التتمة
الأجزاء الأخيرة
الا مازال ماقريتيش الأجزاء الأولى ... قرايهوم عاد كملي التتمة
قراءة ممتعة :
رجعات للقصر اتموت بالفرحة مالقات حتى واحد ...
اكرام و يوسف مسافرين عندو شي خدمة برا البلاد و داها معااه ..طلعات ديريكت لبيتها بغات توجد راسها و دير لعلي مفاجأة
دوشات و قادات حالتها لبسات كسوة بيضة سميطات هابطة حتى للارض و سرحات شعرها اللي زاد طوال و منعها علي انها تقطعو دارت ميكاب خفيف ...وحطات تصاور الجنين فوق السرير حداهم الصبيبيط الصغير ....وجلسات تتسناه يجي
فهاد اللحظة يلاه داخل علي من باب القصر زااد زياان و تبوكص ...شاف فالصالون ملقاهاش تفكر اكرام ماكيناش معامن تتجمع ...تم طالع فالدروج تيصفر فرحاان ليوم ماغديش يتعدب باش يجيبها لعندو
مع الدخلة لقاها جالسة دايرة رجل على رجل و تضحك غا بوحدها
ناضت تتجري لعندو عنقاتو تعنيقة طوييلة و هي كارزة عليه بحالا هادي اخر تعنيقة ليها شاف فيها مستغرب
علي: حبيبة مااالك ...؟
ايزرا(عينيها تيبريو) هههه والووو ....اجي
حيدات ليه لافيسط و دار قدام المرايا تيحل صداف الشوميز حتى عنقاتو من اللور
ايزرا: حبيبي بغيت نقولك شي حاجة
علي(داار عندها باسها لفمها): اش تم
حطات ليه ايديه على كرشها و هضرات و هي مبتاسمة
ايزرا: حبيبي...قريب ايتزاد عندنا بيبي....انا حاملة
علي تهز لسابع سما و عاود تخبط بهاد الخبر ولا كلو عرقان ...عروقو قربو يخرجو من بلاصتهم... كلمة وحدة اللي تاتردد فعقلو هي حاملة ...شاف فيها شوفة حقد خلاتها ترجع جوج خطوات اللور ...هضرات و هي تتقفقف
ايزرا: علي ....ماااالك
ماجات فين تكملها حتى ضار عنقها 360 درجة طاحت فالارض تترجف و هو كيف شي بركان هايج
علي: اش قلتي....حاملة...ياااك ...ههاا....دوي المسخة ولد من هداك ....دووييي
مخلاها لا تجاوب و لا تنفس نزل عليها باتصرفيق و الضرب ...هز كابلي رقيق بقا عليها بالضرب ماخلا حتى بلاصة ماقاسها حتى من وجهها ما سلك من عصاتو ماطلقها حتى عيا هو.... خلا غواتها تيتسمع فالقصر كامل
علي: شكون ...دوي ..معمن غدرتيني....دوي القحبة...ولد من هداااك ..
ايزرا غير تترجف و تبكي مصدومة معارفاش اش واقع و لا علاش دار هاكا علاش شك فيها و تاهمها بالخيانة
ايزرا:(بصوت تقيل باح غلب عليه البكا) علي. ....هههئ حشومة هههى عليك ....اشش..تتقول...هدا ..ولدك ..هههئ هههيييئ
علي سمعها فالت ولدك عاد مازاد جهل كاع داكشي لي فالبيت هرسو .....بقا تيدرب ليها راسها مع المرايا و عي كلها دم ...تيهز رجليه حتى للسما و يعطيها ليها و هي مخبية كرشها خايفة ولدها لايتقاس ....
علي:(تينهج)قولتي ولدي ...ياااك ...ولدي القحبة...انا متانولدش انا عقييييم .....دوي القحبة ...ولد من هدااااك ....دوي
ايزرا حتى لهنا و سطوب مقدراتش مزال تحمل كتر ...مع سمعاتو قال انا عقيييم طاحت مغيبة
علي:فيقي....نوضي القحبة مساليناش(تيزعزع فيها)نوووضي
شافها غيبات بمرا هزها هكاك بدماياتها لاحها فاللوطو اللور و ساق نيشان لواحد المصنع مهجور عندو وسط الغابة فالخرجة ديال المدينة
لاحها وسط داك المصنع ربط ليها ايدسها و رجلييها بحبل و دار ليها لصقة على فمها
دازت سيمانة و ايزرا فداك المصنع... تتحل عينيها غا ماللي تيجي علي يخوي فيها سمو..... ماخلا مادار فيها حرقها فجسمها كامل ... كل ليلة تيدرب ليها كرشها بالركيل باش يطيح ليها البيبي ...وهو مافمو غير قحبة ...هي مادواا ماتكلمات ماكان عندها الجهد لوالو ستسلمااات للواقع ديالها ...وخلاتو يدير مابغا ....خلاها تما لا ما لا ماكلة ...بغا يقتلها ببطئ ...باش حتى هي تحس بالنار اللي شاعلة فقلبو
هدا نهار الثامن لايزرا فهاد المصنع ...حياتها مابقات عندها حتى معنى فلحظة تسلب منها كلشي ...تفكرات كيفاش كان تيبغيها و تيخاف عليها من الريح يقيصها .... طاحو الدموع على خدها اللي ولاو صحابها فالوحدة اللي هي فيها.... جسمها كل عطيها الصداع او بالاحرى ماتتحسش بيه ... ولكن هادشي ماتيبانش قدااام الجرح اللي فقلبها ....
فهاد اللحظة و قفات fiat صغيرة جنب المصنع من اللور هبطات منو مرة لابسة مونطو هابط حتى التحت و ليبوط طالع و كاسكيط فوق راسها....
دخلات تتسلت للمصنع من الباب اللوراني ...وهي تلمح ايزرا طايحة فالارض ايديها مربوطين فوق راسها و على فمهت اللصاق
كانت ايزرا حالا عينيها و تتشوف فالسقف ....عينيها نشفو من الدموع .... عكس قلبها اللي باقي تيبكي دم
وقفات عليها ديك المرة ...هبطات فيها ايزرا عينيها و هي تبات ليها كاميليا واقفة قدامها
هبطات لعندها ...حلات ليها داك اللصاق و هي تهضر بصوت خفيففف
كاميليا: ماتخافييش ...انا انعونك
ايزرا ماقادة لا تهضر و لا تحرك بزز باش تتركش عينيها ....هزاتها كاميليا بزز مع كانت تقيلة. خرجاتها لطوموبيلتها ...ركباتها اللور و كسيرات نيشان .....
ماوقفات حتى لواحد الدار صغيرة فوسط المدينة .... خرجاتها بشوية دخلاتها لواحد البيت صغير فيه ناموسية ديال شخص واحد و ماريو صغير و حمام .... دخلات كاميليا وجدات ليها الحمام و حطاتها تحت الرشاشة ....غا تطلق الماء قفزات ايزرا... جسمها كل عطاها الحريييق زادو نزلو دموعها و لكن هاد المرة بشكل هستيري ....تتبكي و ترعد ...كرهات راسها و حياتها فلحظة كانت اتكره حتى ولدها اللي ماعرفاش واش باقي فكرشها و لا مااات .....
خرجاتها كاميليا بلا حتى كلمة ... دوات ليها داكشي اللي قدات عليه و جدات ليها الماكلة طاحت فيها عمية .... من بعد عطاتها مهدئ خلاتها ناعسة و خرجات رجعات للقصر
#فلاش_باك
النهار اللي خبرات ايزرا علي بحملها و ناض الصدااع و الغوااات .... كاميليا سمعات كولشي ...شافتو و هو مهبطها بحال الجرتيلة ...مي مقداتش تبعو ...حيت كانو ليكارد و هي كاز ممنوع عليها تخرج فدييك اللحظة ..
بقات سيمانة و هي حاضيااه حتى لواحد النهار طلبات نهار كونجي ...وبقات عاسة عليييه تبعاتو ...تما عرفات فيين حاطها ....
استغلات هاد النهار شرب بزاااف ....هي حطات ليه منوم فواحد الكاس شربو و طاح دودة....تما خرجات تتجري خرجات ايزرا من داك الجحيم
#العودة_للواقع
حلات ايزرا عينيها لقات راسها لابسة بيجامة سروال و تيشورت و حالتها نقية و شعرها ممشوط و هي فبيت غير البلاصة اللي كانت فيها.... بقات متكية و تتشوف فالسقف عقلها حابس ....تفمرات كاميليا ماللي جات عندها و جابتها لهنا ...حطات ايدييها على كرشها تدوزها بشوبة و تهضر بصوت مبحوح
ايزرا: ماعرفتش اولدي واش باقي فالداخل ديالي ولا لا..... الا كنتي باقي سمح ليا حيت كرهتك فواحد اللحظة سمح ليل .... ولا ماكنتيش سمح ليا حيت مقديتش نحميك من اب قاسي هههييئ سمح ليا ههههئ
دخلات عليهل كاميليا لقاتها تتنخصص بالبكا
كاميليا(تدوز ايديها على شعرها):شوية ابنتي
ايزرا(تتبكي):هههيييى شنو ذنبي انا هههيييئ حشومة عليييه هههى انا و الله ماغدرتو ههههئ هههييئ انا عمرني حتى ماشفت فغيرو هههى عاد نخونو هههئ حرام عليييه هههييئ هههئ
كاميليا:شششش ابنتي انا متيقااك ...صافي سكتي قطعتي ليا قلبي .....سمعيني اش انقول....(تنهدات و كملات) نتي خاصك تمشي من هنا فاسرع وقت ....راجلك درتلو منوم ...خاصني نخرجك برا المدينة قبل ماينوض....حيت ايقتلني انا اوياااك.....
ايزرا: هههئ ههههئ ماعندي فين نمشي هههئ ماعندي حتى واحد هههى
كاميليا: ماتخافيش انا ضبرت كلشي ....عندي ختي فالحسيمة ...دويت معاها قلت ليها اتجي عندها....هي اتهلا فيك ....هاكي هاد التيليفون خليه معااك ...
نوضاتها عطاتها جلابة كحلة و وشال كحل دارتو فوق راسها مع بلغة ...خرجو بالزربة نيشان لمحطة الكار ...قطعات ليها فاول كار غادي للحسيمة
كاميليا:هاد النمرة كاينا عند ختي غير اوصلي اتعيط ليك وتجي لعندك ...رضي لبال لراسك (عنفاتها)
ايزرا:(معنقاها و تتبكي)هههى شكرا بزاااف هههئ عمرني ننسا خيرك
كاميليا: تهلاي فراسك و فولدك و بقاااي قوية
ايزرا: ههههئ ولدي مات هههيييئ
كاميليا: لا ...ولدك مماتش ...انا قلبتك و والدتك عامرة ...نني باقي حاملة ...باينا راجلك ماخلا مادار باش يقتلو ليك ...ولكن بمشيئة الرب ...نتي باقا هازاه فكرشك
ايزرا: ههههيييئ انا بااقا ههههئ حاملة هههئ شكرا بزاف(عنقاتها)
كاميليا : يلاه سيري انا انبقا نعيط لييك ...خليك قوية
طلعات ايزرا للكار ...بقات تتشوف فكاميليا حتى غبرات من حداها ....الطريق كاملة و هي حاطة راسها على الزاج و دموعها هابطين على خدها
تطلقات فالراديو اغنية صبارة يامي صبارة ....ايزرا تتسمع فالكلمات و تتزيد فوتيرة بكاها ...حسات بيها تتهضر علييها ... تتبكي و تفكر ماماها اللي كن كانت متحتاج انها تهرب و تخبا ...تفكرات باها كن كان معاها كان ايحميها من الذل و العصا و الشك اللي تعرضات ليه ...
تفكراتهم كامليين ..نظرة و اكرام ...عصام...يوسف ...عنبر ...واش حتى هما غادي يشكو فيها بحالو ..... اااه هو الشخص اللي وهباتو كلشي عطاتو حياتها و مسولاتش على المقابل ...تتبكي باعلى جهدها ...الناس كلهم تيشوفو فيها... تتسمع للاغنية و تزيد تبكي ... حتى واحد مقدر يدوي معاها ....كانت باينا فحالتها واصلة بيها للعضم فضلو يخليوها براحتها....
ايزرا: واش انا حياتي ملعونة حتى لهاد الدرجة.... ممنحقيش نعيش كييف الناس ...اش درت ليك اهاااد الدنيا باش تقلبي عليا هاكا ..... ديتي ليا ميمتي و بويا ومقلت والو..... ديينيي مني عام من حياتي و ماقلت والو.....علاش اهاد الزمان غدرتيني علاش ههههئ علاش هههى واش مامنحقيش نفرح هههئ اشنو ذنب ولدي ليكرهو باه و هو باقي جنيين هههئ ههيييئ اشنو ذنبو اللي يشك فعراض مماه و يتاهمها بالخيانة و يقول عليه ولد الحرااام هههئ اااه ادنيا اههه ادنيا شحال غدارا....
طول الطريق و هي تبكي و تخرج كاع اللي فقلبها ... الكار كلو قطعات ليه قلبو ..كاينين النسا اللي بكاو معاها
وقف الكار فاخر محطة ليه هبطو الناس كاملين ...شافت راسها بوحدها ...ناضت نزلات ...بان ليها واحد الكرسي جلسات فيه ...شوية بدا التلفون تيصوني ...
ايزرا: االو
كاميليا: وصلتي ابنتي
ايزرا: اااه وصلت
كاميليا: بقاي فين نتي ...دابا اتجي عندك حنان ختي... ماغاديش نقدر نبقا ندوي معااك راجلك قالب كازا كاملة ...كاع ليكارد تيقلبو ... مبغيتش نعرضك للخطار...تهلاي فراسك
ايزرا: شكرااا بزااف ... بسلامة
قطعات معاها و جلسات تتسنا ...حتى وقفات عليها مرة تتشبه لكاميليا فالملاميح غير هادي كبر شوية و لابسة خيمار فالاسود
حنان: سلام بنتي ..نتي هي ايزرا
ايزرا:(وقفات)وااه انا..... (بشك) حناااان ....؟
حنان: هي انا ابنتي ...وصاتني عليك ختي كاميليا ...يلاه ابنتي نمشيو
مشيت معاها بلا حتى كلمة ... وجهها باين عليه النور مشكيتش فلحظة انها ممكن تكون تتكذب ولا تأديني
ركبنا فطاكسي حطنا قدام واحد الدار متوسطة شكلها زويين من برا ...خلصات و هبطنا نيشان للدار...
دازت 6 اشهر .... ايام ....ليالي ....وشهور
ايزرا ولات كرشها لفمها كلشي مستغرب من كبر كرشها حيت باقي ولادتها بعيدة ....
عاشت مع حنان اللي عمرها خلاتها محتاجة لشي حاجة ...كانت ام ثانية بالنسبة ليها ...متتخليها دير والو .... كل ليلة تيتجمعو على طابلة وحدة هي و حنان و راجلها السي مصطفى اللي حتى هو ساند ايزرا بزااف فمحنتها...كان شخص متدين .... علمها تصلي ...وفكرها باللي راها ناسية دينها ... و خاصها تذكر ربي باش يذكرها.... و اي عقبة دارها فطريقنا الا و عندها سبب. ... ممكن تكون خير و حنا يصحابلينا مصيبة .... بنات حنان ونسو ايزرا فوحدتها .. كانو اقتما يرجعو من المدرسة يلوحو شكيرهم و يجريو لعندها يشوفوها ... ولات تتحضر لدروس القران الكريم فالجامع مع حنان تقربات بزااف من ربي ... دارت الفولار .... وولات متتستغناش على صلاتها
من نهار حملات ماحطات دوااها ففمها و ماحسات بوالو ...ولدها عوضها على كل خيب داز فحياتها ... اليوم هاهيا غادا هي و حنان عند الطبيبة النسائية اللي من نهار جات ممشات عندها و لكن استغرابهم لكرشها الكبيرة خلاهم يستعينو بالطبيبة ...
نمشيو نطلو على علي
علي من نهار مالقاهاش فالمصنع ... قلب عليها الدنيا ...رجالو تيقلبو دار بدار .... مخلاو فين مشاااو غبر ليها الاثر يصفة نهائية ...
ولا القرعة و الكاس هما صحابو ... متيسحاس من السكرة و متيخرج من البيت .. غير من الليل الليل تيسول الرجال واش لقاو شي حاجة ...الا جاوبو بالنفي ماتيخلي فيهم غير اللي نسا ... واللي مرضي الولدين تيخرج حي
اكرام و نظرة كل نهار تيسولو عليها.... متيقول ليهم والو ... غا ساكت ..اصلا الا لقاوه ساحي
اليوم هاهوما مجموعين علا راسو كامليين
اكرام: علي ... دوي متزيدش تجهلني ...فين هي ختي .... 6 شهور ماشفت وجهها
علي(بصوت تقييل): يوسف دوي مع مرتك مابغيتش نغلط فيها
نظرة(كرشها لعند فمها): علي ..عفااك اخويا فين ايزرا ...عفااك قولينا شي حاجة
يوسف: دوي اصاحبيي ... فين هي...؟
علي(ناض صاعر): مكيناش ...ايزرا ماكيناش...(تيغوت)مكيناااش ....ولكن انجبدها من تحت الارض
خرج لبرا تيجري ركب فاللوطو و ركب حداه مهدي و اللور عصام ....كسيرا خلا جنازة ورااااه
مهدي: علي فين ايزرا.... اش واقع
عصام: وقف الزمر خلينا نهضرو
علي(تيغوت ): سكتو ... ولا خرجو تقودو
مهدي: صاحبي...غير وقف نهضرو ...كلشي غادي يكون هو هداك
وقف اللوطو حتى روايض تحكو فالارض
علي: انجبدها ... انجبدها من تحت الارض
مهدي: واخا ... و انا انعونك ... ولكن قول اش واقع
علي: (ضحكة استهزاء): قالتليك حاملة... و مني .... شتي اصاحبي كنتي تتقوليا قوليها باللي راك عقيم ...كن قلتها ليها عمرني نكشفها تتخوني ...
عصام غير تيسمع ..تصدم اول مرة يسمع هااد الخبار و فنفس الوقت ماتيقش حيت ايزرا مستحيل ديرها
عصام: علي ....سوق للمستشفى
علي:علاش
عصام: يلاه من بعد و تعرف
حنان: امضرا.... كلشي مزيان عندها
الطبيبة: ههههه مبروك ا بنتي .... حالتك نادرة بزاف..بغيتي تعرفي علاش كرشك كبيرة .... نتي حاملة بربعة .... ربي قليل فاش تيعطيهم حافضي عليهم
ايزرا(مصدومة):ش...نو ربب....عة ....
الطبيبة : هههه اااه ابنتي واش تبغي تعرفي الجنس ديالهم
حركات راسها بااه و هي مرفوعة
الطبيبة(تتوريها من التلفازة): هاهي البنيتة اللولة ... هادي بنيتة تانية.... هادا وليد ... و هادي فنيكيشة ...ههه مبروك عندك ثلاتة البنات و ولد .... ولادتك اتكون قبل الوقت الرحم ديالك هاز التقل ...داكشي لاش ... الا ماجاكش الوجع اتولدي قيصري...ولكن ماتخافيش كلشي ايدوز مزيان...
ايزرا مامتايقاش غير تضحك و فنفس الوقت خايفا و حنان ماقاداها فرحة تتحس بيها بحالا بنتها و ولفاتها بزاااف
خرجو من عند الطبيبة ماقاداها فرحة الطريق كاملة و هي حاطة ايديها على كرشها و تقول مع راسها كن غير كان بباهم معاها و تشوف ضحكتو و تحس بفرحتو
#مستشفى_الصفريوي
من بعد ساعتين مدار عصام لعلي التحاليل .... تحطو قدامو ... تيحل فيهم بشوية و مهدي جالس تيتفرج و علي باغي غا امتى يخرج يكمل التقلاب
عصام(ببرودة): ممكن نعرف شكون قاليك باللي نتا عقيم ....
علي(تايهضر بلا مايشوف فيه) ماللي كنت فامريكا ..ودرت عملية على صدري بسباب التدخييين ..قاللي الطبيب باللي التدخين دار ليا شي مشكل و عمرني انقدر نولد
عصام:قاااليييك .... ههه تاضحك عليا ...واش درتي شي فحوصات تتأكد انك عقيييم
علي(طلع فيه راسو): اش تتقصد
عصام(تيغوت):اللي تنقصد هو انك نتا ماعقيمش ممكن انك تولد بحال كاع الناس .... التحاليل قدامي مبينين كلشي. ...انا معرفتش اش درتي للبنت و هي ماديرا لا بايديها ولا برجليهها ....
علي سمع هضرتو ماعرف باش تبلا ...هو قبل ست سنواات كان مدمن على السيجارة دار ليه مشكل فصمامات القلب و دار عملية تما الطبيب قاليه باللي التدخين اتر ليه فنسبة الخصوبة و انه ولا عقيم و عمرو يقدر يولد.
ماعرف باش تبلا ...فاللحظة طاحت فعينيه صورة ايزرا و هي سخفانة هو تيضرب فيها بلا شفقة ....
طاح على ركابيه تيبكي ... الدراري اول مرة يشوفو دموعو كان ديما قوي و حتى حاجة متتهرسو
علي: انا خسرتها فمرة ... صافي انا خسرتهااا
مهدي: انلقاوها اصاحبي انلقاوها ....
من نهار عرف علي بانه ضلم ايزرا ...عذبها...ضربها... تيزيد يمرض ...ولا تينتقم من راسو ...بالشراب..ماتيسحاس منو..كل ليلة فقنت..تيقلب علييها .... مهدي كلف جميع القوات يقلبو عليها .... غبر ليها الاثار بمرة ...
نظرة و اكراام ماللي عرفو بالموضوع و هما مهمومين ...ولاو الاجواء متوثرة ...جاو كاملين للقصر ... يبقاو فيه على ماتلقا ايزرا......
ايزرا اللي كانت ماقدها فرحة نسات العالم بوليداتها ...مبقات تتفكر فحتى واحد ...نسات معناتها ... الامها...الجرح اللي فقلبها .
غلاضت و زادت زيانت جميع الحرووق لي فالجسم ديالها برااااو ... شعرها زاد طوااال بغات تقطعو ...ولكن شي حاجة فالداخل ديالها منعاتها...يمكن حيت تيعجب علي هكااك طوييل ...
علي اللي كل ليلة تيتسلل لتفكيرها ...تتحلم بيه كل نهار ماد ليها ايديه ... تتزيد تكرهو ...وتكره راسها حيت بغاات واحد مايستهلهاش...ولكن تيبقا عطاها اكبر هدية ...لي هما وليداتها ....
اليوم هاهي امراة ...ناضجة ..وقريب تولي ام لاربعة اولاد ... واعداتهم انهم عمرهم ايحتاجو لشي حاجة ...اتخدم عليهم بالليل و النهار و متخليهم باغين والو ...واعداتهم باش تحميهم من باهم و من الزمان الغدااار ...
اللي تيتسيف على الانسان فرمشة عين
هاهي عائلة ايزرا الجديدة مجموعة على طبلة العشاء بحال ديما.... فجوء ضاحك مع البنت الصغرى لحنان ...مريم ..هي نوارة الدار كيفما تيقول باباها ...عندها 12 عااام ...و هي اكثر وحدة مونسة ايزرا ....
مريم:ايزرا دابا اتولدي ربعة ماتعطينيش شي واحد
ايناس(ختها): ربيتي حتى راسك عاد تاخدي بيبي ...عطيه ليا انا...
حنان:كولو و هنيونا.... هي شارياهم عند مول الحانوت تعطيهم ليكم
ايزرا: هههه غير خليهم اخالتي(تنهدات) و الله الا تيفوجو عليا ... بلا بيكم ماعرفت اش كنت ندير
مصطفى:ربي كبير ابنتي...ماتينسا حتى واحد ...الله يفك وحايلك على خير
مزال مكملها ...حسات ايزرا بروبيني غادي تحت منها ....عرفاتها سكية طرطقات ...غوتات غوتة وحدة خلات البنات ينقزو من بلاصتهم
ايزرا:ههههئ خالتي هههييئ انموت هههى هههئ عتقيييينيي هههئ خالتي
حنان عرفات ولادتها اتكون صعيبة ماشي ساهلة تولدي ربعة ...
هزها مصطفى للطوموبيل ...نيشان للمستشفى ...عيطو للطبيبة اللي متبعا معاها فالطريق ..وسبقاتهم للمستشفى
ايزرا طول الطريق و هي تغوت ربي لي خلقهت تتحس بالجناوا تايتخشاو فيها (الله يسمح لينا من الواليدين) تتغوت حتى يبح صوتها ... البنات تيبكيو تخلعو عليها بزااف ...وحنان تتهدن فيها و تقول ليها تتنفس مزيان ...
وصل مصطفى قداام المستشفى ...هزوها فبياس نيشان لغرفة التوليد
هزو ليها رجليها ...وجد الطاقم الطبي ... و بدااااو فعمليتهم اللي مغديش تكون ساهلة
الطبيبة: الضغط...؟
فرملية: مزيااان...
الطبيبة: السكر...؟
فرملية: مزيان
ايزرا: هههى عفااااك عتقيني....انمووت ....هههئ اربييييي ... ماااامااااا
الطبيبة:كلشي ايدووز مزيااان عطيني جهدك كلو .... يلاه دفعي باقصى جهدك
ايزرا: اااااعععععع هههى اااااععععع
الطبيبة:يلاه قربتي.....زيدي دفعي ...فكري فولادك
بقات تدفع باقسى جهدها .... و ففمها غير كلمة ماما ..ماهدات حتى سمعات غوتة حنينة هزات راسها لقات بنتها حبيبتها خرجات هي اللولة ....عطاوها ليها باستها على راسها و تتشوف فيها فرحااانة....ولكن فرحتها مكملاتش ماللي حسات عاود بالجناوة تيتغرسو فيها تفكرااات ثلاتة خرين باقين تايتسناوها....
بقات على ديك الحالة حتى ولداتهم بتلاثة خرج الولد هو التاني ...من موراه جوج بنيتات.....
كانو مجموعين كاملين فالصالون ...كل واحد و فين ساهي ....من نهار مشات ايزرا ...دات معاها الضحكة...اصلا كانت هي البهجة ديال الداار ... بزبايلها ...و تصرفاتها الصبيانية...كانت تتخلي الضحكة مرسومة على وجههم كاملين ..... دابا ولاو بحال الاغراب... الاجساد حاضرة و العقل غاااايب
عنبر معرفات واش تحصر على حالة خوها اللي ولا مدمن كحووول باش يهرب من الواقع المر اللي دخل فييه راسو....ولا تحصر على ايزرا اللي كانت بمتابة اخت ليها ...عمرها شافت منها شي حاجة خيبة... كانت نية و اللي فقلبها على لسانها..... اللي دارتو تتجي تعودو .... تفكرات اول مرة دخلات لهااد القصر ...كيفاش كانت تتهضر بلا فرانات...كيفاش عيراات علي وماخافت ماوالو.... تفكرات شحال من زبلة دارت ليها هنا...وشحال من مرة تبعاتها بالصندالة و هي هربانة تخبا ورا الخدامات....
كانت عزيزة على كلشي من الكبير حتى الصغيير ...عمرها تعفرات على شي واحد ولا هانتو.... كانو تيعيطو ليها ايزرا مانعا عليهم كلمة لالة .... شحال من خدامة عوناتها فالمحنة ديالها .... كان اي مشكل يلتاجؤو ليها هي اللولة ..
بقا كل واحد فين ساهي حتى وقفات عليهم كاميليا اللي وجهها ماتيبشرش بالخيييير ....
كاميليا: سمحو ليا
عنبر: كاميليا ...من بعد
حتى واحد مداها فيها ...بقى كل واحد ساهي و ملاهي مع افكارو حتى نطقات بكلمة خلاتهم يتزعزعو من بلاصتهم
كاميليا: اييزرا.....
علي سمعها نطقات اسمها ناض تلاح عليها ...قجها و تيهضر تحت سنانو
علي: ماال ايزرا ...عارفا فين هي ....دوي ...دوي
كاميليا:كككححح كححح ط....لق منيي ككححح
مهدي: طلق اصاحبي..... طلق المرا
طلقها تتنهج و تتكحب ... بزز باش طلعات النفس
يوسف: كاميليا ..اش واقع ... واش عارفا شي حاجة على ايزرا
نظرة: ختي ...عفااك قولي شي حاجة ....
كاميليا(تتنهج): خاصنا نمشيو دابا من بعد انشرح ليكم ...
اكرام: فييين انمشيو .... قولي لينا فين ايزرا...
عصام: الا عارفا شي حاجة هضري ...
كاميليا: اللي انقوليكم دابا هو اننا خاصنا نمشيييو .... ايلا بغيتو تشوفو ايزرا ...يلاه ماحد باقي الحال
مبقاوش قادين يصبرو خرجو تيجريو كل واحد فاللوطو ديالو قالتليهم ايمشيو للحسيمة ...توجهو للمطار نيشان للحسيمة ....
من مورا ماولدات ايزرا وليداتها بشكل طبيعي فرحات الطبيبة حيت كانت متخوفة من الولادة ديالها ....ولكن وقع داكشي اللي مكانوش ضاربين ليه الحسااب .... دخلات ايزرا لغيبوبة للمرة التانية ...ذماغها دخل فحالة سكون تاااام ....الطاقم الطبي كامل تصدم مكانوش متوقعيين هادشي نهائيا ...
نقلوها لغرفة خاصة ... من بعد مانظفو وليداتها و حطوهم فالمكان المخصص ليهم ......
وصلو تيتجرااو للمستشفى ...كانت الجوج ديال اللليل ...داخلين مدهشرين البنات تيبكيو و الولاد مفقوسين ... اما علي ربي اللي عالم بيه ... كانت عودات ليهم كاميليا كلشي فالطرييق ...
مع الدخلة شافو حنان جالسة و بناتها ديرين بيها تيبكييو مصطفى شاد راسو و تيتحسر على الحالة اللي وصلات ليها ايزرا ...
شافتهم حنان جايين مشات عنقات ختها و هي تتبكي ..حتى دوات اكرام بصوت بااااح
اكرام: فيين ختي ...اش واقع ليها
حنان: نتي اكراام يااك...(شافت فنظرة) و نتي نظرة ... ايزرا معودة ليا عليكم
نظرة: فين ختي ...عفاااك ...فين هي
شيرات ليهم لواحد البيت فاخر الممر ... سبقهم علي بلا حتى كلمة ..كانت اكرام باغا دخل و شدها يوسف ... تيشوفو فيه غاديي بخطوات تقااال ختى غبر من قداامهم
كيف حل الباب بانت ليه حبيبتو ...اللي عذبها و ضلمها ....قسا عليها كتر من الزمان .... كانت ناعسة وسط دوك الالات وجهها شااحب و شنايفها زرقيين ..داتها كلها باردة ... تيشوف من بعييد ..خاف يقرب ... خاف يوقف قدامها... عرفها فغيبوبة و لكن تقدر تسمعو .... تقدر تشم ريحتو ... مبغاش يزيد اياديها كتر ....
بدا تيقرب بخطوات ثقااال ....تيشوف فحالتها.....بعد ماكانت وردة متفتحة ولات دابلة .... حط ايدو على وجهها تيتلمسو ببطئ لقاه بارد
علي: حبيبتي .... انا جيت عندك.... حبيبتي..فيقي انا جيت... عمرني نأاديبك مزاال ...ايزرا...عمري .. فيقي ... حلي عينيك فيا ... عمرني نحط عليك ايديا ... حلي عينيك اعمري ....حلي عينيك
بقا تيدوي بواحد الشكل هستيري ...واحد اللحضة ناض تيهرس فدااك البيت ....ماخلا حتى حاجة صحيحة
سمعو غواتو من برا ...دخلو الدراري تيتجاراو شدووه كاملين .. مبغاش يرصا ليهم . حتى جات فرملية دكات ليه برا فيها مهدئ ....
فهاد اللحظة كانو البنات تيطلو على الفناكش من الزاااج
عنبر: واخا عدبها خويا
...وقسات علبها الحياة ... بقات قوية اومستسلماتش
اكرام : ختي من ديما قوية .. اوغادي تفيق انشاء الله
نظرة حاسة بالوجع و لكن صابرة قالت بحال ديما و ايفوتها الحال .... ولكن تزاد عليها بزاف مقدراتش تزيد تصبر غوتات غوتة وحدة خلات عصام يقفز من اللخر ديال المستشفى
دخلوها لغرفة الولادة ....من بعد نصف ساعة ديال العذااب .. سمعو صوت واحد الفنيكيش تيغوت ... ولدات ليه وليد ...
بعد مرور ست سنواات
اليوم هو عيد ميلاد محمد،حياة،براء،وبرائة
ولاد ايزرا و علي ....
علي من نهار دخلات ايزرا لغيبوبة ... مافرقها ....كل ليلة حدا راسها...نقلوها لاحسن مستشفى فالبلاد ... ماخلا مادار ... جاب اطباء من كل انحاء العالم .... دكاترة موهوبيين ...ولكن للقدر كلمة اخرى ...
الزمان باقي لحد الساعة قاسي على ايزرا... حرمها من شوفة وليداتها ....حرمها من كلمة ماما.... من اول ضحكة منهم.... من اول كلمة...اول ابتسامة...اول خطوة ....
الدنيا ضارت عليها و عطاتها بالضهر .... كيف دات منها واليديها فعز شبابها.... دات منها ولادها ومنعاتها من اللحظات الاولى ليها كأم
ست سنوات .... فالغيبوبة ...نهار على نهار تيصليو باش تفيق و ترجع ليهم الضحكة ...
علي هو اللي تكلف بتربية ولادو ...سما الكبار باسم واليديها.... و البنات صغار ختار ليهم اسم براء و براءة .... تسناها تفيق باش هي تسميهم ...مي كان مشا الحال ....
كان كل مايشوف فوجه وليداتو .... يألمواا ضميرو... رما الذنب على راسو .... بانه سبب كل ماوقع و كل ماغادي يوقع ...
دازت ست سنوات .... اكرام ولدات جوج وليدات ...سماتهم عامر و عمار ..... الكبير مشرمل بحال ماماه فياماتها .... و عمار الضحكة متتفارقش وجهو ...نسخة طبق الاصل عن يوسف
نظرة من مورا فؤاد ولدها ...مزادتش ولدات ....مبغاوش يحسسو نور بالفرق ...ويتفرغو لتربيتهم ....
عنبر و مهدي ولدوا بنيتة سماتها خولة ....
كانو كاملين عايشيين حياتهم .... ولكن بواحد النقص كبيير .... مبقاوش تيعرفو معنى السعادة ... تيضحكو باش غير مايحسسوش الولاد بالفرااغ اللي خلاتو ماماهم ...
كل نهار تيديهم علي عندها للمستشفى ... كبرو و هما تيشوفوها جثة هامدة ...ناعسة متتحركش..... وجهها شاحب ... ولات ذابلة و ضعيفة
فست سنوات ... وقف قلبها جوج المرات...جوج المرات ...زهقات روح علي معاها.........
تيتفكر نهار واعدها باللي عمرها اتعذب مزال.... ولكن كان هو السبب الرئيسي فعذابها.....
هاهما دابا تيحتافلو بعيد ميلاد الرباعي و فؤاد بحكم انهم تزادو فنفس النهارر .....
علي مامخليش من جهدو موفر ليهم كاااع اللي محتاجين.... حرمهم من اغلى حاجة على الاقل يكون ليهم اب ..... علي اللي تبدل 180 درجة .... ولا تيعرف بينو و بين الله ...قطع الكحول و التدخين .... كل عام تيزور الكعبة و يطلب من ربي يسمح ليه و يرجع ليه مرتو ...ربا ولادو على الطاعة و انهم عمرهم يتسرعو فقراراتهم و يضلمو اللي تيبغيو .... يسمعو و يتأكدو قبل مايحكمو.... ومايغلطوش الغلط ديالو.... هما اكيد معرفينش اش واقع ...مبغاش ولادو يكرهوه ....ويضيعم منو كيف ضيع ماماهم .....
باقي ماقنطش من رحمة ربي .... وتيقول باللي ايتسناها لاخر يوم فعمرو ....
وهادي هي لعنة ايزرا ....
#النهاية
انتظروني في جزء تاني بأحدات جديدة و شخصيات جداااد بيزووو
ههههه مانسمحلكش الا عجباتك القصة وماكتبتيش لينا ولو تعليق واحد لتحت ⇓
تعليقات
إرسال تعليق