعاتها انها تديها بحجة انها باسلة و تدير المشاكل و لكن هي اصرات تديها معاها كانت عندها 8 سنين داتها شرات ليها حوايج جداد عوماتها و تما تلقات بايزرا البنت الوحيدة عند عائلتها توالمو بزاف و ايزرا و لفاتها فديك السيمانة نهار بغات ترجعها للخيرية بقات ايزرا تاتبكي و تما قررات انها تبناها....و من تما اوهوما بجوج
بقاو داخلين لداك البيت فين كاينين الجثث و دموعهوم فعينيهم من غير ايزرا اللي كانت الصدمة عليها قوية غير شافت ماماها و باباها مخرجينهم من تلاجة الموتى باش يتعرفو عليهم ماقداتش تصبر تما جاتها سكتة قلبية طاحت فالبلاصة اكرام ماعرفات مادير واش تبكي و لا تعتق وحدة ولا تواسي لاخرة هزو ايزرا لانعاش بزربة من مورا 3 سوايع ديال الانتظار اللي كانو البنات تيموتو فيها 1000 مرة فالثانية خرج الطبيب و على وجهو علامات الاسف هو بصح عتقها من الموت ولكن دماغها دخل فحالة سكون دخلات فغيبوبة اللي دامت عام و شهرين فهاد العام ماتبدل والو من غير البنات اللي كملو قرايتهم نظرة توضفات فمدرسة خاصة او اكرام اللي خدمات فمجلة الازياء كمصورة واخا هي ماعندها حتى علاقة بالازياء ولكن كفائاتها هما اللي مكنوها انها تخدم فيها
بقات ساهية فاحزان الماضي و الدموع فعينيها حتى وقف عليها كيف قباض الرواح
علي: كاين اجتماع من هنا ساعة وجدي وراق المناقصة ملي توصل الشركة الامريكية علميني
دارت ليه براسها واخا و هي ماحاملاهش من ديك الكلمة اللي قال ولكن وقفات للحظة تاتفكر فداكشي لي قال كيفاش وراق المناقصة ياربي انا كيغندير لهادشي انا ماعارفاش حتى شناهية المناقصة عاد انوجد وراقها
ايزرا غا سمعات كلمة والديك عيشة و ميرا و حمو بداو ينقزو فوق راسها ماحملاتوش يجبدهوم على فمو هبطو دموعها بلا ماتحس
ايزرا: و انت ما علموكش والديك انك تذكر الاموات بخير
خبطات ليه لقهوة بزعفة حتى تكفح نصها فوق الوراق اللي كانو تما ماعطاهم حتى اهمية بقا تايشوف فعينيها اللي دمعوا بانت ليه فصورة خرا ماشي البنت الكذابة اللي دخلات على اساس تخدم فالمحاسبات و هي ما عندها حتى شهادة و باش زيدا مكملاها بالوتائق المزورة حدها شهادة الباكلوريا اللي عندها حقيقية
#فلاش باك
هو ملي تصاطح معاها فالدخلة ديال الشركة و شافها كيفاش دوات معاه شك حيت اي واحد ايدخل لشي شركة خاصو يكون عارف المدير ديالها و زيد هي داخلا لاكبر مجموعة شركات عائلة فخري اللي مخليها المدير العام علي فخري متصدرة صفحات البورصة الاولى واللي محتل عالم المجوهرات
من مورا ماشاف جرأتها كلف واحد باش يجيب ليه الملف ديالها او من مورا 10 دقايق كان الملف قدامو اللي فيه تفاصيل هي ماتاتعرفهومش على راسها و تما عرفها تاتكذب داكشي علاش قرر يلعب معاها باش يشوف شنو ورا هادشي.
كيفاش اديرها بيه و هو حافض كاع القوالب و مستحيل يديرها بيه شي واحد الرجالة و تيبولو فسروالهم الا وقف قدامهم....
علي فخري 28سنة اكبر عضو في العائلة هو و اختو التوأم من مورا ما توفاو والديه فحادثة سير ترأس مجموعة الشركات اللي زاد كبرهم و وسع نطاق خدمتو بذكائو هو شاب طويل جسمو رياضي عينيه عسليين و شعرو رطيطب مطلعو الفوق غادي للشهوبية فيم غوز خلاصة القول توتوز ....
خرجات تاتجري جلسات فالمكتب اللي ولا ديالها و هي تاتفكر او تاترجع السينتة للور هادي عامين كانت فرحانة بزاف اوهي واقفة تاتسلم وراقها باش طلع الطيارة اللي كانت متوجهة لفرنسا باش تكمل قرايتها من مورا ما خدات الباك ديالها هنا جاها اتصال اللي حطم ليها حياتها و رجعها لنقطة الصفر اتصال نزلها لسابع ارض خرجات تاتجري اول طاكسي لقاتو قدامها شداتو ديريكت لمحطة الكيران تما لقات نظرة و اكرام تايتسناوها وقفات قبالتهم تاتسناهم يكذبو ليها الموضوع ولكن دموعهم كانو جواب على كاع اسئلتها ركبو فالكار و عينيها مركزين فنقطة وحدة ناشفين و خاليين من اي تعبير عكس قلبها اللي تايبكي دم وصلو لمراكش و شدو طاكسي ديريكت للمستشفى فين كانو جثث ضحايا حادث السير المميت اللي وقع في ضواحي مراكش باضبظ في تيشكا ايزرا غا غادة تاتسنا مها و باها يوقفو حداها هي عاد كانت معاهم فالصباح هي بنفسها وصلاتهم لمحطة الكار غا هاد الصباح كالت ليها الله يرضي عليك ابنتي شنو زعما هي ماغاديش تبقى تسمع هاد الكلمة زعما اخر مرة يعنقها باها و يكوليها الاميرة ديالي بقات غادة و نظرة وراها اللي عينيها مانشفوش من الدموع كيفاش ماتبكيش و هي كانت الام اللي ماولدتهاش كانت القلب الكبير و الصدر الواسع اللي الوقت اللي حتاجتو كانت تاتلقاه تفكرات اول مرة جات للخيرية على اساس تجيب شي بنيتة تعيد معاهم و مع الدخلة بانت ليها نظرة كانت كالسة بوحدها تتبكي قربات ليها يلاه ادوي اوهي تشوف فيها
نظرة: خالتي نتي اتديني معاك ياك كاع البنات داوهم الا انا واش انا خايبة اخالتي
شافت فيها بلا حتى كلمة شدات فايديها و مشات عند المديرة اللي منعاتها انها تديها بحجة انها باسلة و تدير المشاكل و لكن هي اصرات تديها معاها كانت عندها 8 سنين داتها شرات ليها حوايج جداد عوماتها و تما تلقات بايزرا البنت الوحيدة عند عائلتها توالمو بزاف و ايزرا و لفاتها فديك السيمانة نهار بغات ترجعها للخيرية بقات ايزرا تاتبكي و تما قررات انها تبناها....و من تما اوهوما بجوج
بقاو داخلين لداك البيت فين كاينين الجثث و دموعهوم فعينيهم من غير ايزرا اللي كانت الصدمة عليها قوية غير شافت ماماها و باباها مخرجينهم من تلاجة الموتى باش يتعرفو عليهم ماقداتش تصبر تما جاتها سكتة قلبية طاحت فالبلاصة اكرام ماعرفات مادير واش تبكي و لا تعتق وحدة ولا تواسي لاخرة هزو ايزرا لانعاش بزربة من مورا 3 سوايع ديال الانتظار اللي كانو البنات تيموتو فيها 1000 مرة فالثانية خرج الطبيب و على وجهو علامات الاسف هو بصح عتقها من الموت ولكن دماغها دخل فحالة سكون دخلات فغيبوبة اللي دامت عام و شهرين فهاد العام ماتبدل والو من غير البنات اللي كملو قرايتهم نظرة توضفات فمدرسة خاصة او اكرام اللي خدمات فمجلة الازياء كمصورة واخا هي ماعندها حتى علاقة بالازياء ولكن كفائاتها هما اللي مكنوها انها تخدم فيها
بقات ساهية فاحزان الماضي و الدموع فعينيها حتى وقف عليها كيف قباض الرواح
علي: كاين اجتماع من هنا ساعة وجدي وراق المناقصة ملي توصل الشركة الامريكية علميني
دارت ليه براسها واخا و هي ماحاملاهش من ديك الكلمة اللي قال ولكن وقفات للحظة تاتفكر فداكشي لي قال كيفاش وراق المناقصة ياربي انا كيغندير لهادشي انا ماعارفاش حتى شناهية المناقصة عاد انوجد وراقها
بقيت كالسة تانفكر فهاد المناقصة اللي صلطها علي ربي حتى هي... توكلت على الله و فتحت البيسي اللي تما
نخليو هادي و نمشيو لبلاصة خرا بالظبط فواحد المدرسة خاصة فوسط المدينة كانت جالسة في البيرو ديالها تدوز استراحتها حتى تاتسمع الدقان
نظرة: اوووف راه واقيلا تانرتاحو ...اااه عمي حمد سمحلي اش حب الخاطر
حمد(العساس) : سمحيلي ابنتي المدير بغاك فالمكتب ديالو
نظرة:واخا انا جايا
نضت غادا جيهت البيرو دقيت و دخلت لقيت المدير كالس و معاه واحد الراجل تيبان باقي صغير ايكون فديك اواخر العشرينات و بنيتة صغيرة تاتحمق زعيعرة و عويناتها رماديين
المدير: نظرة دخلي
دخلت جلست فالكرسي اللي مقابل مع داك الراجل و يقيت تاندور فعيني نتسنا شي حد يهضر
...بنتي نور خرجي لعبي فجردة بيما ساليت
نور: اوكي بابايا
بعدما خرجات البنيتة اللي بقيت متبعة ليها العين
المدير:احم احم هاذا موسيو عصام الصفريوي اب نور و هي اليوم اتبدا معانا هنا و هادي المعلمة نظرة اللي قلت ليك باللي تقدر تخلي نور تندامج مع الاطفال لاخرين
عصام (تايشوف فيها): انا و ضعت تقتي فيكم و نتمنا ماضيعش هاد تقة
نظرة: سمحلي و لكن شنو اللي خلاك تحولها فنص دالعام
عصام: اصلا ماكانت تاتقرا فحتى مدرسة باش تنتاقل
نظرة : سمحلي و لكن ماحدكم باغيني نعونها كيف قلتو الا و خاصني نعرف سبب المشكل
عصام(بعصاب): ملي مشات عليها الام ديالها و هي فحالة اكتئاب ماخليت مادرت باش ترجع لي بنتي حتى سمعت بيك (شاف فيها) نتمنى كيف عاونتي اللي قبل تعاوني حتى بنتي
نظرة: اااه فهمت انشاء الله يكون خير نخليكم دابا
تمات خارجة و هي تلمحها كالسة فوق واحد الكرسي بوحدها و جامعة رجليها عندها
نظرة: حبيبة واخا نجلس حداك
هزات فيها راسها نور: نتي هي اللي كنتي مع بابايا لداخل يااك؟
نظرة: ااه انا هي (جلسات حداها) و انا استاذة في هاد المدرسة واش تبغي نكون استاذتك حتى نتي
نور:انا عمرني جيت للمدرسة انا خايفة بزاف
نظرة: لا احبيبة ماتخافيش انا انبقى معاك او اي حاجة دراتك قوليها لي انا تانعرف كاع اللي سميتهم نور تايكونو قويين
نور: ااه حتى انا قوية و حتى انا انقرا بحال كاع البنات... عرفتي نتي زوينة بزااف حتى مامايا كانت زوينة كون غير بقات معايا
نظرة(باغا تلفها على الموضوع): حتى نتي زوينة احبيبة و عويناتك غزالين يلاه ندخلو للقسم
نور : يلاه
كان غادي خارج باش يشوفها و هو يلمحهم جالسين تايدويو باينا فيها مرتاحة داكشي علاش قرر ينساحب و هو تايدعي من قلبو ان بنتو ترجع كيف كانت
نسيت ماعرفتكمش عصام الصفريوي 28 سنة طبيب جراح عندو مستشفيات خاصين بيه فاكتر من 5 الدول و لكن هو مستقر فالمغرب و مقابل الفروع اللي هنا شاب طويل و جسمو رياضي منحوت عينيه كحل و فيم صغيور حميمر مع لحية خفييفة اغلبية لبسو كلاس خرج ركب فاللوطو bmw فالاسود يبان وجهك فيها و انطالق مباشرة للمستشفى ديالو .
بقيت كالسة تنقلب على هاد المناقصات دخلت لواحد الضوسي تما و من زهري لقيت البنت اللي كانت موجدة كلشي خرجت داكشي و جمعتو فملف و ديتو ليه ...حطيتو فوق المكتب و خرجت بلا حتى كلمة بحالا تانتسناه يحزرني ايوا الله ينعل اللي مايحشم ...جا وقت الاجتماع مع الشركة الامريكية ماداز حتى غفر لي ربي الذنوب بقيت غاتنبلق فعيني مافهت حتى وزة
يلاه هزيت ساكي باش نمشي بحالي او هو يوقفني صوتو اللي تايطفج دوار
علي: غدا كاينا حفلة فداري انتي اللي غادي تكلفي بتنظيمها ما نبغي ختى غلاط
ايزرا: ولكن هذا ماشي اختصاصي انا..
علي(قاطعها و هو مخنزر): انا اللي تانقول هنا شنو ديري و شنو ماديريش غدا فالصباح بكري كوني تما مابغيت حتى حاجة تكون ناقصا
عطاني هاد جوج كلمات و زاد خلاني... لا اسي المدير ماشي انا اللي يدار لي هكا الا خليتها فيك ماولدو فيا تريكتي غا الذل
خرجت على الشركة و غادا و نسب و نعاير ابوحدي بقيت واقفة نتسنا ديك الزوفري تعطلات عليا تسنيت حتى عيت و قبطت طاكسي لداري
فهاد الاثناء كانت اكرام خارجة من المجلة ديمارات موطورها و غادا فطريق الشركة حتى وقفات فالضوء الاحمر و هي تلافت شافت حداها شاب بنفس الموطور غمزها بمعنى نتسابقو ماقضراتش ترفض ملي شافت ابتسامة السخرية على وجهو بحالا قلل منها خلاتو تايشوف و هي ديماري بسرعة خلات غا العجاجة و راها... بتاسم و تبعها بقاو غادين حتى الخرجة المدينة تما خفافت حركة المرور وبدا كل واحد فيهم يعيق على لاخر بالحركات حتى وصلو لواحد مفترق الطرق بتاسم و هو تايشوف فيها كيفاش تاتسوق بمهارة و ماخيفاش تما ضار على ليمن و خلاها هي مكملة ...ضارت تشوفو فين مشا و مانتابهاتش للكومة القش اللي كانت فوسط الطريق.
اوووف عيت اربي
نظرة(تاتوجد العشاء): على السلامة(باستها) كيداز نهارك
ايزرا: كي الزفت اختي اجي فين ديك الزوفري غرقاتني فيها و غبرات
نظرة:عيطت ليها دابا بقا تايصوني حتى قطع و قولي ليا اش طرا خلاص
ايزرا:ياختي كنا جالسين حتى قاليك غدا كاينا حفلة او انا اللي انظمها واش انا نظمت حتى حياتي نظم حفلة
نظرة:هههههه بقيتي فيا شوفي دابا طيران ديالك واش اينفعك مافهمتش علاش باغا تخدمي ياك انا و اكرام مامخلينك محتاجة والو نتي غا جلسي احبيبتي قابلي غا صحتك ...
نخليو هادي و نمشيو لبلاصة خرا بالظبط فواحد المدرسة خاصة فوسط المدينة كانت جالسة في البيرو ديالها تدوز استراحتها حتى تاتسمع الدقان
نظرة: اوووف راه واقيلا تانرتاحو ...اااه عمي حمد سمحلي اش حب الخاطر
حمد(العساس) : سمحيلي ابنتي المدير بغاك فالمكتب ديالو
نظرة:واخا انا جايا
نضت غادا جيهت البيرو دقيت و دخلت لقيت المدير كالس و معاه واحد الراجل تيبان باقي صغير ايكون فديك اواخر العشرينات و بنيتة صغيرة تاتحمق زعيعرة و عويناتها رماديين
المدير: نظرة دخلي
دخلت جلست فالكرسي اللي مقابل مع داك الراجل و يقيت تاندور فعيني نتسنا شي حد يهضر
...بنتي نور خرجي لعبي فجردة بيما ساليت
نور: اوكي بابايا
بعدما خرجات البنيتة اللي بقيت متبعة ليها العين
المدير:احم احم هاذا موسيو عصام الصفريوي اب نور و هي اليوم اتبدا معانا هنا و هادي المعلمة نظرة اللي قلت ليك باللي تقدر تخلي نور تندامج مع الاطفال لاخرين
عصام (تايشوف فيها): انا و ضعت تقتي فيكم و نتمنا ماضيعش هاد تقة
نظرة: سمحلي و لكن شنو اللي خلاك تحولها فنص دالعام
عصام: اصلا ماكانت تاتقرا فحتى مدرسة باش تنتاقل
نظرة : سمحلي و لكن ماحدكم باغيني نعونها كيف قلتو الا و خاصني نعرف سبب المشكل
عصام(بعصاب): ملي مشات عليها الام ديالها و هي فحالة اكتئاب ماخليت مادرت باش ترجع لي بنتي حتى سمعت بيك (شاف فيها) نتمنى كيف عاونتي اللي قبل تعاوني حتى بنتي
نظرة: اااه فهمت انشاء الله يكون خير نخليكم دابا
تمات خارجة و هي تلمحها كالسة فوق واحد الكرسي بوحدها و جامعة رجليها عندها
نظرة: حبيبة واخا نجلس حداك
هزات فيها راسها نور: نتي هي اللي كنتي مع بابايا لداخل يااك؟
نظرة: ااه انا هي (جلسات حداها) و انا استاذة في هاد المدرسة واش تبغي نكون استاذتك حتى نتي
نور:انا عمرني جيت للمدرسة انا خايفة بزاف
نظرة: لا احبيبة ماتخافيش انا انبقى معاك او اي حاجة دراتك قوليها لي انا تانعرف كاع اللي سميتهم نور تايكونو قويين
نور: ااه حتى انا قوية و حتى انا انقرا بحال كاع البنات... عرفتي نتي زوينة بزااف حتى مامايا كانت زوينة كون غير بقات معايا
نظرة(باغا تلفها على الموضوع): حتى نتي زوينة احبيبة و عويناتك غزالين يلاه ندخلو للقسم
نور : يلاه
كان غادي خارج باش يشوفها و هو يلمحهم جالسين تايدويو باينا فيها مرتاحة داكشي علاش قرر ينساحب و هو تايدعي من قلبو ان بنتو ترجع كيف كانت
نسيت ماعرفتكمش عصام الصفريوي 28 سنة طبيب جراح عندو مستشفيات خاصين بيه فاكتر من 5 الدول و لكن هو مستقر فالمغرب و مقابل الفروع اللي هنا شاب طويل و جسمو رياضي منحوت عينيه كحل و فيم صغيور حميمر مع لحية خفييفة اغلبية لبسو كلاس خرج ركب فاللوطو bmw فالاسود يبان وجهك فيها و انطالق مباشرة للمستشفى ديالو .
بقيت كالسة تنقلب على هاد المناقصات دخلت لواحد الضوسي تما و من زهري لقيت البنت اللي كانت موجدة كلشي خرجت داكشي و جمعتو فملف و ديتو ليه ...حطيتو فوق المكتب و خرجت بلا حتى كلمة بحالا تانتسناه يحزرني ايوا الله ينعل اللي مايحشم ...جا وقت الاجتماع مع الشركة الامريكية ماداز حتى غفر لي ربي الذنوب بقيت غاتنبلق فعيني مافهت حتى وزة
يلاه هزيت ساكي باش نمشي بحالي او هو يوقفني صوتو اللي تايطفج دوار
علي: غدا كاينا حفلة فداري انتي اللي غادي تكلفي بتنظيمها ما نبغي ختى غلاط
ايزرا: ولكن هذا ماشي اختصاصي انا..
علي(قاطعها و هو مخنزر): انا اللي تانقول هنا شنو ديري و شنو ماديريش غدا فالصباح بكري كوني تما مابغيت حتى حاجة تكون ناقصا
عطاني هاد جوج كلمات و زاد خلاني... لا اسي المدير ماشي انا اللي يدار لي هكا الا خليتها فيك ماولدو فيا تريكتي غا الذل
خرجت على الشركة و غادا و نسب و نعاير ابوحدي بقيت واقفة نتسنا ديك الزوفري تعطلات عليا تسنيت حتى عيت و قبطت طاكسي لداري
فهاد الاثناء كانت اكرام خارجة من المجلة ديمارات موطورها و غادا فطريق الشركة حتى وقفات فالضوء الاحمر و هي تلافت شافت حداها شاب بنفس الموطور غمزها بمعنى نتسابقو ماقضراتش ترفض ملي شافت ابتسامة السخرية على وجهو بحالا قلل منها خلاتو تايشوف و هي ديماري بسرعة خلات غا العجاجة و راها... بتاسم و تبعها بقاو غادين حتى الخرجة المدينة تما خفافت حركة المرور وبدا كل واحد فيهم يعيق على لاخر بالحركات حتى وصلو لواحد مفترق الطرق بتاسم و هو تايشوف فيها كيفاش تاتسوق بمهارة و ماخيفاش تما ضار على ليمن و خلاها هي مكملة ...ضارت تشوفو فين مشا و مانتابهاتش للكومة القش اللي كانت فوسط الطريق.
اوووف عيت اربي
نظرة(تاتوجد العشاء): على السلامة(باستها) كيداز نهارك
ايزرا: كي الزفت اختي اجي فين ديك الزوفري غرقاتني فيها و غبرات
نظرة:عيطت ليها دابا بقا تايصوني حتى قطع و قولي ليا اش طرا خلاص
ايزرا:ياختي كنا جالسين حتى قاليك غدا كاينا حفلة او انا اللي انظمها واش انا نظمت حتى حياتي نظم حفلة
نظرة:هههههه بقيتي فيا شوفي دابا طيران ديالك واش اينفعك مافهمتش علاش باغا تخدمي ياك انا و اكرام مامخلينك محتاجة والو نتي غا جلسي احبيبتي قابلي غا صحتك ...
تعليقات
إرسال تعليق