القائمة الرئيسية

الصفحات

3- قصة من وحي الخيال


الأجزاء الأخيرة من قصة من وحي الخيال

اسامة: (الو وي انا مغنشيش للشركة ليوم لغي كل المواعيد لي عندي)
سكريطير: اك موسيو كون هاني
::::::::عند رهان :::::::
اسامة: رهان يلاه نوضي تفطري باش تاخدي دوا
انا: عدبتي راسك معندي منين يدوز
هو: اتاكلي احبي.. ا رهان باش تبراي
انا: علاش هاذشي كامل
هو: مفهمتش
انا: علاش كدير معيا هكذا
هو: حيت كن..ا ا حيت انت مراتي وهذا واجب عليا
انا: اه صافي غير هاذشي
هو: وي وي هادشي يلاه دبا الفطور باش تولي صحيحة وتغلببني 😂
انا(جاب ليا الضحك فخاطري و خا نضل نشوي فلحمير وناكل و الله منقد عليك العود) ههه هو بحال حس بيا
هو: هههه انخليك تغلبيني غير تهناي😂😂
انا:اك عطيني اوا نزلت ليك على داك الفطور وشربت الدوا وتخشيت بلاصتي حتى كنحس بيديه فشعري و انا ما بين اليقظة و المنام كنحس بيه جرني لعندو و خشاني فيه ونعست على صوت موسيقى القلب ديالو اوا راني خمرت ماشي غير نعست فقت تال 3 ديال النهار و الوجع خف عليا شوية لقيت سكاااات فدار نزلت من البيت بالشوية و لقيت التلفزة شاعل فيها القران ولكن حتى حد مكاين عرفتو خرج (صراااحة البنات و ليت كنولف عليه بزااااف) وليت كنفتاقدو فالدار بلا بيه كنحس بالمعناة وصفاء مبقات كتسول بزاااف عندها الامتحنات و انا مبقيتش كنحمل نمشي لدارنا بزاااف وليت بغا غير نgلس مع اسامة وهي طيبح فبالي فكرة قلت نستغل الوقت لي هو مكاينش ونطيب شي حاجة نكلوها بجوج نضت الكوزينا وكنشوف ديك التلاجة اشنو فيها و جبت الخضرا سلقتها وسلقت لي لزان ودرتهم مع لبيشاميل والكفتة و طحنت العصير و درت ديسير ديال البيسكوي مع لاموس فغيز وفاني اوا هاهو مولاي اسامة جا
اولا مع الدخلة مشاف حتى فيا طالع منفخ حاولت نفهم شنو بيه ا والو من بعد و انا نقفز يا البنات واحد القفزة طار قلبي من بلاستو و بدا كيجري كنسمع التهراس و الخبيط رميت داكي من يدي و طلعت كنجري دخلت الباب لقيتو معصب ولا البيت خربة و كي غوت و كي سب بقيت مسمرة فبلاصتي خفت نقرب منو ويضربني خفت نخليه ويدير شي حاجة فراسو و لي ثانية مبقاش هامني راسي و مبقيتش كنفكر بعقلي قلبي لي ولا جارني عندو حتى كلقى راسي كنوقفو وهو ثاير كي الوحش


انا: اسامة وقف اويلي شهاذ الحالة اوالو و الله مسمعني و انا نمشي لو حتى صرفقتو بحر جهد لي فيا (هههه غامرت بيا و لا بيه ياما يفرشختي يإما غيبرد ) و لكن صدق طاح الارض فشل ويدو تفدعات ديك ساعة زراقت ناري على شوفات ولا كي دير فيا احح خفت و الله عمرني شفتو هكذاك.
هو: رهان خرجي
انا:م..مقدرتش نخليك هكذا عاود ليا شنو طرا ليك
هو:قتليك خرجي و تعوديش ترجعي
انا:(مبغيتش نحكر و مشفتش يديه ديك الساعةحتى...) خرجت وقلبي بقا معاه لداخل وسديت الباب و هبطت طفيت على العشا لي مابقالنا منين يدوز و طلعت غلست حدى الباب ديالو خفت عليه و الله
:::::::عند اسامة::::::flas

h back
من بعد منعسات حبيبتي طاحت فبالي فكرة قلت علاش منفرحاش بشي كادو صغييور تسليت من حداها بشوية عليا باش متفيقش ولبست حوايجي وهزيت سوارت اللوطو وهبطت المدينة كنشوف لي بوتيك شي حاجة تكون حلوة و انوثية وشيك تعجها مع ههه منقوليكمش انا خبرة فالفتياة مدوزج قليل😂 ولكن رهان تركيبة معقددة (انها مفاعل نووي يا سادة😁) خاصني شي حاجة لي ثير الانتباه ديالا وبقيت كنفكر حتى جات عيني على واحد الصباط يا سلام شي حاجة روعة وتخييلتو على رجليلاتها 👠 يلاه كنتفاهم مع البنت باش تجمعو ليا كنسمع طيلي كي صوني 😞او المحاسب ديال الشركة
انا: الو وي سي خالد صافا
خالد: وي موسيو اسامة اش خبارك
انا: الله الطول عمرك اسيدي ياك مكاين باس؟
خال: ه..هو فالصراحة اسي اسامة معرفت كيفاش انبشرك بهاذ الخبر الخايب
انا(يا رب السلامة) : ياك لباس اش كاين
خالد: ولدي اسامة معرفناش شكون ختارق السيسطام ديال الخزنة المالية ديال الشركة و داكشي من الانترنيت و تسرقو الفلوس عن طريق حاسوب مجهول و الغريب في الامر ان حتى البنك لي كنتعاملو معاه قال لينا بلي الامر جا من السيد اسامة شخصيا ولذلك حولو الفلوس لذاك الكونط المجهول و هاذ الصباح جتنا الاخبارية من الرجال ديانا ملي عملو تحرياتهم ان الكونط فالدائرة السوداء و داخل باسم لرجل اعمال كوري متوفى من 10 سنوات
اسامة: وو كيفاش تال هاذ الوقت عاد قلتولي هاذ الشي😠😠
خالد: مبغبناش نزعجوك و لكن الامر خرج على السيطرة
انا(جعرت و بديت كنغوت): سي خالد الكبيرة و الصغيرة خاصها تكون فعلمي كفاش ترخفتو تال هاذ الدرجة ككفااااااااش
خالد:ا..اا اولدي..
انا: مكين ما ولكن لي عطا الله عطاه لي ضرب ضرب ولي هرب هرب ...شحال تسرق
خالد:سكوت
انا:سي خاليد جاوبني بلا متسعر مي راه رزقي تما و رزق الناس و خدمتهوم وعرق كتافهم
خاليد: 650 مليون لي تسحبات بطريقة مجهولة
انا: لا صافي فشلت مابقيتش كنسمع طاح طيلي من يدي (650مليون) كيفاش طرا هادشي 😨😨😨ولا كلشي كي جي فبالي افلاس الشركة والموظفين .... هزيت طيلي و خرجت معرفت فين نظرب براسي بان ليا الحل الوحيد هو الدار عفطت ب 120 /km و محسيتش براسي وصلت و الكمالة فراسكم..

بقيت شحال جالسة قدام الباب تقطع الحس شي ساعة بعد ماسمعت الرشاشة فالحمام حبسات دقيت و مجوبنيش عاودتها و مجاوبش واضطريت نحل الباب و لقيتو ناعس ومخنزر و باين على ملاميحو الحزن تخلعت معرفت مندير قربت ليه وهو يتحرك ورما يدو ناااااري منين شتها تخلعت تقطع فيها الدم و تنفخات و زراقت و خضارت و لاو فيها جميع الالون قفزت بالزربة عندو اسامة فيق فيق اويلي شوووف يديك وقيلة تهرستي😱
هو: خليني ارهان معنديش الخاطر 😩
انا:بليز اسامة بليز نوض نمشيو عفاك محسيت براسي حتى بديت كنبكي وهو عينيه لمعو وبدا كي سكت فيا ولا غير داير خاطري
هو: شووو صافي صافي يلاه نوضو للطبيب غير متبكيش
انا: عفاك دبا يلاه وقصتو بلا منشعر و هو يتردع وحسيت بيه تقصح و ناض عاونتو حتى لبس حوايجو و لبست عليا انا غير كاpمن الفوق و هزيت السوارت ديال اللوطو ونطالقت لاقرب سبيطار وصلنا وكنسولو على الطبيب اختصاصي في العضام قاتلينا الفرملية تسناوه بقاتليه 15 دقيقة ويخرج من واحد العملية بقينا جالسين و انا حاسة بيه مقصح ها الطبيب خرج
انا: دكتور عفاك حالة راجلي خطيرة ممكن تشوفو
دكتور: انا سلات المناوبة ديالي ابنتي دبا
انا: الله يخليك راح ايغجون و الله
دكتور: ماشي مشكل فين هو دبا
انا: اه راه خليتو الهيه انا نقولو يجي
الدكتور: اك
رجعت كنطير عند حبيبي احم اسامة هه باش نعلمو 😊
انا: يلاه نوض الطبيب ايشوفك!!!!
هو:(يشوف فيا بنظرات ممفهومينش)!
انا: يلاه يلاه سربي راه المناوبة ديالو سلات و انا جراه صحة حتى دورني بجهد لعندو
هو :علاش كدير هكذا ؟؟؟!
انا(بلا تفكير: حيت كن... ا ا حيت انت راجلي و من الواجب عليا نوقف معاك )
هو : متأكدة *
انا:ا..ااه اه!
هو:يلاه الطبيب كي تسنانا
=دق دق
دخلنا و غلسنا سلام و عليكم دكتور ها هو راجلي و حالة يديه خطيرة
الدكتور :اجي اولدي معايا نشوف
اسامة: اك
شاف ليه يديه وضحك الطبيب وقالو معندك شي حاجة gغاف غير تفدعتي اندير ليك دبا الراديو باش نقطعو الشم باليقين و من بعد نديو الجبيرة
اسامة: وخا دكتور
الدكتور: و مراتك خالعانا راجلي راجلي عتقو ليا عفاك حالتو خطيرة خلعاتنا و انت تبارك الله عليك بنية ديالك قوية
اسامة: ههه (فخاطرو: الهبيلة الخرة قالتلك راجلي قال😉 كتبغيني المجنونة)هه اه كتخاف شغانديرو
الدكتو: اوا تهلاو فبعضياتكم مشاء الله باقي صغار
اسامة: ههه اه داكشي شكرا الدكتور
بقاو لداخل علاين ساعتين و انا كنشطح غير بوحدي و كنطلب ربي متكون فيه حتى حاجة وخرجو و انا وقف شنو عندك؟
اسامة: لا لا والو غير فدع
انا: اويلي😲
اسامة: رهان 😒 (زعما متزيديش فيه) ناري بلوكاني 😶
الدكتور: الحمد لله على سلامتك اولدي كيما شفتي معندك شي حاجة قوية غير تكايس و انا دبا انكتب ليك شي دوا باش حيد ليك الحريق وانعطيك مساج منين تحيد الجبيرة تبقا ديرو و الحمد لله على سلامتك مرة اخرى...
خرجنا من بعد مخلصنا و ركبنا اللوطو وحنى ساكتين الطريق كاملة حتى كيقطع الصمت شنو طيبتي العشة؟
انا(بصدمة) ب..باش عرفتيها؟،
هو: شفتك منين جيت للدار😏
انا:علاش كنتي كتشوف قدامك ؟
هو :تكى راسو على الكوسان انت الوحيدة لي مكنغفلش عليها ومتبسم الضحيكة غزالة
انا: (جاب ليا الضحك ولكن مبغيتش نبين) و دبا كي كتحس ؟
هو: و انا معاك كنحس غير بقلبي طاير
انا(وترني العود 😂وليت غير كنتفتف): ا ..ا او مزيان الحمد لله
اوا وهو يهز يدي و باسها و شاف فيا شوفة حنينة وسد عنيه😌 و قال ليا : الله يخليك ليا
انا:(احححح امييين)🙏🙏: يلاه نهبطو
هو:وخا
نزلنا من الغراج و طلعنا للدار وطلع لبيتو بدل حوايجو مخلانيش نعاونو و انا درت المريولة و دخلت الكوزينة كنسخن العشا باش ناكلو وحطيت لي العشا فالطباسل سلاد و لي لزان و طوسط هبط لابس سييغفيط فالنواغ وتقيشرات بويض جا سوووو كيوت هبط بالحيس و بقا كي شوف فيا من اللور حتى درت نحط الكيسان على الطبلة و انا نشهق
هاااااااا!!!!!😱 ناري حرام عيه خلعتيني اوووف
هو: محدك معايا مكينش مناش تخافي
انا:😍عارفة ؛ يلاه نتعشاو
هو: باين هادشي بنين
انا: كنتمناو


تياكل وكي تلذذ زدتو الطبسيل 1و2و3 عاد شبع الحلوف 😂)مشفتو بالعين الحلوة مسكين ) وقال الله يخلف و ناض
انا:فين غادي اجي بلاتي
هو: ياكلابس !؟
انا:بانوثة وضحيكة من القلب😶 ( باقي الديسيغ)
هو:اححح عليا شكون كي ذلعني
انا: هه 😊يلاه غلس انا نجيبو
هو: اك
حطيت لينا الديسيغ بعد ما هزيت الماكلة و كان بارد وكنكلوه في صمت حتى شفتو سهى
انا: علاش درتي هكذاك قبيلة😏 ؟
هو: ماشي مهم .
انا: كون مكانش مهم متوصلش بيك الدرجة تفدع يديك
هو:رهان 😒نساي بغيت الرتاح
انا: لي بغيتي و درت فيها مقلقة و هو معجبوش الحال و بديت كنغسل الماعن وهو حاضيني حتى صدمني
هو: مشات من الشركة650 مليون فكونط مجهول الهوية تسرقات باسم اسامة العماري
انا:طاح الكاس من يدي تهرس فالارض )ك..كفاااش اويلي مبلغ كبير ماهيا 10 م 20 ميون 650😨😲😱
هو:(ببرود):اه
انا:(كنجمع الكاس لي تهرس) وشنو درتو لقيت شكون مول الفعلة وشكون ايعوض هاذ الخسارة خاص على الاقل 4سنواات باش تقدرو تعوضو هاذ خساااارة كبيرة (مهم راه تفلسفت عليه حيت انا دارسة الاقتصاد و ادارة الاعمال تحلات ليا😂)
هو: الخليفة على الله حتى نشوفو غدا اش غنديرو واش ممكن نرجعوهم
انا: شكون قالها ليك؟
اسامة: المحاسب ديالنا
انا:جيت لعندو و جريت كرسي حداه اسامة كلشي ايتحل انشاء الله مدير فبالك والو و خاصك تعرف شكون سرق فلوسك و ترضهم وخاص لي سرق يتحاسب فينما كان و انا معاك احيا... ااسامة فكلشي
هو: قرب وجه حتتى العندها كمليها علاش مقلتيهاش كملي و قولي احياتي بلا اسامة 💑
قلبي بدا كي ضرب بجهد ولاسق وجهو مع وجهي ونيفو على نيفي وسد عينو
هو:اااه ارهان معرفتيش شحال كنتعذب بلى بيك كنتحرق كل دقيقة
انا:قبل ميكمل كلامو سكتو ا..انا معاك وديالك احياتي اسامة انا مشاعري تبدلو من ناحييتك و ليت كنشوفك كنتلف مكنعرفش شنو ندير ملي كتقرب ليا كنتكهرب و مخ كي وقف وكنبغي غير متحركش من حدايا اسامة (هنا انتقزدر عليه😂)من الاخير انا طحت فغرامك بلا منحس
هو(صدمة مفاجاة) 😞رهان بصح
انا:كنموت فغرامك وكنبغغييييييك واليوم تأكدت مليار في المئة
هو: 😍😍😍😍كبيدتي بنوتي شحال تسنيت هاذ اللقطة حينت تكوني معيا و بجنبي مراتي و بنتي وحبيبتي و ختي و صاحبي وصاحبتي و كلشي كلش كنبغيك كنبغيك كنموت عليك شحال تسنيت هاذ النهار شحاااال😃
انا: ها هو جا وتاكدت بلي انت هو القدر المكتوب فحياتي هزني و بدا كي دور بيا كي الحمق و كيضحك ومقداتوش الدنيا يا الله شحال احساس الحب الحقيقي زوين ويكون فالحلال تكونو مكملين بعضياتكم وكتموتو على بعضياتكم احححخ بزااااف 😍😙


كملت جميع الكوزينة و دخلت لبيتي وهو مشا لبيتو اكيد اتستغربو علاش باقين هكذا و لكن متسبقوش الاحداث طلعت البيت دربتها بتدويشة حيت عليا العيا و العرق وريحت الطياب خرجت دهنت راسي بكيرم بنكهت اللوز و درت عليا البربو اححح ويليت بحال ريحت الدراري الصغار سرحت شعري و لبست بيجامة قطنية فالغوز بارد و تقيشرات بويض و لبست جلابة الصلاة صليت ما تيسر من النهار لي فات عليا و قريت جوج احزاب من القران وتخشيت فالفراش باش النعس والو طار النعاس مع الدوش بليل كي هرب لي النعاس و بقيت شاااعلة الضوء كنسبح شوية كنسمع الدقان فباب البيت ؟؟؟؟؟ حليت لقيت حبيبي جايب مخيدة ديالو و جا عندي
هو: ممكن نعس حداك مجانيس النعاس بوحدي ؟
انا: لا سير فحالك صحاب ليك غير عتارفت ليك غادي دسر باركة ن التبرهيش
هو:(تصدم) ؛ياك ا لالاة سمحيلي انا ماشي فحالي يلاه دار ايمشي و انا نشدو
انا: اجي لهنا فين غادي مبقا حد يضحك مع حبيبو 😍
هو: ناري قلقتيني بهضرتك و الله
انا: شديت ليه فيديه و جريتو للبيت كبيدتي حياتي عيوني هذا بيتك من اليوم كيفما هو بيتي
هو: و..واش بصح انوليو نتجمعو بجوج
انا: ناري حشمني طسيلتو العود😂 اه عمري
هو: اوووه هذا احسن نهار فحياتي منين رضاة عليا فريدتي وتمشي مها الفلوس تبقى غير ضوء عيني رهان
انا:ههه خليلي حنون يلاه اجي باش ترتاح 1h غادي تفيق غدا الصباح يلاه ترتاح وتقدر تفكر كيفاش اتحلو هاذ المشكل
هو: (حزين) ااخ اخ فكرتيني
انا: متفكرش بزااف لي دارها الله هي لي اتكون ديرو جهدكم و علمو البوليس و انشاء الله اتحل
هو:يخليلي انا مولات العوينات الزوهريين
انا: هه امين حياتي
اوا قديتلو بلاصتو حدايا وعملتلو مخيدة و رشيت فيها ريحتي باش ينعس مرتاح وهو كي شوف فيا بكل حب و حنان و انا كنقاد ملور حتى حسيت بيه تخشى فيا ودفن وجهو فعنقي وكيستنشق ريحتي على حر جهدو
هو: عرفتي ريحتك كتبقا فنيفي النهار كامل حتى منين كنمشي الخدمة كنبقا نشمها انت انثى ديالي خاصة غير بية انا بوحدي مكنسمح لتاحد يشاركني فيك من غير وليداتنا
انا:انا سمعت لوليدات و داكشي زغب لحمي وقف اربي 😂 هه انشاء الله اصلن انا كلي ديالك كون هاني
هو:عارفك اكبيدة اجي نعسو
انا:تخشى انت انا اشعل شوفاج ( الحرارة) باش ندفاو راه الموت ديال البرد برة
هو: و انا معاك كنحس راسي دااافي كتر من القياس
انا: ههه 😍 اوا شعلتو وبديت كنقاد بلاصتي باش نتخشى كنحس بالفرحة حيت عتارفت ليه ورتحييييت نفسيا يلا تخشيت وهو يجرني لعندو و حط راسو على فخادي
هو: رهان ممكن تقراي عليا شوية ديال القران محتاج نسمع ليه
انا: ممكن احبيبي انت تااامر اصلا يلاه قريت دبا جوج احزاب من سورة مريم شنو بغيتي نقرا عليك
هو: مكرهتش تقراي عليا الكهف
انا:هي اللولة و نوض بلاتي نجيب المصحف و باش نغطي راسي
هو: وخا
انا: نضت هزيت المصحف وشال غطيت راسي و جبت سورة الكهف و عاود رجع نفس البوزيسيون حط راسو على فخادي وهازة المصحف بيد و حاطة يدي على راسو بيد و كنقرى حتى نعس وخا نعس كملتها حتى الاخير باش يديها فوذنو👂
🌇اصبح الملك لله رب العرش العظيم🌞
فاق الصباح لقا راسو كيما نعس كيما بقا متزعزعج و انا خليتو كيفما هو باش يرتاح ولكن كليتها صبح عنقي كولو كي ضرني جاني بوعنينيق😂ولكن تهون على ود راحة حبيبي (هههه شكون قال البنات نطيح فيه )
هو:رهان رهان فيقي ازبيدة ..ويلي ويلي ويلي على نعسية درتي هبطي حطي راسك على المخطة


غير الفلوس ماشي فيكم
اسامة:الوليد راه رزقنا و رزق الموظفين و عرقهم تما واش ساهلة ابا داك المبلغ لي مشا لينا
باباه:كلشي ايتعوض اولدي انا عارفك قاد بيها و لي حتاجيتيها اتلقاني فجنبك
اسامة:اااه لا اله الا الله، الله يطول ليا عمرك وخليك لينا
باباع:اجي اولدي تعشا معنا انت ورهان هاذ العشية منها ناقشو شوية هادشي
اسا:وخا بابا انحاول
بابا:لا غتجي هي غتجي
اسا:وخا الوليد يكون غير خاطرك 🙏
دق دق
سمية: موسو اسامة الموظفين تجمعو و بقا غير الحضور ديالك
اسامة: هاني جاي دبا
سمية: اك
==فقت من مورا اسامة بشي ساعتين و كنحس بعنقي مات عليا دخلت الحمام غسلت وجهي و توضيت صليت الصبح و انا كلي مكوانسيا من العنق هبطت لتحت الكوزينة باش ندير قهوة نصحصح مخ بيها حتى لقيت الفطور كاين و حداه زهرة الياسامين زوييينة و حداه الدوة مكندبش عليكم الفرحة خرجات من عيني كنت مضيعة رسي اوا تحلات شاهيتي وكليت حتى شبعت و شربت 2كينات ودرت ديك الوريدة ففالماء و رميت فيها حبة اسبرين باش تبقا عايشة اطول مدة وحطيتها وطلعت البيت كنقلب شنو غادي اللبس ختاريت سروال كلاس طالع وقميجة بيضة كلاس حتى هيا وصباط دوميطالون حطيت ميك اب و طلقت شعري ودرت ساعتي من rAma ورشيت today ونزلت هزيت سوارت اللوط و و اتجهت للشركة و انا فالطريق طيلي كي صوني
صفاء:(صوت مخنوق) الو رهان 😭
رهان:حبيبتي كبيدتي عجيلتي توحشتك ابنتي فين غابرة
صفاء(بكاء مرير) : رهاااااااان عتقيني انا فاكبر وحلة
رهان(بصدمة) :اويلي مالك ؟؟؟
صفاء:(كتهدر و كتنخصص): ر..ررهان مقدرتش نهدر تجي عندي انا فالبيفي ديال لافاك
رهان: صافي صافي غير سكتي انا جاية عندك ومتحركيش من بلاستك عنداااك خليك تما
صفاء:😭اك اختي
نطلقت بواحد السرعة عجيبة وماشفت البوليسي وهو يوقفني
Pc: لا لاة حرقتي الضوء الحمر
رهان: ا..ا ه راني مزروبة شوية عندي ظرف طارئ دير الاجراءات ديالك و انا معاك فاش ما بغيتي
Pc:الوريقات ديالك
رهان: (اوووف يا رب شهاذ الوحلة تاني) واخا ... كي شوف فالوراق عرفتي شنو انا مزروبة اشاف خاصني نمشي
Pc: ا لالاة الوراق ديال الطموبيل انتهت الصلاحية ديالهم و انت ممخلصاش لسيغونس ديالك ممكن تهبطي من الطموبيل و بدا كي لونصي المطغيكيول فالراديو عندو
Pc:حول للمركز سيارة رانج روفر مطغيكول ****** د خارج القانون
رهان:(اوووف صفاء كتعيط )صفاء شدوني البوليس انا شوية انجي
صفاء: (هععه صفاء مشات ارهان و انت السباب و قولي لداك الغبي ديال اسامة بلي XOR لي دات فلوسو و باقي ايعيشو الويل و اندوزو من السراط
رهان(صدمة تلاتية الابعاد) ش..شكون انت
XOR: من بعد وغاتعرفي شكون وقطع


وقطع انا تكيت على الطوموبيل فشلت فين صفاء و شكون خطفها وشكون XOR ومنبن كي عرف اسامة بحال هاذو ناري شحال من سؤال ظاز من بين عيني بالزربة و البوليسي كي سول يكما واقعة ليا شي حاجة تواعيت على شنو كاين وعيطت البابا يفكني بعدا من هاذ البوليسي
ططططط
انا: الو بابا
مصطفى: الله الله الله شكون تفكرني حبيبتي
انا:بابا عتقني البوليس شاديني
مصطفى(جالس فالبيرو ديالو منين سمع رهان و هو يوقف) كيفاش؟ شكون هاذو
رهان: بابا سربي عندي مايدار حالةي ايغجون
الاب: صافي صافي غير تهدني انا نتدخل فين انت
رهان: فالطريق ****
الاب: صافي انا انتدخل دبا
رهان:سربي سربي ابابا الله يحن عليك
مصطفى كيتاصل بوالي الجهة
الوالي:اهلن اهلن سي مصطفى عاش مبن سمع صوتك
مصطفى: الله يسلمك اسي حميد كي داير انت
سي حميد: و الله نحمدو ربي و نشكروه
مصطفى: سي حميد رهان بنتي شادينها البوليس فالطريق الرئيسية**** و قالت بلي صلاحية الاوراق ديال السيارة انتهت و البوليسي شادها و عيطات ليا كتبغي عندها ظرف طارئ
سي حميد:او الله يسمعنا خير صافي انا انتدخل و عتبرها خرجات غير هي خاص تحط ديك اللوطو
مصطفى: وغير عتقنا دبا انا نسيفط الشيفور
سيحميد:معندكش مناش تخاف صافي عتابر طلقوها
مصطفى: الله يكبر بيك امولاي
سيحميد:خيرك صابقك اسيدي😁
مصطفى:شكرا الله يعاون
::::::::عند رهان:::::::
اوووف ابابا اوووف يلاه انا مضاربة مع راسي و يتحول الميساج لداك بوليسي من سووونطر
سووونطر: شرطي**** معاك المركز
شرطي:حول معاك شرطي&****
النركز: السيارة الحاملة لمطغيكول**** ديا الدوز الامر من البيرفي(الولي) ديال الجهة
شرطي:حاضر سيدي
شرطيي: لالاة هاهما وراقك و الله يعونك
انا: فرحت بزاااف و قتليه شكرا وكسيريت دقة وحدة لافاك وصلت هبطت كنجري نيشان لبيفي


لبيفي و كنقلب بعيني على صفاء مبانتش ليا جات عيني على واحد البنت معانا فالقسم قصدتها وفهاذ الاحدات نسييت طيلي فاللوطو و اسامة كي عيط
انا:هاجر حبيبة مبانتش ليك صفاء
هاجر: مالكي مخلوعة غير بشوية عليك
رهان:جاوبيني عفاك دبا
هاجر :كانت جالسة فديك الطبلة لي تما شوية جا وقف عليها واحد الولد زوين قاليها شي حاجة شوية ناضت مشات وكان عينها كي دمعو
رهان:(شديت فراسي دارت بيا الدنيا ) ممكن توصفيلي ها خينا لي مشات معاه
هاجر:مشفتوش مزيان ولكن كان طويل و شعرو كحل محسن جناب وعند اللحية
رهان(شكون غادي يكون اخخ اخ ا صفاء اشمن موصيبة نزلات علينا ) صافي حبيبة شكرا
هاجر: العفو اختي
مشيت كنجري اللوطو ديماريت و خرجت من الباب الرئيسي وطيلي كي صوني انا مشفتوش حطاه سيلونص وصلت للدار كنجري جبدت السوارت بديت كنتفتف شوية بديت كنضرب فالباب
لالة عائشة: اولي ارهان مالكي
رهان: دادا فين صفاء
لا لاة عائشة: صفاء هاهيا كاينة
رهان:ا..اا ولكن ككفاش
لالة عائشة:كيفاش كيفاش راها فبيتها
رهان: وخا انا انشوفها ماما كاينة
عائشة:لا ابنتي فالخدمة كاين غي انا و صفاء خوتك مشاو المدرسة و عبير فحصة ديالها
راهان :اك خالتي هبطت كنجري الجهة التانية من دارنا فين ساكنين البنات و مشيت حليت البيت بجهد لقيت صفاء مكسلة شادة الطيلي
انا:هجمت عليها عنقتها صفاء حبيبة مالكي ياك لباس وشكون هذاك لي هدر معايا
صفاء:اويلي بسملاه عليك شكون هو وانا امتى عييطت ليك
رهان(تصدمت) :ك..كفاااااااش انت عيييطتيلي
صفاء : لا و الله معيطت او واش انكذب عليك
رهان: ولكن ولكن ميمكنش انا سمعتك كتبكي فطيلي و كتقوليلي عتقيني و هدر معايا شي واحد قال بلي XORو هما لي تسببو فسرقة شركة ديال اسامة
صفاء:كيفاش كفاش😲 امتى هادشي وقع اويلي انا مهدرتش معاك هاد الصباح مشيت لافاك و لكن دفعت غير شي وراق وجيت ممشيتش للبيفي لا والو
رهان: ميمكنش
صفاء:عاوديلي اش واقع اولي هاذي غير 2سيمانات مشفتكش طرة هادشي كامل
رهان عاودت لصفاء كولشي ولخرى تصدمات و بقات كتحلف بلي مهدراتش معاها وراتها لي زابيل ديال الطيلي صافي رهان دخلها الشك و مبقات عرفات مدير و شكون هاذو ولكن لي تأكدت منو انو اللعبة لي هوما فيها كبيرة بزاااااف


بقيت جالسة انا وصفاء جابت لينا دادا عائشة العصير و الحلوة نسينا شوية بقات كتعاود ليا على مجد صاحب اسامة لي تعرفات عليه عقلتو عليه كتعاود و هي فرحانة باينة كتبغيه شوية طاح فبالي الطيلي
انا: هاااا😨ناري صفاء نسيت اسامة
صفاء:اححح عليك العفريتة طحتي
انا:اه عتارفت ليه البارح و نعسنا فبيت واحد
صفاء:ااااااان وانا نفهم
انا:لا لا ماشي داكشي لي على بالك
صفاء: هههه و دبا انت لي مشيتي بعيدة انا مقلت وااالو
انا: و انا نقز عليها و بديت كندربها ياك المك وخا عليك كتجري ليا سناني اجي لهنا
صفاء: هههه وااع براكة غتقتليني وبرااااكة
رهان:يلاه شدي المك الحمارة
صفاء:صافي عفاك بيلز بليز
رهان يلاه يلاه معايا اللوطو خليت الطيلي كون راه اسامة ايحماق
طلعنا الجردة و جبدة الطيلي لقيت 18 لمكالمة 3 ديال بابا و 2 ماما و ما تبقا حبيبي اسامة عيطت لبابا وماما طمنتهن بلي تحل المشكيل مع البوليسي و عيطت لاسامة قتليه انا فدارنا قاليا علاش مجيتيش تسنيتك قتليه مشيت شفت صفاء صافي قتليه اجي نتغداو عند بابا اليوم
اسامة: اوكي حبيبة ديري بالك انتعشاو عند دارنا
رهان:وخا كبيدة اشنو درتي فداكشي ديالكم
اسامة : بااقين كنحققو و تدخلات الشرطة الإلكترونية وشفنا كميرات المراقبة و البنك دارو معاهم تحقيق وهاهي غادية المسائل
رهان: انشاء الله ايلقاوهم
تسامة:اشاء الله
:::::::في جهة اخرى:::::::
سيدنا الشرطة تدخلات فالبحث ديال الشركة لي سرقنا
سيدهم😂: روبيو تا دليل ميبقا انا معندي مندير بهاذ شي كامل انا باغي حاجة وحدة رهاااااان
الرجل: انت تآمر سيدنا
سيدهم:يلا غبر من قدامي
=رجعات بيه الذاكرة للور قبل (7سنوات) رهان ممكن نهدرو ؟
شاهين: اووف عاوتاني فاش بغيتي نهدرو فنفس الموضوع ديال كنبغيك و بغيتك انا راه صغيييرة عليك بزااف راه كون تزوجتي كون ولدتي قدي راه 17 العام ديال الفرق بيناتنا واش كتهفم شاهين !!من الاحسن حييدني من بالك
شاهين: علاش كتعدبيني هكذا شنو لي فيا معجبكش شنو؟
رهان:طلق من يدي ااااي دريتيني بعد
شاهين :عقلي عليا مزياااان ارهان انكون واحد النهار انا هو الورقة الكحلة لي غتضلم حياتك ياما ليا ياما الموت
رهان: هههههه انا مخيفاش منك أعلى مافجهدك ديرو
اوا هانتما عرفتو شكون سيدهم نوصف ليكم راسي ولكن متزعط فيا تا وحدة منكم رآه غير على وجه الكاتبة جمانة قبلت وصف راسي مهم انا شاهين العسري عمري 37 سنة طويل 1.95 ملامح سوداء لأقصى درجة مكيرتاحش ليا الخاطر محترف فالحاسوب وها ك ر خطير كندبر اعمال غير شرعية كنختالس الاموال بطرق غير شرعية و بدون اثر مورايا كنعتارف بلي انا سيد من اسياد اله ك ر حيرت البوليس لمدة 5 سنوات ماعرفوش شكون انا الحصول غندوزها عليهم


عبير:وينو شكون جا عندنا
راهان: ههه توحشتيني
علير:اجي اجي عنقيني اخخ شحال توحشتك قطيطتي لباس عليك احح جاك معاك الزواج العفريتة غلاضتي وزيانتي و لا اكل الحلويات هيا لي دارتها 😂
انت:سكتي الله يمسخك شمن حلويات لواه القلا*** صافا با زعما انتي مولات العقل
عبير:اوا خلاص عليا بحال معرفتش شنو قلنا مهم عوديلي اشخبارك
انا: ههه تاتعود ليك صفاء راه فراسها كلشي يلاه نطلعو نتغداو
دعاء:رههههانة رهااااااانة فينكي؟
رهان: انا هنا بب شافت ختها الصغيرة و هي تلاح عليها بتعنيقة كتبوس وتعاود هه وها سيف الدين جا يكمل الباهية
سيف:توحشناك خمووورة
دعاء:اه بصح اختي توحشناك
سيف:فين هو اسامة
انا: ههه اسامة قدك الخايب
سيف:اوا راه خويا كيبغي لعب معايا ماشي بحال الخيبة ديال دعاء
دعاء:انا خايبة بصح حيت دايرة ليك الخاطر
انا: وصافي هانتما ادابزو ليا صافي انا نلعب معاكم
سيف(مقلق) non je veux oussama
انا: وخا حبيبي شوية ايجي تغدا معنا
سيف:ويييييي يوووبي بصح بصح
انا: والله والله😂
دعاء : بب ماما بغاتك طلعي عندها البيت
انا:علاش جات
دعاء: اه اه
عبير:سييييف دعاء اجيو تشوفو شنو خديت ليكم
مشا وعندها كي جريو ناري خوتي طماااعة😂 و انا طالعة فالدوج كنشوف بابا يلاه دخل مع الباب وانا نزل
انا: بابا توحشتك الزين
مصطفى:ههههه الزين مشا ابنتي
بابا: لا لا باقي احبيبي ولو تشرف ودير العكاس اتبقى احلى واحد فعيني
مصطصفى:رهان ممقلقاش مني حيت زوجك بزز منك
انا: (قلبي ضرب بجهد) ا..اا لا ابابا صافي غير انسى عليك داك الموضوع
نصطفى:كيتعامل معاك مزيان اسامة؟
انا:حاطني وسط عينيه😍
مصطفى: الحمد لله ابنتي انا معنديش منك جوج و كنت عارف بلي اسامة هو الولد المناسب ليك
انا: انشاء الله ابابا يلاه رواح تبدل عليك باش ترتاح انا نشوف ماما و نزل باش نتغداو راه طاب
مصطفى:(باس راسها) اك حياتي
رجعت طلعت عند ماما للبيت وكالعادة الطيلي فالودن
انا:هاي مام ميسيو
مام: سويتي مس مس مس بيgميسيو حبي اجي عندي عنقيني
مشيت و انا نعنقها الله توحشتها وخا هكذاك و الله الا بعد المرات كنشم ربحتها فنيفي و خا متكونش حدايا الله يخلي ليكم مواتك البنات قولو امين 🙏
مام:صافا حبيبي اشخبارك ويلي ابنتي غبرتي علينا
انا: و انت عارفة ماما دبا صافي انا مع راجلي
مام: احح عليك العفريتة امم كنشم ريحة الحب هنا
انا: حشمت ههه و حنيت راسي عادي اماما
مام:خليلي انا لي كيحشم


ماما:اوا حبيبتي كلشي مزيان
انا: شوية اماما وصافي
ماما:ناري يا بنتي خلعتيني ياك لباس!!!؟
انا:ماما اسامة....
ماما:😱😱😱😨اويلي اشكتقولي ارهان
انا:هادشي لي طرأ (عاودت ليها غير على سرقة ديال الفلوس اما قضية XOR و المكاملة مقلت تاحاجة
ماما:شوفي ابنتي انت عارفة بلي باباك شريك بات اسامة اذن حنا عائلة وحدة و انا منين يجي نقولها ليه
انا: عارفة اماما يلاه نهبطو نتغداااو راه بابا جا
مام:يلاه غزالتي
هبطنا انا و ماما بحال الا مكاين والو تجمعنا وجات حتى صفاء و عبير وخالتي عائشة حيت حتى هما عائلتنا 2 ها اسامة جاي معطل
طييينطون
عبير:انا نحل
انا:لا لا يكون اسامة انا نحل
عبير:اك
مشيت حليت عليه الباب تسالمنا بلابيز
اسامة:توحشتك الزوهرية ديالي
انا:حتى انا حياتي🙈🙉🙊
دخلنا وحنا قابطين يدين بعضياتنا واليد الاخرى هاز بيها اسامة غاتو بالشوكولة
اسامة: السلام و عليكم
الكل: وعليكم السلام ورحمة
مصطفى: اهلن اسامة ولدي لباس عليك
اسامة: الحمد لله أعمي واحد الدقيقة نغسل يديا ونجي
انا:وخا انا جاية معااااك
اسامة:اجي
مشيت انا وهو الحمام غسل يدو وحنا كنهدرو كلشي عارف بالمشكل باش نعرف نجاوب
انا:اه ولكن دراري الصغار متهدرش قدااامهم
اسامة :اك حياتي
رجعنا الطبلة كلينا من بعد حطات عائشة الحلو ناضو الدراري مع عبير باش يديرو القيلولة صفاء عيطلها مجد ومشات كتهدر معاه عائشة تلهات مع الماعن ماما وبابا وانا واسامة مشينا البيرو
مصطفى:اسامة اي حاااجة بغيتيها اولدي انا هنا مستاااعد نعطيك الفلوس تفك المشكل من بعد تردهم لي
اسامة:اعمي راه الفلوس كااايننين ولكن خاااصنا نعرفو شكون مول الفعلة را دوك الفلوس خرجو بسميتي انا والشرطة الالكترونية منين دارت خدمتها لقاو بلي واحد الهكر محمق البنوك لا فالمغرب ولا مركان منين كي خرجو من السيسطام لي تسرقو منو الفلوس كيلقاو XOR
انا: 😨😨 ميمكنش هذا نفسو لي هددني
انا:اساامة (درت عندو بالعرض البطيئ وتخييلو انتما كيفاش😂) هاذ السمية عيطات ليا الصباح و....(عاااودت ليهم كلشي)
اسامة:عندك التسجيل المكالمات
انا:ا..أ ككفاش لا معنديش
اسامة:تفو على زهر وعلاش مقلتيهاش الصبح
انا:معرفت كنت مخلوعة على صفاء
مانا:تهدنو اجماعة مالكم شعلتو
انا:ماما انا كنت دايخة معرفت كيفاش مقلتهاش
مصطفى:اه اولدي راه بحال هاذ المواقف كييدوخو مهم انا غادي نشوف سي ناظر مدير ديال التصالات المغرب يجيب لينا تسجيل المكالمات غير تهنااااو
انا:واخا بابا
اسامة:يلاه سيادنا خلينا ليكم الراحة
مصطفى:باتو معانا هاذ ليلة
اسامة:مرة اخرى اعمي يلاه نرتاحو شوية الواليد عارض علينا العشاء
انا:مقلتيعاليش
اسامة:اه راه عيط ليا منين كنت فالشريكة عليها
انا:اه اوا بابا ماما انخليييوكم حنى غاديين
ماما:اوا غير الا كان سي حفيظ منهرسولو كلمة
مصطفى:ايييه داكشي لي كايين يلاه سيرو
انا:قولي اماما البنات انا مشيت
ماما:اك بايبي
مشيت انا واسامة لدارنا من بعد مخليت اللوطو ديالي تما حيت راكو عاارفين سلاو الورااق معلينا وصلنا للدار حل الباب
انا:اوووه واخيرا انرتاحو
اسامة:رههااان
انا:(اول مرة انسمعها بديك الطريقة) :نعام
اسامة:لغيت نتخشا وسطك
انا😞 :comment?! Jai pas comprie
اسامة: بغيت نعنقك ونعس وسط منك انا عيااان
انا(نااااري يا البنات منوصفشلكم ملاميحو بحال شي وليد ) مشيت بجرى عنقتو وتعليت عليه مع هو طويلل | 😂 ودفن راسو وسط عنقي وكي زيير عليا بحال الا خايف و انا هي الوطن لي كي تخبا فيه قلبي بدا كي درب بزاااف حتى كان يخرج من بلاصتو وهو هزني (تصدمت) مشا بيا البيت النعاس ديالو(مشي دبا السفالة محبوبتكم من بعد😉😉😂) حطني فوق النموسية وحيد لي الصباط عرفتو شنو دار باس ليا رجلي اووووف بزاااف تصدمت فيه وحيد الصباط ديالو بدل الحوايج فالحمام لبس تيشورط غري وسروال كاغو بيض و كحل وجا نزل على رجلي
اسامة:حياتي؟
انا:وي
اسامة:لعبيلي فشعري كنرتاح
انا: بديت كلعبلو فشعرو ومنها كنديرلو مساج فالعضمات لي تحت الودنين فالقفى ديال الراس حتى سرقو النعاس وحتى انا معاه


في مكان تاني
شاهين: روووبيو اشنو الاخبار
رووبيو: سيدي الشرطة العلمية كتقلب وملقاو حتى دليل ولكن عارفين بلي مجموعتنا هي مولات الفعلة
شاهين: هههه مزيااان خليهم يحماقو الكلاب ورهان؟
رو: اه من بعد ماتغداو ركبات مع داك الحمار ومشاو لدارهم
شاهين: كلب كي ستمتع بيها وهي ديالي انا دبا نوري الكلبة دمو شكون شاهين ولي كي دي لXORالحاجات دياولو
رو: تهدن اسيدي غنجيبها تا عندك
شاهين: روبيو وياااك وياااك طرا ليها شي حاجة نصفيها لمكم كاااملين
رو:(بخلعة) ا..ااسيدي كون هاني من هاذ الناحية
شاهين:يلاه تلاح الوحش ودير خدمتك
رو:اك شاف
:::::::عند اسامة ورهان:::::::
اسامة:فقت لقيت راسي بين يدين حبيبتي وهي ناعععسة كلها معوجة باش نرتاح انا على رجليها بقيت كنشووف فيها (عرفتو اخواتاتي وصلت لقصى درجات الحب مع رهان وليت شخص ااخر اوا تسناو نفيق الشميشة من النعاس) رهااان؟ رهااااااان
انا: هاااه بسم الله الرحمن الرحيم
اسامة:بسم الله عليك خلعتك
انا: كنتكسل) اححح ويلي داني النعاس
اسامة: راكي عيتي احبيبتي
انا:(نضرة حب وثقة) محدك معايا اسامة عمرني نحس بلعيا
اسامة: الله يخليك ليا شميشتي
انا:اممين وليا شحال فالساعة
اسامة: الساعة لله راه 6 دلعشية نوضي دوشي عليك ورتاحي شوية باش نمشي لدارنا
انا:اااه فكرتيني يلاه نوض عليا خليني نمشي لبيتي
اسامة: باقي مهداك الله نتجمعو فبيت واحد بلا بيك كنحس بالضيق والبرد فحين كنكون معاك كنرتاح وكنعس بالزربة بحال شي بيبي
انا:(حشمني الويل) :نفكرو فيهها
اسامة:مافيها تفكير انت ا رهان مراااتي على سنة الله و رسوله
انا: الله مصلي على النبي وخا ابلوة حياتي دبا نجيب حواايجي ونسكنو فبيت وحدة
اسامة(الفرحة اتقتلو) : احح بلاني الله ببنية كتسمع الهدرة وغزالة وحنينة وبرهوشة وراسها قاصح وحلوة وكلشي كلشي اجي لهنا اجي
انا(جرني حتى طخت فوق ناموسية ) باقا المك تبعظي عليا ها؟ اجي لهنا
انا؛ههههههههه لا براكة اسامة بليييييييز هههههههه
اسامة:ا ا اشنو مسمعتكش شنو هههه
انا: ولا صافي ههههه و والله ماباقي نبعد عليك ههه وراه غتقتلني
اسامة: ههههه اووف سخفتيني البرهوشة
انا: ناري قتلتيني ( وانا نهز البووودي لا اراديا على كرشي ) ههههه ناري شوف ظبا مي درتيلي لحمي بقا حمر
اسامة: (اححح تبنجت انا مولف البنات ولكن رهان مكنقاومهاش جسمها مثيييير وسيكسي) منين شافتني هكذاك وهي تفهم راسها وغطات كرشها
انا:(وحنى قرااابين بزاااق من بعضياتنا ونفسو على وجهي)ا..ااانا غنمشي دبا ندوش
اسامة:(قربت منها ولاسقت راسي مع راسها):معرفتش شنو غندير بلى بيك واش عرفتي هاذ النفس لي خارجة مني دبا هي انت
انا:(اححح عليا) : اسامة ان.. انا ك..كنبغيك (بعد عليا شوية) وبقا مكوانسي فعيني
اسامة: رهان
انا:قااااطعتو باكبر بوسة فالعالم ولينا نبوسو بلا عقل تحررنا من كل القيود وصلنا القمة حتى حسيت بالطرح كي حماض وانا نوقفو غير بشوية انا لتحت وهو فوق مني
انا:اسامة؟ (وكي بوسني بكل حنان وحب )
اسامة:(عمري )
انا:كنهدر وسط فمو ( خاصنا نوضو ولا مغنمشييوش للعشاء
اسامة(كيبوسها):

مكرهتش منمشيش ونبقا هنا معاك
انا:(دفعتو شوية ) :عفاك يلاه (مزااادش معايا الهدرة)
اسامة: (نضت من فوقها و انا كلي رغبة نكون معها فعلاقة جنسية احح حنينة ورطبة بزااف تلفات ليا الالي مع الروتور ) نوضي يلاه
انا:واخيرا نضت يلاه انمشي وصلت الباب ومعرفتش كيفاش طار من بلاصتو وخبط الباب بزربة وحبسني بيديه
اسامة:نسيت واحد الحاجة
انا:(بتعجب) شنو هيا
اسامة: (بست عينيها ونييفها وراسها ويديها ) يلاه ظبا سيري
انا:(بقوة الصدمة تلفت وحشمت وتخلط كولشي) ا..ا وخا زدحت الباب و خرجت و انا مخليا قلبي فالبيت معاه وصلت لبيتي وتاتثير السحر باقي فيا او لا هادشي بزاااف عليا واش انبقا حيالتي كاملة فهاذ الحب كامل ههه اووه قصت شفاايفي ناري سخوونين احح اسامة اسامة اشنو درتيلي (منكدبش عليكم راه كنت انحمااق وسيييغتو اول مرة انجرب الحب والشهدة ديالو) مهم دخلت دوشت مزيااان وقديت المسائيل توضيت خرجت صليت وطلقت موسيقى DESPACITO وبقيت كنقلب فالماريو و انا كنغني معاها جبدت جليليبة فالبيج والغرونا فنة جاتني فشوار ديال عرسي من تصميم ماما وخديت صبيبيط دومي طالون غرونا وصاك نفس اللون بعد ما نشفت شعري من الماء وجمعتو نص جمعة بقراصة و درت زويهكات وخاتم زواج وساععتي ورشيت من J ADORE وخرجت اوا ارى تفو مولاي السلطان كي جا
مشا اسيادنا للحلاق و درب الجناب وتهلا فالحية معشوووقة الفتيات جا للدار دوش توضى صلا وغسل النينات ولبس سروال بيض وتيشورط فالزرق مغلووق و بلغينا نفس اللون ودار عطر SAUVAJE ومغانة فيديه وسوارت (اوا راه منقوليكمش مع طويل اربي😂الحبيب شي حاجة بزززاااف) <<<<نااااس لي سيليباطييييير يسمحووولي عااارفة عندكم الجفااف العاطفي>>>
(شافني بدا كي صفر) واو واو واو واش هادشي كامل عندي انا فالدار
انا:هههه اسامة بركة
اسامة: زووهرية ديالي الباسلة الشريرة انحمااق انا الا بقيتي هكذا
انا:لا منهنا 30 عام منبقاش هكذا و انشرف و انولي خايبة 😂
اسامة:**عنقتي وزير على ضلوعي** انبقا نبغيك لاخر نفس ايطلع مني
انا: (اثر فيا لحمي شوك) حتى انا حنوني
اسامة:اخخ يلاه مشينا
انا:على بركة الله شدينا فيدين بعضياتنا ونزلنا للغراج هز المرسيديس تحل الغراج اطوماتيك لقينا الرجال لي حااضين الدار وصااهم باش يردو البال و انطلقنا مع 8:30 لدارهم
من بعد موصلنا حلات علينا الخدامة
الخدامة: مرحبا بيكم نورتونا
بجوج:الله يبارك فيك
زدنا شوية وطلقات لينا مامات اسامة بالحليب و التمر حيت كانت هادي اول مجية بعد العرس لعندهم ولقيت النقااشة كاتسااايني (التقاليد المغربية ) شربونا الحليب و التمر و عليا خت اسامة كتزغرت و الخدامات و بابات اسانة وشادي عجبهوم الحال مهم نقشو ليا نقش غزاااال وبقات شوية و حيداتو ليا بواحد البوغودوي مي خلي الحناء عاااطية وهي من داك النوع لي هائل للحنة الكحلة جاتني فنة مع كنت صابغة بالحمر ظفاري منقوليكومش اسامة لي غسل ليا يديا منها مشللهم ليا بالناء ديال الزهر و انا غير كنشوف فيه نشفهم ليا بالفوطا وحط ليا لوييزة كبيرة ديال الذهب فيدي وباسهم ليا (اه البنات اسامة بلديييييي كي موووت على الحنة ماشي بحال كيليميني ديال دبا لي كيقولو البنات يييع مكنحملش الحناء وتا نووووض وهو امو عمرها كامل وهي طلس فالحناني و يجي يبدا يطلقها عليكم😂😂😂😂😂)معلينا
انا:(بتعجب)
هو:باس راسي هاذي منين نزوجو بنييتنا انعطييوهاليها كما انا عطيتها لماماها
انا:(عيني وقفات فيهم الدمعة)
اسامة: ويلي ويلي وياااك تبكي اتخسري لي المكياج
انا:اههه على شكون عاملو انا و لا انت
هو: الحمد لله ضحكتي اوا يلاه نتعشاو زوهريتي
انا:يلاه (على فكرة بنات هو لي مسح دموعي) تعشينا كلينا فالول مقبيلات من بعد تحط بلا من افخر انواع الحوت ولي سلاد باردين وسخونين وكملناها بتحلية باااردة
شادي اصلن مشي فهاذ العالم ومكيعرف حتى العربية مقااادة كتزرب عليه فالهدرة كي بق حال فمو (ا ا ان KOI?? ) كي الضبع 😁😁😂😃😄 هههه يسمعني يوري لحسي بقينا مجمعين انا و عليا واسامة و باباه و ماماه مشاو لبيرو كي هضرو فالمشكل لفلوس لي تسرقو
 عليا جتها مكالمة وناضت كتهضر بقيت شي تلت ساعة و انا غير بوحدي كنبقشش فطيلي و انا نوض للجردة كنتمشى حتى باليا اسامة كيهضر مع عائلتو شوية حنا راسو ودار يظيه على حنكو وكيسمع لباباه عجبني بزاااف فتهم و كملت لمشي ديالي ودرت دورة على البيسين وغلست فكرسي كتشم الهواء النقي مع الشجر و الما و السنا صافية فيها غير النجيمات ونص القمر وبقبت كنتشوووف فالدتيا وحلاوتها حتى ج اسامة من اللور وحاوطني بيديه وحط يدو على يديا
هو:حبيبتي نتحركو بحالنا
انا: مكرهتش عييت بزاااف اليوم


هو: يلاه قبضت يديها ونضنا ودعنا لي فدار وشكرنا ماماه على لي دارت معايا ونزلنا ركبنا متوجهين لدارنا وحنا فطريق ...
:::::::في جهة اخرى:::::::
شاهين:رووبيو حطو اشارة حمرة فديك الطريق وزةمي كميرات الشارع على وجه رهان
رو:اك
شاهين:اخخخ الحب مبقا الا 12 دقيقة و تكوني عندي
روبيو طلق الضو يدوزو و المحطة التانية كتنفدو العملية
رو:كون هاني كولشي تحت السيطرة
شاهين : دبا عاد انقوليكم علاش انا منكحملش اسامة (قبل4) وانا غادي لواحد الشركة لي هي فالاساس الشركة ديال بابت اسامة حطيت السيفي ديالي تما باش نخدم كمراقب الاموال ديال الشركة والحسابات دهلت فصباح الاتنين من بعد معيطولي و انا منت خايب كان فيا الحبوب فوجهي و شعري خايب و كنت غليض رغم الطول و لكن كلشي كان فيا مزوينش و هذا كان سبب من الاسباب لي خلا رهان تبعد عليا منين دخلت بداو الموضفين مي ستهزؤا بيا بحكم انها من اكبر الشركات فالمغرب وليها مكانة فالسوق و العمال ديالها معروفين بالانضباط و الصرامة والرقي الاجتماعي جيتهم انا بحال شي شمكار من الزنقة و انا اكبر دماغ فالحولسب وكنتعرف فالائحة السوداك للانترنيت 1 هاكر ولي حطيتها فبالي انديها معلينا دخلت يلاه ايدير معايا المكلف بالمقابلات الخدمة وهو يدخل اسامة كان باقي صغير ومتهور
اسامة:علاء بحال هاذ النمادج شكيديرو هنا
سي علاء: هذا الشاب لي متخصص فمراقبة الحواسب ديال الشركة من الفيروسات حتى مراقبة الحسابات
اسامة:(بصدمة شوية بدى كي ضحك) ههههههههههه بهههههه هذا هههههه هذا غيدير هادشي كامل
شاهبن:اه اسيدي
اسامة: هههههه وكتهدر مسحابليش
شاهين:شنو لي كي ضحك
اسامة: سمع غتهز وراقيك و برى عليا من الشركة ديالي
شاهين: اهاه وخا سيدي
اسامة:براااا عليا
)المهم هنتما عرفتو علاش شاهين حاقد*نرجعو فين كنا
هاهما وصلو ابطالنا فين غتبدل حياتهم
انا:اوووف اسامة قلبي ضرب بجهد
اسامة :او بسم الله عليك اشنو طرى
انا:معرفتش والله
اسامة:بلاتي بلاتي هاهو حانوت هنا ناخد ليك قرعة ديال الماء
مع النزلة لي غينزل هجمو عليه ملتمين دربوه للراس جاو 3 ديال رجال هبطوني صحة و انا كنغوت ربي لي خلقني وااالو وكنعيط اسامة اسامة والو مسمعني حتى واحد


مسمعني حتى شي واحد بديت كنتركل و نقمشش وهو يخنقني واحد بفوطا معرفتش اشنو فيها حتى فقدت الادراك و مبقيت حسيت براسي بعد 10ساعات فقت وانا كلي مقصحة حتى كلقى راسي مربطة بالمينوط وحوايجي مبدلين سروال تجين وتشورط بيضة وفيدي الاخرى كاينة كرميطة ديال الدهب وفيها سميتي بديت كنتركل و كنغوت اساااااااااامة اسااااااامة حلو شكووووون هنا هئ هئ وااااحلوووووووو
ووو الببااااااااب وكنغوت ربي لي خلقني اساامة والو وتقول كو كانو الحيوط يهدرو كون قالو سكتينا صدعتينا تبح ليا الصوت و مبقا ليا جهد فين نغوت حتى سخفت على خاطري حسيت بشي حد من بعد جا هزني و لكن غيبت من الدنيا
::::::عند اسامة:::::
ملي فقت ملقيتش رهان ولقيت راسي وسط الطوموبيل فواحد الخلا معنظي تلفون لا بزطام الروايض ديال اللوطو مطرطقين و ديك الطريق 3سوايع و انا كنتسنى و حتى واحد مدااااز و بقبت غادي مغاااامر وسطها لعلا وعسى يعتقني شي حد و رجع طريق كاملة و انا كنغوت كلاب حميييير رهااااااااااااا
اااااااااااان وصدى الصوت كي رجع يتكرر بين الجبال و الويدان والشجر مشيت مسافات طويييلة حتى تقدا جهدي على خاطرو و جاني العطش للحضة طحت فاقد الوعي
:::::::عن رهاااان::::::
بديت كنرد شوية راسي لبلاصتو و كنستعقل
فيني انا حتى كلقى راسي وسط بيت كبير بزاااف و الاتات ديالو فااخر ولكن مربطونيش ولقيت حدايا صنية فيها الماكلة طحت عميا فيها و شربت الماء ونضت كنرعرع وكنسب وكنضرب فالباب بقيت حتى تقضا جهدي على خاااااطر خاااطرو وغلست الارض و عرفت بلي هاذ الطريقة مغتسلكنيش باش نعرف معامن انا وشنو بغاااو مني وبقيت كنقلب فداك البيت على شي حاااجة حتى كنطيح فكامرا و درت كورسي و طلعت و بقيت كندير اشارات باش يجيو عندي ساعة وااالو و اتا نهز داك الكرسي و انا نضرب ديك الكميرا حتى تفرشخات و غلست بديت كنقرى فالقران ماهي الا دقائق حتى كنسمع خطوات جايا اتجاهي مخفتش وبقيت شادة فراسي غير تحل الباب و انا نهجم وبديت كنضرب و كنعض بكل مآتاني الله من قوة و دوك الرجال غير كي شاديني حتى جا واحد خايب السيفة كلو وشااام وزواهك
روبيو:طلقوها
انا:غير طلقوني وانا نهجم عليه كنبغي نضرب حتى كي شدني من يدي وكيزدحني مع الحيط
رو:تهدني ولا مغيعجبك حال
شاهين منين شافو خبطها مع الحيط وهو يهدر معاه و كتوصلو الهدرة فالاباراي لي فودنية
شاهين:هداك الزا** اخر مرة تخبطها بدبك الطريقة ولا نطحن مك الكلب
روبيو سمع ديك الهدرة وهو يطلق منها بالزربة بحال الا تبرمج
رو:سمحيلي لالة ولكن خاصك تصرفي مزيان
انا:شكون نتوما وشنو بغيتو مني شنوووووو (كنغوت ) فين اسااامة فيين هو اساااااامة عرفتي الا بابا ساق الخبار غيندمكم واحد واحد
رو:هعههه سكتي شوية وزيدي معايا
انا:لاء مغنزيييدش طلق مني هنا غنبقا
رو:هههه سمعتي الديب شقالت (الذئب واحد من الرجال ) هههه
رو:وخا اذن غاتجي صحة ...(هزها جيبها)
انا: وطلق طلق مني والحيوان و الزا**طلق مني الكلب اساااااااااامة بابا هئ هئ وطلقو مني هئ هئ😭
شاهين:روبيو جيبها سربي متخليهاش تبكي
رو:الذئب سربي
وصلو اللوطو من بعد مكانو رجال ملتمين اخرين طلعوني وغلسو جوج حيوط(رجال) زيروني وسطهم
نطلقت اللوطو وكنشوف بلي هادي ماشي المغرب اويلي في انا اويييلي وانا نتلاح على لي سايق كنتف فيه ودوك جوج كي جرو فيا فين انا الكلاب في انا واااااااااااااا
ااااااو عتقو الروووووح
هذاك لي حداية: شووووووو
انا:يسكت لمك الحس سير التق**
رو:رهااان سكتي شوية راه طلعتي فراسي ولولا الاوامر لي معطيا لينا كون قتلناك شحال هاذي سكككككتي (بالغوات) خلعني ولكن متهزيتش
انا:فين حنى
روبيو: هههههه الذيب في حنى
الذئب :(صوتو غليض ) رووسيا الشاف
انا:حليت فمي 290درجة كفااااااااااااا
ااااااااش !!؟!؟!؟؟!؟!؟! روسيا
اويلي اويلي اويلي ماااااااااااااا
مااااا هئ هئ هئ لا لا مستحيل شنو بغيتو مني بعدو عليا لا هئ هئ ماما
عند اسامة
فقت على صوت واحد السراح عند
و الحوالة كي هضر بالشلحة مفهمت منو وااالو حاولت نتواصل معاه باللغة و لكن مكيعرفش للعربية وطريت نبدى نشرح ليه بالاشارات المهم داني لدارو نقولو ماشي دار راه تصدمت شي حاجة قليلة بزاااف وحداها كوري و تجاج كي جري لقينا مرأة و بنت كيطيبو الخبز فالفران ديال الطين هداك البلدي والبنت كترمي للتجاج حبات الذرة بداو كي هدرو بالشلحة وانا كي الحمار بيناتهم المهم فهمت بلي قال للمرأة ديالو توجد الحمام باش ندوش داتني وجدات ليا دهوش دوشت بصابون الحجرة وخلات ليا فوطة على الباب لي كلو مخرب وكي دير اصوات مزعجة خرجت لقيت حوايج كيتضمنو سروال واسع وضراعية من الغوق حوايجي الموسخين معرفتش فين مشاو لبست وخرجت
الرجل(بالشارة) اجي تكل راه وجدنا ليك الماكلة
انا:وخا خرجنا لورا الدار كاين جريدة صغيورة وفيها حصيرة وطابلة والفطور بلدي 100% الزيت والزبدة البلدية الزيتون الخبز سخوون واتاي
انا:طحت عما كناكل وكنقول شي مكليت 2 خبزات وبراد داتاي غير بووحدي وهدوك الناس غير كي شوفو فيا
انا:الحمد لله الله يخلف عليكم
الرجل:بصحة
انا:(بالشارة) فين حنا اشمن منطقة هادي
الرجل: انت فالاطلس الكبير
انا(مصدوم) او 😨😲
الرجل:اه اولدي انت فواحد القرية منسية سكان ديالها قلااالين بزاااف معندناش الضوء و الماء خاصنا نمشيو مساافة باش نجيبوه و الماء لي كان عندنا دوشتي بيه وخصنا نمشي نجيبوه
انا:سمحو ليا بزااااااااف انا مكنتش عارف هادشي و الله
الرجل:لا اولدي انت ضيف الله خصنا نفرحو بيك منين جيتي
انا:جيت من الرباط العاصمة كتعرفوها
الرجل:لا لا فين جات عمرنا سمعنا بيها
انا(تصدمت فالحقيقة اخوتي كايينين فالمغرب بحال هاد القرى المنسية لي موصلاهم حتى حاجة ديال الحضارة و باقين كي عيشو بحال الانسان القديم او البدائي لا ضوء لا ماء ولا بغاوه خاصهم يدربو مسافات طوااال باش يجبوه لا واد الحار لا حتى حاجة غير عاييشين لا مدخول شهري لا سبيطارات لا مدارس تحاجة منهم لي خلقهم وهو لي مكلف بيهم وهذا سبابو غياب المراقبة و المسؤولين الكبار كي فكرو غير فراسهم واكلين حقوق بحال هاذ الناس وهاذ رسالة كنبغي نوصلها لكل واحد كي قرأ راه ضروفهم صعيييبة الله يحسن العوان وحمدو الله على حالكم) معلينا مشينا راكبين على الحمير و ضربنا مسااافة باش نجيبو الماء من البيار وجينا محملين حتى وصلنا لقينا الغداء تغدينا و بقيت كنفكر كيفاش اربي انخرج من هادشي فين مشات رهان و شكون ضربني لا مستحيل بديت كنربط الافكار مع بعضها حتى طاح فبالي لي سرقة الفلوس هما لي خطفوني و خطفو رهان و نضت قافز كنطلب من داك الراجل اقرب بلاصة للمدينة مفهمنيش فالاول ولكن فالتالي بديت كنفسر ليه بشوية
الرجل:اقرب بلاصة اولدي هي واحد القرية بحال هاذي و كتبعد علينا حنا ب 80كلم
انا:هااااه😨😲 بزااااااااف
الرجل:هاذشي لي كاين اولدي
انا:والا بغيت نمشي كفاش
الرجل :غتسنى حتى يجي السوق السبت وكي جيو الكميوات ديال البقر و تمشي فيه
انا:اه صافي بقيت كنتضار السبت حتى يجي و كان اليوم الاربعاء وهاهيا الايام كدوز و انا كنعاون الرجل حشوومة نبقا غير غالس و النار كتاكل عقلي وقلبي رهان فينك وليديا خوتي واش كي قلبو علينا البوليس اههه يا رب شهاد القدر فلحنا الارض و سيقنا الكوري وعاد جينا نتغداو جاء اليوم الموعود (السبت) ولكن تحطمات احلامي مجاوش صحاب السبت و تعصبت و مشيت الخلا و بقيت كنغوت كنغوت حتى فشيت داكشي كامل عاد رجعت و الناس كي تحصرو على حالي وبقيت كنتسنى سيمانة اخرى
:::::عند رهان؛::::::
دازت سمانة و انا فروسيا حتى حد مساق ليا الخبار فدار كبيرة فيها غير انا والرجال لي كي دخلو ليا الماكلة حتى ظاك الوشم معاودت شفتو
عائلة رهان و اسامة و الشرطة
الشرطة :مخلينا اسيادنا فين قلبنا غير ليهم الاثر في ضروف غامضة
حفيضة:هئ هئ بنتي بغيت بنتي و مصطفى كي سكت فيها تهدني تهدني
باه اسامة: لا اله الا الله فين ايكونو مشاو
مصطفى:اخخخ ولقا لي خطفهم
الشرطة:سي مصطفى اخر مكاين ايكون فالعلم ديالكم وياكم تدخلو هادشي خدمتنا حنى
مصطفى :كون هاني سيادة الظابط

الدنيا كاملة مقلوبة على شأنا ومع ذلك حتى واحد معارف فين حنى واش عايشين ولا مييتين كل نهار كنضرب فالباب و كنغوت كل نهار كنهرس داكشي لي فالبيت مل نهار حتى فقدت الانل مبقيتش كناكل وليت غير جالسة ومصدوومة ااااه فينك اسامة اشنو كدير ياااكما قتلوك وشكون هاذو بديت كنتذكر شكون لي ممكن يكون عندو معايا حسيفة ولكن انا انسانة مسالمة مكنجبد حتى واحد و معنديش اعداء الله يارب تنزل علينا الرحمة ديالك يا رب وانا بين افكاااري حتى كنسمع صوت الرجال جاييين متحركتش اصلا فينو الجهد باش نضرب والو
شاهين:حل الباب
الرجل:نعام سيدي
تحل الباب ودخل شاب زوين يكون فنصف عقدو الثالث ومعاه الروبيو و الذئب هادو ي تعودت عليهم طيلة هاذ المدة
شاهين:(جالس فطرف السرير) رهان
انا:(دورت عيني ليه بدون ملامح)
شاهين: علاش مبقيتيش كتاكلي
انا:(الصمت)
شاهين:جاوبني بفيتي تموتي
انا:(جمعت واحد الدفلة حشاكم حتى جمعتها ففني و انا نسييفطها لبوه وسط وجهو)تفووو
شاهين(كيمسحها ومعجبوش الحال) :روبيو كلشي يخرج
شاهين: انا شاهين عقلتي عليا
انا:شاهين؟
شاهين:اه شاهين الولد لي قرا معاك ومكنتيش بغاااه انا هو لي ....
انا:تصدمت رجعات بيا الذاكرة اه بصح هذا هو نفس الملامح تبدل غير الشكل وانا نوض ليه حماااار حيواااان تفو عليك كنكرهك شنو درتليك علاش بقيتي حاطني فراسك
شاهين:رهان تهدني ره..ان
انا:طهز يدو حتى هزها وهو يعطيني واحد التصرفيقة وقيلة سميتي مبقيت عقات عليها رماني فوق النموسية وجا فوقي شدني من عنقي
شاهين: سمعي مزياان انا الا كنت كنبغيك ماشي هي اتركبي على ضهري بحال الشماتة لي مزوجا بيه سمعتي انا نقتلك طراااف طراااف ونلوحك الكلاب و منحش فيك عند بالك انا هو داك لي كان تابعك فالتانوية انا جلااااااادك والا متقادتيش غادي نقااادك سمعتتتتتتي😠
انا:كنكرهك وبزااااف عليك اسااامة انت هو الشماتة
ناض من فوقي و خرج زدخ الباب وتبعتو كنهرس فالباب مكتسوااااش حيواااان
:::::::عند اسامة::::::::
الاسبوع كامل و انا خدااام مع السيد كنتسنى السبت يجي كنعاونو فكلشي لدرجة فكيت عليه بزاااف ديال الامور و فكيت بنتو من واحد الربااعة ديال الشماكرية كانو ايتكرفصو عليها داازت عليا كل ثانية كنطلع فيها الهواء كنتحرق على حبيبتي لي معرفتش واش حية ولا ميتة
اليوم الجمعة غدا غنمشي من هنا كنحس بالفرحة توضيت صليت العشاء و نعست الغد جات الام كتفيقني
الام:نوض اولدي نوض الكاميو جا (بالاشارة)
انا:نضت مخلوع
الام:ولدي هاهما حوايجك لي جيتي بيهم مصبنين نقيين
انا:بست ليها راسها وشكرتهم كاااملين و وعادتهم بلي غارجع نعاونهم ملي نرجع لداارنا ركبت من بعد مخلص عليا *با رحال* بلاصة فالكاميو و مشيت و اتا كلي فرحة حيت الكاميو واصل حتى المدينة
بقينا مسااااافة بعد توقفو فبززاف ديال القرى و اهيرا وصلنا المدينة (ترميلات) الحمد لله يا ربي كنقلب جيابي اووه يا رب الفلوس 30الف ريال (شكرا با رحال عمرني نسا خيرك وفضلك عليا) بقيت كنسول حتى وصلت المحطة ديال الكيران الحمد لله هنا الناس كيعرفو العربية هدرت مع واحد الشيفور قال بلي مكيوصلش تال الرباط خاصني طاكسيات الخميسات لي دييوني لتما مشيت كنسول عليهم ولقيت واحد خلصتو كورسة و جابني (بعد 5ساعات )
السائق:ولدي على السلامة
انا: الله يسلمك و شكرا بزاااااف لهلا يخطيك
السائق :الله معاك
انا:لا اله الا الله
محمد رسول الله
واخيرا وصلت الله على هواء الرباط خديت طاكسي والى *حي الرياض* مكان السكنة ديالنا خلصت و هبطت ها انا قدام دارنا كيفاش غتكون ردت الفعل ديال وليديا واش عافريني حي اولا ميت يارب تعاوني واش رهان هنا ولا فمكان اخر اووف ال مرة قلبي كي ضرب بجهد صونيت وها الباب التحل الخدااامة تصدمات شوية وتخرج علية اختي بديت كنعنق فيها و نعاود وهي بدات كتبكي وكتغوت هبطات ماما نفس الحاجة وعاد عيطت الواليد جا من الشركة طحت عليه و بديت كنبوس يدسه
الاب:ولدي فين كنتي عينا منقلبو عليك
انا: الوليدد قصة طوييلة (عاودتليهم اشتو طرى ومنتصدم بلي رهان مخطوفة وشي حد رماني فداك القنت المنسي )
الاب: و الشرطة دبا دايرة خدمتها خاصنا نتاصلو بيهم ونقولو ليهم بلي انت رجعتي وكيما قال الاب ديالي تعصبت ملي عرفت بلي نور عيني و كبيدتي مخطوفة ولكن حاولت نتمالك اعصابي حيت مغينفعني التهراس و التشخشيخ بوالو سيغتو هيا 2 سيمانات غابر ليها الاثر

رهان فيقي
انا:شنو بغيتي الروبيو خليني عليك
رو: شاهين سيدي بغاك
انا:كنشوف فالكامرة بغاني هو لي يجي عندي
شاهين: الروبيو انا جاي
رو:اك سيدي
(ها سيدي شاهين جا اوا يلاه )😂
انا:شاهين براكة عليا خليني نمشي بحالي
شاهين:ههههههه دخول الحمام بحال خروجو
انا:مكتسواش حيواااان
شاهين: غادي تكوني انت هي الضربة القاضية لاسامة و عائلتو و عائلتك انتما هنتوني و لكن معرفتوش معامن كتلعبو (ضحكت خبث*) انا كنبغيك ارهان واش عرفتي كنموت عليك غير كوني ديالي و مغيتنقصك حتى حاجة
انا: انت مرييض
شاهين:ههعهه انت لي مرضتيني انت سبابي ودبا غتشوفي وجهي الحقيقي
شاهين:رووووبيو جيبو ليا داك الكلب لهنا
روب:حاضر سيدي غدا يكون عندك
شاهين:ههههه اوا هانتي اتشوفي حبيبك وحلالك م
كيموت قداامك غدا نجبو ليك توانسي بيه
انا:لا لااااااا اسامة خط حمر الحيواااان
شاهين:هههههه كتبغيه لهاذ الدرجة و انا ؟
انا:انت نكرة حتااالة
شاهين:غادي تندمي على هادشي
انا:😭😭😭😭😭
::::::المغرب:::

:: 23:45 ليلا🌘
اسامة فالجردة غالس كي كمي وميفكر فين مشات رهان حتى كيسمع صوت الحارس الليلي ديال القصر ديالهم سيدي اسامة صاحبك مجد بغااك
اسامة: قوليه يدخل
الحارس: (كيتفتف ) لا لا قال بلي مزروب
اسامة:اك انا جاي مع يلا خرج لقا الحارس حاطين على راسو السلاح وهو يتحط على راسو حتى هو
رو:دور عندي نفرgع لمك راسك (طق) ضرب ليه برا فعنقو طاح فاقد الاحساس
بعد 15ساعة (((((((روسيا)))
)))
اسامة بدا كي حل عينيه فواحد البيت مربوط بالمينوط
اسامة: اعععععع 😠😠 حلو شكون نتوما الكلاب
رهان: مع كانت ناعسة كتسمع صوت شي حد كي غوت (ميمكنش هاذا اسامة صوتو والله حتى هو حبيبي ) اسااااااااااامة
اساااامة
اسامة(اتا صاااعر حتى كنسمع صوت بنت كتعيط حبس😨هاذي رهان ) رهان حبيبتي كتسمعيني
رهان:هئ هئ هئ اسامة عفاك خرجني من هنا بليييز هئ هى
اسامة : (من ورا الحيط الفاصل بين الغرفتين) تهدني حياتي غير تهدني غادي نخرجك
و اذا بيها لقطة سماع خطوات الاشرار قادمة
الروبيو : vay vay vay الحبان عندنا هنا ههههه بقيتو فيا الذئب جيبهوم ليا
انطلقو 4ديال الرجال جابو اسامة حيت صحيح و الروبيو جر رهان و داوهم لواااحد ديبو خاوي وتما طلقاو الابطال ديالنا وها مربطينهم الا ان الحب لي بينهم قوي كثر من الحبال
اسامة: رهان شوفي فيا شوووفي فيا دارو ليك شي حاجة
رهان :لا اهئ اهئ لا و انت
اسامة : حتى انا
:سكتي من البكا وقوليلي فين حنا ؟
انا:ح..ححنى فر ر..روسيا
اسامة(بصدمة) ككفاش روسيا كفاش قدر يهربونا فالطيارة
انا: اه حيت الطيارة خاصة
اسامة: كلاااااااااب غادي نقتلكم غادي نقتلكم
شاهين: مرحبا بسي اسامة😈
اسامة:شكون انت
شاهين:ههههه سمعتي أن روبيو
رو:هههه شكون انت ههههه
اسامة:طلق مرتي و حسابك سليه معايا
شاهين:هههه بصح وخا سيدي واش من نييتك أولد العبد
اسامة:حبس انا كنعرفك انت هو...
شاهين:ههههه برافو عليك انا هو هذاك لي جريتي عليه بحال الكلب من الشركة دياك وزدتي كملتيها خطفتي ليه قلب حبيبتو اه انا هو..شاهين
اسامة:انت مرييض
شاهين: المرض هو لي غادي تشوف دبا
روبيو علم صحابنا تسحب مليار من الشركة ديال العماري
رهان:كفاش لا لا غادي تدخل الشركة فالافلاس لا
اسامة:خودها كاملة الحيوان ولكن انا هو لي انجبد رووحك
شاهين:(ضربة قوية فوجه اسامة) انا لي فنقطة القوة و انا لي كنهدد ماشي انت الز***
رهان:هئ هئ شاهين عفاك مضربوش عفاك
شاهين:وييينو حياتي بقا فيك (كي قيص وجها و كيشوف فيها باعجاب) قطع البودي حتى بانو السوتيانات
اسامة:لااااااا الكلب لااااااا ااااااع غادي نقتلك
شاهين:ههههههه احح على لحيمة عندها شحال رطبة اووه كفاش كنت كتقدر تمالك راسك قدامها فالدار
اسامة: شرفي الكلب هذيك 😠
شاهين:اوا هانت اتشوف شرفك كي تكل حداك اممم شحال بنينة
رهان:كنبكي حتى دخلت فصدمة كنقول على فمي غير اسامة
اسامة: عففاااك متأذيهاش😢
شاهين:هههه اشنو قلتي ..هههه زيد رغم شوية مربا نحن فيك
اسامة :(تفو ) جات فوجه شاهين
شاهين: (حيد لافيست تنا القاميجة وهو يشد اسامة نفض ليه الباش بمعنى هرسو كامل ) ههه البنات ميبقاش فيكم الحال راه اسامة سبع غير مربووط😂😂😂😂
مهم وكلها ليه حتى شبع حل فمك( حط ليه سلاح وسط منو)
شاهين:هههه شنو دبا فين هدرتك هههه ولا لسانك كلاه الفار (بصدمة) شنو هادشي
اسامة:بصخفة) جات نهايتك
شاهين (بخوف) تحركو منها هذا فخ داير جهاز تتبع فسنانو
(((((((((((فلاش

بااااااك))))))))))))))))))
من بعد مرجع اسامة للرباط جاو لبوليس باش يحققو معاه وياخدو الاقوال ديالو من هنا جات فكرة يحط جهاز مراقبة داخل الضرس ديال اسامة عبارة على GPS وكيف سجل كل الهدرة لي تقالت حدى حامل هاذ الجهاز(هاذي راه بصح البنات كتكون صغيييرة بزااف كيستعملوها المخابرات لي كيتزرعو وسط المافيا لي تفرج فواذ الذئاب ايكون شافها)ماعلينا تما تركبات وهكذا اتكون نهاية شاهين حتى فريق العاكرز لي معاه تعطات التعليمات لجميع المتعاونين مع الشركة انهم يسدو الحسابات باش ميختارقوش النظام (هذا اكيد دور الشرطة العلمية) وهكذا مغتنجحش سحب ديال الفلوس الا متهكاش السيسطام
((((((((عدنا ))))))))😂
الشرطة الروسية بتعاون مع الاستخبارات المغربية حاوطات المكان
الشرطة:حتى واحد ميتحرك منهنا البوليس
شاهين:كلاب
العقيد امين: شاهين انت و رجال رهن الاعتقال نزل السلاح
الرو:سمح ليا الشاف ميمكليش نعيش ما تبقا فالحبس تررااااخ (قتل راسو) ها واحد تهنينة منو
الشرطة الروسية (نزل سلاحك ) شدو غاع رجالو و بقا غير هو
شاهين:رهان سمحيليا انا كنبغيك (حط سلاح على راسو)
رواسا:نزل السلاح من يديك
شاهين:ههههه 😏😎 باي (طق ) و انتهينا😂 هههههه
بعد 5 شهور
صفاء سربي ارهان راه قراب يوصلو
انا: اك اك هاني جاية هاكي
عبير:😭😭😭😭انا خايفة
رهان و صفاء:ههههههه وسكتي الهبيلة واش كاين شي حد كب بكي نهار عرسو
عبير:انا😢
هههههههه داز العرس بكل ما تحمل كلمة زفاف من معنى بطبيعة الحال بابا لي كان الممول الرسمي ليه مخلاش خالتي عائشة تحط الدرهم صفاء ومجد تخطبو و قررو بعد 8 شهور العرس اوا انا 😂😂 انا وغزالي اسامة هاحنا كنوجدو راسنا باش نمشيو الجمهورية الدومينكان اندوزو 7شهور عسل على مقال اسامة😂😂😂 الهبيل (يسمعني يجي ليا) من بعد مرجعنا من روسيا دخل شهرين لسبيطار وتشافا من الهرس ديال كتفو وانا فقت من الصدمة بعد متهنيت من اكبر مشكل كان فحياتي 🙏 وها أنا فالطيارة 🌏 الى الوجهة 🌇كانت اول ليلة مع اسامة حسيت بلي متالكت الدنيا و انا فحضنو كان حنين معايا فقبولاتو الساخنة فلماساتو ليا كنت كنحس بالحب الحقيقي(نصيحتي البنات عمركم ترفض شي حاجة ماباغينهاش صبرو وصليو الاستخارة وربي كيفتحها إلا كان خير كي تقدم والا كان شر كيتوخر <وعسى أن تكره شيئا وهو خير لكم> شكرت بابا فسري لي زوجني بيه صحة من بعد مشكرت الله جل جلاله ونعست فاحضان حلالي مستعدة نبدا حياة زوجية كاملة ونكون اخت صديقة حبيبة زوجة صالحة أم ونفني حياتي وعمري لنصفي الثاني وليداتي
اسامة:حبيبة شنو فقتي ديري
انا:كنكتب قربت نسالي .. آآآي اسامة اوووف ولدك ركلني
اسامة:اكككيد ماهو بني😁 غير صبري احبيبة
انا:عارفة و انا صاابرة حيت هاذ الشبيل من هاذ الاسد
اسامة:كنبغيييك اجي ترتاحي
انا:اك كبيدة انكتب غير النهاية

اجي قبل ماتمشي قولينا كيجاتك القصصة

تعليقات

🟢 عيد مبارك سعيد عليك و كل عام وانت بخير ❤