القائمة الرئيسية

الصفحات

قصة وقعت في شباك محجبة الجزء الثاني

قصة وقعت في شباك محجبة , قصة وقعت في شباك محجبة الجزء الثاني

قصة وقعت في شباك محجبة الجزء الثاني

قصة وقعت في شباك محجبة

 

يلالاه نكملوا 

مقادش على صداع راس سلات ديك 15دقيقة وكل واحد فينا طلع لشغلو..داز الوقت عيت مع من أمريكا لشريكة مدزت حتى نبدل حوايجي هزيت تليفوني وسوارت لوطو ونزلت متاجه الفلا والكارد مورايا وصلت الفلا ونزلت خليت لكارد اصفو سيارة فبلاصتها ودخلت لقيت الواليد نازل فرحان اكيد سمع صوط طموبيلات الا واحد من الخدامة علموه بلي جيت تسالمت معاه وطلعت ندوش ونستارح عاد نزل نجلس معاه طلعت لبتي هزيت كميت هو لول باش نيت نتكالمة مزيان عاد دخلت دوشت وخرجت لدريسينغ بست شورط امن الفوق عريان طحت فبلاصتي ودغياا داني نعاس فقت على صوط الخدامة لي تدق على الباب علماتني نوض نتعشاء نضت غسلت وجهي وكفيت كاس تنجغم منو وبقيت هواد التحت حتى وقفت على الوليد جلسنا شوية كندويو سولتو على الواليدة واش مزال مرجعات من عند ختها قالي بلي غدا اترجع تعشينا انا والواليد خرجنا الجردة ولحقات علينا الخدامة ببراد داتاي مع نعناع شربت مع الواليد كويس وطلعت نقاد شي خدمة عاد نعس
صبح صباح فقت بكري لبست كوستيم فالكحل بلا كرافاط هزيت شي ملفات كنت جبتهم معايا البارح خدمت عليهم ونزلت شربت قهوة قاسحة كيف ديما باش نصحصح مزيان عيط الكارد لكان حدا الباب خديت منو سوارت لوطو وعلمتهم بلا ميتبعوني وصلت لشاريكة حتى واحد مزال مجا طلعت المكتب ديالي بقيت غاطس فالبيسي حتى سمعت دقان فالباب عطيت الإذن للي كان تيدق بلا منهز راسي حتى تنسمع صوط هادىء دخل لمسامعي بحال رنة تتعلمني بلي الإجتماع بقات ليه 5 دقائق شفت فساعة هو لول عاد هزيت فيها راسي لقيتها نفس البنت دالبارح طلعت فيها عيني وهبط لقيتها لابسا فولار وكسوة فالخزي بقيت تنشوف فيها عاد نطقت سولتها واش هياا سكريتيرة لي بعدت خالد مع كان عيط ليا علمني بلي بعت لياا سكريتيرة من شاريكة نيت مي مخرجتش نشوف شكون هيا.

جوباتني باه بلا متهز فياا عنيهاا بقيت ساكت مودا تنتأمل فيها عاد قلت ليها تمشي يللا دارت تمشي وانا نوقفها قلت ليها تفكرني على سميتها قاتلي ضحى اسم على مسمى عطيت ليها ملف قلت ليها تراجعو مزياان شداتو من عندي خدات الإدن عاد خرجات خرجت من موراها لغرفات الإجتماعات دخلات تاهيا جلسات جنبي وهيا مركزة مزيان مع الإجتماع سلا الإجتماع سولتها واش سجلات شي حاجة جاوباتني باه قلت ليها مزيان وخرجت فحالي نقاد داكشي لبقاا لياا مع الخدمة كلها فوق راسي.
__________________ضحى____________________
دازت الوقت وانا مخشيا فداك الملف لقالي راجعيه مزيان حتى تنسمع مساج جا من تيليفوني هزيتو لقيت سناء: كوكو ضحى وقيت الغداء هادي نزلي نتغداو مع بعض
طليت فساعة لقيتها بصاح وقيت الغداء 1:00 هزيت بورطابلي طلعت فالمصعد يلا بغيت نضغط على زير نزل حتى تنلقاا سي هيتم دخل من مورايا تيبقشش فتيليفونو طلع فيا عنيه انزلهم تاني بلا ميقول تا كلمة مدواني مدويتو تحل سانسور لقيت سناء تتسايني قدامو.
سناء يللا بغات تحيح حيت تعطلات عليها ضحى حتى كتشوف سي هيتم موراها خرج من سانسور بعدم موبالة ومشا فتجاه مكتب خالد
سناء مخرجا عنيها: هااويلي حاااي نزلتو بزوج
انا تنشوف فيها بمعنت منيتك: زيدي قدامي بلا متبداي تاني
سناء شادا وجها وتتخيل: هاااح لوكان كنت بلاصتك نطلب الله سانسور اوقف بيناا ونبقااو غير انا وياه بزوج نشبع فيه غير شوفان
انا تنهدت: اوفف استغفر الله سناء ربي لما زيدي قدامي را مزال خاصني نصلي ونتي تتخيلي ليا تم فداكشي لمستاحيل كااع اوقع
سناء جراتها من يدها وغادين: علاش ميوقعش متعرفي تعاودو تنزلو نتي وياه ايوقف بيكم اتكون لحظة رومانسيه
انا بدات تطلع لياا دم: واش نتي منيتك بصااح انا ورجل بوحدنا ا واش نتي معارفاس بلي حراام 

انا ورجل بوحدنا افلحظة رومنسيه معرفتيش بلي حراام حتى طولي فيه شوفة عااد ربي لما زيدي وزمي فمك
سناء: ههه ناري الله تا تعصبات صافي كالم ابب راغي تنضحك معاك
انا: فبحال دوك المواضيع مضحكيش معايا فيهم
سناء تتمسكن: صافي الآلة منبقاش نعاود
انا ضحكت: هه تتعزي علياا متتخلينيش نتقلق منك
سناء مع غمزة: عارفة راسي غزالة اتا حد ميقد اتقلق مني
انا: شوية د تواضوع راه مزيان
دخلنا المطعم شدينا انا وياها سوندويش اكانيطة كوكا جلسنا تناكلو حتى تنهز راسي ونشوف سي هيتم اسي خالد لي جالسن قبالتنا شفت سي هيتم هز راسو يشوف وانا نحني راسي بلا ميلقاني تنشوف فيهم لايفهم غالط الا شي حاجة كليت بزربا كيف ديما.
انا مسحت فمي: الحمد لله .. سناء يللا نا مشيت تتلحقي عليا
سناء افمها عامر: فيين غادية اصحبتي
انا: ممزيانش تهدري ونتي تتاكلي مهم خصني نمشي نصلي
سناء: صاافي واخا
مشيت بزربة الحمامات توضيت ومشيت لنفس البلاصة هزيت صلايتي وفرشتها نصلي..قبل لادوز الوقت
_______________

_هيتم___________________
تغدينا انا وخالد وطلعت خليتو مزال جالس دزت هو لول على الحمام غسلت ادي ووجهي عاد نطلع المكتب ديالي نسالي داكشي لعندي ونخرج نجيب الواليدة من المطار..يللا خرجت نمشي السانسور تا تنسمع شي حس فالمكتب ليف ضورة تعجبت شكون هدا لعندو شي غراض فداك المكتب اهو فالاصلي خاوي مافيه والو
تمشيت جيهتو دفعت الباب بشوية تا تتبان لياا راكعة تتصلي بكل خشوع بقيت ساهي فيها هيا ماشي بحال كاع البنات لي مهتمين غير بتزواق وتقزيب فالوقت لي الناس تتغدا هيا طلعات تذكر ربها مشيت المكتب ديالي اكول تفكيري فيهاا عمرني ضنيت نتلاقى مع شي بنت محجبه وعاطية الوقت لصلاتها كنت ديما واخد فكرة غالطة على المحجبات.
كنت ديما واخد فكرة غالطة على المحجبات
على متيقلو عليهم اعلى مشفت لي هوما تيتخباو ورا حجابهم كاينة كاع لتتلبس نقاب واوساخ وحدة منها مكان مي هاد البنت لي شفت هاد المرة غير كاع البنات متتشبهش ليهم هادي تتعرف بينها ابين ربها.
_________________ضحى____________
كنت تنصلي بكل خشوع والخشوع في الصلاة مهم أنه كمال للصلاة، بل هو لب الصلاة، وروحها، والخشوع يعني: حضور القلب بحيث إن الإنسان يكون حال الصلاة وهو يقرأ ويركع ويسجد مستحضرًا هذه العبادة العظيمة، فلا يفعل هذه الأشياء وقلبه في مكان بعيد حتى كنحس بشي حاركة ورايا مي معطيتهااش الاهامية ولا نشغل تفكيري خاصني نبقاا خاشعة وحتى حاجة متقاطعني فصلاتي كملت صلاتي رفعت كفوفي لسماء وطلبت من ربي يوفقني فحياتي ويحفظلي عائلتي والناس لعزازين عياا ويفتح علنا جمع صلايتي هاد المرة مهزيتهاش معايا اصلا متنديهاش معايا الا ادا بغيت نغسلها لبست صباطي لي هو طالون اصلا ماشي صباط وزت طلعت البيرو ديالي..غطست تاني فالخدمة مفيقني من غير الفاكس لي صونا رديت دغيا قبل كاع منقول تا الو سمعتو قالي جيبي الملف لعطيتك فصباح دابا رديت عليه بواخا هزيت الملف دخلت بعد مدقيت اقالي ندخل لقيتو واقف تيلبس الفيستا متاعو بعد مكان غير بالقميجة فالبيض.
انا: مسيو هيتم هاهو الملف
هيتم: راجعتيه مزيان
انا: وي مسيو راني راجعتو مزيان
هيتم: مزيان حطيه وسيري
حطيتو ليه ازت خرجت جلست فبلاصتي وتنشوف الا مزال عندي مندير نديرو ونمشي الدار حتى بان لي سي هيتم خرج يللا مشا جيهت المصعد اهو ارجع العندي
هيتم تيشوف فساعتو: ادا كملتي خدمتك امكن ليك تمشي
انا: اوكي مسيو شكرا
غير نزل هزيت صاكي وتليفوني راسي تنحس بيه ضارني مبقا فياا ليجلس اللهم نمشي لدار صنلي صلاتي ونتكا لياا شوية نزلت نشوف سناء ونمشي مع البارح مشيت بلا منقول..
مع البارح مشيت بلا منقول ليها والو لقيتها جالسة وتتبقشش فتيليفونها
انا: السلام عليكم
سناء: وميتلوه
انا خنزرت فيها: تيقلو الناس وعليكم السلام ورحمه الله وبركاته
سناء تضحك: هههه اناري اصحبتي راني عرفت ابغيت نضحك معاك
انا: ضحكك باسل (ضرت نمشي فحالي) يللا انا مشيت نتلاقاو غدا إن شاء الله
سناء بستغراب: اويلي تي فين غدياا من دابا
انا تلفت لعندها: خدمتي كملتها وسي هيتم خرج وقالي الا كملت امكن لياا نخرج ونيت راسي ضارني حسن نمشي لدار نرتاح
سناء: واخا حبيبة سيري ربي يشفيك
انا: آمين يللا انا مشيت
خرجت من الشاريكة شديت طاكسي نيشان لدار
___________________هيتم____________________
وصلت المطار لقيت طيارت الواليدة يللا تحطات هيا متعطلتش عليهاا بقيت متكي على لوطو حتى تنلمحها خارجة بكل اناقتها كيف ديما لابسا عبايتها ولايحا فولار على راسها جارة معاها فاليزتها غير شافتني ولات تزرب فمشيتهاا توصلتت لعندي تلاحت عنقاتني
كنزة الأم: ولدي
هيتم عنقتها لعندي: اعاز معندي فدنيا كولها
كنزة: من بعد باباك طبعا
انا ضحكت: ياك مجاتك الغيرة منو على سلامتك بعدا
كنزة: الله اسلمك اولدي امتا جيتي
انا رافع حاجب امنزل تاني: لفين واش لهنا جيت ادابا
كنزة جرات ليه حنكو: امتا جيتي من امريكا
هيتم : غا البارح
كنزة عودات عنقاتو: الله ياوليدي كون غي بقيتي هنا
هيتم: الواليدة شحال من مرة قلت ليك هاد الحاركة متتعجبنش
كنزة: اوا راك نتا لولدي الواحيد الا مجبتش ليك نتا حنوكك لمن نجبدهم
هيتم مخنزر: ودابا الواليدة بنت ليك مزال برهوش
كنزة: زيد اوليدي زيد نمشيو راني عياانة بغيت غير نحط راسي عالمخدة ونرتاح
هيتم تنهد: واخا زيدي
طلعنا فلوطو فتجاه دار تنهدرو فطريق حتى وصلنا نزلنا دخلنا لقينا الواليد جالس وكايتسنا

 عثمان سلم على كنزة: على سلامتك
كنزة: الله اسلمك
عثمان مع هيتم: معندي منتسالك مشيتي فالموعيد
هيتم تيحك فلحيتو: اييه واش اسحابليك را الواليدة هاديك نسبقها على كلشي
عثمان مبتاسم: اوا كيف داز صفار ديالك الالة كنزة
كنزة: داز مزيان غير عيت مكرهتش نحط راسي ونعس
هيتم: اعلاه متنوضيش دابا نيت ترتاحي وديك ساعة جي نهدرو على خاطرنا
كنزة: را بغيت ندوز وقتي كامل معاك دابا تمشي تاني وانا باقي مشبعتش منك
هيتم: تشبعي مني الواليدة بنت ليك طاجين
كنزة ميقات فيه: انا تنهدر معاك بصاح ونتا واخدها بالمزاه
عثمان: الله اهديك يهاد المرة ديها افصحتك ونوضي ترتاحي ليك شوية
هيتم كحز لعندها باس راسها: عارف الواليدة لكاين غا نوضي ترتاحي انا معاكم هنا توكان تملو مني
كنزة هزات فيه راسها: نفهم من كلامك بلي..
هيتم قاطعها: اييه و دابا نوضي ترتاحي را صحتك هيا لولة
كنزة شافت فعثمان وهيا فرحانة: واخا هانا انوض.
ناضت الواليدة خلاتنا انا والواليد بوحدنا كنهدرو على امور الشاريكة
عثمان: اوا قولي كيف غادا الأمور تم
انا: كلشي هو هداك هاد الساعة كون هاني بلا متشغل بالك
عثمان بتاسم ليه: انا منهار سلمتك كلشي وبالي هاني بقات لياا غي حاجة وحدة
انا بستغراب: لهياا..؟؟
عثمان تيشوف فيه بأمال: نشوف ولادك
هيتم تصعقت عمرني فكرت والاو موجارد تفكير نتزوج واصلا هاد الفكرة ماحيها من بالي: الواليد نتا راك عارف بلي هادشي ماحيه من بالي اعمرني تا فكرت فيه مجراد تفكير
عثمان خنزر فيه: تال امتا اولدي همم تال امتا اتبقاا وحداني تانتا خصك تزوج وتبني حياتك ودير ولادك
هيتم: سمحلي الواليد انا فكرة زواج محيتها من بالي من شحال هادي وانا عاجبني راسي كفحال هوكا خاطيني صداع راس
نضت خرجت وخليتو ميمكنش هادشي لتيقول وانا زواج بنسبة لياا غير..

 زواج بنسبة لياا صداع راس خصوص مع بنات هاد الوقت عاميهم غير طمع وقوت تصبااغ هادشي فاش حادكين اما فشي حاجة خرى لا وانا مبغيتش نجيب شي وحدة لتتهتم غير بلبس والمكياج والخروج والحفلات مع صحباتها امنين تجي تبقا اهز عليك اديهاا.
_________________ضحى____________
رجعت لدار تقريبا مع العاصر توضيت هو اول اصليت عاد درنا الكاسكروط كيف ديما مع الأم ديالي والأب ديالي وختي جمعنا طبلة وجلسنا انا وختي وبابا نزل المحال ماما خرجات تخيط شي جلابة عند الخياط.
أسماء تنهدات: عرفتي قنط فدار وغدا الخدمة اشبان ليك نخرجو انا وياك واحد شوية
ضحى: واخا لبغيتي
أسماء بإبتسامة: اخليلي ختي
نضنا انا واسماء بدلنا حوايجنا وفنفس الوقت لبسنا بجوجنا نفس اللبسة لي كانت عبارة على جيبا طويلة وقميجة بيضاء مخشية فالجيب وكاب طويل فنفس لون الجيب وصبيبيط دومي طالون مي ماشي نفس الالوان انا فالخزي والابيض وأسماء فاغوز بيبي والابيض
خرجنا انا وياها دزنا عند بابا هو لول قلنا ليه بلي خارجين ومشينا فجيهت البحر
أسماء: الله شحال هادي مجينا البحر
انا: اليوم لي كتاب
اسماء: اه داكشي لكاين
انا شفت مول زريعة وانا تنموت على شي حاجة سميتها زريعة: اسماء اشبان ليك ناخدو زريعة
أسماء: اعاد تتسولي عارفاك تتحماقي عليها
انا ضحكت: ههه ياك بعداا عرفتيني منزكلهاش واخا تقولي لا
دزنا خدينا زريعة انا وياها ومشينا جلسنا تنتفرجو فالبحر والناس غادية جاية تا قرب يأدن المغرب ورجعنا.
___________________هيتم______________
مشيت لحدا البحر اكتر بلاصة تنرتاح فيها شعلت كارو وبقيت تنكمي وتنفكر فهدرت الواليد الا مدرتش ليه خاطرو ايتقلق وانا مبغيتوش اتعصب اصحتو على قد الحال دابا خلاني بين نارين معرفتش واش نغامر ونتزوج ولا نرفض طلاب دالأب ديالي بقيت سااهي وتنفكر حتى تنلمح زوج بنات مشادين فبعضياتهم وماشين جيهم مول زريعة لوهلا طاحت لياا البنت لخدامة عندي فشاريكة

الويهلا طاحت لياا البنت لخدامة عندي فشاريكة فالبالي تنقول هياا لا ماشي هيا غير تشابهات ليا مع شي وحدة مي هيا لتتلبس داك ستيل ديما كساوي هابطين وفولار نفضت هاد الافكار من راسي وتتنقول وانا مالي اصلا الا كانت هيا طفيت الكارو وزت طلعت فلوطو غادي الدار نشوف هادشي فين غيوصل.
_______________

___ضحى____________________
دازت سمانة..متغير فيها والو من الدار الخدمة من غير اليوم عدنا مقابلة انا وسي هيتم مع شي مصمم ومع الشاريكة تاع نضارات"نضرات البراقي" خاصنهم مصميم جديد ضاروري داكشي علاش اليوم فقت تاني بكري صليت وجدت الفطور مع ختي لسلا الروبو ديالها ورجعات لخدمتها فطرنا لبست كسوة فلغوز بيبي طويلة معا كاب براق فنفس طولتها فالاسود معا شال فنفس اللون وسبيبيط دومي طالون حتا هوا فغوز بيبي خرجنا انا وياها كل وحدة مشات من طريق انا شديت طاكسي وصلني دخلت لشاريكة لقيتهم مزال مجاو كاملين طلعت البيرو ديالي حتى سي هيتم مبانش لياا بلي جا حطيت صاكي وجلست بلاصتي تنخدم فلوغديناتوغ تا كنشوف سي هيتم خرج المصعد اجاي لعندي.
هيتم حك لحيتو: واش نتي واجدة خاصنا نمشيو قبل منتعطلو على الموعد
انا: وي مسيو انا مجودة
هيتم شاف فيها مطول اهيا حانية عنيها متتشوفش فيه: مزيان نزلي للوطو هانا جاي
انا: واخا مسيو
هزيت ساكي ونزلت خليتو داخل المكتب ديالو معرفتو اش اجيب خرجت الباركينج تنساين فيه اجي شي زوح دقايق عاد جاا تيخطي خطوات سراع اكل خطوا تابتة اموزنها بقيت تنشوف فيه تاحسيت على راسي بلي عيقت نعلت شطان
وضرت تنشوف قدامي حل لوطو وركب ركبت تنا حداه فالقدام اديمارا بلا تاشي كلمة لا من عندي لا من عندو غاديين والصمت سيد المكان وصلنا الواحد المطعام راقي باين عليه غير ديال شكون وشكون نزلنا من لوطو بعد ما بلاصاها دخل وانا.

 زاد داخل وانا من موراه تنشوف فين كاين سيد لي غنتلاقاوه حتى تنلمحوه فواحد طبلة بحدو رجل في مقتبل العمر تكون عندو شي 40سنة جالس تيشرب فقهيوتو حتى وقفنا عليه.
ضحى _ هيتم: السلام عليكم
سيد: وعليكم السلام
هيتم مد يديه سلم عليه: بلا شك نتا هو جلال
جلال مد يدو تسالمو: ايه هو انا
هيتم: مزيان كيف راك بعدا مزيان
جلال: وي مسيو هيتم مزيان "شاف فتجاه ضحى ومد ادو باش اسلم عليها"
ضحى شفت فيدو عاد طلعات راسها فيه : كنعتادر منقدرش نسلم عليك.
جلال جمع ادو لعندو حس براسو بحال الا كفحتي عليه ماء بارد.
ضحى شافت لون وجهو كفاش تبدل عرفات بلي ايكون فهمها غلاط: كنعاود نعتاذر منك فميمكنش لي..فلا يجوز للمرأة أن تصافح رجلا أجنبيا عنها
جلال بإبتسامة فهم بلي هيا محجبة ملتازمة: ماشي مشكيل خودي راحتك انا متفهمك
هيتم حنحن وجلس: احم امكن لينا نهدرو علاش جينا
جلال شاف فيه وجلس تاهو: وي ادا سمحتي
جلسنا بداو كيهدرو على التصميم والديكورات وراه سي جلال التصميم ديالو وسي هيتم اتيشوف وساكت حتى نطق
هيتم: مزيان تصاميمك عجبوني تقد غدا دوز عندي الشاريكة
جلال بفرح: اوكي مسيو هيتم شكرا
وقف هيتم صفحو بعضياتهم من بعد متافقو على كلشي وزدنا خرجنا مخلينه مزال جالس فمكانو
طلعنا لسيارة وانا متوترة مع من ديك ساعة لي رفط نسلم مع داك المصمم و مسيو هيتم مبدل غير ساهي ومخنزر وباين عليه تيفكر فشي حاجة.
__________________هيتم____________
خرجنا من داك المطعم بعد مكملنا وتافقنا مع داك المصمم وانا مصدووم هاد البنت نهار على نهار تتزيد تصدمني فيها مكانش اسحابلي بلي غير محجة وتتصلي دينها وإنما يستاحيل تسلم حتى مع رجال طلعنا فلوطو ديماريت وانا مزاال مصدوم وتنفكر كفاش هاد البنت مختااالة كتر من مختالفة على جميع البنات

كون كانت شي وحدة أخرى فبلاصتها مكانتش اتمد غير ادها اتسلم حتى بوجها مي هيا لا..بقيت سايق وأنا غارق فأفكاري حتى تنسمعها.
ضحى بتواتور : مسيو هيتم كنتمنا متكونش واخد مني موقيف على داكشي لصرا كبيلة معملتهاش بلعاني وانما را حرام اني نسلم مع شي رجل.
انا شفت فيها ابلعاني قلت ليها: وعلاش ميمكنش
ضحى: هل تعلم لماذا لا يجوز فى الاسلام ان تصافح المرأة رجلا
انا تنشوف فطريق وتنسمع ليها: لا
ضحى:لندن ـ جاء رجل بريطاني إلى الشيخ وسأل: لماذا لا يجوز في الإسلام للمرأة أن تصافح رجلا؟

قال الشيخ: هل يمكن أن تصافح الملكة إليزابيث؟

قال الرجل البريطاني: بالطبع لا، هناك أشخاص فقط الذين يمكن أن يصافحو الملكة اليزابيث.

فأجاب الشيخ: المرأة لدينا هي الملكه والملكات لا تصافح الرجال الغرباء.

ثم سأل الرجل البريطاني الشيخ: لماذا الفتيات تستر الجسم والشعر؟

تبسم الشيخ واخذ اثنين من الحلوي، وفتح واحده وأبقى الاخري مغلقه. ألقى الاثنين على الأرض المتربة، وقال للبريطاني: إذا طلبت منك أن تأخذ واحده من الحلوي أي واحده سوف تختار.

رد البريطاني: سأخذ االمغلقة .
قاال الشيخ: هذه هي الطريقة التي نعامل بها المرأة لدينا ..

درت لعندها وانا غير مزدت تصدمت وصلنا لقدام شاريكة وقفت لوطو عاد جاوبتها وانا معرف حتى باش غنجاوبها وانا مسلم ومتنعرف والو منهار حليت عني حليتهم فدولة اجنبية فاكفاش انقد نعرف بزااف دالحوايج على الإسلام: كوني هانية فأنا موخدش منك حتى شي موقف

ضحى حلات باب لوطو: اوكي مسيو شكرا
نزلات وأنا باقي جالس فبلاصتي وأفكاري غا مكايزييدو حتى حسيت براسي ضارني طليت فساعة لقيتها 10:20 ديماريت لوطو وكسيريت فتجاه دار مفياا ليدخل الشاريكة كنحس بأفكاري مشتتين وادا دخلت كاع فمغنكونش مركز.

 

الجزء الثالث ⇐

تعليقات

تعليق واحد
إرسال تعليق

إرسال تعليق