القائمة الرئيسية

الصفحات

هل أخطأت الاختيار ؟

قصة بعنوان هل أخطأت الاختيار ؟

هاواحد سلام عليكم✋ غبرت عليكم و توحشتكم مهم قبل من بدا جيت نكوليكم جيت ندير واحد غربال خفيف ضريف غيبدا من هذه القصة يعني لملقيتهاش هنا غير توداع لاپاج فمرة وهاني كنعلمكم😉.
.
.
.
.
.
تحت طلب العديد من متتبعات بغاو الجديد هاني رجعت تاني ومعايا هاااااح واحد مولاتي قصة طبعا بلاما نشكر ليكم القصة راكم كولكم عارفن غاتكون شي حاجة طوب ونستاهل
محتواها جماعة كل من  #دراما #كوميديا #الغموض لي غايخص البطلة ديالنا بالدرجة الاولى


 كان جالس وشاد فيدو الكتاب...... الكتاب اللي سماه حياتو وعشقو لما لا وهو الكتاب اللي كايشهد على حبو من محبوبتو ،من حياتو اللي كل حرف من هاد الكتاب كايشهد على مقدار حبها ليه هو متاكد من هادشي رغم انه لحد الان باقي ماقرا حتى صفحة منو حيت بكل بساطة الى قراه,فبحال غايتقبل الامر الواقع ،مابغاهاش تكون ذكرى فحياتو ،كان متمني تكون دبا معاه باقي ماشبع منها ، واش يتيق قلبو ولا يقنع راسو بداكشي اللي شاف ، باقي ماتقبلش واش صافي مشا كاع داك الحب و خلاتو يكمل المشوار بوحدو ........اه لو كان يرجع بيا الزمان شحال من حاجة نبدلها ،ماكانش خاصني نخيرها، كان خاصني نوقف معاها........كانت غاتبدل شحال من حاجة ،هادشي قالو مابينو وبين راسو وهو كايشوف كتاب حبيبتو اللي كانت ديما كاتكتب فيه على المشاعر ديالها من نهار عقلات على راسها كان ديما كايتفكر فاش كانت كاتقوليه(دقان في الباب) دخل ..... الخدامة:سيدي الاء وعلاء مابغاوش يسكتو من البكا عيت معاهم ووالو .........:(تنهيدة خارجة من اعماق قلبو )واخا انا جاي فين مشات الواليدة
الخدامة:خرجات تسخر اسيدي ....خرجات وناض تبعها مشا لبيت ولادو الاء وعلاء توأم طرف من حبيبتو اللي مشات وخلات ليه باش يتفكرها بحالا قالت ليه مانخليكش تنساني وخا هي ماعارفاش باللي هو مايقدرش ينسا حياتو بقا كايشوف فيهم الاء كاتشبه بزاف ليها شهبا وعويناتها زويونين ماشي بحالو في اللون وباينا غاتخرج فيها تاحراميات بحال مها اما علاء فخرج ليه ماخدا من مو والو ، كيفاش يقدر يربيهم بلا بيها كان ديما كايتسنا نهار يكون عندو ولاد من محبوبتو ولكن ماشي وهي غايبا عليه ماحس براسو حتى تحطات عليه يد على كتفو وشكون من غيرها نبع الحنان اللي وقفات فجنبو لما لا وهو الفرحة الوحيدة اللي عاشت على قبلها ماعمرو ماخسر ليها كان نعم الابن كان كلشي بالنسبة ليها كايبقا فيها الحال ملي كاتشوفو بحال هكاك وكاتقول واش يستاهل هادشي اللي وقع ليه علاش اسيدي ربي علاش ولدي هو مادار والو علاش ديما كيتاادى حتى فرح ورجع حزن استغفر الله حنا راضيين بقدرك اربي الله يشوف من حالنا،تلفت ليها،
..........صباح الخير الواليدة مابغاوش يسكتو حتى هما حاسين بيا ياك هما عارفين باللي مهم ماكايناش مشات وخلاتنا علاش مشات علاش , انا ماكنتش نخليها (كايهدر وكايبكي روحو كاتحرق اش يدير واش مايديرش فترة صعيبة كايعيشها ويلاه كايبداها)عنق مو كايقلب على الحنان باغي يطفي النار اللي شاعلا فيه ...........اه الواليدة قلبي محروق محروق بزاف😣😣😣
.

  محروق بزاف😣😣😣
الام(مينة):هدا قدر الله أوليدي ماعندنا مانديرو،الله يجعل محبتها صبر،سير تفطر أوليدي الله يسهل عليك انا غانعطيهم الرضاعة ونتبعك
باس ولادو وخرج ......


#بعد مرور شهر.............. حياتو هي هي باقي عندو امل وخا عارفو مستحيل وغير كايبرد على راسو بيه ولكن هو اللي كايخليه يزيد يعيش......كايخليه يزيد يتشبت بالحياة.#وهل_هناك_حياة_بلا_أمل
كان راجع من الخدمة دخل الدار ومشا يطل على ولاد اللي ولا فعمرهم عامين وشهر لقاهم كايلعبو ويضحكو مابيناتهم بحالا واحد كايصبر راسو متفاهمين مع بعضياتهم بزاف يبكيو دقا وحدا ويضحكو دقا وحدة لحاجة الوحيدة اللي كاتخليه يضحك وينسا راسو. مشا هز الاء اللي من دخل وهي كاضور فدوك لعوينات الخضريين عندها هههه كان عارفها غاتشبه لمها فكلشي شحال كان يتمنى لو تعيش معاه هاد اللحضات ولكن شحال من حاجة كانتمناوها والقدر كايضحك علينا كايقول لينا غايوقع داكشي اللي مكتوب ليكم وصافي هزها وكايضحك معاها وهي مخشيا فيه كاتقلي السم لخوها اللي عيا يكابر وهو يطلق زواكتو........ لحاجة اللي كايختالفو فيها هي حبهم لاب ديالهم وغيرتهم عليه بحالا كل واحد كايقول الاخر انا بابا كايبغيني كتر منك بقا كايضحك على حال ولادو ناض هزو ولا هازهم بجوج ويضحك معاهم هادي هي حالتو من بعد موت مراتو اللي ماتت على قولتو بسبابو.علاش كايقول هاد الكلام واش فعلا هي ماتت بسبابو ؟شنو غايكون دار ليها؟من بعد ونعرفو😊
حط ولادو وخلاهم يلعبو ومشا لبيتو دوش وبدل حوايجو وصلى صلاتو كان ماكايصليش ولكن بسبابها ولى كايصلي هز عينو فكتاب حبيبتو واش جا لوقت اللي يتقبل موتها واش يعرف اش كانت كاتبا حبيبتو او بالاحرى يروي شوقو بحب حبيبتو وخا ماشي بحال ولكن هي اللي كاتباهم واش يقدر يزعم شحال من حاجة ماكانش باغي يعرفها نهار كانو كايدابزو نهار ضربها نهار تقلق عليها نهار جرحها واش تكون كتبات حتى هادشي عنداك تكون كرهاتني لا مايمكنش هي كانت كاتبغيني لا هي كاتعشقني زعمة تكون كتبات على مشاعرها واحاسيسها فدوك اللحضات نكون شي مرة جرحتها واديتها بلا مانحس وماقالتهاش ليا وخا عارفها ماكاتسكتش وكاترد حقها هههههه على الايام نهار كانت كاترد ليا الصرف حمقة والله هههه ،مشا بالو لداك النهار اللي
...........:صباح الخير يا أجمل
مارأت عيناي 


..:صباح لخير أنزار قباني
..........:مال الزين مقلق وشكون هاد اللي قلقو نمشي دبا نحرو
..........:على هاد لحساب الله يرحمك
...........:واحبيبة والله مالخاطري ،راه غير لخدمة مزيرة وصافي وهاديك الصفقة كانت مهمة ،مي ضروري نعوض حبيبتي
.........:هداك راه عيد ميلادي ،نهار اللي تزاديت فيه، ماكايتعوضش،كنت بغيتك تكون معايا ماشي مخليني ونتا جالس ليا مع les hommes d'affaires وانا يسوطني لبرد مي سر مي انا اللي دايرا ليك surprise فبلاصة مانتا ديرها ليا😠
.........:عارف والله حتا عارف ولكن راه ماشي لخاطري واصافي فكيها،واش غانبقاو بحال هكا واصافي،واديري ليا شي ضحيكة نطلعو بيها النهار
........:دروج انا غاطلع بيا النهار....(ضحكة صفرا)مزيان دبا
...........:احح هلى حبي وشحال كانموت عليه(باسها بوسة حارة فمها وخرج)
.........:سير أحبيبي لهلا يوريك اش درت ليك باش تعلم تنسا ليا عيد ميلادي هاهاها الله يوفقك 😆😆😆😆،اليوم يصليو عليا مافيهاش ههههههه مي مت هانية في سبيل الإنتقام😂😂😂.


#العودة إلى الحاضر#
هز كتاب مشا تكا فوق الناموسية وقال بسم الله شحال من حاجة غايعرف على محبوبتو........ واش غايندم ولا لا ن......خليو الوقت هو اللي يحكم
اول صفحة ،اول حرف ،كان مع اول دمعة ،كايحسها معاه كايتفكر نهار كان كايجي ويلقاها كاتكتب وخا يكحب ويضرب حتى لغدا هي ماكايناش هنا كاتنسا راسها حتى كاتوصل داكشي اللي بغات عاد كاتلفت ليه ،بسباب هاد الكتاب شحال من نهار غوت عليها وتقلق منها كان كايغير من كتاب اللي ولا دبا هو املو باش يحس بمحبوبتو حداه،(تنهد)و بدا كايقرا اش كاتبا: "دبا عندي 20عام كانقرا فكليه العلوم القانونية والاقتصادية والاجتماعية بالرباط السويسي العام التاني ،هاد العام ان شاء الله عنديdeug دايرا اقتصاد من بعد ماكنت باك PC وبالطبع ماتقبلت فحتا كونكور وخا دوزتهم كولهم كيف كانقولو ماخليت لاحاحة ولا ملاحة مي وخا هكاك شوية بشوية وليت كانبغي اش كانقرا خصوصا الكونطا اللي عجباتني بزاف😄😄
قلب الصفحة التانية مالقا فيها والو تفكر داك النهار
دخل من الخدمة لقاها جالسا وكاتفرج طاح عليه لعجب قليل فين كايلقاها هاكا حنحن حيت السيدة حالا فمها في البطل وماشي شي زين انا حسن منو🙄🙄 تلفتات ليه ومشات باستو ففمو بوسة حارة مع تعنيقة وتوحشتك استقبال اللي من نهار تزوجو وهي كاتسقبلو بهاد الطريقة كايعجبو لحال بحال هكا حتى ولى باغي غير امتا يجي الوقت باش يرجع الدار وغير يدخل وترما عليه هادشي الى ماكانتكش كاتكتب وخا كاتعنقو ولكن حتى كاتكمل وهادشي ماكايعجبوش ولكن اش يدير هوايتها وهو خاصو يحتارمها ويدعمها ويعطيها لخصوصية ماعمرو سولها اش كاتكتب حيت هي صفحة بيضة بالنسبة ليه وماعمرها خبات عليه شي حاجة كاتخص حياتها وهي ضحات على قبلو داكشي علاش مامنحقوش يعاتب ولا يتقلق ............. نحط ليك لعشا
شاف فيها وهو هايم فيها لا مابغيتش ،بغيت ناكلك (كايهرها)
..........ههههههه وحبس واحبس ههههعع وعفاك 😂😂😂
.......... ........اجي قولي ليا مات شي يهودي ليوم 😅ماهازاش كتابك كيف طرا وجرا
............كاتقلب على خلا عشتك لا وزايدون ليوما ماكايناش شي حاجة اللي نكتبها مهمة داكشي علاش كانخلي صفحة خاوية معنيتها باللي ماكاين مايتكتب وماتبقاش ضحك على كتابي😑
....... هههه واخا الالة قلتي ليا مالقيتي ماتكتبي اش بان 


... هههه واخا الالة قلتي ليا مالقيتي ماتكتبي اش بان ليك نديرو اللي يخليك تكتبي و فرحانة كاع😉😉
..........نوض تgعد راه ماماك عارضانا لعشا ولا نسيتي (مشات وخلاتو)
....... ...... وراه قلتيها عارضا علينا لعشا دبا يالاه 17hوغير شي طريح والمسخوطة غاتلعنك الملائكةوماتمشيش الجنة وانا غانبقا بوحدي تما ونشوف ليا شي حور العين تكون قوقة (لا رد)اش قلتي وغير اجي يهديك الله وا ريم وافينك ريم (فين مشات هادي)وغير اجي راه غير كانضحك معاك طلع لبيتهم وحل لباب وتحل فمو على داكشي اللي شاف.....
#العودة الى الحاضر#
قلب الصفحة التالتة و هنا غاتبدا قصتنا......


   

 

تعليقات

🔴 ممنوع قراءة القصص المخيلة للآداب و أنت على صيام