قصص مغربية بالدارجة

تتمة قصة الحلم الأسود

الأجزاء قبل الأخير من قصة الحلم الأسود

8- قصة الحلم الأسود

يلاه نكملوا

ابتاسم عماد ابتسامة جانبية وقال : واخا ... على هاد الحساب قابل عراضتك
مد يدو للطبسيل اللي حطو ليه كلا منو وبدا كيتجمع مع خليج اللي بان ليها فيه البلان وعجبها وفتحات ليه الباب باش تجرو ليها حتى هي وعطاتو فرصة فين يسول ويدخل معاها فنقاشات اجتماعية .. هضرة تجيب هضرة حتى دخلو فالعلاقات الشخصية وقالت هازة كتفها
- هاد الوقت فالصراحة مابقاو لا رجال لا والو
هز حاجبو كيضحط وقال: ولااا لاالا ماشي كولشي متجمعينيش معاهم
ضحكات وقالت : هي نتا ماشي منهم
هز حاجبو: منهم ومالي ومنكم !
طلقات ضحكة قدها قداش وقالت زوينة هادي عندك .. ولاكن بصح بصح ..راه الخدمة هي السترة فهاد الوقت
عماد: دارها بيك شي واحد ودار ليك الراس ولا؟؟
ضحكات وقالت: مزال ماتزاد لي يديرها بيا ... نهار نوا يديرها جمعت وطويت معاه وسالينا المسلسل
استغرب : كفاش؟؟ كانت عندك علاقة مع شي واحد ؟
ردت ببرودة: لالا ... علاقة وحدة هي مع راجلي
تصدم: مزوجة!!! مابيناش فيك !
حركات راسها كضحك : مزوجة وعندي وليد ... ولاكن دابا كنطلق ... كنت مزوجة بقطري .. حصلتو كيخوني وانا ندخل بحالي انا ولدي ورفعت عليه دعوة ديال الطلاق
رد بجدية : اممم... الى خصاتك شي حاجة نعاونك فيها .. عندي صاحبي قاضي يقدر يوقف معاك
حركات راسها كتمص الحامض بميوعة
- دوك القوضات كاملين كلاب كيتشابهو مكمحملهمش .. غير الكداب على خوه
ميل راسو للجنب: لالا ماشي كولشي .. نتي بنتي ليا حاقدة على الوضعية ! شدارو ليك القضاة حتى هما ! بلعكس والله تا عندي واحد صاحبي الله يعمرها دار
ردت وهي كتمص ليمون : انا وكلت محامي وهنيت مخي هوا يجيب ليا طلاقي ... اصلا غيجيب ليا طلاقي بزز من داك الكلب ... طلع مزوج عليا ولد لحرام كيحسابو حنا رخاص غنصبرو على الدل .. وماجاش حضر لحتى جلسة من الجلسات .. دابا بقا شهر الى ماحضرش غادي يطلقوني منو بزز على والديه
عماد: وحقك !! غتسمحي فيه
هزات كتفها بعفوية : حقي خديتو تاني ومثني .. شتي غير ولدي اللي جبت معايا عمرو يحلم يشوفو .. هاداك بوحدو راه حق وزيادة حيت غنتهنا من التابعة ديالو (هزات عينها ) ايوا ونتا !! ماعندك تجارب زعما !!
هز يديه : صووولو اختي ماعنديش وماخصنيش
استغربات كضحك: ويلي ميمكننننششش (دورات راسها) هي نتا ماهواش
عقد حواجبو : وا نتي من قبيلا ونتي تعاودي ليا نفس الهضرة واش بنت ليك مشكوك فيا !! تجربي!
ردات وجها للور: لالا نتا مشيتي بعييييد كاع اش داك تفكير عندم باين تفكيرك معكر
تفكيري : مكحل
ضحكات وقالت: ولاكن راه بصح زعما مكاينش شي راجل يقدر يعيش بلا علاقة
رد بعفوية: العلاقات السطحية وي مي شي حاجة جدية نو ... مازال ما كاينش
حركات راسها: ايوا الله يجيب ليك معامن ... (ناضت وقفات) خليت ليك الراحة هاد الساعة السي عماد .. مرحبا بيك
وقف حتى هوا وقال : تخلي لي نمرتك ديال تيليفون ؟
حركات راسها بابتسامة : واخا سجلها
هز تيليفون سجلها وقال : متشرفين ... بغيت نسولك .. شنو كديري فحياتك بعدا
ضحكات وقالت : انا من الصباح وانا كنعرض عليك وماديتي ماجبتي !!! ههه .. انا مولات هاد البروجي هادا
حل عينيه وقال: واااايلي!!!!
حركات راسها : اييييييه السي عماد .. خليت ليك الراحة ..بسلامة عليك
مشات كضحك وبقا هوا واقف متبع ليها العين كتعوج فالمشية بالبينوار ويردد
- فين اودي هاد الراحة اللي خليتي ليا فين!!!

قالت وهي جالسة فالبيرو : صافي غادي نوقفو البرومو سونطر عمر .. غنزيدو نعمروه غيهربو منو الناس ...
قالت الشاب وهوا واقف: ولاكن امدام اشراق راه لكونت اللي فالفايس كاتبين عليه باللي لبرومو باقيا مطولة ..
حركات راسها وقالت: لا موديفيها وحط بوسط قول باللي السونطر عمر .. الميكست والبريفي بجوج عمرو والبرومو ضطرينا نحيدوها . مهم عرف كفاش تكتب داكشي
دخلات عليهم خليج لابسة واخد دجين وتيشورط مقزبة وسبرديلة يحلف عليها الواحد ما والدة وجامعة شعرها الفازك الاسود ... لقات السلام وتكات بيدها على البيرو وقالت
- شنو كاين؟
ردت اشراق وهي كطبع واحد الورقة بالكاشي: وقفنا داك ديل اللي كنا دايرين فلانترنت .. لاصال عامر والى زاد عمر غادي يترون ... المهم الى ضطرينا غادي نحيدو ديك لكافيتيريا لي لتحت نردوها لفوق مع لغيسطو ونستاغلو ديك البلاصة نزيدو فيها ماتيريال ونفرقو بالزاج
خليج : غادي ترون الى طلعنا لكافيتيريا لفوق .. غنخرجوها برا للجردة ونسدو بالخشب كما درنا للمطعم لفوق ... السقف بالخشب تجي حسن مع الطبيعة والخضورية ... حتى اللي فيه شي بلية يقضيها فالهواء الطلق
رد الشاب: اه داكشي اللي كاين تجي حسن
اشراق: صافي .. المهم نتا دير داكشي اللي قلت ليك وهاد الشهر الى تزادو عندنا الاقبال غادي نخويو الوسط كلو نديروه صال حتى هوا
الشاب: اوك نشاء الله ... يالله الله يعاونكم
خليج: انس الله يحفضك ديك المرايا ماتنساهاش راه شقها واحد العجل بدلها دغيا
حرك راسو : صافي غير تهناي راه وصيت عليها تجي لعشية نبدلوها
اشراق: شكرا انس
انس: يالاه الله يعاون شي حاجة عيطو ليا
خرج انس ووقفات اشراق لابسة جلابة من جلالب صيفية في قمة الروعة .. الاناقة والشياكة والصباط وقالت
- الحمد لله كنا خايفين ميدخلش لينا ... بدا كيدخل
خليج: راه غيدخل بطبيعة الحال .. وحتى بنادم كيجي يحط السيفي ديالو باغي يخدم
اشراق: خصنا شي طموبيل دابا . اويلي كنمشيو ونجيو فطاكسي!
خليج: تافقنا الارباح تقسم للعام ماشي للشهر ... يعني حتى يدور العام عاد نصفي الحساب
اشراق: راه خاصنا طموبيل دابا ضاروري وخاصنا جوج ماشي وحدة ... وحدة ليك وحدة ليا راه مجاتش نتمرمدو فطاكسيات ... غادي ناخدهم كريدي بسمية السونطر ويتقطع حسابهم مع ليشاغج ديال السونطر ولحساب من بعد ..
تنهدات خليج وربعات يديها : الصراحة خاصني شي طموبيل ... الشوهة تفركسي وتشدي طاكسي
اشراق: قوليها راسك .. خاصنا طموبيلات ديال لفريع ماشي غير اجي وركب .. راه حنا مالين شي ابنتي

فالباب ديال السونطر واقف الحاج عبد الغني ويديه موراه بواحد السروال ديال التوب وقميجة وبيرية على راسو كيسرح عينيه عاقد حجبانو ويدور راسو بميوعة كيتمنضر ويردد
- امممم...لاصال (بسخرية)
تمو تازلين مع الدروج كيكركرو بجوج وهما يخرجو غيه مباشرة قدامهم وشدو لفران وقفو ورجعو اللور .. دور عينيه شاف فيهم بنفس النضرة كأنهم طفروه زعما .. دخل كيدور عينيه وهما كيشوفو فالارض بحال التلاميذ مكيهزوش الراس قدامو
الحاج: بسخرية كيدور راسو ) .امم ..هادا هوا لاصال ؟! ... كوراكم غرقتوها كريديات يديو باباكم للحبس
ردت خليج من تحت نيفها : مادرنا بوكريدي
ميع وقال كيشوف فالسقف: هي سرقتو شي بنكة ... ولا كنتو ناعسين على لفلوس ... شحال دابا خسرتو فهادشي ؟
بقاو ساكتين وهوا هاز راسو كيسوف فيهم من تحت لفوق بالجنب وقال
- غير قولو دابا اللي عطا الله عطاه ... شحال خسرتو كااع كاع؟
ردت اسراق بتوثر: غير شي بركة وصافي
دور راسو : امممم شي برااكة !.. فين مكم ؟
خليج فالدار مع بيازيد
رد بميوعة : عجباتها تجبيدة عندكم ! صافي مالقيتو اللي يحكمكم ... اوي فاش مكيلقاوش البنات اللي يحكمهم كيديرو جنحين
ردت خليج بصوت منخفض: يقدرو يوليو رئيسات كاع
رد بنفس النبرة : مالكم وسعتو هاد الدخلة ... خسرتو فيها غير لفلوس (دخل كيتسارا ) قوة المرايات والزواق ... مالقيتو ماديرو بلفلوس ! ... انشوف هاد لاصال هادا اللي فضحتو بيه الدنيا
خليج : واخا بابا
زاد قدامهم وجرات اشراق خليج كتولول وقالت بصوت منخفض
- اوييييلي اش غيشوف ميييكست ميييكست غيسخط علينا كولشي مقزب لفوق .. اما الى هبط لتحت غيدفنا حيين

نترات خليج يديها وقالت : غير سكتي غتشوهينا غنشوفو كي نديرو ليه سكتي
اشراق: اويلي هادي مضربناش ليها لحساب غيقولو حالين دار الدعارة اش كيفهمو هما فشي مساج رولاكسون ولا امنسيون ولا شي باكور هندي
تلفت وقال كيطلع ويهبط : ايوا زيدو ... مالكم وقفتو
ردت اشراق بابتسامة مرتبكة : راه ..ررر.رر راه دايرين قوانين ... كاين واحد البلاصة ك.. كك .. كيترينيو فيها غير لمزوجين بعيالاتهم .. و .ووو واحد البلاصة فيها عيالات بوحدهم
قالت خليج بارتباك : اه .. كك .ك . ككلشي هنا فيه جوج جوج ... وحدة ديال المزوجين وحدة ديال اللي ماشي مزوجين
بقا ساكت كيسوف فيهم وقال: يالاه زيدو نشوفو هادشي اللي جالسين تخربقو عليا هنا
شافو فبعضياتهم كيبلعو الريق وطلعو معاه لفوق شاف لاصال .. دخل دور عينيه فالمكان لقا كل واحد اش كيديرو .. ها اللي كيجري ها اللي كيهز التقل ها اللي كيتصور مع المرايا ... دور عينيه وقال باشمأزاز
- المسخ لاحولة ولا قوة الا بالله
هبطو راسهم بجوج ساكتين وخرج من ديك البلاصة كينكر طلع للمطعم سرح عينيه وقال بزز باش خرجها وخنافرو فالسما
- هادي مابيهاش ... شوية بعدا واخا درتو هاد تشابوطات (الخشب ) بحال النوالة ... مكتعرفوشاي فالديكور غير دربزتو هادشي .. كن درتو السقف ودرتو ليه الكبص وزوقتوه بشوية ديال الالوان
قالت اشراق بدون شعور: بحال محلبة با علي
هز حابجو كيدور عينيه : محلبة دعلي وحسن من هاد القصب وهادشي اللي ضيعتو فيه الفلوس ... الزاج والخشب والقصب ولفوطويات .. مافهمتش ماع شنو بغيتو تصنعو
هبط من تما مباشرة غادي لطابق الارضي وقال
- شنو كاين لتحت ؟ شفت هادوك طالعين نازلين تما
ردت خليج بسرعة : الحمام ديال لعيالات ابابا تما
رد : وشكيدرو الرجال طالعين نازلين
اشراق: راه مقسوم .. حمام العيالات بوحدو وحمام الرجال بوحدو
حرك راسو : اممم ... ايوا مزيان مزيان ... فين وليتو ساكنين دابا؟
خليج: كرينا واحد الدار قريبة شوية من هنا .. تمشي معانا للدار؟
هز خنافرو : غنمشي لداري ... اللي بغاني يجي عندي

غادي فالسيارة كيتجمع وقال : فين ابا طه اش كتعاود
طه : نتا اللي فين كنعيط ليك مكتجاوبش
رد عماد كيضحك بسعادة : اودي والله مكانت على البال ...
قاطعو : شنو هادي اللي مكانتش على البال!
عماد: دخلت لداك سونطر اللي حداك ... وصدق نااااضي اصاحبي شغنقول ليك ... داكشي عندهم واعر
طه: متعطلتيش ههه
عماد واييه: نخارطت معاهم ... ضربتها بوااحد تحميمة اخاي شغنقولك ... و واحد المساج من داااكشي ... عندهم سيرفيس واااعر بالجهد داكشي عجبنييي ...
طه : هي رخيتي لعضيمات ههه سعداتك
عماد : لا والله تا خصك تمشي معايا المرة الجايا ... والله تا يعجبك وصرعوووه اصاحبي .. جربت غير لحمام والمساج الصراحة حطيت اعصابي عندهم تما حسااان من داك السونطر اللي كنا كنمشيو ليه وحدة تما كانت كتخرجني مقموش كامل بدفارها ... كنسهاااا تا كتجر ليا لحمي يشي قمشة كتندمني كااع
طه: خههه كان عاجبك قبل مايبان ليك هادا متنكرش الخير انكار الخير
عماد : حيد عليا .. والله كن دخلتي ليه تا يعبجك ... ولا نتي بنتي ليا ولفتي المساج عند دوك لغوريلات فسونطر لاخر يالاه كتحس بالوركة هي هاديك
ضحك وقال: هههه تفورماطيتي صافي نتا
عماد: خاصك تجربك الاصابع الاسيوية حسن من الافارقة اخاي طه ... جرب والى ماعجبكش قول ليهم يديرو ليك دوموند على افريقية تمسحك مع الزليج
طه : ههههه وصافي ..على حسابك ؟
عماد : على حسااابي ... كنهضر معاك بصح اصاحبي مع نتا كتعصب والله تا خصك دو صيونص فلاسومين
طه: لا خطر حسابك المساج ساهل .. راه كيرخي الاعصاب ونصدقو فالترويض كنجموعهم
عماد: وا مرة فخمسطاش ليوم صالح ليك ... مهم انا دابا والله مافيا اللي يدوز لشي قهوة غنمشي الدار نجبد عليها بشي نعسة عير سمح ليا ابا طه وصافي
طه : هانيا ماعليش .. مرة اخرى
عماد: مهم دير فبالك الساط غتمشي معايا
طه : نشاء الله
عماد: يالاه تهلا ليا فراسك ابا طه
طه : الله يعاون
قطع عماد وصونا على خليج .. جوج خطرات عاد ردت
- الو خليج (كبر الصوت)
خليج: الو وي شكون معايا؟
رد : عماد معاك ... صافا بيخير ؟ هانيا ؟
ردت : الحمد لله شكرا .. كي بقاو عضيماتك ههه
رد كيضحك: كيسلمو عليك .. اش كتعاودي ؟
خليج : الحمد لله
عماد: شنو بان ليك نتعشاو اونسومبل ليوم ؟
خليج: لالا مشغولة ليوم خليها مرة اخرى
عماد: ها حنا بدينا فمشغولة ومرة اخرى وداكشي نسلو الشوكة بلا دم ياك
ضحكات وقالت: لالا بصح مشغولة ليوم .. خليها لغدا وهانا معاك
عماد: غدا غدا
خليج: نشاء الله
عماد: يالاه تهلاي ليا فراسك ...
خليج : باي باي عماد
قطعات وتلفتات وهي واقفة فالاستقبال حدا اشراق كيفكرو فحريرة باهم اللي مشا
اشراق: شكون؟
خليج: واحد الراجل تعرفت عليه ليوم عارض عليا للعشا
اشراق: خلي غير حتى طلقي مزروبة
هزات خليج كتفها : حيدي عليا تا نتي ... الطلاق مغيهربش هادا اللي غيهرب الى بقيت نتسنا الطلاق .. مهم بعدا جيتو من اللخر حتى الى كانت غتكون شي حاجة راه عارف عليا كولشي منخبي عليه ميخبي عليا .. بان ليا عجبتو
اشراق: وهوا شنو كيدير ؟
خليج: مدير وكالة فبنك المغرب
اشراق: تباارك الله .. مزيان
خليج : زين يامك ... عالله يصدق ميقولش ليا الدار .. الى مشا حتى قالها يا وييييلو نهبط ليه وجهه وكامل

حط تيلي وتلفت موراه عند نهاد اللي جالسة فوق الناموسية كدهن يديها وقال
- عماد مسااالي هه...قالك والو تمشي معايا لاصال اللي هنا
حطات العلبة ديال لكريم كضحك وقالت
- اه بصح .. قالو زوين دابا نمشي نشوف
هز حاجبو فيها وقال: غتمشي تشوفي؟ شنو غتشوفي؟
تكات على جنبها فسوميج دو نوي وقالت
- هادا قريب ليا حسن
جلس حداها وتكا على جنبو كيشوف فيها لابس بيجامة ديال الدار وقال
- مع العيالات .. اوك
نفضات الغطا عليها وقالت : عيقتي اطه والله ... بزاف على هاد الحكام كيمرض
حيد عليها الغطا على وجهها وقال : شنو باغا تمشي تمايلي قدام الرجال ! صافا با لا؟
تنهدات : وصافي صافي اسيدي العيالات اوك ... يالاه برد كتعصب غير بوحدك .. غدا غنمشي نشوف الى كان فيه الرقص الشرقي نتسجل فيه .. مع العيالات بقيتي على خاطرك
تلفت للجهة الاخرى شرب دوا ديال النعاس وقال
- مابقاش هاد الزمر كيكر ... النعاس كيطير ليا
هزات راسها شافت فيه وقالت : ولفتيه احبيبة دابا داكشي علاش ... شنو غيوقع الى ماشربتيهش واش مغيجيكش النعاس بمرة ؟
تنهد: بيه والى مشات حتى ضرباتني الفيقة بالليل صافي مشا النعاس كنبقا مغمض وصافي
حيداتو ليه من يدو بشوية وقالت : صافي حط عليك داكشي .. شربتيه صافي خوي راسك شوية ... ماعرفتش علاش كتعصب راسك وكتنفاعل .. مكاين لاش غير كتمرض راسك ... بحال لاضروك هادشي وليتي مدمن عليه خاصك تحاول تقطعو
شار بيدو بنرفزة كيسوط ودخل فالرفاش طفا الضوء حداه وتلفت جهتها .. قربات عندو بابتسامة دوزات يدها على وجهه وقالت بابتسامة
- عصبي بزاف .. كلمة جوج كتشعل ..
حل عينيه بابتسامة وقال: كتعصبيني حتى نتي .. مكتراعيش شوية
ردت فدهشة: يااك مكنراعيش !!
ضحك وقال: شوية وصافي
ضحكات وقالت: وابااز ليك ... كتنكر
رد بتتاقل: طفي الضوء يالاه .
تلفتات جهتها طفات ضوء وضارت عندو عنقاتو وحطات راسها على صدرو

فمطعم راقي جالسة خليج طالقة الشعر ولابسة كسيوة كتجمع هي وعماد ... مكياج وعكر حكر والروايح وموسقى هادئة كيتعشاو على نغماتها ... هز عينيه فيها بابتسامة وقال
- حساب ليا مغتجيش فمرة
ضحكات وقالت: علاش منجيش ؟ كنتسالك عراضة اولا لا؟
رد كيضحك: لبارح قلتي ليا مشغولة قلت هادي غتبقا عليا ديييما مشغولة
ضحكات وقالت: لاالا ههه ماشي ديالي .. انا عندي الكلمة الكلمة
رد بابتسامة : هادشي الي بغينا
شافت فيه من بعد ماسرطات النعمة وقالت
- قول ليا ... قلتي ليا نتا مدير فبنك المغرب ياك
رد : ماشي مدير عام .. مدير وكالة
حركات راسها : ماعليش بغيت نستاشر معك ... الى بغيت نهز كريدي بسمية السونطر .. شنو المطلوب مني؟
رد بعفوية: شحال خاصك فهاد الكريدي؟
دورات راسها كضحك وقالت : وا ... شغنقول ليك راه شي 80 ولا 90 مليون تقريبا
رد بعفوية : غتستتمريها ؟
حركات راسها : لا بغيت طموبيل
رد باستغراب: 90 بزاف عليك ...
حركت راسها : لا بغيتها ليا ولختي .. جوج
رد : امم مزيان ...

تقدري تهزي لكريدي ... نهار تبغي انا معاك.. جمعي غير لوريقات ديالك وصافي
ابتسمات خليج بسعادة وقالت : صاصي قررت ... من غدا غنهضر مع لكونطابل يتكلف .. اجي نقول ليك ... غادي يتهلاو فيا فليزانتيري ياك هههه
ضحك وقال : الاللة فاش تنوي انا معاك مالكي مخلوعة ... بغيتي لكريدي ؟ صافي اجي عندي انا نعطيه ليك تهنيتي؟ جيبي ليا لوريقات وصافي
حمار وجهها بالفرحة وقالت : صافي نشاء الله
اشراق: مااااه
رد وهوا كيتكور حداها فوق النموسية : مماه اممممااه
باستو فخدو وقالت : ماماااا
بيازيد: ااااااهععععع مممماماه
دخلات الحاجة كتنكر: فين بقات هادي دابا حتى لهاد الوقت ؟؟؟ جوج ديال الليل هادي واش باقي شي لاصال
تنهظلت اشراق وقالت: وصاافي اماما راه كبيرة واش غتوريها شنو دير
الحاجة : اش غيقولو علينا الناااااااس
غوتات اشراق بغضب: فييين كيعرفك شي وااحد فييين ونتي جديدة فهاد الدار شكون غيهضر عليك كتعصبيييني فين ما مشيتي حاضية الناس وهما حاصيينك .. حضي راسك وخليني عليك ماشي وحدة راااها كتبرع مع راسها وانا نسمع الهضرة بلاصتها بعدي مني برحم باك
الحاجة اففففف متا... دابا الى شافها شي حد داخلة فهاد الوقت مشكيييلة
تلفتات اشراق : المشكيلة هي اللي نتي فيها دابا ... ماتعيشو ماتخليو اللي يعيش بسبب الجهل ديالكم خرجتو على شحال من وحدة تصبر باش الناس يسكتو الله يخليها سلعة ... سيري تنعسي خليها دخل وقت ما بغات ... ماراهاش كترضع صبعها
الحاجة : فييين غيديني هاد النعاس فييين ... عيطي ليها شوفي فين هي ... واش باقيين شي بنات فالزنقة حتى لهاد الوقت
سمعات الساروت كيدور ومشات نيشان للباب وقفات عليها وهي داخلة لابسة العباية من لفوق والشال والطالون كيقرقب ... جمعات الخاجة يديها عندها بجوج وقالت
- جوج هادي فين بقيتي حتى لدابااا؟ واش معندكش علاش تحشمي
ردت خليج بلا مبالات : كنت خدامة على طموبيل ... كن مابقيتش حتى لدابا كاع ما يتعطاني لكريدي .. شبعو غير نتوما نعاس صنعو بيه الصوارخ
تبعاتها الحاجة كتنكر: راك مطلقة والناس غيطمعو فيك
هزات خليج حاجبها وقالت : قلتي لشي واحد انا مطلقة ؟
الحاجة : ماقلت لحتى واحد
خليج : ايوا صافي باش عرفوني ... اجي .. وزيادون هاهما عرفوني!! مقيدة معاهم فالحالة المدنية ! مشاركين معايا الدم ! انا فحالي وهما فحالهم وانا وحدة من الناس .. مكنجيهم مكيجيوني يعطيوني شبر تيساع اللي ماقدو فمو يدير بوق ... غاااا بلاتي ندخل عليهم لبي أيم نقطع فطاسليتهم النفس ... المخير اللي فمو كبير ميكسابهاش
خرجات اشراق كتجري من البيت طلات من الباب وقالت
- صافي تفاهمتو قالك يعطيك لكريدي ؟؟
ضحكات خليج : صااافي قالي جمعي وراقك وانا نعطيك لكريدي ... وجيت بحالي
فرحات اشراق وقالت : غدا الصباح خصنا نجمعو الوراق .
قالت الحاجة فحسرة : وراااه كيضحكو عليكم ونتوما حاليين فمكم وغادي يخليو الناس يتشفاو فيكم
شدات اشراق راسها دخلات للبيت وخليج نترات العباية ونتفات شعرها وقالت بغضب
- وبعدي منييي بعدي منييي غادي نتف شعري مكاينش اللي غادي يخرج عليا قدك ... وديها فراااسك ديها فراااسك انا قادة بشغلي ... واش نتي عارفة علاش كنهضرو بعدا !! واش عارفة ؟ اش غيضحكو علينا اااش مالنا ماعندنا عقل
تنهدات الحاجة : انا غير خايفة عليكم وصافي
ردت اشراق من البيت بصوت مرتفع: خاافي على راسك لا تموتي بالفقصة ولا يركب فيك السكر اما حنا كاع متخافي علينا
خليج : ولاهيلا ... هازة الهم ومريضة وباغا تبكي ومتشائمة

بدات خليج واشراق يوجدو اوراق السيارة ... تكلف الكونطابل بكلشي وجمع الدوسي ودوزو لخليج اللي كانت فالسونطر كتريني حتى هي .. دوشات ولبسات حوايجها ونزلات عندو خدات الملف ومشات مباشرة للبنك من بعد ما تاصلات بعماد ... استقبلها ومدات يديها ليه وجلسات قدامو بابتسامة .. فتح الملف وبداو يتناقشو عليه ويضحكو في حين خدامة اشراق على الطابق الارضي كيصلحوه وهي واقفة متبعة الخدمة .. قلبو كلشي وردوه صال اخر حتى هوا وبنيما هي مشغولة جاها اتصال من خليج فرحها وبدات ضحك بوحدها . اخيرا تقبل لكريدي وشدة الطريق بجوج بلا ميتعطلو دخلو كيشوفو السيارات الجديدة الفاخرة .. مستفين وحدة حدا وحدة كيشعلو ويبريو .. يركبو فهادي وينزلو من هادي ويطلعو فهادي وينزلو من هادي والحاجة جالسة فوق الكرسي شادة بيازيد ومتبعة ليهم العين كتشير بيدها وتوريهم الطموبيلات فاللخر ناضت حتى هي كدور معاهم وتركب وتجرب .. واحد اللحضة دارو بجوج تلفتو موراهم لقاوها جالسة فواحد الطموبيل طويلة لقادام شادة فالمقود وكضحك بوحدها وتوري لبيازيد .. نخزات اشراق خليج وبداو يتغامزو عليها ويضحكو وكملو البحث ديالهم على السيارات اللي بغاو فالاخير اقتنعو .. وحدة خدات كاط كاط والاخرى مرسيديس اخر ماكاين .. تبايعو وتشاراو وخرجو من تما مخرجين الطموبيلات وحدة مور وحدة .. السعادة هازاهم لا هما لا الحاجة معاهم راكبة القدام كضحك وشادة لبيازيد فيديه كيسفق .. ضربو دورة فالمدينة بالفرحة ودازو حدا لاصال حطو وحدة وركبو كاملين فسيارة وحدة بقيادة اشراق فاتجاه السوبر يتقداو ... وهما غاديين كيتغامزو وقفو حدا مدرسة لتعليم السياقة ونزلو .. بقات الحاجة غير كتشوف فيهم وتابعاهم بواحد الصابو والجلابة مسكينة ماعارفة والو حتى لقات راسها كتسجل فتعليم السياقة وهي دير يدها غلى فمها حشمانة بعات تخرج وكتحرك صبعها بلالا وهما كيجروها بزز منها وهي كضحك حشمانة .. تعصبات خليج مللي مابغاتش تقيد ليهم وهي تخرج عينيها عاد قبلات الحاجة وحدران الراس حشمانة ودخلوها تسجل وبقاو عليها بالهضرة ويعمرو ليها الراس حتى حمسوها وخرجو خلاوها جالسة فالصف كتفرج فالتلفزة وضحك .. نص الحصة تفاروج والنص لاخر جموع مع العيالات اللي تما معاها رجعات ليها اشراق فالعشية ووقفات السيارة حتى خرجات عندها الحاجة وحدة اخرى .. كضحك وتكركر طلعات حداها ودارت السمطة
اشراق : ايوا تعلمتي شي حاجة ؟؟ راه غيدوزو ليكم امتحان .. الى ماحفضتيش غتسقطي
دارت الحاجة يدها على فمها : هييه! فوقاش !
اشراق: واحد الشهر ويدوزو ليكم امتحان ... (زادت سايقة السيارة حتى لواحد تيرا خاوية وحبسات ) نزلي يالاه
.الحاجة : فين غنزل
اشراق: غير نزلي
نزلو بجوج تبادلو البلايص والحاجة مخلوعة
- ويييلي راه مكنعرفش غادي ندخل فشي حيط ... لالالا ابنتي يالاه خرجتوها نمشي نضربها انا
اشراق: وعا جلسي مالكي مخلوعة .. جلسي غير نوريك شنو هادشي
جلسات الحاجة كترعد وفنفس الوقت كضحك فرحانة وشدات فالمقود
اشراق: شوفي .. وعقلي مزيان عنداك تنساي... ها السوارت ... ها فين كنخشيوهم ... وكندورو نص دورة حتى كيشعل هادا اللي لفوق شفتيه ... يعطيك اوكي .. هاد العلامة عاد دوري الساروت غادي ديماري طموبيل .. يالاه ديري نشوف
تلفات الحاجة كتفتف وقالت : نشد هنا
اشراق: خلي لفولون ماتشديش دابا ... هادا غير كندوروه باش دور طموبيل وصافي . ها اللي كيديماري ركزي معايا
عضات الحاجة شنوفتها كضحك : هااه .. يالاه هانا ... ندور بشوية ... هانا دورت شنو دابا
اشراق : شوفي هنا واش شعل الضوء .. وعطاك اوك وكملي دورة
الحاجة : هاهوا شعل ... هادي هي اوكي
اشراق: اييه .. يالاه كملي دورة
دورات الحاجة السوارت وهي طلق من كلشي بالخلعة مللي ديمارات
الحاجة : اش هادشي عنداك تنقز بينا
اشراق: مالها بغلة اماما راه طموبيل ... صافي هاهي ديمارات... شوفي لتحت دابا حدا رجليك ... هادو هما اللي كيتحكمو فطموبيل ... هاد الجوج هادو ... هادا لفران اللي كيوقفها .. وهادا كسيراتو .. هانتي غتهناي مكاين لا لومبرياج لا يديك لا يخليك ساااهلة ماطلعي ماتهبطي اوطوماتيك
الحاجة : صافي هادو عقلت عليهم هادا اللي فليسر فران ولي فليمن كريسون
اشراق: كسيراتور اااش كريسون لاواه سطاسيون . هادا باش كتزيدي بالجهد وبشوية ... وهادي بواط فيتيس .. كتبدلي بيها السرعة ولومرياج فيها نيت ... باش تزيدي عقلي
الحاجة: بزاف عليا هادشي كيدوخ
اشراق: ياك كنتي خياطة كتكسيري برجايك وتخدمي يديك ... راه بحال ماكينة داخياطة ساهلة غا عقلي ... صافي براكة عليك حتى تعلمي فطموبيلتهم هما غيوريك .. انزيدو ليك السوايع باش تعلمي يالاه مزلي
نزلات الحاجة بالزربة كضحك بوحدها وتجري والجلابة كتمشي وتجي قدامها وجلسات حداها دارت السمطة وقالت فرحانة
- غادي يتصدم باك فاش يشوفني كنسوق طموبيل
ديمارات اشراق وقالت: الى خديتي البيرمي من الدقة اللولة نشريو ليك شي وحدة صغيرة طلقي فيها يدك يالاه نجحي
حركات الحاججة راسها بحماس: لا غادي ناخدو واش اللعب هادا ... شوفي شوفي ديك الحمرة صغيرة وزوينة
ضحكات اشراق وقالت: يالاه خودي لبريمي الى بغيتيها
الحاجة: صافي غادي ناخدو كونو هانيني .. هادا بومار وهادا كسيرور وهادا فران
دورات اشراق راسها وقالت : ياودي على بومار وكسيرور ... قولي غير نقطة ميتة وهني راسك بومار قاتلك
الحاجة : قلتي لي كيكون بومار عاد نحركوه
اشراق: بوان مور اشمن بومار
درت الحاجة يدها على فمها: اييه بوان نوار خليج في الهاتف: وي عماد ... الحمد لله ... وي ؟ اااه مرحبا فوقاش ؟ اوكي مرحبا الله اودي
هزات عينيها فالسيدة اللي واقفة فالاستقبال كتهضر مع البنات ورجعات حنات راسها قائلة
- وي ماعليش ... غدا نشاء الله مرحبا بيكم ... هاد العشية ؟ ههه واخا صافي .. يالاه باي باي
البنت: البرومو اللي كانت امدام مابقاتش سمحي لينا
شافت فيها خليج وقالت: شنو بغات المدام ؟
المدام: بغيت نتسجل .. لاصال قريب ليا وبغيت ندير باك الحمام والمساج .. والرقص الشرقي
ردت خليج بأسف: مع الاسف البرونو شي شهر دابا باش سالا
المدام : اممم .. ماعليش .. صافي قيدي ليا الاسم وعطيني لاكارط
خليج : مرحبا بيك معانا ..سجلي السيدة ...
المدام : مدام نهاد الحياني
خليج : مرحبا مدام نهاد عند حصة كغاتوي دابا تقدري ديري اي حاجة
نهاد: او ميغسي .. ناخد حمام بلوس مساج
ردت خليج وهي غادية: مرحبا
دخلات اشراق مع الباب وخليج جايا فاتجاهها وقالت
اشراق: ماما قتلاتني بالضحك ... عرفتي شنو والله حتى حشومة عمرنا جبناها لهنا تحمحم مسكينة وطلق عضيناتها
خليج : حتى لغدا ونجيبها
اشراق: وا كن تشوفي شحال فرحات وييييلي وييييلي تحلو ليها العينين
خليج: حتى دوك الحوايج اللي كتلبس ودوك الجراتل غنحيدهم ليها والله مايبقاو عندها ... راهم حااجات وكيلبسو الكيطمات وسبرديلات
البنت : مدام نهاد تفضلي معايا
هبطات نهاد قدام اشراق فالدروج للاسفل واشراق شافتها دايزة لاكن مادات ماجابت ملهية مع خليج فالهضرة ونضرها مشتت ... طلعو بجوج لفوق كيتجمعو
خليج: عماد عارض عليا للعشا
اشراق: سيري وسكني ماتجي تا للصباح عاوتاني
خليج : لالا غنرجع بكري شوية منتعطلش
اشراق: عنداك تكوني !!!
عطاتها خليج الصبع: هاكي ها متسواي حساب ليك شايطة ! غنتعشى ونجي مالك مريضة
اشراق: واعنداك
خليج: غدا غيجيب صاحبو قالي
تنهدات اشراق: مرحبا باللي جا وجاب ... صافي مابقاش الضغط توسع شوية لاصال ..
خليج: انا غنمشي للدار وندوز للصالون نقاد الحالة ... ديها شوية فراسك الشان فالطموبيل دوبلفي ومولات المشروع ! ونتي حالتك حالة ميعطيوكش كاع مولات الشي
اشراق: راه كنت هازة لهم للاصال ها الاصلاح ها الروينة حساب ليك ساهل ... دابا عاد غندور براسي شوية
خليج: هانا مشيت تهلاي
اشراق : بسلامة
طلعات للبيرو طلات على الشغل هي وانس وضرباتها بتعكيرة حمرا ونزلت لقات زبون فالاستقبال جديد ووقفات قائلة
- شنو كاين ؟
البنت : والو غير كليان جديد
ابتاسمات اشراق وقالت : مرحبا ..شنو حب الخاطر
رد الزبون .. اسمر اللون داكن بزااف قرع وطويل لابس قميجة والسروال .. ثلاتيني وهضرتو مخلطة باين انه صحراوي .. لاكن لباسه عادي وكيضحك
- انا جاركم هناك .. جديد فالمنقطة
ابتسمت اشراق: مرحبا بيك اسيدي .. شوفي مع السيد شنو خصو
مشات خلاتو واقف كيشوف فيها بابتسامة و كيعطي المعلومات عليه ورجعات للبيرو ديالها .. خرجات من بعدها نهاد بساعات وجهها حمر سخونة لابسة توني وجامعة شعرها .. خدات الكرط ديالها وخرجات لقات طه فالباب كيتسناها .. طلعات سلمات عليه وقالت
- غزااال اش غنقول ليك ... ولاهيلا واعر ... كن جيتي ترينيتي هنا حسن ليك ما تمشي لهاداك بعيد عليك
حرك راسو بابتسامة : بالصحة والراحة الاللة ... راه درت مع عماد غدا نشاء الله غنمشي انا وياه
نهاد : حتى انا عاد غنبدا عدا عندي كوغ ديال الرقص
طه : مزيان الاللة
شاف فيها وضحك وكمل طريقو غاديجالسين كيتعشاو فالطبلة بحال اي عائلة مجموعين ويتجمعو شادين فالحاجة
خليج: ايوا يا ماما حتى نتي غدوزي لبيرمي ... سبحان الله مافهمتش علاش المرى حتى كتفارق مع الراجل عاد كدير شحال من حاجة عمرها فكرات ديرها فحياتها ! فاش كتكون مزوجة بيه كيبقا عليك بغا طيري ... تبدلتي ... ماعرفت شنو .. المرض والله ... شتي اي وحدة مطلقة وجالسة كتبكي خصها العصا ... دابا قولو ليا ماما واش طفراتو فحياتها من نهار تزوجات بابا ... الانجاز الوحيد اللي دارت هوا ولداتنا وكبراتنا ... ونتي من نهار تزوجتي ما درتي حتى انجاز فحياتك .. والو ... وانا زيدوني عليكم ...
اشراق: نتوما ماشي هما انا ... اللي مدارت والو فحياتها راه دايرة ولد ولا بنت بعدا
خليج: وحتى نتي عندك بيازيد ... انا غير تسخرت ليك
تنهدات اشراق وقالت : المهم كنحمدو الله ونشكروه .. الزواج مافيه خير ... انا كنت باغا نكمل غير قرايتي مكانش كيخليني .. كترت الحكام والخوا الخاوي ... كنتسناو الراجل ينجح .. الى نجح هوا بحال الى نجحنا حنا .. فاللخر كيلوحك نتي والفشل ديالك ويمشي هوا والنجاح ديالو ... عمر النجاح مكيقسموه جوج .. من غير اللي شركاء فيه قولا وفعلا
خليج: والله لعضيم
الحاجة: والاهيلا عندكم الحق .. غير حنا دابا كنخربقو وصافي ... والله وماطفرتيه لا طفرو شي واحد ليك
خليج: المهم انا غنخرج عندي واحد الشغل ونرجع
الحاجة: مااااااتعطلييش والله منحل ليك الباب .. وردي البال
خليج: مغنتعطلش. يالاه بسلامة عليكم
ناضت بالزربة لبسات العباية ونزلات كتجري بكلاكيطة حتى للشارع فين موقفين الطموبيلات فباركينك محروس وطلعات بسرعة حيدات لحوايج لداخل وقداات راسها وزادت مع الطريق .
صباح جديد احداث جديدة عمرها كانت على البال ... صبحات اشراق شادة بيازيد فيديها فالبيرو والحاجة مشات تقرا وخليج كتقدا مع الشاف داكشي اللي خاص فالريسطو ..
دخلات نهاد مع الباب مباشرة لقاعة الرقص .. ومن بعدها دخل عماد و طه كيدور فعينيه فلاصال ووقفو فالريسبشن
عماد : واحد الدقيقة اخاي طه نعيط ليها
خرج برا تاصل بخليج وردت عليه : وي عماد ... انا مكيناش انا غنتاصل بختي تنزل عندكم ... شوية ونجي
عماد : اااه اوك ماشي مشكل
كانت اشراق جالسة حتى جاها اتصال وردت
- وي .. عماد وصاحبو ؟ واخا هانا هبطة

ناضت هزات بيازيد وهوا يرد ليها على كتفها
اشراق: الله اش درتي اش درتي
خرج فيها عينيه كيشوفو فيها حس بيها ماعجبهاش الحال وهوا يتكمش بدا يتنخصص ويترعد بوحدو وبدا يبكي وهي كضحك وتبوس وتعنق
- الاالالاا ماشي نتااااا ... راه هاد الجلابة الي خايبة تفووو عليها شحال خايبة ضربها ضربها
بدا يضرب بيدو ويتنخصص شاد بيمو كيمص فيه وهي كتمسح ليه وتمسح راسها .. حطاتو فالكروسة كتنقي ليه صدرو ورشات الريحة وقادات الحالة فالمراية مزيان وهزاتو كتلعب معاه نزلات للاستقبال مالقات حتى واحد وقفات فكونطوار
- واحد السيد سميتو عماد هوا وشي صاحبو مشاو ؟
البنت: لا مدام طلعو لاصال
اشراق: ااه اوك ... (شافت فالساعة) عندهم غير لاصال ليوم ؟
طلات البنت على المذكرة وقالت: السيد اللي معاه نخارط حتى هوا ... دايرين نص ساعة موسكيلاسيو ومساج بلوس حمام بلدي
اشراق: اوك مزيان ... نبغيكم تهلاو فيهم بزاااف بزااف هانا كنوصي
البنت : واخا مدام
دخلات عليها خليج كتجري لابسة سبرديلة وهازة شكارة ديال الجلد صغيرة كحلة وديباردور وفيست خفيفة ودجين وقالت بسرعة
- جا عماد؟؟ (هزات بيازيد )
اشراق: عنداك تموتي!... جا وطلع هوا وصاحبو يترينيو
خليج: مزيان ... تهليتو فيهم ... عنداك تكونو حسبتو لصاحبو بالزايد
ردت البنت: قلت ليه البرومو سالات قال لينا مكاينش مشكل ... خلص العام كامل شيك
شدات خليج حنكها: اويييلي على خلص العام بلا متنقصي ريال! ياك وصيتك اشراق قلت ليك تهلاي فيهم ويييلي على شوهة
اشراق: انا عاد هبطت اصلا تقيا عليا بيازيد عطلني .. هبطت لقيتهم صافي سالاو .
خليج : ويييلي حي علامن معولة .. حيدو عليا ... فين هما لفوق ولا لتحت ؟
البنت: لفوق امدام
خليج : شدي بيازيد ... عرفتي شنو ديري .. سيري جيبي ماما راه سالات الحصة
اشراق يالاه هانا مشيت ... غندوزها للدار ونرجع
خرجات اشراق مشات وطلعات خليج كتجري لقاعة لفوق .. مكاين غير زداف زداف الدعوة مخلطة ... بقات كتقلب عليه لقاتو جالس كيخدم لفخاد وهي توقف عليه كضحك
- خدام مع راسك ... هاي هاي هاي على 40 كيلو !!
تلفت كيضحك وطلق و لحديد وناض كيمسح وجهه بالفوطة وسلم عليها من الوجه وقال
- فين كنتي ؟ عاد جيتي؟
خليج: عاد دابا جيتي كنت مسخرة ... اش كتعاود ... كتعمر ليا لفراغاا مع راسك
رجع جلس كيضحك وقال: وايييه ... هههه
تلفتات خليج وقالت: فين صاحبك ؟
تلفت موراه وقال: عاد كان هنا !!! اه راااه لهيه
خليج: فين ؟؟(كتسرح عينيها)
عماد: راه ناعس على ضهرو مكيبانش ..لابس شورط كحل
حركات راسها بالايجاب كيبانو ليها غير يديه كيهزو التقل والسبرديلة والشورط وقالت
- صافي خليه راه مكونسونطري ... عجبو الحال
ضحك عماد وقال: مالو جاي يتزوج هخه... جاي تريني خوا باغي لماتريال لقاه صافي
خليج: يالاه نخليك حتى تسالي ... انا غنطلع عند شاف كوزيني لفوق ... طلعو تغداو .
عماد : نشاء الله
مشات كضحك ورجع هوا كيضحك كمل التدريب ديالو في حين طلعات خليج للغيسطو . سالاو حصة الرياضة وخرجو بجوج لاوين على كتفهم فوطة نازلين لتحت كيتجمعو جهة الحمام ودخلو
عماد : اححح تكسل ليا مع راسك ابا طه وضرب ليا الاصابع الاسيوية مع راسك ... احلى مساج اخاي ... حسن من مساج العزيات
رد طه كيضحك وقال: عرفتي ومصدقش ... منعقلش عليك
وقفات شينوية فالباب استقبلاتهم بابتسامة وقال عماد بالانجليزية
- بركي اختي مزيان عزيز عليه الزيار الله يحفضك .. مافيا اللي يخلص الحق
ودخل حداه كيضحك فالحمام اللي فجنبو .
بعد لحضات نزلات نهاد لابسة توني ديال الرياضة فالغوز كتقلب عليه وتسول حتى دخلات عليه فغرفة المساج بحال لكوخ فالديكور كلها خشب وقصب لقاتو ناعس على كرشو واسيوية كدير ليه المساج . دورات راسها وهي واقفة وقالت
- اييي هاي هاي ... ترخى ليا مع راسك
هز راسو عينيه حومر كأنه كان ناعس وقال كيضحك بصوت خافت
- نعااااست هه
نهاد: بسيف متنعس ونتا مجبد لاسيوية كدير ليك مساج هونكونغي هه!
رجع حط راسو فين كان وقال: غرتي ؟
ردت بتقة فالنفس: نغير!!! منمن؟ من بنانة !
رد : حشومة ... اش دارت ليك السيدة خدامة على راسها مكتفهمش تا لهضرة ... طلعي تغداي تا نجي
نهاد: انا غنطلع ندوش ونسبقك للمطعم اوك ... يالاه بالصحة
رد من وجهه على يديه : الله يعطيك الصحة
خرجات من تما طلعات دوشات ولبسات حوايج نقيين .. زوينين وطلعات للمطعم جلسات فبلاصة ضاربة فيها الشمش ودارت رجل على رجل ..دازت حداها خليج كدور بين لكراسا وتشوف شنو خاص شنو ماخاصش وابتاسمات ليها قائلة
- مرحبا الاللة
ردت نهاد : ميغسي
طلعات اشراق سخفانة لابسة دجين وسبرديلة كحلة وتيشورط فوقها كيمونو بارد فالرمادي وشال رمادي على راسها مايل على كتفها .. دخلات للمطبخ سخفانة شربات الماء وجلسات
- ناري عييت ... سخفت .. لمن هاد الغدا؟
الشاف: شي ضياف ديال مدام خليج
اشراق: اااه عماد وصاحبو ... زيد ليا هنا كروفيت

دخلات خليج بسرعة للمطبخ وقالت : صافي لغدا واجد ... يالاه سربيو هاهما طالعين
اشراق: غا بشوية عليك تقولي جايين يخطبوك
اشراق: راه عمااااد هادا ابنتي ... فيم يبان شي حمد ولا حمدان يعطيه موصيبة فهاد النهار .. يالاه هانا مشيت .. اجي معايا نتي واش مغتسلميش عليه ! حشومة على الاقل شكريه غير على لكريدي اللي عطانا
اشراق: وصافي يالاه سيري هانا جايا
خرجات خليج فرحانة كضحك جيهتهم وهما جالسين فالطاولة بالكنبات تحت سقيفة خشبية .. طخ عاطيها بضهرو كيبان شعرو وعماد مقابل معاها غير شافها جايا ناض فرحان وقال
- هاهيا جايا
ضحك عليه طه كيحرك راسو يمين يسار على الفرحة اللي شاف فعينيه وهز راسو بتتاقل وخليج دايزة من حداه مدات يدها بسعادة لعماد عاد وجهها سلمات عليه بلابيز في حين كيوقف طه من باب الصواب باش يسلم حتى كيتصدم صدمة اكبر من السن ديالو وجمع الابتسامة تدريجيا وهوا كيمد يدو ليها وكيشوف فالابتسامة كتلاشا فشفايفها وكتمد يدها ليه ، سلمات عليه وبقات كتشوف فيه فدهشة وهوا كذلك . شوف فيا نشوف فيك حتى قاطعات ديك الصدمة نهاد بابتسامة وهي كتوقف عليهم وكتحط الصاك ديال الرياضة جانبا قائلة
- هاااي ياكما تعطلت عليكم!!!
فديك اللحضة اللي كتحمل بزاف ديال المعاني وتقالت كأنها سنة جايا اشراق فاتجاههم بابتسامة وكتشوف فخليج وهي كتسلم عليه وكيبان ليها فيه غير الضهر لابس تيشورط كحلة .. حركات خليج بؤبؤ عينها اتجاه اشراق اللي جايا بنضرة غريبة ويدها فيدو كأنها كتقول ليها وقفي .. وقفي متجيش ولا رجعي ... غتصدمي كما انا تصدمت
لاكن اشراق مافهمات فالنضرة والو كأنها مبانتش ليها ووقفات قدامهم بابتسامة قائلة
- مرحبا بي......... ك...م
تقال ليها اللسان وهي كتشوف فعماد ... في حين جمعات خليج يدها وهي فحالة صعيب توصف ... كأن الارض كدور بيها . عماد بدورو تلاشات الابتسامة فعينيه وجمع الضحكة في صدمة وبقا كيشوف فيها ويدو ممدودة ليها ولسانو كينطق بصعوبة ..
- إ..شراق !!!

وبتتاقل تلفت طه بعينيه للجنب شاف فلخيال اللي وقف حداه وهوا يتصدم بقا كيشوف فيها وهي كتردد فدهشة ويدها فيدو كتسلم عليه
-عماد...!
لاكن بسرعة تداركات اشراق الموقف وقالت باببتسامة مخفية
- مرحبا بيك اعماد
سلمات عليه وهوا فمو عوج ماعرف يضحك ولا يدفن راسو وكيشوق فطه ويشوف فيها هي اللي يالاه كدور وجهها بنفس الابتسامة حتى كتلقا عينيه فعينيها بنضرات غريبة .. نضرات وقفت الزمن وحولت المكان ورجعت الشريط للوراء كامل ودوزاتو قدام عينيه بلمح البصر .. حتى واحد مقدر يكسر ديك النضرة الواقفة فبلاصتها الا نهاد اللي مكتعرف فيهم حتى واحد من غير عماد ، وابتسامة وعفوية تدخلات وقالت
- شكرا احبيبة ... السونطر عندكم غزال
ببطئ شديد تحولو نضرات اشراق ليها وهي فذهول كأن الجسد خوا بقا غير الهيكل فارغ ... او صورة سوداء بدون الوان تابتة على حيط قديم ، هنا تدخلات خليج اللي خرجات نسبيا من ديك الصدمة وقالت بارتباك
- مرحبا بيك ..اا...
ردت نهاد بابتسامة كتمد يدها قائلة : مدام نهاد ... الناجي
هنا طاحت السما على راس خليج واشراق اللي دخلو فكورة سوداء بدون اصوات او الوان ماباين ليها المدخل من المخرج .. كأنهم تاهو وسط متاهة مضلمة بافيين يخرجو منها لاكن الجهد مكاينش ... بحال الجهد اللي كيقلبو عليه فديك اللحضة لتدارك الموقف ..
بلعات خليج ريقها وردت بابتسامة قائلة
- مرحبا بيك ا.. امدام ( مدات يدها سلمات عليها ) تقضلي .. خودي راحتك
سلمات نهاد ومدات يدها لأشراق كذلك وقال
- شكرا
بقات اشراق غير كتشوف فيها وفيدها اللي مادة ليها حتى نهزاتها خليج
- اححححمممم قح قح
هنا فاقت اشراق ورجعات للوعي ومدات يدها بدون شعور وبدون ابتسامة قائلة
- مدام؟؟؟...
نهاد : مدام الناجي ؟
بعد صمت ليس بطويل ردت اشراق قائلة
- متشرفين ..
خليج بارتباك : تقضفضو .. تنفضو بغيت نقول تفضلو ... احم .. جلسو مرحبا بيكم
جلسات نهاد الاولى وتبعها عماد اللي مضروب بفردي خاوي تالف كيحط الكاس ويهز كاس ...
خليج : مرحبااا .. مرحبا .. قح قح
داخت ودارت غادية جيهت المطعم .. غادية وكدخل فالطبالي بالجنب وتعتر فالكراسة اما اشراق وطه باقين تحت تأثير الصدمة واقفين حتى جمعات اشراق يديها بلا متسلم عليه وقالت
- مرحبا بيكم
ابتاسمات بزز ودارت تابعة خليج كتعتر فدوك الكراسة اللي خرجات خليج من بلايصهم مباشرة للمطعم في حين قالت نهاد بابتسامة
- جلس اطه ! مالك واقف
جلس .. بل تنفض فوق الكرسي كيشوف قدامو ونهاد كتشوف فيه باستغراب
- مالك ؟؟؟ ضراتك شي حاجة !
عماد: و كلاكاج يمكن ترينينا بزاف ليوم
تلفت طه بجنابو تالف وقال: انا غنمشي لحمام ونجي
ناض بسرعة مشا للحمام لي تما ودخل سد عليه في حين متكية اشراق ويدها على صدرها والدموع محجرين فعينيها وخليج كتفتف قدامها
- ماحسابش ليا صاحبو ... زعما هوا ... اويلي شنو هادشي!!!
اشراق: تزوج !!!.... صافي تزوج اخليج ... تزوج
هبطو جوج دميعات من عينيها المصدومين حارين قدام الطباخين اللي مافهمو والو .. بعات الريق بزز وحطات يدها على وجهها وخرجات من تما مصدومة مباشرة الحمام
يتبااع
.. بااااع
بااع وراااح

هبطو جوج دميعات من عينيها المصدومين حارين قدام الطباخين اللي مافهمو والو .. بعات الريق بزز وحطات يدها على وجهها وخرجات من تما مصدومة مباشرة الحمام وحلات الباب دخلات كتجري لمرحاض النساء وسدات عليها وهبطات وجهها على لافابوب كتبكي وتقطع .. راسها مزير والدينا فعينيها كحلة والجرح فاق وفيق عايها المواجيع القديمة والجديدة وجلسات تبكي بحرقة وتهز راسها فالمرايا معارفاس باللي مور ديك المرايا كاينة مرايا اخرى واقف عليها هوا مقابل معاها ومهبط راسو فصمت .
وقفات غسلات وجهها بعد العاصفة اللي ضرباتها لوجهها دوخاتها ... بقات كتشوف فالمرايا مطولا كتنخصص وجمعات النفس بعمق مغمضة عينيها ورجعات مسحات دموعها بصبر كبير حتى بردات وجمعات فتايت القوة وخرجات معاه قد قد تصادفات معاه وهزات عينيها شافت فيه بابتسامة ورد ليها نفس الابتسامة بارتباك وقال
- لاباس عليك؟
مدات يدها بابتسامة اكبر من الاولى وقالت
- الحمد لله ونتا لاباس؟
صافح يدها قائلا : الحمد لله على كل حال
بعدات يدها وقالت : مرحبا بيكم ... كنتمنى تكونو مرتاحين
رد بنفس الابتسامة : مبروك المشروع ... الله يوفق
ردت بابتسامة: الله يبارك فيك ... حتى نتا مبروك عليك مادرتي
بقا ساكت لحضات وقال بمجاملة : الله يبارك فيك . شكرا
حدر راسو بابتسامة وخرج خلاها واقفة كتشوف فيه بنضرات غريبة على مدمع عينها قطرة دمعة
اعرف طيبتك ووجهك الدافي ، وعينينك المحبتين
اعرف صنف لسانك وصوتك المتعب وطعم ضحكتك الناصعة
اعرف غضبك الرقيق ومرحك الوهاج الذي لطالما صبغ الأمكنة بالألفة والحياة ..
ولاكن.... الشيء اللي لا اعرفه ولاتعرف انت ايضا ...هوا السد المنيع الذيحال وبالغ في العلو حتى تركنا بهذا الشكل الذي لانفهمه ..غرباء على الضفتين ، لهذه الدرجة وصلنا ؟ نمضي كالغرباء.! وكأني ماكنت يوما حبيبة قلبك .... وكأنك ما كنت يوما .. روح قلبي

خرجات موراه مهبطة راسها وتلفتات جهة الطبلة فين جالس مالقاتوش لا هوا لا عماد .. غير نهاد اللي جالسة دايرة رجل على رجل مسرحة عينيها فشميسة .. دورات عينيها مابانوش ليها ونزلات مع الدروج قاطعة فيها النفس حتى للطابق الارضي وتمات غادية جهة الباب حتى كتفاجأ بيهم واقفين برا حدا سيارتها كيهضرو وهي تراجع باللور وطلقات ودنها بشوية مور واحد الحيط كطل بنص عين وتشوف الغضب فعينين طه وهوا كيغوت على عماد اللي مهبط راسو كيشوف فالارض

عماد: والله اخاي طه ماكنت عارف تآمن بالله ... والله مكانت عارف بحالي بحالك
رد طه بغضب مفرط كيشير بصبعو : ماتقووولش ليا هاد الهضرة نتا كتعرف خليييج وفايت شايفها واش كتسطا علياااا!
عماد : وخاي طه راه ماعقلتش وكنت كنقول فايت شايفها فشي بلاصة... تبدلات عليا بزاااف اصاحبي شغنعقل ..والله مادرتها ليك بلعاني تيق بيا
زفر طه بغضب ويدو كترعد وقال: هادشي مافيهش نسيت ... ماتجيبنيش لهنا واش عااارف شكون هاديك ولا معارفش؟؟؟ واش عارف شوقع واش عشتي معانا اللي طرا ولا معشتيش؟؟؟ طليقتي هاديك كفاش كيفاش بغيتني نهدا ونتا حطيتيني قدامها ؟ (جبد تيلي صونا لنهاد) هبطي لتحت غنمشيو الحاجة كتعيط انا كنتسناك لتحت
رد عماد بهدوء: غديرها مفروطة اصاحبي صافي جلس عادي بلا ماتعيق دوز هاد السويعة ... غتفرش الديكور
نتر طه يدو: جلس نتا اللي جات معاك( شار بصبعو بتهديد) عماد .. حياتي الشخصية خليها بعيدة عليك ماعندكش الحق دخل فيها اوك . خليك بعيد وخلي صداقتنا ولاراه غنخسر معاك
رجعات اشراق باللور تخبات حتى دازت نهاد لقاتو واقف وعماد حداه ساكت وقالت بابتسامة
- شنو كاين مالكم؟
عماد: انا مشيت
دخل عماد داز حدا اشراق بالجنب مشافهاش وطلع بسرعة لفوق .. طلات اشراق بنص عين شافتو فتح الباب لنهاد وقال بصرامة
- طلعي نمشيو
عقدات حجبانها : فين علاش نزلتي ديك النزلة ؟؟؟ ياك لاباس؟
طه : طلعي يالاه الحاجة مريضة
دخلها فالسيارة وطلع حداها بسرعة زدح الباب وزاد بقات اشراق غير كتشوف منبعيد فصمت وعينيها مغرغرين .
بنضرات غريبة : على قبلها؟؟
تلفت شاف فيها بصرامة : قبل من؟
ردت : طليقتك
قال : مافهمتش!
زفرات وقالت: شفتيها ونتا تبدل ... قول عليها كتشكر ليا لاصال .. قول عندك هنا الذكريات ومتلهف امتى تجي ليه
شاف فيها بغضب: شنو كتخربقي؟؟؟
ردت بغضب : بلعاااني جيتي تسجلتي هنااا غير باش طلاقا بطليقتك وتشبع منها
هز صبعو بتهديد : غتلزمي حدودك وتعرفي كفاش تهضري معايا ولا مغيعجبك حال
قالت بتحدي: شنو غدير اطه ؟؟ شنوووو ؟ واش كيحساب لي انا مكلخة ؟ واش كيحساب ليك مكنفهمش؟ شفتك كفاش بقيتي كدير فيها وحتى هي كفاش بقات كدير فيك .. واش حساب ليك انا مكلخة ؟؟؟ هادي هي اشراق !!! هادي طليقتك ! كان كيحسابني ماعرفت كي دايرة وشي وحدة اللي.
ضرب فالمقود بغضب وشد فران حتى كانت غدخل فالزاج اللي قدامها وقال بغضب
- جوج كلمات انهاد مغنعاودهمش معاك ... غتلزمي حدودكك معايا وتعرفي شنو كتخرجي على فمك مرحبا... غتزيدي تمداي غندمك سمعتي
بقات ساكتة كتشوف فيه وغلبوها الدموع بدات كتبكي وهوا يسوط دور وجهه لجهة الزاج شد جبهته
- ملي نتاباقي كتبغي طليقتك علاش تزوجتي بيا ؟ انت شنو درت ليك حتى تعاملني بحال هااكاا؟؟؟
تنهد ورد بصرامة : شنو هي المعاملة اللي بغيتني نعاملك بيها؟ نتي كتسبي فوحدة بعيدة عليك ماوصلاتك بحتى حاجة ؟ وانا معارفش كااع واش هي كاينة اصلا فهاد البلاد ولالا! واش انا حمار غنكون داير معاها نشوفها ونجيبك معايا فالطبلة!! واش معندكش عقل يفكر؟ ماكنتش عارف ... وحتى لاصال ماكنتش عارفو ديالمن ... كلشي بالصدفة وقع وكن كنت عارف ديالمن مغنمشيش ليه
قالت كتنخصص: هي مغتمشيش ليه ؟
غمض عينيه وتكا على الكوسان بنفادالصبر وقال
- اشنو بان ليك؟
ردت بنرفزة: منعرف انا مابقيتش فهمت والو
ديمارا السيارة وقال: مابقا لا لصال لا تا لعبة دابا .. داك لاصال نسايه
ردت : واخا خلصناه!
رد بصرامة : واخا خلصناه . صافي سالينا هاد الموضوع غيتسد

طالعة فالدروج كتبكي وتنخصص حتى للمطعم لقات خليج وعماد جالسين فنفس الطاولة ساكتين كل واحد كيشوف قدامو ... بلا متشعر لقات راسها جالسة حداهم ساهية حتى نطق عماد وقال
- سمحي ليا اختي اشراق ... والله ماكنت عارف .. ماعرفتش ... مافهمتش شنو غنقول ليك ... انا لراسي مصدوم
تنهدات خليج: انا كتر منكم
شافت فيه اشراق بنضرات حزن وقالت: صافي تزوج ؟؟؟ واش صافي؟
تنهد بأسى وقال: صافي دابا كل واحد شنو كتب ليه الله ... كل واحد وشنو قسم ليه الله ... مامكتابينش لبعضياتكم دابا نشاء الله تلقاي بشي ولد الناس اللي تنساي فيه كولشي ... تنساي كاع هادشي بحال الى كنتي كتحلمي
ردت بنفس النبرة: فوقاش تزوج ؟؟ عاود ليا اعماد ومتكدبش عليا
رد في حيرة: ماشي بزااف باش تزوج ... راه يالاه شهر باقي حتى لعرس مداروهش ... غير هاد الشهر هادا تزوجو
دارت يدها على فمها فصدمة: شهر!!!! شهاد المكتوب !!! شهاد الزهر وانا عام وانا هنا
رد بأسى كيحرك راسو : عام وهوا كيعرفها عام بالضبط ... ولاكن معندكش علاش يبقا فيك الحال .... حتى نتي مزال تلقاي مع ولد الناس اللي يستاهلك
وصلو مسج فديك اللحضة ودخل طل بالصدفة تفاجأ بالمسج ديال طه مكتوب عليه " حاول تكرهها فيا قدر الامكان "
تنهد عماد وشاف فيها قائلا بتردد : م.. م.. ماعرفتش شنو غنقول ليك ... ولاكن ...
قاطعاتو : كفاش كان عايش ؟ كفاش كان مور الطلاق ؟ فين تعرف عليها ؟ واش كيبغيها ؟ واش صافي عمرو جبدني؟
تنهد بأسى : والله اختي اشراق ما عرفت اش غنقول ليك
خليج: علاش كنسولي عليه صافي نسايه يتزوج ولا يجلس ياك طلقتو هادي ربع سنين ولا ماعرفت شحال وكنتي ناسياه .. اش جابو ليك داباا؟؟ كن بغاك كن تسناك
اشراق: عماد جاوبني ومتكدبش عليا ... بغيت نعرف ... بغيت غير نعرف وصافي ...
تنهدات خليج: جاوبها خليها تبرد .... نسدو هاد الموضوع اللي شحال وهوا مسدود جت ليوم وتحل

تنهد وكمل: بغيتي الصراحة اختي اشراق ... طه عمرو مكان كيبغيك
ردت فصدمة : كفاش عنرو مكان كيبغيني ؟؟؟ واش عارف شنو كتقول؟؟؟ ميمكنش
تنهد: بغيتي الصراحة ... انا غنصارحك ... عمرو مكان كيبغيك هوا قالها بفمو ... قالينا فالدار وحنا جالسين فالفيلا كاملين وجالسين العائلة وكلشي .. قاليهم صافي نزوة ودازت
ردت فصدمة : انا نزوة ؟؟؟ وولدنا اللي ماتت بسببه حتى هوا نزوة !!! واش هادا بشر ولا شنو
تنهد مغمض عينيه كيسوط ويتفتف وقال :
ولدو بقا فيه اه ولاكن نتي قال لينا باللي نزوة وصافي دازت ... نتي غير سبب باش يتعاقب على داكشي اللي دار والاغلاط اللي دار مع ليلى ... هوا عمره ماكان كيبغيك ونهار مشيتي قال ليا فتيليفون حسن مشات اصلا هي مريضة .. و و وغير كتغوت وتبكي .. وو كئيبة منقدرش نكمل معاها حياتي ونمرض بحالها
خرجات عينيها بحقد وقالت : انا كئيبة ؟؟؟ انا مريضة خاف نعاديه !!! وفاش كان كيبوس ليا رجلياااا ... رجليااااا كيبوسهم فاش كنغضب عليه ... رجعت كئيبة ومابقيتش صالحة لوالو
بلع عماد ريقو ساكت شوية وقال : قال ليا مابقيتش كنشوفها كمرى ... يعني مابقيتيش كتباني مرى .. فهمتيني ... رجعتي كتباني ليه بحال مو ولا ختو مكيحس تجاهك بحتى شي حاجة ... ونهار تعرف على نهاد قالي عاد دابا عاد كنحس براسي عايش ... وقلبي كيضرب ... كنت غالط بزااف ومتيق ديك النزوة حساب ليا حب ... حتى جات نهاد فيقاتني ... قالي مابقيتش باغي نشوفها مرة اخرى وماكرهتش عمرني نشوف وجهها
ردت خليج مصدومة : ولد احراااام هادا
ردت اشراق كتبكي بحرقة: الله يعطيه موصيبة الله يعطيه شي كسييييييدة نشووف مشتت قدامي ... خرج ليا على حياتي ومشا يعيش حياتو ... الله يعطيه الشلل .. بغيت ربي ينتقم منو عمرو يفرح فحياته كما دمر ليا حياتي بغيت حياتو دمر ليه ... بغيت نشوفو قدامي كيطلب ويرغب نسمح ليه وعمرني نسمح ليه ... بزاااف عليه انا ... انا راه كنت دايرة ليه كي الما لقليل كان كيقول ليا نجحتي فزواجك بامتيااااز ... كان عاجبو الحال غير مرضني وطعنني مابقيتيش كنبان ليه مرة حسبي الله ونعم الوكيل فيه
تنهد وقال : بغيت نقول ليك شي حوايج .. ولاكن غتمرضي وتعصبي
ردت بسرعة كتمخصص: غير قول قول ... ماعنديش علاش نتعصب اصلا ميسواش بان على حقيقتو الشماتة لا خر
عماد: قال ليا فاشلة فحياتها ... متعرف دير حتى حاجة ... واصلا باقا صغيرة معارفاش شنو باغا وتالفة ... نهاد العكس ديالها كبيرة وبعقلها كنقدر نتفهام معاها ... نهار الاول مكانش عليا نمشي عند برهوشة .. كان عليا نختار وحدة قريبة للاج ديالي تجي معايا وتفاهم معايا

اشراق: واش بصح قال ليك هاد الهضرة ؟؟؟ الى كان قالها الله يعطيه الموووت ... الله ياخد فيه الحق .. انا مشيت معاه بالنية ... مكانش كيحسابني غيطلع منو هادشي ... انا كان كيحساب ليا راه مطعون بحالي بحالو ... و ميقدرش يبدلني ولا يقول عليا شي كلمة ... كان كيبان ملاك .. ملاك وهوا شيطان ... كان مكيبغيش يهضر فالناس .. قول هوا كان عايش دور الملائكة الشيطان ... الله ياخد فيه الحق ... انا هاداك هوا النقطة الكحلة فحياتي .. غنبقا ندعي فيه فكل صلاة دابا غنمشي للجامع نصلي العاصر وغندعي فيه ربي ينتاقم منو الله لا يسخر ليه فداك الزواج ... غنبقا نتسناه كل يوم حتى نشوفو كيتعدب ويتشوا ... هاداك هوا الهدف ديالي صافي مابغيتش حتى هدف
عماد: بالعكس خاصك تبتي ليه باللي نتي حسن منو وماشي كما قال هوا وماشي كما كيضن ... قال فاشلة؟ خاصك تكوني ناجحة .. قال برهوشة ؟ خاصك تكوني بعقلك ... اي حاجة قالها خاصك تكوني العكس ديالها ... وهوا عارف كتموتي عليه وقالها بفمو قال واخا تمشي اطرف الدنيا غترجع متقدرش تعيش بلا بيا وكتموت عليا ... هي بلا بيا متسوا والو
حركات راسها كتنخصص: واخا ... انا غنوريه .. الموت بغيتها تجيه .. بغيت ربي يكحل يامو .. خرج عليا الله ياخد فيه الحق .. عرفتي اعماد (كتنخصص) انا كنت غالطة فيه ... كنقول حتى واحد مكيعرفو بحالي ... وحتى وحتى واحد مكيفهمو قدي .. وحتى ديك مرتو مغاديش تفهمو بحالي ... انا كنت كنقول باللي انا وياه واحد .. وكنحس بيه وكنفهمو .. وكنت كنقول راه كيتعدب حيت انا اللي سمحت فيه .. انا اللي خليتو .. ولاكن طلعت انا اللي غالطة .. مكنفهمو مكنحس بيه ... ويستاهل نخليه ... احسن انجاز درت فحياتي هي مشيت وخليتو حيت ميسواش ... كان ضارني خاطري وكنتقطع (كتبكي) كنقول معبدين بجوج .. مالينا دنب فشنو وقع .. شنو دنبنا كنبغيو بعضباتنا شائت لاقدار وفرقاتنا .. هوا ميستغناش عليا وانا منستغناش عليه .. انا السبب وانا اللي ماصبرتش ومابقتيش معاه ... نواسيو بعضياتنا حتى نتجاوزو الصدمة ونكملو .. كنت كنلوم راسي .. كنلوم الضروف .. كنلوم ديك اللي متسماش الله ياخد فيها الحق .. كنلوم كلشي الا هوا .. عمرني لمتو .. كنحس بيه بحال شي دري صغير .. عزيز عليا وكنبغيه متصورش قداش .. مكنتش كنتخيل راسي بلا بيه اعماد .. واخا مشيت وخليتو كنت تحت تأثير الصدمة انا براسي معارفة ساسي من راسي .. ولاكن تخدعت فيه .. تصدمت فيه كرهتو دابا ... رجعت باغا نشوفو كيتشوا ويتعدب .. بغيت نشوفو نادم عاد نبرد ... قلبتي الاحاسيس كاملين اعماد وصدمتيي صدمة اخرى .. كرهت نهار عرفتو فيه .. كرهت نهار تزوجت بيه ... الله يعطيه موصيبة ضربو
مدات ليها اشراق الماء تشرب وهي كترجق وتبكي بعات تسخف وقالت
- ميستاهلش .. ميستاهلش هادشي اللي كديري عليه ... داير بحال المرى اللي سالا معاها يشد فيها النميمة تفووو... شوفي راسك علامن غتموتي ... شوفي علامن دايرة هاد الحالة .. كاع داكشي اللي بغيتي فيه طلع كدوب وزواق الله يلكيها ليه

كانت غتموت بالفقصة ..بقات كتبكي حداهم وهما كيسكتوها حتى سخفات وهبطات راسها كتمسح دموعها
- انا مكنبيش عليه كنبكي على نيتي وعلى راسي .. وصافي اخر مرة غادي نبكي صافي
رد عماد وقال بابتسامة يائسة ونضرات حنينة وهي كتقاد حجبتها الشيبي على الدورة دوجهها وكدخل الشعر من الجناب
- والله حتى كاينين ولاد الناس... كاينين اختي اشراق والله نتي مضايعة ... كما نتي بنت الناس محترمة راسك راه كاين ولد الناس كيقلب على وحدة بحالك...
شافت فيها خليج بحنية وعنقاتها بقوة كتبكي معاها وقالت
- صافي دابا ... صفحة وغنطويوها ... ولد طوير فالجنة ... وزايدون عندك بيازيد ولدنا بجوج .. انا ولدت ونتي ربيتي ودرتي مجهود ... وداك الشماتة كان مدرسة تعلمتي منها باش تنتابهي من هنا لقدام ... حنا يالاه بغينا نعيشو الحياة.. يالاه بدينا ويالاه قلنا بسم الله
حركات راسها كتنخصص : اخر مرة غنبكي عليه .. صافي .. تزوج الله يعاونو
عماد: راه مزال غتجي ايام غتقولي شوف فين كنت وفين رجعت ... الايام كتنسي
حركات راسها: شكرا اخويا ... سمح ليا صدعتك .. مغتعاودش نسولك عليه من ليوم
حرك راسو: ماشي مشكل حسبيني بحال خوك اي حاجة وقفتي عليها .. خصاتك ولا بغيتي اللي يعاونك انا معاك ... مرحبا بيك فأي وقت
تنهدات ووقفات : شكرا بزااف ... انا غنمشي للدار .. نشوف ماما وبيازيد
مشات وخلاتهم جالسين كيتجمعو فأمورهم الشخصية .. طلعات فالسيارة مباشرة للبحر ونزلات تقابلات معاه كنفرج فيه ... كل موجة كضرب كضرب معاها ذكرى من الذكريات وتمشي ... بقات ساهية مربعة يديها وجالسة على الصغر كتشوف الغروب حتى وقف عليها راجل كبير صياد وقال
- سير ابنتي بحالك ... متبقايش هنا راه خطر فهاد الوقيتة
حركات راسها بالايجاب وناضت كتنهد فصمت مشات لسيارتها وركبات شاعلة الاضواء وغادية فالشوارع المضوية على ضلام الليل .
فمقهى جنب البحر والهوا كيضرب جالس كيشوف فضوء باطو بعيد بحال النقطة وقدامو عماد
- صافي ... كل واحد يعيش حياتو دابا ... واخا متستهلش ..بقات فيا
تلفت طه شاف فيه بنضرة غريبة وقال بهدوء فسهوة مع تنهدية
- كانت غااااااالية .. ... بغيتها كتر من نفسي ... ولاكن .. .. كتمنى ليها كل خير من قلبي . . . الله يسهل عليها فين ما كانت ... والله يجيب ليها ولد الناس .. ينسيها فكاع داكشي اللي داز ... تنسا معاه كولشي وتبدا من جديد .. تستاهل كل خير الله يسهل عليها ونسمع عليها اخبار كتفرح

شرقات شمس فنهار جديد مليئ بالاحداث والتفائل .. لبسات فيه اشراق حوايجها ودوزات الحاجة لتعليم السياقة وبقا معاها بيازيد داتو لاصال من بعد ما غابت عليه واحد ودالفترة كانت كتراجع فيها افكارها وترتب الاحداث باش تعرف راسها من رجليها وتقدر تبدا او تكمل من جديد في حين كتطورو علاقة خليج بعماد يوم بعد يوم وكيكثرو اللقائات وكتوطط العلاقة اكثر من الل.ي سبق وكانت .
دخلات للاصال بابتسامة كتلقي السلام على الجميع اللي كتصادف فطريقها فيدها بيزيد شاد مصاصة كيجر فيها .. وقفات فالاستقبال بابتسانة كتسول على الاحوال حتى نزل انس كينقز فالدروج مالعادة شافها وقال كيضحك
اهلاااااا اش هاد لغبور ... بكوووص بوس
بعد بيازيد وجهه كيغوت واشراق كضحك
- نقص من ديك لغوفالة خلعتيه
رد : سي لامووود ( شد فلحيتو الطويلة السوداء
اشراق: فين خليج ؟ لفوق
رد مع غميزة : خرجات تغدا مع ..
اشراق: اممم ... عايشة الرمنسية .. خليها .
وهما كيضحكو دخلات نهاد كتقرقب بابتسامة وشعرها مطلوق فرحانة بدون سابق اندار سلمات على اشراق المصدومة بشوفتها
نهاد؛: سافا اشراق ؟ ديما كنجي مكنلقاكش كنلقا غير خليج ههه
ردت اشراق بمجاملة : مرحبا ... بغيتني فشي حاجة ؟
ردت نهاد بابتسامة : لا كنت بغيت نشطرك على ديك العراضة مي ماتاحتش لينا الفرصة ...
اشراق: ااه .. مرحبا بيك
نهادد : شكرا احبيبة ... واخا راجلي لغا الانخراط ديالو هنا حيت جاه لاصال اللي مولف بيه قريب من خدمته ومكيبقاش ليه الوقت يجي حتى لهنا ... ولاكن انا كليان فيديل عمرني نبدلكم
بتردد فالابتسامة واحراج ردت : ماعليش ... مرحبا بيك فأي وقت
نهاد : شكرا ليك احبيبة ربي خليك ... جيت نكونفيغمي لو غونديفو بوغ لاسومين بخوشين نشاء الله عندي نهار سيببسيال . بغيت الحمام يكون خاوي ... غنحجز ليا ولصحاباتي عندي الحنة نهار الجمعة ( كتجبد الفلوس) وهادا تسبيق لحمام العروس ... مزيان اللي لقيتك ههه
تصدمات اشراق بقات كتشوف فيها لقات راسها كتشد من عندها الفلوس فدهشة وتردد بارتباك
- مبروك عليكم .. الله يكمل باخير
نهاد : شكرا احبيبة وكنت كنتمنى نلقاك باش توصي ليا على لاديكوغاسيون ديال الحمام وداكشي ... بغيت شي حاجة زوينة بزاااف ... غيجيو معايا صحابتبي ومابغيتش نتحشم .. واخا متأكدة غادي توقفي على داكشي بالتدقيق ودوقك بلا شك غيكون زوين بحالك ردت اشراق بعد
صمت طويل والدوخة شاداها : اوك ... مرحبا المحل ديالكم هاهيا غتكونفيغميي معاك لاداط والوقت وكلشي
بغات اشراق تمشي ويدها فجبهتها تالفة لاكن وقفاتها نهاد وقالت بابتسامة
اشراق : بما انك كبرتي بينا ديك المرة نتي وخليج اختك ... مرحبا بيك لعرس غنكون فرحانة الى جيتي .. بيزو حبيبة ديال وشكرا بزااااف بزااف( على عجلة ) تعطلت راجلي كيتسناني على برا موعدنا نهار الجمعة الصباح مواااح
مات كتجري خرجات كتسد فالصاك ودارت مع الدورة كضحك بوحدها ركبات فسياؤتها الصغيرة وانطلقت .. كضحك وتموت بالضحك بمقهى وعماد حداها كيضحك مافهم والو
عماد: امالكي بسم الله عليك ... اش كاين تما ؟ شنو كتشوفي
قلبات ليه تيليفون غتسخف بالضحك وقالت .. فيك مايقرا هههه
رد : علاش لا! نضحكو معاك حتى حنا
ضحكت وقالت : هاك قرا هههه
عماد : ارا نشوفو
بدا يقرا فرسالة النصية
رسالة نصية ..
الغريب -اهلا صديقتي
البريئة- اهلا صديقي ..
الغريب - شحال هادي ماهضرنا فين غبرتي؟
البريئة- كنت منهمكة فمشاغيلي
الغريب - احوالك مع راجلك تصلحات؟ واش باقي كيخونك ؟
البريئة - لا من الاساس هي مصلوحة .. الحمد لله كلشي مزيان واخا باقي كيخوني
الغريب - علاش متصارحيهش او تواجهيه بخيانته ليك ؟ كتشوفي وتسكتي ؟ كان احسن لو واجهتي الحقير بشنو كيدير
البريئة- لا لا .. متعايروش بلحقير ..
الغريب - علاش وهوا كيخونك ؟
البريئة- لاني احقر اكثر منه .. حتى انا كنخونو ... وأولادي ماشي منه ههه
التاريخ بعد سنة . . .
الغريب- مرحبا يا جميلة..
البريئة-مرحبا يا جميل ..
الغريب - كيف احوالك .. مدة مافتحتي حسابك
البريئة- فتحته دابا باش نرد اعتبار لنفسي
الغريب- اي اعتبار ؟ شنو وقع مع الزوج؟
البريئة- اخدت طلاقي .. وتعويض فوقه .. تنازل على ابني حيت ضن انه ماشي منه ..
الغريب- وشنو من بعد؟
البريئة- لا يستحق ان يكون زوجا ... او ابا صالحا
الغريب- وبعد؟
البريئة- لم اخنه يوما ... لاكن علمته درسا لن ينساه .. وسيرده بقية حياته .. ان كيدهن لعضيم .. دمت سالما زوجي العزيز (بلوك )
هز عماد عينيه مصدوم وقال: شنو هادشي !!!
شدات تيليفوت كضحك وقالت : هادا طليقي الحمار ... أحمد ... دخل عندي للحساب باسم الغريب لأنه عارفني داخلة باسم البريئة وكنفتحو قدامو ...خلني على شكل صديق خلاني نقتانع بيه بزز مني زعما ... هاكا باش نبقا نعاود ليه على شنو كيوقع معايا ... على مخططاتي ... ويكون ديما على بال بشنو غندير ... بغا يوكلني الطعم وحاول يهضر الدرجة على اسس ولد بلادي نقدر نرتاح ليه ونشكي ليه ... طبعا كليت ليه الطعم ... مشيت معاه ودائما كيسولني فين مشا راجلك ... شنو كيدير راجلك ... ودائما كنجاوبو على داكشي اللي كيكون بصح بلا منكدب ... خاصني نصارحو هاكا ميشكش فيا .. وضن انني كليت الطعم .. لاكن دوماج كلاه هوا ههه ... وكنعرف خطواتو وفين ما سولني كنقول ليه الحقيقة وكيقول ليا علاش كتسكتي .. علاش مكتهضريش؟ كيبغي يعرف شنو فراسي باش يكون مستعد ليا دائما . لاكن فاش جيت للمغرب ... قررت نوريه شكون هما المغربيات ... وكما شفتي .. فالرسالة ما قبل الاخيرة .. كلا الطعم ... ورفع عليا هوا بنفسه دعوة ديال الطلاق من بعد ما تراجعت قبل ماتوصلو الدعوة اللي رفعت ... خليتو هوا يطلق ... هوا يجري عليه ... وطبعا رفضت ... مالقا حتى دليل وتهمني بالخيانة ... مع العلم انه هوا الخائن وعندي ادلة ضدو ... لاكن مابغيتش نسلك هاد الطريق المعتاد .. حيت عارفة نتيجته .. قررت نشلك طريق خاص بيا انا .. وفالأخير ... طلقني ... خديت تعويض حيت مابغيتش نطلق ... ماكاين حتى دليل ضدي ... تنازل على الولد الغبي فلحضة غضب . ودابا فتحت صدفة لقيتو فاتح ... بعت ليا رسالة وشفتيه شنو كتب ليا .. جميلتي ... مابقيتش صديقتو ..من هاد الكلمة بغا يرجعني عشيقته يمكن الكلب .. ولاكن صدمته هههه ... الى ماتسطاش غادي يتسطا انا متأكدة .. ودابا خليني نضحك حيت فيا واحد الضحكة غتنفاجر كاتماها مدة طويلة كنت كنتسنا هاد اللحضة خههخخخهخخخهههههههههههههههه بقا عماد مصدوم كيشوف فيها وهي حاللة فمها فالسما كضحك ... فجأة قال بملامح متوقفة
- يخاف منك الواحد اخليج !!!
شافت فيه كتفراني فالضحكة والدموع هابطين وقالت
- اه بصح هههه ... حيت اللي نوا يضحك عليا كنفطر بيه قبل ميتعشا بيا
.رد فصدمة : هادشي خطيير اللي درتي !!! مكيضحكش؟
ردت بسخرية: وشنو اللي كيضحك ؟ خيانتو ليا وانا عارفة؟ هادي اللي كضحك ؟؟؟ ولا زواجو بلا علمي ؟ انا دمية عندو فالدار وهوا سي سيد اللي دارها جات معاه !!! ... لالالا اللي كيضحك ويفرح هوا ياخد ليا ولدي ... ويسيفطني لهنا ماعمرني نشوفو ... وتلقاني كنبكي بدل مكنضحك حداك . (هزات حاجبها بجدية) حنا فموقف فيه جوج اختيارات اعماد مكاينش من غيرهم ... يا أما ياخد ليا ولدي ... يا أما ناخدو ليه .. الى ماخديتوش غياخدو ... الضحك مافيهش اللعب اعماد ... واحد فينا كان غيبكي .. يا أنا يا هوا ... وغالبا انا اللي كنت غنبكي ... كن مافكرتش فأخر لحضة ... ونزيك ... كان كيتحرش باشراق ما مرة ما جوج وهي مريضة وكيقلب على الفرصة ... علاش ديما المذنب كيبقا فيكم .. والبريئ لا ؟ ... اسيدي ماتبكيش مي .. تبكي مو واللي بغا يبكيني نجبد ليه عينيه انا مرى عندي مشاعر وقيمة اللي زطم عليهم نزطم عليه
هزات صاكها بغضب خوات ليه الطبلة وهوا ينوض كيجري تبعها لبرا كيرغب
- فين غادية مالكي تقلقتي
نترات يدها : ماعزيزش عليكم الانسان اللي صريح ... عزيز عليكم المنافق ... يضحك ليكم ويحفر ليكم ... شوف اعماد .. هادا وجهي ... عجبك مرحبا ماعجبكش مرحبتالاف ماعنديش ماسك نلبسو

عماد: وصافي علاش كبرتي الموضوع مالكي دابا؟!
هزات خنافرها : صافي طلع ليا الدم دابا ... خليني نمشي
عماد: واصااافي غتعصبيني حتى نتي على والو
هزات كتفها : صافي .. غنمشي نبدل الساعة بأخرى .. حتى لمن بعد
طلعات فسيارة كاط كاط مشات نيشان هازة خنافرها عاجبها الحال كانها دارت انجاز مباشرة للاصال وطلعات راشقة ليها للمكتب لقات اشراق جالسة ساهية وبيازيد فكروستو ناعس .. دخلات وسدات الباي ووقفات حداها والاخيرة مادات ماجابت حتى طرطقات خليج صبعانها وقالت
- اااه .. اسبحان الله !!! مالك فين مشيتي ؟
شافت فيها اشراق بغضب : ديك الخانزة جات عندي حجزات للسيمانة الجايا ... قالت ليك عندها العرس ... انا مافهمتش .. واش مكتعرفنيش؟؟ واش عمرها شافتني
تكات خليج على البيرو بيدها وقالت بسخرية :
مكتعرفكش !!! راه والله واخا تكوني جنية تجدبك كما نتي جبدتيها ... وريني شي مرى عمرها شافت طليقة راجلها ... ولا شي مرى عمرها شافت زوجة طليقها وصعاب عليها تلقاها !!! فيقي فيقي راه بلعاااني كدير ليك هاكاك باش تفقصك وتبان عليك مالك معارفاش فعايل لعيالات ... التباهي والعياقة وانا حسن منك والزمر ... ونتي هنا غتموتي بالفقصة
اشراق: مابان ليها حتى حمام من غير هادا !! باااز لقصوحية وجهها
دورات خليج راسها : احيااااني على اللفعات احياااني تلقاي السلاك مع الرجال متلقايهش مع العيالات . يقتلو الميت ويمشيو فكنازتو .
اشراق: انا مابغيتش المشاكيل .. خصوصا معاه ... بغيت نبقا بعيدة براكة داكشي اللي قال فيا ... ماخلا فيا غير اللي نسا .. ولد لحرام
خليج : فوقاش عندها الحمام ؟؟
اشراق هاد السيمانة جايا ... تجيها فالراس انا بغيت ربي ميكملش عليها
خليج: وصافي خليها تعاود راسها ... ماتلاقايهاش نتي كاع وهني راسك . فراسك جات وقالت ليا راه راجلي تاج راسي قرة عيني مابقاش غيجي الى قدرتو ترجعو ليا واخا غير النص فداكشي اللي خلص ! الجيعانين هي وياه باااز ... عطيتهم ليها كاملين قلت ليها الحصة الاولى الله يسامح فيها وخليتها تبين على جوعها .. حتى هوا اللي مسيفطها ترد لفلوس طاح من عيني الله يطيحو ربي فحفرة جهنمية
فالغرفة مطلق الفراش : مشيت حجزت الحمام
تلفت كيحل صدايف القميجة : ماشي فهادا اللي هنا ياك ... تافقنا غنضربو عليه
ردت كضحك : اويلي لا ... صافي من ديك الساعة فاش خرجنا مامشيتش ... اش غندير فيه على قلتهم ... نو .. حجزت فواحد اخر فسونطر فيل زوين حسن منو
حرك راسو : مزيان
دخلات فالفراش وقالت كضحك : هاحنا قربنا .. مابقاش بزاف ونديرو العرس ونتهناو فخطرة ... خود راحتك فكلشي ديك الساعة ههه
تلفت كيضحك وقال: راه العقد هوا كلشي ... مي ملي بغيتي نتي حتى يدوز العرس .. صافي اللي بغيتي . غنمشي نتوضا نصلي... نوضي تا نتي صلي نفضي العز
تنهدات : راه فيا .... غير تمشي غنبداها نشاء الله
حرك راسو : ااممم .. هادي هي هضرتك ديال ديما ... غنبداها .. نتي ديما غتبدايها .
تنهد ودخل لوش سد عليه الباب وبقات هي متكية بسوميج دو نوي كتقرا المسجات مع ختها وضحك
- بقاي عند كلمتك ما ضعفيش حتى يدوز العرس.. باش تبقاي عزيزة وبحلاوتك .. هاهوا مابقا ليه والو
ضحكات وكتبات : لالا كوني هانيا .. سطحي سطحي هههه ... اصلا مكيبززش عليا ... صافي سيري حتى لغدا ... عنداك تنساي ماتوصي تريتور على طبلة دصحاباتي حدايا بغيتها .. بيزو

ليوم الموعد:
دايرة اشراق رجل على رجل فالكرسي لفوق كتديه وتجيبه وكل مرة تهز تيليفون تتاصل بالاستقبال
- وي ... جات العروسة ؟ .. اممم... داك الحمام وجدتوه ؟ اممم ... فاش تجي علموني
قطعات التيليفون ورجعات كتنهد لشغالها .. فديك الاثناء دخلات مجموعة من البنات من بينهم نهاد بجلابة بسورفيت عادية ... وقفو كيضحكو فالغيسبشن وستقبلوهم احسن استقبال بالحليب والتمر للعروسة ورحبو بيهم احسن ترحيب في حين اشراق كتراقب كلشي من لحسابو عبر الكاميرات ديال السونطر .. هبطوهم للحمام تفاجآت نهاد بداك الديكور وديك الشموع والروائح الزكية فالحمام الخاص بيها ... الورود مشتتة والاعشاب منسمة وفالباب طيابات كيصليو على النبي ويرشو عليها الزهر .. من الدخلة وهي كنصور راسها فرحانة وصحاباتها وخواتاتها كيصوروها واشراق حابسة الدمعة بزز فالمكتب .
دخلات نهاد .. تحمحمات كأي عروس ... تهلاو فيها وخرجات عند صحاباتها بالزغارت فباحة استراحة خاصة بالحمام ... قدمو ليها اتاي ، والحلوة ... والعواصر ... حطو ليها التمر معمر ورشوها بالزهر مرة اخرى وبداو كيلبسوها حوايجها بداية من السليب ابيض وفوق وديباردور والشروط حتى للقفطان جوهرة بلون كاصي والجلابة البيضاء والبلغة الخضرا فرجليها ... وكلشي هادشي تحت نضرات اشراق اللي واقف جهة الدروج يدها على الحيط كطل وتفرج من بعيد فيهم

قفزاتها خليج دايرة يدها على جنبها وقالت
- العقبة ليك .. فالقريب العاجل نشاء الله ... هادشي اللي دارت غندير ليك حسن منو وبالضوبل كاع
دارت اشراق بسرعة بلا متنطق مشات وبقات خليج واقفة كتنهد وتشوف من بعيد حتى لبسات وجلسات كتجمع مع صحاباتها وضحك غير بوحدهم عاد جمعات الابتسامة بزز وقررات تمشي عندها.. لاكن فجأة سمعات كلام وقفها فنص طريقها بلا مينتابهو ليها
نهاد: عرفتي هاد السونطر ديالمن هههه
'ردت اختها كتشبه ليها : ديالمن ؟
نهاد : ديال طلييييقة راجلي خههخخخه
ردت وحدة : اوييييلي واش بصح!!!
نهاد : ايييييه ههه
قالت وحدة : خطيييييرة نتي والله ههههه اول عروسة تحمحم فحمام طليقة راجلها ههههه زعما نتي مسخووووطة
ضحكات بافتخار : كن نتوما ماتقدروش ديروها هههههه
الاخت : وعادي ياك طلقو ... صافي كل واحد يشوف طريقو
نهاد: و عرضت عليها للعرس هههه
الاخت : اويلي!!! من نيتك ! وشنو قالت ليك غتجي!!!
حركات نهاد راسها: اويلي من نيتك !! راه غير لحت ليها الهضرة وصافي ! تقدر تجي ؟ نتي تقدري تمشي لعرس طليقك !! غا الى مكانش عند الوجه وصافي! اصلا كتبان ليا بهلة شوية ومكييلخة ! .. هي اللي كينطبق عليها المثل الجميلة الغبية .. واخا بااااسلة ماشي شي زين
تقدمات خليج بغضب عندهم وقالت بكبرياء
- مدام نهاد : بالصحة .. مرتاحة ؟؟
ردت نهاد بابتسامة : الله يعطيك الصحة .. ميغسي .. هادشي عندكم زوين
خليج : مرحبا ... غير هوا كاينة عروسة موراك ... مبروك
مشات خليج وخلاتهم كيشوفو فبعضياتهم
- هادي واش كتجري علينا !
- حااسة براسها !
نهاد- راه بصح تعطلنا ... سربيو يالاه ... عنداكم متخرجونيش بالزغاريت (غمزاتهم)

طلعات خليج للبيرو عند اشراق لقاتها مركنة فوق واحد الفطوي شادة واحد المخدة وكتبكي بوحدها .. جلسات حداها عنقاتها وقالت
- تستاهلي حسن منو ... نتي باقا زوينة والف واحد يتمناك
ردت اشراق بحرقة: مااااابغييييتش داك الف واااحد مابغييييتوش .. بغيت واااااحد هوا طهااااا اااااااه
خليج: مامكتابنيش لبعضياتكم واش باغا تمرضي راسك ... صافي .. نسااايه .. راه صعيييبة عارفة وماشي ساهلة ولاكن خاصك تنسايه .. يقدر هي كدير ليك هاكا بلعاني ... (شدات ليها وجهها) سمعيني ... نتي دابا مريضة وماشي هي هاديك ... تفكيرك مشتت فحالة ماشي طبيعية بسببها .. علاش منتافقوش انا وياك على واحد الحاجة ... ونردوها ليها غير بلفن ... تندم على الضحك ديالها واللعب ديالها اشد الندم ... وانا متأكدة كن كنتي دابا فوعيك كنتي غتندميها بنفس الطريقة .. ولاكن الانهيار والبكا مسيطر عليك ... حنا اللي علينا درناه ... كتبقا كليانة والكليان مكنجريوش عليه خصوصا الى كنا فمحلنا ... ولاكن على برا !! (غمزاتها) غادي نردو ليه الصرف اولا لا
شافت فيها اشراق كتمسح دموعها وقالت
- وشنو غنديرو ؟؟؟ انا راسي غيتفركع .. مبلوكي
بابتسامة شريرة : والله حتى ندموها على النهار اللي فكرات تلعب فيه مع بنات نزيهة ... حنا ماشي ديال اللعب ... وكنديروها للواحد على قد فمو (غمزاتها ) .

فالسيارة غادية نهاد فرحانة وكتجمع فتيليفون مع طه .. كتعاود ليه التحميمة كي دازت والاجواء وكتوصل التفاصيل حاجة بحاجة فرحانة براسها وحداها البنات كيزغرتو ويضحكو في حين معنقة خليج اشراق على صدرها كتشهق وتنخصص حتى عيات وقالت
- براكة عليك ... نوضي يالاه .. نوضي
حركات اشراق راسها: منقدرش اخليج منقدرش... منقدرش ندير داكشي اللي قاتي ليا حاسة بالموت ... كل مرة كنقول بديت نساه كنرجع نحس بالماس فقلبي
خليج: حيت كيجي حيوان يفكرك فيه ... شوفي هانا غنهبط لتحت نجمع داكشي اللي تافقنا عليه من عند البنات اللي كانو استقبلوها ... ونرجع عندك ... بزز منك غتنوضي تخرجي نديرو داكشي اللي تافقنا عليه ... والله ماتخرج ليها طريفة بالله وهانا حلفت
نزلات خليج قضات شغلها ورجعات عند اشراق خرجاتها فاسيارة كاط كاط باقا دوبلفي وكضحك معاها وهي سايقة
- عرفتي شنو هي تبكي ونتي فلوسك فجيبك .. وراكبة كاط كاط ههه وغادية تنتاقمي بفلوسك ههه راه شي حاجة واااو ميحس بيها غير اللي ماعندو مسكين جهد ... نتي خاصك تحمدي الله .. واخا هاكاك حاسدينك على شنو عندك ... واخا نتي كيبان ليك والو ... ولاكن باا هادشي متقدريش تعيشي فالمستوى اللي نتي بغياه ... حتى لفلوس فالانتقام راه عندهم دور كبير ... واخا هوا الانتقام كيبقا انتقام لاكن كيكبروه الفلوس ابنتي ههه ... نااااري كنتسنى اللحضة بفارغ الصبر خههه واخا غنقصح وجههي انا وياك ولاكن في سبيل الصرف هاانية

رجعو بالليل للدار سخفانين لاحت خليج عرمة ديال الصيكان فالجنب وحيدات السبرديلة كتوجع بالتعب وتكات
- الله اسيدي اربي فين كان مخبي لينا هادشي ... كنكره هاد الزربة كنكرها ... حتى لأخر لحضة ونبقا جري عليا نجري عليك
اما اشراق مشات ميشان للبيت سدات عليها وتكات كتسنط لعضامها .. حطات الحاجة العشا وعياو فيها تنوض والو مابغاتش حتى داها النعاس هاكاك ما بدلاات حتى جلابتها .
صبح الحال وحلات عينيها لقاتها الجوج !!!
اشراق: اوييلي نعست هادشي كامل!!! ماما ! ماااما
الحاجة نوضي راه الجوج هادي خمرتي
اشراق: فين خليج !!!
للحاجة: مشاات للسونطر ... قالت ليك تبعيها
اشراق: اويييلي على جوج ؟ (كتشوف فجنابها )
ناضت بزز غسلات وجهها ولبسات حوايجها وخرجات بلا فطور للسونطر .. لقات خليج واقفة كتقلب فالدفاتر وتشوف المواعيد ... هزات عينيها وقالت
- تبارك الله على لاللة لعروسة!! وجدنا بكري!!! سربي دغيا راه ماعندناش الوقت شحال من حاجة مزال تابعنا
اشراق: نااااري ماقدراش نتخيل ... مقادراش (شدات جبهتها) غادي نخرجو ليها نيشان
خليج: حسن مانبقاو هازين تهمة على والو .. واسيري طلقي راسك راه الحمام سخن وتحرق
نزلات اشراق للحمام وخليج بقات حتى رتبات الامور بحال العادة وجاها اتصال من عند عماد
- امم... علد تفكرتيني!!!... باااز كتوجد راسك تمشي لعرس صاحبك ! ماتعرف تلقا عروستك حتى نتا تما !!! .... كنضلمك !!! .. وباز ... ايوا مبروك على صاحبك ... يعرس ويعاود .. فين عندو العرس؟ اممم ... الله يكمل بلخير ... توحشتيني! هههه ... قريب تشوفني غير تهنا ... واسير حتى لمن بعد .. راني باااقا مقلقلة منك يالاه
قطعات كضحك واشراق طالعة قدامها سخفانة
خليج: انا بالزربة غندوش ونرجع .. يبان فينا شوية ديال الضوء .. تسنايني عنداك تمشي لشي بلاصة هانا جايا
جلسات اشراق متكية راسها حتى طلعات خليج تا هيا مزنكة لاوية على راسها فوطة وقالت
- يالاه ... الصالون كيتسنا ... ليوم نبردك ..شحال هادي ما درتي لميزاجوغ لحالتك .. يالاه .

الليل ...
اضواء كثيرة شعلو فقاعة حفلات كبيرة ... الحضور بدا يدخل والاب والام والاخت فالباب لاستقبال الضيوف ... القاعة كتعمر والجوق بدا والحركة تحركات ... الجمال كيتشاير والمنصة واقفة فالابيض .
اخيرا.. دخلات العروسة فالعمارية ... من لفوق كتشالي

بيديها ... موراها عيساوة والفرحة غتخرج من عينيها ... من كبرياء كتشوف من لفوق .. واللي مابغاتوش كدير فيه ابتسامة ناقصة وتقلب عينيها ... كأنها هي اول عروسة واخر عروسة فتاريج العرايس كامل ، جلسوها فالمنصة فرحانة وحداها طه بكوستيم اسود ... كأنه اول مرة غيعرس .. طايح عليه السر وكيبتاسم للناس .. جات عندو الحاجة كتجري فرحانة وقفات حداه تصورات معاه وقالت بسعادة
- الله يكمل عليكم بلخير
بابتسامة وكياتة ردت نهاد: لهلا يخطيك عليا اماما مريم
الحاجة : الله يرضي عليك ابنتي
موراها جات سلمى فيدها وليد صغيور كيتمشا وهي كضحك معاه عند طه .. هزو طه على رجلو باسو بينما سلمات سلمى عليها بابتسامة
- الله يكمل باخير (شافت فطه) لعقبة ليك بشي وليد ولا بنوتة ههه
ردت نهاد: امييين احبيبة ديالي لهلا يخطيك عليا اكبيدة ... فين لبنى؟؟ ماشفتهاش؟؟
سلمى: كاينة احبيبة راها غير ... اه هاهيا
جات كتجر فالتكشيطة فرحانة وقفات تصور وقالت
- الله يكمل عليكم بلخييير
ردت نهاد: شكرا احبيبة ديالي لهلا يخطيك عليا ... جلسو معايا فالطبلة ديال لعشا عنداكم متجلسوش
لبنى : واخا الزيوتات .. جيتي كتحمقي
نهاد: عويناتك اللي زوينين كيشوفو ازين العمر ديالي
باستها لبنى من حنكها ومشات خلات باقي العائلة كيتصورو معاهم .
بدلات اللبسة ونزلات باللبسة ديال الحنة لخضرا وطه بالجلابة ... ايييه يا لبلدي ومعامن جا .. تقول غير هوا اللي يلبسو .. البلغة صفرا والشعر كحل كيبري رطب والجلابة فالاخضر والبلون كاصي ... وهي طالقة الشعر والتخليلة ومادة يدها للحنا كتنقش واليد الاخرى شادة بيها فيدو .. البرزة مقابلة مع الباب مباشرة اللي دخل كيبان واللي خرج كيبان ... ومع الشطيح والرديح الوسط والدنيا حامية تقدمو ربعة ديال الرجلين مع الباب ... التكاشط ... وحدة فالموطارد بارد بالتحية ديال حرير الدودة ملونة .. بالطرز والعقيق والصندالة عالية مدهبة .. واللي حداها تكشيطة الدفينة خضرا والتحتية جوهرة الحرة والصباط عالي يغوت ياليل ياعين ... داخلين كعارضات الازياء بالمضمات والصدر منبت والطرز ...
ايه.. خليج... واشراق ... كأنه اميرات ... خليج بالموطارد والشال احمر مائل للبرتقالي بشدة خفية على لكتاف وتكحيلة ومكياج زاد زينها .. الاناقة والرقة والذهب معمر اليدين .. وخليج بالخضر والشعر كحل طويل ملوي ... حتى هي ماقصراتش ... امرأة كاملة مكمولة .. فيديها كادو مغلف كيتقدمو بابتسامة واخا اشراق باين من نضرتها جايا ترد الحق لماليه على غفلة هزات نهاد عينيها وطه حداها كيهضر مع عماد اللي جلس على الكرسي يتصور ولسق نسا راسو كيتجمع معاه .. هزات عينها بعفوية ورجعات شافت فالحنة لاكن بسرعة هزاتها مرة اخرى شافتهم قدامها هازين الكادو وكيبتاسمو بجوج ... كانت صدمة لنهاد وهي كتشوف فيهم وترمش وتخرج الابتسامة بزز ... بلمح البصر طلعاتهم ونزلاتهم بعينيها شافت شكلهم مصدومة .. كأن ختهم اللي دايرة العرس ومقادين الشغل على حقو وطريقو .. قربو منها وتحنات خليج سلمات عليها وهي مبلوكية وقالت بابتسامة
- مبروك عليك احبيبة ... الله يكمل بلخير
دازت قدامها اشراق بابتسامة صفرا شاف فيها ومدات حنكها قائلة
- مبروك عليك احبيبة ديالي... (مدات يدها لمولاي السلطان اللي ملهي فالهضرة وعماد ساكت حال فمو كيشوف فيها ) مولاي السلطان ..... اامولاي السلطان
تلفت بعفوية والكلام باقي فمو شاف اليد ممدودة ومد يدو
- اشراق: الله يكمل بلخير
رد بعفوية : الله يبا...
هز عينو فلحضة تطوا ليه اللسان بقا حال فمو ويدو فيدها قدام وجهه نهاد اللي بيناتهم وخليج كتشوف فعماد هازة الكادو وضحك ودور وجهها ، رمش جوج مرات وعمض عينيه وعاود حلهم لقاها هي نفسها كتشوف فيه بابتسامة وتقول
- الله يكمل عليكم بلخير ... بالمال والبنون نشاء الله (جمعات يدها)
شاف فنهاد مصدوم ورجع شاف فأشراق وخليج
اشراق بابتسامة : شكرا على الدعوة احبيبة ... فالصراحة حتى لآخر لحضة عاد جينا
تلوا اللسان لطه وعماد بقاو حالين فامهم .. طه غير كيشوف والصدمة زادت كبرات .. حول نضره لنهاد اللي ابتاسمات بسخرية وارتباك وثالت بتوثر
- اشمن دعوة!!!
تدخلات خليج: انا اللي قلت ليه لا والو نمشيو ... كيما كبرتي بينا وعرضتينا حتى حنا مجاتش نردوها .. اولا اشراق!
حركات راشراق راسها بسخرية : بصح ... المهم الله يكمل بلخير عليكم
نهاد : انا مافهمت والو ... علاياش كتهضرو!!!
حطات ليها خليج الكادو حداها : هادا واحد الكادو بسيط .. كنتمنا يعجبك
اشراق : واحد الكادر كنتمنى يعجبك .. تكبري فيه الصورة نتي وراجلك .. (جبدات سيدي ) هادا كادو صغير ... بزز باش قدرنا نجمعو ليك دوك اللحضات الزوينة من عند البنات ديال السونطر اللي كانو كيصوروك فاش دخلتي لبارح الصباح ديري لحمام .. دوماج نسينا ماجبنا المصور حيت ديما فاش كتجي عندنا شي عروسة كنصوروها ونصايبوه ليها على شكل فيلم زوين كادو من عندنا
خليج: غير سمحي لينا ولاكن نعوضوها ليك مرة اخرى فاش تجي .. فالصراحة كان علينا نوصيوه سيمانة قبل من الساعة اللي جيتي خديتي موعد . ولاكن نسينا كنعتادرو
اشراق: كنتمنا تقبليخ منا .. درنا مجهود باش جمعنا ليك المقاطع كاملة فهاد الفيلم ..
مد طه يدو عاقد حجبانو كيشوف فيهم ويشوف فنهاد بتتاقل وشد من عندها السيدي وهي تجمع يديها وقالت اشراق
- نجلسو مع عماد فالطبلة حسن ... عمااد ههه ... فين جالس نتا
نزلو من المنصة واشراق كتلفت وتشوف موراها فعينيها ابتسامة وانتقام ومشات تبعات خليج اللي شادة فعماد كدفعو وهوا دايخ حتى للطبلة اللي جالس فيها مع بعض الناس وجلسو حداه مقابلين مع البرزة كيضحكو كأنه امر عادي ولا يعنيهم

نزلو من المنصة واشراق كتلفت وتشوف موراها فعينيها ابتسامة وانتقام ومشات تبعات خليج اللي شادة فعماد كدفعو وهوا دايخ حتى للطبلة اللي جالس فيها مع بعض الناس وجلسو حداه مقابلين مع البرزة كيضحكو كأنه امر عادي ولا يعنيهم ، كيضحكو ويتجمعو وعماد مصدوم
عماد: كيفاش؟؟ من ما ..
ضحكات خليج وقالت: ومااالو يا اخي ياك معروضين ! ايوا صافي لبينا الدعوة شنو فيها ؟
عماد: واش بصح بصح عرضاتكم
هزات اشراق حاجبها : علاش مالنا غنجيو بلا عراضة؟ (هزات الحلوى كلاتها ) اممم ...
فالبرزة.
نهاد: بنرفزة : انا ماعرفتش شكون عرضهم ؟ بغاو يخسرو ليا العرس؟؟؟ انشوف داك سيدي
بعد يدو بصرامة وقال كيشوق قدامو والغضب كيتزفر من نيفو وردد تحت سنانو
- عرضتي عليها ؟؟؟
ردت كدزر فعينيها: طه .. ماديرش ليا بحال هاكا الناس كيشوفو فينا والكامرة كتصور ...
ردد مرة ثانية: عرضتي عليها ولالا؟؟؟
ردت بارتباك: طه ماشي وقتو دابا الناس كيشوفو فينا
رد تحت سنانو بغضب: اللي بغا يشوف يشووف ... غنقلب هاد العرس فوق راسك الى حصلتك كتكدبي سمعتي ... والله تا نقلبو فوق راسك
شدات فيه بارتباك كتشوف فالناس وضحك
- طه عفاك خلي المشاكيل من بعد ماتخليهاش دير لينا مشكل عفاك هي اكسبري بغات تخسر ليا العرس شحال وانا نزجد فيه وبغات تشوهني قدام عائلتي ... طه عفاك خلي الليلة دوز على خير .
نتر يدو وناض بصرامة قدام عينين اشراق اللي جالسة متبعة ليه العين ... طلع للطبقة الثانية فواحد القنت حاط فيه المصور الماطيريال والتلفازات وقال
- السلام عليكم ... خدم ليا هاد السيدي فشي بيسي بفيت نشوف شنو فيه
رد المصور : مرحبا امولاي السلطان
خدا من عندو السيدي في حين ناضت اشراق بابتسامة شريرة وجرات خليج
- نوضي نشطحو .. ماجيناش نجلسو
شدها عماد: خليج
نترات يدها : خليني ندير الصواب .. ايوا هاك!
دخلو الوسط وقربو من المنصة كيشطحو بين الناس ويدورو يشوفو فنهاد اللي حانية راسها غطرطق وكتشوف فيهم بنص عين .. نترات يدها بسرعة وقالت للنقاشة
- صافي براكة عليا اصلا بغيت غير صبع ... صافي
ناضت النقاشة من حداها خلاتها كدور فعينيها حتى بانت ليها لبنى وهي تشير ليها بيدها جات جلسات خداها كضحك
-فين طه ؟
ردت لبنى بارتباك : طه اختي ناض ... ناض حيت طليقتو جات للعرس هي وختها !!

تصدمات لبنى وبقات مخرجة عينيها فيها وقالت
- اشنووو!!! طليقتوووو!!!!
قلبات اشراق عينيها وقالت وهي كتشالي بيديها
- صافي براكة ... يالاه نجلسو
مشاو كيتعوجو رجعو جلسو حدا عماد اللي شاد فجبهتو مخلوع فير بوحدو وكيضرب حساب للعواقب اللي محاشبينهمش كاع اشراق وخليج
نهاد: راهم ... جالسين حدا صاحبو
تلفتات لبنى بصدمة شافتهم وبقات هاكاك حاللة فمها ماقدراش تصدق وكتحرك راسها بالنفي ونهاد باغا تبكي وكطلبها
- عفاك خرجيهم من هنا ... خرجيهم مقادراش نشوفهم ... شوفي كي ديري خرجيهم غنسخف
ردت لبنى بتتاقل: شكون عرضهم!! اويييلي !! شكون جابهم !!
بارتباك وتوثر : ماعرفتش اختي ماعرفتش المهم صدموني جاو سلمو عليا ...
جمعات لبنى الوقفة ومشات بسرعة بغضب للبيت فين كتبدل فيه العروسة لقات سلمى تما مع ولدها كتبدل ليه وجراتها من دراعها بغضب وبدون شعور طرشاتها وقالت كترعد والاخيرة شادة حنكها مصدومة
- نتي اللي عرضتيهم؟؟ نتي ابنت الحراااام مازال مابغيتيش دخلي سوق راسك ؟ مابغيتيش ترباي ولاكن انا اللي غنربيييك
بقات سلمى مصدومة كتشوف فيها ويدها على حنكها وتردد بحقد
- شنو درتي؟؟؟ نتي داابا شنو درتي ؟؟؟
هزات لبنى يدها: شوفي .. كما دخلتيهم غتهرجيهم سمعتي ! ... بلا متزيدي معايا هضرة يالاه تحركي
نفاجرات سلمى بغضب ودفعاتها بقوة حتى طاحت لبنى فوق الصينية فيها براد اتاي سخون ديال العرسان حرقاتها وبدات تغوت
- شكووون نتي اللي تهزي عليا يدك قدااام ولدي ؟؟؟؟؟ شكووون نتي اللي تعاودي ليا الترابي ربيتي تا راسك ... شاطو عليك يديك الكلبة حساب ليك صافي صغر منك غنسكت ليك
لبنى بصراخ: اااااي ..رجليييي رجلييييي تخرااااقت رجليييي
دخلات الحاجة على غفلة لقاتهم لداخل مرونينها وضربات فخادها ومشات شدات لبنى
- اويييلي .. شن واقع هنا اش هادشي
لبنى: رجليييي تحرقت امااااماااا تحرقت ... تحرقت فرجلي
سلمى : تعلمي تهزي يدك الشايطة مرة اخرى ...
بدون سابق اندار دخل طه دفع الباب وفمو كيترعد ويدو كترجف مافهمو فيه والو حتى هوا وقال بغضب للحاجة
- هبطي طلعي نهاد
الخاجة : ياك لاباس اشنو واقع ليكم؟؟ اويييلي شهاد الفضيحة بفيتو ديرو لينا قدام الناس
رد بغضب قفزها : هبطييي جيبيها ولا لفضيحة هي اللي غندير انا الى هبطت

نزلات الحاجة كتجري وهوا كيمشي ويجي بلاصتو باغي يخرج من حوايجو وقدامو لبنى وسلمى كيتناكرو
لبنى: نتي السبب فهادشي نتي
سلمى: غتبعدي مني ولا غنقتلك .. طلعتي ليا فراسي فرقيني عليك
لبنى : علاش عرضتيها جاوبيني واش بغيتي تخرجي علينا ؟؟؟؟
شاف فيها طه بغضب : شكون اللي عرضتي نتي؟؟؟
ردا سلمى : ماعرفتش علامن كتهضر هاد الحمقى مافهمتش جات نيشان عندي كتغوت نتي عرضتيهم نتي خرجيهم علاالمن كتهضري الزبل علاالمن
سكتات لبنى مابغاتش تهضر قدامو وودورات وجهها وهي جالسة شادة رجلها
- راكي عارفة علامن
قالت سلمى بجنون بغات طير عليها : واش باغا تحمقيني انا علااامن عرضت ؟؟؟ علاااامن بناقص من هاد العرس وميجي منو حسبي الله ونعمة الوكيل
فديك الاثناء دخلو نهاد بالصلاة والسلام على رسول الله النكافات وهي مخلوعة قلبها كيطلع ويهبط بالخلعة وردو البال على اساس غيبدلو ليها لاكن تصدمو بالعريس وهوا واقف امها كيخزر فيها والسيدي فيدو
- شنو هادشي؟؟؟!
ردت بنكران : شنو ؟؟ مافهمتش؟؟
رد وجهه فالجنب عاطيها ودنو: شنو قلت ليك انا؟؟ قلت ليك جمعي رجليك ولالا ؟ قلت ماتمشيش !ونتي شنو درتي ؟ طيحتي بكلمتي للارض ... ودرتي اللي بغيتي
شافت يمين يسار بتوثر وخوف واحراج وقالت
- فين اطه انا مفهمتش علاش كتهضر ! ...
قبل متكمل الجملة وهي باتبات واقفة هز يدو بالمقلوب اللي فيها السيدي عطاها تسرفيقة حتى طاح التاج وكمل كلامو بنفس اليد كيهضر بيها والكل مصدوم
- كتكدبي عليا! (هز حاجبو)
تدخلات الحاجة وسلمى وناضت لبنى بسرعة والنكافات .. كاع اللي تما تدخلو بيناتهم شي شد فيها شي شد فيه كيهديو السوق
- الحاجة : نعل الشيطان ... نعل الشيطان اولدي الله يرضي عليك
دفع الحاجة وقال: بعدي الحاجة ... بعدي خليني نتفاهم معاها
جلسات نهاد مصدومة كتبكي شادينها النكافات الحاجة كتشير بيدها لسلمى
- سيري قولي ليهم يدفعو لعشا ... سربي خليهم يدفعو العشا قبل منتفضحو قدام الناس سيري
خرجات سلمى كتجري واخا مفاهمة والو كتجرب قالت نهاد شادة حنكها كتبكي: كضربني على قبلها اطه !!
قرب ليها مصغر عينيه والسيدي فيدو وقال تحت سنانو
- الى مخليتك تندمي على لكدوب ديالك انا ماشي راجل ... بغيتي ترديني ماشي راجل وضحكي عليا وتلعبي مور ضهري ... حساب ليك راسك نزقة ... واخا لاللة
قالت كتشهق بالبكا : راه بلعاني دارو ليا هاكا ... نتا مابغيتيش تيق بيا ياك ... مابغيتيش كتيقهم هما ... وكتهز عليا يدك فنهار عرسي ؟ !! هما تاصلو بيا وقالو ليا اجي وبقاو كيستدرجوني حتى جابوني عندهم وضحكو عليا وعطاوني الحمام كادو ... انا مللي دارو معايا هاكاك حشمت منهم وقلت ماعليش ... ولاكن نخلص واخا غير شي تمن رمزي مللي بقاو كيلحو عليا ... هما بلعاني دارو ليا هاكا انا مامشيتش عندهم هما بقاو كيعيطو ليا
ضحك بسخرية : عذر اقبح من ذنب ..عرفتي شنو ... انا مغنهضرش على المشية ديالك لتما ... انا دابا غنهضر على الكدوب ديالك .. ولا عرفتي شنو .. بلا منهضر عليه ... جمعو عليا هاد الروينة مابقا عرس
وقفات بسرعة كتبكي: طه ماتفضحنيش قدام الناس ماديرش ليا ااا هاكاااا (بهستيرية) بغات تخسر ليا عرسي
النكافات : الله يعطيك الستر اسيدي .. خلي غير هاد الليلة دوز على خير ...
دخل الحاج الناجي كيجري مخلوع والحاجة موراه
- طه ... طه اجي معايا .. اجي
بغا يجرو لاكن رفض : حتى واحد ميتدخل ... صافي مابقا لا عرس لا زفت (شار بيدو ليها) نتي درتيها راسك ... وانا ماعندي ماندير بمرى كدابة ...
نتفات شعرها بجنون : مكندكبشششش مكنكدبشششش عليك اطهاااا هما ضحكو عليااااا ... ضحكو عليااا انا ماعرضتش ليهم
غوت بغضب والحاج ثدامو كيهدي فيه
- مغتجيش عندك بلا عرااااضة ... مغتجيش كن ما مشيتشي عندها برجليك نتي وعرضتيها
ردت بجنون: علاااااش كتيق بيهاااا لهاد الدرجة علااااش وكتكدبني انا
دخل باها فديك الاثناء كيجري ومها وخوها لكبير شاف ديك الحالة وبغا ينقض على طه لاكن منعو باه وتدخلات حتى نهاد كتغوت
- ماشي شغلك بيني وبينو .. بيني وبينوووو ماشي شغلك
غمض طه عينيه وفمو ناشف تلفاا ليه الهضرة وهوا كيشير بيدو ويردد بعصبية
- غت. ... اح.. غتخرج من هنا بيني وبينها مادخلش ولا غنخرج غنخليها ليك خرجو خوها من تما وسدو الباب بقا غير باها كيسول اش واقع بغضب ونهاد كتبعدو لاكن رد طه بعصبية وقال
- سولها ... سولها شنو دارت ... جاوبيه
الام : نعلو الشيطان .. نعلو الشيطان وخزيوه .. اش درتي ااااش درتي هضري (شافت فالحاجة) شنو واقع الحاجة ؟؟؟
الحاجة: والله ماعرفت اشنو واقع ... دابزو مافههما علاش
خرج طه عينيه وقال بغضب لباه لي كيجرو
- خاصهم يعرفو شنو دااارت (شاف فيهم ) اسيادنا بنتكم ماشي عرضات على مرتي اللولة ... طلقتها هادي ثلت سنين والزيادة ... ومشات برجليها حتى لعندها وعرضاتها للعرس ... ودابا راه هنا فالقاعة يالاه ... لكم واسع النضر .. انا دابا مغنهضرش واللي بغيتوه ديروه
كولشي شاف فيها مصدوم وهوا داخل مع باه لبيت اخر اك البيت فالقنت وسد عليه الباب من لداخل .. بعصبية طرطق داك السيدي كيتغدد والحاج كيهدي من روعه ... حل عليهم خوه الكبير الباب دخل حتى هوا وردو خلا واليديها كيعاتبوها وهي كتبكي ومزالة شادة فكلمتها وكترددها حتى تيقها الجميع وحسبوها سادجة ونية وفعلا دارت بيها . لاكن الحاج الناجي و الاخ الاكبر كان ليهم رأي اخر وجلسو معاه عطاوه قدرعة ديال الماء ليدو وهوا كيتعرد ويدو جامدة وكيشوف قدامو بغضب فصمت
الحاج: راه حرب الناس هوا هادا صافي الغيرة و .... و وو لا حولة ولا قوة الا بالله العلي العضيم
رد الاخ الاكبر: هاد العيالات خاصهم العصى ... علاش لخرى جايا حتى هي .. ماشي من لعاكزين ... هادي عرضاتها بغات تفقصها لخرى جات ترون ليها العرس
الحاج : صافي قولو اعود بالله من الشيطان الرجيم ... العرس هادا وغادي غير نتفضحو قدام عائلتنا وعائلتهم
هبط طه على القرعة كاملة بغضب شربها وقال
- مغاديش نكمل ... لكتاب اللي عليه العمدة تكتب صافي العرس غير شكلي ... هي بغات هادشي تحمل مسؤوليتو
الاخ : غير نصبرو وصافي .. صبر بقات ساعتاين ونوضو نمشيو بحالنا شغل لعيالات هوا هادا
طه : لكدووب ... لكدوب وانا ماعندي ما عدا من لكدوب .. وتجيب طليقتي لهنا قدامي
رد الحاج بتعب : راه اودي كن عرفات لي وقع لينا مكانتش غتجيبها .. ماعارفاش كااع شنو دزنا منو وشنو داز علينا ... هي شافتها كطليقة مشات بلعاني عرضاتها ... لاربنا لخرى لاحت ليها شي كلمة ماشي هي هاديك بقات كطلع فيها وتهبط ... فين تلقاو بعدا فين ؟؟ فين كتعرفها
دور طه وجهه كيشوف فجنابو ويبرد اعصابو
- حلات لاصال حدانا ومشات تسجلات فيه .. تما عرفاتها
الحاج: متأ !!! لا الاه الا الله وصافي ... نعل الشيطان ... نوض صلي شي جوج ركعات نعل بيهم الشيطان وخلي هادشي يسالي على خير ... راه لحضة غضب وغتفوت
بقاو معاه اصرو عليه حتى ناض دخل لمرحاض فنفس الغرفة توضا وخرج صلى ليه جوج ركعات رجعو ليه مزاجو .. فين هوا كيصلي خرج خوه بسرعة عندهم وهما كيصلحو اللي ضاع فنهاد من مكياج وشعر وقال بسرعة وصوت منخفض لمو
- اري ليه يبدل دغيا .. شنو غادي يلبس
تلفتات نهاد شافت فيه علاين تشهق وارتاحت نسبيا ومدات ليه الحاجة كوستيم بسرعة اسود دخلو ليه .
فديك الاثناء خرجو السربايا بسرعة موراهم ام العروس وسلمى كيسربيو العشا ، وطاولة اشراق وخليج وعماد حسو باللي شي ماشي هي هاديك وقالت خليج كدور راسها
- لعشا شفتو جاي كيجري باينة بغاو يسدو المطعم بالزربة
اشراق: وحنا مالنا .. ياك معروضين .. ايوا صافي بحالنا بحال الناس
بقات سلمى كتقلب بعينيها وتشوف فين جالسين حتى قشعاتهم ومشات جيهتهم بسرعة وقفات بارتباك وقالت فاجأتهم
- مرحبا بيكم
هزات اشراق وخليج راسها وردت اشراق
-سلمى!!
وقفات سلمات عليها والاخيرة كدور عينيها مخلوعة خايفة من التهمة تلسق فيها ..سلمات بسرعة وقالت بتوثر
- مربحا
ردت خليج : الله يكمل بلخير على خوك
حركات سلمى راسها باحراج : امين ... شكرا
مشات سلمى كتنهد هازة هم الدنيا .. تحطات البسطيلة بلحوت وقطع السرباي القطع فالطباسل وبداو الناس كيتعشاو ومنهم خليج اللي كضحك وتردد
- هادشي بنييييين خهه ضربي ضربي ...
عماد: خليييييج
خزرات فيه : ماالك ... ماشي معروضة !!!
عماد: عيقتي والله .. صافي سكتي شوية
خشات الفرشيطة فمها وقالت بسخرية : هوا نت لسة شفت حاجة
عماد: علاش مانمشيش نكملو السهرة فشي قنت نبدلو الجو حسن
خليج: بتكاشطنا!!!
عماد: بلدو ونمشيو ؟
هزات كتفها كتاكل : مرة اخرى ... ضرب ضرب . ضرب ليك الكلامار مع راسك... حنا شاريين الكادو وخاسرين رزقنا ونمشيو بلا عشا!!! زوينة هاديبتعب ونفور رمى الكوستيم حداه وقال
- ما فيا اللي يبدل
الحاج : نعل الشيطان .. نعل الشيطان الله يرضي عليك خلينا نزلو نتعشاو مع الناس براكة غير هاد الزربة اللي درنا ليهم كولشي غيطرا ليه العجب .
نهاد بأسى وصوت مبحوح : مابقا لا طيفور لا هودج لا دفوع
ردت مها وهي كتمد ليها الماء تشرب : حمدي الله اللي غيهبط يتعشا ... بقا ليه غير طيفور يطلع فيه ! نتي خليتي فيها شي طيفور وشي دفوع
سكتات نهاد وجمعو ليها شعرها مشطة وصلحو ليها المكياج ولبسوها تكشيطة خفيفة للعشا والتاج صغير وجلسات حانية راسها فصمت حتى خرج عندهم الحاج كيدير الطريق لطه ويساوي معاه لابس كوستيم لاكن كيتنفس بزز .. والاعصاب باينين على ملامح وجهه ..
النكافة: صافي يالاه اختي
ناضت نهاد وقفات قادوها كتشوف فيه بنص عين من تحت لتخت وهوا ابدا واش كيدور وجهه جهتها .. خرجوهم بالزغارت والحاج حداه خايف يدير ليه شي رد فعل غير طبيعي وكيساوي معاه ، لعروسة شادة فتكشيطتها بجوج يديها وهوا شاد يديه عندو ونازل معبس مكيضحكش ..
النكافة : دورو على الناس رحبو بيهم و
تدخل الحاج: مكاين مايدرو دابا صافي يجلسو نيشان
هزتت اشراق عينيها هي وخليج وكانت فعينيها نضرة غريبة وصدرها كيطلع ويهبط وخليج كتشوف فيهم مهبطة راسها وقربات منها والفرشيطة فيها الماكلة فيدها وقالت
- باااينة كبتوها لفوق شوفيه هوا كي داير... بان ليا خاصو غا معامن .. وهي مالقات فاش تشد زعما شدات فتكشيطتها! تقولي منبتاها باطوب خصها جوج يديه يهزوها . (صغرات واحد العين كتحلل) تأ ! ... شي حاجة طرات لفوق ... وبحال والو تكون شبعات بكا ... باينة فوجهها .. شوفي باه .. كيسلك ليه الطريق بالفن بحال لا مزوجينو بزز ... (حركات راسها بالنفي) لالالالا ... والله تا شبكات شي تشربيكة صحيييييحة هادي مافيهاش شك ... كمامرهم مكتبشرش بلخير .... دابا نشوفو واش دوز ليهم النعمة ولالا ؟ (نخزاتها بكتفها فهدوء ) ضربي العشا مع راسك ... وشوفي فيه خليها توقف ليه فالحلق .. بيني ليه باللي صافي مشا مع الهوا ... وكولي وضحكي ... شفتهم مشاو جلسو نيشان (غمزات ساهية فيهم) مافيهمش الصواب باااز .. مافيهم اللي يعرض على الناس ! ولا حيت حنا هنا !
رد عماد اللي طالق ودنو عليها حداها كيتسنط ومقرب منها فيدو فرشيطة عامرة كيدور راسو وقال
- والله يعفووو ... لعفووووو لعفوووو راداااار راداااااار اخليج نتي واحق الرب تا راداااار شافت فيه خليج مكمشة قنت فمها
- ديها فطبسيلك ونتا حاضيني ... يااه مالك غير حاط عليا
رد بنرفزة : وا نتي اللي ديها فطبسيلك شداك لطباسل الناس !! راه حشومة هادشي والله وحرام
دارت عندو وقالت : امم .. حراام !!! واسيدي خليني .. خليني نتا راه معارف والو
حط الفرشيطة : انا مغنتعشاش الاللة حتى تقولي ليا شنو اللي معارفش
هزات حاجبها والفرشيطة فمها : مغتعشاش حتى تعرف !!! وراك مغتعشاش واخا تعرف حيت الموضوع طوييييل وانا باغا نتعشا ... كول كول ... كول حتى نساليو ونعاود ليك
في حين خليج وعماد كيتناكرو اشراق واحلة ليها النعمة فالفم وساهية كتشوف فطه بخيبة امل اللي الاخير بنفسو كيشوف فجنابو مقابل معاها وكيوسع عنق الكرافاطة وكيهز عينو فيها ويرجع يشتتها ... هزات نهاد عينها شاف فيها مباشرة وفهدوء تام وراس مرفوع حطات اشراق الفرشيطة ففمها بابتسامة خفيفة وغمزاتها وكملات بكاس ديال الموناضة كتشرب .. بلعات نهاد ريقها من التوثر والغضب كتمالك اعصابها وباش تغيضها تلفتات عند طه بابتسامة حطات يدها على يدو فوق الطبلة لاكن قلب عينيه لجهة اخرى وحيد يدو وهز كاس ديال الماء ... العشا كامل واشراق متبعاهم ودايرة ليهم ازعاج ... نهاد كتاكل وكتحاول تبدل اطراف الحديث مع اللي معاها فالطبلة وطه قالب وجهه متكي بيدو على الطبلة كيشوف فنقطة وحدة وكاس ديال الماء فيدو ما كلا ما داقو ... خوه كيضحك معاه بسياسة ويمد ليه قدامو وهوا كيحرك راسو مكيدورش وجهه .. كيتنهد وساهي قدامو فصمت . حتى من التصوير شار بيدو للمصور يبعد ميصوروش . تحط الشوا وهي ضحك خليج وقالت
- الله ... ها امعقوووول
رد عماد بسخرية : اللي لتاهمتيه دابا عاد ماشي معقول !
خليج: انا كن حطو ليا غي دجاج محمر مدغمر نخشي يدي وسط الدجاج نجبد لكبدة ونجر الدغميرة حسن من البسطيلة عامرة شعرية
عماد: واخا يعمرها ليك بالذهب ماتجيكش بنينة غا كولي ... نشوفو شنو تقولي على اللحم (شاف فيها كلات) ياكما خضر!
كمشات فمها : خانز ... فيه ريحة فشكل طول عندهم فالتلاجة

تكال الشوا وطه باقي على نفس الوضعية مكيدورش وجهه .. حط الكاس وبعا ينوض لاكن شدو الحاج وقال

- فين غادي؟؟
طه : لحمام
ناض مشا للحمام بينما الكل مهمك فالاكل وبقات اشراق متبعة ليه العين حتى قلب الدورة وشافت فنهاد بابتسامة ومسحات اطراف فمها وقالت
- خليج ... انا غنمشي غير لحمام ونجي
ردت خليج فمها عامر مجمعة مع عماد وناضت اشراق بابتسامة ونهاد متبعة ليها العين وعينيها خارجين .. .غادية اشراق وكتشوف فيها بتقة فالنفس كأنها كتقول ليها غادية عندو والاخيرة كتزفر فبلاصتها من الطبلة حتى دخلات اشراق للحمام فجأة لقاتو بوحدو كيغسل وجهه وهي توقف لحضة لاكن رفعات راسها وبغات دوز لطواليط حتى كتفاجأ بيه جرها من دراعها بقوة دورها وهي مصدومة فيه .
نهاد بتوثر: غنمشي للحمام
شداتها مها: جلسي اشمن حمام داكشي اللي بقا ليك
ردت بارتباك : مزيرة بزااف
- صبري لعروسة مكتنوضش من الطبلة ... جلسي للارض براكة من لفضايح
ردت : خاصني نمشي ضاروري
خزرات فيها مها: ينكفوك النكافات للحمام !!! قلت ليك جلسي شدي الارض كلشي جالس ونتي غتمي غادية كي عزري الدوار ... (دفعتتها بقوة) جلسي .. حنا اصلا كنتسناو فوقاش يسالي هادشي
شداتها فبلاصتها وهي كتصفار وتخضار ودور وجهها جهة الحمام وكتشوف فطبلة دختها حتى عواج ليها العنق عاد شافت فيها ختها وشارت ليهابراسها جات عندها وشوشات ليها فودنها وحركات ختها راسها بالايجاب ومشات جيهة الحمام

شداتها فبلاصتها وهي كتصفار وتخضار ودور وجهها جهة الحمام وكتشوف فطبلة دختها حتى عواج ليها العنق عاد شافت فيها ختها وشارت ليهابراسها جات عندها وشوشات ليها فودنها وحركات ختها راسها بالايجاب ومشات جيهة الحمام
شافت فعينيه مباشرة وهوا كيشوف فيها مزير على يدها وقال
- شنو جيتي كديري هنا؟؟
تصدمات فيه ونترات يدها بقوة وقالت
- مرتك عرضاتني ... وانا لبيت الدعوة .. ولا نتوما مقيدتوش ليستة ديال المعروضين تعرفو شكون اللي معروض وشكون اللي ماشي معروض
غزز سنانو كيشوف فيها وقال : جيتي ... مرحبا بيك ... جلستي .. تعشيتي ... صافي سالا العرس ... كنتمنا منعاودش نشوفك مرة اخرى
رجعات خطوة اللور مصدومة فيه وصدرها كيطلع ويهبط وبدات تخزر فيه وقربات قائلة
- انا اللي مابغاش نعاود نشوفك مرة اخرى ... مابغيتش نشوف خليقتك قدامي لا نتا لا هي ... كن كانت عندك العصمة فيدك وكتفكر مزيان .. ماتخليش مرتك تحط عندي رجلها فالسونطر مرة اخرى ... وتجي تحجز للحمام وتعرضنا بوجهها حمر ... (صغرات عينها) بان ليا نتوما بجوج كتشابهو ومتافقين على هادشي
رد بانفعال وصوت كيحاول يخفضو
- ماعرفتش واش كانت كتجي عندكم ولالا .. وختاصري هاد الهضرة راسك وهزي حوايجك وسيري بحالك .... سيري بحالك اشراق وحسن كاع كن ماجيتيش
دمعات عينها وهي كترعد فبلاصتها وقالت كضحك مع ذلك
- خفتي نخسر ليك ليلة العمر!! واش تخلعتي!!! لا متخافش انا ماجيتش نخسرها ليك ... جيت نشوف وجهه مرتك اللي عارضاني بلا حشمة بلا حيا ... اما نتا (بززز) نسييييتك وخرجتي من بالي شحال هادي ... شحال هادي خرجتك .. وكن كنت باقا كنكن ليك ولو شوية من داكشي اللي كان ! ماكانوش غيهزوني رجليا ونجي لهنا لعرسك .. امولاي السلطان
رد بغضب : نتي اللي مشيتي .. نتي اللي هزيتي راسك وقررتي تمشي نهار الاول! شنو كيحساب ليك راسك غنبقا نبكي عليك ونتسناك تجي الوقت اللي بغيتي ! امم؟ حتى ترشق ليك !! (رد بسخرية) انا ماشي غير نسيتك ... انا مابقيتش عاقل عليك شكون نتي اصلا
بقات ساكتة والدموع كيهبطو بوحدهم وقالت بقوة
- عرفتي شنو هي احسن حاجة درت فحياتي ... هي مشيت وخليتك... اااه انا مشيت وخليتك ! حيت انا ماشي هي ليلى ... ومغنبقاش واقفة هنا كنبكي عليك ونسمع فهاد الهضرة بحالها .... مغنبقاش تابعاك حيت نتا تستاهل وحدة بحال نهاد وبحال ليلى ... عيفت الرجاااال .. عمرني كرهت شي حد بحال اللي كرهتك وكرهت نشوف فوجهك . . . غتشد مراتك عندك ومنعاودش نشوفها فطريقي .. ولا اقسم بالله حتى نقلب ليك حياتك لا نتا لا هي .. ومكيهمنيش نمشي فيها للحبس ولا نمشي فيها للروضة بقدر مكيهمني نريب الدنيا على راسكم بجوج .... الجيعانين ... تريكة ديال الجووووع بنتو على حقيقتكم . . الله يعطيكم الجوع كتر مللي نتونا فيه
رد بصرامة: ساليتي؟ يالاه الله يعاون ... الله يجيب ليك معامن تلهاي
كانت غادية لاكن وقفات مللي سمعات هضرتو وبقات سامرة فبلاصتها قاطعة النفس وكتشوف قدامها ... مسحات دمعة من عينها كتحرك راسها بالايجاب وكملات طريقها مارداتش عليه وخرجات كتقرقب .. تلفت بغضب شديد ضرب يدو مع المرايا شقها فالنص وتحنا على لافابو كيزفر باغي يغوت باغي يطج من حوايجو وهبط راسو كيبكي ويغزز سنانو واخت نهاد واقفة حاطة يدها على فمها مصدومة ورجعات بحالها كتجري

مشات قاطعة النفس كتقرقب للطبلة مهبطة راسها ومدات يدها المرعودة هزات الصاك خلعات خليج اللي جالسة كضرب فالديسير هي وعماد . حطات الاخيرة الفاكهة من يدها والموس وناضت فمها عامر كتعيط
- اشغاااك .. اشغاك ماغك؟
بلعات بالزربة وناضت مسحات يدها كتفتف هزات الصاك وتبعاتها كتجري وتقرقب وعماد موراهم كيجري .. خرجو لبرا حدا الطموبيل وهي تشير اشراق بالصاك ضربات زاج الطموبيل وبدات تغوت وخليج مخلوعة كتشد فيها
اشراق: طلقي منييييي ... الله يعطيهم كسيييدة ... الله يعطيهم شي موصيبة ضربهم ... الله يعطيهم المووووووت اااااااااااااهههىءاهىء
خليج: يالاه نمشيو صافي سكتي يالاه بحالنا
نتراتها : مابغيتش نمشي .. طلقي مني مغنمشيش ... انا غنوريك اولد الحرام الشمااااتة
تمات غادية كتجري بلا عقل راجعة للقاعة لاكن شدها عماد بقوة كيهدن فيها
- صافي اشراق... صافي لحضة غضب وغدوز ... علاش من الاول جيتي حسن كن ماجيتيش
دفعاتو : طلق منييي .. طلق طلاااااق
خليج: ماطلقش .. لا شدها عنداك طلقها
هزها كتغوت حلات ليه خليج الباب ديال الطموبيل دخلوها وزادو مع الطريق مباشرة جهة البحر ووقفو خلاوها خرجات لبرا كتنفس وتبكي بوحدها حتى شبعات وردوها للطموبيل غادي عماد وسايق بيهم حتى للدار ونزلو تعبانين طلعات اشراق وبقات خليج واقفة معاه كتنهد
شنو غدير دابا؟ غترجع للقاعة
رد : خليت طموبيل تما .. غادي نرجع
خليج: خلي معاك طموبيل .. مغتلقاش طاكسي دابا فهاد الليل حتى لغدا وجيبها
رد بابتسامة : اك نشاء الله.. ردي بالك على ختك .. بانت ليا مريضة بزاف
خليج: كن هاني ... يالاه تصبح على خير
سلمات عليه بالوجه لاكن عنقها بابتسامة تعنيقة مكانتش متوقعاها ومشا طلع فطموبيل رجع بحالو للقاعة .. دخل لقا الدنيا كتسفر .. بقا كيدور فعينيه فالقاعة وبان ليه تريتور مشا عندو
عماد: السلام عليكم ... احم. شفت لعرس سالا بكري
تريتور: اه مور لعشا صافي سالا وكلشي مشا بحالو ... سمعنا قبيلت شوية باللي لعريس دار اكسيدو فالطريق الله يخرجعا على خير
تحلو عينين عماد فيه وقال: شنو!! فوقاش ؟؟؟
التريتور: دابا شوية فاش خرجو ... دار اكسيدون فالطريق
تصدم عماد وخرج كيجري كيعيط فتيليفون للاخ الاكبر وجاوب بسرعة
- الو انا عماد طه لاباس عليه؟؟؟ اش واقع ؟

دخل كيجري للكلينيك ويقلب لقا العائلة كاملة تما ومنهم نهاد جالسة ويدها على خدها بالجلابة بيضاء حدا مها .. وقف عماد حدا خوه كيسول مخلوع والاخير متكي بيدو على اليحط كيتنهد
- ها نتا كتشوف ... فينا شي دعوة الله يتسر مور كل عرس كيتهز للسبيطار ... المرة اللولة تسمم .. دابا كسيدة تهزات بيه الطموبيل فالسما مابقا فيها ميتشاف
عماد: كفاش وقع ؟ شنو وقع ليه واش كان بوحدو ولا معاه شي واحد ؟
تنهد : كان بوحدو .. كان فالاول معانا فالطبلة دالعشا ... شوية ناض وعيط ليا قالي عيان غيمشي للدار ميدقرش يزيد حتى دقيقة معانا ومشا طلع فطموبيل خلانا سالينا العشا وجمعنا حوايجنا حتى كيعيطو لينا اجيو راه تقلبات بيه الطموبيل ... ماعرفناش اش هادشي والله لعضيم
دوز عماد يديه على وجهه كيسوط وتكا على الحيط براسو شوية ورجع قال
- شنو قالو ليكم ؟ كيفاش دايرة لحالة ديالو دابا؟؟
الاخ: راه فالانعاش... عندو كسور... رجلو وعنقو ... كسيدة خايبة غير الله يحفض وصافي
جلس عماد القرفصاء كيتنهد شاد وجهه حتى هوا واحد من العائلة اللي حاضرة .. كل واحد فين شاد قنت والحاج متكي على كتفو كيتنهد واللي داز كيرتب على كتفو ... النهار كيطلع والعائلة كتقل وكتنقص حتى بقا غير الحاج واقف وعماد والاخ الاكبر .. انا نهاد خرجوها من تما كيصبروها بزز منها داوها لأن لا وجودها ولا وجودهم كاملين مغادي يغير شي حاجة .
شرقات شمس دافية ومعاها تيليفون خليج كيصوني وهي ناعسة فسرير صغير مقابل معاها سرير اشراق .. جرات تيليفون فتحات الخط وردت بتتاقل
- اممم؟
عماد: وي خليج .. طه راه دار كسيدة لبارح .. تقلبات بيه طموبيل
حلات عينيها فجأة وهزات راسها جالسة مصدومة وتيليفون فيدها .. شافت جهة اشراق لقاتها ناعسة عاطية وججها للحيط وردت بصوت خافت
- ياك لاباس ؟ شنو قلتي ؟؟ دار كسيدة؟؟ كفاش؟
عماد: كان بوحدو البارح .. حنى دابا فلكلينيك وهوا راه فالانعاش من لبارح ... دعاوي اشراق خرجو فيه فالبلاصة
- مكانتش معاه نهاد ؟ .... امم بوحدو ؟ متأ!! مابغيناش ليه اخويا ولاكن هادشي راه كيضر فلخاطر.... اشمن كلينيك ديتوه ليه ؟

فباب الانعاش ... مع 5 دالصباح .. كلشي ناعس وحدا بابو مواقف حتى واحد ... حتى باه مشا تكا فوق واحد الفوطوي بعيد هوا و ولدو لكبير .. تحطو يدين انثوية بيضين على البواني بشوية حلو عليه الباب وهوا ناعس فوق البياص .. كيتسمع فقط صوت الاجهزة خدامين وهوا مسطح .. تسد الباب مرة اخرى وتقدامات اشراق بخطا تقيلة كدوز يدها من البدية ديال رجلو لمغطية بليزار حتى لصدرو العاري الضمد بضمادات بيضاء وسلوكة رقاق لاسقين عليه ... على نيفو وفمو انبوب الاكسيجين وعلى راسو ضماد ابيض وبعد الجروح منضفة على وجهه .. بقات ساكتة ساهية فيه كتشوف وقفات حدا راسو من بعد ما جمعات التنهدية وبدات كتردد
- سمح ليا .... سمح ليا دعيت فيك فلحضة غضب ... مكانش عليا ندعي عليك واخا نتا تستاهل ... ولاكن كرهت راسي حيت سبب فهادشي اللي وصلتي ليه دابا ... (تنهدات بعمق) انا معرفتش علاش ... علاش جابوني رجلي عندك حتى لهنا ... علاش جيت من بعد داك السم اللي عطيتيني لبارح ... من لمفروض نكون مت بداك السم وقتلت بيه اي حاجة كتفكرني بيك .... ولاكن .. ماعرفتش ... ماعرفتش شنو كيوقع اطه .... مقادرش عقلي يستوعب .. مقادراش نتحكم فنفسي ... مقادراش نسيطر على راسي .. ونخدم عقلي ... كنحس براسي بحال الى انا ماشي اشراق ... ماشي اشراق ! .... نتا صافي .. تزوجتي .. ختاريتي المرى اللي تكمل معك حياتك ... قررتي ونسيتيني ... ولاكن انا .... انا متقدرتش نساك .. ماقدرتش ... شي حاجة جراتني من رجلي ... جراتني من رجلي فاش سمعت بهادشي ... (تنخصصات بعمق) انا عمرني نآديك ... ولا ندير ليك شي حاجة اللي ضرك ... انا ماشي هي ليلى ... ماشي ليلى .. مغاديش نلاحقك ... مغاديش نوقف فطريق اختيارك ... ولاكن منقدرش نساك .. منقدرش نحسبك غايب ... (تنهدات) ولاكن غنحاول .. وندير اللي فجهدي باش ندير كما درتي نتا ... باش نعيش حياتي ونتسنا من الايام هي تنسيني فيك
هبطات عينيها كتبكي فصمت وشدات ليه فيدو المجروحة وبقات كتشوف فيها وتبكي
واخا قلتي ليا هضرة بحال السم ... ماقدرتش نغمض عيني .. ونشمت فيك .. ولا نتمنا ليك كتر من هادشي ... اللي كنتمنى .. هوا تكون هادي اخر مرة ... اخر مرة نشوفك فيها او نجي فيها عندك . . . مابقاش عندي الحق ... ماشي من حقي نكون هنا ... ماشي من حقي نشد ليك فيدك بحال هاكا ... هادشي رجع من حق مرى اخرى ... هي اللي تقرب منك ... وتشد ليك فيدك
سكتات مهبطة راسها وطلقات من يدو ببطئ وتراجعات اللور غادية وكتمسح دموعها جهة الباب .. وكما دخلات خرجات وردات الباب موراها خلاتو فبلاصتو .. حل عينيه بتتاقل فالسقف بقا كيشوف فيه ساهي ورجع غمضهم خرجات كتبكي من باب الكلينيك لابسة عباية وشال اسود .. كدور تشوف موراها وحالفة حلفة قطعية عمرها تعاود ترجع ... هادي اخر مرة غادي تلاحقو ولا توقف فطريقو .. طلعات فسيارتها السوداء ومشات بحالها قاطعة وعد ماتعاودش دل راسها ... صافي .. هوا رجع لوحدة تخرى غيرها ... هي مابقاتش ليها بلاصة فقلبو ... سميت اشراق تمحات وكما هوا ختار طريقو .. حتى هي جا الوقت فين تختار طريقها ... وتبدا من جديد .. طوي الصفحة وتحاول تعيش او تعايش .. المهم ماتكونش نسخة طبق الاصل ليلى . صافي ... كلشي سالا كأنه عمرو ماكان .. لاكن باقي عندها فالخياة ناس يستاهلو تعيش ليهم ... وكما دارت خليج وبدات من جديد .. حتى حاجة ما صعيبة او بعيدة .
بعد مرور 6 اشهر ..
جالسة فلاصال كتريني .. لالسة سورفيت مستورة وشال وطالعة فوق البيسيكليت كتحرك يديها ورجليها وتسوط .... جات عندها خليج لابسة كولون وديباردور وتيشورط على كتفها فوطة كتقطر بالعرق جامعة شعرها كوب شوفال وقالت كضحك
- شوفي .. دخلت الكرش ولالا ههه ياك قلت غازي ندخلها ميجي فين يدخل الصيف حتى نحت شي فورمة خطيييرة ...
وقفات اشراق كتنهج وقالت : حتى انا ... حتى انا بغيت نولي بحالك ..بحال هاد الفورمة وندخل الكرش
خليج: هي الى خدمتي عليها ... انا راه كنتريني الصبااح باعيالات مع 8 فاش كتكوني نتي ناعسة ... وكنسالي كنمشي لموسكيلاسيو ... عرفتي شحال وانا خدامة عليها باش جمعت اللحم .. راه حتى شفت النجوم
اشراق: حتى انا غادي نشوف .. (كتنهج) شي كروب نخدم معاه الصباح .. و.. و نكمل بالحديد ... والله حتى نرجع بحالك وحسن
خليج: نوضي . تكعدي ... نوضي يالاه نوريك اش ديري
وقفات اشراق سخفانة وقالت : شنو نديرو
خليج: زيدي نوريك .
فالفيلا داخلة نهاد كتقرقب بالطالون والشعر مطلوق .. تلفتات يمين يسار لقاتو جالس فوق الكرسي كيشوف فيها .. حرك يدو قدامو شاف فالساعة وقال
- شحال هادي فالساعة؟
ردت بميوعة : كنت عند ماما فالدار .. مانمشيش نشوف ماما؟
شار بيدو : مكاينش عندك راجل تشاوري معاه
تنهدات: طه .. عيقتي والله .. شنو فيها الى مشيت
وقف وقال : مافيها والو ... اللي فيها هوا خاصك تشاوري قبل ماتمشي
هز لافيست ديالو على كتفو وتم خارج
نهاد : فين غادي فهاد الليل ؟؟
تلفت شاف فيها بسخرية وزاد حتى لباب وهي تبعو كتجري
- طه فين غادي معاك كنهضر!
رد بميوعة: سيري كملي الليلة مع ماماكهزات راسها كتموت بالضحك والكاس فيدها كان غيتزلع
رد عماد كيضحك بصوت منخفض: الشوهة معاك هههه فضحتينا
قلبات اشراق وجهها للجنب فمها عامر كتموت بالضحك والكاس فيدها
خليج وهي كضحك : ويلي غنموت ... غنموووت ههههههه
ردت اشراق كتموت بالضحك : ماشفتي واااالو انا عطيتها الطموبيل وهي مشات قالت ليك نجيب حوايجي اللي بقاو عندهم فالدار ههههه
خليج : ويلي سكتي سكتي ههههه كوراه بابا طرطق فيه شي عرق
اشراق: مشيت معاها للدار هههه بلعاني مشات باش تبان ههههه
عماد: باز هه كضحك على مكم
ضرباتو خليج للكتف: وا ماعايش معانا والله حتى يهرب ليك ههههه ماما راه قالت ليك رجعات ملكة اعمال ههههه
عماد: ملكة اعمال
ردت اشراق كضحك : كتقول ليها ملكة اعمال ههههههه
عماد : علام والله حتى علام
فوسط قهوة ومطعم بالليل فالهواء الطلق كيضحكو ويتعاودو والعشا محطوط ... الدينا عامرة وقوة الهضرة كل مجموعة علاياش مجمعة .. اما هما عايشين العالم ديالهم بوحدهم .. فجأة جاه اتصال لعماد ورد
- فين اولد الحاج
اشراق: كضحك) شي نهار نخرجوها معانا
خليج : ايييه هههه
عماد: فالهاتف) هانا اولد الحاج فالكافي المعلومة وصاف .... نتا اللي غبرتي .... هانا مع الاصدقاء وصاف .. تهلا اخاي
قطع وهي تلفت خليج قالت: شكون ؟ شي صاصبتك مسمي عليها ولد الحاج
هز تيلي بغا ينزل ليها على الراس وقال
- غننن .. نيتك ناقصة اللي كديريه كتنويه
خليج: لااا خويا نيتي فنة حسن منك هههه
وقف عليهم شاب فجأة كيضحك وقال
- السي عماد
تلفت عماد فجاة : اااهلااا اهلااا (وقف) اكيداااير .. لاباس عليك ... كولشي بيخير ... اش هاد لغبور
الشاب: هانيا خاي عماد نتا كي داير . لاباس عليك ؟
تلفت بابتسامة : السلام عليكم
مدات ليه اشراق يدها بابتسامة وخليج كذلك وعماد كيعرف
- المدام ... المستقبلية نشاء الله ... واشراق ختها ... صاحبي علي
اشراق وخليج : متشرفين
عماد : ريح اصاحبي ...
رد علي كيشوف موراه : معايا الدراري مرة اخرى نشاء الله
عماد : وا ريح نشوفو غا وجهك تبدلتي علينا
جلس علي كيضحك حدا اشراق وقال
- باقي نتا اخويا هوا نتا
عماد : هوا انا هههه فوقاش جيتي ؟؟ وا غبرتيييي
علي: شهر دابا باش جيت .. الواليدة عيانة مسكينة
ردت خليج باسى: الله يشافيها
علي: امين اختي
بقات اشراق ساكتة وكتشوف فيه بنص عين ... شاب وسيم .. شعرو اسود ناعم ملامح عربية .. زينو مختالف مربي اللحية بزاف وطويلة شوية ... طويل القامة وجسم رياضي ولباس رياضي .. انيق ومأدب فهضرتو
عماد: ياك لاباس مالها الواليدة ديالك ؟
رد باسى: جاها لكونسيغ مسكينة .. وراك عارف .. كتعاني .

ردت اشراق الله ياشفيها : تلفت شاف فيها بابتسامة : امين اختي شكرا
خليج: واش يالاه بادي؟
حرك راسو بأسى : طول فيها ... اودي الطب فالمغرب زيرو . ماعرفوش يشخصو الحالة ديالها ... عرام ديال التحاليل وعرام ديال الدوايات وماعرفوه حتى فات الوفت ... نتاشر فالدات ديالها مسكينة
رد عماد بأسى : لا حولة ولا قوة الا بالله ... الله يشافيها
علي: امين اخاي عماد .. (ابتاسم) ايوا نتا ؟ شكتعاود ؟ اش كيعاودو الدراري ؟ فين شادينها؟
رد عماد كيضحك: كل واحد فين شدها ... شي تزوج شي خرج برا .. كل واحد فين شدها .. تفرتكات الجقلة اصاحبي ههه
ضحك علي وقال: هههه وتشرفتييي اخاي عماد هه
عماد : اما نتا لا هههه الشيب ناض ليك فاللحية ... مالك على هاد الغوفالة .. نتا يا اما تكرطها كتملة يا تجمعها كاملة
علي: هرب وجهه .. وقال كيعبر ويضحك ) عايرتني بالشيب وهوا وقار .. يا ليتك عايرتني بما هوا عار
عماد: ههههههه هادي واعرة
علي: ويراتي عندنا هادشي
ردت خليج بعفوية: لالا جا زوين
شاف فيها عماد بنضرة حادة بينما رد علي واشراق مدورة راسها ويدها على نيفها كتموت بالضحك
علي: شكرا اختي
تلفت بعفوية شاف فأشراق وهي كضحك وضحك معاها بمجاملة بينما وقفات خليج بارتباك
- احم .. غنمشي للحمام ونجي
مشات لاحمام كتجري وعماد كيخزر فيها متبع ليها العين وتلفت قال
- دقيقة وهانا جاي .. عنداك تمشي
علي: سير الله معاك
بعفوية تلفت شاف صحابو فالطبلة غادين وشار بيدو بمعنى غير سيرو ورجع تلفت كيضحك شاف فأشراق وقال بأدب وابتسامة
- عماد مغيار ياك ههه
ردت كضحك : داكشي اللي كيبان ههه
رد: خواتات نتوما؟
حركات راسها بالايجاب: امم .. خواتات
قال بلطافة: كنبتنو صحابات ردت اشراق بلطافة: مكنتشابهوش ههه
رجعات خليج معصبة وعماد موراها ساخط وجلس ابتاسم بزز منو وقال
- ايوا خاي علي ! ..شخبار البنية ... شنو سميتها نسيتها
رد علي بلطافة: استريلا
ردت خليج : زوينة سميتها !! شحاا من عام عندها ؟
علي: 10 سنين دابا
خليج : تبااارك الله ... مابيناش عليك !!!
خزر فيها عماد مرة اخرى سكتها واشراق مقادراش تحبس الضحكة وعلي كذلك عايق فالفيلم .
هبط راسو بابتسامة: لعقبة ليكم نشاء الله
ردت خليج : انا عندي وليد
قال فدهشة وعماد حاني راسو شاد فجبهتو
- بصح!!! الله يخليه ليك
ردت بسعادة: اميييين شكرا
تلفت عماد وقال بغضب صامت تحت سنانو
- تزيدي كلمة اخرى نقلب عليك الطبلة
دورات وجهها بميوعة لجهة اخرى سكتات وبداو كيتجمعو بيناتهم فجأة وقف عليهم طه كيشوف فيهم باستغراب وعماد مصدوم كيوقف بزز .. لاكن علي دغيا وقف فرحان مد يدو عنقو وقال
- طها!!!
هزات اشراق وخليج عيننيهم مصدومين توقفات الحركة عندهم كاملين من غير علي اللي باين انه سعيد جدا برؤية طه

دورات اشراق وجهها بالزربة وشافت فخليج وناضت فخطرة مشات للحمام سدات عليها وبقات واقفة كطل من بعيد في انتضار يمشي بحالو ..
عماد: طه!!! ...
ابتاسم طه وقال : ياكما خسرت ليكم لعشا ؟؟(ابتاسم) علي ! على سلامتك ؟ فوقاش جيتي
رد علي بعفوية : شهر دابا ! نتا سافا اش كتعاود ؟ يالاه سولتو دابا قلت ليه دراري فين شادينها
دورات خليج وجهها للجهة اخرى ودارت رجل على رجل بميوعة كتشوف فجهة اخرى وعماد مضهشر ما عارف ما يدير
عماد: اا. ا اااجلس اخاي طه !!
فديك اللحضة رن هاتف علي ورد بسرعة بعد شوية ورجع قال
- دوماج .. كنت باغي نجلس معاكم ولاكن خاصني نمشي .. خاي طه ضاروري نجلسو . مد يدو لخليج وقال
- ختي تهلاي فراسك
قشعاتو اشراق كيسلم وبدون شعور خرجات من مخبأها مشات بسرعة للطبلة هزات صاكها قدامهم وقالت على عجلة
- غنمشي ماما قالت ليا اجي ماعرفتش شنو بغات
شافت فيها خليج بارتباك وتدخلات بسرعة
- علي عفاك وصل اشراق معاك فطريقك حنا باقيين معطلين
رد علي بابتسامة : مرحبا على الراس والعين .. يالله . الله يعاون
دازت قدام طه اللي واقف كيشوف بعينو ورد حتى هوا
- غنخليكم حتى انا .. عماد من بعد .
مشا طه حتى هوا معكر ليه المزاج جهة سيارتو وخليج دايرة ابتسامة نصر من بعيد ... قشع علي ونوا كيفتح باب السيارة لاشراق اللي طلعات بابتسامة وسد الباب عليها وركب زاد

فالسيارة ...
مربعة اشراق يديها كتشوف قدامها فصمت وعلي سايق السيارة كيتجمع معاها
- عماد وطه صاحبي من ايامات لكوليج ... غير الوقت فرقاتنا وصافي
اشراق : علاش قررتي تخوي المغرب؟
رد بحدية وهدوء: ماشي قررت .. انا كنت خدام هنا فالاول ودرت لهجرة لكندا .. مشيت عالله حتى صدقت مستقر تما وخدام تما .. بنتي حتى هي ولفات تما ... واخا كنجيبها للمغرب الى فاتت شهر كتقول ليا توحشت صحابي بغيت نرجع
حركات راسها بالايجاب: اممم .. الله يخليها ليك ... غتكون كتوحش حتى ماماها
ضحك بسخرية : ماماها ... اشمن ماماها الله يهديك
ردت باستغراب: علاش ؟؟
رد باستهزاء : ماماها هادي عشر سنين باش صافي سالينا انا وياها ... تزوج كاورية صعيب ! ... كلشي مباح وحنا العرب ماعندناش مع ديك صديقي ولا نتعطل مع صحابي برا حتى ترشق لي .. هي لا هاكا دايرة . . حتى مللي تفارقنا سمحات فبنتها وقالت ليا منقدرش على المسؤولية ديالها
ردت اشراق فدهشة: اوييلي !! وصعيب عليك تربي بنت بوحدك
تنهد وقال: صعيب وصافي ... راه ماشي غير صعيب .. خصوصا نتا فبلاد بوحدك .. عندك بيبي كيرضع معارف كي دير ليه ومامعاك حتى واحد
ردت بأسى : وشنو درتي ؟؟
رد بعفوية: تعلمت بزز مني .. وبقيت هاكاك حتى ولفت ... اش غندير . ماعندي مندير ... كنمشي للخدمة كنخليها فلاكخيش .. وكنرجع نديها فاش كنخرج .... فالاول ماكنتش كنتحرك ... مكنخرج ما والو .. مقابلها غير هي .. هاهي خصها تاكل .. خصها تبدل .. خصها تلعب . ونتي عارفة باللي لواحد فاش كيعيش مع باه و لا مع مو كيكون عندو نقص ... وانا داك النقص كان معقدني الصراحة كنت كندير مجهود باش نوفيها حقها ومتحسش بالنقص ... ايوا بقينا هاكاك وربي واقف معانا حتى كبرات (شاف فيها وابتاسم ) رجعات كتعرف تقضي حاجتها راسها

تنهدات اشراق بعمق وقالت: اودي ... فاش كنبدا نسمع مشاكيل الناس كنقول انا ماعندي مشاكل
رد باستغراب وابتسامة: و اشمن مشاكل عندك نتي باقيا يالاه بادية فالحياة
ضحكت بسخرية: قول ساليت
رد باستغراب: مالك على هاد التشاؤم اودي !!
تنهدات بابتسامة وقلبات الموضوع : دابا نتا حياتك غتكون عامرة ... حيت عندك بنية ...(شافت قدامها ) حتى انا كن كان عندي وليد كنت غنتحدا العالم على قبلو
شاف قدامو بابتسامة: بيان سيغ.. لوليدات شي حاجة فالدنيا ... على الاقل مكنحس براسي بوحدي فكندا
شافت فيه: وقدرات ماماها تسمح فيها
تنهد بعنق : اااودي .. بنادم صعيييب تفهمو ... فالاول كتكون حاجة .. من بعد كيوليو يبانو ليك حوايج اخرى
ردت : علاش مافكرتيش تزوج مرى اخرى ؟
ضحك بسخرية : واش غير وتزوج .... بيمن غتزوج ؟ خاصك معامن بعدا ماشي اجي وتزوج وكمل حياتك !
شافت قدامها ساهية وقالت: بصح ... ماشي غير اجي وتزوج .... ماشي بحال شي وحدين ... يتزوجو ويطلقو ماعندهمش مشكل كاع
سهى قدامو وقال : زواج اخر حاجة يفكر فيها الانسان ... حتى يلقا اللي يناسبو... واللي يفهمو ... ويبغيه .. ويحس براسو مرتاح عاد يربط ديك العلاقة بالزواج
هوا كيهضر وهي ساهية قدامها عينيها مغرغرين بالدموع
علي: واخا شي مرات ... مكتبقاش عارف راسك واش كنتي بصح كتحب ولا غير منامة !
تنهدات ومسحات قنت عينها وقالت بابتسامة
- كنتي كتبغي مرتك ؟
ضحك بسخرية : الحب اللي كان بيني وبين مرتي موحال واش شي واحد عاشو ... كان واحد الحب فشكل ... كانت بحال الاكسيجين بالنسبة ليا ... عشنا شي حوايج و دوزنا شي حوايج ميقدرش شي واحد يتخيلهم ... ونهار ولدات بنتي استريلا كانت كتولد وكتقول ليا واعدني عمرنا نتفارقو ... غنبقاو بجوج حتى نموتو ... (تنهد) فاللخر كولشي تبخر .... كنت كنقول موحال واش غنكمل بلا بيها .. واش نقدر نبدلها ... وداكشي اللي كان ... ماقدرتش نبدلها .. قررت نربي بنتي ومع الايام سمعت باللي هي مشات لسويسرا وتزوجات ... اللي بقا فيا هوا خلات اسرة ... ماخلاتنيش انا بوحدي .. خلات اسرة ومارجعاتش سولات فالاسرة ديالها ... صافي بقا عام كيطلع على عام حتى مابقاتش كاع كتأثر عليا ولا كنفكر فيها ولا مانت فحياتي من الاساس ...
تلفتات شافت فيه وقالت: زعما الواحد يقدر ينسا ؟؟ يقدر يرجع كي كان ؟
حرك راسو بالنفي : ماعمرو ميرجع كي كان ... حيت التجاريب كتعلمنا وتبدلنا ... ولاكن يقدر ينسا حيت الايام كتنسينا بزز منا ... راه حتى واحد مكيموت بالحب ... غير الى هوا دار حد لحياتو وصاف اما الايام راه كترشي الحجر
ابتسمت وقالت: دابا نتا نسيتي فمرة ؟؟؟ واخا تجي توقف حداك ما تحرك فيك حتى حاجة ؟
شاف فيها كيضحك وقال: ياكما دزتي من شي تجربة فاشلة ؟
درورات وجهها بسرعة وقالت :انا غير كنسول
رد كيضحك: باينة فعينيك دوزتي شي مرحلة من حياتك صعيبة ... (تنهد بارتياح) ماتخافيش ... غادي تنساي غي تهناي ... (شاف فيها) عرفتي احسن احساس تقدري تعيشيه شنو هوا؟
حركات راسها بالنفي: شنو؟
رد بابتسامة : هوا فاش تخرجي من لحبس اللي نتي فيه ... متصوريش باش غتحسي ... بحال الى تولدتي من جديد ... وحسن ليك تخرجي منو ... (شار لنفسو) انا بالنسبة ليا كنفضل نعيش مع وحدة جامعني معاها شوية ديال الحب ... مرتاح وهاني ونقدر نسيطر على راسي .. على انني نكون غارق معاها فالحب وندوز حياتي مخلوع وخايف ومعدب ... قالت بابتسامة : صافي غير هنا اعلي .. شكرا بزاف وسمح ليا عدبتك
قال بابتسامة : ماشي مشكل هادا واجب
قالت بلطافة: بوس ليا استريلا بزااف ... هاد البنت دخلات ليا لخاطري
قال بسعادة: غادي تبغيها كتر فاش تشوفيها
قالت بابتسامة : علاش لا...ههه تصبح على خير
حلات الباب بغات تنزل لاكن قال وهوا شاد تيلي فيدو
- اشراق ... تقدري تخلي ليا نمرتك ؟ الى كان ممكن
تلفتات بابتسامة وقالت : معلوم
قيدات ليه النمرة فتيليفون ديالو ونزلات هزات صاكها وطلعات للدار لقات مها واقفة ليها فالباب ويدها على جنبها
الحاجة: شكون هاداك اللي نزلتي معاه من طموبيل ؟ كن دخلتيه للدتر حسن
تنهدات : غييير وصلني وصافي
الحاجة: وفين ختك؟؟؟
اشراق: هاهيا جايا ... عفاك اماما خليني نمشي نعس .. عيت وغدا فايقة الصباح .. بيازيد ناعس
ردت الحاجة بغضب: بعدي منو بزز باش نعس ... ماتقربيش ليه خليه يتسنط لعضامو راه دوشت ليه خليه يرتاح
دخلت اشراق ماتسنطاتش ليها ومشات عندو تخشات حداه فوق النموسية بشوية باستو لاكن حل عينيه مخلوع وهي طبطب عليه بشوية
- شووو انا اكبدية ديالي
سكت وحط راسو على صدرها : ماماه
عنقاتو عندها كتلعب ليه فشعرو ساهية فبيت مضلم كتفكر الحوار فالسيارة
- زعما الواحد يقدر ينسا؟؟ يقدر يرجع كي كان؟
- ما عمرو ميرجع كي كان .. حيت التجارب كتعلمنا وتبدلنا ..
- فاش تخرجي من الحبس اللي نتي فيه ... متصوريش باش غتحسي....
- كنفضل نعيش مع وحدة جامعني معاها شوية ديال الحب ... على انني نغرق معاها فالحب وندوز حياتي مخلوع وخايف ومعدب ..
تنهدات بعمق: عندك الحق ... كنتمنى حتى انا نخرج من الحبس اللي انا فيه .
تنهدات وغمضات عينيها غرقات فنوم عميق . صباح مبهج فلاصال .. الدنيا عامرة واشراق صاحبة راشقة ليها نوعا ما ...نازلة مع الدروج تلاقات خليج فالباب داخلة فشلانة وقالت عليها بسخرية
- اممم .. قالك كنوض بكري نتريني باااز . التمنية راني انا بدييييت لكوغ ونتي ناعسة ! بقيت نخدم نخدم نخدم حتى سخفت ...غنهبط دابا ندير شييي حمام هوا هاداك وشي مساج ... وندخل نعوم مع راسي .... الله على راحة
خليج: بتعب) صبحات فيا ليغيكل شروطاتني ... عماد مخاصم معايا
اشراق: علاش؟
خليج: الغيرة ..فقصني بلغيرة فقصني .. غنطلع للبيرو نرتاح
اشراق: هههه سيري سيري .
نزلات اشراق كضحط مباشرة للحمام ودخلات تجبدات فوق الرخامة
- سخنيييه .. زيدي البخار بغيت ندوب ... بغيت نسخن .. نكمد عضامي
فالبيرو متكية خليج على خدها مافيها اللي يتحرك ... جاها اتصال من عند عماد وردت بتعب
- شنو مفكرك فيا؟ نسيتي شي حاجة ماقلتيهاش؟؟
عماد: عيطت ليك غير نقول ليك راه مسكين داك الدري اللي كان معانا لبارح .. علي ..
خليج: امم .. اللي غرتي منو ! مالو؟
عماد: وا سمعي بعدا ...
خليج: شنو؟ مالو؟
عماد : مو ماتت هاد الصباح .. انا غادي عندهم للدار دابا
حلات اشراق عينيها وقالت: لااا الاه الا الله !! مسكيين !! ... الله يرحمها ويوسع عليها ... والله يصبرو
عماد: يالاه انا غادي ... كي بقيتي نتي؟؟ لبارح كنتي ماشي هي هاديك
خليج: الحمد لله هانا ليغيكل قتلاني ... صافي سير سير .. الله يصبرو مسكين
قطعات وجلسات كتنهد ويدها على خدها شحال وهي كتفكر من بعد ناضت هبطات لتحت عند اشراق لقاتها مطلوقة فالمسبح بوحدها كتعوم وشارت ليها بيدها قربات عندها وهزات راسها من الماء قائلة
- فاتك الوجع!
خليج : اشمن وجع !!! راه علي صاحب عماد مو مسكينة مااااتت هاد الصباح
تصدمات اشراق وبقات كتشوف فيها وقالت
- الله مسكينة الله يرحمها .... غيكون تشوا عليها ... وغير هي اللي بقات ليه مسكينة
خليج: اييوا شغادير
طلعات اشراق من الماء بسرعة : غادي نمشيو نعزيوه حشوومة اوييلي راه مو هاديك
حلات خليج عينيها: نتي بااينة باغا تشريها ليا مع عماد نيشان ... فين غنمشيو مكنعرفو حتى واحد والراجل اول نشوفوه لبارح !
اشراق: ماشي قضية اول مرة ... السيد راه مو هاديك
لبسات بينوار ومشات لتيليفونها المحطوط فوق الطبلة هزاتو كتصوني عليه لاكن لا رد
اشراق: مكيردش ! غيكون مشغول
خليج: تبااادلتو النوامر! عليها !
اشراق: بجدية) غتمشي معايا ولا ننشي راسي؟؟
خليج: يالاه زيدي زيدي ... خاصنا ندوزو للدار نلبسو جلالب بعدا ... الى سولك عماد قولي ليه نتي جبتيني بزز مني الله يرحم باك ماخصني صدع فالسيارة غاديين لابسين عبايات فالاسود بجوج والشيلان فالاسود .. وشايقة خليج سيارة كاط كاط سوداء حتى هي ... كتسول وتقلب منين دور
اشراق: راه كان قال ليا الحي عير نسيت ... المهم هادي هي البلاصة اللي قال ليا لبارح فاش كنا كنتجمعو
خليج: غنسولو وصافي
وقفات الطموبيل وهبطات الزاج لقات شاب دايز من حداها
- عفاك ... واحد الراجل سميتو علي مو ماتت هاد الصباح فين نلقاوه ؟؟
شار بيدو: كاينة اختي كنازة وحدة فهاد الحي .. غتمشي نيشان غتبان ليك الدنيا عامرة ... واش هي علامن كتقلبو معرفتش مهم كاينة كنازة وحدة
خليج: واش دفنو الميت ولا باقي؟
- باقي اختي سمعت غيجيبوها فديك ديال نقل الاموات ومن تما غيدفنوها حيت المرى كانت ناعسة فسبيطار مريضة
اشراق: ااه هي هاديك اخويا هي شكرا
خليج: شكرا
طلعات الزاج ودخلات الطموبيل مع حي شعبي بشوية بانت ليها واحد الدار كبيرة عالية والناس على برا نسا ورجال .. مخلطة الدعوة وصف ديال طموبيلات برا وحدا الباب
اشراق: صافي وقفي مور هادي ماعندك فين تخشيها لداخل غنوحلو فالخرجة
خليج: صبرييي اختي بعدا نقولها لعماد هوا الاول يجي عندنا ماشي يتلاقاني تما بحال الى جايا الموسم (فتحات الخط) الو .. عماد ... شوف.. ااحم خرج خرج عندي انا حدا دار عماد .... وصافي بلا غوات خرج عندي انا فطموبيل(قطعات) شتي شنو قلت ليك ... طرشني بالغوات
حطات تيليفون وهوا يبان ليها جاي مع الدورة ما خرجش من باب الدار وكيقلب بعينيه بين طموبيلات حتى قشعها ووقف عليها حدا الزاج اللي مهبطة وقال بغضب
- شنو جايا كديري هنا
تدخلات اشراق: انا اللي جيت ماشي هي اعماد ... غير جابتني ... انا جيت نعزي علي حيت مكيردش عليا فتيليفون
بقا ساكت كيشوف وتنهد قائلا : يالاه نزلو نزلو .. نزلو وغدخلو نييييشان لداخل راه تما خواتاتو والعائلة والجيران

نزلات دايرة النضاضر لابسة كلشي كحل حتى الصباط كحل ومشاو نيشان ما تلفتوش دخلو مع الباب لقاو علي جالس فوق واحد الكرسي حاني راسو والصالونات جيهتو عامرين بالنسا ... قربات ليه اشراق بشوية وتحنات عليه حاطة ديها على كتفو كتهبط النضاضر قائلة

- علي ... البركة فراسك
هز راسو عينيه حومر شاف فيها فدهشة وقال
- اشراق!!
ردت بأسى: الله يعضم الاجر فيها ...
حرك راسو بأسى وقال: امين اختي شكرا
مدات ليه خليج يدها قائلة: البركة فراسك اخويا علي
مد يدو : مامشا معاك باس اختي
دازت اشراق حدى مرى لابسة بيجامة لايحة شال على راسها كتبكي بحرقة سنها تقريبا اربعيني وحداها الناس كيسكتوها وقالت
- البركة فراسك اختي
خليج: الله يعوض محبتها بالصبر اختي
مشاو جلسو بين العيالات مقابلين مع الباب والناس كتجي وتعزي . فجأة دخل طه مع الباب مكيهزش الراس فلعيالات ومشا عندو وقف ليه علي تعانقو قدام عينين اشراق اللي متبعة الحركات ... عزاه وبقا كيهضر معاه وخرجو لبرا حتى غابو على النضر
خليج : بصوت منخفض: اممم ... جاي يعزي !! باز
نخزاتها: سكتي راه لعزو هادا
خليج : باز لشي كمامر... دابا فين ما مشينا غنتلاقاوه

الأجزاء الأخيرة ⇐