قصص مغربية بالدارجة

مرحبا بكم من جديد في موقعنا ندكر الله بأن يصرف عنا هدا الوباء اللهم احفظ الكل من هدا الوباء .
بالمناسبة عواشركوم مبروكة .

هاد القصة من أروع القصص لي غاتقراها او تقرايها , الحمد الله القصص لي تانحط كلهم تايعجبوا متابعين الموقع شكرا لارائكم على القصص . يلاه نبداو بسم الله .

قصة من وحي الخيال

قصة من وحي الخيال بالدارجة المغربية

نعرفكم براسي انا سميتي رهان عمري 19 لسنة مواصفاتي فتاة بشعر اسود حريري بشرة بيضاء و عيون سوداء زوهرية و غمازات محفورين لطاي ديالي زوييينة بزااف منحوتة على شكل حوتة على العموم جمال رباني و متواضعة و العائلة ديالي لباس عليهم بابا رجل اعمال عندو مجموعة شركات الوالي للتجارة الأتواب و تصدير الحرير ماما حتى هي إمرأة عصرية و مصممة ازياء عندي كذالك 2 خوت صغار (دعاء13 و سيف الدين 9)
انا جد متواضعة و مكنبغيش نتباها انني بنت رجل اعمال كانت عندي صديقتين غالين على قلبي بزززااااف هما بنات المربية ديالي الخالة عائشة و لي من العمر ديالي تقريبا صفاء 19 لسنة و عبير 20 و لكن كنت متقربة من صفاء بزااف حيت كتفهمني و كتعرف فاش كنفكر بلا منهضر كان بابا كي قريهم معايا يعني مدايرش فرق بيناتنا اصلا باهم مشا و خلاهم ملي كانو صغار
_اصبحنا و اصبح الملك لله نضت دخلت الحمام و كان البرد و الشتا مجهدة غسلت و جهي و لبست حوايجي و هبطت للدار عند البنات لقيتهم فاقو حتى هما و جدات لينا خالتي عائشة الفطور فطرنا
انا: صفاء يلاه سربي راه غنتعطلو على المحاضرة سربي
صفاء : انا جاية نسيت tele ديالي في بيتي انجيبو و نجي
انا:ok متعطليش
مشات صفاء بكيت انا كنتسنها حدا الباب و الشيفور كي تسنانا و شتا خيط من السما
المهم...

2المهم ركبنا و دانا ل fc واخة انا مكنحملش يوصلني شيفور الا الى كنت معطلة وصلنا دخلنا نيشان لجناح الاقتصاد لقينا الاستاذ جا خدينا الاذن و دخلنا جبت مدكرة و ستيلو و كنكتب الملاحضات حتى وصل الوقت خرجنا انا و صفاء مشينا كلينا و رجعنا تاني دازت المحاضرة بخير و على خير وصلات 4 و خرجنا
صفاء: مغيجيج الشيفور
انا: لا قتليه غنرجعو فطاكسي
صفاء: اه احسن حاجة و الله اجي نتمشاو حتى نعياو و نشدو طاكسي
انا: و لكن (قطعاتها)
صفاء: و زيدي ا صحبتي شمن و لكن راه حنا غنتمشاو مغنتحاربوش
انا: صافي يلاه زيدي
بقينا غادييين انا و صفاء و كنهدرو و نضحكو حتى بدات الشتا كتصب نقيطات خفاف و شدينا طاكسي و رجعنا للدار
لحد هاد الساعة كلشي طبيعي حتى ...

حتى غيتقلبو الموازين
دازت لفاك بيخير و على خير نجحنا انا و صفاء و دخلنا ل S1 كامل(تحية لطلبة العلم) و حتى عبير حتى هي لي كانت دايرة الادب الإنجليزي جات عطلة الصيف و قررنا اننا نمشي نخيمو فالشمال كاينة الدار تما و بالاحرى vيلا كبيرة حدا البحر حتى خالتي عائشة و البنات حيت كنحسبوهم فرد من العائلة حتى هما
صبحنا الصباح كنجمعو فالحوايج و كل ما يلزم للتخيم بابا و ماما حتى هما خداو اجازة باش يرتاحو من الروتين خوتي حتى هما
Tele كي صوني
انا: الو بب
صفاء : حبيبة و جدتي راسك
انا: و ي الزين و انت و عبير
صفاء: حتى حنا واجديين كاملين معرفتيش شحال فرحانة انا حيت دخلنا موادنا و غنصافرو مرتاحين
انا:حتى انا ختي و الله
صفاء: يلاه انا شوية انطلع عندك للبيت
انا: انا كنتسناك الزوينة
مقتليكومش بلي صفاء حتى هي جميلة عندها عيون عسلية و بشرة سمراء فاتح و طويلة و مقادة كي المعلقة😂 ههه تصلاح لعروض الازياء
هبت عند ماما لبيتها لقيتها كتهدر فtéleو كتوصي المسؤولين عندها باش يسيرو امور العمل ف اجازتها تسنيتها حتى سلات
ماما: حبيبة ديالي ملكي
انا:لا ماما جيت باش نصبح عليك توحشتك
ماما: حتى انا الحبيبة ديالي
فالصراحة ماما مرباتنيش غير خالتي عائشة ديما مشغولة بالوكالة ديالها كنت كنحسد صفاء و عبير على الحنان لي كانت عاطياهم الام ديالهم و لي حتى انا كانت كتعاملني بحالهم و لكن تمنيت تكون ماما هي لي تكون مراقبة لكبيرة و الصغيرة لي كتخص تفاصيل حياتي اما بابا ديما مشغول و مكيسليش من التيليفون و الاجتماعات و الفلوس اوووف منوصفش ليكم الحالة ...

الحالة لي انا فيها و عشت فيها و خا كلشي متوفر الا الحنان لي كان ناقص و هو اغلا حاجة
جاو طموبيلات دخلو الشيافر هزو لينا الحوايج ماما و بابا و سيف الدين و دعاء ف للوطو و انا و البنات و خالتي عائشة ف للوطو لي وراهم و انطلقنا فإتجاه الشمال البنات فرحانين و كيضحكو و ناشطين كاملين طالقين موسيقى على الجهد ديالها و غادين .... من بعد مرور الوقت و صلنا مصخصخين للتخيم ديانا هبطنا للدار و مشينا نيشان انا طلعت لبيتي لي ديما كنكون فيه و كل واحد شد بيت ديالو دخلت دوشت من العيا لي انا فيه و هنا غتبدا الحكاية المرعبة ..
عمرت البانيو بالماء و طلقت فيه الزيوت و تخشيت فيه باش نرتاح و انا كنسمع موسيقى ايطالية قديمة "الاوبيرا"و انا منساجمة معها و كندوز الماء على كل بلاصة في جسمي و كنحيد العيا شوية و هي توقف الموسيقى بكييت شحال و نضت رجعتها الرجعة لي غنرجع للبانيو طفات مشيت كنتفحص يمكن يكون المشكل من البريز قلبت كولشي هو هداك عاودت شعلتها و لكن هاد المرة...

كان غي تشاش و كندخل CD و نعاود نخرجو والو تعصبت و طفيتها و رجعت البانيو ترخييت حتى كنسمع الموسيقى رجعات بوحدها صافي تما بديت كنتنوا غي بوحدي عرفت ان هاذ شي ماشي طبيعيي نضت و لبست لpينوار و خرجت لبيت كنمشط شعري قدام المراية الحنية حنيت راسي و عاودت هزيتو و اانا نشوف بابا فالمراية قلبت و جهي لعند الباب مكان حتى واحد بصراحة زغب شعري وقف بالخلعة و قلت واقيلة غي معا للعية ديال الطريق و ليت كنتوهم مشيت بزربة و لبست حوايجي شورط قصير و مني جوp و كلاكيط و هبطت الكوزينة عند البنات و خالتي عائشة
انا: سلام كيف بقيتو من تعب الطريق
صفاء: انا بعدا gاع محسيت بيها جينا ناشطين
عبير: ههه كونتشوفي حالتي غي وصلت و انا نرض كولشي و لدابا بقا المعدة ديالي مروعة
انا: ههه و بسيف طريق كاملة و نتي تاكلي شكلاط و عطيها الراحة دبا و كولي غير شي تفاحة
عبير :اه داكشي لي غندير و انت cv
انا: صراحة كنت منوية (اه مزيان عادي حتى انا)
الخالة عائشة: يلاه البنات شدو بلايصكوم و انت سيري gلسي باش تعشاو
انا:وخا طاطا
مشيت لقيت بابا gالس كي تفرج جيت حداه
انا: بابا cv
الاب مصطفى: بنتي الحبيبة رتاحيتي من الطريق
انا: اه بابا
بقينا gالسين كنهدرو شوية طاحت فبالي لي وقع فالبيت و قررت نسولو بلا مندخل ليه الشك
انا: اا ب بابا طلعتي عندي البيت قبيلة
الاب (تعجب) : لا ا بنتي علاش
انا: صافي دخت و تخلعت : لا لا والو اهههه جات عندي ديك المسخوطة ديال صفاء قاتلي بلي باباك جا عندك كتفلا عليا
الاب:هه كديرها بيك ديما صفاء
انا: كنضحك غي بزز هههه وياه ا بابا يلاه نوض نتعشاو
وخا انا جاي
ماما ديما tele كتهدر مع صحباتها
انا: (بالشارة) يلاه نكلو العشا وجد
ماما: بهمس واخا
المهم تجمعنا على العشا و حنا كنضحكو و اجواء عائلية و بابا كي عاود لينا نكات و انا فخاطري( الله شحال متجمعت معاهم هكا(الصراحة غي فالعطلة لي كنتجمعو هكا) تعشينا و غسلت سناني و مشيت طالعة لبيتي باش النعس حتى و قفاتني صفاء اجي الهبيلة نgلسو شوية فجردة و نتي طالعة مكفاكش النعاس لي كتنعسي و لا جاية دوزي عطلة فالنعاس.
انا: و خا الالة ندير ليك خاطرك
صفاء : اه اه زيدي زيدي كون مبغيتيش نتي و الله لا تحركتي وانا عاجناك
انا: ههههه و هنينا دبا ربي السلامة شحال فيكم ديال اللوك
هبطتا الجردة و كانت 12:45 و حنا gالسين فواحد الجو الروعة و كنهدرو شوية و انا نسمع سميتي بحال صوت بابا و لكن بهمس رهان رهان
درت من مورية...

من مورية كنقلب تواحد
انا: صفاء واش سمعتي دبا سميتي بابا عيط ليا
صفاء : لا مسمعت والو و كتلفت كتقلب بعينيها واش كاين
انا:اقسم بالله الا سمعت صوت بابا
صفاء : و خلاص ر كاملين كي جيب لينا الله شي حد عيط لينا
انا:بصح واخة انا انوض دبا نعس حيت عييت و الله
صفاء: اك حتى انا عييت
انا:يلاه بونوي بب
بو نوي
طلعت لبيتي و فرشت بلاصتي و طفيت الضو و نعست و لكن ناعسة و ممرتحاش شوية كنحس بحال الا شي حد كي غطيني و كي لعب فشعري و انا نفيق و بقييت مكمشة و كيهرني فرجلي بحال النمل و انا نحل عيني بزربة و شعلت الضو لقيت راسي عرقانة بزاااف و غنطرطق بالصهد و تعودت من شيطان و طفيت الضو و نعست تال الصباح فقت ناشطة ماشطة فرحانة كنتكسل حتى كنشوف يدي فيها دوارة ديال الحنة 😨اويلي منين جا هادشي كنحك عيني مزيان و الله الا الحنة شكون دارها ليا لا لا صفاء ميوصلش بيها الضحك تال هاد الدرجة دير ليا الحنة ودخلت الحمام غسلت و جهي و بدلت و لبست 2بياس و من فوقو شورط دجين و تيشورط و كلاكيط باش غي نفطرو نهبطو للبحر صراحة تقلب ليا المورال و هبطت انا يلاه انمشي نتفاهم مع صفاء لقيتها كتفطر هيا و عبير و خالتي عائشة كدير صوندويش ل سيف و gالسين كي ضحكو و انا دخلت قلت صباح الخير بنفخة و خنزرت فصفاء حتى تخلعات
صفاء: او ملكي على دوك تخنزيرات
انا: تبعيني للجردة بغيت نهدر معاك
صفاء: {بضحك} بلاتي نسالي لعبير و حد نوكتة
انا(بغضب): حطيت الكاس ديال القهوة من يدي بجهد فوق الpوطاجي : ملي نgوليك تبعيني هي تبعيني من بعد و كملي ليها النوكتة و لا الزفت
كلهم بتعجب صفاء: بقا فيها الحال : واخة ا رهان
مشيت الجردة كنتسناها
صفاء: مالكي ا ختي على هاد الصباح
انا: واش انتي حمقة و صل معاك الضحك تال هاد الدرجة تخليني تا النعس و ديري ليا الحنة واش حماقيتي( بغضب )
صفاء: بصدمة : لا لا و الله لا حماقيتي و اش ا بنتي فيك السخانة اشمن حنا و امتا جيت بليل يا ك تفارقنا و كل وحدة مشاة لبيتها شكتخربقي
انا: و ها الحنة لي فيدي منين جات
حليت يدي ..و تصدمت....ملي...

ملي ملقيت لحنة لا والو فيدي خرجت عيني ميمكنش هادشي انا الصباح شفتها
صفاء(بنفخة) : المهم هاد المرة الا كنت بغا تغوت عليا ختارعي شي كدبة مقادة بلا لعب دراري الصغار راك داخلة في 20 عام ا رهان
مشات و خلاتها واقفة مسمرة و كتفكر فهاد الاحدات لي و قعو ليها منهار جات لتطوان
دخلت لكوزينة لقيت غي خالتي عائشة
انا: اا طاطا فين البنات
طاطا: هبطو ا بنتي البحر
انا: واخة مزيان انا الحق عليهم و خا ديري لي كاس ديال العصير
طاطا:هي 1 ا حبيبة طاطاها
انا: شكرا يا اروع طاطا
و خرجت و انا كنفكر مشيت حليت البيسي و بقيت كنقلب على اعراض هادشي و شنو السبب حتى و قفات عليا خالتي عائشة و انا نسد البيسي بجهد و نقزت
طاطا: او بالسم الله عليك ابنيتي مالك
انا(ارتباك) : اا اا لا لا .. لا والو
طاطا: لونك مخطوف
انا:لا غي حيت منعستش مزيان
طاطا: اوا ها هو ا بنتي العصير لي طلبتي
انا : وخا الحنينة شكرا و بستها
طاطا: سعداتي ببناتي 3 هه يلاه انا فالكوزينة تبغي شي حاجة ا جي عندي
انا: واخة الزوينة دياليGلست و انا كنشوف واش كاين شي حد كلهوم هبطو البحر و انا نعاود حليت البيسي و بقيت كنقلب حتى تار انتباهيي واحد...

واحد العنوان 《الجن العاشق 》الصراحة دخلت بلا منفكر و بقيت كنقلب حتى شفت المواصفات ديالو و لي هي الجن العاشق الا تغرم بشي انس سواء ذكر و لا انثى كي تعلق بيه و كي ولي ملك ديالو و داك الانس مكيبقاش يحمل الناس و لا الا كان عندو زوج مكيبقاش يبغي عاشرو و كي بغي يكون بوحدو ديما و يتخلوا بنفسو يتعرا عاد ينعس و مكي بقاش محافض على الصلاة ديالو ومكي بقاش يحمل يسمع القرآن و لكن انا هادشي مرديتش ليه البال و قلت الحمد لله مافياش و لكن الخطير ان المراحل جاياني و انا محسيتش بيه سديت البيسي و شربت العصير و هبطت عند البنات البحر لقيتهم كي تشمشو و انا نجي جريت صفاء انا: نوضي معايا
صفاء : الا كنت اديري تبهديلة ديال قبيلة انهز حوايجي رجع فحالي
انا: و لا المرض غي نوضي
ناضت و بعدنا على عبير و طلبت من صفاء السماحة و لكن معاودتش ليها و خا اسرت عليا و قلت ليها بلي غي كنت كنحلم و انا كي صحابلي بصح و عنقتها و طلبت منها السماحة حيت صحبتي و عزيزة عليا و كتفهمني كتر من القياس
صافي رجعنا عند عبير :واو تصلحتو
صفاء: وعلا بغيتي نتخاصم مع عمري
عبير: ممم و دبا جاتني الغيرة و بقينا...

.و بقينا كنضحكو و g لسنا تشمشنا و هبطنا للبحر نعومو شوية طلعنا نشفنا حالتنا و مشينا انا و صفاء كنتمشاو و تيتيز هالي من برا ها المغاربة و يرميو فالهدرة الزين اللوز تبارك الله اوووف الهدرة لي كضر في الراس و انا الصاارحة محملاش ندور نشوف فجيهت شي مخلوق و صفاء كتلاوا حدايا كي المغرفة بغا دير الصحبة فهاد العطلة و انا عاقدة حجباني و غادة شوية و هما يوقفو علينا واحد الجوج الزين عفاك دقيقة درت راسي مسمعتش رهان و قفي ا صحبتي و شوفي شنو بغا
انا: زيدي قدامي ولا نشوهك
الشاب : وا غي دوري شوفي فيا مالك
انا طلعات ليا القردة للراس و انا ندور
شوف غتمشي فحالك و مغتعاودش تلفت ليا و لا غنشوهك غنحسب الله gاع مخلقك و غطيح فالمشاكيل معيا
الشاب: اي اي المشاكيل gاع
انا: اه و كتر الا ممشيتيش (هو صارحة بgوس بجهد) صفاء بقوة الصدمة غي كتشوف فيه شمنك يا طولة و الشعر كحل و رطب و العوينات كحلين و خلاااااااص واحد الفورما طيح الزرزور من فوق الصور و انا مطفيين عينيا عليه
الشاب: دب غي حيت بغيت دقيقة درتي هادشي كامل او حشوما عليك
انا: تحرام عيشتك غبر من قدامي و زدت و جريت صفاء لي كانت في حالة غيبان تام عن الكرة الارضية هه غدا و كنgر تفو كمارت النحس راس سطل اييخ درت لقيت صفاء مصدووومة
انا: اويلي انتي مالك؟
صفاء: الله ابنتي شحال غزال علاش درتي ليه هكاك ؟
انا: اويلي استغفر الله واش غتزيدي و لا نخليك و نمشي 😠
(ساهية)انا: و سربي ضغية
صفاء: ا ا ا انا جاية رجعنا لعند عبير لقينها كتهدر ف tele مع حبيبها و انا بقا معصبة يلاه انا مشيت للدار
لبنات :خليك معانا
انا: لا لا صافي
لبنات: واخا لي بغيتي
لبست شورطي و رجعت للدار و انا كل معصبة و متوترة لقيت غي خالتي عائشة طالقة القرآن فالموسجلة و كتشقا
اناغي دخلت و انا نزييييد نجعر علا ش طلاقين القرآن واش حنا فgنازة و مشيت المسجلة بكيت كنضرب فيها حتا سكتات و طلعت و طاطا بقات كتشوف طلعت لبيتي و حيدت حوايجي و تخشيت فالبانيو و ترخييت معرفتش شحال ديال الوقت بقيت فيه حتى ...

حتى فقت فقت و انا كلي عيانة و مسخسخة خرجت لبست الفوطا وقفت قدام المراية شوية و هي تسلت ليا و طاحت و بقا الجسد ديالي المنحوت امام المرآة تحنيت نهزها و لي فزعني انني قدام المراية بحال الا متحنيتش و انا واقفة نقزت من بلاصتي و طحت للارض و بعدت و لكن انا باقا قدام المراية و تحل الباب صفاء: اويلي لبسي حوايجك مالك مرمية فالارض كون دخل باباك دب
انا(بصدمة) : اا بصح تحنيت ك كنقلب على قراصة ديال شعري طاحت ليا تحت نموسية
صفاء: مالك وجهك صفر
انا: لا لا اا والو شنو غيكون
صفاء: و شوفي انتي ياكما مريضة
قربات ليا صفاء و انا نطير من بلاصتي و بصوت مرتفع: متمسينيش 😡 و انا كلي كنترعد و حسيت بالموقف لي درت
صفاء: اويلي مالكي
وتداركت الامر في آخر لحضة
اما: اا لا لا والو قلت هكا غي حيت لحمي كي ضرني بشمش و تحرقت
صفاء: اه واخة المهم نسيتيني علاش كنت جايا .. آه الشارجور عطيني شارجور
انا: ا اه اه خوديه ها هو
صفاء شكرا حبي انا هبطت للجردة
انا: ok الزين
خرجات و gلست انا فوق النموسية بعد ما لبست و بقيت كنفكر فهادشي لي كي وقع اكيد ماشي طبيعي و قررت نبحت فيه اكتر و لكن دبا غنهبط نتغدا لقيتهم مجموعين كيف العادة بابا ماما خوتي و هما كي ضحكو و انا مرفوعة كنفكر حتى وgضاتني ماما
ماما: رهان ..رهان.. رهاااان
انا: ا ا نعام ماما شنو؟
ماما: مالك مكتليش؟
انا: لا والو غي مافياش الجوع!!
بابا: و علاش بنتي مفيهاش الجوع يكما بغا شي حاجة خرى؟
انا: لا لا بابا عيانة و صافي
بابا: يكما مريضة ؟؟؟
انا:اووووف قتليك ا بابا والو مبيا والو من صباح و انتوما كتسولو او شكاين و خبطت الطبصيل
كلهم تصدمو من هاد ردة الفعل حيت عمري رفعت عليهم صوتي انا هي الفتاة الهادئة فالدار
شوية حسيت براسي شنو درت
انا: اا بابا سمح ليا و لكن و الله الا غي لعيا مشينا انا و البنات للبحر و عييت بزاااف
باباو ماما: و خا دبا الى مبغيتيش تاكلي طلعي ترتاحي
انا: و خا بصحتكم طلعت و سديت الباب بساروت و هبطت الريدويات حتى ضلام البيت و تخشيت فالناموسية و نعست
نرجعو عند بابات رهان و مها
الاب: معجباتنيش ردة فعل رهان شنو طاري ليها
الام: معرفتش شنو بيها عمرها هزات صوتها علينا يكما مخصما مع البنات
الاب : سولي لالة عائشة
الام: عندك الصح لالة عيشة ا لالة عيشة
جات كتجري نعام ا لالة حفيضة بغيتو شي حاجة نقصاكم شي حاجة
الاب: لا لا بغينا نسولوك
اييه اسيدي مصطفى شحب الخاطر
الاب: واش البنات مخاصمين مع رهان
طاطا: اا لا اولدي علاش ؟
الاب: حيت شفتها معصبة
طاطا: اولدي البنات مصالحين معاها و هي هاد النهار كامل و هي مقلقة
الام: و شنو سباب ؟
طاطا: و الله منكدب عليكم جات من البحر مغوبشة و لقاتني طالقة القرآن و هي تبدا تغوت و اش حنى فgنازة و جات طفاتها بجهد و طلعات لبيتها معاوداتش هبطات تال دبا مع الغدا
الاب: و العجب هدا علاش غطفي القرآن !!
الام: واقيلة معجبهاش تخيم هنا
الاب: الا معجبهاش من غدا تgوليا فين بغات و نخليها تمشي و لا تصافر البرا هي و البنات يطلعو لسبانيا و لا فرنسا
طاطا: و انا مشيت اولدي
الاب: واخا ا لالة عائشة سيري كملي غداك و الله يعطيك الصحة
طاطا: بصحتكم

نرجعو عند رهان فقت مع 9ديال ليل ملقيتش البنات و مكيناش خالتي و بناتها و ماما و بابا غي انا لي فدار و العساس برا هبطت الكوزينة خديت كاس ديال الماء و تفكرت البيسي و مشيت ليه بقيت كنقلب ا والو كي خرج لي غي مواصفات الجن العاشق زعمت و قررت نعرف كيفاش نديير باش نخرج من هاد الدوامة و طلعت لبيتي و بقيييت gالسة و شوية نضت حدا المراية و الحركة لي درت كترجع ليا و تعجبت كيفاش شفت راسي واقفة قبيلة و انا تحنيت شوية و ليت كنحس بصهد و حيت الفوقاني بقيت غي بشورط و الفوق بصدريات و بلا من حس ان شي حاجة كتلمس فالجسم ديالي كلو و انا مبورشة بحال النمل و ترخييت على ديك الحالة و بدا داكشي كي جرني للنامسية و انا ف اللاوعي كنحس بحال الى شي حد كي بوسني الحلة لي حليت عيني و انا لقا راسي حدا الناموسية و كنضحك كيفاش انا فوق النموسيية و انا قدامي و نا نزعم وقلت ش ش شكون نتيا؟ و هي لي انا غي كضحك شوية جيت نشعل الضو و مشا داكشي
لبست تيشورط ديالي و كانت الساعة 11:56 و انا نهبط لقيتهم جاو gالسين كي هدرو و صفاء كتلعب مع سيف فالجردة و بابا و ماما و دعاء كي تفرجو و يهدر و اما عبير و طاطا gالسين فالكوزينة كي طيبو مشيت و عنقت ماما و بابا و بست دعاء مجبدوش معايا الموضوع
ومشيت الكوزينة ابتسمت و دخلت عندهم سلام حبيباتي
طاطا و عبير: فقتيي
انا: اه كنت عيانة
عبير : ههه مسكينة لي سمعك يقول كنتي كتبني و هي تنزل عليها مها للراس بعد ليا من بنتي
انا: هههه غزات فيك سدي فمك شوية هه
عبير : ها هية ساداه
انا: ممم طاطا توحشت ديك الgاطو لي كديري بالكرامل
طاطا: غدا نديرو لبنتي
انا: لا انا بغيتو دبا
طاطا: اا اا و لكن ا بنتي مشا الحال
انا: صافي خليه الغدا و (انا كلي رغبة ناكلو فداك الوقت)
خليتهم حتى نعسو و مشيت لكوزينة و جبدت المقادير و بديت كنخلط حتى صيبتها وخا ماشي بحال ديال طاطا و لكن المهم و عمرتها شكلاط وكرمل
و gلست كنكل بحال شي وحدة عمرها كلات
مبقاتش عجباني الفورشيط شوية غمست يدي فالحلوة و جبدة و بديت كناكل و كندير حركات متيرة حتى تشعل الضو ديال الصالون و كانت ماما و تخلعات من داك المنضر كلي شكلاط و محيدا الفوقاني غي بصدريات
ماما: رهان اولي شهاد الحالة
انا: خنزرت فيها بواحد الوجه لي ماشي ديالي
خرجي منهنا مشي شغلك فيا
ماما: شكتخربقي توgدي وجات جيهتي شداتني.

شداتني من دراعي و بقات كتديني و تجبني شوية و انا ندفعها بواحد الجهد لي معرفتش منين جاني حتى طاحت و غوت واحد الغوتة لي ماشي صوتي كان فيها و خرجت و ناض كلشي ماما غي مصدومة من داكشي لي شافت و سمعات انا طلعت لبيت نيشان كنشوف فالمراية و كنضحك غي بوحدي خلط عليا بابا و حل لباب بجهد و ضربني بتصرفيقة حتى رعفت هو عمرو ضربني و لكن باش درت لماما هكاك فgس المهم غي شفت الدم و انا نسخف بقا كي فيق فيا والو طلعو البنات بدلوليا حالتي و لبسوني و انا هادشي فاقدة الوعي غير كي عاودو ليا و ماما gالسة فصالون و كلها كترعد و كدير ليها خالتي عائشة الريحة
الاب:حفيضة دبا شوية
الام: مصدومة لا لا ميكنش inpossible لا لا بنتي
الاب: شنو طرا تدارت هكا
الام: عودات ليهم كلشي و بابا كي شوف و حاط يدو على وجهو
الام: و الغريب انها منين غوتات عليا بحال صوت راجل اه اهئ اهئ راجل ماشي رهان و الجهد باش دفعاتني اووف ميمكنش
الاب : صافي غي تهدني غنلقاو حل
طاطا: سمعات داكشي عرفات رهان فيها المس اصلن من طفيا ديال القراان و عاد صفاء قتليها بلي رهان لقات الحنة فيديها و سكتات علا هادشي باش متخلعهومش
ناضو نعسو و رهان كتقلب في بلاصتها و كتحس بحال الا شي حد ناعس حداها و معنقها و لحلا لي حلات عينيها و هو...

و هو يبان ليها واحد زوييين بجهد واقف قدام رهان ش ش كون نتا؟
انا راجلك
انا: ك كيفاش راجلي
هو: انا لي كنبوسك و انا لي كنغطيك و نهار لقيتي الحنة فيديك كان عرسنا و انت دبا مراتي
انا: منين جيتي و علاش انا ؟ و شنو درت ليك حتى كتعيشني فهادشي
هو: حيت انا تغرمت بيك من اول نهار جيتي عندي فيه
انا(بصدمة) ك ك فاش امتا جيت و علاش كتهدر
هو: انا عشق انا جني ماشي انسي و انا اول متعرفت عليك كنتي فخطوبة بنت عمك ليلى و دخلتي الجردة دربت برجليك قرعة ديال ماء الزهر (و انا كترجع بيا الداكرة هادشي بصح كاين)
وتكبات عليا فالمجرة و عرفت بلي انتي العشق ديالي و بلي انا منقدرش بلا بيك
انا: كك فاش و انت من داك الوقت و انت معايا (17ans)
عشق: اه من داك الوقت و انا معاك و حاضيك و ملي كتكوني قدام المراية كنبغي نجهل عليك و فلحمام اكتر و نضت باش نوقف و كنحس براسي مشلولة
انا: علاش مكنوضش مالي ؟
عشق: دبا تنوضي و لكن ماشي دبا دبا الا قربتي مني مغنصبرش و غنديك معايا
انا: ا ا لا عفاك حرام عليك علاش مقلبتيش علا وحدة من النسل ديالكم علاش انا
عشق: حيت قتليك انت فاتنة و جمالك و الجسد ديالك غروني و انت مكنتيش محصنة و بسهولة قدرت نملكك
انا: و دبا شنو نهاية هادشي غادي تبقا كتآديني و تآدي العائلة ديالي
عشق: الا كنت معايا غتكوني معاهم
انا:كفاش
عشق: خليني فرحان و مغيخصك حتى خير و غتبقاي ديما زوينة و غتزيدي تزياني و تحلاي و الخير غيفيض علا باك و الاملاك ديالكم غتكبر كتر و انت غتنجحي فقرايتك و لكن غديري gاع لي بغييت
انا: و لكن انا مغنخرش على طاعة الله
سمع الله و هو يتقلب رجع لصورتي لي هي انا و عصب
عشق: gتليك متخلينيش نغضب حنيت فيك و خليتك تشوفيني بالوجه الحقيقي و لكن انت مبغاش و راسك قاصح و غنعدبك
انا: اا اا ك ك فاش لا بلاتي و هو يغبر و انا نوض من نعاس بحال الا كنت كنحلم و لكن داكشي حقيقي و شفت ف الساعة لقيتها ل 11h واقفة نضت و غسلت و جهي و تحت عيني كحل و لبست و هبطت لقيتهم كي فطرو
انا: صباح الخير
كلهم بقاو ساكتين حتى جاوبني سيف الدين صباح النور الخمورة
انا: حبيبي الغزال
ماما: كي بقيتي
انا: لا باس علاش (ديار فراسي ميتعاود *)
ماما: لا و الو كنت عيانة و سخفتي
بابا شاد الجورنال و كي قرا و لكن ودنيه معانا
انا: اه واقيلة هبط ليا الضغط
ماما: اه وقيلة و كولي مزيان باش تمشي معانا
انا:فين ،؟؟
ماما: عارض علينا واحد صاحب باباك جا يخيم تهوا مع ولادو هنا لغدا
انا: بلاش ماما مبغيتش
ماما: gتليك غتمشي€ بنبرة حادة€
انا: وخا صافي لي بغيتي و بابا كي قرا بحال الى مكينش
فطرت هبطت عند صفاء هي فاش عاودو ليا علا حالتي و كي صبحات الكوزينة
انا: صفاء انا مبغاش نمشي معاهم
صفاء: و علاش مالك ا صحبتي و جيا باش تgلسي فالدار راك جايا ا صحبتي باش تفوجي
انا: اه عندك الصح بدلتي ليا المورال المهم انا غادة نوجد راسي اووف 😥
طلعت لبيتي حليت الماريو و كنشوف شغلبس و كنتفكر داكشي شوية ختاريت لبس كسيوة فالغوز بارد و صندالة صميطات فالبيض و صاك فالابيض و عملت mec up جميل يليق بالباس ورشيت من ريحة و شعري عملت على شكل كعكة موردة و هبطت لقيتهم واجدين الا ماما لي خاصها عام بقيت كنهدر انا و صفاء حتى هبطات ماما و ريحتها سابقاها
الاب: يلاه مشينا
مشينا و ركبنا و انا محملاش راسي غي بزز و ماما شافت فيا طلقي شوية ديك الغوباشة
انا: ماما خليني على راحتي عفاك ولا...

ولا انرجع بحالي
ماما: سكتينا من الهدرة الخاوية
بقينا غادييين شوية حطنا الشيفور قدام و احد الفيلا دير الدوبل من ديلنا ديال ملياردير كبير ورجل اعمال
حلو لينا الباب و الخدامات كي رحبو بينا تقول معرفت شكون جا دخلنا و حنى لقاو رجل في الستنيات من عمرو و مرتو حتى هيا كبيبرة و لكن مباينش فيها بقوت تجباد و المكياج و الباس و احد البنت ضريفة عادية و جوج و لاد واحد اسمر و شعرو رطب كي شبه البنت الضريفة و الاخر زعر و بيض يكون قدي هكا
بقينا كنسلمو
المرأة: مرحبا مرحبا بلالة حفيضة كي دايرة و كي تسالمو لباس عليك شخبارك
ماما: الحمد لله ا لالة زهور كيف نتي لباس؟
زهور: و الله الا لباس ياختي غبرتي غبرة و حدة و تقولي واش شي نهار طلعي عندنا ايطاليا راه تفتحو des boutiques جداد ديال الموضة آخر الصيحات شي حاجة زوينة و تحفة (ردات ليا البال ) ا ا حفيضة شكون هاد الغزالة
ماما: ههه هادي بنتي رهان مبقيتيش عاقلة عليها
ناري كنشو ف تعنيقة لي غدير ليا ف عينيها تخلعت 😂😱
و تبارك الله و ماشاء الله شهاد الزين مشاء الله كبرتي خليتك صغييورة كانت فعمرك 3ans الحبيبة
انا: هه (الضحكة الصفرة) اه ا خلتي بصح حتى انا معقلتش
زهور: و يه ا بنتي بسسيف كنتي صغيورة و غزالة و.دبا زدتي غزالتي
انا: هه ربي خليك ا خلتي
البنت : سلام ختي
انا: اهلن
البنت: مرحبا بيك انا علية و انت كنضن رهان؟
انا: اه ختي متشرفين
علية : لينا الشرف حنا
الصراحة دخلات لخاطري و جا داك الدري
الدري:salut comment çava
انا: الحمد لله و انت
الدري:top حيت جيتي عندنا انا شادي j ai 23ans j habite a parie و متقوليش كنعياق حكاش اندي larabe طقيلة
انا: آآه لا لا بالعكس متشرفين
شادي: shui fiére de faire ta connaissance ma belle
الدري2: سلام و انا مازن
انا:متشرفين مازن انا رهان
مازن:ميرسي ختي و مرحبا بيك اندنا يلاه خليتك عندي مايدار مرة أخرى تشرفت بك
انا: و حتى انا
نرجعو لماما وزهور
ماما: اوا فين واحد اسامة
زهور:اه راه فالبحر واحد شوية يجي
انا: الله يا ربي باقي شي حد اخر و كنتبسم ليهم
المهم بقينا شادين الحديث انا و علية و لقيتها حتى هيا دايرة الاقتصاد و تافقنا و بابا و عزيز لي هو صاحبو gالسين و كي هدرو علا الخدمة شوية لهزة لي غنهز عيني كنشوف قدامي واحد الطولة مشاء الرب بدا كي قرب عاد تصدمت ملي شفت هو معا الهزة لي هز راسو و حنا نقولو بجوج : هدا انت (انت-)
و هو يبتاسم واحد الابتسامة واو و لكن انا محسيتش بيها فداك الوقت ت...

تعارفنا و سميتو ا سامة و عمرو 26ans و خدام مع باه و انا بدوري عرفتو براسي واخا محملاش نشوفيه و اي ذرة من الكيان ديالي كتgوليا حيدي من حداه و غي مغوبشة و ماما كتنغز فيا و خوتي gالسين وسط من اسامة كي لعب معاهم و انا مقابلاه شوية و سولت على الحمام و نضت ليه
دخلت سديت عليا شفت فالمراية و لحمي و قف عليا حتى كتبان ليا انا عوتاني
انا: شنو بغيتي ا عشق
عشق:بغيتك انت
انا: انا مبغيتكش كتفهم مبغيتكش
اسامة مع طالع البيتو بالصدفة كي سمع رهان كتهدر و كي تصنت كتهدر بوحدها
دق عليها و مسمعاتش حل الباب و لقاها كتغسل و جها و جها شاحب
اسامة : معبس رهان مالك يلاه جيت نحط عليها يدي و هي طير من حدايا
انا: متمسنيش و متقربش ليا و لا نآدييك فهمتي
اسامة:( كي ضحك)نتي غتآديني
انا: اه انا يلاه انخرج و انا ندفعو
حتى تلاح وسط بانيو الحمام معرفش منين جاني الجهد و لكن كنت عارفة عشق متحكم فيا
اسامة بقا كي شوف و مستغرب منديك الدفعة بحال الى دربو رمووك 😂
انا: خرجت و انا كلي كنترعد للجردة بقيت gالسة حدا البيسين حتى كنسمع فالهوى رهان ر هان و كنضور مكلقا تاحد كنسمع بغييت رهان
و انا نوض لقيتهم حطو لغدا و يلا ه غيعيطو عليا جيت تغدينا بالضحك و النشاط من بعد حطو الحلو و بقينا gالسين حتى المغرب عياو ميشدونا العشا و لكن مبغاوش الدار و احسن حاجة كنحس براسي عيااانة بزاااف بحال الى شي واحد عطاني قتلة اما اسامة معودتش شفتو سلمنا عليهم ركبنا و جينا ...

ركبنا و جينا بحالنا دخلت بزربة للدار سلمت على البنات و طاطا عائشة و طلعت لبيتي و ليت كنحس براسي كنرتاح غي ف بيتي بدلت حوايجي و مسخيتش نبقا عربانة و لكن لبست و بقيييت شحال شادة البيسي و كنتفحص الفيس و كنقرا المنشورات حتى طفى ليا و عرفت عشق طفاه و انا كنهدر بوحدي عشق انت هنا
عشق: وليتي كتحسي بيا ؟طفي الضو
و بدون مقاومة طفيت الضو و هو يخرج ليا و لكن هاد المرة ماشي الشبه ديالي خرج بالهيئة ديال الولد الزوين و انا تكييت فوق النموسية و الترخيت و هو واقف حتى نعست و من بعدها معقلت على والو حتى صبح الحال و رجعت الداكرة و عرفت بلي كان باغيني و لكن صبحت ناشطة و مروقة لبست حوايجي و هبطت ملقيتش صفاء و سيف الدين مشاو البحر عبير و ماماها كي طيبو
انا: صباح الخير
طاطاو عبير : صباح النور بالغزالة
انا: كين شي فطور
طاطا: هو لي كاين
عبير: شفتك فرحانة شنو السر الابتسامة
انا:هه والو عادي
عبير: اممم يكما شفتي شي بgوس البارح عند دوك الناس
انا: جمعت الضحكة و خنزرت حتى تخلعات و لات سيفتي كتبدل و جاوبت :لا
عبير: و بشوية مالكي غتكليني
معا هي كتقطع البصلة و هي الدخل فيديها بالموس
عبير:آآآي اوف ماما شوفي الدم
طاطا: اه اه على جرعة يا ربي السلامة اجي ندير ليك شوية الطحميرة اووف اهئ اهئ كتحرق شفتي عينيك ا رهان خايبين
انا: (بنظرة شيطانية )تستاهلي
عبير و طاطا: تصدمو
طاطا: ياك ا بنتي تستاهل ياك هي بحال ختك
انا: ههه ختي
طاطا: اه
انا: استهزءت 😒وجدي ..وجدي الفطور و انتي كملي تقطاع البصلة باركة من التبوحيط
الكل مصدوم من هاذ الهدرة مكنوش كي توقعو انها تهدر بديك الطريقة و هي من اطيب خلق الله و معمرها آدات شي حد بالكلام
عبير: ماما مال هاذي و لات هكدا
طاطا: (فخاطرها الله ابنتي منين جاك المس) والله معرفت بحالي بحالك صافي غي خلي عليك دي البصلة انا غنكملها
انا: بعد مامشيت الجردة فطرت و بقيت كنتمشا و انا حاسة بلي معايا شي حد وصلات وقيت الغدا جات ماما و بابا تغدينا كالعادة درنا القيلولة باش فالعشية معروضين عند سي عزيز لواحد الحفلة كبيرة بمناسبة عقد الشراكة لي دارها بينو و بين بابا ...

درت القيلولة و لكن هاد المرة طورات الوضعية ديالي و حيدت حوايجي عاد نعست دربتني الفيقة مع 5hو نضت باش نوجد راسي و شي حاجة كتقولي بقاي متمشيش و لكن كبحت هاد الرغبة وقاوتها و نضت هبطت عند ماما و بابا هما الاولين رغبتهم طلبتهم باش تمشي معايا صفاء و بالفعل مرفضوش الفكرة و نزلت كنقلب على صفاء لقيتها كتهضر مع شي حد ف tele و ستنيتها تا قطعات و قتليها غتمشي معايا و فرحات و نضنا كنوجدو انا لبست قفطان عصري فالبéج مع مكياج برونز و عملت شعري بوكلي اما صفاء جات غزالة للحضة حسيت براسي تعجبت بيها و لكن مكنتش انا كان عشق 😂متحكم فيا لبسات تكشيطة ماشي تقيلة فالموv و مكياج تقيل و سوبات شعرعها بحالي و رشينا من نفس العطر و نزلنا كان الكل واجد جا الشيفور دانا و صلنا لواحد القاعة كبيرة

وصلنا لواحد القاعة كبيرة بزااااف و كانت عامرة برجال الاعمال و سيداتهم و الشباب لي من عمري ولادهم و الموضفين كانت قاعة مجهزة بكل ميطيح فبالك و ااااحد البووفي قدها قداش بكل ما الذ و طاب و المشروبات كي تفرق على الانواع و الاشكال مع كانو حتى الاجانب تمة يعني مسموح بالشراب و ماشي اي شراب الانواع الفاخرة من النبيد و الموسيقى هادئة كتعم كل القاعة ماما و بابا مشاو عند عزيز و مراتو و معاهم مجموعة خرا و انا و صفاء مشينا وقفنا قدام واحد الطبلة مزينة بالورد و الشموع المعطرة برائحة العود الفاخر انا الصراحة قلبي كان مقبوووض عليا و خا طاح عليا واحد الجمال واحد السر غير طبيعي انا كنت عارفة سبابو و صفاء حداية كتنقز و عاجبها الحال و كتدور فعينها كي البيات ليبلها شي بgوص طيرو😂هه المهم شوية انا مستمتعة بالالحان و كنتمايل معاها حتى قرصاتني صفاء
انا:آآآي اويلي مالكي انت
صفاء:(الصدمة طاغيا على الوجه ديالها) اناري ميميتي شديني
انا:علاش مالك هدري
صفاء: مشي هذا التيتيز لي شفنا فالبحر
انا:بصدمة اا لا مشي هو غي شابه ليك
صفاء: و الله حتى هو بغى الدوخيني

انا: وليت كنشوف فعينيها النجوم خارجين قرباة تسخف ليا
هو الصراحة كان لابس كوستيم نواغ بالبابيون غووج مغانة السواتش و صباط كلاس ومطلع الشعرو الرطب و اللحية مقادة سبحان الله ومشاء الله (عندكو دربوه بالعين😂😂😂) المهم جا قتال كان واقف مع واحد الرباعة ديال الشلاهبية لي بحالو واحد ينسيك الاخر و شي بنات
صفاء: يلاه ندوزو من حداه باش يشوفنا
انا:بعصبية(والل

ه و مgلستي الارض حتى ترجعي دابا مع الشيفور )
صفاء:حرام عليك الزفتة و الله مالنا جاين gنازة غنبقاو غي انا و ياك شوفي انا راه بغا نتيتز و نخضر عويناتي و نعسل لساني
انا: انا هدرة معاك ريحي الارض و كولي
-عند بابا و عزيز
عزيز: اوا السي مصطفى مجبتيش معاك الدراري
الاب: راك عارف سيف و دعاء ماشي ديال هاذ الاجواء و رهان راها الهيه مع صحبتها
عزيز : آه مزيان منين جبتي الغزالة ديالي (كي حمااااق عليا ) هو يعيط
عزيز:رهاااااان رهاااان
ناري مع اسامة و صحابو كانوا قراب و سمعو عمي عزيز كي عيط
انا: تفو على نحس كي داير لاش معيط ليا لاش و انا قدو تفو تفو (الابتسامة صفراء ) الله ياخد الحق فلي كان سبابي فهاد المجية كي شير ليا باش نجي عندهوم
اما اسامة...

اما اسامة و صحابو صافي تفافاو كلشي بدا كي شوف فيا و انا جايا قدامهم و محملاش راسي بحال الى كندير ليهم عرض الازياء و صلت سلمت على مرات عمي عزيز واحد النسا خرين و صلت عند عمي عزيز الله ياربي الله غيعنقني
عزيز: اجي عندي الفنة ديالي كيدايرة ا عمو لباس عليك وخا عليك مجيتيش سلمتي عليا كون ما باباك لي قالي راك جيتي معاه gاع منشوفك
انا:هه لا هو الصراحة كنت باغا نجي غي شفتكوم كتناقشو مع بعضيتكم قلت مع راسي حتى تساليو باش منتطفلش عليكم
عزيز: تبارك الله على الصواب و الاداب و الزين و الحشمة و التربية الحسنة
عزيز : زين مربيتي و خرجتي اخويا مصطفى
بابا: اوا و شنو مشي بنت مصطفى الوالي هذي
انا: انا وافقة على الجمر و كنشوف ف صفاء لا تمشي تهور و دير ليا شي فضيحا و حسيت براسي تخنقت
انا: المهم انا نخليكم نمشي الحمامات
بابو عزيز :ok
مشيت كنجري لحمامات و هاذ شي كلو تحت انضار اسامة و صحابو لي مبقاوش معبرين لبنات لي حداهم
د خلت سديت عليا و بقيت كنتنفس بصعوووبة و كندوز الما على عنقي و حاسة براسي غنطرطق
فهاذ الاثناء كان اسامة خلا صحابو و بدى كي قلب عليا حتى طاح فالحمقة ديال صفاء
اسامة: اممم انيسة
صفاء:: تلفتات وهي تصعق ااا ا.. نعام وي شنو حب الخاطر
اسامة: سلام انيسة يمكن ايلا فات لينا طلاقينا ياك
هي: (دارت راسها معرفاتوش) لا معقلتش عليك امتا طلاقينا ؟
اسامة: انا هو .... و عاد دارت راسها عقلات و بدى كي هضر معها حتى سولها على رهان...

سولها على رهان فين هي
ومعرفاتش فين و بقاو تي تبادلو اطراف الحديث و اسامة بقى مشطون من بعد بدى كي قلب عليها هو و صفاء مخلاو فين قلبو حتى
صفاء: اسامة عييت بقات لينا بلاصة و حدة انشوف طواليطات ديال النسا
اسامة:واخة سيري شوفي انا حدى الباب كنتسناك
هبطات صفاء الحمامات و كتقلب و بالصدفة شافت رهان ناعسة و مجيبة لدنيا خبار تعجبت من داك المنضر لي شفت و قلت مع راسي اويلي هذي مالها ناعسة بقيت كنفيقها رهان رهان و هي تفيق
انا: اويلي فين انا
صفاء:اويلي ي رهان واش منيتك من صباح كنقلب عليك انا و اسامة
رهان: اسامممممة اويلي قلت ليك ابنت الحرام متقربيش ليه
صفاء: و لا اصحبتي راه هو لي جا هدر معايا و ملي شافك تعطلتي بدينا كنقلبو عليك علاين نص ساعة دبا
رهان: اويلي على نص ساعة يعني كثر و انا هنا و الله ا صفاء محسيت براسي و معرفت راسي كي نعست
صفاء : زيدي زيدي دبا نخرجو راه اسامة فالباب
انا:ا لا اويلي متقوليش ليه انا هنا سيري دبا خرجي و جريه قوليلو ملقيتهاش هنا و انا غنتبعكوم
صفاء: اك
اا... اسامة لا ر راه مكيناش هنا
اسامة : فين غتكون مشات مثلا

صفاء:معرفتش و لكن يلاه نقلبو فبلاصة خرا مربما تكون رجعات
جرات صفاء اسامة داتو و انا كي حسيت بيهم مشاو و قديت العكار و مسكارة و رشيت الريحة و خرجت درت راسي بحال الا جايا من الخرجة ديال باب القاعة هو شافني و هو يتفافا و صفاءء دارت راسها بحال الا عاد شافتني
صفاء : بقلق و يلي رهان فين كنتي ا صحبتي عينا منقلبو عليك انا و اسامة
انا: كنضحك بزز حيت محملاش نشوف فيه و لا فكمارتو لا هو ولا غيرو (ههه علاش ا حبيبة واش تواحد مبقى يخرج يشوف حبيبو)
ناري ناري دربة سداسية الابعاد بنضرة اتش دي 3D 😂من اسامة و صفاء بالصدمة(شكون هذا ويلي) قرصتها غي من التحت تجمع دلقوشها
صفاء :آآآآآه ههه اوا اصحبتي قولي هكاك و غي علمني بعدا
انا: ههه اوا احبيب راكي عارففة سفيان مكيعلم مكيشاور كي جي كي الرعد
صفاء: شكون سفيان
انا:قرصة اخرى بوتيرة مرتفعة و الحر ديالها عبرات عليه ب ..

ب آآآآه ويلي ي صحبتي بقوة التلفة تنسيت على سميتو هيهيهيهيهي المهم هه
انا درت عند اسامة هه اووه سمحلينا كيف داير لباس عليك
اسامة: (وجهو مكيتفسر) لباس الحمد لله شفتك جيتي مع باباك قلت نجي نسلم عليك
انا: مغسي بوكو سي جونتي
اسامة: المهم خليتكم انا مشيت عند صحابي الا بغيتو اجيو حتى نتوما
صفاء يلاه اتقول اه و انا نلقبها لا لا هاكا مرتاحين شكرا
مشى اسامة و انا نعطيه بالضهر و عقدت غباشتي مرة خرا تفو يخ على لسقة كي داير كونت غادي نقتلو كون مامشاش بحالو تفو
صفاء:تعجب مالك اختي على هادشي كامل علاش شنو دار ليك و انت يلاه عرفتيه حتى تكرهيه لهاذ الدرجة
انا:معرفتش مكنرتاحش ليه كي غددني
صفاء : هاذ شي غريب عندك الالة مفهمتش
انا :gاع لا تفهمي كليتي انا جاني الجوع
صفاء : خليتي ليا فين ناكل و انا من البداية ديال سهرة و انا كنقلب عليك و انت ضاربها ليا بنعسة فطواليطات الخانزة
انا: ههه و صافي سبحان لي يسها و لا ينام يلاه نكلو
مشينا جيهت البيفي و انا و صفاء كنهدرو و اسامة متبعني بعينيه مزولهومش عليا
صفاء: فمها عامر اجي نتي شكون سفيان
انا:ها!شكون سفيان ؟
صفاء: صدمة ياك عاد دب كنتي مع شي حد سميتو سفيان
انا: هههههه من نيتك تيقتي غي ختارعت فبالي هاذ السمية و قلتها باش نبرر الغياب ديالي قدام داك راس السطل ...

صفاء:امم هاكاك
انا: ههه حسيت بيك بحال الا متيقتيش
صفاء: هههه لا لا متيقاك حتى منكونش كنعرفك
مع حنى داخل النقاش كنسمعو ميكروفون
عزيز:سيداتي سادتي كنشكركم حيت حضرتو معنا اليوم من جميع المدن و بعض الدول كنوجه شكر خاص لصديقي و الشريك الجديد ديالي مصطفى الوالي و كلشي بدا كي صفق
انا و صفاء تصدمنا مي انا كانت عليا اكثر تأثيرا و هو يكمل
اليوم حنا فهاد الاحتفال على قبل عقد الشاركة لي عمللناها لمدة 12لسنة في مشروع جد ضخم على المستوى الوطني و العالمي لي كتضمن تعونا في تصدير افخر انواع الحرير و للاتواب الرفيعة
صافي انا مبقيت نقدر نتحمل الصدمة
كنتمنى تكون هاذ الشراكة خير على الاطراف المشاركة كنتمنا ليكم سهرة ممتعة و بداو تاني كي صفقو
انا:لا ميمكنش اه الهظرة لي قاليا عشق انهو الخير غيزيد يفيض على بابا من حيت لا يحتسب مشيت عند ماما و طلبتها باش نمشي لدار حيت عيت و صلات 2 ديال ليل و فعلا مرفضات و خلات شيفور بوصلنا و طريق كاملة و انا ساكت و مكنهدرش و صفاء كتمسجا مع شي حد عطاتو النمرة في الحفل و باينة فرحانة ...

المهم و صلنا لدار دخلت بلا من نهضر مع صفاء طلعت نيشان لبيتي حيدت عليا داكشي لي لابسة و مسحت المكياج و مشيت تخشيف ففراش و بقيت كنفكر حتى عيت و ترخييييت و كنحس بعشق كاين معايا و لكن معنديش القوة لي نتحرك الحاجة الوحيدة لي عرفتها و متأكدة منها انا gاع لي قريت فالانترنيت على الجن العاشق بصح و خاصني نلقا حل و لكن معرفتش حيت هادشي مسيطر عليا
صفاء: دخلنا لدار و انا باقا كنهضر مع مجد ؛ مجد صاحب اسامة كان معاه و ملي شافني محيدتش عينيه عليا و جا طلب مني النمرة بكل احترام و لكن لي شاغل بالي هو كيفاش رهان ملي جات هنا و تصرفتها غريبة و ممفهوماش و قررت كي يصبح الصباح انقولها لماما نعست بعد مقريت المعودات و آية الكرسي ..

صباح يوم جديد يحمل في طياته احداث مفاجئة
فقت الصباح و انا كلي منهكة و متعوبة بحال الا كنت فالحرب العالمية 3 دخلت الحمام باش ندوش و نحيد عليا العيا حتى كنتفاجى بكدمات زرقة في بعض المناطق من الجسم ديالي تخلعت و لكن انا عارف سباب هادشي و حاولت نتفادى بزاف ديال الحوايج باش عشق يفوتني و ليت مكنشوفش فالمراية بزاااف مبقيتش كنتعرى مبقيتش كندير الريحة و المكياج و مع ذالك فينما نخرج القبول عليا بجهد كنسطي بنادم و مع انا عويناتي زهريين كتحس بيهم بحال الا كي ضحكو معاك :::::: نمشيو عند صفاء ::::::
فقت الصباح و انا كلي حيوية و نشاط و خصوصا ملي لقيت مساج ديال مجد مكتوب فيه صباح الورد لاجمل وردة (عنيبة لاخور😂😂) هه المهم فقت مروقة عالاآآآخر هه لبست و هبطت عند ماما لقيتها هي و عبير و دعاء و سيف الدين و رهان كي فطرو فالكوزينة صبحت عليهم و gلست
عبير: اوا الالة نتوما لي جات معاكم مشيتو تفطحتو
اتا: حتى نتي مشي شي حاجة
صفاء: لاواه لاوااااه هداكشي كامل مشي شي حاجة
عبير: خليها انا عارفها مبيعجبها العجب و لا صيام رجب
و كاملين فدقة:ههههههههه
انا: و االله الا انت علام و الله
عبير: so لي بغات تنزل للبحر تنوض تجمع الوقفة ليوما راه صابح واح مولاي الصهد الله يلطف و صافي let's go
انا: اه و سينوني
عبير:ok honey
.....
يلاه ا صفاء واش مغداش
صفاء: اا اا غي سيرو حتى نلحق عليكم
انا: و علاش
صفاء : اا اه غي نقلب على واحد الدو بيس تالفين ليا
انا: اك المهم الا ملقيتيهش طلعي خودي شي واحد من بيتي
صفاء: اك حبي...

بير: اوا يلاه واش غنgلسو هنا
انا: هني جايا
خرجو البنات و انا بقيت مترددة واش نعاود لماما و لا لا فالاخير قررت نعاود ليها
انا صفاء: اا اا ماما
عائشة: من صباح و انت شاداها فمك شنو مخبية
انا: (الصدمة )كيفاش عرفتي !!
عائشة: وقيلة انا ماماكم و عارفة الكبيرة و الصغيرة على حركاتكم وسكناتكم يلاه هدري شنو?
انا: ناري يماما معرفت منين نبدا ليك
عائشة:لا لا دب خلعتيني شنو كاين يكما طرات ليك شي حاجة
انا: الا اماما برا و الباس عليا
عائشة(علامات الاستفهام فوجها)
انا: المهم اماما و ليت كنحس بلي رهان اا رهان فيها شي حاجة مشي هي هديك
عائشة(فراسها لي فبالنا) :شنو بيها شنو طاري ليها يكما تفلى عليها شي حد؟
انا: و لا اماما مالكي كتزربي سمعي ......
وعودات المها كلشي حتى من المواقف لي كانت كدخل البيت و كتلقاها فيهم
عائشة : انا عارفة هادشي
انا: اا و لكن اا .. بلاتي كفااااااش عارفة ؟
عائشة : حتى انا واحد النهار جات طفات ليا المسجلة بالقرآن و ملي قلتيلي بلي لقات الحنة تأكدت 100%100
انا:كنبكي ناري اماما و شنو انديرو
عائشة: غنعلمو مها و باها
انا: آه احسن حل

عائشة: المهم نزلي دبا البحر عندهم بيدما نوجد الغدا و تقولي ل عبير و الو راه كتموت بالخلعة من سيرة المس
انا: واخة ا ماما 😙 ::::نرجعو عند عبير و
رهان:::::
هني جيت
انارهان:على السلامة عاد و لا شنو
صفاء: يلاه لقيتو قلبت عليه البليزة كاملة
انا: و قتليك لبسي شي حاجة من عندي راسك قاصح يختي
صفاء: صافي هانية اصلا كانت شهوتي هو لي لبس اليوم
انا: على خاطرك
المهم داز نهار زوين و غزال دوزناه بين الدار و البحر و صلات 10h ديال اليل ...

وصلات 10hدبال اليل جات ماما و بابا من عند عزيز و بقينا gالسين مجمعين و كناكلو حلويات باردين و تفرجنا وضحكنا المهم حتى لديك 1:45 ليلا انا عييت حيت النهار كامل و حنا فالبحر طلعت نعست و دادا عائشة طلعات تنعس سيف و دعاء البنات حتى هما بقات غير ماما و بابا كيترومانساو هههه (شريرة) المهم هبطات دادا عائشة عند ماما و بابا باش تخبرهم شنو الحالة لي وليت فيها
عائشة: و لدي مصطفى
مصطفى: نعععاااام لالة عائشة؟
عائشة: بغيت اولدي نقوليك شي حاجة على بنتك رهان و ضروري تعرفها
مصطفى:خبار الخير ياك لباس خلعتيني
حفيظة: اويلي مال بنتي اشنو طاري ليها😢😱
مصطفى: شوشو ا حفيظة خلينا نعرفو اشنو كاين
عائشة : المهم كنضن بلي لاحضتو كيفاش رهان و لات كتصرف
حفيظة: اه اه مالها اشنو كاين يكما تفلا ع..
مصطفى : حفيظة قلت ليك سكتي خليها تهضر كملي الالة عائشة اشنو كاين؟
عائشة: نهار دفعاتك ا لالة حفيضة و جات واحد نهار طفات ليا القرآن و صفاء و لات كتشوف عليا تصرفات غريبة
مصطفى: شنو كيعني هاذ شي ؟
حفيظة: اويلي المس امصطفى 😲😲 بنتنا صايبها المس
عائشة: اه اولدي حالة المس
مصطفى: اعوذ بالله منين جاها المس إذن خاصها مرقي
عائشة: اه خاصفا فقيه صحيح لأن فيها حالة الجن العاشق
حفيظة: أويلي اويلي اويلي على بنتي الله يارب الله منين جاها هاذ شي
مصطفى: غدا غنجيبوه ليها و غنعيط على عزيز و أسامة باش يشدوها معانا حتى يصرعها
حفيظة:عاااافاك ا مصطفى عتق ليا بنتي
مصطفى:صافي الرتاح حبيبة غدا انخرجوه منها

مصطفى : متقولي للبنات والو باش ميحسسوها بوالو
عائشة : و لكن رآه صفاء فراسها
و علاش قلتيها ليها؟
لا راه هي لي اصلن قالتها ليا و انا حييت كنت شاكا اكدات ليا شكوكي و جيت علمتكم نيشان
مصطفى: المهم متخليش صفاء تحسسها
عائشة:كون هاني اولدي
صبح صباح جديد فيه بزاااف ديال المفاجأت
مصطفى: الو عزيز يمكن تجي انت و أسامة لعندنا ضروري ( عاود ليه و عزيز مرفضش و جاب أسامة و عاود ليه و جابو فقيه)
""طينطون "" الصونيط ديال الفيلا
عائشة: مرحبا بيكم دخلوا
مصطفى و حفيظة : سمحوا لينا دخلناكم معنا فهاذ الروينة
عزيز:متقولش هكا راه حنا خوت قبل منكونو شركاء العمل المهم هاهو الفقيه احسن مرقي فالشمال
سلام و عليكم فينهيا الشابة
الاب: ناعسة
المرقي: مزيان خليوها بيدما طلقنا العود و القرآن فالدار كاملة
وخا اجي اولدي عاوني (اسامة):وخا
من بعد ما مكملة توجاد وطلقو القرآن فاقت رهان والكل لي فدار على صوت القرآن و هي كتغوت
عائشة: ياك قتليك القران متلقيهش مع طليت من الدروج و انا نهرب لبيتي و سديت عليا بسوارت
مصطفى: رهان حلي حنا عرفنا شنو عندك
رهان:(صوت رجل) واااااااع طفيييييييييو القرأن
اسامة: حيد اعمي انهرس الباب بقا حتى هرسو
و دخل المرقي و اسامة و باها و عزيز و المرقي كي قرا طاحت كلها عواجت
المرقي: علاش دخلتي علاش
عاشق: هي لي دخلاتني
المرقي: اشنو بغيتي منها
عاشق:اااااااع( وكتبكي) هي لي جعراتني هي لي جبداتني و عذباتني و انا دبا انعدبها
و بدا المرقي كي قرا ايات كتقيص الوثر الحساس عند الجن و كي رش عليها الماء ديال القران بحال الا كيرش العافية
المرقي: اخرج منها و ارجع الا عالمك
عاشق: منقدرش ااااععع اهئ اهى انا محبووووس محبوس
المرقي: خرج بلا متخليني نعدبك كثر
عاشق: انخرج انخرج اععع ولكن منقدرش اععع انا محبوس
و بدا كي قرا القران و اسامة شادها هو و مصطفى كتركل و عزيز كي شوف ومها و لبنات لتحت مخلوعين
المرقي: غادي نعدبك و كي رش ماء القرآن
عاشق: انا محبوس انا محبوس
المرقي: اتخرج خرج بلا متعدبها كثر هي مدارت ليك والو
عاشق: وههه هيا لي جبداتني هيا لي خوات عليا الزهر هيا اععع
المرقي: حتى دبا براكة عليك و رجع فين كنتي
عاشق: انا من هنا شحال و مغنخليهاش تشوف شي حد من غيري انا هي مراتي و انا مزوج بيها
المرقي: دبا غنخليك طلب الشرع و بدا كي قرا قرا قرا حتى صافي عيا
عاشق: غنخرج غنخرج صافي انا انخرج من رجليها
المرقي: مغتعاودش ترجع و غتخرج من كرشها
عاشق: لا لا اعععع اعع لا من رجليها
المرقي: الا اديتها غدي نأدييك
عاشق: اداتني هي بزااااف هي لي جبداتني
المرقي: حتى دبا غدي تخرج كي دخلتي و بدا كي قرا حتى طاحت سخفات و غيبات

سخفات
المرقي: الحمد لله على سلامتها خرج منها داكشي ملي تفيق دخلوها الحمام و عطيوها تشرب من ماء القران و من بعد طلقو العود و العرعار فالدار و مسجلة القران ديما و الحمد لله على سلامتها
مصطفى: لهلا يخطيك الشريف و الله خيرك منساه
المرقي: الله اودي هاذا واجب علينا
عزيز: شكرا الشريف خيرك منساوه و جبد مصطفى شيك فيه 2 ديال المليون كي شافو الرجل تخلع
المرقي: بزااااف عليا
مصطفى: لا هذا حقك انت تعبتي معانا و هذا تستاحقو
المرقي: الله يكتر خيركم و يزيد من فضلكم و الا حتاجيتوني هذا الرقم ديالي و عنوان السكن
مصطفى و عزيز: شكرا بزااااف
و داكشي لي كان كلشي ساق الخبار و اسامة عرف بلي رهان مكانتش طبيعية و هنا اتبدا قيصتهم هما بزوج

من بعد مفقت حسيييت براسي متحررة و خا معقلت على والو هما لي عاودو ليا و بقيت كنطلب منهم السماحة و ليت كنصلي و ديما القران قبل منعس و كيبخرو الدار بقينا من موراها بشي 15 اليوم و سلينا التخيم و رجعنا المعتاد و لكن احداث كثيرة غتبدا {بعد مرور شهر}
انا: صباح النور
الكل : صباح الزين
انا: سليتو الفطور
الام : انا يلاه فقت و الخدما فوق راسي يلاه تمشي معايا البوتيك اليوم ا رهان البنات كي سولوني ديما عليك
انا: اه اه اصلن حتى انا توحشتهم
فطرنا و هبطنا البوتيك انا و ماما شفت البنات تما مع انا عزييزة عليهم جمعت معاهم شوية حتى جات لسوكغطيغ ديال ماما
هي: رهان حبيبة ماماك بغاتك
انا: انا انمشي نشوفها ميرسي هناء
انا: صوفيا انا راجعة ( صوفيا بنت خدامة فالبوتيك و هي المسؤولة على المجوهرات )
صوفيا: اك جو طاطون
انا: ماما ماما قالت لي هناء بلي بغيتيني
ماما: اه احبيبة بغيت نقوليك و جدي راسك عائلة عمك عزيز غيجيو يتعشاو معانا
رهان: ماما و انا شنو؟
ماما: و صافي بلا كثرة اسئلة
انا: ااووووووف واخا
ماما: اوا راكي عارفة
اناو ماما فدقة: قانون العائلة هو القانون و طلقناها بضحكة صراحة حسسيت براسي تحررت من المس ليكان صايبني و عايشة مرتاحة vraiment العالم الاخر بوحدو و مغيحس بيا غير لي عاشت نفس الحالة ديالي
المهم مشينا انا و ماما شفت صفاء و عبير
Les filles bonsoir وقيلة عارفين شنو ياليوم
هما: اه غيجي داك البقووووص لي مكتحمليش
انا: و يييه تفو معنديش معاه
علير: no way his so cute ana handsome bayb and غزال و كي حمق و لباس عليه و لد عائلة معرووفة
صفاء: ياااي تشوك رومنتيك( متدييوش عليها راه متبعة المسلسلات التركية😂😂😂 و لي مفهماتش راه هي رومانسي بزااف )
انا: محامين عليا يخ قاليك خواتاتي الله يخويلي انا جناب
هما: ههههههه
انا: هههههه المهم انا طالعة نوجد راسي راكم عارفين البرستيج د ماما
عبير و صفاء :ok

طلعت لبيتي و دخلت عملت دوش سخون حيت بدا كي برد الحال و طلقت فيه العطور وحدايا الند و ترخيت شي 30دقيقة من بعد خرجت صاوبت شعري و ختاربت فستان فالابيض كالثلج و عملت مكياج واتاني اوا هاني سمعتهم جاو بديت نتسخط ونطخط عليهم و كندير ليبيجو و رشيت الريحة
مصطفى: مرحبا بخويا عزيز
عزيز: ترحب بيك الجنة اخويا زمان مشفتك من التخيم
مصطفى: اه راك عارف مجموعة شركات الوالي وليداتي منسليش نقعد معاهم
حفيضة: اوا توحشناك اللالة فين غبرتي
لالة: راكي عارفة غير ميلانو و الله الا محمقاني كل شهر كنطلع نشوف الجديد
حفيضة: اه حقا فكرتيني دوزي دوزي غدا البوتيك عندي ليك الجديد و الذوق لي جي ليك على دماغك
و انا غالسة فالدروج كنشوووف فيهم اوف الحمد لله مجاش داك الويل اويلي ارهان شنو صرا ليك و الله حتى حماقيت انا
مصطفى: اوا الصفقة الاخرة لي عملنها مع الانجليز صدقات اخويا
عزيز: اه و الله الا زعما قلت gاع مغدي تصدق حيت اسااامة لي وقف على راس الشغل هاذ المرة
مصطفى: لا لا اسامة الله يرضي عليه قاد بشغلو
عزيز: غير شوية و كان اوا فين دراري
مصطفى: رهان هاهيا هابطة و دعاء و سيف راهم خارجين قاليك بغاو يمشيو البارك راه سيفطتهم مع صفاء و عبير بنات لالة عائشة
عويز: اه اوا مزيان
حفيضة: رهان هبطي راه الناس كي سولو عليك
انا: واش غيخطبوني تفو شغيديرو بيا ؟
خفيضة: قتليك غاتهبطي و لا غنجي ليك بشي قرصة من الفخاض (هههه صراحة حسيت بالحر ديالها قبل متقرصني)
انا: لا ها العار انا هابطة
مماما: هيا الاولى يلاه دبا تبعيني
رهان: تنgر واو و تفو و علاش جيتو يخ
مع انا هابطة مع الباب صونا
انا: ههه سلام انا غنحل الباب يلاه غدا كنحل الباب و انا نتشوكا تفوووو على كمارة هذا لاش جاي
اسامة: اهلن رهان صافا
انا: هه اه و انت
اسامة: لباس واش انبقا واقف هنا فالباب
انا: هه لا لا ديزولي دخل
اسامة : بتسم ليا ميرسي رهان الزوينة
انا(فخاطري): الله يعطيك الزينة و ام السواكن يدربوك ههه( مرحبا دخل )
مصطفى: اهلن اهلن و لدي اسامة لباس اولدي
اسامة : الحمد لله اعمي كلشي بيخير
حفيضة: كيف عامل اولدي لباس عليك غبرتي
اسامة: ههه و الله اخلتي غيى الخدمة راكي عارفة
حغبضة : اه بصح اوليدي
مصطفى : اوا يلاه اسيادنا العشاء واجد كنا كنتسناوك اسي اسامة
انا: تسناه ام الصبيان انشاء الله ☝
مشينا نتعشاو و انا غالسة حدى ماما دايرة ليا كي العسكري ضحكي هضري كولي طلقي ديك الغباشة
وداك بو ركابي غالس قدامي و غادي ياكلني بعينيه حتى تخيلت انني شيرت عليه بفورشطة العين وجبدها وتجبدات عينيه معاها و انا كنضحك😂😄
ههههه تبا لخيالي المليىء بالاكشن

كملنا و كلينا الحلوة و ناض بابا و عمي عزيز دخلو المكتب باش يتناقشو فالشراكة ديالهم بعد ما جات عبير و صفاء و جابو دراري و انا غالسة مع خت اسامة دريييفة بزاف و قليلة الكلام و استفدنا من بعضياتنا مازن وشادي حتاهما كانو غير حضرهوم قليل فالكلام كتلاحظ بلي خالقين علامهم بوحدهم عجبني انسجامهم مع بعض و الرابط لقوي لي بيناتهم واسامة عزيز عليه سيف و دعاء كي لعب معاهم حتى شوية كنحس براسي عيييت مبقيت قادرة نgلس عتاظرت منهم و طلعت لبيتي و بقات صفاء مع البنت و اسامة كي شافني نضت و هو ينوض
اسامة: عفاك صفاء الحمامات فينهما
صفاء: اه طلع فالدروج الباب الثاني على يدك الشمال
اسامة: ميرسي صفاء ( هو غير بلعاني باش يتبع رهان )
انا: يلا طلعت حيت صباط فالدروج و انا نخرج فاسامة
انا: شنو كدير هنا
اسامة: كنت كنقلب على الحمام
انا: من الجهة لخرى يلاه بسلامة
اسامة: اجي بلاتي فين غدا
انا: طلق من يدي ويلي حماقيتي شنو هاذ قلة الحياء
اسامة : الا شديتك من دراعك وليت قليل الحياء
انا: طلق من يديي و لا غنوريك
اسامة: ههههه اشنو اتوريني كثر من هاد شي لي قدامي
انا: ناري طلعت معايا تبوريشا منين طلعني و هبطني اا اا و غير طلق و غنتفاهمو
اسامة : لا
انا: طلق بديت كنتركل ليه و هو يدورني و لوا ليا يدي بيد و سد ليا فمي بيد وحدا اخرى
ايامة: شفتي الا مقلتليش فين بيتك انهبط نقوليهم بغيت نتزوجها
انا: طرطقت عيني ناري ويلي هذا تسطى و كنتركل ليه
اسامة: مبغيتيش انا هابط و شوفي باباك واش ايقول لا على هاذ الزواج
انا: بصراحة عارفة بابا و مكيرفض طلب لعزيز صاحبو انتيم والا مشى بابا حتى عطا الكلمة يقدر ادوز فيا انا
صافي هاهو و كنشير ليه على البيت
و دفعني و زاد بيا حتى..
حتى دخلني البيت و زدح الباب و وسورتو
انا: واش حماقيتي انت تسطيتي اويلي شنو تحساب راسك
اسامة: شوششوشوشو
انا:شعل الضو انا كنخاف من ضلام
اسانة:و انت معايا معندك مناش تخافي
انا:لا انت حمق بصح و مقطع الوراق
اسامة: انت سبابي انت حمقتيني
انا:شكتقول اويلي على فين كنعرفك انا واش محشش انا غنهبط فحالي يلاه غندور و هو يشدني
وزيرني مع الحيط حتى بقات بيني و بينو 3سونتيم مكملاش طاح الصباط من يدي
اسامة:علاش كتهربي مني و انت عارفني كنبغيك من اول نهار شفتك فيه فالبحر و انا كنفكر فيك شنو درتيلي عمري كامل و انا مع البنات عمري حسيت بهادشي لي كنحس من جيهتك بيه
انا:لاو ل مرة انكون قريبة لهاد الدرجة بشي ولد دربتني اللقوة و تشلت الحركة ديالي مقدرتش نتحرك بحال الا زمان وقف و سكت و بقات غير دقات قلبي كي تسمعو بجهد كانت اول مرة انحس بداك الاحساس بصراحة انا كيعجبني و لكن كيجيني تقيل على قلبي و لكن من مورا هاد الديكور و ليت كنحس بحساس اخر
اسامة: رهان قيصي قلبي❤
انا: جاتني الفوقة ويلي مقلتش ليكم فيا قعيدة الا كدبت تجيني و الا شفت شي حاجة مشي تاللهيه تجيني المهم اليوما اتفضحني
المهم اليوم اتفضحني هز ليا يدي و حطها فوق قلبو ناري واش عرفتو داير العدو الريفي و هو واقف حدايا😂 و انا النفس تقطعات فيا مقدرت نهدر تبنجت و هو يبوس ليا نيفي و انا نشهق
اسامة:متخافيش انا منقربش ليك الا بخاطرك غير بغيتك تعرفي باش كنحس و من اليوم انتي ديالي و الا شفت شي واحد حداك انصفيها ليه و الا انت درتي البسالة راكي عارفة الزواج ينادي😙 و بعد عليا و عطاني بوسا فالهوا و مشا و خلاني الا منكدب بقيت شي ساعتين و انا على ديك الحالة سمقلني بو ركابي💪
عاد نضت لعنت الشيطان و توضيت صليت و قريت القران عاد نعست
داز الوقت و بدات عاوتني لفاك بدا كيبرد الحال اما صفاء معوتش ليها هاذ شي حيت اتبقى شادة فيا هي و عبير و لا السيد خيطي بيطي عليا و ديما نتخبا عليه و ندير ليه السبة حتى طساطحت معاه فاس ا فاس اوا فكها يامن و حلتيها 😂
انا: هه اهلن لباس عليك
اسامة: كتخباي عليا اليوما غنفاجئك بشي غيعجبك و انت لجنيتيه على راسك و جدي راسك العشية

الأجزاء الثانية ⇐