قصص مغربية بالدارجة

مرحبا بكم في عالم القصص و الروايات المغربية بالدارجة .

قصة أجبرني على حبه فاحببت غيره - الجزء الأول

قصة أجبرني على حبه فاحببت غيره

قصص وروايات مغربية

تقديم للقصة ❤️ :

الزواج بالإكراه أو الزواج القصري أو القهري هي مسميات لنوع من الزيجات يقوم على المصالح أو يحكمه الإرث أو المال💲💲 بصفة عامة، ورغم أننا في عصر العولمة والانفتاح على العالم المتقدم ما زلنا في عالمنا الثالث متمسكين في بعض العادات والتقاليد التي في كثير منها مخالفة للشريعة الإسلامية....
في أغلب الحالات البنت تكون هي الضحية التي لا مفر لها إلا الخضوع لاوامر والدها أو واليها ليختار لها دون أن يكون لها رأي أو كلمة باعتبار ذلك في مفهوم الكثيرين من هؤلاء أن الفتاة لا رأي لها وكأننا في العصور الوسطى.....
ف هاد القصة انشفو انواع تعذيب من الزوج المتمالك..
وعواقب الزواج الأجباري..
وستكون عبرة لكل من قرائها....
قصة كتحمل نوع من.:
التعديب....الإغتصاب....التمالك الإنتحار.... الجنون.... الحب الهواس... الخوف الهروب..الأنانية..الطمع في المال..عدم الحنية.. الرومنسية... النسيان و الإشتياق...
قصة جميلة جدا غتخدنا العالم تاني عالم ضلم عالم عدم القدرة على دفاع عن النفس فيه غنعيشو معاها بجميع جوارحنا قصة مختلفة عن باقي القصص ستقع فيها حروب من نوع خاص او من نوع اخر ..
نخليكم تكتاشفو هدشي بنفسكم😘
-قصة بعنوان: اجبرني على حبه فاحببت غيره
-بقلم : وجدان ❤️

Sînôrîtâ Wîjdàné 💚

-أخيرا وليس اخيرا قرائة ممتعة ونتمنا تفاعل زوين اهم شيء ارائكم 💜

اقرئي أيضا :

ما هو الزواج ؟

بسم الله 🤗
قرائة ممتعة نتمنا نكون عند حسن ضنكم❤
حبر قلمي بدأ يجف وكلماتي بدأت تخرج وتتدفق وشريان قلبي بدأ الدم فيه يتسارع يبحث عن موضع خلل ...كيف له انا يعبر وهو لا يعاني من اي صدمة او حب جديد كيف له ان يبدع وهو كالطفل تائه في طريق مضلم وبعيد أرحت شريان قلبي بكلمة اعتدت على الضلمة والوحدة واصبحت قاسية وعنيدة ...لاتخف من الان وصاعد لن تدخل في متاهة انا سببها الوحييد
بقلم: #دعاء

كانت غاديا كتجري وحوايجها لاسقين عليها بسبب المطر الغزير وشعرها البني تحل وفزك ايضا وعنيها الزمرديتين لي ولاو حمرين بالبكاء وتحت منهم ازرق بالضرب وقفات كتسترجع انفاسها كتلتافت يمين ويسار كانت فشارع خاوي غير البنيات الكبار والفيلات لي تم وايضا صوت نباح الكلاب كيزيد عليها رعب اخر بقات كتمشى وكتطلب الله انها تلقا شي حد لي يعاونها مدازات الا دقائق وبدات تاني تسمع لغوات وكلمت (راهيااا راهيااا تبعها) قلبها تفزع مرة اخرا وبدات كتجري حتا خرجات فواحد السيارة وفقدات الوعي.......
ترجل من سيارة ودار يديه فوق راسو ملي بانت ليه حالتها ثيابها المبللة والمتسخة بالوحل وجبينها لي خارج منو الدم دار يديه من تحت رجليها وايضا ضهرها وهزها وهوا كاشر ومعصب حل لباب الخلفي لسيارتو حطها فيه وقادها وسد لباب وتوجه لمكان السائق وكسيرا لأقرب مصحة ليه ماهيا الا دقائق معدودة و وصلو حل لباب وهزها بين يديه دخلها وشافوه المسعيفين جاو كيجريو بالسرير النقاااال حطها فوقو ودخلوها لغرفة الفحص وملي عرفوه شكون هوا جا طبيب بسرعة ودخل عندها دار ليها فحص شامل من بعد علق ليها صيروم لي فيه مقويات ودكو ليها شوكة دواء وخرج خلاهم كيبدلو ليها ملابسها المتسخة بملابس المشفى.....
خرج وتوجه هوا وياه لمكتب وكلسو قبالت بعضياتهم ونطق الطبيب: احم مسيو نزار مرحبا بيك اولا ( حرك ليه راسو بمعنى شكرا ) مهم لمريضة عندها نسبة السكر منخافضة بسبب قلت الاكل وايضا كدمات متوزعا على الجسم وكدالك الضرب لي فجبيها لي ناتجا عن سقوطها فالارض(توتر) احم و ايضا فيها علامااات احم (شافيه نزار بمعنى نطق دغيا) علامات تاع اغتصاب وبقوة احم واش الأنسة كتجيك شي حاجة
شاف فيه نزار وحرك راسو بلا : لا خرجات فطريقي بصدفة
الطبيب: مهم تا تفيق ويكون خير ....
قبل ساعة من دابا كان فدوش ومخلي لما نازل عليه على الله اطفي شوية من هاد الغضب لي حاس بيه وكيفكر فشكون هادا لي يقدر يغدرو وفخدمتو كان مخلي قطرات لماء على راحتهم نازلين على جسمو الرياضي وشعرو نازل على عنيه لي حالهم خرج لاوي عليه فوطة من لتحت وهاز وحدة صغيرة بين يديه كيمسح بيها شعرو لبس حوايجو لي عبارة عن سورفيت سخونة وسبرديلة ودار طقية على راسو ولقب رش من برفانو حاس براسو مخنوق هز سوارت السيارة ديالو وخرج كان يالله فات دار ديالو شوي زاد السرعا ومنتابهش ابدا حتا خرجات ليه من العدم ورتطمات بالسيارة.....نرجعو للحاضر
بدات كترجع للوعي ديالها وكتفيق كمشات عنيها بسباب الضوء تدكرات اش طرا وهيا تحلهم على وسعهم وطلقات غوتا خلات ناس لي فالطابق يتسألو سبب الصرخة نطرات صيروم من يديها وخرجات كتجري حتا تزدحات معا صدر عريض كان نفسو لي ضربها بالسيارة
إسراء:هزات فيه عنيها وكلها كترعد وكتدوي: عفاااااك عفااااك عوني غادي يقتلني......

كتهضر وكلها كترعد بين يديه لي شاد بيهم كتافها شعرها نازل على عنيها مفهمش سبب لخوف لي فيها زاد بيها لسريرها وضغت على زر جنب سريرها جات لممرضة ودارت ليها ابرة مهدء بقات حتا غفاات وصوت شهقاتها كيتسمع....
من بعد ما كملات لممرضة قالت ليه اتوجه لمكتب طبيب
خرج من عندها وتوجه لمكتب دخل وكلس مواجه معاه
الطبيب بلل ريقو وتكلم :احم مسيو نزار الانسة دخلات فحالة كتسما بصدمة نفسية اوجرح حالة كتنتج على اذى للعقل بسبب التوتر الشديد او عتداء نفسي او جسدي يأما عليها او على شخص امامها وزائد انه احم لانسة راه هيا مشي بنت او نقول انها معرضا لغتصاب ولكدمات لي على جسمها كيدلو على مقاوما لطرف الاخر....
على كل حال هادا ماشي ختصاصي غدي نحولها لطبيب نفسي ماهر وايضا طب شرعي غدي يدير خدمتو.....
ستأدن منو وخرج توجه لغرفة لي فيها هيا ودخل بالحس كلس فوق كرسي امامها و بقا ساهي فتفاصيل وجهها وتيتأملو قنت بقنت كيخونو عقلو وكيتفكر كيفاش كانت خايفا وحتا كلام طبيب ليه خلاه افكر فيها وعاد خدمتو لي مبرزطا بقا كستأمل فيها وتحت عنيها لي زرق وجبينها لي ملوي بالضمادة ونزل حتا لفمها لي منفوخ وزرق شوية ومجروح بقا هكاك فكرو تديه ولخرى تجيبو حتا غفا بقوت التعب وهاد الليل لي مبغاش يسالي دازو سعات قلال
وصبح صباح جديد خلا شميستو تسلل دخل لغرفة ديالها شيء لي خلاها تكمش عنيها ومن اشعتها وحتا من الألم لي فجبينها حلات عويناتها باش تكتاشف لمكان لي هيا فيه ومن لون لغرفة الابيض كتبان بلي غرفة مشفى ركزات فنقطة وحدة وكلشي لي داز عليها كيرجع ليها بين عنيها لعداب تاع دنيا والاب وفتالي جا عداب الزوج الضالم.....كانو ملامحها باردين ولبريق لي كان فعيون ديك طفلة طفا....دازت دقائق قليلة حتا بدا يتحرك فنومو لمامرتاحش فيه دوز يدو على وجهو وحول نضرو لسرير بانت ليه حالا عينيها ومركزا فنقطة وحدة وقف وتمشى جيهتها وحط يديه على حنكها كيتحسس حرارتها لقاها عاديا....
نزار : نتي لباس
إسراء كيف الجماد بدون رد دوز يديه فوق عنيها ولكن كان فقط الجسد بدون روح كيف لا وهيا لي عااااشت طفووولة فيها قمع من اب وكانت تشوف مها مغلوب امرها متقدرش تدوي بنت 19 لسنة ملي بدات توعى وتفتح على الحياة باااعها باها كيف كنبيعو سلعة فسوق مهتمش لمشاعر طفلة ومراهقة فقط بانت ليه جسد أمرأة ناضجة مهتمش ليها باعها مقابل مهر كبير عنيه تعماو ولأهم انو باعها لشخص قد ابوها امكن وملي قالت نتقبل الامر لقات راسها معى حيوان ليس ببشر ابدا مارس عليها تعديب جسدي ونفسي... خلاصة الكلام هادي إسراء واش غدي تغيرها الايام ولا غتبقا ديك ديك الانثى الضعيفة لي كتخاف من اي شيئ......
دخلات الممرضة باش طمائن على حالتها وملي شافتها هكاك مشات علمات طبيب وجا هوا ومختص نفسي وملي فحصوها لقاوها فعلا داخلا فصدمة لي خلاتها تفقد الاحساس بالشيئ ليداير بيها.....

فمكان اخر حي راقي فاحد الفيلات كالس فبيتو لي طاغي عليه لون رمادي والاسود كيعكس شخصيتو لمريضة حاط راسو بين يديه وشعرو الابيض نازل على عنيه...سمع صوط طرقات فالباب وقف توجه ليه وحلو لقا جوج ديال ليكارد رجع لكرسيه بتعب ونطق
علي: اش تم
الكارد سرط ريقو ونطق: احم مخلينا فين قلبنا امسيو ولكن ملقيناش ليها لاطر
علي بلغوات: ميمكنش لحالة لي فيها ميمكنش تحرك حتا خطوة وتجيو تقولو مكيناش لاش حاطكم انا هنا تقصرو ليا.... جوج كلماااات بغيتها عندي هنا يا حية يا ميتة ومترجعوش الا ملقيتوهاش
حناو راسهم ونساحبو اما هوا دخل لحمام احيد عليه لعياء وعقلو خدام كيفكر غير فيها....
هادا حال علي حمق عنيف بزاااف كان لي دخل معاها فعلاقة مكيطولش ويوصل لزواج.... وملي لقا راسو كبر فسن مشا لعائلة لي فيها اب متسلط وعنيه عاميهم الطمع وام لي رباوها اهلها على انها تحني راس ولا حولة ولا قوة لها لاب لي تكلف ولاحها ليه مقابل مبلغ من المال😔

صورة نزار

خرج من لحمام لاوي عليه فوطة ولماء مزين جسمو لي رياضي وخا كبر سنو الا انو محافض على لياقتو البدنية .... لبس عليه لباااس البيت لي عبارة عن سورفيت كحلة نايك توجه لالشرفة وكلس فكلليسة تم عبارة عن كرسيان وطاولة زجاجية هاز السجائر فيديه والمنفضة قدامو كيفكر وكيخرج دخان من انفو ولحضة دق ناقوس الخطر ولي بنسبة ليه هوا الندم.......
فبعض الاحيان كيكون شخص بين يدينا مكنعطيوه حتا هتمام فقط حتقار ولا مبلات منا فلحضة كيتبخر بحال الا عمرو كان ملي كيمشي كنحسو بندم وكنعرفو قيمتو لي حنا معطينهاش اهمية...بنسبة لعلي كون عطا لأسراء اهمية وحب و حنان لي كانت مفتقداه وعاملها كزوج من لممكن تقبلو وتتعايش معا الوضع ديالها....لان معاملت الزوج فلعلاقة كتكون مهمة لكن هوا لا هوا بغا اتملكها ......
فمكان اخر اوحي اخر راقي الشكل فيه الناس لي من الطبقة البرجوازية كان نزار فالمنزل ديالو من بعد ما طمن عليها وخلاها فالمشفى قصد المنزل ديالو دوش عليه وكمل شي خدمة مزروبة من بعد توجه لاقرب محل لملابس النساء دخل ليه وبفضل مساعدة الخادمة لي تم شرا كلشي حتا من الملابس الداخلية خلص وخرج لسيارتو مسافت الطريق وصل لمشفى دخل وطلع لطبق فين كينا دخل لغرفة ديالها ولقاها كالسا على كرسي وشعرها المبعتر على كتافها ملامحها جامدين كتشوف غير فشرفة وامامها مباشرة شااب من ملابس ديالو تعرفو انو طبيب ملامحو شقراااء وعيون زرقين.....كان كالس كيحاول يتحاور معاها وفنفس الوقت كيشخص حالتها ولاكن ما من مجيب تحل لباب وملي شاف نزار داخل وقف وتوجه لعندو ونطق
يوسف: سلام بلا شك نتا مسيو نزار (حرك ليه راسو باه ) اكيد طبيب لي قبل مني شرح ليك حالتها النفسية فكنصحك بانها تحول لمشفى خاص باش تعااالج وتولي بيخير
نزار: دير لي بان ليك مناسب انا غنخلص كل التكاليف ومن بعد غنمشي
حرك ليه يوسف راسو باه وستأدن وخرج خلاه معاها تحرك من مكانو وكلس امامها وحط سشيااات
نزار: احم هادو ليك واش مغاديش تحكي ليا اش طرا ليك (بدون رد فقط امامو جسد فاتح عينو ولاكن لعقل وروح مكينينش ) تنهد وناض منحداها توجه لعند يوسف وخلص تكاليف المشفى وخرج لانو عندو سفر برا لبلاد على ود خدمتو
داز نهار عند إسراء فسكوون تااام ولعشية حولوها لمشفى الامراض النفسية
وعند نزار فلخدمة وبليل توجه لامريكة لاشغال ديالو
اما عند علي فهوا دوز نهار فتقلب عقلو غيخرج مخلى مستشفيات مخلا مراكز شرطة والو حسها مقطوع لانو نزار سجلها باسمو فواخا اقلب مغيلقا والو
صبح نهار جديد لي داز ليلو على بطلتنا طويل وبكوابس مرعبة قرر يوسف اعمل ليها التنويم المغناطسي على الاقل اعرف معلومات عليها بدا معاها لحصة من بعد ما فطروها وعطاوها دواء .... خرج هوا وياها لحديقة تاع لمستشفى وتوجهو لمكاان خاوي كلس وخلاها تشوف طبيعا حولها
يوسف : دبا غنديرو واحد الحاجة نتي غتسدي عنيك وتخايلي نفسك فمكان بحال هادا وما معاك تا حد من غير الطبيعة والورود(دارت اش قال ليها وسدات عنيها ) احم دروك كتخيلي (حركات راسها باه ) ادن نتي تم بوحدك ما معاك تا حد غادي تستلقي على لعشب وملي تسمعي طرقات صباعي غادي تنعسي ( فمخيلتها كانت فرحانا وغير بوها ومتتلات لاوامرو وتكات فوق العشب من بعد سمعات طرقاات وهيا تنعس وفوق لكرسي ترخات امامو ) مزيااان احم كتسمعيني دبا
إسراء : اه
يوسف مزيان اش سميتك
إسراء : سميتي إسراء الاسماعيلي
يوسف: وشحال عمرك
إسراء:20 سنة
يوسف: مزيان دبا غرجعو بداكرا للوراء فعمرك دبا 15 لسنة فين كينا نتي دبا
إسراء بتسمات ونطقات: ماما كطيب لخبز فالخباز وانا وقت لفجر با كيفيق يروي لغنم ونفطرو
يوسف : ممم هادشي عندكم زوين احم غندوزو هادشي غنمشيو لعمر 19 لسنة فينك دبا
إسراء خسرات ملامحها كتحاول تفكر ونطقات : كالسا انا ومي فبيت كيزينوني حيت عروسة ولكن دموعي على خدي دخل با وبقا كيغوت وقفاتو مي ونوضاتني غطاو ليا وجهي وخرجوني بلباسي لخضر ديال لعروسة وقفت قدام راجل كبير البنية بنسبة ليا هزيت عني عندو لانو غيزول عليا غطاء راسي وتفاجئت ملي لقيتو كبير فالسن صدمة خلاتني نضور بالعرض البطيء عند با لي كيضحك وكيرحب بالناس ماهواش هنا....
قاطعها يوسف ملي تكلم: احم فوتي هادشي دوزي لايام لي عشتي معاه
هنا إسراء بدات تبكي وتشهق وتنفس بصعوبة

فنضركم اش غتعاود ليه 🤔

لقصة يالله بدات واحدات شاخدا جاين هادي مختالفا ما فيهاش بغيني نبغيكك🙄 عطيوني ارائكم فالاسلووووب ونتمنا تعجبكم قرائة ممتعة والى الغد انشاء الله 🤗

للحضة تقع العين بالعين وتنبثق منها شرارات الشوق الى القلب ويتلعثم اللسان على الكلام ولا يجد ما يعبر عنه سوى النضرات.... النضرات التي تعكس مافي الكيان...وتكون سببا في التعبير عن كل مايجول في الخاطر.....
خاطر مبعثرة
#بقلم_دعاء

فمكان بعيد عن المغرب فاوروبا وبالضبط في مملكة بلجيكا فأكبر الشركات المتواجدة بعاصمة بروكسل كتصنف من ناطحات السحااب كان گالس فالمكتب ديالو بكل رجولة واناقة حاني راسو على الوثائق الخاصين بالخدمة والعملاء ديالو قدامو حانيين راسهم كيتسناو اش ايقول تكلم بالالمانية باحترافية وهو كيدقق فتفاصيل كل ورقة كيهزها بين يديه موجه هدرتو للرجال لي قدامو: اش دارو مع هداك لي شدو .....
تقدم واحد منهم حاني راسو ونطق: حققو معاه اسيدي وعتارف انهم كانو راكبين فالسفن مخبيين باش يهاجرو من افريقيا ومكانوش عارفين الوجهة لي غادية ليها السفينة قالو بلي بغاو يهربو من الفقر داكشي علاش التهمة لي تهمونا بيها اننا كنهربو المهاجرين تحيدات علينا اسي نزار كون هاني
نزار:همممم مزيان (هز راسو كيشوف فيه بصرامة) ديرو عينيكم على كلشي منبغي تاحاجة توقع ومتفلتو تاحاجة اي جديد خبروني بيه ...دابا تقدرو تشوفو شغالكم...
خرجو العمال من المكتب متاجهين للشغالهم وهو ناض متوجه للقدام النافذة الزجاجية الكبييرة لي كطل على برى كتبان منها المدينة نضرا للعلو الطابق لي كاين فيه.....سرح بذهنو بعييد كيفكر فملكة قلبو وحبيبتو او كيف مامسميها هو بنت قلبو كيفكر اش كدير دابا مباغيش يصوني عليها عارفها اتكون فالجامعة فهاد الوقت.......
نرجعو عند يوسف واسراء ملي سولها على ماضيها وايامها مع الراجلها وهي كترعد النفس دياق عليها وجبينها عرق تنفسها تسارع وضقات قلبها كثر بداو دموعها كيتساقطو بغزارة حاول يهدنها باش ترخا وتعاودليه ......وبعد.عدة محاولات قدر ينجح خلاها ترخى وتعاودلو بلاما تحس...
بلسان اسراء: اه كون عاملني كإنسانة وحن فيا كانو ايتبدلو بزاف ديال الحوااايج شكون كرهات تزوج ودير دارها وتبني حياتها وتحب ودير ولادها مع شخص تبغيه ويقدرها ويديرها تااج فوق راسو مكينااش لي اتكره عيشة بحال هادي خصوصا الى كان راجل عندو الفلوس كلشي ايسهااال هذاك حلم اي بنت ولكن انا احلامي تدمرات فرمشت عين كنت كنتخايل انني انعيش كيف شي اميرة ولكن وقع العكس تصور فاول لليلة ليا مع راجلي قلتلو راني خايفة ومحنش فيا غتاصبني وانا كنرغب فيه ومعقلش عليا غرائز وشهواتو كانو قوا مني كان هامو غير يخوي كبتو فيا ويرتاااح كل نهار نفس الحاجة لدرجة انني عفت راسي وعفتو تاهو كل مرة يسد عليا فالبيت ويضربني ويهددني ويخرج عييت منو وقررت ننتاحر فكل مرة كنبغي نقتل راسي كيجي يضربني ويقولي عمرك تهناي مني حتال واحد النهار لي جا سكران كان باغي يغتاصبني مرة اخرى وانا قاومتو وضربني طحت فالارض وتلاح عليا لقيت فاز قدامي وضربتو لراسو وهربت كانت الشتاء خيط من السماء حسيت بحال الى السماء كتبكي عليا وعلي حالتي لي وليت فيها حتى دخل فيا داك الولد لي جابني لهنا ..دارت يديها على وجها كتبكي بحرقة اما يوسف فبقات فيه بزااف كيشوف بنت فبداية حياتها كتقاصي مع وحش تنهد وتكاها على سرير دار يديه على عينيها غمضهوم ليها اما هي فكانت بحال شي الة كتنفد بلاما تهضر طرطق صبعانو حدا ودنيها وسرعان مرجعات للوعي ديالها ناضت وكلسات شافت فيه كيف مبتاسم ليها يالاه ايسولها كيبقات وهي تنطق ببتسامة :سمح ليا....
سهى فيها وفبتسامتها: لالا عادي لحمدلله ملي تكلمتي كيف كتحسي براسك ؟؟
إسراء:بخير غير راسي لي كيحرقني...
يوسف: حاجة عادية درتي مجهود تفكيري دبا غنقلهم اعطيوك دوائك
إسراء: امم شكرا بغيت عفاك مدكرة وقلم
يوسف: اه مزيان وكتبي اي شيء كتحسي بيه واخا
دخلو بجوج لغرفة ديالها عطاوها دواء والاكل وكلسات امام شرفة ساهيا وكتفكر ......
فنفس اليوم في فيلة وسط صالة واقف راجل كبير فالسن لابس جلابة وعلى راسو عمامة وويديه ورا ضهروط وفوق سداري كينا مراتو لابسا ملحف ولثام على وجهها ودموعها نازلين شيء لي خلا لثامها يفزك وامامها فسداري لاخر كالس علي وراسو بين يدي....
سي محجوب "اب اسراء" : لالا مزيااان ديما كنسكت ليك ولكن تال هنا وحبس جيب ليا بنتي يا حية يا ميتة
علي بعصبية : من امتا معتابرها بنتك ها من امتا ياك من ديما كتشد عليها لفلوس وتسكت..... انا داير جهدي وهيا هربات عرفتي شنو هيا هرباااات را قربت نحماق وانا كنقلب
لالة فاضمة "ام اسراء" : لالا ميمكنش بنتي بنتي بغيتها بغيت نشم ريحتها
سي محجوب : اسيدي طمعتيني وسديتي ليا عيني بفلوسك دبا لا لا منقدرش نسكت
علي: "بستهزاء" ههههههههههه تانتا فاق ضميرك برافو عليك معمري عرفتو غيفيق اوا على سلمتك..... ملي بعتي بنتك بلفلوس ها وملي كتبغي تشكي عليك فين كان ضميرك دوي فين اولا طمع عماك داك لوقت حتا انا كنت بحالك متهليتش فيها ودرتها فعيني ونستاهل انها تهاجرني ولكن كون رجع زمان بيا لور وعرفت هادشي غيطرا عمري سمعتي عمري نسيئ معاملتها
سي محجوب حدر راسو فعلا علي عندو لحق هوا متهلاش وطمع و لاحها وعالي مصنهاش وعدبها.....
دازت مدة شهر شهر لي نزار كمل فيه شغالو ورجع لمغرب و زار إسراء ما مرة ما جوج.....وعند يوسف لي يوميا كيشخص حالتها هيا لي بدات تبرا وكل يوم كتحل مذكرتها وكتبقا تكتب احساسها واهدافها لي غادي تحقق وكيقراهم يوسف وكيشجعها انها تكمل.....عند عالي لي ولا كيف الشمكار تبهدل وقرب ادير افلاس حيت ولا غير شراب ولقصاير

توقعاااتكم حبيباتي ونتمنا تفاااعل زويييين ⁦⁦♥️⁩

كالسا كيف مولفا فبيتها حلات مذكرتها وبدات كتكتب....
بقلم إسراء:⁦✍️⁩
حبر قلمي بدأ يجف وكلماتي بدأت تخرج وتتدفق وشريان قلبي بدأ الدم فيه يتسارع يبحث عن موضع خلل ...كيف له ان يعبر وهو لا يعاني من اي صدمة او حب جديد كيف له ان يبدع وهو كالطفل تائه في طريق مضلم وبعيد أرحت شريان قلبي بكلمة اعتدت على الضلمة والوحدة واصبحت قاسية وعنيدة ...لاتخف من الان وصاعد لن تدخل في متاهة انا سببها الوحييد ......
بعض الاحيان الحياة كتقصي علينا وتخلينا ندوقو مرارها ونتحسرو على حياتنا ..اه انا كنتحسر على حياتي لي ضاعت وانا صغيرة ضاعت مع رجل كبر مني باعوام بسبب اب باعني بلا رحمة هدفو الاول والاخير الفلوس ناسي بنتو كيفاش اتعيش كل ما كنتفكر هادشي كتشدني غصة فقلبي كثر ونتألم كثر وكثر....
علاش بابا باعني لراجل كبير علاش خلاه يعدبني وانا صغيرة ويتعدا عليا بوحشية ياك كيقولو بلي الاب هو السند وهو الكتف لي كتحط عليه البنت الراس هو لي كيكون حامي ليها وكيف الضل ديالها مكيفارقهاش علاش بابا خلاني نعاني وندوق قساوت الدنيا بوحدي.....
ههه والام ياك الام كتحيد من راسها وتعطي لولادها علاش موقفاتش فوجه بابا علاش مقالتش لا حبس مغنخليش بنتي تمشي للهلاك برجليها تمنيت للحضة يوقف الوقت ونهرب من داك العرس لي دفنت فيه راسي وانا حية تمنيت للحضة كون تجيني فرصة نبدل حياتي نبدلها بدون تردد ولكن من اليوم مغنبقاش ديك البنت الضعيفة لي ديما كتبكي فاش كتقصح لا من اليوم ومن هاد اللحضة انبدا من جديد وانولي قوى من الاول انواجه كلشي علي وبابا وكلشي انكمل قرايتي وانكون راسي بوحدي وانرجع نخليه يندم على كل قطرة من دموع هبطات مني وانا كنترجاه عليها اندمو على كل مرة هز عليا يديه فيها انخليه يدوق اضعاف داكشي لي عشتو وانشربو من نفس الكاس ماشي انا اسراء لي نتهرس دابا لا انا اليوم حييت من جديد وانولي قوى من الاول ...وغانحارب على ود راسي ونتشبث بالحياة من جديد وانرجع باش نتاقم #اسراء
كتبات هاذ الاحرف وهي عازمة على بداية جديدة مسحات دموعها لي كانو كيتساقطو بغزارة من عينيها معبرين على مدى المها لي كتحس بيه سدات مذكرتها ومشات للبلاصتها حاسة براسها عيانة تخشات ففراشها وسرعان مداتها عينيها للعالم الاحلام على امل انها تستيقض بروح جديدة واحلام واهداف جديدة.....
دخل بكل هبتو ككل يوم كيجي يزورها توجه لجناح فين كاينا الغرفة ديالها دق مرة وجوجولكن مكتجاوبش زعم وحل لباب بانت ليه ناعسا مبغاش اقطع عليها نومها او يزعجها فاحلامها سمع رنت هاتفو جبدو من جيب طلع ليه اسم دعاء جاوب فالحين
نزار : سلام لحبيبة ديالي لباااس
دعاااء: خويا لعزيز فينك دبا واش مسالي
نزار: نعام ابنتي خاصك شي حاجة
دعاء: انا فلمطار واش تجي ليا ولا نشد طاكسي
نزار بصدمة :امتا جيتي وعلاش واش وقعات ليك شي حاجة
دعاااء : ههههه لالا اخويا غير رتاح انا جيت عطلة وجيت لمغرب نكلس معاك مليت بوحدي
نزار تنهد براحة : اوكي تسنايني هاني جاي ليك
خرج وتوجه للمطار وماهيا الا دقائق حتا كان عندها دخل لمطاروتوجه لكافيتيريا لي ثالت ليه غتسناه فيها كانت كالسة بشعرها دهبي لمخلط بالمارو منزلا عويناتها زورق على تيلي ديالها كتبقشش فيه حتا تحطاتعليها يد على كتافها هزات راسها مغوبشا من هادا لي دار هكدا ولكن ملي شافتو واقف بهيبتو وسعات بتسامتها وقفاااات وعنقاااتو
دعاااء : توحشتك اخويا وبزاااف
نزار: حتا انا يالله ترتاحي دبا
تمشاو بجوج خرجو من المطار وتوجهو لدار
وفمكان اخر فبااار لي كان خاوي وكىاسيه مجموعين من طبلة كان غير هوا بوحدو فيه كالس فالكنطوار وكيشرب من لقرعة حتا سمع اسمو
مسيو علي بن شقرون :

دار وهو دايخ كيحس براسو طاير من كثرة الشراب والحشيش لي كيكمي ريحتو خانزة وحالتو حالة نطق وعينيه مسدودين: هههع وشكون نت شغلك نكون انا ولا ماشي انا نت ماشي شغلك واش سمعتي
الشخص:انوض اسي جمع راسك معاك البوليس ..غير سمع البوليس وهو يجمع ريوكو ووقف حتى كان ايطيح لولا الكانابي لي مورا :حاااضر اشاف سمحلي معرفتكش
البوليسي: عندنا امر بالقاء القبض عليك بتهمة تهريب المخدرات فالسفن بطرق غير شرعية تفضل معايا الله يخليك بادب ....
هاد الهضرة هبطات عليه بحال الصاعقة فيقاتو ورداتو للوعي ديالو شد راسو بين يديه حاير اش ايدير يالاه اينطق وهوما يزربو عليه ركبولو لمينوط وداوه فاتجاه المغفر باش يحققو معاه الطريق كاملة وهو مرفوع كيفكر اش ايدير فهاد الحريرة كان بالو مشغول غير امتى يلقا اسراء حتى خرجلو هادا من الجنب مدة الطريق ووصلو المغفر هبطو ودخلو فاتجاه غرفة التحقيقات....
عند دعاء ونزار لي فطريق عاود ليها نزار على إسراء وعلى المحدثات القليلة لي دازو بيناتهم وهيا تشوقااات انها تشوفها وتعرف عليها وايضا تساعدها باش قدرات عليه....
وصلو لدار دخلات وتسرحااات من بعد خرجو بجوج توجهو للمشفى عند إسراء دخلو بجوج وطلعو لشونبر ديالها ولكن ملقوهاش خرج نزار وتوجه لعند طبيب ديالها دق ودخل ملي سمع الادن
يوسف: سي نزار مرحبا بيك اش حب الخاطر
نزار:الله ابارك فيك بغيت غير نسولك واش حولتو اسراء لشومبر اخر
يوسف: لالا راه خرجات تعطاها الاذن قبيل وجمعات حوايجها ومشات
نزار: ولكن فين ميمكنش هيا معندها حد
دخلات دعاء فهاد الحضة ونطقات
دعاء: خويا فينها لبنت لي قلتي ليا
نزار:ملقيتهاش ملقيتهاش قاليك خرجات ولكن فين معرفتش
دعاء:ولكن اخويا علاما عاودتي ليا لبنت ماعندها فين تمشي
نزار: معرفتش معرفتش غادي نقلب عليها غير تهناي....خرج من البيرو ودعاء تابعاه حاير كيفكر فين تقدر تمشي وهي معنها حد ركب فسيارتو ودعاء فجنبو نيشان للقصر غادي مكسيري مكيشوفش قدامو معرفش علاش كيحس براصو معصب حيت مشات لكن لي هامو دابا انه يلقاها بأي طريقة وصل قدام القصر هبط وهز فاليوت ختو وعيط على واحد من ليكارد يطلععا البيتها دار شاف فختو ونطق: دعاء بنتي بقاي هنا انا القاها ونرجع صاف ..حركات راسها بمعنى اه ونطقات
دعاء: خويا اي جديد تاصل بيا عفاك ...ركب فسيارتو وتبعوه ليكارد ديالو فاتجاه مجهول...
#بونوي
فنضركم فين اتكون إسراء !!؟؟

اشتقت لمن هو بعيد
وبات يألمني ذاك الاشتياق
ويصاحبه حنينا صامتا يمزقني الى اشلاء
اشتقت له ولا اجرء ان اعبر عن اشتياقي
سئمت انتضار الشوق
سئمت انتضار المناجاة الى الحنين
ارسم حرفا وادونه الى كلمة عسى ان يأتي يوم رؤيتك
#بقلم_دعاء

فمكاان اخر فحي شعبي وسط مدينة مراكش الحمراء.....
وكيف ما نعتو ليها الحي جمعات حوايجها وهزات لفلوس لي كان كيخلي ليها نزار ديما وخرجات بعدما تعطاها الادن ركبات فسيااارة اجرة توجهات ليه...
كانت واقفا تاتشوف فنااااس لي تم توجهات لعند بقااال فدرب
إسراء: سلام عليكم اسيدي
البقال : عليكم سلام ابنتي
إسراء : عفاك اسيدي دار مي فاطنة لي كتكري لناس فين كينا
البقال : ايه ابنتي سيري طوااالة تال لخر ديال درب ودوري على ليمن دار لولة قدامك هيا هاديك
إسراء: شكرا ليك
توجهات فين نعت ليها دقااات وخرجات عندها مرا كبيرة بنضرات ديال شوف ولوشام بين حجبانها ولعكفة فراسها وتخميلة محزمة بيها
مي فاطنة: نعام ابنيتي بغيتيني لشي حاجة
إسراء : سلام عليكم ايه جيت قصداك ولمقصود الله
مي فاطنة : هادي غير زاوية لي جا مرحبا بيه مرحبا بيك دخلي وردي معاك لباب
دخلو وكانت دار عبارة على رياااض فوسطو شجرة تاع ليمون وفيه جوج صلات لتحت كبااار ولفوووق فيه شومبراات ديال نعااااس وكلهم بحمامهم... دخلو لصالة كلسو
إسراء : نعتوك ليا شي ناس قالو ليا بلي نتي كتكري لبناات لي كيقراو ياك
مي فاطنة : ايه ابنتي هاداك غير خير لبنات كيجيو مكيلقاو فين اسكنو وانا كنتعاون معاهم
إسراء: الله اكتر خيرك وحتا انا بغيت نسكن عندك الا جات على خاطرك
تقدات فلكلسة ونطقات : ايه مرحبا هيا كتقراي ابنتي
إسراء: ناويا رجع نكمل
مي فاطنة: ايه الله اكمل اوا واش كديري
تنهدات ونطقاات : قصتي قصاااا والا بديتها ليك منكملهاش
مي فاطنة : باينا فيك مهمومة غير عاودي على الله تفاجي على قلبك شوي
نخليوهم يتحدتو وتعاود ليها....
نرجعو عند علي لي دخل لمركز الشرطة وكضوه بطريقتهم وملي عرف فين ولاش جاي جمد ليه لما فركابي عيط على لمحامي ديالو" استاذ العزيزي"
المحقق: دبا مغاديش دوي ياك را تهمة لبسااااك غير مصعبها على راصك وصافي
المحامي : كيف قلت ليك مسيو علي مدة ما مشا لشركة ديالو كان ملاهي معا اختفاااء الزوجة ديالو لي لحد الان ملقهاش داكشي باش را معارف والو امكن شي حد لعب من وراه...
المحقق:ادا غادي ادوز هاد ليوماين فالحجز ومن بعد غادي اتحول لوكيل الملك دبا الله اهنيك....ورك على زر جنبو وتسمع صوت الجرس ودخل شرطي بلباسو والقى التحية.....هز عليا هادا نزلو يتبرد.....عطاه نفس التحية وجر معاه علي لي باقي تحت الصدمة....
""نخليوه اهضم صدمة على خاطرو ههههه""
نبدلو لمكااان ونمشيو لبادية لي خارجة على لمدينة بساعة ونصف فواحد المنزل لي مبني بالطين فوسط بيت من بيوتو ناعسة طريحة الفراش مغمضة عنيهاومرة مرة كتقفز وتغوت بأسم بنتها داز شهر وزيادة ولحد الان معندهم خبار واش ميتة ولا حية معارفينش حتا واش واكلا ولالا واش مغطية ولا معرية.... هنا الاب حس بندم كبييير كيف كيقول متل الشعبي ديالنا ""طمااع كيغلبو لكذاب"" فبعض الاحيان كيجينا واحد الندم شديد لكن عمر زماان ارجع للوراء لوكان عندنا لقدرة رجعوه كنا نبدلو بزااااف

كيجاتكم اسراء ههه ؟ كتبولينا رأي ديالكوم في تعليق لتحت

نمشيو لمكان اخر بضبت عند نزار لي مخلا تا بلاصة مقلب فيها حتا طاحت عليه فكرت انه اقلب فلكاميرات تاع المشفى توجه ليها وتم عاونوه وشافها ملي ركبات فطاكسي وقرا رقم ديالو من بعد توجه لمحطة طكسياات ودخل عطاهم الرقم وجا سيد لي وصلها ونعت ليه فين وتوجه عندها مسافة الطريق وصل ولكن هنا وحل واش غادي يدق دار بدار باش يلقاها ميمكنش عيا يفكر ويفكر وقرر اسول بركاك الحومة لي هوا مول لحانوت
نزار: سلام عليكم
مول الحانوت:عليكم سلام
نزار: بغين غير نسولك واش جات لهاد لحومة شي بنت غريبة على هنا
مول لحانوت : ايه اوليدي جات واحد لبنية وسولات على دار مي فاطنة لي كاتكري ورا دخلات عندها وتم (شار ليه بصبعو) فين ساكنة دار لولة ديالها
نزار: شكرا ليك
توجه لمكان لي نعت ليه دق وخرجات عندو مي فاطنة
مي فاطنة: نعام اوليدي
نزار:سلام عليكم....كنقلب على واحد البنت قالو ليا جات عندك هنا
مي فاطنة: وشكون نتا اوليدي ياكما داك لمسخوط دراجلها تا اشنو بغيتي عطيها تيساع خرجتي على حياتها
نزار خرج فيها عينيه وكيستوعب كلامها : احم لالا انا انا هوا لي ضربها بلوطو و...
قطعاتو مي فاطنة: ايه ايه عرفتك دخل مرحبا بيك
دخلو لرياض وكلس فصالة ومي فاطنة عيطات على إسراء لي نزلات وسلمات بيديها بعفوية من بعيد وگلسات امامو
نزار لي باشر لكلام بحجبان معقودين بلا سلام : علاش خرجتي ومعلمتي تا حد كان عليك تسنايني على الاقل
إسراء حشمات حيت عمرو غوت هاكا او نفاعل نزلات راسها ونطقات:سمح ليا ولكن ملي تعطاني الاذن خرجت بلا منفكر
نزار: واخا يالله معايا دبا كاين واحد الشخص لي بغا اشوفك
تخطف من وجها لون واول واحد طاح فبالها هوا علي شافت فيه مخرجة عنيها: شكون
نزار: غير تهناي شخص مكتعرفيهش وحاب اتعرف عليك
إسراء:همم واخا نمشي...
خرجو من دار من بعد ما توادعو معا لالة فاطنة ماهيا الا دقااائق معدودة وصلو قدام لفيلة خرج من السيارة ودار وحل ليها لباب وخرجات وعنيها كيبريو فدخلة كان باب كبير ومزخرف وجردة فيها نافورة مضورة وكدالك ورود لي تخلي نفسك مرتاحا وسطهى گليسة بكراسي وطاولة دائرية... سمعااات صوت انثوي من وراها لتفتات جات عينيها فبنت شهبة بعوينات زورق واقفة مبتاسمة
دعاااء: هاااي مرحبا بيك انا دعاء بلا شك نتي إسراء اخيرا تعرفت عليك شحال راك فنة
إسراء: ربي يخليك عويناتك لي زوينين
دعااء: دخلو متبقاوش برا
دخلو لداخل فين كين صالون لي كبير وبلدي مغريبي كلسو ودعاء فرحانة لأسراء وكدالك هيا رتاحت ليها بقاو على لحديث ديالهم حتا تسمع صوت هاتف نزار لي حول نضرو ليه وبتاسم وناض اجاوب....
فغرفة باردة وبابها قطبان من الحديد لا فراش لا والو وكل واحد مخشي فعضامو باش يحاول اسخن كالس وحاط جبهتو على درعانو لي فوق من يديه كيفكر كتر من لقياس وندم كينهش فيه من الداخل ماكيفكرش فهادشي لي فيه انما كيفكر غير فيها وكيف كان ضالمها ولكن خسارة لبكاء مور الميت خصارة....

كيجاكم نزار تا هو ؟ كتبولينا تعليقكم لتحت

تسمعات طرقاات في قطبان الحديدية ونطق الحارس : يالله وصلكم الأكل....
هز علي راسو فيه ونطق:شحال تيغي وجيب ليا لكارو
خنزر فيه الحارس :ىاه معا مكلتك وهنا تا حاجة ما برشوة ولا باغي تزيد تغرق نفسك....
بقا كيستوعب هاد المعاملة جديدة ضحك بستهزاء حيت فواحد الوقت هوا لي كان كيعامل الناس بحتقار وكيف كنقولو صمتة كدور وكترجع لبزيم....
خرج على برا ودوز الخط
نزار: حبيبتي توحشتك
....حتا انا كثر عرفتي متشوقة امتا نشوفك
نزار : حتا انا امتا غاظي تجي
....قريب مبقاش بزاف ونكمل ونجي عندك توحشتك وتوحشت دعاء كيف راها بيخير
نزار: لباااس عليها جات لمغرب صباح هيا دبا معايا
.....ممم مزيان سلم عليها حتا نتعايطو باباي
قطع معاها ودخل لداخل مبتاسم وشدات فيه دعاء :هاي هاي هاي على ضحكة باينة هضرتو
نزار : مامولفش معاك هاد ضحك لباسل اعني جمعي وزيري
دعاء: احم سمح ليا....مهم كيف قلت ليك ا إسراء غادي نعاونك حتا تعاودي لباك ديالكوتشديه انشاء الله بنقطة مزيانة واكيد تكوني من نفسك باش تكوني قوا من قبل ولكن عندي ليك طلب صغييير
إسراء : همم اه قولي
دعاء: كيف شتي دار كبيرة وغير انا وهاد لمعصب دخويا فيها احم مهم بغيتك تبقاي معانا عاااافك مترفضيييش
إسراء: منقدرش را حشومة راكم درتو فيا خير وكبير ومن...
مكملاتش كلامها حيت قاطعها نزار: غير بقاي غادي نعاونوك حتا توقفي على رجليك وطلقي وديك ساع نتي حرة اما دبا ماعندك فين او عندمن تمشي مفهوم
إسراء:احم واخا لي بغيتو مدام مكنتقلش عليكم...
دعاء : لالا متقوليش هكا كدخلي لخاطر والله (وجهات كلامها لخوها) خويا نتا عارف تخصص ديالي طب النفسي داك المشفى لي كنا فيه قبيل كيبان ليا نقي وفيه ختصاصين مزيانين كنضن اندفع تم ونسطاجي عندهم اش بان ليك
نزار وقف : ديري لي يريحك...توجه لخارج وتيلي بين يدو هوا وسوارت ركب وتوجه لشركة ديالو لداخل عند لبنات
دعاء:يااااي فرحت حيت انلقى معامن نتوانس
إسراء: ههههه هبيلة
دعاء:اجي قولي لي كيفاش ديرا لمشفى فين كنتي
إسراء : زوينة وحتا طبيب لي عالجني ضريف وكيتعامل مزيان
دعاء: دبا وليتي بيخير
إسراء: لحمدلله
دعاء: والا عاود تلاقيتي براجلك
إسراء دمعو عنيها لحضة تفكرات كاع لعداب لي عاشت : لالا مستحيل انا اصلا مقرر نرفع دعوة تاع طلاق مبغيت والو غير ايعد مني لالا منشوفوش مرجعش معاه
دعاء: كالم بب متخافيش حنا معاااك.....
هدناتها من بعد زراتها بيتها ودوزو نهارهم ضحك ونشاط وصل ليل وكل واحد ناعس فبيتو الا نزار لي مزال مجاش ...
في بعض الاحيان يرسل الله لنا اشخاصا في طريقنا لكي يختبر مدى قوتنا وصبرنا وفي احيانٍ اخرى يرسل فطريقنا اشخاص كالملائكة تمسك بأيدينا وتساعدنا ولو بكلمة طيبة

كيجاتكوم دعاء ؟

ليس دموع فوق وسادة
الحب مملكة لمن ملكها
اسطورة لمن حكمها
مدرسة لمن اجهلها

بكلمة او ابتسامة ننسى همومنا فبتسمو للغير وقولو كلمة طيبة ولو في مزاج سيء....
وصل منتصف الليل وتوقفات سيارتو وخرج متوجه لداخل ديال المنزل غادي فالكولوار بان ليه ضوء تاع بيت الضيوف شاعل ستغرب حيت مكينش احس ادا كلشي ناعس توجه لباب وحلو بشوي كانت ناعسة على جنبها ومكمشة فبعضها تبسم وطفا الضوء وخرج توجه لبيتو وتجرد من ملابسو ودخل لحمام كمل عليه وخرج لابس فقط بوكسور وشورط وتلاح بلاصتو ونعس.....الثالتة صباحا فوق سريرها مكمشة على نفسها على شكل وضعيت الجنين ولعرق نازل من جبينها بسبب الكابوس لي ولا مراودها موأخرا فاقت مفزوعة كتبكي...
إسراء ياربي ياربي هنيني منو ياربي مبغيتش نعيش نفس العداب....
ناضت لحمام وتوضات ولبسات لباس الصلاة وبقات تقرا ما تيسر من القرءان حتا سمعات اذان الصبح صلات وتخشات فبلاصتها وبقات تستغفر الله حتا نعسات....
صبح صباح جديد فاقت بكري كيف عادتها كرشها كتزعرت نزلات لتحت فين كين المطبخ دخلات ليه كتقلب على اش غادي تحتاج كانت مشهيا تقاد لمسمن عامر وداكشي لي دارت تحزمات بطبلية وجمعات شعرها فخرقة وجبدات دقيق وسخنات الماء وبشرات فالعجين كملات وغطاتها ترتاح بينما وجدات الحشوة قدات لبصلة مشلضة ولكفتة وشحراتهم وبدات تسمن وطيب وهيا كدندن راشقة ليها لانه لقات ناس ضريفين لي قدروها وعاونوها بقااات هكاك حتا دخلات عليها دعاء وهاد الاخيرة غير شافتها بالشدة طبلية وخدامة منيتها وهيا تزلع عليها بضحك...
دعاء:ههههههه لالالالا نتي بزاف ويلي ويلي مالك على حالتك كان عليك تسناي تا تجي لخدامة وتقاد ليك لي بغيتي
إسراء: لالا ماشي مشكل احي اجي عاونيني نكملو ونفطرو دغيا
دخلات حداها كتجر رجليها وكتدوي: اوا راك حادكة معا راسك وحتا انا غادي نعاونك ونقاد الحاجة لي كنعرف وكتجي من يدي كتحمق
إسراء: ايه الالة ابدعيني اش هيا هاد الحاجة لي كتقنيها
دعاء بدات تلبد فعويناتها : مممم كنعرف لاتاي كنديرو لديد
إسراء كتصنت على نيتها غير نطقات أتاي حلات عينيها وفمها فدعاء مصبراتش وهيا تزلع بضحك : هههههههههههع منيتك راه اتاي اسهل حاجة شتي نتي كون كنتي عند مي فدوار كون راه برداتك وتولي تعرفي لكلشي
دعاء: اوا اش غندير ولفت لخدامة وتم فأمريكة الا توحشت اكل مغربي كتجي شي مختصة كتقادو ليا اوا تعلمت غير لاتاي بوحدو تا.....
قطعات كلامها ملي بانت ليها حدرات راسها على لبوطة وسكتات ومن وجهها لي حمار باين فيها حابسة لبكية
دعاء:سمحي ليا مقصدتش نفكرك
إسراء ببتسامة: لالا عادي احم مهم زيدي نكملو دغيا باش نفطرو
كملو معا بعضهم وحطو الفطور ونضم ليهم نزار لي كان فرحان حيت حس بدفء عائلي

دازت مدة شهر ودعاء واسراء فهاد المدة القصيرة قدرو يتعرفو على بعضياتهم وياقربو من بعضهوم كتر ....وأيضا فهاد الشهر لي خرج فيه علي بكفالة من السجن بكفالة وكل املاكو ولاو فاهتزاز ولى على الحافة وكيقلب على طريقة اسلك بيها نفسو ونسا كليا إسراء من بالو حيت تروة ولفلوس هوما قوتو الا مشات غادي يتدمر ولا لمنضر ديالو كيخوف....وأيضا عند عائلة إسراء لي باباها تشلل وشد لفراش واماماها النضر ديالها قل ولات مأزما وفين ما جاتها نوبة عصبية كاتبقا تغوت وتلوم زوجها حتا كطيح تغيب وغير جيران لي مقابلينها....
اه دنيا كدور مكانتش عارفا نفسها غترجع تقرى او غاتلقا ناس لي غادي يبغيوها كوحدة من عائلتهم ولات حياتها مستقرا....
ككل صباح فاقت ودارت روتينها الصباحي لبسات حوايجها ونزلات تفطر باش تمشي لليسي نزلات لتحت لقات لخدامة كتحط لفطور ودعاااء گالسا فوق الطبلة وحاطو خدها على يديها وشعرها مشعكك باين فيها يالله فاقت گلسات حداها ونطقااات
إسراء : اويلي مالك على هاد الحالة وعلاش فايقة دبا ما مولفاش ليك
دعاء: راني اختي غملت ومليييت وا كملت لعطلة ديالي وباقي خويا ما قالي فين نسطاجي وحتا وراقو مزال مجمعتهم اووووووووووف امكن نساني
إسراء: وا راه نتي لي هبيلة من نهااار قلتيها ليه معاودتي اكدتي عليه مرة اخرة شوفي ملي ينزل قوليها ليه
دعاء: اووووف باااين نساني من بالو....
نزار هاد الاخير لي نازل وسمع حديتها الاخير وعرف علاش كدوي تبسم على هبالها وتوجه عندهم لطاولة الاكل وكلس وصبحو عليه بجوج رشف من كاسو تاع القهوة لي كبات ليه الخادمة ووجه كلامو لدعاء
نزار: خاصك توجدي راسك باش تمشي تشوفي لمشفى فين اتبداي تسطاجي...
دعاء بلفرحة والصدمة ناضت عنقاااتو فرحااانة وعنقات حتا إسراء لي فرحات ليها
دعاء : ويلي ويلي والله الا بصح هههههه شكرااااا اخوياااا ههههه ياااااي احسن خبر سمعتة
تمات غاديا تاتنقز فدروج فرحانة بقاو هوما كيفطرو فهدوء
حتا نطقات إسراء: واش معاندك حتا خبار على احم على هداك
نزار فهم قصدها مزيان فا هوا لي قاليها بدخولو لسجن..
نزار: اه وراه خرج بكفالة وانا بدوري وكلت لمحامي باش ارفع دعوة تاع طلاق لي بغيتي
إسراء : شكرا ليك عمرني نسا خيركم ربي عوضني بيكم نتا ودعاء شكرا ليكم بجوج
نزار : ماتقوليش هكدا نتي وحدة منا دبا مهم تسناي دعاء وخرجو غادي نوصلكم بجوج
خرجو لبنات بكل اناقتهم وصلو اسراء لليسي لي قيدها فيه نزار وتوجه للمشفى ودخل معا دعاء لي كلها نشاط وحيوية فرحااانة توجهو لمكتب ديال مدير دخلو وكليو بكل هبة
المدير رشيد: مرحبا بسي نزار
نزار : الله ابارك فيك لوراق هوما هادوك ياك
رشيد: ايه وممكن للانسة تبدا حتا من دبا
دعاء لي تزادتها صدمة على صدمة بلفرحة شافت فخوها
دعاء : اه اه اه نبدا
رشيد: الانسة بانت ليا متحمسة مرحبا بيك غادي نعيط لطبيب لي غادي امرنك
هز الهاتف الارضي ودوز الخط لسكريتيرة لي قال ليها تعيط على دكتور يوسف (عقلتو عليه ياكو ياكو 😌😌) دخل عندهم بهيبتو وسلم عليهم وتعرف على دعاء لي جاتو هبيلة غير كضحك هيا خصها يعالجها ههه خرج نزار وخلاها فرحانة....

لداخل عند دعاء ويوسف
يوسف: دبا اانسة غادي تديري معايا جولة اولا نعرفك على المشفى وتشوفي المرضى لي عندنا ياك فهمتي..
كانت ساهيا وكدوي معا نفسها
دعااء: يااااه شحال زوين لالا باااينا مو كاورية تارا موحال اكون هادا مغريبي::: محساتش على نفسها حتا شافت يديه كيدوزها على عينيها::: هااء اش قلتي
يوسف : ههههه فين كنتي سارحة
دعاء: هم لالا والو احم مهم نبداو...
توجهو اوريها اركان المشفى ومنين ما داز كيخلي المرضى فرحانين كيخلق معاهم جو تاع السعادة...انسان كيحب خدمتو توجهو لاخر غرفة لي هيا تاع بنية صغيرة دخلات دعاء وبانت ليها كالسة وكترسم فاحدى الاوراق توجهات عندها وكلسات حداها
دعااء : لباس عليك
البنت: ممم لباس
دعاء اش سميتك
البنت: معرفتش ولكن هنا سماوني يسرى
دعاء تصدمات شافت فيوسف لي قرب لحداها وكلس
يوسف: يسرى ادعاء بنت دكيا وللاسف تعرضات لحادت سير خطير ماتت العائلة ديالها اعني مها وباها وهيا فقدات داكرة ديالها ونسات كلياااا الحادث وملي سولات عليهم قلنا ليها بلي ماتو تصدماات ولحد الان بعد المرات كدخل وتخرج فالهدرة فهمتي مزال اتولي تزوريها ديما
دعاء:اه اه ضاروري بقات فيا مسكينة صغيرة بزاف
يوسف: المرض ادعاء مكيستي لا مريض ولا صحيح فهوا كل بقدر الله
دعاء: ونعمة بالله
هكدا دوزو نهارهم عرفها على المرضى ديالو وايضا اركان المشفى وفلعشية مشات لدار دارت كوتي هيا وإسراء وتجمعو كيهضرو
دعاااء: اوا وياختي داك المشفى زوين ومجهزينو مزيااان وعرفتي يااختي واااحد لبوكوص واحد لقلدة ناري تلفت كل نهار غنشوفو ناري زين زين
إسراء: ههههه هبيلا نتي وا سيد يالله عرفتيه وتزعطي فيه
دعاء ميقات فيها: تي كون تشوفيه را غزال
إسراء: ههههه راني شيفاه وعارفاه شخصيتو زوينة وكيعرف اتعامل ولكن ماشي لدرجت نتزعط فيه ههه....
دعاء:اوا نتي اختي انا عني كتشوف زين كتلف نتي خويا حداك عمرك حتا هزيتي فيه لعين باااز ليك...اه عرفتي تلاقيت واحد البنت صغيرة مسكينة دارت حادت سير وماتو واليديها ومن بعد نسات الحادث بمرا ولكن تصدمات ملي عرفات واليديها ماتو ولات تهلوس
إسراء: مسيكينة الله ياربي كيف غتكون حالتها
دعاء:عرفتي زوينة وعويناتها شعرها كلها كلها فنة
إسراء: الله اكون معاها ويشافيها ياربي....
في صلب حديثهم تسمعو خطوات نسائية بكعب عالي وضحكة ماليا المكان وريحة لي مغريباش عليهم تلفتو بالعرض البطيء
.....هااااااي

نكتفي بهدا القدر , المهم كتبولينا رأي ديالكم في هده القصة في تعليق لتحت باش نكملوا و بارطاجيوها مع صحاباتكووووم أحبكم ❤️ .

الجزء الثاني ⇐