القائمة الرئيسية

الصفحات

❤ رمضان مبارك سعيد

قصة جميلة البشعة -الجزء الأخير

قصة جميلة البشعة -الجزء الأخير




قصة جميلة البشعة -الجزء الأخير

قصة جميلة البشعة

 قصص مغربية



(نمشو عند البطل ديالنا ميكنا عليه بزززاف ههههه.....
سيف..(جاتني سفرية على غفلة فالوقت لي كنت فيه فلمزرعة ...كنت بغيت نخوي راسي من بزاف ديال الافكار...ولكين هاد الخدمة متخليكش ساعة براحتك....طلبت من سامية تقلب على خدامة تكون تعرف للطبخ المغربي حيت غادي تكون اغلب اجتماعاتي فالدار...فاش رجعت للفيلا كنشوف الخدامة لي بستها واقفة وهازا الباليزة ديالها عرفت بلي هي لي غادي تمشي معايا......معنديش الوقت باش نبدلها....حيت طيارتي مبقا ليها والو...فاش طلعنا لطيارة كتبان ليا متوتورة ومخلوعة...باينة هادي اول مرة ليها تركب فطيارة ...مكانتش تحلم بهاد لحضة فحياتها.....كنت شاد الجريدة ديالي ومركز...حتى كنسمعها كتقول شي خزعبيلات.....دورت وجهيي لعندها كانت مغمضة عينيها وباين عليها الخوف ...شدني الضحك من كلامها....عقت براسي بلي كنتبسم ليها ..دورت وجهي من جديد...فيها شي حاجة كتجدب ....وصلنا لمدريد...تاني يوم كان عندي اجتماع ..مننكرش طيابها زوين....ولكين لسانها طويل وبعد المرات كتقول شي هضرا بدل متعصب عليها كضحك.....كانت طول اليوم تحاول تهضر معايا وانا ممسوقش ......حتى صدماتني سامية نهار لاخر وعاودات ليا على المكيدة....وفاش تصدمت كتر ملي قاتلي بلي الخدامة هي لي سمعات الحوار.....استغربت مكنتش نضن بلي كتفهم الاسبانية وتهضر بيها ....نهار عن نهار كتصدمني بحاجة جديدة.....نزلت لعندها وتاكدت من الخبر .....اتجهت للشركة المنضمين للعقد سولت على ولد القح&& لي دار هاد المكيدة...وملقيتوش ....بقيت فلاتصالات حتى لقيتو....شبعت فمو ضرب لو كان مفكوه من بين ايدي كنت قتلتو.....الغيت العقد...ورجعت لدار كتبان ليا واقفة ومخلوعة ...غوت عليها حتى هربت كتجري)"
(اصبحنا واصبح الملك لله...
جميلة...(فقت هاد الصباح خايفة منو لايتعصب عليا بحال البارح ..دوشت صليت...ومشيت لكوزينة كنوجد لفطور بفففففف لبيض مكاينش وسي سيف ضروري يفطر بيه ...معرفتش شنو ندير ....قلت بيني وبين راسي نمشي نقولها ليه...واخا عارفة راسي غادي يغوت عليا على الصباح....مشيت كنتسلل فتحت الباب بشوية كيبان ليا ناعس بحال شي ملاك......اوووف بعيت نهرب بيه واااعباد الله هادا من فين نزل بقيت مسمرة على الباب ساهية فيه...حتى كنشوف بدا يفتح عينيه....كاديت لوقفة ديالي...
سيف...صبحنا على الله ....انتي تاني شنو بغيتي(كيشوف فيا بنص عين)
جميلة...سي سي سيف جيت غير نقوليك بلي البيض مكاينش باش ندير لفطور
سيف...ومن بعد ياك مكتسنايني نبيض ليك....سيري جيبيه
جميلة ....سي سيف راه شيفور مزال مجا
سيف ...سيري بوحدك ياك كتعرفي تهضري للغة وزايدون سوبر مارشي حدا رجليك ...سدي داك الباب وخرجي
جميلة...(تفو شداني كاع نطلع نقولها ليك....يجعلك متكل لا بيض لاحمام ...بدلت حوايجي ...ومشيت لسوبر مارشي بسيف باش عرفت بلاصتو غير لي داز من حدايا كنسولو ....مشيت نيشان لجزء لي فيه لبيض خديت لخاصني وهي توقف عليا واحد لمرا...
جميلة.....سنيورة تسمحيلي ندوز(الحديث بلاسبانية)
المراة....تقدري تهضري مغربية كنفهم
جميلة...هههه باش عرفتي بلي انا مغربية ...مكتوبة على جبهتي
المراة...كنعرفك مزياااان كتر ماتخيلي
جميلة...سمحيلي ولكين انا مكنعرفكش
المراة..انا ليلى مامات سيف(مدات ليا ايدها ....انا بيقت مجمدة فبلاصتي وعينيا خرجو من فين طلعت هادي ..ومن فين كتعرفني)



ونشكو بالعيون ادا التقينا...فافهم
ه ويعلم مااردت...اقول بمقلتي اني مت شوقاااا....فيوحي طرفه اني قد علمت..."
(نرجعو لاحداث القصة.....
جميلة....س سمحيلي مدام ليلى انا خاصني نمشي
ليلى...(شداتني من دراعي )انا غادي نغيرلك حياتك
جميلة...(تلفت لعندها)مفهمتش شنو تقصدي؟؟؟
ليلى...هادا رقمي ...سيف غادي يسافرليوم لمدينة اخرى فاش يسافر صوني ليا فهاد الرقم غادي نفهمك شنو كنقصد
جميلة...(شديت الورقة ومشيت للدار مخلوعة ....وصلت للدار كنلقى سيف كيهضر فتيلي)
سيف..(تلفت لعندي)مشيتي تصنعيه
جميلة...س ...س ...سمحلي سي سيف ..هاني نوجدلك لفطور
سيف...انا خارج...غادي نغيب يومين عندي سفرية الى حتجتي لشي حاجة شيفور عندك
جميلة...(.بقيت حالة فمي ...ناررري فين عرفات بلي سي سيف مسافر ..هاد المرا باينة فيها مسهلاش ..)واخة اسي سيف الله يجيبك على خير
سيف...(طلع فيها وهبط ومشا)
جميلة...(كلست فصالة شاد الرقم بين ايديا...نصوني ...اولا نبعد من المشاكل حسن....ناري الى عرف سيف ....مغديش يرحمني ...ولكين هي قاتلي غادي نغير حياتك....بغيت نعرف شنو تقصد....شديت لقرار بلي نصوني عليها...
جميلة...ا....ا ...الو مدام ليلى
ليلي..عرفتك غادي تصوني
جميلة...ا...انا
بغيت غير نعرف شنو كتقصدي ...ملي قلتي غادي نغير حياتك
ليلى ....هاد الموضوع خاصو جلسة...انا نصيفط ليك واحد العنوان...شدي طاكسي وتعالي لعندي وعنداك يشوفك شيفور...(قطعت)
جميلة..(نارررري
واش هادشي لي كندير صحيح...عارفة راسي ماشية للهلاك برجليا ..ولكين الفضول قتلني ...بغيت نعرف قصدها شناهو...بدلت حوايجي...ونزلت كنتسللل من الجردة لايشوفني الشيفور...شديت طاكسي واتجهت للمكان لي عطاتني ....
ليلى...(مدات ليا ايدها)اهلا
جميلة...(مديت ليها ايدي)اهلا بيك
ليلى...جلسي ..
جميلة..(جلست وانا كنتلفت يمين وشمال)
ليلى...ههه متخافيش ..مغادي يشوفك حد هنا
جميلة....عافاك امدام ليلى هضري فالموضوع بالزربة مخاصنيش نتعطل
ليلى.....اوكي..
.غادي نسولك ...وجاوبيني بصراحة
جميلة...واخا امدام
ليلى...كتبغي سيف ولدي؟؟؟
جميلة...(بلقت فيها عينيا ...بالصدمة جيت نشرب الماء وانا نكفحو عليا)
ليلى...هههه مالكي بشوية عليك
جميلة..س ...سس سمحيلي...خاصني نمشي (جيت نوض وهي تشد ايدي )
ليلى....جلسي ...يلاه بدينا فالموضوع
جميلة....مفهمتش
؟؟؟
ليلى...سمعيني اجميلة..ولدي سيف مكيهضرش معايا هادي عامين..كنضن بلي كتعرفي السبب...معتز ولدي لي صغر منو ولا كيهضر معايا شوية ولكين سيف ...اه ه ه ...الا مشا حتى خرجك من قلبو .تاكدي بلي .متعاوديش دخلي ليه مرة اخرى...حاولت معاه كتر من مرة ...يسامحني ...ولكين قطع صيلتو بيا بشكل نهائي ....قررت نراقبو واخا من بعيد ...اي صغيرة او كبيرة عندها علاقة بيه كتكون فراسي ....جميلة...انا
بغيت نرجع لولدي ...ولداري ...ومكانتي ...وانتي هي لي غادي توصليني لهاد شي.
جميلة....ا...ا.
..انا انا
ليلى...اه انتي
جميلة...و ولكين انا راه غير خدامة ....بحلاش غادي نوصلك لهادشي لي بغيتي ؟؟؟
ليلى....انتي كتبغي ولدي ......وانا غادي نعاونك
جميلة....لا .... لا ...امدام انا ...انا مكنبغي حد ..
ليلى...ههه جميلة..كلشي كيبان من عينيك مكتعرفيش تخبي....وزايدون
انا متاكدة بلي كتبغي ولدي حيت واحد العصفورة فلفيلا وصلاتلي لخبار
جميلة..(ويلي ميمتي على فضايحي ...كلشي عرف بلي كنبغيه..ولكين شكون هادي لي قالتها ليها ..هادي غير اكرام بنت الكلبة ....ولكين حتى خالتي صفية فراسها وسارا حتى هي ....اوووف .....حدرت راسي ومجوبتش)
ليلى...جميلة انا محتاجة ليك وحتى انتي محتاجة ليا....غادي نخلي سيف يبغيك ويموت عليك...وميشوفش وحدة غيرك...انتي غادي تكوني النفس لي كيتنفسو....وهاد
شي غادي يوقع الا وافقتي على كلامي(كتشوف فيا وكتسنى جوابي)
جميلة...((فتحت عينيا ممصدقاش كلامها زعمة تقدر تخليه يبغيني؟؟).و ...ولكين سي سيف الا ساق لخبار يمكن يجري عليا ...هادا الا مقتلني قبل.
ليلى...مغديش يسيق لخبار....الاساس
دابا هو نسمع الموافقة ديالك
جميلة....معرفتش
....ممكن تخليني نفكر ونرد عليك
ليلى....اوكي غادي نعطيك جوج سوايع بالحساب وردي عليا حيت الوقت مبقاش عندنا
جميلة..(ناضت من عندي وانا بقيت حاطة ايديا تحت حناكي.....اوووو
ف شنو ندير)
"


"يستحي ياسمين الدنيا من جماله...ولا يليق بجمال عينيه سوى الغزل"
جميلة..(رجعت للدار كنتسلل من الجردة ...قعدت فالصالون وشديت راسي بين ايديا....دابا انا الى وافقت غادي تخليه يبغيني ...والى موفقتش غادي نبقى فهاد الحالة ....اووووف شنو ندير...انا بغيتو ...وخايفة منو....والله ويسيق لخبار غادي يخليني كلي قديد ويطيب عليا كسكسو....اووف شنو كنخربق ...ميوصلش لهاد الدرجة.....يارب
ي شنو ندير...وانا فدوامة افكاري صونا تيلي...
جميلة...ا..الو
ليلى...فكرتي؟؟؟
جميلة..م...معرف
تش امدام ليلى....انا خايفة
ليلى...ديري فيا تيقة..غادي تبدل حياتك.....بلاصت
ك كيحلمو بيها ملايين لبنات...عندك الاختيار تبقاي الخدامة جميلة...اولا لمدام جميلة
جميلة..(غير سمعت هاد الكلام وانا نقز)موافقة موافقة(ويلي شنو كنقول )
ليلى...مزيان غدا غادي تشدي طاكسي مع 8:30 ديال الصباح عندنا الخدمة بزاف ....جميلة...راك
رسمتي بداية جديدة لحياتك(قطعت)
جميلة..(ههههه غادي تكون سميتي من اليوم مدام جميلة...خاصني نبدا حياتي من جديد براكا عليا من تمارا )
^^^^^^^^^^^^^^^
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
(اصبحنا واصبح الملك لله....)
جميلة...(فقت هاد الصباح على غير العادة ...حاسة بلي حياتي غادي تقلب للاحسن ...دوشت بدلت حوايجي وفطرت....وصلت الساعة 8:20 اكيد مدام ليلى كتسناني ....خرجت كنتسلل مرة اخرى من الجردة شديت طاكسي واتجهت لعندها....
ليلى...صباح الخير
جميلة....صباح النور مدام ليلى
ليلى...كتباني ناشطة ...هاد النهار
جميلة...(حدرت راسي وتبسمت)
ليلى...(غير نشطي احنينتي مع راسك غير نوصل لهدف ديالي غادي نرميك بحال مجبتك...)نمشو
جميلة...فين؟؟؟
ليلى...ركبي ونفهمك من بعد
جميلة..(ركبنا وكانت ليلى هي لي صايقة).فين غاديين دابا ؟؟
ليلى...غادي نديك لداري ...غادي نعاودليك على سيف ....شنو لي كيبغي شنو كيكره ...وغادي ندربك على طريقة الهضرة معاه ونغير شوية من اسلوبك .....اوووف قدامنا بزاف ديال الخدمة وانتي خاصك تكون واجدة قبل ميجي سيف
جميلة...واخا امدام انا لي قلتيلي غادي نديرو اصلا متخافيش عليا راه عقلي خفيف ودغيا كنستوعب
ليلى....ههه انشاء الله...يلاه نزلي وصلنا
جميلة...(نزلنا قدام واحد العمارة....دخلن
ا وانا الخلعة شاداني انشاء الله نفهم هادشي لي غادي توريني)
ليلى...جلسي اجميلة
جميلة...(قعدت)
ليلى...اول حاجة اجميلة خاصط تنتابهي عليها هي الجلسة ديالك....خاصها تكون في منتهى الانوثة متنسايش انتي غادي تكوني مراة سيف يعني خاصك تكوني في قمة الرقي
جميلة..(غير سمعت غادي نكون مرات سيف تبسمت بلا شعور..)
ليلى...هانتي غادي تجلسي على جنب وتحطي رجلك اليمين على رجلك اليسار ...ومتخليش فراغ بينهم بحال هكا
جميلة...(بدات تعلمني ليلى طريقة الجلوس ديال الناس الراقية ...تفووو يخ شحال تعدبت فهاديك القعدة حسيت بضهري تقسم....من بعد داتني للكوزينة كتعلمني لبريستيج ديال الماكلة...
ليلى...حاولي تاكلي غير بشوية بالشوكة....بهاد
الطريقة كتشدي الشوكة ...وكما قلت ليك تكوني فمنتهى الرقي ...ودايما ضهرك يكون مستقيم عنداك تعوجيه
جميلة...(ويلي ميمتي شحال فيهم ديال لكيليميني...ايو
ة دابا الاجيت ناكل كسكسو ...زعمة غادي ناكلو حتى هو بالشوكة ويكون ضهري مقاد....انا راه الا مربعت رجليا ..وعوجت ضهري على ديك القصعة كاع منقول بلي كليتو..)
.ليلى...فهمتي
جميلة...ا...اه فهمت
ليلى...ايوة دابا غادي نهضرو على الاسلوب ديالك فالهضرة .....غادي تبقاي تهضري بشوية ...متنسايش راك انثى..فاش تبغي ضحكي غادي ضحكي غير بشوية ودايرا ايديك على فمك ....راسك دايما تخليه مرفوع ملي تبغي تهضري ..حاولي تنقسي من الهضرة بايديك....هضري بطريقة..كلها انوثة وشوية دلع....
جميلة...(بففف شحال ديال لحموضة عند هاد الناس ...قاليك حقا ضحكي وانتي دايرا ايديك على فمك وتي انا راه الا محزقة فضحكة منعتاربش راسي كاع ضحكت.....)واخا امدام فهمت
ليلى...وصلنا دابا لاهم جزء ....وهوسيف
جميلة...(هاهو المعقول بدا..جلست حداها فاتحة عينيا ومركزة بغيت نعرف اي حاجة عندها علاقة بيه)

ليلى...سمعيني مزيان....ولدي سيف من صغرو كيعتامد على راسو تقدر تكون فيه الموت وميطلبش المساعدة من حد ....من ساعة لي مات باباه ولاعصبي بزاف ...وقاصي....ولك
ين هاداك غير ماسك دايرو على وجهو ...ولدي حنين لواحد درجة متخيليهاش ....مكيبينش وجهو لحقيقي لشي حد الا للشخص لي غادي يمتالكو....وهاد الشخص هو انتي ....انتي اجميلة الى بين ليك سيف وجهو الحقيقي عرفي راسك بلي متالكتيه...وهادشي لي غادي ديري ........غادي تمتالكيه
جميلة...(تاترت بزااف بكلامها...مكنتش
نضن بلي حبيبي حنين لهاد الدرجة...ولكين غادي نحاول ندخل لقلبو بحال مدخلتو قلبي)
ليلى...حاجة اخرى ...كيكره شي حد يكسر كلمتو.قاليك هاد الحاجة ديريها يعني ديريها....هادشي
ديريه فبالك اجميلة
جميلة...واخا امدام فهمت نحاول ندير لي فجهدي
ليلى...مزيان ...بقات لينا حاجة وحدة هي المضهر ديالك..
جميلة..(بقيت كنشوف فراسي...بقيتي غير انتي معلقتيش عليا)
ليلى...المضهر ديالك خاصو تغيير شامل ...خاصو نهار كلو ...غدا ساعة .8:00.نلقاك هنا..(كطلع وتهبط فيا باحتقار).
جميلة...واخا امدام ليلى وشكرا على كلشي
ليلى....تقدري تمشي سالينا اليوم
جميلة..(رجعت للدار طبعا عرفتو من فين دخلة من الجدرة....بدلت حوايجي وبقيت طول ليل كندرب على القعدة العجبية...وكنحا
ول نهضر بالطريقة لي قاتلي مدام ليلى....بقيت فهديك الحالة حتى دوخني نعاس دخلت البيتي ونعست ..
(اصبحنا واصبح الملك لله...
جميلة..(فقت على صوت تيلي كيصوني)..امم...
ا...الو
ليلى...من هنا لخمس دقايق نلقاك عندي...اولا نساي حاجة سميتها سيف
جميلة...(نقزت من بلاصتي)هاني جيايا امدام ليلى...ال...الو
(قطعت)نضت نجري من بلاصتي ويلي تعطلت بدلت حوايجي بزربة وخرجت ...اووف باينة نهار مقود من بدايتو ...مع زربة خرجت من الباب وشافني شيفور...
شيفور...غادي تمشي لشي بلاصة نوصلك(حديث بالاسباتية)
جميلة...ههه لا شكرا غادي نمشي ....غير لصالون
شيفور...نوصلك
جميلة...لا لا شكرا هو غير هنا ....وزايدون غادي نتعطل راك عارف البنات شحال كيشدو ديال الوقت هههه يلاه نهارك مبرووك(مشيت نجري شديت طاكسي لعند ليلى...لقيتها برا كتسناني....
جميلة...(ركبت لوطو)سمحيلي مدام ليلى تعطلت
ليلى...هادي اخر مرة ليك تتعطلي فشي موعد
جميلة...واخا امدام ...احممم اليوم شنو غادي نديرو
ليلى...بحال مقتليك البارح غادي نغيرو شكلك...غادي نسبقو فواحد المول ديال لحوايج ...نوريك الاناقة لي خاصك تبعي
جميلة...اوكي(وص
لنا للمول ......كيبان ليا تمان ديال لحوايج ماشي غالي بزاف ولكين حوايجهم عصرية)
ليلى...جميلة غادي نعطيك واحد المهمة...غادي تختاري اكتر من لبسة وتجيبها ليا نشوف ذوقك
جميلة...اوكي(قت
ليكم قبل بلي كنبغي الحوايج لكلاس والماركات واخا عمري محلمت نلبسهم..المهم اخترت شي كسيوات كيبرزو الجسد ديالي وجيت لعندها...)
ليلى..(مصدومة كتشوف فيا)هههه صدمتيني ...عندك ذوق زوين
جميلة...ههه شنو فايدة ذوق والفلوس مكايناش ههه
ليلى...الحمد لله بعدا عرفتي تختاري كنت صحبتنا غادي نضلو هنا...غادي نزيدك شي لبيسات قرابين لذوقك ونكملو نهارنا
جميلة...اوكي (شديت شحال من لبسة...واتجهنا لصالون...بشاااا
اااااااااااخ صالون من كبرو دوخ فيه ..دخلنا وكلشي بدا كيسلم على المدام سامية....قرب واحد خينا مبنت .

الدري...اووه سنيورة ليلى...توحشناك باس لها ايدها (الحديث بالاسبانية)
ليلى...ميرسي جو ..
الدري ...تفضلي شنو نجيب ليك تشربي
ليلى...قهوة الى كان ممكن
الدري ....هي لولة (جاب ليها القهوة وكلس حداها)
ليلى....جايبا ليك مهمة انا عارفاك غادي تكون قدها
الدري...انتي غير امري وانا نفذ...شنو هي المهمة
ليلى...(شيرات ليه عليا)هاهي ؟؟؟
الدري....اوووف ياربي ....من فين خرجات هادي؟؟؟
ليلى...جو راني دايرا فيك تيقة العمياء بغيتك تبدلها ماشي 180درجة بغيتها تتبدل 200 درجة ماماها الاشافتها متعرفهاش ...بغيتها من راسها لرجليها تكون وحدة اخرى
الدري....اووف هادشي صعيب شوية
ليلى...جو..كنعر
ف بلي مصعيب عليك والو...بين ليا هادشي نشوف
جو...اوكي غادي نطلعها وحدة اخرى انتي ومتعرفيهاش
جمميلة...(جا المبنت لجيهتي وجرني من دراعي....كنشوف شي وحدين تابعينو....ويلي
ميمتي شنو غادي يدير فيا)دخلوني لواحد الصالة فيها جوج بنات....
البنت...حيدي حوايجك
جميلة...علاش ؟؟؟
البنت...غادي نديرو ليك ليزر للشعر لي فجسمك
جميلة...(استسلم
ت لامر الواقع بقاو مضاربين معايا شي ...ساعتين ...من بعد خرجوني لعند جو ضارو بي اشي عشرة الناس شي مضارب مع ضفار ايديا وشي مع ضفار رجليا ....شي مضارب مع شعري ,,,,وشي مع حواجبي ...وناررر ي شغنعاود ليكم...مخلاو قنت فيا مقادوه .....سبع ساعات وانا فلمعاناة ...واخيرا سلاو مني ...دورت وجهي ليهم ..كنشوفهم فرحانين ...وشي وحدين ساهيين فيا ..نارري ميمتي هادو شدارو فيا...خرجت عند ليلى...
ليلى...واووووو ميمكنش ههه مكنتش نتوقع هاد النتيجة نهائيا
جميلة...شنو ؟؟؟بحلاش وليت؟؟؟شنو دارو فيا بغيت نشوف راسي
ليلى...جو برافو عليك بهرتني الحقيقة...هههه مزال ...مزال ممصدقاش برافو
جميلة...عطوني مراية نشوف راسي عطوني (جابوليا مراية..بلقت عينيا ....ميمكنتش...ه
ادي ماشي انا...واش لمراية فيها شي تصويرة....مدام ليلى شكون هادي؟؟؟
ليلى...ههه هادي انتي ...زعمة برافو عليك اجو وخلاص
جميلة...ميمكنش نكون انا هي هادي ...جميلة لخيبوعة ...تبدلات ولات بحال البوكوسات ديال الافلام
ليلى....جميلة يلاه تعطلنا بقات ليك ربع ساعة ويجي سيف
جميلة..(هزيت لحوايج لي شريت وشي ميك اب ..واتجهت للدار ...دخلت البيتي كندير لبوزات قدام لمراية...هههه واش هادي انا ...حطيت ايدي على فمي ..فين كان هاد الزين مخبي...سمعت صوت لوطو ...عرفت بلي سيف جا...بدات المهمة....خرجت من البيت كنجري ...واتجهت للباب الامامي....فتح الباب...
سيف..(هاز تيلي ديالو كيقرا شي حاجة ...رفع راسو كيشوفني قدامو...تصدم حسيت بيه ...مفهم والو...انا براسي احنيني تخلعت من راسي بقيت غير انت...
جميلة....سي سيف الحمد لله على سلامتك
سيف...(مصدوم وغير كيشوف)...


"انت الامنية التي لااريدها ان تصبح امنية غيري...انت الشئ الذي لا اريد ان افتقده يوما ما....انت من يسكن بلقلب وسيسكن طوال العمر"
جميلة....سي سيف الحمد لله على سلامتك
سيف...(مصدوم وغير كيشوف)
جميلة...(السيد سها...ويلي لهاد الدرجة كنت خيبوعة )..ا..سي سيف نوجدلك شي حاجة تاكلها(كنهضر بمنتهى الانوثة تطبيق التعاليم ديال ليلى)
سيف..(غير كيشوف)...شكون نتي؟
جميلة...(ويلي على غدايدي معرفنيش)انا....
انا جميلة الخدامة اسي سيف
سيف...وااوو..(ت
مالك نفسو بزربة)...احمم. (كيحك فلحيتو بطريقة رجولية.. رجع للبرود والقسوة من جديد)شنو كنتي كتقولي؟؟
جميلة....سولتك اسي سيف واش نوجدلك شي حاجة تاكلها
سيف.....لا ..لا مبغيتش غادي ننعس ..
جميلة...اوكي تصبح بخير (قلتها ومشيت وخليتو واقف فبلاصتو مجمد....رجعت البيتي طايرا من الفرحة ...عجبتو باينة ...نارري على شوفات دار فيا ...اه ه ه ياقليبي....مبقا
عندي صبر...
^^^^^^^^^^^^^^^
^^^^^^^^^^^^^^^^^^^^^^^
نعطيو الفرصة للبطل يهضر حتى هو شوية....
سيف...(كيهضر فتيليفون)بغيت ديلمو حي نوريه كيف داير لعب....اوكي من هنا لساعة غادي نكون عندكم(بعد مكتشفت المكيدة لي كانو مضبرين ليا ....الغيت العقد وكرفست ولد القح&& لي كان مخطط لكلشي ...ولكين جاتني خبار بلي هاد خينا معاه واحد اخر فمدينة سيفييا الاسبانية...طلب
ت من رجال يلاحقوه ويشدوه حيت غادي ننتاقم منهم هاد المرة بطريقتي..تلفت باش نمشي كتبان ليا يلاه جايا من سوبر مارشي ....بقوة لاعصاب غوت عليها...وخرجت....معرفتش علاش كنحس بذنب فاش كنغوت عليها ..كنحسها درويشة ...ولكين شنو نديرلها كطلع فوجهي الوقت لي كنكون فيه معصب...وصيت شيفور يبقى معاها ...بنهاية هي تحت مسؤوليتي...ركبت فلوطو واتجهت لسيفييا ...لتقيت بالرجال لي مكلفهم بالمهمة ....وهنا خططت بلي نقلب الطاولة عليهم ...بعد تهديد وضرب لي تعرضلو هداك الخاين كشف لي على بلاصت الشاحنات لي كانو معمرينهم بالممنوعات .....علمت الشرطة ...وهنا ضربت عصفورين بحجر واحد...حبستهم واحد واحد...وحافضت على مكانة الشركة ديالي ...فالنهار تاني ...قاديت مسائلي القانونية. ...تيلي كيصوني ...
سيف...الو حبيبة (الحديث بلاسبانية)
هي...توحشتك بيبي الى مصونيت انا انت متصونيش
سيف... ههههه علاه شكون علمك بلي انا هنا ههههه .....غادي تجي لعندي هاد ليلة
هي....فين؟امتى؟
سيف...ههه دابا نرسل ليك العنوان ... بغيت ندوز معاك ليلة قبل مرجعت لمدريد
هي...اوكي بيبي خمس دقايق ونكون عندك
سيف...(جات لعندي باولا وقديت لغراض ههه...فقت صباح كنشوفها ناعسة حدايا دوشت وفطرت ...وخرجت ...لتقيت هداك نهار بشي اصدقاء دوزت معاهم النهار وشديت طريق راجع لمدريد....وصلت الدار ...كيوصلني ميساج من عند باولا ..بقيت كنهضر معاها ميساجات...حتى رفعت عيني ...تعزعت من المنضر لي شفت.... اول مرة كنشوف هاد الجمال ...كانت فمنتهى الانوثة...كنت كنكذب نفسي ...هادي ماشي خدامتي ....شكون هادي؟؟؟كتهضر معايا وانا مرفوووووووع ...حتى عقت براسي ورجعت سيف لي معروف عليه البرود تجاه الجنس الاخر....اووووف
هبلتني طريقة هضرتها الانثوية....مزال ممصدقش بلي هادي الخدامة لي جات معايا اول نهار).


"حين افتقدك...لن ابحث عنك بعيدا...بل سانضر الى اعماق قلبي حيث تكون دائما"

جميلة...(خرجنا من المطعم واتجهنا للسيارة..
شيفور..سي سيف فين تبغي نوصلك؟؟
سيف..شارع"مايور
كا"
شيفور...اوكي
جميلة..(اتجهنا لشارع المذكور...طول الطريق ساكتين.....
سيف...وقف هنا..(فتح الباب جا يخرج ورجع)مغاديش تنزلي؟؟؟
جميلة..(دورت وجهي لعندو)...نازلة.
..نازلة اسي سيف(نزلت كنشوف قدامي غير المقاهي والمطاعم...شارع كلو فيه غير الماكلة ..لي تشهيتها تلقاها...
سيف....احمم..دا
با انا غادي نعطيك الاختيار ...فاي مطعم بغيتي تجلسي؟؟؟
جميلة...لي بغيت انتا اسي سيف
سيف..(خنزر فيا)قلتليك فاش نقول كلمة نبغيها تنفذ...ودابا نفذي لي طلبتو
جميلة..واخا...ب
يني وبينك انا متوحشة بيتزا ..خصوصا الى كانت ديال" لفروي دوميغ" بشاااااااااااخ..فوقها داك الفرماج...كتبدا تجرو ..امممم(كنهضر مغمضة عينيا وعايشة دور ...الجوع ومايدير...عقت براسي فتحت عينيا ...كنشوفو سارح فيا ومركز معايا..بقيت كنحرك عينيا يمين وشمال..
سيف..احمم....كا
ين واحد المطعم هنا خاص بلبيتزا ..اكيد غادي تعجبك بيتزاديالهم ؟؟
جميلة..(تبسمت ليه.... هو ماشي قدامي وانا وراه..دخلنا المطعم ...طلبنا بيتزا"فروي دو ميغ "...يلاه جيت نبدا بلبروتوكول تاني لي علمتني ليلى وهويصوني تيلي ديالي... شفت شكون لي كيصوني ....تزنقت ..ورعدة شداتني ..كنحس بلعرق غادي مع ضهري ...صافي نهايتي قربت...كانت ليلى كتصوني ..سيف عاق بيا بلي ماشي على طبيعتي..
سيف...مالكي ..كتبان ماشي نورمال؟؟
جميلة...ش...شنو
؟؟
سيف......سولتك مالك...وزايدون جاوبي على تيلي صوت ديالو صدعني..
جميلة......ههه واخا ...و...واخا سمحلي سي سيف...(كنهضر والرعدة شاداني)...ا..ا.
.الو
ليلى......مالكي
مكتجاوبيش ؟؟؟من قبيلة وانا كنصوني ليك
جميلة.....ا..اه
يسرا حبيبة..كيدايرة وكيدايرة خالتي
ليلى....حداك سيف؟؟
جميلة...اه تلقيت معاها.
ليلى...شنو كديرو؟؟
جميلة...والو حبيبتي يسرا غير كنتغدا دابا
ليلى....هههه مزيان ..الخطة ماشية مزيان غادي ويطيح على راسو...من بعد ونهضر معاك(قطعت)
جميلة...يلاه حبيبة سلمي على خالتي باي ...باي
سيف..(كيشوف فيا بطريقة غريبة بحال الى حاس بلي كاينة شي حاجة)
سرباي.....تفضلو
...بصحة
جميلة...(غير تحط قدامي داك طبسيل دخلت فمو طول فعرض ...مكاين لا بروتوكول لا بريستيج لايديك لايخليك....كناك
ل بيديا بجوج تقول كنت مع اصحاب الكهف...طلعت وجهي وفمي عامر ..كنشوفو ...راسم ابتسامة على وجهو...عقت براسي ...صرطت لقمة..قاديت لقعدة ..وبديت ناكل بشوية...
سيف.....ههههههه
ه..من شوية كنتي كتقولي ماشي جيعانة .شنو وقعليك دابا؟؟
جميلة...(ويلي على شوهتي...قربت لعندو شوية)عيقت فماكلتي اسي سيف ياك؟؟؟؟
سيف....اووف بزاف...
جميلة...سمحلي..
اصلا شبعة صافي
سيف.....هههههه علاش كنتي غادي تزيدي
جميلة....(حدرت راسي ...بيني وبينكم والله مكرهت نكمل هاديك بيتزا ولكين هاد الناس ديال الحبة كياكلو غير طريف...وانا حاشية وجهي فطبسيل...)لا..و
الله الى شبعت(استغفرك ربي واتوب اليك )
سيف..ايوة يلاه نوضو
جميلة...اوكي


"ليس الحب ان نبقى بجانب من نحب ...بل الحب ان نبقى في قلب من نحب"
جميلة...(رجعنا الدار بعد مدوزت يوم مكنتش نحلم بيه فحياتي....دوشت ودخلت لبيتي ننعس ...حطيت راسي على المخدة ...غمضت عينيا كنسمع تيلي كيصوني...مدام ليلى كتصوني ..مشيت نجري سديت باب بيتي بساروت من الداخل ...وفتحت الخط..
جميلة...الو مدام ليلى(كنهضر بشوية)
ليلى...فين وصلتي عاودي ليا
جميلة...والو امدام سي سيف مشا معايا السوق اليوم .و..
ليلى...حبسي حبسي ...مشا معاك السوق؟؟؟سيف؟؟ول
دي؟؟؟
جميلة....اه كنت طلبت منو الاذن باش نمشي قاليا نمشي معاك
ليلى...هههههه ومن بعد؟؟
جميلة...من بعد عرض عليا لغدا تغدينا ورجعنا لدار ..صافي
ليلى....ههه برافو عيلك طلعتي ماشي ساهلة يالعفيريتة
جميلة....مفهمتش
؟؟؟
ليلى....حسن متفهمي...ولكين لي غادي نقول ليك بلي ولدي طاح على راسو
جميلة....يعني؟؟
؟
ليلى...يعني ...سيف بدا يبغيك..ولكين لكبرياء لي فيه مغاديش يخليه يعتارف بهادشي
جميلة....م..مدا
م ليلى..متاكدة من هادشي لي كتقولي؟؟؟
.ليلى...هداك راه ولدي اجميلة عارفة شنو كنقول...المهم امتى غادي تمشو لمغرب؟؟
جميلة....(مزال ممستوعباش هضرتها...مستحيل
يكون هادشي صحيح...)
ليلى...جميلة...
جميلة..الو؟؟؟
جميلة...ا...معا
ك..معاك امدام شنوكنتي كتقولي؟؟؟
ليلى...قلت ليك امتى غادي تمشو لمغرب
جميلة...غدا امدام
ليلى...مزيان..م
تنسايش..اي خطوة صغيرة او كبيرة تكون فراسي (قطعت)
جميلة...(.حطيت تيلي ..وانا مرفوعة ...انا يبغيني..سي سيف ؟؟؟ميمكنش...يمك
ن..يمكن مدام ليلى..غير قالت هادشي باش تخليني نتعلق فيه كتر...ولكين شنو غادي تستافد من هادشي؟؟اصلا لوكانت ماشي متاكدة من كلامها مكانتش قالتو...هههه باينة طيحتو على راسو...حركاتو...نظراتو...كلامو...تصرفاتو.هاد الفترة معايا متبدل ..يمكن بدا يبغيني..انشاء الله ..انشاء الله يكون هادشي لي كنفكر فيه صحيح...حطيت راسي على المخدة..بعد سلسلة افكار.....فقت صباح دوشت..بدلت حوايجي ..ووجدت باليزيتي ..نزلت نصايب لفطور ...نلقا سي سيف كيتمرن....اوووووووف ".....يخرب بيتك شو حبيتك" واهيا ناري ..هادا شبغا فيا على صباح ..كان لابس شورت اسود ....صدر عريان ...وجالس كيتمرن...رجعت شوية لور ...وبقيت مقابلاه بنص عين...كلشي فيه مرسوم بسنتمتر...بشااااااااخ ...بقيت حضياه بعيني...حتى سمعتو نطق....
سيف...غادي تبقاي حضياني بعينيك؟؟؟؟
جميلة...(تشوكيت
فبلاصتي ...مهضرتش)
سيف...هههه خرجي من تماك..متبقايش طلي بحال شي فارة
جميلة...(برافو عليك اجميلة برافو...قدك قد لبغل ..ويصاحبليك مغاديش يشوفك...خرجت بشوية...حادر راسي وجهي كنحس ..بنار شاعلة فيه ...طلعت وجهي ...كان قريب مني بزاف ...اول مرة يقرب مني لهاد الدرجة ...طبعا من غير لمرة لي باسني فيها..)س...سي سيف....سمحلي...
كنت غادية...نوجد لفطور ...و...وشتك كترينا قلت نخليك ..تمرن على خاطرك
سيف...امممم....
صدقتك
جميلة....(طلعت وجهي فيه...وياريت مطلعتو عينيه العسلية ..دوختني..وليت ندخل ونخرج فلهضرة)ا..انا..
.نمشي نوجد ليك لفطور....ا...ا...نديرليك اومليت..و..وعصير ليمون ياك....و..و
سيف...هههه احممم مديري والو مغديش نفطر دابا
جميلة...وعلاش ..اسي سيف ياك منكون تعطلت موجدت لفطور؟؟؟
سيف...لا....خلي
نا نقولو بلي انا لي غادي نبقى نتعطل باش نفطر يمكن حتى العشرة اولا 11 ((تبسم ومشا)
جميلة...(تفو شوهة راسي مرة اخرى....على مخ عندي خاصني نفرك ديلمو باش يخدم شوية....دخلت لبيتي كنوجد وراقي سفر ديالي ....صبري صبري صبري....دابا هو مبغاش يفطر ...فهاد الوقت ..وبغا يبقا يفطر مع العشرة؟؟-حطيت ايدي على فمي)ميمكنش ميمكنش لا لا لا ....ميمكنش هادشي لي كنفكر فيه....هههه عارفني كنفطر مع العشرة وحتى هو بغا يبقى يفطر فنفس الوقت ياك ميكون كلام مدام ليلى صحيح...لي قطع حبل افكاري صوتو كيدق على الباب..نضت نجري حدا لمرايا قاديت شعري ..فتحت...ليه...
.
سييف....واجدة
جميلة...اه اسي سيف واجدة
سيف..يلاه خلينا نمشو لنتعطلو
جميلة...واخا((ج
ريت باليزتي وخرجت تابعاه....وافكار تديني وتجيبني)


"خذني من ليلي الى ليلك....خذني عنوان لمساك....في الهوى اعطيني دليلك...وان طلبتك قل اتاك"

جميلة..(خرجت جارا باليزتي وتابعاه....راسمة ابتسامة بلهاء على وجهي...ممصدقاش لي سمعت من عندو قبيلة...طلعنا فلوطو واتجهنا للمطار ....ركبنا فطائرتو الخاصة...طبعا هو كان القدام وانا كنت وراه...جالست بلاصتي واخا كنت حاسة بشوية ديال التوتر والخوف ولكين ماشي بحال المرة الاولى...تلفت لعندي...
سيف....عنداك تبداي تاني بخزعبيلاتك بحال المرة الفايتة
جميلة...هههه سمحلي سي سيف برزطتك المرة الفايتة...صافي مغديش نهضر هاد المرة.مخيفاش بزاف
سيف...نتمناو(دار لقدام وشاد فيديه شي وراق)
جميلة...(شديت فلكرسي بكل جهدي ...كنحس بطيارة بدات تتحرك...وكنحس بمصارني بداو يتحركو معاها.. ناري ميمتي كوني معايا.......صبري اجميلة متفضحيش راسك بحال دايما..سديت فمي بايدي ..حتى صافي مبقيتش قادرة...غمضت عينيا...وبديت تاني...واسيدي ربي...وارجال لبلاد...واهيا سيدي براهيم....كنحس بشي ايد شادا ايديي ومزيرة عليها...فتحت عينيا...كان هو..عشقي وملاكي ..سيد روحي وشريان...
سيف..جميلة..متخفيش ..شدي نفس طويل ورجعي طلقيه اوكي
جميلة..(الله اميمتي الله...هاليكان خاصني ..رسلي صواريخ ارض جو لقلبي ...مكفاهش لحالة لي دار فيا ملي شد ليا ايدي ...لا...زاد عليا ونطق اسمي ....اول مرة يقول سميتي....اشمن نفس غادي نشد انا... احح اقليبي احح..
سيف...جميلة كتسمعيني؟؟؟
جميلة...(غير مبلقة فيه...عقت براسي)...شنو؟؟؟
سيف...قلت ليك شدي نفس طويل ورجعيه
جميلة....نفس ...من فين نشد نفس؟؟؟؟
سيف....هههههه جميلة....ههههه عافاك خليك معايا شدي نفس من نيفك وخرجيه من فمك
جميلة...واخا(داكشي لي درت ...طيارة ولات فلجو...وليت كنرجع شوية لطبيعتي...سيف مزال شاد بايدي)
سيف....شوية لاباس
جميلة..لاباس لاباس سمحلي اسي سيف
سيف...(تبسم ودار لقدام)
جميلة....(اما انا فحالتي ...غادي يكونو عارفينها غير العاشيقات بحالي)واخيرا وصلنا المغرب توحشت بلادي لعزيزة....جانا شيفور لمطار جريت باليزتي واتجهنا للفيلا....كانو برا كيتسناونا....
سامية....الحمد لله على سلامتك سي سيف
سيف...شكرا(دار لعندي ومشا)
جميلة....(كلهم كيشوفو فيا...معرفونيش...حتى نطقت)توحشتكم ..
سارا....شكون انتي؟؟؟
جميلة....هههه انا جميلة(شي بقا كيشوف فشي)
سامية....ميمكنش
جميلة..ههه مدام سامية انا جميلة..غير غيرت لوك شوية
سامية....شوية ..انتي تغيرتي كلك
جميلة....ياك كنتي دايما تقولي ليا نغير من شكلي هانا درتها امدام
سامية...احممم..(طلعات فيا وهبطات ودخلت)
سارا....(جات كتجري وعنقتني) توحشتك ازين ديالي
جميلة....حتى انا توحشتك
صفية...الحمد لله على سلامتك ابنتي (عنقاتني)
جميلة...الله يسلمك اخالتي
الحمد لله على سلامتك جميلة(احمد وجعفر)
جميلة...شكرا
اكرام...(كطلع فيا وتهبط وعلامات الشر خارجين من عينيها)ياك متكوني درتي عملية تجميل حيت فحالتك كينفعو غير العمليات(كتعوج)
جميلة...(شفت فيها وتبسمت ومجوبتهاش )يلاه ندخلو حسن ...دخلنا للفيلا...وبديت نوزع علهم الكادوات لي جبت ليهم...كلها عطيتو سوفونير ...وصلت لعند اكرام..هادي مني ليك ااكرام...
اكرام...(شداتها من ايدي..قلبتها بين ايديها ورماتها فسطل الزبل )ميرسي حبيبة...واو عجبتيني بزاف(عوجات فيا وخرجت)س
جميلة...(سري كنكودي لفعة بحالها...)
صفية...متديش عليها ابنتي عاودي لينا على اسبانيا وشنو درتي تماك
سارا....نونونو ..انا لي غادي تعاودلي قبلكم حيت بغيت نسمع تفاصيل المملة(كتغمزني )
جميلة..شغادي نقوليكم ...حاجة خيالية..(دخلات علينا سامية)
سامية....شنو كديرو مجمعين هنا مكتعرفوش بلي مزال كتسنانا بزاف ديال الخدمة ....اولا ندكركم يلاه شوفوشغلكم...وانتي اجميلة...بدلي حوايجك ..وزيدي عاوينهم مبقاش عندنا الوقت بزاف
جميلة..واخا امدام ( غير خرجات سامية جريت سارا....)شنو كاين تاني ..دايرين شي حفلة اولا شنو؟؟؟؟
سارا...غير سكتي من الصباح وحنا نقو ونوجدو
جميلة....علاش شنو كاين؟؟؟؟
سارا....سي جعفر خو سي سيف غادي يجي غدا لفيلا
جميلة...بصاح ..ايوة هي نمشي نبدل حوايجي ونشوف شغلي قبل متجيني دراكولا



"دعني اؤسس دولة عشق....تكون انت الملك فيها...واصبح انا فيها اعظم العاشقين"
جميلة...(جريت باليزتي ودخلت لبيتي ...بدلت حوايجي لبست حوايج الخدمة لي كان عبارة عن سروال كحل وبلوزة بيضة...شفت راسي فلمراية...اول مرة يعجبني راسي بهاد اللبس...جمعت شعري كعكة وخرجت نشوف شغلي ...اكيد غادي تكون حفلة غدا بمناسبة حضور سي معتز (سمحولي على الخطا المطبعي اخ سيف سميتو معتز ماشي جعفر)...المهم خرجت من البيت واتجهت للمطبخ...
جميلة....خالتي صفية...توحشتك بزاف والله(كنهضر وكنشف سي كيسان)
صفية....حتى حنا ابنتي توحشناك...ولكين جيتيني مبدلة هاد المرة
جميلة...كتقصدي شكلي اخالتي ..والله وتشوفي شنو داروليا باش نطلع هكا تكرهي شي حاجة سميتها الزين
صفية...ههه مكنهضرش على شكلك ...كتباني ليا مبدلة بزااف منورة وناشطة...معرفتش ....ولكين كاين شي حاجة مغيراك
جميلة..(حدرت راسي وتبسمت)مكاين والو اخالتي انا هي انا...يمكن سفرية اسبانيا نفعتني شوية وتحسن المورال ههه
سارا....كتهضرو بلا بيا ياك ..شنو كنتو كتقولو؟؟؟
صفية....جيتي تاني راه الى شافتك مدام سامية هنا غادي تجبدي الصداع لراسك
سارا....اووووف شادني لفضول بغيت نعرف كلشي اجميلة عافاك عاوديليا (جرتني لعندها وقربات لعندي.)عاوديلي ...شنو قلتو؟؟؟شنو درتو؟؟؟فين مشيتو؟؟؟
جميلة...والزبلة غير بشوية ..حتى نكونو بوحدنا نعاود لحبيبتي بالتفصيل
اكرام....((جات لجيهتي كتخنزر)
سامية...(دخلات علينا فلمطبخ)لبنات ..طلقو داكشي لي فيديكم وسمعوني...كيف مكتعرفو سي معتز جاي غدا لفيلا غادي يدوز الصيف هنا ...سي سيف دايرليه حفلة استقبال فلفيلا...بغيتكم تكونو فلمستوى ,,اكرام سارا وجميلة...غادي تشاركو مع بقية السربايا في توزيع المشروبات والمقبلات على الضيوف...المضهر ديالكم بغيتو يكون اكتر من رائع ...لبس لي غادي تلبسوه غادي يوصلكم بعد ساعة ...يلاه شوفو شغلكم ....جات خارجة وهي ترجع...
سامية...اه جميلة
جميلة...نعم امدام سامية؟؟؟
سامية...سي سيف كيطلبك لعندو
جميلة...ا انا؟؟
سامية....كاينة شي جميلة غيرك؟؟؟
جميلة...واخا امدام دابا نطلع لعندو
جميلة..(طلعت للطايق العلوي ...وطبعا قلبي كيضرب غادي يخرج من بلاصتو شدني لفضول ...شنو بغايقولي؟؟؟ .. اسئلة كدور فراسي ...لقيت نفسي امام غرفتو..دقيت ورجعت ).
.


"سوف احبك حتى تجف مياه البحر...وتحترق الغابات....فحبك يسكنني في كل الحالات"
(اصبحنا واصبح الملك لله ....
جميلة...(فقت كنغني هاد الصباح ...اغني اهازيج العشق والهوى....دوشت ولبست حوايجي تقابلت مع لمرايا درت بروشينغ لشعري وغسلت وجهي بجيل درت ميك اب صباحي خفيف بزااااااااف ..وشديت وعد مع نفسي ...من اليوم فصاعدا غادي نبقى نهتم براسي..من بعد مرتبت نفسي مشيت لكوزينة نوجد لفطور...وانا ملتهيت مع الفطور كنوجدو ..حسيت بسيف نازل ..توجه لصالون المتقابل مع المطبخ وقعد....مطلعتش وجهي فيه....خاصني نطبق التعاليم..." كلما تجاهلتي الرجل كلما رغب فيك....يعني خاصني نرمي الصنارةونصبر .".تعاليم مدام ليلى هادشي اما لوكانت عليا انا.... نغتاصبو هاديك اللحظة..بقيت مضاربة مع لفطور ومتحكمة فنفسي مخاصنيش نشوف فيه نهائيا....ولكين
الدودة لي فيا مخلاتنيش نزكا..طلعت وجهي ...وياريتني مطلعتو..كان كيشوف فيا ويتبسم ...انا من صدمة الكاس لي كنت هازاه طاح من بين ايديا وتهرس تجرحت شوية فايدي....جا عندي يجري...
سيف.....مالك شنو واقع
جميلة..ا....ا(س
اهية)
سيف...اوف تجرحات ايدك (جبد واحد صنيديق ديال الاسعافات الاولية)
جميلة....(كتسول
و عليا انا ...ويلي يا انا بقيت غير شادا ايدي وكنشوف بحال شي مسطية مخرجينها من برشيد...واش كنحلم...ميمكنش تكون صنارتي صيدات بهاد السرعة..)
سيف..(كيلوي على ايدي الفاصمة)مزال كضرك
جميلة...ا...واش
واش كتهضر معايا انا ..انا ياك كتهضر معايا
سيف..(كيضحك من تحت سنانو)علاش كاين غيرك هنا
جميلة....لا ..لا مكاين حد ..كاينة غير جميلة...وانتا (ويلي دايما فاضحة راسي....خاصني ندير شي حرورة فهاد لسان)
سيف..(كيشوف فيها ويتبسم...عاق براسو ...ورجع من جديد للقصوة...غوبش فيها.)..احمم بقاي انتابهي ...وزايدون .فين كانو عينيك ....توقع فيك شي حاجة انتي المسؤلة عن نفسك ماشي انا (خرج)
جميلة.... (شداتني البكية...والفرح
ة ...والضحك واحد الكوكتيل ديال الاحاسيس ....اي اي كضرني ايدي عاد دابا حسيت بيها ...لا لا هادا خينا عندو خلل نفسي ميمكنش واحد يتبدل فجوج دقايق...جمعت هاديك الروينة لي درت وحطيت ليه لفطور ...جيت نخرج وهو يعيط ليا....
سيف...قعدي
جميلة...(درت لعندو مبلقة عينيا) انا...انا نقعد معاك فميدة وحدة
سيف...فين مهضرت معاك كتقولي ليا انا.....راه مكينش غيرك هنا....قعدي
جميلة...ولكين ميمكنش اسي سيف ..بلاصتي ماشي هنا (طلع فيا عينيه وعاقد حجبانو )بلا شعور جيت قاعدة
سيف...مالك مكتفطري
جميلة...مكنفطرش
فهاد الوقت
سيف...وفشمن وقت كتفطري؟؟؟
جميلة...حتى العشرة وبعض لمرات 11
سيف...غدا غادي نرجعو لمغرب وجدي راسك
جميلة...و.اخا سي سيف.....سي سيف واخا تسمحلي ندير واحد الحاجة
سيف....شنو هي؟؟؟
جميلة....بغيت غير نشد شي كادوات لخالتي وناس لي خدامين معايا فلفيلا...ممكن تخليني نمشي من هنا لشوية الا كنت ممحتاجش لشي حاجة
سيف...واخا ....انا غنمشي معاك
جميلة...(اواه ه ه ماشي لهاد الدرجة...ميمكنش
ياك ميكون طاح على راسو....هههه واش حياتي بدات تتبدل اولا غير كنتخيل)


"قلبي لك فارفق به..مادمت تملك امره....واحفضه حفض الصدر لرئتاك"

جميلة...(مشيت نجري للبيت بعد ماعرفت بلي سيف هو لي غادي يمشي معايا....بدلت حوايجي ...ودرت شوية ميك اب وخرجت لعندو ...كان داخل فلوطو هاز واحد الجريدة...جلست فلمقعد الامامي حدا شيفور....ومشينا
...
شيفور...(الحديث
بلاسبانية)واو تبدلتي
جميلة....(حشمان
ة وحادرا عينيا)وليت زوينة ياك
شيفور...زوينة بزاف(كيشوف فيا ويتبسم)
سيف......خوان شوف فطريق(كيهضر بخشونة)
شيفور...سمحلي سي سيف
جميلة..(وقفات لوطو قدام واحد السوق...نزلنا ...واتجهنا للمحلات كندورو فيهم....شديت كسيوات لصديقتي يسرا وخالتي شديت ليها واحد لونسبل فيه سلسة وخاتم ...اما زملائي لي فلفيلا ...فكل واحد شديتليه هدية بسيطة سوفونير...
سيف...سا ليتي؟؟
جميلة...ا ه ه ه ...سمحلي سي سيف عدبتك معايا
سيف...الى كنتي ساليتي خلينا نمشو
جميلة...(جينا خارجين من سوق ...لمحت عيني واحد لبورتكلي ديال سوارت على شكل سيف ...مقادينو بطريقة عصرية.)...سي سيف تسمحلي دقيقة ندخل عند هاد المحل جوج دقايق منتعطلش؟؟؟
سيف...واش حنا غادي نبقاو غير مقابلينك ...واش انا فيدور ديالك اولا شنو قاليك راسك؟(كيهضر بعصبية)؟
جميلة...(حدرت راسي)سمحلي ...صافي يلاه نمشو
سيف....(اوووووف
)سيري شوفي شنو بغيتي....انا فلوطو((مشا وخلاني)
جميلة...(نارررر
شاعلة فيا ....علاش كيتعامل هكا....مرة تعاملو زوين مرة خايب ...لا لا هاد خينا خاصو يتعالج....سري نيت قاليك بغيت نشد ليه سوفونير...يلاه شديليك سوفونير)دخلت عند مول المحل ....شريت من عندو هداك لبورتكلي وخرجت مشيت لوطو....كان شيفور كيهضر فتيلي برا...طلعت لبلاصتي ....جوج دقايق ديال الصمت ....درت لعندو...
-سي سيف ....هادا سوفونير ليك...واخا ماشي شي حاجة ...ولكين نتمنى تقبلها
سيف....(كيشوف فيا ...بصدمة)ش...شك
را عدبتي راسك
جميلة...(تبسمت ليه ودرت لقدام...وشوية وانا نسمعو....
سيف...سمحيلي ..
جميلة...(فتحت عينيا ورجعت درت لعندو)ش....شنو؟
؟؟
سيف...(علامات الندم على وجهو..)قلتك ليك.....سمحيلي على تعاملي قبيلة معاك
جميلة...(ميمكنش
سيف الادريسي..كيعتادر مني انا جميلة لخديديمة...دكرت كلام ليلى"الى وراك سيف جانب لحنين عرفي راسك راه متالكتيه"....لي قطع حبل افكاري خوان الشيفور ....
شيفور...سي سيف فين تبغي نوصلكم
سيف...مطعم "لابلايا"(كيشو فييا)
شيفور.....اوكي سينيور.

"يسعدني ...ان امزق نفسي لاجلك ايتها الغالية....ولو خيروني لكررت حبكي للمرة الثانية"
سيف...(من بعد مدرت تماريني الصباحية ....نزلت لفطور ...كنت كنشوفها كتجري فلكوزينة من هنا ولهيه ...قعدت فالصالون مقابل معاها وبقيت حاضيها بعينيا....كانت مركزة على خدمتها ...مكتشوفش فيا...معرفتش شنو وقع حتى جرحات ايدها ...حسيت بقلبي ضرني..نضت عندها نجري بلاشعور..كنسوله
ا وهي غير ساهية...كتحمقني فاش كتدخل وتخرج فلهضرة...انتبهت راسي بلي كنتيسم ليها ومركز مع حركت فمها الجذابة....ستجمعت نفسي ...شنو واقع لك اسيف؟؟....ميمكنشمن خدامة طيحك فشيباكها...حتى هي من صنف حواء الخائنات ...غوت عليها وخرجت ...تنادم معايا الحال وطلبتها تجلس تفطر معايا ...كانت حركاتها البريئة وطريقة كلامها الانثوية ...كتخليني نسرح فيها وبعض لمرات كننسى راسي بلي جالس مع خدامتي ....طلبت مني تمشي لسوق...معرفتش بحلاش نطقتها من فمي وقلت ليها غادي نديك واخا انا مكنحمش شي حاجة سميتها سوق كترة الناس وصداعهم كيعصبني....مشيت معاها ...كانت بحال شي فارة تدخل من محل تلقاها فواحد اخر....كنت على اعصابي ...ونفاجرت فوجها من جديد ...خليتها ومشيت لوطو..بعد دقايق دخلات....دارت عندي وعطاتني هدية....صافي هنا حسيت بالدنيا دارت بيا....ميمكنش وحدة تلقا هاد التعامل الخايب من شي حد ومع ذلك فكرات فيه وجابت ليه ..سوفونير معاها....وهنا وقع لي مكنتش نتوقع نديرو ...اعتادرت منها...اول مرة كنعتادر من شي ....وماشي اي حد "خدامتي"...قررت نغفر على ذنبي وطلبت من خوان يحطنا فمطعم"لابلايا"....
جميلة...(وصلنا قدام واحد المطعم مكتوب عليه"لابلايا"..
.بقيت جالسة بلاصتي حتى سمعت سيف...
سيف...نزلي
جميلة..(درت بزربة عندو)...ا...انا
؟؟
سيف..(كيتبسم من تحت سنانو)اه انتي نزلي غادي نتغادو هنا
جميلة...(سديت عينيا رجعت فتحتهم)انا وانت غادي ....نتغداو
سيف...الى مبغيتيش ....خوان يوصلك لدار(قالها ونزل)
جميلة..(وهيا سيدي ربي غادي يحمقني هاد سيد...معرفتش من فين نشدو....دابا انا غادي نتغدا معاه)
شيفور...نوصلك لدار اجميلة
جميلة....(تلفت لعندوك نحيد سمطة ديال لوطو)اشمن دار انتا لاخر ...ويلي انا مصدقتش بلي غادي نقعد معاه (نزلت وتبعتو كنحري)
سيف...(كيشوفها حداه بنص عينو)شتك جيتي؟؟؟
جميلة...الى بغيتي نرجع اسي سيف نرجع
سيف..(يتبسم)لا غير خليك
جميلة...(على دخلة ستقبلنا واحد السيد باينة فيه مدير المطعم...
سيد...اهلا سي سيف (حديث بلاسبانية)
سيف..اهلا بيك
سيد...تفضل اسيدي ...طاولة ديالك واجدة
جميلة..(سيف غادي قدامي...وانا ماشية وراه...كيمشي بطريقة كلها رجولة وسلطة..رافع راسو لفوق ..وغادي بثقة...بشاااااا
خ غير المشية تنسيك سميتك...تفكرت نصائح ليلى...قاديت المشية ...وبديت نتعوج حتى انا رافع الراس لفوق قالك وكنمشي بكل ثقة...جرلي السرباي الكرسي...وقعدت...دابا جاوقت التطبيق النصائح...خاصني نجلس مستقيمة...وندير رجل فوق رجل...احح اضهري غير سمحلي غادي نعدبك شوية....
سيف...شنو تاكلي
جميلة..على ذوقك(كنقولها بمنتهى الانوثة ورافعة راسي لفوق)
سيف..اوكي(تلفت على السرباي وقاليه بحال دايما)
جميلة....(صمت ...انا ساكتة وهو ساكت...شوية سمعتو هضر...
سيف..عجبتك اسبانيا
جميلة...زوينة بزاف...واخة مضرتش فيها مزيان ولكين باينة فيها زوينة
سيف..فين تعلمتي اللغة؟؟؟
جميلة...فاش كنت نقرا فليسي
سيف..علاش انتي قارية؟؟؟؟
جميلة...(بدا المعيور...علاه كنت تصحابني جايا من الجبل)اه قارية وشادا الباك علوم(قلتها بكل ثقة)
سيف....مزيان ...وعلاش مكملتيش؟؟
جميلة....ضروف
سيف...ممكن لي نعرفها
جميلة....ا الواليدين ديالي توفاو..وعشت مع خالتي...خلاتني نكمل حتى الباك وفرضات عليا نخرج نخدم ...و وصافي
سيف..(كيشوف فيا ..وعلامات الحزن على وجهو)
السرباي...تفضلو
بصحة
جميلة...(ويلي ميمتي شهاد الماكلة ...مقطعين لخضرة وحاطين حداها صوبا...بنتليكم معزة اولاد لحرام... فين لحم فين دجاج ....طلعت وجهي كنشوف سيف يتسناني نبدا...
سيف...تفضلي
جميلة..ههه واخا(قاديت القعدة جبت الزويف حطيتو بالطريقة لي علمتني ليلى...لي شافني يقول معرتش شنو غناكل...دقت الصوبا ..يععععع شهادشي ...
سيف...(كيتبسم)ع
جباتك
جميلة...(كندير اشارة بايدي بلي طعمتها روعة...وهي اشمن طعمة مالكت دراري صغار احسن منها...)
سيف...ايوة الى عجباتك كولي شنو كتسناي
جميلة..ههه(كنضح
ك بسيف....ويلي ميمتي شغناكل فهاد الزبل حشا نعمة ربي ...درت تاني لقمة فمي ...يخخخخ بسيف صرطتها ...كنسمع سيف منفاجر بضحك...
سيف....هههههه..
.وتقولي عجباتك
جميلة..(شفت فيه)يعععع شنو مطيبين هادو...اشمن صوبا هادي مالكة سبيطار حسن منهم..
سيف..(غير كيشوف ويتبسم)
جميلة....س سمحلي سي سيف ..مكانش عليا نقول هادشي ياك؟؟؟
سيف..اه ه ه(قالها بدون شعور...)(من فين خرجات ليا هادي ...غادي تجنني )يلاه نوضي
جميلة...فين؟؟؟
سيف...غادي نبدلو المطعم
جميلة...لا ..لا سي سيف غير كمل ماكلتك اصلا انا مجيعناش
سيف....فاش نقول كلمة مرة وحدة تنفذ مفهوم
جميلة...(جيت نايضة من بلاصتي بحال شي روبوت)واخا سي سيف.

"اروع مافي حبناانه ليس له عقل ولا منطق.....اجمل مافيه...انه يمشي على الماء ولا يغرق"
جميلة...(دقيت ورجعت)
سيف....دخل
جميلة...(دخلت لعندو كان واقف فنصف الغرفة...كيتسان
ي..داير ايديه ورا ضهرو...)سي سيف بغيتيني؟؟؟
سيف....قربي لعندي
جميلة....(بغيت تقتلني نتا ...حالف فيا )قربت لعندو ...غير كيشوف فيا ويتبسم ....ساكت.... طلعت وجهي كنشوف ابتسامتو وتركيزو مع حروف وجهي ...لا لا لا بيني وبينكم دخلني شك بدا كلام ليلى كيدخل لعقلي سيد تزعط باينة ....تدكرت اول مرة طلعت لعندو لبيت مشافش فيا...ممعتابرني
ش واش كاينة اصلا....ولكين دابا لعكس تماما.....نظارتو ...كتفرشو...
سيف...(تدارك الموقف بزربة....ورجع للبرود من جديد)احمم...كتع
رفي بلي خويا معتز جاي غدا؟؟؟
جميلة....اه اسي سيف علمتني مدام سامية
سيف....بغيت كلشي يكون فلمستوى ...حتى حاجة متكون ناقصة(كيهضر ومركز مع تفاصيل وجهها الجذاب)
جميلة...واخا اسي سيف كون هاني كلشي غادي يكون فلمستوى ...كتامر بحاجة اخرى
سيف...(سارح وكيشوف فيها)
جميلة...سي سيف.....سي سيف.
سيف...احمم ..شنو...شنو قلتي؟؟
جميلة...كتامر بحاجة اخرى؟؟؟
سيف...لا ....لا يمكن ليك تفضلي
جميلة..اوكي (خرجت من عندو ونزلت للمطبخ ...مفهمت والو...دابا هو طلعني لعندو باش يقولي هاد الهضرة ....
سارا...(كتشير ليا بايديها)والالة ...واختي...وارب
اط...
جميلة...ا...شنو
...مالكي؟؟
سارا....وانتي لي مالكي...فين سرحتي فاش كتفكري؟؟
جميلة...مكنفكر فوالو (جرتني لعندها)
سارا...شنو بغاك سي سيف
جميلة....يختي اسارا مفهمت ليه والو...عيط ليا وقالي بلي خوه معتز جاي غدا...وبلي خاص يكون كلشي فلمستوى
سارا....شنو؟؟سي
سيف هضر ليك فهاد شي
جميلة...اه علاش؟؟؟
سارا...عجيب..او
ل مرة يدير هكا اصلا اي حفلة كيهضر غير مع سامية على قبلها....شنو علاقتك انتي حتى يقوليك هادشي؟؟
جميلة...مفهمتش اختي حتى انا استغربت بحالك
سارا....كاينة شي حاجة يالمسيخسطة مخبياها عليا...والله منزكلك هاد ليلة تعاوديلي بتفصيل
جميلة....ههههه صافي واخا ازمر انعاود ليك دابا يلاه نشوفو شغلنا مبغينا صداع

جميلة...(من بعد مسلينا شغلنا توجهت لبيتي ننعس حيت غدا تابعنا نهار طويل ومتعب....يلاه حطيت راسي وهي تجي لعجاجة ومن غيرها سارا...
سارا....والله يمك لانعستيها
جميلة...اووف شنو بغيتي
سارا...عاوديليا
..
جميلة....حتى الغدا احبيبة عافاك دابا عيانة وبغيت ننعس
سارا...(جرات عليا لغطا)والله الى دقتيه...نوضي عاوديليا لاندير شي حاجة فراسي راه حاسة بالعرق ديال الفضول غادي يطرطق الى معوتيش ليا...
جميلة...اووف معندي منقوليك ازمر
سارا...عاودي ليا من لحظة لي دخلتو طيارة
جميلة....اوووف(
قاديت القعدة) المهم ركبنا...(يلاه جيت نكمل ليها وهويصوني تيلي..نضت نجري .....ليلى كتصوني ....شنو ندير...حسن منجاوبش ...الى مجوبتش غادي تسمعني الخانزة وختها.....
سارا...جاوبي مالكي مصدومة؟؟
جميلة...والو ...غير
سارا....صافي صافي فهمت هانا خارجة فاش تسالي تيلي عيطي ليا
جميلة..(خرجات سارا..وفتحت الخط)ا..الو؟
ليلى...على سلامتك الالة خاص الواحد يبقى يغير مقابل التيلي 24 ساعة حتى تجاوب مولات الحسن والجمال
جميلة....سمحيلي
مدام ليلى...ولكين مقدرتش نجاوبك حيت كانت معايا سارا فلبيت
ليلى...انا ياك قلت ليك اي حاجة صغيرة كانت او كبيرة يكون عندي علم بيها؟؟؟؟
جميلة...اه امدام ولكين ..راه موقع والو تعامل سيف عادي معايا يعني مكينش شي حاجة نقولها ليك امدام
ليلى...بصاح؟؟مك
يناش...ايوة ولدي معتز لي غادي يجي لعندكم غدا؟؟
جميلة...وشنو دخل سي معتز بعلاقتي مع سي سيف امدام ؟؟
ليلى....ياربي صبرني ..معتز ولدي معندو دخل ولكين هداك لي جاي معاه هو لي غادي يكون عندو دخل وكبيييير
جميلة...مفهمتش؟
؟؟علاش شكون جاي مع سي معتز؟؟
ليلى....اووووف ...سمعني مزيان وفتحي ودنيك...
جميلة..واخا امدام
ليلى....ولدي معتز غادي يجي مع صاحبو الانتيم سفيان...هاد سفيان معروف فامريكا عندو تقريبا شي 27 سنة هو.ملاكم بحال ولدي سيف.ولكين واحد ميحمل لاخر...وحنا غادي نستغلو هادشي باش نضربو عصفورين بحجر واحد.فهمتي؟؟
جميلة...بلعمى؟؟
ليلى....اووووف.
..فتحي عقلك معايا شوية اجميلة منبقاش نعاود لهضرة
جميلة...واخا امدام هاني كنسمعك
ليلى...سفيان معروف عليه بلي هو زير نساء ...اي.وحدة حط عليها لعين متفلتش من بين ايديه...هنا غادي يجي الدور ديالك...انتي غادي تحاولي قدر الامكان تقربي منو ولكين من بعيد لبعيييد ....مدسريهش عليك....حيت الى دسرتيه غادي يطمع كتر...ونصدقو فمشكل كبر ...وكيف مقتليك ولدي سيف مكيحملوش ...حيت كانو دايما متنافسين فمباريات ديال الملاكمة....متس
حملو غير على قبل معتز...
جميلة...امم...د
ابا بغيتيني نعلق سفيان بشباكي من بعيد باش منطمعوش فيا...... وفنفس الوقت نخلي سيف يغير وتكون فرصة باش يعتارف ليا الى كان فعلا كيبغيني بحال مقولتي
ليلى...اوف الحمد لله وليتي تفكري شوية
جميلة...و...ولك
ين انا خايفة امدام ليلى...تخيلي توقع حاجة اخرى حنا مدايرين ليها حساب
ليلى...مغادي يوقع والو تيقي فيا...راه قربنا نوصلو لمبتغى ديالنا(غير نوصل لداري انا من تما لي بغا يوقع يوقع ....اصلا انا غادي نرميك بحال مجبتك ...الاساس دابا تفتحي الطريق قدامي)
جميلة...واخا انا نيدر هادشي لي قلتي....ا...الو
..الو..(قطعت...)
سارا....هيهو...
ساليتي
جميلة...ا..اه
سارا...مالكي...
واقعة شي حاجة؟؟؟
جميلة...لا..موا
قع والو...يلاه يلاه نكمل ليك...حسن متبقايا لاصقة فيا طول النهار. ههه

"كيف اجامل غيرك.؟...كيف اجالس غيرك؟...كيف....
.وانت مسافر في عروق اليدين...."
(اصبحنا واصبح الملك لله)
جميلة...(فقت مع ساعات الاولى للصباح غسلت وجهي ودوشت...ونزلت للمطبخ...
-صباح الخير عليكم
-صباح النور(كلهم)
صفية...هاكي ذوقي ليا هاد اتاي وردي عليا
جميلة....يعطيك الصحة اخالتي طعمتو زوينة بزاااف
اكرام...(بطريقة
كلها حقد وشر)شتك نسيتي عائيلتك من النهار لي جيتي هنا مرجعتيش عندهم...ياك مايكون شي حد خلاك تنساي عائيلتك هنا
جميلة...(بنت الكلبة كتستفزني ..حيت عارفني كنبغي سيف)لا احبيبة مكينش لي غادي ينسيني فعائيلتي وحبابي غير كوني هانية...وحاجة اخرى عائيلتي مشكاوش عليك ...فاحسن حاجة ديريها ديها فراسك اوكي ازين
اكرام...طوال ليك السان اللفيعة شتك وليتي كدافعي على راسك(كتغوت بجهد)
جميلة...يصحابلي
ك غادي نبقا ساكتة ليك راك زدتي فيه صبرت عليك شحال ولكين دابا صافي حدك تم(كنغوت كتر منها)ا
صفية...لبنات الله يهديكم شنو كديرو
سارا....عافاك اجميلة سكتي دابا تسمعكم سامية تجري عليكم
اكرام....خليها تسمع انا اصلا بغيتها تسمع هاد اللفعة شنو كتحفر من ورا علمها جايا كتبين لينا الادب والاخلاق وهي لفعة خارجة من تحت لارض(كتغوت)
جميلة...انا لفعة اختي اه انا لفعة شنو كيضرك فهادشي
سارا..(كتجرني )يلاه نخرجو من هنا عااااافاك اجميلة عااافاك
اكرام...احسن حاجة ديريها خرجيها من هناقبل منريش ديلمها هنا...ناقصها تتربى الخيبوعة
جميلة...(غير سمعت هاد الهضرة...وانا ندير واحد خيتي تنقيزة... بحال ديال مصاصي الدماء ..نقزة على مها ننتف ...بردت فطسيلتها لغدايد ...انا نوريك ممربياش شكتسوى...بركت عليها ننتف ونعاود ...وصفية تفك من جهة...وسارا من جهة...حتى دخلت علينا سامبة...
سامية...شنو واقع هنا....(نضت من فوقها)
اكرام...هئ هئ هئ مدام سايمة شوفي شنو دارت فيا هاد المتوحشة
سامية...شهاد الشي لي كنشوف ....شن(قبل متكمل كلامها وقف على راسها سي سيف)
سيف...(مطلع حاجبو (شنو واقع هنا؟؟؟
اكرام....هئ هئ سي سيف...شوف شنو دارتلي هاد المتوحشة ...هئ هئ
سيف...شهادشي...
واش عرفين راسكم فين ؟؟؟تبعوني يلاه لمكتب(كيهضر بعصبية)
جميلة...(مشا وخلانا تابعينو انا حابسة البكية فعينيا ولكين تشجعت مغاديش نبكي قدامهم...دخلنا المكتب ..جلس نص جلسة فوق المكتب ...وعلامات الغضب والعصبية باينة فوجهو....)
سيف...هضرو شنو واقع؟؟؟
اكرام...سي سيف هئ هئ هي هجمات عليا(كتبوحط عليه)
سيف...مغديش تهجم عليك بلا سبب
اكرام...(انا فخاطري كنقول يارب متجبد الموضوع ديالو على لسانها)والو اسي سيف مهضرتش معاها معرفتش شنو وقع حتى هجمات عليا هئ هئ شوف كيف ردات حالتي هئ هئ
سيف...(عاقد حجبانو فيها) خرجي..
اكرام...(كتشوف فيا بنظرة الانتصار )
جميلة..(جيت غاديا نخرج وانا نسمعو...
سيف..فين غاديا ؟؟؟
جميلة...قلت ليا نخرج اسي سيف
سيف...ماشي انتي(كيشوف فاكرام )
جميلة.. (...هههه بغات تسطى ملي عرفات بلي قاصدها خرجات ...وانا بقيت واقفة فبلاصتي ساكتة حادرا وجهي ...ناض من مكانو ...وتقدم لعندي بخطوات كلها رجولة...قربي لعندي..)
سيف...مكنتش متوقع انك تكون عنيفة لهاد الدرجة
جميلة...(طلعت وجهي فيه)سمحلي اسي سيف وليكن هي ستفزاتني
سيف...حتى ولو معندكش الحق تصرفي هاد التصرف ديال الزنقة
جميلة...(لهلا يوريك...... مزال مفشيتش فيها غدايدي مزيان...تحمد ربها فكوها من بين ايديا ...).
سيف....دابا غادي تخرجي وتعتادري منها
جميلة...(طلعت وجهي فيه)ان ..انا نعتادر منها(كنهضر بعصبية)
سيف...هضري بشوية...كتباني نسيتي مع شكون كتهضري
جميلة...(حدرت راسي ....وحسيت بظلم...عينيا تغرغرو...طلعت وجهي فيه)س ....سمحلي اسي سيف....والى بغيتيني نعتادر منها فانا غادي ندير لي طلبتي(كنحس بدموعي نزلو على خدي ...شفت فيه ..وكملت طريق جيت نخرج وهو يجرني لعندو...تما توقف الزمن عندي ....تخربقت ...ومعرفتش شنو خاصني ندير ....دورني لعندو من دراعي...طلع وجهي بين ايديه...شاف فيا...وقالي..
سيف...شنو دارت ليك ...حتى فقدت اعصابك
جميلة....(كنهضر
بسيف...الدموع حابسين هضرتي ...)بقات....بقات كتخرج وكتدخل فلهضرة...بلي انا ممربياش...معنديش لااخلاق لاادب ...وهي لي غادي تربيني...اصلا هئ هئ معرفتش علاش فقدت اعصابي معاها هئ هئ هئ ...
سيف....صافي سكتي ...متبكيش
جميلة....(عنقني
....وكيسكت فيا...انا هداك الوقت مكنتش مركزة واش معنقني ...اولا غير انا كنت كنتخيل ...حيت عشت الدور بحال الافلام والقصص بلي البطل يعنق البطلة ملي تبكي ويسكت فيها.... حتى انا تخيلت نفس الشي ....شوية كنحس بالدفى...لا لا لا هادا ماشي خيال.........خاصني نتاكد..خرجت ايديا من تحت بطنو وزيرت عليه ....كنحس بعضلاتو تحت ايديا...مكنتخيلش والله مكنتخيل سيف معنقني.......بقينا فهاديك الوضعية معرفتش شحال ديال الوقت...حتى حسيت بيه كيبعد وانا مزال شادا فيه..مبغاش نطلقو...واتي طلقي راجل يعطيك الدل بحال شي لاصقة...عقت براسي رجعت لور مسحت عينيا...
سيف...شوية لاباس
جميلة...لاباس ...سمحلي سي سيف
سيف...(كيشو ف فيا ويتبسم)يلاه سيري غسلي وجهك وشوفي شغلك
جميلة...اوكي (خرجت من عندو مرفوعة ...مكنضنش بلي مزالا فهاد الكون)
.


"وعدتك الا احبك...ثم امام القرارجبنت.....
وعدتك الا اعود,,,وان لا اموت اشتياقا....وعدت ومت...فارحمي قلبا نزف دما لاجلكي"
سيف...(كنت فغرفتي شاد شي وراق ديال الشركة....حنى كنسمع لغوات والصداع..نزلت نشوف شواقع كانت سامية كتغوت على الخدمات لتحت...ومن بينهم ملكة قلبي...كنت كنشوف الغضب خارج من عينيها..مفهمتش شنو واقع تعصبت وعيطت ليهم يجو لمكتب....كانت ساكتة مكتهضرش ...مدافعاتش على نفسها...ومتبوحط
اتش قدامي باش تكسب شفقة ديال ماشي بحال مدارت لاخرى...كنت مستقصد نبقى معاها ...حاولت نفهم منها سبب المشكل ..وتعصبة عليها ...كنشوف عينيها كيتغرغرو ودموع نازلين على يدها....قلبي كيتقطع...جات خارجة محسيت براسي حتى جريتها من دراعها...وجبدتها لعندي ...عاودتلي على المشكل وعينيها موقفوش من الدموع...كنحس بقلبي كيضرني كتر ملي كتبكي ....دخلتها فصدري ..مبغيتش نشوفها تيكي مرة اخرى...ومغاديش نخلي اي حد يبكيها ....اصلا اي حد يفكر ينزل دمعة على خدها غادي نمحي ديلمو من هاد الدنيا...بعد مسكتات ...خرجت انا نار شعلات فيا....نزلت للمطبخ...
سامية....سي سيف نواعدك هاد المشكل مغاديش يتكرر مرة اخرى
سيف...(كنقلب على هاديك خيتي بعينيا)فيناهيا
سامية....شكون اسي سيف؟؟؟
سيف....الخدامة لي كانت مدابزة مع جميلة
سامية...(فتحت عينيها ممصدقاش)نعيط ليها اسي سيف
سيف....مزال واقفة خرجي عيطي ليها
اكرام...سي سيف طلبتني..
سيف....(قرب لعندها)غادي تجمعي حوايجك وتغبري عليا من هنا قبل منرتاكب شي جريمة....سامية.
سامية...ن...نعم
اسي سيف؟؟؟
سيف...عطيها خلاصها وخليها تمشي من هنا....نشوفها مرة اخرى هنا نتبعك ليها
سامية....واخا واخا اسي سيف
اكرام....عافاك اسي سيف سمحلي عافاك
سيف...(خرج وخلاها كترغب)
اكرام....عافاك امدام سامية حاولي معاه هئ هئ هئ غادي نخرج على حياتي الى خرجت من هنا عافاك هئ هئ
سامية....انتي لي درتيها بيديك معندي مندير ليك
جميلة...(كنت فبيتي كنغسل وجهي ...حتى كتجيني سارا كتجري...
سارا....والله منطلقك حتى تقولي ليا شنو درتي لسي سيف حتى ولا معاك هكا
جميلة...مفهمتش؟
؟؟
سارا...سي سيف جرا على اكرام من هنا
جميلة...ش...شنو
؟؟؟؟؟شكتقولي
سارا...والله العظيم يختي جرا عليها خليتها كترغب فسامية باش تهضر معاه
جميلة...(حسيت بالذنب بنهاية حتى هي كتاكل خبز من هنا )
سارا....هههه اوف واخيرا غادي نتهناو منها والشر ديالها
جميلة...سارا الى سولات عليا سامية قولي ليها فطواليط مغاديش نتعطل خمس دقايق ونجي
سارا...فين غادية؟؟؟جميلة..
..جميلة
جميلة...(طلعت نجري لبيتو ...بغيت نهضرمعاه يخليها....غادي يانيني ضميري الى مشات من هنا بسبابي دقيت عليه...
سيف...دخل
جميلة..(دخلت)سي
سيف سمحلي بغيت نهضر معاك
سيف...(حط شي وراق كانو بين ايديه)شنو واقع؟؟
جميلة...قالوليا
بلي جريتي على اكرام عافاك اسي سيف خليها بنهاية هادا الخطا ديالنا بجوج
سيف...(جا لجيهتي)هي كانت سباب المشكل ونالت لعقاب ديالها
جميلة..سي سيف عافاك خليها غادي يانبني ضميري الى مشات بسبابي
سيف...'(ناري هادي بغات تجنني ..عقلي مشا صافي)احمم يانبك ضميرك على وحدة لقيتي من عندها هاد المعيور كلو
جميلة...حتى ولو بنهاية حتى انا شحال من حاجة مكانش عليا نديرها معاها
سيف...احمم واخا يمكن ليك تخرجي
جميلة...(خرجت من عندو معرفاش واش غادي يضردها اولا غادي يخليها...اتجهت للمطبخ كانت كالسة كتبكي وشادا راسها بين ايديها)
سامية....يلاه يلاه كلها على شغلو نساو هادشي لي وقع هاد النهار....راه مبقا والو ويوصل سي معتز
احمد...مدام سامية
سامية...شنو
احمد...سي سيف كيقوليك خلي اكرام ترجع لخدمتها وهادي اخر مرة ليها
اكرام ..(.ناضة كتنقز من بلاصتها)عرفتها عرفتو مغديش يجري عليا ههه
صفية... حمد الله وشكريه ملي رجعك لخدمتك من جديد
جميلة..(رسمت ابتسامة على وجهي...دارلي خاطري ...وخلاها ترجع لخدمتها ياعمري شحال حنين)
اكرام...(كتشوف فيا وتخنزر خلعتني نضراتها لحقيقة)
سامية...يلاه يلاه كلها على خدمتو ...اكرام شوفي شغلك
اكرام....هههه واخا امدام


"ان كنتي تعرفين رجلا يحبك اكثر مني......فدليني
عليه...لاهنئه....واقتله بعد ذلك"
جميلة...(من بعد مسلات المشكلة ....كلها مشا يشوف شغلو ..بقيت مضاربا مع شي طباسل كنوجدهم حتى كنشوف سارا جايا تجري لجيهتي...
سارا...اه اه يقلبي اه
جميلة...مالو قلبك تاني
سارا....تلقى جوج صدمات دقة وحدة...اح كيضرني مسي مسي بغا يخرج ياك
جميلة...هههه واتي مالكي شنو واقع
سارا..سي.معتز اجميلة سي معتز
جميلة...مالو؟؟؟
جا؟؟؟
سارا...اوف جا وجاب معاه واحد القطعة ديال الزين اووف
جميلة...جا معاه سفيان؟؟؟
سارا..(خرجات فيا عينيها) فين عرفتي سميتو؟؟
جميلة...ا..ا راه راه سمعت سامية كانت كتقول بلي سي معتز غادي يجي معاه صاحبو سفيان بغاتني نوجد ليه غرفة
سارا..امم...اح وتشوفي طول والعرض ولحية والشعر بفففف معرفتش من فين مخرجينو...
جميلة..(قربت لعندها)واخا يكون عندو زين دنيا كلها مغديش يوصل حبيبي سيف ههه
سارا...شتك زعمتي الشعيبية وليتي تقولي حبيبي
سامية...(دخلت علينا سامية).لبنات الى ساليتو داكشي لي في ديكم دخلو وجدو ريوسكم ..راه ضيوف مبقاليهم والو يجيو
(جميلة سارا) ...واخا امدام سامية
جميلة...(كملنا مسائلنا وجدنا الماكلة ..وقادينا امورنا ومشينا نوجدو ريوسنا...دخلت لبيت دوشت..جبت لبسة الرسمية ديال الحفلة لي ختارت لينا مدام سامية...كانت عبارة عن سروال طاي هوت كحل طبعا كان سروال كلاس...ومعاه دوني كحل سماطي ديالو رقاق..قاديت شعري ...جمعتو كلو الفوق تعليمات مدام سامية قاتليك متشوفش شي وحدة طالقة سالفها...درت ميك اب غامق شوية ولبست لبسة....
سارا....بشااااا
اااخ يلعفيريتة عندك طاي ديال لعارضات
جميلة...كيجيتك.
.
سارا...قرطاصة..
..كتحمقي
جميلة...(عنقتها
)ميرسي الزين ديالي اري بوسة ههه
اكرام..(دخلات علينا كانت لابسة نفس لبسة ديالنا )مدام سامية بغاتنا فصالون
سارا..يلاه حبيبة جميلة
جميلة..(خرجت انا وسارا وخلينا سامية فلبيت)
اكرام...(كتصوني
على ش حد)ا..الو
-وي شنو كاين
اكرام...مبقيتش قادرة نصبر عليها بغيت نقتلها بسبابها جرا عليا سي سيف اليوم
-انتي مزال فلفيلا اولا جرا عليك؟؟
اكرام...مزال فيها فاخر لحظة خلاني..ولكين صافي مبقيتش قادرة نتحكم فراسي معاها باينة غادي تلعب بعقل سي سيف وتمشينا على ايديها
-هادشي عمرها تحلم بيه..غير صبري بقى غير شوية ديال الوقت ونواعدك مبقيتيش تشوفي كمارتها
اكرا...انا خاصني نمشي
-فتحي عينيك..اي حاجة وقعات علميني
اكرام...واخا باي
^^^^^^^^^^^^^^^
^^^^
سامية...فين هي اكرام؟؟
سارا...معرفتش خليناها ورانا
اكرام..هاني هاني امدام سامية
سامية..(وقفات من بلاصتها دابرة اديها ورا ضهرها بقات ماشيا قدامنا وجايا كطلع وتهبط فينا)سارا انتي غادي تكفلي بالنساء ديال الحفلة وقفي عيلهم وكوني كيظل ديالهم
سارا..واخا امدام
سامية.. انتي ااكرام.صحاب سي سيف وسي معتز...ميغيبوش على عينيك كنظن بلي كتعرفيهم؟؟
كرام...كنعرفهم امدام كوني هانية
سامية...اما انتي اجميلة واحد تلاتي غادي تبقاي غير حضياهم ليحتاجو شي حاجة"سي سيف.سي معتزو.سي سفبان"
جميلة...واخا امدام
سامية...يلاه تفرقو..منبغيش نشوف غلط هاد ليلة
اوكي مدام
جميلة..(دخلنا المطبخ كنتسناو ظيوف يجو ..وصلات الساعة...بدات الفيلا تعمر ..خرجو لبنات يشوفو احتياجات الضيوف وانا بيقت فالمطبخ حيت التلاتي مزال منزلش....شوية كتجيني سارا تجري..
سارا...حبي سيري سيري شدي حقك من عداب لقليب ديالك
جميلة...علاش؟؟؟
سارا...تلاتي نزل اه اميمتي اه
جميلة...واخا هانا خارجة..(اوووف شديت نفس طويل ...هزيت سربايا فيها انواع العصير لي كيعجب كل واحد فيهم...اول مرة غادي نشوف هاد النوع من الحفلات..خرجت لعندهم ..ناس في قمة الرقي ..كل شي عندهم محسوب..المشية.ض
حكة.الحركات..بقيت كنقلب بعينيا عليهم...شفتهم واقفين معزولين....واوووو شغادي يوصلني ليهم حسيت بلكساح فرجليا ..تزعزعت تشقلبت من المضهر لي شفت تلاتي من اجمل مارات عيناي ...ولكين البوكوس ديالي كان طاغي عليهم ...قربت لعندهم كنجر رجليا ..
جميلة....تفضلو(
دار لعندي سيف)
سيف...(كيشوف فيا وسارح)
معتز..انتي جديدة هنا(كيطلع فيا ويهبط)ا
جميلة..اه انا اجديدة
سفيان...مكنتش نعرف بلي بلادي فيها هاد الزين كلو(كيشوف فيا ويتبسم)
سيف..احمم سيري شوفي بقية الضيوف (بطريقة قاصية)
جميلة...مدام سامية قاتلي نقابلكم هاد ليلة
سفيان...احسن حاجة دارتها سامية..خلاتنا نشوفو هاد الزين..
جميلة..(حدرت راسي ورفعتو من جديد)
سيف.(.حط الكاس لي كان فايدو ) بغيتو يكون بارد(كيهضر من تحت سنانو باينة فيه طالع ليه الدم)
جميلة..(باينة الخطة نجحت هههه تصرفاتو كتاكد بلي غار عليا)واخا اسي سيف دابا نجيبو(مشيت للمطبخ وانا راسمة ابتسامة على وجهي ...يلاه حطيت سربايا..جيت نجبد العصير من لفريزر ..وانا نحس بشي حد جرني بالجهد...
سيف.....تعاودي تخرجي برا نقطع لمك رجليك
جميلة..(مبلقة مفاهمة والو...قال هاد جوج كلمات وخرج...حطيت ايدي على فمي ..بقيت نسد ونفتح فعينيا)ميمكنش..
"اغار عليك من رموش عيناك....واغار عليك من غريب يراك....اغار عليك من صديق تصافح يده يداك....اغار على عينيك عندما تنضر اليهما بنات حواء......."

جميلة...(بقيت مسمرة فبلاصتي حاطا يدي على فمي ممصدقاش هادشي لي كنسمع...مستوعبت
ش كلامو..ميمكنش نكون كنتخيل..دخلت عليا سامية وانا فعالمي الخاص....
سامية....انتي شنو كديري هنا ...ياك قتليك تقابليهم؟؟
جميلة..(كنهضر بطريقة متوترة)راه....ر
اه سي سيف امدام سامية قالي متعاوديش تخرجي من هنا
سامية...شنو؟؟؟ش
نو درتي؟؟؟؟
جميلة...والله مدرت شي حاجة امدام
سامية..سي سيف ميمكنش يجري عليك الى مدرت شي حاجة؟؟...من بعد ونتفاهم معاك (خنزرات فيا وخرجات)
سارا....ويلي شنو كديري هنا دابا تجي مدام سامية تحيح عليك
جميلة...اووف يلاه غوتات عليا ...سيري انتي انا غادي نبقى هنا
سارا...دابا زيدي قدامي شوفي شغلك راك كتقلبي عليها ....ا
جميلة...قتليك غادي نبقى هنا
سارا...وعلاش؟؟؟
جميلة...حيت سي سيف طلب مني هادشي(كنتبسم)
سارا....باينة يلعفيريتة مخبية عليا شي حاجة والله منطلقك هاد ليلة حتى تعاوديليا
جميلة...هههه وصافي دابا سيري شوفي شغلك(خرجات سارا..وبقيت كالسة فلمطبخ دايرا ايدي تحت حناكي وكنتبسم بوحدي )
^^^^^^^^^^^^^^^
^^^^^^^^^^^^^^^^^^^^^^^^^^^^^^^^^
نمشو عند البطل ديالنا...
سيف...(اليوم غدي يوصل خويا معتز ...توحشتو بزاف..هادي خمس شهور مشفتوش....مشيت المطار نستقبلو ...كان معاه واحد الشخص مكنحملوش ...كنستحملو غير على قبل معتز...سلمت عليه ومشينا للفيلا....بعد احاديث العمل المعتادة ...دخلنا نجهزو نفسناا للحفلة....كان كلشي فلمستوى ...سفيان كيحاول يتقرب مني .....لي بان ليا ...كيضرب على شي بلان فراسو معرفتش شنهوا...بعد مسلمنا على الضيوف الحاضرين...وقفت
مع خويا معتز كيعاودلي على امريكا وامور العمل تماك...وقف علينا سفيان...بفف كيدخل راسو فكلشي ولكين شغادي ندير هادا صديق خويا الانتيم....كنا فنصف الحوار ديالنا ...فلحظة كتشم انفاسي رائحة الياسمين ...مغريباش عليا هاد الرائحة؟؟؟؟تلفت ورايا....كانت فقمة الجمال والانوثة...ملامح وجهها البارزة ...هضرتها الانثوية...حركاتها الطفولية....طيرتلي عقلي ....بغيت نهزها ونهرب بيها مبغيت حد يشوفها غيري ....وانا سارح فجمالها...كنسمع سفيان كيرمي ليها الهضرة...وهي كتبسم ليه...حسيت بالنار كتغلي فصدري ...شفت فيها بطريقة قاصية وحاولت نخليها تمشي ...ولكين جاوبتني بلي سامية قالتلها تقابلنا هاد ليلة....ميمكنش نخلي هاد الحيوان يشبع عينيه من ملكي خصوصا عارفو ولد القح&& مكيفلتش وحدة من بين ايديه...رجع رمالها لهضرة من جديد وهي كتبسم....صافي هنا مبقيتش قادر نتحكم فراسي ...حاولت باي طريقة نخليها تمشي...فاش مشات تبعتها للمطبخ....وانا العصبية عامية عينيا قلتلها الى رجعت خرجات غادي نقطعلها رجليها....وفعلا كنت نديرها الى خرجات...رجعت نكمل لحفلة...وعينيا غير على هاداك الحيوان...هادي دوزتها ليه..نشوفو يدور بيها مرة اخرى نقتل ديلمو)
جميلة...(سلات الحفلة...وضيوف مشاو...جيت نمشي لبيتي..وهي تعيط ليا سامية...
سامية..كلشي يمشي ينعس ..الى انتي اجميلة بقاي
جميلة...(حدرت راسي ناري شنو غادي نقولها )نعم امدام سامية
سايمة..غادي تقولي ليا علاش جرا عليك سي سيف
جميلة...والله معرفت ا مدام سامية قالي خرجي ومتعاوديش ترجعي للحفلة
سامية...سي سيف مغاديش يدير هكا بلا سبب....غادي تقولي ليا شنو درتي اولا جمعي حوايجك وخرجي من هنا؟؟؟
جميلة..هئ هئ والله والله مدرت شي حاجة
سامية...اذن غادي تجمعي شراوطك ومنشو..(مكملاتش
هضرتها دخل عليها سيف)
سيف..شكاين هنا؟؟؟؟
سامية....سي سيف سمحلي ..كنعتاذر على الخطا لي دارت الخدامة معاك
سيف...(طلع فيها وجهو عاقد حجباو)اول حاجة هاد الخدامة عندها سمية..وتاني حاجة شكون لي قاليك بلي دارت شي خطا؟؟؟
سامية....س س سمحلي سي سيف..كنعتادر منك ولكين هي قالتلي بلي قلت ليها في الحفلة تدخل ومتبقاش تخرج فانا توقعت بلي تكون دارت خطا
سيف...احمم(كيشو
ف فيها)انا طلبت منها تخرج حيت مكنتش بغيت شي حد يوقف على راسنا ..الى بغينا شي حاجة نشدوها بنفسنا
سامية....ولكين سي سيف...
سيف..تقدري تمشي سامية...وهادي اخر مرة تطردي شي حد بلا علمي
سامية...واخة اسي سيف كنعتادر..تصبح بيخير
جميلة..(مسحت عينيا وجيت حتى انا نخرج وهو يعيطلي)
سيف....متمشيش.
جميلة.(.درت لعندو ..وكنشوفو جاي لجهتي ..شنو غادي يقولي)
"كل العيون عيون.... الا عيونك انت قصيدة..... ..فكيف الااحب عيون تراني في كل الاحوال جميلا"
جميلة..(قرب مني)
سيف...الى تعامل معاك شي حد هنا بقلة احترام علميني
جميلة..(مبلقة فيه عينيا).و و واخا اسي سيف
سيف..(كيتبسم)يلاه سيري تنعسي
جميلة..اوكي تصبح بيخير(مشيت لبيتي وانا مستغربة من كلامو كل شوية كيصدمني بحاجة جديدة..انا متاكدة مليون فلمية بلي كيحس بحاجة تجاهي..دخلت لبيتي نلقى سارا مزال فايقة....
سارا...شنو قاتليك؟؟؟
جميلة...احح اقلبي
سارا..مالكي؟؟؟جميلة؟؟هضري ازبل
جميلة...شغانودليك اسارا ...الى معتارفش ليا غادي نتسطى اه ه ه ه
سارا...راه انا لي غادي نتسطى ..عاوديليا شنو واقع
جميلة..(شفت فيها وكنتبسم وجلست حداها)سارا يمكن نكون فاهمة الموضوع غلط ولكين متاكدة مليون فلمية من هادشي لي غادي نقول ليك
سارا..طلقينا خلاص هضري
جميلة...(قربت لعندها وهضرت بشوية)كنظن بلي سي سيف كيبغيني بحال مكنبغيه
سارا...متقوليش ليا عتارف ليك؟؟؟
جميلة..والزبل واش انا كنقول ليك كنظن يعني احتمالية
سارا...امم وباش قلتيها بلي كيبغيك؟؟
جميلة...اليوم فلحفلة سفيان بقا كيشكر فالجمال ديالي سيف تعصب وقالي متبقايش تخرجي من جديد ... داكشي علاش مبقيتش خرجت للحفة فاش سمعات سامية كانت غادي تجري عليا وغوتات عليا
سارا...ايوة؟؟؟
جميلة...ايوة دخل علينا سيف وغوت عليها وفاش كنت خارجة من المطبخ قالي هاد المرة الى قلل شي حد احترامو معاك قوليها لي
سارا...امممم هو الحقيقة طريقتو معاك كدخل شك
جميلة.. شتي حتى انتي كظني بلي كيبغيني ياك؟؟؟
سارا...معرفتش ؟؟مبغيتكش تحلمي بزاف ؟؟؟الى معتارفش ليك عتابري راسك مشتي مسمعتي والو حتى ينطقها ....بنهاية هو فين وانتي فين
جميلة...اوووف عندك الصح حتى انا خايفة لنكون كنرسم احلامي على والو (كنسمع ميساج وصلني فتيلي ديالي... جريتو لعندي ..... كانت ليلى..
ليلى..عاوديليا كيف دازت الحفلة؟؟؟كاين شي حدث اولا كلشي على حالو؟؟؟
جميلة..(شفت الميساج ومجوبتهاش ..اصلا كلام سارا خلاني نفكر من جديد يمكن خاصني نبعد شوية هادشي لي كندير غير كنعدب فراسي )
سارا....حبي مالك غوبشتي ؟؟
جميلة...والو خلينا نعسو حسن
سارا....كلامي قلقك؟؟
جميلة....بلعكس كلامك خلاني نفكر فين خاصني نحط رجلي ...اووووف....عرفتي شنو انا نمشي ناكل لاكلاص نبرد على قلبي شوبة نجيب ليك معايا
سارا..نو حبيبة غير بصحة وتصبحي على خير
جميلة...(مشيت لكوزينة شعلت ضو خفيف خرجت بواطة ديال لاكلاص حطيت ايدي تحت حنكي وبديت ناكل ونفكر ..وانا سارحة فخيالي لواسع كنحس بشي حد جلس حدايا ..دورت وجهي لعندو كان سفيان...
سفيان ...(كيتبسم)مالكي؟؟؟
جميلة...(مبلقة عينيا) مالي
سفيان...ههه راه انا سولتك انتي خاصك تجاوبيني
جميلة....والو
سفيان...امممم جالسة فنص ليل بوحدك وكتاكلي لاكلاص فهاد الوقت يعني كاينة شي حاجة
جميلة....والو مكاين والو اسي سفيان...ا ...سمحلي تصبح بيخير(جيت نمشي وهو يجر ليا ايدي)
سفيان....فراسك واحد الحاجة...اول مرة شي بنت دير فيا هاد الحالة
جميلة...ع عافاك ...طلق ليا ايدي(غير قلت هاد الكلمة جرني لعندو حتى لصقني معاه)
سفيان....استحالة نطلقك من ايدي وانا مصدقت لقيتك
جميلة..(.معرفتش شنو وقع حتى كنلقاه كيجر شنايفي )(بعدت منو) انت شنو كدير..(قلت هاد جوج كلمات ومشيت نجري لبيت ودموعي نازلين)
سارا....مالكي ؟؟؟ويلي اجميلة متخلعينيش مالكي كتبكي
جميلة....هئ هئ هئ هئ بغيت نمشي من هنا مبقيتش بغيت نقعد هئ هئ هئ
سارا...عافاك سكتي شوية وقولي ليا مالكي
جميلة...هئ هئ هئ سي سفيان هئ هئ
سارا....مالو؟؟؟
جميلة...تعرض ليا فلمطبخ وباسني هئ هئ هئ
سارا...(دارت ايدها على فمها)شكتقولي

"حكايتنا ياحبيبي كالدائرة المتصلة....ليس لها بداية لكي تنتهي.....حكايتنا كالزمن الذي لايتوقف...حكايتنا قدر...قدر كتب قبل مجئك ومجئ"
جميلة..(منعستش هاديك ليلة..ضليت ليل كلو كنبكي وسارا كتسكت فيا..حتى صبح علينا الصباح وحنا على نفس الحال)
سارا...شنو غادي ديري دابا؟؟؟
جميلة...معرفتش ...
سارا...قوليها لسي سيف اولا لمدام سامية
جميلة...لا منقدرش
سارا..ايوة شنو غديري؟؟
جميلة..غادي نسكت وصافي هئ هئ هئ
سارا...صافي عافاك متبكيش
جميلة...انا خايفة منو بزاف اسارا هئ هئ هئ
سارا...متخافي والو انتي غادي تشدي احتياطاتك منو...وحاولي متصادفيش معاه
جميلة...اه ه ه خلينا نوضو حسن (دخلت لدوش دوشت بدلت حوايجي ونزلت نشوف شغلي)
سامية...جميلة انتي وسارا حطو لفطور فصالة
سارا...واخة امدام
. جميلة..(وجدنا الطابلة فين غادي يفطرو.... نزل معتز معاه سيف وتابعهم سفيان تفوو كرهتو...جلسو على طابلة وحطينا ليهم لفطور اوداك الزبل ديال سفيان غير كيشوف فيا ويتبسم...
سيف..احممم صافي تقدرو تمشو(قالها بقصوة)
جميلة..(جينا خارجين وانا نرجع لعندهم...وقفت حدا سيف...
-سي سيف ممكن تخليني نمشي لدارنا هاد النهار من الفترة لي مشينا لاسبانيا ممشيتش لعندهم
سيف...اوكي تقدري تمشي
جميلة..شكرا بصحتكم(خرجت لكوزينة علمت سامية بلي غادي نمشي لدارنا معجبهاش لحال قاتلك علاش مقلتيهاش ليا انا قبل سي سيف...خصوصااليوم السبت وغدا الاحد يعني غدا اصلا نهار روبو ديالي ويمكن ليا نمشي لدارنا ولكين مبقيتش قادرة نتسى حتى لغدا حاسة براسي مخنوقة وبغيت نرتاح شوية واهم حاجة مبغيتش نشوف داك خينا...
سارا...حبي مغديش تجي فليل
جميلة...علاش ؟؟؟
سارا...غادا الاحد معنداش خدمة قلت نخرجو نسهرو هاد ليلة خصوصا فوضعك هادا لي معجبنيش
جميلة...انا نمشي دابا نشوف خالتي والى قدرت نجي فليل نقولها ليك
سارا...اوكي باي
جميلة...(شديت طاكسي واتجهت لبيت خالتي ...لقيت يسرا صحيبة الطفولة..مشيت نجري نعنقها...وهي تحبسني....
يسرا...متقربيش مني
جميلة...علاش؟؟؟
يسرا...من نهار لي مشيتي مبقيتي سولتي فيا هادي هي الصحبة
جميلة...عارفة راسي فرطت فيك بزاف ولكين والله مكنسالي
يسرا...شنو عندك بسلامة شركات اولا شنو راك غير كتمسحي وتصبني وتغسلي شكيصحابليك كديري
جميلة..(نزلو دموع عينيا بلا شعور)هئ هئ هئ
يسرا...(عنقتني)سمحيلي سمحيلي والله مقصدت شيحاجة عافاك سكتي
جميلة...عتقيني ايسرا هئ هئ هئ
يسرا...مالكي اختي عاوديليا؟؟؟
جميلة...ا ه شغنعاود .....صبري نشوف خالتي ونجي لعندك (مسحت دموعي ودخلت لعند خالتي)
خاتلي...تبارك الله وصلى على النبي واخيرا عرفتي بلي عندك خالة
جميلة..(عنقتها)كيدايرة اخالتي
خالتي...شتك مبقيتي رسلتي ليا لافلوس لاغيرهم
جميلة..حتى نهر التلاتاء اخالتي ونصيفط ليك
خالتي..امم مبغيتش يكون ناقصهم درهم
جميلة..(همك غير فلفلوس مسولتي حتى على صحتي)انا نمشي نشوف يسرا...اه خالتي هادا ليك جبتها ليك معايا من اسبانيا
خالتي...(كتقلبها بين ايديها) اممم مبيهاش
جميلة..(خرجت عند يسرا نعاوليها على لي وقعلي فهاد الفترة)
يسرا...نارري اصحيبتي فين رميتي راسك
جميلة...غير سكتي رميت راسي فنار عارفها
يسرا...خلي عندك امل كوني متفائلة انا متاكدة بلي سيف كيبغيك
جميلة..(شفت فيها بحزن)انشاء الله(كنسمع تيلي ديالي كيصوني)
جميلة...الو مدام ليلى
ليلى..بديتي تعصبيني اجميلة
جميلة...علاش مالي شنو درت؟؟؟؟
ليلى...البارح رسلت ليك ميساج علاش مجوبتي
جميلة...ر اه كنت ناعسة واليوم نسيت مجوبتك عليه
ليلى...اممم علاش مشيتي لداركم ياك قلت ليك غادي تكوني الضل ديال سيف
جميلة...اووواه شكون قالهاليك؟؟؟
ليلى...يكون فخبارك بلي كل خطوة كديريها عندي علم بيها ودابا غادي تمشي الفيلا وسيف ميغيبش على عينيك غادي تكوني خيالو فهمتي(بقصوة)
جميلة...ف ف فهمت فهمت دابا نمشي ..ا الو(قطعت)(اوووف يخ مخلاتني حتى نسخن بلاصتي ...صونيت على سارا....
سارا...الو حبيبة
جميلة....اهلين ..قولي ليا ازين سي سيف فلفيلا؟؟؟
سارا...هي هي هي توحشتيه دغيا هههه
جميلة...توحشك لفعة راني سولتك جاوبيني
سارا...اه فلفيلا ولكين غادي يخرجو من هنا لساعة
جميلة...فين غاديين؟؟؟
سارا...غادي يمشو يدوزو النهار برا ومن تما غادي يمشو لبواط..حيت غدا ويك اند ضروري يسهرو
جميلة...سارا حبيبة عافاك عرفي فشمن بواط غادي يسهرو
سارا...اويلي تصطيتي فين غادي نعرف؟؟؟
جميلة...عافاك احبيبة حاولي خاصني نعرف فين سهرانين
سارا...وعلاش؟؟؟
جميلة....علاش ...حيت حيت حيت حتى انا بغيت نسهر فنفس ليبواط لي غادي يكونو فيه ياك كنتي كتقولي بلي بغيتي تسهري ايوة يلاه هاني درتها ليك على قد فمك
سارا..دابا يجيك ميساج مني نقولك فين سهرانين ...وغادي نعطيك عشرة دقايق نلقاك حدا لفيلا باش نديرو شوبينغ
جميلة...هكاك نبغيك..اوكي يلاه باي


"بحروف نزار...وحنين جبران....ودفء فيروز....وصوت كاظم الساهر....احبك.
"
جميلة...(رسلات ليا سارا سميت لبواط لي غادي يسهرو فيه ودعت يسرا وودعت خالتي شديت طاكسي ومشيت للفيلا كنلقا سارا واقفة كتسناني...
سارا...بلا متهبطي من طاكسي غير خليك
جميلة..(ركبات حدايا)فين غادي نمشو
سارا...شوبييييي
نغ غادي نشرو كسيوات باش نسهرو ومن تم نمشو عند لكوافورة
جميلة...لاش اختي هادشي كلو
سارا...واش كتعرفي شناهو بواط"نيروز"راه بواط خاص غير بصحاب الحبة وحنا خاصنا نكونو بوكوسات هاد ليلة باش انتي دوخي سيف وانا نشوف ليا شي بوكوس من تما
جميلة...غادي يكون معاهم سفيان؟؟؟
سارا...اكيد اصلا هو ومعتز مكيتفارقوش ...براكا عليك هنا اخويا
جميلة..(نزلنا من طاكسي وبينا شوبيييينغ ستة ساعات وحنا قيس هادي حيد هادي ...واخيرا ختارت سارا كسيوة كحلة قصيرة وطالون بييج...وانا خترت كسيوة سميطات خضرا وطالون ...
-اووووف ارجليا صافي اختي خلينا نمشو لفيلا وتما نديرو شوية ميك اب مبقيتش قادرة نمشي
سارا....شناهواا
اا بغيتي سامية تجري علينا
جميلة...شنو زعمة مغاديش نرجعو للفيلا هاد ليلة اولا شنو؟؟؟
سارا.....هههههه
ه لا احنينتي اما غادي نباتو عندك اولا عندي استحالة نرجعو لفيلا بهاد لبس ياك ميصحابليك لفيلا ديالنا هههه
جميلة....اويلي خالتي قلت ليها خدامة الى جيتها بلبس والمكياج والله متخليني نبات فدار
سارا...هي غادي تباتي عندي دابا يلاه نمشو عند "ميشو"
جميلة...شكون هاد "ميشو"
سارا..كوافور يلاه يلاه غادي يطلعنا بوكوسات هاد ليلة


جميلة..(وصلنا لعند الصالون تفكرت نهار لي بدلو شكلي فاسبانيا هههه سبع ساعات ديال المعنات مسيكينة مدام ليلى دارت معايا المزيان....ويلي
نسيت ليلى...صيفت ليها ميساج قلت ليها بلي غادي نسهر ليلة فلبواط لي غادي يكون سهران فيه سيف..عجبها الحال حيت درت هاد التصرف المهم بقا هداك خينا ميشو مضارب معا شعرنا انا قلت ليه بغيت تسريحة تكون سامبل وزوينة فنفس الوقت وداكشي لي دار دارلي ميك اب ليلي ...جاي مع لبسة ديالي اما سارا فكتر ليها المكياج وطلعات شعرها الفوق ...
سارا...هاتيوكيس
ة تاني
جميلة...كيجيتك ياك ممعيقاش
سارا...بلعكس فنة هاد اليلة باينة الطايح كتر من النايض ههه
جميلة...هههه بجمالك احبيبة غادي دوخيهم
سارا...ايوة يلاه راه دابا يجي مول طاكسي (بدلنا حوايجنا فصالون بحال شي متشردات وطلعنا فطاكسي بعد مقلنا ليه الوجهة ديالنا)
جميلة...اف اف
سارا..مالك كتنفخي؟؟
جميلة...متوترة وخايفة
سارا..متخافي والو راك طالعة غزالة هاد ليلة
شيفور...وصلتو الالة
جميلة..(خلصناه ونزلنا...واو غير الواجهة ديال لبواط تجنن طوموبيلات كلاس كيخرجو منهم غير بنت فلان ولد فلان ..طلعنا مع دروج ..وهويغمزني الفيدور..
سارا...تبسمي ليه تبسمي
جميلة..وعلاش غادي نتبسم ليه
سارا..باش يخلينا نطلعو الزبلة هنا غير ناس ديال الحبة والله متكوني منهم ميخلوك طلعي تبسمي ليه الزمر
جميلة...واخا هانا كنتبسم(تبسمت ليه وخلانا ندخلو...دخلنا هادشي جديد عليا ناس كتشطح ممسوقاش وانا غير شادا فايد سارا ومزيرة عليها...
سارا...واتي مالكي متخافيش مغاديش يعضوك يلاه خلينا نقلبو على سيف
جميلة...(بقيت كندور عينيا لعلى نشوفو فين غادي يبان معا هاد البشار ...)
سارا....شوفي انتي قلبي هنا انا نطلع نشوف لفوق الى شتو نرسل ليك ميساج باش طلعي لعندي اوكي خلي عينيك على تيلي
جميلة..اوكي(مشا
ت سارا وانا بقيت واقفة فنص ...فينما ندور وجهي لشي قنت كنشوف شي حج كيشوفني ...بقيت كنشوف فحوايجي ياك مفيا شي حاجة...واحد لحظة كنحس بشي حد جرني من دراعي...تلفت..
سفيان..شنو كديري هنا(كيهضر فودني بجهد حيت صوت عالي)
جملية..(بعدت منو وحاولت نجر دراعي وتقول واش طلقني)
سفيان..(رجع كيهضر فودني)جيي تقلبي عليا بعد قبلة البارح مكنتش نضن بلي غادي ندير فيك هاد الحالة كلها
جميلة..بعد مني(كنجر دراعي منو ..ولكين ولد الكلبة صحيح... مقدرتش نجرها ..واحد لحظة.كنحس بشي حد ورايا..طلق سفيان ايدي تلفت كان حبيب قلبي...واقف بمنتهى الرجولة كنبان قدامو بحال شنيولة وجهو حمر وعروق جبهتو باينين ...عاقد حجبانو بطريقة تخلع ....
سيف...سيري من هنا(بعصبية وكيهضر من تحت سنانو)
جميلة...(انا تخربقت)ف ف فين فين غادي نمشي
سيف..(دار فيا واحد التخنزيرة كنت غادي نديرها فسروالي بلا شعور طلقت رجليا ومعرفت فين ندور حتى لقيت راسي فطواليط..كنصوني
على سارا مكتجوبش ...واحد شوية كنسمع الباب ديال طواليط تضرب بجهد حتى تحل ..كان هو ..ناررري انا غير شفتو...شداتني رعدة ..والبول ..كنت غادي نطلقها....
-والله والله غير جيت مع سارا....نبدلو الجو ...معر ف(كنهضر بصوت مقطع..معرعتش شنو وقع حتى كنلقاه كيجر شنايفي تلاح عليا بواحد القبلة نساتني سميتي...غمضت عينيا وستسلمت ليه....بعد عليا شوية ...شاف فعينيا وقالي...
سيف...نشوفك مع شي حد مرة اخرى نقتلك ونشرب من دمك منبغيش نعاود كلامي
جميلة..(انا غير ساكتة مصدومة مكايناش هنا ...اوبسسس صدمني بقبلة جديدة صافي هادي سلات معايا)

"اغار من العيد لانك تنتضرينه...من ثياب افراحك...من اشتهائك لها....من ارتدائكي ماسيراك فيه غيري....من غيري...لانه لايدري كم اغار حين غيري يراك..."

جميلة....(كنحس بالزمن توقف...معرفاش شنو نقول اولا شنو ندير ....قبلتو خلاتني نسافر فاحلامي الوردية.....الش
ي لي كنت متاكدة منو ...انو سيف ديالي ....
سيف..(رجع لور شوية وكيمسح فمو من لعكر)امممم فمك طعمتو زوينة
جميلة...(مبلقة عينية وحنيكاتي حمر ..حدرت راسي وسكت)
سيف...(رفع وجهي بين ايديه)انتي من اليوم ديالي ...سمعتي ؟؟؟
جميلة..(كنشوف فيه...تبسمت ليه)
سيف...(مد ليها ايدو)يلاه نمشو
جميلة...(بلا منهضر حطيت ايدي بين ايديه ...ناري شحال كبار ... زير على ايدي ..وتقول بحال الى غادي نهرب ليه...خرجنا من طواليط ..واتجهنا لداخل لبواط...كتلمح عيني شي وحدين مجموعين على شي حد يمكن مضروب ...بقيت كنرفع راسي نشوف شنو واقع ..كان هو ...سفيان ..فمو خارج منو الدم ...والناس واقفين على راسو وسي معتز واقف عليه كان عاطينا بالضهر ....مهضرتش ..فرحت وخفت فنفس الوقت ...خرجنا برا ...وقفات علينا سيارة سيف فتحلي لباب الامامي ...وانا مزال ممصدقاش واش انا فحلم واولا هادشي واقع فعلا وكنعيشو....
سيف...(شاف فيا) مال حبيبي ساهي
جميلة...(تلفت لعندو...بزربة..
. كيقولي حبيبة)ا...والو غير..(سكت).
سيف...غير شنو؟؟؟
جميلة...س سي سفيان شتو كان مضروب .....انتا لي ضربتيه؟؟؟
سيف...اي شخص يفكر يقرب منك نهايتو غادي تكون على ايدي وسفيان قلب عليها....ويحمد ربو خليتو عايش
جميلة...اه ..ولكين ...
سيف..(وقف لوطو بجهد).ولكين شنو ياك ميكون بقا فيك(كيشوف فيا بعصبية)؟؟؟
جميلة...(حدرت راسي ومجوبتش)
سيف...عمري ...انتي ديالي... اوكي هضرتي مغاديش نعاودها ...
جميلة..(تبسمت ليه)ودابا شنو غادي نديرو
سيف...فشنو.؟؟؟؟
جميلة...انتا...
.انتا وانا
سيف..ههه انا وانتي مالنا
جميلة...(كنشوف فيه مستغربة...ياك ميكون غير كيتفلا عليا )
سيف...ههه فشنو كتفكري؟؟؟؟
جميلة.... ا...ا والو
سيف...(شد ايدي بين ايديه) . اه ه ه ه ه .معرفتش شنو درتي ليا ...كنت ناقد على شي حاجة سميتها النساء وعشقهم ولكين انتي ...قلبتي كلشي ..فحياتي...حنا دابا غادي نكونو انكوبل ...مبغيتكش تبقاي خدامة عندي فلفيلا...غادي تكملي قرايتك فلفاك...وكلشي عندو علاقة بحياتك غادي نتكفل بيه...الوقت لي تحسيه مناسب تكون امورنا رسمية.... فانا واجد...شنو بان ليك فهادشي...
جميلة...(ويلي ميمتي واش انا كنحلم بغيت شي حد يقرصني )ا....ا..نسيتها
؟؟؟؟
سيف...شكون؟؟؟
جميلة...سار كانت جات معايا (شديت تيلي كنصوني ليها)الو حبيبة....اه راه مشيت....انتي غير سبقيني لدار وخلي ليا الساروت فشي بلاصة....اوكي باي
سيف...علاش انتي ساكنة مع سارا؟؟؟؟
جميلة...لا مع خالتي ..ولكين منقدرش نرجع لدار بهاد لبس
سيف...ايوة صافي نمشو لفيلا....تنعسي على صدري هاد ليلة(كيغمزني)
جميلة...(احح اميمتي ...دابا هاد الزين كامل ديالي بوحدي )ا...ا...سي سيف...
سيف....نونونو دابا ممتفاهمينش ....من اليوم سميتي سيف منبغيش نسمع سي منعندك
جميلة....منقدرش
؟؟
سيف...وعلاش؟؟؟
جميلة...حيت غادي نكمل خدمتي عندك...؟؟؟؟
سيف...مفهمتش ياك قتليك غادي تحبسي تخدمي ؟؟
جميلة......انا غادي نكمل خدمتي لعندك لفترة ومن بعد نخرج وتكون امورنا رسمية هداك الوقت ...امادابا منقدرش ...حيت غادي تكتر الهضرة علينا ...وخالتي تاني مغديش يعجبها الوضع فاحسن حاجة ناجلو موضوعنا شوية
سيف...انا مصوقي فحد بغيت حلالي ترتاح ومتخدم عند حد نبغيهم هما لي يخدمو عندها
جميلة...(نارررر
ري هادا بغا يقتلني )انا اصلا كنخدم غير على حبيبي وانا مشكياش من هدشي بلعكس فرحانة وبزاااااااف ودابا(حدرت راسي)فرحتي متصورش ملي وليت معاك
سيف...اه ه ه شحال زوينة كلمة حبيبي من فمك ....ولكين لي قلتو انا هو لي غادي ديريه
جميلة....عافاك خلي الوضع كما هو لفترة .....ومن بعد لي بغيتو انتا انا نديرو(بيني بينكم قلت هادشي غير حجة ...حيت كلشي تحت ايدين ليلى وصاتني نقول هادشي ملي يعتارف ليا )
سيف....اوكي ..مغديش نخسر ليك خاطرك...(باس ليا ايدي)
جميلة...واخا توصلني لدار سارا
سيف...هي لولة...غادي تقولي ليها بلي حنا مع بعضياتنا؟؟؟
جميلة.....لا ..حتى انتا متقولها لحد حتى لخوك معتز ميعرفش (ناري الى عرف بلي كلشي فر اس سارا وانا كندب عليه)
سيف...اوكي ...اصلا الاساس عندي من هادشي كلو ملي عرف سفيان ..باش يعطيك التساع
جميلة...نتمنى ميدرش لينا شي مشكلة
سيف...ميقدرش والى دارها غادي تكون اخر حاجة يديرها فحياتو.
"اتحدى من الى عينيك ياسيدتي قد سبقوني.....يحملون الشمس في راحتهم وعقد الياسمين....اتحدى كل من عاشرتهم من مجانين ومفقودين في بحر الحنين ان يحبوك باسلوبي وطيشي وجنوني....."
جميلة...(وصلني حبيب قلبي لدار سارا وانا حاسة اني طايرة فسماء تانية....بقيت كنقلب على الساروت كانت حطاتو حدا واحد شجيرة حدا الباب ...فتحت الباب كنلقاها جالسة فالصالون مزال كتسناني...
جميلة..مزال فايقة؟؟؟؟
سارا....يصحابليك غادي ننعس ..(جرتني لعندها)عاوديلي يلاه
جميلة....اووووف شغنعاود ليك...حاسة براسي ماشي فهاد الدنيا ...واخيرا ياسارا ...دنيا ضحكت فوجهي
سارا...شنو وقع قولي؟؟؟
جميلة...اناوسيف..
سارا...اه انتي وسيف طلقيني خلاص
جميلة...استعدي....
سارا...غادي تهضري اولا نصرفق ديلمك
جميلة...ولينا اونكوبل (قلتها الفوق )
سارا...ههههه واووو درتيها يالمسيخيطة (عنقتني وبدات تبكي)مبروووك احبيبة
جميلة...ولاش كتبكي ازبلة لي شافك يقول تزوجني
سارا...هئ هئ هئ تستاهلي احبيبة كل خير اوووف
جميلة...(عنقتها)يخليك ليلي ازين ديالي انتي كلشي بالنسبة ليا...اه شوفي ديري راسك مسمعتي مني والو حيت هادشي مبغينا نقوله لشي حد هاد الفترة
سارا...واخا الزين ولكين غادي تمشي من الفيلا اولا شنو؟؟؟
جميلة....لا مزال غادي نبقى فبلاصتي ولكين غير فترة ومن بعد نخلو امورنا رسمية ..ههههه انا فرحانة انا سارا فرحانة بزااااااف
.سارا..(عنقتني)الله يخليك ديما ناشطة تستاهلي احبيبة
جميلة...(تفكرت ليلى خاصني نصوني ليها ونعاود ليها)ا...انا نمشي ندير شي صندويش ندير ليك معايا
سارا....لا احبيبة بصحتك وتصبحي بخير
جميلة...تصبحي بيخير(توجهت المطبخ ...وصونيت ليلى....
ليلى....وي جميلة ياك لاباس ..لاش كتصوني فهاد الوقت؟؟؟؟
جميلة...هههه مقدراش نتسنى حتى الغدا
ليلى...(قدات القعدة)شنو وقع فرحيني؟؟؟
جميلة...ههه سي سيف
ليلى.....مالو؟؟؟
جميلة...عتارف ليا بلي كيبغيني ...هههه انا فرحانة امدام ليلى فرحانة بزاف
ليلى....برافو عليك ههه اوووف واخيرا
جميلة....شكرا ليك بزاااااف لولاك مكنتش دخلت لقلبو معرفتش شنونقوليك والله شكرااااا بزااااف
ليلى...احمم ايوة دابا اجميلة جا دورك ترجعيني لداري ولولادي
جميلة...انا ندير لي بغيتي ...انتي غير قولي ليا وانا نديرو
ليلى...بما انو ولدي سيف كيبغيك فهادا معناه انك وليتي انتي كلشي
جميلة...يعني
ليلى...يعني اي حاجة بغيتها توقع غادي يديرها ...الى قلتي ليه جيب ليا نجوم السما يحطهم بين ايديك
جميلة...اه ولكين انا شنو نقوليه؟؟؟
ليلى...غادي طلبيه وترغبيه يرجعني لداري ويسمح ليا...ديري اي حاجة ورديني لداري
جميلة...واخا انا نحاول معاه
ليلى...ماشي تحاولي ...غادي تجيبيني لداري فهمتي
جميلة...اه ولكين الى...ا الو الو (قطعت من جديد فوجهي)دخلت لبيت وبديت نفكر فطريقة لي تخلي سيف يسامح لماماه ويردها ....اوووف كنجي نفك راسي من مشكلة حتى كتطلع ليا وحدة اخرى من جديد....وانا قاعدة نفكر....يوصلني ميساج....
سيف...حبي توحشتك😘😘
جميلة...حتى انا....شنو كدير مزال منعست😴😴
سيف...اووووف شغادي ينعسني😩😩
جميلة....علاش مالك اعمري😥😥
سيف....حبيبتي ممعاياش شمن نعاس غادي يجيني😪😪
جميلة...ههه صبر غير غدا .....نهار الاتنين غادي نكون تما
سيف...يصحابليك غادي نصبر حتى الاتنين😠😠
جميلة....هههه وشنو غادي دير
سيف...غادي نجي غدا نخطفك ندوزو نهار مع بعضياتنا اوووف شغيصبرني😍😍
جميلة.....هه اوكي عمري غدا نتلاقاو😊😊
سيف...اوكي حبيبة تصبحي بخير😘😘
جميلة...تصبح بخير😍😍


"لقد اتاتيت.... سافتح لك باب قلبي ايها الربيع....اعتذر
تركتك تنتضر طويلا...لكن اتمنى الا اندم "
جميلة...(فقت الصباح وانا كلي نشاط دوشت ..صليت ..وفطرت مع سارا...
سارا...هي هي على الضحكة اتي جمعي فمك شوية راه ضرس لعقل بدات تبان
جميلة...هههههه مكنقدرش نخبي فرحتي خصوصا ليوم
سارا...علاش بالضبظ اليوم؟؟؟
جميلة...من هنا لساعة حبيبي غادي يجي لعندي غادي ندوزو هاد النهار مع بعضياتنا(كنهضر ونفطر فنفس الوقت)
سارا....(كفحات عليا لقهوة من فمها)شنو؟؟؟؟؟
جميلة....زبلة على صوفاج راه يلاه دوشت الزمر
سارا...نوضي قدامي نوضي خارجة ليا مع سي سيف ...ومزال كالسة
جميلة...وشنو بغيتيني ندير
سارا...تي نوضي وجدي راسك المرض
جميلة...صبري نفطر (حيدات كرواصة من ايدي)
سارا....والله متكمليها زيدي قدامي
جميلة...اوووف(د
خلتني سارا لبيتها وجبدات كاع لحوايج لي عندها فلماريو ....
سارا...خاصك تكوني بوكوووووسة اليوم هادا اول نهار غادي تخرجو مع بعضياتكم
جميلة...(ختارت ليا سارا واحد ليبسة كجول ...طلقت شعري ..درت شوية ميك اب ..وبقيت مضاربة مع الايلاينر تفو مكيبغيش يتقاد ...كنسمع صوت تيلي كيصوني...
سيف...حبيبة راني برا
جميلة...اوكي هاني نازلة ولكين بعد شوية على الدار لتشوفك سارا
سيف ...اوكي
جميلة....مالكي كتشوفي فيا ..بغيتيني نقوليه بلي كتعرفي كولشي
سارا..وانا هضرت انا مقلت والو يلاه خرجي طلقي راسك
جميلة..باي(بسته
ا ..ونزلت كان جالس فسيارتو الفيراري السوداء بشاااااخ...جايا معاه ...نزل من طومبيل وعنقني ...
سيف..طالعة غزالة اليوم
جميلة..ميرسي (حدرت راسي زعمة زعمة حشمانة)
سيف..يلاه ركبي
جميلة..(ركبت حداه..وهو طول الطريق شاد لي ايدي...)فين غادي نمشو؟؟؟؟
سيف...فين مابغيتي ...اليوم ديالك
جميلة...امممم متوحشة لبحر شحال هادي ممشيتش
سيف..هي لولة احبي (باسلي ايدي)
جميلة..(وصلنا لبحر..ونزلنا كنتمشاو حداه..كان الجو الزوين ...والبحر عامر بلبشار حيت نهار لاحد..المهم البوكووووس ديالي شاد ليا بيدي ..وكنتمشاو.....
سيف..كتعرفي تعومي
جميلة..(كنشوف فيه)فشنو كتفكر؟؟؟
سيف..ههههه انا غير سولتك
جميلة....لا مكنعرفش
سيف...امم هي الى رميتك دابا فلبحر تقدري تغرقي
جميلة...(كنشوف فيه بخوف) سيف. شوف ..شوف والله مكنعرف نعوم عافاك عافاك
سيف..عادي حبيبة انا معاك(جا يهزني وانا نهرب نجري)
جميلة...(هههه تقول مخرجيني من السباق طلقت رجليا وضربتها بوحد الجرية وهو تابعني...
سيف...وغير صبري ماغاديش نرميك ههههه
جميلة..كداب عارفاك ديرها
سيف...ههههه راك كتجري معا رياضي متنسايش نقدر نوصلك فثواني
جميلة..ههه قديمة هاديك(مزال مكملش كلامي نلقاه شادني من لور ...كنحسو بحال شي وحش ورايا هو طول تبارك الله وانا فين واصلة ليه..
-ش ..شوف خلينا نتفاهمو
سيف..هههه دابا بغيتينا نتفاهمو ياك
جميلة...صافي لي بغيتيها نديرها... الى ترميني فلبحر راه نخاف منو والله
سيف...اممم اوكي(دورني لعندو ولصقني عليه)
جميلة..ش شنو شنو غدي دير؟؟
سيف...انتي قلتي غادي ديري اي حاجة...يلاه طلقينا اري بوسة
جميلة..ك ك .كتهضر بصح
سيف...يصحابليك كنتفلا
جميلة...و ولكين هنا ...قدام نا...(مخلانيش نكمل كلامي نزل على فمي يمصو ويعاود..مطلقني حتى بعدت عليه..)
سيف....امممم ناري عندك واحد لفيم ...اووووف
جميلة..(حدرت راسي)مكتحشمش ...ش شوف ناس يشوفو فينا
سيف...هههه ويشوفو (رجع جرني عندو)نعاودو وحدة اخرى
جميلة...(دفعتو )والله مكتحشمش ....فراسك فيا جوع
سيف..ايوة .يلاه نتغداو كاين هنا واحد المطعم ديال الحوت واعررر
جميلة..اوكي يلاه(مشينا المطعم لي كان تصميمو جد بسيط...ستغربت مكنتش نتصور بلي سيف كيدخل لهاد لبلايص البسيطة...اتجهن
ا لطابلة ديالنا وعطينا طلابتنا للنادل...
جميلة..ا ..ا...بغيت نهضر معاك فموضوع
سيف....شنو واقع كنسمع؟؟؟
جميلة...ا ا ...
سيف....هضري خلاص مالك كتمتمي
جميلة...فين هي ماماك؟؟؟
سيف..(كيشوف في بستغراب)علاش هاد السؤال؟؟؟
جميلة...والو بغيت نعرف
سيف...نظن بلي فراسك كلشي ...شنو دارت مع الواليد ديالي ...ولفضيحة لي دارت
جميلة..علاش متصلحهاش؟؟؟
سيف...(ضرب ايدو على الطابلة حتى تهزو لكيسان)مستحيل مستحيل ترجع تدخل لحياتي من جديد وهاد الموضوع عمرك تهضري معايا فيه
جميلة...ولكين سيف را...
سيف..قتليك هاد الموضوع سالا (كيهضر بعصبية)
جميلة...(حدرت راسي وسكت عرفت بلي مهمتي معاه غادي تكون صعيبة وبزاااااف)


"ايامن غزت قميصك من اوراق الشجر...ايامن حميتك بالصبر من قطرات المطر ...اراف بي فحالي انت ادرى به"
جميلة...(رجعت لدار وانا كنجر ورايا اذيال الخيبة ..معرفاش شنو ندير باش يتصالح مع ماماه....
سارا...اجي لهنا كيف داز لقاء
جميلة...زوين
سارا...ومالكي كتقوليها بهاد الطريقة شنو واقع
جميلة..والو غير عيانة شوية
سارا..امم كاينة شي حاجة انا حاسة ومبغاش تعاوديها ليا
جميلة...يلاه يلاه نعسو غدا عندنا الخدمة
سارا...اوكي تصبحي بخير
جميلة...(نعست هاديك ليلة وانا افكار تديني وتجيبني..فقت الصباح دوشت بدلت حوايجي وفطرت مع سارا....بعد مافطرنا شدينا طاكسي واتجهنا للفيلا....
سارا...انتي مالكي من البارح غير مغوبشة
جميلة...قلت ليك مواقع والو
سارا..سيري سيري كدبي على حد اخر ماشي انتا
جميلة..(عنقتها)
والله احبي مواقع والو...خويا غير هنا ..خلصت طاكسي ونزلنا لفيلا ...كانت لوطوديالو حدا لفيلا ..يعني مزال ممشا للشركة...وحنا داخلين كنسمعو لغوات لداخل....
سارا...شنو واقع؟؟
جميلة...معرفتش هادا صوت سيف كيغوت
سامية....يلاه دخلو للمطبخ نتوما واقفين ليا هنا
جميلة...(دخلنا للمطبخ ونا شادني لفضول....علاش سيف كان كيغوت؟؟؟؟)خالتي
صفية شنو واقع
صفية...والله معرفت ابنتي...جينا لقينا سي سيف وسي سفيان مدابزين بلغوات مفهمنا والو
جميلة..(درت ايدي على فمي ....نارر ميمتي ياك منكون انا السبب...)
اكرام..(جات كتجري)ناررررري وتعرفو شنو وقع
سارا...عاودي لينا ااكرام شنو واقع ؟؟؟
اكرام..(طلعات فسارا وهبطات وشافت فصفية)عرفتي اصفية شنو دار سي معتز
صفية...هضري خلاص
اكرام...شد شي اسهم ديال شركة الادريسي الجديدة...وكتبه
م بسمية سي سفيان
صفية...شنهوا؟؟؟
اكرام..ايه سي معتز غادي يرجع لامريكا وسي سفيان قاليك بغا يقعد هنا وهو ينوض سي معتز كتب الاسهم ديالو لسي سفيان باش ينوب عليه فالشركة....ولكي
ن واحد الحاجة لي مفهمتهاش
صفية...شنو هيا؟؟
اكرام...سي سفيان كان كيشوف فسي سيف وكيقول ليه بلي انا وانتا غادي نتنافسو فكلشي...متفرحش بشي لي درتيه لبارح حيت غادي نتنافسو عليه حت هو...مفهمتش شنو كان كيقصد....سي سيف فاش سمع هادشي تقولي ولا كي الوحش كان غادي يقتل سي سفيان فكو بين ايديه غير سي معتز
جميلة...(ناااار
ي ميمتي ...شهادشي لي كنسمع صافي الحرب غادي تنوض بين هاد الجوج بسبابي)
سامية...مزيان تبارك الله كتعاودو لحجيات يلاه شوفو شغلكم
جميلة..(مشيت نشوف شغلي وانا بالي كلو مع سيف ...وشي لي سمعت من اكرام وسوسني وخالني نفكر ....لي فيقني من افكاري صوت سامية كتعيط ليا..
جميلة...نعم امدام سامية
سامية...سي سيف بغاك ..شنو درتي تاني هاد المرة؟؟
جميلة.....والله
مدرت شي حاجة
سامية....يلاه يلاه بلا هضرا خاوية شوفي سي سيف شبغا..هاكي دي معاك هاد العصير ليه
جميلة...واخا امدام(طلعت لعندو لبيتو دقيت عليه وفتحت الباب...
سيف...اوووف اجي اجي لعندي(فاتحلي ايدي)
جميلة...(حطيت الكاس فوق الطابلة وتخشيت فصدرو..زير عليا حتى حسيت بعضيماتي تكسرو)
سيف...ميمكنش نخليك لغيري استحالة يدوك عليا
جميلة..معندي فين نمشي عليك... انا معاك اعمري
سيف..(طلعلي وجهي بين ايديه وباس جبهتي)انتي دابا هي كلشي بالنسبة لي عائلتي وحبيبتي ومرتي وكل حاجة
جميلة.(بعدت عليه شوية)..ا احمم حتى ولو كنت انا هادشي كلو... ولكين منقدرش نكون ماماك
سيف...(بعد عليا) ياك قلت ليك هاد الموضوع تسديه عليا
جميلة...سيف ماماك هي كلشي ..ميمكنش متكونش كتحس بالقيمة ديالها
سيف..انا معندي ام فهمي(كيغوت)
جميلة...عندك وانا متاكدة بلي كتبغيك وتخاف عليك
سيف...جميلة سكتي
جميلة....فتح عينيك اسيف قلب على ماماك وردها لدارها بيناتكم
سيف...جميلة قلت ليك سكتي
جميلة...بغيتني نسكت حيت كتسمع الواقع مكينش لي غادي يعوضك عن ماماك
سيف...خرجي(كيغو
ت بجهد)خرجي خرجي عليا من هنا
جميلة...(مشيت نجري وخرجت خفت ليقتلني ناررر خلعني يمكن مكانش عليا نكتر عليه تفوووو يخ ...جبدت الموضوع فلوقت الغلط)
سامية...مال سي سيف كيغوت شنو درتي
جميلة...هئ هئ راه غير كاس لعصير كفحتو عليه بلا قصد
سامية...اخطائك كترو اجميلة ..عينيا عليك
جميلة..(..مشيت نجري لطواليط بقيت نبكي حتى عييت غسلت وجهي وخرجت نشوف شغلي)
سارا...فين غبرتي
جميلة...غير هنا (كنسمع صوت ميساج جاني...كان من عندو...
سيف...حبيبة سمحيلي غوت عليك
جميلة..(مجوبتوش
...كنسمع صوت ميساج تاني جا)
سيف..اها قريتيه ومجوبتي يعني قلقتك مني
جميلة..(عاود تاني مجوبتش..كنسمع ميساج تالت جا)
سيف...طلعي لعندي والى انا لي غادي ننزل لعندك
سامية...واش غادي تبقاي غير مقابلة تيلي
جميلة...سمحيلي امدام
سارا..مدام سامية سي سيف كيطلبك تجي لعندو
جميلة...(جريت سارا)شنو بغاها؟؟؟ا
سارا...معرفتش
بعد لحظات....
سامية....تجمعو لعندي كلكم عندي ليكم خبر مهم
-(كلشي تجمع كيشوف شنو غادي تقول)
سامية...سي سيف طلبني نظم غدا حفلة
سارا....شنو المناسبة امدام سامية
سامية...واخيرا.
..مدام ليلى غادي ترجع لدارها
جميلة...(بلقت عينيا ميمكنش...كنسمع ميساج جاني..فتحت تيلي كان من عندو...
سيف..".ندير اي حاجة ومتنزلش دمعة من عينيك".

."انت امراةلااحسبها بالساعات ولابلايام.....ا
نت امراة تسكن فيني منذ ملايين الاعوام"
جميلة....(مصدقت
ش لكلام لي سمعت.....اه ياربي انا شنو كندير كون غير صارحتو بلي كنعرفها شحال هادي.. فاش شفت ميساجو بقا فيا الحال بزااااف دار هادشي كلو على قبلي...دابا الى عرف بلي كنعرف ماماه قبل شنو غادي يدير؟؟؟؟اكيد غادي يتقبل الموضوع بنهاية هو كيبغيني ...وميقدرش يخليني....
سامية...هاد الحفلة غادي تكون اسطورية...مدام ليلى معروفة فالوسط الراقي يعني خاصنا نكونو قد المسؤولية ... خصوصا ملي عرفت بلي هاد الحفلة غادي يحضرو ليها شخصيات ممروقة هكاك لاش غادي نوجدو الجردة الامامية المطلة على المسبح...احمد وجعفر تكفلو ليا بتنضيم الجردة بينما توصل شركة التنضيم...لالة صفية ...وجدي الماكلة لي عزيزة على مدام ليلى ...سارا واكرام تكلفو بتنضيم الطوابل برا....اما انتي اجميلة غادي توجدي بيت مدام ليلى ...يلاه يلاه الخدمة تحركو...
جميلة...(مشيت لبيتي وصونيت على مدام ليلى...كنصوني ليها مكتجاوبش ...رجعت صونيت ليها ,,مجوباتش ...فلمرة لاخيرة قطعات فوجهي ...اووووف هاد مالها تاني...وقفت حدا لمرايا كنجمع شعري حتى كنسمع شي حد فتح الباب...
جميلة...-سارا عافاك مشفتيش هداك صبيبط لهابط هادا ضرني فرجلي...(كنحس بشي حد عنقني من لور)
سيف..(كيهضر فودني)سمحيلي
جميلة..(.بعدت شوية عليه )نارري شنو كدير هنا دابا يشوفك شي حد..عافااااك خرج مافيا من صداع مع مدام سامية(كنهضر بشوية)
سيف...مال هاد سامية معاك شتها طوال ليها لسان ...خاصني نجري على ديلمها من هنا
جميلة...متجري على حد.... عافاك خرج عااااافاك(كنهضر
بشوية وكنرغب فيه)
سيف...انتي لي مبغيتيش طلعي لعندي وانا جيت لعندك
جميل...صافي سير انتا وانا نجي دابا لعندك
سيف...نو دابا غادي لشركة...جيت غير نطلبك تسمحيلي على تصرفي معاك
جميلة...مسمحاك مسمحاك عافاااااك غير خرج دابا
سيف...اوكي خلي تلفون بين ايديك غادي نشاطي معاك وانا فلخدمة
جميلة...(تبسمت ليه)اوكي يلاه
سيف...منسيتيش شي حاجة
جميلة...شنو تاني
سيف...(كيشوف فيا)
جميلة...اوووف هاهيا(بستو فحنكو)
سيف...ا ه ه ه.غير معندي الوقت اما نجبد هاداك لفيم
جميلة....(دفعتو
عند الباب )يلاه خرج(خرج من عندي وانا بقا فيا الحال بزا ف حيت مخبيا عليه شحال من حاجة؟؟ولكين مدام ليلى مغاديش تخليني ضروري تشرح ليه بلي تعرفات عليا ..يقدر يتقلق مني شوية ويرجع عادي حيت حبيبي حنين بزااااف ....اه ياربي متخليهش يكرهني....
سارا...ويلي انتي مزال هنا
جميلة...شنو...ش
نو مالكي
سارا...لا لا لا انتي معجبانيش واقعة معاك شي حاجة..... شوف حتى لامتى غادي تبقاي مخبيا عليا
جميلة...مواقع والو انا نمشي نوجد بيت مدام ليلى (جرتني من دراعي)
سارا..كتقصدي حماتك هههه
جميلة...سكتي لايسمع شي حد
سارا... الواقع احبي هههه
جميلة...هههه اوووف انا مشيت(طلعت لبيت مدام ليلى كنوجدو حنى كنسمع صوت ميساج جاني....
سيف...توحشتك
جميلة...ههههه سيري شوف شغلك متبقاش مقابلني
سيف...اه والله مكرهت لبلاصة لي مشيت ليها نديرك فجيبي ونديك معايا
جميلة...ههههه سيف
سيف...شنو عمري؟؟؟
جميلة...شكراااا
ا بزاااااف
سيف....على شنو؟؟؟
جميلة....حيت سمعتي كلامي وسمحتي لماماك
سيف...قلت ليك من قبل ندير اي حاجة ومنشوفش دمعة نازلة من عينيك
جميلة...يعني مسمحتيهاش ؟؟؟اولا شنو؟؟؟
سيف...غادي ترجع لدارها ولكين لقلبي منضنش؟؟؟
جميلة...صافي واخاااا مغاديش نضغط عليك كلشي كيجي مع الوقت...حبي نمشي دابا نشوف شغلي
سيف...اوكي البوكووووسة ديالي ولكين متكتريش على راسك .."تيامو"
جميلة... ههههههه"تيامو"(
يعني كنبغيك ).
..

"لست كاتبا انما من عينيك...اقتبس الكلمات....جمعت
اغلب الحروف وكونت قصيدة عشق لاجلكي انتي...لاجل عينيك الجذابتين"
جميلة...(من بعد موجدة بيت مدام ليلى نزلت للطابق السفلي ...كولشي كان فلاستعداد الضيوف بداو يجو الساعة دابا 7:30 بعد ساعة غادي توصل مدام ليلى....
سامية...سارا وجدي لعصائر وقدميهم للضيوف لي جاو...جميلة...ا
نتي مزال موجدتي سيري بدلي حوايجك راك غادي تكوني ليلة مع البنات فستقبال الضيوف يلاه يلاه مبقاش لينا الوقت
جميلة...واخا امدام سامية..(دخلت لبيتي ..دوشت بزربة جبت لبسة الموحدة لي كانت عبارة عن سروال اسود وبلوزة بيضة ...درت ميك اب ...وصايبت شعري ...ومشيت نجري لعندهم في المطبخ....
سارا....هاكي جميلة ...هادي سرباية فيها غير عصير ليمون ...دوريها على الضيوف
جميلة...اوكي(مش
يت لجردة لي كانت منضمة بطريقة احترافية ...بديت نقلب بعينيا عليه..مشفتوش يمكن مزال منزلش ....بديت كنضور على طوابل ..مادا سربايا بين ايديا .....كنشوفو داخل وسط انظار الحضور ...وخصوصا الجانب النسوي كانو غادي ياكلوه بعينيهم ...الطول ولبس الرسمي ...لحية المطراسية والشعر المنضم ...اوووووف مبغيتش شي زبلة تشوف ليا فيه..تقدم بكل شموخ وخطى رجولية سلم على شي رجال كانو واقفين ...وانا غير تابعاه بعينيا...توجه لطابلة التانية وبدا يسلم عليهم ...احح ياقليبي شحال مبووكس ...كنشوفو واقف مع شي نسا كبار شوية فلعمر يعني من قدر مدام ليلى ..باينة هادو صحابتها؟؟؟....شوية كنشوف وحد خيتي كتعوج قدامو صغيرة فلعمر وزوينة بنت الكلبة.. ..كانت مركزة مع تفاصيل وجهو وطريقة كلامو وعينيها غير عليه...ناري انا نار شعلات فيا...هزوني رجليا لعندهم بلا شعور....
جميلة..(مادا ليهم ساربايا)تفضلو 'كنقولها بعصبية)
هما...(شيرو ليا غير بيديهم زعمة مبغيناش ....شحال فيهم ديال لبروتوكول ..)
جميلة....مدام تفضلي...(حطيت قدامها سربايا ...تفو على صفريطة ..مزوقة كتعريجة)
هي...(كطلع فيا وتهبط وبطريقة محتقرة قالت لي)انا مدموزيل..اوكي ماشي مدام
جميلة..(حتى انا جاوبتها وكنتعوج)اه ديزولي امادموزيل تفضلي (سيف غير كيشوف فيا ويتبسم من تحت سنانو عاق بيا )
هي..(شيرات ليا بيدها زعمة مبغيتش...)
جميلة...(انا متصرطاتش ليا...متلت بلي سربايا طاحت من ايدي وهو يتكفح عليها العصير)اه مدموزيل سمحيليا ماشي بقصدي(كنتعوج بطريقتها...)
هي...(كتغوت)يخخ
خ مرض شهاد الخدم لي عندكم اسيف ...من فين جابينها(قالت هاد الكلمات ومشات لطواليط)
جميلة..(علامات الغضب باينة على وجهي ...كنشوف فسيف كيبان ليا مغوبش دار ليا حركة براسو بلي نتبعو...جمعت هادوك لكيسان لي طاحو حطيتهم فسربايا...وعطيت
هم لسارا ..
سارا...شهادشي شنو درتي
جميلة...دخلي هادشي لكوزينة...ممسلا
يش ليك(قلتها بعصبية)
سارا...اويلي هادي شنو واقع ليها... وفين غادية جميلة ...جميلة
جميلة...(بعد ماعطيت سارا سربايا...تبعت سيف ...كان دخل لغرفة الجلوس لي فالجردة كانت معزولة تماما عن الضيوف واصواتهم.....
سيف... ...انتي شنو لي درتيه؟؟
جميلة...شنو درت(بعصبية)
سيف...جميلة هضري بشوية (بعصبية)
جميلة...جايبني هنا باش دافع عليها ياك ..عجبك داكشي لي دارت
سيف...انا مغادي ندافع على حد ولكين التصرف لي درتيه انتي مكانش فمحلو
جميلة...اه بصاح التصرف ديالي مكانش فحملو والتعواج ديالها قدامك عادي.....سيف شنو قلتي؟؟؟سيف امتى غادي نشوفوك.....(كنت
عوج بطريقتها)
سيف...ه(كيتبسم)

جميلة...اووف انا نار شاعلة فقلبي وانت كضحك ..سري انا نيت كان عليا ننتف ديلمها(جيت خارجة وهويجرني لعندو)
سيف...(كيشوف فعينيها)كتجنني فاش تكوني فهاد الحالة (اووبسسسس نزل على فمي المسكيييين كيجبد فيه...مطلقني حتى بعدت)
جميلة...بعد مني...سير كمل سهرتك مع الشهبة(قلتها وخرجت)
سيف...اه ه ه غادي تقتلني هاد البنت(خرج كيتبسم)


"قالت لي قل من الشعر ماقال عنترة....قلت يامجنونتي ان الشفاه التي تعشق التقبيل لاتعرف ثرثرة"
.جميلة...(رجعت للجردة نشوف طلبات الضيوف وانا العصبية عامية عينيا.......
سارا...مالكي قبيلة
جميلة...والو .
سارا..جميلة حبيبة عاوديلي راك كتخلعيني هكا
جميلة...سارا مكاين والو عافاك خليني نشوف شغلي
سارا...اوكي كيف مبغيتي لهلا تعاودي كاع
جميلة...(بقيت مضاربة مع الطلبات ..نمشي من هنا ونرجع من لهيه....كنشوفو غير حاضيني بعينيه وكيتبسم....وانا
غير مغوبشة فيه...كان واقف مع سي معتز وكيهضرو....واحد لحضة....كنسمع تصفيقات ...وشي وحدة داخلة ...كانت فمنتهى الاناقة ديالها ..اكيد عرفتوها مدام ليلى طبعا...دخلت رافعة راسها الفوق..وكتمشى بخطى كلها ثقة...تجمعو عليها النساء كيسلمو عليها..دورت وجهي نشوف ردت فعلو...كان واقف عادي بمنتهى البرود ..داير ايديه فجيوبو...كيشوفها جاية لجهتو...عنقت ولدها معتز..لي تجاوب معاها...وقفت قدام سيف ...عنقاتو وبدات تبكي...ناااااري شحال قلبو قاصح....متحرك فيه والو...بقا جامد فبلاصتو وهي معنقاه وكتبكي....
ليلى...واخيرا هئ هئ واخيرا اولدي تجمعنا من جديد
سيف.......(صمت)
ليلى...نواعد ك كلشي غادي يتغير مع الوقت(كتمسح عينيها بكل انوثة)
سيف....(كيشوف فيها وساكت)
معتز...ماما ياك متعدبتي فطريق
ليلى...مكتهمني اي حاجة دابا ..ملي شفتكم هاداشي كافيني
معتز....كيف جاتك الحفلة...
ليلى...زوينة ميرسي ليكم
معتز...خويا سيف هو لي تكفل بتنضيمها
ليلى...(دارت لعندو فرحانة)بصاح اولدي؟؟؟
سيف...اه بصح...بنهاية ضروري نديرو حفلة احتفال بالمراة الخائنة(مشا وخلاها مصدومة)
معتز...ماما سيف وكتعرفيه مديريش فبالك (معنقها)...توحش
تك
ليلى..هئ هئ حتى انا اولدي توحشتكم..كلشي غادي يتغير نواعدك كلشي غادي يتغير
جميلة...(بدات ليلى كتسلم على الضيوف ..وتهضر معاهم ...سيف غير واقف مع شي رجال فواحد الطابلة وكيتناقش معاهم.... اما معتز كان كيرقص مع واحد خيتي فمنصة الرقص ....طلعت مدام ليلى للمنصة حتى هي وبدات ترقص مع ولدها معتز...وشي وحدين ضايرين بيهم كيرقصو وراهم.....سيف غير كيشوف من بعيد وساكت ...مزال مسمحها باينة من نضراتو ليها....نزلو من المنصة ..ومشيت نجري لجهتها ..هازا كاس ديال العصير بين ايديا...
جميلة...(كانت واقفة بوحدها فواحد طابلة)مدام ليلى الحمد لله واخيرا جيتي لدارك
ليلى...(كطلع فيا وتهبط)تقدري تحطي الكاس لي بين ايديك وتمشي
جميلة...ولكين ليلى انا..
ليلى...(غوتات عليا)انا المدام ليلى متنسياش شكون انا
جميلة...(بقيت كنشوف فيها مبلقة عينيا ...مالها كتعامل معايا هكا...معرفتش شنو وقع حتى تكفح الكاس لي كنت هازاه على رجليا)
ليلى...مرض شمن خدامة انتي ..مالكي مكتفتحيش عينيك
جميلة..(ميمكنش تكون هادي هي ليلى لي تعرفت عليها ...تصرفتها معايا غريبة....كنحس بشي حد ورايا..... تلفت كان سيف)
سيف...شنو واقع هنا.؟؟؟(كيشوف فماماه ومغوبش فيها)
ليلى...والو اولدي غير معرفتش فين كتجيبو هاد الخدم(كطلع فيا وتهبط من جديد)
جميلة..(انا غير كنشوف مستغربة منها....)
سيف...(كيشوف فيها بعصبية)
جميلة...(شفت نضراتو ليها...خفت ليقول شي حاجة وانا نحاول لطف الاجواء)هههه غير سمحيلي امدام ليلى...مقصدتش دابا نجمعو ...مرحبا بيك مرة اخرى
ليلى...(شافت فيا باحتقار وتلفتت لعندو)ولدي بغيت نقول ليك واحد الحاجة مهمة(كتشوف فيا)
جميلة...(صافي انا فاش سمعت هاد الكلمة حسيت بلماء نزل ليا فركابي ....نارررري صافي غادي تقول ليه بلي كتعرفني)
سيف...(كيشوف فيها)شنو غادي تقولي
ليلى..(دارت ايدها فدراعو خنزرات فيا ومشات)
جميلة...(صافي مشيت فيها فاش دارت هكا يعني غادي تقول ليه كلشي)


"ملاك انتي ام بشر...ام لحن يعانقه الوتر؟؟؟.......
ساموت شهيدا بحبك.....ان لم يخالفني القدر..."
جميلة...(قلبي بدا يضرب بجهد ....الرعدة شاداني من راسي لرجليا...وقفو حدا واحد الطابلة...بدات ليلى كتهضر وهو غير كيشوف فيها...مدار حتى شي ردة فعل بقا غير كيشوف.....شوية كيبان هز صبعو عليها...بحال الى كيهددها ...ناررررري صافي عرف اكيد عرف....مشيت فيها...بقيت واقفة فبلاصتي كنراقبهم....شوي
ة كيبان جاي لجيهتي...ويلي ميمتي قفرتها غمضت عينيا ...وفتحتهم كيبان ليا دخل لفيلا....دابا شنو وقع بيناتهم؟؟؟؟؟حطيت سربايا ومشيت تابعاه...كنتلاقا مع دراكولا حدا الباب....
سامية...فين داخلة سيري رجعي شوفي طلبات الضيوف
جميلة...ا ...ا مدام سامية راه راه سي سيف قالي نجيب ليه قهوة لغرفتو
سامية...قهوة؟؟؟
؟دابا؟؟
جميلة..هادشي لي قالي(تي حيدي من حدا الباب خليني نشوف مالو)
سامية...دوزي يلاه صاوبيها ورجعي لخدمتك
جميلة....واخا امدام(مشيت لكوزينة...بقيت فيها شوية ...ورجعت كنتسلل ...يارب متشوفني دراكولا...طلعت عندو كنتسلل فتحت الباب كان واقف عند البالكون المطل على المسبح...هاز كارو بين ايديه وكيكمي....فاش كيكون يكمي كنعرف القضية حامضة ....
جميلة...(حاولت منبانش بزاف لايشوفني حد)س ...سيف(كنهضر بشوية)
سيف...(تلفت لعندي...طفا لكارو لي كان هاز.....شاف فيا ودخل...قعد على نهاية السرير وبقا ساكت)
جميلة...(جلست حداه)مالك؟؟؟
سيف....لي كرهم قلبي كيرجعو واحد ورا لاخر
جميلة...ش شنو واقع عاودلي؟؟
سيف...ريم رجعات
جميلة..(حسيت بقلبي مقبوض عليا ..شنو بغات ترجع هاد اللفعة تفو )والى رجعات شنو المشكل؟؟
سيف..كنقوليك ريم رجعات..؟؟؟لبنت لي دمرتلي حياتي رجعت؟؟؟
جميلة..وعلاش منفاعل لهاد الدرجة
سيف...حيت غادي نبقى نشوفها ليل نهار
جميلة...مفهمتش؟
؟؟
سيف....ليلى قالتلي ..بلي تصادفت مع باباها فالمطار...قالها
بلي بنتو غادي تخدم معانا فشركتي..
جميلة...اولاش تخدم معاكم؟؟؟؟شنو علاقتها بيكم؟؟
سيف...هاداك ولد القح&& ديال سفيان خدمها معاه ...فشركة ديالي غير باش نبقى نتصادف معاها فكل وقت ونتفكر لي دارت ليا
جميلة...شوف فيا(دورت وجهو بين ايديا)انا كنتيق فيك ...عارفة انها ولات من الماضي ديالك ...مبغيتك تتفكر والو عليها ....انت شوف شعلك وهي تشوف شغلها ..متخليش سفيان يضغط عليك بيها اصلا هادشي لي بغا يوصل ليه ....يشوفك ضعيف...وتفكيرك كلو فلانتقام...انا ورايا راجل...وراجلي مكضعفو اي مراة كيف ماكانت تكون...
سيف...(كيشوف فيا ويتبسم عنقني وباسلي راسي)اه شحال كنبغيك
جميلة...ههه عارفة البوكوووس ديالي
سيف..بصاح ايوة بما انك عارفة لاش دايرة قبيلة هاديك لحريرة (غمزني )
جميلة...ا اينا ...اينا حريرة...
سيف...ههههه غرتي اشعيبية غرتي والله الى غرتي هههه
جميلة...(نضت من حداه شديت وسادة وضربتو بيها)مغر ت موالو ....اصلا اصلا انا حمارة جايا لعندك
سيف....اجي ههههه غير اجي نقولك ههههه
جميلة...(خرجت من عندو وخليتو ..ههه..لقيت الوحش مزال واقف عند الباب...
سامية..طلعتي داكشي لسي سيف
جميلة...اه امدام طلعت ليه القهوة
سامية ....ايوة يلاه شوفي شغلك السهرة راه ولات فنهايتها
جميلة...واخا امدام(دخلت نشوف شغلي ...ومدام ليلى غير كتشوف فيا...حاسة بلي كاينة شي حاجة قلبي ميكدبنيش...سلات
الحفلة والضيوف مشاو بقينا مضاربين مع تمارا...جمعنا داكشي ونقيناه ...دوشت لبست بيجامتي ..ودخلت ففراشي كتبان ليا سارا كالسة فلفراش وساكتة ماشي من عوايدها...
جميلة..بس بس الزين مالكي
سارا..ا شنو
جميلة...قلت ليك مالك كتباني غير ساهية وساكتة ..قلقلك شي حد؟؟؟
سار..(شافت فيا وكنشوف عينيها كيتغرغرو..)والو
تصبحي بخير(حطات راسها على المخدة ودارت لجيهة لاخرى)
جميلة...(مفهمتش
مالها ولكين واقعة معاها شي حاجة وهادشي تاكدلي فاش سمعتها قالت....)
سارا...جميلة.(ن
اضت من فراشها).
جميلة..نعم .
سارا...(كتشوف فيا باينة فيها مقلقة)سمحيلي
جميلة..(نضت من فراشي)بسم الله الرحمان الرحيم عليك...علاش شنو غادي نسمح ليك اختي
سارا...والو غير هكا...بغيتك تسمحيلي الى كنت قلتليك شي حاجة قبيلة اولا غوت عليك فشي حاجة
جميلة....سارا واش شوية لاباس كتبان ليا ضاربك حمار ليل نعسي نعسي ابنتي
سارا..اوكي تصبحي بيخير
جميلة...(حطيت راسي على المخدة واستغربت من كلام سارا...كنسمع صوت ميساج وصلني..
سيف....تصبحي بيخر حبي
جميلة...تصبح بيخير عمري(حطيت تيلي على صدري ونعست مكنتش نضن بلي هادي غادي تكون اخر ليلة عندي فهاد لفيلا).

"اشعر بابتعادك عني ..لاادري اين ستذهب لكني اعلم ان نهاية قصتي بك....اصبحت على مشارف النهاية...."
جميلة...(فقت هاد الصباح وانا قلبي كيضرني كنحس بيه مقبوض عليا....دخلت دوشت توضيت وصليت...لبست حوايجي المعتادة ونزلت للمطبخ...
جميلة...صباح الخير عليكم
صفية ...صباح النور..كيدايرة مع التعب ديال البارح
جميلة...لاباس اخالتي..معرفتيش
فين غادي نوجدو لفطور اليوم
صفية....سامية قالت لينا نوجدوه فالجردة حيت الجو اليوم زوين
جميلة...اوكي ..(بديت نوجد لفطور تفكرت سيف مصيفطتش ليه ميساج....
-صباح الخير حبي
سيف...صباح النور شتك كتنسايني
جميلة...هههه تنساك الموت ....ننسى عمري ومننساك
سيف...اوووف بدينا الغزل على الصباح ...باينة غادي يدوز نهار زوين ا
جميلة..هههه يلاه حبي نزل تفطر راه وجدت ليكم لفطور فجردة
سيف...اوكي حبي هاني نازل
جميلة...(من بعد موجدت لفطور فالجردة ...مشيت للمطبخ نفطر مع الخدم ...
صفية...ويلي بنتي نسيت لخبز لي كيعجب مدام ليلى
جميلة...اريه لهنا انا نديه ليهم(شديت الخبز من عند خالتي صفية واتجهت بيه للجردة كانو مجموعين كيفطرو...انا ديتو غير سبا باش نصبح على وجه حبيبي ..حطيت لخبز قدام مدام ليلى ...وطلعت وجهي فيه كان كيشوف فيا ويتبسم انا نسيت راسي....بقيت غير واقفة .وراسمة ابتسامة بلهاء خفيفة على وجهي...مفيقني من الوضع لي انا فيه غير صوت معتز....
معتز....بصحتكم انا غادي نمشي نقاد شي وراق على حساب السفر غدا
ليلى...اوكي ولدي..بسلامة
معتز.يلاه بسلامة عليكم
جميلة...(مشا معتز وانا بقيت واقفة ...كنحس بلي مدام ليلى كتشوف فيا..تداركت الموقف بزربة....
جميلة...كتامرو بش حاجة
سيف...لا شكرا (قالها وهوكيتبسم)
جميلة...(جيت ماشيا وانا نسمع مدام ليلى عيطات ليا....درت لعندها ...كانت واقفة من على كرسيها...
ليلى...اليوم كلشي غادي يتفضح وغادي نبين حقيقتك(كتشوف فيا بعصبية

ليلى...اليوم كلشي غادي يتفضح وغادي نبين حقيقتك(كتشوف فيا بعصبية)
سيف..(مفاهم والو ...)شنو واقع؟؟
جميلة...(صافي انا حسيت دنيا دارت بيا ...غادي تعتارف ليه ..)
ليلى...لي واقع غادي تعرفو اولدي اليوم ...هاد الخدامة لي كتوهمك بالحب ديالها مكتسوا متصلح كضرب غير على مصلحتها
سيف..(ناض من كرسيه..وكيهضر بجهد)منسمحليكش تطاولي عليها بلكلام..على الاقل بعدا هي ماشي خاينة بحالك
ليلى...هادي لي كتقول عليها ماشي خاينة...كنعرفها
انا قبل منك وعارفة لاش كتخطط
سيف...سكتي باركة عليا من لكدوب مكانش عليا نردك اصلا لهنا ...
ليلى...واخا انتا غير سمعني ....وانا غادي ناكد ليك كلشي
سيف...مبغيت نسمع منك والو(جر لكرسي وبغا يمشي وهي تغوت)
ليلى...هادي لي معتبرها ملاك نازل من السماء طلعت لفعة خارجة من تحت الارض ...سول سارا سول اكرام متصدقنيش انا....سول الخدامة اكرام شنو سمعاتها كتقول لسارا....(تلفت لعندها)........
قالتلها بلي خاصها تدخل لقلبك..وتخليك تبغيها باش يكون كل شي تحت ايديها...بغات تكون من الطبقة ديالنا على ضهرك...اكرام سمعاتهم بودنها...خليك عليك هادشي متصدقوش....سولها على النهار لي لقاتني فاسبانيا...وبدات تبكي عليا وتمتل بلي كتبغيك وبغاتك حتى انتا تبغيها وطلبات مني نعاونها باش دخل لقلبك وشرطات عليا الى دخلات لقلبك غادي ترضني لداري ....
سيف...كدابة انتي كدابة خرجي عليا مبغيتش نشوفك (كيشوف فيها ويهضر بعصبية)
جميلة..(انا بقيت بحال شي مسطية كنفتح ونسد فعينيا..ميمكنش ميمكنش مدام ليلى دير فيا هكا...مزال مستوعبت)
ليلى...انا ناكد ليك(بقات كتعيط باعلى صوتها)سارا اكرام سارا....(جاو كيجرو)
ليلى..اكرام هضري شنو سمعتي سارا وجميلة كيقولو هديك ليلة
اكرام...سمعتها كتقول بلي خاصها تدخل لقلب سي سيف باش تكون هي كلشي هنا
ليلى...هادشي صحيح اسارا
سارا.......
ليلى....هضري خلاص
سارا....اه صحيح
سيف...ممصدقكمش كتكدبو اصلا انتي (كيشوف فاكرام)غادي نجري على ديلموك حيت اصلا مكتحمليهاش وانتي(كيشوف فسارا)شحال عطاوك باش تقولي هادي شي ا هضري ؟؟(كيغوت لفوق)
ليلى...كنت متاكدة بلي مغاديش تصدقني ...ولكين خلي سارا تعاودليك على شي لي وقع بين جميلة و بين سفيان
جميلة...(درت ايدي على فمي ...واش كنحلم ميمكنش الشي لي كنسمع)
سيف...(قرب لعند سارا كيفور كيلوحش)هضري شنو وقع؟؟؟
سارا....س ..سي...سي
سيف...هضري خلاص قبل مخصرت لمك وجهك(كيغوت بجهد)
سارا...(كتبكي)س
ي سيف جميلة عاودات ليا بلي سي سفيان باسها فلمطبخ ...وبلي كتحس بشي حاجة اتجاهو هكاك لاش نهار تاني مشينا لبواط كنقلبو عليه...وفاش وليتي انت معاها ...قالت لي الاساس دابا عندها ولات معاك حيت غادي توصلها لشحال من حاجة ....اما سفيان غادي تحاول تبقا تقابلو مرة مرة
جميلة...(دموع عينيا نزلو كيشلال ...سارا؟؟؟سارا دير فيا هكا نتوقع من اي حد يقول هادشي الى هي...حسيت بشي ايد جرتني من دراعي بجهد ...
جميلة...عافاك طلقني راه كضرني اسيف هئ هئ هئ (كنبكي)
سيف...(مهضرش غير طالع مع الدروج وجارني وراه.... ضرب الباب حتى تحل وسدو...)
جميلة..(لصقت على الباب وبديت نبكي)كيكدبو عليك والله كيكدبو ....سمعني
سيف...(دار عندي وشاف فيا واحد شوفت حسيت بروح خرجات مني)تلاقيتي مع ماما فاسبانيا؟؟؟
جميلة...سيف عافاك.....سم
سيف...(كيغوت بجهد)سولتك جاوبيني
جميلة...هئ هئ هئ اه تلاقيت معاها ولكين كلشي درتو على قبلك هئ هئ
سيف...(تنهد)اوو
وووف...كنتي كتهضري مع سارا على قبلي؟؟؟
جميلة...اه هضرت معاها قلت لها بلي كنبغيك هئ هئ هئ
سيف...اوووف (نفسو كتطلع وتنزل)..سفيان باسك؟؟؟
جميلة....عافاك سمعني هئ هئ عافا....
سيف...(ضرب ايدو على الباب لي ورايا كيشوف فعينيا كيهضر يجهد)سولتك جاوبيني؟؟؟
جميلة...هئ هئ اه اه باسني ...ولكين كلشي قالوه ليك كدب ..والله(معرفتش شنو وقع حتى كنحس بايديو على عنقي ..خنقني حتى خرجو عينيا...
سيف...كلكم كدبات...كلكم خاينات ...انا حمار ملي بغيتك انا حمار تقت فيك(كيهضر بجهد ويغوت...وايدو مزال على عنقي)
جميلة..(كنحس بروح بدات تخرج مني...مفكني منو غير صوت سامية وصفية كيدقو الباب تما طلقني من ايدو حتى طحت)


"انها النهاية...نهاية
احلامي الوردية...وامال العشق الغابرة عني...احببت وياليتني لم احب"
جميلة..(كنسمع صوت صفية وسامية كيرغبوه يفتح الباب ...انا بقيت مرمية فبلاصتي ...كنبكي فصمت... اما هو كنشوفو غير كيضور فلبيت والتنفس ديالويطلع وينزل وكيردد كلمة واحدة..."كلكم خاينات"..نزل لعندي...
سيف...(كيشوف فيا شوفات كتخلع...عينيه حمرين وعروقهم خارجين...فواحد اللحظة كنحس بضربة جاتني فحنكي حسيت بسناني تكسرو من قوتها ...)غادي ندمك ابنت القح&&..غادي نعلم ديلموك بحالاش تلعبي بيا...(طراااااا
اخ كتجي فيا صفعة تانية حتى حسيت بدنيا كدور بيا ...كنشوفو على جوج...مفكني منو غير صفية دخلت هي وسامية بعد مجابو مفتاح لغرفة ....صفية جراتو وسامية خرجتني من عندو فواحد الحالة مترضهاش لعدوك...نزلت من الدروج بخطى متثاقلة ...دخلتني لبيتي ...وداتني للدوش...
سامية...جميلة جميلة كتسمعيني
جميلة...(بسيف كنطلع فيها عينيا)
سامية...غادي نغسلك وجهك عافاك ...خليك فالوعي ديالك
جميلة..(غسلات ليا وجهي ..وخرجتني ...)جمعي ...جمعي ليا حوايجي...(كنهضر
بسيف)
سامية..واخا ...فين صاك ديالك
جميلة...(وريتله
ا بلاصت صاك.وبدات تجمع ليا حوايجي...دخلات علينا سارا...كتبكي..مشفتش فيها نهائيا...طلعت مسهلاش ...دارتها بيا ....كنسمعها كطلب السماح مضرتش لعندها نهائيا....شوية كنسمع شي حاجة كتهرس ...وشي حد كيغوت كان هو ...اي حاجة قدامو كان كيهرسها....وكيغوت باعلى صوتو...كلما غوت.. كلما زدت انا فلبكا كتر....جمعات سامية ليا حوايجي...وشدات ليا طاكسي...خرجت من لفيلا...كانت ليلى واكرام واقفين كيهضرو وعاجبهم الحال....هههههه يلاه طلع معايا القالب ...اكرام هيا لي كانت كتوصل خباري ليها....خنزرات فيا ليلى ورسمت على وجهها ضحكة الانتصار...بيني وبينكم من حقها بنهاية انا درت النية بزاففف....والقانون لايحمي المغفلين كما كيقولو....وانا قانوني هو سيف كنت كنضن غادي يحميني ...صدق اكتر حد ضمرني متاقش فكلامي ...وتكرفس عليا ...اتجهت لطاكسي من بعد مخلاصتو سامية ..شافت فيا ...
سامية...كلشي غادي يصلح مع الوقت غير خليك قوية
جميلة...(شفت فيه والدمعة نازلة من عيني)شكراااا شكرا على كلشي وسمحليا بزافف الى درت شي حاجة غلط
سامية...(كتشوف فيا وعينيها كيتغرغروبالدموع
..)الله يكون معاك اجميلة(قالت هاد الكلمة ومشات)
جميلة..(اتجهت لبيت خالتي ...دقيت عليها وفتحات ليا كانت مزال ناعسة معلوم غادي تنعس حتى لهاد الوقت ..بنهاية كانت معولة على خلاصي ولكين دابا كلشي تقلب....
خالتي...ويلي شهاد الحالة؟؟؟ ...شنو درتي ؟؟؟؟شنو واقع..؟؟؟؟
جميلة..(حطيت صاكي ودخلت لبيتي ..حطيت راسي على المخدة وبديت نبكي..دخلات لعندي تجري)
خالتي..متقوليش ليا جراو عليك...؟؟؟
جميلة...(كنشوف فيها بسيف...حركت راسي بلايجاب)
خالتي...اويلي ميمتي على غدايدي...شنو درتي تاني؟؟؟كنت عار فها كنت عارفة انك غادي ترجعي
جميلة...خالتي عافاك خليني بوحدي....بغيت ننعس (كنهضر بصوت متقطع)
خالتي..بغيتي تنعسي....نعسي ينعس عليك حيط...شنو غادي ناكلو دابا حنا ا ؟؟؟هضري ؟؟؟؟ياك قلت ليك تديها فشغلك؟؟؟اشنو درتي؟؟؟
جميلة...(قلبت وجهي لجيهة لاخرى...وبديت نبكي...كنسمعها كتخاصم وتغوت بحدها ...متسوقتش لهضرتها اصلا ...كافي هادشي لي شفت هاد النهار).
 "اقسم باغلى مااملك...اني لن انساك...ستظل محفورا فقلبي...الى حين لقاك..."
(اصبحنا واصبح الملك لله...
جميلة..(فقت هاد اليوم كيف باقي الايام...غسلت وجهي وتوضيت وصليت ....شديت الاجوندا ديالي...حطيت علامة على اليوم الثلاثين....اليوم هو يوم الخميس...هادا شهر دابا...داز على فراقي بحبيب قلبي ...عمرني شتو او هضرت معاها...طليت من الشرجم كتبان ليا يسرا...كتغوت بحال دايما...
يسرا....واش مغاديش تنزلي غادي نبقا نتسناك هنا....؟؟؟
جميلة...شنو بغيتي؟؟؟
يسرا...يلاه نمشو عند المراة لي كنت كنقوليك البارح
جميلة....(كتقصد واحد الكزانة قاتليك ضروري نمشو لعندها باش دير ليك شي حاجة ترجع سيف ليك ههههه مريضة فعقلها....)ممشياش
يسرا...فتحي فتحي ليا الباب؟؟
جميلة...اوووف(نزلت على سعدي ووعدي فتحت ليها الباب)دخلي مصدعانا على الصباح
يسرا....زيدي قدامي قبل مجات خالتك
جميلة....يسرا سيري بدلي ساعة باخرى حسن
يسرا...(جبدتني لعندها)شوفي راه هاد المراة مضمونة مشات عندها اسية على قبل راجها .....تبارك الله رجع ليها يجري
جميلة...اوووف.اتي بعدي مني انتي وخرفاتك الخاوية
يسرا...طلبي التسليم ابنت لحرام ...كتقولي على الحاجة مريم خرافات ...غير مسمعاتك
جميلة...اوووف بعدي مني ايسرا خليني نفطر(دخلت لكوزينة وهي تابعاني)
يسرا....عافاك اصحيبتي يلاه...راه مغاديش تعطيك شي حاجة واعرة غير شي حاجة تحرقيها ليه والله حتى يرجع لعندك يجري
جميلة..(حطيت كاس ديال اتاي وشفت فيها)شتي هادي لي عندي والله وتحرقي ليه قزيبت الفار...وشعر النملة..وسالف لبومة...وتشربيه بول لحمار...وتوكليه فولت التور والله لارجع ...ودابا غادي تخرجي عليا من هنا لانحرق وجهك بهاد اتاي
يسرا...خليك كيف منتي سري انا نيت ...هئ هئ ايوة عنداك تجي تبكي عليا هئ هئ
جميلة...متخايش مغاديش نبكي عليك(خرجات من عندي مقلقة ...عارفاها غادي ترجع ..بديت نفطر فلكوزينة ..وانا نسمع شي حد كيدق فلباب..شتو قلت ليكم كترجع...حنينة بزااف هاديك المسطية...
جميلة(كنفتح الباب وكانكل صندويش فمي عامر)هههه عرفتك غادي تر.....(بلقة عينيا ...ميمكنش؟؟؟؟؟مدام سامية شنو كدير هن

سامية...صباح الخير
جميلة..كح كح كح صب صباح النور
سامية..(كتشوف فيا تسناني نقولها تدخل)...احمم مغاديش تخليني ندخل
جميلة..اه تفضلي تفضلي امدام سامية ههه سمحيلي غير وكان تفاجات ملي شفتك(دخلتها لصالة وجلست حداها)اه شنو تشربي امدام
سامية....لا بلاش اجميلة ..انا اصلا زربانة..جيت غير نقولك شي هضرا وغادي نمشي
جميلة...يسمعنا خير
سامية...شوفي اجميلة..نجيك لصراحة انا كنت شاكة من البداية بلي كاينة شي علاقة كتجمعك مع سي سيف(غير دكرات سميتو قلبي بدا يضرب)خصوصا فلفترة الاخيرة كان كيبان ليا سي سيف مبدل يزاف ...ولا كيتحكم فاعصابو ..كيعطينا لخاطر ...مكيحملش شي حد يقول عيلك حاجة خايبة.....يعني كنت شاكة .....وهادشي تاكدلي ملي جرا على اكرام نهار لي دابزتي معاها هنا صافي ناكدت بلي كاينة شي حاجة حيت سي سيف عمرو دخل فشي حاجة كتخص الخدم كان كلشي بيدي انا
جميلة...مبقاتش اهمية لهادشي امدام كلشي سلا وكلها شد طريقو
سامية..(شدات بيدي)جميلة.....
انا عارفة بلي اكرام وسارا وليلى كدبو على سي سيف باش يخرجوك من الفيلا..وانا غادي نعاونك
جميلة..مفهمتش؟؟
سامية...اخخ وتعرفي شنو وقع من بعدك...سي سيف من النهار لي مشيتي قليل فاش كيجي لفيلا غير الى كان بغا يشد شي حاجة من تماك وصافي....تبدل بزاف ولا عاطيها غير لنسا وشراب وسهير ...وهادشي كلو فمصلحة مدام ليلى
جميلة...مفهمتش شنو كتقصدي علاش زعمة فصالح مدام ليلى
سامية...البارح كنت كنجمع بيت مدام ليلى...بصدفة لقيتها موجدة شي وراق ديال شركة الادريسي الجديدة ...هاد لوراق كتاكد بلي الملكية ديال الشركة كاتبها سي سيف لمدام ليلى....وهادشي غادي يكون جاري بيه العمل الى وقع سي سيف على هاد لوراق
جميلة....(حطيت ايدي على فمي )ايوة
سامية..انا شديت هاد لوراق وصورتهم (جبداتهم من صاكيها)هادي نسخة ليهم...انا فاش شفت هادشي تاكدت بلي مدام ليلى مسهلاش بغات تشد الشركة ديال ولدها عن طريق سفيان وريم
جميلة..بحلاش؟؟؟
سامية...فاش صورت هاد لوراق ورديت الاصليين لبلاصتهم بقيت غير مراقبها...حتى سمعتها اليوم كتهضر مع سفيان فتيلي..قالتيله بلي لوراق عندها ....كتسنى غير امتى يجي سيف غدا من اسبانيا ..ودخل ريم فلخط
جميلة...(بقيت فاتحة عينيا)اها يعني بغات تستخدم ريم باش ضور بسيف وتخليه يوقع على الاوراق وتكون الشركة بسميتها بحال مستخدماتني انا ورديتها لدارها.....بشاا
اااااااخ والله مسهلاش ..
سامية...وحتى انا اجميلة بغات تجري عليا..بغات تخلي اكرام رئيسة الخدم لولى تدخل سي سيف راني فزنقة دابا
جميلة...هادي لفعة هادي ...كلشي مخطة ليه بدقة
سامية...ايوة انا جيتك اليوم باش تعاونيني وتعاوني راسك وتعاوني سي سيف
جميلة...مفهمتش
سامية...سي سفيان شحال هادي كيطلبني الرقم ديالك كنقوليه معنديش من النهار لي سمع بلمشكل لي وقع ليك مع سي سيف وهو كيسول عليك..انا قلتليه بلي لقيت لبلاصة فين كتسكني ....وعرض عليا نعرض عليك تجي تخدمي فشركة معاهم كسكيرتيرة عندو....وهنا غادي ضربي عصفورين بحجر واحد...غادي تنتاقمي من ليلى وسفيان ..وفنفس الوقت غادي تثبتي برائتك لسيف ...
جميلة...(بقيت جالسة كنشوف فيها)
سامية..جميلة جميلة....شنو قلتي
جميلة...ا..معرف
تش...انا ميمكنش ليا نرجع تاني لتماك يمكن يقتلني الى شافني
سامية...جميلة ....انا نخليك تفكري عندك حتى لغدا وردي عليا...هاكي هادا رقمي...وهادو لوراق ..خليهم معاك...كنتسنى اتصالك ونتمنى يكون بالايجاب
جميلة...(خرجات من عندي سامية ..انا بقيت شادا راسي بين ايديا...شنو ندير فهادشي لي قالت)


الفصل الخامس والاربعون
"ساتحدى المستحيل لترجع لي ...لقلبي الذي يملاه الى حبك.....لشرياني
الذي يعيش على نبضك....لعيني التي لا ترى سواك...انت لي وستضل لي...
جميلة...(بقيت شادا راسي طول النهار وكنفكر ...شنو ندير؟؟ ..الى مشيت حتى وافقت وقبلت نخدم مع سفيان اكيد غادي يتاكد سيف من شي لي قالت ليه ماماه وتثبت عليا التهمة...والى بقيت فبلاصتي غادي نتعدب ...خصوصا وانا فهاد الحالة..مرمية عليا تهمة؟؟؟سيف مبقاش كيبغيني؟؟؟خالتي
غادي تبقى كل دقيقة كنتقر عليا؟؟؟اووووف ....
خالتي...اح اميمتي اي رجليا طابو عليا(دخلت لصالة جالسة حدايا معقتش بيها اصلا ايمتى جات)جميلة واجميلة
جميلة...ا..اشنو
خالتي..اويلي فين غيبتي ...كتحسبي الرزق لي عندك
جميلة...خاليتي امتى جيتي
خالتي...اوووف نوضي نوضي جيبي ليا نشرب
جميلة...(جبت ليها تشرب وجلست تاني كنفكر)
خالتي...غادي تخدمي غدا فواحد القهوة
جميلة...(فعالمي
الخاص مسمعتهاش )
خالتي..جميلة..و
اجميلة...جميلة
جميلة..(كنت مرفوعة كنفكر... حتى كنحس بشي قرصة جاتني فذراعي)اييي
خالتي...انا كنهضر من الصباح وانتي فاتحة فمك فشنو كتفكري
جمية...اي كنسمعك اخالتي(كنحك بلاصة القرصة)
خالتي..ايوة وجدي راسك غدا غادي ..تمشي تخدمي فقهوة براكا من الخمول طول النهار ناعسة شهر هادا وانتي على نفس الحالة
جميلة...اينا قهوة اخالتي؟؟؟
خالتي...قهوة لحسن لي حدانا ..قالي نقولك تجي تخدمي
جميلة...اوووف واخا اخالتي انا نفكر ونقوليك(نضت من بلاصتي)
خالتي..بصاح ..واخا الالة واخا اصاحبت السمو ..فكري على خاطر خاطرك
جميلة...(كنحس بشي ضربة جاتني لضهر صيفطاتي سلاحها المعتاد لي كان عبارة عن صندلتها)
خالتي...والله منشوف كمارتك غدا هنا مع سبعة ديال صباح تكوني فلقهوة
جميلة..(مهضرتش معاها دخلت لبيتي ...وبقيت نفكر من جديد ...غادي نوافق على كلام سامية معندي اي حل اخر ....خاصني نثبت برائتي ...وننتاقم من اللفعة ديال ليلى...صافي صبرت فحقي بزاف... ولكين دابا غادي نوريهم وجهي التاني ...جبت الرقم ديال سامية وصونيت عليها...


جميلة..(مهضرتش معاها دخلت لبيتي ...وبقيت نفكر من جديد ...غادي نوافق على كلام سامية معندي اي حل اخر ....خاصني نثبت برائتي ...وننتاقم من اللفعة ديال ليلى...صافي صبرت فحقي بزاف... ولكين دابا غادي نوريهم وجهي التاني ...جبت الرقم ديال سامية وصونيت عليها...
سانية...الو وي
جميلة...الو مدام سامية انا جميلة
سامية...صبري خليك معايا على الخط(خرجات برا وكتهضر بشوية..)شنو قررتي؟؟؟
جميلة...انا موافقة...عطي رقمي لسفيان من غدا غادي نبدا فلخدمة..
سامية...هههه برافو عليك جميلة هكا بغيتك ...ههه صافي انا دابا نرسل لسفيان رقمك ونخليه يهضر معاك
جميلة..اوكي كنتسنى اتصالو
سامية...جميلة..
.شكرا بزااااف
جميلة.مدام سامية متشكرينيش ...انا غادي ننتاقم منهم واحد واح
سامية...انا غادي نقطع دابا نرسل ميساج لسفيان يهضر معاك
جميلة...اوكي كنتساه
(قطعت من عندها وبقيت ماشيا جايا فلبيت ...كنعض ضفاري ...ناررري واش هادشي لي كندير صحيح....الى شافني سيف يمكن يقتلني ...هو اصلا قالي غادي ندمك وانا غاديا لعندو برجليا...صونا تيلي فيدي ...نقزت من بلاصتي ....لهاد الدرجة سيف مسكن فيا الرعب...
جميلة...ا ..الو
سفيان...الو جميلة هادي؟؟؟
جميلة....وي انا هي
سفيان..معاك سفيان...سفيان العلوي
جميلة..كيداير اسي سفيان
سفيان ...يلاه وليت لاباس ملي سمعت صوتك
جميلة....ههههه هادا من ذوقك..ا.. مدام سامية قالتي بلي عندك خدمة ليا فشركة؟؟؟
سفيان..اه انا فلحقيقة محتاج سكيرتيرة ..وملي سمعت انك مبقيتيش خدامة قلت الى كنتي محتاجة لخدمة تجي تخدمي معايا؟؟
جميلة...انا موافقة اسي سفيان لقيتني نيت كنقلب على خدمة...شكرا بزاااف حيت فكرت فيا
سفيان....هههه دونك صافي بلاصتك واجدة تقدري تبداي من غدا ..
جميلة..اوكي ...ا سي سفيان ..ممكن ترسل ليا عنوان الشركة حيت معرفاش بلاصتها
سفيان..اوكي دابا نصيفطو ليك
جميلة..اوكي شكرا..بسلامة عليك(قطعت من عندو وانا الخلعة كتهزني وتحطني ...نااااااري انا مع شكون كنلعب ...ناس فوق مني ...ويقدرو يمحوني من الوجود فدقايق...اووووف
...ولكين هادشي ميهمنيش خاصني نثبت برائتي ...ونكشفهم على حقيقتهم).


الفصل السادس والابعون
"انه يوم جديد ....ساناضل من اجلي بقائي....من اجلي حبي...ومن اجل برائتي..."
(اصبحنا واصبح الملك لله...
جميلة...(فقت اليوم على الساعة السادسة فجرا...دوشت صليت...وخرجت نوجد لفطور...
خالتي....شتك فايقة بكري اليوم ..يلاه فطري وسيري القهوة
جميلة..(صبيت اتاي وبديت نغمس الخبز فالزيت...شفت فيها)مغاديش نمشي
خالتي...بصاح احنينتي ...والله ومتنوضي من قدامي حتى...
جميلة..(قاطعتها
)خالتي انا مغاديش نخدم فالقهوة حيت لقيت خدمة تانية فواحد الشركة
خالتي..(كتشوف فيا وهي تفركع بالضحك)انتي ههههه فشركة ههههه ياك متكوني وليتي مديرة ههههه
جميلة...علاش كضحكي اخالتي مالي مقرياش...اولا جاهلة ..وزايدون متخافيش ماشي مديرة سكرتيرة
خالتي...امممم وشكون هادا لي غادي يخدمك
جميلة...غادي نخدم فشركة الادريسي
خالتي..لي كنتي خدامة عندو ؟؟؟شنو طرا وجرا حتى ردك لخدمة وسكرتيرة من الفوق؟؟؟
جميلة...انا قلت فشركتو ولكين ماشي عندو ....عرفتي شنو انا نوض نبدل حوايجي قبل منتعطل بصحتك
خالتي...حيت انا جاهلة ياك مبغاش تعاودي ايوة سيري سيري ..نشوفو فين غادي توصلي
جميلة ..(توجهت لبيتي...لبست احست معندي حاولت تكون حوايجي رسمية شوية ديال الخدمة...جمعت شعري بطريقة ..منضمة ودرت ميك اب كيبرز جمال عينيا بلخصوص...شفت فلمرايا...عجبني
راسي الحقيقة...كنبان سيدة اعمال...من اليوم مغادي يحقرني اي حد ...غادي نكون قوية...وغادي نكسب لي ضاع مني من جديد....خرجت من بيتي...
خالتي..(كتشوف فيا معرفتنيش)
جميلة..مالك اخالتي انا غير جميلة لي كتعرفي ههه
خالتي..(كطلع فيا وتهبط )لا لا لا مستحيل تكوني انتي هيا؟؟
جميلة..ههه انا هي اخالتي...المهم انا مشيت متسناينيش بلغدا(اصلا عمرك متسنيتيني بيه)خرجت من عندها واتجهت لطاكسي وصلت لشركة ...خلصت طاكسي ونزلت....قلبي كيضرب الر عدة شادني...طلعت وجهي كانت شركة عملاقة ..معرفتش شحال فيها من طابق...طلعت مع الدروج الامامية ونزلت بالزربة...لا لا ميمكنش لي ندير هادشي...رجعت مع طريق لي جيت منها وقفت نوقف طاكسي...انا جبانة...عارفة راسي...ولكين خايفة منو....صافي غادي نرجع لدارنا حسن...بقيت واقفة كنتسنى طاكسي يدوز..حتى كتلمح عيناي سيارة من نوع هامر...نزل منها شخص في قمة الاناقة ...بقيت مبقلة فيه عينيا كان سفيان...ياربي ميشوفني ...بقيت كنمشي بزربة حتى سمعتو كيعيط بسميتي...


بقيت كنمشي بزربة حتى سمعتو كيعيط بسميتي...ة جميلة
جميلة..(اووووف يخ على موقف شنو نقولو دابا)رجعت لعندو..اه سي سفيان(مديت ليه ايدي)
سفيان...فين كنتي هربانة؟؟
جميلة...انا ...انا؟؟؟مكنت هربانة فين؟؟؟؟غير وقفت ....ا نشوف شي حد كنعرفو...باش نتاكد من الشركة..
سفيان...علاش مكتقرايش راه مكتوبة لفوق شركة الادريسي؟؟
جميلة...(تفو على حصلة)هههه مشفتهاش
سفيان ...ايوة يلاه يلاه ندخلو
جميلة..اوكي(دخل
هو قدامي وانا وراه ....طلعنا فلاسنسير ...واقلبي غادي يخرج من بلاصتو ...كنشم ريحتو فكل بلاصة ...كنحس بيه ..فكل قنت...اووواه حنا فين مزال طالعين هادا الطابق ..
جميلة..سي سفيان مزال موصلاناش؟؟
سفيان...(كيشوف فيها وسارح فجمالها) ا بقا غير طابق
جميلة..اوكي (حدرت راسي)اوووف واخيرا وصلنا
سفيان...تبعيني
جميلة..(تبعتو كنجري وراه اووواه شهادشي لي كنشوف ...كان الطابق فيه بزاف ديال المكاتب الموزعين بطريقة احترافية...فتح واحد الباب ودخل باينة هادا هو المكتب ديالو...
سفيان..هادا هو المكتب ديالي
جميلة....(بشااا
ااخ كان المكتب منضم بطريقة راقية كل حاجة فبلاصتها...مكتب كبير ...حداها كراسى من لفوتاي ...وراها غير جاج حتى الاطلالة زوينة...)زوين بزاف
سفيان..ميرسي...
اجي نعرفك عل هند غادي توريك الخدمة ..حيت غادي تمشي
جميلة..اوكي(دان
ي لعند هند لي كان المكتب ديالها حداه ..عرفها عليا ...ووصاها تعلمني الخدمة..
سفيان...بغيتك اهند تعلميها الخدمة مزيان راه غادي تكون ايدي ليمنة(كيهضر وسارحني بعينيه)
هند ...واخا اسي سفيان ارتاح من هاد الناحية
سفيان...اوكي انا ماشي راها فامانتك(كيشوف فيا ويتبسم)(اووووف شحال زوينة سيف حمار ملي خلى هاد الزين)
هند...سي سفيان..راه سي سيف يلاه جا من اسبانيا وطلبنا فجتماع
سفيان..اوكي (جا يخرج وهو يرجع لعندي)من هنا لساعة اجميلة غادي دخلي معايا الاجتماع باش تعلمي الخدمة(وباش نعصبو سي سيف شوية هههه)
جميلة...ا ..ا انا...ولكين راه مزال معرفت الخدمة يلاه اول يوم ليا
سفيان...هادشي لي بغيت باش تعلمي لخدمة(شاف فهند)هند فاش يكون وقت الاجتماع وصلي الانسة جميلة لمكتب الاجتماعات
هند..واخا اسيدي
جميلة...(ناررري
انا حاسة باعصار كيضرب قلبي....ياربي كون معايا ...شمن اجتماع عوتاني اكيد غادي يكون فيه سيف...تفو على حمارة ؟؟؟راه هو لي جامعهم اصلا....ويلي ميمتي شنو غادي يدير فيا)...هند ختي..
هند..نعم اجميلة
جميلة...شكون حاضر الاجتماع؟؟
هند..سي سفيان سي سيف مدام ريم ومدام ليلى... وشي اعضاء فشركة اكيد سي سيف جمهم باش يدرسو التطورات الاخيرة ديال الشركة..حيت كان فاسبانيا(هي كتهضر وانا ممعاهاش ...ناري كملات كلهم مجموعين تماك...جيت نكحلها وانا نعميها...الله اسيدي ربي كون معايا....نارررر
ي ميمتي انا شنو كندير...
هند....جميلة جميلة
جميلة..نعم نعم..
هند...فهمتي هادشي لي قلت ليك؟؟؟
جميلة(علاش اتتي كنتي كتشرحي اصلا)...ا لا لا مفهمتش ممكن تعاوديلي(بقات هند كتعاود ليا وهي تدخل علينا واحد الشهبة)
هي...مسيو سفيان فغرفتو(كطلع وتهبط فيا)
هند..اه امدام فغرفتو ...
هي...(كتشوف فيا من جديد وكطلعني بتخنزير وتهبطني بيه...وهي تمشي)
جميلة.....هند شكون هادي
هند...هادي لمدام ريم...مديرة الاستشارات هنا
جميلة...(اوبسسس
هادي هي ريم ...انتي هي لي دمرتي حبيبي الشهبة ...والله لا كان ليك غير خليك كدوري تما حتى تعياي والله لاطلقتو ليك)
هند....جميلة...
مبقا والو الاجتماع واحد عشر دقايق ويدخلو لغرفة الاجتماعات...متنسايش لي قلت ليك...قعدي حدا سي سفيان وسكتي متهضريش ...غادي تشدي غير ستيلو وورقة وتسجلي اي نقطة مهمة غادي يدكروها اوكي
جميلة....(كنقفق
ف)ا...او...اوكي
هند...ايوة يلاه سي سيف راه عندو الوقت هو الوقت
جميلة....عافاك وريني طواليط فين
هند....شمن طواليط دابا اجميلة راه غادي يدخلو لغرفة الاجتماعات
جميلة....والله منتعطل غير خمس دقايق عافاك
هند...اوكي تبعيني(تبعتها وحاسة بلي غادي نديرها فسروالي..دخلت لطواليط...سديت عليا الباب ..وبقيت كنشد نفس ونرجعو ...كلشي غادي يدز مزيان اصلا ميقدر حتى حد يدير ليا شي حاجة...كلشي على ود سيف ...تشجعي اجميلة تشجعي...وقفت قدام لمرايا..قديت شعري ...تنفست كنسمع هند كدق...
هند....جميلة عافاك خرجي عافاك
جميلة..اوووف هاني جيت
هند..نارري اختي سي سفيان يلاه تاصل بيا قالي شنو كتسنى جميلة مجاتش
جميلة....اوكي هاني واجدة يلاه(مشات هند قدامي وانا وراه كنطلع رجل ونحط لاخرى بسيف...
هند..جميلة عافاك سربي
جميلة...اوكي...
(وصلنا قدام واحد الباب كان مكتوب عليه غرفة الاجتماعات...ناري صافي الدم حسيت بيه حبس فجسمي ...فتحت هند الباب ودخلات انا بقيت واقفة برا...
هند..سي سفيان السكرتيرة جديدة جات ندخلها؟؟
سفيان....دخليها
؟؟
ليلى....علاش بدلتي هند...خدمتها زوينة؟؟؟
سفيان...حاس بلي غادي نرتاح مع هادي كتر (كيقولها وكيشوف فسيف لي كان مغوبش ومطلع حاجبو فيه)
هند...دخلي بون شونس.
جميلة...ميرسي(د
خلت عليهم رجليا تقال عليا ...كان كالس وكيهضر وكلشي متلفت لجيهتو ...شوية وهو يسكت...كيشوف فيا مستغرب ..حال فمو..وايديه خلاهم بالطريقة لي كان كيشرح بيها...كلشي كيتلفت لجهة الباب كيشوف سببب صدمة سيف لهاد الدرجة...)ا


."لقد رايتك بعد طول غياب .....لمن اصف فرحتي؟؟؟؟لمن اخبر املي....سارجعك لي...لانك بكل بساطة انت لي...
جميلة...(كنشوف فكلشي كيشوف فيا ...مدام ليلى علامات الاستغراب والصدمة على عينيها....سي سفيان كيتبسم بطريقة كلها خبث...ريم غير كتشوف مفاهمة والو...اما سيف...كنشوفو ناض من بلاصتو ودفع لكرسي لي جالس عليه حتى لصق مع لحيط لي وراه...
سيف...هادي شكدير هنا؟؟؟
سفيان...هادي سكرتيرة ديالي..غادي تخدم معانا
سيف....شناهوا؟؟
؟تخدم معانا...خرجي ..خرجي (كيغوت بجهد)
جميلة...(شداتني
رعدة كلي كنقفقف...جيت نخرج وهو يشد بيدي سفيان)
سفيان....هادي سكرتيرة ديالي وماشي من حقك تجري عليها
سيف...نجري عليها ونجري عليك....كتسمع(ك
يغوت)
سفيان...متنساش بلي حتى انا مدير هنا ومن حقي نخدم لي بغيت
سيف...كلشي مخطط ليه ياك..جايبها باش تلعب على اعصابي ا..(مشا لجيهتو شنق عليه)
ليلى..(ناضت من كرسيها كتجري)ولدي شنو كدير طلق منو(بقات كتفكهم هي والاعضاء لي كانو حاضرين الاجتماع)
سيف...(رجع لبلاصتو وكلس كيتنهد ..)قعدو فبلايصكم غادي نكملو الاجتماع(كيهضر بجهد كلشي تكمش فكرسيه..شاف فيا)اما انتي حسابي معاك من بعد(كيخنزر فيا نارري كنحس بلبول ويلي ميمتي شنو غادي يدير ليا)
جميلة..(كحزت لكرسي لي حدا سفيان وكلست حدرت راسي وانا كلي كنرجف)
ريم..(كتوشوش فودن ليلى)شكون هادي؟؟؟؟
ليلى..(كتهضر بشوية معاها)هادي الخدامة لي قلبت راس ولدي ..حضي راسك رجوعها معاجبنيش
سيف..(كيخنزر فيا)كيف مكتعرفو التطورات الاخيرة لي عرفاتها الشركة خلاتنا نرفعو من قيمة المنتوجات.....(
بدا الاجتماع وانا جالسة على اعصابي ..ناررري قالي من بعد غادي نتحاسب معاك؟؟؟؟شنو كان يقصد؟؟؟؟ويلي ميمتي جابني لشي شركة...تفو يخخخ على مكلخة...كنسمع صوت سفيان كيهضر بشوية...
سفيان..جميلة جميلة
جميلة..ا..وي مسيو سفيان
سفيان...سجلتي النقط الاساسية ديال الاجتماع
جميلة..ا..(ويلي
والله مسجلت حتى وزة..)ا اكيد مسيو سفيان سجلت
سفيان...اوكي يالله خلينا نمشو..الاجتماع سلا
جميلة..(ويلي الاجتماع سلا ...صافي كحلتها .كنت كنشوفو مخنزر فيا...ومغوبش وكيشوف فيا شي شوفات.كيخلعو..و
يلي عمر سيف مشاف فيا بحال هكا ...
سفيان..جميلةتفض
لي (كيشير ليا بيدو على الباب)
جميلة...(هزيت وراقي لي كانو عندي وخرجت بزربة)
سفيان (جاي من ورايا)هههه مالكي زربانة ...
جميلة...ا...وال
و
سفيان...متخفيش مغاديش يدير ليك شي حاجة(شد بيدي)
جميلة...بيني وبينك اسي سفيان والله الى خايفة منو هضرتو خلعتني ...(مجيت نكمل هضرتي حتى كنحس بيه جبدني من دراعي ...طلقت من ايد سفيان ...وكنحس بيه جارني)
جميلة...(خاصني نشهد.؟؟؟..هادا غادي يقتلني باينة..دخلني لواحد الغرفة معزولة...باينة فيها المكتب ديالو سد الباب بساروت...لصقني على الباب....قرب وجهو مني حتى كنحس بانفاسو على وجهي...حط ايديه ورايا كيمنع عليا نمشي ...غوبش فوجهي ...وكيتفحص كل تفاصيل وجهي بعينيه...اما انا؟؟؟ويلي ياانا..كلشي تخلط ليا ..الخلعة والخوف والتوتر والفرحة تخربقت جميع احاسيسي فهاديك اللحضة)

"اقتربت انفاسنا...واختل
طت احاسيسنا...اشعر بحبك لي ..لازلت تحبني..اعلم ذلك"
سيف...(كيشوف فكل تفصيل فوجهها بدقة...تدارك الموقف..ورجع غوبش من جديد ...بطريقة صارمة وقاسية)مبغيتش نشوف كمارتك هنا عندك حتى لغدا وتغبري
جميلة..(تشجعت ورديت عليه بكل جراة وخا انا حاسة بالبول غادي نطلقو فاي لحضة)مغاديش نمشي؟؟
سيف..كتتحدايني؟
؟؟
جميلة...فهمها كيف مابغيت..انا جايا على هدف وغادي نوصل ليه(ميمكنش نكون انا هي لي كتجاوب بهاد الطريقة)
سيف..اها واكيد الهدف ديالك هو تكوني قريبة من حبيب القلب؟؟؟(كيقصد سفيان طبعا)
جميلة..مغاديش نبررلك ...فهمها كيف مابغيتي
سيف..(رجع لور شوية...)(بطرقة صارمة)اوكي ..النتيجة غادي تتحمليها ...نتي لي جيتي برجليك هنا ..(قرب من جديد من وجهها)ونواعدك ندمك على كل لحظة عشتيها فهاد الدنيا
جميلة..(اكتفيت بالسكوت ..بنهاية منقدرش ندافع على راسي كلشي فصالحو ...دابا كنسمى خاينة عندو حيث ثبت عليا التهمة ملي خدمت مع سفيان ...ولكين لي مكيعرفو هو اني هادشي كلو دايرتو على قبلو...الله ينعل جد بو الحب ...لي يخلينا نقبلو باي حاجة)
سيف...(فتح الباب ..وجرها بطريقة محتقرة ...خلاها مصدومة كتشوف ...وسد على وجها الباب بجهد....رجع.كيد
و فلمكتب من هنا ولهيه...وقف حدا الشرجم ..)تهدن...اوووووف تهدن....مكتستهالش...خرجها من عقلك...اووووف(بدا كيشد نفس ويرجعو....واحد لحضة دار على المكتب بضربة يد واحدة ...طيح اي حاجة كانت موجدوة فوقو...دخلت ريم وليلى كيجرو..
ريم...سيف سيف مالك (جايا تجري لجهتو... وكدور وجهو لجهتها)
سيف...(حيد ايديها من وجهو)خرجو عليا ...خرجو الخاينات...خرجو
ليلى..(جرات ريم وخرجو)
ريم ...(كتبكي)هئ هئ مزال منسى اخالتي
ليلى..غادي ينسى ..وانتي لي غادي تنسيه وتحاولي تكسبيه من جديد
ريم...هئ هئ مزال كيكرهني هئ هئ
ليلى..(جراتها من ايدها )زيدي معايا(دخلو لطواليط)
ريم...هئ هئ هئ كيتعامل معايا خايب شفتيه هئ هئ
ليلى...وبحلاش بغيتيه يتعامل معاك ...بناهية داكشي لي درتي ليه ماشي قليل
ريم..هئ هئ غلطت اوكي..كلنا كنغلطو منك انتي وجبد هئ هئ
ليلى...ايوة هكاك لاش الحمقة خاصنا نيدرو ايد فيد ونكسبوه من جديد
ريم..(مسحات عينيها)مفهمتش؟؟
؟
ليلى...انتي خاصك ترجعي سيف لقلبك وحتى انا خاصني نرجعو لقلبي وهادشي كلو غادي يطرا الى خرجنا هاديك الفعة من هنا رجوعها من جديد معاجبنيش
ريم...وشنو نديرو؟؟؟
ليلى...غادي تقربي منو وفنفس الوقت انا غادي نقرب سفيان من جميلة اووف غير سميتها مكنقدرش ننطقها....معرتش
شنو دارت لولدي حتى عمات ليه عينيه
ريم...ايوة شنو ندير انا
ليلى...غادي تسمعي كلامي بالحرف الواحد
ريم...واخا

(عند سيف...بالضبظ من ويوم المشكل)
سيف..(كنا بيخير علاقتنا زوينة...ومفاهمي
ن...كنبغيها ونموت عليها...لوتطلب عينيا نعطيهم ليها...يمكن نقول بلي جميلة غيرت نضرتي على بزاف ديال لحوايج ...حاجة وحدة كنت كتاكد منها ؟؟؟....برائتها....استحالة يجي شي نهار وتصدمني فيها..لانو بكل بساطة جميلة مختالفة على كاع لبنات لي عرفت....كلشي تبدل وكلشي تغير فلحظة ...كلام ليلى صدمني ومبغيتش نصدقو ..نهائيا..لاني واثق فيها وعارفها مدير هادشي لي كيقولو عليها...فاش دخلتها لبيت ..كنت هايج..مكنشوف قدامي ولكين مع ذلك تحكمت فاعصابي ...باغي نسمع من فمها هي واش هادشي لي تقال فحقها صحيح اولا غير كدوب؟؟؟؟؟كل سؤال كنسولها عليه كنطلب فالداخل ديالي بلي تقول لا..مدرتش...مفعلتش...هههه ولكن طلع العكس كلشي كان عندها بلايجاب...حسيت بالحقرة والاهانة عطيتها ثيقتي لي عمري معطيتها لحد وفنهاية هاكا تجازني..معرفتش شنو درت لها...كل مبكات كل مازدت ضربتها...هههه عجيب كنت نخاف نشوف دمعة من عينيها كنت نقتل اي حد يفكر ينزل من عينيها دمعة....فنهاية وليت نتلذذ بلبكى ديالها....من يوم فراقنا..كلشي تبدل رجعت سيف لاول اويمكن كتر.... شراب سهر نساء...حتى من نساء كنت نعدبهم فلفراش ..كنحس بلي كننتاقم مهنم بهاد طريقة...سافرت لاسبانيا نحاول ننساها ونخرجها من عقلي وفنفس الوقت ...نركز على عملي...رجعت اليوم لمغرب...جمعت اعضاء الشركة لعقد اجتماع عمل...كان كلشي بخير ..ولكين كنحس بحاجة غريبة..معرفتش كنحس براسي ماشي نورمال....بدينا اجتماعنا...وريم كل شوي كتشوف فيا وتبسم..معرفتش علاش بردت من جهتها كنت نحلف بلي الى شتها غادي نقتلها..دابا كنشوفها بحال الى كنشوف حشرة قدامي ممحركة فيا والو....سمعتهم كيهضرو على شي سكرتيرة جديدة...مهميتش بالموضوع بنهاسة سفيان هو مدير معايا فشركة بشكل مؤقت حتى يرجع معتز يعني قراراتو ضروري تصادق عليها...دخلت علينا؟كنت مندمج فلاجتماع حتى طلعت عيني...ميمكنش؟؟؟كانت هي؟؟لي عدبتني لمدة شهر ..كنشوفها واقفة قدامي بكل ثقة ...كانت فمنتهى الجمال...على الرغم من اني توحشتها ..ولكين استحالة ننسى شي لي دارت...تعصبت ملي شفتها...ماشي حيت عرفت بلي غادي تخدم معانا؟؟؟هههه لا. تعصبت .ملي عرفت بلي غادي تخدم مع سفيان بالضبظ هنا صافي كلشي تاكد لي ...كانت على علاقة معاه..وحققت داكشي لي بغات...دابا مبقاتش الخدامة جميلة..دابا ولات سكيرتيرة جميلة....ويمكن من بعد تكون المديرة جميلة....يعني ملي كلشي تكشف قدامي...شي طبيعي تشوف حد ااخر وتوقعو فشيباكها باش تحقق شي لي بغات توصل ليه...بعد ماهدات ..كملت الاجتماع...شفتها خرجات زربانة..خايفة مني...سليت لاجتماع وخرجت... شفتها واقفة مع سفيان وشاد بيدها...معرفتش شنو وقعلي حتى جريتها من بين ايديه ...وديتها معايا..لعقل ديال كيقولي فيق اسيف شنو كدير؟؟؟؟؟..اما الداخل ديالي كنحس بالنار شاعلة فيا....متحملتش نشوفو شاد بيدها..دخلتها لمكتبي..وسديتو...قربت منها...الله نفس الريحة ريحة الياسمين..كنشوف فعينيها ..لي خلاتني ننسى كلشي لي دارت..كنشوف ففمها اه شحال متوحش نبوسو ..توحشت طعمتو..بقيت مركز مع تفاصيل وجها حتى عقت براسي ورجعت لصرامتي معاها....تصدمت من كلامها ...كتحاول توصلي بلي بغات توصل لهدف...اكيد لهدف لي بغات هو سفيان..بغات تحقق كلشي الى وصلات ليه..غوت عليها وخرجتها..وتما نفجرت انا).

"اني اشتاق لك...في كل لحظة...في كل ثانية...في كل رمشة عين...اشتاق لك...فسمع ندائي يامعذبي...الم يكفيك الفراق بعد"
جميلة..(كان نهار طويل ومتعب...عشت فيه الخوف والفرحة والتوتر...نتمنى
لي غادي يجي من بعد يكون احسن..توجهت لبيتي وانا لعيا غالب عليا..بدلت حوايجي وطحت دودة....فقت مع الساعة السابعة صباحا..دوشت..صليت وخرجت نفطر مع خالتي..
خالتي...شحال دارو معاك فلخلاص؟؟
جميلة...مزال معرفت واصلا يلاه بديت معاهم الخدمة
خالتي..امم..ايو
ة سيري تاني ورجعي ليا كتبكي بحال دايما
جميلة..(نضت من الطابلة)بصحتك اناغادي نمشي نبدل تعطلت
خالتي...معاش غادي تجي اليوم ؟؟
جميلة..معرفتش الى كانت الخدمة ماشي بزاف غادي نجي بكري(توجهت لبيتي كنقلب على شنو غادي نلبس..ختاريت لبسة كلاس فلون الابيض ودرت معاها صباط طالون مطلاعش بزاف فلبيج جمعت شعري على جنب ودرت ميك اب خفيف وخرجت...شديت طاكسي وتوجهت للشركة....ياربي
دوز هاد النهار على خير...
هند...صباح الخير
جميلة..صباح النور
هند..ايوة اجميلة..انا اليوم غادي نمشي نتمنى ليك التوفيق فلخدمة ومتنسايش شي لي وصيتك عليه الى درتيه غادي تبعدي من المشاكل
جميلة....شكرا بزافف(عنقتها)نت
منى نشوفك مرة اخرى
هند...انشاء الله رقمي عندك فاي وقت احبيبة صوني ليا
جميلة...اوكي باي(مشات هند وبقيت بوحدي فلمكتب سي سفيان مزال مجا...شعلت لبيسي وبديت نشوف المواعد لي عندو وكنسجلهم..اوف كاينة شي حفلة غدا...ديال اش هادي تاني؟؟؟..كنسمع شي حد كيصوني ..تيلي ديال الخدمة اكيد سي سفيان جا
جميلة..الو سي سفيان
سفيان..جميلة ..اجي لعندي
جميلة..اوكي(شدي
ت اجوندا وستيلو وتوجهت لمكتب ديالو)صباح الخير
سفيان..(اووف هادي غادي تجنني شحال طالعة بوكوسة اليوم)ا ..صباح النور كلسي
جميلة..ا ..انا انا نجلس؟؟ هنا؟؟
سفيان..هههه اه نتي تجلسي هنا ..تفضلي (كيشير ليا بيدي نجلس على الكرسي)
جميلة..(جلست وبقيت كنشوف فيه نتسناه شغادي يقول كان غير كيشوف فيا حدرت راسي)
سفيان..احم..جمي
لة بغيتك تاجلي الموعد ديالي مع الاسبان لي كانو غادي يجو اليوم...اه وبغيتك توجدي ليا اخر الاستطلاعات ديال الشركة ديال هاد الشهر
جميلة..واخا اسي سفيان كتامر بحاجة اخرى
سفيان...غدا كاينة حفلة منضمتها الشركة...بمناسب
ة العقد الجديد لي وقعنا مع الالمان..بغيتك تكوني حاضرة معايا ..ا ..كنقصد معانا
جيملة..اوكي اسي سفيان الى كانت حاجة كتخص الخدمة فغادي نجي
سفيان..(كيضحك فرحان)اوكي
جميلة..كتامر بحاجة اخرى..
سفيان..اه تسناي(جبد واحد الملف)هاد الملف مهم بزاف اجميلة بغيتك تصوريه اوكي ..هادا اول حاجة غادي ديريها
سفيان..اه تسناي(جبد واحد الملف)هاد الملف مهم بزاف اجميلة بغيتك تصوريه اوكي ..هادا اول حاجة غادي ديريها
جميلة..اوكي امسيو حالا(شديت الملف وتوجهت لغرفتي خاصني نفحص هاد الملف مزيان نشوف شفيه ..كيبان مهم... موصاش عليه هكاك...بديت نقرى الاوراق لي فلملف كانت فيها شي ارقام...وجداول مفهمت والو وانا كنقلب فلاوراق كتبان ليا الاوراق لي عطاتني مدام سامية..(حطيت ايدي على فمي)هادو هوما الاوراق ديال الملكية الاصليين شنو ندير دابا ..نمشي عند سيف نعطيهم ليه..؟؟؟والى حصلني سي سفيان..ويلي شنو ندير؟؟؟غادي نديهم لسيف هادي هي فر صتي...توجهت لمكتب سيف كنتسلل...جيت ندخل وهي تحبسني سكرتيرة..
سكرتيرة....امدام فين غادية؟؟
جميلة..عند سي سيف
سكرتيرة...سي سيف نبه علينا مدخليش عندو نهائيا
جميلة...ولكين..ولكين(كنتلفت يمين وشمال ليكون شي حد جاي)ولكين بغيت نقول ليه حاجة مهمة
سكرتيرة..منقدرش سمحيلي
جميلة...واخا (جيت نمشي وانا نرجع بزربة وفتحت الباب كان جالس شاد شي وراق بين ايديه)سي سيف بغيت نهضر معاك
سيف..(ناض من بلاصتو وجا لجيهتي كيشوف فيا ..تلافات ليا لهضرة)
جميلة..ا..انا..بغيت.... ا
سيف..(جرني من دراعي وخرجني برا)كتقلبي عليا غبري عليا زلافتك حسن ليك
جميلة..ولكين بغيت نقول ...(طرااااخ سد عليا الباب ودخل..رجعت مع طريقي مقلقة... كنشوف ريم كتشوف فيا وتابعاني..هادي شنو بغات؟؟؟.دخلت لغرفتي ..ودخلت تابعاني..
ريم...شوفي اديك السليعفانة غادي تخلي عليك سيف احسن منوريك حنة ايديا
جميلة..بصاح ..ايوة سمعي هادي ..شتي سيف والله لاكان ليك
ريم...هههه واخا الالة غادي نشوفو (جات تخرج وهي ترجع كنت حاطة لوراق لي عطاني سي سفيان نصورهم..فوق المكتب شدات كاس ديال الماء كان محطوط وهي تكفحو عليهم..
ريم...اوه ديزولي ..ماشي بقصدي
جميلة...ن ن....انتي شنو درتي (كنغوت بجهد)
ريم...باش تعلمي مرة اخرى تهضري مزيان مع سيادك
جميلة..غادي نقتلك ابنت لحرام..(نقزت عليها نتنف حتى جا سفيان كيجري)
سفيان...شنو واقع هنا شهاد الحالة؟؟
ريم..هئ هئ هادي هي النوعية لي مخدم عندك هئ هئ شوف شوف شدارت ليا
سفيان..شهادشي اجميلة؟؟؟
جميلة.(.بديت حتى انا نتوبحط تعلمت)هئ هئ والله اسي سفيان هي لي بدات المشكل
سفيان..جميلة تبعيني المكتب ..اما انتي اريم غادي نهضرو فهاد الموضوع من بعد
جميلة...(دخلت لمكتب على سعدي ووعدي.....والله حتى نتوبحط حتى انا هاد الناس مكتصلح معاهم نية)هئ هئ سي سفيان سمحلي على هاد التصرف لي درت ولكين هئ هئ هئ
سفيان..(وقف حدايا وشد بيدي)شوووش ..متبكيش عاودي ليا
جميلة...معرفتش شنو وقع ..حتى دخلات عليا المكتب بقات تعايرني وهي و....وهي (ناري بحلاش غادي نقول ليه كفحات الماء على لوراق)وهي هئ هئ
سفيان....شووووش غير بشوية عليك قولي ليا شنو دارت
جميلة..هئ هئ كفحات كفحات الماء على الملف لي عطيتيني نصورو هئ هئ سمحلي عافاك اسي سفيان
سفيان...اوووف غادي نتفاهم معاها(قرب لعندي وعنقني ...ناررري هادا شنو كيدير)صافي متبكيش
جميلة...(تا بعد مني لاش معنقني الزبل..معقت براسي حتى كنسمع صوت سيف جيت مبعدا من سفيان )
سيف..(كان واقف عند الباب علامات الغضب على وجهو كيعض فشنايفو ومزير على الباب بيديو)اوراق الاستطلاعات ديال الشركة تكون دابا عندي (قالها بقسوة ومكيشوفش فيا)
سفيان..(تبسيمة خبث)واخا دابا نجيبو ليك
جميلة..(خرج وسد الباب بالجهد ...نارري هاليكان خاص..كل مرة كنقفرها كتر من المرة لي قبلها يخخخخ جابك تعنقني يعطيك شلل فهادوك ليدين تفووو يخخخ).


"سادافع عنك حتى النهاية لن استسلم....سابقى
انا الوحيدة في قلبك ...حتى ولو تخليت عن روحي سادافع عنك"
جميلة...(دخلت لغرفتي مقلقة ومعجبني حال...يخخخخ لتاني مرة كيشوفني فهاد الوضع مع هاد الزبل ..كل مرة كنثبت التهمة عليا يخخخخ على زهر عندي...كنسمع شي حد ..كيعيط ليا بسميتي...كانت مروى صديقة العمل..
مروى...(كتشوف فيا وكتشير ليا بيديها)هههه فين مشيتي
جميلة..ا..غير هنا
مروى ..لا لا لا كتباني ليا كتخمي ...هضري هضري فشنو كتخمي
جميلة..ههههه.ه فوالو
مروى....امم هو يمكن كتخمي فجوج لحوايج لا ثالث لهما؟؟؟
جميلة...شناهما سمعيني؟؟؟
مروى ..اما كتخمي فلحبيب ...اولا فكرشك؟؟؟
جميلة..اووووف
مورى...اووووف شنو غادي نفهم من هادي دابا يلاه؟؟؟
جميلة....هههه ايوة انتي لي خاصك تعرفي دايرة لينا فيها معالجة نفسية
مروى...امم هاد اووووف لي نطقتيها متكون غير ديال حاجة وحدة؟؟
جميلة..اماهيا؟؟
مروى..كرشك..جوو
ع ..نوضي نوضي قدامي نمشو نتغداو
جميلة..ههههه اوووف على مسطية يلاه يلاه زيدي قدامي (خرجنا نتغداو فلمطعم حدى الشركة....الموظ
فين كلهم كيجو ليه...جلسنا وبدينا ناكلو..كيبان لي سيف جاي هو وشي اعضاء ...شدو طابلة وبداو كيهضرو..كان غير شاد التيلي ومركز معاه...ياك ميكون كيهضر مع شي وحدة...شكون غادي تكون؟؟؟؟باينة شي وحدة ...ناررري بغيت نشوفها؟؟شنو سميتها ؟؟فين كتسكن .؟؟فين تعرفات عليه؟؟ طلع وجهو من تيلي وشارك فلحوار مع الشباب لي معاه..دور وجهو لجيهتي...بقا كيشوف فيا بطريقة محتقرة..جلس شوية وناض..باينة متحملنيش نكون جالسة فنفس لبلاصتة لي هو فيها..كنسمع تيلي كيصوني ..
سفيان...جميلة
جميلة..وي مسيو سفيان
سفيان تقدري تمشي انا خرجت من الشركة
جميلة..واخا اسي سفيان
سفيان..اه متنسايش غدا عندنا حفلة عمل غادي نصيفط ليك شيفور يجيبك
جميلة...لا شكرا غادي نجي فطاكسي
سفيان..ميمكنش غادي نصيفط ليك احمد يجيبك
جميلة..(اوووف على لصقة)عافاك اسي سفيان بلاش حيت غادي تكتر لهضرة فلحي انا نجي فطاكسي اوكي
سفيان ....اوكي كيف مبغيتي يلاه باي
جميلة..باي...حب
ي مروى انا غادي نمشي لدار نرتاح سي سفيان خرج من الشركة..نشوفك غدا فلحفلة
مروى...كتقصدي حفلة لي منضمين الشركة؟؟
جميلة..اه علاش انتي محضراش؟
مروى ...لا اصلا كيحضرو ليها غير المدراء والاعضاء ديال الشركة ماشي السكرتيرات بحالنا
جميلة...عجيب سي سفيان قالي ضروري تكوني حاضرة
مروى..ايوة هداي عليا منعرف
جميلة...(ستغربت
ولكين مهتميتش)المهم يلاه باي(رجعت لدار دوشت بدلت حوايجي ....نفرجش فكبور وشعيبية...درت لعشاء تعشينا ودخلت نعست..فقت النهار لاخر حتى حيت اليوم الاحد مكاينة خدمة ..فطرت مع خالتي وصونيت على يسرا تجي تجلس معايا شوية توحشتها....

جميلة...(ستغربت
ولكين مهتميتش)المهم يلاه باي(رجعت لدار دوشت بدلت حوايجي ....نفرجش فكبور وشعيبية...درت لعشاء تعشينا ودخلت نعست..فقت النهار لاخر حتى حيت اليوم الاحد مكاينة خدمة ..فطرت مع خالتي وصونيت على يسرا تجي تجلس معايا شوية توحشتها....
جميلة..وغابشوية
راك فرعتي الباب الزبل
يسرا...(كطلع حاجب وتنزل لاخر..دخلت وكلست فصالة ودورت وجهها لجيهة لاخرى)
جميلة..اه فهمت مزال مخاصمين ياك...ايوة صافي سمحي ليا الزين ديالي (عنقتها)
يسرا....بعدي مني ..بعد انا كنشوف مصلحتك وانتي طانزا فيا هئ هئ
جميلة....ايوة صافي سمحيلي ..شوفي فيا عافاك اصلا انا عيطت ليك غير باش تعاونيني
يسرا...(فتحات عينيها بالفرحة)هي غادي تمشي معايا عند الكزانة مريم
جميلة...لاواه ...الحاجة زبيدة..
يسرا..(رجعت شافت لجهة لاخرى جامعة ايديها)
جميلة....حبي هاد ليلة عندي حفلة عمل وخاصني نطلع بوووكوسة حيت سيف غادي يكون تما
يسرا..(دارت عندي وفتحتة عينيها)قولي والله
جميلة..والله
يسرا..(ناضت من بلاصتها كنقزا)نوضي نوضي قدامي مزال جالسة
جميلة..شنو؟؟
يسرا...واتي يلاه قدامي
جميلة..(بدلت حوايجي ومشيت مع هاد المصيبة دخلنا لواحد لمول ديال لحوايج نختار شي كسيوة ختاريت كسيوة فلحمر طويلة جايا على طول جسمي مفتوحة لنعد فخادي شوية...وجايا صون كول...توجهنا لكوافورة لعبلتي على لعينين برزتهم ودارت ليا مكياج غامق...
يسرا ..طلعتي بووكوسة الزين
جميلة..بصاح؟؟
يسرا..والله احبي اري بوسة
جميلة...يلاه يلاه خاصني نمشي لدار نبدل ونقولها لخالتي ونمشي
يسرا....اوكي يلاه
جميلة..(توجهنا لدار لقيت خالتي ناعسة عند تلفازة الحمد لله ملي ناعسة دخلت كنتسلل بشوية ...لبست كسوتي صاوبت مكياج ..شوية وصونيت على طاكسي ...خرجت وتوجهت لمكان الحفلة...كان التنظيم اسطوري ..كلشي فمنتهى المثالية...بقيت
كنقلب بعينيا عليه..مشفتوش كنحس بشي حد ورايا اكيد هادا هو...تلفت فرحانة ..اوووف كان سفيان..
سفيان...(فاتح فمو..باس ايدي)اووف شحال طالعة غزالة
جميلة..ميرسي
سفيان..ندخلو
جميلة..دخلت شادا لي بيدي (وزمر طلقني على لصقة يخخخخ..بديت كندور فعينيا كنشوف ليلى كتبسم وكتشوف لجهتنا..مفهمتش مالها ..اما ريم باينة كتمنى تخنقني بين ايديها...وقفنا قدام واحد طابلة سلمنا على لي كانو واقفين..وبداو فهضرت الخدمة وانا مركزة مع كلامهم..مليت من هضرتهم..اوووف كترو...طلعت وجهي كيبان لي جاي ....بشااااااااا
ااااخ شحال بوكوس بالرسمي القلدة تبارك الله ...والمشية ...تغوبيشة...اح ياقلبي..وقف مع شي حضور جاتو صفريطة كتجري طبعا عرفتوها ريم ...بقا كيتهرب منها شوية دار لجهتي باقا شحال كيشوفني اكيد عجبتو..
سفيان...تسمحيلي
بهاد الرقصة
جميلة..ا..ولكين
(ماد ليا ايدو )
سفيان..بليز
جميلة..اوكي (تفو حرجني يخخ..طلعنا لمنصة وبدينا الرقص سييد كيتقرب مني وكيشكر فجمالي واناقتي وانا ممعاهش ..دورت وجهي كنشوف سيف جاي مع ريم وعاقد حجبانو..وقف حدانا ..وبدا يرقص وكيخنزر فيا..انا غير حادرا راسي ومرة مرة كنشوف فيه..واحد لحظة سفيان قربني ليه بزاف ..حتى وليت كنحس بانفاسو على وجهي..تلفت لجيهة سيف كانت علامات الغضب على وجهو ومغوبش ...كنحس بسفيان طلقني حيت قواعد الرقصة ..انو يبقاو يتبادلو..سفيان شد ريم..وانا وقفت قدام سيف ..بقيت مجمدة فبلاصتي جرني لعندو بجهد..حتى لصقت فيه..كنحس بانفاسو على وجهي دور ايدو على خصري وايد شد بيها ايدي طلع وجهو فيا ..وكيشوف فيا بعصبية..كنحس بايدي كضرني..
جميلة....س سيف كضرني فايدي(غير قلت هاد الكلمة زاد زير على ايدي حتى ضروني صباعي )
سيف..(قرب من ودني)داكشي لي بغيت .باش تعلمي متلمسيش شي حد ..


"كفي القتال وفكي قيد اسراك.....يكفيك
مافعلت عيناك بالناس"
جميلة...(بقيت فاتحة فيه عينيا ..ويلي هادا شنو كيقول؟؟؟شنو كيقصد بهاد الكلام...ياك ميكون غار من سفيان؟؟؟؟هههه اصلا باينة غار منو ...هكاك لاش قالي هاد الهضرة يعني مزال فقلبو مزال منساني اه...رسمة ابتامة على وجهي...سيف كيشوف فيا بعصبية واستغراب تدارك الموقف بسرعة...
سيف...(طلق مني ومشا خلاني فوسط المنصة بوحدي ...اصلا مزال مسلات الرقصة لاش دار هكا..هزيت كسوتي ونزلت على سعدي ووعدي من دريجات ديال المنصة والقردة طالعة ليا لراسي...تفو على موقف رماني فيه يخ..توجهت لطابلة لي كنت واقفة فيها قبل ..
سفيان...(فاش شافها واقفة طلق من ريم لي كانت كترقص معاه ومشا لعندها)احمم...ك
يف جاتك الحفلة؟؟
جميلة....(كنشري
ب فكاس ديال لعصير نبرد فغدايدي شوية)
سفيان..هيهو ..(كيشير بايديه على وجهي..)فين مشيتي؟؟
جميلة....سمحلي شنو كنت كتقول؟؟
سفيان ...سولتك كيف جاتك الحفلة؟؟؟
جميلة...زوينة زوينة بزاف(تبسمت بسيف)
سفيان....من هنا لشوية غادي نقول كلمة بغيتك تركزي مع كلامي حيت فيه بزاف ديال المعاني الخفية(كيغمزني بعينيه)
جميلة...(شنو كيقصد هاد الزبل تاني)واخا اسي سفيان غادي نركز معاك(بقيت كندور وجهي لعلى وعسى يبان ليا البووكوس ديالي)
سفيان..كتقلبي على شي حد
جميلة..ا..شنو..
لا لا
سفيان...اوكي
جميلة..(بقيت واقفة على ديك الطبلة وانا غير كنشرب فلعصير كنبرد عليا والزبل لي حدايا غير كيهضر كلمة كنسمعها وعشرة لا..عين معاه وعين كتقلب على سيف...شوية وانا نسمع شي حد كيهضر فالميكرو كيعيط على سي سيف..وسط تصفيقات الحضور طلع ..الزين ديالي بكل رجولة..وثقة..او
وف على تغوبيشة راسم على وجهو...
سيف..(شاد الميكرو بايد وداير ايد فجيبو)اول حاجة بغيت نشكر الحضور الكريم لي حضرو معانا فهاد ليلة المهمة بالنسبة لي ...وكنشكر كاع العاميلن بشركة الادريسي لتفانيهم بالعمل وخدمتهم بروح عالية...ا..نتمن
ى هاد الصفقة تكون ناجحة ..ل(هو كيهضر وانا غير سارحتو بعينيا وينو شحال زوين حبيبي..سلات الكلمة ديالو ..كنحس بشي يد تحطات على يدي..كان سفيان)
سفيان..ركزي مع كلامي اوكي
جميلة...(اوووف على ويل)اوكي(جريت ايدي..وبداو يعيطو ليه باش يقول كلمة..متسوقتش ليه....شفت سيف نزل واتجه لعند شي رجال وقف كيهضر معاهم ..ناري شحال متمنية نعقنو اووف توحشتو...كنسمع سفيان كيهضر تلفت لجهة المنصة نسمع شنو غادي يقول)
سفيان..ا..ا.. كيف مشكركم مسيو سيف فانا بدوري كنشكر الحضور الكريم..لوجودو معانا فهاد ليلة..نتمنى هاد الصفقة تكون صفقة خير كتجمعنا مع الالمان. ..ونتمنى الشركة ديالنا تزيد القدام انشاء الله.......ا.. بعيدا عن اجواء العمل والصفقة .....ليلة غادي نعتارف ليكم بواحد الحاجة لي غيرتني...مكنتش غادي نقول هادشي ليكم ...ولكن دخلت فرهان مع احد الاصدقاء ...بلي نعتارف بشي لي غيرني وبدلني مليون درجة....ا..ا...
واخيرا ....استطاعت بنت من اجمل ما رات عيناي تدخل لقلبي ...وتخليني عاشق ولهان بيها...(كلشي بدا كيصفق ويصفر ليه..)هاد الانسانة حاضرة معانا هاد ليلة..(كيتبسم) بغيت نقولها غير حاجة وحدة .."كنبغيك بزاف"(من جديد بدا تصفيق وتصفار وحتى انا بدوري كنصفق ليه واخا شدني لفضول نعرف شكون هاد البنت لي كيبغي سي سفيان) في النهاية كنتمنى ليكم امسية جميلة..وشكرا(نزل من المنصة بتصفقيات من الحضور وكلشي كيبارك ليه..انا بقيت كنقلب بعيني على سيف...كيبان ليا معصب وغير كيشرب ...شاف لجيهتي وخنزر فيا ..ناررري هادا مالو تاني؟؟؟كنحس بشي حد حدايا كان سفيان...
سفيان...كيجاتك الكلمة ديالي؟؟؟
جميلة...زوينة..
... ولكين شدني لفضول شكون هي سعيدة الحظ؟؟(كنتبسم ليه)
سفيان..(اه وتعرفي بلي انتي هي... اشنو درتي فيا اجميلة)ههههه من بعد وتعرفي
جميلة..(هزيت صبعي صغير عليه)وعد؟
سفيان..(كيتبسم)
دابا هاد الصبيع كديري بيه الوعد...ههههه
جميلة...مالو ؟؟؟اه واخا صغير ولكين فاش كيوعدني شي حد كيوفي بالوعد ديالو... يلاه يلاه نشوف صبعك متافق مع صبيعي هههه
سفيان..(اوووف غادي تهبلني)هههه وعد (حط صبعو فصبعي)صافي الالة رتاحيتي
جميلة...بزااااا
ااف(تلفت لجيهة سيف كان شاد كاس ديال الشراب وكيشرب كنشوف ريم وقفات حداه حطات ايدها على رقبتو وهو كيتبسم ليها عاجبو الحال...ميمكنش ؟؟؟شنو كنشوف)


"ساظل احبك....بجنوني بعنادي بغيرتي بغضبي بتقلباتي ....وبقلبي الذي تملكه انت"
جميلة....(بدون سابق انضار كنشوفو كيضحك معاها...ومجمعين
..شوية شد ليها فايدها ومشااو...نارررري انا نار شاعلة فيا..كنحس بقلبي غادي يطرطق ...شدتني البكية..ولكين تحكمت فراسي...
سفيان..جميلة سافا؟؟
جميلة...اه....ب
غيت نمشي؟؟؟
سفيان..فين غادي تمشي يلاه بدات السهرة
جميلة....بغيت نمشي لدار صافي منقدرش نتعطل...اصلا خالتي مفر اسهاش بلي انا هنا
سفيان...اوكي كيف مبغيتي ...يلاه نوصلك
جميلة....لا عفاك مسيو سفيان قلت ليك من قبل غادي تكتر الهضرة فلحي انا نتاصل بطاكسي لي جابني لهنا...امسية سعيدة
سفيان اوكي بسلامة عليك تصبحي بخير
جميلة..تصبح بخير(صونيت على مول طاكسي بعد دقايق جا لعندي ووصلني لدار...خاتلي مزال ناعسة حدا التلفازة دخلت بشوية ومشيت لبيتي بدلت حوايجي وغسلت وجهي حطيت راسي على المخدة...اووف مغاديش نبكي؟؟؟مغاديش نتقلق؟؟؟مغاديش نتعصب....اصلا استحالة توقع شي حاجة بيناتهم...سيف ميديرهاش...كنحس
بحاجة سخونة نازلة على خدي...مسحتها بزربة...مغاديش نبكي؟؟اوووف هئ هئ هئ نفاجرت بلبكى...اكيد دابا ناعس معاها....اكيد نساني ؟؟هئ ههئ هئ لا ميديرهاش سيف ميخلينيش...نضت غسلت وجهي وقفت عند لمرايا بحال شي مسطية وبقيت نهضرمعاها....سيف ديالي بوحدي؟؟؟مغاديش تشاركني فيه شي وحدة...اصلا دار داكشي غير قدامي ....اوووف نمشي ننعس احسن....حطيت راسي على المخدة وغطيت وجهي بلحاف ونعست...فقت صباح على نقير خالتي...
خالتي...واتي نوضي..راه مشا عليك الحال
جميلة.. امممم.مزال شوية ..
خالتي..ونوضي خلاص غادي يجرو عليك(حيدت عليا لحاف)
جميلة...اووووف الناس كتفيق غير بشوية على صوت حنين ...ماشي بحالي انا على لغوات ونقير
خالتي..بصاح ايوة سمعي هادي ..حبيبة لغزالة ديالي نوضي خلاص راه اليوم الاتنين وعندك الخدمة ابنتي وغادي تعطلي(كتهضر بشوية وبكل رقة)
جميلة....سبحان الله واخا تهضري هكا مجايش معاك كيجي معاك غير نقير(شيرت عليا بصندالة حتى حسيت بضهري تقسم)اوووف يارب صبرني(دخلت لدوش ضربتها بتدويشة سريعة...فطرت مع خالتي ودخلت لبيتي بدلت حوايجي ودرت ميك اب عملي صونيت على مول طاكسي ومشيت لخدمتي....وصلت لشركة .ودخلت لغرفتي ...اووووف تعطلت مسيو سفيان جا قبل مني ...كنسمعو كيصوني ليا...
جميلة..وي مسيو
سفيان...اجي لعندي
جميلة..اوكي(شدي
ت الاجوندا وستيلو واتجهت لعندو...فتحت لباب كانت ليلى جالسة فكرسي ...وسيف جالس فكرسي مشافش فيا داير رجل فوق رجل وكيلعب بواحد تويشية فوق المكتب...اما ليلى فكانت غير كترسم ابتسامات كلها خبث...)مسيو سفيان طلبتيني؟؟؟
سفيان...شنو وقع فلموعد لي اجلتي ليا مع الاسبان ؟؟؟
جميلة...درت معاهم حتى الاربعاء
سيف...(شاف فيا معصب)ميمكنش ؟؟؟من فين جايا انتي؟؟؟ناس جايين من اسبانيا باش يديرو معانا اجتماع كيخص الشركة..وانتي مخلياهم حتى الاربعاء(تلفت على سفيان)هاد المشكل انت تحلو (كيشير عليه بصبعو)
جميلة...(شدتني لبكية ولكين كمدتها فقلبي وسكت)
ليلى...احمم سفيان كتبان ليا خصرتي هند (كطلع فيا وتهبط)بنهاية وحدة كانت موالفة تمسح وتغسل وتجفف شنو عرفها بشي شركة
جميلة...(ناررري
صافي غادي ننفاجر على ديلمها انا اصلا على اعصابي من الصباح وزايداها هاد خيتي... خصوصا مزال منسيت الشمة لي شمتاني...معرفت شنو درت حتى طحت على راسها كننتف...اصلا انا الحاجة الوحيدة لي كنعرف نديرها هي نتيف..خاصهم يعطوني جائزة نوبل عليه..لصقت على راسها كنجر ونعاود سيف نقز من بلاصتو كيفكني منها...وسفيان كيحيد ليلى لي كتفات بصراخ)كتقلبي عليها الكدابة...كلشي عشتو انا بسباك انتي ...سمعتي الخاينة(طرااااخ كتجي فيا تصرفيقة ومن شكون من اخر شخص توقعتها منو ...كانت من سيف...بقيت شادا حنكي مصدومة فيه..ليلى مستغربة كيفاش حتى سيف يصفعني على قبلها ...)
سيف...متنسايش شكون نتي ...ومنسمحلكش تتجاوزي حدودوك (قرب لوجهي)فهمتي اولا نفهمك
جميلة..(غير شادا حنكي وكنشوف مزال مستوعبتش شنو وقع...قال هاد جوج كلامات وخرج)
سفيان ...(جا لعندي يجري)جميلة ...جميلة شوفي فيا.....يلاه نخرجو من هنا عافاك
ليلى...ههههه(قر
بات لعندي )..شنو كان يصحاب ليك ولدي غادي يقبل ليك تهينيني (قربت لعند ودني)الام عمرها تتبدل فقلب ولدها واخا تكون قتالة... اما القح&& فكل يوم يبدلها هههه(قالتها وخرجات وخلاتني مصدومة فبلاصتي ...ماشي من كلامها تصدمت من تصرفو معايا).
.


"جرحتني ..دمرتني..كسرتن
ي...المنتي....ومع كل هاذا لازلت احبك..."
سفيان...(كيجرني
)عافاك يلاه نزلو يضربك البرد شوية
جميلة...(كنشهق بلبكا)هئ هئ هئ عافاك خليني بوحدي انا نخرج يضربني البرد هئ هئ ونجي
سفيان..مستحيل نخليك تنزلي بوحدك رجلي على رجلك
جميلة....عافاك هئ هئ امسيو خليني نواعد خمس دقايق ونجي
سفيان...اوكي نخليك على خاطرك
جميلة...(نزلت فلاسنسير متحكمة فدموعي ...وصلت لساحة الامامية ديال الشركة..بقيت كندور حدا واحد الكرسي...وكنرجع
فشعري لي كان كيضربو البرد واحد شوية جلست ...وبديت نبكي باعلى صوتي....داكشي كلو لي كنت خازناه فقلبي خرجتو بلبكى...كنبكي ونسكت ...حيت مزال مستوعبتش شي لي وقعلي...شويت كنحس بشي حد جلس حدايا دار ايدو على كتفي ..تلفت كان سفيان..
سفيان...عافاك متبكيش ...
جميلة...(مسحت دموعي ه)اصلا مكنبكيش ...غير شي حاجة طاحت فعيني
سفيان....اووووف
دقة قديمة نتيا ههههه
جميلة....ههههه شتي حتى لكدوب مكنعرفش ليه..هئ هئ هئ (وبديت نبكي من جديد...قربني لعندو ودخلني فصدرو...انا هداك الوقت مكنتش هنا ....كنت محتاجة لشي حد ..يسمعني ويخفف عليا...سكت شوية,طلع وجهي بين ايديه...
سفيان...كنبغيك اجميلة وبزاااف
جميلة...(بقيت مبلقة فيه عينيا...شكيقول هادا..كنحس بشيفاهو فوق فمي...باسني ...وانا بقيت كنفتح ونسد فعينيا ...شوية بعدت منو ..)انت شنو كددير؟؟؟؟شنو درت؟؟؟؟
سفيان...عافاك سمعيني...راه كن
جميلة...(مغليتو
ش يكمل كلامو مشيت نجري لاسونسير...دخلت مصدومة مفاهمة والو...وصلت لطايق ...كتجيني مروى كتجري...
مروى...فين كنتي ومال حالتك هكا
جميلة....والو..
.والو حتى حاجة
مروى...ايوة سيري شوفي سي سيف راه بغاك
جميلة...انا..مت
اكدة؟؟؟
مروى ....اه متاكدة يلاه بون شونس(مشات وخلاتني واقفة فبلاصتي ....اكيد بغا يعتاذر من شي لي دار قبيلة...حبيبي حنين عارفاه...مشيت لعندو ..ناسية كلشي لي وقع...وفقت عند مكتبو ...وطلبت من السكرتيرة تعلمو بلي جيت)
^^^^^^^^^^^^^^^

(نمشو لعند البطل ديالنا ...ليلة الحفلة)
سيف...وصلت ليلة الحفلة نظمناها بمناسبة العقد الجديد مع الالمان..كنت اخر الواصلين...توجه
ت لكبار الشخصيات كنسلم عليهم...شوية كتلمح عيني فتاة بلون الاحمر كانت في منتهى الجمال....مكنتش متوقعة انها تكون حاضرة...بنهاية هاد الحفل خاص برجال اللاعمال ...ماشي بموضفين عاديين...متصوقتش لموضوع كنت غير مراقبها بطرف عيني...كنشوفها واقفة معاه...شنو يمكن كيقولو ؟؟؟؟...وانا فتفكيري الكلي معاها ....كنشوفها واقفة فلمنصة معاه شاد بيدها وكيرقص معاها ومقرب منها بزاااف....لا بوسها كاع انتا وتهنى؟؟؟...طلعت حداهم...حيت عارف عقلو المسخ يقدر يدير اي حاجة...جريت ريم وبديت نرقص ...كنشوفها واقفة مقابلة معايا....جريتها لعندي ...وزيرت على ايدها حيت محملتش شي حد يلمس اي حاجة منها من غيري....وتا فيق اسيف شنو كدير...؟؟؟؟ستوعبت الوضع...خليتها فوسط المنصة ونزلت..بقيت مراقبها من بعيد وحارسها بعينيا...ناض سفيان كيقول كلمتو وكان كيلمح بشكل واضح بلي كيبغيها..درت لعندها كانت كتصفق ليه ...كنشوف قدامي شراب بديت نشرب بلا توقف...وفق حداها وبداو كيضحو ...وشاد فصبعها...انا هجت فالداخل ديالي ...حاولت نتمالك اعصابي بشراب لي كان حديا....مبقيتش قادير نزيد دقيقة هنا...يمكن نقتلهم بجوج...كنشوف ريم جايا كتحلون عليا...جيتي فلوقت المناسب...غادي نفش غدايدي فيك...جريتها من ايدها ومشيت...ولكين موقع والو بيناتنا...حيت كنت كتنفكرها فكل لحضة...ليوم ثاني كنت معول على اجتماع الاسبان...كنتسناو صاحبة السمو تجي ...فاجاتني بلي موعد الاجتماع مع الاسبان تاجل ..تعصبت عليها ...وبدات ليلى كترمي ليها كلام محتقر انا معجبنيش الحال ....ولكين مهضرتش...شوية كنشوفها كتجبد شعر ليلى...بلا منحس صفعتها ,,..قصيت عيلها فلكلام...خرجت وخليتها....بقيت كنضورو فلمكتب ديالي...حتى طليت من الشرجم ...كانت جالسة بوحدها وكتبكي...بقا فيا الحال بزاااااااف وندمت...هزيت الفيستا ديالي وقلت نمشي لعندها..ميمكنش نخليها فحال هكا...رجعت طليت من جديد ..كان كالس حداها سفيان..وماشي غير هكا معنقها...وكيهز وجهها بين ايديه...انا سخنت صافي..ولي سخني كتر ملي باسها....هنا تاكدت بلي مكتسواش ...طلبت من السكرتيرة تطلبها تجي لعندها...حيت هنا غادي نبدا الخدمة معاها بصح)


"لااريد سواك...فقلبي هواك...فعيني تراك...وروحي فداك"
سكرتيرة...مدام تفضلي سي سيف كيتسناك
جميلة...(اوووف شديت نفس مسحت وجهي ..ودخلت...كان واقف عند الشرجم داير ايده فجيوبو ...وعاطيني بالضهر)طلبتيني
سيف...(تلفت لجيهتي وجا لعند...كيطلع فيا ويهبط)شنو الشي لي درتيه قبيلة؟؟؟
جميلة....شنو درت؟؟
سيف...(كتعرفي مزيان شنودرتي اه ونشدك انتي وياه)مع المدام ليلى
جميلة...سيف هي لي....
سيف...(كيغوت باعلى صوت)سي سيف...متنسايش
جميلة....استسمح
..سي سيف(شداتني لبكية اووووف بحلاش ولينا كنتعاملو مع بعضياتنا)
سيف...غادي تعتادري منها
جميلة...(عقدت حواجبي )مستحيل
سيف...(لصقني على الحيط...كنحس بنفس ديالو..اه ه شحال توحشت ريحتو...وجهي قريب من وجهو)غادي تعتادري مغاديش نعاود هضرتي
جميلة..(كنحس بديق فتنفس نااررر ميمتي غادي يحمقني)انا قلت لي عندي
سيف..(مزال فنفس الوضعية ومحوطني بيديه)يعني مغاديش تعتادري
جميلة...لا
سيف...(نااري صافي مبقيتش قادر نصبر توحشت هاد لفيم....بدون سابق انضار ..طحت على شنايفها نجر ونعاود ...وهي بضورها متجاوبة معايا...كنحس بيدها على عنقي من لور ...اوووف المكان الحساس عندي ...زدت ضعطت على شفايفها من جديد...جعرتني عليها...كنسمع غير اهاتنا المشبعة بروح الاشتياق...شوية
فقت على راسي...انا شنو كندير؟؟؟؟هادي خاينة؟؟؟؟بعدتها عليا بجهد....
جميلة...(مفهمت والو بقيت غير كنشوف)
سيف..(كيمسح فمو..شاف فيا بطريقة محتقرة)شحال بغيتي؟؟؟
جميلة...(كنشوف فيه مفاهمة والو)مف....مفهم
تش؟؟؟
سيف...شحال بغيتي على هاد القبلة ...ميمكنش تكوني كتوزعيهم فابور ههه
جميلة..(بقيت كنشوف فيه عينيا عمرو بدموع ميمكنش يكون هادا هو سيف لي بغيتو)س...سي...
سيف شنو كتقول؟؟
سيف..مديريش ليا فيها العفيفة الشريفة...من شوية كنتي كتبوسي سفيان...وحتى انا تجاوبتي معايا..شحال كتشدي على هادشي
جميلة..(ناري لا ميمكنش اكيد غير كنتخيل ميمكنش يكون هادشي خارج من فمو...شفت فيه مزيان بعينيا المليئة بالدموع...فتحت الباب وخرجت فاتحة فمي بحال شي هبيلة...كنشوف مروى جايا لجيهتي...
مروى..زين يلاه تغ...جميلة جميلة مالكي
جميلة..هئ هئ هئ بغيت نمشبيلدار مبغيتش نبقى هنا عافاك وصليني هئ هئ
مروى..اوكي يلاه.

"مااغرب الحب يااتينابغمضة عين....ويرحل فلا تغمض لنا عين"
جميلة...(شداتني
مروى من دراعي ودخلتني فلاسنسير وانا بحال شي مسطية غير حالة فمي...ودموعي نازلين...
مروى..(كتسكت فيا)عافاك متبكيش ...عاودي ليا شنو وقع..واش سي سيف غوت عليك؟؟
جميلة...(غير سمعت سميتو وبديت نبكي كتر)بغيت هئ هئ بغيت هئ هئ بغيت نمشي لدارنا هئ هئ
مروى ..صافي اختي دابا نوصلك(طلعت مع مروى فلوطو ديالها وتوجهنا لحينا وصلتني لدار ...ونزلت حالتي حالة...دخلت نيشان لبيتي الحمد لله خالتي مكيناش ...دخلت لدوش كنسكت شوية ونرجع نبكي من جديد ...دوشت ودخلت ففراشي ...وبقيت كنتفكر فهضرتو لي كانت كتعاود فوذني...لا ميمكنش نكون كنبغي هاد الشخص؟؟؟مكفاهش الضلم لي ضلمني ...والاهانات لي كنلقى منو كل شوية ...دابا كيتهمني بحاجة منتصورش يجي نهار ويقولها ليا هئ هئ هئ ...مسحت وجهي وغميت وجهي بلحاف ونعست اصلا انا هكا...فاش كنكون متقلقة كيبان ليا غير النعاس ...كنسمع النقير ...اووووف ياربي هاهي بدات.....
خالتي..ويلي شنو كديري هنا فهاد الساعة؟؟ياك مجراو عليك
جميلة...ااوففف والو خالتي غير مريضة شوية
خالتي...وخلاوك تجي؟؟؟
جميلة..(قلبت وجهي لجهة لاخرى)اه خلاوني وحتى انت خليني عليك نرتاح شوية
خالتي..والله لا رتاحيتي زيدي عاونيني نقي معايا جلابانة يلاه نوضي تقعدي
جمسلة...(اوووف على نهار يخخخخ..نضت على سعدي ووعدي كنقي فجلابانة...كل حبة كنت كنحطها كتجيني معاها سلسلة افكار تديني وتجيبتي ...تيلي ديالي كيصوني ...انا مرفووووعة مكنسمعوش)
خالتي...جميلة واجميلة
جميلة..(حادرا راسي على جلبانة كنقيها مكنسمعهاش ..كنحس بقرصة فدراعي)ايي
خالتي..اصلا انا الى مدرت هكا عمرك تسمعي
جميلة..(نتابهت لتيلي كيصوني كانت سامية..نضت من حدا خالتي ودخلت لبيتي وسديتو)
سامية..الو جميلة؟؟
جميلة...اهلا مدام سامية
سامية..عاوديلي شنو واقع ...سفيان يلاه صونا عليا قالي نقوليك ترجعي لخدمة وتنساي داكشي لي وقع
جميلة...هو قاليك هكا؟؟
سامية..اه يلاه كان كيهضر معايا...شنو واقع ؟؟
جميلة..اه ه ه امدام بلا متسولي ...المهم انا مبقيتش غادي نمشي لشركة نساي كلشي تافقنا عليه...وحاولي ديري شي وقيت نتلاقاو نعطيك لوراق
سامية...جميلة شنو كتقولي ؟؟؟ميمكنش هادشي لي كنسع منك؟؟
جميلة...مبقيتش قادرة امدام سامية سيف كيحتاقرني بزاااف هئ هئ هئ
سامية...جميلة سمعيني..هادي هي فرصتك تكشفي كلشي بنهاية شي لي تقال عليك ماشي حاجة بسيطة..واي حد فبلاصتو غادي يصدق...عافاك متراجعيش ...عافاك... شوفي ..غدا سيف عااقد اجتماع فلفيلا...جيبي معاك اوراق الملكية وكشفي المستور ... ومتبقايش ترجعي لشركة
جميلة...مدام سامية صافي هاد الموضوع نسايه انا مبقيتش غادي نوريه وجهي نهائيا
سامية ...فكري عافاك فكري مزال حتى لغدا مع الساعة 5 ديال لعشية سي سيف عاقد اجتماع فلفيلا ...هادي هي فرصتك فكري مزيان
جميلة..خليتلك الراحة امدام
سامية....بسلامة
عليك.


"املك قلبا لايؤذي احدا...ولكن بكل بساطة يؤذيني"
جميلة...(خرجت لعند خالتي من بعد مهضرت مع سامية....كلامها
بقى كيدور فراسي ...خفت نمشي لعندو غدا ويجري عليا...بنهاية واحد حتقرني بهاديك الطريقة اي حاجة متوقعتو منو..اوووف شنو ندير ..كنسمع صوت خالتي كتهضر ..شفت فيها كانت كتلبس جلابتها..
خالتي...هاني مشيت لخدمة...قابلي الطاجين معاك متبقايش غير حال فمك وساهية
جميلة...واخا اخالتي
خالتي..مغديش تمشي هاد لعشية لخدمة؟؟؟
جميلة...لا عندي روبو حيت مريضة
خالتي...امم ايوة يلاه هاني مشيت
جميلة..(خرجات من عندي خالتي وانا بقيت فدوامة افكاري ..ياربي شنو ندير ...غادي نبقى غير كنعدب فراسي ...تفكرت يسرا قلت نصوني ليها تجلس معايا...
جميلة...(جات تجري المسخوطة الباب غادي تهرسو..فتحت ليها..)وازبل هادا راه باب زعمة
يسرا(جرتني من دراعي ودخلتي لصالة)ملي صونيتي ليا يعني كاينة شي حاجة ه...هضري يلاه؟؟
جميلة..مكاين والو غير بغيتك تقعدي معايا شوية
يسرا..امم زعمة مخدماش اليوم
جميلة...لا شديت روبو اليوم حيت مريضة
يسرا...يعني مكاين والو؟؟
جميلة..مكاين والو
يسرا..ايوة يلاه تلاحي معندك خبار..(ناضت من بلاصتها..جريتها
حتى جلسات )
جميلة..هئ هئ عاونيني
يسرا..ويلي بسم الله الرحمان الرحيم عليك..مالكي كتبكي؟؟
جميلة..هئ هئ غادي تسمعيني حتى لاخر..ولكين نسمع ديلمك تدكري ليا لكزانة مريم اولا الكزانة قدورة والله لابقيت عاودت ليك شي حاجة
يسرا..صافي يلاه هضري خلاص
جميلة..هئ هئ اليوم فلخدمة(وبديت نعاود ليها شنو وقعلي هاد النهار)
يسرا..(حطات ايدها على فمها)ويلي ميمتي ...اجي اجي لها(عنقتني)صافي
احبيبة متبكيش ناري يختي على زهر مكوز عندك
جميلة..هئ هئ شنو ندير دابا عاونيني
يسرا..غادي ديري شي لي قالت ليك سامية ولي ليها ليها
جميلة...زعمة غادي يصدقني
يسرا...شتي واخا يبغي يكدبك لوراق غادي تقول لعكس
جميلة..(مسحت دموعي )عندك الصح لي ليها ليها غدا غادي نمشي لفيلا ونكشف المستور
يسرا...برافو عليك هكا نبغيك


"ممكن ان اعيش العمر بجروح الغريب....لكن ان جرحت من الحبيب ..الموت اهون من الحياة"
جميلة...(داز هاد النهار عادي بقات معايا يسرا طول اليوم تشجعني على حساب غدا..وكترفع معناوياتي ..تعشينا ودخلت لبيتي ننعس ...مبغاش يجيني نعاس كل شوية كنفكر فشنو ندير قدامو..وبحلاش غادي نبدا الحوار...بحلاش غادي تكون ردت الفعل ديالو.اوووف راسي اي اراسي غادي ينفاجر...غطيت وجهي بلحاف ونعست ...فقت مع الساعات الاولى للصباح دوشت صليت وفطرت مع خالتي....
خالتي..غادي تتعطلي على الخدمة
جميلة..مخدماش هاد الصباح حتى لعشية
خالتي..وعلاش؟؟
جميلة..(ويلي شنو غادي نقول خاصني نقلب على كدبة من دابا حيت الشركة مبقيتش غادي نمشي ليها)ا..غادي نمشي غير هاد لعشية نوصل شي اوراق لمدير ديالي ..حيت غادي يسافر...وغادي نبقى فدار حتى يجي من السفر ونرجع الخدمة ديالي
خالتي..هادشي باني ليا ماشي هو هاداك وليكن الاساس عندي نشوف لخلاص ديال الشهر قدامي
جميلة..(تفو همك غير فلفلوس..فطرت ..وجمعت الدار طيبت لغدا ..ودخلت لبيتي كل شوية كنطل فساعة ..كل ماقربت .5..كل ما ضرب قلبي كتر..وصلت الساعة ..4/
30.بدلت حوايجي...صايبت شعري ..درت ميك اب خفيف...هزيت الاوراق لي غادي تثبت برائتي وتوجهت للفيلا...طول الطريق كنشد نفس ونطلقو...واخيرا..وصلت...كنمشي بخطى ثقيلة...كنشوف احمد جا لعندي يجري...
احمد...جميلة رجعتي
جميلة...احمد كيداير
احمد..لاباس وانتي ؟؟
جميلة..غادي نكون لاباس الى حيدت هاد الحمل لي على ضهري
احمد..مفهمتش
جميلة..هههه نشوفك من بعد..(توجهت للفيلا بخطى متثاقلة..ضربت السرسار..تفتح الباب ..كانت هي..الخاينة لي متوقعتش منها تغدرني..
سارا..جم.جم..جم
يلة(كتمتم)
جميلة..مسيو سيف هنا(مكنشوفش فيها)
سارا...اه كاين الداخل...جميلة بغيت(مخليتهاش تكمل هضرتها دخلت وخليتها واقفة.....توجهت
لصالة الاجتماعات..كانو كلهم مجموعين...سيف كان كيهضر ويتناقش معاهم..كنشوف ليلى دارت لعندي وجات واقفة...ريم جالسة حدا سيف وكتاكلو بعينيها...سفيان شاف لجيهتي وناض فرحان..وسامية واقفة عند راس سي سيف وكتبسم...عرفتني غادي نكشف كلشي..
ليلى...شنو كديري فداري خرجي عليا يلاه
سفيان..(كيتبسم)
جميلة..شنو كديري هنا؟؟
سيف..(ناض من بلاصتو مطلع حاجبو غير كيشوف بحال الى كيقولي جابك لهنا)
جميلة..(بكل ثقة وبكل شجاعة رفعت راسي لفوق طلعت حاجبي وشفت فجيهة ليلى)جيت نكشف المستور امدام.
 ".سارجعك لي ...لقلبي ..لمكانك المعهود...اني اقترب من هدفي..وساصل اليه"
ليلى..شنو كتخربقي ..خرجي عليا يلاه
سيف..(واخيرا نطق)شنو بغيتي؟؟
جميلة..(تلفت لجيهتو وتدكرت كلامو ليا..اووووف يارب قويني ..تمالكت نفسي..)جيت نثبت برائتي ليك ونبين ليك كدبهم
ليلى...واش انتي معندكش لوجه باش تحشمي..ا ..دوي شنو غادي تثبي ا..هضري ؟؟
جميلة..(جبت وراق من الصاك..شفت لجيهتو)هاد لوراق لي بين ايدي ..كيثبتو بلي المدام ليلى(شفت لجيهتها)وسي سفيان(شفت لجيهتو)غادي تنتاقل ليهم ملكية الشركة الجديدة لي افتتحتيها مؤخرا..وبمجرد مغادي توقع على هاد لوراق الي بطبيعة الحال مدام ليلى درست الطريقة مزيان من خلال ريم لي غادي توقعك فشباكها من جديد وتخليك توقع عليهم...فملكية الشركة بهاد الحالة غادي تكون بشكل فعلي ملك ليلى ونائب ديالها سفيان
ليلى..كدابة..انتي كدابة خرجي عليا ..مرضيتيش ملي ولدي دافع عليا قدامك وضربك اه..وجايا دابا تكدبي
سفيان..(مهضرش بقا غير حادر راسو)
سيف..(تخربق بقا غير كيشوف)اري ..اري هاد لوراق لهنا
جميلة..(مديتهم ليه)هادي نسخة منهم الاصليين عند ليلى
سيف..(كيقرا بعينيه لوراق ..علامات لغضب على وجهو..شاف فجيهتي)بحلاش غادي نصدقك ..من فين لقيني الاصليين؟؟؟؟
جميلة..(ناررري شنو غادي نقول منقدرش نقول بلي سامية هي لي جابتهم)
سامية..انا اسي سيف
(كلشي تلفت لعندها)
سامية..انا لي لقيت الاصليين فغرفة مدام ليلى ..صورتهم ومعرفتش شنو ندير ملقيتش اي حد يقدر يساعدني وياثر عليك قد جميلة..فقلت لها تخدم فشركة كسكرتيرة عند سفيان حيت من النهار لي مشات وهو كيسول عليها...كان لهدف ديال جميلة اسي سيف هو توصليك هاد لوراق وتنبهك منهم
سيف..(كيشوف فيا بكل حزن)
ليلى..كدابات نتوما كدابات حتى انتي اسامية تافقتي عليا معاها ا..من اليوم (قاطعها سيف)
سيف..(شاف فيها بقصوة )سكتي(كيهضر بالجهد)سامية كملي
سامية...سي سيف جميلة كما قلت ليك كان لهدف ديالها هو تثبت البرائة ديالها ليك..ومكنتش باغيا فلاول حيت كانت خايفة تثبت عليها التهمة ملي غادي تخدم مع سفيان
جميلة...(بقيت غير ساكتة وحادرا راسي ..بغيت نبكي ومقدرا..طلعت وجهي وشفت فيه)(كنتبسم)نخليكم دابا ..انا لي عليا درتو(خرجت بزربة من عندهم...دموعي نازلين على خدي ..ماشيا كنسمع غواتو ..ضرني قلبي ...مشيت بزربة وقفت طاكسي ..وتوجهت للدار ودموعي طول الطريق نازلين).


"اقول وقد ارسلت اول نظرة.....ولم من اهوى قريبا الى جنبي...لئن كنت اخليت المكان الذي ارى....فهيهات ان يخلو مكانك من قلبي"
جميلة..(شديت طاكسي وانا طريق كلو دموعي نازلين...دخلت لدار مشيت نيشان لدوش..شفت فلمرايا بقيت كنشوف فراسي...انا مالي دايرة فراسي هاد الحالة؟؟؟خاصني نفرح ملي خويت داكشي لي فقلبي...مسحت وجهي ..وغسلتو ..شديت نفس اووووووف واخيرا كلشي سالا..اثبت برائتي..وهادا هو المهم عندي...دخلت لبيتي بدلت حوايجي ..ومشيت لصالة جلست مع خالتي..
خالتي...جيتي بكري
جميلة..حيت ساليت خدمتي المدير ديالي سافر وغادي نبقا هنا حتى يجي
خالتي...امم مغاديش يزيدوك فلخلصة؟؟؟
جميلة....معرفتش
اخالتي ..(الله الله غير بقاي معولا عليا غير ربي يستر ملي تعرفي بلي مبقيتش خدامة)
خالتي....ايوة هضري معاهم يزيدوك انتي كتعطلي فلخدمة كل النهار
جميلة..واخا اخالتي واخا ..انا غادي ندخل ننعس..(كنسمع صوت تيلي كيصوني..مشيت نجري ..كانت سامية)
سامية..برافو عليك والله معندي منسالك
جميلة....عاوديل
ي شنو وقع من بعد مامشيت؟؟
سامية...وناررري
شغادي نعاودليك ناضت الحيحة هنا
جميلة...شنو وقع؟؟؟
سامية...من بعد مامشيتي جات سارا لعندو كتبكي قالتليه الحقيقة كاملة ..
جميلة..شنو قالتيه بالضبظ؟؟
سامية..قالتليه بلي سامية..جات لعندها وهددتها بلي تقول عكس داكشي لي طرا كلو..... والا غادي تطردها
جميلة..ايوة؟؟؟
سامية...ايوة سي سيف تعصب بقا غير كيضور وليلى كطلب فيه يتهدن ...معرفتش اختي شنو وقع حتى شدها من رقبتها كان غادي يخنقها
جميلة...ويلي انا شنو درت ؟؟؟...هئ هئ كان غادي يقتل ماماه بسبابي
سامية...هاديك راه شيطان تستاهل
جميلة...ايوة دابا شغادي يوقع؟؟؟
سامية..سيف هضر مع البوليس غادي يشدو ليلى وسفيان بتهمة التزوير والسرقة...اكرام
طردها هي سارا...وريم جرا عليها..ناررري ابنتي انا خايفة لايدير شي حاجة سي سيف كيبان ليا ماشي تلهيه
جميلة...علاش مالو ؟؟؟
سامية...معرفتش ابنتي قبيلة دخلت عليه فبيتو ..كان غير شاد راسو وكيشرب
جميلة...هئ هئ مدام سامية شكرا على كلشي وعافاك ردي معاه البال
سامية...انا لي خاصني نشكرك طلعتي بنت الناس ..الله يحقق ليك لي تتمناي
جميلة..هئ هئ امين ..خليتلك الراخة امدام
سامية..بسلامة عليك ابنتي
جميلة..(حطيت راسي على المخدة وبقيت كنبكي معرفتش واش كنبكي من الفرحة اولا من هادشي لي سمعت من عند سامية الاساس دابا كلشي شد الجزاء ديالو اووووف واخيرا).


"لماذا اراك في كل شئ..كانك في الارض كل البشر...كانك درب بغير انتهاء....واني خلقت لهذا السفر..."
جميلة...(فقت كما العادة كنبقى ساعة واقفة حدا لمراية
كنفكر ...علاش مهضر معايا؟؟؟علاش مسول فيا؟؟؟هادي اسبوع دابا دازت الوضع كما هو...غسلت وجهي وخرجت نوجد لفطور
جميلة...خالتي نوضي تفطري راه الفطور واجد
خالتي...واخا هاني جايا..
جميلة..(حطيت لفطور على الميدة وبقينا نفطرو وسط جو هادئ )
خالتي..كتباني ليا هاد السيمانة غير ساهية وكتخمي؟؟
جميلة..غير كيبان ليك اخالتي..انا هي انا
خالتي...امم مزال مرجع المدير ديالك
جميلة...(اوووف بدينا تاني)لا مزال مجا اخالتي
خالتي...فاش تسالي لفطور شدي لقفة وسيري لسوق جيبي لخضرا
جميلة...واخا اخالتي(جمعت الدار وشديت لقفة ومشيت لسوق كندخل من هنا ونخرج من لهيه اوووف دروني رجليا ....بقيت مضاربا مع الخضار مبغاش ينقس فماطيشة ...يعطيه لويل...
جميلة...اويلي على درهم راه شديتها غير سيمانة الفايتة باقل
مول لخضرا...هادشي لي عطا الله بغيتي تديها بهاد التمان مرحبا مبغيتي الله يعاونك الالة
جميلة...شفتيني بنت درويشة ياك بغيتي تحقر عليا ياك هئ هئ
مول..اويلي ابنتي انا شنو درت ليك
جميلة..(ويلي ميمتي انا شنو كندير دمعتي ولات غير كطيح بلا سبب )(مسحت دموعي)سمحلي عبر ليا شي جوج كيلو ديال ماطيشة عافاك
مول...سلام قولا..واش مريضة ابنتي ؟؟
جميلة...لا اعمي غير عبر ليا وسمحلي بزاف...(كنحس بشي حد حدايا متسوقتش ..بقيت مضاربة مع الصرف نجبدو من لبزطام ..خلصت جيت نهز لقفة ...جمدت فبلاصتي ...ميمكنش يكون هو شنو كيدير هنا؟؟؟)


"مالي اراها لاترد السلامي....ام حرمت عند اللقاء كلامي...ام ذاك الشان الغيد يبدين الجفا؟؟....وفؤا
دهن من الصبابة دامي.."
جميلة...(بقيت مجمدة فبلاصتي حتى كنحس بالقفة طاحت من بين ايديا ..اووووف هادشي لي كان ناقصني...نزلت كنجمع الخضرا لي طاحت ..وحتى هو برك كيجمع معيا...جريتها من تحت ايديو)مبغيتكش تعاوني
سيف....(كيتبسم)
ممكن نهضر معاك؟؟
جميلة..(طلعت حاجبي )طبعا لا(جيت نمشي شد دراعي )
سيف...مغاديش ناخذ من وقتك بزاف غير نقولك شي هضرا ونمشي
جميلة...مبغيتش نسمع منك والو (جريت دراعي ...ومشيت بزربة كنحس بيه تابعني كل مزربت فلمشية كل ما زرب حتى هو ....قربت نوصل الحي...ناررري غادي يفضحني ..تلفت لعندو)واش مغاديش تمشي؟؟؟؟(انا لوكان بيدي بغيتو يبقا تابعني اووووف توحشتو)
سيف...لا حتى نقول لي عندي
جميلة..(قربت لعندو )هضر خلاص شنو بغيت تقول؟؟؟
سيف...(كيشوف فيا بدوك لعوينات زوينين)توحشتك(ك
يتبسم)
جميلة...(اووووف
كنحس بتبوريشة..تحكمي فراسك ازبلة خلي عندك كرامة)صافي هادشي لي باغي تقول
سيف...كبغيك..
جميلة...(لا لا لا هادا ناويها عليا ...ويلي ميمتي مبقيتش متحكمة فراسي كل كلمة كيقولها كتخليني نضعف قدامو)مبغيتش نسمعك منك والو وعطيني بالتساع ...صافي لي بيناتنا سالا(ويلي شنو كنقول يعطيني مصيبة طيرتو صافي مشا)
سيف..(قرب لعندي كتر..شد بدراعي)عندك جوج اختيارات اما غادي ترجعيلي بالخاطر اولا بزز
جميلة...(احح اقلبي)مغديش نرجع ولي فيديك ديرو(مشيت وخليتيو....اووو
ف كنحس بالرعدة ...حطيت ايدي على قلبي كنحس بيه غادي يخرج من بلاصتو تبسمت بلا منشعر ...دخلت الدار...حطيت الخضرا...ودخلت لبيتي وقفت حدا لمرايا غير كنضحك اوووووف واخيرا غادي يرجع ليا ...كنت كنضن بلي نساني...اووووف ..ولكين مغاديش نرجع ليه بزربة نلعب معاه شوية باش عمرو يفكر يتفارق معايا...كنسمع صوت خالتي...
جميلة....هاني جايا اخالتي (خرجت لعندها ..وبديت كنوجد لغدا والبسمة غير مرسومة على وجهي)
خالتي....رجوع الله
جميلة...ههه ا..شنو قلتي اخالتي
خالتي....كتباني
غير كضحكي هاد النهار ...ضحكينا معاك
جميلة...والو اخالتي مكاين والو...خالتي انا وجدت لغدا ياك ...غادي نمشي نشوف يسرا ونجي(ضروري خاصني نوصل ليها تبركيك ....)
خالتي...متعطليش

جميلة....واخا دابا نجي(خرجت نجري من الدار دقيت على يسرا فتحات ليا ماماه دخلت لصالون وبقيت نتسناها البقرة قاليك دايرا لاصال....بعد عشر دقايق جات كتجر رجليها...
يسرا...اووووف اميمتي سخفت...جميلة..ا
يمتا جيتي؟؟؟
جميلة..(جريتها من دراعها وطلعتها لبيتها)
يسرا...اووووف غير بشوية راك حيدتي ايدي من بلاصتها
جميلة...(كلسنا بقيت غير كنشوف فيها وكنضحك)
يسرا...اويلي مالكي كضحكي بحدك
جميلة....(طرت عليا بتعنيقة)اووووف واخيرا ايسرا كلشي تصلح
يسرا...(بعدتني منها)غادي تهضري اولا نصرفق ديلمك
جميلة..زبلة صافي غادي نهضر
يسرا....طلقينا خلاص
جميلة...اليوم فصباح مشيت السوق(وبديت نعاود ليها)
يسرا....هههه اوووف الحمد لله اصحيبتي شتي قلت ليك كلشي غادي يدوز وترجعو لبعضياتكم
جميلة....هههه الحمد لله...اه..قولي ليا رئيك؟؟
يسرا...فشنو؟؟؟
جميلة...انا مغاديش نرجع ليه بالزربة بغيت نعدبو شوية
يسرا...هادشي اصلا لي خاصك ديري...راني كنعرفك فيك دودة ...خليه يتعدب شوية وراك عاد سامحيه
جميلة....اوكي..
..(كنسمع صوت ميساج..جاني ..كان هو)مغاديش ترجعي ليا؟؟؟يسرا يسرا عتقي عتقي؟؟؟
يسرا...شنو تاني؟؟
جميلة...قال ليا واش مغاديش ترجعي ليا فميساج....ناررر
ي صافي دابا الى قلت ليه لا اكيد غادي يقلب عليا...انا نقول ليه صافي راجعة ليك.(.جيت نكتب ليه وهي تشد تيلي من ايدي)
يسرا....غادي نصرفقك حتى تنساي سميتك....قلت ليك فيك دودة....شنو كنا كنقولو من شوية؟؟
جميلة...ولكين..
يسرا..غادي تجاوبيه وتقولي ليه مغاديش نرجع ليك....لكلمة كنقولها غير مرة وحدة..(عطاني تيلي )يلاه كتبي؟
جميلة...ناررري يختي منقدرش غادي يطير مني
يسرا...اري انا نكتب ليه
جميلة...صافي ازمر صافي ...ناري ويقلب عليا والله منخلي ديلمك عايشة
يسرا...وغير ديري هادشي لي قلتليك...رجال طينة وحدة يبغو غير لي كتبعد عليهم ماشي لي كتعطي راسها لهم
جميلة..انشاء الله يكون هادشي لي كتقولي هو لي كاين(صيفطت الميساج وبقيت ندخل ونخرج ...ناررري قراها ومجاوبش صافي هادي لخرا ليا

"شاقت الازهار لشمس الصباح....وذمت الايام طول نهارها....هذي حبيبتي وحالها الرتاح....تجنني
بتقلب مزاجها"
جميلة...(اصبحنا
واصبح الملك لله...على الصباح شفت تيلي ديالي والو مجاني لا اتصال لاميساج من عندو..هادي نهارين كنحس بجمرة فوق قلبي ...نضت دوشت ...ولبست حوايجي وفطرت مع خالتي...
خالتي....شدي دي لخبز للفران انتي غير كالسة لا خدمة لاردما
جميلة..اري اخالتي اري (شديت الخبز على سعدي ووعدي ونا غير مغوبشة ..كنشوف فالمسخوطة جايا)
بسرا...الزين كيدايرة
جميلة..غادي تغبري من قدامي لا؟؟
يسرا..ويلي مالك تاني على صباح
جميلة...بسبابك السيد قلب شتي قلتها ليك....(كنهضر وهي تبعاني)
يسرا...واصحبتي تلقايه غير مشغول
جميلة..اه سبحان الله مشغول هادي يومين...تي قولي طار صافي هئ هئ
يسرا...ويلي سكتي فضحتينا قدام جيران
جميلة...(مسحت دموعي)سيري بعدي مني خليني ندي الخبز للفران
يسرا..يلاه معايا
جميلة..(غوبشت فيها)غادي تبعدي مني اولا ننتف هادوك شعيرات لي عندك
يسرا...عافاك يلاه معايا...عند الحاج العربي نشري سي تويشيات..
جميلة...سيري بوحدك
يسرا...اويلي على نمشي بوحدي راك سمعتي البارح الحي كلو كيهضر على الارهابين لي لقاوهم مخبين فدار فاطمة
جميلة...على اساس انا سوبر مان ميقدرش شي حد يجي لجيهتك
يسرا..واغايلاه بين ميطيب الخبز
جميلة...اوووف(م
شيت مع البقرة عند الحاج العربي وبقات ساعة عندو كتعزل من هنا ولهيه انا غير مربعة ايديا ومرة مرة كنشوف فتيلي لعلى يجيني شي ميساج...)ساليتي؟؟
يسرا...اه ساليت
جميلة...انشوف شنو شريتي...والله مكتحشمي
يسرا...علاش مالي؟؟
جميلة...ساعة وانتي كدوري من هنا ولهيه وجارني معاك وفلخر شادا كرسون وستيام..سري انا نيت لي دايرا راسي فيك
يسرا...يلاه يلاه فضحتيني تفو
جميلة..(خرجنا من عند الحاج العربي ..كنحس بيسرا شدات بدارعي..
يسرا...حبي يلاه نمشو من هنا
جميلة...علاش غادي نمشو من هاد الطريق الخاوية
يسرا..وغير يلاه ..كاين واحد البوكوووس هنا ساكن بغيت نشوفو
جميلة...اوووف ياربي صبرني(مشيت معاها طريق كتخلع غير القيفار مفيها حد شوية كتوقف قدام رجلينا لوطو كحلة خرجو منها جوج ملتمين ...كنحس بيهم هزوني بعد مادارو شي حاجة على نيفي وسخفت)


"العين تبصر من تهوى وتفقده...وناظر القلب لايخلو من النظر...ان كان ليس معي فالذكر منه معي....يراه قلبي وان قد غاب عن بصري"
جميلة...(بديت كنفتح عينيا لي كانت عليهم شي حاجة سوداء ..ايديا كنحس بيهم مربوطين ...بديت نتفكر لي وقع ..ناررري انا مختطفة ....
جميلة...يسرا يسرا هئ هئ هئ فينك يسرا
هو...سكتي
جميلة...(جيت بالعا لساني مهضرتش ناررري صوتو كيخلع)
هو...فك لها ايدها
جميلة..(فك ليا ايدي كنحس بشي واحد جبدها)ناررري بعدو مني انتوما الارهابين ياك هئ هئ والله مدرت شي حاجة
هو...شدي(حط ستيلو فيدي)وقعي هنا
جميلة...هئ هئ على شنو غادي نوقع هئ هئ
هو....(جر ايدي لشي وراق وانا مكنشوف والو مزال مغمضين ليا عينيا)وقعي هنا؟؟
جميلة...قولي ليا شناهو هئ هئ هئ
هو...وقعييييييي
ي(بجهد)
جميلة...(ناري البول البول كنحس بيه بغا يخرج)فين فين مشيفا والو..(جر ايدي )
هو..هنا
جميلة..(وقعت ومعرفاش على شنو اصلا ..بقينا غاديين بلوطو وانا غير حابسة لبكى بسيف ..ناررري شنو دارو ليسرا كاع مكنسمع صوتها ....هادو الارهابين لي كانت كتقولي يسرا ...شنو غادي يديرو فيا؟؟؟ وقفات لوطو)
هو...نزلي
جميلة...(جروني من دراعي ..وطلعوني مع شي دريجات جلسوني فكرسي..وبقيت شي ربع ساعة غير جامعة رجليا وساكتة بلا حركة شوية كنسمع صوت ماشي غريب عليا هادا صوت طيارة....ويلي انا شنو ندير هنا .)فين غاديين بيا؟؟؟؟هئ هئ هئ هئ خلوني عليكم عافاكم راني يتيمة.هئ هئ حشومة عليكم ......كنحس بطيارة فسما..يارب كون معايا..بقيت كنقرا فسورة الكرسي ...واي حاجة حافضاها فلقران بقيت نقراها....بعد مدة طويلة شوية ...كنحس بالطيارة هبطات...جاني عوتاني شي حد وجر دراعي منزلني ولكين مهضرتش ...)فين غادين بيا عافكم طلقوني هئ هئ والله منقول لحد شي حاجة..كنحس بشي باب تحل دخلني بجهد...كلست وسد الباب ...بقينا غاديين شوية وانا غير كنبكي هئ هئ هئ طلقوني عليكم عافاكم ..هئ هئ عافاكم هئ هئ (وقفات لوطو من جديد ونزلت..شي حد شادني من دراعي ....وغادي بيا كنسمعو حل الباب ..دخلني وانا غير كنبكي هئ هئ هئ بعدو مني خلوني عافاكم هئ هئ كنحس بشي حد كيحيد الضمادة من على عينيا..كنحل عينيا بسيف كيضروني...بقيت كندور عينيا هادي دار سيف لي فاسبانيا انا شنو كندير هنا؟؟؟تلفت ورايا نلقاه واقف وكيتبسم....
سيف...قلت ليك تكوني معايا بالخاطر اولا بزز وانا درت لي عليا


"وكيف اهرب منه انه قدري....هل يملك النهر تغييرا لمجراه؟؟؟
جميلة..(بقيت كنفتح ونسد عينيا مزال مستوعبتش)شنو...
شنو...شنو كندير انا هنا ..و وانت شنو ؟؟؟
سيف..(قرب لعندي لصقني عليه داير ايدو ورا ضهري حاط جبهتو على جبهتي)انتي ديالي بوحدي دابا مغاديش نفرط فبك مرة اخرى
جميلة...(بعدت عليه)دابا....دا
با انتا مختاطفني.؟؟؟
سيف..لا..
جميلة...وشنو كتسمي هادا...؟؟؟
سيف...علاش كاين شي راجل كيختاطف مرتو؟؟
جميلة..مر ..مرتو...شكون مرت شكون..قصدي شكون راجل شكون...اووووف شنو كندير هنا؟؟؟
سيف...هههههه اوووف كتحمقيني ملي كتبقاي دخلي وتخرجي فلهضرا
جميلة...دابا جاوبني ؟؟
سيف..انتي مرتي انا
جميلة...بحلاش ...واش انتا فالوعي ديالك.؟؟؟..امتى
تزوجنا؟؟؟
سيف...من شي ساعة تقريبا ..(جبد واحد الورقة )هاكي شوفي انتي دابا زوجتي بشكل رسمي
جميلة...(جبت ورقة من تحت ايديه..نارري انا مرتو بشكل رسمي...وهادا توقيعي...امتى وقعت؟؟اوووف يلاه تفكرت ملي خطفوني ؟؟؟فرضو عليا نوقعو..يعني ختاطفني وينوووو على حبيبي رومنسي ..غادي نلعب بيك بحال ملعبتي بيا)واش انتا فالوعي ديالك علاش تتخطافني اه...وشكون قاليك بلي موافقة نكون مرتك ا
سيف...جميلة شنو كتقولي(مغوبش)
جميلة...بحال مسمعت انا مبغيتش نكون مرتك
سيف..جميلة...ال
ى كنتي كتلعبي راك بديتي تعصبيني
جميلة..غدا غادي نرجع المغرب وغادي نطلقو(غير قلت هاد جوج كلامات وضربتها بواحد الجرية حيت عارفاه غادي يشنق عليا..دخلت لبيت وسديتو عليا)
سيف...(كيدق بجهد)جميلة حلي الباب حلي (كيغوت)
جميلة...(هههه يعمري سمحلي ولكين غادي نعدبك شوية)بعد مني
سيف...جميلة حلي متلعبيش معايا ...والله حتى نقتلك حلي
جميلة...بغيتني نحل ليك باش تقتلني
سيف...(ضرب الباب بجهد)اوووف
جميلة...(مبقيتش
سمعت صوتويمكن مشا..دخلت للدوش لي كان وسط الغرفة دوشت فتحت الماريو كنلقى حوايج السيد معول على كلشي شي مقزب وشي غير خويطات شي شبكة...اوووف شنو غادي نلبس دابا بقيت كنقلب حتى لقيت بيجاما لبستها وتخشيت فمانطتي ضربتها بنعسة من قوة لعيا ..فقت الصباح غسلت وجهي ..دوشت وبقيت نقلب على شي حاجة نلبسها واخيرا حاجة مستورة شوية...خرجت كنتسلل مسمعتش صوتو... شوية كنحس بيه ورايا جمعني بيديه...
سيف..انتي مرتي سمعتي ..متخلينيش ندير حاجة مبغيش نديرها
جميلة...علاش خليتيني ؟؟؟ومتقتيش فيا؟؟؟
سيف... حيت غبي... راجلك غبي
جميلة...ونا مبغيتش نكون مع راجل غبي الوقت لباغي يرميني يرمنيني
سيف..جميلة مبغيتش نعاود كلامي
جميلة..(دفعتو عليا )ونزلت للمطبخ كنوجد لفطور
سيف.. (كنحس بيه جاني من جديد وباس راسي)سمحيلي عمري نواعدك عمري نخليك
جميلة..(تلفت لعندو مغوبشة)شنو لي غادي ياكد....(اوبسسس
س طاح على فمي صغير من جديد ...كيجرو ويعاود كنبغي نبعد كيرجعني من جديد...حتى كنحس بالتفس غادي يتقطع ليا...انا صافي دبت وليت حتى انا كنتجاوب معاه...كنحس بيه هزني ..وطالع بيا فدروج دخلني لغرفتو ....وحنا على نفس الوضع...عايشين فعالم القبلات المختلط باهتنا...وبدينا الماطش ...شنو مزالين كتسناو ياك مبغيتو نقول ليكم ....شنو وقع فالماطش..هههههه بعد ماطش مؤلم وطويل نعست على صدر حبيب قلبي ...وانا طايرة من الفرحة يعني دابا انا سميتي غادي تكون جميلة الادريسي ياسلام..ممصدقاش هادشي لي كنعيشو...


"يامن اعيذ جماله بجلاله...حذرا عليه من العيون تصيبه"
جميلة..(كنفتح عينيا بشوية كنشوفو ناعس حدايا ..حطيت ايدي على تفاصيل وجهو...وينوو شحال زوين ملاك نازل من السماء..)اوبسس فيقتك
سيف..(باس ايدي)هادا اجمل صباح عندي
جميلة..يلاه خلينا نوضو نفطرو
سيف...ايديك زوينين ميفكروش يلمسو..شي حاجة من اليوم
جميلة...اوووف غادي دسرني هكا هههه
سيف..(باس ايدي من جديد ....بالعكس غادي ندلعك..(.كيغمزن
ي)
جميلة...اوووف شحال مخك مسخ نوض يلاه خلينا نفطرو
سيف...واخا ولكين قبل غادي تواعديني كل نهار ملي تفيقي غادي ديري واحد الحاجة
جميلة...شناهيا؟
؟
سيف...واعديني ؟؟؟
جميلة..كنواعدك هضر خلاص؟؟
سيف..(باسني بوسة طويلة على فمي )هادي هي الحاجة لي غادي تبقاي تفيقيني بيها
جميلة..(انا تزنقت كنحس بالحرارة فخدودي نضت من بلاصتي ومشيت الدوش كنتبسم بوحدي )
سيف...غادي تخرجي اولا نزيدك وحدك اخرى ههه
جميلة..مكتحشمش(
كنهضر من الدوش)
سيف...ايوة يلاه خرجي خلينا نفطرو برا
جميلة..اوكي هاني جايا(خرجت من الدوش لقيتو واقف مسند على الحيط غير خرجت جرني لعندو)
سيف...نعطيك وحدة اخرى
جميلة...اووف منك ههه(دفعتو ومشيت نجري دخلت لبيت بدلت حوايجي درت ميك اب خفيف صاوبت شعري ونزلت ليقتو كيتسناني لتحت)
سيف..(مد ليا ايدو..حطيت ايدي فايدو وخرجنا كانت لوطو برا كتسنانا...ركبت معاه لور وهو غير شاد بايدي خايفني لنهرب ليه...وصلنا لواحد الكافي فطرنا ..وخرجنا كنتماشو على لكورنيش...
جميلة..ويلي شنو درت(حطيت ايدي على فمي)
سيف..(بخوف )مالكي
جميلة..خالتي خالتي غادي تكون قالبة دنيا عليا
سيف..متخافيش غادي تكون عرفت كلشي دابا
جميلة...شكون لي غادي يوصلها ليها؟؟؟
سيف...صحبتك يسرا
جميلة..علاش يسرا....اها يلاه فهمتك كانت متافقة معاك
سيف...معندي منسالها عندها شي افكار شيطانية هههه
جميلة...واخا حتى نرجع ونوريها خرجتها مني خلعة...اه سيف؟؟
سيف..وي عمري
جميلة...خلينا نرجعو غدا المغرب ..على الاقل نديرو عرس واخا يكون بسيط غير ميحلش شي حد عليا فمو
سيف..اصلا يتجرا شي حد يقول شي كلمة نمحي ديلمو...وزايدون
انا مخطط لكلشي
جميلة..مفهمتش؟؟
سيف..حتى لغدا وتعرفي

"وتبقين سرا...وعشا صغيرا....اذا ماتعبت اعود اليه...."
جميلة...(اليوم غادي نرجعو للمغرب وجدت راسي وتوجهنا للطائر ة الخاصة هاد المرة كلست حداه وايدو فيدي ..طول الوقت وحنا فلبيتيز هههه طبعا ماشي داكشي لي فبالكم داكشي خفيف.....هههه وصلنا للمغرب ...توجهنا لطريق ماشي ديال دار ..
جميلة...فين غاديين؟؟
سيف..دابا تعرفي
جميلة..(مفهمتش شنو واقع حتى كنشوف راسي قدام صالة" الملوك للافراح "ويلي شنو كنديرو هنا هادي غير ديال الناس لي عندهم الحبة)
سيف..حبي يلاه نزلي
جميلة..علاش ...علاش شنو غادي نديرو هنا؟؟
سيف..ههههي يلاه وتعرفي
جميلة..(نزلت كنشوف الناس واقفين وداكشي كلاس ..جاتني يسرا وشي بنات هازين التمر والحليب)
يسرا..مبروك الزين(كتبوس فيا)
جميلة...(انا غير كنشوف مفاهمة والو جاتني خالتي)
خالتي..مبروووك ابنتي العزيزة (كتبكي)
جميلة...(ويلي شهادشي لي كنشوف خالتي كتقولي بنتي لعزيزة وكتبكي...كنحس بشي وحدة جاتني ..
هي...مدام يلاه نوجدوك
جميلة..(انا بقيت غير كنشوف..مشيت معاها سيف كان كيهضر مع شي وحدين...دخلت معاها لواحد الغرفة وبدات كتقادني هي وجوج معاها يلاه ستوعبت ...هادا عرسي ..ياعمري داير ليا مفاجاة ...بعد مقادوني خرجت لعندو كان لابس لكلاس كيشوف فيا ويتبسم وانا الفرحة والخلعة كلشي مخلط. كنت لابسة كسوة بيضة ودايرا مكياج غامق شوية..سيف مباغش نبقا ماشيا جايا كنبدل هادشي لي قالتلي البنت لي وجداتني السيد زربان هههه...بدا عرسنا ...كلشي كان فلمستوى ..كنشوف سامية ...خالتي يسرا كلشي فرحان وكيرقص..وانا فرحتي اكتر... دوزت اجمل ليلة فحياتي ...بعد مسالينا سهرتنا توجهنا للفندق ديال سيف..بعد دموع وخنونة وبكا ..ههههه ولكين فاش لعبت تاني ماطش صافي نسيت كلشي هههه...دابا كنهضرمعاكم وبنتي جومانة كتغوت ...ايوة نمشي نسكت بنتي ونوجد راسي لحبيبي بعد شوية غادي يجي من الخدمة"
الله يرزقكم ولد الناس يبغيكم وتبغوه""..ومتنس
اوش ماشي الجمال هو كشلي الواحد يكون النقي من الداخل عاد يشوف راسو من برا....خلاصة القول ديري فراسك دايما الثقة عمرك تقولي مستحيل...حيت فدنيا ديالنا مكاينش المستحيل ..

النهاية.آراائكم؟ ❤️

تعليقات

⛔ ممنوع قراءة القصص المخيلة للاداب و انت صائم +18 فقط .