القائمة الرئيسية

الصفحات

قصتي مع لحوا 2020 جديدة / الأجزاء الثالثة

قصص الدارجة المغربية

معاكوم نهيلة سليمي كاتبة القصص عرفتوني ولا لا ؟ المهم نكملوا القصة الأجزاء الثالث قراءة ممتعة الهبيلات ❤️



وصل مراد ب إسراء لسبيطار دخل كيجري ويغوت تعرضو ليه ببياص و دخلوها لبلوك وهوا وقف كيتسنا و كل مرة كتبان ليه لفرملية كتخرج و ترجع تجري شي ساعا عاد خرج عدو طبيب
مراد: كولات
طبيب: قدرنا نوقفو نزيف بصعوبة خصها ترد لبال حقاش تحلات ليها جرحا بزااااف مخصهاش تبقا تحرك بيدها حسن ليها ولا غيوليو مضعفات فحلتها
مراد: امتا نقدر نخرجها
طبيب: غي تفيق خرجها
مراد: نقدرش نشوفها ولا لا
طبيب: اه را نقلوها لغرفة عادية تقدر تشوفها
مشى مراد بعدما شكر طبيب دخل عدها لقاهم ملبسينها ديك لكسوة ديلهم و شعرها مطلوق على رحتو و رجليها بويض كيشهيو بقا كيقرب حتى كلس حداها شاد يديها و هوا كيشوف فيها بسها فشفيفها و باس حنكها لغلوضين و بقا قابط فيدها حتى بدات كتفيق و كتوجع
إسراء: اااه يدي
مراد:(عونها تا تقادات فلكلسة) شوية دابا
إسراء: اه شوية خصني نمشي لدار
مراد: واخا (هزها دغيا للوطو و كسيراو لواحد لمول قريب) بعدا نخد ليك باش تبدلي
إسراء: (حدرات وجها شافت شنو لبسا و هيا تحمار بلحشمة) اه واخا
مراد:(هزها بين يديه دخلها حدى واحد لبنت خدامة تماك) ختي عفاك لبسات ديال المحجبات
لبنت: اه واخا
مشات جابت ليها بزااااف و ختارت صاية فلكري و شوميز حمرة و سبرديلة. حمرة و فولار كري عونتها لبنت تا لبسات وخرج هزها بين يديه و دار ليها سمطة كسيرا تا وصل لدرب جا يهزها و حبساتو
إسراء: صافي انا قدرا نتمشا شكرا و غدا نجيب لك فلوس لي كتسالني من مصاريف دسبيطار تال لبسة دليوم شكرا
مراد: اولا مغتعطيني والو و ثانيا غدا يلا جيتي نقسس ليماك رجيلاتك حيت يدك مريضة ويلا جيتي غنتفاهم معاك
إسراء: مبغيتش يفوتوني دروس و فلوسك غنرضهم ليك
مراد: مغترضي ليا والو و دروس انا ندير معاك شي نهار نشرح لك كاااع دروس لي غيفوتوك فكاااع المواد سمعتي
إسراء: (تنهدات) ان شاء الله اه و استاد عفاك مديرو والو مع سناء نساو الموضوع
مراد: كنت غنقوليك ندكلريو بيها بفف لي بغيتي سيري و ياااويلك تجي غدا نهار نحس بلي نتي وليتي بيخير غنجي نقولها لك يله سيري فحالك و سلمي على ملين دار
إسراء: شكرا انا غنمشي تنتا سلم على الحاجة بزااااف توحشتها
مراد: هه تتبراي و نديك تشوفيها غي تهناي
إسراء: رفقتك سلامة
خرجات جيهت دارهم و هوا كيشوف دراري كيف متبعين ليها لعين و كيوشوشو و ينيشو جهتها كن محشم كن هبط خلطهم بنت ليه دخلات لدار وكسيرا و صونا على جود
مراد: سناء معاك اه لا
جود: اه
مراد: غتجيبها لمكان لمعلوم ولا غنجي نقلب على زابل بوها ديك لقهوة سفاها على علاها و غنغتصب جدها من دونيها (وقطع كيضرب فلفلون و كيغوت) ععععع قحبة الله ينعل تربية لي تربااات

وصل مراد لواحد دار خارج لمدينة بلخشب شكلها زوين و حداها كراج دلحديد لقا تماك جود و سناء كترعد و لخلعا قتلها مشا بلا كلمة بلا زوج لسقها مع لباب دلكراج بعنف حتى تاوهات وهوا كيدوي و قريب ليها نفسو حارة كيف لعافية كتخرج بزز
مراد: شنوووو قربك ليييها شنو (ضرب يدو مع لحيط) قووووتلك فوتها علك الا هيا الا هيا منين كتسمعي القلاوي منيين شنو درت لك شنو سر هاد الكراهية لي جهتها ااااه شنووو
سناء:(كترعد) س تفز تني (تنفسات و جمعات قوتها و دوات) و ملحضتوش بزوج بلي وليتو عطنها هتمام كتر من لقياص اااا واش ملحضتوش نقبل انك دير ل درتي على ودها نقدر نقول طحتي فيها ولكن جود يولي يهترف بيييها و يولي يبغي يعيط ليا بسميتي تا يسدق معيطلي بسميتها فهدشي منقبلوووووش نقتلها و منخلييييهاش تسرق مني خطيبي
مراد:(رجع زوج خطوات لور مندهش من هدرت سناء دار عند جود لقاه حادر راصو تمشا عندو و هوا عرقان و بكترة الأعصاب فشل) علاش اجود علاش
جود: نتا صحبي فهمتها ولكن مقدرتش نتحكم فقلبي بغاها بلا شواري منقدرش نتحكم فراصي انا مغندخلش بناتكم انا انا غنتزوج سناء ف اقرب فرصة و غنخوي لك ساحة صح لا مجال للمقارنة بين سناء و إسراء لا من ناحية الجمال ولا الأخلاق (تنهد بحرقة) ولكن انا عارف بلي إسراء يلا غتولي تبغي واحد فينا فهوا نتا حقاش نتا لي كتلقاك ديما فجنبها نتا هوا صدر لحنين عليها نتا لي غتبغيك حيت انا عمرها هزات فيا لعين عكسك نتا (قرب عدو شدو من كتافو بزوج) ملي كتوقف حداها كيحمارو خدودها انا عارفك لحضتي هدشي (عنقو) عمري غنكون ليك عدو عمري غنفسك فيها عمري غنشوف كتر من مرت صحبي و خويا غي تهدن
مراد: (بدلو لعناق) نتا خويا و صحبي و عشيري و كلشي حتا انا غنسمح فيها غنتزوج نرجس حيت حيت منقدرش نشوفك كتعدب و كتغار عليها من صاحبك
جود: لا مراد يوييلك يويييلك وديرها يلا درتيها اقسم برب الكعبة تتكون نهاية صحبتنا يلا تخلييتي عليها
مراد: اش كتقول اصحبي راه نتا هوا لول ماشي بنت لي غتفرقنا واخا كنبغيها بزااااف ولكن منقدرش نبغيها كتر منك
سناء:(كتسمع فهدرتهم و كفاش بزوج بغوها وهيا كتموت على جود و عرفا كون ماشي لمصلحة لي غيربح موراها مكنتش غتحلم بيه وهيا حيلتها كاملة و هيا كتحلم بيه حسات بخنجر تحشا فقلبها و دموعها كيسيلو تمشات لعند جود بدات كضرب فسدرو) هئ علااااش بغتييها هيا هئ هئ علااش بغتيها هيا ماشي انا علااش هئ هئ كنبغيك كتر من رااصي هئ مستعدا ندير لمستحيل على ودك هئ هئ ونتا شنو درتي هئ بغيتي مسخة فحالها هئ هئ فحال هدا نوع هئ كيشري هئ حويجو من جوطية لي فكازابراطا (صحاب طنجة غيعرفوها خخخ) هئ متستهلش هئ
جود: عرفتي باش حسن منك ااا هيا مكتحتقرش ناس لي قل منها و نزيييدك كاع دكشي لي درتي فيها سمحاتلك عليه و حاجا خرا عمرها ادات شي حد عمرها غلطت فشي حد و كاع لي كيعرفها كيموت على تراااب درجليها هيا شرف منك ب 1000 درجة (ضرب فيها و ركب فلبروش ديالو و كسررا)

بعد مرور 15 يوم
إسراء كانت كالسة فبيتها كتراجع دروس لي فاتوها سفطهم ليها واحد لولد كيقرا معاها سميتو ياسر ( غيكون داخل معانا ف القصة) و قدامها تيلي كتفرج فشي فدوات فليوتيب ديال دروس و شادا قلم و ستيلو كتخطط هاد ليومين ولات كتقدر تحرك يدها بقات متبعا حتى صونا ليها تلفون بنمرة ممسجلاش جوبات و مهدراتش
مراد: الو إسراء
إسراء: سلام عليكم استاد
مراد: وعليكم و السلام كيف ولاات لك يدك بيخير
إسراء: اه حمد الله هاد يومين لخرة وليت كنقدر نكتب بيها
مراد: اه حمد الله كنضن تقدري ترجعي ليسي ياك
إسراء: اه غنرجع من غدا
مراد: احم على اي لوليدة قتلي بغات تشوفك ليوم
إسراء: اه واخا باش منتعطلش غنلبس و نخرج عندك دابا
مراد: غي تلبسي صوني ليا نجي ليك
إسراء: ان شاء الله مع السلامة (وقطعات عليه)
ناضت كتقلب على شنو تلبس حتى جبدات جلابة فلحمر و فولار بيض و سبرديلة فنفس لون دارت ديودوغن و هزات صكادو فلماغون و هبطات تا خرجات من دريبة عاد صونات ليه علماتو فين جا غي وقفات عليها كطكاط خرج منها مراد لابس سروال دسبور كري مع تيشرت كحلة مكروزة عليه غطرطق بسبب كمية العضلات لي عندو دير كسكيط بيضة مرجعها لور و خارجين منها خصلات شعرو المارون و لابس سبريلة بيضة كان كيبان كيوت إسراء بقات كتشوف فيه اول مرة غتحقق فملامح وجهو لحيتو لكحلة و شعرو لونو كيف لون لعسل عيونو كحل مخلطين مع لقهوي مع عسلي عطاو واحد لون غاية فروعة بقات كتشوف فيه وهوا غيكلها بعينيه حتى وعات برصها و حناتو و توردو خدودها
مراد: مغظلعيش
إسراء: اه زعما واخا
طلعو و نطلقو فصمت معدا نضرات مراد ليها و هيا مدورا راصها كتشوف فطريق باش تجنب تشوف فيه حتى وصلو
مراد: مرحبا بيك
الحاجة:(كانت قدام لباب غي دخلات بانت ليها إسراء جرات عنقاتها) توحشتك ابنتي مرحبا بيك و الف مرحبا اش خبارك ابنتي
إسراء: (باست ليها فوق راصها و يديها) حتى انا خالتي والله تا توحشتك كنت كنبغي نجي ولكن مراد قالي بلي تنبرا عاد يجيبني
مراد: مهم هاهي جات دخلو لدار ههه
دخلو فجو ديال ضحك و نشاط و الحاجة كتعود ليها على طرائف دموراد ملي كان ستيتو كتخليها كتبكي بضحك

إسراء: (طلات على ساعة لقات رصها تعطلات) اووو تعطلت اخلتي خصني نمشي
مراد: واخا انا نوصلك
إسراء سلمات على الحاجة وعداتها تولي تجي تزورها ديما ركبات مع مراد وهيا حاسا بقلبها مقبوط و مقدراش تنفس و دموع فعينيها دار عدها مراد تصدم لقا وجها صفر وعينيها حمرين و مدمعين و كترحف حاطا يدها على قلبها مسندة على لحيط
مراد:(مشا جهتها بزربة و شد فيها) إسراء مالك شنو وقع
إسراء: م معرفتش حاسا بقلبي مقبوط شي حاجا خيبا غتوقع (تنفسات مرة و زوج و تلاتا) استغفر الله (تقادات فلوقفة) يله نمشيو
مراد: اه واخا
مدة الطريق و هوما ساكتين حتى وصلو لحومة لقاو لقربالة نايضة و دنيا مقلوبة كلشي كيجري بلاما تحس شدات فيد مراد و دموعها بداو كينزلو تاني مراد ضار عدها كيشوف فيها خلوع يله غيدوي وهي تهبط كتجري غي وصلات قدام دارهم تصدمات من دكشي لي شافت بقات واقفة مبلوكية بلا حركة بلا زوج كتشوف ف العافية كتاكل دار لي تربات فيها حسات براصها غايبا على الواقع لحق عليها مراد بعدها بلاصا طمبيل بانت ليه واقفا مبلوكية مشا لجهتها كيحرك فيها حتى ضار حتى هوا تصدم بقا كيشوف ف العافية كيف مجهدة و ناس كتغوت و العيالات كيبكيو اما إسراء واقفة بلا حركة بلا والو غي كتشوف فيهم و مبلوكية
مراد:(كيحرك فيها بجهد) إسراء إسراء كتسمعيني (بقا كيشوف فيها وهيا مبلومية تا سرفقها عاد شافت فيه ورجعات شافت فدار و بقات كتشوف فيه فحالا كتسناه يقوليها لا راك غي كتحملمي فيقي بقات مشوكية كتشوف فيه وترجع تشوف فدار) إسراء شوفي فيا
إسراء: كنحلم ياك (مشات كتحري عند وحدا من دوك لعيالات) خالتي حليمة ماما و بابا مكينينش فدار يااااك شوفي فيا مكينينش هوما مزال مجاوش مكينينش فدار
حليمة:(كتبكي و تنوح) الله يبنتي الله راك غي خرجتي و جاو هئ هئ كينين ابنتي لداخل العافية دغيا شعلات هئ هئ مقينا منرطفيو فيها هئ هئ
إسراء: (رجعات زوج غطوات لور) هههه كتكدبي (كتفات بهدشي و طاحت على طولتها ف الارض و مراد باقي ممستوعبش بلي هيا تيتمات جرا لجهتها هزها فلوطو وعيط لبومبيا بقا معاهم تا طفاو العافيا وخرجو الجثث مفحمين من دار قلبو ضرو من المنضر ديالهم حمد الله ملي إسراء مشفتش هاد المنضر غي ضار لقا إسراء كتشوف فجتت وليديها و وجها ممحيين منو الملامح ولا دمعا طاحت بقا كيقرب ليها وهيا كتبعد حتى لسقات فلوطو وهوا قريب ليها حد يديه على حناكها و دوا بسوط حنين
مراد: بكي خرجي دكشي لي فقلبك
إسراء: انا غي كنحلم(ورجعات فقدات الوعي)
هزها مراد و قلبو ضرو عليها رخلها لوطو وك سيرا فتجاه دارهم دخلها عاد نتابه لجرها لي فجبهتها تنهد بحرقة و حطها فلبيت عيط لطبيب و هيا تجي مو عود ليها لي طرا بكات فبلصتها بدل دموع دم بقات فيها حيت متستهلش قالهم طبيب بلي غي صدمة لي خلتها تفقد الوعي و عقم ليها جرح وخرج

مراد غي طمن عليها شد طريق لسبيطار كمل الاجراءات ديال الجثث و داز لعند لبوليس لي كانو كيحققو ف الحريق عرف منهم بلي هداك الحريق مكنش عادي انما بفعل فاعل تصدم حيت ناس فحال هدوك ماشي من نوع لي يكونو عدهم اعداء و ماشي من نوع لي كيكونو عدهم حسابات تنهد بحرقة و وصا دوك لي كيحققو باش يعرفو الفاعل ف اقرب فرصة غي خرج توجه لوطو ديالو كسيرا توجه لفيلا دجود حلو ليه لي كارد لباب و دخل عدو لقاه فصالة شاد لبيسي كيخربق فيه مشا كلس حداه و هز كب كاس من ديك لقرعة دلويسكي و جود غي كيشوف فيه
جود: برو شنو تماك
مراد: مصيبة
جود:(تقاد فلكلسة ) شنو واش لقدية كبيرة
مراد:(هز عينو فيه) وليدين إسراء ماتو
جود:(تصدم بقا كيبلق فعينيه) شنو كفاش زعما شنو طرا
مراد: عارف لوليدة عرضات على إسراء تجي تعشا عدنا و ملي وصلتها لدارهم لقينا لعافية شاعلة غي عرفات وليديها تماك فقدات الوعي حمدت الله ملي مشفتهمش مخرجينهم تا تصدمت ملي قيتها مورايا قتلي انا غي كنحلم و رجعات فقدات الوعي
جود: وفين هيا لبنت دابا
مراد: خليت معاها ل ليدة خايف عليها اصحبي بزااااف هدشي متقدرش خصوصا فاش شافتهم هكاك انا لي ولد و مقدرتش نشوفهم هكاك
جود: صراحة ماشي ساهلة حضي معاها لدخل فشي صدمة
مراد:(تنهد) هدشي مناش خيف
قطعهم سوط تلفون لقا الحاجة كتصوني ليه جاوب داغي
مراد: الو لميمة
الحاجة:(بسوط باكي) إسراء فاقت
مراد: وشنو دارت يكما
الحاجة:(قطعاتو)

إسراء: (زيرات ليه على تشرت) هئ هئ خلاااااااوني خلاااااااوني و مشااااااو صاااااافي مبقاااااا عندي تاااااحد هئ هئهئهئهئهئ علااااش علاااااش يااااك هئ هئ واااعدوني وااااعدوني هئ عمرهم ميخليييوني هئ هئ انا محتااااجاهم انا انا هئهئهئهئهئ معنديييييي تاحد من غييييرهم هئ هئ هئ مشااااااو (بدات كتشهق بجهد و مراد مزير عليها و قلبو كيطقطع من شهقاتها لحاجة مقدراتش تبقا تشوف فيها هككاك و ناضت عنقاتها اما جود نزلات دمعة سخونة من عينو دغيا مسحا و خرج برا كيتنفس بزز و كيحس بقلبو غبخرج من بلاصتو) مشااااااو هئ هئ كن هي تحرققققت معاهم هئهئهئهئهئ اهون اهون عليا من انني هئ نتحرق فقلبي (تنفضات من حضنهم و بدات كضرب فلي جا قدامها) كداااابين هئ هئ قالو ليا مغيخولنيييش هئ هئ منقدرش نعيش بلا بيهم هئ هئ منقدرش هئهئهئهئهئ ااااااااااااااا
اااااااع
مراد:(ناض كيجري شدها و هيا كتنتر تا طاحو بزوج على زاج لي هرسات) إسراء تهدني عفااك هد الحالة ميبغيها لا ربي لا عبدو الله يهديك نوضي توضاي و صلي و دعي معاهم ب المغفرة
إسراء: (بدات كضرب فسدرو) راااااااه مي وبا هئهئهئهئهئ لي ماتو كفاش هئ هئ غنتهدن اااا كفااااااش دوي (بدات كضرب فسدرو) محسسسسسش بهاد ناااار (كتشير جهد قلبها) لي كتنهش فهاااادا هئ محسش بشنو حاااااسا انا هئ كلشي مشا كلشي ضااااع كلشي كلشي واش كتفهم شنو كنعني بهاد لهدرة ااااا واااعي لهدشي ولا لا اااااااا هئهئهئهئهئ
الحاجة:(ناضت عدها عنقاتها و كدوز على شعرها و إسراء تهدنات فحضنها و ترخات تا نعسات) الله يربي الله متستهلش هئ هئ الله يربي علاش كيموتو غي ناس زوينين
مراد:(ناض باس لمو راصها و هز إسراء لبيت لاخر تيجمع هادا و رجع عند الحاجة لقاها باقا فبلصتها شدها كلسها فوق نمسية و شد فيدها) لعافية بفعل فاعل
الحاجة:(خرجات عينيها بصدمة) اويييلي ياولدي اويييلي هئ هئ وياااك ويااك تقولها ليها لتمشي دير شي كريتة فراصها واايااك واااياك سمعتي
مراد: (باس لمو راصها و عنقها) كنحس بقلبي كيتحرق عليها كنحس بلعافية شاعلة فيه مقدرش ندير شي حاجا لي تخفف عليها منقدرش نشوفها كتنهار قدامي مقدرش
جود:(بعدما خرج شم لهوا دخل تصدم من حالة لبيت ) اش وقع هنا
مراد: غي إسراء (تنهد بحزن)
جود:(بقا كيقلب عليها بعينيه) و فنهيا
مراد: فلبيت لوخر (ضار عند مو) نوضي الحنانة لبيت ترتاحي
الحاجة: نوض نعس حداها
مراد: واخا و حضي معاها لدير شي كريتة
ناضت الحاتجة لبيت لي فيه إسراء تخشات حداها و عنقاتها اما مراد و جود فخرجو من دار

 

تعليقات

🔴 ممنوع قراءة القصص المخيلة للآداب و أنت على صيام